📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
2.35 𑌅𑌯𑍋𑌧𑍍𑌯𑌾𑌕𑌾𑌣𑍍𑌡 - 𑌪𑌞𑍍𑌚𑌤𑍍𑌰𑌿𑌂𑌶 𑌸𑌰𑍍𑌗𑌃
2.35 Ayodhyakanda - Panchatrimsha Sargah
Valmiki Grantha
𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌅𑌯𑍋𑌧𑍍𑌯𑌾𑌕𑌾𑌣𑍍𑌡𑌮𑍍 ।
𑌅𑌥 𑌪𑌞𑍍𑌚𑌤𑍍𑌰𑌿𑌂𑌶𑌸𑍍𑌸𑌰𑍍𑌗𑌃 ।
𑌤𑌤𑍋 𑌨𑌿𑌰𑍍𑌧𑍂𑌯 𑌸𑌹𑌸𑌾 𑌶𑌿𑌰𑍋 𑌨𑌿𑌶𑍍𑌶𑍍𑌵𑌸𑍍𑌯 𑌚𑌾𑌸𑌕𑍃𑌤𑍍 ।
𑌪𑌾𑌣𑍗 𑌪𑌾𑌣𑌿𑌂 𑌵𑌿𑌨𑌿𑌷𑍍𑌪𑌿𑌷𑍍𑌯 𑌦𑌨𑍍𑌤𑌾𑌨𑍍 𑌕𑌟𑌕𑌟𑌾𑌪𑍍𑌯 𑌚 ॥ 1 ॥
𑌲𑍋𑌚𑌨𑍇 𑌕𑍋𑌪𑌸𑌂𑌰𑌕𑍍𑌤𑍇 𑌵𑌰𑍍𑌣𑌂 𑌪𑍂𑌰𑍍𑌵𑍋𑌚𑌿𑌤𑌂 𑌜𑌹𑌤𑍍 ।
𑌕𑍋𑌪𑌾𑌭𑌿𑌭𑍂𑌤𑌸𑍍𑌸𑌹𑌸𑌾 𑌸𑌨𑍍𑌤𑌾𑌪𑌮𑌶𑍁𑌭𑌂 𑌗𑌤𑌃 ॥ 2 ॥
𑌮𑌨𑌃 𑌸𑌮𑍀𑌕𑍍𑌷𑌮𑌾𑌣𑌶𑍍𑌚 𑌸𑍂𑌤𑍋 𑌦𑌶𑌰𑌥𑌸𑍍𑌯 𑌸𑌃 ।
𑌕𑌮𑍍𑌪𑌯𑌨𑍍𑌨𑌿𑌵 𑌕𑍈𑌕𑍇𑌯𑍍𑌯𑌾 𑌹𑍃𑌦𑌯𑌂 𑌵𑌾𑌕𑍍𑌛𑌰𑍈𑌶𑍍𑌶𑌿𑌤𑍈𑌃 ॥ 3 ॥
𑌵𑌾𑌕𑍍𑌯𑌵𑌜𑍍𑌰𑍈𑌰𑌨𑍁𑌪𑌮𑍈𑌰𑍍𑌨𑌿𑌰𑍍𑌭𑌿𑌨𑍍𑌦𑌨𑍍𑌨𑌿𑌵 𑌚𑌾𑌶𑍁𑌭𑍈𑌃 ।
𑌕𑍈𑌕𑍇𑌯𑍍𑌯𑌾 𑌸𑍍𑌸𑌰𑍍𑌵𑌮𑌰𑍍𑌮𑌾𑌣𑌿 𑌸𑍁𑌮𑌨𑍍𑌤𑍍𑌰𑌃 𑌪𑍍𑌰𑌤𑍍𑌯𑌭𑌾𑌷𑌤 ॥ 4 ॥
𑌤𑌤𑍋 𑌨𑌿𑌰𑍍𑌧𑍂𑌯 𑌸𑌹𑌸𑌾 𑌶𑌿𑌰𑍋 𑌨𑌿𑌶𑍍𑌶𑍍𑌵𑌸𑍍𑌯 𑌚𑌾𑌸𑌕𑍃𑌤𑍍 ।
𑌪𑌾𑌣𑍗 𑌪𑌾𑌣𑌿𑌂 𑌵𑌿𑌨𑌿𑌷𑍍𑌪𑌿𑌷𑍍𑌯 𑌦𑌨𑍍𑌤𑌾𑌨𑍍 𑌕𑌟𑌕𑌟𑌾𑌪𑍍𑌯 𑌚 ॥ 5 ॥
𑌲𑍋𑌚𑌨𑍇 𑌕𑍋𑌪𑌸𑌂𑌰𑌕𑍍𑌤𑍇 𑌵𑌰𑍍𑌣𑌂 𑌪𑍂𑌰𑍍𑌵𑍋𑌚𑌿𑌤𑌂 𑌜𑌹𑌤𑍍 ।
𑌕𑍋𑌪𑌾𑌭𑌿𑌭𑍂𑌤𑌸𑍍𑌸𑌹𑌸𑌾 𑌸𑌨𑍍𑌤𑌾𑌪𑌮𑌶𑍁𑌭𑌂 𑌗𑌤𑌃 ॥ 6 ॥
𑌮𑌨𑌃 𑌸𑌮𑍀𑌕𑍍𑌷𑌮𑌾𑌣𑌶𑍍𑌚 𑌸𑍂𑌤𑍋 𑌦𑌶𑌰𑌥𑌸𑍍𑌯 𑌸𑌃 ।
𑌕𑌮𑍍𑌪𑌯𑌨𑍍𑌨𑌿𑌵 𑌕𑍈𑌕𑍇𑌯𑍍𑌯𑌾 𑌹𑍃𑌦𑌯𑌂 𑌵𑌾𑌕𑍍𑌛𑌰𑍈𑌶𑍍𑌶𑌿𑌤𑍈𑌃 ॥ 7 ॥
𑌵𑌾𑌕𑍍𑌯𑌵𑌜𑍍𑌰𑍈𑌰𑌨𑍁𑌪𑌮𑍈𑌰𑍍𑌨𑌿𑌰𑍍𑌭𑌿𑌨𑍍𑌦𑌨𑍍𑌨𑌿𑌵 𑌚𑌾𑌶𑍁𑌭𑍈𑌃 ।
𑌕𑍈𑌕𑍇𑌯𑍍𑌯𑌾 𑌸𑍍𑌸𑌰𑍍𑌵𑌮𑌰𑍍𑌮𑌾𑌣𑌿 𑌸𑍁𑌮𑌨𑍍𑌤𑍍𑌰𑌃 𑌪𑍍𑌰𑌤𑍍𑌯𑌭𑌾𑌷𑌤 ॥ 8 ॥
𑌯𑌸𑍍𑌯𑌾𑌸𑍍𑌤𑌵 𑌪𑌤𑌿𑌸𑍍𑌤𑍍𑌯𑌕𑍍𑌤𑍋 𑌰𑌾𑌜𑌾 𑌦𑌶𑌰𑌥𑌃 𑌸𑍍𑌵𑌯𑌮𑍍 ।
𑌭𑌰𑍍𑌤𑌾 𑌸𑌰𑍍𑌵𑌸𑍍𑌯 𑌜𑌗𑌤𑌃 𑌸𑍍𑌥𑌾𑌵𑌰𑌸𑍍𑌯 𑌚𑌰𑌸𑍍𑌯 𑌚 ॥ 9 ॥
