3.1 - Prajapatirakamayata - Krishna Yajurveda Taittiriya Samhita Pathah

ॐ

3.1 - 𑌪𑍍𑌰𑌜𑌾𑌪𑌤𑌿𑌰𑌕𑌾𑌮𑌯𑌤 - 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦 𑌤𑍈𑌤𑍍𑌤𑌿𑌰𑍀𑌯 𑌸𑌂𑌹𑌿𑌤𑌾 𑌪𑌾𑌠𑌃

Krishna Grantha

𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌸𑌂𑌹𑌿𑌤𑌾𑌯𑌾-𑌨𑍍𑌤𑍃𑌤𑍀𑌯𑌕𑌾𑌣𑍍𑌡𑍇 𑌪𑍍𑌰𑌥𑌮𑌃 𑌪𑍍𑌰𑌶𑍍𑌨𑌃 - 𑌨𑍍𑌯𑍂𑌨𑌕𑌰𑍍𑌮𑌾𑌭𑌿𑌧𑌾𑌨𑌂

𑌓-𑌨𑍍𑌨𑌮𑌃 𑌪𑌰𑌮𑌾𑌤𑍍𑌮𑌨𑍇, 𑌶𑍍𑌰𑍀 𑌮𑌹𑌾𑌗𑌣𑌪𑌤𑌯𑍇 𑌨𑌮𑌃,

𑌶𑍍𑌰𑍀 𑌗𑍁𑌰𑍁𑌭𑍍𑌯𑍋 𑌨𑌮𑌃 । 𑌹॒𑌰𑌿𑌃॒ 𑌓𑌮𑍍 ॥

𑌪𑍍𑌰॒𑌜𑌾𑌪॑𑌤𑌿𑌰𑌕𑌾𑌮𑌯𑌤 𑌪𑍍𑌰॒𑌜𑌾-𑌸𑍍𑌸𑍃॑𑌜𑍇॒𑌯𑍇𑌤𑌿॒ 𑌸 𑌤𑌪𑍋॑-𑌽𑌤𑌪𑍍𑌯𑌤॒ 𑌸 𑌸॒𑌰𑍍𑌪𑌾𑌨॑𑌸𑍃𑌜𑌤॒ 𑌸𑍋॑-𑌽𑌕𑌾𑌮𑌯𑌤 𑌪𑍍𑌰॒𑌜𑌾-𑌸𑍍𑌸𑍃॑𑌜𑍇॒𑌯𑍇𑌤𑌿॒ 𑌸𑌦𑍍𑌵𑌿॒𑌤𑍀𑌯॑𑌮𑌤𑌪𑍍𑌯𑌤॒ 𑌸 𑌵𑌯𑌾𑌗𑍍॑𑌸𑍍𑌯 𑌸𑍃𑌜𑌤॒ 𑌸𑍋॑-𑌽𑌕𑌾𑌮𑌯𑌤 𑌪𑍍𑌰॒𑌜𑌾-𑌸𑍍𑌸𑍃॑𑌜𑍇॒𑌯𑍇𑌤𑌿॒ 𑌸 𑌤𑍃॒𑌤𑍀𑌯॑𑌮𑌤𑌪𑍍𑌯𑌤॒ 𑌸 𑌏॒𑌤-𑌨𑍍𑌦𑍀᳚𑌕𑍍𑌷𑌿𑌤𑌵𑌾॒𑌦-𑌮॑𑌪𑌶𑍍𑌯॒-𑌤𑍍𑌤𑌮॑𑌵𑌦॒-𑌤𑍍𑌤𑌤𑍋॒ 𑌵𑍈 𑌸 𑌪𑍍𑌰॒𑌜𑌾 𑌅॑𑌸𑍃𑌜𑌤॒ 𑌯-𑌤𑍍𑌤𑌪॑𑌸𑍍𑌤॒𑌪𑍍𑌤𑍍𑌵𑌾 𑌦𑍀᳚𑌕𑍍𑌷𑌿𑌤𑌵𑌾॒𑌦𑌂-𑌵𑌁𑌦॑𑌤𑌿 𑌪𑍍𑌰॒𑌜𑌾 𑌏॒𑌵 𑌤𑌦𑍍𑌯𑌜॑𑌮𑌾𑌨- [𑌤𑌦𑍍𑌯𑌜॑𑌮𑌾𑌨𑌃, 𑌸𑍃॒𑌜॒𑌤𑍇॒ 𑌯𑌦𑍍𑌵𑍈] 1

-𑌸𑍍𑌸𑍃𑌜𑌤𑍇॒ 𑌯𑌦𑍍𑌵𑍈 𑌦𑍀᳚𑌕𑍍𑌷𑌿॒𑌤𑍋॑-𑌽𑌮𑍇॒𑌦𑍍𑌧𑍍𑌯-𑌮𑍍𑌪𑌶𑍍𑌯॒𑌤𑍍𑌯𑌪𑌾᳚𑌸𑍍𑌮𑌾𑌦𑍍𑌦𑍀॒𑌕𑍍𑌷𑌾𑌕𑍍𑌰𑌾॑𑌮𑌤𑌿॒ 𑌨𑍀𑌲॑𑌮𑌸𑍍𑌯॒ 𑌹𑌰𑍋॒ 𑌵𑍍𑌯𑍇᳚𑌤𑍍𑌯𑌬॑𑌦𑍍𑌧॒-𑌮𑍍𑌮𑌨𑍋॑ 𑌦॒𑌰𑌿𑌦𑍍𑌰॒-𑌞𑍍𑌚𑌕𑍍𑌷𑍁॒-𑌸𑍍𑌸𑍂𑌰𑍍𑌯𑍋॒ 𑌜𑍍𑌯𑍋𑌤𑌿॑𑌷𑌾॒𑌗𑍍॒𑌶𑍍𑌰𑍇𑌷𑍍𑌠𑍋॒ 𑌦𑍀𑌕𑍍𑌷𑍇॒ 𑌮𑌾 𑌮𑌾॑𑌹𑌾𑌸𑍀॒𑌰𑌿𑌤𑍍𑌯𑌾॑𑌹॒ 𑌨𑌾𑌸𑍍𑌮𑌾᳚𑌦𑍍𑌦𑍀॒𑌕𑍍𑌷𑌾-𑌽𑌪॑𑌕𑍍𑌰𑌾𑌮𑌤𑌿॒ 𑌨𑌾𑌸𑍍𑌯॒ 𑌨𑍀𑌲॒-𑌨𑍍𑌨 𑌹𑌰𑍋॒ 𑌵𑍍𑌯𑍇॑𑌤𑌿॒ 𑌯𑌦𑍍𑌵𑍈 𑌦𑍀᳚𑌕𑍍𑌷𑌿॒𑌤𑌮॑𑌭𑌿॒𑌵𑌰𑍍𑌷॑𑌤𑌿𑌦𑌿॒𑌵𑍍𑌯𑌾 𑌆𑌪𑍋-𑌽𑌶𑌾᳚𑌨𑍍𑌤𑌾॒ 𑌓𑌜𑍋॒ 𑌬𑌲॑-𑌨𑍍𑌦𑍀॒𑌕𑍍𑌷𑌾- [𑌬𑌲॑-𑌨𑍍𑌦𑍀॒𑌕𑍍𑌷𑌾𑌮𑍍, 𑌤𑌪𑍋᳚-𑌽𑌸𑍍𑌯॒-] 2

-𑌨𑍍𑌤𑌪𑍋᳚-𑌽𑌸𑍍𑌯॒-𑌨𑌿𑌰𑍍𑌘𑍍𑌨॑𑌨𑍍𑌤𑍍𑌯𑍁𑌨𑍍𑌦॒𑌤𑍀-𑌰𑍍𑌬𑌲॑-𑌨𑍍𑌧॒𑌤𑍍𑌤𑍗𑌜𑍋॑ 𑌧𑌤𑍍𑌤॒ 𑌬𑌲॑-𑌨𑍍𑌧𑌤𑍍𑌤॒ 𑌮𑌾 𑌮𑍇॑ 𑌦𑍀॒𑌕𑍍𑌷𑌾-𑌮𑍍𑌮𑌾 𑌤𑌪𑍋॒𑌨𑌿𑌰𑍍𑌵॑𑌧𑌿॒𑌷𑍍𑌟𑍇𑌤𑍍𑌯𑌾॑𑌹𑍈॒ 𑌤𑌦𑍇॒𑌵 𑌸𑌰𑍍𑌵॑𑌮𑌾॒𑌤𑍍𑌮-𑌨𑍍𑌧॑𑌤𑍍𑌤𑍇॒ 𑌨𑌾𑌸𑍍𑌯𑍗𑌜𑍋॒ 𑌬𑌲॒-𑌨𑍍𑌨 𑌦𑍀॒𑌕𑍍𑌷𑌾-𑌨𑍍𑌨 𑌤𑌪𑍋॒𑌨𑌿𑌰𑍍𑌘𑍍𑌨॑𑌨𑍍𑌤𑍍𑌯॒𑌗𑍍𑌨𑌿𑌰𑍍𑌵𑍈 𑌦𑍀᳚𑌕𑍍𑌷𑌿॒𑌤𑌸𑍍𑌯॑ 𑌦𑍇॒𑌵𑌤𑌾॒ 𑌸𑍋᳚-𑌽𑌸𑍍𑌮𑌾𑌦𑍇॒𑌤𑌰𑍍𑌹𑌿॑𑌤𑌿॒𑌰 𑌇॑𑌵॒ 𑌯𑌰𑍍𑌹𑌿॒ 𑌯𑌾𑌤𑌿॒ 𑌤𑌮𑍀᳚𑌶𑍍𑌵॒𑌰𑌗𑍍𑌂 𑌰𑌕𑍍𑌷𑌾𑌗𑍍𑌂॑𑌸𑌿॒ 𑌹𑌨𑍍𑌤𑍋᳚- [𑌹𑌨𑍍𑌤𑍋𑌃᳚, 𑌭॒𑌦𑍍𑌰𑌾𑌦॒𑌭𑌿-] 3

-𑌰𑍍𑌭॒𑌦𑍍𑌰𑌾𑌦॒𑌭𑌿-𑌶𑍍𑌰𑍇𑌯𑌃॒ 𑌪𑍍𑌰𑍇𑌹𑌿॒𑌬𑍃𑌹॒𑌸𑍍𑌪𑌤𑌿𑌃॑ 𑌪𑍁𑌰 𑌏॒𑌤𑌾 𑌤𑍇॑ 𑌅॒𑌸𑍍𑌤𑍍𑌵𑌿𑌤𑍍𑌯𑌾॑𑌹॒𑌬𑍍𑌰𑌹𑍍𑌮॒ 𑌵𑍈 𑌦𑍇॒𑌵𑌾𑌨𑌾॒-𑌮𑍍𑌬𑍃𑌹॒𑌸𑍍𑌪𑌤𑌿॒𑌸𑍍𑌤𑌮𑍇॒𑌵𑌾𑌨𑍍𑌵𑌾 𑌰॑𑌭𑌤𑍇॒ 𑌸 𑌏॑𑌨॒𑌗𑍍𑌂॒ 𑌸-𑌮𑍍𑌪𑌾॑𑌰𑌯॒𑌤𑍍𑌯𑍇 𑌦𑌮॑𑌗𑌨𑍍𑌮 𑌦𑍇𑌵॒𑌯𑌜॑𑌨-𑌮𑍍𑌪𑍃𑌥𑌿॒𑌵𑍍𑌯𑌾 𑌇𑌤𑍍𑌯𑌾॑𑌹 𑌦𑍇𑌵॒𑌯𑌜॑𑌨॒𑌗𑍍𑌗𑍍॒ 𑌹𑍍𑌯𑍇॑𑌷 𑌪𑍃॑𑌥𑌿॒𑌵𑍍𑌯𑌾 𑌆॒𑌗𑌚𑍍𑌛॑𑌤𑌿॒ 𑌯𑍋 𑌯𑌜॑𑌤𑍇॒ 𑌵𑌿𑌶𑍍𑌵𑍇॑ 𑌦𑍇॒𑌵𑌾 𑌯𑌦𑌜𑍁॑𑌷𑌨𑍍𑌤॒ 𑌪𑍂𑌰𑍍𑌵॒ 𑌇𑌤𑍍𑌯𑌾॑𑌹॒ 𑌵𑌿𑌶𑍍𑌵𑍇॒ 𑌹𑍍𑌯𑍇॑𑌤𑌦𑍍𑌦𑍇॒𑌵𑌾 𑌜𑍋॒𑌷𑌯॑𑌨𑍍𑌤𑍇॒ 𑌯𑌦𑍍𑌬𑍍𑌰𑌾᳚𑌹𑍍𑌮॒𑌣𑌾 𑌋॑𑌖𑍍𑌸𑌾॒𑌮𑌾𑌭𑍍𑌯𑌾𑌂॒-𑌯𑌁𑌜𑍁॑𑌷𑌾 𑌸॒𑌨𑍍𑌤𑌰॑𑌨𑍍𑌤॒ 𑌇𑌤𑍍𑌯𑌾॑𑌹𑌰𑍍𑌖𑍍𑌸𑌾॒𑌮𑌾𑌭𑍍𑌯𑌾॒𑌗𑍍॒ 𑌹𑍍𑌯𑍇॑𑌷 𑌯𑌜𑍁॑𑌷𑌾 𑌸॒𑌨𑍍𑌤𑌰॑𑌤𑌿॒ 𑌯𑍋 𑌯𑌜॑𑌤𑍇 𑌰𑌾॒𑌯𑌸𑍍𑌪𑍋𑌷𑍇॑𑌣॒ 𑌸𑌮𑌿॒𑌷𑌾-𑌮॑𑌦𑍇॒𑌮𑍇𑌤𑍍𑌯𑌾॑-𑌹𑌾॒-𑌽𑌶𑌿𑌷॑𑌮𑍇॒𑌵𑍈 𑌤𑌾𑌮𑌾 𑌶𑌾᳚𑌸𑍍𑌤𑍇 ॥ 4 ॥

(𑌯𑌜॑𑌮𑌾𑌨𑍋 - 𑌦𑍀॒𑌕𑍍𑌷𑌾𑌗𑍍𑌂 - 𑌹𑌨𑍍𑌤𑍋᳚ - 𑌰𑍍𑌬𑍍𑌰𑌾𑌹𑍍𑌮॒𑌣𑌾 -𑌶𑍍𑌚𑌤𑍁॑𑌰𑍍𑌵𑌿𑌗𑍍𑌂𑌶𑌤𑌿𑌶𑍍𑌚) (𑌅. 1)

𑌏॒𑌷 𑌤𑍇॑ 𑌗𑌾𑌯॒𑌤𑍍𑌰𑍋 𑌭𑌾॒𑌗 𑌇𑌤𑌿॑ 𑌮𑍇॒ 𑌸𑍋𑌮𑌾॑𑌯 𑌬𑍍𑌰𑍂𑌤𑌾𑌦𑍇॒𑌷 𑌤𑍇॒ 𑌤𑍍𑌰𑍈𑌷𑍍𑌟𑍁॑𑌭𑍋॒ 𑌜𑌾𑌗॑𑌤𑍋 𑌭𑌾॒𑌗 𑌇𑌤𑌿॑ 𑌮𑍇॒ 𑌸𑍋𑌮𑌾॑𑌯 𑌬𑍍𑌰𑍂𑌤𑌾𑌚𑍍𑌛𑌨𑍍𑌦𑍋॒𑌮𑌾𑌨𑌾॒𑌗𑍍𑌂॒ 𑌸𑌾𑌮𑍍𑌰𑌾᳚𑌜𑍍𑌯-𑌙𑍍𑌗॒𑌚𑍍𑌛𑍇𑌤𑌿॑ 𑌮𑍇॒ 𑌸𑍋𑌮𑌾॑𑌯 𑌬𑍍𑌰𑍂𑌤𑌾॒-𑌦𑍍𑌯𑍋 𑌵𑍈 𑌸𑍋𑌮॒𑌗𑍍𑌂॒ 𑌰𑌾𑌜𑌾॑𑌨॒𑌗𑍍𑌂॒ 𑌸𑌾𑌮𑍍𑌰𑌾᳚𑌜𑍍𑌯𑌂-𑌲𑍋𑌁॒𑌕-𑌙𑍍𑌗॑𑌮𑌯𑌿॒𑌤𑍍𑌵𑌾 𑌕𑍍𑌰𑍀॒𑌣𑌾𑌤𑌿॒ 𑌗𑌚𑍍𑌛॑𑌤𑌿॒ 𑌸𑍍𑌵𑌾𑌨𑌾॒𑌗𑍍𑌂॒ 𑌸𑌾𑌮𑍍𑌰𑌾᳚𑌜𑍍𑌯॒-𑌞𑍍𑌛𑌨𑍍𑌦𑌾𑌗𑍍𑌂॑𑌸𑌿॒ 𑌖𑌲𑍁॒ 𑌵𑍈 𑌸𑍋𑌮॑𑌸𑍍𑌯॒ 𑌰𑌾𑌜𑍍𑌞॒-𑌸𑍍𑌸𑌾𑌮𑍍𑌰𑌾᳚𑌜𑍍𑌯𑍋 𑌲𑍋॒𑌕𑌃 𑌪𑍁॒𑌰𑌸𑍍𑌤𑌾॒-𑌥𑍍𑌸𑍋𑌮॑𑌸𑍍𑌯 𑌕𑍍𑌰॒𑌯𑌾𑌦𑍇॒𑌵𑌮॒𑌭𑌿 𑌮॑𑌨𑍍𑌤𑍍𑌰𑌯𑍇𑌤॒ 𑌸𑌾𑌮𑍍𑌰𑌾᳚𑌜𑍍𑌯𑌮𑍇॒𑌵𑍈- [𑌸𑌾𑌮𑍍𑌰𑌾᳚𑌜𑍍𑌯𑌮𑍇॒𑌵, 𑌏॒𑌨𑌂॒-𑌲𑍋𑌁॒𑌕-𑌙𑍍𑌗॑𑌮𑌯𑌿॒𑌤𑍍𑌵𑌾] 5

𑌨𑌂॑-𑌲𑍋𑌁॒𑌕-𑌙𑍍𑌗॑𑌮𑌯𑌿॒𑌤𑍍𑌵𑌾 𑌕𑍍𑌰𑍀॑𑌣𑌾𑌤𑌿॒ 𑌗𑌚𑍍𑌛॑𑌤𑌿॒ 𑌸𑍍𑌵𑌾𑌨𑌾॒𑌗𑍍𑌂॒ 𑌸𑌾𑌮𑍍𑌰𑌾᳚𑌜𑍍𑌯𑌂॒-𑌯𑍋𑌁 𑌵𑍈 𑌤𑌾॑𑌨𑍂𑌨॒𑌪𑍍𑌤𑍍𑌰𑌸𑍍𑌯॑ 𑌪𑍍𑌰𑌤𑌿॒𑌷𑍍𑌠𑌾𑌂-𑌵𑍇𑌁𑌦॒ 𑌪𑍍𑌰𑌤𑍍𑌯𑍇॒𑌵 𑌤𑌿॑𑌷𑍍𑌠𑌤𑌿 𑌬𑍍𑌰𑌹𑍍𑌮𑌵𑌾॒𑌦𑌿𑌨𑍋॑ 𑌵𑌦𑌨𑍍𑌤𑌿॒ 𑌨 𑌪𑍍𑌰𑌾॒𑌶𑍍𑌞𑌨𑍍𑌤𑌿॒ 𑌨 𑌜𑍁॑𑌹𑍍𑌵॒𑌤𑍍𑌯𑌥॒ 𑌕𑍍𑌵॑ 𑌤𑌾𑌨𑍂𑌨॒𑌪𑍍𑌤𑍍𑌰-𑌮𑍍𑌪𑍍𑌰𑌤𑌿॑ 𑌤𑌿𑌷𑍍𑌠॒𑌤𑍀𑌤𑌿॑ 𑌪𑍍𑌰॒𑌜𑌾𑌪॑𑌤𑍗॒ 𑌮𑌨॒𑌸𑍀𑌤𑌿॑ 𑌬𑍍𑌰𑍂𑌯𑌾॒-𑌤𑍍𑌤𑍍𑌰𑌿𑌰𑌵॑ 𑌜𑌿𑌘𑍍𑌰𑍇-𑌤𑍍𑌪𑍍𑌰॒𑌜𑌾𑌪॑𑌤𑍗 𑌤𑍍𑌵𑌾॒ 𑌮𑌨॑𑌸𑌿 𑌜𑍁𑌹𑍋॒𑌮𑍀𑌤𑍍𑌯𑍇॒𑌷𑌾 𑌵𑍈 𑌤𑌾॑𑌨𑍂𑌨॒𑌪𑍍𑌤𑍍𑌰𑌸𑍍𑌯॑ 𑌪𑍍𑌰𑌤𑌿॒𑌷𑍍𑌠𑌾 𑌯 𑌏॒𑌵𑌂-𑌵𑍇𑌁𑌦॒ 𑌪𑍍𑌰𑌤𑍍𑌯𑍇॒𑌵 𑌤𑌿॑𑌷𑍍𑌠𑌤𑌿॒ 𑌯𑍋 [𑌪𑍍𑌰𑌤𑍍𑌯𑍇॒𑌵 𑌤𑌿॑𑌷𑍍𑌠𑌤𑌿॒ 𑌯𑌃, 𑌵𑌾 𑌅॑𑌦𑍍𑌧𑍍𑌵॒𑌰𑍍𑌯𑍋𑌃] 6

𑌵𑌾 𑌅॑𑌦𑍍𑌧𑍍𑌵॒𑌰𑍍𑌯𑍋𑌃 𑌪𑍍𑌰॑𑌤𑌿॒𑌷𑍍𑌠𑌾𑌂-𑌵𑍇𑌁𑌦॒ 𑌪𑍍𑌰𑌤𑍍𑌯𑍇॒𑌵 𑌤𑌿॑𑌷𑍍𑌠𑌤𑌿॒ 𑌯𑌤𑍋॒ 𑌮𑌨𑍍𑌯𑍇॒𑌤𑌾𑌨॑𑌭𑌿𑌕𑍍𑌰𑌮𑍍𑌯 𑌹𑍋𑌷𑍍𑌯𑌾॒𑌮𑍀𑌤𑌿॒ 𑌤-𑌤𑍍𑌤𑌿𑌷𑍍𑌠॒𑌨𑍍𑌨𑌾 𑌶𑍍𑌰𑌾॑𑌵𑌯𑍇𑌦𑍇॒𑌷𑌾 𑌵𑌾 𑌅॑𑌦𑍍𑌧𑍍𑌵॒𑌰𑍍𑌯𑍋𑌃 𑌪𑍍𑌰॑𑌤𑌿॒𑌷𑍍𑌠𑌾 𑌯 𑌏॒𑌵𑌂-𑌵𑍇𑌁𑌦॒ 𑌪𑍍𑌰𑌤𑍍𑌯𑍇॒𑌵 𑌤𑌿॑𑌷𑍍𑌠𑌤𑌿॒ 𑌯𑌦॑𑌭𑌿॒𑌕𑍍𑌰𑌮𑍍𑌯॑ 𑌜𑍁𑌹𑍁॒𑌯𑌾-𑌤𑍍𑌪𑍍𑌰॑𑌤𑌿॒𑌷𑍍𑌠𑌾𑌯𑌾॑ 𑌇𑌯𑌾॒-𑌤𑍍𑌤𑌸𑍍𑌮𑌾᳚-𑌥𑍍𑌸𑌮𑌾॒𑌨𑌤𑍍𑌰॒ 𑌤𑌿𑌷𑍍𑌠॑𑌤𑌾 𑌹𑍋𑌤॒𑌵𑍍𑌯॑-𑌮𑍍𑌪𑍍𑌰𑌤𑌿॑𑌷𑍍𑌠𑌿𑌤𑍍𑌯𑍈॒ 𑌯𑍋 𑌵𑌾 𑌅॑𑌦𑍍𑌧𑍍𑌵॒𑌰𑍍𑌯𑍋-𑌸𑍍𑌸𑍍𑌵𑌂-𑌵𑍇𑌁𑌦॒ 𑌸𑍍𑌵𑌵𑌾॑𑌨𑍇॒𑌵 𑌭॑𑌵𑌤𑌿॒ 𑌸𑍍𑌰𑍁𑌗𑍍𑌵𑌾 𑌅॑𑌸𑍍𑌯॒ 𑌸𑍍𑌵𑌂-𑌵𑌾𑌁॑𑌯॒𑌵𑍍𑌯॑𑌮𑌸𑍍𑌯॒ [𑌵𑌾॑𑌯॒𑌵𑍍𑌯॑𑌮𑌸𑍍𑌯, 𑌸𑍍𑌵-𑌞𑍍𑌚॑𑌮॒𑌸𑍋᳚-𑌽𑌸𑍍𑌯॒] 7

