📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
6.62 𑌯𑍁𑌦𑍍𑌧𑌕𑌾𑌣𑍍𑌡 - 𑌦𑍍𑌵𑌿𑌷𑌷𑍍𑌟𑌿𑌤𑌮 𑌸𑌰𑍍𑌗𑌃
6.62 Yuddhakanda - Dvishashtitama Sargah
Valmiki Grantha
𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌯𑍁𑌦𑍍𑌧𑌕𑌾𑌣𑍍𑌡𑌮𑍍 ।
𑌅𑌥 𑌦𑍍𑌵𑌿𑌷𑌷𑍍𑌟𑌿𑌤𑌮𑌸𑍍𑌸𑌰𑍍𑌗𑌃 ।
𑌸 𑌤𑍁𑌰𑌾𑌕𑍍𑌷𑌸𑌶𑌾𑌰𑍍𑌦𑍂𑌲𑍋𑌨𑌿𑌦𑍍𑌰𑌾𑌮𑌦𑌸𑌮𑌾𑌕𑍁𑌲𑌃 ।
𑌰𑌾𑌜𑌮𑌾𑌰𑍍𑌗𑌂𑌶𑍍𑌰𑌿𑌯𑌾𑌜𑍁𑌷𑍍𑌟𑌂𑌯𑌯𑍗𑌵𑌿𑌪𑍁𑌲𑌵𑌿𑌕𑍍𑌰𑌮𑌃 ॥ 1 ॥
𑌰𑌾𑌕𑍍𑌷𑌸𑌾𑌨𑌾𑌂𑌸𑌹𑌸𑍍𑌰𑍈𑌶𑍍𑌚𑌵𑍃𑌤𑌃𑌪𑌰𑌮𑌦𑍁𑌰𑍍𑌜𑌯𑌃 ।
𑌗𑍃𑌹𑍇𑌭𑍍𑌯𑌃𑌪𑍁𑌷𑍍𑌪𑌵𑌰𑍍𑌷𑍇𑌣𑌕𑍀𑌰𑍍𑌯𑌮𑌾𑌣𑌸𑍍𑌤𑌦𑌾𑌯𑌯𑍗 ॥ 2 ॥
𑌸 𑌹𑍇𑌮𑌜𑌾𑌲𑌵𑌿𑌤𑌤𑌮𑍍𑌭𑌾𑌨𑍁𑌭𑌾𑌸𑍍𑌵𑌰𑌦𑌰𑍍𑌶𑌨𑌮𑍍 ।
𑌦𑌦𑌰𑍍𑌶𑌵𑌿𑌪𑍁𑌲𑌂𑌰𑌮𑍍𑌯𑌂𑌰𑌾𑌕𑍍𑌷𑌸𑍇𑌨𑍍𑌦𑍍𑌰𑌨𑌿𑌵𑍇𑌶𑌨𑌮𑍍 ॥ 3 ॥
𑌸 𑌤𑌤𑍍𑌤𑌦𑌾 𑌸𑍂𑌰𑍍𑌯 𑌇𑌵𑌾𑌭𑍍𑌰𑌜𑌾𑌲𑌮𑍍 ।
𑌪𑍍𑌰𑌵𑌿𑌶𑍍𑌯 𑌰𑌕𑍍𑌷𑍋𑌧𑌿𑌪𑌤𑍇𑌰𑍍𑌨𑌿𑌵𑍇𑌶𑌨𑌮𑍍 ।
𑌦𑌦𑌰𑍍𑌶 𑌦𑍂𑌰𑍇𑌽𑌗𑍍𑌰𑌜𑌮𑌾𑌸𑌨𑌸𑍍𑌥𑌮𑍍 ।
𑌸𑍍𑌵𑌯𑌮𑍍𑌭𑍁𑌵𑌂 𑌶𑌕𑍍𑌰 𑌇𑌵𑌾𑌸𑌨𑌸𑍍𑌥𑌮𑍍 ॥ 4 ॥
𑌭𑍍𑌰𑌾𑌤𑍁𑌸𑍍𑌸𑌭𑌵𑌨𑌙𑍍𑌗𑌚𑍍𑌛𑌨𑍍𑌰𑌕𑍍𑌷𑍋𑌗𑌣𑌸𑌮𑌨𑍍𑌵𑌿𑌮𑍍 ।
𑌕𑍁𑌮𑍍𑌭𑌕𑌰𑍍𑌣𑌃𑌪𑌦𑌨𑍍𑌯𑌾𑌸𑍈𑌰𑌕𑌮𑍍𑌪𑌯𑌤𑌮𑍇𑌦𑌿𑌨𑍀𑌮𑍍 ॥ 5 ॥
𑌸𑍋𑌽𑌭𑌿𑌗𑌮𑍍𑌯𑌗𑍃𑌹𑌮𑍍𑌭𑍍𑌰𑌾𑌤𑍁𑌃𑌕𑌕𑍍𑌷𑍍𑌯𑌾𑌮𑌭𑌿𑌵𑌿𑌗𑌾𑌹𑍍𑌯 𑌚 ।
𑌦𑌦𑌰𑍍𑌶𑍋𑌦𑍍𑌵𑌿𑌗𑌨𑍍𑌨𑌮𑌾𑌸𑍀𑌨𑌂𑌵𑌿𑌮𑌾𑌨𑍇𑌪𑍁𑌷𑍍𑌪𑌕𑍇𑌗𑍁𑌰𑍁𑌮𑍍 ॥ 6 ॥
𑌅𑌥𑌦𑍃𑌷𑍍𑌟𑌵𑌾𑌦𑌶𑌗𑍍𑌰𑍀𑌵𑌃𑌕𑍁𑌮𑍍𑌭𑌕𑌰𑍍𑌣𑌮𑍁𑌪𑌸𑍍𑌥𑌿𑌤𑌮𑍍 ।
