📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
𑌶𑍍𑌰𑍀 𑌦𑍁𑌰𑍍𑌗𑌾 𑌅𑌥𑌰𑍍𑌵𑌶𑍀𑌰𑍍𑌷𑌮𑍍
Shri Durga Atharvashirsham
Durga Grantha
𑍐 𑌸𑌰𑍍𑌵𑍇 𑌵𑍈 𑌦𑍇𑌵𑌾 𑌦𑍇𑌵𑍀𑌮𑍁𑌪𑌤𑌸𑍍𑌥𑍁𑌃 𑌕𑌾𑌸𑌿 𑌤𑍍𑌵-𑌮𑍍𑌮𑌹𑌾𑌦𑍇𑌵𑍀𑌤𑌿 ॥ 1 ॥
𑌸𑌾-𑌽𑌬𑍍𑌰𑌵𑍀𑌦𑌹-𑌮𑍍𑌬𑍍𑌰𑌹𑍍𑌮𑌸𑍍𑌵𑌰𑍂𑌪𑌿𑌣𑍀 ।
𑌮𑌤𑍍𑌤𑌃 𑌪𑍍𑌰𑌕𑍃𑌤𑌿𑌪𑍁𑌰𑍁𑌷𑌾𑌤𑍍𑌮𑌕-𑌞𑍍𑌜𑌗𑌤𑍍 ।
𑌶𑍂𑌨𑍍𑌯-𑌞𑍍𑌚𑌾𑌶𑍂𑌨𑍍𑌯-𑌞𑍍𑌚 ॥ 2 ॥
𑌅𑌹𑌮𑌾𑌨𑌨𑍍𑌦𑌾𑌨𑌾𑌨𑌨𑍍𑌦𑍗 ।
𑌅𑌹𑌂-𑌵𑌿𑌁𑌜𑍍𑌞𑌾𑌨𑌾𑌵𑌿𑌜𑍍𑌞𑌾𑌨𑍇 ।
𑌅𑌹-𑌮𑍍𑌬𑍍𑌰𑌹𑍍𑌮𑌾𑌬𑍍𑌰𑌹𑍍𑌮𑌣𑌿 𑌵𑍇𑌦𑌿𑌤𑌵𑍍𑌯𑍇 ।
𑌅𑌹-𑌮𑍍𑌪𑌞𑍍𑌚𑌭𑍂𑌤𑌾𑌨𑍍𑌯𑌪𑌞𑍍𑌚𑌭𑍂𑌤𑌾𑌨𑌿 ।
𑌅𑌹𑌮𑌖𑌿𑌲-𑌞𑍍𑌜𑌗𑌤𑍍 ॥ 3 ॥
𑌵𑍇𑌦𑍋-𑌽𑌹𑌮𑌵𑍇𑌦𑍋-𑌽𑌹𑌮𑍍 ।
𑌵𑌿𑌦𑍍𑌯𑌾-𑌽𑌹𑌮𑌵𑌿𑌦𑍍𑌯𑌾-𑌽𑌹𑌮𑍍 ।
𑌅𑌜𑌾-𑌽𑌹𑌮𑌨𑌜𑌾-𑌽𑌹𑌮𑍍 ।
𑌅𑌧𑌶𑍍𑌚𑍋𑌰𑍍𑌧𑍍𑌵-𑌞𑍍𑌚 𑌤𑌿𑌰𑍍𑌯𑌕𑍍𑌚𑌾𑌹𑌮𑍍 ॥ 4 ॥
𑌅𑌹𑌂 𑌰𑍁𑌦𑍍𑌰𑍇𑌭𑌿𑌰𑍍𑌵𑌸𑍁𑌭𑌿𑌶𑍍𑌚𑌰𑌾𑌮𑌿 ।
𑌅𑌹𑌮𑌾𑌦𑌿𑌤𑍍𑌯𑍈𑌰𑍁𑌤 𑌵𑌿𑌶𑍍𑌵𑌦𑍇𑌵𑍈𑌃 ।
𑌅𑌹-𑌮𑍍𑌮𑌿𑌤𑍍𑌰𑌾𑌵𑌰𑍁𑌣𑌾𑌵𑍁𑌭𑍗 𑌬𑌿𑌭𑌰𑍍𑌮𑌿 ।
𑌅𑌹𑌮𑌿𑌨𑍍𑌦𑍍𑌰𑌾𑌗𑍍𑌨𑍀 𑌅𑌹𑌮𑌶𑍍𑌵𑌿𑌨𑌾𑌵𑍁𑌭𑍗 ॥ 5 ॥
𑌅𑌹𑌂 𑌸𑍋𑌮-𑌨𑍍𑌤𑍍𑌵𑌷𑍍𑌟𑌾𑌰-𑌮𑍍𑌪𑍂𑌷𑌣-𑌮𑍍𑌭𑌗-𑌨𑍍𑌦𑌧𑌾𑌮𑌿 ।
𑌅𑌹𑌂-𑌵𑌿𑌁𑌷𑍍𑌣𑍁𑌮𑍁𑌰𑍁𑌕𑍍𑌰𑌮-𑌮𑍍𑌬𑍍𑌰𑌹𑍍𑌮𑌾𑌣𑌮𑍁𑌤 𑌪𑍍𑌰𑌜𑌾𑌪𑌤𑌿-𑌨𑍍𑌦𑌧𑌾𑌮𑌿 ॥ 6 ॥
𑌅॒𑌹-𑌨𑍍𑌦॑𑌧𑌾𑌮𑌿॒ 𑌦𑍍𑌰𑌵𑌿॑𑌣𑌂 𑌹॒𑌵𑌿𑌷𑍍𑌮॑𑌤𑍇 𑌸𑍁𑌪𑍍𑌰𑌾॒𑌵𑍍𑌯𑍇॒3 𑌯𑌜॑𑌮𑌾𑌨𑌾𑌯 𑌸𑍁𑌨𑍍𑌵॒𑌤𑍇 ।
𑌅॒𑌹𑌂 𑌰𑌾𑌷𑍍𑌟𑍍𑌰𑍀॑ 𑌸॒𑌙𑍍𑌗𑌮॑𑌨𑍀॒ 𑌵𑌸𑍂॑𑌨𑌾-𑌞𑍍𑌚𑌿𑌕𑌿॒𑌤𑍁𑌷𑍀॑ 𑌪𑍍𑌰𑌥॒𑌮𑌾 𑌯॒𑌜𑍍𑌞𑌿𑌯𑌾॑𑌨𑌾𑌮𑍍 ।
𑌅॒𑌹𑌂 𑌸𑍁॑𑌵𑍇 𑌪𑌿॒𑌤𑌰॑𑌮𑌸𑍍𑌯 𑌮𑍂॒𑌰𑍍𑌧𑌨𑍍𑌮𑌮॒ 𑌯𑍋𑌨𑌿॑𑌰॒𑌪𑍍𑌸𑍍𑌵𑌨𑍍𑌤-𑌸𑍍𑌸॑𑌮𑍁॒𑌦𑍍𑌰𑍇 ।
𑌯 𑌏𑌵𑌂-𑌵𑍇𑌁𑌦 । 𑌸 𑌦𑍇𑌵𑍀𑌂 𑌸𑌮𑍍𑌪𑌦𑌮𑌾𑌪𑍍𑌨𑍋𑌤𑌿 ॥ 7 ॥
𑌤𑍇 𑌦𑍇𑌵𑌾 𑌅𑌬𑍍𑌰𑍁𑌵𑌨𑍍 –
𑌨𑌮𑍋 𑌦𑍇𑌵𑍍𑌯𑍈 𑌮𑌹𑌾𑌦𑍇𑌵𑍍𑌯𑍈 𑌶𑌿𑌵𑌾𑌯𑍈 𑌸𑌤𑌤-𑌨𑍍𑌨𑌮𑌃 ।
𑌨𑌮𑌃 𑌪𑍍𑌰𑌕𑍃𑌤𑍍𑌯𑍈 𑌭𑌦𑍍𑌰𑌾𑌯𑍈 𑌨𑌿𑌯𑌤𑌾𑌃 𑌪𑍍𑌰𑌣𑌤𑌾-𑌸𑍍𑌸𑍍𑌮 𑌤𑌾𑌮𑍍 ॥ 8 ॥
