📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
𑌶𑍍𑌰𑌿 𑌦𑌤𑍍𑌤𑌾𑌤𑍍𑌰𑍇𑌯 𑌸𑍍𑌤𑍋𑌤𑍍𑌰𑌮𑍍
Shri Dattatreya Stotram
Dattatreya Stotram Grantha
𑌜𑌟𑌾𑌧𑌰𑌂 𑌪𑌾𑌣𑍍𑌡𑍁𑌰𑌾𑌙𑍍𑌗𑌂 𑌶𑍂𑌲𑌹𑌸𑍍𑌤𑌂 𑌕𑍃𑌪𑌾𑌨𑌿𑌧𑌿𑌮𑍍 ।
𑌸𑌰𑍍𑌵𑌰𑍋𑌗𑌹𑌰𑌂 𑌦𑍇𑌵𑌂 𑌦𑌤𑍍𑌤𑌾𑌤𑍍𑌰𑍇𑌯𑌮𑌹𑌂 𑌭𑌜𑍇 ॥ 1 ॥
𑌅𑌸𑍍𑌯 𑌶𑍍𑌰𑍀𑌦𑌤𑍍𑌤𑌾𑌤𑍍𑌰𑍇𑌯𑌸𑍍𑌤𑍋𑌤𑍍𑌰𑌮𑌨𑍍𑌤𑍍𑌰𑌸𑍍𑌯 𑌭𑌗𑌵𑌾𑌨𑍍𑌨𑌾𑌰𑌦𑍃𑌷𑌿𑌃 । 𑌅𑌨𑍁𑌷𑍍𑌟𑍁𑌪𑍍 𑌛𑌨𑍍𑌦𑌃 । 𑌶𑍍𑌰𑍀𑌦𑌤𑍍𑌤𑌃 𑌪𑌰𑌮𑌾𑌤𑍍𑌮𑌾 𑌦𑍇𑌵𑌤𑌾 । 𑌶𑍍𑌰𑍀𑌦𑌤𑍍𑌤𑌾𑌤𑍍𑌰𑍇𑌯 𑌪𑍍𑌰𑍀𑌤𑍍𑌯𑌰𑍍𑌥𑍇 𑌜𑌪𑍇 𑌵𑌿𑌨𑌿𑌯𑍋𑌗𑌃 ॥
𑌨𑌾𑌰𑌦 𑌉𑌵𑌾𑌚 ।
𑌜𑌗𑌦𑍁𑌤𑍍𑌪𑌤𑍍𑌤𑌿𑌕𑌰𑍍𑌤𑍍𑌰𑍇 𑌚 𑌸𑍍𑌥𑌿𑌤𑌿𑌸𑌂𑌹𑌾𑌰𑌹𑍇𑌤𑌵𑍇 ।
𑌭𑌵𑌪𑌾𑌶𑌵𑌿𑌮𑍁𑌕𑍍𑌤𑌾𑌯 𑌦𑌤𑍍𑌤𑌾𑌤𑍍𑌰𑍇𑌯 𑌨𑌮𑍋𑌽𑌸𑍍𑌤𑍁 𑌤𑍇 ॥ 1 ॥
𑌜𑌰𑌾𑌜𑌨𑍍𑌮𑌵𑌿𑌨𑌾𑌶𑌾𑌯 𑌦𑍇𑌹𑌶𑍁𑌦𑍍𑌧𑌿𑌕𑌰𑌾𑌯 𑌚 ।
𑌦𑌿𑌗𑌮𑍍𑌬𑌰 𑌦𑌯𑌾𑌮𑍂𑌰𑍍𑌤𑍇 𑌦𑌤𑍍𑌤𑌾𑌤𑍍𑌰𑍇𑌯 𑌨𑌮𑍋𑌽𑌸𑍍𑌤𑍁 𑌤𑍇 ॥ 2 ॥
𑌕𑌰𑍍𑌪𑍂𑌰𑌕𑌾𑌨𑍍𑌤𑌿𑌦𑍇𑌹𑌾𑌯 𑌬𑍍𑌰𑌹𑍍𑌮𑌮𑍂𑌰𑍍𑌤𑌿𑌧𑌰𑌾𑌯 𑌚 ।
𑌵𑍇𑌦𑌶𑌾𑌸𑍍𑌤𑍍𑌰𑌪𑌰𑌿𑌜𑍍𑌞𑌾𑌯 𑌦𑌤𑍍𑌤𑌾𑌤𑍍𑌰𑍇𑌯 𑌨𑌮𑍋𑌽𑌸𑍍𑌤𑍁 𑌤𑍇 ॥ 3 ॥
𑌹𑍍𑌰𑌸𑍍𑌵𑌦𑍀𑌰𑍍𑌘𑌕𑍃𑌶𑌸𑍍𑌥𑍂𑌲𑌨𑌾𑌮𑌗𑍋𑌤𑍍𑌰𑌵𑌿𑌵𑌰𑍍𑌜𑌿𑌤 ।
𑌪𑌞𑍍𑌚𑌭𑍂𑌤𑍈𑌕𑌦𑍀𑌪𑍍𑌤𑌾𑌯 𑌦𑌤𑍍𑌤𑌾𑌤𑍍𑌰𑍇𑌯 𑌨𑌮𑍋𑌽𑌸𑍍𑌤𑍁 𑌤𑍇 ॥ 4 ॥
𑌯𑌜𑍍𑌞𑌭𑍋𑌕𑍍𑌤𑍇 𑌚 𑌯𑌜𑍍𑌞𑌾𑌯 𑌯𑌜𑍍𑌞𑌰𑍂𑌪𑌧𑌰𑌾𑌯 𑌚 ।
𑌯𑌜𑍍𑌞𑌪𑍍𑌰𑌿𑌯𑌾𑌯 𑌸𑌿𑌦𑍍𑌧𑌾𑌯 𑌦𑌤𑍍𑌤𑌾𑌤𑍍𑌰𑍇𑌯 𑌨𑌮𑍋𑌽𑌸𑍍𑌤𑍁 𑌤𑍇 ॥ 5 ॥
𑌆𑌦𑍗 𑌬𑍍𑌰𑌹𑍍𑌮𑌾 𑌹𑌰𑌿𑌰𑍍𑌮𑌧𑍍𑌯𑍇 𑌹𑍍𑌯𑌨𑍍𑌤𑍇 𑌦𑍇𑌵𑌸𑍍𑌸𑌦𑌾𑌶𑌿𑌵𑌃 ।
