📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
6.44 𑌯𑍁𑌦𑍍𑌧𑌕𑌾𑌣𑍍𑌡 - 𑌚𑌤𑍁𑌶𑍍𑌚𑌤𑍍𑌵𑌾𑌰𑌿𑌂𑌶 𑌸𑌰𑍍𑌗𑌃
6.44 Yuddhakanda - Chatushchatvarimsha Sargah
Valmiki Grantha
𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌯𑍁𑌦𑍍𑌧𑌕𑌾𑌣𑍍𑌡𑌮𑍍 ।
𑌅𑌥 𑌚𑌤𑍁𑌶𑍍𑌚𑌤𑍍𑌵𑌾𑌰𑌿𑌂𑌶𑌸𑍍𑌸𑌰𑍍𑌗𑌃 ।
𑌯𑍁𑌧𑍍𑌯𑌤𑌾𑌮𑍇𑌨𑌤𑍇𑌷𑌾𑌨𑍍𑌤𑍁𑌤𑌦𑌾𑌵𑌾𑌨𑌰𑌰𑌾𑌕𑍍𑌷𑌸𑌾𑌮𑍍 ।
𑌰𑌵𑌿𑌰𑌸𑍍𑌤𑌙𑍍𑌗𑌤𑍋𑌰𑌾𑌤𑍍𑌰𑌿𑌃𑌪𑍍𑌰𑌵𑍃𑌤𑍍𑌤𑌾𑌪𑍍𑌰𑌾𑌣𑌹𑌾𑌰𑌿𑌣𑍀 ॥ 1 ॥
𑌅𑌨𑍍𑌯𑍋𑌨𑍍𑌯𑌮𑍍𑌬𑌦𑍍𑌧𑌵𑍈𑌰𑌾𑌣𑌾𑌙𑍍𑌘𑍋𑌰𑌾𑌣𑌾𑌞𑍍𑌜𑌯𑌮𑌿𑌚𑍍𑌛𑌤𑌾𑌮𑍍 ।
𑌸𑌮𑍍𑌪𑍍𑌰𑌵𑍃𑌤𑍍𑌤𑌨𑍍𑌨𑌿𑌶𑌾𑌯𑍁𑌦𑍍𑌧𑌨𑍍𑌤𑌦𑌾𑌵𑌾𑌨𑌰𑌰𑌕𑍍𑌷𑌸𑌾𑌮𑍍 ॥ 2 ॥
𑌰𑌾𑌕𑍍𑌷𑌸𑍋𑌽𑌸𑍀𑌤𑌿𑌹𑌰𑌯𑍋𑌹𑌰𑌿𑌶𑍍𑌚𑌾𑌽𑌸𑍀𑌤𑌿𑌰𑌾𑌕𑍍𑌷𑌸𑌾𑌃 ।
𑌅𑌨𑍍𑌯𑍋𑌨𑍍𑌯𑌂𑌸𑌮𑌰𑍇𑌜𑌘𑍍𑌨𑍁𑌸𑍍𑌤𑌸𑍍𑌮𑌿𑌂𑌸𑍍𑌤𑌮𑌸𑌿𑌦𑌾𑌰𑍁𑌣𑍇 ॥ 3 ॥
𑌜𑌹𑌿𑌦𑌾𑌰𑌯𑌚𑍈𑌹𑍀𑌤𑌿𑌕𑌥𑌂𑌵𑌿𑌦𑍍𑌰𑌵𑌸𑍀𑌤𑌿𑌚 ।
𑌏𑌵𑌂𑌸𑍁𑌤𑍁𑌮𑍁𑌲𑌶𑍍𑌶𑌬𑍍𑌦𑌸𑍍𑌤𑌸𑍍𑌮𑌿𑌂𑌸𑍍𑌤𑌮𑌸𑌿𑌶𑍁𑌶𑍍𑌰𑍁𑌵𑍇 ॥ 4 ॥
𑌕𑌾𑌲𑌾𑌃𑌕𑌾𑌞𑍍𑌚𑌨𑌸𑌨𑍍𑌨𑌾𑌹𑌾𑌸𑍍𑌤𑌸𑍍𑌮𑌿𑌂𑌸𑍍𑌤𑌮𑌸𑌿𑌰𑌾𑌕𑍍𑌷𑌸𑌾𑌃 ।
𑌸𑌮𑍍𑌪𑍍𑌰𑌦𑍃𑌶𑍍𑌯𑌨𑍍𑌤𑌶𑍈𑌲𑍇𑌨𑍍𑌦𑍍𑌰𑌾𑌦𑍀𑌪𑍍𑌤𑍗𑌷𑌧𑌿𑌵𑌨𑌾𑌇𑌵 ॥ 5 ॥
𑌤𑌸𑍍𑌮𑌿𑌂𑌸𑍍𑌤𑌮𑌸𑌿𑌦𑍁𑌷𑍍𑌪𑌾𑌰𑍇𑌰𑌾𑌕𑍍𑌷𑌸𑌾𑌃𑌕𑍍𑌰𑍋𑌧𑌮𑍂𑌰𑍍𑌛𑌿𑌤𑌾𑌃 ।
𑌪𑌰𑌿𑌪𑍇𑌤𑍁𑌰𑍍𑌮𑌹𑌾𑌵𑍇𑌗𑌾𑌭𑌕𑍍𑌷𑌯𑌨𑍍𑌤𑌃𑌪𑍍𑌲𑌵𑌙𑍍𑌗𑌮𑌾𑌨𑍍 ॥ 6 ॥
𑌤𑍇𑌹𑌯𑌾𑌨𑍍 𑌕𑌾𑌞𑍍𑌚𑌨𑌾𑌪𑍀𑌡𑌾𑌨𑍍 𑌧𑍍𑌵𑌜𑌾𑌂𑌶𑍍𑌚𑌾𑌶𑍀𑌵𑌿𑌷𑍋𑌪𑌮𑌾𑌨𑍍 ।
𑌆𑌪𑍍𑌲𑍁𑌤𑍍𑌯𑌦𑌶𑌨𑍈𑌸𑍍𑌤𑍀𑌕𑍍𑌷𑍍𑌣𑍈𑌰𑍍𑌭𑍀𑌮𑌕𑍋𑌪𑌾𑌵𑍍𑌯𑌦𑌾𑌰𑌯𑌨𑍍 ॥ 7 ॥
𑌵𑌾𑌨𑌰𑌾𑌬𑌲𑌿𑌨𑍋𑌯𑍁𑌦𑍍𑌧𑍇𑌽𑌕𑍍𑌷𑍋𑌭𑌯𑌨𑍍 𑌰𑌾𑌕𑍍𑌷𑌸𑍀𑌞𑍍𑌚𑌮𑍂𑌮𑍍 ।
𑌕𑍁𑌞𑍍𑌜𑌰𑌾𑌨𑍍 𑌕𑍁𑌞𑍍𑌜𑌰𑌾𑌰𑍋𑌹𑌾𑌨𑍍 𑌪𑌤𑌾𑌕𑌾𑌧𑍍𑌵𑌜𑌿𑌨𑍋𑌰𑌥𑌾𑌨𑍍 ॥ 8 ॥