𑌸𑍍𑌵-𑌞𑍍𑌚॑𑌮॒𑌸𑍋᳚-𑌽𑌸𑍍𑌯॒ 𑌸𑍍𑌵𑌂-𑌯𑌁𑌦𑍍𑌵𑌾॑𑌯॒𑌵𑍍𑌯𑌂॑-𑌵𑌾𑌁 𑌚𑌮॒𑌸𑌂-𑌵𑌾𑌁-𑌽𑌨॑𑌨𑍍𑌵𑌾𑌰𑌭𑍍𑌯𑌾-𑌽𑌽𑌶𑍍𑌰𑌾॒𑌵𑌯𑍇॒-𑌥𑍍𑌸𑍍𑌵𑌾𑌦𑌿॑𑌯𑌾॒-𑌤𑍍𑌤𑌸𑍍𑌮𑌾॑ 𑌦𑌨𑍍𑌵𑌾॒𑌰𑌭𑍍𑌯𑌾॒ 𑌽𑌽𑌶𑍍𑌰𑌾𑌵𑍍𑌯॒𑌗𑍍𑌗𑍍॒ 𑌸𑍍𑌵𑌾𑌦𑍇॒𑌵 𑌨𑍈𑌤𑌿॒ 𑌯𑍋 𑌵𑍈 𑌸𑍋𑌮॒𑌮- 𑌪𑍍𑌰॑𑌤𑌿𑌷𑍍𑌠𑌾𑌪𑍍𑌯 𑌸𑍍𑌤𑍋॒𑌤𑍍𑌰-𑌮𑍁॑𑌪𑌾𑌕॒𑌰𑍋𑌤𑍍𑌯 𑌪𑍍𑌰॑𑌤𑌿𑌷𑍍𑌠𑌿𑌤॒-𑌸𑍍𑌸𑍋𑌮𑍋॒ 𑌭𑌵॒𑌤𑍍𑌯𑌪𑍍𑌰॑𑌤𑌿𑌷𑍍𑌠𑌿𑌤॒-𑌸𑍍𑌸𑍍𑌤𑍋𑌮𑍋- 𑌽𑌪𑍍𑌰॑𑌤𑌿𑌷𑍍𑌠𑌿𑌤𑌾-𑌨𑍍𑌯𑍁॒𑌕𑍍𑌥𑌾𑌨𑍍𑌯𑌪𑍍𑌰॑𑌤𑌿𑌷𑍍𑌠𑌿𑌤𑍋॒ 𑌯𑌜॑𑌮𑌾॒𑌨𑍋 𑌽𑌪𑍍𑌰॑𑌤𑌿𑌷𑍍𑌠𑌿𑌤𑍋 𑌽𑌧𑍍𑌵॒𑌰𑍍𑌯𑍁𑌰𑍍𑌵𑌾॑ 𑌯॒𑌵𑍍𑌯𑌂॑-𑌵𑍈𑌁 𑌸𑍋𑌮॑𑌸𑍍𑌯 𑌪𑍍𑌰𑌤𑌿॒𑌷𑍍𑌠𑌾 𑌚॑𑌮॒𑌸𑍋᳚-𑌽𑌸𑍍𑌯 𑌪𑍍𑌰𑌤𑌿॒𑌷𑍍𑌠𑌾 𑌸𑍋𑌮॒-𑌸𑍍𑌸𑍍𑌤𑍋𑌮॑𑌸𑍍𑌯॒ 𑌸𑍍𑌤𑍋𑌮॑ 𑌉॒𑌕𑍍𑌥𑌾𑌨𑌾॒-𑌙𑍍𑌗𑍍𑌰𑌹𑌂॑-𑌵𑌾𑌁 𑌗𑍃𑌹𑍀॒𑌤𑍍𑌵𑌾 𑌚॑𑌮॒𑌸𑌂-𑌵𑍋𑌁॒𑌨𑍍𑌨𑍀𑌯॑ 𑌸𑍍𑌤𑍋॒𑌤𑍍𑌰𑌮𑍁॒𑌪𑌾 𑌕𑍁॑𑌰𑍍𑌯𑌾॒-𑌤𑍍𑌪𑍍𑌰𑌤𑍍𑌯𑍇॒𑌵 𑌸𑍋𑌮𑌗𑍍𑌗𑍍॑ 𑌸𑍍𑌥𑌾॒𑌪𑌯॑𑌤𑌿॒ 𑌪𑍍𑌰𑌤𑌿॒𑌸𑍍𑌤𑍋𑌮॒-𑌮𑍍𑌪𑍍𑌰𑌤𑍍𑌯𑍁॒𑌕𑍍𑌥𑌾𑌨𑌿॒ 𑌪𑍍𑌰𑌤𑌿॒ 𑌯𑌜॑𑌮𑌾𑌨॒𑌸𑍍𑌤𑌿𑌷𑍍𑌠॑𑌤𑌿॒ 𑌪𑍍𑌰𑌤𑍍𑌯॑𑌦𑍍𑌧𑍍𑌵॒𑌰𑍍𑌯𑍁𑌃 ॥ 8 ॥

(𑌏॒𑌵 - 𑌤𑌿॑𑌷𑍍𑌠𑌤𑌿॒ 𑌯𑍋 - 𑌵𑌾॑𑌯॒𑌵𑍍𑌯॑𑌮𑌸𑍍𑌯॒ - 𑌗𑍍𑌰𑌹𑌂॒-𑌵𑍈𑌁 - 𑌕𑌾॒𑌨𑍍𑌨 - 𑌵𑌿𑌗𑍍𑌂॑𑌶॒𑌤𑌿𑌶𑍍𑌚॑) (𑌅. 2)

𑌯॒𑌜𑍍𑌞𑌂-𑌵𑌾𑌁 𑌏॒𑌤-𑌥𑍍𑌸-𑌮𑍍𑌭॑𑌰𑌨𑍍𑌤𑌿॒ 𑌯-𑌥𑍍𑌸𑍋॑𑌮॒𑌕𑍍𑌰𑌯॑𑌣𑍍𑌯𑍈 𑌪॒𑌦𑌂-𑌯𑌁॑𑌜𑍍𑌞𑌮𑍁॒𑌖𑌗𑍍𑌂 𑌹॑𑌵𑌿॒𑌰𑍍𑌧𑌾𑌨𑍇॒ 𑌯𑌰𑍍𑌹𑌿॑ 𑌹𑌵𑌿॒𑌰𑍍𑌧𑌾𑌨𑍇॒ 𑌪𑍍𑌰𑌾𑌚𑍀᳚ 𑌪𑍍𑌰𑌵॒𑌰𑍍𑌤𑌯𑍇॑𑌯𑍁॒𑌸𑍍𑌤𑌰𑍍𑌹𑌿॒ 𑌤𑍇𑌨𑌾𑌕𑍍𑌷॒𑌮𑍁𑌪𑌾᳚-𑌞𑍍𑌜𑍍𑌯𑌾-𑌦𑍍𑌯𑌜𑍍𑌞𑌮𑍁॒𑌖 𑌏॒𑌵 𑌯॒𑌜𑍍𑌞𑌮𑌨𑍁॒ 𑌸𑌨𑍍𑌤॑𑌨𑍋𑌤𑌿॒ 𑌪𑍍𑌰𑌾𑌞𑍍𑌚॑𑌮॒𑌗𑍍𑌨𑌿-𑌮𑍍𑌪𑍍𑌰 𑌹॑𑌰॒𑌨𑍍𑌤𑍍𑌯𑍁-𑌤𑍍𑌪𑌤𑍍𑌨𑍀॒𑌮𑌾 𑌨॑𑌯॒𑌨𑍍𑌤𑍍𑌯𑌨𑍍𑌵𑌨𑌾𑌗𑍍𑌂॑𑌸𑌿॒ 𑌪𑍍𑌰 𑌵॑𑌰𑍍𑌤𑌯॒𑌨𑍍𑌤𑍍𑌯𑌥॒ 𑌵𑌾 𑌅॑𑌸𑍍𑌯𑍈॒𑌷 𑌧𑌿𑌷𑍍𑌣𑌿॑𑌯𑍋 𑌹𑍀𑌯𑌤𑍇॒ 𑌸𑍋-𑌽𑌨𑍁॑ 𑌧𑍍𑌯𑌾𑌯𑌤𑌿॒ 𑌸 𑌈᳚𑌶𑍍𑌵॒𑌰𑍋 𑌰𑍁॒𑌦𑍍𑌰𑍋 𑌭𑍂॒𑌤𑍍𑌵𑌾 [ ] 9

𑌪𑍍𑌰॒𑌜𑌾-𑌮𑍍𑌪॒𑌶𑍂𑌨𑍍. 𑌯𑌜॑𑌮𑌾𑌨𑌸𑍍𑌯॒ 𑌶𑌮॑𑌯𑌿𑌤𑍋॒𑌰𑍍𑌯𑌰𑍍𑌹𑌿॑ 𑌪॒𑌶𑍁𑌮𑌾 𑌪𑍍𑌰𑍀॑𑌤॒𑌮𑍁𑌦॑𑌞𑍍𑌚॒-𑌨𑍍𑌨𑌯॑𑌨𑍍𑌤𑌿॒ 𑌤𑌰𑍍𑌹𑌿॒ 𑌤𑌸𑍍𑌯॑ 𑌪𑌶𑍁॒𑌶𑍍𑌰𑌪॑𑌣𑌗𑍍𑌂 𑌹𑌰𑍇॒-𑌤𑍍𑌤𑍇𑌨𑍈॒𑌵𑍈𑌨॑-𑌮𑍍𑌭𑌾॒𑌗𑌿𑌨॑-𑌙𑍍𑌕𑌰𑍋𑌤𑌿॒ 𑌯𑌜॑𑌮𑌾𑌨𑍋॒ 𑌵𑌾 𑌆॑𑌹𑌵॒𑌨𑍀𑌯𑍋॒ 𑌯𑌜॑𑌮𑌾𑌨𑌂॒-𑌵𑌾𑌁 𑌏॒𑌤𑌦𑍍𑌵𑌿 𑌕॑𑌰𑍍𑌷𑌨𑍍𑌤𑍇॒ 𑌯𑌦𑌾॑𑌹𑌵॒𑌨𑍀𑌯𑌾᳚-𑌤𑍍𑌪𑌶𑍁॒𑌶𑍍𑌰𑌪॑𑌣॒𑌗𑍍𑌂॒ 𑌹𑌰॑𑌨𑍍𑌤𑌿॒ 𑌸 𑌵𑍈॒𑌵 𑌸𑍍𑌯𑌾𑌨𑍍𑌨𑌿॑𑌰𑍍𑌮॒𑌨𑍍𑌥𑍍𑌯𑌂॑-𑌵𑌾𑌁 𑌕𑍁𑌰𑍍𑌯𑌾॒-𑌦𑍍𑌯𑌜॑𑌮𑌾𑌨𑌸𑍍𑌯 𑌸𑌾𑌤𑍍𑌮॒𑌤𑍍𑌵𑌾𑌯॒ 𑌯𑌦𑌿॑ 𑌪॒𑌶𑍋𑌰॑𑌵॒𑌦𑌾𑌨॒-𑌨𑍍𑌨𑌶𑍍𑌯𑍇॒𑌦𑌾𑌜𑍍𑌯॑𑌸𑍍𑌯 𑌪𑍍𑌰𑌤𑍍𑌯𑌾॒𑌖𑍍𑌯𑌾𑌯॒𑌮𑌵॑ 𑌦𑍍𑌯𑍇॒-𑌥𑍍𑌸𑍈𑌵 𑌤𑌤𑌃॒ 𑌪𑍍𑌰𑌾𑌯॑𑌶𑍍𑌚𑌿𑌤𑍍𑌤𑌿॒𑌰𑍍𑌯𑍇 𑌪॒𑌶𑍁𑌂-𑌵𑌿𑌁॑𑌮𑌥𑍍𑌨𑍀॒𑌰𑌨𑍍. 𑌯𑌸𑍍𑌤𑌾𑌨𑍍 𑌕𑌾॒𑌮𑌯𑍇॒𑌤𑌾 𑌽𑌽𑌰𑍍𑌤𑌿॒𑌮𑌾𑌰𑍍𑌚𑍍𑌛𑍇॑𑌯𑍁॒𑌰𑌿𑌤𑌿॑ 𑌕𑍁॒𑌵𑌿𑌦॒𑌙𑍍𑌗𑍇𑌤𑌿॒ 𑌨𑌮𑍋॑ 𑌵𑍃𑌕𑍍𑌤𑌿𑌵𑌤𑍍𑌯॒𑌰𑍍𑌚𑌾-𑌽𑌽𑌗𑍍𑌨𑍀᳚𑌦𑍍𑌧𑍍𑌰𑍇 𑌜𑍁𑌹𑍁𑌯𑌾॒𑌨𑍍𑌨𑌮𑍋॑ 𑌵𑍃𑌕𑍍𑌤𑌿𑌮𑍇॒𑌵𑍈𑌷𑌾𑌂᳚-𑌵𑍃𑌁𑌙𑍍𑌕𑍍𑌤𑍇 𑌤𑌾॒𑌜𑌗𑌾𑌰𑍍𑌤𑌿॒𑌮𑌾𑌰𑍍𑌚𑍍𑌛॑𑌨𑍍𑌤𑌿 ॥ 10 ॥

(𑌭𑍂॒𑌤𑍍𑌵𑌾 - 𑌤𑌤𑌃॒ - 𑌷𑌡𑍍𑌵𑌿𑌗𑍍𑌂॑𑌶𑌤𑌿𑌶𑍍𑌚) (𑌅. 3)

𑌪𑍍𑌰॒𑌜𑌾𑌪॑𑌤𑍇॒𑌰𑍍𑌜𑌾𑌯॑𑌮𑌾𑌨𑌾𑌃 𑌪𑍍𑌰॒𑌜𑌾 𑌜𑌾॒𑌤𑌾𑌶𑍍𑌚॒ 𑌯𑌾 𑌇॒𑌮𑌾𑌃 । 𑌤𑌸𑍍𑌮𑍈॒ 𑌪𑍍𑌰𑌤𑌿॒ 𑌪𑍍𑌰 𑌵𑍇॑𑌦𑌯𑌚𑌿𑌕𑌿॒𑌤𑍍𑌵𑌾𑌗𑍍𑌂 𑌅𑌨𑍁॑ 𑌮𑌨𑍍𑌯𑌤𑌾𑌮𑍍 ॥ 𑌇॒𑌮-𑌮𑍍𑌪॒𑌶𑍁-𑌮𑍍𑌪॑𑌶𑍁𑌪𑌤𑍇 𑌤𑍇 𑌅॒𑌦𑍍𑌯 𑌬॒𑌦𑍍𑌧𑍍𑌨𑌾𑌮𑍍𑌯॑𑌗𑍍𑌨𑍇 𑌸𑍁𑌕𑍃॒𑌤𑌸𑍍𑌯॒ 𑌮𑌦𑍍𑌧𑍍𑌯𑍇᳚ । 𑌅𑌨𑍁॑ 𑌮𑌨𑍍𑌯𑌸𑍍𑌵 𑌸𑍁॒𑌯𑌜𑌾॑ 𑌯𑌜𑌾𑌮॒ 𑌜𑍁𑌷𑍍𑌟॑-𑌨𑍍𑌦𑍇॒𑌵𑌾𑌨𑌾॑𑌮𑌿॒𑌦𑌮॑𑌸𑍍𑌤𑍁 𑌹॒𑌵𑍍𑌯𑌮𑍍 ॥ 𑌪𑍍𑌰॒𑌜𑌾॒𑌨𑌨𑍍𑌤𑌃॒ 𑌪𑍍𑌰𑌤𑌿॑𑌗𑍃𑌹𑍍𑌣𑌨𑍍𑌤𑌿॒ 𑌪𑍂𑌰𑍍𑌵𑍇᳚ 𑌪𑍍𑌰𑌾॒𑌣𑌮𑌙𑍍𑌗𑍇᳚𑌭𑍍𑌯𑌃॒ 𑌪𑌰𑍍𑌯𑌾॒𑌚𑌰॑𑌨𑍍𑌤𑌮𑍍 । 𑌸𑍁𑌵॒𑌰𑍍𑌗𑌂-𑌯𑌾𑌁॑𑌹𑌿 𑌪॒𑌥𑌿𑌭𑌿॑ 𑌰𑍍𑌦𑍇𑌵॒𑌯𑌾𑌨𑍈॒-𑌰𑍋𑌷॑𑌧𑍀𑌷𑍁॒ 𑌪𑍍𑌰𑌤𑌿॑𑌤𑌿𑌷𑍍𑌠𑌾॒ 𑌶𑌰𑍀॑𑌰𑍈𑌃 ॥ 𑌯𑍇𑌷𑌾॒𑌮𑍀𑌶𑍇॑ [𑌯𑍇𑌷𑌾॒𑌮𑍀𑌶𑍇॑, 𑌪॒𑌶𑍁॒𑌪𑌤𑌿𑌃॑] 11

𑌪𑌶𑍁॒𑌪𑌤𑌿𑌃॑ 𑌪𑌶𑍂॒𑌨𑌾-𑌞𑍍𑌚𑌤𑍁॑𑌷𑍍𑌪𑌦𑌾𑌮𑍁॒𑌤 𑌚॑ 𑌦𑍍𑌵𑌿॒𑌪𑌦𑌾᳚𑌮𑍍 । 𑌨𑌿𑌷𑍍𑌕𑍍𑌰𑍀॑𑌤𑍋॒-𑌽𑌯𑌂-𑌯𑌁॒𑌜𑍍𑌞𑌿𑌯॑-𑌮𑍍𑌭𑌾॒𑌗𑌮𑍇॑𑌤𑍁 𑌰𑌾॒𑌯𑌸𑍍𑌪𑍋𑌷𑌾॒ 𑌯𑌜॑𑌮𑌾𑌨𑌸𑍍𑌯 𑌸𑌨𑍍𑌤𑍁 ॥ 𑌯𑍇 𑌬॒𑌦𑍍𑌧𑍍𑌯𑌮𑌾॑𑌨॒𑌮𑌨𑍁॑ 𑌬॒𑌦𑍍𑌧𑍍𑌯𑌮𑌾॑𑌨𑌾 𑌅॒𑌭𑍍𑌯𑍈𑌕𑍍𑌷॑𑌨𑍍𑌤॒ 𑌮𑌨॑𑌸𑌾॒ 𑌚𑌕𑍍𑌷𑍁॑𑌷𑌾 𑌚 । 𑌅॒𑌗𑍍𑌨𑌿𑌸𑍍𑌤𑌾𑌗𑍍𑌂 𑌅𑌗𑍍𑌰𑍇॒ 𑌪𑍍𑌰𑌮𑍁॑𑌮𑍋𑌕𑍍𑌤𑍁 𑌦𑍇॒𑌵𑌃 𑌪𑍍𑌰॒𑌜𑌾𑌪॑𑌤𑌿𑌃 𑌪𑍍𑌰॒𑌜𑌯𑌾॑ 𑌸𑌂𑌵𑌿𑌁𑌦𑌾॒𑌨𑌃 ॥ 𑌯 𑌆॑𑌰॒𑌣𑍍𑌯𑌾𑌃 𑌪॒𑌶𑌵𑍋॑ 𑌵𑌿॒𑌶𑍍𑌵𑌰𑍂॑𑌪𑌾॒ 𑌵𑌿𑌰𑍂॑𑌪𑌾॒-𑌸𑍍𑌸𑌨𑍍𑌤𑍋॑ 𑌬𑌹𑍁॒𑌧𑍈𑌕॑𑌰𑍂𑌪𑌾𑌃 । 𑌵𑌾॒𑌯𑍁𑌸𑍍𑌤𑌾𑌗𑍍𑌂 𑌅𑌗𑍍𑌰𑍇॒ 𑌪𑍍𑌰𑌮𑍁॑𑌮𑍋𑌕𑍍𑌤𑍁 𑌦𑍇॒𑌵𑌃 𑌪𑍍𑌰॒𑌜𑌾𑌪॑𑌤𑌿𑌃 𑌪𑍍𑌰॒𑌜𑌯𑌾॑ 𑌸𑌂𑌵𑌿𑌁𑌦𑌾॒𑌨𑌃 ॥ 𑌪𑍍𑌰॒𑌮𑍁॒𑌞𑍍𑌚𑌮𑌾॑𑌨𑌾॒ [𑌪𑍍𑌰॒𑌮𑍁॒𑌞𑍍𑌚𑌮𑌾॑𑌨𑌾𑌃, 𑌭𑍁𑌵॑𑌨𑌸𑍍𑌯॒ 𑌰𑍇𑌤𑍋॑] 12

𑌭𑍁𑌵॑𑌨𑌸𑍍𑌯॒ 𑌰𑍇𑌤𑍋॑ 𑌗𑌾॒𑌤𑍁-𑌨𑍍𑌧॑𑌤𑍍𑌤॒ 𑌯𑌜॑𑌮𑌾𑌨𑌾𑌯 𑌦𑍇𑌵𑌾𑌃 । 𑌉॒𑌪𑌾𑌕𑍃॑𑌤𑌗𑍍𑌂 𑌶𑌶𑌮𑌾॒𑌨𑌂-𑌯𑌁𑌦𑌸𑍍𑌥𑌾᳚𑌜𑍍𑌜𑍀॒𑌵-𑌨𑍍𑌦𑍇॒𑌵𑌾𑌨𑌾॒𑌮𑌪𑍍𑌯𑍇॑𑌤𑍁॒ 𑌪𑌾𑌥𑌃॑ ॥ 𑌨𑌾𑌨𑌾᳚ 𑌪𑍍𑌰𑌾॒𑌣𑍋 𑌯𑌜॑𑌮𑌾𑌨𑌸𑍍𑌯 𑌪॒𑌶𑍁𑌨𑌾॑ 𑌯॒𑌜𑍍𑌞𑍋 𑌦𑍇॒𑌵𑍇𑌭𑌿𑌃॑ 𑌸॒𑌹 𑌦𑍇॑𑌵॒𑌯𑌾𑌨𑌃॑ । 𑌜𑍀॒𑌵-𑌨𑍍𑌦𑍇॒𑌵𑌾𑌨𑌾॒𑌮𑌪𑍍𑌯𑍇॑𑌤𑍁॒ 𑌪𑌾𑌥𑌃॑ 𑌸॒𑌤𑍍𑌯𑌾-𑌸𑍍𑌸॑𑌨𑍍𑌤𑍁॒ 𑌯𑌜॑𑌮𑌾𑌨𑌸𑍍𑌯॒ 𑌕𑌾𑌮𑌾𑌃᳚ ॥ 𑌯-𑌤𑍍𑌪॒𑌶𑍁𑌰𑍍𑌮𑌾॒𑌯𑍁𑌮𑌕𑍃॒𑌤𑍋𑌰𑍋॑ 𑌵𑌾 𑌪॒𑌦𑍍𑌭𑌿𑌰𑌾॑𑌹॒𑌤𑍇 । 𑌅॒𑌗𑍍𑌨𑌿𑌰𑍍𑌮𑌾॒ 𑌤𑌸𑍍𑌮𑌾॒𑌦𑍇𑌨॑𑌸𑍋॒𑌵𑌿𑌶𑍍𑌵𑌾᳚-𑌨𑍍𑌮𑍁𑌞𑍍𑌚॒𑌤𑍍𑌵𑌗𑍍𑌂𑌹॑𑌸𑌃 ॥ 𑌶𑌮𑌿॑𑌤𑌾𑌰 𑌉॒𑌪𑍇𑌤॑𑌨 𑌯॒𑌜𑍍𑌞- [𑌯॒𑌜𑍍𑌞𑌮𑍍, 𑌦𑍇॒𑌵𑍇𑌭𑌿॑𑌰𑌿𑌨𑍍𑌵𑌿॒𑌤𑌮𑍍 ।] 13