𑌤𑍂𑌰𑍍𑌣𑌮𑍁𑌤𑍍𑌥𑌾𑌯𑌸𑌂𑌹𑍃𑌷𑍍𑌟𑌃𑌸𑌨𑍍𑌨𑌿𑌕𑌰𑍍𑌷𑌮𑍁𑌪𑌾𑌨𑌯𑌤𑍍 ॥ 7 ॥
𑌅𑌥𑌾𑌸𑍀𑌨𑌸𑍍𑌯𑌪𑌰𑍍𑌯𑌙𑍍𑌕𑍇𑌕𑍁𑌮𑍍𑌭𑌕𑌰𑍍𑌣𑍋𑌮𑌹𑌾𑌬𑌲𑌃 ।
𑌭𑍍𑌰𑌾𑌤𑍁𑌰𑍍𑌵𑌵𑌨𑍍𑌦𑍇𑌚𑌰𑌣𑍗𑌕𑌿𑌙𑍍𑌕𑍃𑌤𑍍𑌯𑌮𑌿𑌤𑌿𑌚𑌾𑌬𑍍𑌰𑌵𑍀𑌤𑍍 ॥ 8 ॥
𑌉𑌤𑍍𑌪𑌤𑍍𑌯𑌚𑍈𑌨𑌮𑍍𑌮𑍁𑌦𑌿𑌤𑍋𑌰𑌾𑌵𑌣𑌃𑌪𑌰𑌿𑌷𑌸𑍍𑌵𑌜𑍇 ।
𑌸 𑌭𑍍𑌰𑌾𑌤𑍍𑌰𑌾𑌸𑌮𑍍𑌪𑌰𑌿𑌷𑍍𑌵𑌕𑍍𑌤𑍋𑌯𑌥𑌾𑌵𑌚𑍍𑌛𑌾𑌭𑌿𑌨𑌨𑍍𑌦𑌿𑌤𑌃 ॥ 9 ॥
𑌕𑍁𑌮𑍍𑌭𑌕𑌰𑍍𑌣𑌶𑍍𑌶𑍁𑌭𑌨𑍍𑌦𑌿𑌵𑍍𑌯𑌮𑍍𑌪𑍍𑌰𑌤𑌿𑌪𑍇𑌦𑍇𑌵𑌰𑌾𑌸𑌨𑌮𑍍 ।
𑌸 𑌤𑌦𑌾𑌸𑌨𑌮𑌾𑌶𑍍𑌰𑌿𑌤𑍍𑌯𑌕𑍁𑌮𑍍𑌭𑌕𑌰𑍍𑌣𑍋𑌮𑌹𑌾𑌬𑌲𑌃 ॥ 10 ॥
𑌸𑌂𑌰𑌕𑍍𑌤𑌨𑌯𑌨𑌃𑌕𑍍𑌰𑍋𑌧𑌾𑌦𑍍𑌰𑌾𑌵𑌣𑌂𑌵𑌾𑌕𑍍𑌯𑌮𑌬𑍍𑌰𑌵𑍀𑌤𑍍 ।
𑌕𑌿𑌮𑌰𑍍𑌥𑌮𑌹𑌮𑌾𑌦𑍃𑌤𑍍𑌯𑌤𑍍𑌵𑌯𑌾𑌰𑌾𑌜𑌨𑍍𑌵𑌿𑌬𑍋𑌧𑌿𑌤𑌃 ॥ 11 ॥
𑌶𑌂𑌸𑌕𑌸𑍍𑌮𑌾𑌦𑍍𑌭𑌯𑌨𑍍𑌤𑍇𑌽𑌤𑍍𑌰𑌕𑍋𑌽𑌦𑍍𑌯𑌪𑍍𑌰𑍇𑌤𑍋𑌭𑌵𑌿𑌷𑍍𑌯𑌤𑌿 ।
𑌭𑍍𑌰𑌾𑌤𑌰𑌂𑌰𑌾𑌵𑌣𑌃𑌕𑍍𑌰𑍁𑌦𑍍𑌧𑌙𑍍𑌕𑍁𑌮𑍍𑌭𑌕𑌰𑍍𑌣𑌮𑌵𑌸𑍍𑌥𑌿𑌤𑌮𑍍 ॥ 12 ॥
𑌈𑌷𑌤𑍍𑌤𑍁𑌪𑌰𑌿𑌵𑍃𑌤𑍍𑌤𑌾𑌭𑍍𑌯𑌾𑌨𑍍𑌨𑍇𑌤𑍍𑌰𑌾𑌭𑍍𑌯𑌾𑌂𑌵𑌾𑌕𑍍𑌯𑌮𑌬𑍍𑌰𑌵𑍀𑌤𑍍 ।
𑌅𑌦𑍍𑌯𑌤𑍇𑌸𑍁𑌮𑌹𑌾𑌨𑍍𑌕𑌾𑌲𑌶𑍍𑌶𑌯𑌾𑌨𑌸𑍍𑌯𑌮𑌹𑌾𑌬𑌲 ॥ 13 ॥
𑌸𑍁𑌖𑌿𑌤𑌸𑍍𑌤𑍍𑌵𑌂 𑌨 𑌜𑌾𑌨𑍀𑌷𑍇𑌮𑌮𑌰𑌾𑌮𑌕𑍃𑌤𑌮𑍍𑌭𑌯𑌮𑍍 ।
𑌏𑌷𑌦𑌾𑌶𑌰𑌥𑍀𑌰𑌾𑌮𑌃𑌸𑍁𑌗𑍍𑌰𑍀𑌵𑌸𑌹𑌿𑌤𑍋𑌬𑌲𑍀 ॥ 14 ॥
𑌸𑌮𑍁𑌦𑍍𑌰𑌂𑌸𑌬𑌲𑌸𑍍𑌤𑍀𑌰𑍍𑌤𑍍𑌵𑌾𑌮𑍂𑌲𑌨𑍍𑌨𑌃𑌪𑌰𑌿𑌕𑍃𑌨𑍍𑌤𑌤𑌿 ।
𑌹𑌨𑍍𑌤𑌪𑌶𑍍𑌯𑌸𑍍𑌵𑌲𑌙𑍍𑌕𑌾𑌯𑌾𑌵𑌨𑌾𑌨𑍍𑌯𑍁𑌪𑌵𑌨𑌾𑌨𑌿 𑌚 ॥ 15 ॥
𑌸𑍇𑌤𑍁𑌨𑌾𑌸𑍁𑌖𑌮𑌾𑌗𑌮𑍍𑌯𑌵𑌾𑌨𑌰𑍈𑌕𑌾𑌰𑍍𑌣𑌵𑍀𑌕𑍃𑌤𑌮𑍍 ।
𑌯𑍇𑌰𑌾𑌕𑍍𑌷𑌸𑌾𑌮𑍁𑌖𑍍𑌯𑌤𑌮𑌾𑌹𑌤𑌾𑌸𑍍𑌤𑍇𑌵𑌾𑌨𑌰𑍈𑌰𑍍𑌯𑍁𑌧𑌿 ॥ 16 ॥
𑌵𑌾𑌨𑌰𑌾𑌣𑌾𑌙𑍍𑌕𑍍𑌷𑌯𑌂𑌯𑍁𑌦𑍍𑌧𑍇 𑌨 𑌪𑌶𑍍𑌯𑌾𑌮𑌿𑌕𑌦𑌾𑌚𑌨 ।
