📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
𑌶𑍍𑌰𑍀 𑌰𑌾𑌮 𑌭𑍁𑌜𑌙𑍍𑌗 𑌪𑍍𑌰𑌯𑌾𑌤 𑌸𑍍𑌤𑍋𑌤𑍍𑌰𑌮𑍍
Shri Rama Bhujanga Prayata Stotram
Rama Stotram Adi Shankaracharya Grantha
𑌵𑌿𑌶𑍁𑌦𑍍𑌧𑌂 𑌪𑌰𑌂 𑌸𑌚𑍍𑌚𑌿𑌦𑌾𑌨𑌨𑍍𑌦𑌰𑍂𑌪𑌂
𑌗𑍁𑌣𑌾𑌧𑌾𑌰𑌮𑌾𑌧𑌾𑌰𑌹𑍀𑌨𑌂 𑌵𑌰𑍇𑌣𑍍𑌯𑌮𑍍 ।
𑌮𑌹𑌾𑌨𑍍𑌤𑌂 𑌵𑌿𑌭𑌾𑌨𑍍𑌤𑌂 𑌗𑍁𑌹𑌾𑌨𑍍𑌤𑌂 𑌗𑍁𑌣𑌾𑌨𑍍𑌤𑌂
𑌸𑍁𑌖𑌾𑌨𑍍𑌤𑌂 𑌸𑍍𑌵𑌯𑌂 𑌧𑌾𑌮 𑌰𑌾𑌮𑌂 𑌪𑍍𑌰𑌪𑌦𑍍𑌯𑍇 ॥ 1 ॥
𑌶𑌿𑌵𑌂 𑌨𑌿𑌤𑍍𑌯𑌮𑍇𑌕𑌂 𑌵𑌿𑌭𑍁𑌂 𑌤𑌾𑌰𑌕𑌾𑌖𑍍𑌯𑌂
𑌸𑍁𑌖𑌾𑌕𑌾𑌰𑌮𑌾𑌕𑌾𑌰𑌶𑍂𑌨𑍍𑌯𑌂 𑌸𑍁𑌮𑌾𑌨𑍍𑌯𑌮𑍍 ।
𑌮𑌹𑍇𑌶𑌂 𑌕𑌲𑍇𑌶𑌂 𑌸𑍁𑌰𑍇𑌶𑌂 𑌪𑌰𑍇𑌶𑌂
𑌨𑌰𑍇𑌶𑌂 𑌨𑌿𑌰𑍀𑌶𑌂 𑌮𑌹𑍀𑌶𑌂 𑌪𑍍𑌰𑌪𑌦𑍍𑌯𑍇 ॥ 2 ॥
𑌯𑌦𑌾𑌵𑌰𑍍𑌣𑌯𑌤𑍍𑌕𑌰𑍍𑌣𑌮𑍂𑌲𑍇𑌽𑌨𑍍𑌤𑌕𑌾𑌲𑍇
𑌶𑌿𑌵𑍋 𑌰𑌾𑌮 𑌰𑌾𑌮𑍇𑌤𑌿 𑌰𑌾𑌮𑍇𑌤𑌿 𑌕𑌾𑌶𑍍𑌯𑌾𑌮𑍍 ।
𑌤𑌦𑍇𑌕𑌂 𑌪𑌰𑌂 𑌤𑌾𑌰𑌕𑌬𑍍𑌰𑌹𑍍𑌮𑌰𑍂𑌪𑌂
𑌭𑌜𑍇𑌽𑌹𑌂 𑌭𑌜𑍇𑌽𑌹𑌂 𑌭𑌜𑍇𑌽𑌹𑌂 𑌭𑌜𑍇𑌽𑌹𑌮𑍍 ॥ 3 ॥
𑌮𑌹𑌾𑌰𑌤𑍍𑌨𑌪𑍀𑌠𑍇 𑌶𑍁𑌭𑍇 𑌕𑌲𑍍𑌪𑌮𑍂𑌲𑍇
𑌸𑍁𑌖𑌾𑌸𑍀𑌨𑌮𑌾𑌦𑌿𑌤𑍍𑌯𑌕𑍋𑌟𑌿𑌪𑍍𑌰𑌕𑌾𑌶𑌮𑍍 ।
𑌸𑌦𑌾 𑌜𑌾𑌨𑌕𑍀𑌲𑌕𑍍𑌷𑍍𑌮𑌣𑍋𑌪𑍇𑌤𑌮𑍇𑌕𑌂
𑌸𑌦𑌾 𑌰𑌾𑌮𑌚𑌨𑍍𑌦𑍍𑌰𑌂 𑌭𑌜𑍇𑌽𑌹𑌂 𑌭𑌜𑍇𑌽𑌹𑌮𑍍 ॥ 4 ॥
𑌕𑍍𑌵𑌣𑌦𑍍𑌰𑌤𑍍𑌨𑌮𑌞𑍍𑌜𑍀𑌰𑌪𑌾𑌦𑌾𑌰𑌵𑌿𑌨𑍍𑌦𑌂
𑌲𑌸𑌨𑍍𑌮𑍇𑌖𑌲𑌾𑌚𑌾𑌰𑍁𑌪𑍀𑌤𑌾𑌮𑍍𑌬𑌰𑌾𑌢𑍍𑌯𑌮𑍍 ।
𑌮𑌹𑌾𑌰𑌤𑍍𑌨𑌹𑌾𑌰𑍋𑌲𑍍𑌲𑌸𑌤𑍍𑌕𑍗𑌸𑍍𑌤𑍁𑌭𑌾𑌙𑍍𑌗𑌂
𑌨𑌦𑌚𑍍𑌚𑌞𑍍𑌚𑌰𑍀𑌮𑌞𑍍𑌜𑌰𑍀𑌲𑍋𑌲𑌮𑌾𑌲𑌮𑍍 ॥ 5 ॥
𑌲𑌸𑌚𑍍𑌚𑌨𑍍𑌦𑍍𑌰𑌿𑌕𑌾𑌸𑍍𑌮𑍇𑌰𑌶𑍋𑌣𑌾𑌧𑌰𑌾𑌭𑌂
𑌸𑌮𑍁𑌦𑍍𑌯𑌤𑍍𑌪𑌤𑌙𑍍𑌗𑍇𑌨𑍍𑌦𑍁𑌕𑍋𑌟𑌿𑌪𑍍𑌰𑌕𑌾𑌶𑌮𑍍 ।
𑌨𑌮𑌦𑍍𑌬𑍍𑌰𑌹𑍍𑌮𑌰𑍁𑌦𑍍𑌰𑌾𑌦𑌿𑌕𑍋𑌟𑍀𑌰𑌰𑌤𑍍𑌨
𑌸𑍍𑌫𑍁𑌰𑌤𑍍𑌕𑌾𑌨𑍍𑌤𑌿𑌨𑍀𑌰𑌾𑌜𑌨𑌾𑌰𑌾𑌧𑌿𑌤𑌾𑌙𑍍𑌘𑍍𑌰𑌿𑌮𑍍 ॥ 6 ॥
𑌪𑍁𑌰𑌃 𑌪𑍍𑌰𑌾𑌞𑍍𑌜𑌲𑍀𑌨𑌾𑌞𑍍𑌜𑌨𑍇𑌯𑌾𑌦𑌿𑌭𑌕𑍍𑌤𑌾𑌨𑍍
𑌸𑍍𑌵𑌚𑌿𑌨𑍍𑌮𑍁𑌦𑍍𑌰𑌯𑌾 𑌭𑌦𑍍𑌰𑌯𑌾 𑌬𑍋𑌧𑌯𑌨𑍍𑌤𑌮𑍍 ।
𑌭𑌜𑍇𑌽𑌹𑌂 𑌭𑌜𑍇𑌽𑌹𑌂 𑌸𑌦𑌾 𑌰𑌾𑌮𑌚𑌨𑍍𑌦𑍍𑌰𑌂
𑌤𑍍𑌵𑌦𑌨𑍍𑌯𑌂 𑌨 𑌮𑌨𑍍𑌯𑍇 𑌨 𑌮𑌨𑍍𑌯𑍇 𑌨 𑌮𑌨𑍍𑌯𑍇 ॥ 7 ॥
