3.3 - Agne Tejasvintejasvi - Krishna Yajurveda Taittiriya Samhita Pathah

ॐ

3.3 - 𑌅𑌗𑍍𑌨𑍇 𑌤𑍇𑌜𑌸𑍍𑌵𑌿𑌨𑍍𑌤𑍇𑌜𑌸𑍍𑌵𑍀 - 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦 𑌤𑍈𑌤𑍍𑌤𑌿𑌰𑍀𑌯 𑌸𑌂𑌹𑌿𑌤𑌾 𑌪𑌾𑌠𑌃

Krishna Vedic Grantha

𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌸𑌂𑌹𑌿𑌤𑌾𑌯𑌾-𑌨𑍍𑌤𑍃𑌤𑍀𑌯𑌕𑌾𑌣𑍍𑌡𑍇 𑌤𑍃𑌤𑍀𑌯𑌃 𑌪𑍍𑌰𑌶𑍍𑌨𑌃 - 𑌵𑍈𑌕𑍃𑌤𑌵𑌿𑌧𑍀𑌨𑌾𑌮𑌭𑌿𑌧𑌾𑌨𑌂

𑌓-𑌨𑍍𑌨𑌮𑌃 𑌪𑌰𑌮𑌾𑌤𑍍𑌮𑌨𑍇, 𑌶𑍍𑌰𑍀 𑌮𑌹𑌾𑌗𑌣𑌪𑌤𑌯𑍇 𑌨𑌮𑌃,

𑌶𑍍𑌰𑍀 𑌗𑍁𑌰𑍁𑌭𑍍𑌯𑍋 𑌨𑌮𑌃 । 𑌹॒𑌰𑌿𑌃॒ 𑌓𑌮𑍍 ॥

𑌅𑌗𑍍𑌨𑍇॑ 𑌤𑍇𑌜𑌸𑍍𑌵𑌿-𑌨𑍍𑌤𑍇𑌜॒𑌸𑍍𑌵𑍀 𑌤𑍍𑌵-𑌨𑍍𑌦𑍇॒𑌵𑍇𑌷𑍁॑ 𑌭𑍂𑌯𑌾॒𑌸𑍍𑌤𑍇𑌜॑𑌸𑍍𑌵𑌨𑍍𑌤॒-𑌮𑍍𑌮𑌾𑌮𑌾𑌯𑍁॑𑌷𑍍𑌮𑌨𑍍𑌤𑌂॒-𑌵𑌁𑌰𑍍𑌚॑𑌸𑍍𑌵𑌨𑍍𑌤-𑌮𑍍𑌮𑌨𑍁॒𑌷𑍍𑌯𑍇॑𑌷𑍁 𑌕𑍁𑌰𑍁 𑌦𑍀॒𑌕𑍍𑌷𑌾𑌯𑍈॑ 𑌚 𑌤𑍍𑌵𑌾॒ 𑌤𑌪॑𑌸𑌶𑍍𑌚॒ 𑌤𑍇𑌜॑𑌸𑍇 𑌜𑍁𑌹𑍋𑌮𑌿 𑌤𑍇𑌜𑍋॒𑌵𑌿𑌦॑𑌸𑌿॒ 𑌤𑍇𑌜𑍋॑ 𑌮𑌾॒ 𑌮𑌾 𑌹𑌾॑𑌸𑍀॒𑌨𑍍𑌮𑌾-𑌽𑌹-𑌨𑍍𑌤𑍇𑌜𑍋॑ 𑌹𑌾𑌸𑌿𑌷॒-𑌮𑍍𑌮𑌾 𑌮𑌾-𑌨𑍍𑌤𑍇𑌜𑍋॑ 𑌹𑌾𑌸𑍀॒𑌦𑌿𑌨𑍍𑌦𑍍𑌰𑍗॑𑌜𑌸𑍍𑌵𑌿𑌨𑍍𑌨𑍋𑌜॒𑌸𑍍𑌵𑍀 𑌤𑍍𑌵-𑌨𑍍𑌦𑍇॒𑌵𑍇𑌷𑍁॑ 𑌭𑍂𑌯𑌾॒ 𑌓𑌜॑𑌸𑍍𑌵𑌨𑍍𑌤॒-𑌮𑍍𑌮𑌾𑌮𑌾𑌯𑍁॑𑌷𑍍𑌮𑌨𑍍𑌤𑌂॒-𑌵𑌁𑌰𑍍𑌚॑𑌸𑍍𑌵𑌨𑍍𑌤-𑌮𑍍𑌮𑌨𑍁॒𑌷𑍍𑌯𑍇॑𑌷𑍁 𑌕𑍁𑌰𑍁॒ 𑌬𑍍𑌰𑌹𑍍𑌮॑𑌣𑌶𑍍𑌚 𑌤𑍍𑌵𑌾 𑌕𑍍𑌷॒𑌤𑍍𑌰𑌸𑍍𑌯॒ 𑌚𑍗- [𑌕𑍍𑌷॒𑌤𑍍𑌰𑌸𑍍𑌯॒ 𑌚, 𑌓𑌜॑𑌸𑍇 𑌜𑍁𑌹𑍋𑌮𑍍𑌯𑍋𑌜𑍋॒𑌵𑌿-] 1

-𑌜॑𑌸𑍇 𑌜𑍁𑌹𑍋𑌮𑍍𑌯𑍋𑌜𑍋॒𑌵𑌿-𑌦॒𑌸𑍍𑌯𑍋𑌜𑍋॑ 𑌮𑌾॒ 𑌮𑌾 𑌹𑌾॑𑌸𑍀॒𑌨𑍍𑌮𑌾-𑌽𑌹𑌮𑍋𑌜𑍋॑ 𑌹𑌾𑌸𑌿𑌷॒-𑌮𑍍𑌮𑌾 𑌮𑌾𑌮𑍋𑌜𑍋॑ 𑌹𑌾𑌸𑍀॒-𑌥𑍍𑌸𑍂𑌰𑍍𑌯॑ 𑌭𑍍𑌰𑌾𑌜𑌸𑍍𑌵𑌿-𑌨𑍍𑌭𑍍𑌰𑌾𑌜॒𑌸𑍍𑌵𑍀 𑌤𑍍𑌵-𑌨𑍍𑌦𑍇॒𑌵𑍇𑌷𑍁॑ 𑌭𑍂𑌯𑌾॒ 𑌭𑍍𑌰𑌾𑌜॑𑌸𑍍𑌵𑌨𑍍𑌤॒-𑌮𑍍𑌮𑌾𑌮𑌾𑌯𑍁॑𑌷𑍍𑌮𑌨𑍍𑌤𑌂॒-𑌵𑌁𑌰𑍍𑌚॑𑌸𑍍𑌵𑌨𑍍𑌤-𑌮𑍍𑌮𑌨𑍁॒𑌷𑍍𑌯𑍇॑𑌷𑍁 𑌕𑍁𑌰𑍁 𑌵𑌾॒𑌯𑍋𑌶𑍍𑌚॑ 𑌤𑍍𑌵𑌾॒-𑌽𑌪𑌾𑌞𑍍𑌚॒ 𑌭𑍍𑌰𑌾𑌜॑𑌸𑍇 𑌜𑍁𑌹𑍋𑌮𑌿𑌸𑍁𑌵॒𑌰𑍍𑌵𑌿𑌦॑𑌸𑌿॒ 𑌸𑍁𑌵॑𑌰𑍍𑌮𑌾॒ 𑌮𑌾 𑌹𑌾॑𑌸𑍀॒𑌨𑍍𑌮𑌾-𑌽𑌹𑌗𑍍𑌂 𑌸𑍁𑌵॑𑌰𑍍𑌹𑌾𑌸𑌿𑌷॒-𑌮𑍍𑌮𑌾 𑌮𑌾𑌗𑍍𑌂 𑌸𑍁𑌵॑𑌰𑍍𑌹𑌾𑌸𑍀॒-𑌨𑍍𑌮𑌯𑌿॑ 𑌮𑍇॒𑌧𑌾-𑌮𑍍𑌮𑌯𑌿॑ 𑌪𑍍𑌰॒𑌜𑌾-𑌮𑍍𑌮𑌯𑍍𑌯॒𑌗𑍍𑌨𑌿𑌸𑍍𑌤𑍇𑌜𑍋॑ 𑌦𑌧𑌾𑌤𑍁॒ 𑌮𑌯𑌿॑ 𑌮𑍇॒𑌧𑌾-𑌮𑍍𑌮𑌯𑌿॑ 𑌪𑍍𑌰॒𑌜𑌾-𑌮𑍍𑌮𑌯𑍀𑌨𑍍𑌦𑍍𑌰॑ 𑌇𑌨𑍍𑌦𑍍𑌰𑌿॒𑌯-𑌨𑍍𑌦॑𑌧𑌾𑌤𑍁॒ 𑌮𑌯𑌿॑ 𑌮𑍇॒𑌧𑌾-𑌮𑍍𑌮𑌯𑌿॑ 𑌪𑍍𑌰॒𑌜𑌾-𑌮𑍍𑌮𑌯𑌿॒ 𑌸𑍂𑌰𑍍𑌯𑍋॒ 𑌭𑍍𑌰𑌾𑌜𑍋॑ 𑌦𑌧𑌾𑌤𑍁 ॥ 2 ॥

(𑌕𑍍𑌷॒𑌤𑍍𑌰𑌸𑍍𑌯॑ 𑌚॒ - 𑌮𑌯𑌿॒ - 𑌤𑍍𑌰𑌯𑍋॑𑌵𑌿𑌗𑍍𑌂𑌶𑌤𑌿𑌶𑍍𑌚) (𑌅. 1)

𑌵𑌾॒𑌯𑍁𑌰𑍍𑌹𑌿॑𑌕𑌂॒𑌰𑍍𑌤𑌾-𑌽𑌗𑍍𑌨𑌿𑌃 𑌪𑍍𑌰॑𑌸𑍍𑌤𑍋॒𑌤𑌾 𑌪𑍍𑌰॒𑌜𑌾𑌪॑𑌤𑌿॒-𑌸𑍍𑌸𑌾𑌮॒ 𑌬𑍃𑌹॒𑌸𑍍𑌪𑌤𑌿॑𑌰𑍁𑌦𑍍𑌗𑌾॒𑌤𑌾 𑌵𑌿𑌶𑍍𑌵𑍇॑ 𑌦𑍇॒𑌵𑌾 𑌉॑𑌪𑌗𑌾॒𑌤𑌾𑌰𑍋॑ 𑌮॒𑌰𑍁𑌤𑌃॑ 𑌪𑍍𑌰𑌤𑌿𑌹॒𑌰𑍍𑌤𑌾𑌰॒ 𑌇𑌨𑍍𑌦𑍍𑌰𑍋॑ 𑌨𑌿॒𑌧𑌨॒𑌨𑍍𑌤𑍇 𑌦𑍇॒𑌵𑌾𑌃 𑌪𑍍𑌰𑌾॑𑌣॒𑌭𑍃𑌤𑌃॑ 𑌪𑍍𑌰𑌾॒𑌣-𑌮𑍍𑌮𑌯𑌿॑ 𑌦𑌧𑌤𑍍𑌵𑍇॒𑌤𑌦𑍍𑌵𑍈 𑌸𑌰𑍍𑌵॑𑌮𑌦𑍍𑌧𑍍𑌵॒𑌰𑍍𑌯𑍁-𑌰𑍁॑𑌪𑌾𑌕𑍁॒𑌰𑍍𑌵𑌨𑍍𑌨𑍁॑𑌦𑍍𑌗𑌾॒𑌤𑍃𑌭𑍍𑌯॑ 𑌉॒𑌪𑌾𑌕॑𑌰𑍋𑌤𑌿॒ 𑌤𑍇 𑌦𑍇॒𑌵𑌾𑌃 𑌪𑍍𑌰𑌾॑𑌣॒𑌭𑍃𑌤𑌃॑ 𑌪𑍍𑌰𑌾॒𑌣-𑌮𑍍𑌮𑌯𑌿॑ 𑌦𑌧॒𑌤𑍍𑌵𑌿𑌤𑍍𑌯𑌾॑𑌹𑍈॒𑌤𑌦𑍇॒𑌵 𑌸𑌵॑𑌰𑍍𑌮𑌾॒𑌤𑍍𑌮-𑌨𑍍𑌧॑𑌤𑍍𑌤॒ 𑌇𑌡𑌾॑ 𑌦𑍇𑌵॒𑌹𑍂 𑌰𑍍𑌮𑌨𑍁॑-𑌰𑍍𑌯𑌜𑍍𑌞॒𑌨𑍀-𑌰𑍍𑌬𑍃𑌹॒𑌸𑍍𑌪𑌤𑌿॑𑌰𑍁𑌕𑍍𑌥𑌾𑌮॒𑌦𑌾𑌨𑌿॑ 𑌶𑌗𑍍𑌂𑌸𑌿𑌷॒-𑌦𑍍𑌵𑌿𑌶𑍍𑌵𑍇॑ 𑌦𑍇॒𑌵𑌾- [𑌦𑍇॒𑌵𑌾𑌃, 𑌸𑍂॒𑌕𑍍𑌤॒𑌵𑌾𑌚𑌃॒ 𑌪𑍃𑌥𑌿॑𑌵𑌿] 3

-𑌸𑍍𑌸𑍂᳚𑌕𑍍𑌤॒𑌵𑌾𑌚𑌃॒ 𑌪𑍃𑌥𑌿॑𑌵𑌿 𑌮𑌾𑌤॒𑌰𑍍𑌮𑌾 𑌮𑌾॑𑌹𑌿𑌗𑍍𑌂𑌸𑍀॒ 𑌰𑍍𑌮𑌧𑍁॑ 𑌮𑌨𑌿𑌷𑍍𑌯𑍇॒ 𑌮𑌧𑍁॑ 𑌜𑌨𑌿𑌷𑍍𑌯𑍇॒ 𑌮𑌧𑍁॑𑌵𑌕𑍍𑌷𑍍𑌯𑌾𑌮𑌿॒ 𑌮𑌧𑍁॑𑌵𑌦𑌿𑌷𑍍𑌯𑌾𑌮𑌿॒ 𑌮𑌧𑍁॑𑌮𑌤𑍀-𑌨𑍍𑌦𑍇॒𑌵𑍇𑌭𑍍𑌯𑍋॒ 𑌵𑌾𑌚॑𑌮𑍁𑌦𑍍𑌯𑌾𑌸𑌗𑍍𑌂 𑌶𑍁𑌶𑍍𑌰𑍂॒𑌷𑍇𑌣𑍍𑌯𑌾᳚-𑌮𑍍𑌮𑌨𑍁॒𑌷𑍍𑌯𑍇᳚𑌭𑍍𑌯॒𑌸𑍍𑌤-𑌮𑍍𑌮𑌾॑ 𑌦𑍇॒𑌵𑌾 𑌅॑𑌵𑌨𑍍𑌤𑍁 𑌶𑍋॒𑌭𑌾𑌯𑍈॑ 𑌪𑌿॒𑌤𑌰𑍋-𑌽𑌨𑍁॑ 𑌮𑌦𑌨𑍍𑌤𑍁 ॥ 4 ॥

(𑌶॒𑌗𑍍𑌂॒𑌸𑌿॒𑌷॒-𑌦𑍍𑌵𑌿𑌶𑍍𑌵𑍇॑ 𑌦𑍇॒𑌵𑌾 - 𑌅॒𑌷𑍍𑌟𑌾𑌵𑌿𑌗𑍍𑌂॑𑌶𑌤𑌿𑌶𑍍𑌚) (𑌅. 2)

𑌵𑌸॑𑌵𑌸𑍍𑌤𑍍𑌵𑌾॒ 𑌪𑍍𑌰𑌵॑𑌹𑌨𑍍𑌤𑍁 𑌗𑌾𑌯॒𑌤𑍍𑌰𑍇𑌣॒ 𑌛𑌨𑍍𑌦॑𑌸𑌾॒-𑌽𑌗𑍍𑌨𑍇𑌃 𑌪𑍍𑌰𑌿॒𑌯-𑌮𑍍𑌪𑌾𑌥॒ 𑌉𑌪𑍇॑𑌹𑌿 𑌰𑍁॒𑌦𑍍𑌰𑌾𑌸𑍍𑌤𑍍𑌵𑌾॒ 𑌪𑍍𑌰𑌵𑍃॑𑌹𑌨𑍍𑌤𑍁॒ 𑌤𑍍𑌰𑍈𑌷𑍍𑌟𑍁॑𑌭𑍇𑌨॒ 𑌛𑌨𑍍𑌦॒𑌸𑍇𑌨𑍍𑌦𑍍𑌰॑𑌸𑍍𑌯 𑌪𑍍𑌰𑌿॒𑌯-𑌮𑍍𑌪𑌾𑌥॒ 𑌉𑌪𑍇᳚𑌹𑍍𑌯𑌾𑌦𑌿॒𑌤𑍍𑌯𑌾𑌸𑍍𑌤𑍍𑌵𑌾॒ 𑌪𑍍𑌰𑌵𑍃॑𑌹𑌨𑍍𑌤𑍁॒ 𑌜𑌾𑌗॑𑌤𑍇𑌨॒ 𑌛𑌨𑍍𑌦॑𑌸𑌾॒ 𑌵𑌿𑌶𑍍𑌵𑍇॑𑌷𑌾-𑌨𑍍𑌦𑍇॒𑌵𑌾𑌨𑌾᳚-𑌮𑍍𑌪𑍍𑌰𑌿॒𑌯-𑌮𑍍𑌪𑌾𑌥॒ 𑌉𑌪𑍇॑𑌹𑌿॒ 𑌮𑌾𑌨𑍍𑌦𑌾॑𑌸𑍁 𑌤𑍇 𑌶𑍁𑌕𑍍𑌰 𑌶𑍁॒𑌕𑍍𑌰𑌮𑌾 𑌧𑍂॑𑌨𑍋𑌮𑌿 𑌭॒𑌨𑍍𑌦𑌨𑌾॑𑌸𑍁॒ 𑌕𑍋𑌤॑𑌨𑌾𑌸𑍁॒ 𑌨𑍂𑌤॑𑌨𑌾𑌸𑍁॒ 𑌰𑍇𑌶𑍀॑𑌷𑍁॒ 𑌮𑍇𑌷𑍀॑𑌷𑍁॒ 𑌵𑌾𑌶𑍀॑𑌷𑍁 𑌵𑌿𑌶𑍍𑌵॒𑌭𑍃𑌥𑍍𑌸𑍁॒ 𑌮𑌾𑌦𑍍𑌧𑍍𑌵𑍀॑𑌷𑍁 𑌕𑌕𑍁॒𑌹𑌾𑌸𑍁॒ 𑌶𑌕𑍍𑌵॑𑌰𑍀𑌷𑍁 [ ] 5

