5.3 - Uthsannayajnno Va Esha Yadagnih - Krishna Yajurveda Taittiriya Samhita Pathah

ॐ

5.3 - 𑌉𑌥𑍍𑌸𑌨𑍍𑌨𑌯𑌜𑍍𑌞𑍍𑌨𑍋 𑌵𑌾 𑌏𑌷 𑌯𑌦𑌗𑍍𑌨𑌿𑌃 - 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦 𑌤𑍈𑌤𑍍𑌤𑌿𑌰𑍀𑌯 𑌸𑌂𑌹𑌿𑌤𑌾 𑌪𑌾𑌠𑌃

Krishna Vedic Grantha

𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌸𑌂𑌹𑌿𑌤𑌾𑌯𑌾-𑌮𑍍𑌪𑌞𑍍𑌚𑌮𑌕𑌾𑌣𑍍𑌡𑍇 𑌤𑍃𑌤𑍀𑌯𑌃 𑌪𑍍𑌰𑌶𑍍𑌨𑌃 - 𑌚𑌿𑌤𑍀𑌨𑌾-𑌨𑍍𑌨𑌿𑌰𑍂𑌪𑌣𑌂

𑌓-𑌨𑍍𑌨𑌮𑌃 𑌪𑌰𑌮𑌾𑌤𑍍𑌮𑌨𑍇, 𑌶𑍍𑌰𑍀 𑌮𑌹𑌾𑌗𑌣𑌪𑌤𑌯𑍇 𑌨𑌮𑌃,

𑌶𑍍𑌰𑍀 𑌗𑍁𑌰𑍁𑌭𑍍𑌯𑍋 𑌨𑌮𑌃 । 𑌹॒𑌰𑌿𑌃॒ 𑌓𑌮𑍍 ॥

𑌉॒𑌥𑍍𑌸॒𑌨𑍍𑌨॒ 𑌯॒𑌜𑍍𑌞𑍋 𑌵𑌾 𑌏॒𑌷 𑌯𑌦॒𑌗𑍍𑌨𑌿𑌃 𑌕𑌿𑌂-𑌵𑌾𑌁-𑌽𑌹𑍈॒𑌤𑌸𑍍𑌯॑ 𑌕𑍍𑌰𑌿॒𑌯𑌤𑍇॒ 𑌕𑌿𑌂-𑌵𑌾𑌁॒ 𑌨 𑌯𑌦𑍍𑌵𑍈 𑌯॒𑌜𑍍𑌞𑌸𑍍𑌯॑ 𑌕𑍍𑌰𑌿॒𑌯𑌮𑌾॑𑌣𑌸𑍍𑌯𑌾-𑌨𑍍𑌤॒𑌰𑍍𑌯𑌨𑍍𑌤𑌿॒ 𑌪𑍂𑌯॑𑌤𑌿॒ 𑌵𑌾 𑌅॑𑌸𑍍𑌯॒ 𑌤𑌦𑌾᳚𑌶𑍍𑌵𑌿॒𑌨𑍀𑌰𑍁𑌪॑ 𑌦𑌧𑌾𑌤𑍍𑌯॒𑌶𑍍𑌵𑌿𑌨𑍗॒ 𑌵𑍈 𑌦𑍇॒𑌵𑌾𑌨𑌾᳚-𑌮𑍍𑌭𑌿॒𑌷𑌜𑍗॒ 𑌤𑌾𑌭𑍍𑌯𑌾॑𑌮𑍇॒𑌵𑌾𑌸𑍍𑌮𑍈॑ 𑌭𑍇𑌷॒𑌜-𑌙𑍍𑌕॑𑌰𑍋𑌤𑌿॒ 𑌪𑌞𑍍𑌚𑍋𑌪॑ 𑌦𑌧𑌾𑌤𑌿॒ 𑌪𑌾𑌙𑍍𑌕𑍍𑌤𑍋॑ 𑌯॒𑌜𑍍𑌞𑍋 𑌯𑌾𑌵𑌾॑𑌨𑍇॒𑌵 𑌯॒𑌜𑍍𑌞𑌸𑍍𑌤𑌸𑍍𑌮𑍈॑ 𑌭𑍇𑌷॒𑌜-𑌙𑍍𑌕॑𑌰𑍋𑌤𑍍𑌯𑍃𑌤॒𑌵𑍍𑌯𑌾॑ 𑌉𑌪॑ 𑌦𑌧𑌾𑌤𑍍𑌯𑍃𑌤𑍂॒𑌨𑌾-𑌙𑍍𑌕𑍢𑌪𑍍𑌤𑍍𑌯𑍈॒ [𑌕𑍢𑌪𑍍𑌤𑍍𑌯𑍈᳚, 𑌪𑌞𑍍𑌚𑍋𑌪॑] 1

𑌪𑌞𑍍𑌚𑍋𑌪॑ 𑌦𑌧𑌾𑌤𑌿॒ 𑌪𑌞𑍍𑌚॒ 𑌵𑌾 𑌋॒𑌤𑌵𑍋॒ 𑌯𑌾𑌵॑𑌨𑍍𑌤 𑌏॒𑌵𑌰𑍍𑌤𑌵॒𑌸𑍍𑌤𑌾𑌨𑍍 𑌕॑𑌲𑍍𑌪𑌯𑌤𑌿 𑌸𑌮𑌾॒𑌨𑌪𑍍𑌰॑𑌭𑍃𑌤𑌯𑍋 𑌭𑌵𑌨𑍍𑌤𑌿 𑌸𑌮𑌾॒𑌨𑍋𑌦॑𑌰𑍍𑌕𑌾॒𑌸𑍍𑌤𑌸𑍍𑌮𑌾᳚-𑌥𑍍𑌸𑌮𑌾॒𑌨𑌾 𑌋॒𑌤𑌵॒ 𑌏𑌕𑍇॑𑌨 𑌪॒𑌦𑍇𑌨॒ 𑌵𑍍𑌯𑌾𑌵॑𑌰𑍍𑌤𑌨𑍍𑌤𑍇॒ 𑌤𑌸𑍍𑌮𑌾॑𑌦𑍍-𑌋॒𑌤𑌵𑍋॒ 𑌵𑍍𑌯𑌾𑌵॑𑌰𑍍𑌤𑌨𑍍𑌤𑍇 𑌪𑍍𑌰𑌾𑌣॒𑌭𑍃𑌤॒ 𑌉𑌪॑ 𑌦𑌧𑌾𑌤𑍍𑌯𑍃॒𑌤𑍁𑌷𑍍𑌵𑍇॒𑌵 𑌪𑍍𑌰𑌾॒𑌣𑌾-𑌨𑍍𑌦॑𑌧𑌾𑌤𑌿॒ 𑌤𑌸𑍍𑌮𑌾᳚-𑌥𑍍𑌸𑌮𑌾॒𑌨𑌾-𑌸𑍍𑌸𑌨𑍍𑌤॑ 𑌋॒𑌤𑌵𑍋॒ 𑌨 𑌜𑍀᳚𑌰𑍍𑌯॒𑌨𑍍𑌤𑍍𑌯𑌥𑍋॒ 𑌪𑍍𑌰𑌜॑𑌨𑌯𑌤𑍍𑌯𑍇॒𑌵𑍈𑌨𑌾॑𑌨𑍇॒𑌷 𑌵𑍈 𑌵𑌾॒𑌯𑍁𑌰𑍍𑌯-𑌤𑍍𑌪𑍍𑌰𑌾॒𑌣𑍋 𑌯𑌦𑍍-𑌋॑𑌤॒𑌵𑍍𑌯𑌾॑ 𑌉𑌪॒𑌧𑌾𑌯॑ 𑌪𑍍𑌰𑌾𑌣॒𑌭𑍃𑌤॑ [𑌪𑍍𑌰𑌾𑌣॒𑌭𑍃𑌤𑌃॑, 𑌉॒𑌪॒𑌦𑌧𑌾॑𑌤𑌿॒] 2

𑌉𑌪॒𑌦𑌧𑌾॑𑌤𑌿॒ 𑌤𑌸𑍍𑌮𑌾॒-𑌥𑍍𑌸𑌰𑍍𑌵𑌾॑𑌨𑍃॒𑌤𑍂𑌨𑌨𑍁॑ 𑌵𑌾॒𑌯𑍁𑌰𑌾 𑌵॑𑌰𑍀𑌵𑌰𑍍𑌤𑌿 𑌵𑍃𑌷𑍍𑌟𑌿॒𑌸𑌨𑍀॒𑌰𑍁𑌪॑ 𑌦𑌧𑌾𑌤𑌿॒ 𑌵𑍃𑌷𑍍𑌟𑌿॑𑌮𑍇॒𑌵𑌾𑌵॑ 𑌰𑍁𑌨𑍍𑌧𑍇॒ 𑌯𑌦𑍇॑𑌕॒𑌧𑍋𑌪॑𑌦॒𑌦𑍍𑌧𑍍𑌯𑌾-𑌦𑍇𑌕॑𑌮𑍃॒𑌤𑍁𑌂-𑌵𑌁॑𑌰𑍍𑌷𑍇𑌦𑌨𑍁𑌪𑌰𑌿॒𑌹𑌾𑌰𑌗𑍍𑌂॑ 𑌸𑌾𑌦𑌯𑌤𑌿॒ 𑌤𑌸𑍍𑌮𑌾॒-𑌥𑍍𑌸𑌰𑍍𑌵𑌾॑𑌨𑍃॒𑌤𑍂𑌨𑍍. 𑌵॑𑌰𑍍𑌷𑌤𑌿॒ 𑌯-𑌤𑍍𑌪𑍍𑌰𑌾॑𑌣॒𑌭𑍃𑌤॑ 𑌉𑌪॒𑌧𑌾𑌯॑ 𑌵𑍃𑌷𑍍𑌟𑌿॒𑌸𑌨𑍀॑𑌰𑍁𑌪॒𑌦𑌧𑌾॑𑌤𑌿॒ 𑌤𑌸𑍍𑌮𑌾᳚-𑌦𑍍𑌵𑌾॒𑌯𑍁𑌪𑍍𑌰॑𑌚𑍍𑌯𑍁𑌤𑌾 𑌦𑌿॒𑌵𑍋 𑌵𑍃𑌷𑍍𑌟𑌿॑𑌰𑍀𑌰𑍍𑌤𑍇 𑌪॒𑌶𑌵𑍋॒ 𑌵𑍈 𑌵॑𑌯॒𑌸𑍍𑌯𑌾॑ 𑌨𑌾𑌨𑌾॑𑌮𑌨𑌸𑌃॒ 𑌖𑌲𑍁॒ 𑌵𑍈 𑌪॒𑌶𑌵𑍋॒ 𑌨𑌾𑌨𑌾᳚𑌵𑍍𑌰𑌤𑌾॒𑌸𑍍𑌤𑍇॑-𑌽𑌪 𑌏॒𑌵𑌾𑌭𑌿 𑌸𑌮॑𑌨𑌸𑍋॒ [𑌸𑌮॑𑌨𑌸𑌃, 𑌯-𑌙𑍍𑌕𑌾॒𑌮𑌯𑍇॑𑌤𑌾-] 3

𑌯-𑌙𑍍𑌕𑌾॒𑌮𑌯𑍇॑𑌤𑌾-𑌽𑌪॒𑌶𑍁-𑌸𑍍𑌸𑍍𑌯𑌾॒𑌦𑌿𑌤𑌿॑ 𑌵𑌯॒𑌸𑍍𑌯𑌾᳚𑌸𑍍𑌤𑌸𑍍𑌯𑍋॑-𑌪॒𑌧𑌾𑌯𑌾॑𑌪॒𑌸𑍍𑌯𑌾॑ 𑌉𑌪॑ 𑌦𑌦𑍍𑌧𑍍𑌯𑌾॒-𑌦𑌸𑌂᳚(2)𑌜𑍍𑌞𑌾𑌨-𑌮𑍇॒𑌵𑌾𑌸𑍍𑌮𑍈॑ 𑌪॒𑌶𑍁𑌭𑌿𑌃॑ 𑌕𑌰𑍋𑌤𑍍𑌯𑌪॒𑌶𑍁𑌰𑍇॒𑌵 𑌭॑𑌵𑌤𑌿॒ 𑌯-𑌙𑍍𑌕𑌾॒𑌮𑌯𑍇॑𑌤 𑌪𑌶𑍁॒𑌮𑌾𑌨𑍍-𑌥𑍍𑌸𑍍𑌯𑌾॒𑌦𑌿𑌤𑍍𑌯॑-𑌪॒𑌸𑍍𑌯𑌾᳚𑌸𑍍𑌤𑌸𑍍𑌯𑍋॑𑌪॒𑌧𑌾𑌯॑ 𑌵𑌯॒𑌸𑍍𑌯𑌾॑ 𑌉𑌪॑ 𑌦𑌦𑍍𑌧𑍍𑌯𑌾-𑌥𑍍𑌸𑌂॒(2)𑌜𑍍𑌞𑌾𑌨॑𑌮𑍇॒𑌵𑌾𑌸𑍍𑌮𑍈॑ 𑌪॒𑌶𑍁𑌭𑌿𑌃॑ 𑌕𑌰𑍋𑌤𑌿 𑌪𑌶𑍁॒𑌮𑌾𑌨𑍇॒𑌵 𑌭॑𑌵𑌤𑌿॒ 𑌚𑌤॑𑌸𑍍𑌰𑌃 𑌪𑍁॒𑌰𑌸𑍍𑌤𑌾॒𑌦𑍁𑌪॑ 𑌦𑌧𑌾𑌤𑌿॒ 𑌤𑌸𑍍𑌮𑌾᳚𑌚𑍍𑌚॒𑌤𑍍𑌵𑌾𑌰𑌿॒ 𑌚𑌕𑍍𑌷𑍁॑𑌷𑍋 𑌰𑍂॒𑌪𑌾𑌣𑌿॒ 𑌦𑍍𑌵𑍇 𑌶𑍁॒𑌕𑍍𑌲𑍇 𑌦𑍍𑌵𑍇 𑌕𑍃॒𑌷𑍍𑌣𑍇 [𑌕𑍃॒𑌷𑍍𑌣𑍇, 𑌮𑍂᳚𑌰𑍍𑌧॒𑌨𑍍𑌵𑌤𑍀᳚-] 4

𑌮𑍂᳚𑌰𑍍𑌧॒𑌨𑍍𑌵𑌤𑍀᳚-𑌰𑍍𑌭𑌵𑌨𑍍𑌤𑌿॒ 𑌤𑌸𑍍𑌮𑌾᳚-𑌤𑍍𑌪𑍁॒𑌰𑌸𑍍𑌤𑌾᳚𑌨𑍍𑌮𑍂॒𑌰𑍍𑌧𑌾 𑌪𑌞𑍍𑌚॒ 𑌦𑌕𑍍𑌷𑌿॑𑌣𑌾𑌯𑌾॒𑌗𑍍॒ 𑌶𑍍𑌰𑍋𑌣𑍍𑌯𑌾॒𑌮𑍁𑌪॑ 𑌦𑌧𑌾𑌤𑌿॒ 𑌪𑌞𑍍𑌚𑍋𑌤𑍍𑌤॑𑌰𑌸𑍍𑌯𑌾॒-𑌨𑍍𑌤𑌸𑍍𑌮𑌾᳚-𑌤𑍍𑌪॒𑌶𑍍𑌚𑌾-𑌦𑍍𑌵𑌰𑍍𑌷𑍀॑𑌯𑌾-𑌨𑍍𑌪𑍁॒𑌰𑌸𑍍𑌤𑌾᳚-𑌤𑍍𑌪𑍍𑌰𑌵𑌣𑌃 𑌪॒𑌶𑍁𑌰𑍍𑌬॒𑌸𑍍𑌤𑍋 𑌵𑌯॒ 𑌇𑌤𑌿॒ 𑌦𑌕𑍍𑌷𑌿॒𑌣𑍇-𑌽𑌗𑍍𑌂𑌸॒ 𑌉𑌪॑ 𑌦𑌧𑌾𑌤𑌿 𑌵𑍃॒𑌷𑍍𑌣𑌿𑌰𑍍𑌵𑌯॒ 𑌇𑌤𑍍𑌯𑍁𑌤𑍍𑌤॒𑌰𑍇 𑌽𑌗𑍍𑌂𑌸𑌾॑𑌵𑍇॒𑌵 𑌪𑍍𑌰𑌤𑌿॑ 𑌦𑌧𑌾𑌤𑌿 𑌵𑍍𑌯𑌾॒𑌘𑍍𑌰𑍋 𑌵𑌯॒ 𑌇𑌤𑌿॒ 𑌦𑌕𑍍𑌷𑌿॑𑌣𑍇 𑌪॒𑌕𑍍𑌷 𑌉𑌪॑ 𑌦𑌧𑌾𑌤𑌿 𑌸𑌿॒𑌗𑍍𑌂॒𑌹𑍋 𑌵𑌯॒ 𑌇𑌤𑍍𑌯𑍁𑌤𑍍𑌤॑𑌰𑍇 𑌪॒𑌕𑍍𑌷𑌯𑍋॑𑌰𑍇॒𑌵 𑌵𑍀॒𑌰𑍍𑌯॑-𑌨𑍍𑌦𑌧𑌾𑌤𑌿॒ 𑌪𑍁𑌰𑍁॑𑌷𑍋॒ 𑌵𑌯॒ 𑌇𑌤𑌿॒ 𑌮𑌦𑍍𑌧𑍍𑌯𑍇॒ 𑌤𑌸𑍍𑌮𑌾॒-𑌤𑍍𑌪𑍁𑌰𑍁॑𑌷𑌃 𑌪𑌶𑍂॒𑌨𑌾𑌮𑌧𑌿॑𑌪𑌤𑌿𑌃 ॥ 5 ॥

(𑌕𑍢𑌪𑍍𑌤𑍍𑌯𑌾॑ - 𑌉𑌪॒𑌧𑌾𑌯॑ 𑌪𑍍𑌰𑌾𑌣॒𑌭𑍃𑌤𑌃॒-𑌸𑌮॑𑌨𑌸𑌃-𑌕𑍃॒𑌷𑍍𑌣𑍇-𑌪𑍁𑌰𑍁॑𑌷𑍋॒ 𑌵𑌯॒ 𑌇𑌤𑌿॒ - 𑌪𑌞𑍍𑌚॑ 𑌚) (𑌅. 1)

𑌇𑌨𑍍𑌦𑍍𑌰𑌾᳚𑌗𑍍𑌨𑍀॒ 𑌅𑌵𑍍𑌯॑𑌥𑌮𑌾𑌨𑌾॒𑌮𑌿𑌤𑌿॑ 𑌸𑍍𑌵𑌯𑌮𑌾𑌤𑍃॒𑌣𑍍𑌣𑌾𑌮𑍁𑌪॑ 𑌦𑌧𑌾𑌤𑍀𑌨𑍍𑌦𑍍𑌰𑌾॒𑌗𑍍𑌨𑌿𑌭𑍍𑌯𑌾𑌂॒-𑌵𑌾𑌁 𑌇॒𑌮𑍗 𑌲𑍋॒𑌕𑍗 𑌵𑌿𑌧𑍃॑𑌤𑌾𑌵॒𑌨𑌯𑍋᳚-𑌰𑍍𑌲𑍋॒𑌕𑌯𑍋॒-𑌰𑍍𑌵𑌿𑌧𑍃॑𑌤𑍍𑌯𑌾॒ 𑌅𑌧𑍃॑𑌤𑍇𑌵॒ 𑌵𑌾 𑌏॒𑌷𑌾 𑌯𑌨𑍍𑌮॑𑌦𑍍𑌧𑍍𑌯॒𑌮𑌾 𑌚𑌿𑌤𑌿॑𑌰॒𑌨𑍍𑌤𑌰𑌿॑𑌕𑍍𑌷𑌮𑌿𑌵॒ 𑌵𑌾 𑌏॒𑌷𑍇𑌨𑍍𑌦𑍍𑌰𑌾᳚𑌗𑍍𑌨𑍀॒ 𑌇𑌤𑍍𑌯𑌾॑𑌹𑍇𑌨𑍍𑌦𑍍𑌰𑌾॒𑌗𑍍𑌨𑍀 𑌵𑍈 𑌦𑍇॒𑌵𑌾𑌨𑌾॑𑌮𑍋𑌜𑍋॒ 𑌭𑍃𑌤𑌾॒𑌵𑍋𑌜॑𑌸𑍈॒𑌵𑍈𑌨𑌾॑-𑌮॒𑌨𑍍𑌤𑌰𑌿॑𑌕𑍍𑌷𑍇 𑌚𑌿𑌨𑍁𑌤𑍇॒ 𑌧𑍃𑌤𑍍𑌯𑍈᳚ 𑌸𑍍𑌵𑌯𑌮𑌾𑌤𑍃॒𑌣𑍍𑌣𑌾𑌮𑍁𑌪॑ 𑌦𑌧𑌾𑌤𑍍𑌯॒𑌨𑍍𑌤𑌰𑌿॑𑌕𑍍𑌷𑌂॒-𑌵𑍈𑌁 𑌸𑍍𑌵॑𑌯𑌮𑌾𑌤𑍃॒𑌣𑍍𑌣𑌾 𑌽𑌨𑍍𑌤𑌰𑌿॑𑌕𑍍𑌷𑌮𑍇॒𑌵𑍋𑌪॑ 𑌧॒𑌤𑍍𑌤𑍇 𑌽𑌶𑍍𑌵॒𑌮𑍁𑌪॑ [𑌧॒𑌤𑍍𑌤𑍇 𑌽𑌶𑍍𑌵॒𑌮𑍁𑌪॑, 𑌘𑍍𑌰𑌾॒𑌪॒𑌯॒𑌤𑌿॒ 𑌪𑍍𑌰𑌾॒𑌣𑌮𑍇॒𑌵𑌾-] 6

𑌘𑍍𑌰𑌾𑌪𑌯𑌤𑌿 𑌪𑍍𑌰𑌾॒𑌣𑌮𑍇॒𑌵𑌾-𑌽𑌸𑍍𑌯𑌾᳚-𑌨𑍍𑌦𑌧𑌾॒𑌤𑍍𑌯𑌥𑍋᳚ 𑌪𑍍𑌰𑌾𑌜𑌾𑌪॒𑌤𑍍𑌯𑍋 𑌵𑌾 𑌅𑌶𑍍𑌵𑌃॑ 𑌪𑍍𑌰॒𑌜𑌾𑌪॑𑌤𑌿𑌨𑍈॒𑌵𑌾𑌗𑍍𑌨𑌿-𑌞𑍍𑌚𑌿॑𑌨𑍁𑌤𑍇 𑌸𑍍𑌵𑌯𑌮𑌾𑌤𑍃॒𑌣𑍍𑌣𑌾 𑌭॑𑌵𑌤𑌿 𑌪𑍍𑌰𑌾॒𑌣𑌾𑌨𑌾॒𑌮𑍁𑌥𑍍𑌸𑍃॑𑌷𑍍𑌟𑍍𑌯𑌾॒ 𑌅𑌥𑍋॑ 𑌸𑍁𑌵॒𑌰𑍍𑌗𑌸𑍍𑌯॑ 𑌲𑍋॒𑌕𑌸𑍍𑌯𑌾𑌨𑍁॑𑌖𑍍𑌯𑌾𑌤𑍍𑌯𑍈 𑌦𑍇॒𑌵𑌾𑌨𑌾𑌂॒-𑌵𑍈𑌁 𑌸𑍁॑𑌵॒𑌰𑍍𑌗𑌂-𑌲𑍋𑌁॒𑌕𑌂-𑌯𑌁॒𑌤𑌾-𑌨𑍍𑌦𑌿𑌶॒-𑌸𑍍𑌸𑌮॑𑌵𑍍𑌲𑍀𑌯𑌨𑍍𑌤॒ 𑌤 𑌏॒𑌤𑌾 𑌦𑌿𑌶𑍍𑌯𑌾॑ 𑌅𑌪𑌶𑍍𑌯॒-𑌨𑍍𑌤𑌾 𑌉𑌪𑌾॑𑌦𑌧𑌤॒ 𑌤𑌾𑌭𑌿॒𑌰𑍍𑌵𑍈 𑌤𑍇 𑌦𑌿𑌶𑍋॑-𑌽𑌦𑍃𑌗𑍍𑌂𑌹॒𑌨𑍍॒ 𑌯𑌦𑍍𑌦𑌿𑌶𑍍𑌯𑌾॑ 𑌉𑌪॒𑌦𑌧𑌾॑𑌤𑌿 𑌦𑌿॒𑌶𑌾𑌂-𑌵𑌿𑌁𑌧𑍃॑𑌤𑍍𑌯𑍈॒ 𑌦𑌶॑ 𑌪𑍍𑌰𑌾𑌣॒𑌭𑍃𑌤𑌃॑ 𑌪𑍁॒𑌰𑌸𑍍𑌤𑌾॒𑌦𑍁𑌪॑ [𑌪𑍁॒𑌰𑌸𑍍𑌤𑌾॒𑌦𑍁𑌪॑, 𑌦॒𑌧𑌾॒𑌤𑌿॒ 𑌨𑌵॒ 𑌵𑍈 𑌪𑍁𑌰𑍁॑𑌷𑍇] 7

𑌦𑌧𑌾𑌤𑌿॒ 𑌨𑌵॒ 𑌵𑍈 𑌪𑍁𑌰𑍁॑𑌷𑍇 𑌪𑍍𑌰𑌾॒𑌣𑌾 𑌨𑌾𑌭𑌿॑𑌰𑍍𑌦𑌶॒𑌮𑍀 𑌪𑍍𑌰𑌾॒𑌣𑌾𑌨𑍇॒𑌵 𑌪𑍁॒𑌰𑌸𑍍𑌤𑌾᳚𑌦𑍍𑌧𑌤𑍍𑌤𑍇॒ 𑌤𑌸𑍍𑌮𑌾᳚-𑌤𑍍𑌪𑍁॒𑌰𑌸𑍍𑌤𑌾᳚-𑌤𑍍𑌪𑍍𑌰𑌾॒𑌣𑌾 𑌜𑍍𑌯𑍋𑌤𑌿॑𑌷𑍍𑌮𑌤𑍀-𑌮𑍁𑌤𑍍𑌤॒𑌮𑌾𑌮𑍁𑌪॑ 𑌦𑌧𑌾𑌤𑌿॒ 𑌤𑌸𑍍𑌮𑌾᳚-𑌤𑍍𑌪𑍍𑌰𑌾॒𑌣𑌾𑌨𑌾𑌂॒-𑌵𑌾𑌁𑌗𑍍𑌜𑍍𑌯𑍋𑌤𑌿॑𑌰𑍁𑌤𑍍𑌤॒𑌮𑌾 𑌦𑌶𑍋𑌪॑ 𑌦𑌧𑌾𑌤𑌿॒ 𑌦𑌶𑌾᳚𑌕𑍍𑌷𑌰𑌾 𑌵𑌿॒𑌰𑌾-𑌡𑍍𑌵𑌿॒𑌰𑌾𑌟𑍍 𑌛𑌨𑍍𑌦॑𑌸𑌾॒-𑌞𑍍𑌜𑍍𑌯𑍋𑌤𑌿॒𑌰𑍍𑌜𑍍𑌯𑍋𑌤𑌿॑𑌰𑍇॒𑌵 𑌪𑍁॒𑌰𑌸𑍍𑌤𑌾᳚𑌦𑍍𑌧𑌤𑍍𑌤𑍇॒ 𑌤𑌸𑍍𑌮𑌾᳚-𑌤𑍍𑌪𑍁॒𑌰𑌸𑍍𑌤𑌾॒𑌜𑍍𑌜𑍍𑌯𑍋𑌤𑌿॒𑌰𑍁𑌪𑌾᳚ 𑌽𑌽𑌸𑍍𑌮𑌹𑍇॒ 𑌛𑌨𑍍𑌦𑌾𑌗𑍍𑌂॑𑌸𑌿 𑌪॒𑌶𑍁𑌷𑍍𑌵𑌾॒𑌜𑌿𑌮॑𑌯𑍁॒𑌸𑍍𑌤𑌾-𑌨𑍍𑌬𑍃॑𑌹॒𑌤𑍍𑌯𑍁𑌦॑𑌜𑌯॒-𑌤𑍍𑌤𑌸𑍍𑌮𑌾॒-𑌦𑍍𑌬𑌾𑌰𑍍𑌹॑𑌤𑌾𑌃 [𑌤𑌸𑍍𑌮𑌾॒-𑌦𑍍𑌬𑌾𑌰𑍍𑌹॑𑌤𑌾𑌃, 𑌪॒𑌶𑌵॑ 𑌉𑌚𑍍𑌯𑌨𑍍𑌤𑍇॒ 𑌮𑌾] 8