𑌯𑌦𑌾 𑌮𑌤𑍍𑌸𑌮𑍀𑌪𑌂 𑌕𑍃𑌤𑌾𑌨𑍍𑌤𑌃 𑌸𑌮𑍇𑌤𑍍𑌯
𑌪𑍍𑌰𑌚𑌣𑍍𑌡𑌪𑍍𑌰𑌕𑍋𑌪𑍈𑌰𑍍𑌭𑌟𑍈𑌰𑍍𑌭𑍀𑌷𑌯𑍇𑌨𑍍𑌮𑌾𑌮𑍍 ।
𑌤𑌦𑌾𑌵𑌿𑌷𑍍𑌕𑌰𑍋𑌷𑌿 𑌤𑍍𑌵𑌦𑍀𑌯𑌂 𑌸𑍍𑌵𑌰𑍂𑌪𑌂
𑌸𑌦𑌾𑌪𑌤𑍍𑌪𑍍𑌰𑌣𑌾𑌶𑌂 𑌸𑌕𑍋𑌦𑌣𑍍𑌡𑌬𑌾𑌣𑌮𑍍 ॥ 8 ॥
𑌨𑌿𑌜𑍇 𑌮𑌾𑌨𑌸𑍇 𑌮𑌨𑍍𑌦𑌿𑌰𑍇 𑌸𑌨𑍍𑌨𑌿𑌧𑍇𑌹𑌿
𑌪𑍍𑌰𑌸𑍀𑌦 𑌪𑍍𑌰𑌸𑍀𑌦 𑌪𑍍𑌰𑌭𑍋 𑌰𑌾𑌮𑌚𑌨𑍍𑌦𑍍𑌰 ।
𑌸𑌸𑍗𑌮𑌿𑌤𑍍𑌰𑌿𑌣𑌾 𑌕𑍈𑌕𑌯𑍀𑌨𑌨𑍍𑌦𑌨𑍇𑌨
𑌸𑍍𑌵𑌶𑌕𑍍𑌤𑍍𑌯𑌾𑌨𑍁𑌭𑌕𑍍𑌤𑍍𑌯𑌾 𑌚 𑌸𑌂𑌸𑍇𑌵𑍍𑌯𑌮𑌾𑌨 ॥ 9 ॥
𑌸𑍍𑌵𑌭𑌕𑍍𑌤𑌾𑌗𑍍𑌰𑌗𑌣𑍍𑌯𑍈𑌃 𑌕𑌪𑍀𑌶𑍈𑌰𑍍𑌮𑌹𑍀𑌶𑍈-
-𑌰𑌨𑍀𑌕𑍈𑌰𑌨𑍇𑌕𑍈𑌶𑍍𑌚 𑌰𑌾𑌮 𑌪𑍍𑌰𑌸𑍀𑌦 ।
𑌨𑌮𑌸𑍍𑌤𑍇 𑌨𑌮𑍋𑌽𑌸𑍍𑌤𑍍𑌵𑍀𑌶 𑌰𑌾𑌮 𑌪𑍍𑌰𑌸𑍀𑌦
𑌪𑍍𑌰𑌶𑌾𑌧𑌿 𑌪𑍍𑌰𑌶𑌾𑌧𑌿 𑌪𑍍𑌰𑌕𑌾𑌶𑌂 𑌪𑍍𑌰𑌭𑍋 𑌮𑌾𑌮𑍍 ॥ 10 ॥
𑌤𑍍𑌵𑌮𑍇𑌵𑌾𑌸𑌿 𑌦𑍈𑌵𑌂 𑌪𑌰𑌂 𑌮𑍇 𑌯𑌦𑍇𑌕𑌂
𑌸𑍁𑌚𑍈𑌤𑌨𑍍𑌯𑌮𑍇𑌤𑌤𑍍𑌤𑍍𑌵𑌦𑌨𑍍𑌯𑌂 𑌨 𑌮𑌨𑍍𑌯𑍇 ।
𑌯𑌤𑍋𑌽𑌭𑍂𑌦𑌮𑍇𑌯𑌂 𑌵𑌿𑌯𑌦𑍍𑌵𑌾𑌯𑍁𑌤𑍇𑌜𑍋
𑌜𑌲𑍋𑌰𑍍𑌵𑍍𑌯𑌾𑌦𑌿𑌕𑌾𑌰𑍍𑌯𑌂 𑌚𑌰𑌂 𑌚𑌾𑌚𑌰𑌂 𑌚 ॥ 11 ॥
𑌨𑌮𑌃 𑌸𑌚𑍍𑌚𑌿𑌦𑌾𑌨𑌨𑍍𑌦𑌰𑍂𑌪𑌾𑌯 𑌤𑌸𑍍𑌮𑍈
𑌨𑌮𑍋 𑌦𑍇𑌵𑌦𑍇𑌵𑌾𑌯 𑌰𑌾𑌮𑌾𑌯 𑌤𑍁𑌭𑍍𑌯𑌮𑍍 ।
𑌨𑌮𑍋 𑌜𑌾𑌨𑌕𑍀𑌜𑍀𑌵𑌿𑌤𑍇𑌶𑌾𑌯 𑌤𑍁𑌭𑍍𑌯𑌂
𑌨𑌮𑌃 𑌪𑍁𑌣𑍍𑌡𑌰𑍀𑌕𑌾𑌯𑌤𑌾𑌕𑍍𑌷𑌾𑌯 𑌤𑍁𑌭𑍍𑌯𑌮𑍍 ॥ 12 ॥
𑌨𑌮𑍋 𑌭𑌕𑍍𑌤𑌿𑌯𑍁𑌕𑍍𑌤𑌾𑌨𑍁𑌰𑌕𑍍𑌤𑌾𑌯 𑌤𑍁𑌭𑍍𑌯𑌂
𑌨𑌮𑌃 𑌪𑍁𑌣𑍍𑌯𑌪𑍁𑌞𑍍𑌜𑍈𑌕𑌲𑌭𑍍𑌯𑌾𑌯 𑌤𑍁𑌭𑍍𑌯𑌮𑍍 ।
𑌨𑌮𑍋 𑌵𑍇𑌦𑌵𑍇𑌦𑍍𑌯𑌾𑌯 𑌚𑌾𑌦𑍍𑌯𑌾𑌯 𑌪𑍁𑌂𑌸𑍇
𑌨𑌮𑌃 𑌸𑍁𑌨𑍍𑌦𑌰𑌾𑌯𑍇𑌨𑍍𑌦𑌿𑌰𑌾𑌵𑌲𑍍𑌲𑌭𑌾𑌯 ॥ 13 ॥
𑌨𑌮𑍋 𑌵𑌿𑌶𑍍𑌵𑌕𑌰𑍍𑌤𑍍𑌰𑍇 𑌨𑌮𑍋 𑌵𑌿𑌶𑍍𑌵𑌹𑌰𑍍𑌤𑍍𑌰𑍇
𑌨𑌮𑍋 𑌵𑌿𑌶𑍍𑌵𑌭𑍋𑌕𑍍𑌤𑍍𑌰𑍇 𑌨𑌮𑍋 𑌵𑌿𑌶𑍍𑌵𑌮𑌾𑌤𑍍𑌰𑍇 ।
𑌨𑌮𑍋 𑌵𑌿𑌶𑍍𑌵𑌨𑍇𑌤𑍍𑌰𑍇 𑌨𑌮𑍋 𑌵𑌿𑌶𑍍𑌵𑌜𑍇𑌤𑍍𑌰𑍇
𑌨𑌮𑍋 𑌵𑌿𑌶𑍍𑌵𑌪𑌿𑌤𑍍𑌰𑍇 𑌨𑌮𑍋 𑌵𑌿𑌶𑍍𑌵𑌮𑌾𑌤𑍍𑌰𑍇 ॥ 14 ॥
𑌨𑌮𑌸𑍍𑌤𑍇 𑌨𑌮𑌸𑍍𑌤𑍇 𑌸𑌮𑌸𑍍𑌤𑌪𑍍𑌰𑌪𑌞𑍍𑌚-
-𑌪𑍍𑌰𑌭𑍋𑌗𑌪𑍍𑌰𑌯𑍋𑌗𑌪𑍍𑌰𑌮𑌾𑌣𑌪𑍍𑌰𑌵𑍀𑌣 ।
𑌮𑌦𑍀𑌯𑌂 𑌮𑌨𑌸𑍍𑌤𑍍𑌵𑌤𑍍𑌪𑌦𑌦𑍍𑌵𑌨𑍍𑌦𑍍𑌵𑌸𑍇𑌵𑌾𑌂
𑌵𑌿𑌧𑌾𑌤𑍁𑌂 𑌪𑍍𑌰𑌵𑍃𑌤𑍍𑌤𑌂 𑌸𑍁𑌚𑍈𑌤𑌨𑍍𑌯𑌸𑌿𑌦𑍍𑌧𑍍𑌯𑍈 ॥ 15 ॥
