📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
𑌉𑌦𑍍𑌧𑌵𑌗𑍀𑌤𑌾 - 𑌪𑌞𑍍𑌚𑌮𑍋𑌽𑌧𑍍𑌯𑌾𑌯𑌃
Uddhavagita - Panchamo'dhyayah
Gita Grantha
𑌅𑌥 𑌪𑌞𑍍𑌚𑌮𑍋𑌽𑌧𑍍𑌯𑌾𑌯𑌃 ।
𑌰𑌾𑌜𑌾 𑌉𑌵𑌾𑌚 ।
𑌭𑌗𑌵𑌨𑍍𑌤𑌂 𑌹𑌰𑌿𑌂 𑌪𑍍𑌰𑌾𑌯𑌃 𑌨 𑌭𑌜𑌨𑍍𑌤𑌿 𑌆𑌤𑍍𑌮𑌵𑌿𑌤𑍍𑌤𑌮𑌾𑌃 ।
𑌤𑍇𑌷𑌾𑌂 𑌅𑌶𑌾𑌨𑍍𑌤𑌕𑌾𑌮𑌾𑌨𑌾𑌂 𑌕𑌾 𑌨𑌿𑌷𑍍𑌠𑌾 𑌅𑌵𑌿𑌜𑌿𑌤𑌾𑌤𑍍𑌮𑌨𑌾𑌮𑍍 ॥ 1॥
𑌚𑌮𑌸𑌃 𑌉𑌵𑌾𑌚 ।
𑌮𑍁𑌖𑌬𑌾𑌹𑍂𑌰𑍂𑌪𑌾𑌦𑍇𑌭𑍍𑌯𑌃 𑌪𑍁𑌰𑍁𑌷𑌸𑍍𑌯 𑌆𑌶𑍍𑌰𑌮𑍈𑌃 𑌸𑌹 ।
𑌚𑌤𑍍𑌵𑌾𑌰𑌃 𑌜𑌜𑍍𑌞𑌿𑌰𑍇 𑌵𑌰𑍍𑌣𑌾𑌃 𑌗𑍁𑌣𑍈𑌃 𑌵𑌿𑌪𑍍𑌰𑌾𑌦𑌯𑌃 𑌪𑍃𑌥𑌕𑍍 ॥ 2॥
𑌯𑌃 𑌏𑌷𑌾𑌂 𑌪𑍁𑌰𑍁𑌷𑌂 𑌸𑌾𑌕𑍍𑌷𑌾𑌤𑍍 𑌆𑌤𑍍𑌮𑌪𑍍𑌰𑌭𑌵𑌂 𑌈𑌶𑍍𑌵𑌰𑌮𑍍 ।
𑌨 𑌭𑌜𑌨𑍍𑌤𑌿 𑌅𑌵𑌜𑌾𑌨𑌨𑍍𑌤𑌿 𑌸𑍍𑌥𑌾𑌨𑌾𑌤𑍍 𑌭𑍍𑌰𑌷𑍍𑌟𑌾𑌃 𑌪𑌤𑌨𑍍𑌤𑌿 𑌅𑌧𑌃 ॥ 3॥
𑌦𑍂𑌰𑍇 𑌹𑌰𑌿𑌕𑌥𑌾𑌃 𑌕𑍇𑌚𑌿𑌤𑍍 𑌦𑍂𑌰𑍇 𑌚 𑌅𑌚𑍍𑌯𑍁𑌤𑌕𑍀𑌰𑍍𑌰𑍍𑌤𑌨𑌾𑌃 ।
𑌸𑍍𑌤𑍍𑌰𑌿𑌯𑌃 𑌶𑍂𑌦𑍍𑌰𑌾𑌦𑌯𑌃 𑌚 𑌏𑌵 𑌤𑍇 𑌅𑌨𑍁𑌕𑌮𑍍𑌪𑍍𑌯𑌾 𑌭𑌵𑌾𑌦𑍃𑌶𑌾𑌮𑍍 ॥ 4॥
𑌵𑌿𑌪𑍍𑌰𑌃 𑌰𑌾𑌜𑌨𑍍𑌯𑌵𑍈𑌶𑍍𑌯𑍗 𑌚 𑌹𑌰𑍇𑌃 𑌪𑍍𑌰𑌾𑌪𑍍𑌤𑌾𑌃 𑌪𑌦𑌾𑌨𑍍𑌤𑌿𑌕𑌮𑍍 ।
𑌶𑍍𑌰𑍗𑌤𑍇𑌨 𑌜𑌨𑍍𑌮𑌨𑌾 𑌅𑌥 𑌅𑌪𑌿 𑌮𑍁𑌹𑍍𑌯𑌨𑍍𑌤𑌿 𑌆𑌮𑍍𑌨𑌾𑌯𑌵𑌾𑌦𑌿𑌨𑌃 ॥ 5॥
𑌕𑌰𑍍𑌮𑌣𑌿 𑌅𑌕𑍋𑌵𑌿𑌦𑌾𑌃 𑌸𑍍𑌤𑌬𑍍𑌧𑌾𑌃 𑌮𑍂𑌰𑍍𑌖𑌾𑌃 𑌪𑌣𑍍𑌡𑌿𑌤𑌮𑌾𑌨𑌿𑌨𑌃 ।
𑌵𑌦𑌨𑍍𑌤𑌿 𑌚𑌾𑌟𑍁𑌕𑌾𑌤𑍍 𑌮𑍂𑌢𑌾𑌃 𑌯𑌯𑌾 𑌮𑌾𑌧𑍍𑌵𑍍𑌯𑌾 𑌗𑌿𑌰 𑌉𑌤𑍍𑌸𑍁𑌕𑌾𑌃 ॥ 6॥
𑌰𑌜𑌸𑌾 𑌘𑍋𑌰𑌸𑌙𑍍𑌕𑌲𑍍𑌪𑌾𑌃 𑌕𑌾𑌮𑍁𑌕𑌾𑌃 𑌅𑌹𑌿𑌮𑌨𑍍𑌯𑌵𑌃 ।
𑌦𑌾𑌮𑍍𑌭𑌿𑌕𑌾𑌃 𑌮𑌾𑌨𑌿𑌨𑌃 𑌪𑌾𑌪𑌾𑌃 𑌵𑌿𑌹𑌸𑌨𑍍𑌤𑌿 𑌅𑌚𑍍𑌯𑍁𑌤𑌪𑍍𑌰𑌿𑌯𑌾𑌨𑍍 ॥ 7॥
𑌵𑌦𑌨𑍍𑌤𑌿 𑌤𑍇 𑌅𑌨𑍍𑌯𑍋𑌨𑍍𑌯𑌂 𑌉𑌪𑌾𑌸𑌿𑌤𑌸𑍍𑌤𑍍𑌰𑌿𑌯𑌃
𑌗𑍃𑌹𑍇𑌷𑍁 𑌮𑍈𑌥𑍁𑌨𑍍𑌯𑌸𑍁𑌖𑍇𑌷𑍁 𑌚 𑌆𑌶𑌿𑌷𑌃 ।
𑌯𑌜𑌨𑍍𑌤𑌿 𑌅𑌸𑍃𑌷𑍍𑌟𑌾𑌨𑍍 𑌅𑌵𑌿𑌧𑌾𑌨𑍍 𑌅𑌦𑌕𑍍𑌷𑌿𑌣𑌮𑍍
𑌵𑍃𑌤𑍍𑌤𑍍𑌯𑍈 𑌪𑌰𑌂 𑌘𑍍𑌨𑌨𑍍𑌤𑌿 𑌪𑌶𑍂𑌨𑍍 𑌅𑌤𑌦𑍍𑌵𑌿𑌦𑌃 ॥ 8॥
𑌶𑍍𑌰𑌿𑌯𑌾 𑌵𑌿𑌭𑍂𑌤𑍍𑌯𑌾 𑌅𑌭𑌿𑌜𑌨𑍇𑌨 𑌵𑌿𑌦𑍍𑌯𑌯𑌾
𑌤𑍍𑌯𑌾𑌗𑍇𑌨 𑌰𑍂𑌪𑍇𑌣 𑌬𑌲𑍇𑌨 𑌕𑌰𑍍𑌮𑌣𑌾
𑌸𑌤𑌃 𑌅𑌵𑌮𑌨𑍍𑌯𑌨𑍍𑌤𑌿 𑌹𑌰𑌿𑌪𑍍𑌰𑌿𑌯𑌾𑌨𑍍 𑌖𑌲𑌾𑌃 ॥ 9॥
𑌸𑌰𑍍𑌵𑍇𑌷𑍁 𑌶𑌶𑍍𑌵𑌤𑍍 𑌤𑌨𑍁𑌭𑍃𑌤𑍍 𑌸𑍍𑌵𑌵𑌸𑍍𑌥𑌿𑌤𑌮𑍍
𑌯𑌥𑌾 𑌸𑍍𑌵𑌂 𑌆𑌤𑍍𑌮𑌾𑌨𑌂 𑌅𑌭𑍀𑌷𑍍𑌟𑌂 𑌈𑌶𑍍𑌵𑌰𑌮𑍍 ।
𑌵𑍇𑌦𑍋𑌪𑌗𑍀𑌤𑌂 𑌚 𑌨 𑌶𑍍𑌰𑍁𑌣𑍍𑌵𑌤𑍇 𑌅𑌬𑍁𑌧𑌾𑌃
𑌮𑌨𑍋𑌰𑌥𑌾𑌨𑌾𑌂 𑌪𑍍𑌰𑌵𑌦𑌨𑍍𑌤𑌿 𑌵𑌾𑌰𑍍𑌤𑌯𑌾 ॥ 10॥
𑌲𑍋𑌕𑍇 𑌵𑍍𑌯𑌵𑌾𑌯 𑌆𑌮𑌿𑌷𑌂 𑌅𑌦𑍍𑌯𑌸𑍇𑌵𑌾
𑌨𑌿𑌤𑍍𑌯𑌾𑌃 𑌤𑍁 𑌜𑌨𑍍𑌤𑍋𑌃 𑌨 𑌹𑌿 𑌤𑌤𑍍𑌰 𑌚𑍋𑌦𑌨𑌾 ।
𑌵𑍍𑌯𑌵𑌸𑍍𑌥𑌿𑌤𑌿𑌃 𑌤𑍇𑌷𑍁 𑌵𑌿𑌵𑌾𑌹𑌯𑌜𑍍𑌞
𑌸𑍁𑌰𑌾𑌗𑍍𑌰𑌹𑍈𑌃 𑌆𑌸𑍁 𑌨𑌿𑌵𑍃𑌤𑍍𑌤𑌿𑌃 𑌇𑌷𑍍𑌟𑌾 ॥ 11॥
𑌧𑌨𑌂 𑌚 𑌧𑌰𑍍𑌮𑍇𑌕𑌫𑌲𑌂 𑌯𑌤𑌃 𑌵𑍈
𑌜𑍍𑌞𑌾𑌨𑌂 𑌸𑌵𑌿𑌜𑍍𑌞𑌾𑌨𑌂 𑌅𑌨𑍁𑌪𑍍𑌰𑌶𑌾𑌨𑍍𑌤𑌿 ।
𑌗𑍃𑌹𑍇𑌷𑍁 𑌯𑍁𑌞𑍍𑌜𑌨𑍍𑌤𑌿 𑌕𑌲𑍇𑌵𑌰𑌸𑍍𑌯
𑌮𑍃𑌤𑍍𑌯𑍁𑌂 𑌨 𑌪𑌶𑍍𑌯𑌨𑍍𑌤𑌿 𑌦𑍁𑌰𑌨𑍍𑌤𑌵𑍀𑌰𑍍𑌯𑌮𑍍 ॥ 12॥
