1.1 - Agnyadheyabrahmanam - Krishna Yajurveda Taittiriya Brahmana Pathah - Brahma Sandhattam

ॐ

1.1 - 𑌅𑌗𑍍𑌨𑍍𑌯𑌾𑌧𑍇𑌯𑌬𑍍𑌰𑌾𑌹𑍍𑌮𑌣𑌂 - 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦 𑌤𑍈𑌤𑍍𑌤𑌿𑌰𑍀𑌯 𑌬𑍍𑌰𑌾𑌹𑍍𑌮𑌣 𑌪𑌾𑌠𑌃 - 𑌬𑍍𑌰𑌹𑍍𑌮 𑌸𑌨𑍍𑌧𑌤𑍍𑌤𑌂

Krishna Vedic Grantha

𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌬𑍍𑌰𑌾𑌹𑍍𑌮𑌣𑍇 𑌪𑍍𑌰𑌥𑌮𑌾𑌷𑍍𑌟𑌕𑍇 𑌪𑍍𑌰𑌥𑌮𑌃 𑌪𑍍𑌰𑌪𑌾𑌠𑌕𑌃 - 𑌅𑌗𑍍𑌨𑍍𑌯𑌾𑌧𑍇𑌯𑌬𑍍𑌰𑌾𑌹𑍍𑌮𑌣𑌂

𑌓-𑌨𑍍𑌨𑌮𑌃 𑌪𑌰𑌮𑌾𑌤𑍍𑌮𑌨𑍇, 𑌶𑍍𑌰𑍀 𑌮𑌹𑌾𑌗𑌣𑌪𑌤𑌯𑍇 𑌨𑌮𑌃,

𑌶𑍍𑌰𑍀 𑌗𑍁𑌰𑍁𑌭𑍍𑌯𑍋 𑌨𑌮𑌃 । 𑌹॒𑌰𑌿𑌃॒ 𑌓𑌮𑍍 ॥

𑌬𑍍𑌰𑌹𑍍𑌮॒ 𑌸𑌨𑍍𑌧॑𑌤𑍍𑌤॒-𑌨𑍍𑌤𑌨𑍍𑌮𑍇॑ 𑌜𑌿𑌨𑍍𑌵𑌤𑌮𑍍 । 𑌕𑍍𑌷॒𑌤𑍍𑌰𑌗𑍍𑌂 𑌸𑌨𑍍𑌧॑𑌤𑍍𑌤॒-𑌨𑍍𑌤𑌨𑍍𑌮𑍇॑ 𑌜𑌿𑌨𑍍𑌵𑌤𑌮𑍍 । 𑌇𑌷॒𑌗𑍍𑌂॒ 𑌸𑌨𑍍𑌧॑𑌤𑍍𑌤॒-𑌨𑍍𑌤𑌾-𑌮𑍍𑌮𑍇॑ 𑌜𑌿𑌨𑍍𑌵𑌤𑌮𑍍 । 𑌊𑌰𑍍𑌜॒𑌗𑍍𑌂॒ 𑌸𑌨𑍍𑌧॑𑌤𑍍𑌤॒-𑌨𑍍𑌤𑌾-𑌮𑍍𑌮𑍇॑ 𑌜𑌿𑌨𑍍𑌵𑌤𑌮𑍍 । 𑌰॒𑌯𑌿𑌗𑍍𑌂 𑌸𑌨𑍍𑌧॑𑌤𑍍𑌤॒-𑌨𑍍𑌤𑌾-𑌮𑍍𑌮𑍇॑ 𑌜𑌿𑌨𑍍𑌵𑌤𑌮𑍍 । 𑌪𑍁𑌷𑍍𑌟𑌿॒𑌗𑍍𑌂॒ 𑌸𑌨𑍍𑌧॑𑌤𑍍𑌤॒-𑌨𑍍𑌤𑌾-𑌮𑍍𑌮𑍇॑ 𑌜𑌿𑌨𑍍𑌵𑌤𑌮𑍍 । 𑌪𑍍𑌰॒𑌜𑌾𑌗𑍍𑌂 𑌸𑌨𑍍𑌧॑𑌤𑍍𑌤॒-𑌨𑍍𑌤𑌾-𑌮𑍍𑌮𑍇॑ 𑌜𑌿𑌨𑍍𑌵𑌤𑌮𑍍 । 𑌪॒𑌶𑍂-𑌨𑍍𑌥𑍍𑌸𑌨𑍍𑌧॑𑌤𑍍𑌤॒-𑌨𑍍𑌤𑌾𑌨𑍍𑌮𑍇॑ 𑌜𑌿𑌨𑍍𑌵𑌤𑌮𑍍 ॥ 𑌸𑍍𑌤𑍁॒𑌤𑍋॑-𑌽𑌸𑌿॒ 𑌜𑌨॑𑌧𑌾𑌃 । 𑌦𑍇॒𑌵𑌾𑌸𑍍𑌤𑍍𑌵𑌾॑ 𑌶𑍁𑌕𑍍𑌰॒𑌪𑌾𑌃 𑌪𑍍𑌰𑌣॑𑌯𑌨𑍍𑌤𑍁 ॥ 1 ॥