𑌶𑌿𑌲𑌾𑌪𑌿 𑌤𑍍𑌵𑌦𑌙𑍍𑌘𑍍𑌰𑌿𑌕𑍍𑌷𑌮𑌾𑌸𑌙𑍍𑌗𑌿𑌰𑍇𑌣𑍁
𑌪𑍍𑌰𑌸𑌾𑌦𑌾𑌦𑍍𑌧𑌿 𑌚𑍈𑌤𑌨𑍍𑌯𑌮𑌾𑌧𑌤𑍍𑌤 𑌰𑌾𑌮 ।
𑌨𑌰𑌸𑍍𑌤𑍍𑌵𑌤𑍍𑌪𑌦𑌦𑍍𑌵𑌨𑍍𑌦𑍍𑌵𑌸𑍇𑌵𑌾𑌵𑌿𑌧𑌾𑌨𑌾-
-𑌤𑍍𑌸𑍁𑌚𑍈𑌤𑌨𑍍𑌯𑌮𑍇𑌤𑍀𑌤𑌿 𑌕𑌿𑌂 𑌚𑌿𑌤𑍍𑌰𑌮𑌤𑍍𑌰 ॥ 16 ॥
𑌪𑌵𑌿𑌤𑍍𑌰𑌂 𑌚𑌰𑌿𑌤𑍍𑌰𑌂 𑌵𑌿𑌚𑌿𑌤𑍍𑌰𑌂 𑌤𑍍𑌵𑌦𑍀𑌯𑌂
𑌨𑌰𑌾 𑌯𑍇 𑌸𑍍𑌮𑌰𑌨𑍍𑌤𑍍𑌯𑌨𑍍𑌵𑌹𑌂 𑌰𑌾𑌮𑌚𑌨𑍍𑌦𑍍𑌰 ।
𑌭𑌵𑌨𑍍𑌤𑌂 𑌭𑌵𑌾𑌨𑍍𑌤𑌂 𑌭𑌰𑌨𑍍𑌤𑌂 𑌭𑌜𑌨𑍍𑌤𑍋
𑌲𑌭𑌨𑍍𑌤𑍇 𑌕𑍃𑌤𑌾𑌨𑍍𑌤𑌂 𑌨 𑌪𑌶𑍍𑌯𑌨𑍍𑌤𑍍𑌯𑌤𑍋𑌽𑌨𑍍𑌤𑍇 ॥ 17 ॥
𑌸 𑌪𑍁𑌣𑍍𑌯𑌃 𑌸 𑌗𑌣𑍍𑌯𑌃 𑌶𑌰𑌣𑍍𑌯𑍋 𑌮𑌮𑌾𑌯𑌂
𑌨𑌰𑍋 𑌵𑍇𑌦 𑌯𑍋 𑌦𑍇𑌵𑌚𑍂𑌡𑌾𑌮𑌣𑌿𑌂 𑌤𑍍𑌵𑌾𑌮𑍍 ।
𑌸𑌦𑌾𑌕𑌾𑌰𑌮𑍇𑌕𑌂 𑌚𑌿𑌦𑌾𑌨𑌨𑍍𑌦𑌰𑍂𑌪𑌂
𑌮𑌨𑍋𑌵𑌾𑌗𑌗𑌮𑍍𑌯𑌂 𑌪𑌰𑌂 𑌧𑌾𑌮 𑌰𑌾𑌮 ॥ 18 ॥
𑌪𑍍𑌰𑌚𑌣𑍍𑌡𑌪𑍍𑌰𑌤𑌾𑌪𑌪𑍍𑌰𑌭𑌾𑌵𑌾𑌭𑌿𑌭𑍂𑌤-
-𑌪𑍍𑌰𑌭𑍂𑌤𑌾𑌰𑌿𑌵𑍀𑌰 𑌪𑍍𑌰𑌭𑍋 𑌰𑌾𑌮𑌚𑌨𑍍𑌦𑍍𑌰 ।
𑌬𑌲𑌂 𑌤𑍇 𑌕𑌥𑌂 𑌵𑌰𑍍𑌣𑍍𑌯𑌤𑍇𑌽𑌤𑍀𑌵 𑌬𑌾𑌲𑍍𑌯𑍇
𑌯𑌤𑍋𑌽𑌖𑌣𑍍𑌡𑌿 𑌚𑌣𑍍𑌡𑍀𑌶𑌕𑍋𑌦𑌣𑍍𑌡𑌦𑌣𑍍𑌡𑌮𑍍 ॥ 19 ॥
𑌦𑌶𑌗𑍍𑌰𑍀𑌵𑌮𑍁𑌗𑍍𑌰𑌂 𑌸𑌪𑍁𑌤𑍍𑌰𑌂 𑌸𑌮𑌿𑌤𑍍𑌰𑌂
𑌸𑌰𑌿𑌦𑍍𑌦𑍁𑌰𑍍𑌗𑌮𑌧𑍍𑌯𑌸𑍍𑌥𑌰𑌕𑍍𑌷𑍋𑌗𑌣𑍇𑌶𑌮𑍍 ।
𑌭𑌵𑌨𑍍𑌤𑌂 𑌵𑌿𑌨𑌾 𑌰𑌾𑌮 𑌵𑍀𑌰𑍋 𑌨𑌰𑍋 𑌵𑌾
𑌸𑍁𑌰𑍋 𑌵𑌾𑌽𑌮𑌰𑍋 𑌵𑌾 𑌜𑌯𑍇𑌤𑍍𑌕𑌸𑍍𑌤𑍍𑌰𑌿𑌲𑍋𑌕𑍍𑌯𑌾𑌮𑍍 ॥ 20 ॥
𑌸𑌦𑌾 𑌰𑌾𑌮 𑌰𑌾𑌮𑍇𑌤𑌿 𑌰𑌾𑌮𑌾𑌮𑍃𑌤𑌂 𑌤𑍇
𑌸𑌦𑌾𑌰𑌾𑌮𑌮𑌾𑌨𑌨𑍍𑌦𑌨𑌿𑌷𑍍𑌯𑌨𑍍𑌦𑌕𑌨𑍍𑌦𑌮𑍍 ।
𑌪𑌿𑌬𑌨𑍍𑌤𑌂 𑌨𑌮𑌨𑍍𑌤𑌂 𑌸𑍁𑌦𑌨𑍍𑌤𑌂 𑌹𑌸𑌨𑍍𑌤𑌂
𑌹𑌨𑍂𑌮𑌨𑍍𑌤𑌮𑌨𑍍𑌤𑌰𑍍𑌭𑌜𑍇 𑌤𑌂 𑌨𑌿𑌤𑌾𑌨𑍍𑌤𑌮𑍍 ॥ 21 ॥
𑌸𑌦𑌾 𑌰𑌾𑌮 𑌰𑌾𑌮𑍇𑌤𑌿 𑌰𑌾𑌮𑌾𑌮𑍃𑌤𑌂 𑌤𑍇
𑌸𑌦𑌾𑌰𑌾𑌮𑌮𑌾𑌨𑌨𑍍𑌦𑌨𑌿𑌷𑍍𑌯𑌨𑍍𑌦𑌕𑌨𑍍𑌦𑌮𑍍 ।
𑌪𑌿𑌬𑌨𑍍𑌨𑌨𑍍𑌵𑌹𑌂 𑌨𑌨𑍍𑌵𑌹𑌂 𑌨𑍈𑌵 𑌮𑍃𑌤𑍍𑌯𑍋-
-𑌰𑍍𑌬𑌿𑌭𑍇𑌮𑌿 𑌪𑍍𑌰𑌸𑌾𑌦𑌾𑌦𑌸𑌾𑌦𑌾𑌤𑍍𑌤𑌵𑍈𑌵 ॥ 22 ॥
𑌅𑌸𑍀𑌤𑌾𑌸𑌮𑍇𑌤𑍈𑌰𑌕𑍋𑌦𑌣𑍍𑌡𑌭𑍂𑌷𑍈-
-𑌰𑌸𑍗𑌮𑌿𑌤𑍍𑌰𑌿𑌵𑌨𑍍𑌦𑍍𑌯𑍈𑌰𑌚𑌣𑍍𑌡𑌪𑍍𑌰𑌤𑌾𑌪𑍈𑌃 ।
𑌅𑌲𑌙𑍍𑌕𑍇𑌶𑌕𑌾𑌲𑍈𑌰𑌸𑍁𑌗𑍍𑌰𑍀𑌵𑌮𑌿𑌤𑍍𑌰𑍈-
-𑌰𑌰𑌾𑌮𑌾𑌭𑌿𑌧𑍇𑌯𑍈𑌰𑌲𑌂 𑌦𑍈𑌵𑌤𑍈𑌰𑍍𑌨𑌃 ॥ 23 ॥