𑌤𑌾𑌮॒𑌗𑍍𑌨𑌿𑌵॑𑌰𑍍𑌣𑌾॒-𑌨𑍍𑌤𑌪॑𑌸𑌾 𑌜𑍍𑌵𑌲॒𑌨𑍍𑌤𑍀𑌂-𑌵𑍈𑌁॑𑌰𑍋𑌚॒𑌨𑍀-𑌙𑍍𑌕॑𑌰𑍍𑌮𑌫॒𑌲𑍇𑌷𑍁॒ 𑌜𑍁𑌷𑍍𑌟𑌾᳚𑌮𑍍 ।
𑌦𑍁॒𑌰𑍍𑌗𑌾-𑌨𑍍𑌦𑍇॒𑌵𑍀𑌂 𑌶𑌰॑𑌣-𑌮𑍍𑌪𑍍𑌰𑌪॑𑌦𑍍𑌯𑌾𑌮𑌹𑍇-𑌽𑌸𑍁𑌰𑌾𑌨𑍍𑌨𑌾𑌶𑌯𑌿𑌤𑍍𑌰𑍍𑌯𑍈 𑌤𑍇 𑌨𑌮𑌃 ॥ 9 ॥
(𑌋.𑌵𑍇.8.100.11)
𑌦𑍇॒𑌵𑍀𑌂-𑌵𑌾𑌁𑌚॑𑌮𑌜𑌨𑌯𑌨𑍍𑌤 𑌦𑍇॒𑌵𑌾𑌸𑍍𑌤𑌾𑌂-𑌵𑌿𑌁॒𑌶𑍍𑌵𑌰𑍂॑𑌪𑌾𑌃 𑌪॒𑌶𑌵𑍋॑ 𑌵𑌦𑌨𑍍𑌤𑌿 ।
𑌸𑌾 𑌨𑍋॑ 𑌮॒𑌨𑍍𑌦𑍍𑌰𑍇𑌷॒𑌮𑍂𑌰𑍍𑌜॒-𑌨𑍍𑌦𑍁𑌹𑌾॑𑌨𑌾 𑌧𑍇॒𑌨𑍁𑌰𑍍𑌵𑌾𑌗॒𑌸𑍍𑌮𑌾𑌨𑍁𑌪॒ 𑌸𑍁𑌷𑍍𑌟𑍁॒𑌤𑍈𑌤𑍁॑ ॥ 10 ॥
𑌕𑌾𑌲𑌰𑌾𑌤𑍍𑌰𑍀-𑌮𑍍𑌬𑍍𑌰𑌹𑍍𑌮𑌸𑍍𑌤𑍁𑌤𑌾𑌂-𑌵𑍈𑌁𑌷𑍍𑌣𑌵𑍀𑌂 𑌸𑍍𑌕𑌨𑍍𑌦𑌮𑌾𑌤𑌰𑌮𑍍 ।
𑌸𑌰𑌸𑍍𑌵𑌤𑍀𑌮𑌦𑌿𑌤𑌿-𑌨𑍍𑌦𑌕𑍍𑌷𑌦𑍁𑌹𑌿𑌤𑌰-𑌨𑍍𑌨𑌮𑌾𑌮𑌃 𑌪𑌾𑌵𑌨𑌾𑌂 𑌶𑌿𑌵𑌾𑌮𑍍 ॥ 11 ॥
𑌮𑌹𑌾𑌲𑌕𑍍𑌷𑍍𑌮𑍍𑌯𑍈 𑌚 𑌵𑌿𑌦𑍍𑌮𑌹𑍇 𑌸𑌰𑍍𑌵𑌶𑌕𑍍𑌤𑍍𑌯𑍈 𑌚 𑌧𑍀𑌮𑌹𑌿 ।
𑌤𑌨𑍍𑌨𑍋 𑌦𑍇𑌵𑍀 𑌪𑍍𑌰𑌚𑍋𑌦𑌯𑌾𑌤𑍍 ॥ 12 ॥
𑌅𑌦𑌿𑌤𑌿𑌰𑍍​𑌹𑍍𑌯𑌜𑌨𑌿𑌷𑍍𑌟 𑌦𑌕𑍍𑌷 𑌯𑌾 𑌦𑍁𑌹𑌿𑌤𑌾 𑌤𑌵 ।
𑌤𑌾-𑌨𑍍𑌦𑍇𑌵𑌾 𑌅𑌨𑍍𑌵𑌜𑌾𑌯𑌨𑍍𑌤 𑌭𑌦𑍍𑌰𑌾 𑌅𑌮𑍃𑌤𑌬𑌨𑍍𑌧𑌵𑌃 ॥ 13 ॥
𑌕𑌾𑌮𑍋 𑌯𑍋𑌨𑌿𑌃 𑌕𑌮𑌲𑌾 𑌵𑌜𑍍𑌰𑌪𑌾𑌣𑌿-
𑌰𑍍𑌗𑍁𑌹𑌾 𑌹𑌸𑌾 𑌮𑌾𑌤𑌰𑌿𑌶𑍍𑌵𑌾𑌭𑍍𑌰𑌮𑌿𑌨𑍍𑌦𑍍𑌰𑌃 ।
𑌪𑍁𑌨𑌰𑍍𑌗𑍁𑌹𑌾 𑌸𑌕𑌲𑌾 𑌮𑌾𑌯𑌯𑌾 𑌚
𑌪𑍁𑌰𑍂𑌚𑍍𑌯𑍈𑌷𑌾 𑌵𑌿𑌶𑍍𑌵𑌮𑌾𑌤𑌾𑌦𑌿𑌵𑌿𑌦𑍍𑌯𑍋𑌮𑍍 ॥ 14 ॥
𑌏𑌷𑌾-𑌽𑌽𑌤𑍍𑌮𑌶𑌕𑍍𑌤𑌿𑌃 ।
𑌏𑌷𑌾 𑌵𑌿𑌶𑍍𑌵𑌮𑍋𑌹𑌿𑌨𑍀 ।
𑌪𑌾𑌶𑌾𑌙𑍍𑌕𑍁𑌶𑌧𑌨𑍁𑌰𑍍𑌬𑌾𑌣𑌧𑌰𑌾 ।
𑌏𑌷𑌾 𑌶𑍍𑌰𑍀𑌮𑌹𑌾𑌵𑌿𑌦𑍍𑌯𑌾 ।
𑌯 𑌏𑌵𑌂-𑌵𑍇𑌁𑌦 𑌸 𑌶𑍋𑌕-𑌨𑍍𑌤𑌰𑌤𑌿 ॥ 15 ॥
𑌨𑌮𑌸𑍍𑌤𑍇 𑌅𑌸𑍍𑌤𑍁 𑌭𑌗𑌵𑌤𑌿 𑌮𑌾𑌤𑌰𑌸𑍍𑌮𑌾𑌨𑍍𑌪𑌾𑌹𑌿 𑌸𑌰𑍍𑌵𑌤𑌃 ॥ 16 ॥
𑌸𑍈𑌷𑌾𑌷𑍍𑌟𑍗 𑌵𑌸𑌵𑌃 ।
𑌸𑍈𑌷𑍈𑌕𑌾𑌦𑌶 𑌰𑍁𑌦𑍍𑌰𑌾𑌃 ।
𑌸𑍈𑌷𑌾 𑌦𑍍𑌵𑌾𑌦𑌶𑌾𑌦𑌿𑌤𑍍𑌯𑌾𑌃 ।
𑌸𑍈𑌷𑌾 𑌵𑌿𑌶𑍍𑌵𑍇𑌦𑍇𑌵𑌾-𑌸𑍍𑌸𑍋𑌮𑌪𑌾 𑌅𑌸𑍋𑌮𑌪𑌾𑌶𑍍𑌚 ।
𑌸𑍈𑌷𑌾 𑌯𑌾𑌤𑍁𑌧𑌾𑌨𑌾 𑌅𑌸𑍁𑌰𑌾 𑌰𑌕𑍍𑌷𑌾𑌂𑌸𑌿 𑌪𑌿𑌶𑌾𑌚𑌾 𑌯𑌕𑍍𑌷𑌾 𑌸𑌿𑌦𑍍𑌧𑌾𑌃 ।
𑌸𑍈𑌷𑌾 𑌸𑌤𑍍𑌤𑍍𑌵𑌰𑌜𑌸𑍍𑌤𑌮𑌾𑌂𑌸𑌿 ।
𑌸𑍈𑌷𑌾 𑌬𑍍𑌰𑌹𑍍𑌮𑌵𑌿𑌷𑍍𑌣𑍁𑌰𑍁𑌦𑍍𑌰𑌰𑍂𑌪𑌿𑌣𑍀 ।
𑌸𑍈𑌷𑌾 𑌪𑍍𑌰𑌜𑌾𑌪𑌤𑍀𑌨𑍍𑌦𑍍𑌰𑌮𑌨𑌵𑌃 ।