𑌸𑍁॒𑌵𑍀𑌰𑌾𑌃᳚ 𑌪𑍍𑌰॒𑌜𑌾𑌃 𑌪𑍍𑌰॑𑌜॒𑌨𑌯॒-𑌨𑍍𑌪𑌰𑍀॑𑌹𑌿 । 𑌶𑍁॒𑌕𑍍𑌰-𑌶𑍍𑌶𑍁॒𑌕𑍍𑌰𑌶𑍋॑𑌚𑌿𑌷𑌾 ॥ 𑌸𑍍𑌤𑍁॒𑌤𑍋॑-𑌽𑌸𑌿॒ 𑌜𑌨॑𑌧𑌾𑌃 । 𑌦𑍇॒𑌵𑌾𑌸𑍍𑌤𑍍𑌵𑌾॑ 𑌮𑌨𑍍𑌥𑌿॒𑌪𑌾𑌃 𑌪𑍍𑌰𑌣॑𑌯𑌨𑍍𑌤𑍁 ॥ 𑌸𑍁॒𑌪𑍍𑌰॒𑌜𑌾𑌃 𑌪𑍍𑌰॒𑌜𑌾𑌃 𑌪𑍍𑌰॑𑌜॒𑌨𑌯॒-𑌨𑍍𑌪𑌰𑍀॑𑌹𑌿 । 𑌮॒𑌨𑍍𑌥𑍀 𑌮॒𑌨𑍍𑌥𑌿𑌶𑍋॑𑌚𑌿𑌷𑌾 ॥𑌸॒𑌜॒𑌙𑍍𑌗𑍍𑌮𑌾॒𑌨𑍗 𑌦𑌿॒𑌵 𑌆 𑌪𑍃॑𑌥𑌿॒𑌵𑍍𑌯𑌾-𑌽𑌽𑌯𑍁𑌃॑ । 𑌸𑌨𑍍𑌧॑𑌤𑍍𑌤॒-𑌨𑍍𑌤𑌨𑍍𑌮𑍇॑ 𑌜𑌿𑌨𑍍𑌵𑌤𑌮𑍍 । 𑌪𑍍𑌰𑌾॒𑌣𑌗𑍍𑌂 𑌸𑌨𑍍𑌧॑𑌤𑍍𑌤॒-𑌨𑍍𑌤-𑌮𑍍𑌮𑍇॑ 𑌜𑌿𑌨𑍍𑌵𑌤𑌮𑍍 । 𑌅॒𑌪𑌾॒𑌨𑌗𑍍𑌂 𑌸𑌨𑍍𑌧॑𑌤𑍍𑌤॒-𑌨𑍍𑌤-𑌮𑍍𑌮𑍇॑ 𑌜𑌿𑌨𑍍𑌵𑌤𑌮𑍍 ॥ 2 ॥