𑌮𑍂𑌰𑍍𑌤𑌿𑌤𑍍𑌰𑌯𑌸𑍍𑌵𑌰𑍂𑌪𑌾𑌯 𑌦𑌤𑍍𑌤𑌾𑌤𑍍𑌰𑍇𑌯 𑌨𑌮𑍋𑌽𑌸𑍍𑌤𑍁 𑌤𑍇 ॥ 6 ॥
𑌭𑍋𑌗𑌾𑌲𑌯𑌾𑌯 𑌭𑍋𑌗𑌾𑌯 𑌯𑍋𑌗𑌯𑍋𑌗𑍍𑌯𑌾𑌯 𑌧𑌾𑌰𑌿𑌣𑍇 ।
𑌜𑌿𑌤𑍇𑌨𑍍𑌦𑍍𑌰𑌿𑌯 𑌜𑌿𑌤𑌜𑍍𑌞𑌾𑌯 𑌦𑌤𑍍𑌤𑌾𑌤𑍍𑌰𑍇𑌯 𑌨𑌮𑍋𑌽𑌸𑍍𑌤𑍁 𑌤𑍇 ॥ 7 ॥
𑌦𑌿𑌗𑌮𑍍𑌬𑌰𑌾𑌯 𑌦𑌿𑌵𑍍𑌯𑌾𑌯 𑌦𑌿𑌵𑍍𑌯𑌰𑍂𑌪𑌧𑌰𑌾𑌯 𑌚 ।
𑌸𑌦𑍋𑌦𑌿𑌤𑌪𑌰𑌬𑍍𑌰𑌹𑍍𑌮 𑌦𑌤𑍍𑌤𑌾𑌤𑍍𑌰𑍇𑌯 𑌨𑌮𑍋𑌽𑌸𑍍𑌤𑍁 𑌤𑍇 ॥ 8 ॥
𑌜𑌮𑍍𑌬𑍂𑌦𑍍𑌵𑍀𑌪𑍇 𑌮𑌹𑌾𑌕𑍍𑌷𑍇𑌤𑍍𑌰𑍇 𑌮𑌾𑌤𑌾𑌪𑍁𑌰𑌨𑌿𑌵𑌾𑌸𑌿𑌨𑍇 ।
𑌜𑌯𑌮𑌾𑌨 𑌸𑌤𑌾𑌂 𑌦𑍇𑌵 𑌦𑌤𑍍𑌤𑌾𑌤𑍍𑌰𑍇𑌯 𑌨𑌮𑍋𑌽𑌸𑍍𑌤𑍁 𑌤𑍇 ॥ 9 ॥
𑌭𑌿𑌕𑍍𑌷𑌾𑌟𑌨𑌂 𑌗𑍃𑌹𑍇 𑌗𑍍𑌰𑌾𑌮𑍇 𑌪𑌾𑌤𑍍𑌰𑌂 𑌹𑍇𑌮𑌮𑌯𑌂 𑌕𑌰𑍇 ।
𑌨𑌾𑌨𑌾𑌸𑍍𑌵𑌾𑌦𑌮𑌯𑍀 𑌭𑌿𑌕𑍍𑌷𑌾 𑌦𑌤𑍍𑌤𑌾𑌤𑍍𑌰𑍇𑌯 𑌨𑌮𑍋𑌽𑌸𑍍𑌤𑍁 𑌤𑍇 ॥ 10 ॥
𑌬𑍍𑌰𑌹𑍍𑌮𑌜𑍍𑌞𑌾𑌨𑌮𑌯𑍀 𑌮𑍁𑌦𑍍𑌰𑌾 𑌵𑌸𑍍𑌤𑍍𑌰𑍇 𑌚𑌾𑌕𑌾𑌶𑌭𑍂𑌤𑌲𑍇 ।
𑌪𑍍𑌰𑌜𑍍𑌞𑌾𑌨𑌘𑌨𑌬𑍋𑌧𑌾𑌯 𑌦𑌤𑍍𑌤𑌾𑌤𑍍𑌰𑍇𑌯 𑌨𑌮𑍋𑌽𑌸𑍍𑌤𑍁 𑌤𑍇 ॥ 11 ॥
𑌅𑌵𑌧𑍂𑌤 𑌸𑌦𑌾𑌨𑌨𑍍𑌦 𑌪𑌰𑌬𑍍𑌰𑌹𑍍𑌮𑌸𑍍𑌵𑌰𑍂𑌪𑌿𑌣𑍇 ।
𑌵𑌿𑌦𑍇𑌹𑌦𑍇𑌹𑌰𑍂𑌪𑌾𑌯 𑌦𑌤𑍍𑌤𑌾𑌤𑍍𑌰𑍇𑌯 𑌨𑌮𑍋𑌽𑌸𑍍𑌤𑍁 𑌤𑍇 ॥ 12 ॥
𑌸𑌤𑍍𑌯𑌰𑍂𑌪 𑌸𑌦𑌾𑌚𑌾𑌰 𑌸𑌤𑍍𑌯𑌧𑌰𑍍𑌮𑌪𑌰𑌾𑌯𑌣 ।
𑌸𑌤𑍍𑌯𑌾𑌶𑍍𑌰𑌯𑌪𑌰𑍋𑌕𑍍𑌷𑌾𑌯 𑌦𑌤𑍍𑌤𑌾𑌤𑍍𑌰𑍇𑌯 𑌨𑌮𑍋𑌽𑌸𑍍𑌤𑍁 𑌤𑍇 ॥ 13 ॥
𑌶𑍂𑌲𑌹𑌸𑍍𑌤𑌗𑌦𑌾𑌪𑌾𑌣𑍇 𑌵𑌨𑌮𑌾𑌲𑌾𑌸𑍁𑌕𑌨𑍍𑌧𑌰 ।
𑌯𑌜𑍍𑌞𑌸𑍂𑌤𑍍𑌰𑌧𑌰 𑌬𑍍𑌰𑌹𑍍𑌮𑌨𑍍 𑌦𑌤𑍍𑌤𑌾𑌤𑍍𑌰𑍇𑌯 𑌨𑌮𑍋𑌽𑌸𑍍𑌤𑍁 𑌤𑍇 ॥ 14 ॥
𑌕𑍍𑌷𑌰𑌾𑌕𑍍𑌷𑌰𑌸𑍍𑌵𑌰𑍂𑌪𑌾𑌯 𑌪𑌰𑌾𑌤𑍍𑌪𑌰𑌤𑌰𑌾𑌯 𑌚 ।
𑌦𑌤𑍍𑌤𑌮𑍁𑌕𑍍𑌤𑌿𑌪𑌰𑌸𑍍𑌤𑍋𑌤𑍍𑌰 𑌦𑌤𑍍𑌤𑌾𑌤𑍍𑌰𑍇𑌯 𑌨𑌮𑍋𑌽𑌸𑍍𑌤𑍁 𑌤𑍇 ॥ 15 ॥