𑌅𑌵𑍀𑌰𑌾𑌸𑌨𑌸𑍍𑌥𑍈𑌰𑌚𑌿𑌨𑍍𑌮𑍁𑌦𑍍𑌰𑌿𑌕𑌾𑌢𑍍𑌯𑍈-
-𑌰𑌭𑌕𑍍𑌤𑌾𑌞𑍍𑌜𑌨𑍇𑌯𑌾𑌦𑌿𑌤𑌤𑍍𑌤𑍍𑌵𑌪𑍍𑌰𑌕𑌾𑌶𑍈𑌃 ।
𑌅𑌮𑌨𑍍𑌦𑌾𑌰𑌮𑍂𑌲𑍈𑌰𑌮𑌨𑍍𑌦𑌾𑌰𑌮𑌾𑌲𑍈-
-𑌰𑌰𑌾𑌮𑌾𑌭𑌿𑌧𑍇𑌯𑍈𑌰𑌲𑌂 𑌦𑍈𑌵𑌤𑍈𑌰𑍍𑌨𑌃 ॥ 24 ॥
𑌅𑌸𑌿𑌨𑍍𑌧𑍁𑌪𑍍𑌰𑌕𑍋𑌪𑍈𑌰𑌵𑌨𑍍𑌦𑍍𑌯𑌪𑍍𑌰𑌤𑌾𑌪𑍈-
-𑌰𑌬𑌨𑍍𑌧𑍁𑌪𑍍𑌰𑌯𑌾𑌣𑍈𑌰𑌮𑌨𑍍𑌦𑌸𑍍𑌮𑌿𑌤𑌾𑌢𑍍𑌯𑍈𑌃 ।
𑌅𑌦𑌣𑍍𑌡𑌪𑍍𑌰𑌵𑌾𑌸𑍈𑌰𑌖𑌣𑍍𑌡𑌪𑍍𑌰𑌬𑍋𑌧𑍈-
-𑌰𑌰𑌾𑌮𑌾𑌭𑌿𑌧𑍇𑌯𑍈𑌰𑌲𑌂 𑌦𑍈𑌵𑌤𑍈𑌰𑍍𑌨𑌃 ॥ 25 ॥
𑌹𑌰𑍇 𑌰𑌾𑌮 𑌸𑍀𑌤𑌾𑌪𑌤𑍇 𑌰𑌾𑌵𑌣𑌾𑌰𑍇
𑌖𑌰𑌾𑌰𑍇 𑌮𑍁𑌰𑌾𑌰𑍇𑌽𑌸𑍁𑌰𑌾𑌰𑍇 𑌪𑌰𑍇𑌤𑌿 ।
𑌲𑌪𑌨𑍍𑌤𑌂 𑌨𑌯𑌨𑍍𑌤𑌂 𑌸𑌦𑌾𑌕𑌾𑌲𑌮𑍇𑌵𑌂
𑌸𑌮𑌾𑌲𑍋𑌕𑌯𑌾𑌲𑍋𑌕𑌯𑌾𑌶𑍇𑌷𑌬𑌨𑍍𑌧𑍋 ॥ 26 ॥
𑌨𑌮𑌸𑍍𑌤𑍇 𑌸𑍁𑌮𑌿𑌤𑍍𑌰𑌾𑌸𑍁𑌪𑍁𑌤𑍍𑌰𑌾𑌭𑌿𑌵𑌨𑍍𑌦𑍍𑌯
𑌨𑌮𑌸𑍍𑌤𑍇 𑌸𑌦𑌾 𑌕𑍈𑌕𑌯𑍀𑌨𑌨𑍍𑌦𑌨𑍇𑌡𑍍𑌯 ।
𑌨𑌮𑌸𑍍𑌤𑍇 𑌸𑌦𑌾 𑌵𑌾𑌨𑌰𑌾𑌧𑍀𑌶𑌵𑌨𑍍𑌦𑍍𑌯
𑌨𑌮𑌸𑍍𑌤𑍇 𑌨𑌮𑌸𑍍𑌤𑍇 𑌸𑌦𑌾 𑌰𑌾𑌮𑌚𑌨𑍍𑌦𑍍𑌰 ॥ 27 ॥
𑌪𑍍𑌰𑌸𑍀𑌦 𑌪𑍍𑌰𑌸𑍀𑌦 𑌪𑍍𑌰𑌚𑌣𑍍𑌡𑌪𑍍𑌰𑌤𑌾𑌪
𑌪𑍍𑌰𑌸𑍀𑌦 𑌪𑍍𑌰𑌸𑍀𑌦 𑌪𑍍𑌰𑌚𑌣𑍍𑌡𑌾𑌰𑌿𑌕𑌾𑌲 ।
𑌪𑍍𑌰𑌸𑍀𑌦 𑌪𑍍𑌰𑌸𑍀𑌦 𑌪𑍍𑌰𑌪𑌨𑍍𑌨𑌾𑌨𑍁𑌕𑌮𑍍𑌪𑌿𑌨𑍍
𑌪𑍍𑌰𑌸𑍀𑌦 𑌪𑍍𑌰𑌸𑍀𑌦 𑌪𑍍𑌰𑌭𑍋 𑌰𑌾𑌮𑌚𑌨𑍍𑌦𑍍𑌰 ॥ 28 ॥
𑌭𑍁𑌜𑌙𑍍𑌗𑌪𑍍𑌰𑌯𑌾𑌤𑌂 𑌪𑌰𑌂 𑌵𑍇𑌦𑌸𑌾𑌰𑌂
𑌮𑍁𑌦𑌾 𑌰𑌾𑌮𑌚𑌨𑍍𑌦𑍍𑌰𑌸𑍍𑌯 𑌭𑌕𑍍𑌤𑍍𑌯𑌾 𑌚 𑌨𑌿𑌤𑍍𑌯𑌮𑍍 ।
𑌪𑌠𑌨𑍍𑌸𑌨𑍍𑌤𑌤𑌂 𑌚𑌿𑌨𑍍𑌤𑌯𑌨𑍍𑌸𑍍𑌵𑌾𑌨𑍍𑌤𑌰𑌙𑍍𑌗𑍇
𑌸 𑌏𑌵 𑌸𑍍𑌵𑌯𑌂 𑌰𑌾𑌮𑌚𑌨𑍍𑌦𑍍𑌰𑌃 𑌸 𑌧𑌨𑍍𑌯𑌃 ॥ 29 ॥
𑌇𑌤𑌿 𑌶𑍍𑌰𑍀𑌮𑌚𑍍𑌛𑌙𑍍𑌕𑌰𑌾𑌚𑌾𑌰𑍍𑌯 𑌕𑍃𑌤𑌂 𑌶𑍍𑌰𑍀 𑌰𑌾𑌮 𑌭𑍁𑌜𑌙𑍍𑌗𑌪𑍍𑌰𑌯𑌾𑌤 𑌸𑍍𑌤𑍋𑌤𑍍𑌰𑌮𑍍 ।
Roman (IAST) Transliteration
viśuddhaṃ paraṃ saccidānandarūpaṃ
guṇādhāramādhārahīnaṃ vareṇyam |
mahāntaṃ vibhāntaṃ guhāntaṃ guṇāntaṃ
sukhāntaṃ svayaṃ dhāma rāmaṃ prapadye || 1 ||
śivaṃ nityamekaṃ vibhuṃ tārakākhyaṃ