𑌨𑌚𑌾𑌪𑌿𑌵𑌾𑌨𑌰𑌾𑌯𑍁𑌦𑍍𑌧𑍇𑌜𑌿𑌤𑌪𑍂𑌰𑍍𑌵𑌾𑌃𑌕𑌦𑌾𑌚𑌨 ॥ 17 ॥
𑌤𑌦𑍇𑌤𑌦𑍍𑌭𑌯𑌮𑍁𑌤𑍍𑌪𑌨𑍍𑌨𑌨𑍍𑌤𑍍𑌰𑌾𑌯𑌸𑍍𑌵𑍇𑌮𑌾𑌮𑍍𑌮𑌹𑌬𑌲 ।
𑌨𑌾𑌶𑌯𑌤𑍍𑌵𑌮𑌿𑌮𑌾𑌨𑌦𑍍𑌯𑌤𑌦𑌰𑍍𑌥𑌮𑍍𑌬𑍋𑌧𑌿𑌤𑍋𑌭𑌵𑌾𑌨𑍍 ॥ 18 ॥
𑌸𑌰𑍍𑌵𑌕𑍍𑌷𑌪𑌿𑌤𑌕𑍋𑌶𑌂 𑌚 𑌸 𑌤𑍍𑌵𑌮𑌭𑍍𑌯𑌵𑌪𑌦𑍍𑌯𑌮𑌾𑌮𑍍 ।
𑌤𑍍𑌰𑌾𑌯𑌸𑍍𑌵𑍇𑌮𑌾𑌮𑍍𑌪𑍁𑌰𑍀𑌂𑌲𑌙𑍍𑌕𑌾𑌮𑍍𑌬𑌾𑌲𑌵𑍃𑌦𑍍𑌧𑌾𑌵𑌶𑍇𑌷𑌿𑌤𑌾𑌮𑍍 ॥ 19 ॥
𑌭𑍍𑌰𑌾𑌤𑍁𑌰𑌰𑍍𑌥𑍇𑌮𑌹𑌾𑌬𑌾𑌹𑍋 𑌕𑍁𑌰𑍁𑌕𑌰𑍍𑌮𑌸𑍁𑌦𑍁𑌷𑍍𑌕𑌰𑌮𑍍 ।
𑌮𑌯𑍈𑌵𑌨𑍍𑌨𑍋𑌕𑍍𑌤𑌪𑍂𑌰𑍍𑌵𑍋𑌹𑌿𑌕𑌶𑍍𑌚𑌿𑌦𑍍𑌭𑍍𑌰𑌾𑌤𑌃 𑌪𑌰𑌨𑍍𑌤𑌪 ॥ 20 ॥
𑌤𑍍𑌵𑌯𑍍𑌯𑌸𑍍𑌤𑌿𑌮𑌮𑌸𑍍𑌨𑍇𑌹𑌃𑌪𑌰𑌾𑌸𑌮𑍍𑌭𑌾𑌵𑌨𑌾 𑌚 𑌮𑍇 ।
𑌦𑍈𑌵𑌾𑌸𑍁𑌰𑍇𑌷𑍁𑌯𑍁𑌦𑍍𑌧𑍇𑌷𑍁𑌬𑌹𑍁𑌶𑍋𑌰𑌾𑌕𑍍𑌷𑌸𑌰𑍍𑌷𑌭 ॥ 21 ॥
𑌤𑍍𑌵𑌯𑌾𑌦𑍇𑌵𑌾𑌃𑌪𑍍𑌰𑌤𑌿𑌵𑍍𑌯𑍂𑌹𑍍𑌯𑌨𑌿𑌰𑍍𑌜𑌿𑌤𑌾𑌶𑍍𑌚𑌾𑌸𑍁𑌰𑌾𑌯𑍁𑌧𑌿 ।
𑌤𑌦𑍇𑌤𑌤𑍍𑌸𑌰𑍍𑌵𑌮𑌾𑌤𑌿𑌷𑍍𑌠𑌵𑍀𑌰𑍍𑌯𑌮𑍍𑌭𑍀𑌮𑌪𑌰𑌾𑌕𑍍𑌰𑌮 ॥ 22 ॥
𑌨 𑌹𑌿 𑌤𑍇 𑌸𑌰𑍍𑌵𑌭𑍂𑌤𑍇𑌷𑍁 𑌦𑍃𑌶𑍍𑌯𑌤𑍇 𑌸𑌦𑍃𑌶𑍋 𑌬𑌲𑍀 ।
𑌕𑍁𑌰𑍁𑌷𑍍𑌵 𑌮𑍇 𑌪𑍍𑌰𑌿𑌯𑌹𑌿𑌤𑌮𑍇𑌤𑌦𑍁𑌤𑍍𑌤𑌮𑌮𑍍 ।
𑌯𑌥𑌾𑌪𑍍𑌰𑌿𑌯𑌂 𑌪𑍍𑌰𑌿𑌯𑌰𑌣 𑌬𑌾𑌨𑍍𑌧𑌵𑌪𑍍𑌰𑌿𑌯 ।
𑌸𑍍𑌵𑌤𑍇𑌜𑌸𑌾 𑌵𑌿𑌧𑌮 𑌸𑌪𑌤𑍍𑌨𑌵𑌾𑌹𑌿𑌨𑍀𑌮𑍍 ।
𑌶𑌰𑌦𑍍𑌘𑌨𑌂 𑌪𑌵𑌨 𑌇𑌵𑍋𑌦𑍍𑌯𑌤𑍋 𑌮𑌹𑌾𑌨𑍍 ॥ 23 ॥
𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌯𑍁𑌦𑍍𑌧𑌕𑌾𑌣𑍍𑌡𑍇 𑌦𑍍𑌵𑌿𑌷𑌷𑍍𑌟𑌿𑌤𑌮𑌸𑍍𑌸𑌰𑍍𑌗𑌃 ॥
Roman (IAST) Transliteration
śrīmadvālmīkīya rāmāyaṇe yuddhakāṇḍam |
atha dviṣaṣṭitamassargaḥ |