𑌕𑌰𑍍𑌷𑍁𑌶𑍍𑌚𑌦𑌦𑌂𑌶𑍁𑌶𑍍𑌚𑌦𑌶𑌨𑍈𑌃𑌕𑍍𑌰𑍋𑌧𑌮𑍂𑌰𑍍𑌛𑌿𑌤𑌾𑌃 ।
𑌲𑌕𑍍𑌷𑍍𑌮𑌣𑌶𑍍𑌚𑌾𑌪𑌿𑌰𑌾𑌮𑌶𑍍𑌚𑌶𑌰𑍈𑌰𑌾𑌶𑍀𑌵𑌿𑌷𑍋𑌪𑌮𑍈𑌃 ॥ 9 ॥
𑌦𑍃𑌶𑍍𑌯𑌾𑌦𑍃𑌶𑍍𑌯𑌾𑌨𑌿𑌰𑌕𑍍𑌷𑌾𑌂𑌸𑌿𑌪𑍍𑌰𑌵𑌰𑌾𑌣𑌿𑌨𑌿𑌜𑌘𑍍𑌨𑌤𑍁𑌃 ।
𑌤𑍁𑌰𑌙𑍍𑌗𑌖𑍁𑌰𑌵𑌿𑌧𑍍𑌵𑌸𑍍𑌤𑌂𑌰𑌥𑌨𑍇𑌮𑌿𑌸𑌮𑍁𑌤𑍍𑌥𑌿𑌤𑌮𑍍 ॥ 10 ॥
𑌰𑍁𑌰𑍋𑌧𑌕𑌰𑍍𑌣𑌨𑍇𑌤𑍍𑌰𑌾𑌣𑌿𑌯𑍁𑌧𑍍𑌯𑌤𑌾𑌨𑍍𑌧𑌰𑌣𑍀𑌰𑌜𑌃 ।
𑌵𑌰𑍍𑌤𑌮𑌾𑌨𑍇𑌤𑌥𑌾𑌘𑍋𑌰𑍇𑌸𑌙𑍍𑌗𑍍𑌰𑌾𑌮𑍇𑌰𑍋𑌮𑌹𑌰𑍍𑌷𑌣𑍇 ॥ 11 ॥
𑌰𑍁𑌧𑌿𑌰𑍋𑌧𑌾𑌮𑌹𑌾𑌘𑍋𑌰𑌾𑌨𑌦𑍍𑌯𑌸𑍍𑌤𑌤𑍍𑌰𑌪𑍍𑌰𑌸𑍁𑌸𑍍𑌰𑍁𑌵𑍁𑌃 ।
𑌤𑌤𑍋𑌭𑍇𑌰𑍀𑌮𑍃𑌦𑌙𑍍𑌗𑌾𑌨𑌾𑌮𑍍𑌪𑌣𑌵𑌾𑌨𑌾𑌞𑍍𑌚𑌨𑌿𑌸𑍍𑌸𑍍𑌵𑌨𑌃 ॥ 12 ॥
𑌶𑌙𑍍𑌖𑌵𑍇𑌣𑍁𑌸𑍍𑌵𑌨𑍋𑌨𑍍𑌮𑌿𑌶𑍍𑌰𑌸𑍍𑌸𑌮𑍍𑌭𑍂𑌵𑌾𑌦𑍍𑌭𑍁𑌤𑍋𑌪𑌮𑌃 ।
𑌹𑌤𑌾𑌨𑌾𑌂𑌸𑍍𑌤𑌨𑌮𑌾𑌨𑌾𑌨𑌾𑌂𑌰𑌾𑌕𑍍𑌷𑌸𑌾𑌨𑌾𑌞𑍍𑌚𑌨𑌿𑌃𑌸𑍍𑌵𑌨𑌃 ॥ 13 ॥
𑌶𑌸𑍍𑌤𑌾𑌨𑌾𑌂𑌵𑌾𑌨𑌰𑌾𑌣𑌾𑌞𑍍𑌚𑌸𑌮𑍍𑌬𑌭𑍂𑌵𑌾𑌤𑌿𑌦𑌾𑌰𑍁𑌣𑌃 ।
𑌹𑌤𑍈𑌰𑍍𑌵𑌾𑌨𑌰𑌵𑍀𑌰𑍈𑌶𑍍𑌚𑌶𑌕𑍍𑌤𑌿𑌶𑍂𑌲𑌪𑌰𑌶𑍍𑌵𑌧𑍈𑌃 ॥ 14 ॥
𑌨𑌿𑌹𑌤𑍈𑌃𑌪𑌰𑍍𑌵𑌤𑌾𑌕𑌾𑌰𑍈𑌰𑌾𑌕𑍍𑌷𑌸𑍈𑌃𑌕𑌾𑌮𑌰𑍂𑌪𑌿𑌭𑌿𑌃 ।
𑌶𑌸𑍍𑌤𑍍𑌰𑌪𑍁𑌷𑍍𑌪𑍋𑌪𑌹𑌾𑌰𑌾𑌚𑌤𑌤𑍍𑌰𑌾𑌸𑍀𑌦𑍍𑌯𑍁𑌦𑍍𑌧𑌮𑍇𑌦𑌿𑌨𑍀 ॥ 15 ॥
𑌦𑍁𑌰𑍍 𑌜𑍍𑌞𑍇𑌯𑌾𑌦𑍁𑌰𑍍𑌨𑌿𑌵𑍇𑌶𑌾𑌚𑌶𑍋𑌣𑌿𑌤𑌾𑌸𑍍𑌰𑌾𑌵𑌕𑌰𑍍𑌦𑌮𑌾 ।
𑌸𑌾𑌬𑌭𑍂𑌵𑌨𑌿𑌶𑌾𑌘𑍋𑌰𑌾𑌹𑌰𑌿𑌰𑌾𑌕𑍍𑌷𑌸𑌹𑌾𑌰𑌿𑌣𑍀 ॥ 16 ॥
𑌕𑌾𑌲𑌰𑌾𑌤𑍍𑌰𑍀𑌵𑌭𑍂𑌤𑌾𑌨𑌾𑌂𑌸𑌰𑍍𑌵𑍇𑌷𑌾𑌨𑍍𑌦𑍁𑌰𑌤𑌿𑌕𑍍𑌰𑌮𑌾 ।
𑌤𑌤𑌸𑍍𑌤𑍇𑌰𑌾𑌕𑍍𑌷𑌸𑌾𑌸𑍍𑌤𑌤𑍍𑌰𑌤𑌸𑍍𑌮𑌿𑌂𑌸𑍍𑌤𑌮𑌸𑌿𑌦𑌾𑌰𑍁𑌣𑍇 ॥ 17 ॥
𑌰𑌾𑌮𑌮𑍇𑌵𑌾𑌭𑍍𑌯𑌵𑌰𑍍𑌤𑌨𑍍𑌤𑌸𑌮𑍍𑌹𑍃𑌷𑍍𑌟𑌾𑌶𑍍𑌶𑌰𑌵𑍃𑌷𑍍𑌟𑌿𑌭𑌿𑌃 ।
𑌤𑍇𑌷𑌾𑌮𑌾𑌪𑌤𑌤𑌾𑌂𑌶𑌬𑍍𑌦𑌃𑌕𑍍𑌰𑍁𑌦𑍍𑌧𑌾𑌨𑌾𑌮𑌪𑌿𑌗𑌰𑍍𑌜𑌤𑌾𑌮𑍍 ॥ 18 ॥
𑌉𑌦𑍍𑌵𑌰𑍍𑌤;𑌇𑌵 𑌸𑌪𑍍𑌤𑌾𑌨𑌾𑌂 𑌸𑌮𑍁𑌦𑍍𑌰𑌾𑌣𑌾𑌂 𑌅𑌭𑍂𑌤𑍍 𑌸𑍍𑌵𑌨𑌃 ।
𑌤𑍇𑌷𑌾𑌂 𑌰𑌾𑌮𑌹𑍍 𑌶𑌾𑌰𑍈𑌹𑍍 𑌷𑌡𑍍𑌭𑌿𑌹𑍍 𑌷𑌡𑍍 𑌜𑌘𑌾𑌨 𑌨𑌿𑌶𑌾𑌅 𑌚𑌰𑌾𑌨𑍍 ॥ 19 ॥
𑌨𑌿𑌮𑍇𑌷𑌾𑌨𑍍𑌤𑌰𑌮𑌾𑌤𑍍𑌰𑍇𑌣𑌶𑌿𑌤𑍈𑌰𑌗𑍍𑌨𑌿𑌶𑌿𑌖𑍋𑌪𑌮𑍈𑌃 ।