𑌯𑌤𑍍 𑌘𑍍𑌰𑌾𑌣𑌭𑌕𑍍𑌷𑌃 𑌵𑌿𑌹𑌿𑌤𑌃 𑌸𑍁𑌰𑌾𑌯𑌾𑌃
𑌤𑌥𑌾 𑌪𑌶𑍋𑌃 𑌆𑌲𑌭𑌨𑌂 𑌨 𑌹𑌿𑌂𑌸𑌾 ।
𑌏𑌵𑌂 𑌵𑍍𑌯𑌵𑌾𑌯𑌃 𑌪𑍍𑌰𑌜𑌯𑌾 𑌨 𑌰𑌤𑍍𑌯𑌾
𑌇𑌅𑌮𑌂 𑌵𑌿𑌶𑍁𑌦𑍍𑌧𑌂 𑌨 𑌵𑌿𑌦𑍁𑌃 𑌸𑍍𑌵𑌧𑌰𑍍𑌮𑌮𑍍 ॥ 13॥
𑌯𑍇 𑌤𑍁 𑌅𑌨𑍇𑌵𑌂𑌵𑌿𑌦𑌃 𑌅𑌸𑌨𑍍𑌤𑌃 𑌸𑍍𑌤𑌬𑍍𑌧𑌾𑌃 𑌸𑌤𑍍 𑌅𑌭𑌿𑌮𑌾𑌨𑌿𑌨𑌃 ।
𑌪𑌶𑍂𑌨𑍍 𑌦𑍍𑌰𑍁𑌹𑍍𑌯𑌨𑍍𑌤𑌿 𑌵𑌿𑌸𑍍𑌰𑌬𑍍𑌧𑌾𑌃 𑌪𑍍𑌰𑍇𑌤𑍍𑌯 𑌖𑌾𑌦𑌨𑍍𑌤𑌿 𑌤𑍇 𑌚 𑌤𑌾𑌨𑍍 ॥ 14॥
𑌦𑍍𑌵𑌿𑌷𑌨𑍍𑌤𑌃 𑌪𑌰𑌕𑌾𑌯𑍇𑌷𑍁 𑌸𑍍𑌵𑌾𑌤𑍍𑌮𑌾𑌨𑌂 𑌹𑌰𑌿𑌂 𑌈𑌶𑍍𑌵𑌰𑌮𑍍 ।
𑌮𑍃𑌤𑌕𑍇 𑌸𑌾𑌨𑍁𑌬𑌨𑍍𑌧𑍇 𑌅𑌸𑍍𑌮𑌿𑌨𑍍 𑌬𑌦𑍍𑌧𑌸𑍍𑌨𑍇𑌹𑌾𑌃 𑌪𑌤𑌨𑍍𑌤𑌿 𑌅𑌧𑌃 ॥ 15॥
𑌯𑍇 𑌕𑍈𑌵𑌲𑍍𑌯𑌂 𑌅𑌸𑌮𑍍𑌪𑍍𑌰𑌾𑌪𑍍𑌤𑌾𑌃 𑌯𑍇 𑌚 𑌅𑌤𑍀𑌤𑌾𑌃 𑌚 𑌮𑍂𑌢𑌤𑌾𑌮𑍍 ।
𑌤𑍍𑌰𑍈𑌵𑌰𑍍𑌗𑌿𑌕𑌾𑌃 𑌹𑌿 𑌅𑌕𑍍𑌷𑌣𑌿𑌕𑌾𑌃 𑌆𑌤𑍍𑌮𑌾𑌨𑌂 𑌘𑌾𑌤𑌯𑌨𑍍𑌤𑌿 𑌤𑍇 ॥ 16॥
𑌏𑌤𑌃 𑌆𑌤𑍍𑌮𑌹𑌨𑌃 𑌅𑌶𑌾𑌨𑍍𑌤𑌾𑌃 𑌅𑌜𑍍𑌞𑌾𑌨𑍇 𑌜𑍍𑌞𑌾𑌨𑌮𑌾𑌨𑌿𑌨𑌃 ।
𑌸𑍀𑌦𑌨𑍍𑌤𑌿 𑌅𑌕𑍃𑌤𑌕𑍃𑌤𑍍𑌯𑌾𑌃 𑌵𑍈 𑌕𑌾𑌲𑌧𑍍𑌵𑌸𑍍𑌤𑌮𑌨𑍋𑌰𑌥𑌾𑌃 ॥ 17॥
𑌹𑌿𑌤𑍍𑌵𑌾 𑌆𑌤𑍍𑌯𑌾𑌯 𑌅𑌸𑌰𑌚𑌿𑌤𑌾𑌃 𑌗𑍃𑌹 𑌅𑌪𑌤𑍍𑌯𑌸𑍁𑌹𑍃𑌤𑍍 𑌶𑍍𑌰𑌿𑌯𑌃 ।
𑌤𑌮𑌃 𑌵𑌿𑌶𑌨𑍍𑌤𑌿 𑌅𑌨𑌿𑌚𑍍𑌛𑌨𑍍𑌤𑌃 𑌵𑌾𑌸𑍁𑌦𑍇𑌵𑌪𑌰𑌾𑌙𑍍𑌮𑍁𑌖𑌾𑌃 ॥ 18॥
𑌰𑌾𑌜𑌾 𑌉𑌵𑌾𑌚 ।
𑌕𑌸𑍍𑌮𑌿𑌨𑍍 𑌕𑌾𑌲𑍇 𑌸𑌃 𑌭𑌗𑌵𑌾𑌨𑍍 𑌕𑌿𑌂 𑌵𑌰𑍍𑌣𑌃 𑌕𑍀𑌦𑍃𑌶𑌃 𑌨𑍃𑌭𑌿𑌃 ।
𑌨𑌾𑌮𑍍𑌨𑌾 𑌵𑌾 𑌕𑍇𑌨 𑌵𑌿𑌧𑌿𑌨𑌾 𑌪𑍂𑌜𑍍𑌯𑌤𑍇 𑌤𑌤𑍍 𑌇𑌹 𑌉𑌚𑍍𑌯𑌤𑌾𑌮𑍍 ॥ 19॥
𑌕𑌰𑌭𑌾𑌜𑌨𑌃 𑌉𑌵𑌾𑌚 ।
𑌕𑍃𑌤𑌂 𑌤𑍍𑌰𑍇𑌤𑌾 𑌦𑍍𑌵𑌾𑌪𑌰𑌂 𑌚 𑌕𑌲𑌿𑌃 𑌇𑌤𑍍𑌯𑍇𑌷𑍁 𑌕𑍇𑌶𑌵𑌃 ।
𑌨𑌾𑌨𑌾𑌵𑌰𑍍𑌣 𑌅𑌭𑌿𑌧𑌾𑌕𑌾𑌰𑌃 𑌨𑌾𑌨𑌾 𑌏𑌵 𑌵𑌿𑌧𑌿𑌨𑌾 𑌇𑌜𑍍𑌯𑌤𑍇 ॥ 20॥
𑌕𑍃𑌤𑍇 𑌶𑍁𑌕𑍍𑌲𑌃 𑌚𑌤𑍁𑌰𑍍𑌬𑌾𑌹𑍁𑌃 𑌜𑌟𑌿𑌲𑌃 𑌵𑌲𑍍𑌕𑌲𑌾𑌮𑍍𑌬𑌰𑌃 ।
𑌕𑍃𑌷𑍍𑌣𑌾𑌜𑌿𑌨𑍗𑌪𑌵𑍀𑌤𑌾𑌕𑍍𑌷𑌾𑌨𑍍 𑌬𑌿𑌭𑍍𑌰𑌤𑍍 𑌦𑌣𑍍𑌡𑌕𑌮𑌣𑍍𑌡𑌲𑍂𑌨𑍍 ॥ 21॥
𑌮𑌨𑍁𑌷𑍍𑌯𑌾𑌃 𑌤𑍁 𑌤𑌦𑌾 𑌶𑌾𑌨𑍍𑌤𑌾𑌃 𑌨𑌿𑌰𑍍𑌵𑍈𑌰𑌾𑌃 𑌸𑍁𑌹𑍃𑌦𑌃 𑌸𑌮𑌾𑌃 ।
𑌯𑌜𑌨𑍍𑌤𑌿 𑌤𑌪𑌸𑌾 𑌦𑍇𑌵𑌂 𑌶𑌮𑍇𑌨 𑌚 𑌦𑌮𑍇𑌨 𑌚 ॥ 22॥
𑌹𑌂𑌸𑌃 𑌸𑍁𑌪𑌰𑍍𑌣𑌃 𑌵𑍈𑌕𑍁𑌣𑍍𑌠𑌃 𑌧𑌰𑍍𑌮𑌃 𑌯𑍋𑌗𑍇𑌶𑍍𑌵𑌰𑌃 𑌅𑌮𑌲𑌃 ।
𑌈𑌶𑍍𑌵𑌰𑌃 𑌪𑍁𑌰𑍁𑌷𑌃 𑌅𑌵𑍍𑌯𑌕𑍍𑌤𑌃 𑌪𑌰𑌮𑌾𑌤𑍍𑌮𑌾 𑌇𑌤𑌿 𑌗𑍀𑌯𑌤𑍇 ॥ 23॥
𑌤𑍍𑌰𑍇𑌤𑌾𑌯𑌾𑌂 𑌰𑌕𑍍𑌤𑌵𑌰𑍍𑌣𑌃 𑌅𑌸𑍗 𑌚𑌤𑍁𑌰𑍍𑌬𑌾𑌹𑍁𑌃 𑌤𑍍𑌰𑌿𑌮𑍇𑌖𑌲𑌃 ।
𑌹𑌿𑌰𑌣𑍍𑌯𑌕𑍇𑌶𑌃 𑌤𑍍𑌰𑌯𑍀 𑌆𑌤𑍍𑌮𑌾 𑌸𑍍𑌰𑍁𑌕𑍍𑌸𑍍𑌰𑍁𑌵𑌾𑌦𑌿 𑌉𑌪𑌲𑌕𑍍𑌷𑌣𑌃 ॥ 24॥
𑌤𑌂 𑌤𑌦𑌾 𑌮𑌨𑍁𑌜𑌾 𑌦𑍇𑌵𑌂 𑌸𑌰𑍍𑌵𑌦𑍇𑌵𑌮𑌯𑌂 𑌹𑌰𑌿𑌮𑍍 ।
𑌯𑌜𑌨𑍍𑌤𑌿 𑌵𑌿𑌦𑍍𑌯𑌯𑌾 𑌤𑍍𑌰𑌯𑍍𑌯𑌾 𑌧𑌰𑍍𑌮𑌿𑌷𑍍𑌠𑌾𑌃 𑌬𑍍𑌰𑌹𑍍𑌮𑌵𑌾𑌦𑌿𑌨𑌃 ॥ 25॥
𑌵𑌿𑌷𑍍𑌣𑍁𑌃 𑌯𑌜𑍍𑌞𑌃 𑌪𑍃𑌷𑍍𑌣𑌿𑌗𑌰𑍍𑌭𑌃 𑌸𑌰𑍍𑌵𑌦𑍇𑌵𑌃 𑌉𑌰𑍁𑌕𑍍𑌰𑌮𑌃 ।
𑌵𑍃𑌷𑌾𑌕𑌪𑌿𑌃 𑌜𑌯𑌨𑍍𑌤𑌃 𑌚 𑌉𑌰𑍁𑌗𑌾𑌯 𑌇𑌤𑌿 𑌈𑌰𑍍𑌯𑌤𑍇 ॥ 26॥
𑌦𑍍𑌵𑌾𑌪𑌰𑍇 𑌭𑌗𑌵𑌾𑌨𑍍 𑌶𑍍𑌯𑌾𑌮𑌃 𑌪𑍀𑌤𑌵𑌾𑌸𑌾 𑌨𑌿𑌜𑌾𑌯𑍁𑌧𑌃 ।
𑌶𑍍𑌰𑍀𑌵𑌤𑍍𑌸𑌾𑌦𑌿𑌭𑌿𑌃 𑌅𑌙𑍍𑌕𑍈𑌃 𑌚 𑌲𑌕𑍍𑌷𑌣𑍈𑌃 𑌉𑌪𑌲𑌕𑍍𑌷𑌿𑌤𑌃 ॥ 27॥