-𑌨𑍍𑌦𑍇॒𑌵𑍇𑌭𑌿॑𑌰𑌿𑌨𑍍𑌵𑌿॒𑌤𑌮𑍍 । 𑌪𑌾𑌶𑌾᳚-𑌤𑍍𑌪॒𑌶𑍁-𑌮𑍍𑌪𑍍𑌰𑌮𑍁॑𑌞𑍍𑌚𑌤 𑌬॒𑌨𑍍𑌧𑌾𑌦𑍍𑌯॒𑌜𑍍𑌞𑌪॑𑌤𑌿॒-𑌮𑍍𑌪𑌰𑌿॑ ॥ 𑌅𑌦𑌿॑𑌤𑌿𑌃॒ 𑌪𑌾𑌶॒-𑌮𑍍𑌪𑍍𑌰𑌮𑍁॑𑌮𑍋𑌕𑍍𑌤𑍍𑌵𑍇॒𑌤-𑌨𑍍𑌨𑌮𑌃॑ 𑌪॒𑌶𑍁𑌭𑍍𑌯𑌃॑ 𑌪𑌶𑍁॒𑌪𑌤॑𑌯𑍇 𑌕𑌰𑍋𑌮𑌿 ॥ 𑌅॒𑌰𑌾॒𑌤𑍀॒𑌯𑌨𑍍𑌤॒-𑌮𑌧॑𑌰-𑌙𑍍𑌕𑍃𑌣𑍋𑌮𑌿॒ 𑌯-𑌨𑍍𑌦𑍍𑌵𑌿॒𑌷𑍍𑌮𑌸𑍍𑌤𑌸𑍍𑌮𑌿॒-𑌨𑍍𑌪𑍍𑌰𑌤𑌿॑ 𑌮𑍁𑌞𑍍𑌚𑌾𑌮𑌿॒ 𑌪𑌾𑌶᳚𑌮𑍍 ॥ 𑌤𑍍𑌵𑌾𑌮𑍁॒ 𑌤𑍇 𑌦॑𑌧𑌿𑌰𑍇 𑌹𑌵𑍍𑌯॒𑌵𑌾𑌹𑌗𑍍𑌂॑ 𑌶𑍃𑌤𑌙𑍍𑌕॒𑌰𑍍𑌤𑌾𑌰॑𑌮𑍁॒𑌤 𑌯॒𑌜𑍍𑌞𑌿𑌯॑-𑌞𑍍𑌚 । 𑌅𑌗𑍍𑌨𑍇॒ 𑌸𑌦॑𑌕𑍍𑌷॒-𑌸𑍍𑌸𑌤॑𑌨𑍁॒𑌰𑍍॒𑌹𑌿 𑌭𑍂॒𑌤𑍍𑌵𑌾-𑌽𑌥॑ 𑌹॒𑌵𑍍𑌯𑌾 𑌜𑌾॑𑌤𑌵𑍇𑌦𑍋 𑌜𑍁𑌷𑌸𑍍𑌵 ॥ 𑌜𑌾𑌤॑𑌵𑍇𑌦𑍋 𑌵॒𑌪𑌯𑌾॑ 𑌗𑌚𑍍𑌛 𑌦𑍇॒𑌵𑌾𑌨𑍍𑌤𑍍𑌵𑌗𑍍𑌂 𑌹𑌿 𑌹𑍋𑌤𑌾᳚ 𑌪𑍍𑌰𑌥॒𑌮𑍋 𑌬॒𑌭𑍂𑌥॑ । 𑌘𑍃॒𑌤𑍇𑌨॒ 𑌤𑍍𑌵-𑌨𑍍𑌤॒𑌨𑍁𑌵𑍋॑ 𑌵𑌰𑍍𑌧𑌯𑌸𑍍𑌵॒ 𑌸𑍍𑌵𑌾𑌹𑌾॑𑌕𑍃𑌤𑌗𑍍𑌂 𑌹॒𑌵𑌿𑌰॑𑌦𑌨𑍍𑌤𑍁 𑌦𑍇॒𑌵𑌾𑌃 ॥ 𑌸𑍍𑌵𑌾𑌹𑌾॑ 𑌦𑍇॒𑌵𑍇𑌭𑍍𑌯𑍋॑ 𑌦𑍇॒𑌵𑍇𑌭𑍍𑌯॒-𑌸𑍍𑌸𑍍𑌵𑌾𑌹𑌾᳚ ॥ 14 ॥

(𑌈𑌶𑍇᳚ - 𑌪𑍍𑌰𑌮𑍁॒𑌞𑍍𑌚𑌮𑌾॑𑌨𑌾 - 𑌯॒𑌜𑍍𑌞𑌂 - 𑌤𑍍𑌵𑌗𑍍𑌂 - 𑌷𑍋𑌡॑𑌶 𑌚) (𑌅. 4)

𑌪𑍍𑌰𑌾॒𑌜𑌾॒𑌪॒𑌤𑍍𑌯𑌾 𑌵𑍈 𑌪॒𑌶𑌵॒𑌸𑍍𑌤𑍇𑌷𑌾𑌗𑍍𑌂॑ 𑌰𑍁॒𑌦𑍍𑌰𑍋-𑌽𑌧𑌿॑𑌪𑌤𑌿॒𑌰𑍍𑌯-𑌦𑍇॒𑌤𑌾𑌭𑍍𑌯𑌾॑-𑌮𑍁𑌪𑌾 𑌕॒𑌰𑍋𑌤𑌿॒ 𑌤𑌾𑌭𑍍𑌯𑌾॑𑌮𑍇॒𑌵𑍈𑌨॑-𑌮𑍍𑌪𑍍𑌰𑌤𑌿॒𑌪𑍍𑌰𑍋𑌚𑍍𑌯𑌾-𑌽𑌽𑌲॑𑌭𑌤 𑌆॒𑌤𑍍𑌮𑌨𑍋-𑌽𑌨𑌾᳚𑌵𑍍𑌰𑌸𑍍𑌕𑌾𑌯॒ 𑌦𑍍𑌵𑌾𑌭𑍍𑌯𑌾॑𑌮𑍁॒𑌪𑌾𑌕॑𑌰𑍋𑌤𑌿 𑌦𑍍𑌵𑌿॒𑌪𑌾𑌦𑍍𑌯𑌜॑𑌮𑌾𑌨𑌃॒ 𑌪𑍍𑌰𑌤𑌿॑𑌷𑍍𑌠𑌿𑌤𑍍𑌯𑌾 𑌉𑌪𑌾॒𑌕𑍃𑌤𑍍𑌯॒ 𑌪𑌞𑍍𑌚॑ 𑌜𑍁𑌹𑍋𑌤𑌿॒ 𑌪𑌾𑌙𑍍𑌕𑍍𑌤𑌾𑌃᳚ 𑌪॒𑌶𑌵𑌃॑ 𑌪॒𑌶𑍂𑌨𑍇॒𑌵𑌾 𑌵॑𑌰𑍁𑌨𑍍𑌧𑍇𑌮𑍃॒𑌤𑍍𑌯𑌵𑍇॒ 𑌵𑌾 𑌏॒𑌷 𑌨𑍀॑𑌯𑌤𑍇॒ 𑌯-𑌤𑍍𑌪॒𑌶𑍁𑌸𑍍𑌤𑌂-𑌯𑌁𑌦॑𑌨𑍍𑌵𑌾॒𑌰𑌭𑍇॑𑌤 𑌪𑍍𑌰॒𑌮𑌾𑌯𑍁॑𑌕𑍋॒ 𑌯𑌜॑𑌮𑌾𑌨-𑌸𑍍𑌸𑍍𑌯𑌾॒𑌨𑍍𑌨𑌾𑌨𑌾᳚ 𑌪𑍍𑌰𑌾॒𑌣𑍋 𑌯𑌜॑𑌮𑌾𑌨𑌸𑍍𑌯 𑌪॒𑌶𑍁𑌨𑍇𑌤𑍍𑌯𑌾॑𑌹॒ 𑌵𑍍𑌯𑌾𑌵𑍃॑𑌤𑍍𑌤𑍍𑌯𑍈॒ [𑌵𑍍𑌯𑌾𑌵𑍃॑𑌤𑍍𑌤𑍍𑌯𑍈, 𑌯-𑌤𑍍𑌪॒𑌶𑍁𑌰𑍍𑌮𑌾॒𑌯𑍁-] 15

𑌯-𑌤𑍍𑌪॒𑌶𑍁𑌰𑍍𑌮𑌾॒𑌯𑍁-𑌮𑌕𑍃॒𑌤𑍇𑌤𑌿॑ 𑌜𑍁𑌹𑍋𑌤𑌿॒ 𑌶𑌾𑌨𑍍𑌤𑍍𑌯𑍈॒ 𑌶𑌮𑌿॑𑌤𑌾𑌰 𑌉॒𑌪𑍇𑌤॒𑌨𑍇𑌤𑍍𑌯𑌾॑𑌹 𑌯𑌥𑌾𑌯॒𑌜𑍁𑌰𑍇॒𑌵𑍈𑌤𑌦𑍍𑌵॒𑌪𑌾𑌯𑌾𑌂॒-𑌵𑌾𑌁 𑌆᳚𑌹𑍍𑌰𑌿॒𑌯𑌮𑌾॑𑌣𑌾𑌯𑌾-𑌮॒𑌗𑍍𑌨𑍇𑌰𑍍𑌮𑍇𑌧𑍋-𑌽𑌪॑ 𑌕𑍍𑌰𑌾𑌮𑌤𑌿॒ 𑌤𑍍𑌵𑌾𑌮𑍁॒ 𑌤𑍇 𑌦॑𑌧𑌿𑌰𑍇 𑌹𑌵𑍍𑌯॒𑌵𑌾𑌹॒𑌮𑌿𑌤𑌿॑ 𑌵॒𑌪𑌾𑌮॒𑌭𑌿 𑌜𑍁॑𑌹𑍋𑌤𑍍𑌯॒𑌗𑍍𑌨𑍇𑌰𑍇॒𑌵 𑌮𑍇𑌧॒𑌮𑌵॑ 𑌰𑍁॒𑌨𑍍𑌧𑍇-𑌽𑌥𑍋॑ 𑌶𑍃𑌤॒𑌤𑍍𑌵𑌾𑌯॑ 𑌪𑍁॒𑌰𑌸𑍍𑌤𑌾᳚-𑌥𑍍𑌸𑍍𑌵𑌾𑌹𑌾 𑌕𑍃𑌤𑌯𑍋॒ 𑌵𑌾 𑌅॒𑌨𑍍𑌯𑍇 𑌦𑍇॒𑌵𑌾 𑌉॒𑌪𑌰𑌿॑𑌷𑍍𑌟𑌾-𑌥𑍍𑌸𑍍𑌵𑌾𑌹𑌾𑌕𑍃𑌤𑌯𑍋॒-𑌽𑌨𑍍𑌯𑍇 𑌸𑍍𑌵𑌾𑌹𑌾॑ 𑌦𑍇॒𑌵𑍇𑌭𑍍𑌯𑍋॑ 𑌦𑍇॒𑌵𑍇𑌭𑍍𑌯॒-𑌸𑍍𑌸𑍍𑌵𑌾𑌹𑍇𑌤𑍍𑌯॒𑌭𑌿𑌤𑍋॑ 𑌵॒𑌪𑌾-𑌞𑍍𑌜𑍁॑𑌹𑍋𑌤𑌿॒ 𑌤𑌾𑌨𑍇॒𑌵𑍋𑌭𑌯𑌾᳚-𑌨𑍍𑌪𑍍𑌰𑍀𑌣𑌾𑌤𑌿 ॥ 16 ॥

(𑌵𑍍𑌯𑌾𑌵𑍃॑𑌤𑍍𑌤𑍍𑌯𑌾 - 𑌅॒𑌭𑌿𑌤𑍋॑ 𑌵॒𑌪𑌾𑌂 - 𑌪𑌞𑍍𑌚॑ 𑌚) (𑌅. 5)

𑌯𑍋 𑌵𑌾 𑌅𑌯॑𑌥𑌾𑌦𑍇𑌵𑌤𑌂-𑌯𑌁॒𑌜𑍍𑌞𑌮𑍁॑𑌪॒𑌚𑌰॒𑌤𑍍𑌯𑌾 𑌦𑍇॒𑌵𑌤𑌾᳚𑌭𑍍𑌯𑍋 𑌵𑍃𑌶𑍍𑌚𑍍𑌯𑌤𑍇॒ 𑌪𑌾𑌪𑍀॑𑌯𑌾-𑌨𑍍𑌭𑌵𑌤𑌿॒ 𑌯𑍋 𑌯॑𑌥𑌾𑌦𑍇𑌵॒𑌤𑌨𑍍𑌨 𑌦𑍇॒𑌵𑌤𑌾᳚𑌭𑍍𑌯॒ 𑌆 𑌵𑍃॑𑌶𑍍𑌚𑍍𑌯𑌤𑍇॒ 𑌵𑌸𑍀॑𑌯𑌾-𑌨𑍍𑌭𑌵𑌤𑍍𑌯𑌾𑌗𑍍𑌨𑍇॒𑌯𑍍𑌯𑌰𑍍𑌚𑌾 𑌽𑌽𑌗𑍍𑌨𑍀᳚𑌦𑍍𑌧𑍍𑌰𑌮॒𑌭𑌿 𑌮𑍃॑𑌶𑍇-𑌦𑍍𑌵𑍈𑌷𑍍𑌣॒𑌵𑍍𑌯𑌾 𑌹॑𑌵𑌿॒𑌰𑍍𑌧𑌾𑌨॑𑌮𑌾𑌗𑍍𑌨𑍇॒𑌯𑍍𑌯𑌾 𑌸𑍍𑌰𑍁𑌚𑍋॑ 𑌵𑌾𑌯॒𑌵𑍍𑌯॑𑌯𑌾 𑌵𑌾𑌯॒𑌵𑍍𑌯𑌾᳚𑌨𑍍𑌯𑍈𑌨𑍍𑌦𑍍𑌰𑌿॒𑌯𑌾 𑌸𑌦𑍋॑ 𑌯𑌥𑌾𑌦𑍇𑌵॒𑌤𑌮𑍇॒𑌵 𑌯॒𑌜𑍍𑌞𑌮𑍁𑌪॑ 𑌚𑌰𑌤𑌿॒ 𑌨 𑌦𑍇॒𑌵𑌤𑌾᳚𑌭𑍍𑌯॒ 𑌆 𑌵𑍃॑𑌶𑍍𑌚𑍍𑌯𑌤𑍇॒ 𑌵𑌸𑍀॑𑌯𑌾-𑌨𑍍𑌭𑌵𑌤𑌿 𑌯𑍁॒𑌨𑌜𑍍𑌮𑌿॑ 𑌤𑍇 𑌪𑍃𑌥𑌿॒𑌵𑍀-𑌞𑍍𑌜𑍍𑌯𑍋𑌤𑌿॑𑌷𑌾 𑌸॒𑌹 𑌯𑍁॒𑌨𑌜𑍍𑌮𑌿॑ 𑌵𑌾॒𑌯𑍁𑌮॒𑌨𑍍𑌤𑌰𑌿॑𑌕𑍍𑌷𑍇𑌣 [𑌵𑌾॒𑌯𑍁𑌮॒𑌨𑍍𑌤𑌰𑌿॑𑌕𑍍𑌷𑍇𑌣, 𑌤𑍇 𑌸॒𑌹] 17

𑌤𑍇 𑌸॒𑌹 𑌯𑍁॒𑌨𑌜𑍍𑌮𑌿॒ 𑌵𑌾𑌚𑌗𑍍𑌂॑ 𑌸॒𑌹 𑌸𑍂𑌰𑍍𑌯𑍇॑𑌣 𑌤𑍇 𑌯𑍁॒𑌨𑌜𑍍𑌮𑌿॑ 𑌤𑌿॒𑌸𑍍𑌰𑍋 𑌵𑌿॒𑌪𑍃𑌚॒-𑌸𑍍𑌸𑍂𑌰𑍍𑌯॑𑌸𑍍𑌯 𑌤𑍇 । 𑌅॒𑌗𑍍𑌨𑌿𑌰𑍍𑌦𑍇॒𑌵𑌤𑌾॑ 𑌗𑌾𑌯॒𑌤𑍍𑌰𑍀 𑌛𑌨𑍍𑌦॑ 𑌉𑌪𑌾॒𑌗𑍍𑌂॒𑌶𑍋𑌃 𑌪𑌾𑌤𑍍𑌰॑𑌮𑌸𑌿॒ 𑌸𑍋𑌮𑍋॑ 𑌦𑍇॒𑌵𑌤𑌾᳚ 𑌤𑍍𑌰𑌿॒𑌷𑍍𑌟𑍁-𑌪𑍍𑌛𑌨𑍍𑌦𑍋᳚-𑌽𑌨𑍍𑌤𑌰𑍍𑌯𑌾॒𑌮𑌸𑍍𑌯॒ 𑌪𑌾𑌤𑍍𑌰॑𑌮॒𑌸𑍀𑌨𑍍𑌦𑍍𑌰𑍋॑ 𑌦𑍇॒𑌵𑌤𑌾॒ 𑌜𑌗॑𑌤𑍀॒ 𑌛𑌨𑍍𑌦॑ 𑌇𑌨𑍍𑌦𑍍𑌰𑌵𑌾𑌯𑍁॒𑌵𑍋𑌃 𑌪𑌾𑌤𑍍𑌰॑𑌮𑌸𑌿॒ 𑌬𑍃𑌹॒𑌸𑍍𑌪𑌤𑌿॑-𑌰𑍍𑌦𑍇॒𑌵𑌤𑌾॑-𑌽𑌨𑍁॒𑌷𑍍𑌟𑍁-𑌪𑍍𑌛𑌨𑍍𑌦𑍋॑ 𑌮𑌿॒𑌤𑍍𑌰𑌾𑌵𑌰𑍁॑𑌣𑌯𑍋𑌃॒ 𑌪𑌾𑌤𑍍𑌰॑𑌮𑌸𑍍𑌯॒𑌶𑍍𑌵𑌿𑌨𑍗॑ 𑌦𑍇॒𑌵𑌤𑌾॑ 𑌪॒𑌙𑍍𑌕𑍍𑌤𑌿𑌶𑍍𑌛𑌨𑍍𑌦𑍋॒-𑌽𑌶𑍍𑌵𑌿𑌨𑍋𑌃॒ 𑌪𑌾𑌤𑍍𑌰॑𑌮𑌸𑌿॒ 𑌸𑍂𑌰𑍍𑌯𑍋॑ 𑌦𑍇॒𑌵𑌤𑌾॑ 𑌬𑍃𑌹॒𑌤𑍀 [ ] 18

𑌛𑌨𑍍𑌦𑌃॑ 𑌶𑍁॒𑌕𑍍𑌰𑌸𑍍𑌯॒ 𑌪𑌾𑌤𑍍𑌰॑𑌮𑌸𑌿 𑌚॒𑌨𑍍𑌦𑍍𑌰𑌮𑌾॑ 𑌦𑍇॒𑌵𑌤𑌾॑ 𑌸॒𑌤𑍋 𑌬𑍃॑𑌹𑌤𑍀॒ 𑌛𑌨𑍍𑌦𑍋॑ 𑌮॒𑌨𑍍𑌥𑌿𑌨𑌃॒ 𑌪𑌾𑌤𑍍𑌰॑𑌮𑌸𑌿॒ 𑌵𑌿𑌶𑍍𑌵𑍇॑𑌦𑍇॒𑌵𑌾 𑌦𑍇॒𑌵𑌤𑍋॒𑌷𑍍𑌣𑌿𑌹𑌾॒ 𑌛𑌨𑍍𑌦॑ 𑌆𑌗𑍍𑌰𑌯॒𑌣𑌸𑍍𑌯॒ 𑌪𑌾𑌤𑍍𑌰॑𑌮॒𑌸𑍀𑌨𑍍𑌦𑍍𑌰𑍋॑ 𑌦𑍇॒𑌵𑌤𑌾॑ 𑌕॒𑌕𑍁𑌚𑍍𑌛𑌨𑍍𑌦॑ 𑌉॒𑌕𑍍𑌥𑌾𑌨𑌾॒-𑌮𑍍𑌪𑌾𑌤𑍍𑌰॑𑌮𑌸𑌿 𑌪𑍃𑌥𑌿॒𑌵𑍀 𑌦𑍇॒𑌵𑌤𑌾॑ 𑌵𑌿॒𑌰𑌾𑌟𑍍 𑌛𑌨𑍍𑌦𑍋᳚ 𑌧𑍍𑌰𑍁॒𑌵𑌸𑍍𑌯॒ 𑌪𑌾𑌤𑍍𑌰॑𑌮𑌸𑌿 ॥ 19 ॥

(𑌅॒𑌨𑍍𑌤𑌰𑌿॑𑌕𑍍𑌷𑍇𑌣 - 𑌬𑍃𑌹॒𑌤𑍀 - 𑌤𑍍𑌰𑌯॑𑌸𑍍𑌤𑍍𑌰𑌿𑌗𑍍𑌂𑌶𑌚𑍍𑌚) (𑌅. 6)

𑌇॒𑌷𑍍𑌟𑌰𑍍𑌗𑍋॒ 𑌵𑌾 𑌅॑𑌦𑍍𑌧𑍍𑌵॒𑌰𑍍𑌯𑍁𑌰𑍍𑌯𑌜॑𑌮𑌾𑌨𑌸𑍍𑌯𑍇॒𑌷𑍍𑌟𑌰𑍍𑌗𑌃॒ 𑌖𑌲𑍁॒ 𑌵𑍈 𑌪𑍂𑌰𑍍𑌵𑍋॒-𑌽𑌰𑍍𑌷𑍍𑌟𑍁𑌃, 𑌕𑍍𑌷𑍀॑𑌯𑌤 𑌆𑌸॒𑌨𑍍𑌯𑌾᳚𑌨𑍍𑌮𑌾॒ 𑌮𑌨𑍍𑌤𑍍𑌰𑌾᳚-𑌤𑍍𑌪𑌾𑌹𑌿॒ 𑌕𑌸𑍍𑌯𑌾᳚𑌶𑍍𑌚𑌿𑌦॒𑌭𑌿𑌶॑𑌸𑍍𑌤𑍍𑌯𑌾॒ 𑌇𑌤𑌿॑ 𑌪𑍁॒𑌰𑌾 𑌪𑍍𑌰𑌾॑𑌤𑌰𑌨𑍁𑌵𑌾॒𑌕𑌾𑌜𑍍𑌜𑍁॑𑌹𑍁𑌯𑌾𑌦𑌾॒𑌤𑍍𑌮𑌨॑ 𑌏॒𑌵 𑌤𑌦॑𑌦𑍍𑌧𑍍𑌵॒𑌰𑍍𑌯𑍁𑌃 𑌪𑍁॒𑌰𑌸𑍍𑌤𑌾॒𑌚𑍍𑌛𑌰𑍍𑌮॑ 𑌨𑌹𑍍𑌯॒𑌤𑍇-𑌽𑌨𑌾᳚𑌰𑍍𑌤𑍍𑌯𑍈 𑌸𑌂𑌵𑍇𑌁॒𑌶𑌾𑌯॑ 𑌤𑍍𑌵𑍋𑌪𑌵𑍇॒𑌶𑌾𑌯॑ 𑌤𑍍𑌵𑌾 𑌗𑌾𑌯𑌤𑍍𑌰𑌿॒𑌯𑌾 𑌸𑍍𑌤𑍍𑌰𑌿॒𑌷𑍍𑌟𑍁𑌭𑍋॒ 𑌜𑌗॑𑌤𑍍𑌯𑌾 𑌅॒𑌭𑌿𑌭𑍂᳚𑌤𑍍𑌯𑍈॒ 𑌸𑍍𑌵𑌾𑌹𑌾॒ 𑌪𑍍𑌰𑌾𑌣𑌾॑𑌪𑌾𑌨𑍗 𑌮𑍃॒𑌤𑍍𑌯𑍋𑌰𑍍𑌮𑌾॑ 𑌪𑌾𑌤॒-𑌮𑍍𑌪𑍍𑌰𑌾𑌣𑌾॑𑌪𑌾𑌨𑍗॒ 𑌮𑌾 𑌮𑌾॑ 𑌹𑌾𑌸𑌿𑌷𑍍𑌟-𑌨𑍍𑌦𑍇॒𑌵𑌤𑌾॑𑌸𑍁॒ 𑌵𑌾 𑌏॒𑌤𑍇 𑌪𑍍𑌰𑌾॑𑌣𑌾𑌪𑌾॒𑌨𑌯𑍋॒- [𑌏॒𑌤𑍇 𑌪𑍍𑌰𑌾॑𑌣𑌾𑌪𑌾॒𑌨𑌯𑍋𑌃᳚, 𑌵𑍍𑌯𑌾𑌯॑𑌚𑍍𑌛𑌨𑍍𑌤𑍇॒] 20

