Mundaka Upanishad - Prathama Mundaka, Prathama Kandah

ॐ

𑌮𑍁𑌣𑍍𑌡𑌕 𑌉𑌪𑌨𑌿𑌷𑌦𑍍 - 𑌪𑍍𑌰𑌥𑌮 𑌮𑍁𑌣𑍍𑌡𑌕, 𑌪𑍍𑌰𑌥𑌮 𑌕𑌾𑌣𑍍𑌡𑌃

Upanishad Grantha

𑌓-𑌮𑍍𑌭॒𑌦𑍍𑌰-𑌙𑍍𑌕𑌰𑍍𑌣𑍇॑𑌭𑌿-𑌶𑍍𑌶𑍃𑌣𑍁॒𑌯𑌾𑌮॑ 𑌦𑍇𑌵𑌾𑌃 । 𑌭॒𑌦𑍍𑌰-𑌮𑍍𑌪॑𑌶𑍍𑌯𑍇𑌮𑌾॒𑌕𑍍𑌷𑌭𑌿॒-𑌰𑍍𑌯𑌜॑𑌤𑍍𑌰𑌾𑌃 । 𑌸𑍍𑌥𑌿॒𑌰𑍈𑌰𑌙𑍍𑌗𑍈᳚𑌸𑍍𑌤𑍁𑌷𑍍𑌟𑍁॒𑌵𑌾𑌗𑍍𑌂 𑌸॑𑌸𑍍𑌤॒𑌨𑍂𑌭𑌿𑌃॑ । 𑌵𑍍𑌯𑌶𑍇॑𑌮 𑌦𑍇॒𑌵𑌹𑌿॑𑌤𑌂॒-𑌯𑌁𑌦𑌾𑌯𑍁𑌃॑ । 𑌸𑍍𑌵॒𑌸𑍍𑌤𑌿 𑌨॒ 𑌇𑌨𑍍𑌦𑍍𑌰𑍋॑ 𑌵𑍃॒𑌦𑍍𑌧𑌶𑍍𑌰॑𑌵𑌾𑌃 । 𑌸𑍍𑌵॒𑌸𑍍𑌤𑌿 𑌨𑌃॑ 𑌪𑍂॒𑌷𑌾 𑌵𑌿॒𑌶𑍍𑌵𑌵𑍇॑𑌦𑌾𑌃 । 𑌸𑍍𑌵॒𑌸𑍍𑌤𑌿 𑌨॒𑌸𑍍𑌤𑌾𑌰𑍍𑌕𑍍𑌷𑍍𑌯𑍋॒ 𑌅𑌰𑌿॑𑌷𑍍𑌟𑌨𑍇𑌮𑌿𑌃 । 𑌸𑍍𑌵॒𑌸𑍍𑌤𑌿 𑌨𑍋॒ 𑌬𑍃𑌹॒𑌸𑍍𑌪𑌤𑌿॑-𑌰𑍍𑌦𑌧𑌾𑌤𑍁 ॥

