Shri Gayatri Hridayam — InfoLyter.in

ॐ

𑌶𑍍𑌰𑍀 𑌗𑌾𑌯𑌤𑍍𑌰𑍀 𑌹𑍃𑌦𑌯𑌂

Shri Gayatri Hridayam

Hrudayam Grantha

𑌨𑌾𑌰𑌦 𑌉𑌵𑌾𑌚

𑌭𑌗𑌵𑌨𑍍 𑌦𑍇𑌵𑌦𑍇𑌵𑍇𑌶 𑌭𑍂𑌤𑌭𑌵𑍍𑌯𑌜𑌗𑌤𑍍𑌪𑍍𑌰𑌭𑍋 ।

𑌕𑌵𑌚𑌂 𑌚 𑌶𑍍𑌰𑍁𑌤𑌂 𑌦𑌿𑌵𑍍𑌯𑌂 𑌗𑌾𑌯𑌤𑍍𑌰𑍀𑌮𑌨𑍍𑌤𑍍𑌰𑌵𑌿𑌗𑍍𑌰𑌹𑌮𑍍 ॥ 1 ॥

𑌅𑌧𑍁𑌨𑌾 𑌶𑍍𑌰𑍋𑌤𑍁𑌮𑌿𑌚𑍍𑌛𑌾𑌮𑌿 𑌗𑌾𑌯𑌤𑍍𑌰𑍀𑌹𑍃𑌦𑌯𑌂 𑌪𑌰𑌮𑍍 ।

𑌯𑌦𑍍𑌧𑌾𑌰𑌣𑌾𑌦𑍍𑌭𑌵𑍇𑌤𑍍𑌪𑍁𑌣𑍍𑌯𑌂 𑌗𑌾𑌯𑌤𑍍𑌰𑍀𑌜𑌪𑌤𑍋𑌽𑌖𑌿𑌲𑌮𑍍 ॥ 2 ॥

𑌶𑍍𑌰𑍀𑌨𑌾𑌰𑌾𑌯𑌣 𑌉𑌵𑌾𑌚

𑌦𑍇𑌵𑍍𑌯𑌾𑌶𑍍𑌚 𑌹𑍃𑌦𑌯𑌂 𑌪𑍍𑌰𑍋𑌕𑍍𑌤𑌂 𑌨𑌾𑌰𑌦𑌾𑌥𑌰𑍍𑌵𑌣𑍇 𑌸𑍍𑌫𑍁𑌟𑌮𑍍 ।

𑌤𑌦𑍇𑌵𑌾𑌹𑌂 𑌪𑍍𑌰𑌵𑌕𑍍𑌷𑍍𑌯𑌾𑌮𑌿 𑌰𑌹𑌸𑍍𑌯𑌾𑌤𑌿𑌰𑌹𑌸𑍍𑌯𑌕𑌮𑍍 ॥ 3 ॥

𑌵𑌿𑌰𑌾𑌡𑍍𑌰𑍂𑌪𑌾𑌂 𑌮𑌹𑌾𑌦𑍇𑌵𑍀𑌂 𑌗𑌾𑌯𑌤𑍍𑌰𑍀𑌂 𑌵𑍇𑌦𑌮𑌾𑌤𑌰𑌮𑍍 ।

𑌧𑍍𑌯𑌾𑌤𑍍𑌵𑌾 𑌤𑌸𑍍𑌯𑌾𑌸𑍍𑌤𑍍𑌵𑌥𑌾𑌙𑍍𑌗𑍇𑌷𑍁 𑌧𑍍𑌯𑌾𑌯𑍇𑌦𑍇𑌤𑌾𑌶𑍍𑌚 𑌦𑍇𑌵𑌤𑌾𑌃 ॥ 4 ॥