𑌨 𑌹𑍍𑌯𑌕𑌾𑌰𑍍𑌯𑌤𑌮𑌂 𑌕𑌿𑌞𑍍𑌚𑌿𑌤𑍍𑌤𑌵 𑌦𑍇𑌵𑍀𑌹 𑌵𑌿𑌦𑍍𑌯𑌤𑍇 ।
𑌪𑌤𑌿𑌘𑍍𑌨𑍀𑌂 𑌤𑍍𑌵𑌾𑌮𑌹𑌂 𑌮𑌨𑍍𑌯𑍇 𑌕𑍁𑌲𑌘𑍍𑌨𑍀𑌮𑌪𑌿 𑌚𑌾𑌨𑍍𑌤𑌤𑌃 ॥ 10 ॥
𑌯𑌨𑍍𑌮𑌹𑍇𑌨𑍍𑌦𑍍𑌰𑌮𑌿𑌵𑌾𑌜𑌯𑍍𑌯𑌂 𑌦𑍁𑌷𑍍𑌪𑍍𑌰𑌕𑌮𑍍𑌪𑍍𑌯𑌮𑌿𑌵𑌾𑌚𑌲𑌮𑍍 ।
𑌮𑌹𑍋𑌦𑌧𑌿𑌮𑌿𑌵𑌾𑌕𑍍𑌷𑍋𑌭𑍍𑌯𑌂 𑌸𑌨𑍍𑌤𑌾𑌪𑌯𑌸𑌿 𑌕𑌰𑍍𑌮𑌭𑌿𑌃 ॥ 11 ॥
𑌮𑌾𑌵𑌮𑌂𑌸𑍍𑌥𑌾 𑌦𑌶𑌰𑌥𑌂 𑌭𑌰𑍍𑌤𑌾𑌰𑌂 𑌵𑌰𑌦𑌂 𑌪𑌤𑌿𑌮𑍍 ।
𑌭𑌰𑍍𑌤𑍁𑌰𑌿𑌚𑍍𑌛𑌾 𑌹𑌿 𑌨𑌾𑌰𑍀𑌣𑌾𑌂 𑌪𑍁𑌤𑍍𑌰𑌕𑍋𑌟𑍍𑌯𑌾 𑌵𑌿𑌶𑌿𑌷𑍍𑌯𑌤𑍇 ॥ 12 ॥
𑌯𑌥𑌾𑌵𑌯𑍋 𑌹𑌿 𑌰𑌾𑌜𑍍𑌯𑌾𑌨𑌿 𑌪𑍍𑌰𑌾𑌪𑍍𑌨𑍁𑌵𑌨𑍍𑌤𑌿 𑌨𑍃𑌪𑌕𑍍𑌷𑌯𑍇 ।
𑌇𑌕𑍍𑌷𑍍𑌵𑌾𑌕𑍁𑌕𑍁𑌲𑌨𑌾𑌥𑍇𑌽𑌸𑍍𑌮𑌿𑌂 𑌸𑍍𑌤𑌲𑍍𑌲𑍋𑌪𑌯𑌿𑌤𑍁𑌮𑌿𑌚𑍍𑌛𑌸𑌿 ॥ 13 ॥
𑌰𑌾𑌜𑌾 𑌭𑌵𑌤𑍁 𑌤𑍇 𑌪𑍁𑌤𑍍𑌰𑍋 𑌭𑌰𑌤𑌶𑍍𑌶𑌾𑌸𑍍𑌤𑍁 𑌮𑍇𑌦𑌿𑌨𑍀𑌮𑍍 ।
𑌵𑌯𑌂 𑌤𑌤𑍍𑌰 𑌗𑌮𑌿𑌷𑍍𑌯𑌾𑌮𑍋 𑌰𑌾𑌮𑍋 𑌯𑌤𑍍𑌰 𑌗𑌮𑌿𑌷𑍍𑌯𑌤𑌿 ॥ 14 ॥
𑌨 𑌹𑌿 𑌤𑍇 𑌵𑌿𑌷𑌯𑍇 𑌕𑌶𑍍𑌚𑌿𑌦𑍍 𑌰𑍍𑌬𑍍𑌰𑌾𑌹𑍍𑌮𑌣𑍋 𑌵𑌸𑍍𑌤𑍁𑌮𑌰𑍍𑌹𑌤𑌿 ।
𑌤𑌾𑌦𑍃𑌶𑌂 𑌤𑍍𑌵𑌮𑌮𑌰𑍍𑌯𑌾𑌦𑌮𑌦𑍍𑌯 𑌕𑌰𑍍𑌮 𑌚𑌿𑌕𑍀𑌰𑍍𑌷𑌸𑌿 ॥ 15 ॥
𑌨𑍂𑌨𑌂 𑌸𑌰𑍍𑌵𑍇 𑌗𑌮𑌿𑌷𑍍𑌯𑌾𑌮𑍋 𑌮𑌾𑌰𑍍𑌗𑌂 𑌰𑌾𑌮𑌨𑌿𑌷𑍇𑌵𑌿𑌤𑌮𑍍 ।
𑌤𑍍𑌯𑌕𑍍𑌤𑌾𑌯𑌾 𑌬𑌾𑌨𑍍𑌧𑌵𑍈𑌃 𑌸𑌰𑍍𑌵𑍈𑌰𑍍𑌬𑍍𑌰𑌾𑌹𑍍𑌮𑌣𑍈𑌃 𑌸𑌾𑌧𑍁𑌭𑌿𑌃 𑌸𑌦𑌾 ॥ 16 ॥
𑌕𑌾 𑌪𑍍𑌰𑍀𑌤𑍀 𑌰𑌾𑌜𑍍𑌯𑌲𑌾𑌭𑍇𑌨 𑌤𑌵 𑌦𑍇𑌵𑌿 𑌭𑌵𑌿𑌷𑍍𑌯𑌤𑌿 ।
𑌤𑌾𑌦𑍃𑌶𑌂 𑌤𑍍𑌵𑌮𑌮𑌰𑍍𑌯𑌾𑌦𑌂 𑌕𑌰𑍍𑌮 𑌕𑌰𑍍𑌤𑍁𑌂 𑌚𑌿𑌕𑍀𑌰𑍍𑌷𑌸𑌿 ॥ 17 ॥
𑌆𑌶𑍍𑌚𑌰𑍍𑌯𑌮𑌿𑌵 𑌪𑌶𑍍𑌯𑌾𑌮𑌿 𑌯𑌸𑍍𑌯𑌾𑌸𑍍𑌤𑍇 𑌵𑍃𑌤𑍍𑌤𑌮𑍀𑌦𑍃𑌶𑌮𑍍 ।
𑌆𑌚𑌰𑌨𑍍𑌤𑍍𑌯𑌾 𑌨 𑌵𑌿𑌵𑍃𑌤𑌾 𑌸𑌦𑍍𑌯𑍋 𑌭𑌵𑌤𑌿 𑌮𑍇𑌦𑌿𑌨𑍀 ॥ 18 ॥
𑌮𑌹𑌾𑌬𑍍𑌰𑌹𑍍𑌮𑌰𑍍𑌷𑌿𑌸𑍃𑌷𑍍𑌟𑌾𑌃 𑌵𑌾 𑌜𑍍𑌵𑌲𑌨𑍍𑌤𑍋 𑌭𑍀𑌮𑌦𑌰𑍍𑌶𑌨𑌾𑌃 ।
𑌧𑌿𑌗𑍍𑌵𑌾𑌗𑍍𑌦𑌣𑍍𑌡𑌾 𑌨 𑌹𑌿𑌂𑌸𑌨𑍍𑌤𑌿 𑌰𑌾𑌮𑌪𑍍𑌰𑌵𑍍𑌰𑌾𑌜𑌨𑍇 𑌸𑍍𑌥𑌿𑌤𑌾𑌮𑍍 ॥ 19 ॥
𑌆𑌮𑍍𑌰𑌂 𑌛𑌿𑌤𑍍𑌵𑌾 𑌕𑍁𑌠𑌾𑌰𑍇𑌣 𑌨𑌿𑌮𑍍𑌬𑌂 𑌪𑌰𑌿𑌚𑌰𑍇𑌤𑍍𑌤𑍁 𑌯𑌃 ।
𑌯𑌶𑍍𑌚𑍈𑌨𑌂 𑌪𑌯𑌸𑌾 𑌸𑌿𑌞𑍍𑌚𑍇𑌨𑍍𑌨𑍈𑌵𑌾𑌸𑍍𑌯 𑌮𑌧𑍁𑌰𑍋 𑌭𑌵𑍇𑌤𑍍 ॥ 20 ॥
𑌅𑌭𑌿𑌜𑌾𑌤𑍍𑌯𑌂 𑌹𑌿 𑌤𑍇 𑌮𑌨𑍍𑌯𑍇 𑌯𑌥𑌾 𑌮𑌾𑌤𑍁𑌸𑍍𑌤𑌥𑍈𑌵 𑌚 ।