𑌸𑍈𑌷𑌾 𑌗𑍍𑌰𑌹𑌨𑌕𑍍𑌷𑌤𑍍𑌰𑌜𑍍𑌯𑍋𑌤𑍀𑌂𑌷𑌿 । 𑌕𑌲𑌾𑌕𑌾𑌷𑍍𑌠𑌾𑌦𑌿𑌕𑌾𑌲𑌰𑍂𑌪𑌿𑌣𑍀 ।
𑌤𑌾𑌮𑌹-𑌮𑍍𑌪𑍍𑌰𑌣𑍗𑌮𑌿 𑌨𑌿𑌤𑍍𑌯𑌮𑍍 ।
𑌪𑌾𑌪𑌾𑌪𑌹𑌾𑌰𑌿𑌣𑍀-𑌨𑍍𑌦𑍇𑌵𑍀-𑌮𑍍𑌭𑍁𑌕𑍍𑌤𑌿𑌮𑍁𑌕𑍍𑌤𑌿𑌪𑍍𑌰𑌦𑌾𑌯𑌿𑌨𑍀𑌮𑍍 ।
𑌅𑌨𑌨𑍍𑌤𑌾𑌂-𑌵𑌿𑌁𑌜𑌯𑌾𑌂 𑌶𑍁𑌦𑍍𑌧𑌾𑌂 𑌶𑌰𑌣𑍍𑌯𑌾𑌂 𑌶𑌿𑌵𑌦𑌾𑌂 𑌶𑌿𑌵𑌾𑌮𑍍 ॥ 17 ॥
𑌵𑌿𑌯𑌦𑍀𑌕𑌾𑌰𑌸𑌂​𑌯𑍁𑌁𑌕𑍍𑌤𑌂-𑌵𑍀𑌁𑌤𑌿𑌹𑍋𑌤𑍍𑌰𑌸𑌮𑌨𑍍𑌵𑌿𑌤𑌮𑍍 ।
𑌅𑌰𑍍𑌧𑍇𑌨𑍍𑌦𑍁𑌲𑌸𑌿𑌤-𑌨𑍍𑌦𑍇𑌵𑍍𑌯𑌾 𑌬𑍀𑌜𑌂 𑌸𑌰𑍍𑌵𑌾𑌰𑍍𑌥𑌸𑌾𑌧𑌕𑌮𑍍 ॥ 18 ॥
𑌏𑌵𑌮𑍇𑌕𑌾𑌕𑍍𑌷𑌰-𑌮𑍍𑌬𑍍𑌰𑌹𑍍𑌮 𑌯𑌤𑌯-𑌶𑍍𑌶𑍁𑌦𑍍𑌧𑌚𑍇𑌤𑌸𑌃 ।
𑌧𑍍𑌯𑌾𑌯𑌨𑍍𑌤𑌿 𑌪𑌰𑌮𑌾𑌨𑌨𑍍𑌦𑌮𑌯𑌾 𑌜𑍍𑌞𑌾𑌨𑌾𑌮𑍍𑌬𑍁𑌰𑌾𑌶𑌯𑌃 ॥ 19 ॥
𑌵𑌾𑌙𑍍𑌮𑌾𑌯𑌾 𑌬𑍍𑌰𑌹𑍍𑌮𑌸𑍂𑌸𑍍𑌤𑌸𑍍𑌮𑌾-𑌥𑍍𑌷𑌷𑍍𑌠𑌂-𑌵𑌁𑌕𑍍𑌤𑍍𑌰𑌸𑌮𑌨𑍍𑌵𑌿𑌤𑌮𑍍 ।
𑌸𑍂𑌰𑍍𑌯𑍋-𑌽𑌵𑌾𑌮𑌶𑍍𑌰𑍋𑌤𑍍𑌰𑌬𑌿𑌨𑍍𑌦𑍁𑌸𑌂​𑌯𑍁𑌁𑌕𑍍𑌤𑌷𑍍𑌟𑌾𑌤𑍍𑌤𑍃𑌤𑍀𑌯𑌕𑌃 ।
𑌨𑌾𑌰𑌾𑌯𑌣𑍇𑌨 𑌸𑌮𑍍𑌮𑌿𑌶𑍍𑌰𑍋 𑌵𑌾𑌯𑍁𑌶𑍍𑌚𑌾𑌧𑌰𑌯𑍁𑌕𑍍𑌤𑌤𑌃 ।
𑌵𑌿𑌚𑍍𑌚𑍇 𑌨𑌵𑌾𑌰𑍍𑌣𑌕𑍋-𑌽𑌰𑍍𑌣-𑌸𑍍𑌸𑍍𑌯𑌾𑌨𑍍𑌮𑌹𑌦𑌾𑌨𑌨𑍍𑌦𑌦𑌾𑌯𑌕𑌃 ॥ 20 ॥
𑌹𑍃𑌤𑍍𑌪𑍁𑌣𑍍𑌡𑌰𑍀𑌕𑌮𑌧𑍍𑌯𑌸𑍍𑌥𑌾-𑌮𑍍𑌪𑍍𑌰𑌾𑌤𑌸𑍍𑌸𑍂𑌰𑍍𑌯𑌸𑌮𑌪𑍍𑌰𑌭𑌾𑌮𑍍 ।
𑌪𑌾𑌶𑌾𑌙𑍍𑌕𑍁𑌶𑌧𑌰𑌾𑌂 𑌸𑍗𑌮𑍍𑌯𑌾𑌂-𑌵𑌁𑌰𑌦𑌾𑌭𑌯𑌹𑌸𑍍𑌤𑌕𑌾𑌮𑍍 ।
𑌤𑍍𑌰𑌿𑌨𑍇𑌤𑍍𑌰𑌾𑌂 𑌰𑌕𑍍𑌤𑌵𑌸𑌨𑌾-𑌮𑍍𑌭𑌕𑍍𑌤𑌕𑌾𑌮𑌦𑍁𑌘𑌾-𑌮𑍍𑌭𑌜𑍇 ॥ 21 ॥
𑌨𑌮𑌾𑌮𑌿 𑌤𑍍𑌵𑌾-𑌮𑍍𑌮𑌹𑌾𑌦𑍇𑌵𑍀-𑌮𑍍𑌮𑌹𑌾𑌭𑌯𑌵𑌿𑌨𑌾𑌶𑌿𑌨𑍀𑌮𑍍 ।
𑌮𑌹𑌾𑌦𑍁𑌰𑍍𑌗𑌪𑍍𑌰𑌶𑌮𑌨𑍀-𑌮𑍍𑌮𑌹𑌾𑌕𑌾𑌰𑍁𑌣𑍍𑌯𑌰𑍂𑌪𑌿𑌣𑍀𑌮𑍍 ॥ 22 ॥
𑌯𑌸𑍍𑌯𑌾-𑌸𑍍𑌸𑍍𑌵𑌰𑍂𑌪-𑌮𑍍𑌬𑍍𑌰𑌹𑍍𑌮𑌾𑌦𑌯𑍋 𑌨 𑌜𑌾𑌨𑌨𑍍𑌤𑌿 𑌤𑌸𑍍𑌮𑌾𑌦𑍁𑌚𑍍𑌯𑌤𑍇 𑌅𑌜𑍍𑌞𑍇𑌯𑌾 ।
𑌯𑌸𑍍𑌯𑌾 𑌅𑌨𑍍𑌤𑍋 𑌨 𑌲𑌭𑍍𑌯𑌤𑍇 𑌤𑌸𑍍𑌮𑌾𑌦𑍁𑌚𑍍𑌯𑌤𑍇 𑌅𑌨𑌨𑍍𑌤𑌾 ।
𑌯𑌸𑍍𑌯𑌾 𑌲𑌕𑍍𑌷𑍍𑌯-𑌨𑍍𑌨𑍋𑌪𑌲𑌕𑍍𑌷𑍍𑌯𑌤𑍇 𑌤𑌸𑍍𑌮𑌾𑌦𑍁𑌚𑍍𑌯𑌤𑍇 𑌅𑌲𑌕𑍍𑌷𑍍𑌯𑌾 ।
𑌯𑌸𑍍𑌯𑌾 𑌜𑌨𑌨-𑌨𑍍𑌨𑍋𑌪𑌲𑌭𑍍𑌯𑌤𑍇 𑌤𑌸𑍍𑌮𑌾𑌦𑍁𑌚𑍍𑌯𑌤𑍇 𑌅𑌜𑌾 ।
𑌏𑌕𑍈𑌵 𑌸𑌰𑍍𑌵𑌤𑍍𑌰 𑌵𑌰𑍍𑌤𑌤𑍇 𑌤𑌸𑍍𑌮𑌾𑌦𑍁𑌚𑍍𑌯𑌤𑍇 𑌏𑌕𑌾 ।
𑌏𑌕𑍈𑌵 𑌵𑌿𑌶𑍍𑌵𑌰𑍂𑌪𑌿𑌣𑍀 𑌤𑌸𑍍𑌮𑌾𑌦𑍁𑌚𑍍𑌯𑌤𑍇 𑌨𑍈𑌕𑌾 ।
𑌅𑌤 𑌏𑌵𑍋𑌚𑍍𑌯𑌤𑍇 𑌅𑌜𑍍𑌞𑍇𑌯𑌾𑌨𑌨𑍍𑌤𑌾𑌲𑌕𑍍𑌷𑍍𑌯𑌾𑌜𑍈𑌕𑌾 𑌨𑍈𑌕𑍇𑌤𑌿 ॥ 23 ॥