𑌪𑌿𑌣𑍍𑌡𑌬𑍍𑌰𑌹𑍍𑌮𑌣𑍍𑌡𑌯𑍋𑌰𑍈𑌕𑍍𑌯𑌾𑌦𑍍𑌭𑌾𑌵𑌯𑍇𑌤𑍍𑌸𑍍𑌵𑌤𑌨𑍗 𑌤𑌥𑌾 ।

𑌦𑍇𑌵𑍀𑌰𑍂𑌪𑍇 𑌨𑌿𑌜𑍇 𑌦𑍇𑌹𑍇 𑌤𑌨𑍍𑌮𑌯𑌤𑍍𑌵𑌾𑌯 𑌸𑌾𑌧𑌕𑌃 ॥ 5 ॥

𑌨𑌾𑌦𑍇𑌵𑍋𑌽𑌭𑍍𑌯𑌰𑍍𑌚𑌯𑍇𑌦𑍍𑌦𑍇𑌵𑌮𑌿𑌤𑌿 𑌵𑍇𑌦𑌵𑌿𑌦𑍋 𑌵𑌿𑌦𑍁𑌃 ।

𑌤𑌤𑍋𑌽𑌭𑍇𑌦𑌾𑌯 𑌕𑌾𑌯𑍇 𑌸𑍍𑌵𑍇 𑌭𑌾𑌵𑌯𑍇𑌦𑍍𑌦𑍇𑌵𑌤𑌾 𑌇𑌮𑌾𑌃 ॥ 6 ॥

𑌅𑌥 𑌤𑌤𑍍𑌸𑌮𑍍𑌪𑍍𑌰𑌵𑌕𑍍𑌷𑍍𑌯𑌾𑌮𑌿 𑌤𑌨𑍍𑌮𑌯𑌤𑍍𑌵𑌮𑌥𑍋 𑌭𑌵𑍇𑌤𑍍 ।

𑌗𑌾𑌯𑌤𑍍𑌰𑍀𑌹𑍃𑌦𑌯𑌸𑍍𑌯𑌾𑌽𑌸𑍍𑌯𑌾𑌽𑌪𑍍𑌯𑌹𑌮𑍇𑌵 𑌋𑌷𑌿𑌃 𑌸𑍍𑌮𑍃𑌤𑌃 ॥ 7 ॥

𑌗𑌾𑌯𑌤𑍍𑌰𑍀𑌛𑌨𑍍𑌦 𑌉𑌦𑍍𑌦𑌿𑌷𑍍𑌟𑌂 𑌦𑍇𑌵𑌤𑌾 𑌪𑌰𑌮𑍇𑌶𑍍𑌵𑌰𑍀 ।

𑌪𑍂𑌰𑍍𑌵𑍋𑌕𑍍𑌤𑍇𑌨 𑌪𑍍𑌰𑌕𑌾𑌰𑍇𑌣 𑌕𑍁𑌰𑍍𑌯𑌾𑌦𑌙𑍍𑌗𑌾𑌨𑌿 𑌷𑌟𑍍𑌕𑍍𑌰𑌮𑌾𑌤𑍍 ।

𑌆𑌸𑌨𑍇 𑌵𑌿𑌜𑌨𑍇 𑌦𑍇𑌶𑍇 𑌧𑍍𑌯𑌾𑌯𑍇𑌦𑍇𑌕𑌾𑌗𑍍𑌰𑌮𑌾𑌨𑌸𑌃 ॥ 8 ॥

