6.4 - Yajnena Vai Prajapatih Praja Asrijata - Krishna Yajurveda Taittiriya Samhita Pathah

ॐ

6.4 - 𑌯𑌜𑍍𑌞𑍇𑌨 𑌵𑍈 𑌪𑍍𑌰𑌜𑌾𑌪𑌤𑌿𑌃 𑌪𑍍𑌰𑌜𑌾 𑌅𑌸𑍃𑌜𑌤 - 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦 𑌤𑍈𑌤𑍍𑌤𑌿𑌰𑍀𑌯 𑌸𑌂𑌹𑌿𑌤𑌾 𑌪𑌾𑌠𑌃

Krishna Vedic Grantha

𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌸𑌂𑌹𑌿𑌤𑌾𑌯𑌾𑌂 𑌷𑌷𑍍𑌠𑌕𑌾𑌣𑍍𑌡𑍇 𑌚𑌤𑍁𑌰𑍍𑌥𑌃 𑌪𑍍𑌰𑌶𑍍𑌨𑌃 - 𑌸𑍋𑌮𑌮𑌨𑍍𑌤𑍍𑌰𑌬𑍍𑌰𑌾𑌹𑍍𑌮𑌣𑌨𑌿𑌰𑍂𑌪𑌣𑌂

𑌓-𑌨𑍍𑌨𑌮𑌃 𑌪𑌰𑌮𑌾𑌤𑍍𑌮𑌨𑍇, 𑌶𑍍𑌰𑍀 𑌮𑌹𑌾𑌗𑌣𑌪𑌤𑌯𑍇 𑌨𑌮𑌃,

𑌶𑍍𑌰𑍀 𑌗𑍁𑌰𑍁𑌭𑍍𑌯𑍋 𑌨𑌮𑌃 । 𑌹॒𑌰𑌿𑌃॒ 𑌓𑌮𑍍 ॥

𑌯॒𑌜𑍍𑌞𑍇𑌨॒ 𑌵𑍈 𑌪𑍍𑌰॒𑌜𑌾𑌪॑𑌤𑌿𑌃 𑌪𑍍𑌰॒𑌜𑌾 𑌅॑𑌸𑍃𑌜𑌤॒ 𑌤𑌾 𑌉॑𑌪॒𑌯𑌡𑍍𑌭𑌿॑-𑌰𑍇॒𑌵𑌾𑌸𑍃॑𑌜𑌤॒ 𑌯𑌦𑍁॑𑌪॒𑌯𑌜॑ 𑌉𑌪॒𑌯𑌜॑𑌤𑌿 𑌪𑍍𑌰॒𑌜𑌾 𑌏॒𑌵 𑌤-𑌦𑍍𑌯𑌜॑𑌮𑌾𑌨-𑌸𑍍𑌸𑍃𑌜𑌤𑍇 𑌜𑌘𑌨𑌾॒𑌰𑍍𑌧𑌾𑌦𑌵॑ 𑌦𑍍𑌯𑌤𑌿 𑌜𑌘𑌨𑌾॒𑌰𑍍𑌧𑌾𑌦𑍍𑌧𑌿 𑌪𑍍𑌰॒𑌜𑌾𑌃 𑌪𑍍𑌰॒𑌜𑌾𑌯॑𑌨𑍍𑌤𑍇 𑌸𑍍𑌥𑌵𑌿𑌮॒𑌤𑍋-𑌽𑌵॑ 𑌦𑍍𑌯𑌤𑌿 𑌸𑍍𑌥𑌵𑌿𑌮॒𑌤𑍋 𑌹𑌿 𑌪𑍍𑌰॒𑌜𑌾𑌃 𑌪𑍍𑌰॒𑌜𑌾𑌯॒𑌨𑍍𑌤𑍇 𑌽𑌸॑𑌮𑍍𑌭𑌿𑌨𑍍𑌦॒𑌨𑍍𑌨𑌵॑ 𑌦𑍍𑌯𑌤𑌿 𑌪𑍍𑌰𑌾॒𑌣𑌾𑌨𑌾॒-𑌮𑌸॑𑌮𑍍𑌭𑍇𑌦𑌾𑌯॒ 𑌨 𑌪॒𑌰𑍍𑌯𑌾𑌵॑𑌰𑍍𑌤𑌯𑌤𑌿॒ 𑌯-𑌤𑍍𑌪॑𑌰𑍍𑌯𑌾𑌵॒𑌰𑍍𑌤𑌯𑍇॑𑌦𑍁𑌦𑌾𑌵॒𑌰𑍍𑌤𑌃 𑌪𑍍𑌰॒𑌜𑌾 𑌗𑍍𑌰𑌾𑌹𑍁॑𑌕-𑌸𑍍𑌸𑍍𑌯𑌾-𑌥𑍍𑌸𑌮𑍁॒𑌦𑍍𑌰-𑌙𑍍𑌗॑𑌚𑍍𑌛॒ 𑌸𑍍𑌵𑌾𑌹𑍇𑌤𑍍𑌯𑌾॑𑌹॒ 𑌰𑍇𑌤॑ [𑌰𑍇𑌤𑌃॑, 𑌏॒𑌵] 1

𑌏॒𑌵 𑌤-𑌦𑍍𑌦॑𑌧𑌾𑌤𑍍𑌯॒𑌨𑍍𑌤𑌰𑌿॑𑌕𑍍𑌷-𑌙𑍍𑌗𑌚𑍍𑌛॒ 𑌸𑍍𑌵𑌾𑌹𑍇𑌤𑍍𑌯𑌾॑𑌹𑌾॒-𑌽𑌨𑍍𑌤𑌰𑌿॑𑌕𑍍𑌷𑍇𑌣𑍈॒𑌵𑌾𑌸𑍍𑌮𑍈᳚ 𑌪𑍍𑌰॒𑌜𑌾𑌃 𑌪𑍍𑌰 𑌜॑𑌨𑌯𑌤𑍍𑌯॒𑌨𑍍𑌤𑌰𑌿॑𑌕𑍍𑌷॒𑌗𑍍𑌗𑍍॒ 𑌹𑍍𑌯𑌨𑍁॑ 𑌪𑍍𑌰॒𑌜𑌾𑌃 𑌪𑍍𑌰॒𑌜𑌾𑌯॑𑌨𑍍𑌤𑍇 𑌦𑍇॒𑌵𑌗𑍍𑌂 𑌸॑𑌵𑌿॒𑌤𑌾𑌰॑-𑌙𑍍𑌗𑌚𑍍𑌛॒ 𑌸𑍍𑌵𑌾𑌹𑍇𑌤𑍍𑌯𑌾॑𑌹 𑌸𑌵𑌿॒𑌤𑍃𑌪𑍍𑌰॑𑌸𑍂𑌤 𑌏॒𑌵𑌾𑌸𑍍𑌮𑍈᳚ 𑌪𑍍𑌰॒𑌜𑌾𑌃 𑌪𑍍𑌰 𑌜॑𑌨𑌯𑌤𑍍𑌯-𑌹𑍋𑌰𑌾॒𑌤𑍍𑌰𑍇 𑌗॑𑌚𑍍𑌛॒ 𑌸𑍍𑌵𑌾𑌹𑍇𑌤𑍍𑌯𑌾॑𑌹𑌾-𑌹𑍋𑌰𑌾॒𑌤𑍍𑌰𑌾𑌭𑍍𑌯𑌾॑-𑌮𑍇॒𑌵𑌾𑌸𑍍𑌮𑍈᳚ 𑌪𑍍𑌰॒𑌜𑌾𑌃 𑌪𑍍𑌰 𑌜॑𑌨𑌯𑌤𑍍𑌯-𑌹𑍋𑌰𑌾॒𑌤𑍍𑌰𑍇 𑌹𑍍𑌯𑌨𑍁॑ 𑌪𑍍𑌰॒𑌜𑌾𑌃 𑌪𑍍𑌰॒𑌜𑌾𑌯॑𑌨𑍍𑌤𑍇 𑌮𑌿॒𑌤𑍍𑌰𑌾𑌵𑌰𑍁॑𑌣𑍗 𑌗𑌚𑍍𑌛॒ 𑌸𑍍𑌵𑌾𑌹𑍇- [𑌸𑍍𑌵𑌾𑌹𑌾᳚, 𑌇𑌤𑍍𑌯𑌾॑𑌹] 2

-𑌤𑍍𑌯𑌾॑𑌹 𑌪𑍍𑌰॒𑌜𑌾𑌸𑍍𑌵𑍇॒𑌵 𑌪𑍍𑌰𑌜𑌾॑𑌤𑌾𑌸𑍁 𑌪𑍍𑌰𑌾𑌣𑌾𑌪𑌾॒𑌨𑍗 𑌦॑𑌧𑌾𑌤𑌿॒ 𑌸𑍋𑌮॑-𑌙𑍍𑌗𑌚𑍍𑌛॒ 𑌸𑍍𑌵𑌾𑌹𑍇𑌤𑍍𑌯𑌾॑𑌹 𑌸𑍗॒𑌮𑍍𑌯𑌾 𑌹𑌿 𑌦𑍇॒𑌵𑌤॑𑌯𑌾 𑌪𑍍𑌰॒𑌜𑌾 𑌯॒𑌜𑍍𑌞-𑌙𑍍𑌗॑𑌚𑍍𑌛॒ 𑌸𑍍𑌵𑌾𑌹𑍇𑌤𑍍𑌯𑌾॑𑌹 𑌪𑍍𑌰॒𑌜𑌾 𑌏॒𑌵 𑌯॒𑌜𑍍𑌞𑌿𑌯𑌾𑌃᳚ 𑌕𑌰𑍋𑌤𑌿॒ 𑌛𑌨𑍍𑌦𑌾𑌗𑍍𑌂॑𑌸𑌿 𑌗𑌚𑍍𑌛॒ 𑌸𑍍𑌵𑌾𑌹𑍇𑌤𑍍𑌯𑌾॑𑌹 𑌪॒𑌶𑌵𑍋॒ 𑌵𑍈 𑌛𑌨𑍍𑌦𑌾𑌗𑍍𑌂॑𑌸𑌿 𑌪॒𑌶𑍂𑌨𑍇॒𑌵𑌾𑌵॑ 𑌰𑍁𑌨𑍍𑌧𑍇॒ 𑌦𑍍𑌯𑌾𑌵𑌾॑𑌪𑍃𑌥𑌿॒𑌵𑍀 𑌗॑𑌚𑍍𑌛॒ 𑌸𑍍𑌵𑌾𑌹𑍇𑌤𑍍𑌯𑌾॑𑌹 𑌪𑍍𑌰॒𑌜𑌾 𑌏॒𑌵 𑌪𑍍𑌰𑌜𑌾॑𑌤𑌾॒ 𑌦𑍍𑌯𑌾𑌵𑌾॑𑌪𑍃𑌥𑌿॒𑌵𑍀𑌭𑍍𑌯𑌾॑𑌮𑍁𑌭॒𑌯𑌤𑌃॒ 𑌪𑌰𑌿॑ 𑌗𑍃𑌹𑍍𑌣𑌾𑌤𑌿॒ 𑌨𑌭𑍋॑ [𑌨𑌭𑌃॑, 𑌦𑌿॒𑌵𑍍𑌯-𑌙𑍍𑌗॑𑌚𑍍𑌛॒] 3

𑌦𑌿॒𑌵𑍍𑌯-𑌙𑍍𑌗॑𑌚𑍍𑌛॒ 𑌸𑍍𑌵𑌾𑌹𑍇𑌤𑍍𑌯𑌾॑𑌹 𑌪𑍍𑌰॒𑌜𑌾𑌭𑍍𑌯॑ 𑌏॒𑌵 𑌪𑍍𑌰𑌜𑌾॑𑌤𑌾𑌭𑍍𑌯𑍋॒ 𑌵𑍃𑌷𑍍𑌟𑌿॒-𑌨𑍍𑌨𑌿𑌯॑𑌚𑍍𑌛𑌤𑍍𑌯॒𑌗𑍍𑌨𑌿𑌂-𑌵𑍈𑌁᳚𑌶𑍍𑌵𑌾𑌨॒𑌰-𑌙𑍍𑌗॑𑌚𑍍𑌛॒ 𑌸𑍍𑌵𑌾𑌹𑍇𑌤𑍍𑌯𑌾॑𑌹 𑌪𑍍𑌰॒𑌜𑌾 𑌏॒𑌵 𑌪𑍍𑌰𑌜𑌾॑𑌤𑌾 𑌅॒𑌸𑍍𑌯𑌾-𑌮𑍍𑌪𑍍𑌰𑌤𑌿॑ 𑌷𑍍𑌠𑌾𑌪𑌯𑌤𑌿 𑌪𑍍𑌰𑌾॒𑌣𑌾𑌨𑌾𑌂॒-𑌵𑌾𑌁 𑌏॒𑌷𑍋-𑌽𑌵॑ 𑌦𑍍𑌯𑌤𑌿॒ 𑌯𑍋॑-𑌽𑌵॒𑌦𑍍𑌯𑌤𑌿॑ 𑌗𑍁॒𑌦𑌸𑍍𑌯॒ 𑌮𑌨𑍋॑ 𑌮𑍇॒ 𑌹𑌾𑌰𑍍𑌦𑌿॑ 𑌯॒𑌚𑍍𑌛𑍇𑌤𑍍𑌯𑌾॑𑌹 𑌪𑍍𑌰𑌾॒𑌣𑌾𑌨𑍇॒𑌵 𑌯॑𑌥𑌾𑌸𑍍𑌥𑌾॒𑌨𑌮𑍁𑌪॑ 𑌹𑍍𑌵𑌯𑌤𑍇 𑌪॒𑌶𑍋𑌰𑍍𑌵𑌾 𑌆𑌲॑𑌬𑍍𑌧𑌸𑍍𑌯॒ 𑌹𑍃𑌦॑𑌯॒𑌗𑍍𑌂॒ 𑌶𑍁𑌗𑍃॑𑌚𑍍𑌛𑌤𑌿॒ 𑌸𑌾 𑌹𑍃॑𑌦𑌯𑌶𑍂॒𑌲- [𑌹𑍃॑𑌦𑌯𑌶𑍂॒𑌲𑌮𑍍, 𑌅॒𑌭𑌿 𑌸𑌮𑍇॑𑌤𑌿॒] 4

-𑌮॒𑌭𑌿 𑌸𑌮𑍇॑𑌤𑌿॒ 𑌯-𑌤𑍍𑌪𑍃॑𑌥𑌿॒𑌵𑍍𑌯𑌾𑌗𑍍𑌂 𑌹𑍃॑𑌦𑌯𑌶𑍂॒𑌲-𑌮𑍁॑𑌦𑍍𑌵𑌾॒𑌸𑌯𑍇᳚-𑌤𑍍𑌪𑍃𑌥𑌿॒𑌵𑍀𑌗𑍍𑌂 𑌶𑍁॒𑌚𑌾-𑌽𑌰𑍍𑌪॑𑌯𑍇॒-𑌦𑍍𑌯𑌦॒𑌫𑍍𑌸𑍍𑌵॑𑌪-𑌶𑍍𑌶𑍁॒𑌚𑌾-𑌽𑌰𑍍𑌪॑𑌯𑍇॒𑌚𑍍𑌛𑍁𑌷𑍍𑌕॑𑌸𑍍𑌯 𑌚𑌾॒-𑌽𑌽𑌰𑍍𑌦𑍍𑌰𑌸𑍍𑌯॑ 𑌚 𑌸॒𑌨𑍍𑌧𑌾𑌵𑍁𑌦𑍍𑌵𑌾॑𑌸𑌯𑌤𑍍𑌯𑍁॒𑌭𑌯॑𑌸𑍍𑌯॒ 𑌶𑌾𑌨𑍍𑌤𑍍𑌯𑍈॒ 𑌯-𑌨𑍍𑌦𑍍𑌵𑌿॒𑌷𑍍𑌯𑌾-𑌤𑍍𑌤-𑌨𑍍𑌧𑍍𑌯𑌾॑𑌯𑍇-𑌚𑍍𑌛𑍁॒𑌚𑍈𑌵𑍈𑌨॑-𑌮𑌰𑍍𑌪𑌯𑌤𑌿 ॥ 5 ॥

(𑌰𑍇𑌤𑍋॑ - 𑌮𑌿॒𑌤𑍍𑌰𑌾𑌵𑌰𑍁॑𑌣𑍗 𑌗𑌚𑍍𑌛॒ 𑌸𑍍𑌵𑌾𑌹𑌾॒ - 𑌨𑌭𑍋॑ - 𑌹𑍃𑌦𑌯𑌶𑍂॒𑌲𑌂 - 𑌦𑍍𑌵𑌾𑌤𑍍𑌰𑌿𑌗𑍍𑌂॑𑌶𑌚𑍍𑌚) (𑌅. 1)

𑌦𑍇॒𑌵𑌾 𑌵𑍈 𑌯॒𑌜𑍍𑌞𑌮𑌾𑌗𑍍𑌨𑍀᳚𑌦𑍍𑌧𑍍𑌰𑍇॒ 𑌵𑍍𑌯॑𑌭𑌜𑌨𑍍𑌤॒ 𑌤𑌤𑍋॒ 𑌯𑌦॒𑌤𑍍𑌯𑌶𑌿॑𑌷𑍍𑌯𑌤॒ 𑌤𑌦॑𑌬𑍍𑌰𑍁𑌵॒𑌨𑍍 𑌵𑌸॑𑌤𑍁॒ 𑌨𑍁 𑌨॑ 𑌇॒𑌦𑌮𑌿𑌤𑌿॒ 𑌤-𑌦𑍍𑌵॑𑌸𑌤𑍀॒𑌵𑌰𑍀॑𑌣𑌾𑌂-𑌵𑌁𑌸𑌤𑍀 𑌵𑌰𑌿॒𑌤𑍍𑌵-𑌨𑍍𑌤𑌸𑍍𑌮𑌿॑-𑌨𑍍𑌪𑍍𑌰𑌾॒𑌤𑌰𑍍𑌨 𑌸𑌮॑𑌶𑌕𑍍𑌨𑍁𑌵॒-𑌨𑍍𑌤𑌦॒𑌫𑍍𑌸𑍁 𑌪𑍍𑌰𑌾𑌵𑍇॑𑌶𑌯॒-𑌨𑍍𑌤𑌾 𑌵॑𑌸𑌤𑍀॒ 𑌵𑌰𑍀॑𑌰𑌭𑌵𑌨𑍍 𑌵𑌸𑌤𑍀॒𑌵𑌰𑍀᳚𑌰𑍍𑌗𑍃𑌹𑍍𑌣𑌾𑌤𑌿 𑌯॒𑌜𑍍𑌞𑍋 𑌵𑍈 𑌵॑𑌸𑌤𑍀॒ 𑌵𑌰𑍀᳚𑌰𑍍𑌯॒𑌜𑍍𑌞𑌮𑍇॒𑌵𑌾-𑌽𑌽𑌰𑌭𑍍𑌯॑ 𑌗𑍃𑌹𑍀॒𑌤𑍍𑌵𑍋𑌪॑ 𑌵𑌸𑌤𑌿॒ 𑌯𑌸𑍍𑌯𑌾𑌗𑍃॑𑌹𑍀𑌤𑌾 𑌅॒𑌭𑌿 𑌨𑌿॒𑌮𑍍𑌰𑍋𑌚𑍇॒-𑌦𑌨𑌾॑𑌰𑌬𑍍𑌧𑍋-𑌽𑌸𑍍𑌯 𑌯॒𑌜𑍍𑌞-𑌸𑍍𑌸𑍍𑌯𑌾᳚- [𑌯॒𑌜𑍍𑌞-𑌸𑍍𑌸𑍍𑌯𑌾᳚𑌤𑍍, 𑌯॒𑌜𑍍𑌞𑌂-𑌵𑌿𑌁] 6

-𑌦𑍍𑌯॒𑌜𑍍𑌞𑌂-𑌵𑌿𑌁 𑌚𑍍𑌛𑌿॑𑌨𑍍𑌦𑍍𑌯𑌾-𑌜𑍍𑌜𑍍𑌯𑍋𑌤𑌿॒𑌷𑍍𑌯𑌾॑ 𑌵𑌾 𑌗𑍃𑌹𑍍𑌣𑍀॒𑌯𑌾𑌦𑍍𑌧𑌿𑌰॑𑌣𑍍𑌯𑌂-𑌵𑌾𑌁 𑌽𑌵॒𑌧𑌾𑌯॒ 𑌸𑌶𑍁॑𑌕𑍍𑌰𑌾𑌣𑌾𑌮𑍇॒𑌵 𑌗𑍃॑𑌹𑍍𑌣𑌾𑌤𑌿॒ 𑌯𑍋 𑌵𑌾᳚ 𑌬𑍍𑌰𑌾𑌹𑍍𑌮॒𑌣𑍋 𑌬॑𑌹𑍁𑌯𑌾॒𑌜𑍀 𑌤𑌸𑍍𑌯॒ 𑌕𑍁𑌮𑍍𑌭𑍍𑌯𑌾॑𑌨𑌾-𑌙𑍍𑌗𑍃𑌹𑍍𑌣𑍀𑌯𑌾॒-𑌥𑍍𑌸 𑌹𑌿 𑌗𑍃॑𑌹𑍀॒𑌤 𑌵॑𑌸𑌤𑍀𑌵𑌰𑍀𑌕𑍋 𑌵𑌸𑌤𑍀॒𑌵𑌰𑍀᳚𑌰𑍍𑌗𑍃𑌹𑍍𑌣𑌾𑌤𑌿 𑌪॒𑌶𑌵𑍋॒ 𑌵𑍈 𑌵॑𑌸𑌤𑍀॒𑌵𑌰𑍀𑌃᳚ 𑌪॒𑌶𑍂𑌨𑍇॒𑌵𑌾-𑌽𑌽𑌰𑌭𑍍𑌯॑ 𑌗𑍃𑌹𑍀॒𑌤𑍍𑌵𑍋𑌪॑ 𑌵𑌸𑌤𑌿॒ 𑌯𑌦॑𑌨𑍍𑌵𑍀॒𑌪-𑌨𑍍𑌤𑌿𑌷𑍍𑌠॑-𑌨𑍍𑌗𑍃𑌹𑍍𑌣𑍀॒𑌯𑌾𑌨𑍍𑌨𑌿॒𑌰𑍍𑌮𑌾𑌰𑍍𑌗𑍁॑𑌕𑌾 𑌅𑌸𑍍𑌮𑌾-𑌤𑍍𑌪॒𑌶𑌵𑌃॑ 𑌸𑍍𑌯𑍁𑌃 𑌪𑍍𑌰𑌤𑍀॒𑌪-𑌨𑍍𑌤𑌿𑌷𑍍𑌠॑-𑌨𑍍𑌗𑍃𑌹𑍍𑌣𑌾𑌤𑌿 𑌪𑍍𑌰𑌤𑌿॒𑌰𑍁𑌦𑍍𑌧𑍍𑌯𑍈॒𑌵𑌾𑌸𑍍𑌮𑍈॑ 𑌪॒𑌶𑍂-𑌨𑍍𑌗𑍃॑𑌹𑍍𑌣𑌾॒𑌤𑍀𑌨𑍍𑌦𑍍𑌰𑍋॑ [𑌪॒𑌶𑍂-𑌨𑍍𑌗𑍃॑𑌹𑍍𑌣𑌾॒𑌤𑍀𑌨𑍍𑌦𑍍𑌰𑌃॑, 𑌵𑍃॒𑌤𑍍𑌰-] 7

𑌵𑍃॒𑌤𑍍𑌰-𑌮॑𑌹॒𑌨𑍍-𑌥𑍍𑌸𑍋᳚-𑌽(1॒)𑌪𑍋᳚-𑌽(1॒)𑌭𑍍𑌯॑𑌮𑍍𑌰𑌿𑌯𑌤॒ 𑌤𑌾𑌸𑌾𑌂॒-𑌯𑌁𑌨𑍍𑌮𑍇𑌦𑍍𑌧𑍍𑌯𑌂॑-𑌯𑌁॒𑌜𑍍𑌞𑌿𑌯॒𑌗𑍍𑌂॒ 𑌸𑌦𑍇॑𑌵॒𑌮𑌾𑌸𑍀॒-𑌤𑍍𑌤𑌦𑌤𑍍𑌯॑𑌮𑍁𑌚𑍍𑌯𑌤॒ 𑌤𑌾 𑌵𑌹॑𑌨𑍍𑌤𑍀𑌰𑌭𑌵॒𑌨𑍍 𑌵𑌹॑𑌨𑍍𑌤𑍀𑌨𑌾-𑌙𑍍𑌗𑍃𑌹𑍍𑌣𑌾𑌤𑌿॒ 𑌯𑌾 𑌏॒𑌵 𑌮𑍇𑌦𑍍𑌧𑍍𑌯𑌾॑ 𑌯॒𑌜𑍍𑌞𑌿𑌯𑌾॒-𑌸𑍍𑌸𑌦𑍇॑𑌵𑌾॒ 𑌆𑌪॒𑌸𑍍𑌤𑌾 𑌸𑌾॑𑌮𑍇॒𑌵 𑌗𑍃॑𑌹𑍍𑌣𑌾𑌤𑌿॒ 𑌨𑌾𑌨𑍍𑌤॒𑌮𑌾 𑌵𑌹॑𑌨𑍍𑌤𑍀॒𑌰𑌤𑍀॑𑌯𑌾॒-𑌦𑍍𑌯𑌦॑𑌨𑍍𑌤॒𑌮𑌾 𑌵𑌹॑𑌨𑍍𑌤𑍀𑌰𑌤𑍀॒𑌯𑌾-𑌦𑍍𑌯॒𑌜𑍍𑌞𑌮𑌤𑌿॑ 𑌮𑌨𑍍𑌯𑍇𑌤॒ 𑌨 𑌸𑍍𑌥𑌾॑𑌵॒𑌰𑌾𑌣𑌾᳚-𑌙𑍍𑌗𑍃𑌹𑍍𑌣𑍀𑌯𑌾॒-𑌦𑍍𑌵𑌰𑍁॑𑌣𑌗𑍃𑌹𑍀𑌤𑌾॒ 𑌵𑍈 𑌸𑍍𑌥𑌾॑𑌵॒𑌰𑌾 𑌯-𑌥𑍍𑌸𑍍𑌥𑌾॑𑌵॒𑌰𑌾𑌣𑌾᳚-𑌙𑍍𑌗𑍃𑌹𑍍𑌣𑍀॒𑌯𑌾- [𑌯-𑌥𑍍𑌸𑍍𑌥𑌾॑𑌵॒𑌰𑌾𑌣𑌾᳚-𑌙𑍍𑌗𑍃𑌹𑍍𑌣𑍀॒𑌯𑌾𑌤𑍍, 𑌵𑌰𑍁॑𑌣𑍇𑌨𑌾𑌸𑍍𑌯] 8

-𑌦𑍍𑌵𑌰𑍁॑𑌣𑍇𑌨𑌾𑌸𑍍𑌯 𑌯॒𑌜𑍍𑌞-𑌙𑍍𑌗𑍍𑌰𑌾॑𑌹𑌯𑍇॒-𑌦𑍍𑌯𑌦𑍍𑌵𑍈 𑌦𑌿𑌵𑌾॒ 𑌭𑌵॑𑌤𑍍𑌯॒𑌪𑍋 𑌰𑌾𑌤𑍍𑌰𑌿𑌃॒ 𑌪𑍍𑌰 𑌵𑌿॑𑌶𑌤𑌿॒ 𑌤𑌸𑍍𑌮𑌾᳚-𑌤𑍍𑌤𑌾॒𑌮𑍍𑌰𑌾 𑌆𑌪𑍋॒ 𑌦𑌿𑌵𑌾॑ 𑌦𑌦𑍃𑌶𑍍𑌰𑍇॒ 𑌯𑌨𑍍𑌨𑌕𑍍𑌤॒-𑌮𑍍𑌭𑌵॑𑌤𑍍𑌯॒𑌪𑍋-𑌽𑌹𑌃॒ 𑌪𑍍𑌰 𑌵𑌿॑𑌶𑌤𑌿॒ 𑌤𑌸𑍍𑌮𑌾᳚𑌚𑍍𑌚॒𑌨𑍍𑌦𑍍𑌰𑌾 𑌆𑌪𑍋॒ 𑌨𑌕𑍍𑌤॑-𑌨𑍍𑌦𑌦𑍃𑌶𑍍𑌰𑍇 𑌛𑌾॒𑌯𑌾𑌯𑍈॑ 𑌚𑌾॒-𑌽𑌽𑌤𑌪॑𑌤𑌶𑍍𑌚 𑌸॒𑌧𑍗-𑌙𑍍𑌗𑍃॑𑌹𑍍𑌣𑌾𑌤𑍍𑌯-𑌹𑍋𑌰𑌾॒𑌤𑍍𑌰𑌯𑍋॑𑌰𑍇॒𑌵𑌾𑌸𑍍𑌮𑍈॒ 𑌵𑌰𑍍𑌣॑-𑌙𑍍𑌗𑍃𑌹𑍍𑌣𑌾𑌤𑌿 𑌹॒𑌵𑌿𑌷𑍍𑌮॑𑌤𑍀𑌰𑌿॒𑌮𑌾 𑌆𑌪॒ 𑌇𑌤𑍍𑌯𑌾॑𑌹 𑌹॒𑌵𑌿𑌷𑍍𑌕𑍃॑𑌤𑌾𑌨𑌾𑌮𑍇॒𑌵 𑌗𑍃॑𑌹𑍍𑌣𑌾𑌤𑌿 𑌹॒𑌵𑌿𑌷𑍍𑌮𑌾𑌗𑍍𑌂॑ 𑌅𑌸𑍍𑌤𑍁॒- [𑌅𑌸𑍍𑌤𑍁, 𑌸𑍂𑌰𑍍𑌯॒] 9