sukhākāramākāraśūnyaṃ sumānyam |
maheśaṃ kaleśaṃ sureśaṃ pareśaṃ
nareśaṃ nirīśaṃ mahīśaṃ prapadye || 2 ||
yadāvarṇayatkarṇamūle'ntakāle
śivo rāma rāmeti rāmeti kāśyām |
tadekaṃ paraṃ tārakabrahmarūpaṃ
bhaje'haṃ bhaje'haṃ bhaje'haṃ bhaje'ham || 3 ||
mahāratnapīṭhe śubhe kalpamūle
sukhāsīnamādityakoṭiprakāśam |
sadā jānakīlakṣmaṇopetamekaṃ
sadā rāmacandraṃ bhaje'haṃ bhaje'ham || 4 ||
kvaṇadratnamañjīrapādāravindaṃ
lasanmekhalācārupītāmbarāḍhyam |
mahāratnahārollasatkaustubhāṅgaṃ
nadaccañcarīmañjarīlolamālam || 5 ||
lasaccandrikāsmeraśoṇādharābhaṃ
samudyatpataṅgendukoṭiprakāśam |
namadbrahmarudrādikoṭīraratna
sphuratkāntinīrājanārādhitāṅghrim || 6 ||
puraḥ prāñjalīnāñjaneyādibhaktān
svacinmudrayā bhadrayā bodhayantam |
bhaje'haṃ bhaje'haṃ sadā rāmacandraṃ
tvadanyaṃ na manye na manye na manye || 7 ||
yadā matsamīpaṃ kṛtāntaḥ sametya
pracaṇḍaprakopairbhaṭairbhīṣayenmām |
tadāviṣkaroṣi tvadīyaṃ svarūpaṃ
sadāpatpraṇāśaṃ sakodaṇḍabāṇam || 8 ||
nije mānase mandire sannidhehi
prasīda prasīda prabho rāmacandra |