𑌅𑌥𑌾𑌰𑍍𑌥𑌨𑍍𑌯𑌾𑌸𑌃 । 𑌦𑍍𑌯𑍗𑌮𑍂𑌰𑍍𑌧𑍍𑌨𑌿 𑌦𑍈𑌵𑌤𑌮𑍍 । 𑌦𑌨𑍍𑌤𑌪𑌙𑍍𑌕𑍍𑌤𑌾𑌵𑌶𑍍𑌵𑌿𑌨𑍗 । 𑌉𑌭𑍇 𑌸𑌨𑍍𑌧𑍍𑌯𑍇 𑌚𑍗𑌷𑍍𑌠𑍗 । 𑌮𑍁𑌖𑌮𑌗𑍍𑌨𑌿𑌃 । 𑌜𑌿𑌹𑍍𑌵𑌾 𑌸𑌰𑌸𑍍𑌵𑌤𑍀 । 𑌗𑍍𑌰𑍀𑌵𑌾𑌯𑌾𑌂 𑌤𑍁 𑌬𑍃𑌹𑌸𑍍𑌪𑌤𑌿𑌃 । 𑌸𑍍𑌤𑌨𑌯𑍋𑌰𑍍𑌵𑌸𑌵𑍋𑌽𑌷𑍍𑌟𑍗 । 𑌬𑌾𑌹𑍍𑌵𑍋𑌰𑍍𑌮𑌰𑍁𑌤𑌃 । 𑌹𑍃𑌦𑌯𑍇 𑌪𑌰𑍍𑌜𑌨𑍍𑌯𑌃 । 𑌆𑌕𑌾𑌶𑌮𑍁𑌦𑌰𑌮𑍍 । 𑌨𑌾𑌭𑌾𑌵𑌨𑍍𑌤𑌰𑌿𑌕𑍍𑌷𑌮𑍍 । 𑌕𑌟𑍍𑌯𑍋𑌰𑌿𑌨𑍍𑌦𑍍𑌰𑌾𑌗𑍍𑌨𑍀 । 𑌜𑌘𑌨𑍇 𑌵𑌿𑌜𑍍𑌞𑌾𑌨𑌘𑌨𑌃 𑌪𑍍𑌰𑌜𑌾𑌪𑌤𑌿𑌃 । 𑌕𑍈𑌲𑌾𑌸𑌮𑌲𑌯𑍇 𑌊𑌰𑍂 । 𑌵𑌿𑌶𑍍𑌵𑍇𑌦𑍇𑌵𑌾 𑌜𑌾𑌨𑍍𑌵𑍋𑌃 । 𑌜𑌙𑍍𑌘𑌾𑌯𑌾𑌂 𑌕𑍗𑌶𑌿𑌕𑌃 । 𑌗𑍁𑌹𑍍𑌯𑌮𑌯𑌨𑍇 । 𑌊𑌰𑍂 𑌪𑌿𑌤𑌰𑌃 । 𑌪𑌾𑌦𑍗 𑌪𑍃𑌥𑌿𑌵𑍀 । 𑌵𑌨𑌸𑍍𑌪𑌤𑌯𑍋𑌽𑌙𑍍𑌗𑍁𑌲𑍀𑌷𑍁 । 𑌋𑌷𑌯𑍋 𑌰𑍋𑌮𑌾𑌣𑌿 । 𑌨𑌖𑌾𑌨𑌿 𑌮𑍁𑌹𑍂𑌰𑍍𑌤𑌾𑌨𑌿 । 𑌅𑌸𑍍𑌥𑌿𑌷𑍁 𑌗𑍍𑌰𑌹𑌾𑌃 । 𑌅𑌸𑍃𑌙𑍍𑌮𑌾𑌂𑌸𑌮𑍃𑌤𑌵𑌃 ॥ 𑌸𑌂𑌵𑌤𑍍𑌸𑌰𑌾 𑌵𑍈 𑌨𑌿𑌮𑌿𑌷𑌮𑍍 । 𑌅𑌹𑍋𑌰𑌾𑌤𑍍𑌰𑌾𑌵𑌾𑌦𑌿𑌤𑍍𑌯𑌶𑍍𑌚𑌨𑍍𑌦𑍍𑌰𑌮𑌾𑌃 । 𑌪𑍍𑌰𑌵𑌰𑌾𑌂 𑌦𑌿𑌵𑍍𑌯𑌾𑌂 𑌗𑌾𑌯𑌤𑍍𑌰𑍀𑌂 𑌸𑌹𑌸𑍍𑌰𑌨𑍇𑌤𑍍𑌰𑌾𑌂 𑌶𑌰𑌣𑌮𑌹𑌂 𑌪𑍍𑌰𑌪𑌦𑍍𑌯𑍇 ॥