𑌵𑍍𑌯𑌾॒𑌨𑌗𑍍𑌂 𑌸𑌨𑍍𑌧॑𑌤𑍍𑌤॒-𑌨𑍍𑌤-𑌮𑍍𑌮𑍇॑ 𑌜𑌿𑌨𑍍𑌵𑌤𑌮𑍍 । 𑌚𑌕𑍍𑌷𑍁॒-𑌸𑍍𑌸𑌨𑍍𑌧॑𑌤𑍍𑌤॒-𑌨𑍍𑌤𑌨𑍍𑌮𑍇॑ 𑌜𑌿𑌨𑍍𑌵𑌤𑌮𑍍 । 𑌶𑍍𑌰𑍋𑌤𑍍𑌰॒𑌗𑍍𑌂॒ 𑌸𑌨𑍍𑌧॑𑌤𑍍𑌤॒-𑌨𑍍𑌤𑌨𑍍𑌮𑍇॑ 𑌜𑌿𑌨𑍍𑌵𑌤𑌮𑍍 । 𑌮𑌨॒-𑌸𑍍𑌸𑌨𑍍𑌧॑𑌤𑍍𑌤॒-𑌨𑍍𑌤𑌨𑍍𑌮𑍇॑ 𑌜𑌿𑌨𑍍𑌵𑌤𑌮𑍍 । 𑌵𑌾𑌚॒𑌗𑍍𑌂॒ 𑌸𑌨𑍍𑌧॑𑌤𑍍𑌤॒-𑌨𑍍𑌤𑌾-𑌮𑍍𑌮𑍇॑ 𑌜𑌿𑌨𑍍𑌵𑌤𑌮𑍍 ॥ 𑌆𑌯𑍁𑌃॑ 𑌸𑍍𑌥॒ 𑌆𑌯𑍁॑𑌰𑍍𑌮𑍇 𑌧𑌤𑍍𑌤𑌮𑍍 । 𑌆𑌯𑍁॑-𑌰𑍍𑌯॒𑌜𑍍𑌞𑌾𑌯॑ 𑌧𑌤𑍍𑌤𑌮𑍍 । 𑌆𑌯𑍁॑-𑌰𑍍𑌯॒𑌜𑍍𑌞𑌪॑𑌤𑌯𑍇 𑌧𑌤𑍍𑌤𑌮𑍍 । 𑌪𑍍𑌰𑌾॒𑌣-𑌸𑍍𑌸𑍍𑌥𑌃॑ 𑌪𑍍𑌰𑌾॒𑌣-𑌮𑍍𑌮𑍇॑ 𑌧𑌤𑍍𑌤𑌮𑍍 । 𑌪𑍍𑌰𑌾॒𑌣𑌂-𑌯𑌁॒𑌜𑍍𑌞𑌾𑌯॑ 𑌧𑌤𑍍𑌤𑌮𑍍 ॥ 3 ॥