𑌸𑍂𑌰𑍍𑌯॒ 𑌇𑌤𑍍𑌯𑌾॑𑌹॒ 𑌸𑌶𑍁॑𑌕𑍍𑌰𑌾𑌣𑌾𑌮𑍇॒𑌵 𑌗𑍃॑𑌹𑍍𑌣𑌾𑌤𑍍𑌯𑌨𑍁॒𑌷𑍍𑌟𑍁𑌭𑌾॑ 𑌗𑍃𑌹𑍍𑌣𑌾𑌤𑌿॒ 𑌵𑌾𑌗𑍍𑌵𑌾 𑌅॑𑌨𑍁॒𑌷𑍍𑌟𑍁𑌗𑍍 𑌵𑌾॒𑌚𑍈𑌵𑍈𑌨𑌾॒-𑌸𑍍𑌸𑌰𑍍𑌵॑𑌯𑌾 𑌗𑍃𑌹𑍍𑌣𑌾𑌤𑌿॒ 𑌚𑌤𑍁॑𑌷𑍍𑌪𑌦𑌯॒𑌰𑍍𑌚𑌾 𑌗𑍃॑𑌹𑍍𑌣𑌾𑌤𑌿॒ 𑌤𑍍𑌰𑌿-𑌸𑍍𑌸𑌾॑𑌦𑌯𑌤𑌿 𑌸॒𑌪𑍍𑌤 𑌸-𑌮𑍍𑌪॑𑌦𑍍𑌯𑌨𑍍𑌤𑍇 𑌸॒𑌪𑍍𑌤𑌪॑𑌦𑌾॒ 𑌶𑌕𑍍𑌵॑𑌰𑍀 𑌪॒𑌶𑌵॒-𑌶𑍍𑌶𑌕𑍍𑌵॑𑌰𑍀 𑌪॒𑌶𑍂𑌨𑍇॒𑌵𑌾𑌵॑ 𑌰𑍁𑌨𑍍𑌧𑍇॒ 𑌽𑌸𑍍𑌮𑍈 𑌵𑍈 𑌲𑍋॒𑌕𑌾𑌯॒ 𑌗𑌾𑌰𑍍𑌹॑𑌪𑌤𑍍𑌯॒ 𑌆 𑌧𑍀॑𑌯𑌤𑍇॒-𑌽𑌮𑍁𑌷𑍍𑌮𑌾॑ 𑌆𑌹𑌵॒𑌨𑍀𑌯𑍋॒ 𑌯-𑌦𑍍𑌗𑌾𑌰𑍍𑌹॑𑌪𑌤𑍍𑌯 𑌉𑌪𑌸𑌾॒𑌦𑌯𑍇॑𑌦॒𑌸𑍍𑌮𑌿𑌨𑍍 𑌁𑌲𑍋॒𑌕𑍇 𑌪॑𑌶𑍁॒𑌮𑌾𑌨𑍍-𑌥𑍍𑌸𑍍𑌯𑌾॒-𑌦𑍍𑌯𑌦𑌾॑𑌹𑌵॒𑌨𑍀𑌯𑍇॒-𑌽-𑌮𑍁𑌷𑍍𑌮𑌿॑- [-𑌮𑍁𑌷𑍍𑌮𑌿𑌨𑍍𑌨𑍍॑, 𑌲𑍋॒𑌕𑍇 𑌪॑𑌶𑍁॒𑌮𑌾𑌨𑍍𑌥𑍍𑌸𑍍𑌯𑌾॑-] 10

𑌁𑌲𑍍𑌲𑍋॒𑌕𑍇 𑌪॑𑌶𑍁॒𑌮𑌾𑌨𑍍𑌥𑍍𑌸𑍍𑌯𑌾॑-𑌦𑍁॒𑌭𑌯𑍋॒𑌰𑍁𑌪॑ 𑌸𑌾𑌦𑌯𑌤𑍍𑌯𑍁॒𑌭𑌯𑍋॑𑌰𑍇॒𑌵𑍈𑌨𑌂॑-𑌲𑍋𑌁॒𑌕𑌯𑍋𑌃᳚ 𑌪𑌶𑍁॒𑌮𑌨𑍍𑌤॑-𑌙𑍍𑌕𑌰𑍋𑌤𑌿 𑌸॒𑌰𑍍𑌵𑌤𑌃॒ 𑌪𑌰𑌿॑ 𑌹𑌰𑌤𑌿॒ 𑌰𑌕𑍍𑌷॑𑌸𑌾॒𑌮𑌪॑𑌹𑌤𑍍𑌯𑌾 𑌇𑌨𑍍𑌦𑍍𑌰𑌾𑌗𑍍𑌨𑌿॒𑌯𑍋𑌰𑍍𑌭𑌾॑𑌗॒𑌧𑍇𑌯𑍀॒-𑌸𑍍𑌸𑍍𑌥𑍇𑌤𑍍𑌯𑌾॑𑌹 𑌯𑌥𑌾𑌯॒𑌜𑍁𑌰𑍇॒𑌵𑍈𑌤𑌦𑌾𑌗𑍍𑌨𑍀᳚𑌦𑍍𑌧𑍍𑌰॒ 𑌉𑌪॑ 𑌵𑌾𑌸𑌯𑌤𑍍𑌯𑍇॒𑌤𑌦𑍍𑌵𑍈 𑌯॒𑌜𑍍𑌞𑌸𑍍𑌯𑌾𑌪॑𑌰𑌾𑌜𑌿𑌤𑌂॒-𑌯𑌁𑌦𑌾𑌗𑍍𑌨𑍀᳚𑌦𑍍𑌧𑍍𑌰𑌂॒-𑌯𑌁𑌦𑍇॒𑌵 𑌯॒𑌜𑍍𑌞𑌸𑍍𑌯𑌾𑌪॑𑌰𑌾𑌜𑌿𑌤॒-𑌨𑍍𑌤𑌦𑍇॒𑌵𑍈𑌨𑌾॒ 𑌉𑌪॑ 𑌵𑌾𑌸𑌯𑌤𑌿॒ 𑌯𑌤𑌃॒ 𑌖𑌲𑍁॒ 𑌵𑍈 𑌯॒𑌜𑍍𑌞𑌸𑍍𑌯॒ 𑌵𑌿𑌤॑𑌤𑌸𑍍𑌯॒ 𑌨 𑌕𑍍𑌰𑌿॒𑌯𑌤𑍇॒ 𑌤𑌦𑌨𑍁॑ 𑌯॒𑌜𑍍𑌞𑌗𑍍𑌂 𑌰𑌕𑍍𑌷𑌾॒𑌗𑍍॒𑌸𑍍𑌯𑌵॑ 𑌚𑌰𑌨𑍍𑌤𑌿॒ 𑌯-𑌦𑍍𑌵𑌹॑𑌨𑍍𑌤𑍀𑌨𑌾-𑌙𑍍𑌗𑍃॒𑌹𑍍𑌣𑌾𑌤𑌿॑ 𑌕𑍍𑌰𑌿॒𑌯𑌮𑌾॑𑌣𑌮𑍇॒𑌵 𑌤-𑌦𑍍𑌯॒𑌜𑍍𑌞𑌸𑍍𑌯॑ 𑌶𑌯𑍇॒ 𑌰𑌕𑍍𑌷॑𑌸𑌾॒-𑌮𑌨॑𑌨𑍍𑌵𑌵𑌚𑌾𑌰𑌾𑌯॒ 𑌨 𑌹𑍍𑌯𑍇॑𑌤𑌾 𑌈॒𑌲𑌯॒𑌨𑍍𑌤𑍍𑌯𑌾 𑌤𑍃॑𑌤𑍀𑌯𑌸𑌵॒𑌨𑌾-𑌤𑍍𑌪𑌰𑌿॑ 𑌶𑍇𑌰𑍇 𑌯॒𑌜𑍍𑌞𑌸𑍍𑌯॒ 𑌸𑌨𑍍𑌤॑𑌤𑍍𑌯𑍈 ॥ 11 ॥

(𑌸𑍍𑌯𑌾॒ - 𑌦𑌿𑌨𑍍𑌦𑍍𑌰𑍋॑ - 𑌗𑍃𑌹𑍍𑌣𑍀॒𑌯𑌾 - 𑌦॑𑌸𑍍𑌤𑍍𑌵॒ - 𑌮𑍁𑌷𑍍𑌮𑌿॑𑌨𑍍 - 𑌕𑍍𑌰𑌿॒𑌯𑌤𑍇॒ - 𑌷𑌡𑍍𑌵𑌿𑌗𑍍𑌂॑𑌶𑌤𑌿𑌶𑍍𑌚) (𑌅. 2)

𑌬𑍍𑌰॒𑌹𑍍𑌮॒𑌵𑌾॒𑌦𑌿𑌨𑍋॑ 𑌵𑌦𑌨𑍍𑌤𑌿॒ 𑌸 𑌤𑍍𑌵𑌾 𑌅॑𑌦𑍍𑌧𑍍𑌵॒𑌰𑍍𑌯𑍁-𑌸𑍍𑌸𑍍𑌯𑌾॒𑌦𑍍𑌯-𑌸𑍍𑌸𑍋𑌮॑-𑌮𑍁𑌪𑌾𑌵॒𑌹𑌰॒𑌨𑍍-𑌥𑍍𑌸𑌰𑍍𑌵𑌾᳚𑌭𑍍𑌯𑍋 𑌦𑍇॒𑌵𑌤𑌾᳚𑌭𑍍𑌯 𑌉𑌪𑌾𑌵॒𑌹𑌰𑍇॒-𑌦𑌿𑌤𑌿॑ 𑌹𑍃॒𑌦𑍇 𑌤𑍍𑌵𑍇𑌤𑍍𑌯𑌾॑𑌹 𑌮𑌨𑍁॒𑌷𑍍𑌯𑍇᳚𑌭𑍍𑌯 𑌏॒𑌵𑍈𑌤𑍇𑌨॑ 𑌕𑌰𑍋𑌤𑌿॒ 𑌮𑌨॑𑌸𑍇॒ 𑌤𑍍𑌵𑍇𑌤𑍍𑌯𑌾॑𑌹 𑌪𑌿॒𑌤𑍃𑌭𑍍𑌯॑ 𑌏॒𑌵𑍈𑌤𑍇𑌨॑ 𑌕𑌰𑍋𑌤𑌿 𑌦𑌿॒𑌵𑍇 𑌤𑍍𑌵𑌾॒ 𑌸𑍂𑌰𑍍𑌯𑌾॑𑌯॒ 𑌤𑍍𑌵𑍇𑌤𑍍𑌯𑌾॑𑌹 𑌦𑍇॒𑌵𑍇𑌭𑍍𑌯॑ 𑌏॒𑌵𑍈𑌤𑍇𑌨॑ 𑌕𑌰𑍋𑌤𑍍𑌯𑍇॒𑌤𑌾𑌵॑𑌤𑍀॒-𑌰𑍍𑌵𑍈 𑌦𑍇॒𑌵𑌤𑌾॒𑌸𑍍𑌤𑌾𑌭𑍍𑌯॑ 𑌏॒𑌵𑍈𑌨॒𑌗𑍍𑌂॒ 𑌸𑌰𑍍𑌵𑌾᳚𑌭𑍍𑌯 𑌉॒𑌪𑌾𑌵॑𑌹𑌰𑌤𑌿 𑌪𑍁॒𑌰𑌾 𑌵𑌾॒𑌚𑌃 [𑌵𑌾॒𑌚𑌃, 𑌪𑍍𑌰𑌵॑𑌦𑌿𑌤𑍋𑌃] 12

𑌪𑍍𑌰𑌵॑𑌦𑌿𑌤𑍋𑌃 𑌪𑍍𑌰𑌾𑌤𑌰𑌨𑍁𑌵𑌾॒𑌕-𑌮𑍁॒𑌪𑌾𑌕॑𑌰𑍋𑌤𑌿॒ 𑌯𑌾𑌵॑𑌤𑍍𑌯𑍇॒𑌵 𑌵𑌾-𑌕𑍍𑌤𑌾-𑌮𑌵॑ 𑌰𑍁𑌨𑍍𑌧𑍇॒ 𑌽𑌪𑍋-𑌽𑌗𑍍𑌰𑍇॑-𑌽𑌭𑌿॒𑌵𑍍𑌯𑌾𑌹॑𑌰𑌤𑌿 𑌯॒𑌜𑍍𑌞𑍋 𑌵𑌾 𑌆𑌪𑍋॑ 𑌯॒𑌜𑍍𑌞𑌮𑍇॒𑌵𑌾𑌭𑌿 𑌵𑌾𑌚𑌂॒-𑌵𑌿𑌁𑌸𑍃॑𑌜𑌤𑌿॒ 𑌸𑌰𑍍𑌵𑌾॑𑌣𑌿॒ 𑌛𑌨𑍍𑌦𑌾॒𑌗𑍍॒𑌸𑍍𑌯𑌨𑍍𑌵𑌾॑𑌹 𑌪॒𑌶𑌵𑍋॒ 𑌵𑍈 𑌛𑌨𑍍𑌦𑌾𑌗𑍍𑌂॑𑌸𑌿 𑌪॒𑌶𑍂𑌨𑍇॒𑌵𑌾𑌵॑ 𑌰𑍁𑌨𑍍𑌧𑍇 𑌗𑌾𑌯𑌤𑍍𑌰𑌿॒𑌯𑌾 𑌤𑍇𑌜॑𑌸𑍍𑌕𑌾𑌮𑌸𑍍𑌯॒ 𑌪𑌰𑌿॑ 𑌦𑌦𑍍𑌧𑍍𑌯𑌾-𑌤𑍍𑌤𑍍𑌰𑌿॒𑌷𑍍𑌟𑍁𑌭𑍇᳚𑌨𑍍𑌦𑍍𑌰𑌿॒𑌯𑌕𑌾॑𑌮𑌸𑍍𑌯॒ 𑌜𑌗॑𑌤𑍍𑌯𑌾 𑌪॒𑌶𑍁𑌕𑌾॑𑌮𑌸𑍍𑌯𑌾-𑌽𑌨𑍁॒𑌷𑍍𑌟𑍁𑌭𑌾᳚ 𑌪𑍍𑌰𑌤𑌿॒𑌷𑍍𑌠𑌾𑌕𑌾॑𑌮𑌸𑍍𑌯 𑌪॒𑌙𑍍𑌕𑍍𑌤𑍍𑌯𑌾 𑌯॒𑌜𑍍𑌞𑌕𑌾॑𑌮𑌸𑍍𑌯 𑌵𑌿॒𑌰𑌾𑌜𑌾-𑌽𑌨𑍍𑌨॑𑌕𑌾𑌮𑌸𑍍𑌯 𑌶𑍃॒𑌣𑍋𑌤𑍍𑌵॒𑌗𑍍𑌨𑌿-𑌸𑍍𑌸॒𑌮𑌿𑌧𑌾॒ 𑌹𑌵॑- [𑌹𑌵᳚𑌮𑍍, 𑌮॒ 𑌇𑌤𑍍𑌯𑌾॑𑌹] 13

-𑌮𑍍𑌮॒ 𑌇𑌤𑍍𑌯𑌾॑𑌹 𑌸𑌵𑌿॒𑌤𑍃𑌪𑍍𑌰॑𑌸𑍂𑌤 𑌏॒𑌵 𑌦𑍇॒𑌵𑌤𑌾᳚𑌭𑍍𑌯𑍋 𑌨𑌿॒𑌵𑍇𑌦𑍍𑌯𑌾॒-𑌽𑌪𑍋-𑌽𑌚𑍍𑌛𑍈᳚𑌤𑍍𑌯॒𑌪 𑌇॑𑌷𑍍𑌯 𑌹𑍋𑌤॒-𑌰𑌿𑌤𑍍𑌯𑌾॑𑌹𑍇𑌷𑌿॒𑌤𑌗𑍍𑌂 𑌹𑌿 𑌕𑌰𑍍𑌮॑ 𑌕𑍍𑌰𑌿॒𑌯𑌤𑍇॒ 𑌮𑍈𑌤𑍍𑌰𑌾॑𑌵𑌰𑍁𑌣𑌸𑍍𑌯 𑌚𑌮𑌸𑌾𑌦𑍍𑌧𑍍𑌵𑌰𑍍𑌯॒𑌵𑌾 𑌦𑍍𑌰॒𑌵𑍇𑌤𑍍𑌯𑌾॑𑌹 𑌮𑌿॒𑌤𑍍𑌰𑌾𑌵𑌰𑍁॑𑌣𑍗॒ 𑌵𑌾 𑌅॒𑌪𑌾-𑌨𑍍𑌨𑍇॒𑌤𑌾𑌰𑍗॒ 𑌤𑌾𑌭𑍍𑌯𑌾॑𑌮𑍇॒𑌵𑍈𑌨𑌾॒ 𑌅𑌚𑍍𑌛𑍈॑𑌤𑌿॒ 𑌦𑍇𑌵𑍀॑𑌰𑌾𑌪𑍋 𑌅𑌪𑌾-𑌨𑍍𑌨𑌪𑌾॒-𑌦𑌿𑌤𑍍𑌯𑌾॒𑌹𑌾-𑌽𑌽𑌹𑍁॑𑌤𑍍𑌯𑍈॒𑌵𑍈𑌨𑌾॑ 𑌨𑌿॒𑌷𑍍𑌕𑍍𑌰𑍀𑌯॑ 𑌗𑍃𑌹𑍍𑌣𑌾॒𑌤𑍍𑌯𑌥𑍋॑ 𑌹॒𑌵𑌿𑌷𑍍𑌕𑍃॑𑌤𑌾𑌨𑌾-𑌮𑍇॒𑌵𑌾𑌭𑌿𑌘𑍃॑𑌤𑌾𑌨𑌾-𑌙𑍍𑌗𑍃𑌹𑍍𑌣𑌾𑌤𑌿॒- [-𑌮𑍇॒𑌵𑌾𑌭𑌿𑌘𑍃॑𑌤𑌾𑌨𑌾-𑌙𑍍𑌗𑍃𑌹𑍍𑌣𑌾𑌤𑌿, 𑌕𑌾𑌰𑍍𑌷𑌿॑-𑌰॒𑌸𑍀𑌤𑍍𑌯𑌾॑𑌹॒] 14

𑌕𑌾𑌰𑍍𑌷𑌿॑-𑌰॒𑌸𑍀𑌤𑍍𑌯𑌾॑𑌹॒ 𑌶𑌮॑𑌲𑌮𑍇॒𑌵𑌾-𑌽𑌽𑌸𑌾॒𑌮𑌪॑ 𑌪𑍍𑌲𑌾𑌵𑌯𑌤𑌿 𑌸𑌮𑍁॒𑌦𑍍𑌰𑌸𑍍𑌯॒ 𑌵𑍋-𑌽𑌕𑍍𑌷𑌿॑𑌤𑍍𑌯𑌾॒ 𑌉𑌨𑍍𑌨॑𑌯॒ 𑌇𑌤𑍍𑌯𑌾॑𑌹॒ 𑌤𑌸𑍍𑌮𑌾॑𑌦॒𑌦𑍍𑌯𑌮𑌾॑𑌨𑌾𑌃 𑌪𑍀॒𑌯𑌮𑌾॑𑌨𑌾॒ 𑌆𑌪𑍋॒ 𑌨 𑌕𑍍𑌷𑍀॑𑌯𑌨𑍍𑌤𑍇॒ 𑌯𑍋𑌨𑌿॒𑌰𑍍𑌵𑍈 𑌯॒𑌜𑍍𑌞𑌸𑍍𑌯॒ 𑌚𑌾𑌤𑍍𑌵𑌾॑𑌲𑌂-𑌯𑌁॒𑌜𑍍𑌞𑍋 𑌵॑𑌸𑌤𑍀॒𑌵𑌰𑍀𑌰𑍍॑. 𑌹𑍋𑌤𑍃𑌚𑌮॒𑌸-𑌞𑍍𑌚॑ 𑌮𑍈𑌤𑍍𑌰𑌾𑌵𑌰𑍁𑌣𑌚𑌮॒𑌸-𑌞𑍍𑌚॑ 𑌸॒𑌗𑍍𑌗𑍍॒𑌸𑍍𑌪𑌰𑍍𑌶𑍍𑌯॑ 𑌵𑌸𑌤𑍀॒𑌵𑌰𑍀॒𑌰𑍍𑌵𑍍𑌯𑌾𑌨॑𑌯𑌤𑌿 𑌯॒𑌜𑍍𑌞𑌸𑍍𑌯॑ 𑌸𑌯𑍋𑌨𑌿॒𑌤𑍍𑌵𑌾𑌯𑌾𑌥𑍋॒ 𑌸𑍍𑌵𑌾𑌦𑍇॒𑌵𑍈𑌨𑌾॒ 𑌯𑍋𑌨𑍇𑌃॒ 𑌪𑍍𑌰 𑌜॑𑌨𑌯𑌤𑍍𑌯𑌦𑍍𑌧𑍍𑌵॒𑌰𑍍𑌯𑍋-𑌽𑌵𑍇॑𑌰॒𑌪𑌾(3) 𑌇𑌤𑍍𑌯𑌾॑𑌹𑍋॒𑌤𑍇 -𑌮॑𑌨𑌨𑍍𑌨𑌮𑍁𑌰𑍁॒𑌤𑍇𑌮𑌾𑌃 𑌪॒𑌶𑍍𑌯𑍇𑌤𑌿॒ 𑌵𑌾𑌵𑍈𑌤𑌦𑌾॑𑌹॒ 𑌯𑌦𑍍𑌯॑𑌗𑍍𑌨𑌿𑌷𑍍𑌟𑍋॒𑌮𑍋 𑌜𑍁॒𑌹𑍋𑌤𑌿॒ 𑌯𑌦𑍍𑌯𑍁॒𑌕𑍍𑌥𑍍𑌯𑌃॑ 𑌪𑌰𑌿॒𑌧𑍗 𑌨𑌿 𑌮𑌾᳚𑌰𑍍𑌷𑍍𑌟𑌿॒ 𑌯𑌦𑍍𑌯॑𑌤𑌿𑌰𑌾॒𑌤𑍍𑌰𑍋 𑌯𑌜𑍁॒𑌰𑍍𑌵𑌦॒-𑌨𑍍𑌪𑍍𑌰 𑌪॑𑌦𑍍𑌯𑌤𑍇 𑌯𑌜𑍍𑌞𑌕𑍍𑌰𑌤𑍂॒𑌨𑌾𑌂-𑌵𑍍𑌯𑌾𑌁𑌵𑍃॑𑌤𑍍𑌤𑍍𑌯𑍈 ॥ 15 ॥

(𑌵𑌾॒𑌚𑍋-𑌹𑌵॑-𑌮॒𑌭𑌿𑌘𑍃॑𑌤𑌾𑌨𑌾-𑌙𑍍𑌗𑍃𑌹𑍍𑌣𑌾𑌤𑍍𑌯𑍁॒ - 𑌤 - 𑌪𑌞𑍍𑌚॑𑌵𑌿𑌗𑍍𑌂𑌶𑌤𑌿𑌶𑍍𑌚) (𑌅. 3)

𑌦𑍇॒𑌵𑌸𑍍𑌯॑ 𑌤𑍍𑌵𑌾 𑌸𑌵𑌿॒𑌤𑍁𑌃 𑌪𑍍𑌰॑𑌸॒𑌵 𑌇𑌤𑌿॒ 𑌗𑍍𑌰𑌾𑌵𑌾॑𑌣॒𑌮𑌾 𑌦॑𑌤𑍍𑌤𑍇॒ 𑌪𑍍𑌰𑌸𑍂᳚𑌤𑍍𑌯𑌾 𑌅॒𑌶𑍍𑌵𑌿𑌨𑍋᳚-𑌰𑍍𑌬𑌾॒𑌹𑍁𑌭𑍍𑌯𑌾॒𑌮𑌿𑌤𑍍𑌯𑌾॑𑌹𑌾॒𑌶𑍍𑌵𑌿𑌨𑍗॒ 𑌹𑌿 𑌦𑍇॒𑌵𑌾𑌨𑌾॑𑌮𑌦𑍍𑌧𑍍𑌵॒𑌰𑍍𑌯𑍂 𑌆𑌸𑍍𑌤𑌾᳚-𑌮𑍍𑌪𑍂॒𑌷𑍍𑌣𑍋 𑌹𑌸𑍍𑌤𑌾᳚𑌭𑍍𑌯𑌾॒𑌮𑌿𑌤𑍍𑌯𑌾॑𑌹॒ 𑌯𑌤𑍍𑌯𑍈॑ 𑌪॒𑌶𑌵𑍋॒ 𑌵𑍈 𑌸𑍋𑌮𑍋᳚ 𑌵𑍍𑌯𑌾॒𑌨 𑌉॑𑌪𑌾𑌗𑍍𑌂𑌶𑍁॒𑌸𑌵॑𑌨𑍋॒ 𑌯𑌦𑍁॑𑌪𑌾𑌗𑍍𑌂𑌶𑍁॒𑌸𑌵॑𑌨-𑌮॒𑌭𑌿 𑌮𑌿𑌮𑍀॑𑌤𑍇 𑌵𑍍𑌯𑌾॒𑌨𑌮𑍇॒𑌵 𑌪॒𑌶𑍁𑌷𑍁॑ 𑌦𑌧𑌾॒𑌤𑍀𑌨𑍍𑌦𑍍𑌰𑌾॑𑌯॒ 𑌤𑍍𑌵𑍇𑌨𑍍𑌦𑍍𑌰𑌾॑𑌯॒ 𑌤𑍍𑌵𑍇𑌤𑌿॑ 𑌮𑌿𑌮𑍀𑌤॒ 𑌇𑌨𑍍𑌦𑍍𑌰𑌾॑𑌯॒ 𑌹𑌿 𑌸𑍋𑌮॑ 𑌆𑌹𑍍𑌰𑌿॒𑌯𑌤𑍇॒ 𑌪𑌞𑍍𑌚॒ 𑌕𑍃𑌤𑍍𑌵𑍋॒ 𑌯𑌜𑍁॑𑌷𑌾 𑌮𑌿𑌮𑍀𑌤𑍇॒ [𑌮𑌿𑌮𑍀𑌤𑍇, 𑌪𑌞𑍍𑌚𑌾᳚𑌕𑍍𑌷𑌰𑌾] 16