sa turākṣasaśārdūlonidrāmadasamākulaḥ |
rājamārgaṃśriyājuṣṭaṃyayauvipulavikramaḥ || 1 ||
rākṣasānāṃsahasraiścavṛtaḥparamadurjayaḥ |
gṛhebhyaḥpuṣpavarṣeṇakīryamāṇastadāyayau || 2 ||
sa hemajālavitatambhānubhāsvaradarśanam |
dadarśavipulaṃramyaṃrākṣasendraniveśanam || 3 ||
sa tattadā sūrya ivābhrajālam |
praviśya rakṣodhipaterniveśanam |
dadarśa dūre'grajamāsanastham |
svayambhuvaṃ śakra ivāsanastham || 4 ||
bhrātussabhavanaṅgacchanrakṣogaṇasamanvim |
kumbhakarṇaḥpadanyāsairakampayatamedinīm || 5 ||
so'bhigamyagṛhambhrātuḥkakṣyāmabhivigāhya ca |
dadarśodvigannamāsīnaṃvimānepuṣpakegurum || 6 ||
athadṛṣṭavādaśagrīvaḥkumbhakarṇamupasthitam |
tūrṇamutthāyasaṃhṛṣṭaḥsannikarṣamupānayat || 7 ||
athāsīnasyaparyaṅkekumbhakarṇomahābalaḥ |
bhrāturvavandecaraṇaukiṅkṛtyamiticābravīt || 8 ||