𑌤𑌂 𑌤𑌦𑌾 𑌪𑍁𑌰𑍁𑌷𑌂 𑌮𑌰𑍍𑌤𑍍𑌯𑌾 𑌮𑌹𑌾𑌰𑌾𑌜𑍗𑌪𑌲𑌕𑍍𑌷𑌣𑌮𑍍 ।
𑌯𑌜𑌨𑍍𑌤𑌿 𑌵𑍇𑌦𑌤𑌨𑍍𑌤𑍍𑌰𑌾𑌭𑍍𑌯𑌾𑌂 𑌪𑌰𑌂 𑌜𑌿𑌜𑍍𑌞𑌾𑌸𑌵𑌃 𑌨𑍃𑌪 ॥ 28॥
𑌨𑌮𑌃 𑌤𑍇 𑌵𑌾𑌸𑍁𑌦𑍇𑌵𑌾𑌯 𑌨𑌮𑌃 𑌸𑌙𑍍𑌕𑌰𑍍𑌷𑌣𑌾𑌯 𑌚 ।
𑌪𑍍𑌰𑌦𑍍𑌯𑍁𑌮𑍍𑌨𑌾𑌯 𑌅𑌨𑌿𑌰𑍁𑌦𑍍𑌧𑌾𑌯 𑌤𑍁𑌭𑍍𑌯𑌂 𑌭𑌗𑌵𑌤𑍇 𑌨𑌮𑌃 ॥ 29॥
𑌨𑌾𑌰𑌾𑌯𑌣𑌾𑌯 𑌋𑌷𑌯𑍇 𑌪𑍁𑌰𑍁𑌷𑌾𑌯 𑌮𑌹𑌾𑌤𑍍𑌮𑌨𑍇 ।
𑌵𑌿𑌶𑍍𑌵𑍇𑌶𑍍𑌵𑌰𑌾𑌯 𑌵𑌿𑌶𑍍𑌵𑌾𑌯 𑌸𑌰𑍍𑌵𑌭𑍂𑌤𑌾𑌤𑍍𑌮𑌨𑍇 𑌨𑌮𑌃 ॥ 30॥
𑌇𑌤𑌿 𑌦𑍍𑌵𑌾𑌪𑌰𑌃 𑌉𑌰𑍍𑌵𑍀𑌶 𑌸𑍍𑌤𑍁𑌵𑌨𑍍𑌤𑌿 𑌜𑌗𑌦𑍀𑌶𑍍𑌵𑌰𑌮𑍍 ।
𑌨𑌾𑌨𑌾𑌤𑌨𑍍𑌤𑍍𑌰𑌵𑌿𑌧𑌾𑌨𑍇𑌨 𑌕𑌲𑍗 𑌅𑌪𑌿 𑌯𑌥𑌾 𑌶𑍍𑌰𑍁𑌣𑍁 ॥ 31॥
𑌕𑍃𑌷𑍍𑌣𑌵𑌰𑍍𑌣𑌂 𑌤𑍍𑌵𑌿𑌷𑌾𑌕𑍃𑌷𑍍𑌣𑌂 𑌸𑌾𑌙𑍍𑌗𑍗𑌪𑌾𑌙𑍍𑌗𑌾𑌸𑍍𑌤𑍍𑌰
𑌪𑌾𑌰𑍍𑌷𑌦𑌮𑍍 ।
𑌯𑌜𑍍𑌞𑍈𑌃 𑌸𑌙𑍍𑌕𑍀𑌰𑍍𑌤𑌨𑌪𑍍𑌰𑌾𑌯𑍈𑌃 𑌯𑌜𑌨𑍍𑌤𑌿 𑌹𑌿 𑌸𑍁𑌮𑍇𑌧𑌸𑌃 ॥ 32॥
𑌧𑍍𑌯𑍇𑌯𑌂 𑌸𑌦𑌾 𑌪𑌰𑌿𑌭𑌵𑌘𑍍𑌨𑌂 𑌅𑌭𑍀𑌷𑍍𑌟𑌦𑍋𑌹𑌮𑍍
𑌤𑍀𑌰𑍍𑌥𑌾𑌸𑍍𑌪𑌦𑌂 𑌶𑌿𑌵𑌵𑌿𑌰𑌿𑌞𑍍𑌚𑌿𑌨𑍁𑌤𑌂 𑌶𑌰𑌣𑍍𑌯𑌮𑍍 ।
𑌭𑍃𑌤𑍍𑌯𑌾𑌰𑍍𑌤𑌿𑌹𑌨𑍍 𑌪𑍍𑌰𑌣𑌤𑌪𑌾𑌲 𑌭𑌵𑌾𑌬𑍍𑌧𑌿𑌪𑍋𑌤𑌮𑍍
𑌵𑌨𑍍𑌦𑍇 𑌮𑌹𑌾𑌪𑍁𑌰𑍁𑌷 𑌤𑍇 𑌚𑌰𑌣𑌾𑌰𑌵𑌿𑌨𑍍𑌦𑌮𑍍 ॥ 33॥
𑌤𑍍𑌯𑌕𑍍𑌤𑍍𑌵𑌾 𑌸𑍁𑌦𑍁𑌸𑍍𑌤𑍍𑌯𑌜𑌸𑍁𑌰𑍈𑌪𑍍𑌸𑌿𑌤𑌰𑌾𑌜𑍍𑌯𑌲𑌕𑍍𑌷𑍍𑌮𑍀𑌮𑍍
𑌧𑌰𑍍𑌮𑌿𑌷𑍍𑌠𑌃 𑌆𑌰𑍍𑌯𑌵𑌚𑌸𑌾 𑌯𑌤𑍍 𑌅𑌗𑌾𑌤𑍍 𑌅𑌰𑌣𑍍𑌯𑌮𑍍 ।
𑌮𑌾𑌯𑌾𑌮𑍃𑌗𑌂 𑌦𑌯𑌿𑌤𑌯𑌾 𑌇𑌪𑍍𑌸𑌿𑌤𑌂 𑌅𑌨𑍍𑌵𑌧𑌾𑌵𑌤𑍍
𑌵𑌨𑍍𑌦𑍇 𑌮𑌹𑌾𑌪𑍁𑌰𑍁𑌷 𑌤𑍇 𑌚𑌰𑌣𑌾𑌰𑌵𑌿𑌨𑍍𑌦𑌮𑍍 ॥ 34॥
𑌏𑌵𑌂 𑌯𑍁𑌗𑌾𑌨𑍁𑌰𑍂𑌪𑌾𑌭𑍍𑌯𑌾𑌂 𑌭𑌗𑌵𑌾𑌨𑍍 𑌯𑍁𑌗𑌵𑌰𑍍𑌤𑌿𑌭𑌿𑌃 ।
𑌮𑌨𑍁𑌜𑍈𑌃 𑌇𑌜𑍍𑌯𑌤𑍇 𑌰𑌾𑌜𑌨𑍍 𑌶𑍍𑌰𑍇𑌯𑌸𑌾𑌂 𑌈𑌶𑍍𑌵𑌰𑌃 𑌹𑌰𑌿𑌃 ॥ 35॥
𑌕𑌲𑌿𑌂 𑌸𑌭𑌾𑌜𑌯𑌨𑍍𑌤𑌿 𑌆𑌰𑍍𑌯𑌾 𑌗𑍁𑌣𑌜𑍍𑌞𑌾𑌃 𑌸𑌾𑌰𑌭𑌾𑌗𑌿𑌨𑌃 ।
𑌯𑌤𑍍𑌰 𑌸𑌙𑍍𑌕𑍀𑌰𑍍𑌤𑌨𑍇𑌨 𑌏𑌵 𑌸𑌰𑍍𑌵𑌃 𑌸𑍍𑌵𑌾𑌰𑍍𑌥𑌃 𑌅𑌭𑌿𑌲𑌭𑍍𑌯𑌤𑍇 ॥ 36॥
𑌨 𑌹𑌿 𑌅𑌤𑌃 𑌪𑌰𑌮𑌃 𑌲𑌾𑌭𑌃 𑌦𑍇𑌹𑌿𑌨𑌾𑌂 𑌭𑍍𑌰𑌾𑌮𑍍𑌯𑌤𑌾𑌂 𑌇𑌹 ।
𑌯𑌤𑌃 𑌵𑌿𑌨𑍍𑌦𑍇𑌤 𑌪𑌰𑌮𑌾𑌂 𑌶𑌾𑌨𑍍𑌤𑌿𑌂 𑌨𑌶𑍍𑌯𑌤𑌿 𑌸𑌂𑌸𑍃𑌤𑌿𑌃 ॥ 37॥
𑌕𑍃𑌤𑌾𑌦𑌿𑌷𑍁 𑌪𑍍𑌰𑌜𑌾 𑌰𑌾𑌜𑌨𑍍 𑌕𑌲𑍗 𑌇𑌚𑍍𑌛𑌨𑍍𑌤𑌿 𑌸𑌮𑍍𑌭𑌵𑌮𑍍 ।
𑌕𑌲𑍗 𑌖𑌲𑍁 𑌭𑌵𑌿𑌷𑍍𑌯𑌨𑍍𑌤𑌿 𑌨𑌾𑌰𑌾𑌯𑌣𑌪𑌰𑌾𑌯𑌣𑌾𑌃 ॥ 38॥
𑌕𑍍𑌵𑌚𑌿𑌤𑍍 𑌕𑍍𑌵𑌚𑌿𑌤𑍍 𑌮𑌹𑌾𑌰𑌾𑌜 𑌦𑍍𑌰𑌵𑌿𑌡𑍇𑌷𑍁 𑌚 𑌭𑍂𑌰𑌿𑌶𑌃 ।
𑌤𑌾𑌮𑍍𑌰𑌪𑌰𑍍𑌣𑍀 𑌨𑌦𑍀 𑌯𑌤𑍍𑌰 𑌕𑍃𑌤𑌮𑌾𑌲𑌾 𑌪𑌯𑌸𑍍𑌵𑌿𑌨𑍀 ॥ 39॥
𑌕𑌾𑌵𑍇𑌰𑍀 𑌚 𑌮𑌹𑌾𑌪𑍁𑌣𑍍𑌯𑌾 𑌪𑍍𑌰𑌤𑍀𑌚𑍀 𑌚 𑌮𑌹𑌾𑌨𑌦𑍀 ।
𑌯𑍇 𑌪𑌿𑌬𑌨𑍍𑌤𑌿 𑌜𑌲𑌂 𑌤𑌾𑌸𑌾𑌂 𑌮𑌨𑍁𑌜𑌾 𑌮𑌨𑍁𑌜𑍇𑌶𑍍𑌵𑌰 ।
𑌪𑍍𑌰𑌾𑌯𑌃 𑌭𑌕𑍍𑌤𑌾𑌃 𑌭𑌗𑌵𑌤𑌿 𑌵𑌾𑌸𑍁𑌦𑍇𑌵𑌃 𑌅𑌮𑌲 𑌆𑌶𑌯𑌾𑌃 ॥ 40॥
𑌦𑍇𑌵𑌰𑍍𑌷𑌿𑌭𑍂𑌤𑌾𑌪𑍍𑌤𑌨𑍃𑌣𑌾 𑌪𑌿𑌤𑍄𑌣𑌾𑌂
𑌨 𑌕𑌿𑌙𑍍𑌕𑌰𑌃 𑌨 𑌅𑌯𑌂 𑌋𑌣𑍀 𑌚 𑌰𑌾𑌜𑌨𑍍 ।
𑌸𑌰𑍍𑌵𑌾𑌤𑍍𑌮𑌨𑌾 𑌯𑌃 𑌶𑌰𑌣𑌂 𑌶𑌰𑌣𑍍𑌯𑌮𑍍
𑌗𑌤𑌃 𑌮𑍁𑌕𑍁𑌨𑍍𑌦𑌂 𑌪𑌰𑌿𑌹𑍃𑌤𑍍𑌯 𑌕𑌰𑍍𑌤𑍁𑌮𑍍 ॥ 41॥
𑌸𑍍𑌵𑌪𑌾𑌦𑌮𑍂𑌲𑌂 𑌭𑌜𑌤𑌃 𑌪𑍍𑌰𑌿𑌯𑌸𑍍𑌯
𑌤𑍍𑌯𑌕𑍍𑌤𑌾𑌨𑍍𑌯𑌭𑌾𑌵𑌸𑍍𑌯 𑌹𑌰𑌿𑌃 𑌪𑌰𑍇𑌶𑌃 ।