𑌨 𑌹𑌿 𑌨𑌿𑌮𑍍𑌬𑌾𑌤𑍍𑌸𑍍𑌰𑌵𑍇𑌤𑍍 𑌕𑍍𑌷𑍈𑌦𑍍𑌰𑌂 𑌲𑍋𑌕𑍇 𑌨𑌿𑌗𑌦𑌿𑌤𑌂 𑌵𑌚𑌃 ॥ 21 ॥
𑌤𑌵 𑌮𑌾𑌤𑍁𑌰𑌸𑌦𑍍𑌗𑍍𑌰𑌾𑌹𑌂 𑌵𑌿𑌦𑍍𑌮𑌃 𑌪𑍂𑌰𑍍𑌵𑌂 𑌯𑌥𑌾𑌶𑍍𑌰𑍁𑌤𑌮𑍍 ।
𑌪𑌿𑌤𑍁𑌸𑍍𑌤𑍇 𑌵𑌰𑌦𑌃 𑌕𑌶𑍍𑌚𑌿𑌦𑍍𑌦𑌦𑍗 𑌵𑌰𑌮𑌨𑍁𑌤𑍍𑌤𑌮𑌮𑍍 ॥ 22 ॥
𑌸𑌰𑍍𑌵𑌭𑍂𑌤𑌰𑍁𑌤𑌂 𑌤𑌸𑍍𑌮𑌾𑌤𑍍𑌸𑌞𑍍𑌜𑌜𑍍𑌞𑍇 𑌵𑌸𑍁𑌧𑌾𑌧𑌿𑌪𑌃 ।
𑌤𑍇𑌨 𑌤𑌿𑌰𑍍𑌯𑌗𑍍𑌗𑌤𑌾𑌨𑌾𑌂 𑌚 𑌭𑍂𑌤𑌾𑌨𑌾𑌂 𑌵𑌿𑌦𑌿𑌤𑌂 𑌵𑌚𑌃 ॥ 23 ॥
𑌤𑌤𑍋 𑌜𑍃𑌮𑍍𑌭𑌸𑍍𑌯 𑌶𑌯𑌨𑍇 𑌵𑌿𑌰𑍁𑌤𑌾𑌦𑍍𑌭𑍂𑌰𑌿𑌵𑌰𑍍𑌚𑌸𑌃 ।
𑌪𑌿𑌤𑍁𑌸𑍍𑌤𑍇 𑌵𑌿𑌦𑌿𑌤𑍋 𑌭𑌾𑌵 𑌸𑍍𑌸 𑌤𑌤𑍍𑌰 𑌬𑌹𑍁𑌧𑌾𑌽𑌹𑌸𑌤𑍍 ॥ 24 ॥
𑌤𑌤𑍍𑌰 𑌤𑍇 𑌜𑌨𑌨𑍀 𑌕𑍍𑌰𑍁𑌦𑍍𑌧𑌾 𑌮𑍃𑌤𑍍𑌯𑍁𑌪𑌾𑌶𑌮𑌭𑍀𑌪𑍍𑌸𑌤𑍀 ।
𑌹𑌾𑌸𑌂 𑌤𑍇 𑌨𑍃𑌪𑌤𑍇 𑌸𑍗𑌮𑍍𑌯 𑌜𑌿𑌜𑍍𑌞𑌾𑌸𑌾𑌮𑍀𑌤𑌿 𑌚𑌾𑌬𑍍𑌰𑌵𑍀𑌤𑍍 ॥ 25 ॥
𑌨𑍃𑌪𑌶𑍍𑌚𑍋𑌵𑌾𑌚 𑌤𑌾𑌂 𑌦𑍇𑌵𑍀𑌂 𑌦𑍇𑌵𑌿 𑌶𑌂𑌸𑌾𑌮𑌿 𑌤𑍇 𑌯𑌦𑌿 ।
𑌤𑌤𑍋 𑌮𑍇 𑌮𑌰𑌣𑌂 𑌸𑌦𑍍𑌯𑍋 𑌭𑌵𑌿𑌷𑍍𑌯𑌤𑌿 𑌨 𑌸𑌂𑌶𑌯𑌃 ॥ 26 ॥
𑌮𑌾𑌤𑌾 𑌤𑍇 𑌪𑌿𑌤𑌰𑌂 𑌦𑍇𑌵𑌿 𑌤𑌤𑌃 𑌕𑍇𑌕𑌯𑌮𑌬𑍍𑌰𑌵𑍀𑌤𑍍 ।
𑌶𑌂𑌸 𑌮𑍇 𑌜𑍀𑌵 𑌵𑌾 𑌮𑌾 𑌵𑌾 𑌨 𑌮𑌾𑌮𑌪𑌹𑌸𑌿𑌷𑍍𑌯𑌸𑌿 ॥ 27 ॥
𑌪𑍍𑌰𑌿𑌯𑌯𑌾 𑌚 𑌤𑌥𑍋𑌕𑍍𑌤 𑌸𑍍𑌸𑌨𑍍 𑌕𑍇𑌕𑌯𑌃 𑌪𑍃𑌥𑌿𑌵𑍀𑌪𑌤𑌿𑌃 ।
𑌤𑌸𑍍𑌮𑍈 𑌤𑌂 𑌵𑌰𑌦𑌾𑌯𑌾𑌰𑍍𑌥𑌂 𑌕𑌥𑌯𑌾𑌮𑌾𑌸 𑌤𑌤𑍍𑌤𑍍𑌵𑌤𑌃 ॥ 28 ॥
𑌤𑌤𑌃 𑌸𑍍𑌸 𑌵𑌰𑌦𑌃 𑌸𑌾𑌧𑍁𑌰𑌾𑌜𑌾𑌨𑌂 𑌪𑍍𑌰𑌤𑍍𑌯𑌭𑌾𑌷𑌤 ।
𑌮𑍍𑌰𑌿𑌯𑌤𑌾𑌂 𑌧𑍍𑌵𑌂𑌸𑌤𑌾𑌂 𑌵𑍇𑌯𑌂 𑌮𑌾 𑌕𑍃𑌥𑌾𑌸𑍍𑌤𑍍𑌵𑌂 𑌮𑌹𑍀𑌪𑌤𑍇 ॥ 29 ॥
𑌸 𑌤𑌚𑍍𑌛𑍍𑌰𑍁𑌤𑍍𑌵𑌾 𑌵𑌚𑌸𑍍𑌤𑌸𑍍𑌯 𑌪𑍍𑌰𑌸𑌨𑍍𑌨𑌮𑌨𑌸𑍋 𑌨𑍃𑌪𑌃 ।
𑌮𑌾𑌤𑌰𑌂 𑌤𑍇 𑌨𑌿𑌰𑌸𑍍𑌯𑌾𑌶𑍁 𑌵𑌿𑌜𑌹𑌾𑌰 𑌕𑍁𑌬𑍇𑌰𑌵𑌤𑍍 ॥ 30 ॥
𑌤𑌥𑌾 𑌤𑍍𑌵𑌮𑌪𑌿 𑌰𑌾𑌜𑌾𑌨𑌂 𑌦𑍁𑌰𑍍𑌜𑌨𑌾𑌚𑌰𑌿𑌤𑍇 𑌪𑌥𑌿 ।
𑌅𑌸𑌦𑍍𑌗𑍍𑌰𑌾𑌹𑌮𑌿𑌮𑌂 𑌮𑍋𑌹𑌾𑌤𑍍𑌕𑍁𑌰𑍁𑌷𑍇 𑌪𑌾𑌪𑌦𑌰𑍍𑌶𑌿𑌨𑌿 ॥ 31 ॥
𑌸𑌤𑍍𑌯𑌶𑍍𑌚𑌾𑌦𑍍𑌯 𑌪𑍍𑌰𑌵𑌾𑌦𑍋𑌽𑌯𑌂 𑌲𑍗𑌕𑌿𑌕𑌃 𑌪𑍍𑌰𑌤𑌿𑌭𑌾𑌤𑌿 𑌮𑌾 ।
𑌪𑌿𑌤𑍃𑌨𑍍 𑌸𑌮𑌨𑍁𑌜𑌾𑌯𑌨𑍍𑌤𑍇 𑌨𑌰𑌾 𑌮𑌾𑌤𑌰𑌮𑌙𑍍𑌗𑌨𑌾𑌃 ॥ 32 ॥
𑌨𑍈𑌵𑌂 𑌭𑌵 𑌗𑍃𑌹𑌾𑌣𑍇𑌦𑌂 𑌯𑌦𑌾𑌹 𑌵𑌸𑍁𑌧𑌾𑌧𑌿𑌪𑌃 ।
