📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
6.111 𑌯𑍁𑌦𑍍𑌧𑌕𑌾𑌣𑍍𑌡 - 𑌏𑌕𑌾𑌦𑌶𑌾𑌧𑌿𑌕𑌶𑌤𑌤𑌮 𑌸𑌰𑍍𑌗𑌃
6.111 Yuddhakanda - Ekadashadhikashatatama Sargah
Valmiki Grantha
𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌯𑍁𑌦𑍍𑌧𑌕𑌾𑌣𑍍𑌡𑌮𑍍 ।
𑌅𑌥 𑌏𑌕𑌾𑌦𑌶𑌾𑌧𑌿𑌕𑌶𑌤𑌤𑌮𑌸𑍍𑌸𑌰𑍍𑌗𑌃 ।
𑌅𑌥𑌸𑌂𑌸𑍍𑌮𑌾𑌰𑌯𑌾𑌮𑌾𑌸𑌮𑌾𑌤𑌲𑌿𑌰𑌾𑌘𑌵𑌨𑍍𑌤𑌦𑌾 ।
𑌅𑌜𑌾𑌨𑌨𑍍𑌨𑌿𑌵𑌕𑌿𑌂𑌵𑍀𑌰𑌤𑍍𑌵𑌮𑍇𑌨𑌮𑌨𑍁𑌵𑌰𑍍𑌤𑌸𑍇 ॥ 1 ॥
𑌵𑌿𑌸𑍃𑌜𑌾𑌸𑍍𑌮𑍈𑌵𑌧𑌾𑌯𑌤𑍍𑌵𑌮𑌸𑍍𑌤𑍍𑌰𑌮𑍍𑌪𑍈𑌤𑌾𑌮𑌹𑌮𑍍𑌪𑍍𑌰𑌭𑍋 ।
𑌵𑌿𑌨𑌾𑌶𑌕𑌾𑌲𑌃𑌕𑌥𑌿𑌤𑍋𑌃𑌯𑌃𑌸𑍁𑌰𑍈𑌃𑌸𑍋𑌽𑌦𑍍𑌯𑌵𑌰𑍍𑌤𑌤𑍇 ॥ 2 ॥
𑌤𑌤𑌃𑌸𑌂𑌸𑍍𑌮𑌾𑌰𑌿𑌤𑍋𑌰𑌾𑌮𑌸𑍍𑌤𑍇𑌨𑌵𑌾𑌕𑍍𑌯𑍇𑌨𑌮𑌾𑌤𑌲𑍇𑌃 ।
𑌜𑌗𑍍𑌰𑌾𑌹 𑌸 𑌶𑌰𑌨𑍍𑌦𑍀𑌪𑍍𑌤𑌨𑍍𑌨𑌿𑌃𑌶𑍍𑌵𑌸𑌨𑍍𑌤𑌮𑌿𑌵𑍋𑌰𑌗𑌮𑍍 ॥ 3 ॥
𑌯𑌨𑍍𑌤𑌸𑍍𑌮𑍈𑌪𑍍𑌰𑌥𑌮𑌮𑍍𑌪𑍍𑌰𑌾𑌦𑌾𑌦𑌗𑌸𑍍𑌤𑍍𑌯𑍋𑌭𑌗𑌵𑌾𑌨𑍃𑌷𑌿𑌃 ।
𑌬𑍍𑌰𑌹𑍍𑌮𑌦𑌤𑍍𑌤𑌮𑍍𑌮𑌹𑌾𑌬𑌾𑌣𑌮𑌮𑍋𑌘𑌂𑌯𑍁𑌧𑌿𑌵𑍀𑌰𑍍𑌯𑌵𑌾𑌨𑍍 ॥ 4 ॥
𑌬𑍍𑌰𑌹𑍍𑌮𑌣𑌾𑌨𑌿𑌰𑍍𑌮𑌿𑌤𑌮𑍍𑌪𑍂𑌰𑍍𑌵𑌮𑌿𑌨𑍍𑌦𑍍𑌰𑌾𑌰𑍍𑌥𑌮𑌮𑌿𑌤𑍗𑌜𑌸𑌾 ।
𑌦𑌤𑍍𑌤𑌂𑌸𑍁𑌰𑌪𑌤𑍇𑌃𑌪𑍂𑌰𑍍𑌵𑌨𑍍𑌤𑍍𑌰𑌿𑌲𑍋𑌕𑌜𑌯𑌕𑌾𑌙𑍍𑌕𑍍𑌷𑌿𑌣𑌃 ॥ 5 ॥
𑌯𑌸𑍍𑌯𑌵𑌾𑌜𑍇𑌷𑍁𑌪𑌵𑌨𑌃𑌫𑌲𑍇𑌪𑌾𑌵𑌕𑌭𑌾𑌸𑍍𑌕𑌰𑍗 ।
𑌶𑌰𑍀𑌰𑌮𑌾𑌕𑌾𑌶𑌮𑌯𑌙𑍍𑌗𑍗𑌰𑌵𑍇𑌮𑍇𑌰𑍁𑌮𑌨𑍍𑌦𑌰𑍗 ॥ 6 ॥
𑌜𑌾𑌜𑍍𑌵𑌲𑍍𑌯𑌮𑌾𑌨𑌂𑌵𑌪𑍁𑌷𑌾𑌸𑍁𑌪𑍁𑌙𑍍𑌖𑌂𑌹𑍇𑌮𑌭𑍂𑌷𑌿𑌤𑌮𑍍 ।
𑌤𑍇𑌜𑌸𑌾𑌸𑌰𑍍𑌵𑌭𑍂𑌤𑌾𑌨𑌾𑌙𑍍𑌕𑍃𑌤𑌮𑍍𑌭𑌾𑌸𑍍𑌕𑌰𑌵𑌰𑍍𑌚𑌸𑌮𑍍 ॥ 7 ॥
𑌸𑌧𑍂𑌮𑌮𑌿𑌵𑌕𑌾𑌲𑌾𑌨𑌗𑌿𑌨𑍍𑌦𑍀𑌪𑍍𑌤𑌮𑌾𑌶𑍀𑌵𑌿𑌷𑍋𑌪𑌮𑌮𑍍 ।