𑌶𑍁॒𑌕𑍍𑌰𑌾𑌸𑍁॑ 𑌤𑍇 𑌶𑍁𑌕𑍍𑌰 𑌶𑍁॒𑌕𑍍𑌰𑌮𑌾 𑌧𑍂॑𑌨𑍋𑌮𑌿 𑌶𑍁॒𑌕𑍍𑌰-𑌨𑍍𑌤𑍇॑ 𑌶𑍁॒𑌕𑍍𑌰𑍇𑌣॑ 𑌗𑍃𑌹𑍍𑌣𑌾॒𑌮𑍍𑌯𑌹𑍍𑌨𑍋॑ 𑌰𑍂॒𑌪𑍇𑌣॒ 𑌸𑍂𑌰𑍍𑌯॑𑌸𑍍𑌯 𑌰॒𑌶𑍍𑌮𑌿𑌭𑌿𑌃॑ ॥ 𑌆-𑌽𑌸𑍍𑌮𑌿॑𑌨𑍍𑌨𑍁॒𑌗𑍍𑌰𑌾 𑌅॑𑌚𑍁𑌚𑍍𑌯𑌵𑍁𑌰𑍍𑌦𑌿॒𑌵𑍋 𑌧𑌾𑌰𑌾॑ 𑌅𑌸𑌶𑍍𑌚𑌤 ॥ 𑌕॒𑌕𑍁॒𑌹𑌗𑍍𑌂 𑌰𑍂॒𑌪𑌂-𑌵𑍃𑌁॑𑌷॒𑌭𑌸𑍍𑌯॑ 𑌰𑍋𑌚𑌤𑍇 𑌬𑍃॒𑌹-𑌥𑍍𑌸𑍋𑌮॒-𑌸𑍍𑌸𑍋𑌮॑𑌸𑍍𑌯 𑌪𑍁𑌰𑍋॒𑌗𑌾-𑌶𑍍𑌶𑍁॒𑌕𑍍𑌰-𑌶𑍍𑌶𑍁॒𑌕𑍍𑌰𑌸𑍍𑌯॑ 𑌪𑍁𑌰𑍋॒𑌗𑌾𑌃 ॥ 𑌯-𑌤𑍍𑌤𑍇॑ 𑌸𑍋॒𑌮𑌾𑌦𑌾᳚𑌭𑍍𑌯॒-𑌨𑍍𑌨𑌾𑌮॒ 𑌜𑌾𑌗𑍃॑𑌵𑌿॒ 𑌤𑌸𑍍𑌮𑍈॑ 𑌤𑍇 𑌸𑍋𑌮॒ 𑌸𑍋𑌮𑌾॑𑌯॒ 𑌸𑍍𑌵𑌾𑌹𑍋॒𑌶𑌿-𑌕𑍍𑌤𑍍𑌵-𑌨𑍍𑌦𑍇॑𑌵 𑌸𑍋𑌮 𑌗𑌾𑌯॒𑌤𑍍𑌰𑍇𑌣॒ 𑌛𑌨𑍍𑌦॑𑌸𑌾॒-𑌽𑌗𑍍𑌨𑍇𑌃 [𑌛𑌨𑍍𑌦॑𑌸𑌾॒-𑌽𑌗𑍍𑌨𑍇𑌃, 𑌪𑍍𑌰𑌿॒𑌯-𑌮𑍍𑌪𑌾𑌥𑍋॒] 6

𑌪𑍍𑌰𑌿॒𑌯-𑌮𑍍𑌪𑌾𑌥𑍋॒ 𑌅𑌪𑍀॑𑌹𑌿 𑌵॒𑌶𑍀 𑌤𑍍𑌵-𑌨𑍍𑌦𑍇॑𑌵 𑌸𑍋𑌮॒ 𑌤𑍍𑌰𑍈𑌷𑍍𑌟𑍁॑𑌭𑍇𑌨॒ 𑌛𑌨𑍍𑌦॒𑌸𑍇𑌨𑍍𑌦𑍍𑌰॑𑌸𑍍𑌯 𑌪𑍍𑌰𑌿॒𑌯-𑌮𑍍𑌪𑌾𑌥𑍋॒ 𑌅𑌪𑍀᳚𑌹𑍍𑌯॒𑌸𑍍𑌮𑌥𑍍𑌸॑𑌖𑌾॒ 𑌤𑍍𑌵-𑌨𑍍𑌦𑍇॑𑌵 𑌸𑍋𑌮॒ 𑌜𑌾𑌗॑𑌤𑍇𑌨॒ 𑌛𑌨𑍍𑌦॑𑌸𑌾॒ 𑌵𑌿𑌶𑍍𑌵𑍇॑𑌷𑌾-𑌨𑍍𑌦𑍇॒𑌵𑌾𑌨𑌾᳚-𑌮𑍍𑌪𑍍𑌰𑌿॒𑌯-𑌮𑍍𑌪𑌾𑌥𑍋॒ 𑌅𑌪𑍀॒𑌹𑍍𑌯𑌾 𑌨𑌃॑ 𑌪𑍍𑌰𑌾॒𑌣 𑌏॑𑌤𑍁 𑌪𑌰𑌾॒𑌵𑌤॒ 𑌆-𑌽𑌨𑍍𑌤𑌰𑌿॑𑌕𑍍𑌷𑌾𑌦𑍍𑌦𑌿॒𑌵𑌸𑍍𑌪𑌰𑌿॑ । 𑌆𑌯𑍁𑌃॑ 𑌪𑍃𑌥𑌿॒𑌵𑍍𑌯𑌾 𑌅𑌦𑍍𑌧𑍍𑌯॒𑌮𑍃𑌤॑𑌮𑌸𑌿 𑌪𑍍𑌰𑌾॒𑌣𑌾𑌯॑ 𑌤𑍍𑌵𑌾 ॥ 𑌇॒𑌨𑍍𑌦𑍍𑌰𑌾॒𑌗𑍍𑌨𑍀 𑌮𑍇॒ 𑌵𑌰𑍍𑌚𑌃॑ 𑌕𑍃𑌣𑍁𑌤𑌾𑌂॒-𑌵𑌁𑌰𑍍𑌚॒-𑌸𑍍𑌸𑍋𑌮𑍋॒ 𑌬𑍃𑌹॒𑌸𑍍𑌪𑌤𑌿𑌃॑ । 𑌵𑌰𑍍𑌚𑍋॑ 𑌮𑍇॒ 𑌵𑌿𑌶𑍍𑌵𑍇॑𑌦𑍇॒𑌵𑌾 𑌵𑌰𑍍𑌚𑍋॑ 𑌮𑍇 𑌧𑌤𑍍𑌤𑌮𑌶𑍍𑌵𑌿𑌨𑌾 ॥ 𑌦॒𑌧॒𑌨𑍍𑌵𑍇 𑌵𑌾॒ 𑌯𑌦𑍀॒𑌮𑌨𑍁॒ 𑌵𑍋𑌚॒𑌦𑍍𑌬𑍍𑌰𑌹𑍍𑌮𑌾॑𑌣𑌿॒ 𑌵𑍇𑌰𑍁॒ 𑌤𑌤𑍍 । 𑌪𑌰𑌿॒ 𑌵𑌿𑌶𑍍𑌵𑌾॑𑌨𑌿॒ 𑌕𑌾𑌵𑍍𑌯𑌾॑ 𑌨𑍇॒𑌮𑌿𑌶𑍍𑌚॒𑌕𑍍𑌰𑌮𑌿॑𑌵𑌾 𑌭𑌵𑌤𑍍 ॥ 7 ॥

(𑌶𑌕𑍍𑌵॑𑌰𑍀𑌷𑍍𑌵॒ - 𑌗𑍍𑌨𑍇 - 𑌰𑍍𑌬𑍃𑌹॒𑌸𑍍𑌪𑌤𑌿𑌃॒ - 𑌪𑌞𑍍𑌚॑𑌵𑌿𑌗𑍍𑌂𑌶𑌤𑌿𑌶𑍍𑌚) (𑌅. 3)

𑌏॒𑌤𑌦𑍍𑌵𑌾 𑌅॒𑌪𑌾-𑌨𑍍𑌨𑌾॑𑌮॒𑌧𑍇𑌯॒-𑌙𑍍𑌗𑍁𑌹𑍍𑌯𑌂॒-𑌯𑌁𑌦𑌾॑𑌧𑌾॒𑌵𑌾 𑌮𑌾𑌨𑍍𑌦𑌾॑𑌸𑍁 𑌤𑍇 𑌶𑍁𑌕𑍍𑌰 𑌶𑍁॒𑌕𑍍𑌰𑌮𑌾 𑌧𑍂॑𑌨𑍋॒𑌮𑍀𑌤𑍍𑌯𑌾॑𑌹𑌾॒𑌪𑌾𑌮𑍇॒𑌵 𑌨𑌾॑𑌮॒𑌧𑍇𑌯𑍇॑𑌨॒ 𑌗𑍁𑌹𑍍𑌯𑍇॑𑌨 𑌦𑌿॒𑌵𑍋 𑌵𑍃𑌷𑍍𑌟𑌿॒𑌮𑌵॑ 𑌰𑍁𑌨𑍍𑌧𑍇 𑌶𑍁॒𑌕𑍍𑌰-𑌨𑍍𑌤𑍇॑ 𑌶𑍁॒𑌕𑍍𑌰𑍇𑌣॑ 𑌗𑍃𑌹𑍍𑌣𑌾॒𑌮𑍀𑌤𑍍𑌯𑌾॑𑌹𑍈॒𑌤𑌦𑍍𑌵𑌾 𑌅𑌹𑍍𑌨𑍋॑ 𑌰𑍂॒𑌪𑌂-𑌯𑌁𑌦𑍍𑌰𑌾𑌤𑍍𑌰𑌿॒-𑌸𑍍𑌸𑍂𑌰𑍍𑌯॑𑌸𑍍𑌯 𑌰॒𑌶𑍍𑌮𑌯𑍋॒ 𑌵𑍃𑌷𑍍𑌟𑍍𑌯𑌾॑ 𑌈𑌶॒𑌤𑍇-𑌽𑌹𑍍𑌨॑ 𑌏॒𑌵 𑌰𑍂॒𑌪𑍇𑌣॒ 𑌸𑍂𑌰𑍍𑌯॑𑌸𑍍𑌯 𑌰॒𑌶𑍍𑌮𑌿𑌭𑌿॑𑌰𑍍𑌦𑌿॒𑌵𑍋 𑌵𑍃𑌷𑍍𑌟𑌿॑-𑌞𑍍𑌚𑍍𑌯𑌾𑌵𑌯॒𑌤𑍍𑌯𑌾-𑌽𑌸𑍍𑌮𑌿॑𑌨𑍍𑌨𑍁॒𑌗𑍍𑌰𑌾 [-𑌽𑌸𑍍𑌮𑌿॑𑌨𑍍𑌨𑍁॒𑌗𑍍𑌰𑌾𑌃, 𑌅॒𑌚𑍁॒𑌚𑍍𑌯॒𑌵𑍁॒𑌰𑌿𑌤𑍍𑌯𑌾॑𑌹] 8

𑌅॑𑌚𑍁𑌚𑍍𑌯𑌵𑍁॒𑌰𑌿𑌤𑍍𑌯𑌾॑𑌹 𑌯𑌥𑌾𑌯॒𑌜𑍁𑌰𑍇॒𑌵𑍈𑌤-𑌤𑍍𑌕॑𑌕𑍁॒𑌹𑌗𑍍𑌂 𑌰𑍂॒𑌪𑌂-𑌵𑍃𑌁॑𑌷॒𑌭𑌸𑍍𑌯॑ 𑌰𑍋𑌚𑌤𑍇 𑌬𑍃॒𑌹𑌦𑌿𑌤𑍍𑌯𑌾॑𑌹𑍈॒𑌤𑌦𑍍𑌵𑌾 𑌅॑𑌸𑍍𑌯 𑌕𑌕𑍁॒𑌹𑌗𑍍𑌂 𑌰𑍂॒𑌪𑌂-𑌯𑌁-𑌦𑍍𑌵𑍃𑌷𑍍𑌟𑍀॑ 𑌰𑍂॒𑌪𑍇𑌣𑍈॒𑌵 𑌵𑍃𑌷𑍍𑌟𑌿॒𑌮𑌵॑ 𑌰𑍁𑌨𑍍𑌧𑍇॒ 𑌯𑌤𑍍𑌤𑍇॑ 𑌸𑍋॒𑌮𑌾𑌦𑌾᳚𑌭𑍍𑌯॒-𑌨𑍍𑌨𑌾𑌮॒ 𑌜𑌾𑌗𑍃॒𑌵𑍀𑌤𑍍𑌯𑌾॑𑌹𑍈॒𑌷 𑌹॒ 𑌵𑍈 𑌹॒𑌵𑌿𑌷𑌾॑ 𑌹॒𑌵𑌿𑌰𑍍𑌯॑𑌜𑌤𑌿॒ 𑌯𑍋-𑌽𑌦𑌾᳚𑌭𑍍𑌯-𑌙𑍍𑌗𑍃𑌹𑍀॒𑌤𑍍𑌵𑌾 𑌸𑍋𑌮𑌾॑𑌯 𑌜𑍁॒𑌹𑍋𑌤𑌿॒𑌪𑌰𑌾॒ 𑌵𑌾 𑌏॒𑌤𑌸𑍍𑌯𑌾-𑌽𑌽𑌯𑍁𑌃॑ 𑌪𑍍𑌰𑌾॒𑌣 𑌏॑𑌤𑌿॒ [𑌪𑍍𑌰𑌾॒𑌣 𑌏॑𑌤𑌿, 𑌯𑍋-𑌽𑌗𑍍𑌂॑𑌶𑍁-] 9

𑌯𑍋-𑌽𑌗𑍍𑌂॑𑌶𑍁-𑌙𑍍𑌗𑍃॒𑌹𑍍𑌣𑌾𑌤𑍍𑌯𑌾 𑌨𑌃॑ 𑌪𑍍𑌰𑌾॒𑌣 𑌏॑𑌤𑍁 𑌪𑌰𑌾॒𑌵𑌤॒ 𑌇𑌤𑍍𑌯𑌾॒𑌹𑌾-𑌽𑌽𑌯𑍁॑𑌰𑍇॒𑌵 𑌪𑍍𑌰𑌾॒𑌣𑌮𑌾॒𑌤𑍍𑌮-𑌨𑍍𑌧॑𑌤𑍍𑌤𑍇॒ 𑌽𑌮𑍃𑌤॑𑌮𑌸𑌿 𑌪𑍍𑌰𑌾॒𑌣𑌾𑌯॒ 𑌤𑍍𑌵𑍇𑌤𑌿॒ 𑌹𑌿𑌰॑𑌣𑍍𑌯𑌮॒𑌭𑌿 𑌵𑍍𑌯॑𑌨𑌿𑌤𑍍𑌯॒𑌮𑍃𑌤𑌂॒-𑌵𑍈𑌁 𑌹𑌿𑌰॑𑌣𑍍𑌯॒𑌮𑌾𑌯𑍁𑌃॑ 𑌪𑍍𑌰𑌾॒𑌣𑍋॑-𑌽𑌮𑍃𑌤𑍇॑𑌨𑍈॒𑌵𑌾-𑌽𑌽𑌯𑍁॑𑌰𑌾॒𑌤𑍍𑌮-𑌨𑍍𑌧॑𑌤𑍍𑌤𑍇 𑌶॒𑌤𑌮𑌾॑𑌨-𑌮𑍍𑌭𑌵𑌤𑌿 𑌶॒𑌤𑌾𑌯𑍁𑌃॒ 𑌪𑍁𑌰𑍁॑𑌷-𑌶𑍍𑌶॒𑌤𑍇𑌨𑍍𑌦𑍍𑌰𑌿॑𑌯॒ 𑌆𑌯𑍁॑𑌷𑍍𑌯𑍇॒𑌵𑍇𑌨𑍍𑌦𑍍𑌰𑌿॒𑌯𑍇 𑌪𑍍𑌰𑌤𑌿॑𑌤𑌿𑌷𑍍𑌠𑌤𑍍𑌯॒𑌪 𑌉𑌪॑ 𑌸𑍍𑌪𑍃𑌶𑌤𑌿 𑌭𑍇𑌷॒𑌜𑌂-𑌵𑌾𑌁 𑌆𑌪𑍋॑ 𑌭𑍇𑌷॒𑌜𑌮𑍇॒𑌵 𑌕𑍁॑𑌰𑍁𑌤𑍇 ॥ 10 ॥

(𑌉॒𑌗𑍍𑌰𑌾 - 𑌏॒𑌤𑍍𑌯𑌾 - 𑌪॒ - 𑌸𑍍𑌤𑍍𑌰𑍀𑌣𑌿॑ 𑌚) (𑌅. 4)

𑌵𑌾॒𑌯𑍁𑌰॑𑌸𑌿 𑌪𑍍𑌰𑌾॒𑌣𑍋 𑌨𑌾𑌮॑ 𑌸𑌵𑌿॒𑌤𑍁𑌰𑌾𑌧𑌿॑𑌪𑌤𑍍𑌯𑍇-𑌽𑌪𑌾॒𑌨-𑌮𑍍𑌮𑍇॑ 𑌦𑌾॒𑌶𑍍𑌚𑌕𑍍𑌷𑍁॑𑌰𑌸𑌿॒ 𑌶𑍍𑌰𑍋𑌤𑍍𑌰॒-𑌨𑍍𑌨𑌾𑌮॑ 𑌧𑌾॒𑌤𑍁𑌰𑌾𑌧𑌿॑𑌪𑌤𑍍𑌯॒ 𑌆𑌯𑍁॑𑌰𑍍𑌮𑍇 𑌦𑌾 𑌰𑍂॒𑌪𑌮॑𑌸𑌿॒ 𑌵𑌰𑍍𑌣𑍋॒ 𑌨𑌾𑌮॒ 𑌬𑍃𑌹॒𑌸𑍍𑌪𑌤𑍇॒𑌰𑌾𑌧𑌿॑𑌪𑌤𑍍𑌯𑍇 𑌪𑍍𑌰॒𑌜𑌾-𑌮𑍍𑌮𑍇॑ 𑌦𑌾 𑌋॒𑌤𑌮॑𑌸𑌿 𑌸॒𑌤𑍍𑌯-𑌨𑍍𑌨𑌾𑌮𑍇𑌨𑍍𑌦𑍍𑌰॒𑌸𑍍𑌯𑌾-𑌽𑌽𑌧𑌿॑𑌪𑌤𑍍𑌯𑍇 𑌕𑍍𑌷॒𑌤𑍍𑌰-𑌮𑍍𑌮𑍇॑ 𑌦𑌾 𑌭𑍂॒𑌤𑌮॑𑌸𑌿॒ 𑌭𑌵𑍍𑌯॒-𑌨𑍍𑌨𑌾𑌮॑ 𑌪𑌿𑌤𑍃॒𑌣𑌾𑌮𑌾𑌧𑌿॑𑌪𑌤𑍍𑌯𑍇॒-𑌽𑌪𑌾-𑌮𑍋𑌷॑𑌧𑍀𑌨𑌾॒-𑌙𑍍𑌗𑌰𑍍𑌭॑-𑌨𑍍𑌧𑌾 𑌋॒𑌤𑌸𑍍𑌯॑ 𑌤𑍍𑌵𑌾॒ 𑌵𑍍𑌯𑍋॑𑌮𑌨 𑌋॒𑌤𑌸𑍍𑌯॑ [ ] 11

𑌤𑍍𑌵𑌾॒ 𑌵𑌿𑌭𑍂॑𑌮𑌨 𑌋॒𑌤𑌸𑍍𑌯॑ 𑌤𑍍𑌵𑌾॒ 𑌵𑌿𑌧॑𑌰𑍍𑌮𑌣 𑌋॒𑌤𑌸𑍍𑌯॑ 𑌤𑍍𑌵𑌾 𑌸॒𑌤𑍍𑌯𑌾𑌯॒𑌰𑍍𑌤𑌸𑍍𑌯॑ 𑌤𑍍𑌵𑌾॒ 𑌜𑍍𑌯𑍋𑌤𑌿॑𑌷𑍇 𑌪𑍍𑌰॒𑌜𑌾𑌪॑𑌤𑌿 𑌰𑍍𑌵𑌿॒𑌰𑌾𑌜॑𑌮𑌪𑌶𑍍𑌯॒-𑌤𑍍𑌤𑌯𑌾॑ 𑌭𑍂॒𑌤-𑌞𑍍𑌚॒ 𑌭𑌵𑍍𑌯॑-𑌞𑍍𑌚𑌾 𑌸𑍃𑌜𑌤॒ 𑌤𑌾𑌮𑍃𑌷𑌿॑𑌭𑍍𑌯𑌸𑍍𑌤𑌿॒𑌰𑍋॑-𑌽𑌦𑌧𑌾॒-𑌤𑍍𑌤𑌾-𑌞𑍍𑌜॒𑌮𑌦॑𑌗𑍍𑌨𑌿॒𑌸𑍍𑌤𑌪॑𑌸𑌾-𑌽 𑌪𑌶𑍍𑌯॒-𑌤𑍍𑌤𑌯𑌾॒ 𑌵𑍈 𑌸 𑌪𑍃𑌶𑍍𑌞𑍀॒𑌨𑍍 𑌕𑌾𑌮𑌾॑𑌨𑌸𑍃𑌜𑌤॒ 𑌤-𑌤𑍍𑌪𑍃𑌶𑍍𑌞𑍀॑𑌨𑌾-𑌮𑍍𑌪𑍃𑌶𑍍𑌞𑌿॒𑌤𑍍𑌵𑌂-𑌯𑌁-𑌤𑍍𑌪𑍃𑌶𑍍𑌞॑𑌯𑍋 𑌗𑍃॒𑌹𑍍𑌯𑌨𑍍𑌤𑍇॒ 𑌪𑍃𑌶𑍍𑌞𑍀॑𑌨𑍇॒𑌵 𑌤𑍈𑌃 𑌕𑌾𑌮𑌾॒𑌨𑍍॒. 𑌯𑌜॑𑌮𑌾॒𑌨𑍋-𑌽𑌵॑ 𑌰𑍁𑌨𑍍𑌧𑍇 𑌵𑌾॒𑌯𑍁𑌰॑𑌸𑌿 𑌪𑍍𑌰𑌾॒𑌣𑍋 [𑌵𑌾॒𑌯𑍁𑌰॑𑌸𑌿 𑌪𑍍𑌰𑌾॒𑌣𑌃, 𑌨𑌾𑌮𑍇𑌤𑍍𑌯𑌾॑𑌹] 12