𑌯𑌮𑌶𑌤𑍍𑌰𑍁𑌶𑍍𑌚𑌦𑍁𑌰𑍍𑌧𑌰𑍍𑌷𑍋𑌮𑌹𑌾𑌪𑌾𑌰𑍍𑌶𑍍𑌵𑌮𑌹𑍋𑌦𑌰𑍗 ॥ 20 ॥
𑌵𑌜𑍍𑌰𑌦𑌂𑌷𑍍𑌟𑍍𑌰𑍋𑌮𑌹𑌾𑌕𑌾𑌯𑌸𑍍𑌤𑍗𑌚𑍋𑌭𑍗𑌶𑍁𑌕𑌸𑌾𑌰𑌣𑍗 ।
𑌤𑍇𑌤𑍁𑌰𑌾𑌮𑍇𑌣𑌬𑌾𑌣𑍗𑌘𑍈𑌸𑍍𑌸𑌰𑍍𑌵𑍇𑌮𑌰𑍍𑌮𑌸𑍁𑌤𑌾𑌡𑌿𑌤𑌾𑌃 ॥ 21 ॥
𑌯𑍁𑌦𑍍𑌧𑌾𑌦𑌪𑌸𑍃𑌤𑌾𑌸𑍍𑌤𑌤𑍍𑌰𑌸𑌾𑌵𑌶𑍇𑌷𑌾𑌯𑍁𑌷𑍋𑌽𑌭𑌵𑌨𑍍 ।
𑌤𑌤𑍍𑌰𑌕𑌾𑌞𑍍𑌚𑌨𑌚𑌿𑌤𑍍𑌰𑌾𑌙𑍍𑌗𑍈𑌶𑍍𑌶𑌰𑍈𑌰𑌗𑍍𑌨𑌿𑌶𑌿𑌖𑍋𑌪𑌮𑍈𑌃 ॥ 22 ॥
𑌦𑌿𑌶𑌶𑍍𑌚𑌕𑌾𑌰𑌵𑌿𑌮𑌲𑌾𑌃𑌪𑍍𑌰𑌦𑌿𑌶𑌶𑍍𑌚𑌮𑌹𑌾𑌰𑌥𑌃 ।
𑌯𑍇𑌤𑍍𑌵𑌨𑍍𑌯𑍇𑌰𑌾𑌕𑍍𑌷𑌸𑌾𑌭𑍀𑌮𑌾𑌰𑌾𑌮𑌸𑍍𑌯𑌾𑌭𑌿𑌮𑍁𑌖𑍇𑌸𑍍𑌥𑌿𑌤𑌾𑌃 ॥ 23 ॥
𑌤𑍇𑌽𑌪𑌿𑌨𑌷𑍍𑌟𑌾𑌃𑌸𑌮𑌾𑌸𑌾𑌦𑍍𑌯𑌪𑌤𑌙𑍍𑌗𑌾𑌇𑌵𑌪𑌾𑌵𑌕𑌮𑍍 ।
𑌸𑍁𑌵𑌰𑍍𑌣𑌪𑍁𑌙𑍍𑌖𑍈𑌰𑍍𑌵𑌿𑌶𑌿𑌖𑍈𑌸𑍍𑌸𑌪𑌤𑌦𑍍𑌭𑌿𑌸𑍍𑌸𑌹𑌸𑍍𑌰𑌶𑌃 ॥ 24 ॥
𑌬𑌭𑍂𑌵𑌰𑌜𑌨𑍀𑌚𑌿𑌤𑍍𑌰𑌾𑌖𑌦𑍍𑌯𑍋𑌤𑍈𑌰𑌿𑌵𑌶𑌾𑌰𑌦𑍀 ।
𑌰𑌾𑌕𑍍𑌷𑌸𑌾𑌨𑌾𑌞𑍍𑌚𑌨𑌿𑌨𑌦𑍈𑌰𑍍𑌹𑌰𑍀𑌣𑌾𑌞𑍍𑌚𑌾𑌪𑌿𑌨𑌿𑌸𑍍𑌸𑍍𑌵𑌨𑍈𑌃 ॥ 25 ॥
𑌸𑌾𑌬𑌭𑍂𑌵𑌨𑌿𑌶𑌾𑌘𑍋𑌰𑌾𑌭𑍂𑌯𑍋𑌘𑍋𑌰𑌤𑌰𑌾𑌤𑌦𑌾 ।
𑌤𑍇𑌨𑌶𑌬𑍍𑌦𑍇𑌨𑌮𑌹𑌤𑌾𑌪𑍍𑌰𑌵𑍃𑌦𑍍𑌧𑍇𑌨𑌸𑌮𑌨𑍍𑌤𑌤𑌃 ॥ 26 ॥
𑌤𑍍𑌰𑌿𑌕𑍂𑌟𑌃𑌕𑌨𑍍𑌦𑌰𑌾𑌕𑍀𑌰𑍍𑌣𑌃𑌪𑍍𑌰𑌵𑍍𑌯𑌾𑌹𑌰𑌦𑌿𑌵𑌾𑌚𑌲𑌃 ।
𑌗𑍋𑌲𑌾𑌙𑍍𑌗𑍂𑌲𑌾𑌮𑌹𑌾𑌕𑌾𑌯𑌾𑌸𑍍𑌤𑌮𑌸𑌾𑌤𑍁𑌲𑍍𑌯𑌵𑌰𑍍𑌚𑌸𑌃 ॥ 27 ॥
𑌸𑌮𑍍𑌪𑌰𑌿𑌷𑍍𑌵𑌜𑍍𑌯𑌬𑌾𑌹𑍁𑌭𑍍𑌯𑌾𑌮𑍍𑌭𑌕𑍍𑌷𑌯𑌨𑍍𑌰𑌜𑌨𑍀𑌚𑌰𑌾𑌨𑍍 ।
𑌅𑌙𑍍𑌗𑌦𑌸𑍍𑌤𑍁𑌰𑌣𑍇𑌶𑌤𑍍𑌰𑍂𑌨𑌨𑌿𑌹𑌨𑍍𑌤𑍁𑌂𑌸𑌮𑍁𑌪𑌸𑍍𑌥𑌿𑌤𑌃 ॥ 28 ॥
𑌰𑌾𑌵𑌣𑌿𑌨𑍍𑌨𑌿𑌜𑌘𑌾𑌨𑌾𑌶𑍁𑌸𑌾𑌰𑌥𑌿𑌞𑍍𑌚𑌹𑌯𑌾𑌨𑌪𑌿 ।
𑌵𑌰𑍍𑌤𑌮𑌾𑌨𑍇𑌤𑌦𑌾𑌘𑍋𑌰𑍇𑌸𑌙𑍍𑌗𑍍𑌰𑌾𑌮𑍇𑌭𑍃𑌶𑌦𑌾𑌰𑍁𑌣𑍇 ॥ 29 ॥
𑌇𑌨𑍍𑌦𑍍𑌰𑌜𑌿𑌤𑍍𑌤𑍁𑌰𑌥𑌨𑍍𑌤𑍍𑌯𑌕𑍍𑌤𑍍𑌵𑌾𑌹𑌤𑌾𑌶𑍍𑌵𑍋𑌹𑌤𑌸𑌾𑌰𑌥𑌿𑌃 ।
𑌅𑌙𑍍𑌗𑌦𑍇𑌨𑌮𑌹𑌾𑌮𑌾𑌯𑌸𑍍𑌤𑌤𑍍𑌰𑍈𑌵𑌾𑌨𑍍𑌤𑌰𑌧𑍀𑌯𑌤 ॥ 30 ॥
𑌤𑌤𑍍𑌕𑌰𑍍𑌮𑌵𑌾𑌲𑌿𑌪𑍁𑌤𑍍𑌰𑌸𑍍𑌯𑌸𑌰𑍍𑌵𑍇𑌦𑍇𑌵𑌾𑌸𑍍𑌸𑌹𑌰𑍍𑌷𑌿𑌭𑌿𑌃 ।
𑌤𑍁𑌷𑍍𑌟𑍁𑌵𑍁𑌃𑌪𑍂𑌜𑌨𑌾𑌰𑍍𑌹𑌸𑍍𑌯𑌤𑍗𑌚𑍋𑌭𑍗𑌰𑌾𑌮𑌲𑌕𑍍𑌷𑍍𑌮𑌣𑍗 ॥ 31 ॥