𑌨𑌰𑌨𑌾𑌗𑌾𑌶𑍍𑌵𑌵𑍃𑌦𑍍𑌧𑌾𑌨𑌾𑌮𑍍𑌭𑍇𑌦𑌨𑌙𑍍𑌕𑍍𑌷𑌿𑌪𑍍𑌰𑌕𑌾𑌰𑌿𑌣𑌮𑍍 ॥ 8 ॥
𑌦𑍍𑌵𑌾𑌰𑌾𑌣𑌾𑌮𑍍𑌪𑌰𑌿𑌘𑌾𑌣𑌾𑌂 𑌚 𑌗𑌿𑌰𑍀𑌣𑌾𑌞𑍍𑌚𑌾𑌪𑌿𑌭𑍇𑌦𑌨𑌮𑍍 ।
𑌨𑌾𑌨𑌾𑌰𑍁𑌧𑌿𑌰𑌦𑌿𑌗𑍍𑌧𑌾𑌙𑍍𑌗𑌮𑍍𑌮𑍇𑌦𑍋𑌦𑌿𑌗𑍍𑌧𑌂𑌸𑍁𑌦𑌾𑌰𑍁𑌣𑌮𑍍 ॥ 9 ॥
𑌵𑌜𑍍𑌰𑌸𑌾𑌰𑌮𑍍𑌮𑌹𑌾𑌨𑌾𑌦𑌨𑍍𑌨𑌾𑌨𑌾𑌸𑌮𑌿𑌤𑌿𑌦𑌾𑌰𑌣𑌮𑍍 ।
𑌸𑌰𑍍𑌵𑌵𑌿𑌤𑍍𑌰𑌾𑌸𑌨𑌮𑍍𑌭𑍀𑌮𑌂𑌶𑍍𑌵𑌸𑌨𑍍𑌤𑌮𑌿𑌵𑌪𑌨𑍍𑌨𑌗𑌮𑍍 ॥ 10 ॥
𑌕𑌙𑍍𑌕𑌗𑍃𑌧𑍍𑌰𑌬𑌕𑌾𑌨𑌾𑌂 𑌚 𑌗𑍋𑌮𑌾𑌯𑍁𑌗𑌣𑌰𑌕𑍍𑌷𑌸𑌾𑌮𑍍 ।
𑌨𑌿𑌤𑍍𑌯𑌮𑍍𑌭𑌕𑍍𑌷𑌪𑍍𑌰𑌦𑌂𑌯𑍁𑌦𑍍𑌧𑍇𑌯𑌮𑌰𑍂𑌪𑌮𑍍𑌭𑌯𑌾𑌪𑌹𑌮𑍍 ॥ 11 ॥
𑌨𑌨𑍍𑌦𑌨𑌂𑌵𑌾𑌨𑌰𑍇𑌨𑍍𑌦𑍍𑌰𑌾𑌣𑌾𑌂𑌰𑌕𑍍𑌷𑌸𑌾𑌮𑌵𑌸𑌾𑌦𑌨𑌮𑍍 ।
𑌵𑌾𑌜𑌿𑌤𑌂𑌵𑌿𑌵𑌿𑌧𑍈𑌰𑍍𑌵𑌾𑌜𑍈𑌶𑍍𑌚𑌾𑌰𑍁𑌚𑌿𑌤𑍍𑌰𑍈𑌰𑍍𑌗𑌰𑍁𑌤𑍍𑌮𑌤𑌃 ॥ 12 ॥
𑌤𑌮𑍁𑌤𑍍𑌤𑌮𑍇𑌷𑍁𑌂𑌲𑍋𑌕𑌾𑌨𑌾𑌮𑌿𑌕𑍍𑌷𑍍𑌵𑌾𑌕𑍁𑌭𑌯𑌨𑌾𑌶𑌨𑌮𑍍 ।
𑌦𑍍𑌵𑌿𑌷𑌤𑌾𑌙𑍍𑌕𑍀𑌰𑍍𑌤𑌿𑌹𑌰𑌣𑌮𑍍𑌪𑍍𑌰𑌹𑌰𑍍𑌷𑌕𑌰𑌮𑌾𑌤𑍍𑌮𑌨𑌃 ॥ 13 ॥
𑌅𑌭𑌿𑌮𑍍𑌨𑌤𑍍𑌯𑌤𑌤𑍋𑌰𑌾𑌮𑌸𑍍𑌤𑌮𑍍𑌮𑌹𑍇𑌷𑍁𑌮𑍍𑌮𑌹𑌾𑌬𑌲𑌃 ।
𑌵𑍇𑌦𑌪𑍍𑌰𑍋𑌕𑍍𑌤𑍇𑌨𑌵𑌿𑌧𑌿𑌨𑌾𑌸𑌨𑍍𑌦𑌧𑍇𑌕𑌾𑌰𑍍𑌮𑍁𑌕𑍇𑌬𑌲𑍀 ॥ 14 ॥
𑌤𑌸𑍍𑌮𑌿𑌨𑍍 𑌸𑌧𑌨𑍀𑌯𑌮𑌾𑌨𑍇𑌤𑍁𑌰𑌾𑌘𑌵𑍇𑌣𑌶𑌰𑍋𑌤𑍍𑌤𑌮𑍇 ।
𑌸𑌰𑍍𑌵𑌭𑍂𑌤𑌾𑌨𑌿𑌸𑌨𑍍𑌤𑍍𑌰𑍇𑌸𑍁𑌶𑍍𑌚𑌚𑌾𑌲 𑌚 𑌵𑌸𑍁𑌨𑍍𑌧𑌰𑌾 ॥ 15 ॥
𑌸 𑌰𑌾𑌵𑌣𑌾𑌯𑌸𑌙𑍍𑌰𑍁𑌦𑍍𑌧𑍋𑌭𑍃𑌶𑌮𑌾𑌯𑌮𑍍𑌯𑌕𑌾𑌰𑍍𑌮𑍁𑌕𑌮𑍍 ।
𑌚𑌿𑌕𑍍𑌷𑍇𑌪𑌪𑌰𑌮𑌾𑌯𑌤𑍍𑌤𑌃𑌶𑌰𑌮𑍍𑌮𑌰𑍍𑌮𑌵𑌿𑌦𑌾𑌰𑌣𑌮𑍍 ॥ 16 ॥
𑌸𑌰𑍍𑌵𑌲𑍋𑌕𑍇𑌶𑍍𑌵𑌰𑌃 𑌶𑍍𑌰𑍀𑌮𑌾𑌨𑍍 𑌲𑍋𑌕𑌾𑌨𑌾𑌂 𑌹𑌿𑌤𑌕𑌾𑌮𑍍𑌯𑌯𑌾 ।
𑌸𑌰𑌾𑌕𑍍𑌷𑌸 𑌪𑌰𑍀𑌵𑌾𑌰𑌂 𑌹𑌤𑌵𑌾𑌂𑌸𑍍𑌤𑍍𑌵𑌾𑌂 𑌮𑌹𑌾𑌦𑍍𑌯𑍁𑌤𑌿𑌃 ॥ 17 ॥
𑌸 𑌵𑌿𑌸𑍃𑌷𑍍𑌟𑍋𑌮𑌹𑌾𑌵𑍇𑌗𑌶𑍍𑌶𑌰𑍀𑌰𑌾𑌨𑍍𑌤𑌕𑌰𑌶𑍍𑌶𑌰𑌃 ।