𑌨𑌾𑌮𑍇𑌤𑍍𑌯𑌾॑𑌹 𑌪𑍍𑌰𑌾𑌣𑌾𑌪𑌾॒𑌨𑌾𑌵𑍇॒𑌵𑌾𑌵॑ 𑌰𑍁𑌨𑍍𑌧𑍇॒ 𑌚𑌕𑍍𑌷𑍁॑𑌰𑌸𑌿॒ 𑌶𑍍𑌰𑍋𑌤𑍍𑌰॒-𑌨𑍍𑌨𑌾𑌮𑍇𑌤𑍍𑌯𑌾॒𑌹𑌾-𑌽𑌽𑌯𑍁॑𑌰𑍇॒𑌵𑌾𑌵॑ 𑌰𑍁𑌨𑍍𑌧𑍇 𑌰𑍂॒𑌪𑌮॑𑌸𑌿॒ 𑌵𑌰𑍍𑌣𑍋॒ 𑌨𑌾𑌮𑍇𑌤𑍍𑌯𑌾॑𑌹 𑌪𑍍𑌰॒𑌜𑌾𑌮𑍇॒𑌵𑌾𑌵॑ 𑌰𑍁𑌨𑍍𑌧𑌋॒𑌤𑌮॑𑌸𑌿 𑌸॒𑌤𑍍𑌯-𑌨𑍍𑌨𑌾𑌮𑍇𑌤𑍍𑌯𑌾॑𑌹 𑌕𑍍𑌷॒𑌤𑍍𑌰𑌮𑍇॒𑌵𑌾𑌵॑ 𑌰𑍁𑌨𑍍𑌧𑍇 𑌭𑍂॒𑌤𑌮॑𑌸𑌿॒ 𑌭𑌵𑍍𑌯॒-𑌨𑍍𑌨𑌾𑌮𑍇𑌤𑍍𑌯𑌾॑𑌹 𑌪॒𑌶𑌵𑍋॒ 𑌵𑌾 𑌅॒𑌪𑌾𑌮𑍋𑌷॑𑌧𑍀𑌨𑌾॒-𑌙𑍍𑌗𑌰𑍍𑌭𑌃॑ 𑌪॒𑌶𑍂𑌨𑍇॒𑌵𑌾- [𑌪॒𑌶𑍂𑌨𑍇॒𑌵, 𑌅𑌵॑ 𑌰𑍁𑌨𑍍𑌧] 13

-𑌵॑ 𑌰𑍁𑌨𑍍𑌧 𑌏॒𑌤𑌾𑌵॒𑌦𑍍𑌵𑍈 𑌪𑍁𑌰𑍁॑𑌷-𑌮𑍍𑌪॒𑌰𑌿𑌤॒𑌸𑍍𑌤𑌦𑍇॒𑌵𑌾𑌵॑ 𑌰𑍁𑌨𑍍𑌧 𑌋॒𑌤𑌸𑍍𑌯॑ 𑌤𑍍𑌵𑌾॒ 𑌵𑍍𑌯𑍋॑𑌮𑌨॒ 𑌇𑌤𑍍𑌯𑌾॑𑌹𑍇॒𑌯𑌂-𑌵𑌾𑌁 𑌋॒𑌤𑌸𑍍𑌯॒ 𑌵𑍍𑌯𑍋॑𑌮𑍇॒𑌮𑌾𑌮𑍇॒𑌵𑌾𑌭𑌿 𑌜॑𑌯𑌤𑍍𑌯𑍃॒𑌤𑌸𑍍𑌯॑ 𑌤𑍍𑌵𑌾॒ 𑌵𑌿𑌭𑍂॑𑌮𑌨॒ 𑌇𑌤𑍍𑌯𑌾॑𑌹𑌾॒-𑌽𑌨𑍍𑌤𑌰𑌿॑𑌕𑍍𑌷𑌂॒-𑌵𑌾𑌁 𑌋॒𑌤𑌸𑍍𑌯॒ 𑌵𑌿𑌭𑍂॑𑌮𑌾॒𑌨𑍍𑌤𑌰𑌿॑𑌕𑍍𑌷𑌮𑍇॒𑌵𑌾𑌭𑌿 𑌜॑𑌯𑌤𑍍𑌯𑍃॒𑌤𑌸𑍍𑌯॑ 𑌤𑍍𑌵𑌾॒ 𑌵𑌿𑌧॑𑌰𑍍𑌮𑌣॒ 𑌇𑌤𑍍𑌯𑌾॑𑌹॒ 𑌦𑍍𑌯𑍗𑌰𑍍𑌵𑌾 𑌋॒𑌤𑌸𑍍𑌯॒ 𑌵𑌿𑌧॑𑌰𑍍𑌮॒ 𑌦𑌿𑌵॑𑌮𑍇॒𑌵𑌾𑌭𑌿 𑌜॑𑌯𑌤𑍍𑌯𑍃॒𑌤𑌸𑍍𑌯॑ [𑌜॑𑌯𑌤𑍍𑌯𑍃॒𑌤𑌸𑍍𑌯॑, 𑌤𑍍𑌵𑌾॒ 𑌸॒𑌤𑍍𑌯𑌾𑌯𑍇𑌤𑍍𑌯𑌾॑𑌹॒] 14

𑌤𑍍𑌵𑌾 𑌸॒𑌤𑍍𑌯𑌾𑌯𑍇𑌤𑍍𑌯𑌾॑𑌹॒ 𑌦𑌿𑌶𑍋॒ 𑌵𑌾 𑌋॒𑌤𑌸𑍍𑌯॑ 𑌸॒𑌤𑍍𑌯-𑌨𑍍𑌦𑌿𑌶॑ 𑌏॒𑌵𑌾𑌭𑌿 𑌜॑𑌯𑌤𑍍𑌯𑍃॒𑌤𑌸𑍍𑌯॑ 𑌤𑍍𑌵𑌾॒ 𑌜𑍍𑌯𑍋𑌤𑌿॑𑌷॒ 𑌇𑌤𑍍𑌯𑌾॑𑌹 𑌸𑍁𑌵॒𑌰𑍍𑌗𑍋 𑌵𑍈 𑌲𑍋॒𑌕 𑌋॒𑌤𑌸𑍍𑌯॒ 𑌜𑍍𑌯𑍋𑌤𑌿𑌃॑ 𑌸𑍁𑌵॒𑌰𑍍𑌗𑌮𑍇॒𑌵 𑌲𑍋॒𑌕𑌮॒𑌭𑌿 𑌜॑𑌯𑌤𑍍𑌯𑍇॒𑌤𑌾𑌵॑𑌨𑍍𑌤𑍋॒ 𑌵𑍈 𑌦𑍇॑𑌵𑌲𑍋॒𑌕𑌾𑌸𑍍𑌤𑌾𑌨𑍇॒𑌵𑌾𑌭𑌿 𑌜॑𑌯𑌤𑌿॒ 𑌦𑌶॒ 𑌸𑌮𑍍𑌪॑𑌦𑍍𑌯𑌨𑍍𑌤𑍇॒ 𑌦𑌶𑌾᳚𑌕𑍍𑌷𑌰𑌾 𑌵𑌿॒𑌰𑌾𑌡𑌨𑍍𑌨𑌂॑-𑌵𑌿𑌁॒𑌰𑌾-𑌡𑍍𑌵𑌿॒𑌰𑌾𑌜𑍍𑌯𑍇॒𑌵𑌾𑌨𑍍𑌨𑌾𑌦𑍍𑌯𑍇॒ 𑌪𑍍𑌰𑌤𑌿॑𑌤𑌿𑌷𑍍𑌠𑌤𑌿 ॥ 15 ॥

(𑌵𑍍𑌯𑍋॑𑌮𑌨 𑌋॒𑌤𑌸𑍍𑌯॑ - 𑌪𑍍𑌰𑌾॒𑌣𑌃 - 𑌪॒𑌶𑍁𑌨𑍇॒𑌵 - 𑌵𑌿𑌧॑𑌰𑍍𑌮॒ 𑌦𑌿𑌵॑𑌮𑍇॒𑌵𑌾𑌭𑌿 𑌜॑𑌯𑌤𑍍𑌯𑍃॒𑌤𑌸𑍍𑌯॒ -𑌷𑌟𑍍𑌚॑𑌤𑍍𑌵𑌾𑌰𑌿𑌗𑍍𑌂𑌶𑌚𑍍𑌚) (𑌅. 5)

𑌦𑍇॒𑌵𑌾 𑌵𑍈 𑌯-𑌦𑍍𑌯॒𑌜𑍍𑌞𑍇𑌨॒ 𑌨𑌾𑌵𑌾𑌰𑍁॑𑌨𑍍𑌧𑌤॒ 𑌤-𑌤𑍍𑌪𑌰𑍈॒𑌰𑌵𑌾॑𑌰𑍁𑌨𑍍𑌧𑌤॒ 𑌤-𑌤𑍍𑌪𑌰𑌾॑𑌣𑌾-𑌮𑍍𑌪𑌰॒𑌤𑍍𑌵𑌂-𑌯𑌁-𑌤𑍍𑌪𑌰𑍇॑ 𑌗𑍃॒𑌹𑍍𑌯𑌨𑍍𑌤𑍇॒ 𑌯𑌦𑍇॒𑌵 𑌯॒𑌜𑍍𑌞𑍇𑌨॒𑌨𑌾𑌵॑𑌰𑍁॒𑌨𑍍𑌧𑍇 𑌤𑌸𑍍𑌯𑌾𑌵॑𑌰𑍁𑌦𑍍𑌧𑍍𑌯𑍈॒ 𑌯-𑌮𑍍𑌪𑍍𑌰॑𑌥॒𑌮-𑌙𑍍𑌗𑍃॒𑌹𑍍𑌣𑌾𑌤𑍀॒𑌮𑌮𑍇॒𑌵 𑌤𑍇𑌨॑ 𑌲𑍋॒𑌕𑌮॒𑌭𑌿 𑌜॑𑌯𑌤𑌿॒𑌯-𑌨𑍍𑌦𑍍𑌵𑌿॒𑌤𑍀𑌯॑𑌮॒𑌨𑍍𑌤𑌰𑌿॑𑌕𑍍𑌷॒-𑌨𑍍𑌤𑍇𑌨॒ 𑌯-𑌨𑍍𑌤𑍃॒𑌤𑍀𑌯॑𑌮॒𑌮𑍁𑌮𑍇॒𑌵 𑌤𑍇𑌨॑ 𑌲𑍋॒𑌕𑌮॒𑌭𑌿 𑌜॑𑌯𑌤𑌿॒ 𑌯𑌦𑍇॒𑌤𑍇 𑌗𑍃॒𑌹𑍍𑌯𑌨𑍍𑌤॑ 𑌏॒𑌷𑌾𑌂 𑌁𑌲𑍋॒𑌕𑌾𑌨𑌾॑-𑌮॒𑌭𑌿𑌜𑌿॑𑌤𑍍𑌯𑌾॒ [-𑌮॒𑌭𑌿𑌜𑌿॑𑌤𑍍𑌯𑌾, 𑌉𑌤𑍍𑌤॑𑌰𑍇॒𑌷𑍍𑌵𑌹-] 16

𑌉𑌤𑍍𑌤॑𑌰𑍇॒𑌷𑍍𑌵𑌹𑌃॑ 𑌸𑍍𑌵॒𑌮𑍁𑌤𑍋॒-𑌽𑌰𑍍𑌵𑌾𑌞𑍍𑌚𑍋॑ 𑌗𑍃𑌹𑍍𑌯𑌨𑍍𑌤𑍇 𑌽𑌭𑌿॒𑌜𑌿𑌤𑍍𑌯𑍈॒𑌵𑍇𑌮𑌾𑌂-𑌲𑍋𑌁॒𑌕𑌾-𑌨𑍍𑌪𑍁𑌨॑𑌰𑌿॒𑌮𑌂-𑌲𑍋𑌁॒𑌕-𑌮𑍍𑌪𑍍𑌰॒𑌤𑍍𑌯𑌵॑𑌰𑍋𑌹𑌨𑍍𑌤𑌿॒ 𑌯-𑌤𑍍𑌪𑍂𑌰𑍍𑌵𑍇॒𑌷𑍍𑌵𑌹𑌃॑ 𑌸𑍍𑌵𑌿॒𑌤𑌃 𑌪𑌰𑌾᳚𑌞𑍍𑌚𑍋 𑌗𑍃॒𑌹𑍍𑌯𑌨𑍍𑌤𑍇॒ 𑌤𑌸𑍍𑌮𑌾॑𑌦𑌿॒𑌤𑌃 𑌪𑌰𑌾᳚𑌞𑍍𑌚 𑌇॒𑌮𑍇 𑌲𑍋॒𑌕𑌾 𑌯𑌦𑍁𑌤𑍍𑌤॑𑌰𑍇॒𑌷𑍍𑌵𑌹𑌃॑ 𑌸𑍍𑌵॒𑌮𑍁𑌤𑍋॒-𑌽𑌰𑍍𑌵𑌾𑌞𑍍𑌚𑍋॑ 𑌗𑍃॒𑌹𑍍𑌯𑌨𑍍𑌤𑍇॒ 𑌤𑌸𑍍𑌮𑌾॑𑌦॒𑌮𑍁𑌤𑍋॒ 𑌽𑌰𑍍𑌵𑌾𑌞𑍍𑌚॑ 𑌇॒𑌮𑍇 𑌲𑍋॒𑌕𑌾𑌸𑍍𑌤𑌸𑍍𑌮𑌾॒𑌦𑌯𑌾॑𑌤𑌯𑌾𑌮𑍍𑌨𑍋 𑌲𑍋॒𑌕𑌾-𑌨𑍍𑌮॑𑌨𑍁॒𑌷𑍍𑌯𑌾॑ 𑌉𑌪॑ 𑌜𑍀𑌵𑌨𑍍𑌤𑌿 𑌬𑍍𑌰𑌹𑍍𑌮𑌵𑌾॒𑌦𑌿𑌨𑍋॑ 𑌵𑌦𑌨𑍍𑌤𑌿॒ 𑌕𑌸𑍍𑌮𑌾᳚-𑌥𑍍𑌸॒𑌤𑍍𑌯𑌾𑌦॒𑌦𑍍𑌭𑍍𑌯 𑌓𑌷॑𑌧𑌯॒-𑌸𑍍𑌸-𑌮𑍍𑌭॑𑌵॒𑌨𑍍𑌤𑍍𑌯𑍋𑌷॑𑌧𑌯𑍋 [𑌓𑌷॑𑌧𑌯॒-𑌸𑍍𑌸-𑌮𑍍𑌭॑𑌵॒𑌨𑍍𑌤𑍍𑌯𑍋𑌷॑𑌧𑌯𑌃, 𑌮॒𑌨𑍁॒𑌷𑍍𑌯𑌾॑𑌣𑌾॒𑌮𑌨𑍍𑌨॑-] 17

𑌮𑌨𑍁॒𑌷𑍍𑌯𑌾॑𑌣𑌾॒𑌮𑌨𑍍𑌨॑-𑌮𑍍𑌪𑍍𑌰॒𑌜𑌾𑌪॑𑌤𑌿-𑌮𑍍𑌪𑍍𑌰॒𑌜𑌾 𑌅𑌨𑍁॒ 𑌪𑍍𑌰𑌜𑌾॑𑌯𑌨𑍍𑌤॒ 𑌇𑌤𑌿॒ 𑌪𑌰𑌾॒𑌨𑌨𑍍𑌵𑌿𑌤𑌿॑ 𑌬𑍍𑌰𑍂𑌯𑌾॒-𑌦𑍍𑌯-𑌦𑍍𑌗𑍃॒𑌹𑍍𑌣𑌾𑌤𑍍𑌯॒𑌦𑍍𑌭𑍍𑌯𑌸𑍍𑌤𑍍𑌵𑍗𑌷॑𑌧𑍀𑌭𑍍𑌯𑍋 𑌗𑍃𑌹𑍍𑌣𑌾॒𑌮𑍀𑌤𑌿॒ 𑌤𑌸𑍍𑌮𑌾॑𑌦॒𑌦𑍍𑌭𑍍𑌯 𑌓𑌷॑𑌧𑌯॒-𑌸𑍍𑌸𑌮𑍍𑌭॑𑌵𑌨𑍍𑌤𑌿॒ 𑌯-𑌦𑍍𑌗𑍃॒𑌹𑍍𑌣𑌾𑌤𑍍𑌯𑍋𑌷॑𑌧𑍀𑌭𑍍𑌯𑌸𑍍𑌤𑍍𑌵𑌾 𑌪𑍍𑌰॒𑌜𑌾𑌭𑍍𑌯𑍋॑ 𑌗𑍃𑌹𑍍𑌣𑌾॒𑌮𑍀𑌤𑌿॒ 𑌤𑌸𑍍𑌮𑌾॒𑌦𑍋𑌷॑𑌧𑌯𑍋 𑌮𑌨𑍁॒𑌷𑍍𑌯𑌾॑𑌣𑌾॒𑌮𑌨𑍍𑌨𑌂॒-𑌯𑌁-𑌦𑍍𑌗𑍃॒𑌹𑍍𑌣𑌾𑌤𑌿॑ 𑌪𑍍𑌰॒𑌜𑌾𑌭𑍍𑌯॑𑌸𑍍𑌤𑍍𑌵𑌾 𑌪𑍍𑌰॒𑌜𑌾𑌪॑𑌤𑌯𑍇 𑌗𑍃𑌹𑍍𑌣𑌾॒𑌮𑍀𑌤𑌿॒ 𑌤𑌸𑍍𑌮𑌾᳚-𑌤𑍍𑌪𑍍𑌰॒𑌜𑌾𑌪॑𑌤𑌿-𑌮𑍍𑌪𑍍𑌰॒𑌜𑌾 𑌅𑌨𑍁॒ 𑌪𑍍𑌰𑌜𑌾॑𑌯𑌨𑍍𑌤𑍇 ॥ 18 ॥

(𑌅॒𑌭𑌿𑌜𑌿॑𑌤𑍍𑌯𑍈 - 𑌭𑌵॒𑌨𑍍𑌤𑍍𑌯𑍋𑌷॑𑌧𑌯𑍋॒ - 𑌽𑌷𑍍𑌟𑌾 𑌚॑𑌤𑍍𑌵𑌾𑌰𑌿𑌗𑍍𑌂𑌶𑌚𑍍𑌚) (𑌅. 6)