𑌪𑍍𑌰𑌭𑌾𑌵𑌂𑌸𑌰𑍍𑌵𑌭𑍂𑌤𑌾𑌨𑌿𑌵𑌿𑌦𑍁𑌰𑌿𑌨𑍍𑌦𑍍𑌰𑌜𑌿𑌤𑍋𑌯𑍁𑌧𑌿 ।
𑌤𑍇𑌨𑌤𑍇𑌤𑌮𑍍𑌮𑌹𑌾𑌤𑍍𑌮𑌾𑌨𑌨𑍍𑌤𑍁𑌷𑍍𑌟𑌾𑌃𑌦𑍃𑌷𑍍𑌟𑌵𑌾𑌪𑍍𑌰𑌧𑌰𑍍𑌷𑌿𑌤𑌮𑍍 ॥ 32 ॥
𑌤𑌤𑌃𑌪𑍍𑌰𑌹𑍃𑌷𑍍𑌟𑌾𑌃𑌕𑌪𑌯𑌸𑍍𑌸𑌸𑍁𑌗𑍍𑌰𑍀𑌵𑌵𑌿𑌭𑍀𑌷𑌣𑌾𑌃 ।
𑌸𑌾𑌧𑍁𑌸𑌾𑌧𑍍𑌵𑌿𑌤𑌿𑌨𑍇𑌦𑍁𑌶𑍍𑌚𑌦𑍃𑌷𑍍𑌟𑌵𑌾𑌶𑌤𑍍𑌰𑍁𑌮𑍍𑌪𑍍𑌰𑌧𑌰𑍍𑌷𑌿𑌤𑌮𑍍 ॥ 33 ॥
𑌇𑌨𑍍𑌦𑍍𑌰𑌜𑌿𑌤𑍍𑌤𑍁𑌤𑌦𑌾𑌤𑍇𑌨𑌨𑌿𑌰𑍍𑌜𑌿𑌤𑍋𑌭𑍀𑌮𑌕𑌰𑍍𑌮𑌣𑌾 ।
𑌸𑌂𑌯𑍁𑌗𑍇𑌵𑌾𑌲𑌿𑌪𑍁𑌤𑍍𑌰𑍇𑌣𑌕𑍍𑌰𑍋𑌧𑌞𑍍𑌚𑌕𑍍𑌰𑍇𑌸𑍁𑌦𑌾𑌰𑍁𑌣𑌮𑍍 ॥ 34 ॥
𑌸𑍋𑌽𑌨𑍍𑌤𑌰𑍍𑌧𑌾𑌨𑌗𑌤𑌃𑌪𑌾𑌪𑍋𑌰𑌾𑌵𑌣𑍀𑌰𑌣𑌕𑌰𑍍𑌕𑌶𑌃 ।
𑌅𑌦𑍃𑌶𑍍𑌯𑍋𑌨𑌿𑌶𑌿𑌤𑌾𑌨𑍍𑌬𑌾𑌣𑌾𑌨𑍍𑌮𑍁𑌮𑍋𑌚𑌾𑌶𑌨𑌿𑌵𑌰𑍍𑌚𑌸𑌃 ॥ 35 ॥
𑌸𑌰𑌾𑌮𑌂𑌲𑌕𑍍𑌷𑍍𑌮𑌣𑌞𑍍𑌚𑍈𑌵𑌘𑍋𑌰𑍈𑌰𑍍𑌨𑌾𑌗𑌮𑌯𑍈𑌶𑍍𑌶𑌰𑍈𑌃 ।
𑌬𑌿𑌭𑍇𑌦𑌸𑌮𑌰𑍇𑌕𑍍𑌰𑍁𑌦𑍍𑌧𑌃𑌸𑌰𑍍𑌵𑌗𑌾𑌤𑍍𑌰𑍇𑌷𑍁𑌰𑌾𑌕𑍍𑌷𑌸𑌃 ॥ 36 ॥
𑌮𑌾𑌯𑌯𑌾𑌸𑌮𑍍𑌵𑍃𑌤𑌸𑍍𑌤𑌤𑍍𑌰𑌮𑍋𑌹𑌯𑌨𑍍𑌰𑌾𑌘𑌵𑍗𑌯𑍁𑌧𑌿 ।
𑌅𑌦𑍃𑌶𑍍𑌯𑌸𑍍𑌸𑌰𑍍𑌵𑌭𑍂𑌤𑌾𑌨𑌾𑌙𑍍𑌕𑍂𑌟𑌯𑍋𑌧𑍀𑌨𑌿𑌶𑌾𑌚𑌰𑌃 ॥ 37 ॥
𑌬𑌬𑌨𑍍𑌧𑌶𑌰𑌬𑌨𑍍𑌧𑍇𑌨𑌭𑍍𑌰𑌾𑌤𑌰𑍗𑌰𑌾𑌮𑌲𑌕𑍍𑌷𑍍𑌮𑌣𑍗 ।
𑌤𑍇𑌨𑌤𑍗𑌪𑍁𑌰𑍁𑌷𑌵𑍍𑌯𑌾𑌘𑍍𑌰𑍗𑌕𑍍𑌰𑍁𑌦𑍍𑌧𑍇𑌨𑌾𑌶𑍀𑌵𑌿𑌷𑍈𑌶𑍍𑌶𑌰𑍈𑌃 ॥ 38 ॥
𑌸𑌹𑌸𑌾𑌨𑌿𑌹𑌤𑍗𑌵𑍀𑌰𑍗𑌤𑌦𑌾𑌪𑍍𑌰𑍈𑌕𑍍𑌷𑌨𑍍𑌤𑌵𑌾𑌨𑌰𑌾𑌃 ।
𑌪𑍍𑌰𑌕𑌾𑌶𑌰𑍂𑌪𑌸𑍍𑌤𑍁𑌤𑌦𑌾𑌨𑌶𑌕𑍍𑌤𑌸𑍍𑌤𑍗𑌬𑌾𑌧𑌿𑌤𑍁𑌂𑌰𑌾𑌕𑍍𑌷𑌸𑌰𑌾𑌜𑌪𑍁𑌤𑍍𑌰𑌃 ।
𑌮𑌾𑌯𑌾𑌮𑍍𑌪𑍍𑌰𑌯𑍋𑌕𑍍𑌤𑍁𑌂𑌸𑌮𑍁𑌪𑌾𑌜𑌗𑌾𑌮𑌬𑌬𑌨𑍍𑌧𑌤𑍗𑌰𑌾𑌜𑌸𑍁𑌤𑍗𑌦𑍁𑌰𑌾𑌤𑍍𑌮𑌾 ॥ 39 ॥
𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌯𑍁𑌦𑍍𑌧𑌕𑌾𑌣𑍍𑌡𑍇 𑌚𑌤𑍁𑌶𑍍𑌚𑌤𑍍𑌵𑌾𑌰𑌿𑌂𑌶𑌸𑍍𑌸𑌰𑍍𑌗𑌃 ॥
Roman (IAST) Transliteration
śrīmadvālmīkīya rāmāyaṇe yuddhakāṇḍam |
atha catuścatvāriṃśassargaḥ |
yudhyatāmenateṣāntutadāvānararākṣasām |