𑌚𑌿𑌚𑍍𑌛𑍇𑌦𑌹𑍃𑌦𑌯𑌨𑍍𑌤𑌸𑍍𑌯𑌰𑌾𑌵𑌣𑌸𑍍𑌯𑌦𑍁𑌰𑌾𑌤𑍍𑌮𑌨𑌃 ॥ 18 ॥
𑌰𑍁𑌧𑌿𑌰𑌾𑌕𑍍𑌤𑌸𑍍𑌸𑌵𑍇𑌗𑍇𑌨𑌶𑌰𑍀𑌰𑌾𑌨𑍍𑌤𑌕𑌰𑌃𑌶𑌰𑌃 ।
𑌰𑌾𑌵𑌣𑌸𑍍𑌯𑌹𑌰𑌨𑍍𑌪𑍍𑌰𑌾𑌣𑌾𑌨𑍍𑌵𑌿𑌵𑍇𑌶𑌧𑌰𑌣𑍀𑌤𑌲𑌮𑍍 ॥ 19 ॥
𑌸 𑌶𑌰𑍋𑌰𑌾𑌵𑌣𑌂𑌹𑌤𑍍𑌵𑌾𑌰𑍁𑌧𑌿𑌰𑌾𑌰𑍍𑌦𑍍𑌰𑍀𑌕𑍃𑌤𑌚𑍍𑌛𑌵𑌿𑌃 ।
𑌕𑍃𑌤𑌕𑌰𑍍𑌮𑌾𑌨𑌿𑌭𑍃𑌤𑌵𑌤𑍍𑌸𑍍𑌵𑌤𑍂𑌣𑍀𑌮𑍍𑌪𑍁𑌨𑌰𑌾𑌵𑌿𑌶𑌤𑍍 ॥ 20 ॥
𑌤𑌸𑍍𑌯𑌹𑌸𑍍𑌤𑌾𑌦𑍍𑌧𑌤𑌸𑍍𑌯𑌾𑌶𑍁𑌕𑌾𑌰𑍍𑌮𑍁𑌕𑌂 𑌚 𑌸𑌸𑌾𑌯𑌕𑌮𑍍 ।
𑌨𑌿𑌪𑌪𑌾𑌤𑌸𑌹𑌪𑍍𑌰𑌾𑌣𑍈𑌰𑍍𑌭𑍍𑌰𑌶𑍍𑌯𑌮𑌾𑌨𑌸𑍍𑌯𑌜𑍀𑌵𑌿𑌤𑌾𑌤𑍍 ॥ 21 ॥
𑌗𑌤𑌾𑌸𑍁𑌰𑍍𑌭𑍀𑌮𑌵𑍇𑌗𑌸𑍍𑌤𑍁𑌨𑍈𑌰𑍃𑌤𑍇𑌨𑍍𑌦𑍍𑌰𑍋𑌮𑌹𑌾𑌦𑍍𑌯𑍁𑌤𑌿𑌃 ।
𑌪𑌪𑌾𑌤𑌸𑍍𑌯𑌨𑍍𑌦𑌨𑌾𑌦𑍍𑌭𑍂𑌮𑍗𑌵𑍃𑌤𑍍𑌰𑍋𑌵𑌜𑍍𑌰𑌹𑌤𑍋𑌯𑌥𑌾 ॥ 22 ॥
𑌤𑌨𑍍𑌦𑍃𑌷𑍍𑌟𑌵𑌾𑌪𑌤𑌿𑌤𑌮𑍍𑌭𑍂𑌮𑍗𑌹𑌤𑌶𑍇𑌷𑌾𑌨𑌿𑌶𑌾𑌚𑌰𑌾𑌃 ।
𑌹𑌤𑌨𑌾𑌧𑌾𑌭𑌯𑌤𑍍𑌰𑌸𑍍𑌤𑌾𑌸𑍍𑌸𑌰𑍍𑌵𑌤𑌸𑍍𑌸𑌮𑍍𑌪𑍍𑌰𑌦𑍁𑌦𑍍𑌰𑍁𑌵𑍁𑌃 ॥ 23 ॥
𑌸𑌰𑍍𑌵𑌤𑌶𑍍𑌚𑌾𑌭𑌿𑌪𑍇𑌤𑍁𑌸𑍍𑌤𑌾𑌨𑍍𑌵𑌾𑌨𑌰𑌾𑌦𑍍𑌰𑍁𑌮𑌯𑍋𑌧𑌿𑌨𑌃 ।
𑌦𑌶𑌗𑍍𑌰𑍀𑌵𑌵𑌧𑌨𑍍𑌦𑍃𑌷𑍍𑌟𑌵𑌾𑌵𑌾𑌨𑌰𑌾𑌜𑌿𑌤𑌕𑌾𑌶𑌿𑌨𑌃 ॥ 24 ॥
𑌅𑌰𑍍𑌦𑌿𑌤𑌾𑌵𑌾𑌨𑌰𑍈𑌰𑍍𑌭𑍍𑌰𑌷𑍍𑌟𑌾𑌲𑌙𑍍𑌕𑌾𑌮𑌭𑍍𑌯𑌪𑌤𑌨𑍍 𑌭𑌯𑌾𑌤𑍍 ।
𑌹𑌤𑌾𑌶𑍍𑌰𑌯𑌾𑌤𑍍𑌵𑌾𑌤𑍍𑌕𑌰𑍁𑌣𑍈𑌰𑍍𑌭𑌾𑌷𑍍𑌪𑌪𑍍𑌰𑌸𑍍𑌰𑌵𑌣𑍈𑌰𑍍𑌮𑍁𑌖𑍈𑌃 ॥ 25 ॥
𑌤𑌤𑍋𑌵𑌿𑌨𑍇𑌦𑍁𑌃𑌸𑌮𑍍𑌹𑍃𑌷𑍍𑌟𑌾𑌵𑌾𑌨𑌰𑌾𑌃𑌜𑌿𑌤𑌕𑌾𑌶𑌿𑌨𑌃 ।
𑌵𑌦𑌨𑍍𑌤𑍋𑌰𑌾𑌘𑌵𑌜𑌯𑌂𑌰𑌾𑌵𑌣𑌸𑍍𑌯 𑌜 𑌤𑌦𑍍𑌵𑌧𑌮𑍍 ॥ 26 ॥
𑌅𑌥𑌾𑌨𑍍𑌤𑌰𑌿𑌕𑍍𑌷𑍇𑌵𑍍𑌯𑌨𑌦𑌤𑍍𑌸𑍗𑌮𑍍𑌯𑌸𑍍𑌤𑍍𑌰𑌿𑌦𑌶𑌦𑍁𑌨𑍍𑌧𑍁𑌭𑌿𑌃 ।
𑌦𑌿𑌵𑍍𑌯𑌗𑌨𑍍𑌧𑌶𑌹𑌸𑍍𑌤𑌤𑍍𑌰𑌮𑌾𑌰𑍁𑌤𑌸𑍍𑌸𑍁𑌸𑍁𑌕𑍋𑌵𑌵𑍗 ॥ 27 ॥
𑌨𑌿𑌪𑌪𑌾𑌤𑌾𑌨𑍍𑌤𑌰𑌿𑌕𑍍𑌷𑌾𑌚𑍍𑌚𑌪𑍁𑌷𑍍𑌪𑌵𑍃𑌷𑍍𑌟𑌿𑌸𑍍𑌤𑌦𑌾𑌭𑍁𑌵𑌿 ।
𑌕𑌿𑌰𑌨𑍍𑌤𑍀𑌰𑌾𑌘𑌵𑌰𑌥𑌨𑍍𑌦𑍁𑌰𑌵𑌾𑌪𑌾𑌮𑌨𑍋𑌹𑌰𑌾 ॥ 28 ॥
