📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
𑌶𑍍𑌰𑍀 𑌨𑌰𑌸𑌿𑌂𑌹 𑌕𑌵𑌚𑌮𑍍
Shri Narasimha Kavacham
Narasimha Kavacham Grantha
𑌨𑍃𑌸𑌿𑌂𑌹𑌕𑌵𑌚𑌂 𑌵𑌕𑍍𑌷𑍍𑌯𑍇 𑌪𑍍𑌰𑌹𑍍𑌲𑌾𑌦𑍇𑌨𑍋𑌦𑌿𑌤𑌂 𑌪𑍁𑌰𑌾 ।
𑌸𑌰𑍍𑌵𑌰𑌕𑍍𑌷𑌾𑌕𑌰𑌂 𑌪𑍁𑌣𑍍𑌯𑌂 𑌸𑌰𑍍𑌵𑍋𑌪𑌦𑍍𑌰𑌵𑌨𑌾𑌶𑌨𑌮𑍍 ॥ 1 ॥
𑌸𑌰𑍍𑌵𑌸𑌮𑍍𑌪𑌤𑍍𑌕𑌰𑌂 𑌚𑍈𑌵 𑌸𑍍𑌵𑌰𑍍𑌗𑌮𑍋𑌕𑍍𑌷𑌪𑍍𑌰𑌦𑌾𑌯𑌕𑌮𑍍 ।
𑌧𑍍𑌯𑌾𑌤𑍍𑌵𑌾 𑌨𑍃𑌸𑌿𑌂𑌹𑌂 𑌦𑍇𑌵𑍇𑌶𑌂 𑌹𑍇𑌮𑌸𑌿𑌂𑌹𑌾𑌸𑌨𑌸𑍍𑌥𑌿𑌤𑌮𑍍 ॥ 2 ॥
𑌵𑌿𑌵𑍃𑌤𑌾𑌸𑍍𑌯𑌂 𑌤𑍍𑌰𑌿𑌨𑌯𑌨𑌂 𑌶𑌰𑌦𑌿𑌨𑍍𑌦𑍁𑌸𑌮𑌪𑍍𑌰𑌭𑌮𑍍 ।
𑌲𑌕𑍍𑌷𑍍𑌮𑍍𑌯𑌾𑌲𑌿𑌙𑍍𑌗𑌿𑌤𑌵𑌾𑌮𑌾𑌙𑍍𑌗𑌂 𑌵𑌿𑌭𑍂𑌤𑌿𑌭𑌿𑌰𑍁𑌪𑌾𑌶𑍍𑌰𑌿𑌤𑌮𑍍 ॥ 3 ॥
𑌚𑌤𑍁𑌰𑍍𑌭𑍁𑌜𑌂 𑌕𑍋𑌮𑌲𑌾𑌙𑍍𑌗𑌂 𑌸𑍍𑌵𑌰𑍍𑌣𑌕𑍁𑌣𑍍𑌡𑌲𑌶𑍋𑌭𑌿𑌤𑌮𑍍 ।
𑌸𑌰𑍋𑌜𑌶𑍋𑌭𑌿𑌤𑍋𑌰𑌸𑍍𑌕𑌂 𑌰𑌤𑍍𑌨𑌕𑍇𑌯𑍂𑌰𑌮𑍁𑌦𑍍𑌰𑌿𑌤𑌮𑍍 ॥ 4 ॥ [𑌰𑌤𑍍𑌨𑌕𑍇𑌯𑍂𑌰𑌶𑍋𑌭𑌿𑌤𑌮𑍍]
𑌤𑌪𑍍𑌤𑌕𑌾𑌞𑍍𑌚𑌨𑌸𑌙𑍍𑌕𑌾𑌶𑌂 𑌪𑍀𑌤𑌨𑌿𑌰𑍍𑌮𑌲𑌵𑌾𑌸𑌨𑌮𑍍 ।
𑌇𑌨𑍍𑌦𑍍𑌰𑌾𑌦𑌿𑌸𑍁𑌰𑌮𑍗𑌲𑌿𑌸𑍍𑌥𑌸𑍍𑌫𑍁𑌰𑌨𑍍𑌮𑌾𑌣𑌿𑌕𑍍𑌯𑌦𑍀𑌪𑍍𑌤𑌿𑌭𑌿𑌃 ॥ 5 ॥
𑌵𑌿𑌰𑌾𑌜𑌿𑌤𑌪𑌦𑌦𑍍𑌵𑌨𑍍𑌦𑍍𑌵𑌂 𑌶𑌙𑍍𑌖𑌚𑌕𑍍𑌰𑌾𑌦𑌿𑌹𑍇𑌤𑌿𑌭𑌿𑌃 ।
𑌗𑌰𑍁𑌤𑍍𑌮𑌤𑌾 𑌸𑌵𑌿𑌨𑌯𑌂 𑌸𑍍𑌤𑍂𑌯𑌮𑌾𑌨𑌂 𑌮𑍁𑌦𑌾𑌨𑍍𑌵𑌿𑌤𑌮𑍍 ॥ 6 ॥
𑌸𑍍𑌵𑌹𑍃𑌤𑍍𑌕𑌮𑌲𑌸𑌂𑌵𑌾𑌸𑌂 𑌕𑍃𑌤𑍍𑌵𑌾 𑌤𑍁 𑌕𑌵𑌚𑌂 𑌪𑌠𑍇𑌤𑍍 ।
𑌨𑍃𑌸𑌿𑌂𑌹𑍋 𑌮𑍇 𑌶𑌿𑌰𑌃 𑌪𑌾𑌤𑍁 𑌲𑍋𑌕𑌰𑌕𑍍𑌷𑌾𑌤𑍍𑌮𑌸𑌮𑍍𑌭𑌵𑌃 ॥ 7 ॥
𑌸𑌰𑍍𑌵𑌗𑍋𑌽𑌪𑌿 𑌸𑍍𑌤𑌮𑍍𑌭𑌵𑌾𑌸𑌃 𑌫𑌾𑌲𑌂 𑌮𑍇 𑌰𑌕𑍍𑌷𑌤𑍁 𑌧𑍍𑌵𑌨𑌿𑌮𑍍 ।
𑌨𑍃𑌸𑌿𑌂𑌹𑍋 𑌮𑍇 𑌦𑍃𑌶𑍗 𑌪𑌾𑌤𑍁 𑌸𑍋𑌮𑌸𑍂𑌰𑍍𑌯𑌾𑌗𑍍𑌨𑌿𑌲𑍋𑌚𑌨𑌃 ॥ 8 ॥