𑌪𑌞𑍍𑌚𑌾᳚𑌕𑍍𑌷𑌰𑌾 𑌪॒𑌙𑍍𑌕𑍍𑌤𑌿𑌃 𑌪𑌾𑌙𑍍𑌕𑍍𑌤𑍋॑ 𑌯॒𑌜𑍍𑌞𑍋 𑌯॒𑌜𑍍𑌞𑌮𑍇॒𑌵𑌾𑌵॑ 𑌰𑍁𑌨𑍍𑌧𑍇॒ 𑌪𑌞𑍍𑌚॒ 𑌕𑍃𑌤𑍍𑌵॑𑌸𑍍𑌤𑍂॒𑌷𑍍𑌣𑍀-𑌨𑍍𑌦𑌶॒ 𑌸-𑌮𑍍𑌪॑𑌦𑍍𑌯𑌨𑍍𑌤𑍇॒ 𑌦𑌶𑌾᳚𑌕𑍍𑌷𑌰𑌾 𑌵𑌿॒𑌰𑌾𑌡𑌨𑍍𑌨𑌂॑-𑌵𑌿𑌁॒𑌰𑌾-𑌡𑍍𑌵𑌿॒𑌰𑌾𑌜𑍈॒𑌵𑌾𑌨𑍍𑌨𑌾𑌦𑍍𑌯॒𑌮𑌵॑ 𑌰𑍁𑌨𑍍𑌧𑍇 𑌶𑍍𑌵𑌾॒𑌤𑍍𑌰𑌾-𑌸𑍍𑌸𑍍𑌥॑ 𑌵𑍃𑌤𑍍𑌰॒𑌤𑍁𑌰॒ 𑌇𑌤𑍍𑌯𑌾॑𑌹𑍈॒𑌷 𑌵𑌾 𑌅॒𑌪𑌾𑌗𑍍𑌂 𑌸𑍋॑𑌮𑌪𑍀॒𑌥𑍋 𑌯 𑌏॒𑌵𑌂-𑌵𑍇𑌁𑌦॒ 𑌨𑌾-𑌽𑌫𑍍𑌸𑍍𑌵𑌾𑌰𑍍𑌤𑌿॒𑌮𑌾𑌰𑍍𑌚𑍍𑌛॑𑌤𑌿॒ 𑌯𑌤𑍍𑌤𑍇॑ 𑌸𑍋𑌮 𑌦𑌿॒𑌵𑌿 𑌜𑍍𑌯𑍋𑌤𑌿॒𑌰𑌿𑌤𑍍𑌯𑌾॑𑌹𑍈॒𑌭𑍍𑌯 𑌏॒𑌵𑍈𑌨॑- [𑌏॒𑌵𑍈𑌨᳚𑌮𑍍, 𑌲𑍋॒𑌕𑍇𑌭𑍍𑌯॒] 17

𑌁𑌲𑍍𑌲𑍋॒𑌕𑍇𑌭𑍍𑌯॒-𑌸𑍍𑌸-𑌮𑍍𑌭॑𑌰𑌤𑌿॒ 𑌸𑍋𑌮𑍋॒ 𑌵𑍈 𑌰𑌾𑌜𑌾॒ 𑌦𑌿𑌶𑍋॒-𑌽𑌭𑍍𑌯॑𑌦𑍍𑌧𑍍𑌯𑌾𑌯॒-𑌥𑍍𑌸 𑌦𑌿𑌶𑍋-𑌽𑌨𑍁॒ 𑌪𑍍𑌰𑌾𑌵𑌿॑𑌶॒-𑌤𑍍𑌪𑍍𑌰𑌾𑌗𑌪𑌾॒𑌗𑍁𑌦॑𑌗𑌧॒𑌰𑌾𑌗𑌿𑌤𑍍𑌯𑌾॑𑌹 𑌦𑌿॒𑌗𑍍𑌭𑍍𑌯 𑌏॒𑌵𑍈𑌨॒𑌗𑍍𑌂॒ 𑌸-𑌮𑍍𑌭॑𑌰॒𑌤𑍍𑌯𑌥𑍋॒ 𑌦𑌿𑌶॑ 𑌏॒𑌵𑌾𑌸𑍍𑌮𑌾॒ 𑌅𑌵॑ 𑌰𑍁॒𑌨𑍍𑌧𑍇 𑌽𑌮𑍍𑌬॒ 𑌨𑌿 𑌷𑍍𑌵॒𑌰𑍇𑌤𑍍𑌯𑌾॑𑌹॒ 𑌕𑌾𑌮𑍁॑𑌕𑌾 𑌏𑌨॒𑌗𑍍𑌗𑍍॒ 𑌸𑍍𑌤𑍍𑌰𑌿𑌯𑍋॑ 𑌭𑌵𑌨𑍍𑌤𑌿॒ 𑌯 𑌏॒𑌵𑌂-𑌵𑍇𑌁𑌦॒ 𑌯-𑌤𑍍𑌤𑍇॑ 𑌸𑍋॒𑌮𑌾𑌦𑌾᳚𑌭𑍍𑌯॒-𑌨𑍍𑌨𑌾𑌮॒ 𑌜𑌾𑌗𑍃॒𑌵𑍀- [𑌜𑌾𑌗𑍃॒𑌵𑍀𑌤𑌿॑, 𑌆॒𑌹𑍈॒𑌷 𑌵𑍈] 18

-𑌤𑍍𑌯𑌾॑𑌹𑍈॒𑌷 𑌵𑍈 𑌸𑍋𑌮॑𑌸𑍍𑌯 𑌸𑍋𑌮𑌪𑍀॒𑌥𑍋 𑌯 𑌏॒𑌵𑌂-𑌵𑍇𑌁𑌦॒ 𑌨 𑌸𑍗॒𑌮𑍍𑌯𑌾𑌮𑌾𑌰𑍍𑌤𑌿॒𑌮𑌾𑌰𑍍𑌚𑍍𑌛॑𑌤𑌿॒ 𑌘𑍍𑌨𑌨𑍍𑌤𑌿॒ 𑌵𑌾 𑌏॒𑌤-𑌥𑍍𑌸𑍋𑌮𑌂॒-𑌯𑌁𑌦॑𑌭𑌿𑌷𑍁॒𑌣𑍍𑌵𑌨𑍍𑌤𑍍𑌯॒𑌗𑍍𑌂॒ 𑌶𑍂𑌨𑌪॑ 𑌗𑍃𑌹𑍍𑌣𑌾𑌤𑌿॒ 𑌤𑍍𑌰𑌾𑌯॑𑌤 𑌏॒𑌵𑍈𑌨॑-𑌮𑍍𑌪𑍍𑌰𑌾॒𑌣𑌾 𑌵𑌾 𑌅॒𑌗𑍍𑌂॒𑌶𑌵𑌃॑ 𑌪॒𑌶𑌵॒-𑌸𑍍𑌸𑍋𑌮𑍋॒ 𑌽𑌗𑍍𑌂॒𑌶𑍂-𑌨𑍍𑌪𑍁𑌨॒𑌰𑌪𑌿॑ 𑌸𑍃𑌜𑌤𑌿 𑌪𑍍𑌰𑌾॒𑌣𑌾𑌨𑍇॒𑌵 𑌪॒𑌶𑍁𑌷𑍁॑ 𑌦𑌧𑌾𑌤𑌿॒ 𑌦𑍍𑌵𑍗𑌦𑍍𑌵𑌾॒𑌵𑌪𑌿॑ 𑌸𑍃𑌜𑌤𑌿॒ 𑌤𑌸𑍍𑌮𑌾॒-𑌦𑍍𑌦𑍍𑌵𑍗𑌦𑍍𑌵𑍗᳚ 𑌪𑍍𑌰𑌾॒𑌣𑌾𑌃 ॥ 19 ॥

(𑌯𑌜𑍁॑𑌷𑌾 𑌮𑌿𑌮𑍀𑌤 - 𑌏𑌨𑌂॒ - 𑌜𑌾𑌗𑍃॒𑌵𑍀𑌤𑌿॒ - 𑌚𑌤𑍁॑𑌶𑍍𑌚𑌤𑍍𑌵𑌾𑌰𑌿𑌗𑍍𑌂𑌶𑌚𑍍𑌚) (𑌅. 4)

𑌪𑍍𑌰𑌾॒𑌣𑍋 𑌵𑌾 𑌏॒𑌷 𑌯𑌦𑍁॑𑌪𑌾॒𑌗𑍍𑌂॒𑌶𑍁 𑌰𑍍𑌯𑌦𑍁𑌪𑌾॒𑌗𑍍॒𑌶𑍍𑌵॑𑌗𑍍𑌰𑌾॒ 𑌗𑍍𑌰𑌹𑌾॑ 𑌗𑍃॒𑌹𑍍𑌯𑌨𑍍𑌤𑍇᳚ 𑌪𑍍𑌰𑌾॒𑌣𑌮𑍇॒𑌵𑌾𑌨𑍁॒ 𑌪𑍍𑌰 𑌯॑𑌨𑍍𑌤𑍍𑌯𑌰𑍁॒𑌣𑍋 𑌹॑ 𑌸𑍍𑌮𑌾॒-𑌽𑌽𑌹𑍗𑌪॑𑌵𑍇𑌶𑌿𑌃 𑌪𑍍𑌰𑌾𑌤𑌸𑍍𑌸𑌵॒𑌨 𑌏॒𑌵𑌾𑌹𑌂-𑌯𑌁॒𑌜𑍍𑌞𑌗𑍍𑌂 𑌸𑌗𑍍𑌗𑍍 𑌸𑍍𑌥𑌾॑𑌪𑌯𑌾𑌮𑌿॒ 𑌤𑍇𑌨॒ 𑌤𑌤॒-𑌸𑍍𑌸𑌗𑍍𑌗𑍍𑌸𑍍𑌥𑌿॑𑌤𑍇𑌨 𑌚𑌰𑌾॒𑌮𑍀𑌤𑍍𑌯॒𑌷𑍍𑌟𑍗 𑌕𑍃𑌤𑍍𑌵𑍋-𑌽𑌗𑍍𑌰𑍇॒-𑌽𑌭𑌿𑌷𑍁॑𑌣𑍋-𑌤𑍍𑌯॒𑌷𑍍𑌟𑌾𑌕𑍍𑌷॑𑌰𑌾 𑌗𑌾𑌯॒𑌤𑍍𑌰𑍀 𑌗𑌾॑𑌯॒𑌤𑍍𑌰-𑌮𑍍𑌪𑍍𑌰𑌾॑𑌤𑌸𑍍𑌸𑌵॒𑌨-𑌮𑍍𑌪𑍍𑌰𑌾॑𑌤𑌸𑍍𑌸𑌵॒𑌨𑌮𑍇॒𑌵 𑌤𑍇𑌨𑌾᳚ 𑌽𑌽𑌪𑍍𑌨𑍋॒𑌤𑍍𑌯𑍇𑌕𑌾॑𑌦𑌶॒ 𑌕𑍃𑌤𑍍𑌵𑍋᳚ 𑌦𑍍𑌵𑌿॒𑌤𑍀𑌯॒-𑌮𑍇𑌕𑌾॑𑌦𑌶𑌾𑌕𑍍𑌷𑌰𑌾 𑌤𑍍𑌰𑌿॒𑌷𑍍𑌟𑍁-𑌪𑍍𑌤𑍍𑌰𑍈𑌷𑍍𑌟𑍁॑𑌭॒-𑌮𑍍𑌮𑌾𑌦𑍍𑌧𑍍𑌯॑𑌨𑍍𑌦𑌿𑌨॒𑌗𑍍𑌂॒- [-𑌮𑍍𑌮𑌾𑌦𑍍𑌧𑍍𑌯॑𑌨𑍍𑌦𑌿𑌨𑌮𑍍, 𑌸𑌵॑𑌨॒-] 20

-𑌸𑌵॑𑌨॒-𑌮𑍍𑌮𑌾𑌦𑍍𑌧𑍍𑌯॑𑌨𑍍𑌦𑌿𑌨𑌮𑍇॒𑌵 𑌸𑌵॑𑌨॒-𑌨𑍍𑌤𑍇𑌨𑌾᳚-𑌽𑌽𑌪𑍍𑌨𑍋𑌤𑌿॒ 𑌦𑍍𑌵𑌾𑌦॑𑌶॒ 𑌕𑍃𑌤𑍍𑌵॑𑌸𑍍𑌤𑍃॒𑌤𑍀𑌯॒-𑌨𑍍𑌦𑍍𑌵𑌾𑌦॑𑌶𑌾𑌕𑍍𑌷𑌰𑌾॒ 𑌜𑌗॑𑌤𑍀॒ 𑌜𑌾𑌗॑𑌤-𑌨𑍍𑌤𑍃𑌤𑍀𑌯𑌸𑌵॒𑌨-𑌨𑍍𑌤𑍃॑𑌤𑍀𑌯𑌸𑌵॒𑌨𑌮𑍇॒𑌵 𑌤𑍇𑌨𑌾᳚ 𑌽𑌽𑌪𑍍𑌨𑍋𑌤𑍍𑌯𑍇॒𑌤𑌾𑌗𑍍𑌂 𑌹॒ 𑌵𑌾𑌵 𑌸 𑌯॒𑌜𑍍𑌞𑌸𑍍𑌯॒ 𑌸𑌗𑍍𑌗𑍍𑌸𑍍𑌥𑌿॑𑌤𑌿𑌮𑍁𑌵𑌾॒𑌚𑌾 𑌸𑍍𑌕॑𑌨𑍍𑌦𑌾॒𑌯𑌾𑌸𑍍𑌕॑𑌨𑍍𑌨॒𑌗𑍍𑌂॒ 𑌹𑌿 𑌤-𑌦𑍍𑌯-𑌦𑍍𑌯॒𑌜𑍍𑌞𑌸𑍍𑌯॒ 𑌸𑌗𑍍𑌗𑍍𑌸𑍍𑌥𑌿॑𑌤𑌸𑍍𑌯॒ 𑌸𑍍𑌕𑌨𑍍𑌦॒𑌤𑍍𑌯𑌥𑍋॒ 𑌖𑌲𑍍𑌵𑌾॑𑌹𑍁𑌰𑍍𑌗𑌾𑌯॒𑌤𑍍𑌰𑍀 𑌵𑌾𑌵 𑌪𑍍𑌰𑌾॑𑌤𑌸𑍍𑌸𑌵॒𑌨𑍇 𑌨𑌾𑌤𑌿॒𑌵𑌾𑌦॒ 𑌇𑌤𑍍𑌯𑌨॑𑌤𑌿𑌵𑌾𑌦𑍁𑌕 𑌏𑌨॒-𑌮𑍍𑌭𑍍𑌰𑌾𑌤𑍃॑𑌵𑍍𑌯𑍋 𑌭𑌵𑌤𑌿॒ 𑌯 𑌏॒𑌵𑌂-𑌵𑍇𑌁𑌦॒ 𑌤𑌸𑍍𑌮𑌾॑-𑌦॒𑌷𑍍𑌟𑌾𑌵॑𑌷𑍍𑌟𑍗॒ [-𑌦॒𑌷𑍍𑌟𑌾𑌵॑𑌷𑍍𑌟𑍗, 𑌕𑍃𑌤𑍍𑌵𑍋॑] 21

𑌕𑍃𑌤𑍍𑌵𑍋॑-𑌽𑌭𑌿॒𑌷𑍁𑌤𑍍𑌯॑-𑌮𑍍𑌬𑍍𑌰𑌹𑍍𑌮𑌵𑌾॒𑌦𑌿𑌨𑍋॑ 𑌵𑌦𑌨𑍍𑌤𑌿 𑌪॒𑌵𑌿𑌤𑍍𑌰॑𑌵𑌨𑍍𑌤𑍋॒-𑌽𑌨𑍍𑌯𑍇 𑌗𑍍𑌰𑌹𑌾॑ 𑌗𑍃॒𑌹𑍍𑌯𑌨𑍍𑌤𑍇॒ 𑌕𑌿𑌮𑍍𑌪॑𑌵𑌿𑌤𑍍𑌰 𑌉𑌪𑌾॒𑌗𑍍𑌂॒𑌶𑍁𑌰𑌿𑌤𑌿॒ 𑌵𑌾𑌕𑍍𑌪॑𑌵𑌿𑌤𑍍𑌰॒ 𑌇𑌤𑌿॑ 𑌬𑍍𑌰𑍂𑌯𑌾-𑌦𑍍𑌵𑌾॒𑌚𑌸𑍍𑌪𑌤॑𑌯𑍇 𑌪𑌵𑌸𑍍𑌵 𑌵𑌾𑌜𑌿॒𑌨𑍍𑌨𑌿𑌤𑍍𑌯𑌾॑𑌹 𑌵𑌾॒𑌚𑍈𑌵𑍈𑌨॑-𑌮𑍍𑌪𑌵𑌯𑌤𑌿॒ 𑌵𑍃𑌷𑍍𑌣𑍋॑ 𑌅॒𑌗𑍍𑌂॒𑌶𑍁𑌭𑍍𑌯𑌾॒𑌮𑌿𑌤𑍍𑌯𑌾॑𑌹॒ 𑌵𑍃𑌷𑍍𑌣𑍋॒ 𑌹𑍍𑌯𑍇॑𑌤𑌾𑌵॒𑌗𑍍𑌂॒𑌶𑍂 𑌯𑍗 𑌸𑍋𑌮॑𑌸𑍍𑌯॒ 𑌗𑌭॑𑌸𑍍𑌤𑌿𑌪𑍂𑌤॒ 𑌇𑌤𑍍𑌯𑌾॑𑌹॒ 𑌗𑌭॑𑌸𑍍𑌤𑌿𑌨𑌾॒ 𑌹𑍍𑌯𑍇॑𑌨-𑌮𑍍𑌪॒𑌵𑌯॑𑌤𑌿 𑌦𑍇॒𑌵𑍋 𑌦𑍇॒𑌵𑌾𑌨𑌾᳚-𑌮𑍍𑌪॒𑌵𑌿𑌤𑍍𑌰॑𑌮॒𑌸𑍀𑌤𑍍𑌯𑌾॑𑌹 𑌦𑍇॒𑌵𑍋 𑌹𑍍𑌯𑍇॑𑌷 [𑌹𑍍𑌯𑍇॑𑌷𑌃, 𑌸-𑌨𑍍𑌦𑍇॒𑌵𑌾𑌨𑌾᳚-] 22

𑌸-𑌨𑍍𑌦𑍇॒𑌵𑌾𑌨𑌾᳚-𑌮𑍍𑌪॒𑌵𑌿𑌤𑍍𑌰𑌂॒-𑌯𑍇𑌁𑌷𑌾᳚-𑌮𑍍𑌭𑌾॒𑌗𑍋-𑌽𑌸𑌿॒ 𑌤𑍇𑌭𑍍𑌯॒𑌸𑍍𑌤𑍍𑌵𑍇𑌤𑍍𑌯𑌾॑𑌹॒ 𑌯𑍇𑌷𑌾॒𑌗𑍍॒ 𑌹𑍍𑌯𑍇॑𑌷 𑌭𑌾॒𑌗𑌸𑍍𑌤𑍇𑌭𑍍𑌯॑ 𑌏𑌨-𑌙𑍍𑌗𑍃॒𑌹𑍍𑌣𑌾𑌤𑌿॒ 𑌸𑍍𑌵𑌾-𑌙𑍍𑌕𑍃॑𑌤𑍋॒-𑌽𑌸𑍀𑌤𑍍𑌯𑌾॑𑌹 𑌪𑍍𑌰𑌾॒𑌣𑌮𑍇॒𑌵 𑌸𑍍𑌵𑌮॑𑌕𑍃𑌤॒ 𑌮𑌧𑍁॑𑌮𑌤𑍀𑌰𑍍𑌨॒ 𑌇𑌷॑𑌸𑍍𑌕𑍃॒𑌧𑍀𑌤𑍍𑌯𑌾॑𑌹॒ 𑌸𑌰𑍍𑌵॑𑌮𑍇॒𑌵𑌾𑌸𑍍𑌮𑌾॑ 𑌇॒𑌦𑌗𑍍𑌗𑍍 𑌸𑍍𑌵॑𑌦𑌯𑌤𑌿॒ 𑌵𑌿𑌶𑍍𑌵𑍇᳚𑌭𑍍𑌯-𑌸𑍍𑌤𑍍𑌵𑍇𑌨𑍍𑌦𑍍𑌰𑌿॒𑌯𑍇𑌭𑍍𑌯𑍋॑ 𑌦𑌿॒𑌵𑍍𑌯𑍇𑌭𑍍𑌯𑌃॒ 𑌪𑌾𑌰𑍍𑌥𑌿॑𑌵𑍇𑌭𑍍𑌯॒ 𑌇𑌤𑍍𑌯𑌾॑𑌹𑍋॒𑌭𑌯𑍇᳚𑌷𑍍𑌵𑍇॒𑌵 𑌦𑍇॑𑌵𑌮𑌨𑍁॒𑌷𑍍𑌯𑍇𑌷𑍁॑ 𑌪𑍍𑌰𑌾॒𑌣𑌾-𑌨𑍍𑌦॑𑌧𑌾𑌤𑌿॒ 𑌮𑌨॑𑌸𑍍𑌤𑍍𑌵𑌾॒- [𑌮𑌨॑𑌸𑍍𑌤𑍍𑌵𑌾, 𑌅॒𑌷𑍍𑌟𑍍𑌵𑌿𑌤𑍍𑌯𑌾॑𑌹॒] 23

-𑌽𑌷𑍍𑌟𑍍𑌵𑌿𑌤𑍍𑌯𑌾॑𑌹॒ 𑌮𑌨॑ 𑌏॒𑌵𑌾𑌶𑍍𑌞𑍁॑𑌤 𑌉॒𑌰𑍍𑌵॑𑌨𑍍𑌤𑌰𑌿॑𑌕𑍍𑌷॒-𑌮𑌨𑍍𑌵𑌿॒𑌹𑍀𑌤𑍍𑌯𑌾॑𑌹𑌾-𑌨𑍍𑌤𑌰𑌿𑌕𑍍𑌷𑌦𑍇𑌵॒𑌤𑍍𑌯𑍋॑ 𑌹𑌿 𑌪𑍍𑌰𑌾॒𑌣-𑌸𑍍𑌸𑍍𑌵𑌾𑌹𑌾᳚ 𑌤𑍍𑌵𑌾 𑌸𑍁𑌭𑌵॒-𑌸𑍍𑌸𑍂𑌰𑍍𑌯𑌾॒𑌯𑍇𑌤𑍍𑌯𑌾॑𑌹 𑌪𑍍𑌰𑌾॒𑌣𑌾 𑌵𑍈 𑌸𑍍𑌵𑌭॑𑌵𑌸𑍋 𑌦𑍇॒𑌵𑌾𑌸𑍍𑌤𑍇𑌷𑍍𑌵𑍇॒𑌵 𑌪॒𑌰𑍋𑌕𑍍𑌷॑-𑌞𑍍𑌜𑍁𑌹𑍋𑌤𑌿 𑌦𑍇॒𑌵𑍇𑌭𑍍𑌯॑𑌸𑍍𑌤𑍍𑌵𑌾 𑌮𑌰𑍀𑌚𑌿॒𑌪𑍇𑌭𑍍𑌯॒ 𑌇𑌤𑍍𑌯𑌾॑𑌹𑌾 𑌽𑌽𑌦𑌿॒𑌤𑍍𑌯𑌸𑍍𑌯॒ 𑌵𑍈 𑌰॒𑌶𑍍𑌮𑌯𑍋॑ 𑌦𑍇॒𑌵𑌾 𑌮॑𑌰𑍀𑌚𑌿॒𑌪𑌾𑌸𑍍𑌤𑍇𑌷𑌾॒-𑌨𑍍𑌤-𑌦𑍍𑌭𑌾॑𑌗॒𑌧𑍇𑌯॒-𑌨𑍍𑌤𑌾𑌨𑍇॒𑌵 𑌤𑍇𑌨॑ 𑌪𑍍𑌰𑍀𑌣𑌾𑌤𑌿॒ 𑌯𑌦𑌿॑ 𑌕𑌾॒𑌮𑌯𑍇॑𑌤॒ 𑌵𑌰𑍍𑌷𑍁॑𑌕𑌃 𑌪॒𑌰𑍍𑌜𑌨𑍍𑌯॑- [𑌪॒𑌰𑍍𑌜𑌨𑍍𑌯𑌃॑, 𑌸𑍍𑌯𑌾॒𑌦𑌿𑌤𑌿॒] 24

-𑌸𑍍𑌸𑍍𑌯𑌾॒𑌦𑌿𑌤𑌿॒ 𑌨𑍀𑌚𑌾॒ 𑌹𑌸𑍍𑌤𑍇॑𑌨॒ 𑌨𑌿 𑌮𑍃॑𑌜𑍍𑌯𑌾॒-𑌦𑍍𑌵𑍃𑌷𑍍𑌟𑌿॑𑌮𑍇॒𑌵 𑌨𑌿 𑌯॑𑌚𑍍𑌛𑌤𑌿॒ 𑌯𑌦𑌿॑ 𑌕𑌾॒𑌮𑌯𑍇॒𑌤𑌾𑌵॑𑌰𑍍𑌷𑍁𑌕-𑌸𑍍𑌸𑍍𑌯𑌾॒𑌦𑌿𑌤𑍍𑌯𑍁॑𑌤𑍍𑌤𑌾॒𑌨𑍇𑌨॒ 𑌨𑌿 𑌮𑍃॑𑌜𑍍𑌯𑌾॒-𑌦𑍍𑌵𑍃𑌷𑍍𑌟𑌿॑𑌮𑍇॒𑌵𑍋-𑌦𑍍𑌯॑𑌚𑍍𑌛𑌤𑌿॒ 𑌯𑌦𑍍𑌯॑𑌭𑌿॒𑌚𑌰𑍇॑𑌦॒𑌮𑍁-𑌞𑍍𑌜॒𑌹𑍍𑌯𑌥॑ 𑌤𑍍𑌵𑌾 𑌹𑍋𑌷𑍍𑌯𑌾॒𑌮𑍀𑌤𑌿॑ 𑌬𑍍𑌰𑍂𑌯𑌾॒𑌦𑌾𑌹𑍁॑𑌤𑌿𑌮𑍇॒𑌵𑍈𑌨॑-𑌮𑍍𑌪𑍍𑌰𑍇॒𑌫𑍍𑌸𑌨𑍍. 𑌹॑𑌨𑍍𑌤𑌿॒ 𑌯𑌦𑌿॑ 𑌦𑍂॒𑌰𑍇 𑌸𑍍𑌯𑌾𑌦𑌾 𑌤𑌮𑌿॑𑌤𑍋𑌸𑍍𑌤𑌿𑌷𑍍𑌠𑍇-𑌤𑍍𑌪𑍍𑌰𑌾॒𑌣𑌮𑍇॒𑌵𑌾𑌸𑍍𑌯𑌾॑𑌨𑍁॒𑌗𑌤𑍍𑌯॑ 𑌹𑌨𑍍𑌤𑌿॒ 𑌯𑌦𑍍𑌯॑𑌭𑌿॒𑌚𑌰𑍇॑𑌦॒𑌮𑍁𑌷𑍍𑌯॑- [𑌯𑌦𑍍𑌯॑𑌭𑌿॒𑌚𑌰𑍇॑𑌦॒𑌮𑍁𑌷𑍍𑌯॑, 𑌤𑍍𑌵𑌾॒ 𑌪𑍍𑌰𑌾॒𑌣𑍇] 25

-𑌤𑍍𑌵𑌾 𑌪𑍍𑌰𑌾॒𑌣𑍇 𑌸𑌾॑𑌦𑌯𑌾॒𑌮𑍀𑌤𑌿॑ 𑌸𑌾𑌦𑌯𑍇॒𑌦𑌸॑𑌨𑍍𑌨𑍋॒ 𑌵𑍈 𑌪𑍍𑌰𑌾॒𑌣𑌃 𑌪𑍍𑌰𑌾॒𑌣𑌮𑍇॒𑌵𑌾𑌸𑍍𑌯॑ 𑌸𑌾𑌦𑌯𑌤𑌿 𑌷॒𑌡𑍍𑌭𑌿𑌰॒𑌗𑍍𑌂॒𑌶𑍁𑌭𑌿𑌃॑ 𑌪𑌵𑌯𑌤𑌿॒ 𑌷-𑌡𑍍𑌵𑌾 𑌋॒𑌤𑌵॑ 𑌋॒𑌤𑍁𑌭𑌿॑𑌰𑍇॒𑌵𑍈𑌨॑-𑌮𑍍𑌪𑌵𑌯𑌤𑌿॒ 𑌤𑍍𑌰𑌿𑌃 𑌪॑𑌵𑌯𑌤𑌿॒ 𑌤𑍍𑌰𑌯॑ 𑌇॒𑌮𑍇 𑌲𑍋॒𑌕𑌾 𑌏॒𑌭𑌿𑌰𑍇॒𑌵𑍈𑌨𑌂॑-𑌲𑍋𑌁॒𑌕𑍈𑌃 𑌪॑𑌵𑌯𑌤𑌿 𑌬𑍍𑌰𑌹𑍍𑌮𑌵𑌾॒𑌦𑌿𑌨𑍋॑ 𑌵𑌦𑌨𑍍𑌤𑌿॒ 𑌕𑌸𑍍𑌮𑌾᳚-𑌥𑍍𑌸॒𑌤𑍍𑌯𑌾-𑌤𑍍𑌤𑍍𑌰𑌯𑌃॑ 𑌪𑌶𑍂॒𑌨𑌾𑌗𑍍𑌂 𑌹𑌸𑍍𑌤𑌾॑𑌦𑌾𑌨𑌾॒ 𑌇𑌤𑌿॒ 𑌯-𑌤𑍍𑌤𑍍𑌰𑌿𑌰𑍁॑𑌪𑌾॒𑌗𑍍𑌂॒ 𑌶𑍁𑌗𑍍𑌂 𑌹𑌸𑍍𑌤𑍇॑𑌨 𑌵𑌿𑌗𑍃॒𑌹𑍍𑌣𑌾𑌤𑌿॒ 𑌤𑌸𑍍𑌮𑌾॒-𑌤𑍍𑌤𑍍𑌰𑌯𑌃॑ 𑌪𑌶𑍂॒𑌨𑌾𑌗𑍍𑌂 𑌹𑌸𑍍𑌤𑌾॑𑌦𑌾𑌨𑌾𑌃॒ 𑌪𑍁𑌰𑍁॑𑌷𑍋 𑌹॒𑌸𑍍𑌤𑍀 𑌮॒𑌰𑍍𑌕𑌟𑌃॑ ॥ 26 ॥