𑌰𑌾𑌘𑌵𑌸𑍍𑌤𑌵𑌸𑌂𑌯𑍁𑌕𑍍𑌤𑌾𑌗𑌗𑌨𑍇 𑌚 𑌵𑌿𑌶𑍁𑌶𑍍𑌰𑍁𑌵𑍇 ।
𑌸𑌾𑌧𑍁𑌸𑌾𑌧𑍍𑌵𑌿𑌤𑌿𑌵𑌾𑌗𑌗𑍍𑌯𑍍𑌰𑌾𑌦𑍇𑌵𑌤𑌾𑌨𑌾𑌮𑍍𑌮𑌹𑌾𑌤𑍍𑌮𑌨𑌾𑌮𑍍 ॥ 29 ॥
𑌅𑌵𑌿𑌵𑍇𑌶𑌮𑌹𑌾𑌨𑍍 𑌹𑌰𑍍𑌷𑍋𑌦𑍇𑌵𑌾𑌨𑌾𑌞𑍍𑌚𑌾𑌰𑌣𑍈𑌃𑌸𑌹 ।
𑌰𑌾𑌵𑌣𑍇𑌨𑌿𑌹𑌤𑍇𑌰𑍗𑌦𑍍𑌰𑍇𑌸𑌰𑍍𑌵𑌲𑍋𑌕𑌭𑌯𑌙𑍍𑌕𑌰𑍇 ॥ 30 ॥
𑌤𑌤𑌃𑌸𑌕𑌾𑌮𑌂𑌸𑍁𑌗𑍍𑌰𑍀𑌵𑌮𑌙𑍍𑌗𑌦𑌂 𑌚 𑌵𑌿𑌭𑍀𑌷𑌣𑌮𑍍 ।
𑌚𑌕𑌾𑌰𑌰𑌾𑌘𑌵𑌃𑌪𑍍𑌰𑍀𑌤𑍋𑌹𑌤𑍍𑌵𑌾𑌰𑌾𑌕𑍍𑌷𑌸𑌪𑍁𑌙𑍍𑌗𑌵𑌮𑍍 ॥ 31 ॥
𑌤𑌤𑌃𑌪𑍍𑌰𑌜𑌗𑍍𑌮𑍁𑌃𑌪𑍍𑌰𑌶𑌮𑌮𑍍𑌮𑌰𑍁𑌦𑍍𑌗𑌣𑌾𑌦𑌿𑌶𑌃𑌪𑍍𑌰𑌸𑍇𑌦𑍁𑌰𑍍𑌵𑌿𑌮𑌲𑌨𑍍𑌨𑌭𑍋𑌽𑌭𑌵𑌤𑍍 ।
𑌮𑌹𑍀𑌚𑌕𑌮𑍍𑌪𑍇 𑌨 𑌚 𑌮𑌾𑌰𑍁𑌤𑍋𑌵𑌵𑍗𑌸𑍍𑌥𑌿𑌰𑌪𑍍𑌰𑌭𑌶𑍍𑌚𑌾𑌪𑍍𑌯𑌭𑌵𑌦𑍍𑌦𑌿𑌵𑌾𑌕𑌰𑌃 ॥ 32 ॥
𑌤𑌤𑌸𑍍𑌤𑍁𑌸𑍁𑌗𑍍𑌰𑍀𑌵𑌵𑌿𑌭𑍀𑌷𑌣𑌾𑌙𑍍𑌗𑌦𑌾𑌃𑌸𑍁𑌹𑍃𑌦𑍍𑌵𑌿𑌶𑌿𑌷𑍍𑌟𑌾𑌸𑍍𑌸𑌹𑌲𑌕𑍍𑌷𑍍𑌮𑌣𑌾𑌸𑍍𑌤𑌦𑌾 ।
𑌸𑌮𑍇𑌤𑍍𑌯𑌹𑍃𑌷𑍍𑌟𑌾𑌵𑌿𑌜𑌯𑍇𑌨𑌰𑌾𑌘𑌵𑌂𑌰𑌣𑍇𑌽𑌭𑌿𑌰𑌾𑌮𑌂𑌵𑌿𑌧𑌿𑌨𑌾𑌭𑍍𑌯𑌪𑍂𑌜𑌯𑌨𑍍 ॥ 33 ॥
𑌸 𑌤𑍁𑌨𑌿𑌹𑌤𑌰𑌿𑌪𑍁𑌸𑍍𑌸𑍍𑌥𑌿𑌰𑌪𑍍𑌰𑌤𑌿𑌜𑍍𑌞𑌃𑌸𑍍𑌵𑌜𑌨𑌬𑌲𑌾𑌭𑌿𑌵𑍃𑌤𑍋𑌰𑌣𑍇𑌰𑌰𑌾𑌜 ।
𑌰𑌘𑍁𑌕𑍁𑌲𑌨𑍃𑌪𑌨𑌨𑍍𑌦𑌨𑍋𑌮𑌹𑍗𑌜𑌾𑌸𑍍𑌤𑍍𑌰𑌿𑌦𑌶𑌗𑌣𑍈𑌰𑌭𑌿𑌸𑌂𑌵𑍃𑌤𑍋𑌯𑌥𑍇𑌨𑍍𑌦𑍍𑌰𑌃 ॥ 34 ॥
𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌯𑍁𑌦𑍍𑌧𑌕𑌾𑌣𑍍𑌡𑍇 𑌏𑌕𑌾𑌦𑌶𑌾𑌧𑌿𑌕𑌶𑌤𑌤𑌮𑌸𑍍𑌸𑌰𑍍𑌗𑌃 ॥
Roman (IAST) Transliteration
śrīmadvālmīkīya rāmāyaṇe yuddhakāṇḍam |
atha ekādaśādhikaśatatamassargaḥ |
athasaṃsmārayāmāsamātalirāghavantadā |