𑌪॒𑌶𑌵॑ 𑌉𑌚𑍍𑌯𑌨𑍍𑌤𑍇॒ 𑌮𑌾 𑌛𑌨𑍍𑌦॒ 𑌇𑌤𑌿॑ 𑌦𑌕𑍍𑌷𑌿𑌣॒𑌤 𑌉𑌪॑ 𑌦𑌧𑌾𑌤𑌿॒ 𑌤𑌸𑍍𑌮𑌾᳚-𑌦𑍍𑌦𑌕𑍍𑌷𑌿॒𑌣𑌾 𑌵𑍃॑𑌤𑍋॒ 𑌮𑌾𑌸𑌾𑌃᳚ 𑌪𑍃𑌥𑌿॒𑌵𑍀 𑌛𑌨𑍍𑌦॒ 𑌇𑌤𑌿॑ 𑌪॒𑌶𑍍𑌚𑌾-𑌤𑍍𑌪𑍍𑌰𑌤𑌿॑𑌷𑍍𑌠𑌿𑌤𑍍𑌯𑌾 𑌅॒𑌗𑍍𑌨𑌿𑌰𑍍𑌦𑍇॒𑌵𑌤𑍇𑌤𑍍𑌯𑍁॑𑌤𑍍𑌤𑌰॒𑌤 𑌓𑌜𑍋॒ 𑌵𑌾 𑌅॒𑌗𑍍𑌨𑌿𑌰𑍋𑌜॑ 𑌏॒𑌵𑍋𑌤𑍍𑌤॑𑌰॒𑌤𑍋 𑌧॑𑌤𑍍𑌤𑍇॒ 𑌤𑌸𑍍𑌮𑌾॑𑌦𑍁𑌤𑍍𑌤𑌰𑌤𑍋 𑌽𑌭𑌿𑌪𑍍𑌰𑌯𑌾॒𑌯𑍀 𑌜॑𑌯𑌤𑌿॒ 𑌷𑌟𑍍𑌤𑍍𑌰𑌿𑌗𑍍𑌂॑𑌶॒-𑌥𑍍𑌸𑌮𑍍𑌪॑𑌦𑍍𑌯𑌨𑍍𑌤𑍇॒ 𑌷𑌟𑍍𑌤𑍍𑌰𑌿𑌗𑍍𑌂॑𑌶𑌦𑌕𑍍𑌷𑌰𑌾 𑌬𑍃𑌹॒𑌤𑍀 𑌬𑌾𑌰𑍍𑌹॑𑌤𑌾𑌃 𑌪॒𑌶𑌵𑍋॑ 𑌬𑍃𑌹॒𑌤𑍍𑌯𑍈𑌵𑌾𑌸𑍍𑌮𑍈॑ 𑌪॒𑌶𑍂𑌨𑌵॑ 𑌰𑍁𑌨𑍍𑌧𑍇 𑌬𑍃𑌹॒𑌤𑍀 𑌛𑌨𑍍𑌦॑𑌸𑌾॒𑌗𑍍॒ 𑌸𑍍𑌵𑌾𑌰𑌾᳚𑌜𑍍𑌯॒-𑌮𑍍𑌪𑌰𑍀॑𑌯𑌾𑌯॒ 𑌯𑌸𑍍𑌯𑍈॒𑌤𑌾 [𑌯𑌸𑍍𑌯𑍈॒𑌤𑌾𑌃, 𑌉॑𑌪𑌧𑍀॒𑌯𑌨𑍍𑌤𑍇॒ 𑌗𑌚𑍍𑌛॑𑌤𑌿॒] 9

𑌉॑𑌪𑌧𑍀॒𑌯𑌨𑍍𑌤𑍇॒ 𑌗𑌚𑍍𑌛॑𑌤𑌿॒ 𑌸𑍍𑌵𑌾𑌰𑌾᳚𑌜𑍍𑌯𑌗𑍍𑌂 𑌸॒𑌪𑍍𑌤 𑌵𑌾𑌲॑𑌖𑌿𑌲𑍍𑌯𑌾𑌃 𑌪𑍁॒𑌰𑌸𑍍𑌤𑌾॒𑌦𑍁𑌪॑ 𑌦𑌧𑌾𑌤𑌿 𑌸॒𑌪𑍍𑌤 𑌪॒𑌶𑍍𑌚𑌾-𑌥𑍍𑌸॒𑌪𑍍𑌤 𑌵𑍈 𑌶𑍀॑𑌰𑍍𑌷॒𑌣𑍍𑌯𑌾𑌃᳚ 𑌪𑍍𑌰𑌾॒𑌣𑌾 𑌦𑍍𑌵𑌾𑌵𑌵𑌾᳚𑌞𑍍𑌚𑍗 𑌪𑍍𑌰𑌾॒𑌣𑌾𑌨𑌾𑌗𑍍𑌂॑ 𑌸𑌵𑍀𑌰𑍍𑌯॒𑌤𑍍𑌵𑌾𑌯॑ 𑌮𑍂॒𑌰𑍍𑌧𑌾-𑌽𑌸𑌿॒ 𑌰𑌾𑌡𑌿𑌤𑌿॑ 𑌪𑍁॒𑌰𑌸𑍍𑌤𑌾॒𑌦𑍁𑌪॑ 𑌦𑌧𑌾𑌤𑌿॒ 𑌯𑌨𑍍𑌤𑍍𑌰𑍀॒ 𑌰𑌾𑌡𑌿𑌤𑌿॑ 𑌪॒𑌶𑍍𑌚𑌾-𑌤𑍍𑌪𑍍𑌰𑌾॒𑌣𑌾𑌨𑍇॒𑌵𑌾𑌸𑍍𑌮𑍈॑ 𑌸॒𑌮𑍀𑌚𑍋॑ 𑌦𑌧𑌾𑌤𑌿 ॥ 10 ॥

(𑌅𑌶𑍍𑌵॒𑌮𑍁𑌪॑-𑌪𑍁॒𑌰𑌸𑍍𑌤𑌾॒𑌦𑍁𑌪॒-𑌬𑌾𑌰𑍍𑌹॑𑌤𑌾-𑌏॒𑌤𑌾-𑌶𑍍𑌚𑌤𑍁॑𑌸𑍍𑌤𑍍𑌰𑌿𑌗𑍍𑌂𑌶𑌚𑍍𑌚) (𑌅. 2)

𑌦𑍇॒𑌵𑌾 𑌵𑍈 𑌯-𑌦𑍍𑌯॒𑌜𑍍𑌞𑍇 𑌽𑌕𑍁॑𑌰𑍍𑌵𑌤॒ 𑌤𑌦𑌸𑍁॑𑌰𑌾 𑌅𑌕𑍁𑌰𑍍𑌵𑌤॒ 𑌤𑍇 𑌦𑍇॒𑌵𑌾 𑌏॒𑌤𑌾 𑌅॑𑌕𑍍𑌷𑍍𑌣𑌯𑌾𑌸𑍍𑌤𑍋॒𑌮𑍀𑌯𑌾॑ 𑌅𑌪𑌶𑍍𑌯॒-𑌨𑍍𑌤𑌾 𑌅॒𑌨𑍍𑌯𑌥𑌾॒ 𑌽𑌨𑍂𑌚𑍍𑌯𑌾॒-𑌨𑍍𑌯𑌥𑍋𑌪𑌾॑𑌦𑌧𑌤॒ 𑌤𑌦𑌸𑍁॑𑌰𑌾॒ 𑌨𑌾𑌨𑍍𑌵𑌵𑌾॑𑌯॒-𑌨𑍍𑌤𑌤𑍋॑ 𑌦𑍇॒𑌵𑌾 𑌅𑌭॑𑌵॒-𑌨𑍍𑌪𑌰𑌾-𑌽𑌸𑍁॑𑌰𑌾॒ 𑌯𑌦॑𑌕𑍍𑌷𑍍𑌣𑌯𑌾𑌸𑍍𑌤𑍋॒𑌮𑍀𑌯𑌾॑ 𑌅॒𑌨𑍍𑌯𑌥𑌾॒ 𑌽𑌨𑍂𑌚𑍍𑌯𑌾॒𑌨𑍍𑌯𑌥𑍋॑𑌪॒ 𑌦𑌧𑌾॑𑌤𑌿॒ 𑌭𑍍𑌰𑌾𑌤𑍃॑𑌵𑍍𑌯𑌾𑌭𑌿𑌭𑍂𑌤𑍍𑌯𑍈॒ 𑌭𑌵॑𑌤𑍍𑌯𑌾॒𑌤𑍍𑌮𑌨𑌾॒ 𑌪𑌰𑌾᳚-𑌽𑌸𑍍𑌯॒ 𑌭𑍍𑌰𑌾𑌤𑍃॑𑌵𑍍𑌯𑍋 𑌭𑌵𑌤𑍍𑌯𑌾॒-𑌶𑍁𑌸𑍍𑌤𑍍𑌰𑌿॒𑌵𑍃𑌦𑌿𑌤𑌿॑ 𑌪𑍁॒𑌰𑌸𑍍𑌤𑌾॒𑌦𑍁𑌪॑ 𑌦𑌧𑌾𑌤𑌿 𑌯𑌜𑍍𑌞𑌮𑍁॒𑌖𑌂-𑌵𑍈𑌁 𑌤𑍍𑌰𑌿॒𑌵𑍃- [𑌤𑍍𑌰𑌿॒𑌵𑍃𑌤𑍍, 𑌯॒𑌜𑍍𑌞॒𑌮𑍁॒𑌖𑌮𑍇॒𑌵] 11

-𑌦𑍍𑌯॑𑌜𑍍𑌞𑌮𑍁॒𑌖𑌮𑍇॒𑌵 𑌪𑍁॒𑌰𑌸𑍍𑌤𑌾॒𑌦𑍍𑌵𑌿 𑌯𑌾॑𑌤𑌯𑌤𑌿॒ 𑌵𑍍𑌯𑍋॑𑌮 𑌸𑌪𑍍𑌤𑌦॒𑌶 𑌇𑌤𑌿॑ 𑌦𑌕𑍍𑌷𑌿𑌣॒𑌤𑍋 𑌽𑌨𑍍𑌨𑌂॒-𑌵𑍈𑌁 𑌵𑍍𑌯𑍋॑𑌮𑌾-𑌽𑌨𑍍𑌨𑌗𑍍𑌂॑ 𑌸𑌪𑍍𑌤𑌦॒𑌶𑍋-𑌽𑌨𑍍𑌨॑𑌮𑍇॒𑌵 𑌦॑𑌕𑍍𑌷𑌿𑌣॒𑌤𑍋 𑌧॑𑌤𑍍𑌤𑍇॒ 𑌤𑌸𑍍𑌮𑌾॒-𑌦𑍍𑌦𑌕𑍍𑌷𑌿॑𑌣𑍇॒𑌨𑌾𑌨𑍍𑌨॑𑌮𑌦𑍍𑌯𑌤𑍇 𑌧॒𑌰𑍁𑌣॑ 𑌏𑌕𑌵𑌿॒𑌗𑍍𑌂॒𑌶 𑌇𑌤𑌿॑ 𑌪॒𑌶𑍍𑌚𑌾-𑌤𑍍𑌪𑍍𑌰॑𑌤𑌿॒𑌷𑍍𑌠𑌾 𑌵𑌾 𑌏॑𑌕𑌵𑌿॒𑌗𑍍𑌂॒𑌶𑌃 𑌪𑍍𑌰𑌤𑌿॑𑌷𑍍𑌠𑌿𑌤𑍍𑌯𑍈 𑌭𑌾॒𑌨𑍍𑌤𑌃 𑌪॑𑌞𑍍𑌚𑌦॒𑌶 𑌇𑌤𑍍𑌯𑍁॑𑌤𑍍𑌤𑌰॒𑌤 𑌓𑌜𑍋॒ 𑌵𑍈 𑌭𑌾॒𑌨𑍍𑌤 𑌓𑌜𑌃॑ 𑌪𑌞𑍍𑌚𑌦॒𑌶 𑌓𑌜॑ 𑌏॒𑌵𑍋𑌤𑍍𑌤॑𑌰॒𑌤𑍋 𑌧॑𑌤𑍍𑌤𑍇॒ 𑌤𑌸𑍍𑌮𑌾॑𑌦𑍁𑌤𑍍𑌤𑌰𑌤𑍋 𑌽𑌭𑌿𑌪𑍍𑌰𑌯𑌾॒𑌯𑍀 𑌜॑𑌯𑌤𑌿॒ 𑌪𑍍𑌰𑌤𑍂᳚𑌰𑍍𑌤𑌿𑌰𑌷𑍍𑌟𑌾𑌦॒𑌶 𑌇𑌤𑌿॑ 𑌪𑍁॒𑌰𑌸𑍍𑌤𑌾॒- [𑌇𑌤𑌿॑ 𑌪𑍁॒𑌰𑌸𑍍𑌤𑌾᳚𑌤𑍍, 𑌉𑌪॑ 𑌦𑌧𑌾𑌤𑌿॒ 𑌦𑍍𑌵𑍗] 12

-𑌦𑍁𑌪॑ 𑌦𑌧𑌾𑌤𑌿॒ 𑌦𑍍𑌵𑍗 𑌤𑍍𑌰𑌿॒𑌵𑍃𑌤𑌾॑𑌵𑌭𑌿𑌪𑍂॒𑌰𑍍𑌵𑌂-𑌯𑌁॑𑌜𑍍𑌞𑌮𑍁॒𑌖𑍇 𑌵𑌿 𑌯𑌾॑𑌤𑌯𑌤𑍍𑌯𑌭𑌿𑌵॒𑌰𑍍𑌤-𑌸𑍍𑌸॑𑌵𑌿॒𑌗𑍍𑌂॒𑌶 𑌇𑌤𑌿॑ 𑌦𑌕𑍍𑌷𑌿𑌣॒𑌤𑍋-𑌽𑌨𑍍𑌨𑌂॒-𑌵𑌾𑌁 𑌅॑𑌭𑌿𑌵॒𑌰𑍍𑌤𑍋-𑌽𑌨𑍍𑌨𑌗𑍍𑌂॑ 𑌸𑌵𑌿॒𑌗𑍍𑌂॒𑌶𑍋-𑌽𑌨𑍍𑌨॑𑌮𑍇॒𑌵 𑌦॑𑌕𑍍𑌷𑌿𑌣॒𑌤𑍋 𑌧॑𑌤𑍍𑌤𑍇॒ 𑌤𑌸𑍍𑌮𑌾॒-𑌦𑍍𑌦𑌕𑍍𑌷𑌿॑𑌣𑍇॒𑌨𑌾𑌨𑍍𑌨॑𑌮𑌦𑍍𑌯𑌤𑍇॒ 𑌵𑌰𑍍𑌚𑍋᳚ 𑌦𑍍𑌵𑌾𑌵𑌿॒𑌗𑍍𑌂॒𑌶 𑌇𑌤𑌿॑ 𑌪॒𑌶𑍍𑌚𑌾-𑌦𑍍𑌯-𑌦𑍍𑌵𑌿𑌗𑍍𑌂॑𑌶॒𑌤𑌿𑌰𑍍𑌦𑍍𑌵𑍇 𑌤𑍇𑌨॑ 𑌵𑌿॒𑌰𑌾𑌜𑍗॒ 𑌯-𑌦𑍍𑌦𑍍𑌵𑍇 𑌪𑍍𑌰॑𑌤𑌿॒𑌷𑍍𑌠𑌾 𑌤𑍇𑌨॑ 𑌵𑌿॒𑌰𑌾𑌜𑍋॑𑌰𑍇॒𑌵𑌾-𑌭𑌿॑𑌪𑍂॒𑌰𑍍𑌵𑌮॒𑌨𑍍𑌨𑌾𑌦𑍍𑌯𑍇॒ 𑌪𑍍𑌰𑌤𑌿॑𑌤𑌿𑌷𑍍𑌠𑌤𑌿॒ 𑌤𑌪𑍋॑ 𑌨𑌵𑌦॒𑌶 𑌇𑌤𑍍𑌯𑍁॑𑌤𑍍𑌤𑌰॒𑌤 𑌸𑍍𑌤𑌸𑍍𑌮𑌾᳚-𑌥𑍍𑌸॒𑌵𑍍𑌯𑍋 [𑌇𑌤𑍍𑌯𑍁॑𑌤𑍍𑌤𑌰॒𑌤 𑌸𑍍𑌤𑌸𑍍𑌮𑌾᳚-𑌥𑍍𑌸॒𑌵𑍍𑌯𑌃, 𑌹𑌸𑍍𑌤॑𑌯𑍋-] 13

𑌹𑌸𑍍𑌤॑𑌯𑍋-𑌸𑍍𑌤𑌪॒𑌸𑍍𑌵𑌿𑌤॑𑌰𑍋॒ 𑌯𑍋𑌨𑌿॑𑌶𑍍𑌚𑌤𑍁𑌰𑍍𑌵𑌿॒𑌗𑍍𑌂॒𑌶 𑌇𑌤𑌿॑ 𑌪𑍁॒𑌰𑌸𑍍𑌤𑌾॒𑌦𑍁𑌪॑ 𑌦𑌧𑌾𑌤𑌿॒ 𑌚𑌤𑍁॑𑌰𑍍𑌵𑌿𑌗𑍍𑌂𑌶𑌤𑍍𑌯𑌕𑍍𑌷𑌰𑌾 𑌗𑌾𑌯॒𑌤𑍍𑌰𑍀 𑌗𑌾॑𑌯॒𑌤𑍍𑌰𑍀 𑌯॑𑌜𑍍𑌞𑌮𑍁॒𑌖𑌂-𑌯𑌁॑𑌜𑍍𑌞𑌮𑍁॒𑌖𑌮𑍇॒𑌵 𑌪𑍁॒𑌰𑌸𑍍𑌤𑌾॒-𑌦𑍍𑌵𑌿𑌯𑌾॑𑌤𑌯𑌤𑌿॒ 𑌗𑌰𑍍𑌭𑌾𑌃᳚ 𑌪𑌞𑍍𑌚𑌵𑌿॒𑌗𑍍𑌂॒𑌶 𑌇𑌤𑌿॑ 𑌦𑌕𑍍𑌷𑌿𑌣॒𑌤𑍋-𑌽𑌨𑍍𑌨𑌂॒-𑌵𑍈𑌁 𑌗𑌰𑍍𑌭𑌾॒ 𑌅𑌨𑍍𑌨॑-𑌮𑍍𑌪𑌞𑍍𑌚𑌵𑌿॒𑌗𑍍𑌂॒𑌶𑍋𑌨𑍍𑌨॑𑌮𑍇॒𑌵 𑌦॑𑌕𑍍𑌷𑌿𑌣॒𑌤𑍋 𑌧॑𑌤𑍍𑌤𑍇॒ 𑌤𑌸𑍍𑌮𑌾॒-𑌦𑍍𑌦𑌕𑍍𑌷𑌿॑𑌣𑍇॒𑌨𑌾𑌨𑍍𑌨॑𑌮𑌦𑍍𑌯𑌤॒ 𑌓𑌜॑𑌸𑍍𑌤𑍍𑌰𑌿𑌣॒𑌵 𑌇𑌤𑌿॑ 𑌪॒𑌶𑍍𑌚𑌾𑌦𑌿॒𑌮𑍇 𑌵𑍈 𑌲𑍋॒𑌕𑌾𑌸𑍍𑌤𑍍𑌰𑌿॑𑌣॒𑌵 𑌏॒𑌷𑍍𑌵𑍇॑𑌵 𑌲𑍋॒𑌕𑍇𑌷𑍁॒ 𑌪𑍍𑌰𑌤𑌿॑𑌤𑌿𑌷𑍍𑌠𑌤𑌿 𑌸॒𑌭𑌂𑌰॑𑌣𑌸𑍍𑌤𑍍𑌰𑌯𑍋𑌵𑌿॒𑌗𑍍𑌂॒𑌶 𑌇- [𑌸॒𑌭𑌂𑌰॑𑌣𑌸𑍍𑌤𑍍𑌰𑌯𑍋𑌵𑌿॒𑌗𑍍𑌂॒𑌶 𑌇𑌤𑌿॑, 𑌉॒𑌤𑍍𑌤॒𑌰॒𑌤-] 14

-𑌤𑍍𑌯𑍁॑𑌤𑍍𑌤𑌰॒𑌤-𑌸𑍍𑌤𑌸𑍍𑌮𑌾᳚-𑌥𑍍𑌸॒𑌵𑍍𑌯𑍋 𑌹𑌸𑍍𑌤॑𑌯𑍋-𑌸𑍍𑌸𑌮𑍍𑌭𑌾॒𑌰𑍍𑌯॑𑌤𑌰𑌃॒ 𑌕𑍍𑌰𑌤𑍁॑𑌰𑍇𑌕𑌤𑍍𑌰𑌿॒𑌗𑍍𑌂॒𑌶 𑌇𑌤𑌿॑ 𑌪𑍁॒𑌰𑌸𑍍𑌤𑌾॒𑌦𑍁𑌪॑ 𑌦𑌧𑌾𑌤𑌿॒ 𑌵𑌾𑌗𑍍𑌵𑍈 𑌕𑍍𑌰𑌤𑍁॑𑌰𑍍𑌯𑌜𑍍𑌞𑌮𑍁॒𑌖𑌂-𑌵𑌾𑌁𑌗𑍍𑌯॑𑌜𑍍𑌞𑌮𑍁॒𑌖𑌮𑍇॒𑌵 𑌪𑍁॒𑌰𑌸𑍍𑌤𑌾॒𑌦𑍍𑌵𑌿 𑌯𑌾॑𑌤𑌯𑌤𑌿 𑌬𑍍𑌰॒𑌦𑍍𑌧𑍍𑌨𑌸𑍍𑌯॑ 𑌵𑌿॒𑌷𑍍𑌟𑌪॑-𑌞𑍍𑌚𑌤𑍁𑌸𑍍𑌤𑍍𑌰𑌿॒𑌗𑍍𑌂॒𑌶 𑌇𑌤𑌿॑ 𑌦𑌕𑍍𑌷𑌿𑌣॒𑌤𑍋॑-𑌽𑌸𑍗 𑌵𑌾 𑌆॑𑌦𑌿॒𑌤𑍍𑌯𑍋 𑌬𑍍𑌰॒𑌦𑍍𑌧𑍍𑌨𑌸𑍍𑌯॑ 𑌵𑌿॒𑌷𑍍𑌟𑌪॑-𑌮𑍍𑌬𑍍𑌰𑌹𑍍𑌮𑌵𑌰𑍍𑌚॒𑌸𑌮𑍇॒𑌵 𑌦॑𑌕𑍍𑌷𑌿𑌣॒𑌤𑍋 𑌧॑𑌤𑍍𑌤𑍇॒ 𑌤𑌸𑍍𑌮𑌾॒-𑌦𑍍𑌦𑌕𑍍𑌷𑌿॒𑌣𑍋-𑌽𑌰𑍍𑌧𑍋᳚ 𑌬𑍍𑌰𑌹𑍍𑌮𑌵𑌰𑍍𑌚॒𑌸𑌿𑌤॑𑌰𑌃 𑌪𑍍𑌰𑌤𑌿॒𑌷𑍍𑌠𑌾 𑌤𑍍𑌰॑𑌯𑌸𑍍𑌤𑍍𑌰𑌿॒𑌗𑍍𑌂॒𑌶 𑌇𑌤𑌿॑ 𑌪॒𑌶𑍍𑌚𑌾-𑌤𑍍𑌪𑍍𑌰𑌤𑌿॑𑌷𑍍𑌠𑌿𑌤𑍍𑌯𑍈॒ 𑌨𑌾𑌕𑌃॑ 𑌷𑌟𑍍𑌤𑍍𑌰𑌿॒𑌗𑍍𑌂॒𑌶 𑌇𑌤𑍍𑌯𑍁॑𑌤𑍍𑌤𑌰॒𑌤-𑌸𑍍𑌸𑍁॑𑌵॒𑌰𑍍𑌗𑍋 𑌵𑍈 𑌲𑍋॒𑌕𑍋 𑌨𑌾𑌕𑌃॑ 𑌸𑍁𑌵॒𑌰𑍍𑌗𑌸𑍍𑌯॑ 𑌲𑍋॒𑌕𑌸𑍍𑌯॒ 𑌸𑌮॑𑌷𑍍𑌟𑍍𑌯𑍈 ॥ 15 ॥

(𑌵𑍈 𑌤𑍍𑌰𑌿॒𑌵𑍃 - 𑌦𑌿𑌤𑌿॑ 𑌪𑍁॒𑌰𑌸𑍍𑌤𑌾᳚𑌥𑍍 - 𑌸॒𑌵𑍍𑌯 - 𑌸𑍍𑌤𑍍𑌰॑𑌯𑍋𑌵𑌿॒𑌗𑍍𑌂॒𑌶 𑌇𑌤𑌿॑ - 𑌸𑍁𑌵॒𑌰𑍍𑌗𑍋 𑌵𑍈 - 𑌪𑌞𑍍𑌚॑ 𑌚) (𑌅. 3)

(𑌆॒𑌶𑍁 - 𑌰𑍍𑌵𑍍𑌯𑍋॑𑌮 - 𑌧॒𑌰𑍁𑌣𑍋॑ - 𑌭𑌾॒𑌨𑍍𑌤𑌃 - 𑌪𑍍𑌰𑌤𑍂᳚𑌰𑍍𑌤𑌿𑌰 -𑌭𑌿𑌵॒𑌰𑍍𑌤𑍋 - 𑌵𑌰𑍍𑌚॒ - 𑌸𑍍𑌤𑌪𑍋॒ - 𑌯𑍋𑌨𑌿॒ - 𑌰𑍍𑌗𑌰𑍍𑌭𑌾॒ - 𑌓𑌜𑌃॑ - 𑌸॒𑌭𑌂𑌰॑𑌣𑌃॒ - 𑌕𑍍𑌰𑌤𑍁॑ - 𑌰𑍍𑌬𑍍𑌰॒𑌦𑍍𑌧𑍍𑌰𑌸𑍍𑌯॑ - 𑌪𑍍𑌰𑌤𑌿॒𑌷𑍍𑌠𑌾 - 𑌨𑌾𑌕𑌃॒ - 𑌷𑍋𑌡॑𑌶)