𑌸𑍍𑌮𑍃𑌤𑌿𑌂 𑌮𑍇 𑌪𑌾𑌤𑍁 𑌨𑍃𑌹𑌰𑌿𑌰𑍍𑌮𑍁𑌨𑌿𑌵𑌰𑍍𑌯𑌸𑍍𑌤𑍁𑌤𑌿𑌪𑍍𑌰𑌿𑌯𑌃 ।
𑌨𑌾𑌸𑌾𑌂 𑌮𑍇 𑌸𑌿𑌂𑌹𑌨𑌾𑌸𑌸𑍍𑌤𑍁 𑌮𑍁𑌖𑌂 𑌲𑌕𑍍𑌷𑍍𑌮𑍀𑌮𑍁𑌖𑌪𑍍𑌰𑌿𑌯𑌃 ॥ 9 ॥
𑌸𑌰𑍍𑌵𑌵𑌿𑌦𑍍𑌯𑌾𑌧𑌿𑌪𑌃 𑌪𑌾𑌤𑍁 𑌨𑍃𑌸𑌿𑌂𑌹𑍋 𑌰𑌸𑌨𑌾𑌂 𑌮𑌮 ।
𑌵𑌕𑍍𑌤𑍍𑌰𑌂 𑌪𑌾𑌤𑍍𑌵𑌿𑌨𑍍𑌦𑍁𑌵𑌦𑌨𑌃 𑌸𑌦𑌾 𑌪𑍍𑌰𑌹𑍍𑌲𑌾𑌦𑌵𑌨𑍍𑌦𑌿𑌤𑌃 ॥ 10 ॥
𑌨𑍃𑌸𑌿𑌂𑌹𑌃 𑌪𑌾𑌤𑍁 𑌮𑍇 𑌕𑌣𑍍𑌠𑌂 𑌸𑍍𑌕𑌨𑍍𑌧𑍗 𑌭𑍂𑌭𑌰𑌣𑌾𑌨𑍍𑌤𑌕𑍃𑌤𑍍 ।
𑌦𑌿𑌵𑍍𑌯𑌾𑌸𑍍𑌤𑍍𑌰𑌶𑍋𑌭𑌿𑌤𑌭𑍁𑌜𑍋 𑌨𑍃𑌸𑌿𑌂𑌹𑌃 𑌪𑌾𑌤𑍁 𑌮𑍇 𑌭𑍁𑌜𑍗 ॥ 11 ॥
𑌕𑌰𑍗 𑌮𑍇 𑌦𑍇𑌵𑌵𑌰𑌦𑍋 𑌨𑍃𑌸𑌿𑌂𑌹𑌃 𑌪𑌾𑌤𑍁 𑌸𑌰𑍍𑌵𑌤𑌃 ।
𑌹𑍃𑌦𑌯𑌂 𑌯𑍋𑌗𑌿𑌸𑌾𑌧𑍍𑌯𑌶𑍍𑌚 𑌨𑌿𑌵𑌾𑌸𑌂 𑌪𑌾𑌤𑍁 𑌮𑍇 𑌹𑌰𑌿𑌃 ॥ 12 ॥
𑌮𑌧𑍍𑌯𑌂 𑌪𑌾𑌤𑍁 𑌹𑌿𑌰𑌣𑍍𑌯𑌾𑌕𑍍𑌷𑌵𑌕𑍍𑌷𑌃𑌕𑍁𑌕𑍍𑌷𑌿𑌵𑌿𑌦𑌾𑌰𑌣𑌃 ।
𑌨𑌾𑌭𑌿𑌂 𑌮𑍇 𑌪𑌾𑌤𑍁 𑌨𑍃𑌹𑌰𑌿𑌃 𑌸𑍍𑌵𑌨𑌾𑌭𑌿 𑌬𑍍𑌰𑌹𑍍𑌮𑌸𑌂𑌸𑍍𑌤𑍁𑌤𑌃 ॥ 13 ॥
𑌬𑍍𑌰𑌹𑍍𑌮𑌾𑌣𑍍𑌡𑌕𑍋𑌟𑌯𑌃 𑌕𑌟𑍍𑌯𑌾𑌂 𑌯𑌸𑍍𑌯𑌾𑌸𑍗 𑌪𑌾𑌤𑍁 𑌮𑍇 𑌕𑌟𑌿𑌮𑍍 ।
𑌗𑍁𑌹𑍍𑌯𑌂 𑌮𑍇 𑌪𑌾𑌤𑍁 𑌗𑍁𑌹𑍍𑌯𑌾𑌨𑌾𑌂 𑌮𑌨𑍍𑌤𑍍𑌰𑌾𑌣𑌾𑌂 𑌗𑍁𑌹𑍍𑌯𑌰𑍂𑌪𑌧𑍃𑌕𑍍 ॥ 14 ॥
𑌊𑌰𑍂 𑌮𑌨𑍋𑌭𑌵𑌃 𑌪𑌾𑌤𑍁 𑌜𑌾𑌨𑍁𑌨𑍀 𑌨𑌰𑌰𑍂𑌪𑌧𑍃𑌕𑍍 ।
𑌜𑌙𑍍𑌘𑍇 𑌪𑌾𑌤𑍁 𑌧𑌰𑌾𑌭𑌾𑌰𑌹𑌰𑍍𑌤𑌾 𑌯𑍋𑌽𑌸𑍗 𑌨𑍃𑌕𑍇𑌸𑌰𑍀 ॥ 15 ॥
𑌸𑍁𑌰𑌰𑌾𑌜𑍍𑌯𑌪𑍍𑌰𑌦𑌃 𑌪𑌾𑌤𑍁 𑌪𑌾𑌦𑍗 𑌮𑍇 𑌨𑍃𑌹𑌰𑍀𑌶𑍍𑌵𑌰𑌃 ।
𑌸𑌹𑌸𑍍𑌰𑌶𑍀𑌰𑍍𑌷𑌾 𑌪𑍁𑌰𑍁𑌷𑌃 𑌪𑌾𑌤𑍁 𑌮𑍇 𑌸𑌰𑍍𑌵𑌶𑌸𑍍𑌤𑌨𑍁𑌮𑍍 ॥ 16 ॥
𑌮𑌹𑍋𑌗𑍍𑌰𑌃 𑌪𑍂𑌰𑍍𑌵𑌤𑌃 𑌪𑌾𑌤𑍁 𑌮𑌹𑌾𑌵𑍀𑌰𑌾𑌗𑍍𑌰𑌜𑍋𑌽𑌗𑍍𑌨𑌿𑌤𑌃 ।
𑌮𑌹𑌾𑌵𑌿𑌷𑍍𑌣𑍁𑌰𑍍𑌦𑌕𑍍𑌷𑌿𑌣𑍇 𑌤𑍁 𑌮𑌹𑌾𑌜𑍍𑌵𑌾𑌲𑌸𑍍𑌤𑍁 𑌨𑍈𑌰𑍃𑌤𑍗 ॥ 17 ॥