ravirastaṅgatorātriḥpravṛttāprāṇahāriṇī || 1 ||
anyonyambaddhavairāṇāṅghorāṇāñjayamicchatām |
sampravṛttanniśāyuddhantadāvānararakṣasām || 2 ||
rākṣaso'sītiharayohariścā'sītirākṣasāḥ |
anyonyaṃsamarejaghnustasmiṃstamasidāruṇe || 3 ||
jahidārayacaihītikathaṃvidravasītica |
evaṃsutumulaśśabdastasmiṃstamasiśuśruve || 4 ||
kālāḥkāñcanasannāhāstasmiṃstamasirākṣasāḥ |
sampradṛśyantaśailendrādīptauṣadhivanāiva || 5 ||
tasmiṃstamasiduṣpārerākṣasāḥkrodhamūrchitāḥ |
paripeturmahāvegābhakṣayantaḥplavaṅgamān || 6 ||
tehayān kāñcanāpīḍān dhvajāṃścāśīviṣopamān |
āplutyadaśanaistīkṣṇairbhīmakopāvyadārayan || 7 ||
vānarābalinoyuddhe'kṣobhayan rākṣasīñcamūm |
kuñjarān kuñjarārohān patākādhvajinorathān || 8 ||
karṣuścadadaṃśuścadaśanaiḥkrodhamūrchitāḥ |
lakṣmaṇaścāpirāmaścaśarairāśīviṣopamaiḥ || 9 ||
dṛśyādṛśyānirakṣāṃsipravarāṇinijaghnatuḥ |
turaṅgakhuravidhvastaṃrathanemisamutthitam || 10 ||
rurodhakarṇanetrāṇiyudhyatāndharaṇīrajaḥ |