(𑌮𑌾𑌧𑍍𑌯॑𑌦𑌿𑌨𑍍𑌨 - 𑌮॒𑌷𑍍𑌟𑌾𑌵॑𑌷𑍍𑌟𑌾 - 𑌵𑍇॒𑌷 - 𑌮𑌨॑𑌸𑍍𑌤𑍍𑌵𑌾 - 𑌪॒𑌰𑍍𑌜𑌨𑍍𑌯𑍋॒ - 𑌽𑌮𑍁𑌷𑍍𑌯॒ - 𑌪𑍁𑌰𑍁॑𑌷𑍋॒ - 𑌦𑍍𑌵𑍇 𑌚॑) (𑌅. 5)

𑌦𑍇॒𑌵𑌾 𑌵𑍈 𑌯-𑌦𑍍𑌯॒𑌜𑍍𑌞𑍇-𑌽𑌕𑍁॑𑌰𑍍𑌵𑌤॒ 𑌤𑌦𑌸𑍁॑𑌰𑌾 𑌅𑌕𑍁𑌰𑍍𑌵𑌤॒ 𑌤𑍇 𑌦𑍇॒𑌵𑌾 𑌉॑𑌪𑌾॒𑌗𑍍𑌂॒𑌶𑍗 𑌯॒𑌜𑍍𑌞𑌗𑍍𑌂 𑌸॒𑌗𑍍𑌗𑍍॒𑌸𑍍𑌥𑌾𑌪𑍍𑌯॑𑌮𑌪𑌶𑍍𑌯॒-𑌨𑍍𑌤𑌮𑍁॑𑌪𑌾॒𑌗𑍍𑌂॒𑌶𑍗 𑌸𑌮॑𑌸𑍍𑌥𑌾𑌪𑌯॒-𑌨𑍍𑌤𑍇-𑌽𑌸𑍁॑𑌰𑌾॒ 𑌵𑌜𑍍𑌰॑𑌮𑍁॒𑌦𑍍𑌯𑌤𑍍𑌯॑ 𑌦𑍇॒𑌵𑌾𑌨॒𑌭𑍍𑌯𑌾॑𑌯𑌨𑍍𑌤॒ 𑌤𑍇 𑌦𑍇॒𑌵𑌾 𑌬𑌿𑌭𑍍𑌯॑𑌤॒ 𑌇𑌨𑍍𑌦𑍍𑌰॒𑌮𑍁𑌪𑌾॑𑌧𑌾𑌵॒-𑌨𑍍𑌤𑌾𑌨𑌿𑌨𑍍𑌦𑍍𑌰𑍋᳚-𑌽𑌨𑍍𑌤𑌰𑍍𑌯𑌾॒𑌮𑍇𑌣𑌾॒𑌨𑍍𑌤𑌰॑𑌧𑌤𑍍𑌤॒ 𑌤𑌦॑𑌨𑍍𑌤𑌰𑍍𑌯𑌾॒𑌮𑌸𑍍𑌯𑌾᳚𑌨𑍍𑌤𑌰𑍍𑌯𑌾𑌮॒𑌤𑍍𑌵𑌂-𑌯𑌁𑌦॑𑌨𑍍𑌤𑌰𑍍𑌯𑌾॒𑌮𑍋 𑌗𑍃॒𑌹𑍍𑌯𑌤𑍇॒ 𑌭𑍍𑌰𑌾𑌤𑍃॑𑌵𑍍𑌯𑌾𑌨𑍇॒𑌵 𑌤-𑌦𑍍𑌯𑌜॑𑌮𑌾𑌨𑍋॒-𑌽𑌨𑍍𑌤𑌰𑍍𑌧॑𑌤𑍍𑌤𑍇॒ 𑌽𑌨𑍍𑌤𑌸𑍍𑌤𑍇॑ [-𑌽𑌨𑍍𑌤𑌰𑍍𑌧॑𑌤𑍍𑌤𑍇॒ 𑌽𑌨𑍍𑌤𑌸𑍍𑌤𑍇᳚, 𑌦॒𑌧𑌾॒𑌮𑌿॒ 𑌦𑍍𑌯𑌾𑌵𑌾॑𑌪𑍃𑌥𑌿॒𑌵𑍀] 27

𑌦𑌧𑌾𑌮𑌿॒ 𑌦𑍍𑌯𑌾𑌵𑌾॑𑌪𑍃𑌥𑌿॒𑌵𑍀 𑌅॒𑌨𑍍𑌤𑌰𑍁॒-𑌰𑍍𑌵॑𑌨𑍍𑌤𑌰𑌿॑𑌕𑍍𑌷॒-𑌮𑌿𑌤𑍍𑌯𑌾॑𑌹𑍈॒𑌭𑌿𑌰𑍇॒𑌵 𑌲𑍋॒𑌕𑍈𑌰𑍍𑌯𑌜॑𑌮𑌾𑌨𑍋॒ 𑌭𑍍𑌰𑌾𑌤𑍃॑𑌵𑍍𑌯𑌾𑌨॒𑌨𑍍𑌤𑌰𑍍𑌧॑𑌤𑍍𑌤𑍇॒ 𑌤𑍇 𑌦𑍇॒𑌵𑌾 𑌅॑𑌮𑌨𑍍𑌯॒𑌨𑍍𑌤𑍇𑌨𑍍𑌦𑍍𑌰𑍋॒ 𑌵𑌾 𑌇॒𑌦𑌮॑𑌭𑍂॒𑌦𑍍𑌯-𑌦𑍍𑌵॒𑌯𑌗𑍍𑌗𑍍 𑌸𑍍𑌮 𑌇𑌤𑌿॒ 𑌤𑍇᳚-𑌽𑌬𑍍𑌰𑍁𑌵॒-𑌨𑍍𑌮𑌘॑𑌵॒𑌨𑍍𑌨𑌨𑍁॑ 𑌨॒ 𑌆 𑌭॒𑌜𑍇𑌤𑌿॑ 𑌸॒𑌜𑍋𑌷𑌾॑ 𑌦𑍇॒𑌵𑍈𑌰𑌵॑𑌰𑍈𑌃॒ 𑌪𑌰𑍈॒𑌶𑍍𑌚𑍇𑌤𑍍𑌯॑𑌬𑍍𑌰𑌵𑍀॒𑌦𑍍𑌯𑍇 𑌚𑍈॒𑌵 𑌦𑍇॒𑌵𑌾𑌃 𑌪𑌰𑍇॒ 𑌯𑍇 𑌚𑌾𑌵॑𑌰𑍇॒ 𑌤𑌾𑌨𑍁॒𑌭𑌯𑌾॑- [𑌤𑌾𑌨𑍁॒𑌭𑌯𑌾𑌨𑍍॑, 𑌅॒𑌨𑍍𑌵𑌾𑌭॑𑌜-𑌥𑍍𑌸॒𑌜𑍋𑌷𑌾॑] 28

-𑌨॒𑌨𑍍𑌵𑌾𑌭॑𑌜-𑌥𑍍𑌸॒𑌜𑍋𑌷𑌾॑ 𑌦𑍇॒𑌵𑍈𑌰𑌵॑𑌰𑍈𑌃॒ 𑌪𑌰𑍈॒𑌶𑍍𑌚𑍇𑌤𑍍𑌯𑌾॑𑌹॒ 𑌯𑍇 𑌚𑍈॒𑌵 𑌦𑍇॒𑌵𑌾𑌃 𑌪𑌰𑍇॒ 𑌯𑍇 𑌚𑌾𑌵॑𑌰𑍇॒ 𑌤𑌾𑌨𑍁॒𑌭𑌯𑌾॑-𑌨॒𑌨𑍍𑌵𑌾𑌭॑𑌜-𑌤𑍍𑌯𑌨𑍍𑌤𑌰𑍍𑌯𑌾॒𑌮𑍇 𑌮॑𑌘𑌵-𑌨𑍍𑌮𑌾𑌦𑌯॒𑌸𑍍𑌵𑍇𑌤𑍍𑌯𑌾॑𑌹 𑌯॒𑌜𑍍𑌞𑌾𑌦𑍇॒𑌵 𑌯𑌜॑𑌮𑌾𑌨॒-𑌨𑍍𑌨𑌾𑌨𑍍𑌤𑌰𑍇᳚𑌤𑍍𑌯𑍁𑌪𑌯𑌾॒𑌮-𑌗𑍃॑𑌹𑍀𑌤𑍋॒ 𑌽𑌸𑍀𑌤𑍍𑌯𑌾॑𑌹𑌾𑌪𑌾॒𑌨𑌸𑍍𑌯॒ 𑌧𑍃𑌤𑍍𑌯𑍈॒ 𑌯𑌦𑍁॒𑌭𑌾𑌵॑𑌪𑌵𑌿॒𑌤𑍍𑌰𑍗 𑌗𑍃॒𑌹𑍍𑌯𑍇𑌯𑌾॑𑌤𑌾-𑌮𑍍𑌪𑍍𑌰𑌾॒𑌣𑌮॑𑌪𑌾॒𑌨𑍋-𑌽𑌨𑍁॒ 𑌨𑍍𑌯𑍃॑𑌚𑍍𑌛𑍇-𑌤𑍍𑌪𑍍𑌰॒𑌮𑌾𑌯𑍁॑𑌕-𑌸𑍍𑌸𑍍𑌯𑌾-𑌤𑍍𑌪॒𑌵𑌿𑌤𑍍𑌰॑𑌵𑌾𑌨𑌨𑍍𑌤𑌰𑍍𑌯𑌾॒𑌮𑍋 𑌗𑍃॑𑌹𑍍𑌯𑌤𑍇 [𑌗𑍃॑𑌹𑍍𑌯𑌤𑍇, 𑌪𑍍𑌰𑌾॒𑌣𑌾॒𑌪𑌾॒𑌨𑌯𑍋॒-𑌰𑍍𑌵𑌿𑌧𑍃॑𑌤𑍍𑌯𑍈] 29

𑌪𑍍𑌰𑌾𑌣𑌾𑌪𑌾॒𑌨𑌯𑍋॒-𑌰𑍍𑌵𑌿𑌧𑍃॑𑌤𑍍𑌯𑍈 𑌪𑍍𑌰𑌾𑌣𑌾𑌪𑌾॒𑌨𑍗 𑌵𑌾 𑌏॒𑌤𑍗 𑌯𑌦𑍁॑𑌪𑌾𑌗𑍍𑌶𑍍𑌵𑌨𑍍𑌤𑌰𑍍𑌯𑌾॒𑌮𑍗 𑌵𑍍𑌯𑌾॒𑌨 𑌉॑𑌪𑌾𑌗𑍍𑌂𑌶𑍁॒ 𑌸𑌵॑𑌨𑍋॒ 𑌯-𑌙𑍍𑌕𑌾॒𑌮𑌯𑍇॑𑌤 𑌪𑍍𑌰॒𑌮𑌾𑌯𑍁॑𑌕-𑌸𑍍𑌸𑍍𑌯𑌾॒𑌦𑌿𑌤𑍍𑌯𑌸𑌗𑍍𑌗𑍍॑ 𑌸𑍍𑌪𑍃𑌷𑍍𑌟𑍗॒ 𑌤𑌸𑍍𑌯॑ 𑌸𑌾𑌦𑌯𑍇-𑌦𑍍𑌵𑍍𑌯𑌾॒𑌨𑍇𑌨𑍈॒𑌵𑌾𑌸𑍍𑌯॑ 𑌪𑍍𑌰𑌾𑌣𑌾𑌪𑌾॒𑌨𑍗 𑌵𑌿 𑌚𑍍𑌛𑌿॑𑌨𑌤𑍍𑌤𑌿 𑌤𑌾॒𑌜-𑌕𑍍𑌪𑍍𑌰 𑌮𑍀॑𑌯𑌤𑍇॒ 𑌯-𑌙𑍍𑌕𑌾॒𑌮𑌯𑍇॑𑌤॒ 𑌸𑌰𑍍𑌵॒𑌮𑌾𑌯𑍁॑𑌰𑌿𑌯𑌾॒𑌦𑌿𑌤𑌿॒ 𑌸𑌗𑍍𑌗𑍍 𑌸𑍍𑌪𑍃॑𑌷𑍍𑌟𑍗॒ 𑌤𑌸𑍍𑌯॑ 𑌸𑌾𑌦𑌯𑍇-𑌦𑍍𑌵𑍍𑌯𑌾॒𑌨𑍇𑌨𑍈॒𑌵𑌾𑌸𑍍𑌯॑ 𑌪𑍍𑌰𑌾𑌣𑌾𑌪𑌾॒𑌨𑍗 𑌸-𑌨𑍍𑌤॑𑌨𑍋𑌤𑌿॒ 𑌸𑌰𑍍𑌵॒𑌮𑌾𑌯𑍁॑𑌰𑍇𑌤𑌿 ॥ 30 ॥

(𑌤॒ - 𑌉॒𑌭𑌯𑌾᳚𑌨𑍍 - 𑌗𑍃𑌹𑍍𑌯𑌤𑍇॒ - 𑌚𑌤𑍁॑𑌶𑍍𑌚𑌤𑍍𑌵𑌾𑌰𑌿𑌗𑍍𑌂𑌶𑌚𑍍𑌚) (𑌅. 6)

𑌵𑌾𑌗𑍍𑌵𑌾 𑌏॒𑌷𑌾 𑌯𑌦𑍈᳚𑌨𑍍𑌦𑍍𑌰𑌵𑌾𑌯॒𑌵𑍋 𑌯𑌦𑍈᳚𑌨𑍍𑌦𑍍𑌰𑌵𑌾𑌯॒𑌵𑌾𑌗𑍍𑌰𑌾॒ 𑌗𑍍𑌰𑌹𑌾॑ 𑌗𑍃॒𑌹𑍍𑌯𑌨𑍍𑌤𑍇॒ 𑌵𑌾𑌚॑𑌮𑍇॒𑌵𑌾𑌨𑍁॒ 𑌪𑍍𑌰 𑌯॑𑌨𑍍𑌤𑌿 𑌵𑌾॒𑌯𑍁-𑌨𑍍𑌦𑍇॒𑌵𑌾 𑌅॑𑌬𑍍𑌰𑍁𑌵॒𑌨𑍍-𑌥𑍍𑌸𑍋𑌮॒𑌗𑍍𑌂॒ 𑌰𑌾𑌜𑌾॑𑌨𑌗𑍍𑌂 𑌹𑌨𑌾॒𑌮𑍇𑌤𑌿॒ 𑌸𑍋᳚-𑌽𑌬𑍍𑌰𑌵𑍀॒-𑌦𑍍𑌵𑌰𑌂॑-𑌵𑍃𑌁𑌣𑍈॒ 𑌮𑌦॑𑌗𑍍𑌰𑌾 𑌏॒𑌵 𑌵𑍋॒ 𑌗𑍍𑌰𑌹𑌾॑ 𑌗𑍃𑌹𑍍𑌯𑌾𑌨𑍍𑌤𑌾॒ 𑌇𑌤𑌿॒ 𑌤𑌸𑍍𑌮𑌾॑𑌦𑍈𑌨𑍍𑌦𑍍𑌰𑌵𑌾𑌯॒𑌵𑌾𑌗𑍍𑌰𑌾॒ 𑌗𑍍𑌰𑌹𑌾॑ 𑌗𑍃𑌹𑍍𑌯𑌨𑍍𑌤𑍇॒ 𑌤𑌮॑𑌘𑍍𑌨॒𑌨𑍍-𑌥𑍍𑌸𑍋॑-𑌽𑌪𑍂𑌯॒-𑌤𑍍𑌤-𑌨𑍍𑌦𑍇॒𑌵𑌾 𑌨𑍋𑌪𑌾॑𑌧𑍃𑌷𑍍𑌣𑍁𑌵॒-𑌨𑍍𑌤𑍇 𑌵𑌾॒𑌯𑍁𑌮॑𑌬𑍍𑌰𑍁𑌵-𑌨𑍍𑌨𑌿॒𑌮-𑌨𑍍𑌨𑌃॑ 𑌸𑍍𑌵𑌦॒𑌯𑍇- [-𑌨𑍍𑌨𑌿॒𑌮-𑌨𑍍𑌨𑌃॑ 𑌸𑍍𑌵𑌦𑌯, 𑌇𑌤𑌿॒ 𑌸𑍋᳚-𑌽𑌬𑍍𑌰𑌵𑍀॒-] 31

-𑌤𑌿॒ 𑌸𑍋᳚-𑌽𑌬𑍍𑌰𑌵𑍀॒-𑌦𑍍𑌵𑌰𑌂॑-𑌵𑍃𑌁𑌣𑍈 𑌮𑌦𑍍𑌦𑍇𑌵॒𑌤𑍍𑌯𑌾᳚𑌨𑍍𑌯𑍇॒𑌵 𑌵𑌃॒ 𑌪𑌾𑌤𑍍𑌰𑌾᳚𑌣𑍍𑌯𑍁𑌚𑍍𑌯𑌾𑌨𑍍𑌤𑌾॒ 𑌇𑌤𑌿॒ 𑌤𑌸𑍍𑌮𑌾᳚𑌨𑍍𑌨𑌾𑌨𑌾𑌦𑍇𑌵॒𑌤𑍍𑌯𑌾॑𑌨𑌿॒ 𑌸𑌨𑍍𑌤𑌿॑ 𑌵𑌾𑌯॒𑌵𑍍𑌯𑌾᳚𑌨𑍍𑌯𑍁𑌚𑍍𑌯𑌨𑍍𑌤𑍇॒ 𑌤𑌮𑍇᳚𑌭𑍍𑌯𑍋 𑌵𑌾॒𑌯𑍁𑌰𑍇॒𑌵𑌾𑌸𑍍𑌵॑𑌦𑌯॒-𑌤𑍍𑌤𑌸𑍍𑌮𑌾॒𑌦𑍍𑌯-𑌤𑍍𑌪𑍂𑌯॑𑌤𑌿॒ 𑌤-𑌤𑍍𑌪𑍍𑌰॑𑌵𑌾॒𑌤𑍇 𑌵𑌿 𑌷॑𑌜𑌨𑍍𑌤𑌿 𑌵𑌾॒𑌯𑍁𑌰𑍍𑌹𑌿 𑌤𑌸𑍍𑌯॑ 𑌪𑌵𑌯𑌿॒𑌤𑌾 𑌸𑍍𑌵॑𑌦𑌯𑌿॒𑌤𑌾 𑌤𑌸𑍍𑌯॑ 𑌵𑌿॒𑌗𑍍𑌰𑌹॑𑌣॒-𑌨𑍍𑌨𑌾𑌵𑌿॑𑌨𑍍𑌦॒𑌨𑍍-𑌥𑍍𑌸𑌾𑌦𑌿॑𑌤𑌿𑌰𑌬𑍍𑌰𑌵𑍀॒-𑌦𑍍𑌵𑌰𑌂॑-𑌵𑍃𑌁𑌣𑌾॒ 𑌅𑌥॒ 𑌮𑌯𑌾॒ 𑌵𑌿 𑌗𑍃॑𑌹𑍍𑌣𑍀𑌦𑍍𑌧𑍍𑌵-𑌮𑍍𑌮𑌦𑍍𑌦𑍇𑌵॒𑌤𑍍𑌯𑌾॑ 𑌏॒𑌵 𑌵॒-𑌸𑍍𑌸𑍋𑌮𑌾᳚- [𑌵॒-𑌸𑍍𑌸𑍋𑌮𑌾𑌃᳚, 𑌸॒𑌨𑍍𑌨𑌾] 32

-𑌸𑍍𑌸॒𑌨𑍍𑌨𑌾 𑌅॑𑌸॒-𑌨𑍍𑌨𑌿𑌤𑍍𑌯𑍁॑𑌪𑌯𑌾॒𑌮𑌗𑍃॑𑌹𑍀𑌤𑍋॒-𑌽𑌸𑍀-𑌤𑍍𑌯𑌾॑𑌹𑌾-𑌦𑌿𑌤𑌿𑌦𑍇𑌵॒𑌤𑍍𑌯𑌾᳚𑌸𑍍𑌤𑍇𑌨॒ 𑌯𑌾𑌨𑌿॒ 𑌹𑌿 𑌦𑌾॑𑌰𑍁॒𑌮𑌯𑌾॑𑌣𑌿॒ 𑌪𑌾𑌤𑍍𑌰𑌾᳚𑌣𑍍𑌯॒𑌸𑍍𑌯𑍈 𑌤𑌾𑌨𑌿॒ 𑌯𑍋𑌨𑍇॒-𑌸𑍍𑌸𑌮𑍍𑌭𑍂॑𑌤𑌾𑌨𑌿॒ 𑌯𑌾𑌨𑌿॑ 𑌮𑍃॒𑌨𑍍𑌮𑌯𑌾॑𑌨𑌿 𑌸𑌾॒𑌕𑍍𑌷𑌾-𑌤𑍍𑌤𑌾𑌨𑍍𑌯॒𑌸𑍍𑌯𑍈 𑌤𑌸𑍍𑌮𑌾॑𑌦𑍇॒𑌵𑌮𑌾॑𑌹॒ 𑌵𑌾𑌗𑍍𑌵𑍈 𑌪𑌰𑌾॒𑌚𑍍𑌯-𑌵𑍍𑌯𑌾॑𑌕𑍃𑌤𑌾-𑌽𑌵𑌦॒-𑌤𑍍𑌤𑍇 𑌦𑍇॒𑌵𑌾 𑌇𑌨𑍍𑌦𑍍𑌰॑𑌮𑌬𑍍𑌰𑍁𑌵𑌨𑍍𑌨𑌿॒𑌮𑌾-𑌨𑍍𑌨𑍋॒ 𑌵𑌾𑌚𑌂॒-𑌵𑍍𑌯𑌾𑌁𑌕𑍁॒𑌰𑍍𑌵𑌿𑌤𑌿॒ 𑌸𑍋᳚-𑌽𑌬𑍍𑌰𑌵𑍀॒-𑌦𑍍𑌵𑌰𑌂॑-𑌵𑍃𑌁𑌣𑍈॒ 𑌮𑌹𑍍𑌯॑-𑌞𑍍𑌚𑍈॒𑌵𑍈𑌷 𑌵𑌾॒𑌯𑌵𑍇॑ 𑌚 𑌸॒𑌹 𑌗𑍃॑𑌹𑍍𑌯𑌾𑌤𑌾॒ 𑌇𑌤𑌿॒ 𑌤𑌸𑍍𑌮𑌾॑𑌦𑍈𑌨𑍍𑌦𑍍𑌰𑌵𑌾𑌯॒𑌵-𑌸𑍍𑌸॒𑌹 𑌗𑍃॑𑌹𑍍𑌯𑌤𑍇॒ 𑌤𑌾𑌮𑌿𑌨𑍍𑌦𑍍𑌰𑍋॑ 𑌮𑌦𑍍𑌧𑍍𑌯॒𑌤𑍋॑-𑌽𑌵॒𑌕𑍍𑌰𑌮𑍍𑌯॒ 𑌵𑍍𑌯𑌾𑌕॑𑌰𑍋॒-𑌤𑍍𑌤𑌸𑍍𑌮𑌾॑𑌦𑌿॒𑌯𑌂-𑌵𑍍𑌯𑌾𑌁𑌕𑍃॑𑌤𑌾॒ 𑌵𑌾𑌗𑍁॑𑌦𑍍𑌯𑌤𑍇॒ 𑌤𑌸𑍍𑌮𑌾᳚-𑌥𑍍𑌸॒𑌕𑍃𑌦𑌿𑌨𑍍𑌦𑍍𑌰𑌾॑𑌯 𑌮𑌦𑍍𑌧𑍍𑌯॒𑌤𑍋 𑌗𑍃॑𑌹𑍍𑌯𑌤𑍇॒ 𑌦𑍍𑌵𑌿𑌰𑍍𑌵𑌾॒𑌯𑌵𑍇॒ 𑌦𑍍𑌵𑍗 𑌹𑌿 𑌸 𑌵𑌰𑌾॒𑌵𑌵𑍃॑𑌣𑍀𑌤 ॥ 33 ॥

(𑌸𑍍𑌵॒𑌦॒𑌯॒ - 𑌸𑍋𑌮𑌾𑌃᳚ - 𑌸॒𑌹𑌾 - 𑌷𑍍𑌟𑌾𑌵𑌿𑌗𑍍𑌂॑𑌶𑌤𑌿𑌶𑍍𑌚) (𑌅. 7)

𑌮𑌿॒𑌤𑍍𑌰-𑌨𑍍𑌦𑍇॒𑌵𑌾 𑌅॑𑌬𑍍𑌰𑍁𑌵॒𑌨𑍍-𑌥𑍍𑌸𑍋𑌮॒𑌗𑍍𑌂॒ 𑌰𑌾𑌜𑌾॑𑌨𑌗𑍍𑌂 𑌹𑌨𑌾॒𑌮𑍇𑌤𑌿॒ 𑌸𑍋᳚-𑌽𑌬𑍍𑌰𑌵𑍀॒𑌨𑍍𑌨𑌾𑌹𑌗𑍍𑌂 𑌸𑌰𑍍𑌵॑𑌸𑍍𑌯॒ 𑌵𑌾 𑌅॒𑌹-𑌮𑍍𑌮𑌿॒𑌤𑍍𑌰𑌮॒𑌸𑍍𑌮𑍀𑌤𑌿॒ 𑌤𑌮॑𑌬𑍍𑌰𑍁𑌵॒𑌨𑍍॒. 𑌹𑌨𑌾॑𑌮𑍈॒𑌵𑍇𑌤𑌿॒ 𑌸𑍋᳚-𑌽𑌬𑍍𑌰𑌵𑍀॒-𑌦𑍍𑌵𑌰𑌂॑-𑌵𑍃𑌁𑌣𑍈॒ 𑌪𑌯॑𑌸𑍈॒𑌵 𑌮𑍇॒ 𑌸𑍋𑌮𑌗𑍍𑌗𑍍॑ 𑌶𑍍𑌰𑍀𑌣॒𑌨𑍍𑌨𑌿𑌤𑌿॒ 𑌤𑌸𑍍𑌮𑌾᳚-𑌨𑍍𑌮𑍈𑌤𑍍𑌰𑌾𑌵𑌰𑍁॒𑌣-𑌮𑍍𑌪𑌯॑𑌸𑌾 𑌶𑍍𑌰𑍀𑌣𑌨𑍍𑌤𑌿॒ 𑌤𑌸𑍍𑌮𑌾᳚-𑌤𑍍𑌪॒𑌶𑌵𑍋-𑌽𑌪𑌾᳚𑌕𑍍𑌰𑌾𑌮-𑌨𑍍𑌮𑌿॒𑌤𑍍𑌰-𑌸𑍍𑌸𑌨𑍍 𑌕𑍍𑌰𑍂॒𑌰𑌮॑𑌕॒𑌰𑌿𑌤𑌿॑ 𑌕𑍍𑌰𑍂॒𑌰𑌮𑌿॑𑌵॒ 𑌖𑌲𑍁॒ 𑌵𑌾 𑌏॒𑌷 [𑌵𑌾 𑌏॒𑌷𑌃, 𑌕॒𑌰𑍋॒𑌤𑌿॒ 𑌯-𑌸𑍍𑌸𑍋𑌮𑍇॑𑌨॒] 34