𑌭𑌰𑍍𑌤𑍁𑌰𑌿𑌚𑍍𑌛𑌾𑌮𑍁𑌪𑌾𑌸𑍍𑌵𑍇𑌹 𑌜𑌨𑌸𑍍𑌯𑌾𑌸𑍍𑌯 𑌗𑌤𑌿𑌰𑍍𑌭𑌵 ॥ 33 ॥
𑌮𑌾 𑌤𑍍𑌵𑌂 𑌪𑍍𑌰𑍋𑌤𑍍𑌸𑌾𑌹𑌿𑌤𑌾 𑌪𑌾𑌪𑍈𑌰𑍍𑌦𑍇𑌵𑌰𑌾𑌜𑌸𑌮𑌪𑍍𑌰𑌭𑌮𑍍 ।
𑌭𑌰𑍍𑌤𑌾𑌰𑌂 𑌲𑍋𑌕𑌭𑌰𑍍𑌤𑌾𑌰𑌮𑌸𑌦𑍍𑌧𑌰𑍍𑌮𑌮𑍁𑌪𑌾𑌦𑌧𑌾𑌃 ॥ 34 ॥
𑌨 𑌹𑌿 𑌮𑌿𑌥𑍍𑌯𑌾 𑌪𑍍𑌰𑌤𑌿𑌜𑍍𑌞𑌾𑌤𑌂 𑌕𑌰𑌿𑌷𑍍𑌯𑌤𑌿 𑌤𑌵𑌾𑌨𑌘𑌃 ।
𑌶𑍍𑌰𑍀𑌮𑌾𑌨𑍍𑌦𑌶𑌰𑌥𑍋 𑌰𑌾𑌜𑌾 𑌦𑍇𑌵𑌿 𑌰𑌾𑌜𑍀𑌵𑌲𑍋𑌚𑌨𑌃 ॥ 35 ॥
𑌜𑍍𑌯𑍇𑌷𑍍𑌠𑍋 𑌵𑌦𑌾𑌨𑍍𑌯𑌃 𑌕𑌰𑍍𑌮𑌣𑍍𑌯𑌃 𑌸𑍍𑌵𑌧𑌰𑍍𑌮𑌪𑌰𑌿𑌰𑌕𑍍𑌷𑌿𑌤𑌾 ।
𑌰𑌕𑍍𑌷𑌿𑌤𑌾 𑌜𑍀𑌵𑌲𑍋𑌕𑌸𑍍𑌯 𑌬𑌲𑍀 𑌰𑌾𑌮𑍋𑌽𑌭𑌿𑌷𑌿𑌚𑍍𑌯𑌤𑌾𑌮𑍍 ॥ 36 ॥
𑌪𑌰𑌿𑌵𑌾𑌦𑍋 𑌹𑌿 𑌤𑍇 𑌦𑍇𑌵𑌿 𑌮𑌹𑌾𑌲𑍍𑌲𑍋𑌕𑍇 𑌚𑌰𑌿𑌷𑍍𑌯𑌤𑌿 ।
𑌯𑌦𑌿 𑌰𑌾𑌮𑍋 𑌵𑌨𑌂 𑌯𑌾𑌤𑌿 𑌵𑌿𑌹𑌾𑌯 𑌪𑌿𑌤𑌰𑌂 𑌨𑍃𑌪𑌮𑍍 ॥ 37 ॥
𑌸 𑌰𑌾𑌜𑍍𑌯𑌂 𑌰𑌾𑌘𑌵𑌃 𑌪𑌾𑌤𑍁 𑌭𑌵 𑌤𑍍𑌵𑌂 𑌵𑌿𑌗𑌤𑌜𑍍𑌵𑌰𑌾 ।
𑌨 𑌹𑌿 𑌤𑍇 𑌰𑌾𑌘𑌵𑌾𑌦𑌨𑍍𑌯𑌃 𑌕𑍍𑌷𑌮𑌃 𑌪𑍁𑌰𑌵𑌰𑍇 𑌵𑌸𑍇𑌤𑍍 ॥ 38 ॥
𑌰𑌾𑌮𑍇 𑌹𑌿 𑌯𑍗𑌵𑌰𑌾𑌜𑍍𑌯𑌸𑍍𑌥𑍇 𑌰𑌾𑌜𑌾 𑌦𑌶𑌰𑌥𑍋 𑌵𑌨𑌮𑍍 ।
𑌪𑍍𑌰𑌵𑍇𑌕𑍍𑌷𑍍𑌯𑌤𑌿 𑌮𑌹𑍇𑌷𑍍𑌵𑌾𑌸𑌃 𑌪𑍂𑌰𑍍𑌵𑌵𑍃𑌤𑍍𑌤𑌮𑌨𑍁𑌸𑍍𑌮𑌰𑌨𑍍 ॥ 39 ॥
𑌇𑌤𑌿 𑌸𑌾𑌨𑍍𑌤𑍍𑌵𑍈𑌶𑍍𑌚 𑌤𑍀𑌕𑍍𑌷𑍍𑌣𑍈𑌶𑍍𑌚 𑌕𑍈𑌕𑍇𑌯𑍀𑌂 𑌰𑌾𑌜𑌸𑌂𑌸𑌦𑌿 ।
𑌸𑍁𑌮𑌨𑍍𑌤𑍍𑌰𑌃 𑌕𑍍𑌷𑍋𑌭𑌯𑌾𑌮𑌾𑌸 𑌭𑍂𑌯 𑌏𑌵 𑌕𑍃𑌤𑌾𑌜𑍍𑌜𑌲𑌿𑌃 ॥ 40 ॥
𑌨𑍈𑌵 𑌸𑌾 𑌕𑍍𑌷𑍁𑌭𑍍𑌯𑌤𑍇 𑌦𑍇𑌵𑍀 𑌨 𑌚 𑌸𑍍𑌮 𑌪𑌰𑌿𑌦𑍂𑌯𑌤𑍇 ।
𑌨 𑌚𑌾𑌸𑍍𑌯𑌾 𑌮𑍁𑌖𑌵𑌰𑍍𑌣𑌸𑍍𑌯 𑌵𑌿𑌕𑍍𑌰𑌿𑌯𑌾 𑌲𑌕𑍍𑌷𑍍𑌯𑌤𑍇 𑌤𑌦𑌾 ॥ 41 ॥
𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌅𑌯𑍋𑌧𑍍𑌯𑌾𑌕𑌾𑌣𑍍𑌡𑍇 𑌪𑌞𑍍𑌚𑌤𑍍𑌰𑌿𑌂𑌶𑌸𑍍𑌸𑌰𑍍𑌗𑌃 ॥
Roman (IAST) Transliteration
śrīmadvālmīkīya rāmāyaṇe ayodhyākāṇḍam |
atha pañcatriṃśassargaḥ |
tato nirdhūya sahasā śiro niśśvasya cāsakṛt |
pāṇau pāṇiṃ viniṣpiṣya dantān kaṭakaṭāpya ca || 1 ||