𑌪𑍍𑌰॒𑌜𑌾𑌪॑𑌤𑌿𑌰𑍍𑌦𑍇𑌵𑌾𑌸𑍁॒𑌰𑌾𑌨॑ 𑌸𑍃𑌜𑌤॒ 𑌤𑌦𑌨𑍁॑ 𑌯॒𑌜𑍍𑌞𑍋॑-𑌽𑌸𑍃𑌜𑍍𑌯𑌤 𑌯॒𑌜𑍍𑌞-𑌞𑍍𑌛𑌨𑍍𑌦𑌾𑌗𑍍𑌂॑𑌸𑌿॒ 𑌤𑍇 𑌵𑌿𑌷𑍍𑌵॑𑌞𑍍𑌚𑍋॒ 𑌵𑍍𑌯॑𑌕𑍍𑌰𑌾𑌮॒𑌨𑍍-𑌥𑍍𑌸𑍋-𑌽𑌸𑍁॑𑌰𑌾॒𑌨𑌨𑍁॑ 𑌯॒𑌜𑍍𑌞𑍋-𑌽𑌪𑌾᳚𑌕𑍍𑌰𑌾𑌮-𑌦𑍍𑌯॒𑌜𑍍𑌞-𑌞𑍍𑌛𑌨𑍍𑌦𑌾𑌗𑍍𑌂॑𑌸𑌿॒ 𑌤𑍇 𑌦𑍇॒𑌵𑌾 𑌅॑𑌮𑌨𑍍𑌯𑌨𑍍𑌤𑌾॒𑌮𑍀 𑌵𑌾 𑌇॒𑌦𑌮॑𑌭𑍂𑌵॒𑌨𑍍॒. 𑌯-𑌦𑍍𑌵॒𑌯𑌗𑍍𑌗𑍍 𑌸𑍍𑌮 𑌇𑌤𑌿॒ 𑌤𑍇 𑌪𑍍𑌰॒𑌜𑌾𑌪॑𑌤𑌿॒𑌮𑍁𑌪𑌾॑-𑌽𑌧𑌾𑌵॒𑌨𑍍-𑌥𑍍𑌸𑍋᳚-𑌽𑌬𑍍𑌰𑌵𑍀𑌤𑍍-𑌪𑍍𑌰॒𑌜𑌾𑌪॑𑌤𑌿॒𑌶𑍍𑌛𑌨𑍍𑌦॑𑌸𑌾𑌂-𑌵𑍀𑌁॒𑌰𑍍𑌯॑𑌮𑌾॒𑌦𑌾𑌯॒ 𑌤𑌦𑍍𑌵𑌃॒ 𑌪𑍍𑌰 𑌦𑌾᳚𑌸𑍍𑌯𑌾॒𑌮𑍀𑌤𑌿॒ 𑌸 𑌛𑌨𑍍𑌦॑𑌸𑌾𑌂-𑌵𑍀𑌁॒𑌰𑍍𑌯॑- [𑌛𑌨𑍍𑌦॑𑌸𑌾𑌂-𑌵𑍀𑌁॒𑌰𑍍𑌯᳚𑌮𑍍, 𑌆॒𑌦𑌾𑌯॒ 𑌤𑌦𑍇᳚𑌭𑍍𑌯𑌃॒] 19

-𑌮𑌾॒𑌦𑌾𑌯॒ 𑌤𑌦𑍇᳚𑌭𑍍𑌯𑌃॒ 𑌪𑍍𑌰𑌾𑌯॑𑌚𑍍𑌛॒-𑌤𑍍𑌤𑌦𑌨𑍁॒ 𑌛𑌨𑍍𑌦𑌾॒𑌗𑍍॒𑌸𑍍𑌯𑌪𑌾᳚-𑌽𑌕𑍍𑌰𑌾𑌮॒𑌨𑍍 𑌛𑌨𑍍𑌦𑌾𑌗𑍍𑌂॑𑌸𑌿 𑌯॒𑌜𑍍𑌞𑌸𑍍𑌤𑌤𑍋॑ 𑌦𑍇॒𑌵𑌾 𑌅𑌭॑𑌵॒-𑌨𑍍𑌪𑌰𑌾-𑌽𑌸𑍁॑𑌰𑌾॒ 𑌯 𑌏॒𑌵-𑌞𑍍𑌛𑌨𑍍𑌦॑𑌸𑌾𑌂-𑌵𑍀𑌁॒𑌰𑍍𑌯𑌂॑-𑌵𑍇𑌁𑌦𑌾-𑌽𑌽 𑌶𑍍𑌰𑌾॑𑌵॒𑌯𑌾-𑌽𑌸𑍍𑌤𑍁॒ 𑌶𑍍𑌰𑍗𑌷॒𑌡𑍍 𑌯𑌜॒ 𑌯𑍇 𑌯𑌜𑌾॑𑌮𑌹𑍇 𑌵𑌷𑌟𑍍𑌕𑌾॒𑌰𑍋 𑌭𑌵॑𑌤𑍍𑌯𑌾॒𑌤𑍍𑌮𑌨𑌾॒ 𑌪𑌰𑌾᳚-𑌽𑌸𑍍𑌯॒ 𑌭𑍍𑌰𑌾𑌤𑍃॑𑌵𑍍𑌯𑍋 𑌭𑌵𑌤𑌿 𑌬𑍍𑌰𑌹𑍍𑌮𑌵𑌾॒𑌦𑌿𑌨𑍋॑ 𑌵𑌦𑌨𑍍𑌤𑌿॒ 𑌕𑌸𑍍𑌮𑍈॒ 𑌕𑌮॑𑌦𑍍𑌧𑍍𑌵॒𑌰𑍍𑌯𑍁𑌰𑌾 𑌶𑍍𑌰𑌾॑𑌵𑌯॒𑌤𑍀𑌤𑌿॒ 𑌛𑌨𑍍𑌦॑𑌸𑌾𑌂-𑌵𑍀𑌁॒𑌰𑍍𑌯𑌾॑𑌯𑍇𑌤𑌿॑ 𑌬𑍍𑌰𑍂𑌯𑌾𑌦𑍇॒ 𑌤-𑌦𑍍𑌵𑍈 [ ] 20

𑌛𑌨𑍍𑌦॑𑌸𑌾𑌂-𑌵𑍀𑌁॒𑌰𑍍𑌯॑𑌮𑌾 𑌶𑍍𑌰𑌾॑𑌵॒𑌯𑌾-𑌽𑌸𑍍𑌤𑍁॒ 𑌶𑍍𑌰𑍗𑌷॒𑌡𑍍 𑌯𑌜॒ 𑌯𑍇 𑌯𑌜𑌾॑𑌮𑌹𑍇 𑌵𑌷𑌟𑍍𑌕𑌾॒𑌰𑍋 𑌯 𑌏॒𑌵𑌂-𑌵𑍇𑌁𑌦॒ 𑌸𑌵𑍀᳚𑌰𑍍𑌯𑍈𑌰𑍇॒𑌵 𑌛𑌨𑍍𑌦𑍋॑𑌭𑌿𑌰𑌰𑍍𑌚𑌤𑌿॒ 𑌯-𑌤𑍍𑌕𑌿-𑌞𑍍𑌚𑌾𑌰𑍍𑌚॑𑌤𑌿॒ 𑌯𑌦𑌿𑌨𑍍𑌦𑍍𑌰𑍋॑ 𑌵𑍃॒𑌤𑍍𑌰𑌮𑌹॑𑌨𑍍𑌨-𑌮𑍇॒𑌦𑍍𑌧𑍍𑌯-𑌨𑍍𑌤-𑌦𑍍𑌯-𑌦𑍍𑌯𑌤𑍀॑𑌨॒𑌪𑌾𑌵॑𑌪𑌦-𑌮𑍇॒𑌦𑍍𑌧𑍍𑌯-𑌨𑍍𑌤𑌦𑌥॒ 𑌕𑌸𑍍𑌮𑌾॑𑌦𑍈॒𑌨𑍍𑌦𑍍𑌰𑍋 𑌯॒𑌜𑍍𑌞 𑌆 𑌸𑌗𑍍𑌗𑍍𑌸𑍍𑌥𑌾॑𑌤𑍋॒𑌰𑌿𑌤𑍍𑌯𑌾॑𑌹𑍁॒𑌰𑌿𑌨𑍍𑌦𑍍𑌰॑𑌸𑍍𑌯॒ 𑌵𑌾 𑌏॒𑌷𑌾 𑌯॒𑌜𑍍𑌞𑌿𑌯𑌾॑ 𑌤॒𑌨𑍂𑌰𑍍𑌯-𑌦𑍍𑌯॒𑌜𑍍𑌞𑌸𑍍𑌤𑌾𑌮𑍇॒𑌵 𑌤 𑌦𑍍𑌯॑𑌜𑌨𑍍𑌤𑌿॒ 𑌯 𑌏॒𑌵𑌂-𑌵𑍇𑌁𑌦𑍋𑌪𑍈॑𑌨𑌂-𑌯𑌁॒𑌜𑍍𑌞𑍋 𑌨॑𑌮𑌤𑌿 ॥ 21 ॥

(𑌛𑌨𑍍𑌦॑𑌸𑌾𑌂-𑌵𑍀𑌁॒𑌰𑍍𑌯𑌂॑ - 𑌁𑌵𑌾 - 𑌏॒𑌵 𑌤 - 𑌦॒𑌷𑍍𑌟𑍗 𑌚॑) (𑌅. 7)

𑌆॒𑌯𑍁𑌰𑍍𑌦𑌾 𑌅॑𑌗𑍍𑌨𑍇 𑌹॒𑌵𑌿𑌷𑍋॑ 𑌜𑍁𑌷𑌾॒𑌣𑍋 𑌘𑍃॒𑌤𑌪𑍍𑌰॑𑌤𑍀𑌕𑍋 𑌘𑍃॒𑌤𑌯𑍋॑𑌨𑌿𑌰𑍇𑌧𑌿 । 𑌘𑍃॒𑌤-𑌮𑍍𑌪𑍀॒𑌤𑍍𑌵𑌾 𑌮𑌧𑍁॒𑌚𑌾𑌰𑍁॒ 𑌗𑌵𑍍𑌯॑-𑌮𑍍𑌪𑌿॒𑌤𑍇𑌵॑𑌪𑍁॒𑌤𑍍𑌰𑌮॒𑌭𑌿 𑌰॑𑌕𑍍𑌷𑌤𑌾𑌦𑌿॒𑌮𑌮𑍍 ॥ 𑌆 𑌵𑍃॑𑌶𑍍𑌚𑍍𑌯𑌤𑍇॒ 𑌵𑌾 𑌏॒𑌤-𑌦𑍍𑌯𑌜॑𑌮𑌾𑌨𑍋॒-𑌽𑌗𑍍𑌨𑌿𑌭𑍍𑌯𑌾𑌂॒-𑌯𑌁𑌦𑍇॑𑌨𑌯𑍋-𑌶𑍍𑌶𑍃𑌤॒-𑌙𑍍𑌕𑍃𑌤𑍍𑌯𑌾𑌥𑌾॒-𑌽𑌨𑍍𑌯𑌤𑍍𑌰𑌾॑-𑌵𑌭𑍃॒𑌥𑌮॒𑌵𑍈𑌤𑍍𑌯𑌾॑𑌯𑍁॒𑌰𑍍𑌦𑌾 𑌅॑𑌗𑍍𑌨𑍇 𑌹॒𑌵𑌿𑌷𑍋॑ 𑌜𑍁𑌷𑌾॒𑌣 𑌇𑌤𑍍𑌯॑𑌵𑌭𑍃॒𑌥𑌮॑𑌵𑍈॒𑌷𑍍𑌯𑌨𑍍 𑌜𑍁॑𑌹𑍁𑌯𑌾॒𑌦𑌾𑌹𑍁॑𑌤𑍍𑌯𑍈॒𑌵𑍈𑌨𑍗॑ 𑌶𑌮𑌯𑌤𑌿॒ 𑌨𑌾-𑌽𑌽𑌰𑍍𑌤𑌿॒𑌮𑌾𑌰𑍍𑌚𑍍𑌛॑𑌤𑌿॒ 𑌯𑌜॑𑌮𑌾𑌨𑍋॒ 𑌯-𑌤𑍍𑌕𑍁𑌸𑍀॑𑌦॒- [𑌯-𑌤𑍍𑌕𑍁𑌸𑍀॑𑌦𑌮𑍍, 𑌅𑌪𑍍𑌰॑𑌤𑍀𑌤𑍍𑌤॒-𑌮𑍍𑌮𑌯𑌿॒ 𑌯𑍇𑌨॑] 22

-𑌮𑌪𑍍𑌰॑𑌤𑍀𑌤𑍍𑌤॒-𑌮𑍍𑌮𑌯𑌿॒ 𑌯𑍇𑌨॑ 𑌯॒𑌮𑌸𑍍𑌯॑ 𑌬॒𑌲𑌿𑌨𑌾॒ 𑌚𑌰𑌾॑𑌮𑌿 । 𑌇॒𑌹𑍈𑌵 𑌸-𑌨𑍍𑌨𑌿॒𑌰𑌵॑𑌦𑌯𑍇॒ 𑌤𑌦𑍇॒𑌤-𑌤𑍍𑌤𑌦॑𑌗𑍍𑌨𑍇 𑌅𑌨𑍃॒𑌣𑍋 𑌭॑𑌵𑌾𑌮𑌿 । 𑌵𑌿𑌶𑍍𑌵॑𑌲𑍋𑌪 𑌵𑌿𑌶𑍍𑌵𑌦𑌾॒𑌵𑌸𑍍𑌯॑ 𑌤𑍍𑌵𑌾॒ 𑌽𑌽𑌸𑌞𑍍𑌜𑍁॑𑌹𑍋𑌮𑍍𑌯॒𑌗𑍍𑌧𑌾𑌦𑍇𑌕𑍋॑ 𑌽𑌹𑍁॒𑌤𑌾𑌦𑍇𑌕𑌃॑ 𑌸𑌮𑌸॒𑌨𑌾𑌦𑍇𑌕𑌃॑ । 𑌤𑍇𑌨𑌃॑ 𑌕𑍃𑌣𑍍𑌵𑌨𑍍𑌤𑍁 𑌭𑍇𑌷॒𑌜𑌗𑍍𑌂 𑌸𑌦॒-𑌸𑍍𑌸𑌹𑍋॒ 𑌵𑌰𑍇᳚𑌣𑍍𑌯𑌮𑍍 ॥ 𑌅॒𑌯-𑌨𑍍𑌨𑍋॒ 𑌨𑌭॑𑌸𑌾 𑌪𑍁॒𑌰-𑌸𑍍𑌸॒𑌗𑍍𑌗𑍍॒𑌸𑍍𑌫𑌾𑌨𑍋॑ 𑌅॒𑌭𑌿 𑌰॑𑌕𑍍𑌷𑌤𑍁 । 𑌗𑍃॒𑌹𑌾𑌣𑌾॒𑌮𑌸॑𑌮𑌰𑍍𑌤𑍍𑌯𑍈 𑌬॒𑌹𑌵𑍋॑ 𑌨𑍋 𑌗𑍃॒𑌹𑌾 𑌅॑𑌸𑌨𑍍𑌨𑍍 ॥ 𑌸 𑌤𑍍𑌵𑌨𑍍𑌨𑍋॑ [𑌸 𑌤𑍍𑌵𑌨𑍍𑌨𑌃॑, 𑌨॒𑌭॒𑌸॒𑌸𑍍𑌪॒𑌤॒ 𑌊𑌰𑍍𑌜॑-𑌨𑍍𑌨𑍋] 23

𑌨𑌭𑌸𑌸𑍍𑌪𑌤॒ 𑌊𑌰𑍍𑌜॑-𑌨𑍍𑌨𑍋 𑌧𑍇𑌹𑌿 𑌭॒𑌦𑍍𑌰𑌯𑌾᳚ । 𑌪𑍁𑌨॑𑌰𑍍𑌨𑍋 𑌨॒𑌷𑍍𑌟𑌮𑌾 𑌕𑍃॑𑌧𑌿॒ 𑌪𑍁𑌨॑𑌰𑍍𑌨𑍋 𑌰॒𑌯𑌿𑌮𑌾 𑌕𑍃॑𑌧𑌿 ॥ 𑌦𑍇𑌵॑ 𑌸𑌗𑍍𑌗𑍍𑌸𑍍𑌫𑌾𑌨 𑌸𑌹𑌸𑍍𑌰𑌪𑍋॒𑌷𑌸𑍍𑌯𑍇॑𑌶𑌿𑌷𑍇॒ 𑌸 𑌨𑍋॑ 𑌰𑌾॒𑌸𑍍𑌵𑌾-𑌽𑌜𑍍𑌯𑌾॑𑌨𑌿𑌗𑍍𑌂 𑌰𑌾॒𑌯𑌸𑍍𑌪𑍋𑌷𑌗𑍍𑌂॑ 𑌸𑍁॒𑌵𑍀𑌰𑍍𑌯𑌗𑍍𑌂॑ 𑌸𑌂𑌵𑌁𑌥𑍍𑌸॒𑌰𑍀𑌣𑌾𑌗𑍍॑ 𑌸𑍍𑌵॒𑌸𑍍𑌤𑌿𑌮𑍍 ॥ 𑌅॒𑌗𑍍𑌨𑌿𑌰𑍍𑌵𑌾𑌵 𑌯॒𑌮 𑌇॒𑌯𑌂-𑌯𑌁॒𑌮𑍀 𑌕𑍁𑌸𑍀॑𑌦𑌂॒-𑌵𑌾𑌁 𑌏॒𑌤-𑌦𑍍𑌯॒𑌮𑌸𑍍𑌯॒ 𑌯𑌜॑𑌮𑌾𑌨॒ 𑌆 𑌦॑𑌤𑍍𑌤𑍇॒ 𑌯𑌦𑍋𑌷॑𑌧𑍀𑌭𑌿॒𑌰𑍍𑌵𑍇𑌦𑌿𑌗𑍍𑌗𑍍॑ 𑌸𑍍𑌤𑍃॒𑌣𑌾𑌤𑌿॒ 𑌯𑌦𑌨𑍁॑𑌪𑍗𑌷𑍍𑌯 𑌪𑍍𑌰𑌯𑌾॒𑌯𑌾-𑌦𑍍𑌗𑍍𑌰𑍀॑𑌵𑌬॒𑌦𑍍𑌧𑌮𑍇॑𑌨- [-𑌦𑍍𑌗𑍍𑌰𑍀॑𑌵𑌬॒𑌦𑍍𑌧𑌮𑍇॑𑌨𑌮𑍍, 𑌅॒𑌮𑍁𑌷𑍍𑌮𑌿॑𑌨𑍍 𑌁𑌲𑍋॒𑌕𑍇] 24