𑌅॒𑌗𑍍𑌨𑍇𑌰𑍍𑌭𑌾॒𑌗𑍋॑-𑌽𑌸𑍀𑌤𑌿॑ 𑌪𑍁॒𑌰𑌸𑍍𑌤𑌾॒𑌦𑍁𑌪॑ 𑌦𑌧𑌾𑌤𑌿 𑌯𑌜𑍍𑌞𑌮𑍁॒𑌖𑌂-𑌵𑌾𑌁 𑌅॒𑌗𑍍𑌨𑌿𑌰𑍍𑌯॑𑌜𑍍𑌞𑌮𑍁॒𑌖-𑌨𑍍𑌦𑍀॒𑌕𑍍𑌷𑌾 𑌯॑𑌜𑍍𑌞𑌮𑍁॒𑌖-𑌮𑍍𑌬𑍍𑌰𑌹𑍍𑌮॑ 𑌯𑌜𑍍𑌞𑌮𑍁॒𑌖-𑌨𑍍𑌤𑍍𑌰𑌿॒𑌵𑍃-𑌦𑍍𑌯॑𑌜𑍍𑌞𑌮𑍁॒𑌖𑌮𑍇॒𑌵 𑌪𑍁॒𑌰𑌸𑍍𑌤𑌾॒𑌦𑍍𑌵𑌿 𑌯𑌾॑𑌤𑌯𑌤𑌿 𑌨𑍃॒𑌚𑌕𑍍𑌷॑𑌸𑌾-𑌮𑍍𑌭𑌾॒𑌗𑍋॑-𑌽𑌸𑍀𑌤𑌿॑ 𑌦𑌕𑍍𑌷𑌿𑌣॒𑌤-𑌶𑍍𑌶𑍁॑𑌶𑍍𑌰𑍁॒𑌵𑌾𑌗𑍍𑌂𑌸𑍋॒ 𑌵𑍈 𑌨𑍃॒𑌚𑌕𑍍𑌷॒𑌸𑍋-𑌽𑌨𑍍𑌨॑-𑌨𑍍𑌧𑌾॒𑌤𑌾 𑌜𑌾॒𑌤𑌾𑌯𑍈॒𑌵𑌾𑌸𑍍𑌮𑌾॒ 𑌅𑌨𑍍𑌨॒𑌮𑌪𑌿॑ 𑌦𑌧𑌾𑌤𑌿॒ 𑌤𑌸𑍍𑌮𑌾᳚𑌜𑍍𑌜𑌾॒𑌤𑍋-𑌽𑌨𑍍𑌨॑𑌮𑌤𑍍𑌤𑌿 𑌜॒𑌨𑌿𑌤𑍍𑌰𑌗𑍍𑌗𑍍॑ 𑌸𑍍𑌪𑍃॒𑌤𑌗𑍍𑌂 𑌸॑𑌪𑍍𑌤𑌦॒𑌶-𑌸𑍍𑌸𑍍𑌤𑍋𑌮॒ 𑌇𑌤𑍍𑌯𑌾॒𑌹𑌾-𑌽𑌨𑍍𑌨𑌂॒-𑌵𑍈𑌁 𑌜॒𑌨𑌿𑌤𑍍𑌰॒- [𑌜॒𑌨𑌿𑌤𑍍𑌰᳚𑌮𑍍, 𑌅𑌨𑍍𑌨𑌗𑍍𑌂॑ 𑌸𑌪𑍍𑌤𑌦॒𑌶𑍋-𑌽𑌨𑍍𑌨॑𑌮𑍇॒𑌵] 16

-𑌮𑌨𑍍𑌨𑌗𑍍𑌂॑ 𑌸𑌪𑍍𑌤𑌦॒𑌶𑍋-𑌽𑌨𑍍𑌨॑𑌮𑍇॒𑌵 𑌦॑𑌕𑍍𑌷𑌿𑌣॒𑌤𑍋 𑌧॑𑌤𑍍𑌤𑍇॒ 𑌤𑌸𑍍𑌮𑌾॒-𑌦𑍍𑌦𑌕𑍍𑌷𑌿॑𑌣𑍇॒𑌨𑌾-𑌨𑍍𑌨॑𑌮𑌦𑍍𑌯𑌤𑍇 𑌮𑌿॒𑌤𑍍𑌰𑌸𑍍𑌯॑ 𑌭𑌾॒𑌗𑍋॑-𑌽𑌸𑍀𑌤𑌿॑ 𑌪॒𑌶𑍍𑌚𑌾-𑌤𑍍𑌪𑍍𑌰𑌾॒𑌣𑍋 𑌵𑍈 𑌮𑌿॒𑌤𑍍𑌰𑍋॑-𑌽𑌪𑌾॒𑌨𑍋 𑌵𑌰𑍁॑𑌣𑌃 𑌪𑍍𑌰𑌾𑌣𑌾𑌪𑌾॒𑌨𑌾𑌵𑍇॒𑌵𑌾𑌸𑍍𑌮𑌿॑-𑌨𑍍𑌦𑌧𑌾𑌤𑌿 𑌦𑌿॒𑌵𑍋 𑌵𑍃॒𑌷𑍍𑌟𑌿𑌰𑍍𑌵𑌾𑌤𑌾᳚-𑌸𑍍𑌸𑍍𑌪𑍃॒𑌤𑌾 𑌏॑𑌕𑌵𑌿॒𑌗𑍍𑌂॒𑌶-𑌸𑍍𑌸𑍍𑌤𑍋𑌮॒ 𑌇𑌤𑍍𑌯𑌾॑𑌹 𑌪𑍍𑌰𑌤𑌿॒𑌷𑍍𑌠𑌾 𑌵𑌾 𑌏॑𑌕𑌵𑌿॒𑌗𑍍𑌂॒𑌶𑌃 𑌪𑍍𑌰𑌤𑌿॑𑌷𑍍𑌠𑌿𑌤𑍍𑌯𑌾॒ 𑌇𑌨𑍍𑌦𑍍𑌰॑𑌸𑍍𑌯 𑌭𑌾॒𑌗𑍋॑-𑌽𑌸𑍀𑌤𑍍𑌯𑍁॑𑌤𑍍𑌤𑌰॒𑌤 𑌓𑌜𑍋॒ 𑌵𑌾 𑌇𑌨𑍍𑌦𑍍𑌰॒ 𑌓𑌜𑍋॒ 𑌵𑌿𑌷𑍍𑌣𑍁॒𑌰𑍋𑌜𑌃॑ 𑌕𑍍𑌷॒𑌤𑍍𑌰𑌮𑍋𑌜𑌃॑ 𑌪𑌞𑍍𑌚𑌦॒𑌶 [𑌪𑌞𑍍𑌚𑌦॒𑌶𑌃, 𑌓𑌜॑ 𑌏॒𑌵𑍋𑌤𑍍𑌤॑𑌰॒𑌤𑍋 𑌧॑𑌤𑍍𑌤𑍇॒] 17

𑌓𑌜॑ 𑌏॒𑌵𑍋𑌤𑍍𑌤॑𑌰॒𑌤𑍋 𑌧॑𑌤𑍍𑌤𑍇॒ 𑌤𑌸𑍍𑌮𑌾॑𑌦𑍁𑌤𑍍𑌤𑌰𑌤𑍋-𑌽𑌭𑌿𑌪𑍍𑌰𑌯𑌾॒𑌯𑍀 𑌜॑𑌯𑌤𑌿॒ 𑌵𑌸𑍂॑𑌨𑌾-𑌮𑍍𑌭𑌾॒𑌗𑍋॑-𑌽𑌸𑍀𑌤𑌿॑ 𑌪𑍁॒𑌰𑌸𑍍𑌤𑌾॒𑌦𑍁𑌪॑ 𑌦𑌧𑌾𑌤𑌿 𑌯𑌜𑍍𑌞𑌮𑍁॒𑌖𑌂-𑌵𑍈𑌁 𑌵𑌸॑𑌵𑍋 𑌯𑌜𑍍𑌞𑌮𑍁॒𑌖𑌗𑍍𑌂 𑌰𑍁॒𑌦𑍍𑌰𑌾 𑌯॑𑌜𑍍𑌞𑌮𑍁॒𑌖-𑌞𑍍𑌚॑𑌤𑍁𑌰𑍍𑌵𑌿॒𑌗𑍍𑌂॒𑌶𑍋 𑌯॑𑌜𑍍𑌞𑌮𑍁॒𑌖𑌮𑍇॒𑌵 𑌪𑍁॒𑌰𑌸𑍍𑌤𑌾॒𑌦𑍍𑌵𑌿 𑌯𑌾॑𑌤𑌯𑌤𑍍𑌯𑌾𑌦𑌿॒𑌤𑍍𑌯𑌾𑌨𑌾᳚-𑌮𑍍𑌭𑌾॒𑌗𑍋॑-𑌽𑌸𑍀𑌤𑌿॑ 𑌦𑌕𑍍𑌷𑌿𑌣॒𑌤𑍋-𑌽𑌨𑍍𑌨𑌂॒-𑌵𑌾𑌁 𑌆॑𑌦𑌿॒𑌤𑍍𑌯𑌾 𑌅𑌨𑍍𑌨॑-𑌮𑍍𑌮॒𑌰𑍁𑌤𑍋-𑌽𑌨𑍍𑌨॒-𑌙𑍍𑌗𑌰𑍍𑌭𑌾॒ 𑌅𑌨𑍍𑌨॑-𑌮𑍍𑌪𑌞𑍍𑌚𑌵𑌿॒𑌗𑍍𑌂॒𑌶𑍋-𑌽𑌨𑍍𑌨॑𑌮𑍇॒𑌵 𑌦॑𑌕𑍍𑌷𑌿𑌣॒𑌤𑍋 𑌧॑𑌤𑍍𑌤𑍇॒ 𑌤𑌸𑍍𑌮𑌾॒-𑌦𑍍𑌦𑌕𑍍𑌷𑌿॑𑌣𑍇॒𑌨𑌾-𑌽𑌨𑍍𑌨॑𑌮𑌦𑍍𑌯॒𑌤𑍇 𑌽𑌦𑌿॑𑌤𑍍𑌯𑍈 𑌭𑌾॒𑌗𑍋॑- [-𑌽𑌦𑌿॑𑌤𑍍𑌯𑍈 𑌭𑌾॒𑌗𑌃, 𑌅॒𑌸𑍀𑌤𑌿॑ 𑌪॒𑌶𑍍𑌚𑌾-𑌤𑍍𑌪𑍍𑌰॑𑌤𑌿॒𑌷𑍍𑌠𑌾] 18

-𑌽𑌸𑍀𑌤𑌿॑ 𑌪॒𑌶𑍍𑌚𑌾-𑌤𑍍𑌪𑍍𑌰॑𑌤𑌿॒𑌷𑍍𑌠𑌾 𑌵𑌾 𑌅𑌦𑌿॑𑌤𑌿𑌃 𑌪𑍍𑌰𑌤𑌿॒𑌷𑍍𑌠𑌾 𑌪𑍂॒𑌷𑌾 𑌪𑍍𑌰॑𑌤𑌿॒𑌷𑍍𑌠𑌾 𑌤𑍍𑌰𑌿॑𑌣॒𑌵𑌃 𑌪𑍍𑌰𑌤𑌿॑𑌷𑍍𑌠𑌿𑌤𑍍𑌯𑍈 𑌦𑍇॒𑌵𑌸𑍍𑌯॑ 𑌸𑌵𑌿॒𑌤𑍁𑌰𑍍𑌭𑌾॒𑌗𑍋॑-𑌽 𑌸𑍀𑌤𑍍𑌯𑍁॑𑌤𑍍𑌤𑌰॒𑌤𑍋 𑌬𑍍𑌰𑌹𑍍𑌮॒ 𑌵𑍈 𑌦𑍇॒𑌵-𑌸𑍍𑌸॑𑌵𑌿॒𑌤𑌾 𑌬𑍍𑌰𑌹𑍍𑌮॒ 𑌬𑍃𑌹॒𑌸𑍍𑌪𑌤𑌿॒𑌰𑍍𑌬𑍍𑌰𑌹𑍍𑌮॑ 𑌚𑌤𑍁𑌷𑍍𑌟𑍋॒𑌮𑍋 𑌬𑍍𑌰॑𑌹𑍍𑌮𑌵𑌰𑍍𑌚॒𑌸𑌮𑍇॒𑌵𑍋𑌤𑍍𑌤॑𑌰॒𑌤𑍋 𑌧॑𑌤𑍍𑌤𑍇॒ 𑌤𑌸𑍍𑌮𑌾॒𑌦𑍁𑌤𑍍𑌤॒𑌰𑍋-𑌽𑌰𑍍𑌧𑍋᳚ 𑌬𑍍𑌰𑌹𑍍𑌮𑌵𑌰𑍍𑌚॒𑌸𑌿𑌤॑𑌰-𑌸𑍍𑌸𑌾𑌵𑌿॒𑌤𑍍𑌰𑌵॑𑌤𑍀 𑌭𑌵𑌤𑌿॒ 𑌪𑍍𑌰𑌸𑍂᳚𑌤𑍍𑌯𑍈॒ 𑌤𑌸𑍍𑌮𑌾᳚-𑌦𑍍𑌬𑍍𑌰𑌾𑌹𑍍𑌮॒𑌣𑌾𑌨𑌾॒𑌮𑍁𑌦𑍀॑𑌚𑍀 𑌸॒𑌨𑌿𑌃 𑌪𑍍𑌰𑌸𑍂॑𑌤𑌾 𑌧॒𑌰𑍍𑌤𑍍𑌰𑌶𑍍𑌚॑𑌤𑍁𑌷𑍍𑌟𑍋॒𑌮 𑌇𑌤𑌿॑ 𑌪𑍁॒𑌰𑌸𑍍𑌤𑌾॒𑌦𑍁𑌪॑ 𑌦𑌧𑌾𑌤𑌿 𑌯𑌜𑍍𑌞𑌮𑍁॒𑌖𑌂-𑌵𑍈𑌁 𑌧॒𑌰𑍍𑌤𑍍𑌰𑍋 [𑌧॒𑌰𑍍𑌤𑍍𑌰𑌃, 𑌯॒𑌜𑍍𑌞॒𑌮𑍁॒𑌖-𑌞𑍍𑌚॑𑌤𑍁𑌷𑍍𑌟𑍋॒𑌮𑍋] 19

𑌯॑𑌜𑍍𑌞𑌮𑍁॒𑌖-𑌞𑍍𑌚॑𑌤𑍁𑌷𑍍𑌟𑍋॒𑌮𑍋 𑌯॑𑌜𑍍𑌞𑌮𑍁॒𑌖𑌮𑍇॒𑌵 𑌪𑍁॒𑌰𑌸𑍍𑌤𑌾॒𑌦𑍍𑌵𑌿 𑌯𑌾॑𑌤𑌯𑌤𑌿॒ 𑌯𑌾𑌵𑌾॑𑌨𑌾-𑌮𑍍𑌭𑌾॒𑌗𑍋॑-𑌽𑌸𑍀𑌤𑌿॑ 𑌦𑌕𑍍𑌷𑌿𑌣॒𑌤𑍋 𑌮𑌾𑌸𑌾॒ 𑌵𑍈 𑌯𑌾𑌵𑌾॑ 𑌅𑌰𑍍𑌧𑌮𑌾॒𑌸𑌾 𑌅𑌯𑌾॑𑌵𑌾॒-𑌸𑍍𑌤𑌸𑍍𑌮𑌾᳚-𑌦𑍍𑌦𑌕𑍍𑌷𑌿॒𑌣𑌾𑌵𑍃॑𑌤𑍋॒ 𑌮𑌾𑌸𑌾॒ 𑌅𑌨𑍍𑌨𑌂॒-𑌵𑍈𑌁 𑌯𑌾𑌵𑌾॒ 𑌅𑌨𑍍𑌨॑-𑌮𑍍𑌪𑍍𑌰॒𑌜𑌾 𑌅𑌨𑍍𑌨॑𑌮𑍇॒𑌵 𑌦॑𑌕𑍍𑌷𑌿𑌣॒𑌤𑍋 𑌧॑𑌤𑍍𑌤𑍇॒ 𑌤𑌸𑍍𑌮𑌾॒-𑌦𑍍𑌦𑌕𑍍𑌷𑌿॑𑌣𑍇॒𑌨𑌾-𑌨𑍍𑌨॑𑌮𑌦𑍍𑌯𑌤 𑌋𑌭𑍂॒𑌣𑌾-𑌮𑍍𑌭𑌾॒𑌗𑍋॑-𑌽𑌸𑍀𑌤𑌿॑ 𑌪॒𑌶𑍍𑌚𑌾-𑌤𑍍𑌪𑍍𑌰𑌤𑌿॑𑌷𑍍𑌠𑌿𑌤𑍍𑌯𑍈 𑌵𑌿𑌵॒𑌰𑍍𑌤𑍋᳚ 𑌽𑌷𑍍𑌟𑌾𑌚𑌤𑍍𑌵𑌾𑌰𑌿॒𑌗𑍍𑌂॒𑌶 𑌇𑌤𑍍𑌯𑍁॑𑌤𑍍𑌤𑌰॒𑌤𑍋॑-𑌽𑌨𑌯𑍋᳚𑌰𑍍𑌲𑍋॒𑌕𑌯𑍋᳚-𑌸𑍍𑌸𑌵𑍀𑌰𑍍𑌯॒𑌤𑍍𑌵𑌾𑌯॒ 𑌤𑌸𑍍𑌮𑌾॑𑌦𑌿॒𑌮𑍗 𑌲𑍋॒𑌕𑍗 𑌸॒𑌮𑌾𑌵॑-𑌦𑍍𑌵𑍀𑌰𑍍𑌯𑍗॒ [𑌸॒𑌮𑌾𑌵॑-𑌦𑍍𑌵𑍀𑌰𑍍𑌯𑍗, 𑌯𑌸𑍍𑌯॒ 𑌮𑍁𑌖𑍍𑌯॑𑌵𑌤𑍀𑌃] 20

𑌯𑌸𑍍𑌯॒ 𑌮𑍁𑌖𑍍𑌯॑𑌵𑌤𑍀𑌃 𑌪𑍁॒𑌰𑌸𑍍𑌤𑌾॑𑌦𑍁𑌪𑌧𑍀॒𑌯𑌨𑍍𑌤𑍇॒ 𑌮𑍁𑌖𑍍𑌯॑ 𑌏॒𑌵 𑌭॑𑌵॒𑌤𑍍𑌯𑌾-𑌽𑌸𑍍𑌯॒ 𑌮𑍁𑌖𑍍𑌯𑍋॑ 𑌜𑌾𑌯𑌤𑍇॒ 𑌯𑌸𑍍𑌯𑌾-𑌨𑍍𑌨॑𑌵𑌤𑍀 - 𑌰𑍍𑌦𑌕𑍍𑌷𑌿𑌣॒𑌤𑍋-𑌽𑌤𑍍𑌤𑍍𑌯𑌨𑍍𑌨॒𑌮𑌾-𑌽𑌸𑍍𑌯𑌾᳚𑌨𑍍𑌨𑌾॒𑌦𑍋 𑌜𑌾॑𑌯𑌤𑍇॒ 𑌯𑌸𑍍𑌯॑ 𑌪𑍍𑌰𑌤𑌿॒𑌷𑍍𑌠𑌾𑌵॑𑌤𑍀𑌃 𑌪॒𑌶𑍍𑌚𑌾-𑌤𑍍𑌪𑍍𑌰𑌤𑍍𑌯𑍇॒𑌵 𑌤𑌿॑𑌷𑍍𑌠𑌤𑌿॒ 𑌯𑌸𑍍𑌯𑍗𑌜॑𑌸𑍍𑌵𑌤𑍀𑌰𑍁𑌤𑍍𑌤𑌰॒𑌤 𑌓॑𑌜॒𑌸𑍍𑌵𑍍𑌯𑍇॑𑌵 𑌭॑𑌵॒𑌤𑍍𑌯𑌾-𑌽𑌸𑍍𑌯𑍗॑𑌜॒𑌸𑍍𑌵𑍀 𑌜𑌾॑𑌯𑌤𑍇॒ 𑌽𑌰𑍍𑌕𑍋 𑌵𑌾 𑌏॒𑌷 𑌯𑌦॒𑌗𑍍𑌨𑌿𑌸𑍍𑌤𑌸𑍍𑌯𑍈॒𑌤𑌦𑍇॒𑌵 𑌸𑍍𑌤𑍋॒𑌤𑍍𑌰𑌮𑍇॒𑌤𑌚𑍍𑌛॒𑌸𑍍𑌤𑍍𑌰𑌂-𑌯𑌁𑌦𑍇॒𑌷𑌾 𑌵𑌿॒𑌧𑌾 [𑌵𑌿॒𑌧𑌾, 𑌵𑌿॒𑌧𑍀॒𑌯𑌤𑍇॒-𑌽𑌰𑍍𑌕 𑌏॒𑌵] 21

𑌵𑌿॑𑌧𑍀॒𑌯𑌤𑍇॒-𑌽𑌰𑍍𑌕 𑌏॒𑌵 𑌤𑌦॒𑌰𑍍𑌕𑍍𑌯॑𑌮𑌨𑍁॒ 𑌵𑌿 𑌧𑍀॑𑌯॒𑌤𑍇 𑌽𑌤𑍍𑌤𑍍𑌯𑌨𑍍𑌨॒𑌮𑌾-𑌽𑌸𑍍𑌯𑌾᳚𑌨𑍍𑌨𑌾॒𑌦𑍋 𑌜𑌾॑𑌯𑌤𑍇॒ 𑌯𑌸𑍍𑌯𑍈॒𑌷𑌾 𑌵𑌿॒𑌧𑌾 𑌵𑌿॑𑌧𑍀॒𑌯𑌤𑍇॒ 𑌯 𑌉॑ 𑌚𑍈𑌨𑌾𑌮𑍇॒𑌵𑌂-𑌵𑍇𑌁𑌦॒ 𑌸𑍃𑌷𑍍𑌟𑍀॒𑌰𑍁𑌪॑ 𑌦𑌧𑌾𑌤𑌿 𑌯𑌥𑌾𑌸𑍃॒𑌷𑍍𑌟𑌮𑍇॒𑌵𑌾𑌵॑ 𑌰𑍁𑌨𑍍𑌧𑍇॒ 𑌨 𑌵𑌾 𑌇॒𑌦-𑌨𑍍𑌦𑌿𑌵𑌾॒ 𑌨 𑌨𑌕𑍍𑌤॑𑌮𑌾𑌸𑍀॒𑌦𑌵𑍍𑌯𑌾॑𑌵𑍃𑌤𑍍𑌤॒-𑌨𑍍𑌤𑍇 𑌦𑍇॒𑌵𑌾 𑌏॒𑌤𑌾 𑌵𑍍𑌯𑍁॑𑌷𑍍𑌟𑍀𑌰𑌪𑌶𑍍𑌯॒-𑌨𑍍𑌤𑌾 𑌉𑌪𑌾॑𑌦𑌧𑌤॒ 𑌤𑌤𑍋॒ 𑌵𑌾 𑌇॒𑌦𑌂 𑌁𑌵𑍍𑌯𑍗᳚𑌚𑍍𑌛॒-𑌦𑍍𑌯𑌸𑍍𑌯𑍈॒𑌤𑌾 𑌉॑𑌪𑌧𑍀॒𑌯𑌨𑍍𑌤𑍇॒ 𑌵𑍍𑌯𑍇॑𑌵𑌾𑌸𑍍𑌮𑌾॑ 𑌉𑌚𑍍𑌛॒𑌤𑍍𑌯𑌥𑍋॒ 𑌤𑌮॑ 𑌏॒𑌵𑌾𑌪॑𑌹𑌤𑍇 ॥ 22 ॥

(𑌵𑍈 𑌜॒𑌨𑌿𑌤𑍍𑌰𑌂॑ - 𑌪𑌞𑍍𑌚𑌦॒𑌶𑍋 - 𑌽𑌦𑌿॑𑌤𑍍𑌯𑍈 𑌭𑌾॒𑌗𑍋 - 𑌵𑍈 𑌧॒𑌰𑍍𑌤𑍍𑌰𑌃 - 𑌸॒𑌮𑌾𑌵॑𑌦𑍍𑌵𑍀𑌰𑍍𑌯𑍈-𑌵𑌿॒𑌧𑌾-𑌤𑌤𑍋॒ 𑌵𑌾 𑌇॒𑌦𑌂 - 𑌚𑌤𑍁॑𑌰𑍍𑌦𑌶 𑌚 ) (𑌅. 4)

(𑌅॒𑌗𑍍𑌨𑍇 - 𑌰𑍍𑌨𑍃॒𑌚𑌕𑍍𑌷॑𑌸𑌾𑌂 - 𑌜॒𑌨𑌿𑌤𑍍𑌰𑌂॑ - 𑌮𑌿॒𑌤𑍍𑌰 - 𑌸𑍍𑌯𑍇𑌨𑍍𑌦𑍍𑌰॑𑌸𑍍𑌯॒ -𑌵𑌸𑍂॑𑌨𑌾 - 𑌮𑌾𑌦𑌿॒𑌤𑍍𑌯𑌾𑌨𑌾॒ - 𑌮𑌦𑌿॑𑌤𑍍𑌯𑍈 - 𑌦𑍇॒𑌵𑌸𑍍𑌯॑ 𑌸𑌵𑌿॒𑌤𑍁𑌃 - 𑌸𑌾॑𑌵𑌿॒𑌤𑍍𑌰𑌵॑𑌤𑍀 - 𑌧॒𑌰𑍍𑌤𑍍𑌰𑍋 - 𑌯𑌾𑌵𑌾॑𑌨𑌾-𑌮𑍃𑌭𑍂॒𑌣𑌾𑌂 - 𑌁𑌵𑌿॑𑌵॒𑌰𑍍𑌤 - 𑌶𑍍𑌚𑌤𑍁॑𑌰𑍍𑌦𑌶)

𑌅𑌗𑍍𑌨𑍇॑ 𑌜𑌾॒𑌤𑌾-𑌨𑍍𑌪𑍍𑌰𑌣𑍁॑𑌦𑌾 𑌨-𑌸𑍍𑌸॒𑌪𑌤𑍍𑌨𑌾॒𑌨𑌿𑌤𑌿॑ 𑌪𑍁॒𑌰𑌸𑍍𑌤𑌾॒𑌦𑍁𑌪॑ 𑌦𑌧𑌾𑌤𑌿 𑌜𑌾॒𑌤𑌾𑌨𑍇॒𑌵 𑌭𑍍𑌰𑌾𑌤𑍃॑𑌵𑍍𑌯𑌾॒-𑌨𑍍𑌪𑍍𑌰𑌣𑍁॑𑌦𑌤𑍇॒ 𑌸𑌹॑𑌸𑌾 𑌜𑌾॒𑌤𑌾𑌨𑌿𑌤𑌿॑ 𑌪॒𑌶𑍍𑌚𑌾𑌜𑍍𑌜॑𑌨𑌿॒𑌷𑍍𑌯𑌮𑌾॑𑌣𑌾𑌨𑍇॒𑌵 𑌪𑍍𑌰𑌤𑌿॑ 𑌨𑍁𑌦𑌤𑍇 𑌚𑌤𑍁𑌶𑍍𑌚𑌤𑍍𑌵𑌾𑌰𑌿॒𑌗𑍍𑌂॒𑌶-𑌸𑍍𑌸𑍍𑌤𑍋𑌮॒ 𑌇𑌤𑌿॑ 𑌦𑌕𑍍𑌷𑌿𑌣॒𑌤𑍋 𑌬𑍍𑌰॑𑌹𑍍𑌮𑌵𑌰𑍍𑌚॒𑌸𑌂-𑌵𑍈𑌁 𑌚॑𑌤𑍁𑌶𑍍𑌚𑌤𑍍𑌵𑌾𑌰𑌿॒𑌗𑍍𑌂॒𑌶𑍋 𑌬𑍍𑌰॑𑌹𑍍𑌮𑌵𑌰𑍍𑌚॒𑌸𑌮𑍇॒𑌵 𑌦॑𑌕𑍍𑌷𑌿𑌣॒𑌤𑍋 𑌧॑𑌤𑍍𑌤𑍇॒ 𑌤𑌸𑍍𑌮𑌾॒-𑌦𑍍𑌦𑌕𑍍𑌷𑌿॒𑌣𑍋-𑌽𑌰𑍍𑌧𑍋᳚ 𑌬𑍍𑌰𑌹𑍍𑌮𑌵𑌰𑍍𑌚॒𑌸𑌿𑌤॑𑌰-𑌷𑍍𑌷𑍋𑌡॒𑌶-𑌸𑍍𑌸𑍍𑌤𑍋𑌮॒ 𑌇𑌤𑍍𑌯𑍁॑𑌤𑍍𑌤𑌰॒𑌤 𑌓𑌜𑍋॒ 𑌵𑍈 𑌷𑍋॑𑌡॒𑌶 𑌓𑌜॑ 𑌏॒𑌵𑍋𑌤𑍍𑌤॑𑌰॒𑌤𑍋 𑌧॑𑌤𑍍𑌤𑍇॒ 𑌤𑌸𑍍𑌮𑌾॑- [𑌤𑌸𑍍𑌮𑌾᳚𑌤𑍍, 𑌉॒𑌤𑍍𑌤॒𑌰॒𑌤𑍋॒-𑌽𑌭𑌿॒𑌪𑍍𑌰॒𑌯𑌾॒𑌯𑍀] 23