sasaumitriṇā kaikayīnandanena
svaśaktyānubhaktyā ca saṃsevyamāna || 9 ||
svabhaktāgragaṇyaiḥ kapīśairmahīśai-
-ranīkairanekaiśca rāma prasīda |
namaste namo'stvīśa rāma prasīda
praśādhi praśādhi prakāśaṃ prabho mām || 10 ||
tvamevāsi daivaṃ paraṃ me yadekaṃ
sucaitanyametattvadanyaṃ na manye |
yato'bhūdameyaṃ viyadvāyutejo
jalorvyādikāryaṃ caraṃ cācaraṃ ca || 11 ||
namaḥ saccidānandarūpāya tasmai
namo devadevāya rāmāya tubhyam |
namo jānakījīviteśāya tubhyaṃ
namaḥ puṇḍarīkāyatākṣāya tubhyam || 12 ||
namo bhaktiyuktānuraktāya tubhyaṃ
namaḥ puṇyapuñjaikalabhyāya tubhyam |
namo vedavedyāya cādyāya puṃse
namaḥ sundarāyendirāvallabhāya || 13 ||
namo viśvakartre namo viśvahartre
namo viśvabhoktre namo viśvamātre |
namo viśvanetre namo viśvajetre
namo viśvapitre namo viśvamātre || 14 ||
namaste namaste samastaprapañca-
-prabhogaprayogapramāṇapravīṇa |
madīyaṃ manastvatpadadvandvasevāṃ
vidhātuṃ pravṛttaṃ sucaitanyasiddhyai || 15 ||
śilāpi tvadaṅghrikṣamāsaṅgireṇu
prasādāddhi caitanyamādhatta rāma |
narastvatpadadvandvasevāvidhānā-