𑌪𑌶𑍍𑌚𑌿𑌮𑍇 𑌪𑌾𑌤𑍁 𑌸𑌰𑍍𑌵𑍇𑌶𑍋 𑌦𑌿𑌶𑌿 𑌮𑍇 𑌸𑌰𑍍𑌵𑌤𑍋𑌮𑍁𑌖𑌃 ।
𑌨𑍃𑌸𑌿𑌂𑌹𑌃 𑌪𑌾𑌤𑍁 𑌵𑌾𑌯𑌵𑍍𑌯𑌾𑌂 𑌸𑍗𑌮𑍍𑌯𑌾𑌂 𑌭𑍂𑌷𑌣𑌵𑌿𑌗𑍍𑌰𑌹𑌃 ॥ 18 ॥
𑌈𑌶𑌾𑌨𑍍𑌯𑌾𑌂 𑌪𑌾𑌤𑍁 𑌭𑌦𑍍𑌰𑍋 𑌮𑍇 𑌸𑌰𑍍𑌵𑌮𑌙𑍍𑌗𑌲𑌦𑌾𑌯𑌕𑌃 ।
𑌸𑌂𑌸𑌾𑌰𑌭𑌯𑌦𑌃 𑌪𑌾𑌤𑍁 𑌮𑍃𑌤𑍍𑌯𑍋𑌰𑍍𑌮𑍃𑌤𑍍𑌯𑍁𑌰𑍍𑌨𑍃𑌕𑍇𑌸𑌰𑍀 ॥ 19 ॥
𑌇𑌦𑌂 𑌨𑍃𑌸𑌿𑌂𑌹𑌕𑌵𑌚𑌂 𑌪𑍍𑌰𑌹𑍍𑌲𑌾𑌦𑌮𑍁𑌖𑌮𑌣𑍍𑌡𑌿𑌤𑌮𑍍 ।
𑌭𑌕𑍍𑌤𑌿𑌮𑌾𑌨𑍍𑌯𑌃 𑌪𑌠𑍇𑌨𑍍𑌨𑌿𑌤𑍍𑌯𑌂 𑌸𑌰𑍍𑌵𑌪𑌾𑌪𑍈𑌃 𑌪𑍍𑌰𑌮𑍁𑌚𑍍𑌯𑌤𑍇 ॥ 20 ॥
𑌪𑍁𑌤𑍍𑌰𑌵𑌾𑌨𑍍 𑌧𑌨𑌵𑌾𑌨𑍍 𑌲𑍋𑌕𑍇 𑌦𑍀𑌰𑍍𑌘𑌾𑌯𑍁𑌰𑍁𑌪𑌜𑌾𑌯𑌤𑍇 ।
𑌯𑌂 𑌯𑌂 𑌕𑌾𑌮𑌯𑌤𑍇 𑌕𑌾𑌮𑌂 𑌤𑌂 𑌤𑌂 𑌪𑍍𑌰𑌾𑌪𑍍𑌨𑍋𑌤𑍍𑌯𑌸𑌂𑌶𑌯𑌮𑍍 ॥ 21 ॥
𑌸𑌰𑍍𑌵𑌤𑍍𑌰 𑌜𑌯𑌮𑌾𑌪𑍍𑌨𑍋𑌤𑌿 𑌸𑌰𑍍𑌵𑌤𑍍𑌰 𑌵𑌿𑌜𑌯𑍀 𑌭𑌵𑍇𑌤𑍍 ।
𑌭𑍂𑌮𑍍𑌯𑌨𑍍𑌤𑌰𑌿𑌕𑍍𑌷𑌦𑌿𑌵𑍍𑌯𑌾𑌨𑌾𑌂 𑌗𑍍𑌰𑌹𑌾𑌣𑌾𑌂 𑌵𑌿𑌨𑌿𑌵𑌾𑌰𑌣𑌮𑍍 ॥ 22 ॥
𑌵𑍃𑌶𑍍𑌚𑌿𑌕𑍋𑌰𑌗𑌸𑌮𑍍𑌭𑍂𑌤𑌵𑌿𑌷𑌾𑌪𑌹𑌰𑌣𑌂 𑌪𑌰𑌮𑍍 ।
𑌬𑍍𑌰𑌹𑍍𑌮𑌰𑌾𑌕𑍍𑌷𑌸𑌯𑌕𑍍𑌷𑌾𑌣𑌾𑌂 𑌦𑍂𑌰𑍋𑌤𑍍𑌸𑌾𑌰𑌣𑌕𑌾𑌰𑌣𑌮𑍍 ॥ 23 ॥
𑌭𑍂𑌰𑍍𑌜𑍇 𑌵𑌾 𑌤𑌾𑌲𑌪𑌤𑍍𑌰𑍇 𑌵𑌾 𑌕𑌵𑌚𑌂 𑌲𑌿𑌖𑌿𑌤𑌂 𑌶𑍁𑌭𑌮𑍍 ।
𑌕𑌰𑌮𑍂𑌲𑍇 𑌧𑍃𑌤𑌂 𑌯𑍇𑌨 𑌸𑌿𑌧𑍍𑌯𑍇𑌯𑍁𑌃 𑌕𑌰𑍍𑌮𑌸𑌿𑌦𑍍𑌧𑌯𑌃 ॥ 24 ॥
𑌦𑍇𑌵𑌾𑌸𑍁𑌰𑌮𑌨𑍁𑌷𑍍𑌯𑍇𑌷𑍁 𑌸𑍍𑌵𑌂 𑌸𑍍𑌵𑌮𑍇𑌵 𑌜𑌯𑌂 𑌲𑌭𑍇𑌤𑍍 ।
𑌏𑌕𑌸𑌨𑍍𑌧𑍍𑌯𑌂 𑌤𑍍𑌰𑌿𑌸𑌨𑍍𑌧𑍍𑌯𑌂 𑌵𑌾 𑌯𑌃 𑌪𑌠𑍇𑌨𑍍𑌨𑌿𑌯𑌤𑍋 𑌨𑌰𑌃 ॥ 25 ॥
𑌸𑌰𑍍𑌵𑌮𑌙𑍍𑌗𑌲𑌮𑌾𑌙𑍍𑌗𑌲𑍍𑌯𑌂 𑌭𑍁𑌕𑍍𑌤𑌿𑌂 𑌮𑍁𑌕𑍍𑌤𑌿𑌂 𑌚 𑌵𑌿𑌨𑍍𑌦𑌤𑌿 ।
𑌦𑍍𑌵𑌾𑌤𑍍𑌰𑌿𑌂𑌶𑌤𑌿𑌸𑌹𑌸𑍍𑌰𑌾𑌣𑌿 𑌪𑌠𑍇𑌚𑍍𑌛𑍁𑌦𑍍𑌧𑌾𑌤𑍍𑌮𑌨𑌾𑌂 𑌨𑍃𑌣𑌾𑌮𑍍 ॥ 26 ॥