-𑌦𑍁𑌤𑍍𑌤𑌰𑌤𑍋-𑌽𑌭𑌿𑌪𑍍𑌰𑌯𑌾॒𑌯𑍀 𑌜॑𑌯𑌤𑌿॒ 𑌵𑌜𑍍𑌰𑍋॒ 𑌵𑍈 𑌚॑𑌤𑍁𑌶𑍍𑌚𑌤𑍍𑌵𑌾𑌰𑌿॒𑌗𑍍𑌂॒𑌶𑍋 𑌵𑌜𑍍𑌰𑌃॑ 𑌷𑍋𑌡॒𑌶𑍋 𑌯𑌦𑍇॒𑌤𑍇 𑌇𑌷𑍍𑌟॑𑌕𑍇 𑌉𑌪॒𑌦𑌧𑌾॑𑌤𑌿 𑌜𑌾॒𑌤𑌾𑌗𑍍𑌶𑍍𑌚𑍈॒𑌵 𑌜॑𑌨𑌿॒𑌷𑍍𑌯𑌮𑌾॑𑌣𑌾𑌗𑍍𑌶𑍍𑌚॒ 𑌭𑍍𑌰𑌾𑌤𑍃॑𑌵𑍍𑌯𑌾-𑌨𑍍𑌪𑍍𑌰॒𑌣𑍁𑌦𑍍𑌯॒ 𑌵𑌜𑍍𑌰॒𑌮𑌨𑍁॒ 𑌪𑍍𑌰𑌹॑𑌰𑌤𑌿॒ 𑌸𑍍𑌤𑍃𑌤𑍍𑌯𑍈॒ 𑌪𑍁𑌰𑍀॑𑌷𑌵𑌤𑍀॒-𑌮𑍍𑌮𑌦𑍍𑌧𑍍𑌯॒ 𑌉𑌪॑𑌦𑌧𑌾𑌤𑌿॒ 𑌪𑍁𑌰𑍀॑𑌷𑌂॒-𑌵𑍈𑌁 𑌮𑌦𑍍𑌧𑍍𑌯॑𑌮𑌾॒𑌤𑍍𑌮𑌨॒-𑌸𑍍𑌸𑌾𑌤𑍍𑌮𑌾॑𑌨𑌮𑍇॒𑌵𑌾𑌗𑍍𑌨𑌿-𑌞𑍍𑌚𑌿॑𑌨𑍁𑌤𑍇॒ 𑌸𑌾𑌤𑍍𑌮𑌾॒-𑌽𑌮𑍁𑌷𑍍𑌮𑌿॑𑌨𑍍 𑌁𑌲𑍋॒𑌕𑍇 𑌭॑𑌵𑌤𑌿॒ 𑌯 𑌏॒𑌵𑌂-𑌵𑍇𑌁𑌦𑍈॒𑌤𑌾 𑌵𑌾 𑌅॑𑌸𑌪॒𑌤𑍍𑌨𑌾 𑌨𑌾𑌮𑍇𑌷𑍍𑌟॑𑌕𑌾॒ 𑌯𑌸𑍍𑌯𑍈॒𑌤𑌾 𑌉॑𑌪𑌧𑍀॒𑌯𑌨𑍍𑌤𑍇॒ [𑌉॑𑌪𑌧𑍀॒𑌯𑌨𑍍𑌤𑍇᳚, 𑌨𑌾-𑌽𑌸𑍍𑌯॑] 24

𑌨𑌾-𑌽𑌸𑍍𑌯॑ 𑌸॒𑌪𑌤𑍍𑌨𑍋॑ 𑌭𑌵𑌤𑌿 𑌪॒𑌶𑍁𑌰𑍍𑌵𑌾 𑌏॒𑌷 𑌯𑌦॒𑌗𑍍𑌨𑌿𑌰𑍍𑌵𑌿॒𑌰𑌾𑌜॑ 𑌉𑌤𑍍𑌤॒𑌮𑌾𑌯𑌾॒-𑌞𑍍𑌚𑌿𑌤𑍍𑌯𑌾॒𑌮𑍁𑌪॑ 𑌦𑌧𑌾𑌤𑌿 𑌵𑌿॒𑌰𑌾𑌜॑𑌮𑍇॒𑌵𑍋𑌤𑍍𑌤॒𑌮𑌾-𑌮𑍍𑌪॒𑌶𑍁𑌷𑍁॑ 𑌦𑌧𑌾𑌤𑌿॒ 𑌤𑌸𑍍𑌮𑌾᳚-𑌤𑍍𑌪𑌶𑍁॒𑌮𑌾𑌨𑍁॑𑌤𑍍𑌤॒𑌮𑌾𑌂-𑌵𑌾𑌁𑌚𑌂॑-𑌵𑌁𑌦𑌤𑌿॒ 𑌦𑌶॑𑌦॒𑌶𑍋𑌪॑ 𑌦𑌧𑌾𑌤𑌿 𑌸𑌵𑍀𑌰𑍍𑌯॒𑌤𑍍𑌵𑌾𑌯𑌾᳚-𑌽𑌕𑍍𑌷𑍍𑌣॒𑌯𑍋𑌪॑ 𑌦𑌧𑌾𑌤𑌿॒ 𑌤𑌸𑍍𑌮𑌾॑𑌦𑌕𑍍𑌷𑍍𑌣॒𑌯𑌾 𑌪॒𑌶𑌵𑍋-𑌽𑌙𑍍𑌗𑌾॑𑌨𑌿॒ 𑌪𑍍𑌰𑌹॑𑌰𑌨𑍍𑌤𑌿॒ 𑌪𑍍𑌰𑌤𑌿॑𑌷𑍍𑌠𑌿𑌤𑍍𑌯𑍈॒ 𑌯𑌾𑌨𑌿॒ 𑌵𑍈 𑌛𑌨𑍍𑌦𑌾𑌗𑍍𑌂॑𑌸𑌿 𑌸𑍁𑌵॒𑌰𑍍𑌗𑍍𑌯𑌾᳚𑌣𑍍𑌯𑌾𑌸॒-𑌨𑍍𑌤𑍈𑌰𑍍𑌦𑍇॒𑌵𑌾-𑌸𑍍𑌸𑍁॑𑌵॒𑌰𑍍𑌗𑌂-𑌲𑍋𑌁॒𑌕𑌮𑌾॑𑌯॒-𑌨𑍍𑌤𑍇𑌨𑌰𑍍𑌷॑𑌯𑍋- [-𑌁𑌲𑍋॒𑌕𑌮𑌾॑𑌯॒-𑌨𑍍𑌤𑍇𑌨𑌰𑍍𑌷॑𑌯𑌃, 𑌅॒𑌶𑍍𑌰𑌾॒𑌮𑍍𑌯॒-𑌨𑍍𑌤𑍇 𑌤𑌪𑍋॑-𑌽𑌤𑌪𑍍𑌯𑌨𑍍𑌤॒] 25

-𑌽𑌶𑍍𑌰𑌾𑌮𑍍𑌯॒-𑌨𑍍𑌤𑍇 𑌤𑌪𑍋॑-𑌽𑌤𑌪𑍍𑌯𑌨𑍍𑌤॒ 𑌤𑌾𑌨𑌿॒ 𑌤𑌪॑𑌸𑌾-𑌽𑌪𑌶𑍍𑌯॒-𑌨𑍍𑌤𑍇𑌭𑍍𑌯॑ 𑌏॒𑌤𑌾 𑌇𑌷𑍍𑌟॑𑌕𑌾॒ 𑌨𑌿𑌰॑𑌮𑌿𑌮॒𑌤𑍇𑌵॒𑌶𑍍𑌛𑌨𑍍𑌦𑍋॒ 𑌵𑌰𑌿॑𑌵॒𑌶𑍍𑌛𑌨𑍍𑌦॒ 𑌇𑌤𑌿॒ 𑌤𑌾 𑌉𑌪𑌾॑𑌦𑌧𑌤॒ 𑌤𑌾𑌭𑌿॒𑌰𑍍𑌵𑍈 𑌤𑍇 𑌸𑍁॑𑌵॒𑌰𑍍𑌗𑌂-𑌲𑍋𑌁॒𑌕𑌮𑌾॑𑌯॒𑌨𑍍॒. 𑌯𑌦𑍇॒𑌤𑌾 𑌇𑌷𑍍𑌟॑𑌕𑌾 𑌉𑌪॒𑌦𑌧𑌾॑𑌤𑌿॒ 𑌯𑌾𑌨𑍍𑌯𑍇॒𑌵 𑌛𑌨𑍍𑌦𑌾𑌗𑍍𑌂॑𑌸𑌿 𑌸𑍁𑌵॒𑌰𑍍𑌗𑍍𑌯𑌾॑𑌣𑌿॒ 𑌤𑍈𑌰𑍇॒𑌵 𑌯𑌜॑𑌮𑌾𑌨-𑌸𑍍𑌸𑍁𑌵॒𑌰𑍍𑌗𑌂-𑌲𑍋𑌁॒𑌕𑌮𑍇॑𑌤𑌿 𑌯॒𑌜𑍍𑌞𑍇𑌨॒ 𑌵𑍈 𑌪𑍍𑌰॒𑌜𑌾𑌪॑𑌤𑌿𑌃 𑌪𑍍𑌰॒𑌜𑌾 𑌅॑𑌸𑍃𑌜𑌤॒ 𑌤𑌾-𑌸𑍍𑌸𑍍𑌤𑍋𑌮॑ 𑌭𑌾𑌗𑍈𑌰𑍇॒𑌵𑌾-𑌽𑌸𑍃॑𑌜𑌤॒ 𑌯- [-𑌽𑌸𑍃॑𑌜𑌤॒ 𑌯𑌤𑍍, 𑌸𑍍𑌤𑍋𑌮॑ 𑌭𑌾𑌗𑌾 𑌉𑌪॒𑌦𑌧𑌾॑𑌤𑌿] 26

-𑌥𑍍𑌸𑍍𑌤𑍋𑌮॑ 𑌭𑌾𑌗𑌾 𑌉𑌪॒𑌦𑌧𑌾॑𑌤𑌿 𑌪𑍍𑌰॒𑌜𑌾 𑌏॒𑌵 𑌤-𑌦𑍍𑌯𑌜॑𑌮𑌾𑌨-𑌸𑍍𑌸𑍃𑌜𑌤𑍇॒ 𑌬𑍃𑌹॒𑌸𑍍𑌪𑌤𑌿॒𑌰𑍍𑌵𑌾 𑌏॒𑌤-𑌦𑍍𑌯॒𑌜𑍍𑌞𑌸𑍍𑌯॒ 𑌤𑍇𑌜॒-𑌸𑍍𑌸𑌮॑𑌭𑌰॒𑌦𑍍𑌯-𑌥𑍍𑌸𑍍𑌤𑍋𑌮॑𑌭𑌾𑌗𑌾॒ 𑌯-𑌥𑍍𑌸𑍍𑌤𑍋𑌮॑𑌭𑌾𑌗𑌾 𑌉𑌪॒𑌦𑌧𑌾॑𑌤𑌿॒ 𑌸𑌤𑍇॑𑌜𑌸𑌮𑍇॒𑌵𑌾𑌗𑍍𑌨𑌿-𑌞𑍍𑌚𑌿॑𑌨𑍁𑌤𑍇॒ 𑌬𑍃𑌹॒𑌸𑍍𑌪𑌤𑌿॒𑌰𑍍𑌵𑌾 𑌏॒𑌤𑌾𑌂-𑌯𑌁॒𑌜𑍍𑌞𑌸𑍍𑌯॑ 𑌪𑍍𑌰𑌤𑌿॒𑌷𑍍𑌠𑌾𑌮॑𑌪𑌶𑍍𑌯॒𑌦𑍍𑌯-𑌥𑍍𑌸𑍍𑌤𑍋𑌮॑𑌭𑌾𑌗𑌾॒ 𑌯-𑌥𑍍𑌸𑍍𑌤𑍋𑌮॑𑌭𑌾𑌗𑌾 𑌉𑌪॒𑌦𑌧𑌾॑𑌤𑌿 𑌯॒𑌜𑍍𑌞𑌸𑍍𑌯॒ 𑌪𑍍𑌰𑌤𑌿॑𑌷𑍍𑌠𑌿𑌤𑍍𑌯𑍈 𑌸॒𑌪𑍍𑌤𑌸॒𑌪𑍍𑌤𑍋𑌪॑ 𑌦𑌧𑌾𑌤𑌿 𑌸𑌵𑍀𑌰𑍍𑌯॒𑌤𑍍𑌵𑌾𑌯॑ 𑌤𑌿॒𑌸𑍍𑌰𑍋 𑌮𑌦𑍍𑌧𑍍𑌯𑍇॒ 𑌪𑍍𑌰𑌤𑌿॑𑌷𑍍𑌠𑌿𑌤𑍍𑌯𑍈 ॥ 27 ॥

( 𑌉॒𑌤𑍍𑌤॒𑌰॒𑌤𑍋 𑌧॑𑌤𑍍𑌤𑍇॒ 𑌤𑌸𑍍𑌮𑌾॑ - 𑌦𑍁𑌪𑌧𑍀॒𑌯𑌨𑍍𑌤॒ - 𑌋𑌷॑𑌯𑍋 - 𑌽𑌸𑍃𑌜𑌤॒ 𑌯𑌤𑍍 - 𑌤𑍍𑌰𑌿𑌚॑𑌤𑍍𑌵𑌾𑌰𑌿𑌗𑍍𑌂𑌶𑌚𑍍𑌚) (𑌅. 5)

𑌰॒𑌶𑍍𑌮𑌿𑌰𑌿𑌤𑍍𑌯𑍇॒𑌵𑌾 𑌽𑌽𑌦𑌿॒𑌤𑍍𑌯𑌮॑𑌸𑍃𑌜𑌤॒ 𑌪𑍍𑌰𑍇𑌤𑌿॒𑌰𑌿𑌤𑌿॒ 𑌧𑌰𑍍𑌮॒𑌮𑌨𑍍𑌵𑌿॑𑌤𑌿॒𑌰𑌿𑌤𑌿॒ 𑌦𑌿𑌵𑌗𑍍𑌂॑ 𑌸॒𑌧𑌿𑌂𑌰𑌿𑌤𑍍𑌯॒𑌨𑍍𑌤𑌰𑌿॑𑌕𑍍𑌷-𑌮𑍍𑌪𑍍𑌰𑌤𑌿॒𑌧𑌿𑌰𑌿𑌤𑌿॑ 𑌪𑍃𑌥𑌿॒𑌵𑍀𑌂-𑌵𑌿𑌁॑𑌷𑍍𑌟॒𑌮𑍍𑌭 𑌇𑌤𑌿॒ 𑌵𑍃𑌷𑍍𑌟𑌿॑-𑌮𑍍𑌪𑍍𑌰॒𑌵𑍇𑌤𑍍𑌯𑌹॑𑌰𑌨𑍁॒𑌵𑍇𑌤𑌿॒ 𑌰𑌾𑌤𑍍𑌰𑌿॑𑌮𑍁॒𑌶𑌿𑌗𑌿𑌤𑌿॒ 𑌵𑌸𑍂᳚-𑌨𑍍𑌪𑍍𑌰𑌕𑍇॒𑌤 𑌇𑌤𑌿॑ 𑌰𑍁॒𑌦𑍍𑌰𑌾𑌨𑍍-𑌥𑍍𑌸𑍁॑𑌦𑍀॒𑌤𑌿𑌰𑌿𑌤𑍍𑌯𑌾॑𑌦𑌿॒𑌤𑍍𑌯𑌾𑌨𑍋𑌜॒ 𑌇𑌤𑌿॑ 𑌪𑌿॒𑌤𑍄𑌗𑍍𑌸𑍍𑌤𑌨𑍍𑌤𑍁॒𑌰𑌿𑌤𑌿॑ 𑌪𑍍𑌰॒𑌜𑌾𑌃 𑌪𑍃॑𑌤𑌨𑌾॒𑌷𑌾𑌡𑌿𑌤𑌿॑ 𑌪॒𑌶𑍂-𑌨𑍍𑌰𑍇॒𑌵𑌦𑌿𑌤𑍍𑌯𑍋-𑌷॑𑌧𑍀𑌰𑌭𑌿॒𑌜𑌿𑌦॑𑌸𑌿 𑌯𑍁॒𑌕𑍍𑌤𑌗𑍍𑌰𑌾॒𑌵𑍇- [𑌯𑍁॒𑌕𑍍𑌤𑌗𑍍𑌰𑌾॑𑌵𑌾, 𑌇𑌨𑍍𑌦𑍍𑌰𑌾॑𑌯॒ 𑌤𑍍𑌵𑍇𑌨𑍍𑌦𑍍𑌰॑-𑌞𑍍𑌜𑌿॒𑌨𑍍𑌵𑍇𑌤𑍍𑌯𑍇॒𑌵] 28

-𑌨𑍍𑌦𑍍𑌰𑌾॑𑌯॒ 𑌤𑍍𑌵𑍇𑌨𑍍𑌦𑍍𑌰॑-𑌞𑍍𑌜𑌿॒𑌨𑍍𑌵𑍇𑌤𑍍𑌯𑍇॒𑌵 𑌦॑𑌕𑍍𑌷𑌿𑌣॒𑌤𑍋 𑌵𑌜𑍍𑌰॒-𑌮𑍍𑌪𑌰𑍍𑌯𑍗॑𑌹𑌦॒𑌭𑌿𑌜𑌿॑𑌤𑍍𑌯𑍈॒ 𑌤𑌾𑌃 𑌪𑍍𑌰॒𑌜𑌾 𑌅𑌪॑𑌪𑍍𑌰𑌾𑌣𑌾 𑌅𑌸𑍃𑌜𑌤॒ 𑌤𑌾𑌸𑍍𑌵𑌧𑌿॑𑌪𑌤𑌿𑌰॒𑌸𑍀𑌤𑍍𑌯𑍇॒𑌵 𑌪𑍍𑌰𑌾॒𑌣𑌮॑𑌦𑌧𑌾-𑌦𑍍𑌯॒𑌨𑍍𑌤𑍇𑌤𑍍𑌯॑𑌪𑌾॒𑌨𑌗𑍍𑌂 𑌸॒𑌗𑍍𑌂॒𑌸𑌰𑍍𑌪॒ 𑌇𑌤𑌿॒ 𑌚𑌕𑍍𑌷𑍁॑𑌰𑍍𑌵𑌯𑍋॒𑌧𑌾 𑌇𑌤𑌿॒ 𑌶𑍍𑌰𑍋𑌤𑍍𑌰॒-𑌨𑍍𑌤𑌾𑌃 𑌪𑍍𑌰॒𑌜𑌾𑌃 𑌪𑍍𑌰𑌾॑𑌣॒𑌤𑍀𑌰॑𑌪𑌾𑌨॒𑌤𑍀𑌃 𑌪𑌶𑍍𑌯॑𑌨𑍍𑌤𑍀-𑌶𑍍𑌶𑍃𑌣𑍍𑌵॒𑌤𑍀𑌰𑍍𑌨 𑌮𑌿॑𑌥𑍁॒𑌨𑍀 𑌅॑𑌭𑌵॒-𑌨𑍍𑌤𑌾𑌸𑍁॑ 𑌤𑍍𑌰𑌿॒𑌵𑍃𑌦॒𑌸𑍀𑌤𑍍𑌯𑍇॒𑌵 𑌮𑌿॑𑌥𑍁॒𑌨𑌮॑𑌦𑌧𑌾॒-𑌤𑍍𑌤𑌾𑌃 𑌪𑍍𑌰॒𑌜𑌾 𑌮𑌿॑𑌥𑍁॒𑌨𑍀 [ ] 29

𑌭𑌵॑𑌨𑍍𑌤𑍀॒𑌰𑍍𑌨 𑌪𑍍𑌰𑌾𑌜𑌾॑𑌯𑌨𑍍𑌤॒ 𑌤𑌾-𑌸𑍍𑌸𑌗𑍍𑌂॑𑌰𑍋॒𑌹𑍋॑-𑌽𑌸𑌿 𑌨𑍀𑌰𑍋॒𑌹𑍋॑-𑌽𑌸𑍀𑌤𑍍𑌯𑍇॒𑌵 𑌪𑍍𑌰𑌾-𑌽𑌜॑𑌨𑌯॒-𑌤𑍍𑌤𑌾𑌃 𑌪𑍍𑌰॒𑌜𑌾𑌃 𑌪𑍍𑌰𑌜𑌾॑𑌤𑌾॒ 𑌨 𑌪𑍍𑌰𑌤𑍍𑌯॑𑌤𑌿𑌷𑍍𑌠॒-𑌨𑍍𑌤𑌾 𑌵॑𑌸𑍁॒𑌕𑍋॑-𑌽𑌸𑌿॒ 𑌵𑍇𑌷॑𑌶𑍍𑌰𑌿𑌰𑌸𑌿॒ 𑌵𑌸𑍍𑌯॑𑌷𑍍𑌟𑌿𑌰॒𑌸𑍀𑌤𑍍𑌯𑍇॒𑌵𑍈𑌷𑍁 𑌲𑍋॒𑌕𑍇𑌷𑍁॒ 𑌪𑍍𑌰𑌤𑍍𑌯॑𑌸𑍍𑌥𑌾𑌪𑌯॒𑌦𑍍𑌯𑌦𑌾𑌹॑ 𑌵𑌸𑍁॒𑌕𑍋॑-𑌽𑌸𑌿॒ 𑌵𑍇𑌷॑𑌶𑍍𑌰𑌿𑌰𑌸𑌿॒ 𑌵𑌸𑍍𑌯॑𑌷𑍍𑌟𑌿𑌰॒𑌸𑍀𑌤𑌿॑ 𑌪𑍍𑌰॒𑌜𑌾 𑌏॒𑌵 𑌪𑍍𑌰𑌜𑌾॑𑌤𑌾 𑌏॒𑌷𑍁 𑌲𑍋॒𑌕𑍇𑌷𑍁॒ 𑌪𑍍𑌰𑌤𑌿॑𑌷𑍍𑌠𑌾𑌪𑌯𑌤𑌿॒ 𑌸𑌾𑌤𑍍𑌮𑌾॒-𑌽𑌨𑍍𑌤𑌰𑌿॑𑌕𑍍𑌷𑌗𑍍𑌂 𑌰𑍋𑌹𑌤𑌿॒ 𑌸𑌪𑍍𑌰𑌾॑𑌣𑍋॒-𑌽𑌮𑍁𑌷𑍍𑌮𑌿॑𑌨𑍍 𑌁𑌲𑍋॒𑌕𑍇 𑌪𑍍𑌰𑌤𑌿॑ 𑌤𑌿𑌷𑍍𑌠॒𑌤𑍍𑌯𑌵𑍍𑌯॑𑌰𑍍𑌧𑍁𑌕𑌃 𑌪𑍍𑌰𑌾𑌣𑌾𑌪𑌾॒𑌨𑌾𑌭𑍍𑌯𑌾᳚-𑌮𑍍𑌭𑌵𑌤𑌿॒ 𑌯 𑌏॒𑌵𑌂-𑌵𑍇𑌁𑌦॑ ॥ 30 ॥

(𑌯𑍁॒𑌕𑍍𑌤𑌗𑍍𑌰𑌾॑𑌵𑌾 - 𑌪𑍍𑌰॒𑌜𑌾 𑌮𑌿॑𑌥𑍁॒𑌨𑍍𑌯॑ - 𑌨𑍍𑌤𑌰𑌿॑𑌕𑍍𑌷𑌂॒ - 𑌦𑍍𑌵𑌾𑌦॑𑌶 𑌚) (𑌅. 6)

𑌨𑌾॒𑌕॒𑌸𑌦𑍍𑌭𑌿॒𑌰𑍍𑌵𑍈 𑌦𑍇॒𑌵𑌾-𑌸𑍍𑌸𑍁॑𑌵॒𑌰𑍍𑌗𑌂-𑌲𑍋𑌁॒𑌕𑌮𑌾॑𑌯॒-𑌨𑍍𑌤𑌨𑍍𑌨𑌾॑𑌕॒𑌸𑌦𑌾᳚-𑌨𑍍𑌨𑌾𑌕𑌸॒𑌤𑍍𑌤𑍍𑌵𑌂-𑌯𑌁𑌨𑍍𑌨𑌾॑𑌕॒𑌸𑌦॑ 𑌉𑌪॒𑌦𑌧𑌾॑𑌤𑌿 𑌨𑌾𑌕॒𑌸𑌦𑍍𑌭𑌿॑𑌰𑍇॒𑌵 𑌤-𑌦𑍍𑌯𑌜॑𑌮𑌾𑌨-𑌸𑍍𑌸𑍁𑌵॒𑌰𑍍𑌗𑌂-𑌲𑍋𑌁॒𑌕𑌮𑍇॑𑌤𑌿 𑌸𑍁𑌵॒𑌰𑍍𑌗𑍋 𑌵𑍈 𑌲𑍋॒𑌕𑍋 𑌨𑌾𑌕𑍋॒ 𑌯𑌸𑍍𑌯𑍈॒𑌤𑌾 𑌉॑𑌪𑌧𑍀॒𑌯𑌨𑍍𑌤𑍇॒ 𑌨𑌾𑌸𑍍𑌮𑌾॒ 𑌅𑌕॑-𑌮𑍍𑌭𑌵𑌤𑌿 𑌯𑌜𑌮𑌾𑌨𑌾𑌯𑌤॒𑌨𑌂-𑌵𑍈𑌁 𑌨𑌾॑𑌕॒𑌸𑌦𑍋॒ 𑌯𑌨𑍍𑌨𑌾॑𑌕॒𑌸𑌦॑ 𑌉𑌪॒𑌦𑌧𑌾᳚𑌤𑍍𑌯𑌾॒𑌯𑌤॑𑌨𑌮𑍇॒𑌵 𑌤-𑌦𑍍𑌯𑌜॑𑌮𑌾𑌨𑌃 𑌕𑍁𑌰𑍁𑌤𑍇 𑌪𑍃॒𑌷𑍍𑌠𑌾𑌨𑌾𑌂॒-𑌵𑌾𑌁 𑌏॒𑌤-𑌤𑍍𑌤𑍇𑌜॒-𑌸𑍍𑌸𑌮𑍍𑌭𑍃॑𑌤𑌂॒-𑌯𑌁𑌨𑍍𑌨𑌾॑𑌕॒𑌸𑌦𑍋॒ 𑌯𑌨𑍍𑌨𑌾॑𑌕॒𑌸𑌦॑ [𑌯𑌨𑍍𑌨𑌾॑𑌕॒𑌸𑌦𑌃॑, 𑌉॒𑌪॒𑌦𑌧𑌾॑𑌤𑌿 𑌪𑍃॒𑌷𑍍𑌠𑌾𑌨𑌾॑𑌮𑍇॒𑌵] 31