-𑌰𑍍𑌵𑍍𑌯𑌾𑌯॑𑌚𑍍𑌛𑌨𑍍𑌤𑍇॒ 𑌯𑍇𑌷𑌾॒𑌗𑍍𑌂॒ 𑌸𑍋𑌮𑌃॑ 𑌸𑌮𑍃॒𑌚𑍍𑌛𑌤𑍇॑ 𑌸𑌂𑌵𑍇𑌁॒𑌶𑌾𑌯॑ 𑌤𑍍𑌵𑍋𑌪𑌵𑍇॒𑌶𑌾𑌯॒ 𑌤𑍍𑌵𑍇𑌤𑍍𑌯𑌾॑𑌹॒ 𑌛𑌨𑍍𑌦𑌾𑌗𑍍𑌂॑𑌸𑌿॒ 𑌵𑍈 𑌸𑌂॑𑌵𑍇𑌁॒𑌶 𑌉॑𑌪𑌵𑍇॒𑌶𑌶𑍍𑌛𑌨𑍍𑌦𑍋॑𑌭𑌿𑌰𑍇॒𑌵𑌾𑌸𑍍𑌯॒ 𑌛𑌨𑍍𑌦𑌾𑌗𑍍𑌂॑𑌸𑌿 𑌵𑍃𑌙𑍍𑌕𑍍𑌤𑍇॒ 𑌪𑍍𑌰𑍇𑌤𑌿॑𑌵॒𑌨𑍍𑌤𑍍𑌯𑌾𑌜𑍍𑌯𑌾॑𑌨𑌿 𑌭𑌵𑌨𑍍𑌤𑍍𑌯॒𑌭𑌿𑌜𑌿॑𑌤𑍍𑌯𑍈 𑌮॒𑌰𑍁𑌤𑍍𑌵॑𑌤𑍀𑌃 𑌪𑍍𑌰𑌤𑌿॒𑌪𑌦𑍋॒ 𑌵𑌿𑌜𑌿॑𑌤𑍍𑌯𑌾 𑌉॒𑌭𑍇 𑌬𑍃॑𑌹𑌦𑍍𑌰𑌥𑌨𑍍𑌤॒𑌰𑍇 𑌭॑𑌵𑌤 𑌇॒𑌯𑌂-𑌵𑌾𑌁𑌵 𑌰॑𑌥𑌨𑍍𑌤॒𑌰𑌮॒𑌸𑍗 𑌬𑍃॒𑌹𑌦𑌾॒𑌭𑍍𑌯𑌾𑌮𑍇॒𑌵𑍈𑌨॑𑌮॒𑌨𑍍𑌤𑌰𑍇᳚𑌤𑍍𑌯॒𑌦𑍍𑌯 𑌵𑌾𑌵 𑌰॑𑌥𑌨𑍍𑌤॒𑌰𑌗𑍍𑌗𑍍 𑌶𑍍𑌵𑍋 𑌬𑍃॒𑌹𑌦॑𑌦𑍍𑌯𑌾॒𑌶𑍍𑌵𑌾 𑌦𑍇॒𑌵𑍈𑌨॑𑌮॒𑌨𑍍𑌤𑌰𑍇॑𑌤𑌿 𑌭𑍂॒𑌤𑌂- [𑌭𑍂॒𑌤𑌮𑍍, 𑌵𑌾𑌵 𑌰॑𑌥𑌨𑍍𑌤॒𑌰-] 21

-𑌁𑌵𑌾𑌵 𑌰॑𑌥𑌨𑍍𑌤॒𑌰-𑌮𑍍𑌭॑𑌵𑌿॒𑌷𑍍𑌯-𑌦𑍍𑌬𑍃॒𑌹-𑌦𑍍𑌭𑍂॒𑌤𑌾𑌚𑍍𑌚𑍈॒𑌵𑍈𑌨॑-𑌮𑍍𑌭𑌵𑌿𑌷𑍍𑌯॒𑌤𑌶𑍍𑌚𑌾॒𑌨𑍍𑌤𑌰𑍇॑𑌤𑌿॒, 𑌪𑌰𑌿॑𑌮𑌿𑌤𑌂॒-𑌵𑌾𑌁𑌵 𑌰॑𑌥𑌨𑍍𑌤॒𑌰𑌮𑌪॑𑌰𑌿𑌮𑌿𑌤-𑌮𑍍𑌬𑍃॒𑌹-𑌤𑍍𑌪𑌰𑌿॑𑌮𑌿𑌤𑌾𑌚𑍍𑌚𑍈॒𑌵𑍈𑌨॒-𑌮𑌪॑𑌰𑌿𑌮𑌿𑌤𑌾𑌚𑍍𑌚𑌾॒-𑌽𑌨𑍍𑌤𑌰𑍇॑𑌤𑌿 𑌵𑌿𑌶𑍍𑌵𑌾𑌮𑌿𑌤𑍍𑌰𑌜𑌮𑌦॒𑌗𑍍𑌨𑍀 𑌵𑌸𑌿॑𑌷𑍍𑌠𑍇𑌨𑌾𑌸𑍍𑌪𑌰𑍍𑌧𑍇𑌤𑌾॒𑌗𑍍𑌂॒𑌸 𑌏॒𑌤𑌜𑍍𑌜॒𑌮𑌦॑𑌗𑍍𑌨𑌿 𑌰𑍍𑌵𑌿𑌹॒𑌵𑍍𑌯॑𑌮 𑌪𑌶𑍍𑌯॒-𑌤𑍍𑌤𑍇𑌨॒ 𑌵𑍈 𑌸 𑌵𑌸𑌿॑𑌷𑍍𑌠𑌸𑍍𑌯𑍇𑌨𑍍𑌦𑍍𑌰𑌿॒𑌯𑌂-𑌵𑍀𑌁॒𑌰𑍍𑌯॑𑌮𑌵𑍃𑌙𑍍𑌕𑍍𑌤॒ 𑌯𑌦𑍍𑌵𑌿॑𑌹॒𑌵𑍍𑌯𑌗𑍍𑌂॑ 𑌶॒𑌸𑍍𑌯𑌤॑ 𑌇𑌨𑍍𑌦𑍍𑌰𑌿॒𑌯𑌮𑍇॒𑌵 𑌤𑌦𑍍𑌵𑍀॒𑌰𑍍𑌯𑌂॑-𑌯𑌁𑌜॑𑌮𑌾𑌨𑍋॒ 𑌭𑍍𑌰𑌾𑌤𑍃॑𑌵𑍍𑌯𑌸𑍍𑌯 𑌵𑍃𑌙𑍍𑌕𑍍𑌤𑍇॒ 𑌯𑌸𑍍𑌯॒ 𑌭𑍂𑌯𑌾𑌗𑍍𑌂॑𑌸𑍋 𑌯𑌜𑍍𑌞𑌕𑍍𑌰॒𑌤𑌵॒ 𑌇𑌤𑍍𑌯𑌾॑𑌹𑍁॒-𑌸𑍍𑌸 𑌦𑍇॒𑌵𑌤𑌾॑ 𑌵𑍃𑌙𑍍𑌕𑍍𑌤॒ 𑌇𑌤𑌿॒ 𑌯𑌦𑍍𑌯॑𑌗𑍍𑌨𑌿𑌷𑍍𑌟𑍋॒𑌮-𑌸𑍍𑌸𑍋𑌮𑌃॑ 𑌪॒𑌰𑌸𑍍𑌤𑌾॒-𑌥𑍍𑌸𑍍𑌯𑌾-𑌦𑍁॒𑌕𑍍𑌥𑍍𑌯॑-𑌙𑍍𑌕𑍁𑌰𑍍𑌵𑍀𑌤॒ 𑌯𑌦𑍍𑌯𑍁॒𑌕𑍍𑌥𑍍𑌯𑌃॑ 𑌸𑍍𑌯𑌾𑌦॑𑌤𑌿𑌰𑌾॒𑌤𑍍𑌰-𑌙𑍍𑌕𑍁॑𑌰𑍍𑌵𑍀𑌤 𑌯𑌜𑍍𑌞𑌕𑍍𑌰॒𑌤𑍁𑌭𑌿॑𑌰𑍇॒𑌵𑌾𑌸𑍍𑌯॑ 𑌦𑍇॒𑌵𑌤𑌾॑ 𑌵𑍃𑌙𑍍𑌕𑍍𑌤𑍇॒ 𑌵𑌸𑍀॑𑌯𑌾-𑌨𑍍𑌭𑌵𑌤𑌿 ॥ 22 ॥

(𑌪𑍍𑌰𑌾॒𑌣𑌾॒𑌪𑌾॒𑌨𑌯𑍋᳚ - 𑌰𑍍𑌭𑍂॒𑌤𑌂 - 𑌁𑌵𑍃॑𑌙𑍍𑌕𑍍𑌤𑍇॒ - 𑌽𑌷𑍍𑌟𑌾𑌵𑌿𑌗𑍍𑌂॑𑌶𑌤𑌿𑌶𑍍𑌚) (𑌅. 7)

𑌨𑌿॒𑌗𑍍𑌰𑌾॒𑌭𑍍𑌯𑌾᳚-𑌸𑍍𑌸𑍍𑌥 𑌦𑍇𑌵॒𑌶𑍍𑌰𑍁𑌤॒ 𑌆𑌯𑍁॑𑌰𑍍𑌮𑍇 𑌤𑌰𑍍𑌪𑌯𑌤 𑌪𑍍𑌰𑌾॒𑌣-𑌮𑍍𑌮𑍇॑ 𑌤𑌰𑍍𑌪𑌯𑌤𑌾𑌪𑌾॒𑌨-𑌮𑍍𑌮𑍇॑ 𑌤𑌰𑍍𑌪𑌯𑌤 𑌵𑍍𑌯𑌾॒𑌨-𑌮𑍍𑌮𑍇॑ 𑌤𑌰𑍍𑌪𑌯𑌤॒ 𑌚𑌕𑍍𑌷𑍁॑𑌰𑍍𑌮𑍇 𑌤𑌰𑍍𑌪𑌯𑌤॒ 𑌶𑍍𑌰𑍋𑌤𑍍𑌰॑-𑌮𑍍𑌮𑍇 𑌤𑌰𑍍𑌪𑌯𑌤॒ 𑌮𑌨𑍋॑𑌮𑍇 𑌤𑌰𑍍𑌪𑌯𑌤॒ 𑌵𑌾𑌚॑-𑌮𑍍𑌮𑍇 𑌤𑌰𑍍𑌪𑌯𑌤𑌾॒-𑌽𑌽𑌤𑍍𑌮𑌾𑌨॑-𑌮𑍍𑌮𑍇 𑌤𑌰𑍍𑌪𑌯॒𑌤𑌾𑌙𑍍𑌗𑌾॑𑌨𑌿 𑌮𑍇 𑌤𑌰𑍍𑌪𑌯𑌤 𑌪𑍍𑌰॒𑌜𑌾-𑌮𑍍𑌮𑍇॑ 𑌤𑌰𑍍𑌪𑌯𑌤 𑌪॒𑌶𑍂-𑌨𑍍𑌮𑍇॑ 𑌤𑌰𑍍𑌪𑌯𑌤 𑌗𑍃॒𑌹𑌾-𑌨𑍍𑌮𑍇॑ 𑌤𑌰𑍍𑌪𑌯𑌤 𑌗॒𑌣𑌾-𑌨𑍍𑌮𑍇॑ 𑌤𑌰𑍍𑌪𑌯𑌤 𑌸॒𑌰𑍍𑌵𑌗॑𑌣-𑌮𑍍𑌮𑌾 𑌤𑌰𑍍𑌪𑌯𑌤 𑌤॒𑌰𑍍𑌪𑌯॑𑌤 𑌮𑌾 [ ] 23

𑌗॒𑌣𑌾 𑌮𑍇॒ 𑌮𑌾 𑌵𑌿 𑌤𑍃॑𑌷॒𑌨𑍍𑌨𑍋𑌷॑𑌧𑌯𑍋॒ 𑌵𑍈 𑌸𑍋𑌮॑𑌸𑍍𑌯॒ 𑌵𑌿𑌶𑍋॒ 𑌵𑌿𑌶𑌃॒ 𑌖𑌲𑍁॒ 𑌵𑍈 𑌰𑌾𑌜𑍍𑌞𑌃॒ 𑌪𑍍𑌰𑌦𑌾॑𑌤𑍋𑌰𑍀𑌶𑍍𑌵॒𑌰𑌾 𑌐॒𑌨𑍍𑌦𑍍𑌰-𑌸𑍍𑌸𑍋𑌮𑍋-𑌽𑌵𑍀॑𑌵𑍃𑌧𑌂-𑌵𑍋𑌁॒ 𑌮𑌨॑𑌸𑌾 𑌸𑍁𑌜𑌾𑌤𑌾॒ 𑌋𑌤॑𑌪𑍍𑌰𑌜𑌾𑌤𑌾॒ 𑌭𑌗॒ 𑌇𑌦𑍍𑌵𑌃॑ 𑌸𑍍𑌯𑌾𑌮 । 𑌇𑌨𑍍𑌦𑍍𑌰𑍇॑𑌣 𑌦𑍇॒𑌵𑍀𑌰𑍍𑌵𑍀॒𑌰𑍁𑌧𑌃॑ 𑌸𑌂𑌵𑌿𑌁𑌦𑌾॒𑌨𑌾 𑌅𑌨𑍁॑ 𑌮𑌨𑍍𑌯𑌨𑍍𑌤𑌾॒𑌗𑍍𑌂॒ 𑌸𑌵॑𑌨𑌾𑌯॒ 𑌸𑍋𑌮॒𑌮𑌿𑌤𑍍𑌯𑌾॒𑌹𑍗𑌷॑𑌧𑍀𑌭𑍍𑌯 𑌏॒𑌵𑍈𑌨॒𑌗𑍍𑌗𑍍॒ 𑌸𑍍𑌵𑌾𑌯𑍈॑ 𑌵𑌿॒𑌶-𑌸𑍍𑌸𑍍𑌵𑌾𑌯𑍈॑ 𑌦𑍇॒𑌵𑌤𑌾॑𑌯𑍈 𑌨𑌿॒𑌰𑍍𑌯𑌾𑌚𑍍𑌯𑌾॒𑌭𑌿 𑌷𑍁॑𑌣𑍋𑌤𑌿॒ 𑌯𑍋 𑌵𑍈 𑌸𑍋𑌮॑𑌸𑍍𑌯𑌾𑌭𑌿𑌷𑍂॒𑌯𑌮𑌾॑𑌣𑌸𑍍𑌯 [𑌸𑍋𑌮॑𑌸𑍍𑌯𑌾𑌭𑌿𑌷𑍂॒𑌯𑌮𑌾॑𑌣𑌸𑍍𑌯, 𑌪𑍍𑌰॒𑌥॒𑌮𑍋-𑌽𑌗𑍍𑌂॑𑌶𑍁-] 24

𑌪𑍍𑌰𑌥॒𑌮𑍋-𑌽𑌗𑍍𑌂॑𑌶𑍁-𑌸𑍍𑌸𑍍𑌕𑌨𑍍𑌦॑𑌤𑌿॒ 𑌸 𑌈᳚𑌶𑍍𑌵॒𑌰 𑌇॑𑌨𑍍𑌦𑍍𑌰𑌿॒𑌯𑌂-𑌵𑍀𑌁॒𑌰𑍍𑌯॑-𑌮𑍍𑌪𑍍𑌰॒𑌜𑌾-𑌮𑍍𑌪॒𑌶𑍂𑌨𑍍. 𑌯𑌜॑𑌮𑌾𑌨𑌸𑍍𑌯॒ 𑌨𑌿𑌰𑍍𑌹॑𑌨𑍍𑌤𑍋॒𑌸𑍍𑌤𑌮॒𑌭𑌿 𑌮॑𑌨𑍍𑌤𑍍𑌰𑌯𑍇॒𑌤𑌾-𑌽𑌽 𑌮𑌾᳚-𑌽𑌸𑍍𑌕𑌾𑌨𑍍𑌥𑍍𑌸॒𑌹 𑌪𑍍𑌰॒𑌜𑌯𑌾॑ 𑌸॒𑌹 𑌰𑌾॒𑌯𑌸𑍍𑌪𑍋𑌷𑍇॑𑌣𑍇𑌨𑍍𑌦𑍍𑌰𑌿॒𑌯-𑌮𑍍𑌮𑍇॑ 𑌵𑍀॒𑌰𑍍𑌯॑-𑌮𑍍𑌮𑌾 𑌨𑌿𑌵॑𑌰𑍍𑌧𑍀॒𑌰𑌿𑌤𑍍𑌯𑌾॒𑌶𑌿𑌷॑𑌮𑍇॒𑌵𑍈𑌤𑌾𑌮𑌾 𑌶𑌾᳚𑌸𑍍𑌤 𑌇𑌨𑍍𑌦𑍍𑌰𑌿॒𑌯𑌸𑍍𑌯॑ 𑌵𑍀॒𑌯॑𑌰𑍍𑌸𑍍𑌯 𑌪𑍍𑌰॒𑌜𑌾𑌯𑍈॑ 𑌪𑌶𑍂॒𑌨𑌾𑌮𑌨𑌿॑𑌰𑍍𑌘𑌾𑌤𑌾𑌯 𑌦𑍍𑌰॒𑌫𑍍𑌸𑌶𑍍𑌚॑𑌸𑍍𑌕𑌨𑍍𑌦 𑌪𑍃𑌥𑌿॒𑌵𑍀𑌮𑌨𑍁॒ 𑌦𑍍𑌯𑌾𑌮𑌿॒𑌮𑌞𑍍𑌚॒ 𑌯𑍋𑌨𑌿॒𑌮𑌨𑍁॒ 𑌯𑌶𑍍𑌚॒ 𑌪𑍂𑌰𑍍𑌵𑌃॑ । 𑌤𑍃॒𑌤𑍀𑌯𑌂॒-𑌯𑍋𑌁𑌨𑌿॒𑌮𑌨𑍁॑ 𑌸॒𑌞𑍍𑌚𑌰॑𑌨𑍍𑌤-𑌨𑍍𑌦𑍍𑌰॒𑌫𑍍𑌸-𑌞𑍍𑌜𑍁॑𑌹𑍋॒𑌮𑍍𑌯𑌨𑍁॑ 𑌸॒𑌪𑍍𑌤 𑌹𑍋𑌤𑍍𑌰𑌾𑌃᳚ ॥ 25 ॥

(𑌤॒𑌰𑍍𑌪𑌯॑𑌤 𑌮𑌾 - 𑌽𑌭𑌿𑌷𑍂॒𑌯𑌮𑌾॑𑌣𑌸𑍍𑌯॒ - 𑌯𑌶𑍍𑌚॒ - 𑌦𑌶॑ 𑌚) (𑌅. 8)

𑌯𑍋 𑌵𑍈 𑌦𑍇॒𑌵𑌾-𑌨𑍍𑌦𑍇॑𑌵𑌯𑌶॒𑌸𑍇𑌨𑌾॒𑌰𑍍𑌪𑌯॑𑌤𑌿 𑌮𑌨𑍁॒𑌷𑍍𑌯𑌾᳚-𑌨𑍍𑌮𑌨𑍁𑌷𑍍𑌯𑌯𑌶॒𑌸𑍇𑌨॑ 𑌦𑍇𑌵𑌯𑌶॒𑌸𑍍𑌯𑍇॑𑌵 𑌦𑍇॒𑌵𑍇𑌷𑍁॒ 𑌭𑌵॑𑌤𑌿 𑌮𑌨𑍁𑌷𑍍𑌯𑌯𑌶॒𑌸𑍀 𑌮॑𑌨𑍁॒𑌷𑍍𑌯𑍇॑𑌷𑍁॒ 𑌯𑌾-𑌨𑍍𑌪𑍍𑌰𑌾॒𑌚𑍀𑌨॑-𑌮𑌾𑌗𑍍𑌰𑌯॒𑌣𑌾-𑌦𑍍𑌗𑍍𑌰𑌹𑌾᳚-𑌨𑍍𑌗𑍃𑌹𑍍𑌣𑍀॒𑌯𑌾-𑌤𑍍𑌤𑌾𑌨𑍁॑𑌪𑌾॒𑌗𑍍𑌂॒𑌶𑍁 𑌗𑍃॑𑌹𑍍𑌣𑍀𑌯𑌾॒𑌦𑍍𑌯𑌾𑌨𑍂॒𑌰𑍍𑌧𑍍𑌵𑌾𑌗𑍍𑌸𑍍𑌤𑌾𑌨𑍁॑𑌪𑌬𑍍𑌦𑌿॒𑌮𑌤𑍋॑ 𑌦𑍇॒𑌵𑌾𑌨𑍇॒𑌵 𑌤𑌦𑍍𑌦𑍇॑𑌵𑌯𑌶॒𑌸𑍇𑌨𑌾᳚𑌰𑍍𑌪𑌯𑌤𑌿 𑌮𑌨𑍁॒𑌷𑍍𑌯𑌾᳚-𑌨𑍍𑌮𑌨𑍁𑌷𑍍𑌯𑌯𑌶॒𑌸𑍇𑌨॑ 𑌦𑍇𑌵𑌯𑌶॒𑌸𑍍𑌯𑍇॑𑌵 𑌦𑍇॒𑌵𑍇𑌷𑍁॑ 𑌭𑌵𑌤𑌿 𑌮𑌨𑍁𑌷𑍍𑌯𑌯𑌶॒𑌸𑍀 𑌮॑𑌨𑍁॒𑌷𑍍𑌯𑍇᳚𑌷𑍍𑌵॒𑌗𑍍𑌨𑌿𑌃 𑌪𑍍𑌰𑌾॑𑌤𑌸𑍍𑌸𑌵॒𑌨𑍇 𑌪𑌾᳚𑌤𑍍𑌵॒𑌸𑍍𑌮𑌾𑌨𑍍. 𑌵𑍈᳚𑌶𑍍𑌵𑌾𑌨॒𑌰𑍋 𑌮॑𑌹𑌿॒𑌨𑌾 𑌵𑌿॒𑌶𑍍𑌵𑌶॑𑌮𑍍𑌭𑍂𑌃 । 𑌸 𑌨𑌃॑ 𑌪𑌾𑌵॒𑌕𑍋 𑌦𑍍𑌰𑌵𑌿॑𑌣-𑌨𑍍𑌦𑌧𑌾॒- [𑌦𑍍𑌰𑌵𑌿॑𑌣-𑌨𑍍𑌦𑌧𑌾𑌤𑍁, 𑌆𑌯𑍁॑𑌷𑍍𑌮𑌨𑍍𑌤-] 26

-𑌤𑍍𑌵𑌾𑌯𑍁॑𑌷𑍍𑌮𑌨𑍍𑌤-𑌸𑍍𑌸॒𑌹𑌭॑𑌕𑍍𑌷𑌾-𑌸𑍍𑌸𑍍𑌯𑌾𑌮 ॥ 𑌵𑌿𑌶𑍍𑌵𑍇॑ 𑌦𑍇॒𑌵𑌾 𑌮॒𑌰𑍁𑌤॒ 𑌇𑌨𑍍𑌦𑍍𑌰𑍋॑ 𑌅॒𑌸𑍍𑌮𑌾𑌨॒𑌸𑍍𑌮𑌿-𑌨𑍍𑌦𑍍𑌵𑌿॒𑌤𑍀𑌯𑍇॒ 𑌸𑌵॑𑌨𑍇॒ 𑌨 𑌜॑𑌹𑍍𑌯𑍁𑌃 । 𑌆𑌯𑍁॑𑌷𑍍𑌮𑌨𑍍𑌤𑌃 𑌪𑍍𑌰𑌿॒𑌯𑌮𑍇॑𑌷𑌾𑌂॒-𑌵𑌁𑌦॑𑌨𑍍𑌤𑍋 𑌵॒𑌯-𑌨𑍍𑌦𑍇॒𑌵𑌾𑌨𑌾𑌗𑍍𑌂॑ 𑌸𑍁𑌮॒𑌤𑍗 𑌸𑍍𑌯𑌾॑𑌮 ॥ 𑌇॒𑌦-𑌨𑍍𑌤𑍃॒𑌤𑍀𑌯॒𑌗𑍍𑌂॒ 𑌸𑌵॑𑌨-𑌙𑍍𑌕𑌵𑍀॒𑌨𑌾𑌮𑍃॒𑌤𑍇𑌨॒ 𑌯𑍇 𑌚॑𑌮॒𑌸𑌮𑍈𑌰॑𑌯𑌨𑍍𑌤 । 𑌤𑍇 𑌸𑍗॑𑌧𑌨𑍍𑌵॒𑌨𑌾-𑌸𑍍𑌸𑍁𑌵॑𑌰𑌾𑌨𑌶𑌾॒𑌨𑌾-𑌸𑍍𑌸𑍍𑌵𑌿॑𑌷𑍍𑌟𑌿-𑌨𑍍𑌨𑍋 𑌅॒𑌭𑌿 𑌵𑌸𑍀॑𑌯𑍋 𑌨𑌯𑌨𑍍𑌤𑍁 ॥ 𑌆॒𑌯𑌤॑𑌨𑌵𑌤𑍀॒𑌰𑍍𑌵𑌾 𑌅॒𑌨𑍍𑌯𑌾 𑌆𑌹𑍁॑𑌤𑌯𑍋 𑌹𑍂॒𑌯𑌨𑍍𑌤𑍇॑-𑌽𑌨𑌾𑌯𑌤॒𑌨𑌾 𑌅॒𑌨𑍍𑌯𑌾 𑌯𑌾 𑌆॑𑌘𑌾॒𑌰𑌵॑𑌤𑍀॒𑌸𑍍𑌤𑌾 𑌆॒𑌯𑌤𑌨॑𑌵𑌤𑍀॒𑌰𑍍𑌯𑌾- [𑌆॒𑌯𑌤𑌨॑𑌵𑌤𑍀॒𑌰𑍍𑌯𑌾𑌃, 𑌸𑍗॒𑌮𑍍𑌯𑌾𑌸𑍍𑌤𑌾] 27