vartamānetathāghoresaṅgrāmeromaharṣaṇe || 11 ||
rudhirodhāmahāghorānadyastatraprasusruvuḥ |
tatobherīmṛdaṅgānāmpaṇavānāñcanissvanaḥ || 12 ||
śaṅkhaveṇusvanonmiśrassambhūvādbhutopamaḥ |
hatānāṃstanamānānāṃrākṣasānāñcaniḥsvanaḥ || 13 ||
śastānāṃvānarāṇāñcasambabhūvātidāruṇaḥ |
hatairvānaravīraiścaśaktiśūlaparaśvadhaiḥ || 14 ||
nihataiḥparvatākārairākṣasaiḥkāmarūpibhiḥ |
śastrapuṣpopahārācatatrāsīdyuddhamedinī || 15 ||
dur jñeyādurniveśācaśoṇitāsrāvakardamā |
sābabhūvaniśāghorāharirākṣasahāriṇī || 16 ||
kālarātrīvabhūtānāṃsarveṣānduratikramā |
tatasterākṣasāstatratasmiṃstamasidāruṇe || 17 ||
rāmamevābhyavartantasamhṛṣṭāśśaravṛṣṭibhiḥ |
teṣāmāpatatāṃśabdaḥkruddhānāmapigarjatām || 18 ||
udvarta;iva saptānāṃ samudrāṇāṃ abhūt svanaḥ |
teṣāṃ rāmah śāraih ṣaḍbhih ṣaḍ jaghāna niśāa carān || 19 ||
nimeṣāntaramātreṇaśitairagniśikhopamaiḥ |
yamaśatruścadurdharṣomahāpārśvamahodarau || 20 ||
vajradaṃṣṭromahākāyastaucobhauśukasāraṇau |
teturāmeṇabāṇaughaissarvemarmasutāḍitāḥ || 21 ||