ajānannivakiṃvīratvamenamanuvartase || 1 ||
visṛjāsmaivadhāyatvamastrampaitāmahamprabho |
vināśakālaḥkathitoḥyaḥsuraiḥso'dyavartate || 2 ||
tataḥsaṃsmāritorāmastenavākyenamātaleḥ |
jagrāha sa śarandīptanniḥśvasantamivoragam || 3 ||
yantasmaiprathamamprādādagastyobhagavānṛṣiḥ |
brahmadattammahābāṇamamoghaṃyudhivīryavān || 4 ||
brahmaṇānirmitampūrvamindrārthamamitaujasā |
dattaṃsurapateḥpūrvantrilokajayakāṅkṣiṇaḥ || 5 ||
yasyavājeṣupavanaḥphalepāvakabhāskarau |
śarīramākāśamayaṅgauravemerumandarau || 6 ||
jājvalyamānaṃvapuṣāsupuṅkhaṃhemabhūṣitam |
tejasāsarvabhūtānāṅkṛtambhāskaravarcasam || 7 ||
sadhūmamivakālānagindīptamāśīviṣopamam |
naranāgāśvavṛddhānāmbhedanaṅkṣiprakāriṇam || 8 ||
dvārāṇāmparighāṇāṃ ca girīṇāñcāpibhedanam |
nānārudhiradigdhāṅgammedodigdhaṃsudāruṇam || 9 ||
vajrasārammahānādannānāsamitidāraṇam |
sarvavitrāsanambhīmaṃśvasantamivapannagam || 10 ||