utpatyacainammuditorāvaṇaḥpariṣasvaje |
sa bhrātrāsampariṣvaktoyathāvacchābhinanditaḥ || 9 ||
kumbhakarṇaśśubhandivyampratipedevarāsanam |
sa tadāsanamāśrityakumbhakarṇomahābalaḥ || 10 ||
saṃraktanayanaḥkrodhādrāvaṇaṃvākyamabravīt |
kimarthamahamādṛtyatvayārājanvibodhitaḥ || 11 ||
śaṃsakasmādbhayante'trako'dyapretobhaviṣyati |
bhrātaraṃrāvaṇaḥkruddhaṅkumbhakarṇamavasthitam || 12 ||
īṣattuparivṛttābhyānnetrābhyāṃvākyamabravīt |
adyatesumahānkālaśśayānasyamahābala || 13 ||
sukhitastvaṃ na jānīṣemamarāmakṛtambhayam |
eṣadāśarathīrāmaḥsugrīvasahitobalī || 14 ||
samudraṃsabalastīrtvāmūlannaḥparikṛntati |
hantapaśyasvalaṅkāyāvanānyupavanāni ca || 15 ||
setunāsukhamāgamyavānaraikārṇavīkṛtam |
yerākṣasāmukhyatamāhatāstevānarairyudhi || 16 ||
vānarāṇāṅkṣayaṃyuddhe na paśyāmikadācana |
nacāpivānarāyuddhejitapūrvāḥkadācana || 17 ||