𑌕𑌵𑌚𑌸𑍍𑌯𑌾𑌸𑍍𑌯 𑌮𑌨𑍍𑌤𑍍𑌰𑌸𑍍𑌯 𑌮𑌨𑍍𑌤𑍍𑌰𑌸𑌿𑌦𑍍𑌧𑌿𑌃 𑌪𑍍𑌰𑌜𑌾𑌯𑌤𑍇 ।
𑌅𑌨𑍇𑌨 𑌮𑌨𑍍𑌤𑍍𑌰𑌰𑌾𑌜𑍇𑌨 𑌕𑍃𑌤𑍍𑌵𑌾 𑌭𑌸𑍍𑌮𑌾𑌭𑌿𑌮𑌨𑍍𑌤𑍍𑌰𑌣𑌮𑍍 ॥ 27 ॥
𑌤𑌿𑌲𑌕𑌂 𑌵𑌿𑌨𑍍𑌯𑌸𑍇𑌦𑍍𑌯𑌸𑍍𑌤𑍁 𑌤𑌸𑍍𑌯 𑌗𑍍𑌰𑌹𑌭𑌯𑌂 𑌹𑌰𑍇𑌤𑍍 ।
𑌤𑍍𑌰𑌿𑌵𑌾𑌰𑌂 𑌜𑌪𑌮𑌾𑌨𑌸𑍍𑌤𑍁 𑌦𑌤𑍍𑌤𑌂 𑌵𑌾𑌰𑍍𑌯𑌭𑌿𑌮𑌨𑍍𑌤𑍍𑌰𑍍𑌯 𑌚 ॥ 28 ॥
𑌪𑍍𑌰𑌾𑌶𑌯𑍇𑌦𑍍𑌯𑍋 𑌨𑌰𑍋 𑌮𑌨𑍍𑌤𑍍𑌰𑌂 𑌨𑍃𑌸𑌿𑌂𑌹𑌧𑍍𑌯𑌾𑌨𑌮𑌾𑌚𑌰𑍇𑌤𑍍 ।
𑌤𑌸𑍍𑌯 𑌰𑍋𑌗𑌾𑌃 𑌪𑍍𑌰𑌣𑌶𑍍𑌯𑌨𑍍𑌤𑌿 𑌯𑍇 𑌚 𑌸𑍍𑌯𑍁𑌃 𑌕𑍁𑌕𑍍𑌷𑌿𑌸𑌮𑍍𑌭𑌵𑌾𑌃 ॥ 29 ॥
𑌕𑌿𑌮𑌤𑍍𑌰 𑌬𑌹𑍁𑌨𑍋𑌕𑍍𑌤𑍇𑌨 𑌨𑍃𑌸𑌿𑌂𑌹𑌸𑌦𑍃𑌶𑍋 𑌭𑌵𑍇𑌤𑍍 ।
𑌮𑌨𑌸𑌾 𑌚𑌿𑌨𑍍𑌤𑌿𑌤𑌂 𑌯𑌤𑍍𑌤𑍁 𑌸 𑌤𑌚𑍍𑌚𑌾𑌪𑍍𑌨𑍋𑌤𑍍𑌯𑌸𑌂𑌶𑌯𑌮𑍍 ॥ 30 ॥
𑌗𑌰𑍍𑌜𑌨𑍍𑌤𑌂 𑌗𑌰𑍍𑌜𑌯𑌨𑍍𑌤𑌂 𑌨𑌿𑌜𑌭𑍁𑌜𑌪𑌟𑌲𑌂 𑌸𑍍𑌫𑍋𑌟𑌯𑌨𑍍𑌤𑌂 𑌹𑌠𑌨𑍍𑌤𑌂
𑌰𑍂𑌪𑍍𑌯𑌨𑍍𑌤𑌂 𑌤𑌾𑌪𑌯𑌨𑍍𑌤𑌂 𑌦𑌿𑌵𑌿 𑌭𑍁𑌵𑌿 𑌦𑌿𑌤𑌿𑌜𑌂 𑌕𑍍𑌷𑍇𑌪𑌯𑌨𑍍𑌤𑌂 𑌕𑍍𑌷𑌿𑌪𑌨𑍍𑌤𑌮𑍍 ।
𑌕𑍍𑌰𑌨𑍍𑌦𑌨𑍍𑌤𑌂 𑌰𑍋𑌷𑌯𑌨𑍍𑌤𑌂 𑌦𑌿𑌶𑌿 𑌦𑌿𑌶𑌿 𑌸𑌤𑌤𑌂 𑌸𑌂𑌹𑌰𑌨𑍍𑌤𑌂 𑌭𑌰𑌨𑍍𑌤𑌂
𑌵𑍀𑌕𑍍𑌷𑌨𑍍𑌤𑌂 𑌘𑍂𑌰𑍍𑌣𑌯𑌨𑍍𑌤𑌂 𑌶𑌰𑌨𑌿𑌕𑌰𑌶𑌤𑍈𑌰𑍍𑌦𑌿𑌵𑍍𑌯𑌸𑌿𑌂𑌹𑌂 𑌨𑌮𑌾𑌮𑌿 ॥
𑌇𑌤𑌿 𑌶𑍍𑌰𑍀𑌬𑍍𑌰𑌹𑍍𑌮𑌾𑌣𑍍𑌡𑌪𑍁𑌰𑌾𑌣𑍇 𑌪𑍍𑌰𑌹𑍍𑌲𑌾𑌦𑍋𑌕𑍍𑌤𑌂 𑌶𑍍𑌰𑍀 𑌨𑍃𑌸𑌿𑌂𑌹 𑌕𑌵𑌚𑌮𑍍 ।
Roman (IAST) Transliteration
nṛsiṃhakavacaṃ vakṣye prahlādenoditaṃ purā |
sarvarakṣākaraṃ puṇyaṃ sarvopadravanāśanam || 1 ||
sarvasampatkaraṃ caiva svargamokṣapradāyakam |