yuddhādapasṛtāstatrasāvaśeṣāyuṣo'bhavan |
tatrakāñcanacitrāṅgaiśśarairagniśikhopamaiḥ || 22 ||
diśaścakāravimalāḥpradiśaścamahārathaḥ |
yetvanyerākṣasābhīmārāmasyābhimukhesthitāḥ || 23 ||
te'pinaṣṭāḥsamāsādyapataṅgāivapāvakam |
suvarṇapuṅkhairviśikhaissapatadbhissahasraśaḥ || 24 ||
babhūvarajanīcitrākhadyotairivaśāradī |
rākṣasānāñcaninadairharīṇāñcāpinissvanaiḥ || 25 ||
sābabhūvaniśāghorābhūyoghoratarātadā |
tenaśabdenamahatāpravṛddhenasamantataḥ || 26 ||
trikūṭaḥkandarākīrṇaḥpravyāharadivācalaḥ |
golāṅgūlāmahākāyāstamasātulyavarcasaḥ || 27 ||
sampariṣvajyabāhubhyāmbhakṣayanrajanīcarān |
aṅgadasturaṇeśatrūnanihantuṃsamupasthitaḥ || 28 ||
rāvaṇinnijaghānāśusārathiñcahayānapi |
vartamānetadāghoresaṅgrāmebhṛśadāruṇe || 29 ||
indrajitturathantyaktvāhatāśvohatasārathiḥ |
aṅgadenamahāmāyastatraivāntaradhīyata || 30 ||
tatkarmavāliputrasyasarvedevāssaharṣibhiḥ |
tuṣṭuvuḥpūjanārhasyataucobhaurāmalakṣmaṇau || 31 ||