𑌮𑌨𑍍𑌤𑍍𑌰𑌾𑌣𑌾-𑌮𑍍𑌮𑌾𑌤𑍃𑌕𑌾 𑌦𑍇𑌵𑍀 𑌶𑌬𑍍𑌦𑌾𑌨𑌾-𑌞𑍍𑌜𑍍𑌞𑌾𑌨𑌰𑍂𑌪𑌿𑌣𑍀 ।
𑌜𑍍𑌞𑌾𑌨𑌾𑌨𑌾-𑌞𑍍𑌚𑌿𑌨𑍍𑌮𑌯𑌾𑌤𑍀𑌤𑌾 𑌶𑍂𑌨𑍍𑌯𑌾𑌨𑌾𑌂 𑌶𑍂𑌨𑍍𑌯𑌸𑌾𑌕𑍍𑌷𑌿𑌣𑍀 ।
𑌯𑌸𑍍𑌯𑌾𑌃 𑌪𑌰𑌤𑌰-𑌨𑍍𑌨𑌾𑌸𑍍𑌤𑌿 𑌸𑍈𑌷𑌾 𑌦𑍁𑌰𑍍𑌗𑌾 𑌪𑍍𑌰𑌕𑍀𑌰𑍍𑌤𑌿𑌤𑌾 ॥ 24 ॥
𑌤𑌾-𑌨𑍍𑌦𑍁𑌰𑍍𑌗𑌾-𑌨𑍍𑌦𑍁𑌰𑍍𑌗𑌮𑌾-𑌨𑍍𑌦𑍇𑌵𑍀-𑌨𑍍𑌦𑍁𑌰𑌾𑌚𑌾𑌰𑌵𑌿𑌘𑌾𑌤𑌿𑌨𑍀𑌮𑍍 ।
𑌨𑌮𑌾𑌮𑌿 𑌭𑌵𑌭𑍀𑌤𑍋-𑌽𑌹𑌂 𑌸𑌂𑌸𑌾𑌰𑌾𑌰𑍍𑌣𑌵𑌤𑌾𑌰𑌿𑌣𑍀𑌮𑍍 ॥ 25 ॥
𑌇𑌦𑌮𑌥𑌰𑍍𑌵𑌶𑍀𑌰𑍍​𑌷𑌂-𑌯𑍋𑌁-𑌽𑌧𑍀𑌤𑍇 𑌸 𑌪𑌞𑍍𑌚𑌾𑌥𑌰𑍍𑌵𑌶𑍀𑌰𑍍​𑌷𑌜𑌪𑌫𑌲𑌮𑌾𑌪𑍍𑌨𑍋𑌤𑌿 ।
𑌇𑌦𑌮𑌥𑌰𑍍𑌵𑌶𑍀𑌰𑍍​𑌷𑌮𑌜𑍍𑌞𑌾𑌤𑍍𑌵𑌾 𑌯𑍋-𑌽𑌰𑍍𑌚𑌾𑌂 𑌸𑍍𑌥𑌾𑌪𑌯𑌤𑌿 ।
𑌶𑌤𑌲𑌕𑍍𑌷-𑌮𑍍𑌪𑍍𑌰𑌜𑌪𑍍𑌤𑍍𑌵𑌾-𑌽𑌪𑌿 𑌸𑍋-𑌽𑌰𑍍𑌚𑌾𑌸𑌿𑌦𑍍𑌧𑌿-𑌨𑍍𑌨 𑌵𑌿𑌨𑍍𑌦𑌤𑌿 ।
𑌶𑌤𑌮𑌷𑍍𑌟𑍋𑌤𑍍𑌤𑌰-𑌞𑍍𑌚𑌾𑌸𑍍𑌯 𑌪𑍁𑌰𑌶𑍍𑌚𑌰𑍍𑌯𑌾𑌵𑌿𑌧𑌿-𑌸𑍍𑌸𑍍𑌮𑍃𑌤𑌃 ।
𑌦𑌶𑌵𑌾𑌰-𑌮𑍍𑌪𑌠𑍇𑌦𑍍𑌯𑌸𑍍𑌤𑍁 𑌸𑌦𑍍𑌯𑌃 𑌪𑌾𑌪𑍈𑌃 𑌪𑍍𑌰𑌮𑍁𑌚𑍍𑌯𑌤𑍇 ।
𑌮𑌹𑌾𑌦𑍁𑌰𑍍𑌗𑌾𑌣𑌿 𑌤𑌰𑌤𑌿 𑌮𑌹𑌾𑌦𑍇𑌵𑍍𑌯𑌾𑌃 𑌪𑍍𑌰𑌸𑌾𑌦𑌤𑌃 । 26 ॥
𑌸𑌾𑌯𑌮𑌧𑍀𑌯𑌾𑌨𑍋 𑌦𑌿𑌵𑌸𑌕𑍃𑌤-𑌮𑍍𑌪𑌾𑌪-𑌨𑍍𑌨𑌾𑌶𑌯𑌤𑌿 ।
𑌪𑍍𑌰𑌾𑌤𑌰𑌧𑍀𑌯𑌾𑌨𑍋 𑌰𑌾𑌤𑍍𑌰𑌿𑌕𑍃𑌤-𑌮𑍍𑌪𑌾𑌪-𑌨𑍍𑌨𑌾𑌶𑌯𑌤𑌿 ।
𑌸𑌾𑌯-𑌮𑍍𑌪𑍍𑌰𑌾𑌤𑌃 𑌪𑍍𑌰𑌯𑍁𑌞𑍍𑌜𑌾𑌨𑍋 𑌅𑌪𑌾𑌪𑍋 𑌭𑌵𑌤𑌿 ।
𑌨𑌿𑌶𑍀𑌥𑍇 𑌤𑍁𑌰𑍀𑌯𑌸𑌨𑍍𑌧𑍍𑌯𑌾𑌯𑌾-𑌞𑍍𑌜𑌪𑍍𑌤𑍍𑌵𑌾 𑌵𑌾𑌕𑍍𑌸𑌿𑌦𑍍𑌧𑌿𑌰𑍍𑌭𑌵𑌤𑌿 ।
𑌨𑍂𑌤𑌨𑌾𑌯𑌾-𑌮𑍍𑌪𑍍𑌰𑌤𑌿𑌮𑌾𑌯𑌾-𑌞𑍍𑌜𑌪𑍍𑌤𑍍𑌵𑌾 𑌦𑍇𑌵𑌤𑌾𑌸𑌾𑌨𑍍𑌨𑌿𑌧𑍍𑌯-𑌮𑍍𑌭𑌵𑌤𑌿 ।
𑌪𑍍𑌰𑌾𑌣𑌪𑍍𑌰𑌤𑌿𑌷𑍍𑌠𑌾𑌯𑌾-𑌞𑍍𑌜𑌪𑍍𑌤𑍍𑌵𑌾 𑌪𑍍𑌰𑌾𑌣𑌾𑌨𑌾-𑌮𑍍𑌪𑍍𑌰𑌤𑌿𑌷𑍍𑌠𑌾 𑌭𑌵𑌤𑌿 ।
𑌭𑍗𑌮𑌾𑌶𑍍𑌵𑌿𑌨𑍍𑌯𑌾-𑌮𑍍𑌮𑌹𑌾𑌦𑍇𑌵𑍀𑌸𑌨𑍍𑌨𑌿𑌧𑍗 𑌜𑌪𑍍𑌤𑍍𑌵𑌾 𑌮𑌹𑌾𑌮𑍃𑌤𑍍𑌯𑍁-𑌨𑍍𑌤𑌰𑌤𑌿 ।
𑌸 𑌮𑌹𑌾𑌮𑍃𑌤𑍍𑌯𑍁-𑌨𑍍𑌤𑌰𑌤𑌿 ।
𑌯 𑌏𑌵𑌂-𑌵𑍇𑌁𑌦 ।
𑌇𑌤𑍍𑌯𑍁𑌪𑌨𑌿𑌷𑌤𑍍 ॥ 27 ॥
𑌇𑌤𑌿 𑌦𑍇𑌵𑍍𑌯𑌥𑌰𑍍𑌵𑌶𑍀𑌰𑍍​𑌷𑌮𑍍 ।
Roman (IAST) Transliteration
oṃ sarve vai devā devīmupatasthuḥ kāsi tva-mmahādevīti || 1 ||
sā-'bravīdaha-mbrahmasvarūpiṇī |