𑌕॑𑌰𑍋𑌤𑌿॒ 𑌯-𑌸𑍍𑌸𑍋𑌮𑍇॑𑌨॒ 𑌯𑌜॑𑌤𑍇॒ 𑌤𑌸𑍍𑌮𑌾᳚-𑌤𑍍𑌪॒𑌶𑌵𑍋-𑌽𑌪॑ 𑌕𑍍𑌰𑌾𑌮𑌨𑍍𑌤𑌿॒ 𑌯𑌨𑍍𑌮𑍈᳚𑌤𑍍𑌰𑌾𑌵𑌰𑍁॒𑌣-𑌮𑍍𑌪𑌯॑𑌸𑌾 𑌶𑍍𑌰𑍀॒𑌣𑌾𑌤𑌿॑ 𑌪॒𑌶𑍁𑌭𑌿॑𑌰𑍇॒𑌵 𑌤𑌨𑍍𑌮𑌿॒𑌤𑍍𑌰𑌗𑍍𑌂 𑌸॑𑌮॒𑌰𑍍𑌧𑌯॑𑌤𑌿 𑌪॒𑌶𑍁𑌭𑌿॒𑌰𑍍𑌯𑌜॑𑌮𑌾𑌨-𑌮𑍍𑌪𑍁॒𑌰𑌾 𑌖𑌲𑍁॒ 𑌵𑌾𑌵𑍈𑌵-𑌮𑍍𑌮𑌿॒𑌤𑍍𑌰𑍋॑-𑌽𑌵𑍇॒𑌦𑌪॒ 𑌮-𑌤𑍍𑌕𑍍𑌰𑍂॒𑌰-𑌞𑍍𑌚॒𑌕𑍍𑌰𑍁𑌷𑌃॑ 𑌪॒𑌶𑌵𑌃॑ 𑌕𑍍𑌰𑌮𑌿𑌷𑍍𑌯॒𑌨𑍍𑌤𑍀𑌤𑌿॒ 𑌤𑌸𑍍𑌮𑌾॑𑌦𑍇॒𑌵𑌮॑𑌵𑍃𑌣𑍀𑌤॒ 𑌵𑌰𑍁॑𑌣-𑌨𑍍𑌦𑍇॒𑌵𑌾 𑌅॑𑌬𑍍𑌰𑍁𑌵॒-𑌨𑍍𑌤𑍍𑌵𑌯𑌾-𑌽𑌗𑍍𑌂॑𑌶॒𑌭𑍁𑌵𑌾॒ 𑌸𑍋𑌮॒𑌗𑍍𑌂॒ 𑌰𑌾𑌜𑌾॑𑌨𑌗𑍍𑌂 𑌹𑌨𑌾॒𑌮𑍇𑌤𑌿॒ 𑌸𑍋᳚-𑌽𑌬𑍍𑌰𑌵𑍀॒-𑌦𑍍𑌵𑌰𑌂॑-𑌵𑍃𑌁𑌣𑍈॒ 𑌮𑌹𑍍𑌯॑-𑌞𑍍𑌚𑍈॒- [𑌮𑌹𑍍𑌯॑-𑌞𑍍𑌚, 𑌏॒𑌵𑍈𑌷 𑌮𑌿॒𑌤𑍍𑌰𑌾𑌯॑] 35

-𑌵𑍈𑌷 𑌮𑌿॒𑌤𑍍𑌰𑌾𑌯॑ 𑌚 𑌸॒𑌹 𑌗𑍃॑𑌹𑍍𑌯𑌾𑌤𑌾॒ 𑌇𑌤𑌿॒ 𑌤𑌸𑍍𑌮𑌾᳚𑌨𑍍𑌮𑍈𑌤𑍍𑌰𑌾𑌵𑌰𑍁॒𑌣-𑌸𑍍𑌸॒𑌹 𑌗𑍃॑𑌹𑍍𑌯𑌤𑍇॒ 𑌤𑌸𑍍𑌮𑌾॒-𑌦𑍍𑌰𑌾𑌜𑍍𑌞𑌾॒ 𑌰𑌾𑌜𑌾॑𑌨𑌮𑌗𑍍𑌂𑌶॒𑌭𑍁𑌵𑌾᳚ 𑌘𑍍𑌨𑌨𑍍𑌤𑌿॒ 𑌵𑍈𑌶𑍍𑌯𑍇॑𑌨॒ 𑌵𑍈𑌶𑍍𑌯𑌗𑍍𑌂॑ 𑌶𑍂॒𑌦𑍍𑌰𑍇𑌣॑ 𑌶𑍂॒𑌦𑍍𑌰-𑌨𑍍𑌨 𑌵𑌾 𑌇॒𑌦-𑌨𑍍𑌦𑌿𑌵𑌾॒ 𑌨 𑌨𑌕𑍍𑌤॑𑌮𑌾𑌸𑍀॒𑌦𑌵𑍍𑌯𑌾॑𑌵𑍃𑌤𑍍𑌤॒-𑌨𑍍𑌤𑍇 𑌦𑍇॒𑌵𑌾 𑌮𑌿॒𑌤𑍍𑌰𑌾𑌵𑌰𑍁॑𑌣𑌾𑌵𑌬𑍍𑌰𑍁𑌵𑌨𑍍𑌨𑌿॒𑌦-𑌨𑍍𑌨𑍋॒ 𑌵𑌿𑌵𑌾॑𑌸𑌯𑌤॒𑌮𑌿𑌤𑌿॒ 𑌤𑌾𑌵॑𑌬𑍍𑌰𑍂𑌤𑌾𑌂॒-𑌵𑌁𑌰𑌂॑-𑌵𑍃𑌁𑌣𑌾𑌵𑌹𑌾॒ 𑌏𑌕॑ 𑌏॒𑌵𑌾-𑌽𑌽𑌵-𑌤𑍍𑌪𑍂𑌰𑍍𑌵𑍋॒ 𑌗𑍍𑌰𑌹𑍋॑ 𑌗𑍃𑌹𑍍𑌯𑌾𑌤𑌾॒ 𑌇𑌤𑌿॒ 𑌤𑌸𑍍𑌮𑌾॑𑌦𑍈𑌨𑍍𑌦𑍍𑌰𑌵𑌾𑌯॒𑌵𑌃 𑌪𑍂𑌰𑍍𑌵𑍋॑ 𑌮𑍈𑌤𑍍𑌰𑌾𑌵𑌰𑍁॒𑌣𑌾-𑌦𑍍𑌗𑍃॑𑌹𑍍𑌯𑌤𑍇 𑌪𑍍𑌰𑌾𑌣𑌾𑌪𑌾॒𑌨𑍗 𑌹𑍍𑌯𑍇॑𑌤𑍗 𑌯𑌦𑍁॑𑌪𑌾𑌗𑍍-𑌶𑍍𑌵𑌨𑍍𑌤𑌰𑍍𑌯𑌾॒𑌮𑍗 𑌮𑌿॒𑌤𑍍𑌰𑍋-𑌽𑌹॒𑌰𑌜॑𑌨𑌯॒-𑌦𑍍𑌵𑌰𑍁॑𑌣𑍋॒ 𑌰𑌾𑌤𑍍𑌰𑌿॒-𑌨𑍍𑌤𑌤𑍋॒ 𑌵𑌾 𑌇॒𑌦𑌂-𑌵𑍍𑌯𑍗𑌁᳚𑌚𑍍𑌛॒𑌦𑍍𑌯-𑌨𑍍𑌮𑍈᳚𑌤𑍍𑌰𑌾𑌵𑌰𑍁॒𑌣𑍋 𑌗𑍃॒𑌹𑍍𑌯𑌤𑍇॒ 𑌵𑍍𑌯𑍁॑𑌷𑍍𑌟𑍍𑌯𑍈 ॥ 36 ॥

(𑌏॒𑌷 - 𑌚𑍈᳚ - 𑌨𑍍𑌦𑍍𑌰𑌵𑌾𑌯॒𑌵𑍋 - 𑌦𑍍𑌵𑌾𑌵𑌿𑌗𑍍𑌂॑𑌶𑌤𑌿𑌶𑍍𑌚) (𑌅. 8)

𑌯॒𑌜𑍍𑌞𑌸𑍍𑌯॒ 𑌶𑌿𑌰𑍋᳚-𑌽𑌚𑍍𑌛𑌿𑌦𑍍𑌯𑌤॒ 𑌤𑍇 𑌦𑍇॒𑌵𑌾 𑌅॒𑌶𑍍𑌵𑌿𑌨𑌾॑𑌵𑌬𑍍𑌰𑍁𑌵-𑌨𑍍𑌭𑌿॒𑌷𑌜𑍗॒ 𑌵𑍈 𑌸𑍍𑌥॑ 𑌇॒𑌦𑌂-𑌯𑌁॒𑌜𑍍𑌞𑌸𑍍𑌯॒ 𑌶𑌿𑌰𑌃॒ 𑌪𑍍𑌰𑌤𑌿॑ 𑌧𑌤𑍍𑌤॒𑌮𑌿𑌤𑌿॒ 𑌤𑌾𑌵॑𑌬𑍍𑌰𑍂𑌤𑌾𑌂॒-𑌵𑌁𑌰𑌂॑-𑌵𑍃𑌁𑌣𑌾𑌵𑌹𑍈॒ 𑌗𑍍𑌰𑌹॑ 𑌏॒𑌵 𑌨𑌾॒𑌵𑌤𑍍𑌰𑌾𑌪𑌿॑ 𑌗𑍃𑌹𑍍𑌯𑌤𑌾॒𑌮𑌿𑌤𑌿॒ 𑌤𑌾𑌭𑍍𑌯𑌾॑-𑌮𑍇॒𑌤𑌮𑌾᳚𑌶𑍍𑌵𑌿॒𑌨-𑌮॑𑌗𑍃𑌹𑍍𑌣॒-𑌨𑍍𑌤𑌤𑍋॒ 𑌵𑍈 𑌤𑍗 𑌯॒𑌜𑍍𑌞𑌸𑍍𑌯॒ 𑌶𑌿𑌰𑌃॒ 𑌪𑍍𑌰𑌤𑍍𑌯॑𑌧𑌤𑍍𑌤𑌾𑌂॒-𑌯𑌁𑌦𑌾᳚𑌶𑍍𑌵𑌿॒𑌨𑍋 𑌗𑍃॒𑌹𑍍𑌯𑌤𑍇॑ 𑌯॒𑌜𑍍𑌞𑌸𑍍𑌯॒ 𑌨𑌿𑌷𑍍𑌕𑍃॑𑌤𑍍𑌯𑍈॒ 𑌤𑍗 𑌦𑍇॒𑌵𑌾 𑌅॑𑌬𑍍𑌰𑍁𑌵॒𑌨𑍍𑌨𑌪𑍂॑𑌤𑍗॒ 𑌵𑌾 𑌇॒𑌮𑍗 𑌮॑𑌨𑍁𑌷𑍍𑌯𑌚॒𑌰𑍗 [ ] 37

𑌭𑌿॒𑌷𑌜𑌾॒𑌵𑌿𑌤𑌿॒ 𑌤𑌸𑍍𑌮𑌾᳚-𑌦𑍍𑌬𑍍𑌰𑌾𑌹𑍍𑌮॒𑌣𑍇𑌨॑ 𑌭𑍇𑌷॒𑌜-𑌨𑍍𑌨 𑌕𑌾॒𑌰𑍍𑌯॑𑌮𑌪𑍂॑𑌤𑍋॒ 𑌹𑍍𑌯𑍇᳚(1॒)𑌷𑍋॑ 𑌽𑌮𑍇॒𑌦𑍍𑌧𑍍𑌯𑍋 𑌯𑍋 𑌭𑌿॒𑌷𑌕𑍍𑌤𑍗 𑌬॑𑌹𑌿𑌷𑍍𑌪𑌵𑌮𑌾॒𑌨𑍇𑌨॑ 𑌪𑌵𑌯𑌿॒𑌤𑍍𑌵𑌾 𑌤𑌾𑌭𑍍𑌯𑌾॑-𑌮𑍇॒𑌤𑌮𑌾᳚𑌶𑍍𑌵𑌿॒𑌨-𑌮॑𑌗𑍃𑌹𑍍𑌣॒-𑌨𑍍𑌤𑌸𑍍𑌮𑌾᳚-𑌦𑍍𑌬𑌹𑌿𑌷𑍍𑌪𑌵𑌮𑌾॒𑌨𑍇 𑌸𑍍𑌤𑍁॒𑌤 𑌆᳚𑌶𑍍𑌵𑌿॒𑌨𑍋 𑌗𑍃॑𑌹𑍍𑌯𑌤𑍇॒ 𑌤𑌸𑍍𑌮𑌾॑𑌦𑍇॒𑌵𑌂-𑌵𑌿𑌁॒𑌦𑍁𑌷𑌾॑ 𑌬𑌹𑌿𑌷𑍍𑌪𑌵𑌮𑌾॒𑌨 𑌉॑𑌪॒𑌸𑌦𑍍𑌯𑌃॑ 𑌪॒𑌵𑌿𑌤𑍍𑌰𑌂॒-𑌵𑍈𑌁 𑌬॑𑌹𑌿𑌷𑍍𑌪𑌵𑌮𑌾॒𑌨 𑌆॒𑌤𑍍𑌮𑌾𑌨॑𑌮𑍇॒𑌵 𑌪॑𑌵𑌯𑌤𑍇॒ 𑌤𑌯𑍋᳚-𑌽𑌸𑍍𑌤𑍍𑌰𑍇॒𑌧𑌾 𑌭𑍈𑌷॑𑌜𑍍𑌯𑌂॒-𑌵𑌿𑌁 𑌨𑍍𑌯॑𑌦𑌧𑍁𑌰॒𑌗𑍍𑌨𑍗 𑌤𑍃𑌤𑍀॑𑌯𑌮॒𑌫𑍍𑌸𑍁 𑌤𑍃𑌤𑍀॑𑌯-𑌮𑍍𑌬𑍍𑌰𑌾𑌹𑍍𑌮॒𑌣𑍇 𑌤𑍃𑌤𑍀॑𑌯॒-𑌨𑍍𑌤𑌸𑍍𑌮𑌾॑𑌦𑍁𑌦𑌪𑌾॒𑌤𑍍𑌰- [𑌤𑍃𑌤𑍀॑𑌯॒-𑌨𑍍𑌤𑌸𑍍𑌮𑌾॑𑌦𑍁𑌦𑌪𑌾॒𑌤𑍍𑌰𑌮𑍍, 𑌉॒𑌪॒𑌨𑌿॒𑌧𑌾𑌯॑] 38

-𑌮𑍁॑𑌪𑌨𑌿॒𑌧𑌾𑌯॑ 𑌬𑍍𑌰𑌾𑌹𑍍𑌮॒𑌣-𑌨𑍍𑌦॑𑌕𑍍𑌷𑌿𑌣॒𑌤𑍋 𑌨𑌿॒𑌷𑌾𑌦𑍍𑌯॑ 𑌭𑍇𑌷॒𑌜-𑌙𑍍𑌕𑍁॑𑌰𑍍𑌯𑌾॒-𑌦𑍍𑌯𑌾𑌵॑𑌦𑍇॒𑌵 𑌭𑍇॑𑌷॒𑌜-𑌨𑍍𑌤𑍇𑌨॑ 𑌕𑌰𑍋𑌤𑌿 𑌸॒𑌮𑌰𑍍𑌧𑍁॑𑌕𑌮𑌸𑍍𑌯 𑌕𑍃॒𑌤-𑌮𑍍𑌭॑𑌵𑌤𑌿 𑌬𑍍𑌰𑌹𑍍𑌮𑌵𑌾॒𑌦𑌿𑌨𑍋॑ 𑌵𑌦𑌨𑍍𑌤𑌿॒ 𑌕𑌸𑍍𑌮𑌾᳚-𑌥𑍍𑌸॒𑌤𑍍𑌯𑌾𑌦𑍇𑌕॑𑌪𑌾𑌤𑍍𑌰𑌾 𑌦𑍍𑌵𑌿𑌦𑍇𑌵॒𑌤𑍍𑌯𑌾॑ 𑌗𑍃॒𑌹𑍍𑌯𑌨𑍍𑌤𑍇᳚ 𑌦𑍍𑌵𑌿॒𑌪𑌾𑌤𑍍𑌰𑌾॑ 𑌹𑍂𑌯𑌨𑍍𑌤॒ 𑌇𑌤𑌿॒ 𑌯𑌦𑍇𑌕॑𑌪𑌾𑌤𑍍𑌰𑌾 𑌗𑍃॒𑌹𑍍𑌯𑌨𑍍𑌤𑍇॒ 𑌤𑌸𑍍𑌮𑌾॒𑌦𑍇𑌕𑍋᳚-𑌽𑌨𑍍𑌤𑌰॒𑌤𑌃 𑌪𑍍𑌰𑌾॒𑌣𑍋 𑌦𑍍𑌵𑌿॒𑌪𑌾𑌤𑍍𑌰𑌾॑ 𑌹𑍂𑌯𑌨𑍍𑌤𑍇॒ 𑌤𑌸𑍍𑌮𑌾॒-𑌦𑍍𑌦𑍍𑌵𑍗𑌦𑍍𑌵𑍗॑ 𑌬॒𑌹𑌿𑌷𑍍𑌟𑌾᳚-𑌤𑍍𑌪𑍍𑌰𑌾॒𑌣𑌾𑌃 𑌪𑍍𑌰𑌾॒𑌣𑌾 𑌵𑌾 𑌏॒𑌤𑍇 𑌯-𑌦𑍍𑌦𑍍𑌵𑌿॑𑌦𑍇𑌵॒𑌤𑍍𑌯𑌾𑌃᳚ 𑌪॒𑌶𑌵॒ 𑌇𑌡𑌾॒ 𑌯𑌦𑌿𑌡𑌾॒-𑌮𑍍𑌪𑍂𑌰𑍍𑌵𑌾᳚-𑌨𑍍𑌦𑍍𑌵𑌿𑌦𑍇𑌵॒𑌤𑍍𑌯𑍇᳚𑌭𑍍𑌯 𑌉𑌪॒𑌹𑍍𑌵𑌯𑍇॑𑌤 [ ] 39

𑌪॒𑌶𑍁𑌭𑌿𑌃॑ 𑌪𑍍𑌰𑌾॒𑌣𑌾𑌨॒𑌨𑍍𑌤𑌰𑍍𑌦॑𑌧𑍀𑌤 𑌪𑍍𑌰॒𑌮𑌾𑌯𑍁॑𑌕-𑌸𑍍𑌸𑍍𑌯𑌾-𑌦𑍍𑌦𑍍𑌵𑌿𑌦𑍇𑌵॒𑌤𑍍𑌯𑌾᳚-𑌨𑍍𑌭𑌕𑍍𑌷𑌯𑌿॒𑌤𑍍𑌵𑍇𑌡𑌾॒𑌮𑍁𑌪॑ 𑌹𑍍𑌵𑌯𑌤𑍇 𑌪𑍍𑌰𑌾॒𑌣𑌾𑌨𑍇॒𑌵𑌾-𑌽𑌽𑌤𑍍𑌮-𑌨𑍍𑌧𑌿॒𑌤𑍍𑌵𑌾 𑌪॒𑌶𑍂𑌨𑍁𑌪॑ 𑌹𑍍𑌵𑌯𑌤𑍇॒ 𑌵𑌾𑌗𑍍𑌵𑌾 𑌐᳚𑌨𑍍𑌦𑍍𑌰𑌵𑌾𑌯॒𑌵𑌶𑍍𑌚𑌕𑍍𑌷𑍁॑-𑌰𑍍𑌮𑍈𑌤𑍍𑌰𑌾𑌵𑌰𑍁॒𑌣-𑌶𑍍𑌶𑍍𑌰𑍋𑌤𑍍𑌰॑𑌮𑌾𑌶𑍍𑌵𑌿॒𑌨𑌃 𑌪𑍁॒𑌰𑌸𑍍𑌤𑌾॑𑌦𑍈𑌨𑍍𑌦𑍍𑌰𑌵𑌾𑌯॒𑌵-𑌮𑍍𑌭॑𑌕𑍍𑌷𑌯𑌤𑌿॒ 𑌤𑌸𑍍𑌮𑌾᳚-𑌤𑍍𑌪𑍁॒𑌰𑌸𑍍𑌤𑌾᳚-𑌦𑍍𑌵𑌾॒𑌚𑌾 𑌵॑𑌦𑌤𑌿 𑌪𑍁॒𑌰𑌸𑍍𑌤𑌾᳚𑌨𑍍𑌮𑍈𑌤𑍍𑌰𑌾𑌵𑌰𑍁॒𑌣-𑌨𑍍𑌤𑌸𑍍𑌮𑌾᳚-𑌤𑍍𑌪𑍁॒𑌰𑌸𑍍𑌤𑌾॒𑌚𑍍𑌚𑌕𑍍𑌷𑍁॑𑌷𑌾 𑌪𑌶𑍍𑌯𑌤𑌿 𑌸॒𑌰𑍍𑌵𑌤𑌃॑ 𑌪𑌰𑌿॒𑌹𑌾𑌰॑𑌮𑌾𑌶𑍍𑌵𑌿॒𑌨-𑌨𑍍𑌤𑌸𑍍𑌮𑌾᳚-𑌥𑍍𑌸॒𑌰𑍍𑌵𑌤॒-𑌶𑍍𑌶𑍍𑌰𑍋𑌤𑍍𑌰𑍇॑𑌣 𑌶𑍃𑌣𑍋𑌤𑌿 𑌪𑍍𑌰𑌾॒𑌣𑌾 𑌵𑌾 𑌏॒𑌤𑍇 𑌯-𑌦𑍍𑌦𑍍𑌵𑌿॑𑌦𑍇𑌵॒𑌤𑍍𑌯𑌾॑ [𑌯-𑌦𑍍𑌦𑍍𑌵𑌿॑𑌦𑍇𑌵॒𑌤𑍍𑌯𑌾𑌃᳚, 𑌅𑌰𑌿॑𑌕𑍍𑌤𑌾𑌨𑌿॒] 40

𑌅𑌰𑌿॑𑌕𑍍𑌤𑌾𑌨𑌿॒ 𑌪𑌾𑌤𑍍𑌰𑌾॑𑌣𑌿 𑌸𑌾𑌦𑌯𑌤𑌿॒ 𑌤𑌸𑍍𑌮𑌾॒𑌦𑌰𑌿॑𑌕𑍍𑌤𑌾 𑌅𑌨𑍍𑌤𑌰॒𑌤𑌃 𑌪𑍍𑌰𑌾॒𑌣𑌾 𑌯𑌤𑌃॒ 𑌖𑌲𑍁॒ 𑌵𑍈 𑌯॒𑌜𑍍𑌞𑌸𑍍𑌯॒ 𑌵𑌿𑌤॑𑌤𑌸𑍍𑌯॒ 𑌨 𑌕𑍍𑌰𑌿॒𑌯𑌤𑍇॒ 𑌤𑌦𑌨𑍁॑ 𑌯॒𑌜𑍍𑌞𑌗𑍍𑌂 𑌰𑌕𑍍𑌷𑌾॒𑌗𑍍॒𑌸𑍍𑌯𑌵॑ 𑌚𑌰𑌨𑍍𑌤𑌿॒ 𑌯𑌦𑌰𑌿॑𑌕𑍍𑌤𑌾𑌨𑌿॒ 𑌪𑌾𑌤𑍍𑌰𑌾॑𑌣𑌿 𑌸𑌾॒𑌦𑌯॑𑌤𑌿 𑌕𑍍𑌰𑌿॒𑌯𑌮𑌾॑𑌣𑌮𑍇॒𑌵 𑌤-𑌦𑍍𑌯॒𑌜𑍍𑌞𑌸𑍍𑌯॑ 𑌶𑌯𑍇॒ 𑌰𑌕𑍍𑌷॑𑌸𑌾॒ -𑌮𑌨॑𑌨𑍍𑌵𑌵𑌚𑌾𑌰𑌾𑌯॒ 𑌦𑌕𑍍𑌷𑌿॑𑌣𑌸𑍍𑌯 𑌹𑌵𑌿॒𑌰𑍍𑌧𑌾𑌨॒𑌸𑍍𑌯𑍋𑌤𑍍𑌤॑𑌰𑌸𑍍𑌯𑌾𑌂-𑌵𑌁𑌰𑍍𑌤॒𑌨𑍍𑌯𑌾𑌗𑍍𑌂 𑌸𑌾॑𑌦𑌯𑌤𑌿 𑌵𑌾॒𑌚𑍍𑌯𑍇॑𑌵 𑌵𑌾𑌚॑-𑌨𑍍𑌦𑌧𑌾॒𑌤𑍍𑌯𑌾 𑌤𑍃॑𑌤𑍀𑌯𑌸𑌵॒𑌨𑌾-𑌤𑍍𑌪𑌰𑌿॑ 𑌶𑍇𑌰𑍇 𑌯॒𑌜𑍍𑌞𑌸𑍍𑌯॒ 𑌸𑌨𑍍𑌤॑𑌤𑍍𑌯𑍈 ॥ 41 ॥

(𑌮॒𑌨𑍁॒𑌷𑍍𑌯॒𑌚॒𑌰𑌾 - 𑌵𑍁॑𑌦𑌪𑌾॒𑌤𑍍𑌰 - 𑌮𑍁॑𑌪॒𑌹𑍍𑌵𑌯𑍇॑𑌤 - 𑌦𑍍𑌵𑌿𑌦𑍇𑌵॒𑌤𑍍𑌯𑌾𑌃᳚ - 𑌷𑌟𑍍𑌚॑𑌤𑍍𑌵𑌾𑌰𑌿𑌗𑍍𑌂𑌶𑌚𑍍𑌚) (𑌅. 9)

𑌬𑍃𑌹॒𑌸𑍍𑌪𑌤𑌿॑𑌰𑍍𑌦𑍇॒𑌵𑌾𑌨𑌾᳚-𑌮𑍍𑌪𑍁॒𑌰𑍋𑌹𑌿॑𑌤॒ 𑌆𑌸𑍀॒-𑌚𑍍𑌛𑌣𑍍𑌡𑌾॒𑌮𑌰𑍍𑌕𑌾॒-𑌵𑌸𑍁॑𑌰𑌾𑌣𑌾॒-𑌮𑍍𑌬𑍍𑌰𑌹𑍍𑌮॑𑌣𑍍 𑌵𑌨𑍍𑌤𑍋 𑌦𑍇॒𑌵𑌾 𑌆𑌸॒-𑌨𑍍𑌬𑍍𑌰𑌹𑍍𑌮॑𑌣𑍍 𑌵॒𑌨𑍍𑌤𑍋-𑌽𑌸𑍁॑𑌰𑌾॒𑌸𑍍𑌤𑍇᳚(1॒) 𑌽𑌨𑍍𑌯𑍋᳚-𑌽𑌨𑍍𑌯-𑌨𑍍𑌨𑌾𑌶॑𑌕𑍍𑌨𑍁𑌵-𑌨𑍍𑌨॒𑌭𑌿𑌭॑𑌵𑌿𑌤𑍁॒-𑌨𑍍𑌤𑍇 𑌦𑍇॒𑌵𑌾-𑌶𑍍𑌶𑌣𑍍𑌡𑌾॒𑌮𑌰𑍍𑌕𑌾॒-𑌵𑍁𑌪𑌾॑𑌮𑌨𑍍𑌤𑍍𑌰𑌯𑌨𑍍𑌤॒ 𑌤𑌾 𑌵॑𑌬𑍍𑌰𑍂𑌤𑌾𑌂॒-𑌵𑌁𑌰𑌂॑-𑌵𑍃𑌁𑌣𑌾𑌵𑌹𑍈॒ 𑌗𑍍𑌰𑌹𑌾॑𑌵𑍇॒𑌵 𑌨𑌾॒𑌵𑌤𑍍𑌰𑌾𑌪𑌿॑ 𑌗𑍃𑌹𑍍𑌯𑍇𑌤𑌾॒𑌮𑌿𑌤𑌿॒ 𑌤𑌾𑌭𑍍𑌯𑌾॑𑌮𑍇॒𑌤𑍗 𑌶𑍁॒𑌕𑍍𑌰𑌾𑌮॒𑌨𑍍𑌥𑌿𑌨𑌾॑-𑌵𑌗𑍃𑌹𑍍𑌣॒-𑌨𑍍𑌤𑌤𑍋॑ 𑌦𑍇॒𑌵𑌾 𑌅𑌭॑𑌵॒-𑌨𑍍𑌪𑌰𑌾-𑌽𑌸𑍁॑𑌰𑌾॒ 𑌯𑌸𑍍𑌯𑍈॒𑌵𑌂-𑌵𑌿𑌁॒𑌦𑍁𑌷𑌃॑ 𑌶𑍁॒𑌕𑍍𑌰𑌾𑌮॒𑌨𑍍𑌥𑌿𑌨𑍗॑ 𑌗𑍃॒𑌹𑍍𑌯𑍇𑌤𑍇॒ 𑌭॑𑌵𑌤𑍍𑌯𑌾॒𑌤𑍍𑌮𑌨𑌾॒ 𑌪𑌰𑌾᳚- [𑌪𑌰𑌾᳚, 𑌅॒𑌸𑍍𑌯॒ 𑌭𑍍𑌰𑌾𑌤𑍃॑𑌵𑍍𑌯𑍋] 42