-tsucaitanyametīti kiṃ citramatra || 16 ||
pavitraṃ caritraṃ vicitraṃ tvadīyaṃ
narā ye smarantyanvahaṃ rāmacandra |
bhavantaṃ bhavāntaṃ bharantaṃ bhajanto
labhante kṛtāntaṃ na paśyantyato'nte || 17 ||
sa puṇyaḥ sa gaṇyaḥ śaraṇyo mamāyaṃ
naro veda yo devacūḍāmaṇiṃ tvām |
sadākāramekaṃ cidānandarūpaṃ
manovāgagamyaṃ paraṃ dhāma rāma || 18 ||
pracaṇḍapratāpaprabhāvābhibhūta-
-prabhūtārivīra prabho rāmacandra |
balaṃ te kathaṃ varṇyate'tīva bālye
yato'khaṇḍi caṇḍīśakodaṇḍadaṇḍam || 19 ||
daśagrīvamugraṃ saputraṃ samitraṃ
sariddurgamadhyastharakṣogaṇeśam |
bhavantaṃ vinā rāma vīro naro vā
suro vā'maro vā jayetkastrilokyām || 20 ||
sadā rāma rāmeti rāmāmṛtaṃ te
sadārāmamānandaniṣyandakandam |
pibantaṃ namantaṃ sudantaṃ hasantaṃ
hanūmantamantarbhaje taṃ nitāntam || 21 ||
sadā rāma rāmeti rāmāmṛtaṃ te
sadārāmamānandaniṣyandakandam |
pibannanvahaṃ nanvahaṃ naiva mṛtyo-
-rbibhemi prasādādasādāttavaiva || 22 ||
asītāsametairakodaṇḍabhūṣai-
-rasaumitrivandyairacaṇḍapratāpaiḥ |
alaṅkeśakālairasugrīvamitrai-