dhyātvā nṛsiṃhaṃ deveśaṃ hemasiṃhāsanasthitam || 2 ||
vivṛtāsyaṃ trinayanaṃ śaradindusamaprabham |
lakṣmyāliṅgitavāmāṅgaṃ vibhūtibhirupāśritam || 3 ||
caturbhujaṃ komalāṅgaṃ svarṇakuṇḍalaśobhitam |
sarojaśobhitoraskaṃ ratnakeyūramudritam || 4 || [ratnakeyūraśobhitam]
taptakāñcanasaṅkāśaṃ pītanirmalavāsanam |
indrādisuramaulisthasphuranmāṇikyadīptibhiḥ || 5 ||
virājitapadadvandvaṃ śaṅkhacakrādihetibhiḥ |
garutmatā savinayaṃ stūyamānaṃ mudānvitam || 6 ||
svahṛtkamalasaṃvāsaṃ kṛtvā tu kavacaṃ paṭhet |
nṛsiṃho me śiraḥ pātu lokarakṣātmasambhavaḥ || 7 ||
sarvago'pi stambhavāsaḥ phālaṃ me rakṣatu dhvanim |
nṛsiṃho me dṛśau pātu somasūryāgnilocanaḥ || 8 ||
smṛtiṃ me pātu nṛharirmunivaryastutipriyaḥ |
nāsāṃ me siṃhanāsastu mukhaṃ lakṣmīmukhapriyaḥ || 9 ||
sarvavidyādhipaḥ pātu nṛsiṃho rasanāṃ mama |