-𑌸𑍍𑌸𑍗॒𑌮𑍍𑌯𑌾𑌸𑍍𑌤𑌾 𑌅॑𑌨𑌾𑌯𑌤॒𑌨𑌾 𑌐᳚𑌨𑍍𑌦𑍍𑌰𑌵𑌾𑌯॒𑌵-𑌮𑌾॒𑌦𑌾𑌯𑌾॑-𑌽𑌽𑌘𑌾॒𑌰𑌮𑌾 𑌘𑌾॑𑌰𑌯𑍇𑌦𑌦𑍍𑌧𑍍𑌵॒𑌰𑍋 𑌯॒𑌜𑍍𑌞𑍋॑-𑌽𑌯𑌮॑𑌸𑍍𑌤𑍁 𑌦𑍇𑌵𑌾॒ 𑌓𑌷॑𑌧𑍀𑌭𑍍𑌯𑌃 𑌪॒𑌶𑌵𑍇॑ 𑌨𑍋॒ 𑌜𑌨𑌾॑𑌯॒ 𑌵𑌿𑌶𑍍𑌵॑𑌸𑍍𑌮𑍈 𑌭𑍂॒𑌤𑌾𑌯𑌾᳚-𑌽𑌦𑍍𑌧𑍍𑌵॒𑌰𑍋॑-𑌽𑌸𑌿॒ 𑌸 𑌪𑌿॑𑌨𑍍𑌵𑌸𑍍𑌵 𑌘𑍃॒𑌤𑌵॑𑌦𑍍𑌦𑍇𑌵 𑌸𑍋॒𑌮𑍇𑌤𑌿॑ 𑌸𑍗॒𑌮𑍍𑌯𑌾 𑌏॒𑌵 𑌤𑌦𑌾𑌹𑍁॑𑌤𑍀𑌰𑌾॒𑌯𑌤॑𑌨𑌵𑌤𑍀𑌃 𑌕𑌰𑍋𑌤𑍍𑌯𑌾॒𑌯𑌤॑𑌨𑌵𑌾-𑌨𑍍𑌭𑌵𑌤𑌿॒ 𑌯 𑌏॒𑌵𑌂-𑌵𑍇𑌁𑌦𑌾𑌥𑍋॒ 𑌦𑍍𑌯𑌾𑌵𑌾॑𑌪𑍃𑌥𑌿॒𑌵𑍀 𑌏॒𑌵 𑌘𑍃॒𑌤𑍇𑌨॒ 𑌵𑍍𑌯𑍁॑𑌨𑌤𑍍𑌤𑌿॒ 𑌤𑍇 𑌵𑍍𑌯𑍁॑𑌤𑍍𑌤𑍇 𑌉𑌪𑌜𑍀𑌵॒𑌨𑍀𑌯𑍇॑ 𑌭𑌵𑌤 𑌉𑌪𑌜𑍀𑌵॒𑌨𑍀𑌯𑍋॑ 𑌭𑌵𑌤𑌿॒ [𑌭𑌵𑌤𑌿, 𑌯 𑌏॒𑌵𑌂-𑌵𑍇𑌁𑌦𑍈॒𑌷] 28

𑌯 𑌏॒𑌵𑌂-𑌵𑍇𑌁𑌦𑍈॒𑌷 𑌤𑍇॑ 𑌰𑍁𑌦𑍍𑌰𑌭𑌾॒𑌗𑍋 𑌯-𑌨𑍍𑌨𑌿॒𑌰𑌯𑌾॑𑌚𑌥𑌾॒𑌸𑍍𑌤-𑌞𑍍𑌜𑍁॑𑌷𑌸𑍍𑌵 𑌵𑌿॒𑌦𑍇𑌰𑍍𑌗𑍗॑𑌪॒𑌤𑍍𑌯𑌗𑍍𑌂 𑌰𑌾॒𑌯𑌸𑍍𑌪𑍋𑌷𑌗𑍍𑌂॑ 𑌸𑍁॒𑌵𑍀𑌰𑍍𑌯𑌗𑍍𑌂॑ 𑌸𑌂𑌵𑌁𑌥𑍍𑌸॒𑌰𑍀𑌣𑌾𑌗𑍍॑ 𑌸𑍍𑌵॒𑌸𑍍𑌤𑌿𑌮𑍍 ॥ 𑌮𑌨𑍁𑌃॑ 𑌪𑍁॒𑌤𑍍𑌰𑍇𑌭𑍍𑌯𑍋॑ 𑌦𑌾॒𑌯𑌂-𑌵𑍍𑌯𑌁॑𑌭𑌜॒-𑌥𑍍𑌸 𑌨𑌾𑌭𑌾॒𑌨𑍇𑌦𑌿॑𑌷𑍍𑌠-𑌮𑍍𑌬𑍍𑌰𑌹𑍍𑌮॒𑌚𑌰𑍍𑌯𑌂॒-𑌵𑌁𑌸॑𑌨𑍍𑌤॒-𑌨𑍍𑌨𑌿𑌰॑𑌭𑌜॒-𑌥𑍍𑌸 𑌆-𑌽𑌗॑𑌚𑍍𑌛॒-𑌥𑍍𑌸𑍋᳚-𑌽𑌬𑍍𑌰𑌵𑍀-𑌤𑍍𑌕॒𑌥𑌾 𑌮𑌾॒ 𑌨𑌿𑌰॑𑌭𑌾॒𑌗𑌿𑌤𑌿॒ 𑌨 𑌤𑍍𑌵𑌾॒ 𑌨𑌿𑌰॑𑌭𑌾𑌕𑍍𑌷॒𑌮𑌿𑌤𑍍𑌯॑-𑌬𑍍𑌰𑌵𑍀॒𑌦𑌙𑍍𑌗𑌿॑𑌰𑌸 𑌇॒𑌮𑍇 𑌸॒𑌤𑍍𑌰𑌮𑌾॑𑌸𑌤𑍇॒ 𑌤𑍇 [𑌸॒𑌤𑍍𑌰𑌮𑌾॑𑌸𑌤𑍇॒ 𑌤𑍇, 𑌸𑍁॒𑌵॒𑌰𑍍𑌗𑌂-𑌲𑍋𑌁॒𑌕-𑌨𑍍𑌨] 29

𑌸𑍁॑𑌵॒𑌰𑍍𑌗𑌂-𑌲𑍋𑌁॒𑌕-𑌨𑍍𑌨 𑌪𑍍𑌰𑌜𑌾॑𑌨𑌨𑍍𑌤𑌿॒ 𑌤𑍇𑌭𑍍𑌯॑ 𑌇॒𑌦-𑌮𑍍𑌬𑍍𑌰𑌾𑌹𑍍𑌮॑𑌣-𑌮𑍍𑌬𑍍𑌰𑍂𑌹𑌿॒ 𑌤𑍇 𑌸𑍁॑𑌵॒𑌰𑍍𑌗𑌂-𑌲𑍋𑌁॒𑌕𑌂-𑌯𑌁𑌨𑍍𑌤𑍋॒ 𑌯 𑌏॑𑌷𑌾-𑌮𑍍𑌪॒𑌶𑌵॒𑌸𑍍𑌤𑌾𑌗𑍍𑌸𑍍𑌤𑍇॑ 𑌦𑌾𑌸𑍍𑌯॒𑌨𑍍𑌤𑍀𑌤𑌿॒ 𑌤𑌦𑍇᳚𑌭𑍍𑌯𑍋-𑌽𑌬𑍍𑌰𑌵𑍀॒-𑌤𑍍𑌤𑍇 𑌸𑍁॑𑌵॒𑌰𑍍𑌗𑌂-𑌲𑍋𑌁॒𑌕𑌂-𑌯𑌁𑌨𑍍𑌤𑍋॒ 𑌯 𑌏॑𑌷𑌾-𑌮𑍍𑌪॒𑌶𑌵॒ 𑌆𑌸॒-𑌨𑍍𑌤𑌾𑌨॑𑌸𑍍𑌮𑌾 𑌅𑌦𑌦𑍁॒𑌸𑍍𑌤-𑌮𑍍𑌪॒𑌶𑍁𑌭𑌿॒𑌶𑍍𑌚𑌰॑𑌨𑍍𑌤𑌂-𑌯𑌁𑌜𑍍𑌞𑌵𑌾॒𑌸𑍍𑌤𑍗 𑌰𑍁॒𑌦𑍍𑌰 𑌆-𑌽𑌗॑𑌚𑍍𑌛॒-𑌥𑍍𑌸𑍋᳚-𑌽𑌬𑍍𑌰𑌵𑍀॒𑌨𑍍𑌮𑌮॒ 𑌵𑌾 𑌇॒𑌮𑍇 𑌪॒𑌶𑌵॒ 𑌇𑌤𑍍𑌯𑌦𑍁॒𑌰𑍍𑌵𑍈 - [ ] 30

𑌮𑌹𑍍𑌯॑𑌮𑌿॒𑌮𑌾𑌨𑌿𑌤𑍍𑌯॑𑌬𑍍𑌰𑌵𑍀॒𑌨𑍍𑌨 𑌵𑍈 𑌤𑌸𑍍𑌯॒ 𑌤 𑌈॑𑌶𑌤॒ 𑌇𑌤𑍍𑌯॑𑌬𑍍𑌰𑌵𑍀॒-𑌦𑍍𑌯-𑌦𑍍𑌯॑𑌜𑍍𑌞𑌵𑌾॒𑌸𑍍𑌤𑍗 𑌹𑍀𑌯॑𑌤𑍇॒ 𑌮𑌮॒ 𑌵𑍈 𑌤𑌦𑌿𑌤𑌿॒ 𑌤𑌸𑍍𑌮𑌾᳚-𑌦𑍍𑌯𑌜𑍍𑌞𑌵𑌾॒𑌸𑍍𑌤𑍁 𑌨𑌾𑌭𑍍𑌯॒𑌵𑍇𑌤𑍍𑌯॒𑌗𑍍𑌂॒ 𑌸𑍋᳚-𑌽𑌬𑍍𑌰𑌵𑍀-𑌦𑍍𑌯॒𑌜𑍍𑌞𑍇 𑌮𑌾 𑌽𑌽𑌭॒𑌜𑌾𑌥॑ 𑌤𑍇 𑌪॒𑌶𑍂-𑌨𑍍𑌨𑌾𑌭𑌿 𑌮𑌗𑍍𑌗𑍍॑𑌸𑍍𑌯॒ 𑌇𑌤𑌿॒ 𑌤𑌸𑍍𑌮𑌾॑ 𑌏॒𑌤-𑌮𑍍𑌮॒𑌨𑍍𑌥𑌿𑌨𑌃॑ 𑌸𑌗𑍍𑌗𑍍 𑌸𑍍𑌰𑌾॒𑌵𑌮॑𑌜𑍁𑌹𑍋॒-𑌤𑍍𑌤𑌤𑍋॒ 𑌵𑍈 𑌤𑌸𑍍𑌯॑ 𑌰𑍁॒𑌦𑍍𑌰𑌃 𑌪॒𑌶𑍂-𑌨𑍍𑌨𑌾𑌭𑍍𑌯॑𑌮𑌨𑍍𑌯𑌤॒ 𑌯𑌤𑍍𑌰𑍈॒𑌤 𑌮𑍇॒𑌵𑌂-𑌵𑌿𑌁॒𑌦𑍍𑌵𑌾-𑌨𑍍𑌮॒𑌨𑍍𑌥𑌿𑌨𑌃॑ 𑌸𑌗𑍍𑌗𑍍 𑌸𑍍𑌰𑌾॒𑌵-𑌞𑍍𑌜𑍁॒𑌹𑍋𑌤𑌿॒ 𑌨 𑌤𑌤𑍍𑌰॑ 𑌰𑍁॒𑌦𑍍𑌰𑌃 𑌪॒𑌶𑍂𑌨॒𑌭𑌿 𑌮॑𑌨𑍍𑌯𑌤𑍇 ॥ 31 ॥

(𑌦॒𑌧𑌾॒𑌤𑍍𑌵𑌾॒ - 𑌯𑌤॑𑌨𑌵𑌤𑍀॒𑌰𑍍𑌯𑌾 - 𑌉॑𑌪𑌜𑍀𑌵॒𑌨𑍀𑌯𑍋॑ 𑌭𑌵𑌤𑌿॒ - 𑌤𑍇-𑌽 - 𑌦𑍁॒𑌰𑍍𑌵𑍈 - 𑌯𑌤𑍍𑌰𑍈॒𑌤 - 𑌮𑍇𑌕𑌾॑𑌦𑌶 𑌚) (𑌅. 9)

𑌜𑍁𑌷𑍍𑌟𑍋॑ 𑌵𑌾॒𑌚𑍋 𑌭𑍂॑𑌯𑌾𑌸॒-𑌞𑍍𑌜𑍁𑌷𑍍𑌟𑍋॑ 𑌵𑌾॒𑌚𑌸𑍍𑌪𑌤॑𑌯𑍇॒ 𑌦𑍇𑌵𑌿॑ 𑌵𑌾𑌕𑍍 । 𑌯𑌦𑍍𑌵𑌾॒𑌚𑍋 𑌮𑌧𑍁॑𑌮॒-𑌤𑍍𑌤𑌸𑍍𑌮𑌿॑-𑌨𑍍𑌮𑌾 𑌧𑌾॒-𑌸𑍍𑌸𑍍𑌵𑌾𑌹𑌾॒ 𑌸𑌰॑𑌸𑍍𑌵𑌤𑍍𑌯𑍈 ॥ 𑌋॒𑌚𑌾 𑌸𑍍𑌤𑍋𑌮॒𑌗𑍍𑌂॒ 𑌸𑌮॑𑌰𑍍𑌧𑌯 𑌗𑌾𑌯॒𑌤𑍍𑌰𑍇𑌣॑ 𑌰𑌥𑌨𑍍𑌤॒𑌰𑌮𑍍 । 𑌬𑍃॒𑌹-𑌦𑍍𑌗𑌾॑𑌯॒𑌤𑍍𑌰𑌵॑𑌰𑍍𑌤𑌨𑌿 ॥𑌯𑌸𑍍𑌤𑍇᳚ 𑌦𑍍𑌰॒𑌫𑍍𑌸-𑌸𑍍𑌸𑍍𑌕𑌨𑍍𑌦॑𑌤𑌿॒ 𑌯𑌸𑍍𑌤𑍇॑ 𑌅॒𑌗𑍍𑌂॒𑌶𑍁𑌰𑍍𑌬𑌾॒𑌹𑍁𑌚𑍍𑌯𑍁॑𑌤𑍋 𑌧𑌿॒𑌷𑌣॑𑌯𑍋𑌰𑍁॒𑌪𑌸𑍍𑌥𑌾᳚𑌤𑍍 । 𑌅॒𑌦𑍍𑌧𑍍𑌵॒𑌰𑍍𑌯𑍋𑌰𑍍𑌵𑌾॒ 𑌪𑌰𑌿॒ 𑌯𑌸𑍍𑌤𑍇॑ 𑌪॒𑌵𑌿𑌤𑍍𑌰𑌾॒-𑌥𑍍𑌸𑍍𑌵𑌾𑌹𑌾॑𑌕𑍃𑌤॒𑌮𑌿𑌨𑍍𑌦𑍍𑌰𑌾॑𑌯॒ 𑌤-𑌞𑍍𑌜𑍁॑𑌹𑍋𑌮𑌿 ॥ 𑌯𑍋 𑌦𑍍𑌰॒𑌫𑍍𑌸𑍋 𑌅॒𑌗𑍍𑌂॒𑌶𑍁𑌃 𑌪॑𑌤𑌿॒𑌤𑌃 𑌪𑍃॑𑌥𑌿॒𑌵𑍍𑌯𑌾-𑌮𑍍𑌪॑𑌰𑌿𑌵𑌾॒𑌪𑌾- [𑌪𑍃॑𑌥𑌿॒𑌵𑍍𑌯𑌾-𑌮𑍍𑌪॑𑌰𑌿𑌵𑌾॒𑌪𑌾𑌤𑍍, 𑌪𑍁॒𑌰𑍋॒𑌡𑌾𑌶𑌾᳚-𑌤𑍍𑌕𑌰॒𑌮𑍍𑌭𑌾𑌤𑍍 ।] 32

-𑌤𑍍𑌪𑍁॑𑌰𑍋॒𑌡𑌾𑌶𑌾᳚-𑌤𑍍𑌕𑌰॒𑌮𑍍𑌭𑌾𑌤𑍍 । 𑌧𑌾॒𑌨𑌾॒𑌸𑍋॒𑌮𑌾𑌨𑍍𑌮॒𑌨𑍍𑌥𑌿𑌨॑ 𑌇𑌨𑍍𑌦𑍍𑌰 𑌶𑍁॒𑌕𑍍𑌰𑌾-𑌥𑍍𑌸𑍍𑌵𑌾𑌹𑌾॑𑌕𑍃𑌤॒𑌮𑌿𑌨𑍍𑌦𑍍𑌰𑌾॑𑌯॒ 𑌤-𑌞𑍍𑌜𑍁॑𑌹𑍋𑌮𑌿 ॥ 𑌯𑌸𑍍𑌤𑍇᳚ 𑌦𑍍𑌰॒𑌫𑍍𑌸𑍋 𑌮𑌧𑍁॑𑌮𑌾𑌗𑍍𑌂 𑌇𑌨𑍍𑌦𑍍𑌰𑌿॒𑌯𑌾𑌵𑌾॒𑌨𑍍-𑌥𑍍𑌸𑍍𑌵𑌾𑌹𑌾॑𑌕𑍃𑌤𑌃॒ 𑌪𑍁𑌨॑𑌰॒𑌪𑍍𑌯𑍇𑌤𑌿॑ 𑌦𑍇॒𑌵𑌾𑌨𑍍 । 𑌦𑌿॒𑌵𑌃 𑌪𑍃॑𑌥𑌿॒𑌵𑍍𑌯𑌾𑌃 𑌪𑌰𑍍𑌯॒𑌨𑍍𑌤𑌰𑌿॑𑌕𑍍𑌷𑌾॒-𑌥𑍍𑌸𑍍𑌵𑌾𑌹𑌾॑ 𑌕𑍃𑌤॒𑌮𑌿𑌨𑍍𑌦𑍍𑌰𑌾॑𑌯॒ 𑌤-𑌞𑍍𑌜𑍁॑𑌹𑍋𑌮𑌿 ॥ 𑌅॒𑌦𑍍𑌧𑍍𑌵॒𑌰𑍍𑌯𑍁𑌰𑍍𑌵𑌾 𑌋॒𑌤𑍍𑌵𑌿𑌜𑌾᳚-𑌮𑍍𑌪𑍍𑌰𑌥॒𑌮𑍋 𑌯𑍁॑𑌜𑍍𑌯𑌤𑍇॒ 𑌤𑍇𑌨॒ 𑌸𑍍𑌤𑍋𑌮𑍋॑ 𑌯𑍋𑌕𑍍𑌤॒𑌵𑍍𑌯॑ 𑌇𑌤𑍍𑌯𑌾॑𑌹𑍁॒𑌰𑍍𑌵𑌾𑌗॑𑌗𑍍𑌰𑍇॒𑌗𑌾 𑌅𑌗𑍍𑌰॑ 𑌏𑌤𑍍𑌵𑍃𑌜𑍁॒𑌗𑌾 𑌦𑍇॒𑌵𑍇𑌭𑍍𑌯𑍋॒ 𑌯𑌶𑍋॒ 𑌮𑌯𑌿॒ 𑌦𑌧॑𑌤𑍀 𑌪𑍍𑌰𑌾॒𑌣𑌾-𑌨𑍍𑌪॒𑌶𑍁𑌷𑍁॑ 𑌪𑍍𑌰॒𑌜𑌾-𑌮𑍍𑌮𑌯𑌿॑ [ ] 33

𑌚॒ 𑌯𑌜॑𑌮𑌾𑌨𑍇॒ 𑌚𑍇𑌤𑍍𑌯𑌾॑𑌹॒ 𑌵𑌾𑌚॑𑌮𑍇॒𑌵 𑌤𑌦𑍍𑌯॑𑌜𑍍𑌞𑌮𑍁॒𑌖𑍇 𑌯𑍁॑𑌨𑌕𑍍𑌤𑌿॒ 𑌵𑌾𑌸𑍍𑌤𑍁॒ 𑌵𑌾 𑌏॒𑌤𑌦𑍍𑌯॒𑌜𑍍𑌞𑌸𑍍𑌯॑ 𑌕𑍍𑌰𑌿𑌯𑌤𑍇॒ 𑌯𑌦𑍍𑌗𑍍𑌰𑌹𑌾᳚-𑌨𑍍𑌗𑍃𑌹𑍀॒𑌤𑍍𑌵𑌾 𑌬॑𑌹𑌿𑌷𑍍𑌪𑌵𑌮𑌾॒𑌨𑌗𑍍𑌂 𑌸𑌰𑍍𑌪॑𑌨𑍍𑌤𑌿॒𑌪𑌰𑌾᳚𑌞𑍍𑌚𑍋॒ 𑌹𑌿 𑌯𑌨𑍍𑌤𑌿॒ 𑌪𑌰𑌾॑𑌚𑍀𑌭𑌿-𑌸𑍍𑌸𑍍𑌤𑍁॒𑌵𑌤𑍇॑ 𑌵𑍈𑌷𑍍𑌣॒𑌵𑍍𑌯𑌰𑍍𑌚𑌾 𑌪𑍁𑌨॒𑌰𑍇𑌤𑍍𑌯𑍋𑌪॑ 𑌤𑌿𑌷𑍍𑌠𑌤𑍇 𑌯॒𑌜𑍍𑌞𑍋 𑌵𑍈 𑌵𑌿𑌷𑍍𑌣𑍁॑ 𑌰𑍍𑌯॒𑌜𑍍𑌞𑌮𑍇॒𑌵𑌾𑌕॒𑌰𑍍𑌵𑌿𑌷𑍍𑌣𑍋॒ 𑌤𑍍𑌵𑌨𑍍𑌨𑍋॒ 𑌅𑌨𑍍𑌤॑𑌮॒-𑌶𑍍𑌶𑌰𑍍𑌮॑ 𑌯𑌚𑍍𑌛 𑌸𑌹𑌨𑍍𑌤𑍍𑌯 । 𑌪𑍍𑌰 𑌤𑍇॒ 𑌧𑌾𑌰𑌾॑ 𑌮𑌧𑍁॒𑌶𑍍𑌚𑍁𑌤॒ 𑌉𑌥𑍍𑌸॑-𑌨𑍍𑌦𑍁𑌹𑍍𑌰𑌤𑍇॒ 𑌅𑌕𑍍𑌷𑌿॑𑌤॒𑌮𑌿𑌤𑍍𑌯𑌾॑𑌹॒ 𑌯𑌦𑍇॒𑌵𑌾𑌸𑍍𑌯॒ 𑌶𑌯𑌾॑𑌨𑌸𑍍𑌯𑍋𑌪॒𑌶𑍁𑌷𑍍𑌯॑𑌤𑌿॒ 𑌤𑌦𑍇॒𑌵𑌾𑌸𑍍𑌯𑍈॒𑌤𑍇𑌨𑌾 𑌽𑌽𑌪𑍍𑌯𑌾॑𑌯𑌯𑌤𑌿 ॥ 34 ॥

(𑌪॒𑌰𑌿॒𑌵𑌾॒𑌪𑌾𑌤𑍍 - 𑌪𑍍𑌰॒𑌜𑌾-𑌮𑍍𑌮𑌯𑌿॑ - 𑌦𑍁𑌹𑍍𑌰𑌤𑍇॒ - 𑌚𑌤𑍁॑𑌰𑍍𑌦𑌶 𑌚) (𑌅. 10)

𑌅॒𑌗𑍍𑌨𑌿𑌨𑌾॑ 𑌰॒𑌯𑌿𑌮॑𑌶𑍍𑌞𑌵॒-𑌤𑍍𑌪𑍋𑌷॑𑌮𑍇॒𑌵 𑌦𑌿॒𑌵𑍇𑌦𑌿॑𑌵𑍇 । 𑌯॒𑌶𑌸𑌂॑-𑌵𑍀𑌁॒𑌰𑌵॑𑌤𑍍𑌤𑌮𑌮𑍍 ॥ 𑌗𑍋𑌮𑌾𑌗𑍍𑌂॑ 𑌅॒𑌗𑍍𑌨𑍇-𑌽𑌵𑌿॑𑌮𑌾𑌗𑍍𑌂 𑌅॒𑌶𑍍𑌵𑍀 𑌯॒𑌜𑍍𑌞𑍋 𑌨𑍃॒𑌵𑌥𑍍𑌸॑𑌖𑌾॒ 𑌸𑌦॒𑌮𑌿𑌦॑𑌪𑍍𑌰𑌮𑍃॒𑌷𑍍𑌯𑌃 । 𑌇𑌡𑌾॑𑌵𑌾𑌗𑍍𑌂 𑌏॒𑌷𑍋 𑌅॑𑌸𑍁𑌰 𑌪𑍍𑌰॒𑌜𑌾𑌵𑌾᳚-𑌨𑍍𑌦𑍀॒𑌰𑍍𑌘𑍋 𑌰॒𑌯𑌿𑌃 𑌪𑍃॑𑌥𑍁𑌬𑍁॒𑌧𑍍𑌨-𑌸𑍍𑌸॒𑌭𑌾𑌵𑌾𑌨𑍍॑ ॥ 𑌆𑌪𑍍𑌯𑌾॑𑌯𑌸𑍍𑌵॒, 𑌸𑌨𑍍𑌤𑍇᳚ ॥ 𑌇॒𑌹 𑌤𑍍𑌵𑌷𑍍𑌟𑌾॑𑌰𑌮𑌗𑍍𑌰𑌿॒𑌯𑌂-𑌵𑌿𑌁॒𑌶𑍍𑌵𑌰𑍂॑𑌪॒𑌮𑍁𑌪॑ 𑌹𑍍𑌵𑌯𑍇 । 𑌅॒𑌸𑍍𑌮𑌾𑌕॑𑌮𑌸𑍍𑌤𑍁॒ 𑌕𑍇𑌵॑𑌲𑌃 ॥ 𑌤𑌨𑍍𑌨॑𑌸𑍍𑌤𑍁॒𑌰𑍀𑌪॒𑌮𑌧॑ 𑌪𑍋𑌷𑌯𑌿॒𑌤𑍍𑌨𑍁 𑌦𑍇𑌵॑ 𑌤𑍍𑌵𑌷𑍍𑌟॒𑌰𑍍𑌵𑌿 𑌰॑𑌰𑌾॒𑌣-𑌸𑍍𑌸𑍍𑌯॑𑌸𑍍𑌵 । 𑌯𑌤𑍋॑ 𑌵𑍀॒𑌰𑌃 [𑌯𑌤𑍋॑ 𑌵𑍀॒𑌰𑌃, 𑌕॒𑌰𑍍𑌮॒𑌣𑍍𑌯𑌃॑ 𑌸𑍁॒𑌦𑌕𑍍𑌷𑍋॑] 35