𑌉𑌪॒𑌦𑌧𑌾॑𑌤𑌿 𑌪𑍃॒𑌷𑍍𑌠𑌾𑌨𑌾॑𑌮𑍇॒𑌵 𑌤𑍇𑌜𑍋-𑌽𑌵॑ 𑌰𑍁𑌨𑍍𑌧𑍇 𑌪𑌞𑍍𑌚॒𑌚𑍋𑌡𑌾॒ 𑌉𑌪॑ 𑌦𑌧𑌾𑌤𑍍𑌯𑌫𑍍𑌸॒𑌰𑌸॑ 𑌏॒𑌵𑍈𑌨॑𑌮𑍇॒𑌤𑌾 𑌭𑍂॒𑌤𑌾 𑌅॒𑌮𑍁𑌷𑍍𑌮𑌿॑𑌨𑍍 𑌁𑌲𑍋॒𑌕 𑌉𑌪॑ 𑌶𑍇॒𑌰𑍇-𑌽𑌥𑍋॑ 𑌤𑌨𑍂॒𑌪𑌾𑌨𑍀॑𑌰𑍇॒𑌵𑍈𑌤𑌾 𑌯𑌜॑𑌮𑌾𑌨𑌸𑍍𑌯॒ 𑌯-𑌨𑍍𑌦𑍍𑌵𑌿॒𑌷𑍍𑌯𑌾-𑌤𑍍𑌤𑌮𑍁॑𑌪॒𑌦𑌧॑𑌦𑍍𑌧𑍍𑌯𑌾𑌯𑍇𑌦𑍇॒𑌤𑌾𑌭𑍍𑌯॑ 𑌏॒𑌵𑍈𑌨॑-𑌨𑍍𑌦𑍇॒𑌵𑌤𑌾᳚𑌭𑍍𑌯॒ 𑌆 𑌵𑍃॑𑌶𑍍𑌚𑌤𑌿 𑌤𑌾॒𑌜𑌗𑌾𑌰𑍍𑌤𑌿॒𑌮𑌾𑌰𑍍𑌚𑍍𑌛॒𑌤𑍍𑌯𑍁𑌤𑍍𑌤॑𑌰𑌾 𑌨𑌾𑌕॒𑌸𑌦𑍍𑌭𑍍𑌯॒ 𑌉𑌪॑𑌦𑌧𑌾𑌤𑌿॒ 𑌯𑌥𑌾॑ 𑌜𑌾॒𑌯𑌾𑌮𑌾॒𑌨𑍀𑌯॑ 𑌗𑍃॒𑌹𑍇𑌷𑍁॑ 𑌨𑌿𑌷𑌾॒𑌦𑌯॑𑌤𑌿 𑌤𑌾॒𑌦𑍃𑌗𑍇॒𑌵 𑌤- [𑌤𑌾॒𑌦𑍃𑌗𑍇॒𑌵 𑌤𑌤𑍍, 𑌪॒𑌶𑍍𑌚𑌾-𑌤𑍍𑌪𑍍𑌰𑌾𑌚𑍀॑-] 32

-𑌤𑍍𑌪॒𑌶𑍍𑌚𑌾-𑌤𑍍𑌪𑍍𑌰𑌾𑌚𑍀॑-𑌮𑍁𑌤𑍍𑌤॒𑌮𑌾𑌮𑍁𑌪॑ 𑌦𑌧𑌾𑌤𑌿॒ 𑌤𑌸𑍍𑌮𑌾᳚-𑌤𑍍𑌪॒𑌶𑍍𑌚𑌾-𑌤𑍍𑌪𑍍𑌰𑌾𑌚𑍀॒ 𑌪𑌤𑍍𑌨𑍍𑌯𑌨𑍍𑌵𑌾᳚𑌸𑍍𑌤𑍇 𑌸𑍍𑌵𑌯𑌮𑌾𑌤𑍃॒𑌣𑍍𑌣𑌾-𑌞𑍍𑌚॑ 𑌵𑌿𑌕॒𑌰𑍍𑌣𑍀-𑌞𑍍𑌚𑍋᳚𑌤𑍍𑌤॒𑌮𑍇 𑌉𑌪॑ 𑌦𑌧𑌾𑌤𑌿 𑌪𑍍𑌰𑌾॒𑌣𑍋 𑌵𑍈 𑌸𑍍𑌵॑𑌯𑌮𑌾𑌤𑍃॒𑌣𑍍𑌣𑌾-𑌽𑌽𑌯𑍁॑𑌰𑍍𑌵𑌿𑌕॒𑌰𑍍𑌣𑍀 𑌪𑍍𑌰𑌾॒𑌣-𑌞𑍍𑌚𑍈॒𑌵𑌾-𑌽𑌽𑌯𑍁॑𑌶𑍍𑌚 𑌪𑍍𑌰𑌾॒𑌣𑌾𑌨𑌾॑𑌮𑍁𑌤𑍍𑌤॒𑌮𑍗 𑌧॑𑌤𑍍𑌤𑍇॒ 𑌤𑌸𑍍𑌮𑌾᳚-𑌤𑍍𑌪𑍍𑌰𑌾॒𑌣𑌶𑍍𑌚𑌾-𑌽𑌽𑌯𑍁॑𑌶𑍍𑌚 𑌪𑍍𑌰𑌾॒𑌣𑌾𑌨𑌾॑𑌮𑍁𑌤𑍍𑌤॒𑌮𑍗 𑌨𑌾𑌨𑍍𑌯𑌾𑌮𑍁𑌤𑍍𑌤॑𑌰𑌾॒𑌮𑌿𑌷𑍍𑌟॑𑌕𑌾॒𑌮𑍁𑌪॑ 𑌦𑌦𑍍𑌧𑍍𑌯𑌾॒-𑌦𑍍𑌯𑌦॒𑌨𑍍𑌯𑌾𑌮𑍁𑌤𑍍𑌤॑𑌰𑌾॒-𑌮𑌿𑌷𑍍𑌟॑𑌕𑌾-𑌮𑍁𑌪𑌦॒𑌦𑍍𑌧𑍍𑌯𑌾-𑌤𑍍𑌪॑𑌶𑍂॒𑌨𑌾- [-𑌮𑍁𑌪𑌦॒𑌦𑍍𑌧𑍍𑌯𑌾-𑌤𑍍𑌪॑𑌶𑍂॒𑌨𑌾𑌮𑍍, 𑌚॒ 𑌯𑌜॑𑌮𑌾𑌨𑌸𑍍𑌯 𑌚] 33

-𑌞𑍍𑌚॒ 𑌯𑌜॑𑌮𑌾𑌨𑌸𑍍𑌯 𑌚 𑌪𑍍𑌰𑌾॒𑌣-𑌞𑍍𑌚𑌾-𑌽𑌽𑌯𑍁॒𑌶𑍍𑌚𑌾𑌪𑌿॑ 𑌦𑌦𑍍𑌧𑍍𑌯𑌾॒-𑌤𑍍𑌤𑌸𑍍𑌮𑌾॒𑌨𑍍𑌨𑌾-𑌨𑍍𑌯𑍋𑌤𑍍𑌤॒𑌰𑍇𑌷𑍍𑌟॑𑌕𑍋𑌪॒𑌧𑍇𑌯𑌾᳚ 𑌸𑍍𑌵𑌯𑌮𑌾𑌤𑍃॒𑌣𑍍𑌣𑌾𑌮𑍁𑌪॑ 𑌦𑌧𑌾𑌤𑍍𑌯॒𑌸𑍗 𑌵𑍈 𑌸𑍍𑌵॑𑌯𑌮𑌾𑌤𑍃॒𑌣𑍍𑌣𑌾- 𑌽𑌮𑍂𑌮𑍇॒𑌵𑍋𑌪॑ 𑌧॒𑌤𑍍𑌤𑍇 𑌽𑌶𑍍𑌵॒𑌮𑍁𑌪॑ 𑌘𑍍𑌰𑌾𑌪𑌯𑌤𑌿 𑌪𑍍𑌰𑌾॒𑌣𑌮𑍇॒𑌵𑌾𑌸𑍍𑌯𑌾᳚-𑌨𑍍𑌦𑌧𑌾॒𑌤𑍍𑌯𑌥𑍋᳚ 𑌪𑍍𑌰𑌾𑌜𑌾𑌪॒𑌤𑍍𑌯𑍋 𑌵𑌾 𑌅𑌶𑍍𑌵𑌃॑ 𑌪𑍍𑌰॒𑌜𑌾𑌪॑𑌤𑌿𑌨𑍈॒𑌵𑌾𑌗𑍍𑌨𑌿-𑌞𑍍𑌚𑌿॑𑌨𑍁𑌤𑍇 𑌸𑍍𑌵𑌯𑌮𑌾𑌤𑍃॒𑌣𑍍𑌣𑌾 𑌭॑𑌵𑌤𑌿 𑌪𑍍𑌰𑌾॒𑌣𑌾𑌨𑌾॒𑌮𑍁𑌥𑍍𑌸𑍃॑𑌷𑍍𑌟𑍍𑌯𑌾॒ 𑌅𑌥𑍋॑ 𑌸𑍁𑌵॒𑌰𑍍𑌗𑌸𑍍𑌯॑ 𑌲𑍋॒𑌕𑌸𑍍𑌯𑌾-𑌽𑌨𑍁॑𑌖𑍍𑌯𑌾𑌤𑍍𑌯𑌾 𑌏॒𑌷𑌾 𑌵𑍈 𑌦𑍇॒𑌵𑌾𑌨𑌾𑌂॒-𑌵𑌿𑌁𑌕𑍍𑌰𑌾᳚𑌨𑍍𑌤𑌿॒𑌰𑍍𑌯-𑌦𑍍𑌵𑌿॑𑌕॒𑌰𑍍𑌣𑍀 𑌯-𑌦𑍍𑌵𑌿॑𑌕॒𑌰𑍍𑌣𑍀𑌮𑍁॑𑌪॒𑌦𑌧𑌾॑𑌤𑌿 𑌦𑍇॒𑌵𑌾𑌨𑌾॑𑌮𑍇॒𑌵 𑌵𑌿𑌕𑍍𑌰𑌾᳚𑌨𑍍𑌤𑌿॒𑌮𑌨𑍁॒ 𑌵𑌿𑌕𑍍𑌰॑𑌮𑌤 𑌉𑌤𑍍𑌤𑌰॒𑌤 𑌉𑌪॑𑌦𑌧𑌾𑌤𑌿॒ 𑌤𑌸𑍍𑌮𑌾॑𑌦𑍁𑌤𑍍𑌤𑌰॒𑌤 𑌉॑𑌪𑌚𑌾𑌰𑍋॒-𑌽𑌗𑍍𑌨𑌿 𑌰𑍍𑌵𑌾॑𑌯𑍁॒𑌮𑌤𑍀॑ 𑌭𑌵𑌤𑌿॒ 𑌸𑌮𑌿॑𑌦𑍍𑌧𑍍𑌯𑍈 ॥ 34 ॥

(𑌸𑌮𑍍𑌭𑍃॑𑌤𑌂॒-𑌯𑌁𑌨𑍍𑌨𑌾॑𑌕॒𑌸𑌦𑍋॒ 𑌯𑌨𑍍𑌨𑌾॑𑌕॒𑌸𑌦॒ - 𑌸𑍍𑌤𑌤𑍍 - 𑌪॑𑌶𑍂॒𑌨𑌾-𑌮𑍇॒𑌷𑌾 𑌵𑍈-𑌦𑍍𑌵𑌾𑌵𑌿𑌗𑍍𑌂॑𑌶𑌤𑌿𑌶𑍍𑌚) (𑌅. 7)

𑌛𑌨𑍍𑌦𑌾॒𑌗𑍍॒𑌸𑍍𑌯𑍁𑌪॑ 𑌦𑌧𑌾𑌤𑌿 𑌪॒𑌶𑌵𑍋॒ 𑌵𑍈 𑌛𑌨𑍍𑌦𑌾𑌗𑍍𑌂॑𑌸𑌿 𑌪॒𑌶𑍂𑌨𑍇॒𑌵𑌾𑌵॑ 𑌰𑍁𑌨𑍍𑌧𑍇॒ 𑌛𑌨𑍍𑌦𑌾𑌗𑍍𑌂॑𑌸𑌿॒ 𑌵𑍈 𑌦𑍇॒𑌵𑌾𑌨𑌾𑌂᳚-𑌵𑌾𑌁॒𑌮-𑌮𑍍𑌪॒𑌶𑌵𑍋॑ 𑌵𑌾॒𑌮𑌮𑍇॒𑌵 𑌪॒𑌶𑍂𑌨𑌵॑ 𑌰𑍁𑌨𑍍𑌧 𑌏॒𑌤𑌾𑌗𑍍𑌂 𑌹॒ 𑌵𑍈 𑌯॒𑌜𑍍𑌞𑌸𑍇॑𑌨-𑌶𑍍𑌚𑍈𑌤𑍍𑌰𑌿𑌯𑌾𑌯॒𑌣-𑌶𑍍𑌚𑌿𑌤𑌿𑌂॑-𑌵𑌿𑌁॒𑌦𑌾-𑌞𑍍𑌚॑𑌕𑌾𑌰॒ 𑌤𑌯𑌾॒ 𑌵𑍈 𑌸 𑌪॒𑌶𑍂𑌨𑌵𑌾॑𑌰𑍁𑌨𑍍𑌧॒ 𑌯𑌦𑍇॒𑌤𑌾𑌮𑍁॑𑌪॒𑌦𑌧𑌾॑𑌤𑌿 𑌪॒𑌶𑍂𑌨𑍇॒𑌵𑌾𑌵॑ 𑌰𑍁𑌨𑍍𑌧𑍇 𑌗𑌾𑌯॒𑌤𑍍𑌰𑍀𑌃 𑌪𑍁॒𑌰𑌸𑍍𑌤𑌾॒𑌦𑍁𑌪॑ 𑌦𑌧𑌾𑌤𑌿॒ 𑌤𑍇𑌜𑍋॒ 𑌵𑍈 𑌗𑌾॑𑌯॒𑌤𑍍𑌰𑍀 𑌤𑍇𑌜॑ 𑌏॒𑌵 [𑌤𑍇𑌜॑ 𑌏॒𑌵, 𑌮𑍁॒𑌖॒𑌤𑍋 𑌧॑𑌤𑍍𑌤𑍇] 35

𑌮𑍁॑𑌖॒𑌤𑍋 𑌧॑𑌤𑍍𑌤𑍇 𑌮𑍂𑌰𑍍𑌧॒𑌨𑍍𑌵𑌤𑍀᳚𑌰𑍍𑌭𑌵𑌨𑍍𑌤𑌿 𑌮𑍂॒𑌰𑍍𑌧𑌾𑌨॑𑌮𑍇॒𑌵𑍈𑌨𑌗𑍍𑌂॑ 𑌸𑌮𑌾॒𑌨𑌾𑌨𑌾᳚-𑌙𑍍𑌕𑌰𑍋𑌤𑌿 𑌤𑍍𑌰𑌿॒𑌷𑍍𑌟𑍁𑌭॒ 𑌉𑌪॑ 𑌦𑌧𑌾𑌤𑍀𑌨𑍍𑌦𑍍𑌰𑌿॒𑌯𑌂-𑌵𑍈𑌁 𑌤𑍍𑌰𑌿॒𑌷𑍍𑌟𑍁𑌗𑌿॑𑌨𑍍𑌦𑍍𑌰𑌿॒𑌯𑌮𑍇॒𑌵 𑌮॑𑌦𑍍𑌧𑍍𑌯॒𑌤𑍋 𑌧॑𑌤𑍍𑌤𑍇॒ 𑌜𑌗॑𑌤𑍀॒𑌰𑍁𑌪॑ 𑌦𑌧𑌾𑌤𑌿॒ 𑌜𑌾𑌗॑𑌤𑌾॒ 𑌵𑍈 𑌪॒𑌶𑌵𑌃॑ 𑌪॒𑌶𑍂𑌨𑍇॒𑌵𑌾𑌵॑ 𑌰𑍁𑌨𑍍𑌧𑍇 𑌽𑌨𑍁॒𑌷𑍍𑌟𑍁𑌭॒ 𑌉𑌪॑ 𑌦𑌧𑌾𑌤𑌿 𑌪𑍍𑌰𑌾॒𑌣𑌾 𑌵𑌾 𑌅॑𑌨𑍁॒𑌷𑍍𑌟𑍁𑌪𑍍 𑌪𑍍𑌰𑌾॒𑌣𑌾𑌨𑌾॒𑌮𑍁𑌥𑍍𑌸𑍃॑𑌷𑍍𑌟𑍍𑌯𑍈 𑌬𑍃𑌹॒𑌤𑍀𑌰𑍁॒𑌷𑍍𑌣𑌿𑌹𑌾𑌃᳚ 𑌪॒𑌙𑍍𑌕𑍍𑌤𑍀𑌰॒𑌕𑍍𑌷𑌰॑𑌪𑌙𑍍𑌕𑍍𑌤𑍀॒𑌰𑌿𑌤𑌿॒ 𑌵𑌿𑌷𑍁॑𑌰𑍂𑌪𑌾𑌣𑌿॒ 𑌛𑌨𑍍𑌦𑌾॒𑌗𑍍॒𑌸𑍍𑌯𑍁𑌪॑ 𑌦𑌧𑌾𑌤𑌿॒ 𑌵𑌿𑌷𑍁॑𑌰𑍂𑌪𑌾॒ 𑌵𑍈 𑌪॒𑌶𑌵𑌃॑ 𑌪॒𑌶𑌵॒- [𑌪॒𑌶𑌵𑌃॑ 𑌪॒𑌶𑌵𑌃॑, 𑌛𑌨𑍍𑌦𑌾𑌗𑍍𑌂॑𑌸𑌿॒ 𑌵𑌿𑌷𑍁॑𑌰𑍂𑌪𑌾𑌨𑍇॒𑌵] 36

-𑌶𑍍𑌛𑌨𑍍𑌦𑌾𑌗𑍍𑌂॑𑌸𑌿॒ 𑌵𑌿𑌷𑍁॑𑌰𑍂𑌪𑌾𑌨𑍇॒𑌵 𑌪॒𑌶𑍂𑌨𑌵॑ 𑌰𑍁𑌨𑍍𑌧𑍇॒ 𑌵𑌿𑌷𑍁॑𑌰𑍂𑌪𑌮𑌸𑍍𑌯 𑌗𑍃॒𑌹𑍇 𑌦𑍃॑𑌶𑍍𑌯𑌤𑍇॒ 𑌯𑌸𑍍𑌯𑍈॒𑌤𑌾 𑌉॑𑌪𑌧𑍀॒𑌯𑌨𑍍𑌤𑍇॒ 𑌯 𑌉॑ 𑌚𑍈𑌨𑌾 𑌏॒𑌵𑌂-𑌵𑍇𑌁𑌦𑌾-𑌽𑌤𑌿॑𑌚𑍍𑌛𑌨𑍍𑌦𑌸॒𑌮𑍁𑌪॑ 𑌦𑌧𑌾॒𑌤𑍍𑌯𑌤𑌿॑𑌚𑍍𑌛𑌨𑍍𑌦𑌾॒ 𑌵𑍈 𑌸𑌰𑍍𑌵𑌾॑𑌣𑌿॒ 𑌛𑌨𑍍𑌦𑌾𑌗𑍍𑌂॑𑌸𑌿॒ 𑌸𑌰𑍍𑌵𑍇॑𑌭𑌿𑌰𑍇॒𑌵𑍈𑌨॒-𑌞𑍍𑌛𑌨𑍍𑌦𑍋॑𑌭𑌿𑌶𑍍𑌚𑌿𑌨𑍁𑌤𑍇॒ 𑌵𑌰𑍍𑌷𑍍𑌮॒ 𑌵𑌾 𑌏॒𑌷𑌾 𑌛𑌨𑍍𑌦॑𑌸𑌾𑌂॒-𑌯𑌁𑌦𑌤𑌿॑𑌚𑍍𑌛𑌨𑍍𑌦𑌾॒ 𑌯𑌦𑌤𑌿॑𑌚𑍍𑌛𑌨𑍍𑌦𑌸-𑌮𑍁𑌪॒𑌦𑌧𑌾॑𑌤𑌿॒ 𑌵𑌰𑍍𑌷𑍍𑌮𑍈॒𑌵𑍈𑌨𑌗𑍍𑌂॑ 𑌸𑌮𑌾॒𑌨𑌾𑌨𑌾᳚-𑌙𑍍𑌕𑌰𑍋𑌤𑌿 𑌦𑍍𑌵𑌿॒𑌪𑌦𑌾॒ 𑌉𑌪॑ 𑌦𑌧𑌾𑌤𑌿 𑌦𑍍𑌵𑌿॒𑌪𑌾-𑌦𑍍𑌯𑌜॑𑌮𑌾𑌨𑌃॒ 𑌪𑍍𑌰𑌤𑌿॑𑌷𑍍𑌠𑌿𑌤𑍍𑌯𑍈 ॥ 37 ॥

(𑌤𑍇𑌜॑ 𑌏॒𑌵 - 𑌪॒𑌶𑌵𑌃॑ 𑌪॒𑌶𑌵𑍋॒ - 𑌯𑌜॑𑌮𑌾𑌨॒ - 𑌏𑌕॑𑌞𑍍𑌚) (𑌅. 8)

𑌸𑌰𑍍𑌵𑌾᳚𑌭𑍍𑌯𑍋॒ 𑌵𑍈 𑌦𑍇॒𑌵𑌤𑌾᳚𑌭𑍍𑌯𑍋॒-𑌽𑌗𑍍𑌨𑌿𑌶𑍍𑌚𑍀॑𑌯𑌤𑍇॒ 𑌯-𑌥𑍍𑌸॒𑌯𑍁𑌜𑍋॒ 𑌨𑍋𑌪॑𑌦॒𑌦𑍍𑌧𑍍𑌯𑌾-𑌦𑍍𑌦𑍇॒𑌵𑌤𑌾॑ 𑌅𑌸𑍍𑌯𑌾॒𑌗𑍍𑌨𑌿𑌂-𑌵𑍃𑌁॑𑌞𑍍𑌜𑍀𑌰॒𑌨𑍍॒. 𑌯-𑌥𑍍𑌸॒𑌯𑍁𑌜॑ 𑌉𑌪॒𑌦𑌧𑌾᳚𑌤𑍍𑌯𑌾॒𑌤𑍍𑌮𑌨𑍈॒𑌵𑍈𑌨𑌗𑍍𑌂॑ 𑌸॒𑌯𑍁𑌜॑-𑌞𑍍𑌚𑌿𑌨𑍁𑌤𑍇॒ 𑌨𑌾𑌗𑍍𑌨𑌿𑌨𑌾॒ 𑌵𑍍𑌯𑍃॑𑌦𑍍𑌧𑍍𑌯॒𑌤𑍇-𑌽𑌥𑍋॒ 𑌯𑌥𑌾॒ 𑌪𑍁𑌰𑍁॑𑌷॒-𑌸𑍍𑌸𑍍𑌨𑌾𑌵॑𑌭𑌿॒-𑌸𑍍𑌸𑌨𑍍𑌤॑𑌤 𑌏॒𑌵𑌮𑍇॒𑌵𑍈𑌤𑌾𑌭𑌿॑𑌰॒𑌗𑍍𑌨𑌿-𑌸𑍍𑌸𑌨𑍍𑌤॑𑌤𑍋॒ 𑌽𑌗𑍍𑌨𑌿𑌨𑌾॒ 𑌵𑍈 𑌦𑍇॒𑌵𑌾-𑌸𑍍𑌸𑍁॑𑌵॒𑌰𑍍𑌗𑌂-𑌲𑍋𑌁॒𑌕𑌮𑌾॑𑌯॒-𑌨𑍍𑌤𑌾 𑌅॒𑌮𑍂𑌃 𑌕𑍃𑌤𑍍𑌤𑌿॑𑌕𑌾 𑌅𑌭𑌵॒𑌨𑍍॒ 𑌯𑌸𑍍𑌯𑍈॒𑌤𑌾 𑌉॑𑌪 𑌧𑍀॒𑌯𑌨𑍍𑌤𑍇॑ 𑌸𑍁𑌵॒𑌰𑍍𑌗𑌮𑍇॒𑌵 [ ] 38

𑌲𑍋॒𑌕𑌮𑍇॑𑌤𑌿॒ 𑌗𑌚𑍍𑌛॑𑌤𑌿 𑌪𑍍𑌰𑌕𑌾॒𑌶-𑌞𑍍𑌚𑌿॒𑌤𑍍𑌰𑌮𑍇॒𑌵 𑌭॑𑌵𑌤𑌿 𑌮𑌣𑍍𑌡𑌲𑍇𑌷𑍍𑌟॒𑌕𑌾 𑌉𑌪॑ 𑌦𑌧𑌾𑌤𑍀॒𑌮𑍇 𑌵𑍈 𑌲𑍋॒𑌕𑌾 𑌮॑𑌣𑍍𑌡𑌲𑍇𑌷𑍍𑌟॒𑌕𑌾 𑌇॒𑌮𑍇 𑌖𑌲𑍁॒ 𑌵𑍈 𑌲𑍋॒𑌕𑌾 𑌦𑍇॑𑌵𑌪𑍁॒𑌰𑌾 𑌦𑍇॑𑌵𑌪𑍁॒𑌰𑌾 𑌏॒𑌵 𑌪𑍍𑌰𑌵𑌿॑𑌶𑌤𑌿॒ 𑌨𑌾-𑌽𑌽𑌰𑍍𑌤𑌿॒𑌮𑌾𑌰𑍍𑌚𑍍𑌛॑𑌤𑍍𑌯॒𑌗𑍍𑌨𑌿-𑌞𑍍𑌚𑌿॑𑌕𑍍𑌯𑌾॒𑌨𑍋 𑌵𑌿॒𑌶𑍍𑌵𑌜𑍍𑌯𑍋॑𑌤𑌿𑌷॒ 𑌉𑌪॑ 𑌦𑌧𑌾𑌤𑍀॒𑌮𑌾𑌨𑍇॒𑌵𑍈𑌤𑌾𑌭𑌿-॑𑌰𑍍𑌲𑍋॒𑌕𑌾𑌨𑍍 𑌜𑍍𑌯𑍋𑌤𑌿॑𑌷𑍍𑌮𑌤𑌃 𑌕𑍁𑌰𑍁॒𑌤𑍇-𑌽𑌥𑍋᳚ 𑌪𑍍𑌰𑌾॒𑌣𑌾𑌨𑍇॒𑌵𑍈𑌤𑌾 𑌯𑌜॑𑌮𑌾𑌨𑌸𑍍𑌯 𑌦𑌾𑌦𑍍𑌧𑍍𑌰𑌤𑍍𑌯𑍇॒𑌤𑌾 𑌵𑍈 𑌦𑍇॒𑌵𑌤𑌾᳚-𑌸𑍍𑌸𑍁𑌵॒𑌰𑍍𑌗𑍍𑌯𑌾᳚𑌸𑍍𑌤𑌾 𑌏॒𑌵𑌾- -𑌨𑍍𑌵𑌾॒𑌰𑌭𑍍𑌯॑ 𑌸𑍁𑌵॒𑌰𑍍𑌗𑌂-𑌲𑍋𑌁॒𑌕𑌮𑍇॑𑌤𑌿 ॥ 39 ॥

(𑌸𑍁॒𑌵॒𑌰𑍍𑌗𑌮𑍇॒𑌵 - 𑌤𑌾 𑌏॒𑌵 - 𑌚॒𑌤𑍍𑌵𑌾𑌰𑌿॑ 𑌚) (𑌅. 9)