-𑌮॒𑌮𑍁𑌷𑍍𑌮𑌿॑𑌨𑍍 𑌁𑌲𑍋॒𑌕𑍇 𑌨𑍇॑𑌨𑍀𑌯𑍇𑌰॒𑌨𑍍॒. 𑌯-𑌤𑍍𑌕𑍁𑌸𑍀॑𑌦॒𑌮𑌪𑍍𑌰॑𑌤𑍀𑌤𑍍𑌤॒-𑌮𑍍𑌮𑌯𑍀𑌤𑍍𑌯𑍁𑌪𑍗॑𑌷𑌤𑍀॒𑌹𑍈𑌵 𑌸𑌨𑍍. 𑌯॒𑌮-𑌙𑍍𑌕𑍁𑌸𑍀॑𑌦-𑌨𑍍𑌨𑌿𑌰𑌵॒𑌦𑌾𑌯𑌾॑𑌨𑍃॒𑌣-𑌸𑍍𑌸𑍁॑𑌵॒𑌰𑍍𑌗𑌂-𑌲𑍋𑌁॒𑌕𑌮𑍇॑𑌤𑌿॒𑌯𑌦𑌿॑ 𑌮𑌿॒𑌶𑍍𑌰𑌮𑌿॑𑌵॒ 𑌚𑌰𑍇॑𑌦𑌞𑍍𑌜॒𑌲𑌿𑌨𑌾॒ 𑌸𑌕𑍍𑌤𑍂᳚-𑌨𑍍𑌪𑍍𑌰𑌦𑌾॒𑌵𑍍𑌯𑍇॑ 𑌜𑍁𑌹𑍁𑌯𑌾𑌦𑍇॒𑌷 𑌵𑌾 𑌅॒𑌗𑍍𑌨𑌿𑌰𑍍𑌵𑍈᳚𑌶𑍍𑌵𑌾𑌨॒𑌰𑍋 𑌯-𑌤𑍍𑌪𑍍𑌰॑𑌦𑌾॒𑌵𑍍𑌯𑌃॑ 𑌸 𑌏॒𑌵𑍈𑌨𑌗𑍍𑌗𑍍॑𑌸𑍍𑌵𑌦𑌯॒𑌤𑍍𑌯𑌹𑍍𑌨𑌾𑌂᳚-𑌵𑌿𑌁॒𑌧𑌾𑌨𑍍𑌯𑌾॑-𑌮𑍇𑌕𑌾𑌷𑍍𑌟॒𑌕𑌾𑌯𑌾॑𑌮𑌪𑍂॒𑌪-𑌞𑍍𑌚𑌤𑍁𑌃॑ 𑌶𑌰𑌾𑌵-𑌮𑍍𑌪॒𑌕𑍍𑌤𑍍𑌵𑌾 𑌪𑍍𑌰𑌾॒𑌤𑌰𑍇॒𑌤𑍇𑌨॒ 𑌕𑌕𑍍𑌷॒-𑌮𑍁𑌪𑍗॑𑌷𑍇॒𑌦𑍍𑌯𑌦𑌿॒ [-𑌮𑍁𑌪𑍗॑𑌷𑍇॒𑌦𑍍𑌯𑌦𑌿॑, 𑌦𑌹॑𑌤𑌿] 25

𑌦𑌹॑𑌤𑌿 𑌪𑍁𑌣𑍍𑌯॒𑌸𑌮॑-𑌮𑍍𑌭𑌵𑌤𑌿॒ 𑌯𑌦𑌿॒ 𑌨 𑌦𑌹॑𑌤𑌿 𑌪𑌾𑌪॒𑌸𑌮॑𑌮𑍇॒𑌤𑍇𑌨॑ 𑌹𑌸𑍍𑌮॒ 𑌵𑌾 𑌋𑌷॑𑌯𑌃 𑌪𑍁॒𑌰𑌾 𑌵𑌿॒𑌜𑍍𑌞𑌾𑌨𑍇॑𑌨 𑌦𑍀𑌰𑍍𑌘𑌸॒𑌤𑍍𑌰𑌮𑍁𑌪॑ 𑌯𑌨𑍍𑌤𑌿॒ 𑌯𑍋 𑌵𑌾 𑌉॑𑌪𑌦𑍍𑌰॒𑌷𑍍𑌟𑌾𑌰॑𑌮𑍁𑌪-𑌶𑍍𑌰𑍋॒𑌤𑌾𑌰॑𑌮𑌨𑍁𑌖𑍍𑌯𑌾॒𑌤𑌾𑌰𑌂॑-𑌵𑌿𑌁॒𑌦𑍍𑌵𑌾𑌨𑍍. 𑌯𑌜॑𑌤𑍇॒ 𑌸𑌮॒𑌮𑍁𑌷𑍍𑌮𑌿॑𑌨𑍍 𑌁𑌲𑍋॒𑌕 𑌇॑𑌷𑍍𑌟𑌾𑌪𑍂॒𑌰𑍍𑌤𑍇𑌨॑ 𑌗𑌚𑍍𑌛𑌤𑍇॒-𑌽𑌗𑍍𑌨𑌿𑌰𑍍𑌵𑌾 𑌉॑𑌪𑌦𑍍𑌰॒𑌷𑍍𑌟𑌾 𑌵𑌾॒𑌯𑍁𑌰𑍁॑𑌪𑌶𑍍𑌰𑍋॒𑌤𑌾 𑌽𑌽𑌦𑌿॒𑌤𑍍𑌯𑍋॑-𑌽𑌨𑍁𑌖𑍍𑌯𑌾॒𑌤𑌾 𑌤𑌾𑌨𑍍. 𑌯 𑌏॒𑌵𑌂-𑌵𑌿𑌁॒𑌦𑍍𑌵𑌾𑌨𑍍. 𑌯𑌜॑𑌤𑍇॒ 𑌸𑌮॒𑌮𑍁𑌷𑍍𑌮𑌿॑𑌨𑍍 𑌁𑌲𑍋॒𑌕 𑌇॑𑌷𑍍𑌟𑌾𑌪𑍂॒𑌰𑍍𑌤𑍇𑌨॑ 𑌗𑌚𑍍𑌛𑌤𑍇॒ 𑌽𑌯-𑌨𑍍𑌨𑍋॒ 𑌨𑌭॑𑌸𑌾 𑌪𑍁॒𑌰 [𑌪𑍁॒𑌰𑌃, 𑌇𑌤𑍍𑌯𑌾॑𑌹𑌾॒𑌗𑍍𑌨𑌿𑌰𑍍𑌵𑍈] 26

𑌇𑌤𑍍𑌯𑌾॑𑌹𑌾॒𑌗𑍍𑌨𑌿𑌰𑍍𑌵𑍈 𑌨𑌭॑𑌸𑌾 𑌪𑍁॒𑌰𑍋᳚-𑌽𑌗𑍍𑌨𑌿𑌮𑍇॒𑌵 𑌤𑌦𑌾॑𑌹𑍈॒𑌤𑌨𑍍𑌮𑍇॑ 𑌗𑍋𑌪𑌾॒𑌯𑍇𑌤𑌿॒ 𑌸 𑌤𑍍𑌵-𑌨𑍍𑌨𑍋॑ 𑌨𑌭𑌸𑌸𑍍𑌪𑌤॒ 𑌇𑌤𑍍𑌯𑌾॑𑌹 𑌵𑌾॒𑌯𑍁𑌰𑍍𑌵𑍈 𑌨𑌭॑𑌸॒𑌸𑍍𑌪𑌤𑌿॑𑌰𑍍𑌵𑌾॒𑌯𑍁𑌮𑍇॒𑌵 𑌤𑌦𑌾॑𑌹𑍈॒𑌤𑌨𑍍𑌮𑍇॑ 𑌗𑍋𑌪𑌾॒𑌯𑍇𑌤𑌿॒ 𑌦𑍇𑌵॑ 𑌸𑌗𑍍𑌗𑍍𑌸𑍍𑌫𑌾॒𑌨𑍇𑌤𑍍𑌯𑌾॑𑌹𑌾॒-𑌽𑌸𑍗 𑌵𑌾 𑌆॑𑌦𑌿॒𑌤𑍍𑌯𑍋 𑌦𑍇॒𑌵-𑌸𑍍𑌸॒𑌗𑍍𑌗𑍍॒𑌸𑍍𑌫𑌾𑌨॑ 𑌆𑌦𑌿॒𑌤𑍍𑌯𑌮𑍇॒𑌵 𑌤𑌦𑌾॑𑌹𑍈॒𑌤𑌨𑍍𑌮𑍇॑ 𑌗𑍋𑌪𑌾॒𑌯𑍇𑌤𑌿॑ ॥ 27 ॥

(𑌕𑍁𑌸𑍀॑𑌦𑌂॒ - 𑌤𑍍𑌵-𑌨𑍍𑌨॑ - 𑌏𑌨 - 𑌮𑍋𑌷𑍇॒𑌦𑍍𑌯𑌦𑌿॑ - 𑌪𑍁॒𑌰 - 𑌆॑𑌦𑌿॒𑌤𑍍𑌯𑌮𑍇॒𑌵 𑌤𑌦𑌾॑𑌹𑍈॒𑌤𑌨𑍍𑌮𑍇॑ 𑌗𑍋𑌪𑌾॒𑌯𑍇𑌤𑌿॑) (𑌅. 8)

𑌏॒𑌤𑌂-𑌯𑍁𑌁𑌵𑌾॑𑌨॒-𑌮𑍍𑌪𑌰𑌿॑ 𑌵𑍋 𑌦𑌦𑌾𑌮𑌿॒ 𑌤𑍇𑌨॒ 𑌕𑍍𑌰𑍀𑌡॑𑌨𑍍𑌤𑍀𑌶𑍍𑌚𑌰𑌤 𑌪𑍍𑌰𑌿॒𑌯𑍇𑌣॑ । 𑌮𑌾 𑌨𑌃॑ 𑌶𑌾𑌪𑍍𑌤 𑌜॒𑌨𑍁𑌷𑌾॑ 𑌸𑍁𑌭𑌾𑌗𑌾 𑌰𑌾॒𑌯𑌸𑍍𑌪𑍋𑌷𑍇॑𑌣॒ 𑌸𑌮𑌿॒𑌷𑌾 𑌮॑𑌦𑍇𑌮 ॥ 𑌨𑌮𑍋॑ 𑌮𑌹𑌿॒𑌮𑍍𑌨 𑌉॒𑌤 𑌚𑌕𑍍𑌷𑍁॑𑌷𑍇 𑌤𑍇॒ 𑌮𑌰𑍁॑𑌤𑌾-𑌮𑍍𑌪𑌿𑌤॒𑌸𑍍𑌤𑌦॒𑌹-𑌙𑍍𑌗𑍃॑𑌣𑌾𑌮𑌿 । 𑌅𑌨𑍁॑ 𑌮𑌨𑍍𑌯𑌸𑍍𑌵 𑌸𑍁॒𑌯𑌜𑌾॑ 𑌯𑌜𑌾𑌮॒ 𑌜𑍁𑌷𑍍𑌟॑-𑌨𑍍𑌦𑍇॒𑌵𑌾𑌨𑌾॑𑌮𑌿॒𑌦𑌮॑𑌸𑍍𑌤𑍁 𑌹॒𑌵𑍍𑌯𑌮𑍍 ॥ 𑌦𑍇॒𑌵𑌾𑌨𑌾॑𑌮𑍇॒𑌷 𑌉॑𑌪𑌨𑌾॒𑌹 𑌆॑𑌸𑍀𑌦॒𑌪𑌾-𑌙𑍍𑌗𑌰𑍍𑌭॒ 𑌓𑌷॑𑌧𑍀𑌷𑍁॒ 𑌨𑍍𑌯॑𑌕𑍍𑌤𑌃 । 𑌸𑍋𑌮॑𑌸𑍍𑌯 𑌦𑍍𑌰॒𑌫𑍍𑌸𑌮॑𑌵𑍃𑌣𑍀𑌤 𑌪𑍂॒𑌷𑌾 [ ] 28

𑌬𑍃॒𑌹𑌨𑍍𑌨𑌦𑍍𑌰𑌿॑𑌰𑌭𑌵॒-𑌤𑍍𑌤𑌦𑍇॑𑌷𑌾𑌮𑍍 ॥ 𑌪𑌿॒𑌤𑌾 𑌵॒𑌥𑍍𑌸𑌾𑌨𑌾॒-𑌮𑍍𑌪𑌤𑌿॑𑌰𑌘𑍍𑌨𑌿॒𑌯𑌾𑌨𑌾॒𑌮𑌥𑍋॑ 𑌪𑌿॒𑌤𑌾 𑌮॑𑌹॒𑌤𑌾-𑌙𑍍𑌗𑌰𑍍𑌗॑𑌰𑌾𑌣𑌾𑌮𑍍 । 𑌵॒𑌥𑍍𑌸𑍋 𑌜॒𑌰𑌾𑌯𑍁॑ 𑌪𑍍𑌰𑌤𑌿॒𑌧𑍁-𑌕𑍍𑌪𑍀॒𑌯𑍂𑌷॑ 𑌆॒𑌮𑌿𑌕𑍍𑌷𑌾॒ 𑌮𑌸𑍍𑌤𑍁॑ 𑌘𑍃॒𑌤𑌮॑𑌸𑍍𑌯॒ 𑌰𑍇𑌤𑌃॑ ॥ 𑌤𑍍𑌵𑌾-𑌙𑍍𑌗𑌾𑌵𑍋॑-𑌽𑌵𑍃𑌣𑌤 𑌰𑌾॒𑌜𑍍𑌯𑌾𑌯॒ 𑌤𑍍𑌵𑌾𑌗𑍍𑌂 𑌹॑𑌵𑌨𑍍𑌤 𑌮॒𑌰𑍁𑌤𑌃॑ 𑌸𑍍𑌵॒𑌰𑍍𑌕𑌾𑌃 । 𑌵𑌰𑍍𑌷𑍍𑌮॑𑌨𑍍 𑌕𑍍𑌷॒𑌤𑍍𑌰𑌸𑍍𑌯॑ 𑌕॒𑌕𑍁𑌭𑌿॑ 𑌶𑌿𑌶𑍍𑌰𑌿𑌯𑌾॒𑌣𑌸𑍍𑌤𑌤𑍋॑ 𑌨 𑌉॒𑌗𑍍𑌰𑍋 𑌵𑌿 𑌭॑𑌜𑌾॒ 𑌵𑌸𑍂॑𑌨𑌿 ॥ 𑌵𑍍𑌯𑍃॑𑌦𑍍𑌧𑍇𑌨॒ 𑌵𑌾 𑌏॒𑌷 𑌪॒𑌶𑍁𑌨𑌾॑ 𑌯𑌜𑌤𑍇॒ 𑌯𑌸𑍍𑌯𑍈॒𑌤𑌾𑌨𑌿॒ 𑌨 𑌕𑍍𑌰𑌿॒𑌯𑌨𑍍𑌤॑ 𑌏॒𑌷 𑌹॒ 𑌤𑍍𑌵𑍈 𑌸𑌮𑍃॑𑌦𑍍𑌧𑍇𑌨 𑌯𑌜𑌤𑍇॒ 𑌯𑌸𑍍𑌯𑍈॒𑌤𑌾𑌨𑌿॑ 𑌕𑍍𑌰𑌿॒𑌯𑌨𑍍𑌤𑍇᳚ ॥ 29 ॥

(𑌪𑍂॒𑌷𑌾 - 𑌕𑍍𑌰𑌿॒𑌯𑌨𑍍𑌤॑ 𑌏॒𑌷𑍋᳚ - 𑌽𑌷𑍍𑌟𑍗 𑌚॑) (𑌅. 9)

𑌸𑍂𑌰𑍍𑌯𑍋॑ 𑌦𑍇॒𑌵𑍋 𑌦𑌿॑𑌵𑌿॒𑌷𑌦𑍍𑌭𑍍𑌯𑍋॑ 𑌧𑌾॒𑌤𑌾 𑌕𑍍𑌷॒𑌤𑍍𑌰𑌾𑌯॑ 𑌵𑌾॒𑌯𑍁𑌃 𑌪𑍍𑌰॒𑌜𑌾𑌭𑍍𑌯𑌃॑ । 𑌬𑍃𑌹॒𑌸𑍍𑌪𑌤𑌿॑𑌸𑍍𑌤𑍍𑌵𑌾 𑌪𑍍𑌰॒𑌜𑌾𑌪॑𑌤𑌯𑍇॒ 𑌜𑍍𑌯𑍋𑌤𑌿॑𑌷𑍍𑌮𑌤𑍀-𑌞𑍍𑌜𑍁𑌹𑍋𑌤𑍁 ॥ 𑌯𑌸𑍍𑌯𑌾᳚𑌸𑍍𑌤𑍇॒ 𑌹𑌰𑌿॑𑌤𑍋॒ 𑌗𑌰𑍍𑌭𑍋-𑌽𑌥𑍋॒ 𑌯𑍋𑌨𑌿॑𑌰𑍍𑌹𑌿𑌰॒𑌣𑍍𑌯𑌯𑍀᳚ । 𑌅𑌙𑍍𑌗𑌾॒𑌨𑍍𑌯𑌹𑍍𑌰𑍁॑𑌤𑌾॒ 𑌯𑌸𑍍𑌯𑍈॒ 𑌤𑌾-𑌨𑍍𑌦𑍇॒𑌵𑍈-𑌸𑍍𑌸𑌮॑𑌜𑍀𑌗𑌮𑌮𑍍 ॥ 𑌆 𑌵॑𑌰𑍍𑌤𑌨 𑌵𑌰𑍍𑌤𑌯॒ 𑌨𑌿 𑌨𑌿॑𑌵𑌰𑍍𑌤𑌨 𑌵𑌰𑍍𑌤॒𑌯𑍇𑌨𑍍𑌦𑍍𑌰॑ 𑌨𑌰𑍍𑌦𑌬𑍁𑌦 । 𑌭𑍂𑌮𑍍𑌯𑌾॒𑌶𑍍𑌚𑌤॑𑌸𑍍𑌰𑌃 𑌪𑍍𑌰॒𑌦𑌿𑌶॒𑌸𑍍𑌤𑌾𑌭𑌿॒𑌰𑌾 𑌵॑𑌰𑍍𑌤𑌯𑌾॒ 𑌪𑍁𑌨𑌃॑ ॥ 𑌵𑌿 𑌤𑍇॑ 𑌭𑌿𑌨𑌦𑍍𑌮𑌿 𑌤𑌕॒𑌰𑍀𑌂-𑌵𑌿𑌁𑌯𑍋𑌨𑌿𑌂॒-𑌵𑌿𑌁 𑌗॑𑌵𑍀॒𑌨𑍍𑌯𑍗᳚ । 𑌵𑌿 [ ] 30

𑌮𑌾॒𑌤𑌰॑𑌞𑍍𑌚 𑌪𑍁॒𑌤𑍍𑌰-𑌞𑍍𑌚॒ 𑌵𑌿 𑌗𑌰𑍍𑌭॑-𑌞𑍍𑌚 𑌜॒𑌰𑌾𑌯𑍁॑ 𑌚 ॥ 𑌬॒𑌹𑌿𑌸𑍍𑌤𑍇॑ 𑌅𑌸𑍍𑌤𑍁॒ 𑌬𑌾𑌲𑌿𑌤𑌿॑ ॥ 𑌉॒𑌰𑍁॒𑌦𑍍𑌰॒𑌫𑍍𑌸𑍋 𑌵𑌿॒𑌶𑍍𑌵𑌰𑍂॑𑌪॒ 𑌇𑌨𑍍𑌦𑍁𑌃॒ 𑌪𑌵॑𑌮𑌾𑌨𑍋॒ 𑌧𑍀𑌰॑ 𑌆𑌨𑌞𑍍𑌜॒ 𑌗𑌰𑍍𑌭᳚𑌮𑍍 ॥ 𑌏𑌕॑𑌪𑌦𑍀 𑌦𑍍𑌵𑌿॒𑌪𑌦𑍀᳚ 𑌤𑍍𑌰𑌿॒𑌪𑌦𑍀॒ 𑌚𑌤𑍁॑𑌷𑍍𑌪𑌦𑍀॒ 𑌪𑌞𑍍𑌚॑𑌪𑌦𑍀॒ 𑌷𑌟𑍍𑌪॑𑌦𑍀 𑌸॒𑌪𑍍𑌤𑌪॑𑌦𑍍𑌯॒𑌷𑍍𑌟𑌾𑌪॑𑌦𑍀॒ 𑌭𑍁𑌵॒𑌨𑌾-𑌽𑌨𑍁॑ 𑌪𑍍𑌰𑌥𑌤𑌾॒𑌗𑍍॒ 𑌸𑍍𑌵𑌾𑌹𑌾᳚ ॥ 𑌮॒𑌹𑍀 𑌦𑍍𑌯𑍗𑌃 𑌪𑍃॑𑌥𑌿॒𑌵𑍀 𑌚॑ 𑌨 𑌇॒𑌮𑌂-𑌯𑌁॒𑌜𑍍𑌞-𑌮𑍍𑌮𑌿॑𑌮𑌿𑌕𑍍𑌷𑌤𑌾𑌮𑍍 । 𑌪𑌿॒𑌪𑍃॒𑌤𑌾𑌨𑍍𑌨𑍋॒ 𑌭𑌰𑍀॑𑌮𑌭𑌿𑌃 ॥ 31 ॥