𑌕॑𑌰𑍍𑌮॒𑌣𑍍𑌯𑌃॑ 𑌸𑍁॒𑌦𑌕𑍍𑌷𑍋॑ 𑌯𑍁॒𑌕𑍍𑌤𑌗𑍍𑌰𑌾॑𑌵𑌾॒ 𑌜𑌾𑌯॑𑌤𑍇 𑌦𑍇॒𑌵𑌕𑌾॑𑌮𑌃 ॥𑌶𑌿॒𑌵𑌸𑍍𑌤𑍍𑌵॑𑌷𑍍𑌟𑌰𑌿॒𑌹𑌾-𑌽𑌽 𑌗॑𑌹𑌿 𑌵𑌿॒𑌭𑍁𑌃 𑌪𑍋𑌷॑ 𑌉॒𑌤𑌤𑍍𑌮𑌨𑌾᳚ । 𑌯॒𑌜𑍍𑌞𑍇𑌯॑𑌜𑍍𑌞𑍇 𑌨॒ 𑌉𑌦॑𑌵 ॥ 𑌪𑌿॒𑌶𑌙𑍍𑌗॑𑌰𑍂𑌪-𑌸𑍍𑌸𑍁॒𑌭𑌰𑍋॑ 𑌵𑌯𑍋॒𑌧𑌾-𑌶𑍍𑌶𑍍𑌰𑍁॒𑌷𑍍𑌟𑍀 𑌵𑍀॒𑌰𑍋 𑌜𑌾॑𑌯𑌤𑍇 𑌦𑍇॒𑌵𑌕𑌾॑𑌮𑌃 । 𑌪𑍍𑌰॒𑌜𑌾-𑌨𑍍𑌤𑍍𑌵𑌷𑍍𑌟𑌾॒ 𑌵𑌿𑌷𑍍𑌯॑𑌤𑍁॒ 𑌨𑌾𑌭𑌿॑𑌮॒𑌸𑍍𑌮𑍇 𑌅𑌥𑌾॑ 𑌦𑍇॒𑌵𑌾𑌨𑌾॒𑌮𑌪𑍍𑌯𑍇॑𑌤𑍁॒ 𑌪𑌾𑌥𑌃॑ ॥ 𑌪𑍍𑌰𑌣𑍋॑𑌦𑍇॒ 𑌵𑍍𑌯𑌾, 𑌨𑍋॑ 𑌦𑌿॒𑌵𑌃 ॥ 𑌪𑍀॒𑌪𑌿॒𑌵𑌾𑌗𑍍𑌂 𑌸॒𑌗𑍍𑌂॒ 𑌸𑌰॑𑌸𑍍𑌵𑌤॒-𑌸𑍍𑌸𑍍𑌤𑌨𑌂॒-𑌯𑍋𑌁 𑌵𑌿॒𑌶𑍍𑌵𑌦॑𑌰𑍍𑌶𑌤𑌃 । 𑌧𑍁𑌕𑍍𑌷𑍀॒𑌮𑌹𑌿॑ 𑌪𑍍𑌰॒𑌜𑌾𑌮𑌿𑌷᳚𑌮𑍍 ॥ 36 ॥

𑌯𑍇 𑌤𑍇॑ 𑌸𑌰𑌸𑍍𑌵 𑌊॒𑌰𑍍𑌮𑌯𑍋॒ 𑌮𑌧𑍁॑𑌮𑌨𑍍𑌤𑍋 𑌘𑍃𑌤॒𑌶𑍍𑌚𑍁𑌤𑌃॑ । 𑌤𑍇𑌷𑌾᳚-𑌨𑍍𑌤𑍇 𑌸𑍁॒𑌮𑍍𑌨𑌮𑍀॑𑌮𑌹𑍇 ॥ 𑌯𑌸𑍍𑌯॑ 𑌵𑍍𑌰॒𑌤-𑌮𑍍𑌪॒𑌶𑌵𑍋॒ 𑌯𑌨𑍍𑌤𑌿॒ 𑌸𑌰𑍍𑌵𑍇॒ 𑌯𑌸𑍍𑌯॑ 𑌵𑍍𑌰॒𑌤𑌮𑍁॑𑌪॒𑌤𑌿𑌷𑍍𑌠॑𑌨𑍍𑌤॒ 𑌆𑌪𑌃॑ । 𑌯𑌸𑍍𑌯॑ 𑌵𑍍𑌰॒𑌤𑍇 𑌪𑍁॑𑌷𑍍𑌟𑌿॒𑌪𑌤𑌿॒𑌰𑍍𑌨𑌿𑌵𑌿॑𑌷𑍍𑌟॒𑌸𑍍𑌤𑌗𑍍𑌂 𑌸𑌰॑𑌸𑍍𑌵𑌨𑍍𑌤॒𑌮𑌵॑𑌸𑍇 𑌹𑍁𑌵𑍇𑌮 ॥ 𑌦𑌿॒𑌵𑍍𑌯𑌗𑍍𑌂 𑌸𑍁॑𑌪॒𑌰𑍍𑌣𑌂-𑌵𑌁॑𑌯॒𑌸-𑌮𑍍𑌬𑍃॒𑌹𑌨𑍍𑌤॑𑌮॒𑌪𑌾-𑌙𑍍𑌗𑌰𑍍𑌭𑌂॑-𑌵𑍃𑌁𑌷॒𑌭𑌮𑍋𑌷॑𑌧𑍀𑌨𑌾𑌮𑍍 । 𑌅॒𑌭𑍀॒𑌪॒𑌤𑍋 𑌵𑍃॒𑌷𑍍𑌟𑍍𑌯𑌾 𑌤॒𑌰𑍍𑌪𑌯॑𑌨𑍍𑌤॒-𑌨𑍍𑌤𑌗𑍍𑌂 𑌸𑌰॑𑌸𑍍𑌵𑌨𑍍𑌤॒𑌮𑌵॑𑌸𑍇 𑌹𑍁𑌵𑍇𑌮 ॥ 𑌸𑌿𑌨𑍀॑𑌵𑌾𑌲𑌿॒ 𑌪𑍃𑌥𑍁॑𑌷𑍍𑌟𑍁𑌕𑍇॒ 𑌯𑌾 𑌦𑍇॒𑌵𑌾𑌨𑌾॒𑌮𑌸𑌿॒ 𑌸𑍍𑌵𑌸𑌾᳚ । 𑌜𑍁॒𑌷𑌸𑍍𑌵॑ 𑌹॒𑌵𑍍𑌯- [𑌹॒𑌵𑍍𑌯𑌮𑍍, 𑌆𑌹𑍁॑𑌤-𑌮𑍍𑌪𑍍𑌰॒𑌜𑌾-𑌨𑍍𑌦𑍇॑𑌵𑌿] 37

-𑌮𑌾𑌹𑍁॑𑌤-𑌮𑍍𑌪𑍍𑌰॒𑌜𑌾-𑌨𑍍𑌦𑍇॑𑌵𑌿 𑌦𑌿𑌦𑌿𑌡𑍍𑌢𑌿 𑌨𑌃 ॥ 𑌯𑌾 𑌸𑍁॑𑌪𑌾॒𑌣𑌿-𑌸𑍍𑌸𑍍𑌵॑𑌙𑍍𑌗𑍁॒𑌰𑌿-𑌸𑍍𑌸𑍁॒𑌷𑍂𑌮𑌾॑ 𑌬𑌹𑍁॒𑌸𑍂𑌵॑𑌰𑍀 । 𑌤𑌸𑍍𑌯𑍈॑ 𑌵𑌿॒𑌶𑍍𑌪𑌤𑍍𑌨𑌿॑𑌯𑍈 𑌹॒𑌵𑌿-𑌸𑍍𑌸𑌿॑𑌨𑍀𑌵𑌾॒𑌲𑍍𑌯𑍈 𑌜𑍁॑𑌹𑍋𑌤𑌨 ॥ 𑌇𑌨𑍍𑌦𑍍𑌰𑌂॑-𑌵𑍋𑌁 𑌵𑌿॒𑌶𑍍𑌵𑌤॒𑌸𑍍𑌪𑌰𑍀, 𑌨𑍍𑌦𑍍𑌰॒-𑌨𑍍𑌨𑌰𑌃॑ ॥ 𑌅𑌸𑌿॑𑌤𑌵𑌰𑍍𑌣𑌾॒ 𑌹𑌰॑𑌯-𑌸𑍍𑌸𑍁𑌪॒𑌰𑍍𑌣𑌾 𑌮𑌿𑌹𑍋॒ 𑌵𑌸𑌾॑𑌨𑌾॒ 𑌦𑌿𑌵॒𑌮𑍁-𑌤𑍍𑌪॑𑌤𑌨𑍍𑌤𑌿 ॥ 𑌤 𑌆-𑌽𑌵॑𑌵𑍃𑌤𑍍𑌰॒𑌨𑍍-𑌥𑍍𑌸𑌦॑𑌨𑌾𑌨𑌿 𑌕𑍃॒𑌤𑍍𑌵𑌾-𑌽𑌽𑌦𑌿-𑌤𑍍𑌪𑍃॑𑌥𑌿॒𑌵𑍀 𑌘𑍃॒𑌤𑍈𑌰𑍍𑌵𑍍𑌯𑍁॑𑌦𑍍𑌯𑌤𑍇 ॥ 𑌹𑌿𑌰॑𑌣𑍍𑌯𑌕𑍇𑌶𑍋॒ 𑌰𑌜॑𑌸𑍋 𑌵𑌿𑌸𑌾॒𑌰𑍇-𑌽𑌹𑌿॒𑌰𑍍𑌧𑍁𑌨𑌿॒𑌰𑍍𑌵𑌾𑌤॑ 𑌇𑌵॒ 𑌧𑍍𑌰𑌜𑍀॑𑌮𑌾𑌨𑍍 । 𑌶𑍁𑌚𑌿॑𑌭𑍍𑌰𑌾𑌜𑌾 𑌉॒𑌷𑌸𑍋॒ [𑌉॒𑌷𑌸𑌃॑, 𑌨𑌵𑍇॑𑌦𑌾॒ 𑌯𑌶॑𑌸𑍍𑌵𑌤𑍀-] 38

𑌨𑌵𑍇॑𑌦𑌾॒ 𑌯𑌶॑𑌸𑍍𑌵𑌤𑍀-𑌰𑌪॒𑌸𑍍𑌯𑍁𑌵𑍋॒ 𑌨 𑌸॒𑌤𑍍𑌯𑌾𑌃 ॥ 𑌆 𑌤𑍇॑ 𑌸𑍁𑌪॒𑌰𑍍𑌣𑌾 𑌅॑𑌮𑌿𑌨𑌨𑍍𑌤॒ 𑌏𑌵𑍈𑌃᳚ 𑌕𑍃॒𑌷𑍍𑌣𑍋 𑌨𑍋॑𑌨𑌾𑌵 𑌵𑍃𑌷॒𑌭𑍋 𑌯𑌦𑍀॒𑌦𑌮𑍍 । 𑌶𑌿॒𑌵𑌾𑌭𑌿॒𑌰𑍍𑌨 𑌸𑍍𑌮𑌯॑𑌮𑌾𑌨𑌾𑌭𑌿॒𑌰𑌾-𑌽𑌗𑌾॒-𑌤𑍍𑌪𑌤॑𑌨𑍍𑌤𑌿॒ 𑌮𑌿𑌹𑌃॑ 𑌸𑍍𑌤॒𑌨𑌯॑𑌨𑍍𑌤𑍍𑌯॒𑌭𑍍𑌰𑌾 ॥ 𑌵𑌾॒𑌶𑍍𑌰𑍇𑌵॑ 𑌵𑌿॒𑌦𑍍𑌯𑍁𑌨𑍍𑌮𑌿॑𑌮𑌾𑌤𑌿 𑌵॒𑌥𑍍𑌸-𑌨𑍍𑌨 𑌮𑌾॒𑌤𑌾 𑌸𑌿॑𑌷𑌕𑍍𑌤𑌿 । 𑌯𑌦𑍇॑𑌷𑌾𑌂-𑌵𑍃𑌁॒𑌷𑍍𑌟𑌿𑌰𑌸॑𑌰𑍍𑌜𑌿 ॥ 𑌪𑌰𑍍𑌵॑𑌤𑌶𑍍𑌚𑌿॒𑌨𑍍𑌮𑌹𑌿॑ 𑌵𑍃॒𑌦𑍍𑌧𑍋 𑌬𑌿॑𑌭𑌾𑌯 𑌦𑌿॒𑌵𑌶𑍍𑌚𑌿॒-𑌥𑍍𑌸𑌾𑌨𑍁॑ 𑌰𑍇𑌜𑌤 𑌸𑍍𑌵॒𑌨𑍇 𑌵𑌃॑ । 𑌯-𑌤𑍍𑌕𑍍𑌰𑍀𑌡॑𑌥 𑌮𑌰𑍁𑌤 [𑌮𑌰𑍁𑌤𑌃, 𑌋॒𑌷𑍍𑌟𑌿॒𑌮𑌨𑍍𑌤॒] 39

𑌋𑌷𑍍𑌟𑌿॒𑌮𑌨𑍍𑌤॒ 𑌆𑌪॑ 𑌇𑌵 𑌸॒𑌦𑍍𑌧𑍍𑌰𑌿𑌯॑𑌞𑍍𑌚𑍋 𑌧𑌵𑌦𑍍𑌧𑍍𑌵𑍇 ॥ 𑌅॒𑌭𑌿 𑌕𑍍𑌰॑𑌨𑍍𑌦 𑌸𑍍𑌤॒𑌨𑌯॒ 𑌗𑌰𑍍𑌭॒𑌮𑌾 𑌧𑌾॑ 𑌉𑌦॒𑌨𑍍𑌵𑌤𑌾॒ 𑌪𑌰𑌿॑ 𑌦𑍀𑌯𑌾॒ 𑌰𑌥𑍇॑𑌨 । 𑌦𑍃𑌤𑌿॒𑌗𑍍𑌂॒ 𑌸𑍁 𑌕॑𑌰𑍍𑌷॒ 𑌵𑌿𑌷𑌿॑𑌤॒-𑌨𑍍𑌨𑍍𑌯॑𑌞𑍍𑌚𑌗𑍍𑌂 𑌸॒𑌮𑌾 𑌭॑𑌵𑌨𑍍𑌤𑍂॒𑌦𑍍𑌵𑌤𑌾॑ 𑌨𑌿𑌪𑌾॒𑌦𑌾𑌃 ॥ 𑌤𑍍𑌵-𑌨𑍍𑌤𑍍𑌯𑌾 𑌚𑌿॒𑌦𑌚𑍍𑌯𑍁॒𑌤𑌾-𑌽𑌗𑍍𑌨𑍇॑ 𑌪॒𑌶𑍁𑌰𑍍𑌨 𑌯𑌵॑𑌸𑍇 । 𑌧𑌾𑌮𑌾॑ 𑌹॒ 𑌯-𑌤𑍍𑌤𑍇॑ 𑌅𑌜𑌰॒ 𑌵𑌨𑌾॑ 𑌵𑍃॒𑌶𑍍𑌚𑌨𑍍𑌤𑌿॒ 𑌶𑌿𑌕𑍍𑌵॑𑌸𑌃 ॥ 𑌅𑌗𑍍𑌨𑍇॒ 𑌭𑍂𑌰𑍀॑𑌣𑌿॒ 𑌤𑌵॑ 𑌜𑌾𑌤𑌵𑍇𑌦𑍋॒ 𑌦𑍇𑌵॑ 𑌸𑍍𑌵𑌧𑌾𑌵𑍋॒-𑌽𑌮𑍃𑌤॑𑌸𑍍𑌯॒ 𑌧𑌾𑌮॑ । 𑌯𑌾𑌶𑍍𑌚॑ [ ] 40

𑌮𑌾॒𑌯𑌾 𑌮𑌾॒𑌯𑌿𑌨𑌾𑌂᳚-𑌵𑌿𑌁𑌶𑍍𑌵𑌮𑌿𑌨𑍍𑌵॒ 𑌤𑍍𑌵𑍇 𑌪𑍂॒𑌰𑍍𑌵𑍀-𑌸𑍍𑌸॑𑌨𑍍𑌦॒𑌧𑍁𑌃 𑌪𑍃॑𑌷𑍍𑌟𑌬𑌨𑍍𑌧𑍋 ॥ 𑌦𑌿॒𑌵𑍋 𑌨𑍋॑ 𑌵𑍃॒𑌷𑍍𑌟𑌿-𑌮𑍍𑌮॑𑌰𑍁𑌤𑍋 𑌰𑌰𑍀𑌦𑍍𑌧𑍍𑌵॒-𑌮𑍍𑌪𑍍𑌰𑌪𑌿॑𑌨𑍍𑌵𑌤॒ 𑌵𑍃𑌷𑍍𑌣𑍋॒ 𑌅𑌶𑍍𑌵॑𑌸𑍍𑌯॒ 𑌧𑌾𑌰𑌾𑌃᳚ । 𑌅॒𑌰𑍍𑌵𑌾𑌂𑌏॒𑌤𑍇𑌨॑ 𑌸𑍍𑌤𑌨𑌯𑌿॒𑌤𑍍𑌨𑍁𑌨𑍇𑌹𑍍𑌯॒𑌪𑍋 𑌨𑌿॑𑌷𑌿॒𑌞𑍍𑌚𑌨𑍍𑌨𑌸𑍁॑𑌰𑌃 𑌪𑌿॒𑌤𑌾 𑌨𑌃॑ ॥ 𑌪𑌿𑌨𑍍𑌵॑𑌨𑍍𑌤𑍍𑌯॒𑌪𑍋 𑌮॒𑌰𑍁𑌤𑌃॑ 𑌸𑍁॒𑌦𑌾𑌨॑𑌵𑌃॒ 𑌪𑌯𑍋॑ 𑌘𑍃॒𑌤𑌵॑𑌦𑍍𑌵𑌿॒𑌦𑌥𑍇᳚𑌷𑍍𑌵𑌾॒ 𑌭𑍁𑌵𑌃॑ । 𑌅𑌤𑍍𑌯॒-𑌨𑍍𑌨 𑌮𑌿॒𑌹𑍇 𑌵𑌿 𑌨॑𑌯𑌨𑍍𑌤𑌿 𑌵𑌾॒𑌜𑌿𑌨॒𑌮𑍁𑌥𑍍𑌸॑-𑌨𑍍𑌦𑍁𑌹𑌨𑍍𑌤𑌿 𑌸𑍍𑌤॒𑌨𑌯॑𑌨𑍍𑌤॒𑌮𑌕𑍍𑌷𑌿॑𑌤𑌮𑍍 ॥ 𑌉॒𑌦॒𑌪𑍍𑌰𑍁𑌤𑍋॑ 𑌮𑌰𑍁𑌤॒𑌸𑍍𑌤𑌾𑌗𑍍𑌂 𑌇॑𑌯𑌰𑍍𑌤॒ 𑌵𑍃𑌷𑍍𑌟𑌿𑌂॒- [𑌵𑍃𑌷𑍍𑌟𑌿᳚𑌮𑍍, 𑌯𑍇 𑌵𑌿𑌶𑍍𑌵𑍇॑] 41

-𑌁𑌯𑍇 𑌵𑌿𑌶𑍍𑌵𑍇॑ 𑌮॒𑌰𑍁𑌤𑍋॑ 𑌜𑍁॒𑌨𑌨𑍍𑌤𑌿॑ । 𑌕𑍍𑌰𑍋𑌶𑌾॑𑌤𑌿॒ 𑌗𑌰𑍍𑌦𑌾॑ 𑌕॒𑌨𑍍𑌯𑍇॑𑌵 𑌤𑍁॒𑌨𑍍𑌨𑌾 𑌪𑍇𑌰𑍁॑-𑌨𑍍𑌤𑍁𑌞𑍍𑌜𑌾॒𑌨𑌾 𑌪𑌤𑍍𑌯𑍇॑𑌵 𑌜𑌾॒𑌯𑌾 ॥ 𑌘𑍃॒𑌤𑍇𑌨॒ 𑌦𑍍𑌯𑌾𑌵𑌾॑𑌪𑍃𑌥𑌿॒𑌵𑍀 𑌮𑌧𑍁॑𑌨𑌾॒ 𑌸𑌮𑍁॑𑌕𑍍𑌷𑌤॒ 𑌪𑌯॑𑌸𑍍𑌵𑌤𑍀𑌃 𑌕𑍃𑌣॒𑌤𑌾-𑌽𑌽𑌪॒ 𑌓𑌷॑𑌧𑍀𑌃 । 𑌊𑌰𑍍𑌜॑-𑌞𑍍𑌚॒ 𑌤𑌤𑍍𑌰॑ 𑌸𑍁𑌮॒𑌤𑌿-𑌞𑍍𑌚॑ 𑌪𑌿𑌨𑍍𑌵𑌥॒ 𑌯𑌤𑍍𑌰𑌾॑ 𑌨𑌰𑍋 𑌮𑌰𑍁𑌤-𑌸𑍍𑌸𑌿॒𑌞𑍍𑌚𑌥𑌾॒ 𑌮𑌧𑍁॑ ॥ 𑌉𑌦𑍁॒𑌤𑍍𑌯𑌮𑍍, 𑌚𑌿॒𑌤𑍍𑌰𑌮𑍍 ॥ 𑌔॒𑌰𑍍𑌵॒-𑌭𑍃॒𑌗𑍁॒𑌵𑌚𑍍𑌛𑍁𑌚𑌿॑𑌮𑌪𑍍𑌨𑌵𑌾𑌨॒𑌵𑌦𑌾 𑌹𑍁॑𑌵𑍇 । 𑌅॒𑌗𑍍𑌨𑌿𑌗𑍍𑌂 𑌸॑𑌮𑍁॒𑌦𑍍𑌰𑌵𑌾॑𑌸𑌸𑌮𑍍 ॥ 𑌆 𑌸॒𑌵𑌗𑍍𑌂 𑌸॑𑌵𑌿॒𑌤𑍁𑌰𑍍𑌯॑𑌥𑌾॒ 𑌭𑌗॑𑌸𑍍𑌯𑍇 𑌵 𑌭𑍁॒𑌜𑌿𑌗𑍍𑌂 𑌹𑍁॑𑌵𑍇 । 𑌅॒𑌗𑍍𑌨𑌿𑌗𑍍𑌂 𑌸॑𑌮𑍁॒𑌦𑍍𑌰𑌵𑌾॑𑌸𑌸𑌮𑍍 ॥ 𑌹𑍁॒𑌵𑍇 𑌵𑌾𑌤॑𑌸𑍍𑌵𑌨-𑌙𑍍𑌕॒𑌵𑌿-𑌮𑍍𑌪॒𑌰𑍍𑌜𑌨𑍍𑌯॑𑌕𑍍𑌰𑌨𑍍𑌦𑍍𑌯॒𑌗𑍍𑌂॒ 𑌸𑌹𑌃॑ । 𑌅॒𑌗𑍍𑌨𑌿𑌗𑍍𑌂 𑌸॑𑌮𑍁॒𑌦𑍍𑌰𑌵𑌾॑𑌸𑌸𑌮𑍍 ॥ 42 ॥

(𑌵𑍀॒𑌰 - 𑌇𑌷𑌗𑍍𑌂॑ - 𑌹॒𑌵𑍍𑌯 - 𑌮𑍁॒𑌷𑌸𑍋॑ - 𑌮𑌰𑍁𑌤 - 𑌶𑍍𑌚॒ - 𑌵𑍃𑌷𑍍𑌟𑌿𑌂॒ - 𑌭𑌗॑𑌸𑍍𑌯॒ - 𑌦𑍍𑌵𑌾𑌦॑𑌶 𑌚) (𑌅. 11)