𑌪𑍍𑌰𑌾॒𑌣𑌂-𑌯𑌁॒𑌜𑍍𑌞𑌪॑𑌤𑌯𑍇 𑌧𑌤𑍍𑌤𑌮𑍍 । 𑌚𑌕𑍍𑌷𑍁𑌃॑ 𑌸𑍍𑌥॒𑌶𑍍𑌚𑌕𑍍𑌷𑍁॑𑌰𑍍𑌮𑍇 𑌧𑌤𑍍𑌤𑌮𑍍 । 𑌚𑌕𑍍𑌷𑍁॑-𑌰𑍍𑌯॒𑌜𑍍𑌞𑌾𑌯॑ 𑌧𑌤𑍍𑌤𑌮𑍍 । 𑌚𑌕𑍍𑌷𑍁॑-𑌰𑍍𑌯॒𑌜𑍍𑌞𑌪॑𑌤𑌯𑍇 𑌧𑌤𑍍𑌤𑌮𑍍 । 𑌶𑍍𑌰𑍋𑌤𑍍𑌰𑌗𑍍𑌗𑍍॑ 𑌸𑍍𑌥॒-𑌶𑍍𑌶𑍍𑌰𑍋𑌤𑍍𑌰॑-𑌮𑍍𑌮𑍇 𑌧𑌤𑍍𑌤𑌮𑍍 । 𑌶𑍍𑌰𑍋𑌤𑍍𑌰𑌂॑-𑌯𑌁॒𑌜𑍍𑌞𑌾𑌯॑ 𑌧𑌤𑍍𑌤𑌮𑍍 । 𑌶𑍍𑌰𑍋𑌤𑍍𑌰𑌂॑-𑌯𑌁॒𑌜𑍍𑌞𑌪॑𑌤𑌯𑍇 𑌧𑌤𑍍𑌤𑌮𑍍 । 𑌤𑍗 𑌦𑍇॑𑌵𑍗 𑌶𑍁𑌕𑍍𑌰𑌾𑌮𑌨𑍍𑌥𑌿𑌨𑍗 ।𑌕॒𑌲𑍍𑌪𑌯॑𑌤॒-𑌨𑍍𑌦𑍈𑌵𑍀॒𑌰𑍍𑌵𑌿𑌶𑌃॑ । 𑌕॒𑌲𑍍𑌪𑌯॑𑌤॒-𑌮𑍍𑌮𑌾𑌨𑍁॑𑌷𑍀𑌃 ॥ 4 ॥

𑌇𑌷॒-𑌮𑍂𑌰𑍍𑌜॑𑌮॒𑌸𑍍𑌮𑌾𑌸𑍁॑ 𑌧𑌤𑍍𑌤𑌮𑍍 । 𑌪𑍍𑌰𑌾॒𑌣𑌾-𑌨𑍍𑌪॒𑌶𑍁𑌷𑍁॑ । 𑌪𑍍𑌰॒𑌜𑌾-𑌮𑍍𑌮𑌯𑌿॑ 𑌚॒ 𑌯𑌜॑𑌮𑌾𑌨𑍇 𑌚 ॥ 𑌨𑌿𑌰॑𑌸𑍍𑌤॒-𑌶𑍍𑌶𑌣𑍍𑌡𑌃॑ । 𑌨𑌿𑌰॑𑌸𑍍𑌤𑍋॒ 𑌮𑌰𑍍𑌕𑌃॑ ॥ 𑌅𑌪॑𑌨𑍁𑌤𑍍𑌤𑍗॒ 𑌶𑌣𑍍𑌡𑌾॒𑌮𑌰𑍍𑌕𑍗॑ 𑌸॒𑌹𑌾𑌮𑍁𑌨𑌾᳚ ॥ 𑌶𑍁॒𑌕𑍍𑌰𑌸𑍍𑌯॑ 𑌸॒𑌮𑌿𑌦॑𑌸𑌿 । 𑌮॒𑌨𑍍𑌥𑌿𑌨𑌃॑ 𑌸॒𑌮𑌿𑌦॑𑌸𑌿 ॥ 𑌸 𑌪𑍍𑌰॑𑌥॒𑌮-𑌸𑍍𑌸𑌙𑍍𑌕𑍃॑𑌤𑌿-𑌰𑍍𑌵𑌿॒𑌶𑍍𑌵𑌕॑𑌰𑍍𑌮𑌾 । 𑌸 𑌪𑍍𑌰॑𑌥॒𑌮𑍋 𑌮𑌿॒𑌤𑍍𑌰𑍋 𑌵𑌰𑍁॑𑌣𑍋 𑌅॒𑌗𑍍𑌨𑌿𑌃 । 𑌸 𑌪𑍍𑌰॑𑌥॒𑌮𑍋 𑌬𑍃𑌹॒𑌸𑍍𑌪𑌤𑌿॑𑌶𑍍𑌚𑌿𑌕𑌿॒𑌤𑍍𑌵𑌾𑌨𑍍 । 𑌤𑌸𑍍𑌮𑌾॒ 𑌇𑌨𑍍𑌦𑍍𑌰𑌾॑𑌯 𑌸𑍁॒𑌤𑌮𑌾𑌜𑍁॑𑌹𑍋𑌮𑌿 ॥ 5 ॥