mattaḥ prakṛtipuruṣātmaka-ñjagat |
śūnya-ñcāśūnya-ñca || 2 ||
ahamānandānānandau |
ahaṃ-vi~jñānāvijñāne |
aha-mbrahmābrahmaṇi veditavye |
aha-mpañcabhūtānyapañcabhūtāni |
ahamakhila-ñjagat || 3 ||
vedo-'hamavedo-'ham |
vidyā-'hamavidyā-'ham |
ajā-'hamanajā-'ham |
adhaścordhva-ñca tiryakcāham || 4 ||
ahaṃ rudrebhirvasubhiścarāmi |
ahamādityairuta viśvadevaiḥ |
aha-mmitrāvaruṇāvubhau bibharmi |
ahamindrāgnī ahamaśvināvubhau || 5 ||
ahaṃ soma-ntvaṣṭāra-mpūṣaṇa-mbhaga-ndadhāmi |
ahaṃ-vi~ṣṇumurukrama-mbrahmāṇamuta prajāpati-ndadhāmi || 6 ||
a॒ha-nda̭dhāmi॒ dravi̭ṇaṃ ha॒viṣma̭te suprā॒vye॒3 yaja̭mānāya sunva॒te |
a॒haṃ rāṣṭrī̭ sa॒ṅgama̭nī॒ vasṷ̄nā-ñciki॒tuṣī̭ pratha॒mā ya॒jñiyā̭nām |
a॒haṃ sṷve pi॒tara̭masya mū॒rdhanmama॒ yoni̭ra॒psvanta-ssa̭mu॒dre |
ya evaṃ-ve~da | sa devīṃ sampadamāpnoti || 7 ||
te devā abruvan –
namo devyai mahādevyai śivāyai satata-nnamaḥ |
namaḥ prakṛtyai bhadrāyai niyatāḥ praṇatā-ssma tām || 8 ||
tāma॒gniva̭rṇā॒-ntapa̭sā jvala॒ntīṃ-vai~̭roca॒nī-ṅka̭rmapha॒leṣu॒ juṣṭā᳚m |
du॒rgā-nde॒vīṃ śara̭ṇa-mprapa̭dyāmahe-'surānnāśayitryai te namaḥ || 9 ||