𑌵𑌿𑌕𑌰𑍍𑌮 𑌯𑌤𑍍 𑌚 𑌉𑌤𑍍𑌪𑌤𑌿𑌤𑌂 𑌕𑌥𑌞𑍍𑌚𑌿𑌤𑍍
𑌧𑍁𑌨𑍋𑌤𑌿 𑌸𑌰𑍍𑌵𑌂 𑌹𑍃𑌦𑌿 𑌸𑌨𑍍𑌨𑌿𑌵𑌿𑌷𑍍𑌟𑌃 ॥ 42॥
𑌨𑌾𑌰𑌦𑌃 𑌉𑌵𑌾𑌚 ।
𑌧𑌰𑍍𑌮𑌾𑌨𑍍 𑌭𑌾𑌗𑌵𑌤𑌾𑌨𑍍 𑌇𑌤𑍍𑌥𑌂 𑌶𑍍𑌰𑍁𑌤𑍍𑌵𑌾 𑌅𑌥 𑌮𑌿𑌥𑌿𑌲𑍇𑌶𑍍𑌵𑌰𑌃 ।
𑌜𑌾𑌯𑌨𑍍𑌤 𑌇𑌯𑌾𑌨𑍍 𑌮𑍁𑌨𑍀𑌨𑍍 𑌪𑍍𑌰𑍀𑌤𑌃 𑌸𑍋𑌪𑌾𑌧𑍍𑌯𑌾𑌯𑌃 𑌹𑌿 𑌅𑌪𑍂𑌜𑌯𑌤𑍍 ॥ 43॥
𑌤𑌤𑌃 𑌅𑌨𑍍𑌤𑌃 𑌦𑌧𑌿𑌰𑍇 𑌸𑌿𑌦𑍍𑌧𑌾𑌃 𑌸𑌰𑍍𑌵𑌲𑍋𑌕𑌸𑍍𑌯 𑌪𑌶𑍍𑌯𑌤𑌃 ।
𑌰𑌾𑌜𑌾 𑌧𑌰𑍍𑌮𑌾𑌨𑍍 𑌉𑌪𑌾𑌤𑌿𑌷𑍍𑌠𑌨𑍍 𑌅𑌵𑌾𑌪 𑌪𑌰𑌮𑌾𑌂 𑌗𑌤𑌿𑌮𑍍 ॥ 44॥
𑌤𑍍𑌵𑌂 𑌅𑌪𑌿 𑌏𑌤𑌾𑌨𑍍 𑌮𑌹𑌾𑌭𑌾𑌗 𑌧𑌰𑍍𑌮𑌾𑌨𑍍 𑌭𑌾𑌗𑌵𑌤𑌾𑌨𑍍 𑌶𑍍𑌰𑍁𑌤𑌾𑌨𑍍 ।
𑌆𑌸𑍍𑌥𑌿𑌤𑌃 𑌶𑍍𑌰𑌦𑍍𑌧𑌯𑌾 𑌯𑍁𑌕𑍍𑌤𑌃 𑌨𑌿𑌃𑌸𑌙𑍍𑌗𑌃 𑌯𑌾𑌸𑍍𑌯𑌸𑍇 𑌪𑌰𑌮𑍍 ॥ 45॥
𑌯𑍁𑌵𑌯𑍋𑌃 𑌖𑌲𑍁 𑌦𑌮𑍍𑌪𑌤𑍍𑌯𑍋𑌃 𑌯𑌶𑌸𑌾 𑌪𑍂𑌰𑌿𑌤𑌂 𑌜𑌗𑌤𑍍 ।
𑌪𑍁𑌤𑍍𑌰𑌤𑌾𑌂 𑌅𑌗𑌮𑌤𑍍 𑌯𑌤𑍍 𑌵𑌾𑌂 𑌭𑌗𑌵𑌾𑌨𑍍 𑌈𑌶𑍍𑌵𑌰𑌃 𑌹𑌰𑌿𑌃 ॥ 46॥
𑌦𑌰𑍍𑌶𑌨𑌾𑌲𑌿𑌙𑍍𑌗𑌨𑌾𑌲𑌾𑌪𑍈𑌃 𑌶𑌯𑌨𑌾𑌸𑌨𑌭𑍋𑌜𑌨𑍈𑌃 ।
𑌆𑌤𑍍𑌮𑌾 𑌵𑌾𑌂 𑌪𑌾𑌵𑌿𑌤𑌃 𑌕𑍃𑌷𑍍𑌣𑍇 𑌪𑍁𑌤𑍍𑌰𑌸𑍍𑌨𑍇𑌹 𑌪𑍍𑌰𑌕𑍁𑌰𑍍𑌵𑌤𑍋𑌃 ॥ 47॥
𑌵𑍈𑌰𑍇𑌣 𑌯𑌂 𑌨𑍃𑌪𑌤𑌯𑌃 𑌶𑌿𑌶𑍁𑌪𑌾𑌲𑌪𑍗𑌣𑍍𑌡𑍍𑌰
𑌶𑌾𑌲𑍍𑌵𑌾𑌦𑌯𑌃 𑌗𑌤𑌿𑌵𑌿𑌲𑌾𑌸𑌵𑌿𑌲𑍋𑌕𑌨𑌾𑌦𑌯𑍈𑌃 ।
𑌧𑍍𑌯𑌾𑌯𑌨𑍍𑌤𑌃 𑌆𑌕𑍃𑌤𑌧𑌿𑌯𑌃 𑌶𑌯𑌨𑌾𑌸𑌨𑌾𑌦𑍗
𑌤𑌤𑍍 𑌸𑌾𑌮𑍍𑌯𑌂 𑌆𑌪𑍁𑌃 𑌅𑌨𑍁𑌰𑌕𑍍𑌤𑌧𑌿𑌯𑌾𑌂 𑌪𑍁𑌨𑌃 𑌕𑌿𑌮𑍍 ॥ 48॥
𑌮𑌾 𑌅𑌪𑌤𑍍𑌯𑌬𑍁𑌦𑍍𑌧𑌿𑌂 𑌅𑌕𑍃𑌥𑌾𑌃 𑌕𑍃𑌷𑍍𑌣𑍇 𑌸𑌰𑍍𑌵𑌾𑌤𑍍𑌮𑌨𑍀𑌶𑍍𑌵𑌰𑍇 ।
𑌮𑌾𑌯𑌾𑌮𑌨𑍁𑌷𑍍𑌯𑌭𑌾𑌵𑍇𑌨 𑌗𑍂𑌢 𑌐𑌶𑍍𑌵𑌰𑍍𑌯𑍇 𑌪𑌰𑍇 𑌅𑌵𑍍𑌯𑌯𑍇 ॥ 49॥
𑌭𑍂𑌭𑌾𑌰𑌰𑌾𑌜𑌨𑍍𑌯𑌹𑌨𑍍𑌤𑌵𑍇 𑌗𑍁𑌪𑍍𑌤𑌯𑍇 𑌸𑌤𑌾𑌮𑍍 ।
𑌅𑌵𑌤𑍀𑌰𑍍𑌣𑌸𑍍𑌯 𑌨𑌿𑌰𑍍𑌵𑍃𑌤𑍍𑌯𑍈 𑌯𑌶𑌃 𑌲𑍋𑌕𑍇 𑌵𑌿𑌤𑌨𑍍𑌯𑌤𑍇 ॥ 50॥
𑌶𑍍𑌰𑍀𑌶𑍁𑌕𑌃 𑌉𑌵𑌾𑌚 ।
𑌏𑌤𑌤𑍍 𑌶𑍍𑌰𑍁𑌤𑍍𑌵𑌾 𑌮𑌹𑌾𑌭𑌾𑌗𑌃 𑌵𑌸𑍁𑌦𑍇𑌵𑌃 𑌅𑌤𑌿𑌵𑌿𑌸𑍍𑌮𑌿𑌤𑌃 ।
𑌦𑍇𑌵𑌕𑍀 𑌚 𑌮𑌹𑌾𑌭𑌾𑌗𑌾𑌃 𑌜𑌹𑌤𑍁𑌃 𑌮𑍋𑌹𑌂 𑌆𑌤𑍍𑌮𑌨𑌃 ॥ 51॥
𑌇𑌤𑌿𑌹𑌾𑌸𑌂 𑌇𑌮𑌂 𑌪𑍁𑌣𑍍𑌯𑌂 𑌧𑌾𑌰𑌯𑍇𑌤𑍍 𑌯𑌃 𑌸𑌮𑌾𑌹𑌿𑌤𑌃 ।
𑌸𑌃 𑌵𑌿𑌧𑍂𑌯 𑌇𑌹 𑌶𑌮𑌲𑌂 𑌬𑍍𑌰𑌹𑍍𑌮𑌭𑍂𑌯𑌾𑌯 𑌕𑌲𑍍𑌪𑌤𑍇 ॥ 52॥
𑌇𑌤𑌿 𑌶𑍍𑌰𑍀𑌮𑌦𑍍𑌭𑌾𑌗𑌵𑌤𑍇 𑌮𑌹𑌾𑌪𑍁𑌰𑌾𑌣𑍇 𑌪𑌾𑌰𑌮𑌹𑌂𑌸𑍍𑌯𑌾𑌂
𑌸𑌂𑌹𑌿𑌤𑌾𑌯𑌾𑌮𑍇𑌕𑌾𑌦𑌶𑌸𑍍𑌕𑌨𑍍𑌧𑍇 𑌵𑌸𑍁𑌦𑍇𑌵𑌨𑌾𑌰𑌦𑌸𑌂𑌵𑌾𑌦𑍇
𑌪𑌞𑍍𑌚𑌮𑍋𑌽𑌧𑍍𑌯𑌾𑌯𑌃 ॥
Roman (IAST) Transliteration
atha pañcamo'dhyāyaḥ |
rājā uvāca |
bhagavantaṃ hariṃ prāyaḥ na bhajanti ātmavittamāḥ |
teṣāṃ aśāntakāmānāṃ kā niṣṭhā avijitātmanām || 1||
camasaḥ uvāca |
mukhabāhūrūpādebhyaḥ puruṣasya āśramaiḥ saha |
catvāraḥ jajñire varṇāḥ guṇaiḥ viprādayaḥ pṛthak || 2||