vaktraṃ pātvinduvadanaḥ sadā prahlādavanditaḥ || 10 ||
nṛsiṃhaḥ pātu me kaṇṭhaṃ skandhau bhūbharaṇāntakṛt |
divyāstraśobhitabhujo nṛsiṃhaḥ pātu me bhujau || 11 ||
karau me devavarado nṛsiṃhaḥ pātu sarvataḥ |
hṛdayaṃ yogisādhyaśca nivāsaṃ pātu me hariḥ || 12 ||
madhyaṃ pātu hiraṇyākṣavakṣaḥkukṣividāraṇaḥ |
nābhiṃ me pātu nṛhariḥ svanābhi brahmasaṃstutaḥ || 13 ||
brahmāṇḍakoṭayaḥ kaṭyāṃ yasyāsau pātu me kaṭim |
guhyaṃ me pātu guhyānāṃ mantrāṇāṃ guhyarūpadhṛk || 14 ||
ūrū manobhavaḥ pātu jānunī nararūpadhṛk |
jaṅghe pātu dharābhārahartā yo'sau nṛkesarī || 15 ||
surarājyapradaḥ pātu pādau me nṛharīśvaraḥ |
sahasraśīrṣā puruṣaḥ pātu me sarvaśastanum || 16 ||
mahograḥ pūrvataḥ pātu mahāvīrāgrajo'gnitaḥ |
mahāviṣṇurdakṣiṇe tu mahājvālastu nairṛtau || 17 ||
paścime pātu sarveśo diśi me sarvatomukhaḥ |