kaṅkagṛdhrabakānāṃ ca gomāyugaṇarakṣasām |
nityambhakṣapradaṃyuddheyamarūpambhayāpaham || 11 ||
nandanaṃvānarendrāṇāṃrakṣasāmavasādanam |
vājitaṃvividhairvājaiścārucitrairgarutmataḥ || 12 ||
tamuttameṣuṃlokānāmikṣvākubhayanāśanam |
dviṣatāṅkīrtiharaṇampraharṣakaramātmanaḥ || 13 ||
abhimnatyatatorāmastammaheṣummahābalaḥ |
vedaproktenavidhināsandadhekārmukebalī || 14 ||
tasmin sadhanīyamāneturāghaveṇaśarottame |
sarvabhūtānisantresuścacāla ca vasundharā || 15 ||
sa rāvaṇāyasaṅruddhobhṛśamāyamyakārmukam |
cikṣepaparamāyattaḥśarammarmavidāraṇam || 16 ||
sarvalokeśvaraḥ śrīmān lokānāṃ hitakāmyayā |
sarākṣasa parīvāraṃ hatavāṃstvāṃ mahādyutiḥ || 17 ||
sa visṛṣṭomahāvegaśśarīrāntakaraśśaraḥ |
cicchedahṛdayantasyarāvaṇasyadurātmanaḥ || 18 ||
rudhirāktassavegenaśarīrāntakaraḥśaraḥ |
rāvaṇasyaharanprāṇānviveśadharaṇītalam || 19 ||