yaḥ eṣāṃ puruṣaṃ sākṣāt ātmaprabhavaṃ īśvaram |
na bhajanti avajānanti sthānāt bhraṣṭāḥ patanti adhaḥ || 3||
dūre harikathāḥ kecit dūre ca acyutakīrrtanāḥ |
striyaḥ śūdrādayaḥ ca eva te anukampyā bhavādṛśām || 4||
vipraḥ rājanyavaiśyau ca hareḥ prāptāḥ padāntikam |
śrautena janmanā atha api muhyanti āmnāyavādinaḥ || 5||
karmaṇi akovidāḥ stabdhāḥ mūrkhāḥ paṇḍitamāninaḥ |
vadanti cāṭukāt mūḍhāḥ yayā mādhvyā gira utsukāḥ || 6||
rajasā ghorasaṅkalpāḥ kāmukāḥ ahimanyavaḥ |
dāmbhikāḥ māninaḥ pāpāḥ vihasanti acyutapriyān || 7||
vadanti te anyonyaṃ upāsitastriyaḥ
gṛheṣu maithunyasukheṣu ca āśiṣaḥ |
yajanti asṛṣṭān avidhān adakṣiṇam
vṛttyai paraṃ ghnanti paśūn atadvidaḥ || 8||
śriyā vibhūtyā abhijanena vidyayā
tyāgena rūpeṇa balena karmaṇā
sataḥ avamanyanti haripriyān khalāḥ || 9||
sarveṣu śaśvat tanubhṛt svavasthitam
yathā svaṃ ātmānaṃ abhīṣṭaṃ īśvaram |
vedopagītaṃ ca na śruṇvate abudhāḥ
manorathānāṃ pravadanti vārtayā || 10||
loke vyavāya āmiṣaṃ adyasevā
nityāḥ tu jantoḥ na hi tatra codanā |
vyavasthitiḥ teṣu vivāhayajña
surāgrahaiḥ āsu nivṛttiḥ iṣṭā || 11||
dhanaṃ ca dharmekaphalaṃ yataḥ vai
jñānaṃ savijñānaṃ anupraśānti |
gṛheṣu yuñjanti kalevarasya
mṛtyuṃ na paśyanti durantavīryam || 12||
yat ghrāṇabhakṣaḥ vihitaḥ surāyāḥ
tathā paśoḥ ālabhanaṃ na hiṃsā |
evaṃ vyavāyaḥ prajayā na ratyā
iamaṃ viśuddhaṃ na viduḥ svadharmam || 13||
ye tu anevaṃvidaḥ asantaḥ stabdhāḥ sat abhimāninaḥ |
paśūn druhyanti visrabdhāḥ pretya khādanti te ca tān || 14||