𑍐 𑌤𑌤𑍍𑌸𑌵𑌿𑌤𑍁𑌰𑍍𑌵𑌰𑍇𑌣𑍍𑌯𑌾𑌯 𑌨𑌮𑌃 । 𑍐 𑌤𑌤𑍍𑌪𑍂𑌰𑍍𑌵𑌾𑌜𑌯𑌾𑌯 𑌨𑌮𑌃 । 𑌤𑌤𑍍𑌪𑍍𑌰𑌾𑌤𑌰𑌾𑌦𑌿𑌤𑍍𑌯𑌾𑌯 𑌨𑌮𑌃 । 𑌤𑌤𑍍𑌪𑍍𑌰𑌾𑌤𑌰𑌾𑌦𑌿𑌤𑍍𑌯𑌪𑍍𑌰𑌤𑌿𑌷𑍍𑌠𑌾𑌯𑍈 𑌨𑌮𑌃 ॥

𑌪𑍍𑌰𑌾𑌤𑌰𑌧𑍀𑌯𑌾𑌨𑍋 𑌰𑌾𑌤𑍍𑌰𑌿𑌕𑍃𑌤𑌂 𑌪𑌾𑌪𑌂 𑌨𑌾𑌶𑌯𑌤𑌿 । 𑌸𑌾𑌯𑌮𑌧𑍀𑌯𑌾𑌨𑍋 𑌦𑌿𑌵𑌸𑌕𑍃𑌤𑌂 𑌪𑌾𑌪𑌂 𑌨𑌾𑌶𑌯𑌤𑌿 । 𑌸𑌾𑌯𑌂 𑌪𑍍𑌰𑌾𑌤𑌰𑌧𑍀𑌯𑌾𑌨𑍋 𑌅𑌪𑌾𑌪𑍋 𑌭𑌵𑌤𑌿 । 𑌸𑌰𑍍𑌵𑌤𑍀𑌰𑍍𑌥𑍇𑌷𑍁 𑌸𑍍𑌨𑌾𑌤𑍋 𑌭𑌵𑌤𑌿 । 𑌸𑌰𑍍𑌵𑍈𑌰𑍍𑌦𑍇𑌵𑍈𑌰𑍍𑌜𑍍𑌞𑌾𑌤𑍋 𑌭𑌵𑌤𑌿 । 𑌅𑌵𑌾𑌚𑍍𑌯𑌵𑌚𑌨𑌾𑌤𑍍𑌪𑍂𑌤𑍋 𑌭𑌵𑌤𑌿 । 𑌅𑌭𑌕𑍍𑌷𑍍𑌯𑌭𑌕𑍍𑌷𑌣𑌾𑌤𑍍𑌪𑍂𑌤𑍋 𑌭𑌵𑌤𑌿 । 𑌅𑌭𑍋𑌜𑍍𑌯𑌭𑍋𑌜𑌨𑌾𑌤𑍍𑌪𑍂𑌤𑍋 𑌭𑌵𑌤𑌿 । 𑌅𑌚𑍋𑌷𑍍𑌯𑌚𑍋𑌷𑌣𑌾𑌤𑍍𑌪𑍂𑌤𑍋 𑌭𑌵𑌤𑌿 । 𑌅𑌸𑌾𑌧𑍍𑌯𑌸𑌾𑌧𑌨𑌾𑌤𑍍𑌪𑍂𑌤𑍋 𑌭𑌵𑌤𑌿 । 