(𑌗॒𑌵𑌿॒𑌨𑍍𑌯𑍗॑ 𑌵𑌿 - 𑌚𑌤𑍁॑𑌶𑍍𑌚𑌤𑍍𑌵𑌾𑌰𑌿𑌗𑍍𑌂𑌶𑌚𑍍𑌚) (𑌅. 10)

𑌇॒𑌦𑌂-𑌵𑌾𑌁॑𑌮𑌾॒𑌸𑍍𑌯𑍇॑ 𑌹॒𑌵𑌿𑌃 𑌪𑍍𑌰𑌿॒𑌯𑌮𑌿॑𑌨𑍍𑌦𑍍𑌰𑌾𑌬𑍃𑌹𑌸𑍍𑌪𑌤𑍀 । 𑌉॒𑌕𑍍𑌥-𑌮𑍍𑌮𑌦॑𑌶𑍍𑌚 𑌶𑌸𑍍𑌯𑌤𑍇 ॥ 𑌅॒𑌯𑌂-𑌵𑌾𑌁॒-𑌮𑍍𑌪𑌰𑌿॑ 𑌷𑌿𑌚𑍍𑌯𑌤𑍇॒ 𑌸𑍋𑌮॑𑌇𑌨𑍍𑌦𑍍𑌰𑌾𑌬𑍃𑌹𑌸𑍍𑌪𑌤𑍀 । 𑌚𑌾𑌰𑍁॒𑌰𑍍𑌮𑌦𑌾॑𑌯 𑌪𑍀॒𑌤𑌯𑍇᳚ ॥ 𑌅॒𑌸𑍍𑌮𑍇 𑌇॑𑌨𑍍𑌦𑍍𑌰𑌾𑌬𑍃𑌹𑌸𑍍𑌪𑌤𑍀 𑌰॒𑌯𑌿-𑌨𑍍𑌧॑𑌤𑍍𑌤𑌗𑍍𑌂 𑌶𑌤॒𑌗𑍍𑌵𑌿𑌨᳚𑌮𑍍 । 𑌅𑌶𑍍𑌵𑌾॑𑌵𑌨𑍍𑌤𑌗𑍍𑌂 𑌸𑌹॒𑌸𑍍𑌰𑌿𑌣᳚𑌮𑍍 ॥ 𑌬𑍃𑌹॒𑌸𑍍𑌪𑌤𑌿॑𑌰𑍍𑌨𑌃॒ 𑌪𑌰𑌿॑𑌪𑌾𑌤𑍁 𑌪॒𑌶𑍍𑌚𑌾𑌦𑍁॒𑌤𑍋𑌤𑍍𑌤॑𑌰𑌸𑍍𑌮𑌾॒𑌦𑌧॑𑌰𑌾𑌦𑌘𑌾॒𑌯𑍋𑌃 । 𑌇𑌨𑍍𑌦𑍍𑌰𑌃॑ 𑌪𑍁॒𑌰𑌸𑍍𑌤𑌾॑𑌦𑍁॒𑌤 𑌮॑𑌦𑍍𑌧𑍍𑌯॒𑌤𑍋 𑌨॒-𑌸𑍍𑌸𑌖𑌾॒ 𑌸𑌖𑌿॑𑌭𑍍𑌯𑍋॒ 𑌵𑌰𑌿॑𑌵𑌃 𑌕𑍃𑌣𑍋𑌤𑍁 ॥ 𑌵𑌿 𑌤𑍇॒ 𑌵𑌿𑌷𑍍𑌵॒𑌗𑍍𑌵𑌾𑌤॑𑌜𑍂𑌤𑌾𑌸𑍋 𑌅𑌗𑍍𑌨𑍇॒ 𑌭𑌾𑌮𑌾॑𑌸- [𑌅𑌗𑍍𑌨𑍇॒ 𑌭𑌾𑌮𑌾॑𑌸𑌃, 𑌶𑍁॒𑌚𑍇॒ 𑌶𑍁𑌚॑𑌯𑌶𑍍𑌚𑌰𑌨𑍍𑌤𑌿 ।] 32

-𑌶𑍍𑌶𑍁𑌚𑍇॒ 𑌶𑍁𑌚॑𑌯𑌶𑍍𑌚𑌰𑌨𑍍𑌤𑌿 । 𑌤𑍁॒𑌵𑌿॒𑌮𑍍𑌰॒𑌕𑍍𑌷𑌾𑌸𑍋॑ 𑌦𑌿॒𑌵𑍍𑌯𑌾 𑌨𑌵॑𑌗𑍍𑌵𑌾॒ 𑌵𑌨𑌾॑ 𑌵𑌨𑌨𑍍𑌤𑌿 𑌧𑍃𑌷॒𑌤𑌾 𑌰𑍁॒𑌜𑌨𑍍𑌤𑌃॑ ॥ 𑌤𑍍𑌵𑌾𑌮॑𑌗𑍍𑌨𑍇॒ 𑌮𑌾𑌨𑍁॑𑌷𑍀𑌰𑍀𑌡𑌤𑍇॒ 𑌵𑌿𑌶𑍋॑ 𑌹𑍋𑌤𑍍𑌰𑌾॒𑌵𑌿𑌦𑌂॒-𑌵𑌿𑌁𑌵𑌿॑𑌚𑌿𑌗𑍍𑌂 𑌰𑌤𑍍𑌨॒𑌧𑌾𑌤॑𑌮𑌮𑍍 । 𑌗𑍁𑌹𑌾॒ 𑌸𑌨𑍍𑌤𑌗𑍍𑌂॑ 𑌸𑍁𑌭𑌗 𑌵𑌿॒𑌶𑍍𑌵𑌦॑𑌰𑍍𑌶𑌤-𑌨𑍍𑌤𑍁 𑌵𑌿𑌷𑍍𑌮॒𑌣𑌸𑌗𑍍𑌂॑ 𑌸𑍁॒𑌯𑌜॑-𑌙𑍍𑌘𑍃𑌤॒𑌶𑍍𑌰𑌿𑌯᳚𑌮𑍍 ॥ 𑌧𑌾॒𑌤𑌾 𑌦॑𑌦𑌾𑌤𑍁 𑌨𑍋 𑌰॒𑌯𑌿𑌮𑍀𑌶𑌾॑𑌨𑍋॒ 𑌜𑌗॑𑌤॒𑌸𑍍𑌪𑌤𑌿𑌃॑ । 𑌸 𑌨𑌃॑ 𑌪𑍂॒𑌰𑍍𑌣𑍇𑌨॑ 𑌵𑌾𑌵𑌨𑌤𑍍 ॥ 𑌧𑌾॒𑌤𑌾 𑌪𑍍𑌰॒𑌜𑌾𑌯𑌾॑ 𑌉॒𑌤 𑌰𑌾॒𑌯 𑌈॑𑌶𑍇 𑌧𑌾॒𑌤𑍇𑌦𑌂-𑌵𑌿𑌁𑌶𑍍𑌵॒-𑌮𑍍𑌭𑍁𑌵॑𑌨-𑌞𑍍𑌜𑌜𑌾𑌨 । 𑌧𑌾॒𑌤𑌾 𑌪𑍁॒𑌤𑍍𑌰𑌂-𑌯𑌁𑌜॑𑌮𑌾𑌨𑌾𑌯॒ 𑌦𑌾𑌤𑌾॒ [𑌦𑌾𑌤𑌾᳚, 𑌤𑌸𑍍𑌮𑌾॑] 33

𑌤𑌸𑍍𑌮𑌾॑ 𑌉 𑌹॒𑌵𑍍𑌯-𑌙𑍍𑌘𑍃॒𑌤𑌵॑𑌦𑍍𑌵𑌿𑌧𑍇𑌮 ॥ 𑌧𑌾॒𑌤𑌾 𑌦॑𑌦𑌾𑌤𑍁 𑌨𑍋 𑌰॒𑌯𑌿-𑌮𑍍𑌪𑍍𑌰𑌾𑌚𑍀᳚-𑌞𑍍𑌜𑍀॒𑌵𑌾𑌤𑍁॒𑌮𑌕𑍍𑌷𑌿॑𑌤𑌾𑌮𑍍 । 𑌵॒𑌯-𑌨𑍍𑌦𑍇॒𑌵𑌸𑍍𑌯॑ 𑌧𑍀𑌮𑌹𑌿 𑌸𑍁𑌮॒𑌤𑌿𑌗𑍍𑌂 𑌸॒𑌤𑍍𑌯𑌰𑌾॑𑌧𑌸𑌃 ॥ 𑌧𑌾॒𑌤𑌾 𑌦॑𑌦𑌾𑌤𑍁 𑌦𑌾॒𑌶𑍁𑌷𑍇॒ 𑌵𑌸𑍂॑𑌨𑌿 𑌪𑍍𑌰॒𑌜𑌾𑌕𑌾॑𑌮𑌾𑌯 𑌮𑍀॒𑌢𑍁𑌷𑍇॑ 𑌦𑍁𑌰𑍋॒𑌣𑍇 । 𑌤𑌸𑍍𑌮𑍈॑ 𑌦𑍇॒𑌵𑌾 𑌅॒𑌮𑍃𑌤𑌾॒-𑌸𑍍𑌸𑌂𑌵𑍍𑌯𑌁॑𑌯𑌨𑍍𑌤𑌾𑌂॒-𑌵𑌿𑌁𑌶𑍍𑌵𑍇॑ 𑌦𑍇॒𑌵𑌾𑌸𑍋॒ 𑌅𑌦𑌿॑𑌤𑌿-𑌸𑍍𑌸॒𑌜𑍋𑌷𑌾𑌃᳚ ॥ 𑌅𑌨𑍁॑ 𑌨𑍋॒-𑌽𑌦𑍍𑌯𑌾-𑌽𑌨𑍁॑𑌮𑌤𑌿𑌰𑍍𑌯॒𑌜𑍍𑌞-𑌨𑍍𑌦𑍇॒𑌵𑍇𑌷𑍁॑ 𑌮𑌨𑍍𑌯𑌤𑌾𑌮𑍍 । 𑌅॒𑌗𑍍𑌨𑌿𑌶𑍍𑌚॑ 𑌹𑌵𑍍𑌯॒𑌵𑌾𑌹॑𑌨𑍋॒ 𑌭𑌵॑𑌤𑌾-𑌨𑍍𑌦𑌾॒𑌶𑍁𑌷𑍇॒ 𑌮𑌯𑌃॑ ॥ 𑌅𑌨𑍍𑌵𑌿𑌦॑𑌨𑍁𑌮𑌤𑍇॒ 𑌤𑍍𑌵- [𑌅𑌨𑍍𑌵𑌿𑌦॑𑌨𑍁𑌮𑌤𑍇॒ 𑌤𑍍𑌵𑌮𑍍, 𑌮𑌨𑍍𑌯𑌾॑𑌸𑍈॒ 𑌶𑌞𑍍𑌚॑𑌨𑌃 𑌕𑍃𑌧𑌿 ।] 34

-𑌮𑍍𑌮𑌨𑍍𑌯𑌾॑𑌸𑍈॒ 𑌶𑌞𑍍𑌚॑𑌨𑌃 𑌕𑍃𑌧𑌿 । 𑌕𑍍𑌰𑌤𑍍𑌵𑍇॒ 𑌦𑌕𑍍𑌷𑌾॑𑌯 𑌨𑍋 𑌹𑌿𑌨𑍁॒ 𑌪𑍍𑌰𑌣॒ 𑌆𑌯𑍂𑌗𑍍𑌂॑𑌷𑌿 𑌤𑌾𑌰𑌿𑌷𑌃 ॥ 𑌅𑌨𑍁॑ 𑌮𑌨𑍍𑌯𑌤𑌾-𑌮𑌨𑍁॒𑌮𑌨𑍍𑌯॑𑌮𑌾𑌨𑌾 𑌪𑍍𑌰॒𑌜𑌾𑌵॑𑌨𑍍𑌤𑌗𑍍𑌂 𑌰॒𑌯𑌿𑌮𑌕𑍍𑌷𑍀॑𑌯𑌮𑌾𑌣𑌮𑍍 । 𑌤𑌸𑍍𑌯𑍈॑ 𑌵॒𑌯𑌗𑍍𑌂 𑌹𑍇𑌡॑𑌸𑌿॒ 𑌮𑌾-𑌽𑌪𑌿॑ 𑌭𑍂𑌮॒ 𑌸𑌾 𑌨𑍋॑ 𑌦𑍇॒𑌵𑍀 𑌸𑍁॒𑌹𑌵𑌾॒ 𑌶𑌰𑍍𑌮॑ 𑌯𑌚𑍍𑌛𑌤𑍁 ॥ 𑌯𑌸𑍍𑌯𑌾॑𑌮𑌿॒𑌦-𑌮𑍍𑌪𑍍𑌰॒𑌦𑌿𑌶𑌿॒ 𑌯𑌦𑍍𑌵𑌿॒𑌰𑍋𑌚॒𑌤𑍇-𑌽𑌨𑍁॑𑌮𑌤𑌿॒-𑌮𑍍𑌪𑍍𑌰𑌤𑌿॑ 𑌭𑍂𑌷𑌨𑍍𑌤𑍍𑌯𑌾॒𑌯𑌵𑌃॑ । 𑌯𑌸𑍍𑌯𑌾॑ 𑌉॒𑌪𑌸𑍍𑌥॑ 𑌉॒𑌰𑍍𑌵॑𑌨𑍍𑌤𑌰𑌿॑𑌕𑍍𑌷॒𑌗𑍍𑌂॒ 𑌸𑌾 𑌨𑍋॑ 𑌦𑍇॒𑌵𑍀 𑌸𑍁॒𑌹𑌵𑌾॒ 𑌶𑌰𑍍𑌮॑ 𑌯𑌚𑍍𑌛𑌤𑍁 ॥ 35 ॥

𑌰𑌾॒𑌕𑌾𑌮॒𑌹𑌗𑍍𑌂 𑌸𑍁॒𑌹𑌵𑌾𑌗𑍍𑌂॑ 𑌸𑍁𑌷𑍍𑌟𑍁॒𑌤𑍀 𑌹𑍁॑𑌵𑍇 𑌶𑍃॒𑌣𑍋𑌤𑍁॑ 𑌨-𑌸𑍍𑌸𑍁॒𑌭𑌗𑌾॒ 𑌬𑍋𑌧॑𑌤𑍁॒ 𑌤𑍍𑌮𑌨𑌾᳚ । 𑌸𑍀𑌵𑍍𑌯॒𑌤𑍍𑌵𑌪𑌃॑ 𑌸𑍂॒𑌚𑍍𑌯𑌾-𑌽𑌚𑍍𑌛𑌿॑𑌦𑍍𑌯𑌮𑌾𑌨𑌯𑌾॒ 𑌦𑌦𑌾॑𑌤𑍁 𑌵𑍀॒𑌰𑌗𑍍𑌂 𑌶॒𑌤𑌦𑌾॑𑌯𑌮𑍁॒𑌕𑍍𑌥𑍍𑌯᳚𑌮𑍍 ॥ 𑌯𑌾𑌸𑍍𑌤𑍇॑ 𑌰𑌾𑌕𑍇 𑌸𑍁𑌮॒𑌤𑌯𑌃॑ 𑌸𑍁॒𑌪𑍇𑌶॑𑌸𑍋॒ 𑌯𑌾𑌭𑌿॒𑌰𑍍𑌦𑌦𑌾॑𑌸𑌿 𑌦𑌾॒𑌶𑍁𑌷𑍇॒ 𑌵𑌸𑍂॑𑌨𑌿 । 𑌤𑌾𑌭𑌿॑𑌰𑍍𑌨𑍋 𑌅॒𑌦𑍍𑌯 𑌸𑍁॒𑌮𑌨𑌾॑ 𑌉॒𑌪𑌾𑌗॑𑌹𑌿 𑌸𑌹𑌸𑍍𑌰𑌪𑍋॒𑌷𑌗𑍍𑌂 𑌸𑍁॑𑌭𑌗𑍇॒ 𑌰𑌰𑌾॑𑌣𑌾 ॥ 𑌸𑌿𑌨𑍀॑𑌵𑌾𑌲𑌿॒, 𑌯𑌾 𑌸𑍁॑𑌪𑌾॒𑌣𑌿𑌃 ॥ 𑌕𑍁॒𑌹𑍂𑌮॒𑌹𑌗𑍍𑌂 𑌸𑍁॒𑌭𑌗𑌾𑌂᳚-𑌵𑌿𑌁𑌦𑍍𑌮॒𑌨𑌾𑌪॑𑌸𑌮॒𑌸𑍍𑌮𑌿𑌨𑍍. 𑌯॒𑌜𑍍𑌞𑍇 𑌸𑍁॒𑌹𑌵𑌾᳚-𑌞𑍍𑌜𑍋𑌹𑌵𑍀𑌮𑌿 । 𑌸𑌾 𑌨𑍋॑ 𑌦𑌦𑌾𑌤𑍁॒ 𑌶𑍍𑌰𑌵॑𑌣-𑌮𑍍𑌪𑌿𑌤𑍃॒𑌣𑌾-𑌨𑍍𑌤𑌸𑍍𑌯𑌾᳚𑌸𑍍𑌤𑍇 𑌦𑍇𑌵𑌿 𑌹॒𑌵𑌿𑌷𑌾॑ 𑌵𑌿𑌧𑍇𑌮 ॥ 𑌕𑍁॒𑌹𑍂-𑌰𑍍𑌦𑍇॒𑌵𑌾𑌨𑌾॑𑌮॒𑌮𑍃𑌤॑𑌸𑍍𑌯॒ 𑌪𑌤𑍍𑌨𑍀॒ 𑌹𑌵𑍍𑌯𑌾॑ 𑌨𑍋 𑌅॒𑌸𑍍𑌯 𑌹॒𑌵𑌿𑌷॑𑌶𑍍𑌚𑌿𑌕𑍇𑌤𑍁 । 𑌸-𑌨𑍍𑌦𑌾॒𑌶𑍁𑌷𑍇॑ 𑌕𑌿॒𑌰𑌤𑍁॒ 𑌭𑍂𑌰𑌿॑ 𑌵𑌾॒𑌮𑌗𑍍𑌂 𑌰𑌾॒𑌯𑌸𑍍𑌪𑍋𑌷॑-𑌞𑍍𑌚𑌿𑌕𑌿॒𑌤𑍁𑌷𑍇॑ 𑌦𑌧𑌾𑌤𑍁 ॥ 36 ॥

(𑌭𑌾𑌮𑌾॑𑌸𑍋॒ - 𑌦𑌾𑌤𑌾॒ - 𑌤𑍍𑌵 - 𑌮॒𑌨𑍍𑌤𑌰𑌿॑𑌕𑍍𑌷॒𑌗𑍍𑌂॒ 𑌸𑌾 𑌨𑍋॑ 𑌦𑍇॒𑌵𑍀 𑌸𑍁॒𑌹𑌵𑌾॒ 𑌶𑌰𑍍𑌮॑ 𑌯𑌚𑍍𑌛𑌤𑍁॒ -𑌶𑍍𑌰𑌵॑𑌣𑌂॒ - 𑌚𑌤𑍁॑𑌰𑍍𑌵𑌿𑌗𑍍𑌂𑌶𑌤𑌿𑌶𑍍𑌚) (𑌅. 11)