(𑌪𑍍𑌰॒𑌜𑌾𑌪॑𑌤𑌿𑌰𑌕𑌾𑌮𑌯𑌤𑍈॒ - 𑌷 𑌤𑍇॑ 𑌗𑌾𑌯॒𑌤𑍍𑌰𑍋 - 𑌯॒𑌜𑍍𑌞𑌂-𑌵𑍈𑌁 - 𑌪𑍍𑌰॒𑌜𑌾𑌪॑𑌤𑍇॒𑌰𑍍𑌜𑌾𑌯॑𑌮𑌾𑌨𑌾𑌃 - 𑌪𑍍𑌰𑌾𑌜𑌾𑌪॒𑌤𑍍𑌯𑌾 - 𑌯𑍋 𑌵𑌾 𑌅𑌯॑𑌥𑌾𑌦𑍇𑌵𑌤 - 𑌮𑌿॒𑌷𑍍𑌟𑌰𑍍𑌗𑍋॑ - 𑌨𑌿𑌗𑍍𑌰𑌾॒𑌭𑍍𑌯𑌾᳚-𑌸𑍍𑌸𑍍𑌥॒ - 𑌯𑍋 𑌵𑍈 𑌦𑍇॒𑌵𑌾 - 𑌞𑍍𑌜𑍁𑌷𑍍𑌟𑍋॒ - 𑌽𑌗𑍍𑌨𑌿𑌨𑌾॑ 𑌰॒𑌯𑌿 - 𑌮𑍇𑌕𑌾॑𑌦𑌶 )

(𑌪𑍍𑌰॒𑌜𑌾𑌪॑𑌤𑌿𑌰𑌕𑌾𑌮𑌯𑌤 - 𑌪𑍍𑌰॒𑌜𑌾𑌪॑𑌤𑍇॒𑌰𑍍𑌜𑌾𑌯॑𑌮𑌾𑌨𑌾॒ - 𑌵𑍍𑌯𑌾𑌯॑𑌚𑍍𑌛𑌨𑍍𑌤𑍇॒ - 𑌮𑌹𑍍𑌯॑𑌮𑌿॒𑌮𑌾 - 𑌨𑍍𑌮𑌾॒𑌯𑌾 𑌮𑌾॒𑌯𑌿𑌨𑌾॒𑌨𑍍 - 𑌦𑍍𑌵𑌿𑌚॑𑌤𑍍𑌵𑌾𑌰𑌿𑌗𑍍𑌂𑌶𑌤𑍍)

(𑌪𑍍𑌰॒𑌜𑌾𑌪॑𑌤𑌿𑌰𑌕𑌾𑌮𑌯𑌤𑌾॒, 𑌅॒𑌗𑍍𑌨𑌿𑌗𑍍𑌂 𑌸॑𑌮𑍁॒𑌦𑍍𑌰𑌵𑌾॑𑌸𑌸𑌂 )

॥ 𑌹𑌰𑌿𑌃॑ 𑌓𑌮𑍍 ॥

॥ 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌸𑌂𑌹𑌿𑌤𑌾𑌯𑌾-𑌨𑍍𑌤𑍃𑌤𑍀𑌯𑌕𑌾𑌣𑍍𑌡𑍇 𑌪𑍍𑌰𑌥𑌮𑌃 𑌪𑍍𑌰𑌶𑍍𑌨-𑌸𑍍𑌸𑌮𑌾𑌪𑍍𑌤𑌃 ॥

Roman (IAST) Transliteration

kṛṣṇa yajurvedīya taittirīya saṃhitāyā-ntṛtīyakāṇḍe prathamaḥ praśnaḥ - nyūnakarmābhidhānaṃ

o-nnamaḥ paramātmane, śrī mahāgaṇapataye namaḥ,

śrī gurubhyo namaḥ | ha॒riḥ॒ om ||

pra॒jāpa̭tirakāmayata pra॒jā-ssṛ̭je॒yeti॒ sa tapo̭-'tapyata॒ sa sa॒rpāna̭sṛjata॒ so̭-'kāmayata pra॒jā-ssṛ̭je॒yeti॒ sadvi॒tīya̭matapyata॒ sa vayāg̭sya sṛjata॒ so̭-'kāmayata pra॒jā-ssṛ̭je॒yeti॒ sa tṛ॒tīya̭matapyata॒ sa e॒ta-ndī᳚kṣitavā॒da-ma̭paśya॒-ttama̭vada॒-ttato॒ vai sa pra॒jā a̭sṛjata॒ ya-ttapa̭sta॒ptvā dī᳚kṣitavā॒daṃ-va~da̭ti pra॒jā e॒va tadyaja̭māna- [tadyaja̭mānaḥ, sṛ॒ja॒te॒ yadvai] 1

-ssṛjate॒ yadvai dī᳚kṣi॒to̭-'me॒ddhya-mpaśya॒tyapā᳚smāddī॒kṣākrā̭mati॒ nīla̭masya॒ haro॒ vye᳚tyaba̭ddha॒-mmano̭ da॒ridra॒-ñcakṣu॒-ssūryo॒ jyoti̭ṣā॒g॒śreṣṭho॒ dīkṣe॒ mā mā̭hāsī॒rityā̭ha॒ nāsmā᳚ddī॒kṣā-'pa̭krāmati॒ nāsya॒ nīla॒-nna haro॒ vyḙti॒ yadvai dī᳚kṣi॒tama̭bhi॒varṣa̭tidi॒vyā āpo-'śā᳚ntā॒ ojo॒ bala̭-ndī॒kṣā- [bala̭-ndī॒kṣām, tapo᳚-'sya॒-] 2

-ntapo᳚-'sya॒-nirghna̭ntyunda॒tī-rbala̭-ndha॒ttaujo̭ dhatta॒ bala̭-ndhatta॒ mā mḙ dī॒kṣā-mmā tapo॒nirva̭dhi॒ṣṭetyā̭hai॒ tade॒va sarva̭mā॒tma-ndha̭tte॒ nāsyaujo॒ bala॒-nna dī॒kṣā-nna tapo॒nirghna̭ntya॒gnirvai dī᳚kṣi॒tasya̭ de॒vatā॒ so᳚-'smāde॒tarhi̭ti॒ra i̭va॒ yarhi॒ yāti॒ tamī᳚śva॒ragṃ rakṣāgṃ̭si॒ hanto᳚- [hantoḥ᳚, bha॒drāda॒bhi-] 3

-rbha॒drāda॒bhi-śreyaḥ॒ prehi॒bṛha॒spatiḥ̭ pura e॒tā tḙ a॒stvityā̭ha॒brahma॒ vai de॒vānā॒-mbṛha॒spati॒stame॒vānvā ra̭bhate॒ sa ḙna॒gṃ॒ sa-mpā̭raya॒tye dama̭ganma deva॒yaja̭na-mpṛthi॒vyā ityā̭ha deva॒yaja̭na॒gg॒ hyḙṣa pṛ̭thi॒vyā ā॒gaccha̭ti॒ yo yaja̭te॒ viśvḙ de॒vā yadajṷṣanta॒ pūrva॒ ityā̭ha॒ viśve॒ hyḙtadde॒vā jo॒ṣaya̭nte॒ yadbrā᳚hma॒ṇā ṛ̭khsā॒mābhyāṃ॒-ya~jṷṣā sa॒ntara̭nta॒ ityā̭harkhsā॒mābhyā॒g॒ hyḙṣa yajṷṣā sa॒ntara̭ti॒ yo yaja̭te rā॒yaspoṣḙṇa॒ sami॒ṣā-ma̭de॒metyā̭-hā॒-'śiṣa̭me॒vai tāmā śā᳚ste || 4 ||

(yaja̭māno - dī॒kṣāgṃ - hanto᳚ - rbrāhma॒ṇā -ścatṷrvigṃśatiśca) (a. 1)

e॒ṣa tḙ gāya॒tro bhā॒ga iti̭ me॒ somā̭ya brūtāde॒ṣa te॒ traiṣṭṷbho॒ jāga̭to bhā॒ga iti̭ me॒ somā̭ya brūtācchando॒mānā॒gṃ॒ sāmrā᳚jya-ṅga॒ccheti̭ me॒ somā̭ya brūtā॒-dyo vai soma॒gṃ॒ rājā̭na॒gṃ॒ sāmrā᳚jyaṃ-lo~॒ka-ṅga̭mayi॒tvā krī॒ṇāti॒ gaccha̭ti॒ svānā॒gṃ॒ sāmrā᳚jya॒-ñchandāgṃ̭si॒ khalu॒ vai soma̭sya॒ rājña॒-ssāmrā᳚jyo lo॒kaḥ pu॒rastā॒-thsoma̭sya kra॒yāde॒vama॒bhi ma̭ntrayeta॒ sāmrā᳚jyame॒vai- [sāmrā᳚jyame॒va, e॒naṃ॒-lo~॒ka-ṅga̭mayi॒tvā] 5

naṃ̭-lo~॒ka-ṅga̭mayi॒tvā krī̭ṇāti॒ gaccha̭ti॒ svānā॒gṃ॒ sāmrā᳚jyaṃ॒-yo~ vai tā̭nūna॒ptrasya̭ prati॒ṣṭhāṃ-ve~da॒ pratye॒va ti̭ṣṭhati brahmavā॒dino̭ vadanti॒ na prā॒śñanti॒ na jṷhva॒tyatha॒ kva̭ tānūna॒ptra-mprati̭ tiṣṭha॒tīti̭ pra॒jāpa̭tau॒ mana॒sīti̭ brūyā॒-ttrirava̭ jighre-tpra॒jāpa̭tau tvā॒ mana̭si juho॒mītye॒ṣā vai tā̭nūna॒ptrasya̭ prati॒ṣṭhā ya e॒vaṃ-ve~da॒ pratye॒va ti̭ṣṭhati॒ yo [pratye॒va ti̭ṣṭhati॒ yaḥ, vā a̭ddhva॒ryoḥ] 6

vā a̭ddhva॒ryoḥ pra̭ti॒ṣṭhāṃ-ve~da॒ pratye॒va ti̭ṣṭhati॒ yato॒ manye॒tāna̭bhikramya hoṣyā॒mīti॒ ta-ttiṣṭha॒nnā śrā̭vayede॒ṣā vā a̭ddhva॒ryoḥ pra̭ti॒ṣṭhā ya e॒vaṃ-ve~da॒ pratye॒va ti̭ṣṭhati॒ yada̭bhi॒kramya̭ juhu॒yā-tpra̭ti॒ṣṭhāyā̭ iyā॒-ttasmā᳚-thsamā॒natra॒ tiṣṭha̭tā hota॒vya̭-mprati̭ṣṭhityai॒ yo vā a̭ddhva॒ryo-ssvaṃ-ve~da॒ svavā̭ne॒va bha̭vati॒ srugvā a̭sya॒ svaṃ-vā~̭ya॒vya̭masya॒ [vā̭ya॒vya̭masya, sva-ñca̭ma॒so᳚-'sya॒] 7

sva-ñca̭ma॒so᳚-'sya॒ svaṃ-ya~dvā̭ya॒vyaṃ̭-vā~ cama॒saṃ-vā~-'na̭nvārabhyā-''śrā॒vaye॒-thsvādi̭yā॒-ttasmā̭ danvā॒rabhyā॒ ''śrāvya॒gg॒ svāde॒va naiti॒ yo vai soma॒ma- pra̭tiṣṭhāpya sto॒tra-mṷpāka॒rotya pra̭tiṣṭhita॒-ssomo॒ bhava॒tyapra̭tiṣṭhita॒-sstomo- 'pra̭tiṣṭhitā-nyu॒kthānyapra̭tiṣṭhito॒ yaja̭mā॒no 'pra̭tiṣṭhito 'dhva॒ryurvā̭ ya॒vyaṃ̭-vai~ soma̭sya prati॒ṣṭhā ca̭ma॒so᳚-'sya prati॒ṣṭhā soma॒-sstoma̭sya॒ stoma̭ u॒kthānā॒-ṅgrahaṃ̭-vā~ gṛhī॒tvā ca̭ma॒saṃ-vo~॒nnīya̭ sto॒tramu॒pā kṷryā॒-tpratye॒va somagg̭ sthā॒paya̭ti॒ prati॒stoma॒-mpratyu॒kthāni॒ prati॒ yaja̭māna॒stiṣṭha̭ti॒ pratya̭ddhva॒ryuḥ || 8 ||

(e॒va - ti̭ṣṭhati॒ yo - vā̭ya॒vya̭masya॒ - grahaṃ॒-vai~ - kā॒nna - vigṃ̭śa॒tiśca̭) (a. 2)

ya॒jñaṃ-vā~ e॒ta-thsa-mbha̭ranti॒ ya-thso̭ma॒kraya̭ṇyai pa॒daṃ-ya~̭jñamu॒khagṃ ha̭vi॒rdhāne॒ yarhi̭ havi॒rdhāne॒ prācī᳚ prava॒rtayḙyu॒starhi॒ tenākṣa॒mupā᳚-ñjyā-dyajñamu॒kha e॒va ya॒jñamanu॒ santa̭noti॒ prāñca̭ma॒gni-mpra ha̭ra॒ntyu-tpatnī॒mā na̭ya॒ntyanvanāgṃ̭si॒ pra va̭rtaya॒ntyatha॒ vā a̭syai॒ṣa dhiṣṇi̭yo hīyate॒ so-'nṷ dhyāyati॒ sa ī᳚śva॒ro ru॒dro bhū॒tvā [ ] 9

pra॒jā-mpa॒śūn. yaja̭mānasya॒ śama̭yito॒ryarhi̭ pa॒śumā prī̭ta॒muda̭ñca॒-nnaya̭nti॒ tarhi॒ tasya̭ paśu॒śrapa̭ṇagṃ hare॒-ttenai॒vaina̭-mbhā॒gina̭-ṅkaroti॒ yaja̭māno॒ vā ā̭hava॒nīyo॒ yaja̭mānaṃ॒-vā~ e॒tadvi ka̭rṣante॒ yadā̭hava॒nīyā᳚-tpaśu॒śrapa̭ṇa॒gṃ॒ hara̭nti॒ sa vai॒va syānni̭rma॒nthyaṃ̭-vā~ kuryā॒-dyaja̭mānasya sātma॒tvāya॒ yadi̭ pa॒śora̭va॒dāna॒-nnaśye॒dājya̭sya pratyā॒khyāya॒mava̭ dye॒-thsaiva tataḥ॒ prāya̭ścitti॒rye pa॒śuṃ-vi~̭mathnī॒ran. yastān kā॒maye॒tā ''rti॒mārcchḙyu॒riti̭ ku॒vida॒ṅgeti॒ namo̭ vṛktivatya॒rcā-''gnī᳚ddhre juhuyā॒nnamo̭ vṛktime॒vaiṣāṃ᳚-vṛ~ṅkte tā॒jagārti॒mārccha̭nti || 10 ||

(bhū॒tvā - tataḥ॒ - ṣaḍvigṃ̭śatiśca) (a. 3)

pra॒jāpa̭te॒rjāya̭mānāḥ pra॒jā jā॒tāśca॒ yā i॒māḥ | tasmai॒ prati॒ pra vḙdayaciki॒tvāgṃ anṷ manyatām || i॒ma-mpa॒śu-mpa̭śupate te a॒dya ba॒ddhnāmya̭gne sukṛ॒tasya॒ maddhye᳚ | anṷ manyasva su॒yajā̭ yajāma॒ juṣṭa̭-nde॒vānā̭mi॒dama̭stu ha॒vyam || pra॒jā॒nantaḥ॒ prati̭gṛhṇanti॒ pūrve᳚ prā॒ṇamaṅge᳚bhyaḥ॒ paryā॒cara̭ntam | suva॒rgaṃ-yā~̭hi pa॒thibhi̭ rdeva॒yānai॒-roṣa̭dhīṣu॒ prati̭tiṣṭhā॒ śarī̭raiḥ || yeṣā॒mīśḙ [yeṣā॒mīśḙ, pa॒śu॒patiḥ̭] 11

paśu॒patiḥ̭ paśū॒nā-ñcatṷṣpadāmu॒ta ca̭ dvi॒padā᳚m | niṣkrī̭to॒-'yaṃ-ya~॒jñiya̭-mbhā॒gamḙtu rā॒yaspoṣā॒ yaja̭mānasya santu || ye ba॒ddhyamā̭na॒manṷ ba॒ddhyamā̭nā a॒bhyaikṣa̭nta॒ mana̭sā॒ cakṣṷṣā ca | a॒gnistāgṃ agre॒ pramṷmoktu de॒vaḥ pra॒jāpa̭tiḥ pra॒jayā̭ saṃvi~dā॒naḥ || ya ā̭ra॒ṇyāḥ pa॒śavo̭ vi॒śvarṷ̄pā॒ virṷ̄pā॒-ssanto̭ bahu॒dhaika̭rūpāḥ | vā॒yustāgṃ agre॒ pramṷmoktu de॒vaḥ pra॒jāpa̭tiḥ pra॒jayā̭ saṃvi~dā॒naḥ || pra॒mu॒ñcamā̭nā॒ [pra॒mu॒ñcamā̭nāḥ, bhuva̭nasya॒ reto̭] 12

bhuva̭nasya॒ reto̭ gā॒tu-ndha̭tta॒ yaja̭mānāya devāḥ | u॒pākṛ̭tagṃ śaśamā॒naṃ-ya~dasthā᳚jjī॒va-nde॒vānā॒mapyḙtu॒ pāthaḥ̭ || nānā᳚ prā॒ṇo yaja̭mānasya pa॒śunā̭ ya॒jño de॒vebhiḥ̭ sa॒ha dḙva॒yānaḥ̭ | jī॒va-nde॒vānā॒mapyḙtu॒ pāthaḥ̭ sa॒tyā-ssa̭ntu॒ yaja̭mānasya॒ kāmāḥ᳚ || ya-tpa॒śurmā॒yumakṛ॒toro̭ vā pa॒dbhirā̭ha॒te | a॒gnirmā॒ tasmā॒dena̭so॒viśvā᳚-nmuñca॒tvagṃha̭saḥ || śami̭tāra u॒peta̭na ya॒jña- [ya॒jñam, de॒vebhi̭rinvi॒tam |] 13

-nde॒vebhi̭rinvi॒tam | pāśā᳚-tpa॒śu-mpramṷñcata ba॒ndhādya॒jñapa̭ti॒-mpari̭ || adi̭tiḥ॒ pāśa॒-mpramṷmoktve॒ta-nnamaḥ̭ pa॒śubhyaḥ̭ paśu॒pata̭ye karomi || a॒rā॒tī॒yanta॒-madha̭ra-ṅkṛṇomi॒ ya-ndvi॒ṣmastasmi॒-nprati̭ muñcāmi॒ pāśa᳚m || tvāmu॒ te da̭dhire havya॒vāhagṃ̭ śṛtaṅka॒rtāra̭mu॒ta ya॒jñiya̭-ñca | agne॒ sada̭kṣa॒-ssata̭nu॒r॒hi bhū॒tvā-'tha̭ ha॒vyā jā̭tavedo juṣasva || jāta̭vedo va॒payā̭ gaccha de॒vāntvagṃ hi hotā᳚ pratha॒mo ba॒bhūtha̭ | ghṛ॒tena॒ tva-nta॒nuvo̭ vardhayasva॒ svāhā̭kṛtagṃ ha॒vira̭dantu de॒vāḥ || svāhā̭ de॒vebhyo̭ de॒vebhya॒-ssvāhā᳚ || 14 ||

(īśe᳚ - pramu॒ñcamā̭nā - ya॒jñaṃ - tvagṃ - ṣoḍa̭śa ca) (a. 4)

prā॒jā॒pa॒tyā vai pa॒śava॒steṣāgṃ̭ ru॒dro-'dhi̭pati॒rya-de॒tābhyā̭-mupā ka॒roti॒ tābhyā̭me॒vaina̭-mprati॒procyā-''la̭bhata ā॒tmano-'nā᳚vraskāya॒ dvābhyā̭mu॒pāka̭roti dvi॒pādyaja̭mānaḥ॒ prati̭ṣṭhityā upā॒kṛtya॒ pañca̭ juhoti॒ pāṅktāḥ᳚ pa॒śavaḥ̭ pa॒śūne॒vā va̭rundhemṛ॒tyave॒ vā e॒ṣa nī̭yate॒ ya-tpa॒śustaṃ-ya~da̭nvā॒rabhḙta pra॒māyṷko॒ yaja̭māna-ssyā॒nnānā᳚ prā॒ṇo yaja̭mānasya pa॒śunetyā̭ha॒ vyāvṛ̭ttyai॒ [vyāvṛ̭ttyai, ya-tpa॒śurmā॒yu-] 15

ya-tpa॒śurmā॒yu-makṛ॒teti̭ juhoti॒ śāntyai॒ śami̭tāra u॒peta॒netyā̭ha yathāya॒jure॒vaitadva॒pāyāṃ॒-vā~ ā᳚hri॒yamā̭ṇāyā-ma॒gnermedho-'pa̭ krāmati॒ tvāmu॒ te da̭dhire havya॒vāha॒miti̭ va॒pāma॒bhi jṷhotya॒gnere॒va medha॒mava̭ ru॒ndhe-'tho̭ śṛta॒tvāya̭ pu॒rastā᳚-thsvāhā kṛtayo॒ vā a॒nye de॒vā u॒pari̭ṣṭā-thsvāhākṛtayo॒-'nye svāhā̭ de॒vebhyo̭ de॒vebhya॒-ssvāhetya॒bhito̭ va॒pā-ñjṷhoti॒ tāne॒vobhayā᳚-nprīṇāti || 16 ||

(vyāvṛ̭ttyā - a॒bhito̭ va॒pāṃ - pañca̭ ca) (a. 5)

yo vā aya̭thādevataṃ-ya~॒jñamṷpa॒cara॒tyā de॒vatā᳚bhyo vṛścyate॒ pāpī̭yā-nbhavati॒ yo ya̭thādeva॒tanna de॒vatā᳚bhya॒ ā vṛ̭ścyate॒ vasī̭yā-nbhavatyāgne॒yyarcā ''gnī᳚ddhrama॒bhi mṛ̭śe-dvaiṣṇa॒vyā ha̭vi॒rdhāna̭māgne॒yyā sruco̭ vāya॒vya̭yā vāya॒vyā᳚nyaindri॒yā sado̭ yathādeva॒tame॒va ya॒jñamupa̭ carati॒ na de॒vatā᳚bhya॒ ā vṛ̭ścyate॒ vasī̭yā-nbhavati yu॒najmi̭ te pṛthi॒vī-ñjyoti̭ṣā sa॒ha yu॒najmi̭ vā॒yuma॒ntari̭kṣeṇa [vā॒yuma॒ntari̭kṣeṇa, te sa॒ha] 17

te sa॒ha yu॒najmi॒ vācagṃ̭ sa॒ha sūryḙṇa te yu॒najmi̭ ti॒sro vi॒pṛca॒-ssūrya̭sya te | a॒gnirde॒vatā̭ gāya॒trī chanda̭ upā॒gṃ॒śoḥ pātra̭masi॒ somo̭ de॒vatā᳚ tri॒ṣṭu-pchando᳚-'ntaryā॒masya॒ pātra̭ma॒sīndro̭ de॒vatā॒ jaga̭tī॒ chanda̭ indravāyu॒voḥ pātra̭masi॒ bṛha॒spati̭-rde॒vatā̭-'nu॒ṣṭu-pchando̭ mi॒trāvarṷṇayoḥ॒ pātra̭masya॒śvinaṷ de॒vatā̭ pa॒ṅktiśchando॒-'śvinoḥ॒ pātra̭masi॒ sūryo̭ de॒vatā̭ bṛha॒tī [ ] 18

chandaḥ̭ śu॒krasya॒ pātra̭masi ca॒ndramā̭ de॒vatā̭ sa॒to bṛ̭hatī॒ chando̭ ma॒nthinaḥ॒ pātra̭masi॒ viśvḙde॒vā de॒vato॒ṣṇihā॒ chanda̭ āgraya॒ṇasya॒ pātra̭ma॒sīndro̭ de॒vatā̭ ka॒kucchanda̭ u॒kthānā॒-mpātra̭masi pṛthi॒vī de॒vatā̭ vi॒rāṭ chando᳚ dhru॒vasya॒ pātra̭masi || 19 ||

(a॒ntari̭kṣeṇa - bṛha॒tī - traya̭strigṃśacca) (a. 6)

i॒ṣṭargo॒ vā a̭ddhva॒ryuryaja̭mānasye॒ṣṭargaḥ॒ khalu॒ vai pūrvo॒-'rṣṭuḥ, kṣī̭yata āsa॒nyā᳚nmā॒ mantrā᳚-tpāhi॒ kasyā᳚ścida॒bhiśa̭styā॒ iti̭ pu॒rā prā̭taranuvā॒kājjṷhuyādā॒tmana̭ e॒va tada̭ddhva॒ryuḥ pu॒rastā॒ccharma̭ nahya॒te-'nā᳚rtyai saṃve~॒śāya̭ tvopave॒śāya̭ tvā gāyatri॒yā stri॒ṣṭubho॒ jaga̭tyā a॒bhibhū᳚tyai॒ svāhā॒ prāṇā̭pānau mṛ॒tyormā̭ pāta॒-mprāṇā̭pānau॒ mā mā̭ hāsiṣṭa-nde॒vatā̭su॒ vā e॒te prā̭ṇāpā॒nayo॒- [e॒te prā̭ṇāpā॒nayoḥ᳚, vyāya̭cchante॒] 20