𑌦𑍁𑌷𑍍𑌪𑍍𑌰𑌤𑌿𑌗𑍍𑌰𑌹𑌶𑌤𑌸𑌹𑌸𑍍𑌰𑌾𑌤𑍍𑌪𑍂𑌤𑍋 𑌭𑌵𑌤𑌿 । 𑌸𑌰𑍍𑌵𑌪𑍍𑌰𑌤𑌿𑌗𑍍𑌰𑌹𑌾𑌤𑍍𑌪𑍂𑌤𑍋 𑌭𑌵𑌤𑌿 । 𑌪𑌙𑍍𑌕𑍍𑌤𑌿𑌦𑍂𑌷𑌣𑌾𑌤𑍍𑌪𑍂𑌤𑍋 𑌭𑌵𑌤𑌿 । 𑌅𑌨𑍃𑌤𑌵𑌚𑌨𑌾𑌤𑍍𑌪𑍂𑌤𑍋 𑌭𑌵𑌤𑌿 । 𑌅𑌥𑌾𑌽𑌬𑍍𑌰𑌹𑍍𑌮𑌚𑌾𑌰𑍀 𑌬𑍍𑌰𑌹𑍍𑌮𑌚𑌾𑌰𑍀 𑌭𑌵𑌤𑍀 । 𑌅𑌨𑍇𑌨 𑌹𑍃𑌦𑌯𑍇𑌨𑌾𑌧𑍀𑌤𑍇𑌨 𑌕𑍍𑌰𑌤𑍁𑌸𑌹𑌸𑍍𑌰𑍇𑌣𑍇𑌷𑍍𑌟𑌂 𑌭𑌵𑌤𑌿 । 𑌷𑌷𑍍𑌟𑌿𑌶𑌤𑌸𑌹𑌸𑍍𑌰𑌗𑌾𑌯𑌤𑍍𑌰𑍍𑌯𑌾 𑌜𑌪𑍍𑌯𑌾𑌨𑌿 𑌫𑌲𑌾𑌨𑌿 𑌭𑌵𑌨𑍍𑌤𑌿 । 𑌅𑌷𑍍𑌟𑍗 𑌬𑍍𑌰𑌾𑌹𑍍𑌮𑌣𑌾𑌨𑍍 𑌸𑌮𑍍𑌯𑌗𑍍𑌗𑍍𑌰𑌾𑌹𑌯𑍇𑌤𑍍 । 𑌤𑌸𑍍𑌯 𑌸𑌿𑌦𑍍𑌧𑌿𑌰𑍍𑌭𑌵𑌤𑌿 । 𑌯 𑌇𑌦𑌂 𑌨𑌿𑌤𑍍𑌯𑌮𑌧𑍀𑌯𑌾𑌨𑍋 𑌬𑍍𑌰𑌾𑌹𑍍𑌮𑌣𑌃 𑌪𑍍𑌰𑌾𑌤𑌃 𑌶𑍁𑌚𑌿𑌃 𑌸𑌰𑍍𑌵𑌪𑌾𑌪𑍈𑌃 𑌪𑍍𑌰𑌮𑍁𑌚𑍍𑌯𑌤 𑌇𑌤𑌿 । 𑌬𑍍𑌰𑌹𑍍𑌮𑌲𑍋𑌕𑍇 𑌮𑌹𑍀𑌯𑌤𑍇 ॥