sa śarorāvaṇaṃhatvārudhirārdrīkṛtacchaviḥ |
kṛtakarmānibhṛtavatsvatūṇīmpunarāviśat || 20 ||
tasyahastāddhatasyāśukārmukaṃ ca sasāyakam |
nipapātasahaprāṇairbhraśyamānasyajīvitāt || 21 ||
gatāsurbhīmavegastunairṛtendromahādyutiḥ |
papātasyandanādbhūmauvṛtrovajrahatoyathā || 22 ||
tandṛṣṭavāpatitambhūmauhataśeṣāniśācarāḥ |
hatanādhābhayatrastāssarvatassampradudruvuḥ || 23 ||
sarvataścābhipetustānvānarādrumayodhinaḥ |
daśagrīvavadhandṛṣṭavāvānarājitakāśinaḥ || 24 ||
arditāvānarairbhraṣṭālaṅkāmabhyapatan bhayāt |
hatāśrayātvātkaruṇairbhāṣpaprasravaṇairmukhaiḥ || 25 ||
tatovineduḥsamhṛṣṭāvānarāḥjitakāśinaḥ |
vadantorāghavajayaṃrāvaṇasya ja tadvadham || 26 ||
athāntarikṣevyanadatsaumyastridaśadundhubhiḥ |
divyagandhaśahastatramārutassusukovavau || 27 ||
nipapātāntarikṣāccapuṣpavṛṣṭistadābhuvi |
kirantīrāghavarathanduravāpāmanoharā || 28 ||