-𑌽𑌸𑍍𑌯॒ 𑌭𑍍𑌰𑌾𑌤𑍃॑𑌵𑍍𑌯𑍋 𑌭𑌵𑌤𑌿॒ 𑌤𑍗 𑌦𑍇॒𑌵𑌾 𑌅॑𑌪॒𑌨𑍁𑌦𑍍𑌯𑌾॒-𑌽𑌽𑌤𑍍𑌮𑌨॒ 𑌇𑌨𑍍𑌦𑍍𑌰𑌾॑𑌯𑌾𑌜𑍁𑌹𑌵𑍁॒-𑌰𑌪॑𑌨𑍁𑌤𑍍𑌤𑍗॒ 𑌶𑌣𑍍𑌡𑌾॒𑌮𑌰𑍍𑌕𑍗॑ 𑌸॒𑌹𑌾𑌮𑍁𑌨𑍇𑌤𑌿॑ 𑌬𑍍𑌰𑍂𑌯𑌾॒𑌦𑍍𑌯-𑌨𑍍𑌦𑍍𑌵𑌿॒𑌷𑍍𑌯𑌾𑌦𑍍𑌯𑌮𑍇॒𑌵 𑌦𑍍𑌵𑍇𑌷𑍍𑌟𑌿॒ 𑌤𑍇𑌨𑍈॑𑌨𑍗 𑌸॒𑌹𑌾𑌪॑ 𑌨𑍁𑌦𑌤𑍇॒ 𑌸 𑌪𑍍𑌰॑𑌥॒𑌮-𑌸𑍍𑌸𑌙𑍍𑌕𑍃॑𑌤𑌿-𑌰𑍍𑌵𑌿॒𑌶𑍍𑌵𑌕॒𑌰𑍍𑌮𑍇𑌤𑍍𑌯𑍇॒𑌵𑍈𑌨𑌾॑-𑌵𑌾॒𑌤𑍍𑌮𑌨॒ 𑌇𑌨𑍍𑌦𑍍𑌰𑌾॑𑌯𑌾-𑌜𑍁𑌹𑌵𑍁॒𑌰𑌿𑌨𑍍𑌦𑍍𑌰𑍋॒ 𑌹𑍍𑌯𑍇॑𑌤𑌾𑌨𑌿॑ 𑌰𑍂॒𑌪𑌾𑌣𑌿॒ 𑌕𑌰𑌿॑𑌕𑍍𑌰॒𑌦𑌚॑𑌰𑌦॒𑌸𑍗 𑌵𑌾 𑌆॑𑌦𑌿॒𑌤𑍍𑌯-𑌶𑍍𑌶𑍁॒𑌕𑍍𑌰𑌶𑍍𑌚॒𑌨𑍍𑌦𑍍𑌰𑌮𑌾॑ 𑌮॒𑌨𑍍𑌥𑍍𑌯॑𑌪𑌿॒-𑌗𑍃𑌹𑍍𑌯॒ 𑌪𑍍𑌰𑌾𑌞𑍍𑌚𑍗॒ 𑌨𑌿- [𑌪𑍍𑌰𑌾𑌞𑍍𑌚𑍗॒ 𑌨𑌿𑌃, 𑌕𑍍𑌰𑌾॒𑌮॒𑌤॒-𑌸𑍍𑌤𑌸𑍍𑌮𑌾॒-] 43

-𑌷𑍍𑌕𑍍𑌰𑌾॑𑌮𑌤॒-𑌸𑍍𑌤𑌸𑍍𑌮𑌾॒-𑌤𑍍𑌪𑍍𑌰𑌾𑌞𑍍𑌚𑍗॒ 𑌯𑌨𑍍𑌤𑍗॒ 𑌨 𑌪॑𑌶𑍍𑌯𑌨𑍍𑌤𑌿 𑌪𑍍𑌰॒𑌤𑍍𑌯𑌞𑍍𑌚𑌾॑𑌵𑌾॒𑌵𑍃𑌤𑍍𑌯॑ 𑌜𑍁𑌹𑍁𑌤॒𑌸𑍍𑌤𑌸𑍍𑌮𑌾᳚-𑌤𑍍𑌪𑍍𑌰॒𑌤𑍍𑌯𑌞𑍍𑌚𑍗॒ 𑌯𑌨𑍍𑌤𑍗॑ 𑌪𑌶𑍍𑌯𑌨𑍍𑌤𑌿॒ 𑌚𑌕𑍍𑌷𑍁॑𑌷𑍀॒ 𑌵𑌾 𑌏॒𑌤𑍇 𑌯॒𑌜𑍍𑌞𑌸𑍍𑌯॒ 𑌯𑌚𑍍𑌛𑍁॒𑌕𑍍𑌰𑌾𑌮॒𑌨𑍍𑌥𑌿𑌨𑍗॒ 𑌨𑌾𑌸𑌿॑𑌕𑍋𑌤𑍍𑌤𑌰𑌵𑍇॒𑌦𑌿𑌰॒𑌭𑌿𑌤𑌃॑ 𑌪𑌰𑌿॒𑌕𑍍𑌰𑌮𑍍𑌯॑ 𑌜𑍁𑌹𑍁𑌤॒𑌸𑍍𑌤𑌸𑍍𑌮𑌾॑𑌦॒𑌭𑌿𑌤𑍋॒ 𑌨𑌾𑌸𑌿॑𑌕𑌾॒-𑌞𑍍𑌚𑌕𑍍𑌷𑍁॑𑌷𑍀॒ 𑌤𑌸𑍍𑌮𑌾॒𑌨𑍍𑌨𑌾𑌸𑌿॑𑌕𑌯𑌾॒ 𑌚𑌕𑍍𑌷𑍁॑𑌷𑍀॒ 𑌵𑌿𑌧𑍃॑𑌤𑍇 𑌸॒𑌰𑍍𑌵𑌤𑌃॒ 𑌪𑌰𑌿॑ 𑌕𑍍𑌰𑌾𑌮𑌤𑍋॒ 𑌰𑌕𑍍𑌷॑𑌸𑌾॒𑌮𑌪॑𑌹𑌤𑍍𑌯𑍈 𑌦𑍇॒𑌵𑌾 𑌵𑍈 𑌯𑌾𑌃 𑌪𑍍𑌰𑌾𑌚𑍀॒𑌰𑌾𑌹𑍁॑𑌤𑍀॒𑌰𑌜𑍁॑𑌹𑌵𑍁॒𑌰𑍍𑌯𑍇 𑌪𑍁॒𑌰𑌸𑍍𑌤𑌾॒𑌦𑌸𑍁॑𑌰𑌾॒ 𑌆𑌸॒-𑌨𑍍𑌤𑌾𑌗𑍍𑌸𑍍𑌤𑌾𑌭𑌿𑌃॒ 𑌪𑍍𑌰𑌾- [𑌆𑌸॒-𑌨𑍍𑌤𑌾𑌗𑍍𑌸𑍍𑌤𑌾𑌭𑌿𑌃॒ 𑌪𑍍𑌰, 𑌅॒𑌨𑍁॒𑌦॒𑌨𑍍𑌤॒ 𑌯𑌾𑌃] 44

-𑌣𑍁॑𑌦𑌨𑍍𑌤॒ 𑌯𑌾𑌃 𑌪𑍍𑌰॒𑌤𑍀𑌚𑍀॒𑌰𑍍𑌯𑍇 𑌪॒𑌶𑍍𑌚𑌾𑌦𑌸𑍁॑𑌰𑌾॒ 𑌆𑌸॒-𑌨𑍍𑌤𑌾𑌗𑍍𑌸𑍍𑌤𑌾𑌭𑌿॒𑌰𑌪𑌾॑𑌨𑍁𑌦𑌨𑍍𑌤॒ 𑌪𑍍𑌰𑌾𑌚𑍀॑𑌰॒𑌨𑍍𑌯𑌾 𑌆𑌹𑍁॑𑌤𑌯𑍋 𑌹𑍂॒𑌯𑌨𑍍𑌤𑍇᳚ 𑌪𑍍𑌰॒𑌤𑍍𑌯𑌞𑍍𑌚𑍗॑ 𑌶𑍁॒𑌕𑍍𑌰𑌾𑌮॒𑌨𑍍𑌥𑌿𑌨𑍗॑ 𑌪॒𑌶𑍍𑌚𑌾𑌚𑍍𑌚𑍈॒𑌵 𑌪𑍁॒𑌰𑌸𑍍𑌤𑌾᳚𑌚𑍍𑌚॒ 𑌯𑌜॑𑌮𑌾𑌨𑍋॒ 𑌭𑍍𑌰𑌾𑌤𑍃॑𑌵𑍍𑌯𑌾॒-𑌨𑍍𑌪𑍍𑌰 𑌣𑍁॑𑌦𑌤𑍇॒ 𑌤𑌸𑍍𑌮𑌾॒-𑌤𑍍𑌪𑌰𑌾॑𑌚𑍀𑌃 𑌪𑍍𑌰॒𑌜𑌾𑌃 𑌪𑍍𑌰 𑌵𑍀॑𑌯𑌨𑍍𑌤𑍇 𑌪𑍍𑌰॒𑌤𑍀𑌚𑍀᳚𑌰𑍍𑌜𑌾𑌯𑌨𑍍𑌤𑍇 𑌶𑍁॒𑌕𑍍𑌰𑌾𑌮॒𑌨𑍍𑌥𑌿𑌨𑍗॒ 𑌵𑌾 𑌅𑌨𑍁॑ 𑌪𑍍𑌰॒𑌜𑌾𑌃 𑌪𑍍𑌰 𑌜𑌾॑𑌯𑌨𑍍𑌤𑍇॒-𑌽𑌤𑍍𑌤𑍍𑌰𑍀𑌶𑍍𑌚𑌾॒𑌦𑍍𑌯𑌾᳚𑌶𑍍𑌚 𑌸𑍁॒𑌵𑍀𑌰𑌾𑌃᳚ 𑌪𑍍𑌰॒𑌜𑌾𑌃 𑌪𑍍𑌰॑𑌜॒𑌨𑌯॒-𑌨𑍍𑌪𑌰𑍀॑𑌹𑌿 𑌶𑍁॒𑌕𑍍𑌰-𑌶𑍍𑌶𑍁॒𑌕𑍍𑌰𑌶𑍋॑𑌚𑌿𑌷𑌾 [𑌶𑍁॒𑌕𑍍𑌰-𑌶𑍍𑌶𑍁॒𑌕𑍍𑌰𑌶𑍋॑𑌚𑌿𑌷𑌾, 𑌸𑍁॒𑌪𑍍𑌰॒𑌜𑌾𑌃 𑌪𑍍𑌰॒𑌜𑌾𑌃] 45

𑌸𑍁𑌪𑍍𑌰॒𑌜𑌾𑌃 𑌪𑍍𑌰॒𑌜𑌾𑌃 𑌪𑍍𑌰॑𑌜॒𑌨𑌯॒-𑌨𑍍𑌪𑌰𑍀॑𑌹𑌿 𑌮॒𑌨𑍍𑌥𑍀 𑌮॒𑌨𑍍𑌥𑌿𑌶𑍋॑𑌚𑌿॒𑌷𑍇𑌤𑍍𑌯𑌾॑𑌹𑍈॒𑌤𑌾 𑌵𑍈 𑌸𑍁॒𑌵𑍀𑌰𑌾॒ 𑌯𑌾 𑌅॒𑌤𑍍𑌤𑍍𑌰𑍀𑌰𑍇॒𑌤𑌾-𑌸𑍍𑌸𑍁॑𑌪𑍍𑌰॒𑌜𑌾 𑌯𑌾 𑌆॒𑌦𑍍𑌯𑌾॑ 𑌯 𑌏॒𑌵𑌂-𑌵𑍇𑌁𑌦𑌾॒𑌤𑍍𑌰𑍍𑌯॑𑌸𑍍𑌯 𑌪𑍍𑌰॒𑌜𑌾 𑌜𑌾॑𑌯𑌤𑍇॒ 𑌨𑌾-𑌽𑌽𑌦𑍍𑌯𑌾᳚ 𑌪𑍍𑌰॒𑌜𑌾𑌪॑𑌤𑍇॒𑌰𑌕𑍍𑌷𑍍𑌯॑𑌶𑍍𑌵𑌯॒-𑌤𑍍𑌤-𑌤𑍍𑌪𑌰𑌾॑-𑌽𑌽𑌪𑌤॒-𑌤𑍍𑌤-𑌦𑍍𑌵𑌿𑌕॑𑌙𑍍𑌕𑌤॒-𑌮𑍍𑌪𑍍𑌰𑌾𑌵𑌿॑𑌶॒-𑌤𑍍𑌤-𑌦𑍍𑌵𑌿𑌕॑𑌙𑍍𑌕𑌤𑍇॒ 𑌨𑌾𑌰॑𑌮𑌤॒ 𑌤-𑌦𑍍𑌯𑌵॒-𑌮𑍍𑌪𑍍𑌰𑌾𑌵𑌿॑𑌶॒-𑌤𑍍𑌤-𑌦𑍍𑌯𑌵𑍇॑-𑌽𑌰𑌮𑌤॒ 𑌤-𑌦𑍍𑌯𑌵॑𑌸𑍍𑌯- [𑌤-𑌦𑍍𑌯𑌵॑𑌸𑍍𑌯, 𑌯॒𑌵॒𑌤𑍍𑌵𑌂-𑌯𑌁-𑌦𑍍𑌵𑍈𑌕॑𑌙𑍍𑌕𑌤-] 46

𑌯𑌵॒𑌤𑍍𑌵𑌂-𑌯𑌁-𑌦𑍍𑌵𑍈𑌕॑𑌙𑍍𑌕𑌤-𑌮𑍍𑌮𑌨𑍍𑌥𑌿𑌪𑌾॒𑌤𑍍𑌰-𑌮𑍍𑌭𑌵॑𑌤𑌿॒ 𑌸𑌕𑍍𑌤𑍁॑𑌭𑌿-𑌶𑍍𑌶𑍍𑌰𑍀॒𑌣𑌾𑌤𑌿॑ 𑌪𑍍𑌰॒𑌜𑌾𑌪॑𑌤𑍇𑌰𑍇॒𑌵 𑌤𑌚𑍍𑌚𑌕𑍍𑌷𑍁॒-𑌸𑍍𑌸-𑌮𑍍𑌭॑𑌰𑌤𑌿 𑌬𑍍𑌰𑌹𑍍𑌮𑌵𑌾॒𑌦𑌿𑌨𑍋॑ 𑌵𑌦𑌨𑍍𑌤𑌿॒ 𑌕𑌸𑍍𑌮𑌾᳚-𑌥𑍍𑌸॒𑌤𑍍𑌯𑌾𑌨𑍍𑌮॑𑌨𑍍𑌥𑌿𑌪𑌾॒𑌤𑍍𑌰𑌗𑍍𑌂 𑌸𑌦𑍋॒ 𑌨𑌾𑌶𑍍𑌞𑍁॑𑌤॒ 𑌇𑌤𑍍𑌯𑌾᳚𑌰𑍍𑌤𑌪𑌾॒𑌤𑍍𑌰𑌗𑍍𑌂 𑌹𑍀𑌤𑌿॑ 𑌬𑍍𑌰𑍂𑌯𑌾॒-𑌦𑍍𑌯𑌦॑𑌶𑍍𑌞𑍁𑌵𑍀॒𑌤𑌾𑌨𑍍𑌧𑍋᳚-𑌽𑌦𑍍𑌧𑍍𑌵॒𑌰𑍍𑌯𑍁-𑌸𑍍𑌸𑍍𑌯𑌾॒𑌦𑌾𑌰𑍍𑌤𑌿॒𑌮𑌾𑌰𑍍𑌚𑍍𑌛𑍇॒-𑌤𑍍𑌤𑌸𑍍𑌮𑌾॒𑌨𑍍𑌨𑌾𑌶𑍍𑌞𑍁॑𑌤𑍇 ॥ 47 ॥

(𑌆॒𑌤𑍍𑌮𑌨𑌾॒ 𑌪𑌰𑌾॒ - 𑌨𑌿 - 𑌷𑍍𑌪𑍍𑌰 - 𑌶𑍁॒𑌕𑍍𑌰𑌶𑍋॑𑌚𑌿𑌷𑌾॒ - 𑌯𑌵॑𑌸𑍍𑌯 - 𑌸॒𑌪𑍍𑌤𑌤𑍍𑌰𑌿𑌗𑍍𑌂॑𑌶𑌚𑍍𑌚) (𑌅. 10)

𑌦𑍇॒𑌵𑌾 𑌵𑍈 𑌯-𑌦𑍍𑌯॒𑌜𑍍𑌞𑍇-𑌽𑌕𑍁॑𑌰𑍍𑌵𑌤॒ 𑌤𑌦𑌸𑍁॑𑌰𑌾 𑌅𑌕𑍁𑌰𑍍𑌵𑌤॒ 𑌤𑍇 𑌦𑍇॒𑌵𑌾 𑌆᳚𑌗𑍍𑌰𑌯॒𑌣𑌾𑌗𑍍𑌰𑌾॒-𑌨𑍍𑌗𑍍𑌰𑌹𑌾॑𑌨𑌪𑌶𑍍𑌯॒-𑌨𑍍𑌤𑌾𑌨॑𑌗𑍃𑌹𑍍𑌣𑌤॒ 𑌤𑌤𑍋॒ 𑌵𑍈 𑌤𑍇-𑌽𑌗𑍍𑌰॒-𑌮𑍍𑌪𑌰𑍍𑌯𑌾॑𑌯॒𑌨𑍍॒. 𑌯𑌸𑍍𑌯𑍈॒𑌵𑌂-𑌵𑌿𑌁॒𑌦𑍁𑌷॑ 𑌆𑌗𑍍𑌰𑌯॒𑌣𑌾𑌗𑍍𑌰𑌾॒ 𑌗𑍍𑌰𑌹𑌾॑ 𑌗𑍃॒𑌹𑍍𑌯𑌨𑍍𑌤𑍇-𑌽𑌗𑍍𑌰॑𑌮𑍇॒𑌵 𑌸॑𑌮𑌾॒𑌨𑌾𑌨𑌾॒-𑌮𑍍𑌪𑌰𑍍𑌯𑍇॑𑌤𑌿 𑌰𑍁॒𑌗𑍍𑌣𑌵॑𑌤𑍍𑌯॒𑌰𑍍𑌚𑌾 𑌭𑍍𑌰𑌾𑌤𑍃॑𑌵𑍍𑌯𑌵𑌤𑍋 𑌗𑍃𑌹𑍍𑌣𑍀𑌯𑌾॒-𑌦𑍍𑌭𑍍𑌰𑌾𑌤𑍃॑𑌵𑍍𑌯𑌸𑍍𑌯𑍈॒𑌵 𑌰𑍁॒𑌕𑍍𑌤𑍍𑌵𑌾-𑌽𑌗𑍍𑌰𑌗𑍍𑌂॑ 𑌸𑌮𑌾॒𑌨𑌾𑌨𑌾॒-𑌮𑍍𑌪𑌰𑍍𑌯𑍇॑𑌤𑌿॒ 𑌯𑍇 𑌦𑍇॑𑌵𑌾 𑌦𑌿॒𑌵𑍍𑌯𑍇𑌕𑌾॑𑌦𑌶॒ 𑌸𑍍𑌥𑍇𑌤𑍍𑌯𑌾॑𑌹𑍈॒- [𑌸𑍍𑌥𑍇𑌤𑍍𑌯𑌾॑𑌹, 𑌏॒𑌤𑌾𑌵॑𑌤𑍀॒𑌰𑍍𑌵𑍈] 48

-𑌤𑌾𑌵॑𑌤𑍀॒𑌰𑍍𑌵𑍈 𑌦𑍇॒𑌵𑌤𑌾॒𑌸𑍍𑌤𑌾𑌭𑍍𑌯॑ 𑌏॒𑌵𑍈𑌨॒𑌗𑍍𑌂॒ 𑌸𑌰𑍍𑌵𑌾᳚𑌭𑍍𑌯𑍋 𑌗𑍃𑌹𑍍𑌣𑌾𑌤𑍍𑌯𑍇॒𑌷 𑌤𑍇॒ 𑌯𑍋𑌨𑌿॒ 𑌰𑍍𑌵𑌿𑌶𑍍𑌵𑍇᳚𑌭𑍍𑌯𑌸𑍍𑌤𑍍𑌵𑌾 𑌦𑍇॒𑌵𑍇𑌭𑍍𑌯॒ 𑌇𑌤𑍍𑌯𑌾॑𑌹 𑌵𑍈𑌶𑍍𑌵𑌦𑍇॒𑌵𑍋 𑌹𑍍𑌯𑍇॑𑌷 𑌦𑍇॒𑌵𑌤॑𑌯𑌾॒ 𑌵𑌾𑌗𑍍𑌵𑍈 𑌦𑍇॒𑌵𑍇𑌭𑍍𑌯𑍋-𑌽𑌪𑌾᳚𑌕𑍍𑌰𑌾𑌮-𑌦𑍍𑌯॒𑌜𑍍𑌞𑌾𑌯𑌾𑌤𑌿॑𑌷𑍍𑌠𑌮𑌾𑌨𑌾॒ 𑌤𑍇 𑌦𑍇॒𑌵𑌾 𑌵𑌾॒𑌚𑍍𑌯𑌪॑𑌕𑍍𑌰𑌾𑌨𑍍𑌤𑌾𑌯𑌾-𑌨𑍍𑌤𑍂॒𑌷𑍍𑌣𑍀-𑌙𑍍𑌗𑍍𑌰𑌹𑌾॑𑌨𑌗𑍃𑌹𑍍𑌣𑌤॒ 𑌸𑌾𑌮॑𑌨𑍍𑌯𑌤॒ 𑌵𑌾𑌗॒𑌨𑍍𑌤𑌰𑍍𑌯॑𑌨𑍍𑌤𑌿॒ 𑌵𑍈 𑌮𑍇𑌤𑌿॒ 𑌸𑌾-𑌽𑌽𑌗𑍍𑌰॑𑌯॒𑌣-𑌮𑍍𑌪𑍍𑌰𑌤𑍍𑌯𑌾𑌗॑𑌚𑍍𑌛॒-𑌤𑍍𑌤𑌦𑌾᳚𑌗𑍍𑌰𑌯॒𑌣𑌸𑍍𑌯𑌾᳚-𑌽𑌽𑌗𑍍𑌰𑌯𑌣॒𑌤𑍍𑌵- [-𑌽𑌽𑌗𑍍𑌰𑌯𑌣॒𑌤𑍍𑌵𑌮𑍍, 𑌤𑌸𑍍𑌮𑌾॑𑌦𑌾𑌗𑍍𑌰𑌯॒𑌣𑍇] 49

-𑌨𑍍𑌤𑌸𑍍𑌮𑌾॑𑌦𑌾𑌗𑍍𑌰𑌯॒𑌣𑍇 𑌵𑌾𑌗𑍍𑌵𑌿 𑌸𑍃॑𑌜𑍍𑌯𑌤𑍇॒ 𑌯-𑌤𑍍𑌤𑍂॒𑌷𑍍𑌣𑍀-𑌮𑍍𑌪𑍂𑌰𑍍𑌵𑍇॒ 𑌗𑍍𑌰𑌹𑌾॑ 𑌗𑍃॒𑌹𑍍𑌯𑌨𑍍𑌤𑍇॒ 𑌯𑌥𑌾᳚𑌥𑍍𑌸𑌾॒𑌰𑍀𑌯॑𑌤𑌿 𑌮॒ 𑌆𑌖॒ 𑌇𑌯॑𑌤𑌿॒ 𑌨𑌾𑌪॑ 𑌰𑌾𑌥𑍍𑌸𑍍𑌯𑌾॒-𑌮𑍀𑌤𑍍𑌯𑍁॑𑌪𑌾𑌵𑌸𑍃॒𑌜𑌤𑍍𑌯𑍇॒𑌵𑌮𑍇॒𑌵 𑌤𑌦॑𑌦𑍍𑌧𑍍𑌵॒𑌰𑍍𑌯𑍁𑌰𑌾᳚𑌗𑍍𑌰𑌯॒𑌣-𑌙𑍍𑌗𑍃॑𑌹𑍀॒𑌤𑍍𑌵𑌾 𑌯॒𑌜𑍍𑌞𑌮𑌾॒𑌰𑌭𑍍𑌯॒ 𑌵𑌾𑌚𑌂॒-𑌵𑌿𑌁 𑌸𑍃॑𑌜𑌤𑍇॒ 𑌤𑍍𑌰𑌿𑌰𑍍𑌹𑌿-𑌙𑍍𑌕॑𑌰𑍋𑌤𑍍𑌯𑍁𑌦𑍍𑌗𑌾॒𑌤𑍄-𑌨𑍇॒𑌵 𑌤-𑌦𑍍𑌵𑍃॑𑌣𑍀𑌤𑍇 𑌪𑍍𑌰॒𑌜𑌾𑌪॑𑌤𑌿॒𑌰𑍍𑌵𑌾 𑌏॒𑌷 𑌯𑌦𑌾᳚𑌗𑍍𑌰𑌯॒𑌣𑍋 𑌯𑌦𑌾᳚𑌗𑍍𑌰𑌯॒𑌣-𑌙𑍍𑌗𑍃॑𑌹𑍀॒𑌤𑍍𑌵𑌾 𑌹𑌿॑-𑌙𑍍𑌕॒𑌰𑍋𑌤𑌿॑ 𑌪𑍍𑌰॒𑌜𑌾𑌪॑𑌤𑌿𑌰𑍇॒𑌵 [ ] 50

𑌤-𑌤𑍍𑌪𑍍𑌰॒𑌜𑌾 𑌅॒𑌭𑌿 𑌜𑌿॑𑌘𑍍𑌰𑌤𑌿॒ 𑌤𑌸𑍍𑌮𑌾᳚-𑌦𑍍𑌵॒𑌥𑍍𑌸-𑌞𑍍𑌜𑌾॒𑌤-𑌙𑍍𑌗𑍗𑌰॒𑌭𑌿 𑌜𑌿॑𑌘𑍍𑌰𑌤𑍍𑌯𑌾॒𑌤𑍍𑌮𑌾 𑌵𑌾 𑌏॒𑌷 𑌯॒𑌜𑍍𑌞𑌸𑍍𑌯॒ 𑌯𑌦𑌾᳚𑌗𑍍𑌰𑌯॒𑌣-𑌸𑍍𑌸𑌵॑𑌨𑍇𑌸𑌵𑌨𑍇॒-𑌽𑌭𑌿 𑌗𑍃॑𑌹𑍍𑌣𑌾𑌤𑍍𑌯𑌾॒𑌤𑍍𑌮𑌨𑍍𑌨𑍇॒𑌵 𑌯॒𑌜𑍍𑌞𑌗𑍍𑌂 𑌸-𑌨𑍍𑌤॑𑌨𑍋𑌤𑍍𑌯𑍁॒𑌪𑌰𑌿॑𑌷𑍍𑌟𑌾॒𑌦𑌾 𑌨॑𑌯𑌤𑌿॒ 𑌰𑍇𑌤॑ 𑌏॒𑌵 𑌤-𑌦𑍍𑌦॑𑌧𑌾𑌤𑍍𑌯॒𑌧𑌸𑍍𑌤𑌾॒𑌦𑍁𑌪॑ 𑌗𑍃𑌹𑍍𑌣𑌾𑌤𑌿॒ 𑌪𑍍𑌰 𑌜॑𑌨𑌯𑌤𑍍𑌯𑍇॒𑌵 𑌤𑌦𑍍𑌬𑍍𑌰॑𑌹𑍍𑌮𑌵𑌾॒𑌦𑌿𑌨𑍋॑ 𑌵𑌦𑌨𑍍𑌤𑌿॒ 𑌕𑌸𑍍𑌮𑌾᳚-𑌥𑍍𑌸॒𑌤𑍍𑌯𑌾-𑌦𑍍𑌗𑌾॑𑌯॒𑌤𑍍𑌰𑍀 𑌕𑌨𑌿॑𑌷𑍍𑌠𑌾॒ 𑌛𑌨𑍍𑌦॑𑌸𑌾𑌗𑍍𑌂 𑌸॒𑌤𑍀 𑌸𑌰𑍍𑌵𑌾॑𑌣𑌿॒ 𑌸𑌵॑𑌨𑌾𑌨𑌿 𑌵𑌹॒𑌤𑍀𑌤𑍍𑌯𑍇॒𑌷 𑌵𑍈 𑌗𑌾॑𑌯𑌤𑍍𑌰𑌿॒𑌯𑍈 𑌵॒𑌥𑍍𑌸𑍋 𑌯𑌦𑌾᳚𑌗𑍍𑌰𑌯॒𑌣𑌸𑍍𑌤𑌮𑍇॒𑌵 𑌤𑌦॑𑌭𑌿𑌨𑌿॒𑌵𑌰𑍍𑌤॒𑌗𑍍𑌂॒ 𑌸𑌰𑍍𑌵𑌾॑𑌣𑌿॒ 𑌸𑌵॑𑌨𑌾𑌨𑌿 𑌵𑌹𑌤𑌿॒ 𑌤𑌸𑍍𑌮𑌾᳚-𑌦𑍍𑌵॒𑌥𑍍𑌸𑌮॒𑌪𑌾𑌕𑍃॑𑌤॒-𑌙𑍍𑌗𑍗𑌰॒𑌭𑌿 𑌨𑌿 𑌵॑𑌰𑍍𑌤𑌤𑍇 ॥ 51 ॥