-rarāmābhidheyairalaṃ daivatairnaḥ || 23 ||
avīrāsanasthairacinmudrikāḍhyai-
-rabhaktāñjaneyāditattvaprakāśaiḥ |
amandāramūlairamandāramālai-
-rarāmābhidheyairalaṃ daivatairnaḥ || 24 ||
asindhuprakopairavandyapratāpai-
-rabandhuprayāṇairamandasmitāḍhyaiḥ |
adaṇḍapravāsairakhaṇḍaprabodhai-
-rarāmābhidheyairalaṃ daivatairnaḥ || 25 ||
hare rāma sītāpate rāvaṇāre
kharāre murāre'surāre pareti |
lapantaṃ nayantaṃ sadākālamevaṃ
samālokayālokayāśeṣabandho || 26 ||
namaste sumitrāsuputrābhivandya
namaste sadā kaikayīnandaneḍya |
namaste sadā vānarādhīśavandya
namaste namaste sadā rāmacandra || 27 ||
prasīda prasīda pracaṇḍapratāpa
prasīda prasīda pracaṇḍārikāla |
prasīda prasīda prapannānukampin
prasīda prasīda prabho rāmacandra || 28 ||
bhujaṅgaprayātaṃ paraṃ vedasāraṃ
mudā rāmacandrasya bhaktyā ca nityam |
paṭhansantataṃ cintayansvāntaraṅge
sa eva svayaṃ rāmacandraḥ sa dhanyaḥ || 29 ||
iti śrīmacchaṅkarācārya kṛtaṃ śrī rāma bhujaṅgaprayāta stotram |
InfoLyter.in — Sacred Vedic Knowledge Portal · Free forever