dviṣantaḥ parakāyeṣu svātmānaṃ hariṃ īśvaram |
mṛtake sānubandhe asmin baddhasnehāḥ patanti adhaḥ || 15||
ye kaivalyaṃ asamprāptāḥ ye ca atītāḥ ca mūḍhatām |
traivargikāḥ hi akṣaṇikāḥ ātmānaṃ ghātayanti te || 16||
etaḥ ātmahanaḥ aśāntāḥ ajñāne jñānamāninaḥ |
sīdanti akṛtakṛtyāḥ vai kāladhvastamanorathāḥ || 17||
hitvā ātyāya asaracitāḥ gṛha apatyasuhṛt śriyaḥ |
tamaḥ viśanti anicchantaḥ vāsudevaparāṅmukhāḥ || 18||
rājā uvāca |
kasmin kāle saḥ bhagavān kiṃ varṇaḥ kīdṛśaḥ nṛbhiḥ |
nāmnā vā kena vidhinā pūjyate tat iha ucyatām || 19||
karabhājanaḥ uvāca |
kṛtaṃ tretā dvāparaṃ ca kaliḥ ityeṣu keśavaḥ |
nānāvarṇa abhidhākāraḥ nānā eva vidhinā ijyate || 20||
kṛte śuklaḥ caturbāhuḥ jaṭilaḥ valkalāmbaraḥ |
kṛṣṇājinaupavītākṣān bibhrat daṇḍakamaṇḍalūn || 21||
manuṣyāḥ tu tadā śāntāḥ nirvairāḥ suhṛdaḥ samāḥ |
yajanti tapasā devaṃ śamena ca damena ca || 22||
haṃsaḥ suparṇaḥ vaikuṇṭhaḥ dharmaḥ yogeśvaraḥ amalaḥ |
īśvaraḥ puruṣaḥ avyaktaḥ paramātmā iti gīyate || 23||
tretāyāṃ raktavarṇaḥ asau caturbāhuḥ trimekhalaḥ |
hiraṇyakeśaḥ trayī ātmā sruksruvādi upalakṣaṇaḥ || 24||
taṃ tadā manujā devaṃ sarvadevamayaṃ harim |
yajanti vidyayā trayyā dharmiṣṭhāḥ brahmavādinaḥ || 25||
viṣṇuḥ yajñaḥ pṛṣṇigarbhaḥ sarvadevaḥ urukramaḥ |
vṛṣākapiḥ jayantaḥ ca urugāya iti īryate || 26||
dvāpare bhagavān śyāmaḥ pītavāsā nijāyudhaḥ |
śrīvatsādibhiḥ aṅkaiḥ ca lakṣaṇaiḥ upalakṣitaḥ || 27||
taṃ tadā puruṣaṃ martyā mahārājaupalakṣaṇam |
yajanti vedatantrābhyāṃ paraṃ jijñāsavaḥ nṛpa || 28||