(𑌅𑌗𑍍𑌨𑍇॑ 𑌤𑍇𑌜𑌸𑍍𑌵𑌿𑌨𑍍 - 𑌵𑌾॒𑌯𑍁 - 𑌰𑍍𑌵𑌸॑𑌵𑌸𑍍𑌤𑍍 - 𑌵𑍈॒𑌤𑌦𑍍𑌵𑌾 𑌅॒𑌪𑌾𑌂 - 𑌁𑌵𑌾॒𑌯𑍁𑌰॑𑌸𑌿 𑌪𑍍𑌰𑌾॒𑌣𑍋 𑌨𑌾𑌮॑ - 𑌦𑍇॒𑌵𑌾 𑌵𑍈 𑌯𑌦𑍍𑌯॒𑌜𑍍𑌞𑍇𑌨॒𑌨 - 𑌪𑍍𑌰॒𑌜𑌾𑌪॑𑌤𑌿 𑌰𑍍𑌦𑍇𑌵𑌾𑌸𑍁॒𑌰𑌾 - 𑌨𑌾॑𑌯𑍁॒𑌰𑍍𑌦𑌾 - 𑌏॒𑌤𑌂-𑌯𑍁𑌁𑌵𑌾॑𑌨॒𑌗𑍍𑌂॒ - 𑌸𑍂𑌰𑍍𑌯𑍋॑ 𑌦𑍇॒𑌵 - 𑌇॒𑌦𑌂-𑌵𑌾𑌁॒ - 𑌮𑍇𑌕𑌾॑𑌦𑌶)

(𑌅𑌗𑍍𑌨𑍇॑ 𑌤𑍇𑌜𑌸𑍍𑌵𑌿𑌨𑍍 - 𑌵𑌾॒𑌯𑍁𑌰॑𑌸𑌿॒ - 𑌛𑌨𑍍𑌦॑𑌸𑌾𑌂-𑌵𑍀𑌁॒𑌰𑍍𑌯𑌂॑ - 𑌮𑌾॒𑌤𑌰॑𑌞𑍍𑌚॒ - 𑌷𑌟𑍍𑌤𑍍𑌰𑌿𑌗𑍍𑌂॑𑌶𑌤𑍍 )

(𑌅𑌗𑍍𑌨𑍇॑ 𑌤𑍇𑌜𑌸𑍍𑌵𑌿𑌗𑍍𑌗𑍍, 𑌶𑍍𑌚𑌿𑌕𑌿॒𑌤𑍁𑌷𑍇॑ 𑌦𑌧𑌾𑌤𑍁 )

॥ 𑌹𑌰𑌿𑌃॑ 𑌓𑌮𑍍 ॥

॥ 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌸𑌂𑌹𑌿𑌤𑌾𑌯𑌾-𑌨𑍍𑌤𑍃𑌤𑍀𑌯𑌕𑌾𑌣𑍍𑌡𑍇 𑌤𑍃𑌤𑍀𑌯𑌃 𑌪𑍍𑌰𑌶𑍍𑌨-𑌸𑍍𑌸𑌮𑌾𑌪𑍍𑌤𑌃 ॥

Roman (IAST) Transliteration

kṛṣṇa yajurvedīya taittirīya saṃhitāyā-ntṛtīyakāṇḍe tṛtīyaḥ praśnaḥ - vaikṛtavidhīnāmabhidhānaṃ

o-nnamaḥ paramātmane, śrī mahāgaṇapataye namaḥ,

śrī gurubhyo namaḥ | ha॒riḥ॒ om ||

agnḙ tejasvi-nteja॒svī tva-nde॒veṣṷ bhūyā॒steja̭svanta॒-mmāmāyṷṣmantaṃ॒-va~rca̭svanta-mmanu॒ṣyḙṣu kuru dī॒kṣāyai̭ ca tvā॒ tapa̭saśca॒ teja̭se juhomi tejo॒vida̭si॒ tejo̭ mā॒ mā hā̭sī॒nmā-'ha-ntejo̭ hāsiṣa॒-mmā mā-ntejo̭ hāsī॒dindraṷjasvinnoja॒svī tva-nde॒veṣṷ bhūyā॒ oja̭svanta॒-mmāmāyṷṣmantaṃ॒-va~rca̭svanta-mmanu॒ṣyḙṣu kuru॒ brahma̭ṇaśca tvā kṣa॒trasya॒ cau- [kṣa॒trasya॒ ca, oja̭se juhomyojo॒vi-] 1

-ja̭se juhomyojo॒vi-da॒syojo̭ mā॒ mā hā̭sī॒nmā-'hamojo̭ hāsiṣa॒-mmā māmojo̭ hāsī॒-thsūrya̭ bhrājasvi-nbhrāja॒svī tva-nde॒veṣṷ bhūyā॒ bhrāja̭svanta॒-mmāmāyṷṣmantaṃ॒-va~rca̭svanta-mmanu॒ṣyḙṣu kuru vā॒yośca̭ tvā॒-'pāñca॒ bhrāja̭se juhomisuva॒rvida̭si॒ suva̭rmā॒ mā hā̭sī॒nmā-'hagṃ suva̭rhāsiṣa॒-mmā māgṃ suva̭rhāsī॒-nmayi̭ me॒dhā-mmayi̭ pra॒jā-mmayya॒gnistejo̭ dadhātu॒ mayi̭ me॒dhā-mmayi̭ pra॒jā-mmayīndra̭ indri॒ya-nda̭dhātu॒ mayi̭ me॒dhā-mmayi̭ pra॒jā-mmayi॒ sūryo॒ bhrājo̭ dadhātu || 2 ||

(kṣa॒trasya̭ ca॒ - mayi॒ - trayo̭vigṃśatiśca) (a. 1)

vā॒yurhi̭kaṃ॒rtā-'gniḥ pra̭sto॒tā pra॒jāpa̭ti॒-ssāma॒ bṛha॒spati̭rudgā॒tā viśvḙ de॒vā ṷpagā॒tāro̭ ma॒rutaḥ̭ pratiha॒rtāra॒ indro̭ ni॒dhana॒nte de॒vāḥ prā̭ṇa॒bhṛtaḥ̭ prā॒ṇa-mmayi̭ dadhatve॒tadvai sarva̭maddhva॒ryu-rṷpāku॒rvannṷdgā॒tṛbhya̭ u॒pāka̭roti॒ te de॒vāḥ prā̭ṇa॒bhṛtaḥ̭ prā॒ṇa-mmayi̭ dadha॒tvityā̭hai॒tade॒va sava̭rmā॒tma-ndha̭tta॒ iḍā̭ deva॒hū rmanṷ-ryajña॒nī-rbṛha॒spati̭rukthāma॒dāni̭ śagṃsiṣa॒-dviśvḙ de॒vā- [de॒vāḥ, sū॒kta॒vācaḥ॒ pṛthi̭vi] 3

-ssū᳚kta॒vācaḥ॒ pṛthi̭vi māta॒rmā mā̭higṃsī॒ rmadhṷ maniṣye॒ madhṷ janiṣye॒ madhṷvakṣyāmi॒ madhṷvadiṣyāmi॒ madhṷmatī-nde॒vebhyo॒ vāca̭mudyāsagṃ śuśrū॒ṣeṇyā᳚-mmanu॒ṣye᳚bhya॒sta-mmā̭ de॒vā a̭vantu śo॒bhāyai̭ pi॒taro-'nṷ madantu || 4 ||

(śa॒gṃ॒si॒ṣa॒-dviśvḙ de॒vā - a॒ṣṭāvigṃ̭śatiśca) (a. 2)

vasa̭vastvā॒ prava̭hantu gāya॒treṇa॒ chanda̭sā॒-'gneḥ pri॒ya-mpātha॒ upḙhi ru॒drāstvā॒ pravṛ̭hantu॒ traiṣṭṷbhena॒ chanda॒sendra̭sya pri॒ya-mpātha॒ upe᳚hyādi॒tyāstvā॒ pravṛ̭hantu॒ jāga̭tena॒ chanda̭sā॒ viśvḙṣā-nde॒vānā᳚-mpri॒ya-mpātha॒ upḙhi॒ māndā̭su te śukra śu॒kramā dhṷ̄nomi bha॒ndanā̭su॒ kota̭nāsu॒ nūta̭nāsu॒ reśī̭ṣu॒ meṣī̭ṣu॒ vāśī̭ṣu viśva॒bhṛthsu॒ māddhvī̭ṣu kaku॒hāsu॒ śakva̭rīṣu [ ] 5

śu॒krāsṷ te śukra śu॒kramā dhṷ̄nomi śu॒kra-ntḙ śu॒kreṇa̭ gṛhṇā॒myahno̭ rū॒peṇa॒ sūrya̭sya ra॒śmibhiḥ̭ || ā-'smi̭nnu॒grā a̭cucyavurdi॒vo dhārā̭ asaścata || ka॒ku॒hagṃ rū॒paṃ-vṛ~̭ṣa॒bhasya̭ rocate bṛ॒ha-thsoma॒-ssoma̭sya puro॒gā-śśu॒kra-śśu॒krasya̭ puro॒gāḥ || ya-ttḙ so॒mādā᳚bhya॒-nnāma॒ jāgṛ̭vi॒ tasmai̭ te soma॒ somā̭ya॒ svāho॒śi-ktva-ndḙva soma gāya॒treṇa॒ chanda̭sā॒-'gneḥ [chanda̭sā॒-'gneḥ, pri॒ya-mpātho॒] 6

pri॒ya-mpātho॒ apī̭hi va॒śī tva-ndḙva soma॒ traiṣṭṷbhena॒ chanda॒sendra̭sya pri॒ya-mpātho॒ apī᳚hya॒smathsa̭khā॒ tva-ndḙva soma॒ jāga̭tena॒ chanda̭sā॒ viśvḙṣā-nde॒vānā᳚-mpri॒ya-mpātho॒ apī॒hyā naḥ̭ prā॒ṇa ḙtu parā॒vata॒ ā-'ntari̭kṣāddi॒vaspari̭ | āyuḥ̭ pṛthi॒vyā addhya॒mṛta̭masi prā॒ṇāya̭ tvā || i॒ndrā॒gnī me॒ varcaḥ̭ kṛṇutāṃ॒-va~rca॒-ssomo॒ bṛha॒spatiḥ̭ | varco̭ me॒ viśvḙde॒vā varco̭ me dhattamaśvinā || da॒dha॒nve vā॒ yadī॒manu॒ voca॒dbrahmā̭ṇi॒ veru॒ tat | pari॒ viśvā̭ni॒ kāvyā̭ ne॒miśca॒krami̭vā bhavat || 7 ||

(śakva̭rīṣva॒ - gne - rbṛha॒spatiḥ॒ - pañca̭vigṃśatiśca) (a. 3)

e॒tadvā a॒pā-nnā̭ma॒dheya॒-ṅguhyaṃ॒-ya~dā̭dhā॒vā māndā̭su te śukra śu॒kramā dhṷ̄no॒mītyā̭hā॒pāme॒va nā̭ma॒dheyḙna॒ guhyḙna di॒vo vṛṣṭi॒mava̭ rundhe śu॒kra-ntḙ śu॒kreṇa̭ gṛhṇā॒mītyā̭hai॒tadvā ahno̭ rū॒paṃ-ya~drātri॒-ssūrya̭sya ra॒śmayo॒ vṛṣṭyā̭ īśa॒te-'hna̭ e॒va rū॒peṇa॒ sūrya̭sya ra॒śmibhi̭rdi॒vo vṛṣṭi̭-ñcyāvaya॒tyā-'smi̭nnu॒grā [-'smi̭nnu॒grāḥ, a॒cu॒cya॒vu॒rityā̭ha] 8

a̭cucyavu॒rityā̭ha yathāya॒jure॒vaita-tka̭ku॒hagṃ rū॒paṃ-vṛ~̭ṣa॒bhasya̭ rocate bṛ॒hadityā̭hai॒tadvā a̭sya kaku॒hagṃ rū॒paṃ-ya~-dvṛṣṭī̭ rū॒peṇai॒va vṛṣṭi॒mava̭ rundhe॒ yattḙ so॒mādā᳚bhya॒-nnāma॒ jāgṛ॒vītyā̭hai॒ṣa ha॒ vai ha॒viṣā̭ ha॒virya̭jati॒ yo-'dā᳚bhya-ṅgṛhī॒tvā somā̭ya ju॒hoti॒parā॒ vā e॒tasyā-''yuḥ̭ prā॒ṇa ḙti॒ [prā॒ṇa ḙti, yo-'gṃ̭śu-] 9

yo-'gṃ̭śu-ṅgṛ॒hṇātyā naḥ̭ prā॒ṇa ḙtu parā॒vata॒ ityā॒hā-''yṷre॒va prā॒ṇamā॒tma-ndha̭tte॒ 'mṛta̭masi prā॒ṇāya॒ tveti॒ hira̭ṇyama॒bhi vya̭nitya॒mṛtaṃ॒-vai~ hira̭ṇya॒māyuḥ̭ prā॒ṇo̭-'mṛtḙnai॒vā-''yṷrā॒tma-ndha̭tte śa॒tamā̭na-mbhavati śa॒tāyuḥ॒ purṷṣa-śśa॒tendri̭ya॒ āyṷṣye॒vendri॒ye prati̭tiṣṭhatya॒pa upa̭ spṛśati bheṣa॒jaṃ-vā~ āpo̭ bheṣa॒jame॒va kṷrute || 10 ||

(u॒grā - e॒tyā - pa॒ - strīṇi̭ ca) (a. 4)

vā॒yura̭si prā॒ṇo nāma̭ savi॒turādhi̭patye-'pā॒na-mmḙ dā॒ścakṣṷrasi॒ śrotra॒-nnāma̭ dhā॒turādhi̭patya॒ āyṷrme dā rū॒pama̭si॒ varṇo॒ nāma॒ bṛha॒spate॒rādhi̭patye pra॒jā-mmḙ dā ṛ॒tama̭si sa॒tya-nnāmendra॒syā-''dhi̭patye kṣa॒tra-mmḙ dā bhū॒tama̭si॒ bhavya॒-nnāma̭ pitṛ॒ṇāmādhi̭patye॒-'pā-moṣa̭dhīnā॒-ṅgarbha̭-ndhā ṛ॒tasya̭ tvā॒ vyo̭mana ṛ॒tasya̭ [ ] 11

tvā॒ vibhṷ̄mana ṛ॒tasya̭ tvā॒ vidha̭rmaṇa ṛ॒tasya̭ tvā sa॒tyāya॒rtasya̭ tvā॒ jyoti̭ṣe pra॒jāpa̭ti rvi॒rāja̭mapaśya॒-ttayā̭ bhū॒ta-ñca॒ bhavya̭-ñcā sṛjata॒ tāmṛṣi̭bhyasti॒ro̭-'dadhā॒-ttā-ñja॒mada̭gni॒stapa̭sā-' paśya॒-ttayā॒ vai sa pṛśñī॒n kāmā̭nasṛjata॒ ta-tpṛśñī̭nā-mpṛśñi॒tvaṃ-ya~-tpṛśña̭yo gṛ॒hyante॒ pṛśñī̭ne॒va taiḥ kāmā॒n॒. yaja̭mā॒no-'va̭ rundhe vā॒yura̭si prā॒ṇo [vā॒yura̭si prā॒ṇaḥ, nāmetyā̭ha] 12

nāmetyā̭ha prāṇāpā॒nāve॒vāva̭ rundhe॒ cakṣṷrasi॒ śrotra॒-nnāmetyā॒hā-''yṷre॒vāva̭ rundhe rū॒pama̭si॒ varṇo॒ nāmetyā̭ha pra॒jāme॒vāva̭ rundhaṛ॒tama̭si sa॒tya-nnāmetyā̭ha kṣa॒trame॒vāva̭ rundhe bhū॒tama̭si॒ bhavya॒-nnāmetyā̭ha pa॒śavo॒ vā a॒pāmoṣa̭dhīnā॒-ṅgarbhaḥ̭ pa॒śūne॒vā- [pa॒śūne॒va, ava̭ rundha] 13

-va̭ rundha e॒tāva॒dvai purṷṣa-mpa॒rita॒stade॒vāva̭ rundha ṛ॒tasya̭ tvā॒ vyo̭mana॒ ityā̭he॒yaṃ-vā~ ṛ॒tasya॒ vyo̭me॒māme॒vābhi ja̭yatyṛ॒tasya̭ tvā॒ vibhṷ̄mana॒ ityā̭hā॒-'ntari̭kṣaṃ॒-vā~ ṛ॒tasya॒ vibhṷ̄mā॒ntari̭kṣame॒vābhi ja̭yatyṛ॒tasya̭ tvā॒ vidha̭rmaṇa॒ ityā̭ha॒ dyaurvā ṛ॒tasya॒ vidha̭rma॒ diva̭me॒vābhi ja̭yatyṛ॒tasya̭ [ja̭yatyṛ॒tasya̭, tvā॒ sa॒tyāyetyā̭ha॒] 14

tvā sa॒tyāyetyā̭ha॒ diśo॒ vā ṛ॒tasya̭ sa॒tya-ndiśa̭ e॒vābhi ja̭yatyṛ॒tasya̭ tvā॒ jyoti̭ṣa॒ ityā̭ha suva॒rgo vai lo॒ka ṛ॒tasya॒ jyotiḥ̭ suva॒rgame॒va lo॒kama॒bhi ja̭yatye॒tāva̭nto॒ vai dḙvalo॒kāstāne॒vābhi ja̭yati॒ daśa॒ sampa̭dyante॒ daśā᳚kṣarā vi॒rāḍannaṃ̭-vi~॒rā-ḍvi॒rājye॒vānnādye॒ prati̭tiṣṭhati || 15 ||

(vyo̭mana ṛ॒tasya̭ - prā॒ṇaḥ - pa॒śune॒va - vidha̭rma॒ diva̭me॒vābhi ja̭yatyṛ॒tasya॒ -ṣaṭca̭tvārigṃśacca) (a. 5)

de॒vā vai ya-dya॒jñena॒ nāvārṷndhata॒ ta-tparai॒ravā̭rundhata॒ ta-tparā̭ṇā-mpara॒tvaṃ-ya~-tparḙ gṛ॒hyante॒ yade॒va ya॒jñena॒nāva̭ru॒ndhe tasyāva̭ruddhyai॒ ya-mpra̭tha॒ma-ṅgṛ॒hṇātī॒mame॒va tena̭ lo॒kama॒bhi ja̭yati॒ya-ndvi॒tīya̭ma॒ntari̭kṣa॒-ntena॒ ya-ntṛ॒tīya̭ma॒mume॒va tena̭ lo॒kama॒bhi ja̭yati॒ yade॒te gṛ॒hyanta̭ e॒ṣāṃ ~lo॒kānā̭-ma॒bhiji̭tyā॒ [-ma॒bhiji̭tyā, utta̭re॒ṣvaha-] 16

utta̭re॒ṣvahaḥ̭ sva॒muto॒-'rvāñco̭ gṛhyante 'bhi॒jityai॒vemāṃ-lo~॒kā-npuna̭ri॒maṃ-lo~॒ka-mpra॒tyava̭rohanti॒ ya-tpūrve॒ṣvahaḥ̭ svi॒taḥ parā᳚ñco gṛ॒hyante॒ tasmā̭di॒taḥ parā᳚ñca i॒me lo॒kā yadutta̭re॒ṣvahaḥ̭ sva॒muto॒-'rvāñco̭ gṛ॒hyante॒ tasmā̭da॒muto॒ 'rvāñca̭ i॒me lo॒kāstasmā॒dayā̭tayāmno lo॒kā-nma̭nu॒ṣyā̭ upa̭ jīvanti brahmavā॒dino̭ vadanti॒ kasmā᳚-thsa॒tyāda॒dbhya oṣa̭dhaya॒-ssa-mbha̭va॒ntyoṣa̭dhayo [oṣa̭dhaya॒-ssa-mbha̭va॒ntyoṣa̭dhayaḥ, ma॒nu॒ṣyā̭ṇā॒manna̭-] 17

manu॒ṣyā̭ṇā॒manna̭-mpra॒jāpa̭ti-mpra॒jā anu॒ prajā̭yanta॒ iti॒ parā॒nanviti̭ brūyā॒-dya-dgṛ॒hṇātya॒dbhyastvauṣa̭dhībhyo gṛhṇā॒mīti॒ tasmā̭da॒dbhya oṣa̭dhaya॒-ssambha̭vanti॒ ya-dgṛ॒hṇātyoṣa̭dhībhyastvā pra॒jābhyo̭ gṛhṇā॒mīti॒ tasmā॒doṣa̭dhayo manu॒ṣyā̭ṇā॒mannaṃ॒-ya~-dgṛ॒hṇāti̭ pra॒jābhya̭stvā pra॒jāpa̭taye gṛhṇā॒mīti॒ tasmā᳚-tpra॒jāpa̭ti-mpra॒jā anu॒ prajā̭yante || 18 ||