locane kopasaṃrakte varṇaṃ pūrvocitaṃ jahat |
kopābhibhūtassahasā santāpamaśubhaṃ gataḥ || 2 ||
manaḥ samīkṣamāṇaśca sūto daśarathasya saḥ |
kampayanniva kaikeyyā hṛdayaṃ vākcharaiśśitaiḥ || 3 ||
vākyavajrairanupamairnirbhindanniva cāśubhaiḥ |
kaikeyyā ssarvamarmāṇi sumantraḥ pratyabhāṣata || 4 ||
tato nirdhūya sahasā śiro niśśvasya cāsakṛt |
pāṇau pāṇiṃ viniṣpiṣya dantān kaṭakaṭāpya ca || 5 ||
locane kopasaṃrakte varṇaṃ pūrvocitaṃ jahat |
kopābhibhūtassahasā santāpamaśubhaṃ gataḥ || 6 ||
manaḥ samīkṣamāṇaśca sūto daśarathasya saḥ |
kampayanniva kaikeyyā hṛdayaṃ vākcharaiśśitaiḥ || 7 ||
vākyavajrairanupamairnirbhindanniva cāśubhaiḥ |
kaikeyyā ssarvamarmāṇi sumantraḥ pratyabhāṣata || 8 ||
yasyāstava patistyakto rājā daśarathaḥ svayam |
bhartā sarvasya jagataḥ sthāvarasya carasya ca || 9 ||
na hyakāryatamaṃ kiñcittava devīha vidyate |
patighnīṃ tvāmahaṃ manye kulaghnīmapi cāntataḥ || 10 ||
yanmahendramivājayyaṃ duṣprakampyamivācalam |
mahodadhimivākṣobhyaṃ santāpayasi karmabhiḥ || 11 ||
māvamaṃsthā daśarathaṃ bhartāraṃ varadaṃ patim |