(ṛ.ve.8.100.11)
de॒vīṃ-vā~ca̭majanayanta de॒vāstāṃ-vi~॒śvarṷ̄pāḥ pa॒śavo̭ vadanti |
sā no̭ ma॒ndreṣa॒mūrja॒-nduhā̭nā dhe॒nurvāga॒smānupa॒ suṣṭu॒taitṷ || 10 ||
kālarātrī-mbrahmastutāṃ-vai~ṣṇavīṃ skandamātaram |
sarasvatīmaditi-ndakṣaduhitara-nnamāmaḥ pāvanāṃ śivām || 11 ||
mahālakṣmyai ca vidmahe sarvaśaktyai ca dhīmahi |
tanno devī pracodayāt || 12 ||
aditir​hyajaniṣṭa dakṣa yā duhitā tava |
tā-ndevā anvajāyanta bhadrā amṛtabandhavaḥ || 13 ||
kāmo yoniḥ kamalā vajrapāṇi-
rguhā hasā mātariśvābhramindraḥ |
punarguhā sakalā māyayā ca
purūcyaiṣā viśvamātādividyom || 14 ||
eṣā-''tmaśaktiḥ |
eṣā viśvamohinī |
pāśāṅkuśadhanurbāṇadharā |
eṣā śrīmahāvidyā |
ya evaṃ-ve~da sa śoka-ntarati || 15 ||
namaste astu bhagavati mātarasmānpāhi sarvataḥ || 16 ||
saiṣāṣṭau vasavaḥ |
saiṣaikādaśa rudrāḥ |
saiṣā dvādaśādityāḥ |
saiṣā viśvedevā-ssomapā asomapāśca |
saiṣā yātudhānā asurā rakṣāṃsi piśācā yakṣā siddhāḥ |
saiṣā sattvarajastamāṃsi |
saiṣā brahmaviṣṇurudrarūpiṇī |
saiṣā prajāpatīndramanavaḥ |
saiṣā grahanakṣatrajyotīṃṣi | kalākāṣṭhādikālarūpiṇī |