(𑌨॒𑌯॒ - 𑌨𑍍𑌤𑍍𑌵॒𑌪𑌾॒𑌨𑌗𑍍𑌂 𑌸𑌨𑍍𑌧॑𑌤𑍍𑌤𑌂॒ 𑌤-𑌮𑍍𑌮𑍇॑ 𑌜𑌿𑌨𑍍𑌵𑌤𑌂 - 𑌪𑍍𑌰𑌾॒𑌣𑌂-𑌯𑌁॒𑌜𑍍𑌞𑌾𑌯॑ 𑌧𑌤𑍍𑌤𑌂॒ - 𑌮𑌾𑌨𑍁॑𑌷𑍀--𑌰𑍍 𑌅॒𑌗𑍍𑌨𑌿-𑌰𑍍𑌦𑍍𑌵𑍇 𑌚॑) (𑌅. 1)

𑌬𑍍𑌰𑌹𑍍𑌮॑ 𑌕𑍍𑌷॒𑌤𑍍𑌰-𑌨𑍍𑌤𑌤𑍍 । 𑌇𑌷॒𑌮𑍂𑌰𑍍𑌜𑌗𑍍𑌂॑ 𑌰॒𑌯𑌿-𑌮𑍍𑌪𑍁𑌷𑍍𑌟𑌿॑-𑌮𑍍𑌪𑍍𑌰॒𑌜𑌾-𑌨𑍍𑌤𑌾𑌮𑍍 । 𑌪॒𑌶𑍁-𑌨𑍍𑌤𑌾𑌨𑍍 । 𑌸𑌨𑍍𑌧॑𑌤𑍍𑌤॒-𑌨𑍍𑌤𑌤𑍍 । 𑌪𑍍𑌰𑌾॒𑌣𑌮॑𑌪𑌾॒𑌨𑌂-𑌵𑍍𑌯𑌾𑌁॒𑌨-𑌨𑍍𑌤𑌮𑍍 । 𑌚𑌕𑍍𑌷𑍁॒-𑌶𑍍𑌶𑍍𑌰𑍋𑌤𑍍𑌰॒-𑌮𑍍𑌮𑌨॒𑌸𑍍𑌤𑌤𑍍 । 𑌵𑌾𑌚॒-𑌨𑍍𑌤𑌾𑌮𑍍 । 𑌇॒𑌷𑌾𑌦𑌿॒𑌪𑌞𑍍𑌚॑𑌕𑍇॒ 𑌵𑌾𑌚॒-𑌨𑍍𑌤𑌾-𑌮𑍍𑌮𑍇᳚ । 𑌪॒𑌶𑍂-𑌨𑍍𑌥𑍍𑌸𑌨𑍍𑌧॑𑌤𑍍𑌤॒-𑌨𑍍𑌤𑌾𑌨𑍍𑌮𑍇᳚ । 𑌪𑍍𑌰𑌾॒𑌣𑌾𑌦𑌿॒𑌤𑍍𑌰𑌿𑌤॑𑌯𑍇॒ 𑌤-𑌮𑍍𑌮𑍇᳚ । 𑌅॒𑌨𑍍𑌯𑌤𑍍𑌰॒ 𑌤𑌨𑍍𑌮𑍇᳚ । )