(𑌆॒𑌹𑌾॒-𑌽𑌽 - 𑌗𑍍𑌰॒𑌯॒𑌣॒𑌤𑍍𑌵𑌂 - 𑌪𑍍𑌰॒𑌜𑌾𑌪॑𑌤𑌿𑌰𑍇॒𑌵𑍇 - 𑌤𑌿॑ - 𑌵𑌿𑌗𑍍𑌂𑌶॒𑌤𑌿𑌶𑍍𑌚॑) (𑌅. 11)

(𑌯॒𑌜𑍍𑌞𑍇𑌨॒ 𑌤𑌾 𑌉॑𑌪॒𑌯𑌡𑍍𑌭𑌿॑ - 𑌰𑍍𑌦𑍇॒𑌵𑌾 𑌵𑍈 𑌯॒𑌜𑍍𑌞𑌮𑌾𑌗𑍍𑌨𑍀᳚𑌧𑍍𑌰𑍇 - 𑌬𑍍𑌰𑌹𑍍𑌮𑌵𑌾॒𑌦𑌿𑌨॒-𑌸𑍍𑌸 𑌤𑍍𑌵𑍈 - 𑌦𑍇॒𑌵𑌸𑍍𑌯॒ 𑌗𑍍𑌰𑌾𑌵𑌾॑𑌣𑌂 - 𑌪𑍍𑌰𑌾॒𑌣𑍋 𑌵𑌾 𑌉॑𑌪𑌾॒𑌗𑍍॒𑌶𑍍𑌵॑𑌗𑍍𑌰𑌾 - 𑌦𑍇॒𑌵𑌾 𑌵𑌾 𑌉॑𑌪𑌾॒𑌗𑍍𑌂॒𑌶𑍗 - 𑌵𑌾𑌗𑍍𑌵𑍈 - 𑌮𑌿॒𑌤𑍍𑌰𑌂 - 𑌁𑌯॒𑌜𑍍𑌞𑌸𑍍𑌯॒ - 𑌬𑍃𑌹॒𑌸𑍍𑌪𑌤𑌿॑ - 𑌰𑍍𑌦𑍇॒𑌵𑌾 𑌵𑌾 𑌆᳚𑌗𑍍𑌰𑌯॒𑌣𑌾𑌗𑍍𑌰𑌾॒ - 𑌨𑍇𑌕𑌾॑𑌦𑌶)

(𑌯॒𑌜𑍍𑌞𑍇𑌨॑ - 𑌲𑍋॒𑌕𑍇 𑌪॑𑌶𑍁॒𑌮𑌾𑌨𑍍-𑌥𑍍𑌸𑍍𑌯𑌾॒𑌥𑍍 - 𑌸𑌵॑𑌨॒-𑌮𑍍𑌮𑌾𑌧𑍍𑌯॑𑌨𑍍𑌦𑌿𑌨𑌂॒ - 𑌁𑌵𑌾𑌗𑍍𑌵𑌾 - 𑌅𑌰𑌿॑𑌕𑍍𑌤𑌾𑌨𑌿॒ - 𑌤-𑌤𑍍𑌪𑍍𑌰॒𑌜𑌾 - 𑌏𑌕॑𑌪𑌞𑍍𑌚𑌾॒𑌶𑌤𑍍)

(𑌯॒𑌜𑍍𑌞𑍇𑌨॒, 𑌨𑌿 𑌵॑𑌰𑍍𑌤𑌤𑍇)

॥ 𑌹𑌰𑌿𑌃॑ 𑌓𑌮𑍍 ॥

॥ 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌸𑌂𑌹𑌿𑌤𑌾𑌯𑌾𑌂 𑌷𑌷𑍍𑌠𑌕𑌾𑌣𑍍𑌡𑍇 𑌚𑌤𑍁𑌰𑍍𑌥𑌃 𑌪𑍍𑌰𑌶𑍍𑌨-𑌸𑍍𑌸𑌮𑌾𑌪𑍍𑌤𑌃 ॥

Roman (IAST) Transliteration

kṛṣṇa yajurvedīya taittirīya saṃhitāyāṃ ṣaṣṭhakāṇḍe caturthaḥ praśnaḥ - somamantrabrāhmaṇanirūpaṇaṃ

o-nnamaḥ paramātmane, śrī mahāgaṇapataye namaḥ,

śrī gurubhyo namaḥ | ha॒riḥ॒ om ||

ya॒jñena॒ vai pra॒jāpa̭tiḥ pra॒jā a̭sṛjata॒ tā ṷpa॒yaḍbhi̭-re॒vāsṛ̭jata॒ yadṷpa॒yaja̭ upa॒yaja̭ti pra॒jā e॒va ta-dyaja̭māna-ssṛjate jaghanā॒rdhādava̭ dyati jaghanā॒rdhāddhi pra॒jāḥ pra॒jāya̭nte sthavima॒to-'va̭ dyati sthavima॒to hi pra॒jāḥ pra॒jāya॒nte 'sa̭mbhinda॒nnava̭ dyati prā॒ṇānā॒-masa̭mbhedāya॒ na pa॒ryāva̭rtayati॒ ya-tpa̭ryāva॒rtayḙdudāva॒rtaḥ pra॒jā grāhṷka-ssyā-thsamu॒dra-ṅga̭ccha॒ svāhetyā̭ha॒ reta̭ [retaḥ̭, e॒va] 1

e॒va ta-dda̭dhātya॒ntari̭kṣa-ṅgaccha॒ svāhetyā̭hā॒-'ntari̭kṣeṇai॒vāsmai᳚ pra॒jāḥ pra ja̭nayatya॒ntari̭kṣa॒gg॒ hyanṷ pra॒jāḥ pra॒jāya̭nte de॒vagṃ sa̭vi॒tāra̭-ṅgaccha॒ svāhetyā̭ha savi॒tṛpra̭sūta e॒vāsmai᳚ pra॒jāḥ pra ja̭nayatya-horā॒tre ga̭ccha॒ svāhetyā̭hā-horā॒trābhyā̭-me॒vāsmai᳚ pra॒jāḥ pra ja̭nayatya-horā॒tre hyanṷ pra॒jāḥ pra॒jāya̭nte mi॒trāvarṷṇau gaccha॒ svāhe- [svāhā᳚, ityā̭ha] 2

-tyā̭ha pra॒jāsve॒va prajā̭tāsu prāṇāpā॒nau da̭dhāti॒ soma̭-ṅgaccha॒ svāhetyā̭ha sau॒myā hi de॒vata̭yā pra॒jā ya॒jña-ṅga̭ccha॒ svāhetyā̭ha pra॒jā e॒va ya॒jñiyāḥ᳚ karoti॒ chandāgṃ̭si gaccha॒ svāhetyā̭ha pa॒śavo॒ vai chandāgṃ̭si pa॒śūne॒vāva̭ rundhe॒ dyāvā̭pṛthi॒vī ga̭ccha॒ svāhetyā̭ha pra॒jā e॒va prajā̭tā॒ dyāvā̭pṛthi॒vībhyā̭mubha॒yataḥ॒ pari̭ gṛhṇāti॒ nabho̭ [nabhaḥ̭, di॒vya-ṅga̭ccha॒] 3

di॒vya-ṅga̭ccha॒ svāhetyā̭ha pra॒jābhya̭ e॒va prajā̭tābhyo॒ vṛṣṭi॒-nniya̭cchatya॒gniṃ-vai~᳚śvāna॒ra-ṅga̭ccha॒ svāhetyā̭ha pra॒jā e॒va prajā̭tā a॒syā-mprati̭ ṣṭhāpayati prā॒ṇānāṃ॒-vā~ e॒ṣo-'va̭ dyati॒ yo̭-'va॒dyati̭ gu॒dasya॒ mano̭ me॒ hārdi̭ ya॒cchetyā̭ha prā॒ṇāne॒va ya̭thāsthā॒namupa̭ hvayate pa॒śorvā āla̭bdhasya॒ hṛda̭ya॒gṃ॒ śugṛ̭cchati॒ sā hṛ̭dayaśū॒la- [hṛ̭dayaśū॒lam, a॒bhi samḙti॒] 4

-ma॒bhi samḙti॒ ya-tpṛ̭thi॒vyāgṃ hṛ̭dayaśū॒la-mṷdvā॒saye᳚-tpṛthi॒vīgṃ śu॒cā-'rpa̭ye॒-dyada॒phsva̭pa-śśu॒cā-'rpa̭ye॒cchuṣka̭sya cā॒-''rdrasya̭ ca sa॒ndhāvudvā̭sayatyu॒bhaya̭sya॒ śāntyai॒ ya-ndvi॒ṣyā-tta-ndhyā̭ye-cchu॒caivaina̭-marpayati || 5 ||

(reto̭ - mi॒trāvarṷṇau gaccha॒ svāhā॒ - nabho̭ - hṛdayaśū॒laṃ - dvātrigṃ̭śacca) (a. 1)

de॒vā vai ya॒jñamāgnī᳚ddhre॒ vya̭bhajanta॒ tato॒ yada॒tyaśi̭ṣyata॒ tada̭bruva॒n vasa̭tu॒ nu na̭ i॒damiti॒ ta-dva̭satī॒varī̭ṇāṃ-va~satī vari॒tva-ntasmi̭-nprā॒tarna sama̭śaknuva॒-ntada॒phsu prāvḙśaya॒-ntā va̭satī॒ varī̭rabhavan vasatī॒varī᳚rgṛhṇāti ya॒jño vai va̭satī॒ varī᳚rya॒jñame॒vā-''rabhya̭ gṛhī॒tvopa̭ vasati॒ yasyāgṛ̭hītā a॒bhi ni॒mroce॒-danā̭rabdho-'sya ya॒jña-ssyā᳚- [ya॒jña-ssyā᳚t, ya॒jñaṃ-vi~] 6

-dya॒jñaṃ-vi~ cchi̭ndyā-jjyoti॒ṣyā̭ vā gṛhṇī॒yāddhira̭ṇyaṃ-vā~ 'va॒dhāya॒ saśṷkrāṇāme॒va gṛ̭hṇāti॒ yo vā᳚ brāhma॒ṇo ba̭huyā॒jī tasya॒ kumbhyā̭nā-ṅgṛhṇīyā॒-thsa hi gṛ̭hī॒ta va̭satīvarīko vasatī॒varī᳚rgṛhṇāti pa॒śavo॒ vai va̭satī॒varīḥ᳚ pa॒śūne॒vā-''rabhya̭ gṛhī॒tvopa̭ vasati॒ yada̭nvī॒pa-ntiṣṭha̭-ngṛhṇī॒yānni॒rmārgṷkā asmā-tpa॒śavaḥ̭ syuḥ pratī॒pa-ntiṣṭha̭-ngṛhṇāti prati॒ruddhyai॒vāsmai̭ pa॒śū-ngṛ̭hṇā॒tīndro̭ [pa॒śū-ngṛ̭hṇā॒tīndraḥ̭, vṛ॒tra-] 7

vṛ॒tra-ma̭ha॒n-thso᳚-'(1॒)po᳚-'(1॒)bhya̭mriyata॒ tāsāṃ॒-ya~nmeddhyaṃ̭-ya~॒jñiya॒gṃ॒ sadḙva॒māsī॒-ttadatya̭mucyata॒ tā vaha̭ntīrabhava॒n vaha̭ntīnā-ṅgṛhṇāti॒ yā e॒va meddhyā̭ ya॒jñiyā॒-ssadḙvā॒ āpa॒stā sā̭me॒va gṛ̭hṇāti॒ nānta॒mā vaha̭ntī॒ratī̭yā॒-dyada̭nta॒mā vaha̭ntīratī॒yā-dya॒jñamati̭ manyeta॒ na sthā̭va॒rāṇā᳚-ṅgṛhṇīyā॒-dvarṷṇagṛhītā॒ vai sthā̭va॒rā ya-thsthā̭va॒rāṇā᳚-ṅgṛhṇī॒yā- [ya-thsthā̭va॒rāṇā᳚-ṅgṛhṇī॒yāt, varṷṇenāsya] 8

-dvarṷṇenāsya ya॒jña-ṅgrā̭haye॒-dyadvai divā॒ bhava̭tya॒po rātriḥ॒ pra vi̭śati॒ tasmā᳚-ttā॒mrā āpo॒ divā̭ dadṛśre॒ yannakta॒-mbhava̭tya॒po-'haḥ॒ pra vi̭śati॒ tasmā᳚cca॒ndrā āpo॒ nakta̭-ndadṛśre chā॒yāyai̭ cā॒-''tapa̭taśca sa॒dhau-ṅgṛ̭hṇātya-horā॒trayo̭re॒vāsmai॒ varṇa̭-ṅgṛhṇāti ha॒viṣma̭tīri॒mā āpa॒ ityā̭ha ha॒viṣkṛ̭tānāme॒va gṛ̭hṇāti ha॒viṣmāgṃ̭ astu॒- [astu, sūrya॒] 9

sūrya॒ ityā̭ha॒ saśṷkrāṇāme॒va gṛ̭hṇātyanu॒ṣṭubhā̭ gṛhṇāti॒ vāgvā a̭nu॒ṣṭug vā॒caivainā॒-ssarva̭yā gṛhṇāti॒ catṷṣpadaya॒rcā gṛ̭hṇāti॒ tri-ssā̭dayati sa॒pta sa-mpa̭dyante sa॒ptapa̭dā॒ śakva̭rī pa॒śava॒-śśakva̭rī pa॒śūne॒vāva̭ rundhe॒ 'smai vai lo॒kāya॒ gārha̭patya॒ ā dhī̭yate॒-'muṣmā̭ āhava॒nīyo॒ ya-dgārha̭patya upasā॒dayḙda॒smin ~lo॒ke pa̭śu॒mān-thsyā॒-dyadā̭hava॒nīye॒-'-muṣmi̭- [-muṣminṋ, lo॒ke pa̭śu॒mānthsyā̭-] 10

~llo॒ke pa̭śu॒mānthsyā̭-du॒bhayo॒rupa̭ sādayatyu॒bhayo̭re॒vainaṃ̭-lo~॒kayoḥ᳚ paśu॒manta̭-ṅkaroti sa॒rvataḥ॒ pari̭ harati॒ rakṣa̭sā॒mapa̭hatyā indrāgni॒yorbhā̭ga॒dheyī॒-ssthetyā̭ha yathāya॒jure॒vaitadāgnī᳚ddhra॒ upa̭ vāsayatye॒tadvai ya॒jñasyāpa̭rājitaṃ॒-ya~dāgnī᳚ddhraṃ॒-ya~de॒va ya॒jñasyāpa̭rājita॒-ntade॒vainā॒ upa̭ vāsayati॒ yataḥ॒ khalu॒ vai ya॒jñasya॒ vita̭tasya॒ na kri॒yate॒ tadanṷ ya॒jñagṃ rakṣā॒g॒syava̭ caranti॒ ya-dvaha̭ntīnā-ṅgṛ॒hṇāti̭ kri॒yamā̭ṇame॒va ta-dya॒jñasya̭ śaye॒ rakṣa̭sā॒-mana̭nvavacārāya॒ na hyḙtā ī॒laya॒ntyā tṛ̭tīyasava॒nā-tpari̭ śere ya॒jñasya॒ santa̭tyai || 11 ||

(syā॒ - dindro̭ - gṛhṇī॒yā - da̭stva॒ - muṣmi̭n - kri॒yate॒ - ṣaḍvigṃ̭śatiśca) (a. 2)

bra॒hma॒vā॒dino̭ vadanti॒ sa tvā a̭ddhva॒ryu-ssyā॒dya-ssoma̭-mupāva॒hara॒n-thsarvā᳚bhyo de॒vatā᳚bhya upāva॒hare॒-diti̭ hṛ॒de tvetyā̭ha manu॒ṣye᳚bhya e॒vaitena̭ karoti॒ mana̭se॒ tvetyā̭ha pi॒tṛbhya̭ e॒vaitena̭ karoti di॒ve tvā॒ sūryā̭ya॒ tvetyā̭ha de॒vebhya̭ e॒vaitena̭ karotye॒tāva̭tī॒-rvai de॒vatā॒stābhya̭ e॒vaina॒gṃ॒ sarvā᳚bhya u॒pāva̭harati pu॒rā vā॒caḥ [vā॒caḥ, prava̭ditoḥ] 12

prava̭ditoḥ prātaranuvā॒ka-mu॒pāka̭roti॒ yāva̭tye॒va vā-ktā-mava̭ rundhe॒ 'po-'grḙ-'bhi॒vyāha̭rati ya॒jño vā āpo̭ ya॒jñame॒vābhi vācaṃ॒-vi~sṛ̭jati॒ sarvā̭ṇi॒ chandā॒g॒syanvā̭ha pa॒śavo॒ vai chandāgṃ̭si pa॒śūne॒vāva̭ rundhe gāyatri॒yā teja̭skāmasya॒ pari̭ daddhyā-ttri॒ṣṭubhe᳚ndri॒yakā̭masya॒ jaga̭tyā pa॒śukā̭masyā-'nu॒ṣṭubhā᳚ prati॒ṣṭhākā̭masya pa॒ṅktyā ya॒jñakā̭masya vi॒rājā-'nna̭kāmasya śṛ॒ṇotva॒gni-ssa॒midhā॒ hava̭- [hava᳚m, ma॒ ityā̭ha] 13

-mma॒ ityā̭ha savi॒tṛpra̭sūta e॒va de॒vatā᳚bhyo ni॒vedyā॒-'po-'cchai᳚tya॒pa i̭ṣya hota॒-rityā̭heṣi॒tagṃ hi karma̭ kri॒yate॒ maitrā̭varuṇasya camasāddhvarya॒vā dra॒vetyā̭ha mi॒trāvarṷṇau॒ vā a॒pā-nne॒tārau॒ tābhyā̭me॒vainā॒ acchai̭ti॒ devī̭rāpo apā-nnapā॒-dityā॒hā-''hṷtyai॒vainā̭ ni॒ṣkrīya̭ gṛhṇā॒tyatho̭ ha॒viṣkṛ̭tānā-me॒vābhighṛ̭tānā-ṅgṛhṇāti॒- [-me॒vābhighṛ̭tānā-ṅgṛhṇāti, kārṣi̭-ra॒sītyā̭ha॒] 14

kārṣi̭-ra॒sītyā̭ha॒ śama̭lame॒vā-''sā॒mapa̭ plāvayati samu॒drasya॒ vo-'kṣi̭tyā॒ unna̭ya॒ ityā̭ha॒ tasmā̭da॒dyamā̭nāḥ pī॒yamā̭nā॒ āpo॒ na kṣī̭yante॒ yoni॒rvai ya॒jñasya॒ cātvā̭laṃ-ya~॒jño va̭satī॒varīr̭. hotṛcama॒sa-ñca̭ maitrāvaruṇacama॒sa-ñca̭ sa॒gg॒sparśya̭ vasatī॒varī॒rvyāna̭yati ya॒jñasya̭ sayoni॒tvāyātho॒ svāde॒vainā॒ yoneḥ॒ pra ja̭nayatyaddhva॒ryo-'vḙra॒pā(3) ityā̭ho॒te -ma̭nannamuru॒temāḥ pa॒śyeti॒ vāvaitadā̭ha॒ yadya̭gniṣṭo॒mo ju॒hoti॒ yadyu॒kthyaḥ̭ pari॒dhau ni mā᳚rṣṭi॒ yadya̭tirā॒tro yaju॒rvada॒-npra pa̭dyate yajñakratū॒nāṃ-vyā~vṛ̭ttyai || 15 ||

(vā॒co-hava̭-ma॒bhighṛ̭tānā-ṅgṛhṇātyu॒ - ta - pañca̭vigṃśatiśca) (a. 3)

de॒vasya̭ tvā savi॒tuḥ pra̭sa॒va iti॒ grāvā̭ṇa॒mā da̭tte॒ prasū᳚tyā a॒śvino᳚-rbā॒hubhyā॒mityā̭hā॒śvinau॒ hi de॒vānā̭maddhva॒ryū āstā᳚-mpū॒ṣṇo hastā᳚bhyā॒mityā̭ha॒ yatyai̭ pa॒śavo॒ vai somo᳚ vyā॒na ṷpāgṃśu॒sava̭no॒ yadṷpāgṃśu॒sava̭na-ma॒bhi mimī̭te vyā॒name॒va pa॒śuṣṷ dadhā॒tīndrā̭ya॒ tvendrā̭ya॒ tveti̭ mimīta॒ indrā̭ya॒ hi soma̭ āhri॒yate॒ pañca॒ kṛtvo॒ yajṷṣā mimīte॒ [mimīte, pañcā᳚kṣarā] 16

pañcā᳚kṣarā pa॒ṅktiḥ pāṅkto̭ ya॒jño ya॒jñame॒vāva̭ rundhe॒ pañca॒ kṛtva̭stū॒ṣṇī-ndaśa॒ sa-mpa̭dyante॒ daśā᳚kṣarā vi॒rāḍannaṃ̭-vi~॒rā-ḍvi॒rājai॒vānnādya॒mava̭ rundhe śvā॒trā-sstha̭ vṛtra॒tura॒ ityā̭hai॒ṣa vā a॒pāgṃ so̭mapī॒tho ya e॒vaṃ-ve~da॒ nā-'phsvārti॒mārccha̭ti॒ yattḙ soma di॒vi jyoti॒rityā̭hai॒bhya e॒vaina̭- [e॒vaina᳚m, lo॒kebhya॒] 17

~llo॒kebhya॒-ssa-mbha̭rati॒ somo॒ vai rājā॒ diśo॒-'bhya̭ddhyāya॒-thsa diśo-'nu॒ prāvi̭śa॒-tprāgapā॒guda̭gadha॒rāgityā̭ha di॒gbhya e॒vaina॒gṃ॒ sa-mbha̭ra॒tyatho॒ diśa̭ e॒vāsmā॒ ava̭ ru॒ndhe 'mba॒ ni ṣva॒retyā̭ha॒ kāmṷkā ena॒gg॒ striyo̭ bhavanti॒ ya e॒vaṃ-ve~da॒ ya-ttḙ so॒mādā᳚bhya॒-nnāma॒ jāgṛ॒vī- [jāgṛ॒vīti̭, ā॒hai॒ṣa vai] 18

-tyā̭hai॒ṣa vai soma̭sya somapī॒tho ya e॒vaṃ-ve~da॒ na sau॒myāmārti॒mārccha̭ti॒ ghnanti॒ vā e॒ta-thsomaṃ॒-ya~da̭bhiṣu॒ṇvantya॒gṃ॒ śūnapa̭ gṛhṇāti॒ trāya̭ta e॒vaina̭-mprā॒ṇā vā a॒gṃ॒śavaḥ̭ pa॒śava॒-ssomo॒ 'gṃ॒śū-npuna॒rapi̭ sṛjati prā॒ṇāne॒va pa॒śuṣṷ dadhāti॒ dvaudvā॒vapi̭ sṛjati॒ tasmā॒-ddvaudvau᳚ prā॒ṇāḥ || 19 ||

(yajṷṣā mimīta - enaṃ॒ - jāgṛ॒vīti॒ - catṷścatvārigṃśacca) (a. 4)

prā॒ṇo vā e॒ṣa yadṷpā॒gṃ॒śu ryadupā॒g॒śva̭grā॒ grahā̭ gṛ॒hyante᳚ prā॒ṇame॒vānu॒ pra ya̭ntyaru॒ṇo ha̭ smā॒-''haupa̭veśiḥ prātassava॒na e॒vāhaṃ-ya~॒jñagṃ sagg sthā̭payāmi॒ tena॒ tata॒-ssaggsthi̭tena carā॒mītya॒ṣṭau kṛtvo-'gre॒-'bhiṣṷṇo-tya॒ṣṭākṣa̭rā gāya॒trī gā̭ya॒tra-mprā̭tassava॒na-mprā̭tassava॒name॒va tenā᳚ ''pno॒tyekā̭daśa॒ kṛtvo᳚ dvi॒tīya॒-mekā̭daśākṣarā tri॒ṣṭu-ptraiṣṭṷbha॒-mmāddhya̭ndina॒gṃ॒- [-mmāddhya̭ndinam, sava̭na॒-] 20

-sava̭na॒-mmāddhya̭ndiname॒va sava̭na॒-ntenā᳚-''pnoti॒ dvāda̭śa॒ kṛtva̭stṛ॒tīya॒-ndvāda̭śākṣarā॒ jaga̭tī॒ jāga̭ta-ntṛtīyasava॒na-ntṛ̭tīyasava॒name॒va tenā᳚ ''pnotye॒tāgṃ ha॒ vāva sa ya॒jñasya॒ saggsthi̭timuvā॒cā ska̭ndā॒yāska̭nna॒gṃ॒ hi ta-dya-dya॒jñasya॒ saggsthi̭tasya॒ skanda॒tyatho॒ khalvā̭hurgāya॒trī vāva prā̭tassava॒ne nāti॒vāda॒ ityana̭tivāduka ena॒-mbhrātṛ̭vyo bhavati॒ ya e॒vaṃ-ve~da॒ tasmā̭-da॒ṣṭāva̭ṣṭau॒ [-da॒ṣṭāva̭ṣṭau, kṛtvo̭] 21

kṛtvo̭-'bhi॒ṣutya̭-mbrahmavā॒dino̭ vadanti pa॒vitra̭vanto॒-'nye grahā̭ gṛ॒hyante॒ kimpa̭vitra upā॒gṃ॒śuriti॒ vākpa̭vitra॒ iti̭ brūyā-dvā॒caspata̭ye pavasva vāji॒nnityā̭ha vā॒caivaina̭-mpavayati॒ vṛṣṇo̭ a॒gṃ॒śubhyā॒mityā̭ha॒ vṛṣṇo॒ hyḙtāva॒gṃ॒śū yau soma̭sya॒ gabha̭stipūta॒ ityā̭ha॒ gabha̭stinā॒ hyḙna-mpa॒vaya̭ti de॒vo de॒vānā᳚-mpa॒vitra̭ma॒sītyā̭ha de॒vo hyḙṣa [hyḙṣaḥ, sa-nde॒vānā᳚-] 22

sa-nde॒vānā᳚-mpa॒vitraṃ॒-ye~ṣā᳚-mbhā॒go-'si॒ tebhya॒stvetyā̭ha॒ yeṣā॒g॒ hyḙṣa bhā॒gastebhya̭ ena-ṅgṛ॒hṇāti॒ svā-ṅkṛ̭to॒-'sītyā̭ha prā॒ṇame॒va svama̭kṛta॒ madhṷmatīrna॒ iṣa̭skṛ॒dhītyā̭ha॒ sarva̭me॒vāsmā̭ i॒dagg sva̭dayati॒ viśve᳚bhya-stvendri॒yebhyo̭ di॒vyebhyaḥ॒ pārthi̭vebhya॒ ityā̭ho॒bhaye᳚ṣve॒va dḙvamanu॒ṣyeṣṷ prā॒ṇā-nda̭dhāti॒ mana̭stvā॒- [mana̭stvā, a॒ṣṭvityā̭ha॒] 23

-'ṣṭvityā̭ha॒ mana̭ e॒vāśñṷta u॒rva̭ntari̭kṣa॒-manvi॒hītyā̭hā-ntarikṣadeva॒tyo̭ hi prā॒ṇa-ssvāhā᳚ tvā subhava॒-ssūryā॒yetyā̭ha prā॒ṇā vai svabha̭vaso de॒vāsteṣve॒va pa॒rokṣa̭-ñjuhoti de॒vebhya̭stvā marīci॒pebhya॒ ityā̭hā ''di॒tyasya॒ vai ra॒śmayo̭ de॒vā ma̭rīci॒pāsteṣā॒-nta-dbhā̭ga॒dheya॒-ntāne॒va tena̭ prīṇāti॒ yadi̭ kā॒mayḙta॒ varṣṷkaḥ pa॒rjanya̭- [pa॒rjanyaḥ̭, syā॒diti॒] 24