𑌵𑍃॒𑌷𑍍𑌟𑌿॒𑌸𑌨𑍀॒𑌰𑍁𑌪॑ 𑌦𑌧𑌾𑌤𑌿॒ 𑌵𑍃𑌷𑍍𑌟𑌿॑𑌮𑍇॒𑌵𑌾𑌵॑ 𑌰𑍁𑌨𑍍𑌧𑍇॒ 𑌯𑌦𑍇॑𑌕॒𑌧𑍋𑌪॑𑌦॒𑌦𑍍𑌧𑍍𑌯𑌾𑌦𑍇𑌕॑𑌮𑍃॒𑌤𑍁𑌂-𑌵𑌁॑𑌰𑍍𑌷𑍇𑌦𑌨𑍁𑌪𑌰𑌿॒𑌹𑌾𑌰𑌗𑍍𑌂॑ 𑌸𑌾𑌦𑌯𑌤𑌿॒ 𑌤𑌸𑍍𑌮𑌾॒-𑌥𑍍𑌸𑌰𑍍𑌵𑌾॑𑌨𑍃॒𑌤𑍂𑌨𑍍. 𑌵॑𑌰𑍍𑌷𑌤𑌿 𑌪𑍁𑌰𑍋𑌵𑌾𑌤॒𑌸𑌨𑌿॑-𑌰॒𑌸𑍀𑌤𑍍𑌯𑌾॑𑌹𑍈॒𑌤𑌦𑍍𑌵𑍈 𑌵𑍃𑌷𑍍𑌟𑍍𑌯𑍈॑ 𑌰𑍂॒𑌪𑌗𑍍𑌂 𑌰𑍂॒𑌪𑍇𑌣𑍈॒𑌵 𑌵𑍃𑌷𑍍𑌟𑌿॒𑌮𑌵॑ 𑌰𑍁𑌨𑍍𑌧𑍇 𑌸𑌂॒𑌯𑌾𑌁𑌨𑍀॑𑌭𑌿॒𑌰𑍍𑌵𑍈 𑌦𑍇॒𑌵𑌾 𑌇॒𑌮𑌾𑌨𑍍 𑌁𑌲𑍋॒𑌕𑌾𑌨𑍍-𑌥𑍍𑌸𑌮॑𑌯𑍁॒𑌸𑍍𑌤-𑌥𑍍𑌸𑌂॒𑌯𑌾𑌁𑌨𑍀॑𑌨𑌾𑌗𑍍𑌂 𑌸𑌂𑌯𑌾𑌁𑌨𑌿॒𑌤𑍍𑌵𑌂-𑌯𑌁-𑌥𑍍𑌸𑌂॒𑌯𑌾𑌁𑌨𑍀॑𑌰𑍁𑌪॒𑌦𑌧𑌾॑𑌤𑌿॒ 𑌯𑌥𑌾॒-𑌽𑌫𑍍𑌸𑍁 𑌨𑌾॒𑌵𑌾 𑌸𑌂॒𑌯𑌾𑌁𑌤𑍍𑌯𑍇॒𑌵- [𑌸𑌂॒𑌯𑌾𑌁𑌤𑍍𑌯𑍇॒𑌵𑌮𑍍, 𑌏॒𑌵𑍈𑌤𑌾𑌭𑌿॒] 40

-𑌮𑍇॒𑌵𑍈𑌤𑌾𑌭𑌿॒ 𑌰𑍍𑌯𑌜॑𑌮𑌾𑌨 𑌇॒𑌮𑌾𑌨𑍍 𑌁𑌲𑍋॒𑌕𑌾𑌨𑍍-𑌥𑍍𑌸𑌂-𑌯𑌾𑌁॑𑌤𑌿 𑌪𑍍𑌲॒𑌵𑍋 𑌵𑌾 𑌏॒𑌷𑍋᳚-𑌽𑌗𑍍𑌨𑍇𑌰𑍍𑌯-𑌥𑍍𑌸𑌂॒𑌯𑌾𑌁𑌨𑍀॒𑌰𑍍𑌯-𑌥𑍍𑌸𑌂॒𑌯𑌾𑌁𑌨𑍀॑𑌰𑍁𑌪॒𑌦𑌧𑌾॑𑌤𑌿 𑌪𑍍𑌲॒𑌵𑌮𑍇॒𑌵𑍈𑌤𑌮॒𑌗𑍍𑌨𑌯॒ 𑌉𑌪॑𑌦𑌧𑌾𑌤𑍍𑌯𑍁॒𑌤 𑌯𑌸𑍍𑌯𑍈॒𑌤𑌾𑌸𑍂𑌪॑𑌹𑌿𑌤𑌾॒𑌸𑍍𑌵𑌾𑌪𑍋॒-𑌽𑌗𑍍𑌨𑌿𑌗𑍍𑌂 𑌹𑌰॒𑌨𑍍𑌤𑍍𑌯𑌹𑍃॑𑌤 𑌏॒𑌵𑌾𑌸𑍍𑌯𑌾॒-𑌗𑍍𑌨𑌿𑌰𑌾॑𑌦𑌿𑌤𑍍𑌯𑍇𑌷𑍍𑌟॒𑌕𑌾 𑌉𑌪॑ 𑌦𑌧𑌾𑌤𑍍𑌯𑌾𑌦𑌿॒𑌤𑍍𑌯𑌾 𑌵𑌾 𑌏॒𑌤-𑌮𑍍𑌭𑍂𑌤𑍍𑌯𑍈॒ 𑌪𑍍𑌰𑌤𑌿॑𑌨𑍁𑌦𑌨𑍍𑌤𑍇॒ 𑌯𑍋-𑌽𑌲॒-𑌮𑍍𑌭𑍂𑌤𑍍𑌯𑍈॒ 𑌸-𑌨𑍍𑌭𑍂𑌤𑌿॒-𑌨𑍍𑌨 𑌪𑍍𑌰𑌾॒𑌪𑍍𑌨𑍋𑌤𑍍𑌯𑌾॑𑌦𑌿॒𑌤𑍍𑌯𑌾 [𑌪𑍍𑌰𑌾॒𑌪𑍍𑌨𑍋𑌤𑍍𑌯𑌾॑𑌦𑌿॒𑌤𑍍𑌯𑌾𑌃, 𑌏॒𑌵𑍈𑌨॒-𑌮𑍍𑌭𑍂𑌤𑌿॑-] 41

𑌏॒𑌵𑍈𑌨॒-𑌮𑍍𑌭𑍂𑌤𑌿॑-𑌙𑍍𑌗𑌮𑌯𑌨𑍍𑌤𑍍𑌯॒𑌸𑍗 𑌵𑌾 𑌏॒𑌤𑌸𑍍𑌯𑌾॑-𑌽𑌽𑌦𑌿॒𑌤𑍍𑌯𑍋 𑌰𑍁𑌚॒𑌮𑌾 𑌦॑𑌤𑍍𑌤𑍇॒ 𑌯𑍋᳚-𑌽𑌗𑍍𑌨𑌿-𑌞𑍍𑌚𑌿॒𑌤𑍍𑌵𑌾 𑌨 𑌰𑍋𑌚॑𑌤𑍇॒ 𑌯𑌦𑌾॑𑌦𑌿𑌤𑍍𑌯𑍇𑌷𑍍𑌟॒𑌕𑌾 𑌉॑𑌪॒𑌦𑌧𑌾᳚𑌤𑍍𑌯॒𑌸𑌾𑌵𑍇॒-𑌵𑌾𑌸𑍍𑌮𑌿॑𑌨𑍍𑌨𑌾𑌦𑌿॒𑌤𑍍𑌯𑍋 𑌰𑍁𑌚॑-𑌨𑍍𑌦𑌧𑌾𑌤𑌿॒ 𑌯𑌥𑌾॒-𑌽𑌸𑍗 𑌦𑍇॒𑌵𑌾𑌨𑌾॒𑌗𑍍𑌂॒ 𑌰𑍋𑌚॑𑌤 𑌏॒𑌵𑌮𑍇॒𑌵𑍈𑌷 𑌮॑𑌨𑍁॒𑌷𑍍𑌯𑌾॑𑌣𑌾𑌗𑍍𑌂 𑌰𑍋𑌚𑌤𑍇 𑌘𑍃𑌤𑍇𑌷𑍍𑌟॒𑌕𑌾 𑌉𑌪॑ 𑌦𑌧𑌾𑌤𑍍𑌯𑍇॒𑌤𑌦𑍍𑌵𑌾 𑌅॒𑌗𑍍𑌨𑍇𑌃 𑌪𑍍𑌰𑌿॒𑌯-𑌨𑍍𑌧𑌾𑌮॒ 𑌯-𑌦𑍍𑌘𑍃॒𑌤-𑌮𑍍𑌪𑍍𑌰𑌿॒𑌯𑍇𑌣𑍈॒𑌵𑍈𑌨॒-𑌨𑍍𑌧𑌾𑌮𑍍𑌨𑌾॒ 𑌸𑌮॑𑌰𑍍𑌧𑌯॒- [𑌸𑌮॑𑌰𑍍𑌧𑌯𑌤𑌿, 𑌅𑌥𑍋॒] 42

-𑌤𑍍𑌯𑌥𑍋॒ 𑌤𑍇𑌜॑𑌸𑌾 𑌽𑌨𑍁𑌪𑌰𑌿॒𑌹𑌾𑌰𑌗𑍍𑌂॑ 𑌸𑌾𑌦𑌯॒-𑌤𑍍𑌯𑌪॑𑌰𑌿𑌵𑌰𑍍𑌗-𑌮𑍇॒𑌵𑌾𑌸𑍍𑌮𑌿॒-𑌨𑍍𑌤𑍇𑌜𑍋॑ 𑌦𑌧𑌾𑌤𑌿 𑌪𑍍𑌰॒𑌜𑌾𑌪॑𑌤𑌿𑌰॒𑌗𑍍𑌨𑌿𑌮॑𑌚𑌿𑌨𑍁𑌤॒ 𑌸 𑌯𑌶॑𑌸𑌾॒ 𑌵𑍍𑌯𑌾᳚𑌰𑍍𑌧𑍍𑌯𑌤॒ 𑌸 𑌏॒𑌤𑌾 𑌯॑𑌶𑍋॒𑌦𑌾 𑌅॑𑌪𑌶𑍍𑌯॒-𑌤𑍍𑌤𑌾 𑌉𑌪𑌾॑𑌧𑌤𑍍𑌤॒ 𑌤𑌾𑌭𑌿॒𑌰𑍍𑌵𑍈 𑌸 𑌯𑌶॑ 𑌆॒𑌤𑍍𑌮𑌨𑍍𑌨॑𑌧𑌤𑍍𑌤॒ 𑌯𑌦𑍍𑌯॑𑌶𑍋॒𑌦𑌾 𑌉॑𑌪॒𑌦𑌧𑌾॑𑌤𑌿॒ 𑌯𑌶॑ 𑌏॒𑌵 𑌤𑌾𑌭𑌿॒𑌰𑍍𑌯𑌜॑𑌮𑌾𑌨 𑌆॒𑌤𑍍𑌮-𑌨𑍍𑌧॑𑌤𑍍𑌤𑍇॒ 𑌪𑌞𑍍𑌚𑍋𑌪॑ 𑌦𑌧𑌾𑌤𑌿॒ 𑌪𑌾𑌙𑍍𑌕𑍍𑌤𑌃॒ 𑌪𑍁𑌰𑍁॑𑌷𑍋॒ 𑌯𑌾𑌵𑌾॑𑌨𑍇॒𑌵 𑌪𑍁𑌰𑍁॑𑌷॒𑌸𑍍𑌤𑌸𑍍𑌮𑌿॒𑌨𑍍॒ 𑌯𑌶𑍋॑ 𑌦𑌧𑌾𑌤𑌿 ॥ 43 ॥

(𑌏॒𑌵𑌂 - 𑌪𑍍𑌰𑌾॒𑌪𑍍𑌰𑍋𑌤𑍍𑌯𑌾॑𑌦𑌿॒𑌤𑍍𑌯𑌾 - 𑌅॑𑌰𑍍𑌧𑌯॒𑌤𑍍𑌯𑍇 - 𑌕𑌾॒𑌨𑍍𑌨 𑌪॑𑌞𑍍𑌚𑌾॒𑌶𑌚𑍍𑌚॑) (𑌅. 10)

𑌦𑍇॒𑌵𑌾॒𑌸𑍁॒𑌰𑌾-𑌸𑍍𑌸𑌂𑌯𑌁॑𑌤𑍍𑌤𑌾 𑌆𑌸॒𑌨𑍍 𑌕𑌨𑍀॑𑌯𑌾𑌗𑍍𑌂𑌸𑍋 𑌦𑍇॒𑌵𑌾 𑌆𑌸॒-𑌨𑍍𑌭𑍂𑌯𑌾॒𑌗𑍍𑌂॒𑌸𑍋-𑌽𑌸𑍁॑𑌰𑌾॒𑌸𑍍𑌤𑍇 𑌦𑍇॒𑌵𑌾 𑌏॒𑌤𑌾 𑌇𑌷𑍍𑌟॑𑌕𑌾 𑌅𑌪𑌶𑍍𑌯॒-𑌨𑍍𑌤𑌾 𑌉𑌪𑌾॑𑌦𑌧𑌤 𑌭𑍂𑌯॒𑌸𑍍𑌕𑍃𑌦॒𑌸𑍀𑌤𑍍𑌯𑍇॒𑌵 𑌭𑍂𑌯𑌾𑌗𑍍𑌂॑𑌸𑍋-𑌽𑌭𑌵॒𑌨𑍍 𑌵𑌨॒𑌸𑍍𑌪𑌤𑌿॑𑌭𑌿॒-𑌰𑍋𑌷॑𑌧𑍀𑌭𑌿-𑌰𑍍𑌵𑌰𑌿𑌵॒𑌸𑍍𑌕𑍃𑌦॒𑌸𑍀𑌤𑍀॒-𑌮𑌾𑌮॑𑌜𑌯॒-𑌨𑍍𑌪𑍍𑌰𑌾𑌚𑍍𑌯॒𑌸𑍀𑌤𑌿॒ 𑌪𑍍𑌰𑌾𑌚𑍀॒-𑌨𑍍𑌦𑌿𑌶॑𑌮𑌜𑌯𑌨𑍍𑌨𑍂॒𑌰𑍍𑌧𑍍𑌵𑌾 𑌽𑌸𑍀𑌤𑍍𑌯॒𑌮𑍂𑌮॑𑌜𑌯-𑌨𑍍𑌨𑌨𑍍𑌤𑌰𑌿𑌕𑍍𑌷॒𑌸𑌦॑𑌸𑍍𑌯॒𑌨𑍍𑌤𑌰𑌿॑𑌕𑍍𑌷𑍇 𑌸𑍀॒𑌦𑍇𑌤𑍍𑌯॒-𑌨𑍍𑌤𑌰𑌿॑𑌕𑍍𑌷𑌮𑌜𑌯॒-𑌨𑍍𑌤𑌤𑍋॑ 𑌦𑍇॒𑌵𑌾 𑌅𑌭॑𑌵॒- [𑌦𑍇॒𑌵𑌾 𑌅𑌭॑𑌵𑌨𑍍𑌨𑍍, 𑌪𑌰𑌾-𑌽𑌸𑍁॑𑌰𑌾॒] 44

-𑌨𑍍𑌪𑌰𑌾-𑌽𑌸𑍁॑𑌰𑌾॒ 𑌯𑌸𑍍𑌯𑍈॒𑌤𑌾 𑌉॑𑌪𑌧𑍀॒𑌯𑌨𑍍𑌤𑍇॒ 𑌭𑍂𑌯𑌾॑𑌨𑍇॒𑌵 𑌭॑𑌵𑌤𑍍𑌯॒𑌭𑍀𑌮𑌾𑌨𑍍 𑌁𑌲𑍋॒𑌕𑌾𑌨𑍍 𑌜॑𑌯𑌤𑌿॒ 𑌭𑌵॑𑌤𑍍𑌯𑌾॒𑌤𑍍𑌮𑌨𑌾॒ 𑌪𑌰𑌾᳚-𑌽𑌸𑍍𑌯॒ 𑌭𑍍𑌰𑌾𑌤𑍃॑𑌵𑍍𑌯𑍋 𑌭𑌵𑌤𑍍𑌯𑌫𑍍𑌸𑍁॒𑌷𑌦॑𑌸𑌿 𑌶𑍍𑌯𑍇𑌨॒𑌸𑌦॒𑌸𑍀𑌤𑍍𑌯𑌾॑𑌹𑍈॒𑌤𑌦𑍍𑌵𑌾 𑌅॒𑌗𑍍𑌨𑍇 𑌰𑍂॒𑌪𑌗𑍍𑌂 𑌰𑍂॒𑌪𑍇𑌣𑍈॒𑌵𑌾𑌗𑍍𑌨𑌿𑌮𑌵॑ 𑌰𑍁𑌨𑍍𑌧𑍇 𑌪𑍃𑌥𑌿॒𑌵𑍍𑌯𑌾𑌸𑍍𑌤𑍍𑌵𑌾॒ 𑌦𑍍𑌰𑌵𑌿॑𑌣𑍇 𑌸𑌾𑌦𑌯𑌾॒𑌮𑍀-𑌤𑍍𑌯𑌾॑𑌹𑍇॒𑌮𑌾𑌨𑍇॒𑌵𑍈𑌤𑌾𑌭𑌿॑-𑌰𑍍𑌲𑍋॒𑌕𑌾-𑌨𑍍𑌦𑍍𑌰𑌵𑌿॑𑌣𑌾𑌵𑌤𑌃 𑌕𑍁𑌰𑍁𑌤 𑌆𑌯𑍁॒𑌷𑍍𑌯𑌾॑ 𑌉𑌪॑ 𑌦𑌧𑌾॒𑌤𑍍𑌯𑌾𑌯𑍁॑𑌰𑍇॒𑌵𑌾- [𑌉𑌪॑ 𑌦𑌧𑌾॒𑌤𑍍𑌯𑌾𑌯𑍁॑𑌰𑍇॒𑌵, 𑌅॒𑌸𑍍𑌮𑌿॒-𑌨𑍍𑌦॒𑌧𑌾॒𑌤𑍍𑌯𑌗𑍍𑌨𑍇॒] 45

-𑌽𑌸𑍍𑌮𑌿॑-𑌨𑍍𑌦𑌧𑌾॒𑌤𑍍𑌯𑌗𑍍𑌨𑍇॒ 𑌯𑌤𑍍𑌤𑍇॒ 𑌪𑌰॒𑌗𑍍𑌂॒ 𑌹𑍃𑌨𑍍𑌨𑌾𑌮𑍇𑌤𑍍𑌯𑌾॑𑌹𑍈॒𑌤𑌦𑍍𑌵𑌾 𑌅॒𑌗𑍍𑌨𑍇𑌃 𑌪𑍍𑌰𑌿॒𑌯-𑌨𑍍𑌧𑌾𑌮॑ 𑌪𑍍𑌰𑌿॒𑌯𑌮𑍇॒𑌵𑌾𑌸𑍍𑌯॒ 𑌧𑌾𑌮𑍋𑌪𑌾᳚-𑌽𑌽𑌪𑍍𑌨𑍋𑌤𑌿॒ 𑌤𑌾𑌵𑍇𑌹𑌿॒ 𑌸𑌗𑍍𑌂 𑌰॑𑌭𑌾𑌵𑌹𑌾॒ 𑌇𑌤𑍍𑌯𑌾॑𑌹॒ 𑌵𑍍𑌯𑍇॑𑌵𑍈𑌨𑍇॑𑌨॒ 𑌪𑌰𑌿॑ 𑌧𑌤𑍍𑌤𑍇॒ 𑌪𑌾𑌞𑍍𑌚॑𑌜𑌨𑍍𑌯𑍇॒𑌷𑍍𑌵𑌪𑍍𑌯𑍇᳚𑌦𑍍𑌧𑍍𑌯𑌗𑍍𑌨॒ 𑌇𑌤𑍍𑌯𑌾॑𑌹𑍈॒𑌷 𑌵𑌾 𑌅॒𑌗𑍍𑌨𑌿𑌃 𑌪𑌾𑌞𑍍𑌚॑𑌜𑌨𑍍𑌯𑍋॒ 𑌯𑌃 𑌪𑌞𑍍𑌚॑𑌚𑌿𑌤𑍀𑌕॒-𑌸𑍍𑌤𑌸𑍍𑌮𑌾॑𑌦𑍇॒𑌵𑌮𑌾॑𑌹𑌰𑍍𑌤॒𑌵𑍍𑌯𑌾॑ 𑌉𑌪॑ 𑌦𑌧𑌾𑌤𑍍𑌯𑍇॒𑌤𑌦𑍍𑌵𑌾 𑌋॑𑌤𑍂॒𑌨𑌾-𑌮𑍍𑌪𑍍𑌰𑌿॒𑌯-𑌨𑍍𑌧𑌾𑌮॒ 𑌯𑌦𑍃॑𑌤॒𑌵𑍍𑌯𑌾॑ 𑌋𑌤𑍂॒𑌨𑌾𑌮𑍇॒𑌵 𑌪𑍍𑌰𑌿॒𑌯-𑌨𑍍𑌧𑌾𑌮𑌾𑌵॑ 𑌰𑍁𑌨𑍍𑌧𑍇 𑌸𑍁॒𑌮𑍇𑌕॒ 𑌇𑌤𑍍𑌯𑌾॑𑌹 𑌸𑌂𑌵𑌁𑌥𑍍𑌸॒𑌰𑍋 𑌵𑍈 𑌸𑍁॒𑌮𑍇𑌕𑌃॑ 𑌸𑌂𑌵𑌁𑌥𑍍𑌸॒𑌰𑌸𑍍𑌯𑍈॒𑌵 𑌪𑍍𑌰𑌿॒𑌯-𑌨𑍍𑌧𑌾𑌮𑍋𑌪𑌾᳚-𑌽𑌽𑌪𑍍𑌨𑍋𑌤𑌿 ॥ 46 ॥

(𑌅𑌭॑𑌵॒ - 𑌨𑍍𑌨𑌾𑌯𑍁॑𑌰𑍇॒𑌵 - 𑌰𑍍𑌤॒𑌵𑍍𑌯𑌾॑ 𑌉𑌪॒ - 𑌷𑌡𑍍𑌵𑌿𑌗𑍍𑌂॑𑌶𑌤𑌿𑌶𑍍𑌚) (𑌅. 11)

𑌪𑍍𑌰॒𑌜𑌾𑌪॑𑌤𑍇॒𑌰𑌕𑍍𑌷𑍍𑌯॑𑌶𑍍𑌵𑌯॒-𑌤𑍍𑌤-𑌤𑍍𑌪𑌰𑌾॑-𑌽𑌪𑌤॒-𑌤𑍍𑌤𑌦𑌶𑍍𑌵𑍋॑-𑌽𑌭𑌵॒-𑌦𑍍𑌯𑌦𑌶𑍍𑌵॑𑌯॒-𑌤𑍍𑌤𑌦𑌶𑍍𑌵॑𑌸𑍍𑌯𑌾𑌶𑍍𑌵॒𑌤𑍍𑌵-𑌨𑍍𑌤𑌦𑍍𑌦𑍇॒𑌵𑌾 𑌅॑𑌶𑍍𑌵𑌮𑍇॒𑌧𑍇𑌨𑍈॒𑌵 𑌪𑍍𑌰𑌤𑍍𑌯॑𑌦𑌧𑍁𑌰𑍇॒𑌷 𑌵𑍈 𑌪𑍍𑌰॒𑌜𑌾𑌪॑𑌤𑌿॒𑌗𑍍𑌂॒ 𑌸𑌰𑍍𑌵॑-𑌙𑍍𑌕𑌰𑍋𑌤𑌿॒ 𑌯𑍋᳚-𑌽𑌶𑍍𑌵𑌮𑍇॒𑌧𑍇𑌨॒ 𑌯𑌜॑𑌤𑍇॒ 𑌸𑌰𑍍𑌵॑ 𑌏॒𑌵 𑌭॑𑌵𑌤𑌿॒ 𑌸𑌰𑍍𑌵॑𑌸𑍍𑌯॒ 𑌵𑌾 𑌏॒𑌷𑌾 𑌪𑍍𑌰𑌾𑌯॑𑌶𑍍𑌚𑌿𑌤𑍍𑌤𑌿॒-𑌸𑍍𑌸𑌰𑍍𑌵॑𑌸𑍍𑌯 𑌭𑍇𑌷॒𑌜𑌗𑍍𑌂 𑌸𑌰𑍍𑌵𑌂॒-𑌵𑌾𑌁 𑌏॒𑌤𑍇𑌨॑ 𑌪𑌾॒𑌪𑍍𑌮𑌾𑌨॑-𑌨𑍍𑌦𑍇॒𑌵𑌾 𑌅॑𑌤𑌰॒𑌨𑍍𑌨𑌪𑌿॒ 𑌵𑌾 𑌏॒𑌤𑍇𑌨॑ 𑌬𑍍𑌰𑌹𑍍𑌮𑌹॒𑌤𑍍𑌯𑌾-𑌮॑𑌤𑌰॒𑌨𑍍-𑌥𑍍𑌸𑌰𑍍𑌵॑-𑌮𑍍𑌪𑌾॒𑌪𑍍𑌮𑌾𑌨॑- [-𑌮॑𑌤𑌰॒𑌨𑍍-𑌥𑍍𑌸𑌰𑍍𑌵॑-𑌮𑍍𑌪𑌾॒𑌪𑍍𑌮𑌾𑌨᳚𑌮𑍍, 𑌤॒𑌰॒𑌤𑌿॒ 𑌤𑌰॑𑌤𑌿] 47

-𑌨𑍍𑌤𑌰𑌤𑌿॒ 𑌤𑌰॑𑌤𑌿 𑌬𑍍𑌰𑌹𑍍𑌮𑌹॒𑌤𑍍𑌯𑌾𑌂-𑌯𑍋𑌁᳚-𑌽𑌶𑍍𑌵𑌮𑍇॒𑌧𑍇𑌨॒ 𑌯𑌜॑𑌤𑍇॒ 𑌯 𑌉॑ 𑌚𑍈𑌨𑌮𑍇॒𑌵𑌂-𑌵𑍇𑌁𑌦𑍋𑌤𑍍𑌤॑𑌰𑌂॒-𑌵𑍈𑌁 𑌤-𑌤𑍍𑌪𑍍𑌰॒𑌜𑌾𑌪॑𑌤𑍇॒𑌰𑌕𑍍𑌷𑍍𑌯॑𑌶𑍍𑌵𑌯॒-𑌤𑍍𑌤𑌸𑍍𑌮𑌾॒𑌦𑌶𑍍𑌵॑𑌸𑍍𑌯𑍋𑌤𑍍𑌤𑌰॒𑌤𑍋-𑌽𑌵॑ 𑌦𑍍𑌯𑌨𑍍𑌤𑌿 𑌦𑌕𑍍𑌷𑌿𑌣॒𑌤𑍋᳚-𑌽𑌨𑍍𑌯𑍇𑌷𑌾᳚-𑌮𑍍𑌪𑌶𑍂॒𑌨𑌾𑌂-𑌵𑍈𑌁॑𑌤॒𑌸𑌃 𑌕𑌟𑍋॑ 𑌭𑌵𑌤𑍍𑌯॒𑌫𑍍𑌸𑍁𑌯𑍋॑𑌨𑌿॒𑌰𑍍𑌵𑌾 𑌅𑌶𑍍𑌵𑍋᳚-𑌽𑌫𑍍𑌸𑍁॒𑌜𑍋 𑌵𑍇॑𑌤॒𑌸-𑌸𑍍𑌸𑍍𑌵 𑌏॒𑌵𑍈𑌨𑌂॒-𑌯𑍋𑌁𑌨𑍗॒ 𑌪𑍍𑌰𑌤𑌿॑𑌷𑍍𑌠𑌾𑌪𑌯𑌤𑌿 𑌚𑌤𑍁𑌷𑍍𑌟𑍋॒𑌮-𑌸𑍍𑌸𑍍𑌤𑍋𑌮𑍋॑ 𑌭𑌵𑌤𑌿 𑌸॒𑌰𑌡𑍍𑌢॒ 𑌵𑌾 𑌅𑌶𑍍𑌵॑𑌸𑍍𑌯॒ 𑌸𑌕𑍍𑌥𑍍𑌯𑌾-𑌽𑌵𑍃॑𑌹॒-𑌤𑍍𑌤-𑌦𑍍𑌦𑍇॒𑌵𑌾𑌶𑍍𑌚॑𑌤𑍁𑌷𑍍𑌟𑍋॒𑌮𑍇𑌨𑍈॒𑌵 𑌪𑍍𑌰𑌤𑍍𑌯॑𑌦𑌧𑍁॒𑌰𑍍𑌯𑌚𑍍𑌚॑𑌤𑍁𑌷𑍍𑌟𑍋॒𑌮-𑌸𑍍𑌸𑍍𑌤𑍋𑌮𑍋॒ 𑌭𑌵॒𑌤𑍍𑌯𑌶𑍍𑌵॑𑌸𑍍𑌯 𑌸𑌰𑍍𑌵॒𑌤𑍍𑌵𑌾𑌯॑ ॥ 48 ॥

(𑌸𑌰𑍍𑌵॑𑌮 𑌪𑌾॒𑌪𑍍𑌮𑌾𑌨॑ - 𑌮𑌵𑍃𑌹॒-𑌦𑍍- 𑌦𑍍𑌵𑌾𑌦॑𑌶 𑌚) (𑌅. 12)