𑌕𑍃𑌤𑍍𑌤𑌿॑𑌕𑌾-𑌸𑍍𑌵॒𑌗𑍍𑌨𑌿-𑌮𑌾𑌦॑𑌧𑍀𑌤 । 𑌏॒𑌤𑌦𑍍𑌵𑌾 𑌅॒𑌗𑍍𑌨𑍇-𑌰𑍍𑌨𑌕𑍍𑌷॑𑌤𑍍𑌰𑌮𑍍 । 𑌯-𑌤𑍍𑌕𑍃𑌤𑍍𑌤𑌿॑𑌕𑌾𑌃 । 𑌸𑍍𑌵𑌾𑌯𑌾॑𑌮𑍇॒𑌵𑍈𑌨॑-𑌨𑍍𑌦𑍇॒𑌵𑌤𑌾॑𑌯𑌾𑌮𑌾॒𑌧𑌾𑌯॑ । 𑌬𑍍𑌰॒𑌹𑍍𑌮॒𑌵॒𑌰𑍍𑌚॒𑌸𑍀 𑌭॑𑌵𑌤𑌿 ॥ 𑌮𑍁𑌖𑌂॒-𑌵𑌾𑌁 𑌏॒𑌤𑌨𑍍𑌨𑌕𑍍𑌷॑𑌤𑍍𑌰𑌾𑌣𑌾𑌮𑍍 । 𑌯-𑌤𑍍𑌕𑍃𑌤𑍍𑌤𑌿॑𑌕𑌾𑌃 । 𑌯𑌃 𑌕𑍃𑌤𑍍𑌤𑌿॑𑌕𑌾-𑌸𑍍𑌵॒𑌗𑍍𑌨𑌿-𑌮𑌾॑𑌧॒𑌤𑍍𑌤𑍇 । 𑌮𑍁𑌖𑍍𑌯॑ 𑌏॒𑌵 𑌭॑𑌵𑌤𑌿 ॥ 𑌅𑌥𑍋॒ 𑌖𑌲𑍁॑ ॥ 6 ॥

𑌅॒𑌗𑍍𑌨𑌿॒-𑌨॒𑌕𑍍𑌷॒𑌤𑍍𑌰𑌮𑌿𑌤𑍍𑌯-𑌪॑𑌚𑌾𑌯𑌨𑍍𑌤𑌿 । 𑌗𑍃॒𑌹𑌾𑌨𑌃𑌅॒ 𑌦𑌾𑌹𑍁॑𑌕𑍋 𑌭𑌵𑌤𑌿 ॥ 𑌪𑍍𑌰॒𑌜𑌾𑌪॑𑌤𑍀 𑌰𑍋𑌹𑌿॒𑌣𑍍𑌯𑌾-𑌮॒𑌗𑍍𑌨𑌿-𑌮॑𑌸𑍃𑌜𑌤 । 𑌤-𑌨𑍍𑌦𑍇॒𑌵𑌾 𑌰𑍋॑𑌹𑌿॒𑌣𑍍𑌯𑌾-𑌮𑌾𑌦॑𑌧𑌤 । 𑌤𑌤𑍋॒ 𑌵𑍈 𑌤𑍇 𑌸𑌰𑍍𑌵𑌾॒-𑌨𑍍𑌰𑍋𑌹𑌾॑𑌨𑌰𑍋𑌹𑌨𑍍𑌨𑍍 । 𑌤-𑌦𑍍𑌰𑍋॑𑌹𑌿॒𑌣𑍍𑌯𑍈 𑌰𑍋॑𑌹𑌿𑌣𑌿॒𑌤𑍍𑌵𑌮𑍍 । 𑌯𑍋 𑌰𑍋॑𑌹𑌿॒𑌣𑍍𑌯𑌾-𑌮॒𑌗𑍍𑌨𑌿𑌮𑌾॑𑌧॒𑌤𑍍𑌤𑍇 । 𑌋॒𑌧𑍍𑌨𑍋𑌤𑍍𑌯𑍇॒𑌵 । 𑌸𑌰𑍍𑌵𑌾॒-𑌨𑍍𑌰𑍋𑌹𑌾᳚𑌨𑍍-𑌰𑍋𑌹𑌤𑌿 ॥ 𑌦𑍇॒𑌵𑌾 𑌵𑍈 𑌭॒𑌦𑍍𑌰𑌾-𑌸𑍍𑌸𑌨𑍍𑌤𑍋॒-𑌽𑌗𑍍𑌨𑌿-𑌮𑌾𑌧𑌿॑𑌥𑍍𑌸𑌨𑍍𑌤 ॥ 7 ॥