(a॒bhiji̭tyai - bhava॒ntyoṣa̭dhayo॒ - 'ṣṭā ca̭tvārigṃśacca) (a. 6)

pra॒jāpa̭tirdevāsu॒rāna̭ sṛjata॒ tadanṷ ya॒jño̭-'sṛjyata ya॒jña-ñchandāgṃ̭si॒ te viṣva̭ñco॒ vya̭krāma॒n-thso-'sṷrā॒nanṷ ya॒jño-'pā᳚krāma-dya॒jña-ñchandāgṃ̭si॒ te de॒vā a̭manyantā॒mī vā i॒dama̭bhūva॒n॒. ya-dva॒yagg sma iti॒ te pra॒jāpa̭ti॒mupā̭-'dhāva॒n-thso᳚-'bravīt-pra॒jāpa̭ti॒śchanda̭sāṃ-vī~॒rya̭mā॒dāya॒ tadvaḥ॒ pra dā᳚syā॒mīti॒ sa chanda̭sāṃ-vī~॒rya̭- [chanda̭sāṃ-vī~॒rya᳚m, ā॒dāya॒ tade᳚bhyaḥ॒] 19

-mā॒dāya॒ tade᳚bhyaḥ॒ prāya̭ccha॒-ttadanu॒ chandā॒g॒syapā᳚-'krāma॒n chandāgṃ̭si ya॒jñastato̭ de॒vā abha̭va॒-nparā-'sṷrā॒ ya e॒va-ñchanda̭sāṃ-vī~॒ryaṃ̭-ve~dā-'' śrā̭va॒yā-'stu॒ śrauṣa॒ḍ yaja॒ ye yajā̭mahe vaṣaṭkā॒ro bhava̭tyā॒tmanā॒ parā᳚-'sya॒ bhrātṛ̭vyo bhavati brahmavā॒dino̭ vadanti॒ kasmai॒ kama̭ddhva॒ryurā śrā̭vaya॒tīti॒ chanda̭sāṃ-vī~॒ryā̭yeti̭ brūyāde॒ ta-dvai [ ] 20

chanda̭sāṃ-vī~॒rya̭mā śrā̭va॒yā-'stu॒ śrauṣa॒ḍ yaja॒ ye yajā̭mahe vaṣaṭkā॒ro ya e॒vaṃ-ve~da॒ savī᳚ryaire॒va chando̭bhirarcati॒ ya-tki-ñcārca̭ti॒ yadindro̭ vṛ॒tramaha̭nna-me॒ddhya-nta-dya-dyatī̭na॒pāva̭pada-me॒ddhya-ntadatha॒ kasmā̭dai॒ndro ya॒jña ā saggsthā̭to॒rityā̭hu॒rindra̭sya॒ vā e॒ṣā ya॒jñiyā̭ ta॒nūrya-dya॒jñastāme॒va ta dya̭janti॒ ya e॒vaṃ-ve~dopai̭naṃ-ya~॒jño na̭mati || 21 ||

(chanda̭sāṃ-vī~॒ryaṃ̭ - ~vā - e॒va ta - da॒ṣṭau ca̭) (a. 7)

ā॒yurdā a̭gne ha॒viṣo̭ juṣā॒ṇo ghṛ॒tapra̭tīko ghṛ॒tayo̭niredhi | ghṛ॒ta-mpī॒tvā madhu॒cāru॒ gavya̭-mpi॒teva̭pu॒trama॒bhi ra̭kṣatādi॒mam || ā vṛ̭ścyate॒ vā e॒ta-dyaja̭māno॒-'gnibhyāṃ॒-ya~dḙnayo-śśṛta॒-ṅkṛtyāthā॒-'nyatrā̭-vabhṛ॒thama॒vaityā̭yu॒rdā a̭gne ha॒viṣo̭ juṣā॒ṇa itya̭vabhṛ॒thama̭vai॒ṣyan jṷhuyā॒dāhṷtyai॒vainaṷ śamayati॒ nā-''rti॒mārccha̭ti॒ yaja̭māno॒ ya-tkusī̭da॒- [ya-tkusī̭dam, apra̭tītta॒-mmayi॒ yena̭] 22

-mapra̭tītta॒-mmayi॒ yena̭ ya॒masya̭ ba॒linā॒ carā̭mi | i॒haiva sa-nni॒rava̭daye॒ tade॒ta-ttada̭gne anṛ॒ṇo bha̭vāmi | viśva̭lopa viśvadā॒vasya̭ tvā॒ ''sañjṷhomya॒gdhādeko̭ 'hu॒tādekaḥ̭ samasa॒nādekaḥ̭ | tenaḥ̭ kṛṇvantu bheṣa॒jagṃ sada॒-ssaho॒ vare᳚ṇyam || a॒ya-nno॒ nabha̭sā pu॒ra-ssa॒gg॒sphāno̭ a॒bhi ra̭kṣatu | gṛ॒hāṇā॒masa̭martyai ba॒havo̭ no gṛ॒hā a̭sann || sa tvanno̭ [sa tvannaḥ̭, na॒bha॒sa॒spa॒ta॒ ūrja̭-nno] 23

nabhasaspata॒ ūrja̭-nno dhehi bha॒drayā᳚ | puna̭rno na॒ṣṭamā kṛ̭dhi॒ puna̭rno ra॒yimā kṛ̭dhi || deva̭ saggsphāna sahasrapo॒ṣasyḙśiṣe॒ sa no̭ rā॒svā-'jyā̭nigṃ rā॒yaspoṣagṃ̭ su॒vīryagṃ̭ saṃva~thsa॒rīṇāg̭ sva॒stim || a॒gnirvāva ya॒ma i॒yaṃ-ya~॒mī kusī̭daṃ॒-vā~ e॒ta-dya॒masya॒ yaja̭māna॒ ā da̭tte॒ yadoṣa̭dhībhi॒rvedigg̭ stṛ॒ṇāti॒ yadanṷpauṣya prayā॒yā-dgrī̭vaba॒ddhamḙna- [-dgrī̭vaba॒ddhamḙnam, a॒muṣmi̭n ~lo॒ke] 24

-ma॒muṣmi̭n ~lo॒ke nḙnīyera॒n॒. ya-tkusī̭da॒mapra̭tītta॒-mmayītyupaṷṣatī॒haiva san. ya॒ma-ṅkusī̭da-nnirava॒dāyā̭nṛ॒ṇa-ssṷva॒rgaṃ-lo~॒kamḙti॒yadi̭ mi॒śrami̭va॒ carḙdañja॒linā॒ saktū᳚-npradā॒vyḙ juhuyāde॒ṣa vā a॒gnirvai᳚śvāna॒ro ya-tpra̭dā॒vyaḥ̭ sa e॒vainagg̭svadaya॒tyahnāṃ᳚-vi~॒dhānyā̭-mekāṣṭa॒kāyā̭mapū॒pa-ñcatuḥ̭ śarāva-mpa॒ktvā prā॒tare॒tena॒ kakṣa॒-mupaṷṣe॒dyadi॒ [-mupaṷṣe॒dyadi̭, daha̭ti] 25

daha̭ti puṇya॒sama̭-mbhavati॒ yadi॒ na daha̭ti pāpa॒sama̭me॒tena̭ hasma॒ vā ṛṣa̭yaḥ pu॒rā vi॒jñānḙna dīrghasa॒tramupa̭ yanti॒ yo vā ṷpadra॒ṣṭāra̭mupa-śro॒tāra̭manukhyā॒tāraṃ̭-vi~॒dvān. yaja̭te॒ sama॒muṣmi̭n ~lo॒ka i̭ṣṭāpū॒rtena̭ gacchate॒-'gnirvā ṷpadra॒ṣṭā vā॒yurṷpaśro॒tā ''di॒tyo̭-'nukhyā॒tā tān. ya e॒vaṃ-vi~॒dvān. yaja̭te॒ sama॒muṣmi̭n ~lo॒ka i̭ṣṭāpū॒rtena̭ gacchate॒ 'ya-nno॒ nabha̭sā pu॒ra [pu॒raḥ, ityā̭hā॒gnirvai] 26

ityā̭hā॒gnirvai nabha̭sā pu॒ro᳚-'gnime॒va tadā̭hai॒tanmḙ gopā॒yeti॒ sa tva-nno̭ nabhasaspata॒ ityā̭ha vā॒yurvai nabha̭sa॒spati̭rvā॒yume॒va tadā̭hai॒tanmḙ gopā॒yeti॒ deva̭ saggsphā॒netyā̭hā॒-'sau vā ā̭di॒tyo de॒va-ssa॒gg॒sphāna̭ ādi॒tyame॒va tadā̭hai॒tanmḙ gopā॒yeti̭ || 27 ||

(kusī̭daṃ॒ - tva-nna̭ - ena - moṣe॒dyadi̭ - pu॒ra - ā̭di॒tyame॒va tadā̭hai॒tanmḙ gopā॒yeti̭) (a. 8)

e॒taṃ-yu~vā̭na॒-mpari̭ vo dadāmi॒ tena॒ krīḍa̭ntīścarata pri॒yeṇa̭ | mā naḥ̭ śāpta ja॒nuṣā̭ subhāgā rā॒yaspoṣḙṇa॒ sami॒ṣā ma̭dema || namo̭ mahi॒mna u॒ta cakṣṷṣe te॒ marṷtā-mpita॒stada॒ha-ṅgṛ̭ṇāmi | anṷ manyasva su॒yajā̭ yajāma॒ juṣṭa̭-nde॒vānā̭mi॒dama̭stu ha॒vyam || de॒vānā̭me॒ṣa ṷpanā॒ha ā̭sīda॒pā-ṅgarbha॒ oṣa̭dhīṣu॒ nya̭ktaḥ | soma̭sya dra॒phsama̭vṛṇīta pū॒ṣā [ ] 28

bṛ॒hannadri̭rabhava॒-ttadḙṣām || pi॒tā va॒thsānā॒-mpati̭raghni॒yānā॒matho̭ pi॒tā ma̭ha॒tā-ṅgarga̭rāṇām | va॒thso ja॒rāyṷ prati॒dhu-kpī॒yūṣa̭ ā॒mikṣā॒ mastṷ ghṛ॒tama̭sya॒ retaḥ̭ || tvā-ṅgāvo̭-'vṛṇata rā॒jyāya॒ tvāgṃ ha̭vanta ma॒rutaḥ̭ sva॒rkāḥ | varṣma̭n kṣa॒trasya̭ ka॒kubhi̭ śiśriyā॒ṇastato̭ na u॒gro vi bha̭jā॒ vasṷ̄ni || vyṛ̭ddhena॒ vā e॒ṣa pa॒śunā̭ yajate॒ yasyai॒tāni॒ na kri॒yanta̭ e॒ṣa ha॒ tvai samṛ̭ddhena yajate॒ yasyai॒tāni̭ kri॒yante᳚ || 29 ||

(pū॒ṣā - kri॒yanta̭ e॒ṣo᳚ - 'ṣṭau ca̭) (a. 9)

sūryo̭ de॒vo di̭vi॒ṣadbhyo̭ dhā॒tā kṣa॒trāya̭ vā॒yuḥ pra॒jābhyaḥ̭ | bṛha॒spati̭stvā pra॒jāpa̭taye॒ jyoti̭ṣmatī-ñjuhotu || yasyā᳚ste॒ hari̭to॒ garbho-'tho॒ yoni̭rhira॒ṇyayī᳚ | aṅgā॒nyahrṷtā॒ yasyai॒ tā-nde॒vai-ssama̭jīgamam || ā va̭rtana vartaya॒ ni ni̭vartana varta॒yendra̭ nardabuda | bhūmyā॒ścata̭sraḥ pra॒diśa॒stābhi॒rā va̭rtayā॒ punaḥ̭ || vi tḙ bhinadmi taka॒rīṃ-vi~yoniṃ॒-vi~ ga̭vī॒nyau᳚ | vi [ ] 30

mā॒tara̭ñca pu॒tra-ñca॒ vi garbha̭-ñca ja॒rāyṷ ca || ba॒histḙ astu॒ bāliti̭ || u॒ru॒dra॒phso vi॒śvarṷ̄pa॒ induḥ॒ pava̭māno॒ dhīra̭ ānañja॒ garbha᳚m || eka̭padī dvi॒padī᳚ tri॒padī॒ catṷṣpadī॒ pañca̭padī॒ ṣaṭpa̭dī sa॒ptapa̭dya॒ṣṭāpa̭dī॒ bhuva॒nā-'nṷ prathatā॒g॒ svāhā᳚ || ma॒hī dyauḥ pṛ̭thi॒vī ca̭ na i॒maṃ-ya~॒jña-mmi̭mikṣatām | pi॒pṛ॒tānno॒ bharī̭mabhiḥ || 31 ||

(ga॒vi॒nyaṷ vi - catṷścatvārigṃśacca) (a. 10)

i॒daṃ-vā~̭mā॒syḙ ha॒viḥ pri॒yami̭ndrābṛhaspatī | u॒ktha-mmada̭śca śasyate || a॒yaṃ-vā~॒-mpari̭ ṣicyate॒ soma̭indrābṛhaspatī | cāru॒rmadā̭ya pī॒taye᳚ || a॒sme i̭ndrābṛhaspatī ra॒yi-ndha̭ttagṃ śata॒gvina᳚m | aśvā̭vantagṃ saha॒sriṇa᳚m || bṛha॒spati̭rnaḥ॒ pari̭pātu pa॒ścādu॒totta̭rasmā॒dadha̭rādaghā॒yoḥ | indraḥ̭ pu॒rastā̭du॒ta ma̭ddhya॒to na॒-ssakhā॒ sakhi̭bhyo॒ vari̭vaḥ kṛṇotu || vi te॒ viṣva॒gvāta̭jūtāso agne॒ bhāmā̭sa- [agne॒ bhāmā̭saḥ, śu॒ce॒ śuca̭yaścaranti |] 32

-śśuce॒ śuca̭yaścaranti | tu॒vi॒mra॒kṣāso̭ di॒vyā nava̭gvā॒ vanā̭ vananti dhṛṣa॒tā ru॒jantaḥ̭ || tvāma̭gne॒ mānṷṣīrīḍate॒ viśo̭ hotrā॒vidaṃ॒-vi~vi̭cigṃ ratna॒dhāta̭mam | guhā॒ santagṃ̭ subhaga vi॒śvada̭rśata-ntu viṣma॒ṇasagṃ̭ su॒yaja̭-ṅghṛta॒śriya᳚m || dhā॒tā da̭dātu no ra॒yimīśā̭no॒ jaga̭ta॒spatiḥ̭ | sa naḥ̭ pū॒rṇena̭ vāvanat || dhā॒tā pra॒jāyā̭ u॒ta rā॒ya ī̭śe dhā॒tedaṃ-vi~śva॒-mbhuva̭na-ñjajāna | dhā॒tā pu॒traṃ-ya~ja̭mānāya॒ dātā॒ [dātā᳚, tasmā̭] 33

tasmā̭ u ha॒vya-ṅghṛ॒tava̭dvidhema || dhā॒tā da̭dātu no ra॒yi-mprācī᳚-ñjī॒vātu॒makṣi̭tām | va॒ya-nde॒vasya̭ dhīmahi suma॒tigṃ sa॒tyarā̭dhasaḥ || dhā॒tā da̭dātu dā॒śuṣe॒ vasṷ̄ni pra॒jākā̭māya mī॒ḍhuṣḙ duro॒ṇe | tasmai̭ de॒vā a॒mṛtā॒-ssaṃvya~̭yantāṃ॒-vi~śvḙ de॒vāso॒ adi̭ti-ssa॒joṣāḥ᳚ || anṷ no॒-'dyā-'nṷmatirya॒jña-nde॒veṣṷ manyatām | a॒gniśca̭ havya॒vāha̭no॒ bhava̭tā-ndā॒śuṣe॒ mayaḥ̭ || anvida̭numate॒ tva- [anvida̭numate॒ tvam, manyā̭sai॒ śañca̭naḥ kṛdhi |] 34

-mmanyā̭sai॒ śañca̭naḥ kṛdhi | kratve॒ dakṣā̭ya no hinu॒ praṇa॒ āyūgṃ̭ṣi tāriṣaḥ || anṷ manyatā-manu॒manya̭mānā pra॒jāva̭ntagṃ ra॒yimakṣī̭yamāṇam | tasyai̭ va॒yagṃ heḍa̭si॒ mā-'pi̭ bhūma॒ sā no̭ de॒vī su॒havā॒ śarma̭ yacchatu || yasyā̭mi॒da-mpra॒diśi॒ yadvi॒roca॒te-'nṷmati॒-mprati̭ bhūṣantyā॒yavaḥ̭ | yasyā̭ u॒pastha̭ u॒rva̭ntari̭kṣa॒gṃ॒ sā no̭ de॒vī su॒havā॒ śarma̭ yacchatu || 35 ||

rā॒kāma॒hagṃ su॒havāgṃ̭ suṣṭu॒tī hṷve śṛ॒ṇotṷ na-ssu॒bhagā॒ bodha̭tu॒ tmanā᳚ | sīvya॒tvapaḥ̭ sū॒cyā-'cchi̭dyamānayā॒ dadā̭tu vī॒ragṃ śa॒tadā̭yamu॒kthya᳚m || yāstḙ rāke suma॒tayaḥ̭ su॒peśa̭so॒ yābhi॒rdadā̭si dā॒śuṣe॒ vasṷ̄ni | tābhi̭rno a॒dya su॒manā̭ u॒pāga̭hi sahasrapo॒ṣagṃ sṷbhage॒ rarā̭ṇā || sinī̭vāli॒, yā sṷpā॒ṇiḥ || ku॒hūma॒hagṃ su॒bhagāṃ᳚-vi~dma॒nāpa̭sama॒smin. ya॒jñe su॒havā᳚-ñjohavīmi | sā no̭ dadātu॒ śrava̭ṇa-mpitṛ॒ṇā-ntasyā᳚ste devi ha॒viṣā̭ vidhema || ku॒hū-rde॒vānā̭ma॒mṛta̭sya॒ patnī॒ havyā̭ no a॒sya ha॒viṣa̭ściketu | sa-ndā॒śuṣḙ ki॒ratu॒ bhūri̭ vā॒magṃ rā॒yaspoṣa̭-ñciki॒tuṣḙ dadhātu || 36 ||

(bhāmā̭so॒ - dātā॒ - tva - ma॒ntari̭kṣa॒gṃ॒ sā no̭ de॒vī su॒havā॒ śarma̭ yacchatu॒ -śrava̭ṇaṃ॒ - catṷrvigṃśatiśca) (a. 11)

(agnḙ tejasvin - vā॒yu - rvasa̭vast - vai॒tadvā a॒pāṃ - ~vā॒yura̭si prā॒ṇo nāma̭ - de॒vā vai yadya॒jñena॒na - pra॒jāpa̭ti rdevāsu॒rā - nā̭yu॒rdā - e॒taṃ-yu~vā̭na॒gṃ॒ - sūryo̭ de॒va - i॒daṃ-vā~॒ - mekā̭daśa)

(agnḙ tejasvin - vā॒yura̭si॒ - chanda̭sāṃ-vī~॒ryaṃ̭ - mā॒tara̭ñca॒ - ṣaṭtrigṃ̭śat )

(agnḙ tejasvigg, ściki॒tuṣḙ dadhātu )

|| hariḥ̭ om ||

|| kṛṣṇa yajurvedīya taittirīya saṃhitāyā-ntṛtīyakāṇḍe tṛtīyaḥ praśna-ssamāptaḥ ||