bharturicchā hi nārīṇāṃ putrakoṭyā viśiṣyate || 12 ||
yathāvayo hi rājyāni prāpnuvanti nṛpakṣaye |
ikṣvākukulanāthe'smiṃ stallopayitumicchasi || 13 ||
rājā bhavatu te putro bharataśśāstu medinīm |
vayaṃ tatra gamiṣyāmo rāmo yatra gamiṣyati || 14 ||
na hi te viṣaye kaścid rbrāhmaṇo vastumarhati |
tādṛśaṃ tvamamaryādamadya karma cikīrṣasi || 15 ||
nūnaṃ sarve gamiṣyāmo mārgaṃ rāmaniṣevitam |
tyaktāyā bāndhavaiḥ sarvairbrāhmaṇaiḥ sādhubhiḥ sadā || 16 ||
kā prītī rājyalābhena tava devi bhaviṣyati |
tādṛśaṃ tvamamaryādaṃ karma kartuṃ cikīrṣasi || 17 ||
āścaryamiva paśyāmi yasyāste vṛttamīdṛśam |
ācarantyā na vivṛtā sadyo bhavati medinī || 18 ||
mahābrahmarṣisṛṣṭāḥ vā jvalanto bhīmadarśanāḥ |
dhigvāgdaṇḍā na hiṃsanti rāmapravrājane sthitām || 19 ||
āmraṃ chitvā kuṭhāreṇa nimbaṃ paricarettu yaḥ |
yaścainaṃ payasā siñcennaivāsya madhuro bhavet || 20 ||
abhijātyaṃ hi te manye yathā mātustathaiva ca |
na hi nimbātsravet kṣaidraṃ loke nigaditaṃ vacaḥ || 21 ||
tava māturasadgrāhaṃ vidmaḥ pūrvaṃ yathāśrutam |