𑌦𑌤𑍍𑌤 𑌵𑌿𑌦𑍍𑌯𑌾𑌢𑍍𑌯 𑌲𑌕𑍍𑌷𑍍𑌮𑍀𑌶 𑌦𑌤𑍍𑌤 𑌸𑍍𑌵𑌾𑌤𑍍𑌮𑌸𑍍𑌵𑌰𑍂𑌪𑌿𑌣𑍇 ।
𑌗𑍁𑌣𑌨𑌿𑌰𑍍𑌗𑍁𑌣𑌰𑍂𑌪𑌾𑌯 𑌦𑌤𑍍𑌤𑌾𑌤𑍍𑌰𑍇𑌯 𑌨𑌮𑍋𑌽𑌸𑍍𑌤𑍁 𑌤𑍇 ॥ 16 ॥
𑌶𑌤𑍍𑌰𑍁𑌨𑌾𑌶𑌕𑌰𑌂 𑌸𑍍𑌤𑍋𑌤𑍍𑌰𑌂 𑌜𑍍𑌞𑌾𑌨𑌵𑌿𑌜𑍍𑌞𑌾𑌨𑌦𑌾𑌯𑌕𑌮𑍍 ।
𑌸𑌰𑍍𑌵𑌪𑌾𑌪𑌂 𑌶𑌮𑌂 𑌯𑌾𑌤𑌿 𑌦𑌤𑍍𑌤𑌾𑌤𑍍𑌰𑍇𑌯 𑌨𑌮𑍋𑌽𑌸𑍍𑌤𑍁 𑌤𑍇 ॥ 17 ॥
𑌇𑌦𑌂 𑌸𑍍𑌤𑍋𑌤𑍍𑌰𑌂 𑌮𑌹𑌦𑍍𑌦𑌿𑌵𑍍𑌯𑌂 𑌦𑌤𑍍𑌤𑌪𑍍𑌰𑌤𑍍𑌯𑌕𑍍𑌷𑌕𑌾𑌰𑌕𑌮𑍍 ।
𑌦𑌤𑍍𑌤𑌾𑌤𑍍𑌰𑍇𑌯𑌪𑍍𑌰𑌸𑌾𑌦𑌾𑌚𑍍𑌚 𑌨𑌾𑌰𑌦𑍇𑌨 𑌪𑍍𑌰𑌕𑍀𑌰𑍍𑌤𑌿𑌤𑌮𑍍 ॥ 18 ॥
𑌇𑌤𑌿 𑌶𑍍𑌰𑍀𑌨𑌾𑌰𑌦𑌪𑍁𑌰𑌾𑌣𑍇 𑌨𑌾𑌰𑌦𑌵𑌿𑌰𑌚𑌿𑌤𑌂 𑌶𑍍𑌰𑍀 𑌦𑌤𑍍𑌤𑌾𑌤𑍍𑌰𑍇𑌯 𑌸𑍍𑌤𑍋𑌤𑍍𑌰𑌮𑍍 ।
Roman (IAST) Transliteration
jaṭādharaṃ pāṇḍurāṅgaṃ śūlahastaṃ kṛpānidhim |
sarvarogaharaṃ devaṃ dattātreyamahaṃ bhaje || 1 ||
asya śrīdattātreyastotramantrasya bhagavānnāradṛṣiḥ | anuṣṭup chandaḥ | śrīdattaḥ paramātmā devatā | śrīdattātreya prītyarthe jape viniyogaḥ ||
nārada uvāca |
jagadutpattikartre ca sthitisaṃhārahetave |
bhavapāśavimuktāya dattātreya namo'stu te || 1 ||
jarājanmavināśāya dehaśuddhikarāya ca |
digambara dayāmūrte dattātreya namo'stu te || 2 ||