namaḥ te vāsudevāya namaḥ saṅkarṣaṇāya ca |
pradyumnāya aniruddhāya tubhyaṃ bhagavate namaḥ || 29||
nārāyaṇāya ṛṣaye puruṣāya mahātmane |
viśveśvarāya viśvāya sarvabhūtātmane namaḥ || 30||
iti dvāparaḥ urvīśa stuvanti jagadīśvaram |
nānātantravidhānena kalau api yathā śruṇu || 31||
kṛṣṇavarṇaṃ tviṣākṛṣṇaṃ sāṅgaupāṅgāstra
pārṣadam |
yajñaiḥ saṅkīrtanaprāyaiḥ yajanti hi sumedhasaḥ || 32||
dhyeyaṃ sadā paribhavaghnaṃ abhīṣṭadoham
tīrthāspadaṃ śivaviriñcinutaṃ śaraṇyam |
bhṛtyārtihan praṇatapāla bhavābdhipotam
vande mahāpuruṣa te caraṇāravindam || 33||
tyaktvā sudustyajasuraipsitarājyalakṣmīm
dharmiṣṭhaḥ āryavacasā yat agāt araṇyam |
māyāmṛgaṃ dayitayā ipsitaṃ anvadhāvat
vande mahāpuruṣa te caraṇāravindam || 34||
evaṃ yugānurūpābhyāṃ bhagavān yugavartibhiḥ |
manujaiḥ ijyate rājan śreyasāṃ īśvaraḥ hariḥ || 35||
kaliṃ sabhājayanti āryā guṇajñāḥ sārabhāginaḥ |
yatra saṅkīrtanena eva sarvaḥ svārthaḥ abhilabhyate || 36||
na hi ataḥ paramaḥ lābhaḥ dehināṃ bhrāmyatāṃ iha |
yataḥ vindeta paramāṃ śāntiṃ naśyati saṃsṛtiḥ || 37||
kṛtādiṣu prajā rājan kalau icchanti sambhavam |
kalau khalu bhaviṣyanti nārāyaṇaparāyaṇāḥ || 38||
kvacit kvacit mahārāja draviḍeṣu ca bhūriśaḥ |
tāmraparṇī nadī yatra kṛtamālā payasvinī || 39||
kāverī ca mahāpuṇyā pratīcī ca mahānadī |
ye pibanti jalaṃ tāsāṃ manujā manujeśvara |
prāyaḥ bhaktāḥ bhagavati vāsudevaḥ amala āśayāḥ || 40||
devarṣibhūtāptanṛṇā pitṝṇāṃ
na kiṅkaraḥ na ayaṃ ṛṇī ca rājan |
sarvātmanā yaḥ śaraṇaṃ śaraṇyam