tāmaha-mpraṇaumi nityam |
pāpāpahāriṇī-ndevī-mbhuktimuktipradāyinīm |
anantāṃ-vi~jayāṃ śuddhāṃ śaraṇyāṃ śivadāṃ śivām || 17 ||
viyadīkārasaṃ​yu~ktaṃ-vī~tihotrasamanvitam |
ardhendulasita-ndevyā bījaṃ sarvārthasādhakam || 18 ||
evamekākṣara-mbrahma yataya-śśuddhacetasaḥ |
dhyāyanti paramānandamayā jñānāmburāśayaḥ || 19 ||
vāṅmāyā brahmasūstasmā-thṣaṣṭhaṃ-va~ktrasamanvitam |
sūryo-'vāmaśrotrabindusaṃ​yu~ktaṣṭāttṛtīyakaḥ |
nārāyaṇena sammiśro vāyuścādharayuktataḥ |
vicce navārṇako-'rṇa-ssyānmahadānandadāyakaḥ || 20 ||
hṛtpuṇḍarīkamadhyasthā-mprātassūryasamaprabhām |
pāśāṅkuśadharāṃ saumyāṃ-va~radābhayahastakām |
trinetrāṃ raktavasanā-mbhaktakāmadughā-mbhaje || 21 ||
namāmi tvā-mmahādevī-mmahābhayavināśinīm |
mahādurgapraśamanī-mmahākāruṇyarūpiṇīm || 22 ||
yasyā-ssvarūpa-mbrahmādayo na jānanti tasmāducyate ajñeyā |
yasyā anto na labhyate tasmāducyate anantā |
yasyā lakṣya-nnopalakṣyate tasmāducyate alakṣyā |
yasyā janana-nnopalabhyate tasmāducyate ajā |
ekaiva sarvatra vartate tasmāducyate ekā |
ekaiva viśvarūpiṇī tasmāducyate naikā |
ata evocyate ajñeyānantālakṣyājaikā naiketi || 23 ||