pituste varadaḥ kaściddadau varamanuttamam || 22 ||
sarvabhūtarutaṃ tasmātsañjajñe vasudhādhipaḥ |
tena tiryaggatānāṃ ca bhūtānāṃ viditaṃ vacaḥ || 23 ||
tato jṛmbhasya śayane virutādbhūrivarcasaḥ |
pituste vidito bhāva ssa tatra bahudhā'hasat || 24 ||
tatra te jananī kruddhā mṛtyupāśamabhīpsatī |
hāsaṃ te nṛpate saumya jijñāsāmīti cābravīt || 25 ||
nṛpaścovāca tāṃ devīṃ devi śaṃsāmi te yadi |
tato me maraṇaṃ sadyo bhaviṣyati na saṃśayaḥ || 26 ||
mātā te pitaraṃ devi tataḥ kekayamabravīt |
śaṃsa me jīva vā mā vā na māmapahasiṣyasi || 27 ||
priyayā ca tathokta ssan kekayaḥ pṛthivīpatiḥ |
tasmai taṃ varadāyārthaṃ kathayāmāsa tattvataḥ || 28 ||
tataḥ ssa varadaḥ sādhurājānaṃ pratyabhāṣata |
mriyatāṃ dhvaṃsatāṃ veyaṃ mā kṛthāstvaṃ mahīpate || 29 ||
sa tacchrutvā vacastasya prasannamanaso nṛpaḥ |
mātaraṃ te nirasyāśu vijahāra kuberavat || 30 ||
tathā tvamapi rājānaṃ durjanācarite pathi |
asadgrāhamimaṃ mohātkuruṣe pāpadarśini || 31 ||
satyaścādya pravādo'yaṃ laukikaḥ pratibhāti mā |
pitṛn samanujāyante narā mātaramaṅganāḥ || 32 ||