𑌇𑌤𑍍𑌯𑌾𑌹 𑌭𑌗𑌵𑌾𑌨𑍍 𑌶𑍍𑌰𑍀𑌨𑌾𑌰𑌾𑌯𑌣𑌃 ॥

𑌇𑌤𑌿 𑌶𑍍𑌰𑍀𑌦𑍇𑌵𑍀𑌭𑌾𑌗𑌵𑌤𑍇 𑌮𑌹𑌾𑌪𑍁𑌰𑌾𑌣𑍇 𑌦𑍍𑌵𑌾𑌦𑌶𑌸𑍍𑌕𑌨𑍍𑌧𑍇 𑌶𑍍𑌰𑍀 𑌗𑌾𑌯𑌤𑍍𑌰𑍀 𑌹𑍃𑌦𑌯𑌂 𑌨𑌾𑌮 𑌚𑌤𑍁𑌰𑍍𑌥𑍋𑌽𑌧𑍍𑌯𑌾𑌯𑌃 ॥

Roman (IAST) Transliteration

nārada uvāca

bhagavan devadeveśa bhūtabhavyajagatprabho |

kavacaṃ ca śrutaṃ divyaṃ gāyatrīmantravigraham || 1 ||

adhunā śrotumicchāmi gāyatrīhṛdayaṃ param |

yaddhāraṇādbhavetpuṇyaṃ gāyatrījapato'khilam || 2 ||

śrīnārāyaṇa uvāca

devyāśca hṛdayaṃ proktaṃ nāradātharvaṇe sphuṭam |

tadevāhaṃ pravakṣyāmi rahasyātirahasyakam || 3 ||

virāḍrūpāṃ mahādevīṃ gāyatrīṃ vedamātaram |

dhyātvā tasyāstvathāṅgeṣu dhyāyedetāśca devatāḥ || 4 ||

piṇḍabrahmaṇḍayoraikyādbhāvayetsvatanau tathā |

devīrūpe nije dehe tanmayatvāya sādhakaḥ || 5 ||

nādevo'bhyarcayeddevamiti vedavido viduḥ |

tato'bhedāya kāye sve bhāvayeddevatā imāḥ || 6 ||

atha tatsampravakṣyāmi tanmayatvamatho bhavet |

gāyatrīhṛdayasyā'syā'pyahameva ṛṣiḥ smṛtaḥ || 7 ||

gāyatrīchanda uddiṣṭaṃ devatā parameśvarī |

pūrvoktena prakāreṇa kuryādaṅgāni ṣaṭkramāt |

āsane vijane deśe dhyāyedekāgramānasaḥ || 8 ||

athārthanyāsaḥ | dyaumūrdhni daivatam | dantapaṅktāvaśvinau | ubhe sandhye cauṣṭhau | mukhamagniḥ | jihvā sarasvatī | grīvāyāṃ tu bṛhaspatiḥ | stanayorvasavo'ṣṭau | bāhvormarutaḥ | hṛdaye parjanyaḥ | ākāśamudaram | nābhāvantarikṣam | kaṭyorindrāgnī | jaghane vijñānaghanaḥ prajāpatiḥ | kailāsamalaye ūrū | viśvedevā jānvoḥ | jaṅghāyāṃ kauśikaḥ | guhyamayane | ūrū pitaraḥ | pādau pṛthivī | vanaspatayo'ṅgulīṣu | ṛṣayo romāṇi | nakhāni muhūrtāni | asthiṣu grahāḥ | asṛṅmāṃsamṛtavaḥ || saṃvatsarā vai nimiṣam | ahorātrāvādityaścandramāḥ | pravarāṃ divyāṃ gāyatrīṃ sahasranetrāṃ śaraṇamahaṃ prapadye ||

oṃ tatsaviturvareṇyāya namaḥ | oṃ tatpūrvājayāya namaḥ | tatprātarādityāya namaḥ | tatprātarādityapratiṣṭhāyai namaḥ ||

prātaradhīyāno rātrikṛtaṃ pāpaṃ nāśayati | sāyamadhīyāno divasakṛtaṃ pāpaṃ nāśayati | sāyaṃ prātaradhīyāno apāpo bhavati | sarvatīrtheṣu snāto bhavati | sarvairdevairjñāto bhavati | avācyavacanātpūto bhavati | abhakṣyabhakṣaṇātpūto bhavati | abhojyabhojanātpūto bhavati | acoṣyacoṣaṇātpūto bhavati | asādhyasādhanātpūto bhavati | duṣpratigrahaśatasahasrātpūto bhavati | sarvapratigrahātpūto bhavati | paṅktidūṣaṇātpūto bhavati | anṛtavacanātpūto bhavati | athā'brahmacārī brahmacārī bhavatī | anena hṛdayenādhītena kratusahasreṇeṣṭaṃ bhavati | ṣaṣṭiśatasahasragāyatryā japyāni phalāni bhavanti | aṣṭau brāhmaṇān samyaggrāhayet | tasya siddhirbhavati | ya idaṃ nityamadhīyāno brāhmaṇaḥ prātaḥ śuciḥ sarvapāpaiḥ pramucyata iti | brahmaloke mahīyate ||

ityāha bhagavān śrīnārāyaṇaḥ ||

iti śrīdevībhāgavate mahāpurāṇe dvādaśaskandhe śrī gāyatrī hṛdayaṃ nāma caturtho'dhyāyaḥ ||