𑍐 𑌶𑌾𑌨𑍍𑌤𑌿॒-𑌶𑍍𑌶𑌾𑌨𑍍𑌤𑌿॒-𑌶𑍍𑌶𑌾𑌨𑍍𑌤𑌿𑌃॑ ॥

॥ 𑌓-𑌮𑍍𑌬𑍍𑌰𑌹𑍍𑌮𑌣𑍇 𑌨𑌮𑌃 ॥

॥ 𑌪𑍍𑌰𑌥𑌮𑌮𑍁𑌣𑍍𑌡𑌕𑍇 𑌪𑍍𑌰𑌥𑌮𑌃 𑌖𑌣𑍍𑌡𑌃 ॥

𑌓-𑌮𑍍𑌬𑍍𑌰𑌹𑍍𑌮𑌾 𑌦𑍇𑌵𑌾𑌨𑌾-𑌮𑍍𑌪𑍍𑌰𑌥𑌮-𑌸𑍍𑌸𑌮𑍍𑌬𑌭𑍂𑌵 𑌵𑌿𑌶𑍍𑌵𑌸𑍍𑌯 𑌕𑌰𑍍𑌤𑌾

𑌭𑍁𑌵𑌨𑌸𑍍𑌯 𑌗𑍋𑌪𑍍𑌤𑌾 । 𑌸 𑌬𑍍𑌰𑌹𑍍𑌮𑌵𑌿𑌦𑍍𑌯𑌾𑌂 𑌸𑌰𑍍𑌵𑌵𑌿𑌦𑍍𑌯𑌾𑌪𑍍𑌰𑌤𑌿𑌷𑍍𑌠𑌾𑌮𑌥𑌰𑍍𑌵𑌾𑌯

𑌜𑍍𑌯𑍇𑌷𑍍𑌠𑌪𑍁𑌤𑍍𑌰𑌾𑌯 𑌪𑍍𑌰𑌾𑌹 ॥ 1॥

𑌅𑌥𑌰𑍍𑌵𑌣𑍇 𑌯𑌾-𑌮𑍍𑌪𑍍𑌰𑌵𑌦𑍇𑌤 𑌬𑍍𑌰𑌹𑍍𑌮𑌾-𑌽𑌥𑌰𑍍𑌵𑌾 𑌤𑌂

𑌪𑍁𑌰𑍋𑌵𑌾𑌚𑌾𑌙𑍍𑌗𑌿𑌰𑍇 𑌬𑍍𑌰𑌹𑍍𑌮𑌵𑌿𑌦𑍍𑌯𑌾𑌮𑍍 ।

𑌸 𑌭𑌾𑌰𑌦𑍍𑌵𑌾𑌜𑌾𑌯 𑌸𑌤𑍍𑌯𑌵𑌾𑌹𑌾𑌯 𑌪𑍍𑌰𑌾𑌹

𑌭𑌾𑌰𑌦𑍍𑌵𑌾𑌜𑍋-𑌽𑌙𑍍𑌗𑌿𑌰𑌸𑍇 𑌪𑌰𑌾𑌵𑌰𑌾𑌮𑍍 ॥ 2॥

𑌶𑍗𑌨𑌕𑍋 𑌹 𑌵𑍈 𑌮𑌹𑌾𑌶𑌾𑌲𑍋-𑌽𑌙𑍍𑌗𑌿𑌰𑌸𑌂-𑌵𑌿𑌁𑌧𑌿𑌵𑌦𑍁𑌪𑌸𑌨𑍍𑌨𑌃 𑌪𑌪𑍍𑌰𑌚𑍍𑌛 ।

𑌕𑌸𑍍𑌮𑌿𑌨𑍍𑌨𑍁 𑌭𑌗𑌵𑍋 𑌵𑌿𑌜𑍍𑌞𑌾𑌤𑍇 𑌸𑌰𑍍𑌵𑌮𑌿𑌦𑌂-𑌵𑌿𑌁𑌜𑍍𑌞𑌾𑌤-𑌮𑍍𑌭𑌵𑌤𑍀𑌤𑌿 ॥ 3॥

𑌤𑌸𑍍𑌮𑍈 𑌸 𑌹𑍋𑌵𑌾𑌚 ।

𑌦𑍍𑌵𑍇 𑌵𑌿𑌦𑍍𑌯𑍇 𑌵𑍇𑌦𑌿𑌤𑌵𑍍𑌯𑍇 𑌇𑌤𑌿 𑌹 𑌸𑍍𑌮

𑌯𑌦𑍍𑌬𑍍𑌰𑌹𑍍𑌮𑌵𑌿𑌦𑍋 𑌵𑌦𑌨𑍍𑌤𑌿 𑌪𑌰𑌾 𑌚𑍈𑌵𑌾𑌪𑌰𑌾 𑌚 ॥ 4॥

𑌤𑌤𑍍𑌰𑌾𑌪𑌰𑌾 𑌋𑌗𑍍𑌵𑍇𑌦𑍋 𑌯𑌜𑍁𑌰𑍍𑌵𑍇𑌦-𑌸𑍍𑌸𑌾𑌮𑌵𑍇𑌦𑍋-𑌽𑌥𑌰𑍍𑌵𑌵𑍇𑌦𑌃

𑌶𑌿𑌕𑍍𑌷𑌾 𑌕𑌲𑍍𑌪𑍋 𑌵𑍍𑌯𑌾𑌕𑌰𑌣-𑌨𑍍𑌨𑌿𑌰𑍁𑌕𑍍𑌤-𑌞𑍍𑌛𑌨𑍍𑌦𑍋 𑌜𑍍𑌯𑍋𑌤𑌿𑌷𑌮𑌿𑌤𑌿 ।

𑌅𑌥 𑌪𑌰𑌾 𑌯𑌯𑌾 𑌤𑌦𑌕𑍍𑌷𑌰𑌮𑌧𑌿𑌗𑌮𑍍𑌯𑌤𑍇 ॥ 5॥

𑌯𑌤𑍍𑌤𑌦𑌦𑍍𑌰𑍇𑌶𑍍𑌯𑌮𑌗𑍍𑌰𑌾𑌹𑍍𑌯𑌮𑌗𑍋𑌤𑍍𑌰𑌮𑌵𑌰𑍍𑌣-

𑌮𑌚𑌕𑍍𑌷𑍁𑌸𑍍𑌶𑍍𑌰𑍋𑌤𑍍𑌰-𑌨𑍍𑌤𑌦𑌪𑌾𑌣𑌿𑌪𑌾𑌦𑌮𑍍 ।

𑌨𑌿𑌤𑍍𑌯𑌂-𑌵𑌿𑌁𑌭𑍁𑌂 𑌸𑌰𑍍𑌵𑌗𑌤𑌂 𑌸𑍁𑌸𑍂𑌕𑍍𑌷𑍍𑌮𑌂

𑌤𑌦𑌵𑍍𑌯𑌯𑌂-𑌯𑌁𑌦𑍍𑌭𑍂𑌤𑌯𑍋𑌨𑌿-𑌮𑍍𑌪𑌰𑌿𑌪𑌶𑍍𑌯𑌨𑍍𑌤𑌿 𑌧𑍀𑌰𑌾𑌃 ॥ 6॥

𑌯𑌥𑍋𑌰𑍍𑌣𑌨𑌾𑌭𑌿-𑌸𑍍𑌸𑍃𑌜𑌤𑍇 𑌗𑍃𑌹𑍍𑌣𑌤𑍇 𑌚

𑌯𑌥𑌾 𑌪𑍃𑌥𑌿𑌵𑍍𑌯𑌾𑌮𑍋𑌷𑌧𑌯-𑌸𑍍𑌸𑌮𑍍𑌭𑌵𑌨𑍍𑌤𑌿 ।

𑌯𑌥𑌾 𑌸𑌤𑌃 𑌪𑍁𑌰𑍁𑌷𑌾-𑌤𑍍𑌕𑍇𑌶𑌲𑍋𑌮𑌾𑌨𑌿

𑌤𑌥𑌾-𑌽𑌕𑍍𑌷𑌰𑌾-𑌥𑍍𑌸𑌮𑍍𑌭𑌵𑌤𑍀𑌹 𑌵𑌿𑌶𑍍𑌵𑌮𑍍 ॥ 7॥