-rvyāya̭cchante॒ yeṣā॒gṃ॒ somaḥ̭ samṛ॒cchatḙ saṃve~॒śāya̭ tvopave॒śāya॒ tvetyā̭ha॒ chandāgṃ̭si॒ vai saṃ̭ve~॒śa ṷpave॒śaśchando̭bhire॒vāsya॒ chandāgṃ̭si vṛṅkte॒ preti̭va॒ntyājyā̭ni bhavantya॒bhiji̭tyai ma॒rutva̭tīḥ prati॒pado॒ viji̭tyā u॒bhe bṛ̭hadrathanta॒re bha̭vata i॒yaṃ-vā~va ra̭thanta॒rama॒sau bṛ॒hadā॒bhyāme॒vaina̭ma॒ntare᳚tya॒dya vāva ra̭thanta॒ragg śvo bṛ॒hada̭dyā॒śvā de॒vaina̭ma॒ntarḙti bhū॒taṃ- [bhū॒tam, vāva ra̭thanta॒ra-] 21

-~vāva ra̭thanta॒ra-mbha̭vi॒ṣya-dbṛ॒ha-dbhū॒tāccai॒vaina̭-mbhaviṣya॒taścā॒ntarḙti॒, pari̭mitaṃ॒-vā~va ra̭thanta॒ramapa̭rimita-mbṛ॒ha-tpari̭mitāccai॒vaina॒-mapa̭rimitāccā॒-'ntarḙti viśvāmitrajamada॒gnī vasi̭ṣṭhenāspardhetā॒gṃ॒sa e॒tajja॒mada̭gni rviha॒vya̭ma paśya॒-ttena॒ vai sa vasi̭ṣṭhasyendri॒yaṃ-vī~॒rya̭mavṛṅkta॒ yadvi̭ha॒vyagṃ̭ śa॒syata̭ indri॒yame॒va tadvī॒ryaṃ̭-ya~ja̭māno॒ bhrātṛ̭vyasya vṛṅkte॒ yasya॒ bhūyāgṃ̭so yajñakra॒tava॒ ityā̭hu॒-ssa de॒vatā̭ vṛṅkta॒ iti॒ yadya̭gniṣṭo॒ma-ssomaḥ̭ pa॒rastā॒-thsyā-du॒kthya̭-ṅkurvīta॒ yadyu॒kthyaḥ̭ syāda̭tirā॒tra-ṅkṷrvīta yajñakra॒tubhi̭re॒vāsya̭ de॒vatā̭ vṛṅkte॒ vasī̭yā-nbhavati || 22 ||

(prā॒ṇā॒pā॒nayo᳚ - rbhū॒taṃ - ~vṛ̭ṅkte॒ - 'ṣṭāvigṃ̭śatiśca) (a. 7)

ni॒grā॒bhyā᳚-sstha deva॒śruta॒ āyṷrme tarpayata prā॒ṇa-mmḙ tarpayatāpā॒na-mmḙ tarpayata vyā॒na-mmḙ tarpayata॒ cakṣṷrme tarpayata॒ śrotra̭-mme tarpayata॒ mano̭me tarpayata॒ vāca̭-mme tarpayatā॒-''tmāna̭-mme tarpaya॒tāṅgā̭ni me tarpayata pra॒jā-mmḙ tarpayata pa॒śū-nmḙ tarpayata gṛ॒hā-nmḙ tarpayata ga॒ṇā-nmḙ tarpayata sa॒rvaga̭ṇa-mmā tarpayata ta॒rpaya̭ta mā [ ] 23

ga॒ṇā me॒ mā vi tṛ̭ṣa॒nnoṣa̭dhayo॒ vai soma̭sya॒ viśo॒ viśaḥ॒ khalu॒ vai rājñaḥ॒ pradā̭torīśva॒rā ai॒ndra-ssomo-'vī̭vṛdhaṃ-vo~॒ mana̭sā sujātā॒ ṛta̭prajātā॒ bhaga॒ idvaḥ̭ syāma | indrḙṇa de॒vīrvī॒rudhaḥ̭ saṃvi~dā॒nā anṷ manyantā॒gṃ॒ sava̭nāya॒ soma॒mityā॒hauṣa̭dhībhya e॒vaina॒gg॒ svāyai̭ vi॒śa-ssvāyai̭ de॒vatā̭yai ni॒ryācyā॒bhi ṣṷṇoti॒ yo vai soma̭syābhiṣū॒yamā̭ṇasya [soma̭syābhiṣū॒yamā̭ṇasya, pra॒tha॒mo-'gṃ̭śu-] 24

pratha॒mo-'gṃ̭śu-sskanda̭ti॒ sa ī᳚śva॒ra i̭ndri॒yaṃ-vī~॒rya̭-mpra॒jā-mpa॒śūn. yaja̭mānasya॒ nirha̭nto॒stama॒bhi ma̭ntraye॒tā-'' mā᳚-'skānthsa॒ha pra॒jayā̭ sa॒ha rā॒yaspoṣḙṇendri॒ya-mmḙ vī॒rya̭-mmā niva̭rdhī॒rityā॒śiṣa̭me॒vaitāmā śā᳚sta indri॒yasya̭ vī॒ya̭rsya pra॒jāyai̭ paśū॒nāmani̭rghātāya dra॒phsaśca̭skanda pṛthi॒vīmanu॒ dyāmi॒mañca॒ yoni॒manu॒ yaśca॒ pūrvaḥ̭ | tṛ॒tīyaṃ॒-yo~ni॒manṷ sa॒ñcara̭nta-ndra॒phsa-ñjṷho॒myanṷ sa॒pta hotrāḥ᳚ || 25 ||

(ta॒rpaya̭ta mā - 'bhiṣū॒yamā̭ṇasya॒ - yaśca॒ - daśa̭ ca) (a. 8)

yo vai de॒vā-ndḙvayaśa॒senā॒rpaya̭ti manu॒ṣyā᳚-nmanuṣyayaśa॒sena̭ devayaśa॒syḙva de॒veṣu॒ bhava̭ti manuṣyayaśa॒sī ma̭nu॒ṣyḙṣu॒ yā-nprā॒cīna̭-māgraya॒ṇā-dgrahā᳚-ngṛhṇī॒yā-ttānṷpā॒gṃ॒śu gṛ̭hṇīyā॒dyānū॒rdhvāgstānṷpabdi॒mato̭ de॒vāne॒va taddḙvayaśa॒senā᳚rpayati manu॒ṣyā᳚-nmanuṣyayaśa॒sena̭ devayaśa॒syḙva de॒veṣṷ bhavati manuṣyayaśa॒sī ma̭nu॒ṣye᳚ṣva॒gniḥ prā̭tassava॒ne pā᳚tva॒smān. vai᳚śvāna॒ro ma̭hi॒nā vi॒śvaśa̭mbhūḥ | sa naḥ̭ pāva॒ko dravi̭ṇa-ndadhā॒- [dravi̭ṇa-ndadhātu, āyṷṣmanta-] 26

-tvāyṷṣmanta-ssa॒habha̭kṣā-ssyāma || viśvḙ de॒vā ma॒ruta॒ indro̭ a॒smāna॒smi-ndvi॒tīye॒ sava̭ne॒ na ja̭hyuḥ | āyṷṣmantaḥ pri॒yamḙṣāṃ॒-va~da̭nto va॒ya-nde॒vānāgṃ̭ suma॒tau syā̭ma || i॒da-ntṛ॒tīya॒gṃ॒ sava̭na-ṅkavī॒nāmṛ॒tena॒ ye ca̭ma॒samaira̭yanta | te saṷdhanva॒nā-ssuva̭rānaśā॒nā-ssvi̭ṣṭi-nno a॒bhi vasī̭yo nayantu || ā॒yata̭navatī॒rvā a॒nyā āhṷtayo hū॒yantḙ-'nāyata॒nā a॒nyā yā ā̭ghā॒rava̭tī॒stā ā॒yatana̭vatī॒ryā- [ā॒yatana̭vatī॒ryāḥ, sau॒myāstā] 27

-ssau॒myāstā a̭nāyata॒nā ai᳚ndravāya॒va-mā॒dāyā̭-''ghā॒ramā ghā̭rayedaddhva॒ro ya॒jño̭-'yama̭stu devā॒ oṣa̭dhībhyaḥ pa॒śavḙ no॒ janā̭ya॒ viśva̭smai bhū॒tāyā᳚-'ddhva॒ro̭-'si॒ sa pi̭nvasva ghṛ॒tava̭ddeva so॒meti̭ sau॒myā e॒va tadāhṷtīrā॒yata̭navatīḥ karotyā॒yata̭navā-nbhavati॒ ya e॒vaṃ-ve~dātho॒ dyāvā̭pṛthi॒vī e॒va ghṛ॒tena॒ vyṷnatti॒ te vyṷtte upajīva॒nīyḙ bhavata upajīva॒nīyo̭ bhavati॒ [bhavati, ya e॒vaṃ-ve~dai॒ṣa] 28

ya e॒vaṃ-ve~dai॒ṣa tḙ rudrabhā॒go ya-nni॒rayā̭cathā॒sta-ñjṷṣasva vi॒dergaṷpa॒tyagṃ rā॒yaspoṣagṃ̭ su॒vīryagṃ̭ saṃva~thsa॒rīṇāg̭ sva॒stim || manuḥ̭ pu॒trebhyo̭ dā॒yaṃ-vya~̭bhaja॒-thsa nābhā॒nedi̭ṣṭha-mbrahma॒caryaṃ॒-va~sa̭nta॒-nnira̭bhaja॒-thsa ā-'ga̭ccha॒-thso᳚-'bravī-tka॒thā mā॒ nira̭bhā॒giti॒ na tvā॒ nira̭bhākṣa॒mitya̭-bravī॒daṅgi̭rasa i॒me sa॒tramā̭sate॒ te [sa॒tramā̭sate॒ te, su॒va॒rgaṃ-lo~॒ka-nna] 29

sṷva॒rgaṃ-lo~॒ka-nna prajā̭nanti॒ tebhya̭ i॒da-mbrāhma̭ṇa-mbrūhi॒ te sṷva॒rgaṃ-lo~॒kaṃ-ya~nto॒ ya ḙṣā-mpa॒śava॒stāgstḙ dāsya॒ntīti॒ tade᳚bhyo-'bravī॒-tte sṷva॒rgaṃ-lo~॒kaṃ-ya~nto॒ ya ḙṣā-mpa॒śava॒ āsa॒-ntāna̭smā adadu॒sta-mpa॒śubhi॒ścara̭ntaṃ-ya~jñavā॒stau ru॒dra ā-'ga̭ccha॒-thso᳚-'bravī॒nmama॒ vā i॒me pa॒śava॒ ityadu॒rvai - [ ] 30

mahya̭mi॒mānitya̭bravī॒nna vai tasya॒ ta ī̭śata॒ itya̭bravī॒-dya-dya̭jñavā॒stau hīya̭te॒ mama॒ vai taditi॒ tasmā᳚-dyajñavā॒stu nābhya॒vetya॒gṃ॒ so᳚-'bravī-dya॒jñe mā ''bha॒jātha̭ te pa॒śū-nnābhi magg̭sya॒ iti॒ tasmā̭ e॒ta-mma॒nthinaḥ̭ sagg srā॒vama̭juho॒-ttato॒ vai tasya̭ ru॒draḥ pa॒śū-nnābhya̭manyata॒ yatrai॒ta me॒vaṃ-vi~॒dvā-nma॒nthinaḥ̭ sagg srā॒va-ñju॒hoti॒ na tatra̭ ru॒draḥ pa॒śūna॒bhi ma̭nyate || 31 ||

(da॒dhā॒tvā॒ - yata̭navatī॒ryā - ṷpajīva॒nīyo̭ bhavati॒ - te-' - du॒rvai - yatrai॒ta - mekā̭daśa ca) (a. 9)

juṣṭo̭ vā॒co bhṷ̄yāsa॒-ñjuṣṭo̭ vā॒caspata̭ye॒ devi̭ vāk | yadvā॒co madhṷma॒-ttasmi̭-nmā dhā॒-ssvāhā॒ sara̭svatyai || ṛ॒cā stoma॒gṃ॒ sama̭rdhaya gāya॒treṇa̭ rathanta॒ram | bṛ॒ha-dgā̭ya॒trava̭rtani ||yaste᳚ dra॒phsa-sskanda̭ti॒ yastḙ a॒gṃ॒śurbā॒hucyṷto dhi॒ṣaṇa̭yoru॒pasthā᳚t | a॒ddhva॒ryorvā॒ pari॒ yastḙ pa॒vitrā॒-thsvāhā̭kṛta॒mindrā̭ya॒ ta-ñjṷhomi || yo dra॒phso a॒gṃ॒śuḥ pa̭ti॒taḥ pṛ̭thi॒vyā-mpa̭rivā॒pā- [pṛ̭thi॒vyā-mpa̭rivā॒pāt, pu॒ro॒ḍāśā᳚-tkara॒mbhāt |] 32

-tpṷro॒ḍāśā᳚-tkara॒mbhāt | dhā॒nā॒so॒mānma॒nthina̭ indra śu॒krā-thsvāhā̭kṛta॒mindrā̭ya॒ ta-ñjṷhomi || yaste᳚ dra॒phso madhṷmāgṃ indri॒yāvā॒n-thsvāhā̭kṛtaḥ॒ puna̭ra॒pyeti̭ de॒vān | di॒vaḥ pṛ̭thi॒vyāḥ parya॒ntari̭kṣā॒-thsvāhā̭ kṛta॒mindrā̭ya॒ ta-ñjṷhomi || a॒ddhva॒ryurvā ṛ॒tvijā᳚-mpratha॒mo yṷjyate॒ tena॒ stomo̭ yokta॒vya̭ ityā̭hu॒rvāga̭gre॒gā agra̭ etvṛju॒gā de॒vebhyo॒ yaśo॒ mayi॒ dadha̭tī prā॒ṇā-npa॒śuṣṷ pra॒jā-mmayi̭ [ ] 33

ca॒ yaja̭māne॒ cetyā̭ha॒ vāca̭me॒va tadya̭jñamu॒khe yṷnakti॒ vāstu॒ vā e॒tadya॒jñasya̭ kriyate॒ yadgrahā᳚-ngṛhī॒tvā ba̭hiṣpavamā॒nagṃ sarpa̭nti॒parā᳚ñco॒ hi yanti॒ parā̭cībhi-sstu॒vatḙ vaiṣṇa॒vyarcā puna॒retyopa̭ tiṣṭhate ya॒jño vai viṣṇṷ rya॒jñame॒vāka॒rviṣṇo॒ tvanno॒ anta̭ma॒-śśarma̭ yaccha sahantya | pra te॒ dhārā̭ madhu॒ścuta॒ uthsa̭-nduhrate॒ akṣi̭ta॒mityā̭ha॒ yade॒vāsya॒ śayā̭nasyopa॒śuṣya̭ti॒ tade॒vāsyai॒tenā ''pyā̭yayati || 34 ||

(pa॒ri॒vā॒pāt - pra॒jā-mmayi̭ - duhrate॒ - catṷrdaśa ca) (a. 10)

a॒gninā̭ ra॒yima̭śñava॒-tpoṣa̭me॒va di॒vedi̭ve | ya॒śasaṃ̭-vī~॒rava̭ttamam || gomāgṃ̭ a॒gne-'vi̭māgṃ a॒śvī ya॒jño nṛ॒vathsa̭khā॒ sada॒mida̭pramṛ॒ṣyaḥ | iḍā̭vāgṃ e॒ṣo a̭sura pra॒jāvā᳚-ndī॒rgho ra॒yiḥ pṛ̭thubu॒dhna-ssa॒bhāvāṋ || āpyā̭yasva॒, sante᳚ || i॒ha tvaṣṭā̭ramagri॒yaṃ-vi~॒śvarṷ̄pa॒mupa̭ hvaye | a॒smāka̭mastu॒ keva̭laḥ || tanna̭stu॒rīpa॒madha̭ poṣayi॒tnu deva̭ tvaṣṭa॒rvi ra̭rā॒ṇa-ssya̭sva | yato̭ vī॒raḥ [yato̭ vī॒raḥ, ka॒rma॒ṇyaḥ̭ su॒dakṣo̭] 35

ka̭rma॒ṇyaḥ̭ su॒dakṣo̭ yu॒ktagrā̭vā॒ jāya̭te de॒vakā̭maḥ ||śi॒vastva̭ṣṭari॒hā-'' ga̭hi vi॒bhuḥ poṣa̭ u॒tatmanā᳚ | ya॒jñeya̭jñe na॒ uda̭va || pi॒śaṅga̭rūpa-ssu॒bharo̭ vayo॒dhā-śśru॒ṣṭī vī॒ro jā̭yate de॒vakā̭maḥ | pra॒jā-ntvaṣṭā॒ viṣya̭tu॒ nābhi̭ma॒sme athā̭ de॒vānā॒mapyḙtu॒ pāthaḥ̭ || praṇo̭de॒ vyā, no̭ di॒vaḥ || pī॒pi॒vāgṃ sa॒gṃ॒ sara̭svata॒-sstanaṃ॒-yo~ vi॒śvada̭rśataḥ | dhukṣī॒mahi̭ pra॒jāmiṣa᳚m || 36 ||

ye tḙ sarasva ū॒rmayo॒ madhṷmanto ghṛta॒ścutaḥ̭ | teṣā᳚-nte su॒mnamī̭mahe || yasya̭ vra॒ta-mpa॒śavo॒ yanti॒ sarve॒ yasya̭ vra॒tamṷpa॒tiṣṭha̭nta॒ āpaḥ̭ | yasya̭ vra॒te pṷṣṭi॒pati॒rnivi̭ṣṭa॒stagṃ sara̭svanta॒mava̭se huvema || di॒vyagṃ sṷpa॒rṇaṃ-va~̭ya॒sa-mbṛ॒hanta̭ma॒pā-ṅgarbhaṃ̭-vṛ~ṣa॒bhamoṣa̭dhīnām | a॒bhī॒pa॒to vṛ॒ṣṭyā ta॒rpaya̭nta॒-ntagṃ sara̭svanta॒mava̭se huvema || sinī̭vāli॒ pṛthṷṣṭuke॒ yā de॒vānā॒masi॒ svasā᳚ | ju॒ṣasva̭ ha॒vya- [ha॒vyam, āhṷta-mpra॒jā-ndḙvi] 37

-māhṷta-mpra॒jā-ndḙvi didiḍḍhi naḥ || yā sṷpā॒ṇi-ssva̭ṅgu॒ri-ssu॒ṣūmā̭ bahu॒sūva̭rī | tasyai̭ vi॒śpatni̭yai ha॒vi-ssi̭nīvā॒lyai jṷhotana || indraṃ̭-vo~ vi॒śvata॒sparī, ndra॒-nnaraḥ̭ || asi̭tavarṇā॒ hara̭ya-ssupa॒rṇā miho॒ vasā̭nā॒ diva॒mu-tpa̭tanti || ta ā-'va̭vṛtra॒n-thsada̭nāni kṛ॒tvā-''di-tpṛ̭thi॒vī ghṛ॒tairvyṷdyate || hira̭ṇyakeśo॒ raja̭so visā॒re-'hi॒rdhuni॒rvāta̭ iva॒ dhrajī̭mān | śuci̭bhrājā u॒ṣaso॒ [u॒ṣasaḥ̭, navḙdā॒ yaśa̭svatī-] 38

navḙdā॒ yaśa̭svatī-rapa॒syuvo॒ na sa॒tyāḥ || ā tḙ supa॒rṇā a̭minanta॒ evaiḥ᳚ kṛ॒ṣṇo no̭nāva vṛṣa॒bho yadī॒dam | śi॒vābhi॒rna smaya̭mānābhi॒rā-'gā॒-tpata̭nti॒ mihaḥ̭ sta॒naya̭ntya॒bhrā || vā॒śreva̭ vi॒dyunmi̭māti va॒thsa-nna mā॒tā si̭ṣakti | yadḙṣāṃ-vṛ~॒ṣṭirasa̭rji || parva̭taści॒nmahi̭ vṛ॒ddho bi̭bhāya di॒vaści॒-thsānṷ rejata sva॒ne vaḥ̭ | ya-tkrīḍa̭tha maruta [marutaḥ, ṛ॒ṣṭi॒manta॒] 39

ṛṣṭi॒manta॒ āpa̭ iva sa॒ddhriya̭ñco dhavaddhve || a॒bhi kra̭nda sta॒naya॒ garbha॒mā dhā̭ uda॒nvatā॒ pari̭ dīyā॒ rathḙna | dṛti॒gṃ॒ su ka̭rṣa॒ viṣi̭ta॒-nnya̭ñcagṃ sa॒mā bha̭vantū॒dvatā̭ nipā॒dāḥ || tva-ntyā ci॒dacyu॒tā-'gnḙ pa॒śurna yava̭se | dhāmā̭ ha॒ ya-ttḙ ajara॒ vanā̭ vṛ॒ścanti॒ śikva̭saḥ || agne॒ bhūrī̭ṇi॒ tava̭ jātavedo॒ deva̭ svadhāvo॒-'mṛta̭sya॒ dhāma̭ | yāśca̭ [ ] 40

mā॒yā mā॒yināṃ᳚-vi~śvaminva॒ tve pū॒rvī-ssa̭nda॒dhuḥ pṛ̭ṣṭabandho || di॒vo no̭ vṛ॒ṣṭi-mma̭ruto rarīddhva॒-mprapi̭nvata॒ vṛṣṇo॒ aśva̭sya॒ dhārāḥ᳚ | a॒rvāṃe॒tena̭ stanayi॒tnunehya॒po ni̭ṣi॒ñcannasṷraḥ pi॒tā naḥ̭ || pinva̭ntya॒po ma॒rutaḥ̭ su॒dāna̭vaḥ॒ payo̭ ghṛ॒tava̭dvi॒dathe᳚ṣvā॒ bhuvaḥ̭ | atya॒-nna mi॒he vi na̭yanti vā॒jina॒muthsa̭-nduhanti sta॒naya̭nta॒makṣi̭tam || u॒da॒pruto̭ maruta॒stāgṃ i̭yarta॒ vṛṣṭiṃ॒- [vṛṣṭi᳚m, ye viśvḙ] 41

-~ye viśvḙ ma॒ruto̭ ju॒nanti̭ | krośā̭ti॒ gardā̭ ka॒nyḙva tu॒nnā perṷ-ntuñjā॒nā patyḙva jā॒yā || ghṛ॒tena॒ dyāvā̭pṛthi॒vī madhṷnā॒ samṷkṣata॒ paya̭svatīḥ kṛṇa॒tā-''pa॒ oṣa̭dhīḥ | ūrja̭-ñca॒ tatra̭ suma॒ti-ñca̭ pinvatha॒ yatrā̭ naro maruta-ssi॒ñcathā॒ madhṷ || udu॒tyam, ci॒tram || au॒rva॒-bhṛ॒gu॒vacchuci̭mapnavāna॒vadā hṷve | a॒gnigṃ sa̭mu॒dravā̭sasam || ā sa॒vagṃ sa̭vi॒turya̭thā॒ bhaga̭sye va bhu॒jigṃ hṷve | a॒gnigṃ sa̭mu॒dravā̭sasam || hu॒ve vāta̭svana-ṅka॒vi-mpa॒rjanya̭krandya॒gṃ॒ sahaḥ̭ | a॒gnigṃ sa̭mu॒dravā̭sasam || 42 ||

(vī॒ra - iṣagṃ̭ - ha॒vya - mu॒ṣaso̭ - maruta - śca॒ - vṛṣṭiṃ॒ - bhaga̭sya॒ - dvāda̭śa ca) (a. 11)

(pra॒jāpa̭tirakāmayatai॒ - ṣa tḙ gāya॒tro - ya॒jñaṃ-vai~ - pra॒jāpa̭te॒rjāya̭mānāḥ - prājāpa॒tyā - yo vā aya̭thādevata - mi॒ṣṭargo̭ - nigrā॒bhyā᳚-sstha॒ - yo vai de॒vā - ñjuṣṭo॒ - 'gninā̭ ra॒yi - mekā̭daśa )

(pra॒jāpa̭tirakāmayata - pra॒jāpa̭te॒rjāya̭mānā॒ - vyāya̭cchante॒ - mahya̭mi॒mā - nmā॒yā mā॒yinā॒n - dvica̭tvārigṃśat)

(pra॒jāpa̭tirakāmayatā॒, a॒gnigṃ sa̭mu॒dravā̭sasaṃ )

|| hariḥ̭ om ||

|| kṛṣṇa yajurvedīya taittirīya saṃhitāyā-ntṛtīyakāṇḍe prathamaḥ praśna-ssamāptaḥ ||