nṛsiṃhaḥ pātu vāyavyāṃ saumyāṃ bhūṣaṇavigrahaḥ || 18 ||
īśānyāṃ pātu bhadro me sarvamaṅgaladāyakaḥ |
saṃsārabhayadaḥ pātu mṛtyormṛtyurnṛkesarī || 19 ||
idaṃ nṛsiṃhakavacaṃ prahlādamukhamaṇḍitam |
bhaktimānyaḥ paṭhennityaṃ sarvapāpaiḥ pramucyate || 20 ||
putravān dhanavān loke dīrghāyurupajāyate |
yaṃ yaṃ kāmayate kāmaṃ taṃ taṃ prāpnotyasaṃśayam || 21 ||
sarvatra jayamāpnoti sarvatra vijayī bhavet |
bhūmyantarikṣadivyānāṃ grahāṇāṃ vinivāraṇam || 22 ||
vṛścikoragasambhūtaviṣāpaharaṇaṃ param |
brahmarākṣasayakṣāṇāṃ dūrotsāraṇakāraṇam || 23 ||
bhūrje vā tālapatre vā kavacaṃ likhitaṃ śubham |
karamūle dhṛtaṃ yena sidhyeyuḥ karmasiddhayaḥ || 24 ||
devāsuramanuṣyeṣu svaṃ svameva jayaṃ labhet |
ekasandhyaṃ trisandhyaṃ vā yaḥ paṭhenniyato naraḥ || 25 ||
sarvamaṅgalamāṅgalyaṃ bhuktiṃ muktiṃ ca vindati |