prabhāvaṃsarvabhūtānividurindrajitoyudhi |
tenatetammahātmānantuṣṭāḥdṛṣṭavāpradharṣitam || 32 ||
tataḥprahṛṣṭāḥkapayassasugrīvavibhīṣaṇāḥ |
sādhusādhvitineduścadṛṣṭavāśatrumpradharṣitam || 33 ||
indrajittutadātenanirjitobhīmakarmaṇā |
saṃyugevāliputreṇakrodhañcakresudāruṇam || 34 ||
so'ntardhānagataḥpāporāvaṇīraṇakarkaśaḥ |
adṛśyoniśitānbāṇānmumocāśanivarcasaḥ || 35 ||
sarāmaṃlakṣmaṇañcaivaghorairnāgamayaiśśaraiḥ |
bibhedasamarekruddhaḥsarvagātreṣurākṣasaḥ || 36 ||
māyayāsamvṛtastatramohayanrāghavauyudhi |
adṛśyassarvabhūtānāṅkūṭayodhīniśācaraḥ || 37 ||
babandhaśarabandhenabhrātaraurāmalakṣmaṇau |
tenataupuruṣavyāghraukruddhenāśīviṣaiśśaraiḥ || 38 ||
sahasānihatauvīrautadāpraikṣantavānarāḥ |
prakāśarūpastutadānaśaktastaubādhituṃrākṣasarājaputraḥ |
māyāmprayoktuṃsamupājagāmababandhataurājasutaudurātmā || 39 ||
ityārṣe śrīmadrāmāyaṇe vālmīkīya ādikāvye yuddhakāṇḍe catuścatvāriṃśassargaḥ ||
InfoLyter.in — Sacred Vedic Knowledge Portal · Free forever