naivaṃ bhava gṛhāṇedaṃ yadāha vasudhādhipaḥ |
bharturicchāmupāsveha janasyāsya gatirbhava || 33 ||
mā tvaṃ protsāhitā pāpairdevarājasamaprabham |
bhartāraṃ lokabhartāramasaddharmamupādadhāḥ || 34 ||
na hi mithyā pratijñātaṃ kariṣyati tavānaghaḥ |
śrīmāndaśaratho rājā devi rājīvalocanaḥ || 35 ||
jyeṣṭho vadānyaḥ karmaṇyaḥ svadharmaparirakṣitā |
rakṣitā jīvalokasya balī rāmo'bhiṣicyatām || 36 ||
parivādo hi te devi mahālloke cariṣyati |
yadi rāmo vanaṃ yāti vihāya pitaraṃ nṛpam || 37 ||
sa rājyaṃ rāghavaḥ pātu bhava tvaṃ vigatajvarā |
na hi te rāghavādanyaḥ kṣamaḥ puravare vaset || 38 ||
rāme hi yauvarājyasthe rājā daśaratho vanam |
pravekṣyati maheṣvāsaḥ pūrvavṛttamanusmaran || 39 ||
iti sāntvaiśca tīkṣṇaiśca kaikeyīṃ rājasaṃsadi |
sumantraḥ kṣobhayāmāsa bhūya eva kṛtājjaliḥ || 40 ||
naiva sā kṣubhyate devī na ca sma paridūyate |
na cāsyā mukhavarṇasya vikriyā lakṣyate tadā || 41 ||
ityārṣe śrīmadrāmāyaṇe vālmīkīya ādikāvye ayodhyākāṇḍe pañcatriṃśassargaḥ ||
InfoLyter.in — Sacred Vedic Knowledge Portal · Free forever