tadetadbhayamutpannantrāyasvemāmmahabala |
nāśayatvamimānadyatadarthambodhitobhavān || 18 ||
sarvakṣapitakośaṃ ca sa tvamabhyavapadyamām |
trāyasvemāmpurīṃlaṅkāmbālavṛddhāvaśeṣitām || 19 ||
bhrāturarthemahābāho kurukarmasuduṣkaram |
mayaivannoktapūrvohikaścidbhrātaḥ parantapa || 20 ||
tvayyastimamasnehaḥparāsambhāvanā ca me |
daivāsureṣuyuddheṣubahuśorākṣasarṣabha || 21 ||
tvayādevāḥprativyūhyanirjitāścāsurāyudhi |
tadetatsarvamātiṣṭhavīryambhīmaparākrama || 22 ||
na hi te sarvabhūteṣu dṛśyate sadṛśo balī |
kuruṣva me priyahitametaduttamam |
yathāpriyaṃ priyaraṇa bāndhavapriya |
svatejasā vidhama sapatnavāhinīm |
śaradghanaṃ pavana ivodyato mahān || 23 ||
ityārṣe śrīmadrāmāyaṇe vālmīkīya ādikāvye yuddhakāṇḍe dviṣaṣṭitamassargaḥ ||
InfoLyter.in — Sacred Vedic Knowledge Portal · Free forever