𑌤𑌪𑌸𑌾 𑌚𑍀𑌯𑌤𑍇 𑌬𑍍𑌰𑌹𑍍𑌮 𑌤𑌤𑍋-𑌽𑌨𑍍𑌨𑌮𑌭𑌿𑌜𑌾𑌯𑌤𑍇 ।

𑌅𑌨𑍍𑌨𑌾-𑌤𑍍𑌪𑍍𑌰𑌾𑌣𑍋 𑌮𑌨-𑌸𑍍𑌸𑌤𑍍𑌯𑌂-𑌲𑍋𑌁𑌕𑌾𑌃 𑌕𑌰𑍍𑌮𑌸𑍁 𑌚𑌾𑌮𑍃𑌤𑌮𑍍 ॥ 8॥

𑌯-𑌸𑍍𑌸𑌰𑍍𑌵𑌜𑍍𑌞-𑌸𑍍𑌸𑌰𑍍𑌵𑌵𑌿𑌦𑍍𑌯𑌸𑍍𑌯 𑌜𑍍𑌞𑌾𑌨𑌮𑌯-𑌨𑍍𑌤𑌪𑌃 ।

𑌤𑌸𑍍𑌮𑌾𑌦𑍇𑌤𑌦𑍍𑌬𑍍𑌰𑌹𑍍𑌮 𑌨𑌾𑌮 𑌰𑍂𑌪𑌮𑌨𑍍𑌨-𑌞𑍍𑌚 𑌜𑌾𑌯𑌤𑍇 ॥ 9॥

॥ 𑌇𑌤𑌿 𑌮𑍁𑌣𑍍𑌡𑌕𑍋𑌪𑌨𑌿𑌷𑌦𑌿 𑌪𑍍𑌰𑌥𑌮𑌮𑍁𑌣𑍍𑌡𑌕𑍇 𑌪𑍍𑌰𑌥𑌮𑌃 𑌖𑌣𑍍𑌡𑌃 ॥

Roman (IAST) Transliteration

o-mbha॒dra-ṅkarṇḙbhi-śśṛṇu॒yāma̭ devāḥ | bha॒dra-mpa̭śyemā॒kṣabhi॒-ryaja̭trāḥ | sthi॒rairaṅgai᳚stuṣṭu॒vāgṃ sa̭sta॒nūbhiḥ̭ | vyaśḙma de॒vahi̭taṃ॒-ya~dāyuḥ̭ | sva॒sti na॒ indro̭ vṛ॒ddhaśra̭vāḥ | sva॒sti naḥ̭ pū॒ṣā vi॒śvavḙdāḥ | sva॒sti na॒stārkṣyo॒ ari̭ṣṭanemiḥ | sva॒sti no॒ bṛha॒spati̭-rdadhātu ||

oṃ śānti॒-śśānti॒-śśāntiḥ̭ ||

|| o-mbrahmaṇe namaḥ ||

|| prathamamuṇḍake prathamaḥ khaṇḍaḥ ||

o-mbrahmā devānā-mprathama-ssambabhūva viśvasya kartā

bhuvanasya goptā | sa brahmavidyāṃ sarvavidyāpratiṣṭhāmatharvāya

jyeṣṭhaputrāya prāha || 1||

atharvaṇe yā-mpravadeta brahmā-'tharvā taṃ

purovācāṅgire brahmavidyām |

sa bhāradvājāya satyavāhāya prāha

bhāradvājo-'ṅgirase parāvarām || 2||