dvātriṃśatisahasrāṇi paṭhecchuddhātmanāṃ nṛṇām || 26 ||
kavacasyāsya mantrasya mantrasiddhiḥ prajāyate |
anena mantrarājena kṛtvā bhasmābhimantraṇam || 27 ||
tilakaṃ vinyasedyastu tasya grahabhayaṃ haret |
trivāraṃ japamānastu dattaṃ vāryabhimantrya ca || 28 ||
prāśayedyo naro mantraṃ nṛsiṃhadhyānamācaret |
tasya rogāḥ praṇaśyanti ye ca syuḥ kukṣisambhavāḥ || 29 ||
kimatra bahunoktena nṛsiṃhasadṛśo bhavet |
manasā cintitaṃ yattu sa taccāpnotyasaṃśayam || 30 ||
garjantaṃ garjayantaṃ nijabhujapaṭalaṃ sphoṭayantaṃ haṭhantaṃ
rūpyantaṃ tāpayantaṃ divi bhuvi ditijaṃ kṣepayantaṃ kṣipantam |
krandantaṃ roṣayantaṃ diśi diśi satataṃ saṃharantaṃ bharantaṃ
vīkṣantaṃ ghūrṇayantaṃ śaranikaraśatairdivyasiṃhaṃ namāmi ||
iti śrībrahmāṇḍapurāṇe prahlādoktaṃ śrī nṛsiṃha kavacam |
InfoLyter.in — Sacred Vedic Knowledge Portal · Free forever