gataḥ mukundaṃ parihṛtya kartum || 41||
svapādamūlaṃ bhajataḥ priyasya
tyaktānyabhāvasya hariḥ pareśaḥ |
vikarma yat ca utpatitaṃ kathañcit
dhunoti sarvaṃ hṛdi sanniviṣṭaḥ || 42||
nāradaḥ uvāca |
dharmān bhāgavatān itthaṃ śrutvā atha mithileśvaraḥ |
jāyanta iyān munīn prītaḥ sopādhyāyaḥ hi apūjayat || 43||
tataḥ antaḥ dadhire siddhāḥ sarvalokasya paśyataḥ |
rājā dharmān upātiṣṭhan avāpa paramāṃ gatim || 44||
tvaṃ api etān mahābhāga dharmān bhāgavatān śrutān |
āsthitaḥ śraddhayā yuktaḥ niḥsaṅgaḥ yāsyase param || 45||
yuvayoḥ khalu dampatyoḥ yaśasā pūritaṃ jagat |
putratāṃ agamat yat vāṃ bhagavān īśvaraḥ hariḥ || 46||
darśanāliṅganālāpaiḥ śayanāsanabhojanaiḥ |
ātmā vāṃ pāvitaḥ kṛṣṇe putrasneha prakurvatoḥ || 47||
vaireṇa yaṃ nṛpatayaḥ śiśupālapauṇḍra
śālvādayaḥ gativilāsavilokanādayaiḥ |
dhyāyantaḥ ākṛtadhiyaḥ śayanāsanādau
tat sāmyaṃ āpuḥ anuraktadhiyāṃ punaḥ kim || 48||
mā apatyabuddhiṃ akṛthāḥ kṛṣṇe sarvātmanīśvare |
māyāmanuṣyabhāvena gūḍha aiśvarye pare avyaye || 49||
bhūbhārarājanyahantave guptaye satām |
avatīrṇasya nirvṛtyai yaśaḥ loke vitanyate || 50||
śrīśukaḥ uvāca |
etat śrutvā mahābhāgaḥ vasudevaḥ ativismitaḥ |
devakī ca mahābhāgāḥ jahatuḥ mohaṃ ātmanaḥ || 51||
itihāsaṃ imaṃ puṇyaṃ dhārayet yaḥ samāhitaḥ |
saḥ vidhūya iha śamalaṃ brahmabhūyāya kalpate || 52||
iti śrīmadbhāgavate mahāpurāṇe pāramahaṃsyāṃ
saṃhitāyāmekādaśaskandhe vasudevanāradasaṃvāde
pañcamo'dhyāyaḥ ||
InfoLyter.in — Sacred Vedic Knowledge Portal · Free forever