śaunako ha vai mahāśālo-'ṅgirasaṃ-vi~dhivadupasannaḥ papraccha |

kasminnu bhagavo vijñāte sarvamidaṃ-vi~jñāta-mbhavatīti || 3||

tasmai sa hovāca |

dve vidye veditavye iti ha sma

yadbrahmavido vadanti parā caivāparā ca || 4||

tatrāparā ṛgvedo yajurveda-ssāmavedo-'tharvavedaḥ

śikṣā kalpo vyākaraṇa-nnirukta-ñchando jyotiṣamiti |

atha parā yayā tadakṣaramadhigamyate || 5||

yattadadreśyamagrāhyamagotramavarṇa-

macakṣusśrotra-ntadapāṇipādam |

nityaṃ-vi~bhuṃ sarvagataṃ susūkṣmaṃ

tadavyayaṃ-ya~dbhūtayoni-mparipaśyanti dhīrāḥ || 6||

yathorṇanābhi-ssṛjate gṛhṇate ca

yathā pṛthivyāmoṣadhaya-ssambhavanti |

yathā sataḥ puruṣā-tkeśalomāni

tathā-'kṣarā-thsambhavatīha viśvam || 7||

tapasā cīyate brahma tato-'nnamabhijāyate |

annā-tprāṇo mana-ssatyaṃ-lo~kāḥ karmasu cāmṛtam || 8||

ya-ssarvajña-ssarvavidyasya jñānamaya-ntapaḥ |

tasmādetadbrahma nāma rūpamanna-ñca jāyate || 9||

|| iti muṇḍakopaniṣadi prathamamuṇḍake prathamaḥ khaṇḍaḥ ||