rāghavastavasaṃyuktāgagane ca viśuśruve |
sādhusādhvitivāgagyrādevatānāmmahātmanām || 29 ||
aviveśamahān harṣodevānāñcāraṇaiḥsaha |
rāvaṇenihateraudresarvalokabhayaṅkare || 30 ||
tataḥsakāmaṃsugrīvamaṅgadaṃ ca vibhīṣaṇam |
cakārarāghavaḥprītohatvārākṣasapuṅgavam || 31 ||
tataḥprajagmuḥpraśamammarudgaṇādiśaḥprasedurvimalannabho'bhavat |
mahīcakampe na ca mārutovavausthiraprabhaścāpyabhavaddivākaraḥ || 32 ||
tatastusugrīvavibhīṣaṇāṅgadāḥsuhṛdviśiṣṭāssahalakṣmaṇāstadā |
sametyahṛṣṭāvijayenarāghavaṃraṇe'bhirāmaṃvidhinābhyapūjayan || 33 ||
sa tunihataripussthirapratijñaḥsvajanabalābhivṛtoraṇerarāja |
raghukulanṛpanandanomahaujāstridaśagaṇairabhisaṃvṛtoyathendraḥ || 34 ||
ityārṣe śrīmadrāmāyaṇe vālmīkīya ādikāvye yuddhakāṇḍe ekādaśādhikaśatatamassargaḥ ||
InfoLyter.in — Sacred Vedic Knowledge Portal · Free forever