(𑌉॒𑌥𑍍𑌸॒𑌨𑍍𑌨॒𑌯॒𑌜𑍍𑌞 - 𑌇𑌨𑍍𑌦𑍍𑌰𑌾᳚𑌗𑍍𑌨𑍀 - 𑌦𑍇॒𑌵𑌾 𑌵𑌾 𑌅॑𑌕𑍍𑌷𑍍𑌣𑌯𑌾𑌸𑍍𑌤𑍋॒𑌮𑍀𑌯𑌾॑ - 𑌅॒𑌗𑍍𑌨𑍇𑌰𑍍𑌭𑌾॒𑌗𑍋᳚ - 𑌽𑌸𑍍𑌯𑌗𑍍𑌨𑍇॑ 𑌜𑌾॒𑌤𑌾𑌨𑍍 - 𑌰॒𑌶𑍍𑌮𑌿𑌰𑌿𑌤𑌿॑ - 𑌨𑌾𑌕॒𑌸𑌦𑍍𑌭𑌿𑌃॒ -𑌛𑌨𑍍𑌦𑌾𑌗𑍍𑌂॑𑌸𑌿॒ - 𑌸𑌰𑍍𑌵𑌾᳚𑌭𑍍𑌯𑍋 - 𑌵𑍃𑌷𑍍𑌟𑌿॒𑌸𑌨𑍀᳚ - 𑌰𑍍𑌦𑍇𑌵𑌾𑌸𑍁॒𑌰𑌾𑌃 𑌕𑌨𑍀॑𑌯𑌾𑌗𑍍𑌂𑌸𑌃 - 𑌪𑍍𑌰॒𑌜𑌾𑌪॑𑌤𑍇॒𑌰𑌕𑍍𑌷𑌿॒ - 𑌦𑍍𑌵𑌾𑌦॑𑌶 )

(𑌉॒𑌥𑍍𑌸॒𑌨𑍍𑌨॒𑌯॒𑌜𑍍𑌞𑍋 - 𑌦𑍇॒𑌵𑌾 𑌵𑍈 - 𑌯𑌸𑍍𑌯॒ 𑌮𑍁𑌖𑍍𑌯॑𑌵𑌤𑍀 - 𑌰𑍍𑌨𑌾𑌕॒𑌸𑌦𑍍𑌭𑌿॑𑌰𑍇॒ - 𑌵𑍈 𑌤𑌾𑌭𑌿॑𑌰॒ - 𑌷𑍍𑌟𑌾𑌚॑𑌤𑍍𑌵𑌾𑌰𑌿𑌗𑍍𑌂𑌶𑌤𑍍)

(𑌉॒𑌥𑍍𑌸॒𑌨𑍍𑌨॒𑌯॒𑌜𑍍𑌞, 𑌸𑍍𑌸॑𑌰𑍍𑌵॒𑌤𑍍𑌵𑌾𑌯॑)

॥ 𑌹𑌰𑌿𑌃॑ 𑌓𑌮𑍍 ॥

॥ 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌸𑌂𑌹𑌿𑌤𑌾𑌯𑌾-𑌮𑍍𑌪𑌞𑍍𑌚𑌮𑌕𑌾𑌣𑍍𑌡𑍇 𑌤𑍃𑌤𑍀𑌯𑌃 𑌪𑍍𑌰𑌶𑍍𑌨-𑌸𑍍𑌸𑌮𑌾𑌪𑍍𑌤𑌃 ॥

Roman (IAST) Transliteration

kṛṣṇa yajurvedīya taittirīya saṃhitāyā-mpañcamakāṇḍe tṛtīyaḥ praśnaḥ - citīnā-nnirūpaṇaṃ

o-nnamaḥ paramātmane, śrī mahāgaṇapataye namaḥ,

śrī gurubhyo namaḥ | ha॒riḥ॒ om ||

u॒thsa॒nna॒ ya॒jño vā e॒ṣa yada॒gniḥ kiṃ-vā~-'hai॒tasya̭ kri॒yate॒ kiṃ-vā~॒ na yadvai ya॒jñasya̭ kri॒yamā̭ṇasyā-nta॒ryanti॒ pūya̭ti॒ vā a̭sya॒ tadā᳚śvi॒nīrupa̭ dadhātya॒śvinau॒ vai de॒vānā᳚-mbhi॒ṣajau॒ tābhyā̭me॒vāsmai̭ bheṣa॒ja-ṅka̭roti॒ pañcopa̭ dadhāti॒ pāṅkto̭ ya॒jño yāvā̭ne॒va ya॒jñastasmai̭ bheṣa॒ja-ṅka̭rotyṛta॒vyā̭ upa̭ dadhātyṛtū॒nā-ṅkḷptyai॒ [kḷptyai᳚, pañcopa̭] 1

pañcopa̭ dadhāti॒ pañca॒ vā ṛ॒tavo॒ yāva̭nta e॒vartava॒stān ka̭lpayati samā॒napra̭bhṛtayo bhavanti samā॒noda̭rkā॒stasmā᳚-thsamā॒nā ṛ॒tava॒ ekḙna pa॒dena॒ vyāva̭rtante॒ tasmā̭d-ṛ॒tavo॒ vyāva̭rtante prāṇa॒bhṛta॒ upa̭ dadhātyṛ॒tuṣve॒va prā॒ṇā-nda̭dhāti॒ tasmā᳚-thsamā॒nā-ssanta̭ ṛ॒tavo॒ na jī᳚rya॒ntyatho॒ praja̭nayatye॒vainā̭ne॒ṣa vai vā॒yurya-tprā॒ṇo yad-ṛ̭ta॒vyā̭ upa॒dhāya̭ prāṇa॒bhṛta̭ [prāṇa॒bhṛtaḥ̭, u॒pa॒dadhā̭ti॒] 2

upa॒dadhā̭ti॒ tasmā॒-thsarvā̭nṛ॒tūnanṷ vā॒yurā va̭rīvarti vṛṣṭi॒sanī॒rupa̭ dadhāti॒ vṛṣṭi̭me॒vāva̭ rundhe॒ yadḙka॒dhopa̭da॒ddhyā-deka̭mṛ॒tuṃ-va~̭rṣedanupari॒hāragṃ̭ sādayati॒ tasmā॒-thsarvā̭nṛ॒tūn. va̭rṣati॒ ya-tprā̭ṇa॒bhṛta̭ upa॒dhāya̭ vṛṣṭi॒sanī̭rupa॒dadhā̭ti॒ tasmā᳚-dvā॒yupra̭cyutā di॒vo vṛṣṭi̭rīrte pa॒śavo॒ vai va̭ya॒syā̭ nānā̭manasaḥ॒ khalu॒ vai pa॒śavo॒ nānā᳚vratā॒stḙ-'pa e॒vābhi sama̭naso॒ [sama̭nasaḥ, ya-ṅkā॒mayḙtā-] 3

ya-ṅkā॒mayḙtā-'pa॒śu-ssyā॒diti̭ vaya॒syā᳚stasyo̭-pa॒dhāyā̭pa॒syā̭ upa̭ daddhyā॒-dasaṃ᳚(2)jñāna-me॒vāsmai̭ pa॒śubhiḥ̭ karotyapa॒śure॒va bha̭vati॒ ya-ṅkā॒mayḙta paśu॒mān-thsyā॒ditya̭-pa॒syā᳚stasyo̭pa॒dhāya̭ vaya॒syā̭ upa̭ daddhyā-thsaṃ॒(2)jñāna̭me॒vāsmai̭ pa॒śubhiḥ̭ karoti paśu॒māne॒va bha̭vati॒ cata̭sraḥ pu॒rastā॒dupa̭ dadhāti॒ tasmā᳚cca॒tvāri॒ cakṣṷṣo rū॒pāṇi॒ dve śu॒kle dve kṛ॒ṣṇe [kṛ॒ṣṇe, mū᳚rdha॒nvatī᳚-] 4

mū᳚rdha॒nvatī᳚-rbhavanti॒ tasmā᳚-tpu॒rastā᳚nmū॒rdhā pañca॒ dakṣi̭ṇāyā॒g॒ śroṇyā॒mupa̭ dadhāti॒ pañcotta̭rasyā॒-ntasmā᳚-tpa॒ścā-dvarṣī̭yā-npu॒rastā᳚-tpravaṇaḥ pa॒śurba॒sto vaya॒ iti॒ dakṣi॒ṇe-'gṃsa॒ upa̭ dadhāti vṛ॒ṣṇirvaya॒ ityutta॒re 'gṃsā̭ve॒va prati̭ dadhāti vyā॒ghro vaya॒ iti॒ dakṣi̭ṇe pa॒kṣa upa̭ dadhāti si॒gṃ॒ho vaya॒ ityutta̭re pa॒kṣayo̭re॒va vī॒rya̭-ndadhāti॒ purṷṣo॒ vaya॒ iti॒ maddhye॒ tasmā॒-tpurṷṣaḥ paśū॒nāmadhi̭patiḥ || 5 ||

(kḷptyā̭ - upa॒dhāya̭ prāṇa॒bhṛtaḥ॒-sama̭nasaḥ-kṛ॒ṣṇe-purṷṣo॒ vaya॒ iti॒ - pañca̭ ca) (a. 1)

indrā᳚gnī॒ avya̭thamānā॒miti̭ svayamātṛ॒ṇṇāmupa̭ dadhātīndrā॒gnibhyāṃ॒-vā~ i॒mau lo॒kau vidhṛ̭tāva॒nayo᳚-rlo॒kayo॒-rvidhṛ̭tyā॒ adhṛ̭teva॒ vā e॒ṣā yanma̭ddhya॒mā citi̭ra॒ntari̭kṣamiva॒ vā e॒ṣendrā᳚gnī॒ ityā̭hendrā॒gnī vai de॒vānā̭mojo॒ bhṛtā॒voja̭sai॒vainā̭-ma॒ntari̭kṣe cinute॒ dhṛtyai᳚ svayamātṛ॒ṇṇāmupa̭ dadhātya॒ntari̭kṣaṃ॒-vai~ sva̭yamātṛ॒ṇṇā 'ntari̭kṣame॒vopa̭ dha॒tte 'śva॒mupa̭ [dha॒tte 'śva॒mupa̭, ghrā॒pa॒ya॒ti॒ prā॒ṇame॒vā-] 6

ghrāpayati prā॒ṇame॒vā-'syā᳚-ndadhā॒tyatho᳚ prājāpa॒tyo vā aśvaḥ̭ pra॒jāpa̭tinai॒vāgni-ñci̭nute svayamātṛ॒ṇṇā bha̭vati prā॒ṇānā॒muthsṛ̭ṣṭyā॒ atho̭ suva॒rgasya̭ lo॒kasyānṷkhyātyai de॒vānāṃ॒-vai~ sṷva॒rgaṃ-lo~॒kaṃ-ya~॒tā-ndiśa॒-ssama̭vlīyanta॒ ta e॒tā diśyā̭ apaśya॒-ntā upā̭dadhata॒ tābhi॒rvai te diśo̭-'dṛgṃha॒n॒ yaddiśyā̭ upa॒dadhā̭ti di॒śāṃ-vi~dhṛ̭tyai॒ daśa̭ prāṇa॒bhṛtaḥ̭ pu॒rastā॒dupa̭ [pu॒rastā॒dupa̭, da॒dhā॒ti॒ nava॒ vai purṷṣe] 7

dadhāti॒ nava॒ vai purṷṣe prā॒ṇā nābhi̭rdaśa॒mī prā॒ṇāne॒va pu॒rastā᳚ddhatte॒ tasmā᳚-tpu॒rastā᳚-tprā॒ṇā jyoti̭ṣmatī-mutta॒māmupa̭ dadhāti॒ tasmā᳚-tprā॒ṇānāṃ॒-vā~gjyoti̭rutta॒mā daśopa̭ dadhāti॒ daśā᳚kṣarā vi॒rā-ḍvi॒rāṭ chanda̭sā॒-ñjyoti॒rjyoti̭re॒va pu॒rastā᳚ddhatte॒ tasmā᳚-tpu॒rastā॒jjyoti॒rupā᳚ ''smahe॒ chandāgṃ̭si pa॒śuṣvā॒jima̭yu॒stā-nbṛ̭ha॒tyuda̭jaya॒-ttasmā॒-dbārha̭tāḥ [tasmā॒-dbārha̭tāḥ, pa॒śava̭ ucyante॒ mā] 8

pa॒śava̭ ucyante॒ mā chanda॒ iti̭ dakṣiṇa॒ta upa̭ dadhāti॒ tasmā᳚-ddakṣi॒ṇā vṛ̭to॒ māsāḥ᳚ pṛthi॒vī chanda॒ iti̭ pa॒ścā-tprati̭ṣṭhityā a॒gnirde॒vatetyṷttara॒ta ojo॒ vā a॒gniroja̭ e॒votta̭ra॒to dha̭tte॒ tasmā̭duttarato 'bhiprayā॒yī ja̭yati॒ ṣaṭtrigṃ̭śa॒-thsampa̭dyante॒ ṣaṭtrigṃ̭śadakṣarā bṛha॒tī bārha̭tāḥ pa॒śavo̭ bṛha॒tyaivāsmai̭ pa॒śūnava̭ rundhe bṛha॒tī chanda̭sā॒g॒ svārā᳚jya॒-mparī̭yāya॒ yasyai॒tā [yasyai॒tāḥ, ṷpadhī॒yante॒ gaccha̭ti॒] 9

ṷpadhī॒yante॒ gaccha̭ti॒ svārā᳚jyagṃ sa॒pta vāla̭khilyāḥ pu॒rastā॒dupa̭ dadhāti sa॒pta pa॒ścā-thsa॒pta vai śī̭rṣa॒ṇyāḥ᳚ prā॒ṇā dvāvavā᳚ñcau prā॒ṇānāgṃ̭ savīrya॒tvāya̭ mū॒rdhā-'si॒ rāḍiti̭ pu॒rastā॒dupa̭ dadhāti॒ yantrī॒ rāḍiti̭ pa॒ścā-tprā॒ṇāne॒vāsmai̭ sa॒mīco̭ dadhāti || 10 ||

(aśva॒mupa̭-pu॒rastā॒dupa॒-bārha̭tā-e॒tā-ścatṷstrigṃśacca) (a. 2)

de॒vā vai ya-dya॒jñe 'kṷrvata॒ tadasṷrā akurvata॒ te de॒vā e॒tā a̭kṣṇayāsto॒mīyā̭ apaśya॒-ntā a॒nyathā॒ 'nūcyā॒-nyathopā̭dadhata॒ tadasṷrā॒ nānvavā̭ya॒-ntato̭ de॒vā abha̭va॒-nparā-'sṷrā॒ yada̭kṣṇayāsto॒mīyā̭ a॒nyathā॒ 'nūcyā॒nyatho̭pa॒ dadhā̭ti॒ bhrātṛ̭vyābhibhūtyai॒ bhava̭tyā॒tmanā॒ parā᳚-'sya॒ bhrātṛ̭vyo bhavatyā॒-śustri॒vṛditi̭ pu॒rastā॒dupa̭ dadhāti yajñamu॒khaṃ-vai~ tri॒vṛ- [tri॒vṛt, ya॒jña॒mu॒khame॒va] 11

-dya̭jñamu॒khame॒va pu॒rastā॒dvi yā̭tayati॒ vyo̭ma saptada॒śa iti̭ dakṣiṇa॒to 'nnaṃ॒-vai~ vyo̭mā-'nnagṃ̭ saptada॒śo-'nna̭me॒va da̭kṣiṇa॒to dha̭tte॒ tasmā॒-ddakṣi̭ṇe॒nānna̭madyate dha॒ruṇa̭ ekavi॒gṃ॒śa iti̭ pa॒ścā-tpra̭ti॒ṣṭhā vā ḙkavi॒gṃ॒śaḥ prati̭ṣṭhityai bhā॒ntaḥ pa̭ñcada॒śa ityṷttara॒ta ojo॒ vai bhā॒nta ojaḥ̭ pañcada॒śa oja̭ e॒votta̭ra॒to dha̭tte॒ tasmā̭duttarato 'bhiprayā॒yī ja̭yati॒ pratū᳚rtiraṣṭāda॒śa iti̭ pu॒rastā॒- [iti̭ pu॒rastā᳚t, upa̭ dadhāti॒ dvau] 12

-dupa̭ dadhāti॒ dvau tri॒vṛtā̭vabhipū॒rvaṃ-ya~̭jñamu॒khe vi yā̭tayatyabhiva॒rta-ssa̭vi॒gṃ॒śa iti̭ dakṣiṇa॒to-'nnaṃ॒-vā~ a̭bhiva॒rto-'nnagṃ̭ savi॒gṃ॒śo-'nna̭me॒va da̭kṣiṇa॒to dha̭tte॒ tasmā॒-ddakṣi̭ṇe॒nānna̭madyate॒ varco᳚ dvāvi॒gṃ॒śa iti̭ pa॒ścā-dya-dvigṃ̭śa॒tirdve tena̭ vi॒rājau॒ ya-ddve pra̭ti॒ṣṭhā tena̭ vi॒rājo̭re॒vā-bhi̭pū॒rvama॒nnādye॒ prati̭tiṣṭhati॒ tapo̭ navada॒śa ityṷttara॒ta stasmā᳚-thsa॒vyo [ityṷttara॒ta stasmā᳚-thsa॒vyaḥ, hasta̭yo-] 13

hasta̭yo-stapa॒svita̭ro॒ yoni̭ścaturvi॒gṃ॒śa iti̭ pu॒rastā॒dupa̭ dadhāti॒ catṷrvigṃśatyakṣarā gāya॒trī gā̭ya॒trī ya̭jñamu॒khaṃ-ya~̭jñamu॒khame॒va pu॒rastā॒-dviyā̭tayati॒ garbhāḥ᳚ pañcavi॒gṃ॒śa iti̭ dakṣiṇa॒to-'nnaṃ॒-vai~ garbhā॒ anna̭-mpañcavi॒gṃ॒śonna̭me॒va da̭kṣiṇa॒to dha̭tte॒ tasmā॒-ddakṣi̭ṇe॒nānna̭madyata॒ oja̭striṇa॒va iti̭ pa॒ścādi॒me vai lo॒kāstri̭ṇa॒va e॒ṣvḙva lo॒keṣu॒ prati̭tiṣṭhati sa॒bhaṃra̭ṇastrayovi॒gṃ॒śa i- [sa॒bhaṃra̭ṇastrayovi॒gṃ॒śa iti̭, u॒tta॒ra॒ta-] 14

-tyṷttara॒ta-stasmā᳚-thsa॒vyo hasta̭yo-ssambhā॒rya̭taraḥ॒ kratṷrekatri॒gṃ॒śa iti̭ pu॒rastā॒dupa̭ dadhāti॒ vāgvai kratṷryajñamu॒khaṃ-vā~gya̭jñamu॒khame॒va pu॒rastā॒dvi yā̭tayati bra॒ddhnasya̭ vi॒ṣṭapa̭-ñcatustri॒gṃ॒śa iti̭ dakṣiṇa॒to̭-'sau vā ā̭di॒tyo bra॒ddhnasya̭ vi॒ṣṭapa̭-mbrahmavarca॒same॒va da̭kṣiṇa॒to dha̭tte॒ tasmā॒-ddakṣi॒ṇo-'rdho᳚ brahmavarca॒sita̭raḥ prati॒ṣṭhā tra̭yastri॒gṃ॒śa iti̭ pa॒ścā-tprati̭ṣṭhityai॒ nākaḥ̭ ṣaṭtri॒gṃ॒śa ityṷttara॒ta-ssṷva॒rgo vai lo॒ko nākaḥ̭ suva॒rgasya̭ lo॒kasya॒ sama̭ṣṭyai || 15 ||

(vai tri॒vṛ - diti̭ pu॒rastā᳚th - sa॒vya - stra̭yovi॒gṃ॒śa iti̭ - suva॒rgo vai - pañca̭ ca) (a. 3)

(ā॒śu - rvyo̭ma - dha॒ruṇo̭ - bhā॒ntaḥ - pratū᳚rtira -bhiva॒rto - varca॒ - stapo॒ - yoni॒ - rgarbhā॒ - ojaḥ̭ - sa॒bhaṃra̭ṇaḥ॒ - kratṷ - rbra॒ddhrasya̭ - prati॒ṣṭhā - nākaḥ॒ - ṣoḍa̭śa)

a॒gnerbhā॒go̭-'sīti̭ pu॒rastā॒dupa̭ dadhāti yajñamu॒khaṃ-vā~ a॒gnirya̭jñamu॒kha-ndī॒kṣā ya̭jñamu॒kha-mbrahma̭ yajñamu॒kha-ntri॒vṛ-dya̭jñamu॒khame॒va pu॒rastā॒dvi yā̭tayati nṛ॒cakṣa̭sā-mbhā॒go̭-'sīti̭ dakṣiṇa॒ta-śśṷśru॒vāgṃso॒ vai nṛ॒cakṣa॒so-'nna̭-ndhā॒tā jā॒tāyai॒vāsmā॒ anna॒mapi̭ dadhāti॒ tasmā᳚jjā॒to-'nna̭matti ja॒nitragg̭ spṛ॒tagṃ sa̭ptada॒śa-sstoma॒ ityā॒hā-'nnaṃ॒-vai~ ja॒nitra॒- [ja॒nitra᳚m, annagṃ̭ saptada॒śo-'nna̭me॒va] 16

-mannagṃ̭ saptada॒śo-'nna̭me॒va da̭kṣiṇa॒to dha̭tte॒ tasmā॒-ddakṣi̭ṇe॒nā-nna̭madyate mi॒trasya̭ bhā॒go̭-'sīti̭ pa॒ścā-tprā॒ṇo vai mi॒tro̭-'pā॒no varṷṇaḥ prāṇāpā॒nāve॒vāsmi̭-ndadhāti di॒vo vṛ॒ṣṭirvātā᳚-sspṛ॒tā ḙkavi॒gṃ॒śa-sstoma॒ ityā̭ha prati॒ṣṭhā vā ḙkavi॒gṃ॒śaḥ prati̭ṣṭhityā॒ indra̭sya bhā॒go̭-'sītyṷttara॒ta ojo॒ vā indra॒ ojo॒ viṣṇu॒rojaḥ̭ kṣa॒tramojaḥ̭ pañcada॒śa [pañcada॒śaḥ, oja̭ e॒votta̭ra॒to dha̭tte॒] 17

oja̭ e॒votta̭ra॒to dha̭tte॒ tasmā̭duttarato-'bhiprayā॒yī ja̭yati॒ vasṷ̄nā-mbhā॒go̭-'sīti̭ pu॒rastā॒dupa̭ dadhāti yajñamu॒khaṃ-vai~ vasa̭vo yajñamu॒khagṃ ru॒drā ya̭jñamu॒kha-ñca̭turvi॒gṃ॒śo ya̭jñamu॒khame॒va pu॒rastā॒dvi yā̭tayatyādi॒tyānā᳚-mbhā॒go̭-'sīti̭ dakṣiṇa॒to-'nnaṃ॒-vā~ ā̭di॒tyā anna̭-mma॒ruto-'nna॒-ṅgarbhā॒ anna̭-mpañcavi॒gṃ॒śo-'nna̭me॒va da̭kṣiṇa॒to dha̭tte॒ tasmā॒-ddakṣi̭ṇe॒nā-'nna̭madya॒te 'di̭tyai bhā॒go̭- [-'di̭tyai bhā॒gaḥ, a॒sīti̭ pa॒ścā-tpra̭ti॒ṣṭhā] 18

-'sīti̭ pa॒ścā-tpra̭ti॒ṣṭhā vā adi̭tiḥ prati॒ṣṭhā pū॒ṣā pra̭ti॒ṣṭhā tri̭ṇa॒vaḥ prati̭ṣṭhityai de॒vasya̭ savi॒turbhā॒go̭-' sītyṷttara॒to brahma॒ vai de॒va-ssa̭vi॒tā brahma॒ bṛha॒spati॒rbrahma̭ catuṣṭo॒mo bra̭hmavarca॒same॒votta̭ra॒to dha̭tte॒ tasmā॒dutta॒ro-'rdho᳚ brahmavarca॒sita̭ra-ssāvi॒trava̭tī bhavati॒ prasū᳚tyai॒ tasmā᳚-dbrāhma॒ṇānā॒mudī̭cī sa॒niḥ prasṷ̄tā dha॒rtraśca̭tuṣṭo॒ma iti̭ pu॒rastā॒dupa̭ dadhāti yajñamu॒khaṃ-vai~ dha॒rtro [dha॒rtraḥ, ya॒jña॒mu॒kha-ñca̭tuṣṭo॒mo] 19

ya̭jñamu॒kha-ñca̭tuṣṭo॒mo ya̭jñamu॒khame॒va pu॒rastā॒dvi yā̭tayati॒ yāvā̭nā-mbhā॒go̭-'sīti̭ dakṣiṇa॒to māsā॒ vai yāvā̭ ardhamā॒sā ayā̭vā॒-stasmā᳚-ddakṣi॒ṇāvṛ̭to॒ māsā॒ annaṃ॒-vai~ yāvā॒ anna̭-mpra॒jā anna̭me॒va da̭kṣiṇa॒to dha̭tte॒ tasmā॒-ddakṣi̭ṇe॒nā-nna̭madyata ṛbhū॒ṇā-mbhā॒go̭-'sīti̭ pa॒ścā-tprati̭ṣṭhityai viva॒rto᳚ 'ṣṭācatvāri॒gṃ॒śa ityṷttara॒to̭-'nayo᳚rlo॒kayo᳚-ssavīrya॒tvāya॒ tasmā̭di॒mau lo॒kau sa॒māva̭-dvīryau॒ [sa॒māva̭-dvīryau, yasya॒ mukhya̭vatīḥ] 20

yasya॒ mukhya̭vatīḥ pu॒rastā̭dupadhī॒yante॒ mukhya̭ e॒va bha̭va॒tyā-'sya॒ mukhyo̭ jāyate॒ yasyā-nna̭vatī - rdakṣiṇa॒to-'ttyanna॒mā-'syā᳚nnā॒do jā̭yate॒ yasya̭ prati॒ṣṭhāva̭tīḥ pa॒ścā-tpratye॒va ti̭ṣṭhati॒ yasyauja̭svatīruttara॒ta o̭ja॒svyḙva bha̭va॒tyā-'syaṷja॒svī jā̭yate॒ 'rko vā e॒ṣa yada॒gnistasyai॒tade॒va sto॒trame॒taccha॒straṃ-ya~de॒ṣā vi॒dhā [vi॒dhā, vi॒dhī॒yate॒-'rka e॒va] 21

vi̭dhī॒yate॒-'rka e॒va tada॒rkya̭manu॒ vi dhī̭ya॒te 'ttyanna॒mā-'syā᳚nnā॒do jā̭yate॒ yasyai॒ṣā vi॒dhā vi̭dhī॒yate॒ ya ṷ caināme॒vaṃ-ve~da॒ sṛṣṭī॒rupa̭ dadhāti yathāsṛ॒ṣṭame॒vāva̭ rundhe॒ na vā i॒da-ndivā॒ na nakta̭māsī॒davyā̭vṛtta॒-nte de॒vā e॒tā vyṷṣṭīrapaśya॒-ntā upā̭dadhata॒ tato॒ vā i॒daṃ ~vyau᳚ccha॒-dyasyai॒tā ṷpadhī॒yante॒ vyḙvāsmā̭ uccha॒tyatho॒ tama̭ e॒vāpa̭hate || 22 ||

(vai ja॒nitraṃ̭ - pañcada॒śo - 'di̭tyai bhā॒go - vai dha॒rtraḥ - sa॒māva̭dvīryai-vi॒dhā-tato॒ vā i॒daṃ - catṷrdaśa ca ) (a. 4)