-ssyā॒diti॒ nīcā॒ hastḙna॒ ni mṛ̭jyā॒-dvṛṣṭi̭me॒va ni ya̭cchati॒ yadi̭ kā॒maye॒tāva̭rṣuka-ssyā॒dityṷttā॒nena॒ ni mṛ̭jyā॒-dvṛṣṭi̭me॒vo-dya̭cchati॒ yadya̭bhi॒carḙda॒mu-ñja॒hyatha̭ tvā hoṣyā॒mīti̭ brūyā॒dāhṷtime॒vaina̭-mpre॒phsan. ha̭nti॒ yadi̭ dū॒re syādā tami̭tostiṣṭhe-tprā॒ṇame॒vāsyā̭nu॒gatya̭ hanti॒ yadya̭bhi॒carḙda॒muṣya̭- [yadya̭bhi॒carḙda॒muṣya̭, tvā॒ prā॒ṇe] 25

-tvā prā॒ṇe sā̭dayā॒mīti̭ sādaye॒dasa̭nno॒ vai prā॒ṇaḥ prā॒ṇame॒vāsya̭ sādayati ṣa॒ḍbhira॒gṃ॒śubhiḥ̭ pavayati॒ ṣa-ḍvā ṛ॒tava̭ ṛ॒tubhi̭re॒vaina̭-mpavayati॒ triḥ pa̭vayati॒ traya̭ i॒me lo॒kā e॒bhire॒vainaṃ̭-lo~॒kaiḥ pa̭vayati brahmavā॒dino̭ vadanti॒ kasmā᳚-thsa॒tyā-ttrayaḥ̭ paśū॒nāgṃ hastā̭dānā॒ iti॒ ya-ttrirṷpā॒gṃ॒ śugṃ hastḙna vigṛ॒hṇāti॒ tasmā॒-ttrayaḥ̭ paśū॒nāgṃ hastā̭dānāḥ॒ purṷṣo ha॒stī ma॒rkaṭaḥ̭ || 26 ||

(mādhya̭dinna - ma॒ṣṭāva̭ṣṭā - ve॒ṣa - mana̭stvā - pa॒rjanyo॒ - 'muṣya॒ - purṷṣo॒ - dve ca̭) (a. 5)

de॒vā vai ya-dya॒jñe-'kṷrvata॒ tadasṷrā akurvata॒ te de॒vā ṷpā॒gṃ॒śau ya॒jñagṃ sa॒gg॒sthāpya̭mapaśya॒-ntamṷpā॒gṃ॒śau sama̭sthāpaya॒-nte-'sṷrā॒ vajra̭mu॒dyatya̭ de॒vāna॒bhyā̭yanta॒ te de॒vā bibhya̭ta॒ indra॒mupā̭dhāva॒-ntānindro᳚-'ntaryā॒meṇā॒ntara̭dhatta॒ tada̭ntaryā॒masyā᳚ntaryāma॒tvaṃ-ya~da̭ntaryā॒mo gṛ॒hyate॒ bhrātṛ̭vyāne॒va ta-dyaja̭māno॒-'ntardha̭tte॒ 'ntastḙ [-'ntardha̭tte॒ 'ntaste᳚, da॒dhā॒mi॒ dyāvā̭pṛthi॒vī] 27

dadhāmi॒ dyāvā̭pṛthi॒vī a॒ntaru॒-rva̭ntari̭kṣa॒-mityā̭hai॒bhire॒va lo॒kairyaja̭māno॒ bhrātṛ̭vyāna॒ntardha̭tte॒ te de॒vā a̭manya॒ntendro॒ vā i॒dama̭bhū॒dya-dva॒yagg sma iti॒ te᳚-'bruva॒-nmagha̭va॒nnanṷ na॒ ā bha॒jeti̭ sa॒joṣā̭ de॒vairava̭raiḥ॒ parai॒ścetya̭bravī॒dye cai॒va de॒vāḥ pare॒ ye cāva̭re॒ tānu॒bhayā̭- [tānu॒bhayāṋ, a॒nvābha̭ja-thsa॒joṣā̭] 28

-na॒nvābha̭ja-thsa॒joṣā̭ de॒vairava̭raiḥ॒ parai॒ścetyā̭ha॒ ye cai॒va de॒vāḥ pare॒ ye cāva̭re॒ tānu॒bhayā̭-na॒nvābha̭ja-tyantaryā॒me ma̭ghava-nmādaya॒svetyā̭ha ya॒jñāde॒va yaja̭māna॒-nnāntare᳚tyupayā॒ma-gṛ̭hīto॒ 'sītyā̭hāpā॒nasya॒ dhṛtyai॒ yadu॒bhāva̭pavi॒trau gṛ॒hyeyā̭tā-mprā॒ṇama̭pā॒no-'nu॒ nyṛ̭cche-tpra॒māyṷka-ssyā-tpa॒vitra̭vānantaryā॒mo gṛ̭hyate [gṛ̭hyate, prā॒ṇā॒pā॒nayo॒-rvidhṛ̭tyai] 29

prāṇāpā॒nayo॒-rvidhṛ̭tyai prāṇāpā॒nau vā e॒tau yadṷpāgśvantaryā॒mau vyā॒na ṷpāgṃśu॒ sava̭no॒ ya-ṅkā॒mayḙta pra॒māyṷka-ssyā॒dityasagg̭ spṛṣṭau॒ tasya̭ sādaye-dvyā॒nenai॒vāsya̭ prāṇāpā॒nau vi cchi̭natti tā॒ja-kpra mī̭yate॒ ya-ṅkā॒mayḙta॒ sarva॒māyṷriyā॒diti॒ sagg spṛ̭ṣṭau॒ tasya̭ sādaye-dvyā॒nenai॒vāsya̭ prāṇāpā॒nau sa-nta̭noti॒ sarva॒māyṷreti || 30 ||

(ta॒ - u॒bhayā᳚n - gṛhyate॒ - catṷścatvārigṃśacca) (a. 6)

vāgvā e॒ṣā yadai᳚ndravāya॒vo yadai᳚ndravāya॒vāgrā॒ grahā̭ gṛ॒hyante॒ vāca̭me॒vānu॒ pra ya̭nti vā॒yu-nde॒vā a̭bruva॒n-thsoma॒gṃ॒ rājā̭nagṃ hanā॒meti॒ so᳚-'bravī॒-dvaraṃ̭-vṛ~ṇai॒ mada̭grā e॒va vo॒ grahā̭ gṛhyāntā॒ iti॒ tasmā̭daindravāya॒vāgrā॒ grahā̭ gṛhyante॒ tama̭ghna॒n-thso̭-'pūya॒-tta-nde॒vā nopā̭dhṛṣṇuva॒-nte vā॒yuma̭bruva-nni॒ma-nnaḥ̭ svada॒ye- [-nni॒ma-nnaḥ̭ svadaya, iti॒ so᳚-'bravī॒-] 31

-ti॒ so᳚-'bravī॒-dvaraṃ̭-vṛ~ṇai maddeva॒tyā᳚nye॒va vaḥ॒ pātrā᳚ṇyucyāntā॒ iti॒ tasmā᳚nnānādeva॒tyā̭ni॒ santi̭ vāya॒vyā᳚nyucyante॒ tame᳚bhyo vā॒yure॒vāsva̭daya॒-ttasmā॒dya-tpūya̭ti॒ ta-tpra̭vā॒te vi ṣa̭janti vā॒yurhi tasya̭ pavayi॒tā sva̭dayi॒tā tasya̭ vi॒graha̭ṇa॒-nnāvi̭nda॒n-thsādi̭tirabravī॒-dvaraṃ̭-vṛ~ṇā॒ atha॒ mayā॒ vi gṛ̭hṇīddhva-mmaddeva॒tyā̭ e॒va va॒-ssomā᳚- [va॒-ssomāḥ᳚, sa॒nnā] 32

-ssa॒nnā a̭sa॒-nnityṷpayā॒magṛ̭hīto॒-'sī-tyā̭hā-ditideva॒tyā᳚stena॒ yāni॒ hi dā̭ru॒mayā̭ṇi॒ pātrā᳚ṇya॒syai tāni॒ yone॒-ssambhṷ̄tāni॒ yāni̭ mṛ॒nmayā̭ni sā॒kṣā-ttānya॒syai tasmā̭de॒vamā̭ha॒ vāgvai parā॒cya-vyā̭kṛtā-'vada॒-tte de॒vā indra̭mabruvanni॒mā-nno॒ vācaṃ॒-vyā~ku॒rviti॒ so᳚-'bravī॒-dvaraṃ̭-vṛ~ṇai॒ mahya̭-ñcai॒vaiṣa vā॒yavḙ ca sa॒ha gṛ̭hyātā॒ iti॒ tasmā̭daindravāya॒va-ssa॒ha gṛ̭hyate॒ tāmindro̭ maddhya॒to̭-'va॒kramya॒ vyāka̭ro॒-ttasmā̭di॒yaṃ-vyā~kṛ̭tā॒ vāgṷdyate॒ tasmā᳚-thsa॒kṛdindrā̭ya maddhya॒to gṛ̭hyate॒ dvirvā॒yave॒ dvau hi sa varā॒vavṛ̭ṇīta || 33 ||

(sva॒da॒ya॒ - somāḥ᳚ - sa॒hā - ṣṭāvigṃ̭śatiśca) (a. 7)

mi॒tra-nde॒vā a̭bruva॒n-thsoma॒gṃ॒ rājā̭nagṃ hanā॒meti॒ so᳚-'bravī॒nnāhagṃ sarva̭sya॒ vā a॒ha-mmi॒trama॒smīti॒ tama̭bruva॒n॒. hanā̭mai॒veti॒ so᳚-'bravī॒-dvaraṃ̭-vṛ~ṇai॒ paya̭sai॒va me॒ somagg̭ śrīṇa॒nniti॒ tasmā᳚-nmaitrāvaru॒ṇa-mpaya̭sā śrīṇanti॒ tasmā᳚-tpa॒śavo-'pā᳚krāma-nmi॒tra-ssan krū॒rama̭ka॒riti̭ krū॒rami̭va॒ khalu॒ vā e॒ṣa [vā e॒ṣaḥ, ka॒ro॒ti॒ ya-ssomḙna॒] 34

ka̭roti॒ ya-ssomḙna॒ yaja̭te॒ tasmā᳚-tpa॒śavo-'pa̭ krāmanti॒ yanmai᳚trāvaru॒ṇa-mpaya̭sā śrī॒ṇāti̭ pa॒śubhi̭re॒va tanmi॒tragṃ sa̭ma॒rdhaya̭ti pa॒śubhi॒ryaja̭māna-mpu॒rā khalu॒ vāvaiva-mmi॒tro̭-'ve॒dapa॒ ma-tkrū॒ra-ñca॒kruṣaḥ̭ pa॒śavaḥ̭ kramiṣya॒ntīti॒ tasmā̭de॒vama̭vṛṇīta॒ varṷṇa-nde॒vā a̭bruva॒-ntvayā-'gṃ̭śa॒bhuvā॒ soma॒gṃ॒ rājā̭nagṃ hanā॒meti॒ so᳚-'bravī॒-dvaraṃ̭-vṛ~ṇai॒ mahya̭-ñcai॒- [mahya̭-ñca, e॒vaiṣa mi॒trāya̭] 35

-vaiṣa mi॒trāya̭ ca sa॒ha gṛ̭hyātā॒ iti॒ tasmā᳚nmaitrāvaru॒ṇa-ssa॒ha gṛ̭hyate॒ tasmā॒-drājñā॒ rājā̭namagṃśa॒bhuvā᳚ ghnanti॒ vaiśyḙna॒ vaiśyagṃ̭ śū॒dreṇa̭ śū॒dra-nna vā i॒da-ndivā॒ na nakta̭māsī॒davyā̭vṛtta॒-nte de॒vā mi॒trāvarṷṇāvabruvanni॒da-nno॒ vivā̭sayata॒miti॒ tāva̭brūtāṃ॒-va~raṃ̭-vṛ~ṇāvahā॒ eka̭ e॒vā-''va-tpūrvo॒ graho̭ gṛhyātā॒ iti॒ tasmā̭daindravāya॒vaḥ pūrvo̭ maitrāvaru॒ṇā-dgṛ̭hyate prāṇāpā॒nau hyḙtau yadṷpāg-śvantaryā॒mau mi॒tro-'ha॒raja̭naya॒-dvarṷṇo॒ rātri॒-ntato॒ vā i॒daṃ-vyau~᳚ccha॒dya-nmai᳚trāvaru॒ṇo gṛ॒hyate॒ vyṷṣṭyai || 36 ||

(e॒ṣa - cai᳚ - ndravāya॒vo - dvāvigṃ̭śatiśca) (a. 8)

ya॒jñasya॒ śiro᳚-'cchidyata॒ te de॒vā a॒śvinā̭vabruva-nbhi॒ṣajau॒ vai stha̭ i॒daṃ-ya~॒jñasya॒ śiraḥ॒ prati̭ dhatta॒miti॒ tāva̭brūtāṃ॒-va~raṃ̭-vṛ~ṇāvahai॒ graha̭ e॒va nā॒vatrāpi̭ gṛhyatā॒miti॒ tābhyā̭-me॒tamā᳚śvi॒na-ma̭gṛhṇa॒-ntato॒ vai tau ya॒jñasya॒ śiraḥ॒ pratya̭dhattāṃ॒-ya~dā᳚śvi॒no gṛ॒hyatḙ ya॒jñasya॒ niṣkṛ̭tyai॒ tau de॒vā a̭bruva॒nnapṷ̄tau॒ vā i॒mau ma̭nuṣyaca॒rau [ ] 37

bhi॒ṣajā॒viti॒ tasmā᳚-dbrāhma॒ṇena̭ bheṣa॒ja-nna kā॒rya̭mapṷ̄to॒ hye᳚(1॒)ṣo̭ 'me॒ddhyo yo bhi॒ṣaktau ba̭hiṣpavamā॒nena̭ pavayi॒tvā tābhyā̭-me॒tamā᳚śvi॒na-ma̭gṛhṇa॒-ntasmā᳚-dbahiṣpavamā॒ne stu॒ta ā᳚śvi॒no gṛ̭hyate॒ tasmā̭de॒vaṃ-vi~॒duṣā̭ bahiṣpavamā॒na ṷpa॒sadyaḥ̭ pa॒vitraṃ॒-vai~ ba̭hiṣpavamā॒na ā॒tmāna̭me॒va pa̭vayate॒ tayo᳚-'stre॒dhā bhaiṣa̭jyaṃ॒-vi~ nya̭dadhura॒gnau tṛtī̭yama॒phsu tṛtī̭ya-mbrāhma॒ṇe tṛtī̭ya॒-ntasmā̭dudapā॒tra- [tṛtī̭ya॒-ntasmā̭dudapā॒tram, u॒pa॒ni॒dhāya̭] 38

-mṷpani॒dhāya̭ brāhma॒ṇa-nda̭kṣiṇa॒to ni॒ṣādya̭ bheṣa॒ja-ṅkṷryā॒-dyāva̭de॒va bhḙṣa॒ja-ntena̭ karoti sa॒mardhṷkamasya kṛ॒ta-mbha̭vati brahmavā॒dino̭ vadanti॒ kasmā᳚-thsa॒tyādeka̭pātrā dvideva॒tyā̭ gṛ॒hyante᳚ dvi॒pātrā̭ hūyanta॒ iti॒ yadeka̭pātrā gṛ॒hyante॒ tasmā॒deko᳚-'ntara॒taḥ prā॒ṇo dvi॒pātrā̭ hūyante॒ tasmā॒-ddvaudvaṷ ba॒hiṣṭā᳚-tprā॒ṇāḥ prā॒ṇā vā e॒te ya-ddvi̭deva॒tyāḥ᳚ pa॒śava॒ iḍā॒ yadiḍā॒-mpūrvā᳚-ndvideva॒tye᳚bhya upa॒hvayḙta [ ] 39

pa॒śubhiḥ̭ prā॒ṇāna॒ntarda̭dhīta pra॒māyṷka-ssyā-ddvideva॒tyā᳚-nbhakṣayi॒tveḍā॒mupa̭ hvayate prā॒ṇāne॒vā-''tma-ndhi॒tvā pa॒śūnupa̭ hvayate॒ vāgvā ai᳚ndravāya॒vaścakṣṷ-rmaitrāvaru॒ṇa-śśrotra̭māśvi॒naḥ pu॒rastā̭daindravāya॒va-mbha̭kṣayati॒ tasmā᳚-tpu॒rastā᳚-dvā॒cā va̭dati pu॒rastā᳚nmaitrāvaru॒ṇa-ntasmā᳚-tpu॒rastā॒ccakṣṷṣā paśyati sa॒rvataḥ̭ pari॒hāra̭māśvi॒na-ntasmā᳚-thsa॒rvata॒-śśrotrḙṇa śṛṇoti prā॒ṇā vā e॒te ya-ddvi̭deva॒tyā̭ [ya-ddvi̭deva॒tyāḥ᳚, ari̭ktāni॒] 40

ari̭ktāni॒ pātrā̭ṇi sādayati॒ tasmā॒dari̭ktā antara॒taḥ prā॒ṇā yataḥ॒ khalu॒ vai ya॒jñasya॒ vita̭tasya॒ na kri॒yate॒ tadanṷ ya॒jñagṃ rakṣā॒g॒syava̭ caranti॒ yadari̭ktāni॒ pātrā̭ṇi sā॒daya̭ti kri॒yamā̭ṇame॒va ta-dya॒jñasya̭ śaye॒ rakṣa̭sā॒ -mana̭nvavacārāya॒ dakṣi̭ṇasya havi॒rdhāna॒syotta̭rasyāṃ-va~rta॒nyāgṃ sā̭dayati vā॒cyḙva vāca̭-ndadhā॒tyā tṛ̭tīyasava॒nā-tpari̭ śere ya॒jñasya॒ santa̭tyai || 41 ||

(ma॒nu॒ṣya॒ca॒rā - vṷdapā॒tra - mṷpa॒hvayḙta - dvideva॒tyāḥ᳚ - ṣaṭca̭tvārigṃśacca) (a. 9)

bṛha॒spati̭rde॒vānā᳚-mpu॒rohi̭ta॒ āsī॒-cchaṇḍā॒markā॒-vasṷrāṇā॒-mbrahma̭ṇ vanto de॒vā āsa॒-nbrahma̭ṇ va॒nto-'sṷrā॒ste᳚(1॒) 'nyo᳚-'nya-nnāśa̭knuva-nna॒bhibha̭vitu॒-nte de॒vā-śśaṇḍā॒markā॒-vupā̭mantrayanta॒ tā va̭brūtāṃ॒-va~raṃ̭-vṛ~ṇāvahai॒ grahā̭ve॒va nā॒vatrāpi̭ gṛhyetā॒miti॒ tābhyā̭me॒tau śu॒krāma॒nthinā̭-vagṛhṇa॒-ntato̭ de॒vā abha̭va॒-nparā-'sṷrā॒ yasyai॒vaṃ-vi~॒duṣaḥ̭ śu॒krāma॒nthinaṷ gṛ॒hyete॒ bha̭vatyā॒tmanā॒ parā᳚- [parā᳚, a॒sya॒ bhrātṛ̭vyo] 42

-'sya॒ bhrātṛ̭vyo bhavati॒ tau de॒vā a̭pa॒nudyā॒-''tmana॒ indrā̭yājuhavu॒-rapa̭nuttau॒ śaṇḍā॒markaṷ sa॒hāmuneti̭ brūyā॒dya-ndvi॒ṣyādyame॒va dveṣṭi॒ tenai̭nau sa॒hāpa̭ nudate॒ sa pra̭tha॒ma-ssaṅkṛ̭ti-rvi॒śvaka॒rmetye॒vainā̭-vā॒tmana॒ indrā̭yā-juhavu॒rindro॒ hyḙtāni̭ rū॒pāṇi॒ kari̭kra॒daca̭rada॒sau vā ā̭di॒tya-śśu॒kraśca॒ndramā̭ ma॒nthya̭pi॒-gṛhya॒ prāñcau॒ ni- [prāñcau॒ niḥ, krā॒ma॒ta॒-stasmā॒-] 43

-ṣkrā̭mata॒-stasmā॒-tprāñcau॒ yantau॒ na pa̭śyanti pra॒tyañcā̭vā॒vṛtya̭ juhuta॒stasmā᳚-tpra॒tyañcau॒ yantaṷ paśyanti॒ cakṣṷṣī॒ vā e॒te ya॒jñasya॒ yacchu॒krāma॒nthinau॒ nāsi̭kottarave॒dira॒bhitaḥ̭ pari॒kramya̭ juhuta॒stasmā̭da॒bhito॒ nāsi̭kā॒-ñcakṣṷṣī॒ tasmā॒nnāsi̭kayā॒ cakṣṷṣī॒ vidhṛ̭te sa॒rvataḥ॒ pari̭ krāmato॒ rakṣa̭sā॒mapa̭hatyai de॒vā vai yāḥ prācī॒rāhṷtī॒rajṷhavu॒rye pu॒rastā॒dasṷrā॒ āsa॒-ntāgstābhiḥ॒ prā- [āsa॒-ntāgstābhiḥ॒ pra, a॒nu॒da॒nta॒ yāḥ] 44

-ṇṷdanta॒ yāḥ pra॒tīcī॒rye pa॒ścādasṷrā॒ āsa॒-ntāgstābhi॒rapā̭nudanta॒ prācī̭ra॒nyā āhṷtayo hū॒yante᳚ pra॒tyañcaṷ śu॒krāma॒nthinaṷ pa॒ścāccai॒va pu॒rastā᳚cca॒ yaja̭māno॒ bhrātṛ̭vyā॒-npra ṇṷdate॒ tasmā॒-tparā̭cīḥ pra॒jāḥ pra vī̭yante pra॒tīcī᳚rjāyante śu॒krāma॒nthinau॒ vā anṷ pra॒jāḥ pra jā̭yante॒-'ttrīścā॒dyā᳚śca su॒vīrāḥ᳚ pra॒jāḥ pra̭ja॒naya॒-nparī̭hi śu॒kra-śśu॒kraśo̭ciṣā [śu॒kra-śśu॒kraśo̭ciṣā, su॒pra॒jāḥ pra॒jāḥ] 45

supra॒jāḥ pra॒jāḥ pra̭ja॒naya॒-nparī̭hi ma॒nthī ma॒nthiśo̭ci॒ṣetyā̭hai॒tā vai su॒vīrā॒ yā a॒ttrīre॒tā-ssṷpra॒jā yā ā॒dyā̭ ya e॒vaṃ-ve~dā॒trya̭sya pra॒jā jā̭yate॒ nā-''dyā᳚ pra॒jāpa̭te॒rakṣya̭śvaya॒-tta-tparā̭-''pata॒-tta-dvika̭ṅkata॒-mprāvi̭śa॒-tta-dvika̭ṅkate॒ nāra̭mata॒ ta-dyava॒-mprāvi̭śa॒-tta-dyavḙ-'ramata॒ ta-dyava̭sya- [ta-dyava̭sya, ya॒va॒tvaṃ-ya~-dvaika̭ṅkata-] 46

yava॒tvaṃ-ya~-dvaika̭ṅkata-mmanthipā॒tra-mbhava̭ti॒ saktṷbhi-śśrī॒ṇāti̭ pra॒jāpa̭tere॒va taccakṣu॒-ssa-mbha̭rati brahmavā॒dino̭ vadanti॒ kasmā᳚-thsa॒tyānma̭nthipā॒tragṃ sado॒ nāśñṷta॒ ityā᳚rtapā॒tragṃ hīti̭ brūyā॒-dyada̭śñuvī॒tāndho᳚-'ddhva॒ryu-ssyā॒dārti॒mārcche॒-ttasmā॒nnāśñṷte || 47 ||

(ā॒tmanā॒ parā॒ - ni - ṣpra - śu॒kraśo̭ciṣā॒ - yava̭sya - sa॒ptatrigṃ̭śacca) (a. 10)

de॒vā vai ya-dya॒jñe-'kṷrvata॒ tadasṷrā akurvata॒ te de॒vā ā᳚graya॒ṇāgrā॒-ngrahā̭napaśya॒-ntāna̭gṛhṇata॒ tato॒ vai te-'gra॒-mparyā̭ya॒n॒. yasyai॒vaṃ-vi~॒duṣa̭ āgraya॒ṇāgrā॒ grahā̭ gṛ॒hyante-'gra̭me॒va sa̭mā॒nānā॒-mparyḙti ru॒gṇava̭tya॒rcā bhrātṛ̭vyavato gṛhṇīyā॒-dbhrātṛ̭vyasyai॒va ru॒ktvā-'gragṃ̭ samā॒nānā॒-mparyḙti॒ ye dḙvā di॒vyekā̭daśa॒ sthetyā̭hai॒- [sthetyā̭ha, e॒tāva̭tī॒rvai] 48

-tāva̭tī॒rvai de॒vatā॒stābhya̭ e॒vaina॒gṃ॒ sarvā᳚bhyo gṛhṇātye॒ṣa te॒ yoni॒ rviśve᳚bhyastvā de॒vebhya॒ ityā̭ha vaiśvade॒vo hyḙṣa de॒vata̭yā॒ vāgvai de॒vebhyo-'pā᳚krāma-dya॒jñāyāti̭ṣṭhamānā॒ te de॒vā vā॒cyapa̭krāntāyā-ntū॒ṣṇī-ṅgrahā̭nagṛhṇata॒ sāma̭nyata॒ vāga॒ntarya̭nti॒ vai meti॒ sā-''gra̭ya॒ṇa-mpratyāga̭ccha॒-ttadā᳚graya॒ṇasyā᳚-''grayaṇa॒tva- [-''grayaṇa॒tvam, tasmā̭dāgraya॒ṇe] 49

-ntasmā̭dāgraya॒ṇe vāgvi sṛ̭jyate॒ ya-ttū॒ṣṇī-mpūrve॒ grahā̭ gṛ॒hyante॒ yathā᳚thsā॒rīya̭ti ma॒ ākha॒ iya̭ti॒ nāpa̭ rāthsyā॒-mītyṷpāvasṛ॒jatye॒vame॒va tada̭ddhva॒ryurā᳚graya॒ṇa-ṅgṛ̭hī॒tvā ya॒jñamā॒rabhya॒ vācaṃ॒-vi~ sṛ̭jate॒ trirhi-ṅka̭rotyudgā॒tṝ-ne॒va ta-dvṛ̭ṇīte pra॒jāpa̭ti॒rvā e॒ṣa yadā᳚graya॒ṇo yadā᳚graya॒ṇa-ṅgṛ̭hī॒tvā hi̭-ṅka॒roti̭ pra॒jāpa̭tire॒va [ ] 50

ta-tpra॒jā a॒bhi ji̭ghrati॒ tasmā᳚-dva॒thsa-ñjā॒ta-ṅgaura॒bhi ji̭ghratyā॒tmā vā e॒ṣa ya॒jñasya॒ yadā᳚graya॒ṇa-ssava̭nesavane॒-'bhi gṛ̭hṇātyā॒tmanne॒va ya॒jñagṃ sa-nta̭notyu॒pari̭ṣṭā॒dā na̭yati॒ reta̭ e॒va ta-dda̭dhātya॒dhastā॒dupa̭ gṛhṇāti॒ pra ja̭nayatye॒va tadbra̭hmavā॒dino̭ vadanti॒ kasmā᳚-thsa॒tyā-dgā̭ya॒trī kani̭ṣṭhā॒ chanda̭sāgṃ sa॒tī sarvā̭ṇi॒ sava̭nāni vaha॒tītye॒ṣa vai gā̭yatri॒yai va॒thso yadā᳚graya॒ṇastame॒va tada̭bhini॒varta॒gṃ॒ sarvā̭ṇi॒ sava̭nāni vahati॒ tasmā᳚-dva॒thsama॒pākṛ̭ta॒-ṅgaura॒bhi ni va̭rtate || 51 ||

(ā॒hā॒-'' - gra॒ya॒ṇa॒tvaṃ - pra॒jāpa̭tire॒ve - ti̭ - vigṃśa॒tiśca̭) (a. 11)

(ya॒jñena॒ tā ṷpa॒yaḍbhi̭ - rde॒vā vai ya॒jñamāgnī᳚dhre - brahmavā॒dina॒-ssa tvai - de॒vasya॒ grāvā̭ṇaṃ - prā॒ṇo vā ṷpā॒g॒śva̭grā - de॒vā vā ṷpā॒gṃ॒śau - vāgvai - mi॒traṃ - ~ya॒jñasya॒ - bṛha॒spati̭ - rde॒vā vā ā᳚graya॒ṇāgrā॒ - nekā̭daśa)

(ya॒jñena̭ - lo॒ke pa̭śu॒mān-thsyā॒th - sava̭na॒-mmādhya̭ndinaṃ॒ - ~vāgvā - ari̭ktāni॒ - ta-tpra॒jā - eka̭pañcā॒śat)

(ya॒jñena॒, ni va̭rtate)

|| hariḥ̭ om ||

|| kṛṣṇa yajurvedīya taittirīya saṃhitāyāṃ ṣaṣṭhakāṇḍe caturthaḥ praśna-ssamāptaḥ ||