mantrāṇā-mmātṛkā devī śabdānā-ñjñānarūpiṇī |
jñānānā-ñcinmayātītā śūnyānāṃ śūnyasākṣiṇī |
yasyāḥ paratara-nnāsti saiṣā durgā prakīrtitā || 24 ||
tā-ndurgā-ndurgamā-ndevī-ndurācāravighātinīm |
namāmi bhavabhīto-'haṃ saṃsārārṇavatāriṇīm || 25 ||
idamatharvaśīr​ṣaṃ-yo~-'dhīte sa pañcātharvaśīr​ṣajapaphalamāpnoti |
idamatharvaśīr​ṣamajñātvā yo-'rcāṃ sthāpayati |
śatalakṣa-mprajaptvā-'pi so-'rcāsiddhi-nna vindati |
śatamaṣṭottara-ñcāsya puraścaryāvidhi-ssmṛtaḥ |
daśavāra-mpaṭhedyastu sadyaḥ pāpaiḥ pramucyate |
mahādurgāṇi tarati mahādevyāḥ prasādataḥ | 26 ||
sāyamadhīyāno divasakṛta-mpāpa-nnāśayati |
prātaradhīyāno rātrikṛta-mpāpa-nnāśayati |
sāya-mprātaḥ prayuñjāno apāpo bhavati |
niśīthe turīyasandhyāyā-ñjaptvā vāksiddhirbhavati |
nūtanāyā-mpratimāyā-ñjaptvā devatāsānnidhya-mbhavati |
prāṇapratiṣṭhāyā-ñjaptvā prāṇānā-mpratiṣṭhā bhavati |
bhaumāśvinyā-mmahādevīsannidhau japtvā mahāmṛtyu-ntarati |
sa mahāmṛtyu-ntarati |
ya evaṃ-ve~da |
ityupaniṣat || 27 ||
iti devyatharvaśīr​ṣam |
InfoLyter.in — Sacred Vedic Knowledge Portal · Free forever