(a॒gne - rnṛ॒cakṣa̭sāṃ - ja॒nitraṃ̭ - mi॒tra - syendra̭sya॒ -vasṷ̄nā - mādi॒tyānā॒ - madi̭tyai - de॒vasya̭ savi॒tuḥ - sā̭vi॒trava̭tī - dha॒rtro - yāvā̭nā-mṛbhū॒ṇāṃ - ~vi̭va॒rta - ścatṷrdaśa)

agnḙ jā॒tā-npraṇṷdā na-ssa॒patnā॒niti̭ pu॒rastā॒dupa̭ dadhāti jā॒tāne॒va bhrātṛ̭vyā॒-npraṇṷdate॒ saha̭sā jā॒tāniti̭ pa॒ścājja̭ni॒ṣyamā̭ṇāne॒va prati̭ nudate catuścatvāri॒gṃ॒śa-sstoma॒ iti̭ dakṣiṇa॒to bra̭hmavarca॒saṃ-vai~ ca̭tuścatvāri॒gṃ॒śo bra̭hmavarca॒same॒va da̭kṣiṇa॒to dha̭tte॒ tasmā॒-ddakṣi॒ṇo-'rdho᳚ brahmavarca॒sita̭ra-ṣṣoḍa॒śa-sstoma॒ ityṷttara॒ta ojo॒ vai ṣo̭ḍa॒śa oja̭ e॒votta̭ra॒to dha̭tte॒ tasmā̭- [tasmā᳚t, u॒tta॒ra॒to॒-'bhi॒pra॒yā॒yī] 23

-duttarato-'bhiprayā॒yī ja̭yati॒ vajro॒ vai ca̭tuścatvāri॒gṃ॒śo vajraḥ̭ ṣoḍa॒śo yade॒te iṣṭa̭ke upa॒dadhā̭ti jā॒tāgścai॒va ja̭ni॒ṣyamā̭ṇāgśca॒ bhrātṛ̭vyā-npra॒ṇudya॒ vajra॒manu॒ praha̭rati॒ stṛtyai॒ purī̭ṣavatī॒-mmaddhya॒ upa̭dadhāti॒ purī̭ṣaṃ॒-vai~ maddhya̭mā॒tmana॒-ssātmā̭name॒vāgni-ñci̭nute॒ sātmā॒-'muṣmi̭n ~lo॒ke bha̭vati॒ ya e॒vaṃ-ve~dai॒tā vā a̭sapa॒tnā nāmeṣṭa̭kā॒ yasyai॒tā ṷpadhī॒yante॒ [ṷpadhī॒yante᳚, nā-'sya̭] 24

nā-'sya̭ sa॒patno̭ bhavati pa॒śurvā e॒ṣa yada॒gnirvi॒rāja̭ utta॒māyā॒-ñcityā॒mupa̭ dadhāti vi॒rāja̭me॒votta॒mā-mpa॒śuṣṷ dadhāti॒ tasmā᳚-tpaśu॒mānṷtta॒māṃ-vā~caṃ̭-va~dati॒ daśa̭da॒śopa̭ dadhāti savīrya॒tvāyā᳚-'kṣṇa॒yopa̭ dadhāti॒ tasmā̭dakṣṇa॒yā pa॒śavo-'ṅgā̭ni॒ praha̭ranti॒ prati̭ṣṭhityai॒ yāni॒ vai chandāgṃ̭si suva॒rgyā᳚ṇyāsa॒-ntairde॒vā-ssṷva॒rgaṃ-lo~॒kamā̭ya॒-ntenarṣa̭yo- [-~lo॒kamā̭ya॒-ntenarṣa̭yaḥ, a॒śrā॒mya॒-nte tapo̭-'tapyanta॒] 25

-'śrāmya॒-nte tapo̭-'tapyanta॒ tāni॒ tapa̭sā-'paśya॒-ntebhya̭ e॒tā iṣṭa̭kā॒ nira̭mima॒teva॒śchando॒ vari̭va॒śchanda॒ iti॒ tā upā̭dadhata॒ tābhi॒rvai te sṷva॒rgaṃ-lo~॒kamā̭ya॒n॒. yade॒tā iṣṭa̭kā upa॒dadhā̭ti॒ yānye॒va chandāgṃ̭si suva॒rgyā̭ṇi॒ taire॒va yaja̭māna-ssuva॒rgaṃ-lo~॒kamḙti ya॒jñena॒ vai pra॒jāpa̭tiḥ pra॒jā a̭sṛjata॒ tā-sstoma̭ bhāgaire॒vā-'sṛ̭jata॒ ya- [-'sṛ̭jata॒ yat, stoma̭ bhāgā upa॒dadhā̭ti] 26

-thstoma̭ bhāgā upa॒dadhā̭ti pra॒jā e॒va ta-dyaja̭māna-ssṛjate॒ bṛha॒spati॒rvā e॒ta-dya॒jñasya॒ teja॒-ssama̭bhara॒dya-thstoma̭bhāgā॒ ya-thstoma̭bhāgā upa॒dadhā̭ti॒ satḙjasame॒vāgni-ñci̭nute॒ bṛha॒spati॒rvā e॒tāṃ-ya~॒jñasya̭ prati॒ṣṭhāma̭paśya॒dya-thstoma̭bhāgā॒ ya-thstoma̭bhāgā upa॒dadhā̭ti ya॒jñasya॒ prati̭ṣṭhityai sa॒ptasa॒ptopa̭ dadhāti savīrya॒tvāya̭ ti॒sro maddhye॒ prati̭ṣṭhityai || 27 ||

( u॒tta॒ra॒to dha̭tte॒ tasmā̭ - dupadhī॒yanta॒ - ṛṣa̭yo - 'sṛjata॒ yat - trica̭tvārigṃśacca) (a. 5)

ra॒śmiritye॒vā ''di॒tyama̭sṛjata॒ preti॒riti॒ dharma॒manvi̭ti॒riti॒ divagṃ̭ sa॒dhiṃritya॒ntari̭kṣa-mprati॒dhiriti̭ pṛthi॒vīṃ-vi~̭ṣṭa॒mbha iti॒ vṛṣṭi̭-mpra॒vetyaha̭ranu॒veti॒ rātri̭mu॒śigiti॒ vasū᳚-nprake॒ta iti̭ ru॒drān-thsṷdī॒tirityā̭di॒tyānoja॒ iti̭ pi॒tṝgstantu॒riti̭ pra॒jāḥ pṛ̭tanā॒ṣāḍiti̭ pa॒śū-nre॒vadityo-ṣa̭dhīrabhi॒jida̭si yu॒ktagrā॒ve- [yu॒ktagrā̭vā, indrā̭ya॒ tvendra̭-ñji॒nvetye॒va] 28

-ndrā̭ya॒ tvendra̭-ñji॒nvetye॒va da̭kṣiṇa॒to vajra॒-mparyaṷhada॒bhiji̭tyai॒ tāḥ pra॒jā apa̭prāṇā asṛjata॒ tāsvadhi̭patira॒sītye॒va prā॒ṇama̭dadhā-dya॒ntetya̭pā॒nagṃ sa॒gṃ॒sarpa॒ iti॒ cakṣṷrvayo॒dhā iti॒ śrotra॒-ntāḥ pra॒jāḥ prā̭ṇa॒tīra̭pāna॒tīḥ paśya̭ntī-śśṛṇva॒tīrna mi̭thu॒nī a̭bhava॒-ntāsṷ tri॒vṛda॒sītye॒va mi̭thu॒nama̭dadhā॒-ttāḥ pra॒jā mi̭thu॒nī [ ] 29

bhava̭ntī॒rna prājā̭yanta॒ tā-ssagṃ̭ro॒ho̭-'si nīro॒ho̭-'sītye॒va prā-'ja̭naya॒-ttāḥ pra॒jāḥ prajā̭tā॒ na pratya̭tiṣṭha॒-ntā va̭su॒ko̭-'si॒ veṣa̭śrirasi॒ vasya̭ṣṭira॒sītye॒vaiṣu lo॒keṣu॒ pratya̭sthāpaya॒dyadāha̭ vasu॒ko̭-'si॒ veṣa̭śrirasi॒ vasya̭ṣṭira॒sīti̭ pra॒jā e॒va prajā̭tā e॒ṣu lo॒keṣu॒ prati̭ṣṭhāpayati॒ sātmā॒-'ntari̭kṣagṃ rohati॒ saprā̭ṇo॒-'muṣmi̭n ~lo॒ke prati̭ tiṣṭha॒tyavya̭rdhukaḥ prāṇāpā॒nābhyā᳚-mbhavati॒ ya e॒vaṃ-ve~da̭ || 30 ||

(yu॒ktagrā̭vā - pra॒jā mi̭thu॒nya̭ - ntari̭kṣaṃ॒ - dvāda̭śa ca) (a. 6)

nā॒ka॒sadbhi॒rvai de॒vā-ssṷva॒rgaṃ-lo~॒kamā̭ya॒-ntannā̭ka॒sadā᳚-nnākasa॒ttvaṃ-ya~nnā̭ka॒sada̭ upa॒dadhā̭ti nāka॒sadbhi̭re॒va ta-dyaja̭māna-ssuva॒rgaṃ-lo~॒kamḙti suva॒rgo vai lo॒ko nāko॒ yasyai॒tā ṷpadhī॒yante॒ nāsmā॒ aka̭-mbhavati yajamānāyata॒naṃ-vai~ nā̭ka॒sado॒ yannā̭ka॒sada̭ upa॒dadhā᳚tyā॒yata̭name॒va ta-dyaja̭mānaḥ kurute pṛ॒ṣṭhānāṃ॒-vā~ e॒ta-tteja॒-ssambhṛ̭taṃ॒-ya~nnā̭ka॒sado॒ yannā̭ka॒sada̭ [yannā̭ka॒sadaḥ̭, u॒pa॒dadhā̭ti pṛ॒ṣṭhānā̭me॒va] 31

upa॒dadhā̭ti pṛ॒ṣṭhānā̭me॒va tejo-'va̭ rundhe pañca॒coḍā॒ upa̭ dadhātyaphsa॒rasa̭ e॒vaina̭me॒tā bhū॒tā a॒muṣmi̭n ~lo॒ka upa̭ śe॒re-'tho̭ tanū॒pānī̭re॒vaitā yaja̭mānasya॒ ya-ndvi॒ṣyā-ttamṷpa॒dadha̭ddhyāyede॒tābhya̭ e॒vaina̭-nde॒vatā᳚bhya॒ ā vṛ̭ścati tā॒jagārti॒mārccha॒tyutta̭rā nāka॒sadbhya॒ upa̭dadhāti॒ yathā̭ jā॒yāmā॒nīya̭ gṛ॒heṣṷ niṣā॒daya̭ti tā॒dṛge॒va ta- [tā॒dṛge॒va tat, pa॒ścā-tprācī̭-] 32

-tpa॒ścā-tprācī̭-mutta॒māmupa̭ dadhāti॒ tasmā᳚-tpa॒ścā-tprācī॒ patnyanvā᳚ste svayamātṛ॒ṇṇā-ñca̭ vika॒rṇī-ñco᳚tta॒me upa̭ dadhāti prā॒ṇo vai sva̭yamātṛ॒ṇṇā-''yṷrvika॒rṇī prā॒ṇa-ñcai॒vā-''yṷśca prā॒ṇānā̭mutta॒mau dha̭tte॒ tasmā᳚-tprā॒ṇaścā-''yṷśca prā॒ṇānā̭mutta॒mau nānyāmutta̭rā॒miṣṭa̭kā॒mupa̭ daddhyā॒-dyada॒nyāmutta̭rā॒-miṣṭa̭kā-mupada॒ddhyā-tpa̭śū॒nā- [-mupada॒ddhyā-tpa̭śū॒nām, ca॒ yaja̭mānasya ca] 33

-ñca॒ yaja̭mānasya ca prā॒ṇa-ñcā-''yu॒ścāpi̭ daddhyā॒-ttasmā॒nnā-nyotta॒reṣṭa̭kopa॒dheyā᳚ svayamātṛ॒ṇṇāmupa̭ dadhātya॒sau vai sva̭yamātṛ॒ṇṇā- 'mūme॒vopa̭ dha॒tte 'śva॒mupa̭ ghrāpayati prā॒ṇame॒vāsyā᳚-ndadhā॒tyatho᳚ prājāpa॒tyo vā aśvaḥ̭ pra॒jāpa̭tinai॒vāgni-ñci̭nute svayamātṛ॒ṇṇā bha̭vati prā॒ṇānā॒muthsṛ̭ṣṭyā॒ atho̭ suva॒rgasya̭ lo॒kasyā-'nṷkhyātyā e॒ṣā vai de॒vānāṃ॒-vi~krā᳚nti॒rya-dvi̭ka॒rṇī ya-dvi̭ka॒rṇīmṷpa॒dadhā̭ti de॒vānā̭me॒va vikrā᳚nti॒manu॒ vikra̭mata uttara॒ta upa̭dadhāti॒ tasmā̭duttara॒ta ṷpacāro॒-'gni rvā̭yu॒matī̭ bhavati॒ sami̭ddhyai || 34 ||

(sambhṛ̭taṃ॒-ya~nnā̭ka॒sado॒ yannā̭ka॒sada॒ - stat - pa̭śū॒nā-me॒ṣā vai-dvāvigṃ̭śatiśca) (a. 7)

chandā॒g॒syupa̭ dadhāti pa॒śavo॒ vai chandāgṃ̭si pa॒śūne॒vāva̭ rundhe॒ chandāgṃ̭si॒ vai de॒vānāṃ᳚-vā~॒ma-mpa॒śavo̭ vā॒mame॒va pa॒śūnava̭ rundha e॒tāgṃ ha॒ vai ya॒jñasḙna-ścaitriyāya॒ṇa-ścitiṃ̭-vi~॒dā-ñca̭kāra॒ tayā॒ vai sa pa॒śūnavā̭rundha॒ yade॒tāmṷpa॒dadhā̭ti pa॒śūne॒vāva̭ rundhe gāya॒trīḥ pu॒rastā॒dupa̭ dadhāti॒ tejo॒ vai gā̭ya॒trī teja̭ e॒va [teja̭ e॒va, mu॒kha॒to dha̭tte] 35

mṷkha॒to dha̭tte mūrdha॒nvatī᳚rbhavanti mū॒rdhāna̭me॒vainagṃ̭ samā॒nānā᳚-ṅkaroti tri॒ṣṭubha॒ upa̭ dadhātīndri॒yaṃ-vai~ tri॒ṣṭugi̭ndri॒yame॒va ma̭ddhya॒to dha̭tte॒ jaga̭tī॒rupa̭ dadhāti॒ jāga̭tā॒ vai pa॒śavaḥ̭ pa॒śūne॒vāva̭ rundhe 'nu॒ṣṭubha॒ upa̭ dadhāti prā॒ṇā vā a̭nu॒ṣṭup prā॒ṇānā॒muthsṛ̭ṣṭyai bṛha॒tīru॒ṣṇihāḥ᳚ pa॒ṅktīra॒kṣara̭paṅktī॒riti॒ viṣṷrūpāṇi॒ chandā॒g॒syupa̭ dadhāti॒ viṣṷrūpā॒ vai pa॒śavaḥ̭ pa॒śava॒- [pa॒śavaḥ̭ pa॒śavaḥ̭, chandāgṃ̭si॒ viṣṷrūpāne॒va] 36

-śchandāgṃ̭si॒ viṣṷrūpāne॒va pa॒śūnava̭ rundhe॒ viṣṷrūpamasya gṛ॒he dṛ̭śyate॒ yasyai॒tā ṷpadhī॒yante॒ ya ṷ cainā e॒vaṃ-ve~dā-'ti̭cchandasa॒mupa̭ dadhā॒tyati̭cchandā॒ vai sarvā̭ṇi॒ chandāgṃ̭si॒ sarvḙbhire॒vaina॒-ñchando̭bhiścinute॒ varṣma॒ vā e॒ṣā chanda̭sāṃ॒-ya~dati̭cchandā॒ yadati̭cchandasa-mupa॒dadhā̭ti॒ varṣmai॒vainagṃ̭ samā॒nānā᳚-ṅkaroti dvi॒padā॒ upa̭ dadhāti dvi॒pā-dyaja̭mānaḥ॒ prati̭ṣṭhityai || 37 ||

(teja̭ e॒va - pa॒śavaḥ̭ pa॒śavo॒ - yaja̭māna॒ - eka̭ñca) (a. 8)

sarvā᳚bhyo॒ vai de॒vatā᳚bhyo॒-'gniścī̭yate॒ ya-thsa॒yujo॒ nopa̭da॒ddhyā-dde॒vatā̭ asyā॒gniṃ-vṛ~̭ñjīra॒n॒. ya-thsa॒yuja̭ upa॒dadhā᳚tyā॒tmanai॒vainagṃ̭ sa॒yuja̭-ñcinute॒ nāgninā॒ vyṛ̭ddhya॒te-'tho॒ yathā॒ purṷṣa॒-ssnāva̭bhi॒-ssanta̭ta e॒vame॒vaitābhi̭ra॒gni-ssanta̭to॒ 'gninā॒ vai de॒vā-ssṷva॒rgaṃ-lo~॒kamā̭ya॒-ntā a॒mūḥ kṛtti̭kā abhava॒n॒ yasyai॒tā ṷpa dhī॒yantḙ suva॒rgame॒va [ ] 38

lo॒kamḙti॒ gaccha̭ti prakā॒śa-ñci॒trame॒va bha̭vati maṇḍaleṣṭa॒kā upa̭ dadhātī॒me vai lo॒kā ma̭ṇḍaleṣṭa॒kā i॒me khalu॒ vai lo॒kā dḙvapu॒rā dḙvapu॒rā e॒va pravi̭śati॒ nā-''rti॒mārccha̭tya॒gni-ñci̭kyā॒no vi॒śvajyo̭tiṣa॒ upa̭ dadhātī॒māne॒vaitābhi-̭rlo॒kān jyoti̭ṣmataḥ kuru॒te-'tho᳚ prā॒ṇāne॒vaitā yaja̭mānasya dāddhratye॒tā vai de॒vatā᳚-ssuva॒rgyā᳚stā e॒vā- -nvā॒rabhya̭ suva॒rgaṃ-lo~॒kamḙti || 39 ||

(su॒va॒rgame॒va - tā e॒va - ca॒tvāri̭ ca) (a. 9)

vṛ॒ṣṭi॒sanī॒rupa̭ dadhāti॒ vṛṣṭi̭me॒vāva̭ rundhe॒ yadḙka॒dhopa̭da॒ddhyādeka̭mṛ॒tuṃ-va~̭rṣedanupari॒hāragṃ̭ sādayati॒ tasmā॒-thsarvā̭nṛ॒tūn. va̭rṣati purovāta॒sani̭-ra॒sītyā̭hai॒tadvai vṛṣṭyai̭ rū॒pagṃ rū॒peṇai॒va vṛṣṭi॒mava̭ rundhe saṃ॒yā~nī̭bhi॒rvai de॒vā i॒mān ~lo॒kān-thsama̭yu॒sta-thsaṃ॒yā~nī̭nāgṃ saṃyā~ni॒tvaṃ-ya~-thsaṃ॒yā~nī̭rupa॒dadhā̭ti॒ yathā॒-'phsu nā॒vā saṃ॒yā~tye॒va- [saṃ॒yā~tye॒vam, e॒vaitābhi॒] 40

-me॒vaitābhi॒ ryaja̭māna i॒mān ~lo॒kān-thsaṃ-yā~̭ti pla॒vo vā e॒ṣo᳚-'gnerya-thsaṃ॒yā~nī॒rya-thsaṃ॒yā~nī̭rupa॒dadhā̭ti pla॒vame॒vaitama॒gnaya॒ upa̭dadhātyu॒ta yasyai॒tāsūpa̭hitā॒svāpo॒-'gnigṃ hara॒ntyahṛ̭ta e॒vāsyā॒-gnirā̭dityeṣṭa॒kā upa̭ dadhātyādi॒tyā vā e॒ta-mbhūtyai॒ prati̭nudante॒ yo-'la॒-mbhūtyai॒ sa-nbhūti॒-nna prā॒pnotyā̭di॒tyā [prā॒pnotyā̭di॒tyāḥ, e॒vaina॒-mbhūti̭-] 41

e॒vaina॒-mbhūti̭-ṅgamayantya॒sau vā e॒tasyā̭-''di॒tyo ruca॒mā da̭tte॒ yo᳚-'gni-ñci॒tvā na roca̭te॒ yadā̭dityeṣṭa॒kā ṷpa॒dadhā᳚tya॒sāve॒-vāsmi̭nnādi॒tyo ruca̭-ndadhāti॒ yathā॒-'sau de॒vānā॒gṃ॒ roca̭ta e॒vame॒vaiṣa ma̭nu॒ṣyā̭ṇāgṃ rocate ghṛteṣṭa॒kā upa̭ dadhātye॒tadvā a॒gneḥ pri॒ya-ndhāma॒ ya-dghṛ॒ta-mpri॒yeṇai॒vaina॒-ndhāmnā॒ sama̭rdhaya॒- [sama̭rdhayati, atho॒] 42

-tyatho॒ teja̭sā 'nupari॒hāragṃ̭ sādaya॒-tyapa̭rivarga-me॒vāsmi॒-ntejo̭ dadhāti pra॒jāpa̭tira॒gnima̭cinuta॒ sa yaśa̭sā॒ vyā᳚rdhyata॒ sa e॒tā ya̭śo॒dā a̭paśya॒-ttā upā̭dhatta॒ tābhi॒rvai sa yaśa̭ ā॒tmanna̭dhatta॒ yadya̭śo॒dā ṷpa॒dadhā̭ti॒ yaśa̭ e॒va tābhi॒ryaja̭māna ā॒tma-ndha̭tte॒ pañcopa̭ dadhāti॒ pāṅktaḥ॒ purṷṣo॒ yāvā̭ne॒va purṷṣa॒stasmi॒n॒ yaśo̭ dadhāti || 43 ||

(e॒vaṃ - prā॒protyā̭di॒tyā - a̭rdhaya॒tye - kā॒nna pa̭ñcā॒śacca̭) (a. 10)

de॒vā॒su॒rā-ssaṃya~̭ttā āsa॒n kanī̭yāgṃso de॒vā āsa॒-nbhūyā॒gṃ॒so-'sṷrā॒ste de॒vā e॒tā iṣṭa̭kā apaśya॒-ntā upā̭dadhata bhūya॒skṛda॒sītye॒va bhūyāgṃ̭so-'bhava॒n vana॒spati̭bhi॒-roṣa̭dhībhi-rvariva॒skṛda॒sītī॒-māma̭jaya॒-nprācya॒sīti॒ prācī॒-ndiśa̭majayannū॒rdhvā 'sītya॒mūma̭jaya-nnantarikṣa॒sada̭sya॒ntari̭kṣe sī॒detya॒-ntari̭kṣamajaya॒-ntato̭ de॒vā abha̭va॒- [de॒vā abha̭vann, parā-'sṷrā॒] 44

-nparā-'sṷrā॒ yasyai॒tā ṷpadhī॒yante॒ bhūyā̭ne॒va bha̭vatya॒bhīmān ~lo॒kān ja̭yati॒ bhava̭tyā॒tmanā॒ parā᳚-'sya॒ bhrātṛ̭vyo bhavatyaphsu॒ṣada̭si śyena॒sada॒sītyā̭hai॒tadvā a॒gne rū॒pagṃ rū॒peṇai॒vāgnimava̭ rundhe pṛthi॒vyāstvā॒ dravi̭ṇe sādayā॒mī-tyā̭he॒māne॒vaitābhi̭-rlo॒kā-ndravi̭ṇāvataḥ kuruta āyu॒ṣyā̭ upa̭ dadhā॒tyāyṷre॒vā- [upa̭ dadhā॒tyāyṷre॒va, a॒smi॒-nda॒dhā॒tyagne॒] 45

-'smi̭-ndadhā॒tyagne॒ yatte॒ para॒gṃ॒ hṛnnāmetyā̭hai॒tadvā a॒gneḥ pri॒ya-ndhāma̭ pri॒yame॒vāsya॒ dhāmopā᳚-''pnoti॒ tāvehi॒ sagṃ ra̭bhāvahā॒ ityā̭ha॒ vyḙvainḙna॒ pari̭ dhatte॒ pāñca̭janye॒ṣvapye᳚ddhyagna॒ ityā̭hai॒ṣa vā a॒gniḥ pāñca̭janyo॒ yaḥ pañca̭citīka॒-stasmā̭de॒vamā̭harta॒vyā̭ upa̭ dadhātye॒tadvā ṛ̭tū॒nā-mpri॒ya-ndhāma॒ yadṛ̭ta॒vyā̭ ṛtū॒nāme॒va pri॒ya-ndhāmāva̭ rundhe su॒meka॒ ityā̭ha saṃva~thsa॒ro vai su॒mekaḥ̭ saṃva~thsa॒rasyai॒va pri॒ya-ndhāmopā᳚-''pnoti || 46 ||

(abha̭va॒ - nnāyṷre॒va - rta॒vyā̭ upa॒ - ṣaḍvigṃ̭śatiśca) (a. 11)

pra॒jāpa̭te॒rakṣya̭śvaya॒-tta-tparā̭-'pata॒-ttadaśvo̭-'bhava॒-dyadaśva̭ya॒-ttadaśva̭syāśva॒tva-ntadde॒vā a̭śvame॒dhenai॒va pratya̭dadhure॒ṣa vai pra॒jāpa̭ti॒gṃ॒ sarva̭-ṅkaroti॒ yo᳚-'śvame॒dhena॒ yaja̭te॒ sarva̭ e॒va bha̭vati॒ sarva̭sya॒ vā e॒ṣā prāya̭ścitti॒-ssarva̭sya bheṣa॒jagṃ sarvaṃ॒-vā~ e॒tena̭ pā॒pmāna̭-nde॒vā a̭tara॒nnapi॒ vā e॒tena̭ brahmaha॒tyā-ma̭tara॒n-thsarva̭-mpā॒pmāna̭- [-ma̭tara॒n-thsarva̭-mpā॒pmāna᳚m, ta॒ra॒ti॒ tara̭ti] 47

-ntarati॒ tara̭ti brahmaha॒tyāṃ-yo~᳚-'śvame॒dhena॒ yaja̭te॒ ya ṷ cainame॒vaṃ-ve~dotta̭raṃ॒-vai~ ta-tpra॒jāpa̭te॒rakṣya̭śvaya॒-ttasmā॒daśva̭syottara॒to-'va̭ dyanti dakṣiṇa॒to᳚-'nyeṣā᳚-mpaśū॒nāṃ-vai~̭ta॒saḥ kaṭo̭ bhavatya॒phsuyo̭ni॒rvā aśvo᳚-'phsu॒jo vḙta॒sa-ssva e॒vainaṃ॒-yo~nau॒ prati̭ṣṭhāpayati catuṣṭo॒ma-sstomo̭ bhavati sa॒raḍḍha॒ vā aśva̭sya॒ sakthyā-'vṛ̭ha॒-tta-dde॒vāśca̭tuṣṭo॒menai॒va pratya̭dadhu॒ryacca̭tuṣṭo॒ma-sstomo॒ bhava॒tyaśva̭sya sarva॒tvāya̭ || 48 ||

(sarva̭ma pā॒pmāna̭ - mavṛha॒-d- dvāda̭śa ca) (a. 12)

(u॒thsa॒nna॒ya॒jña - indrā᳚gnī - de॒vā vā a̭kṣṇayāsto॒mīyā̭ - a॒gnerbhā॒go᳚ - 'syagnḙ jā॒tān - ra॒śmiriti̭ - nāka॒sadbhiḥ॒ -chandāgṃ̭si॒ - sarvā᳚bhyo - vṛṣṭi॒sanī᳚ - rdevāsu॒rāḥ kanī̭yāgṃsaḥ - pra॒jāpa̭te॒rakṣi॒ - dvāda̭śa )

(u॒thsa॒nna॒ya॒jño - de॒vā vai - yasya॒ mukhya̭vatī - rnāka॒sadbhi̭re॒ - vai tābhi̭ra॒ - ṣṭāca̭tvārigṃśat)

(u॒thsa॒nna॒ya॒jña, ssa̭rva॒tvāya̭)

|| hariḥ̭ om ||

|| kṛṣṇa yajurvedīya taittirīya saṃhitāyā-mpañcamakāṇḍe tṛtīyaḥ praśna-ssamāptaḥ ||