karpūrakāntidehāya brahmamūrtidharāya ca |
vedaśāstraparijñāya dattātreya namo'stu te || 3 ||
hrasvadīrghakṛśasthūlanāmagotravivarjita |
pañcabhūtaikadīptāya dattātreya namo'stu te || 4 ||
yajñabhokte ca yajñāya yajñarūpadharāya ca |
yajñapriyāya siddhāya dattātreya namo'stu te || 5 ||
ādau brahmā harirmadhye hyante devassadāśivaḥ |
mūrtitrayasvarūpāya dattātreya namo'stu te || 6 ||
bhogālayāya bhogāya yogayogyāya dhāriṇe |
jitendriya jitajñāya dattātreya namo'stu te || 7 ||
digambarāya divyāya divyarūpadharāya ca |
sadoditaparabrahma dattātreya namo'stu te || 8 ||
jambūdvīpe mahākṣetre mātāpuranivāsine |
jayamāna satāṃ deva dattātreya namo'stu te || 9 ||
bhikṣāṭanaṃ gṛhe grāme pātraṃ hemamayaṃ kare |
nānāsvādamayī bhikṣā dattātreya namo'stu te || 10 ||
brahmajñānamayī mudrā vastre cākāśabhūtale |
prajñānaghanabodhāya dattātreya namo'stu te || 11 ||
avadhūta sadānanda parabrahmasvarūpiṇe |
videhadeharūpāya dattātreya namo'stu te || 12 ||
satyarūpa sadācāra satyadharmaparāyaṇa |
satyāśrayaparokṣāya dattātreya namo'stu te || 13 ||
śūlahastagadāpāṇe vanamālāsukandhara |
yajñasūtradhara brahman dattātreya namo'stu te || 14 ||
kṣarākṣarasvarūpāya parātparatarāya ca |
dattamuktiparastotra dattātreya namo'stu te || 15 ||
datta vidyāḍhya lakṣmīśa datta svātmasvarūpiṇe |
guṇanirguṇarūpāya dattātreya namo'stu te || 16 ||
śatrunāśakaraṃ stotraṃ jñānavijñānadāyakam |
sarvapāpaṃ śamaṃ yāti dattātreya namo'stu te || 17 ||
idaṃ stotraṃ mahaddivyaṃ dattapratyakṣakārakam |
dattātreyaprasādācca nāradena prakīrtitam || 18 ||
iti śrīnāradapurāṇe nāradaviracitaṃ śrī dattātreya stotram |
InfoLyter.in — Sacred Vedic Knowledge Portal · Free forever