𑌤𑍇𑌷𑌾॒𑌮𑌨𑌾॑𑌹𑌿𑌤𑍋॒ 𑌽𑌗𑍍𑌨𑌿𑌰𑌾𑌸𑍀᳚𑌤𑍍 । 𑌅𑌥𑍈᳚𑌭𑍍𑌯𑍋 𑌵𑌾॒𑌮𑌂-𑌵𑌁𑌸𑍍𑌵𑌪𑌾᳚𑌕𑍍𑌰𑌾𑌮𑌤𑍍 । 𑌤𑍇 𑌪𑍁𑌨॑𑌰𑍍𑌵𑌸𑍍𑌵𑍋॒𑌰𑌾𑌦॑𑌧𑌤 । 𑌤𑌤𑍋॒ 𑌵𑍈 𑌤𑌾𑌨𑍍 𑌵𑌾॒𑌮𑌂-𑌵𑌁𑌸𑍂॒𑌪𑌾𑌵॑𑌰𑍍𑌤𑌤 । 𑌯𑌃 𑌪𑍁॒𑌰𑌾 𑌭॒𑌦𑍍𑌰-𑌸𑍍𑌸𑌮𑍍𑌪𑌾𑌪𑍀॑𑌯𑌾॒-𑌨𑍍𑌥𑍍𑌸𑍍𑌯𑌾𑌤𑍍 । 𑌸 𑌪𑍁𑌨॑𑌰𑍍𑌵𑌸𑍍𑌵𑍋-𑌰॒𑌗𑍍𑌨𑌿-𑌮𑌾𑌦॑𑌧𑍀𑌤 । 𑌪𑍁𑌨॑𑌰𑍇॒𑌵𑍈𑌨𑌂॑-𑌵𑌾𑌁॒𑌮𑌂-𑌵𑌁𑌸𑍂॒𑌪𑌾𑌵॑𑌰𑍍𑌤𑌤𑍇 । 𑌭॒𑌦𑍍𑌰𑍋 𑌭॑𑌵𑌤𑌿 ॥ 𑌯𑌃 𑌕𑌾॒𑌮𑌯𑍇॑𑌤॒ 𑌦𑌾𑌨॑𑌕𑌾𑌮𑌾 𑌮𑍇 𑌪𑍍𑌰॒𑌜𑌾-𑌸𑍍𑌸𑍍𑌯𑍁॒𑌰𑌿𑌤𑌿॑ । 𑌸 𑌪𑍂𑌰𑍍𑌵॑𑌯𑍋𑌃॒ 𑌫𑌲𑍍𑌗𑍁॑𑌨𑍍𑌯𑍋-𑌰॒𑌗𑍍𑌨𑌿-𑌮𑌾𑌦॑𑌧𑍀𑌤 ॥ 8 ॥

𑌅॒𑌰𑍍𑌯॒𑌮𑍍𑌣𑍋 𑌵𑌾 𑌏॒𑌤𑌨𑍍𑌨𑌕𑍍𑌷॑𑌤𑍍𑌰𑌮𑍍 । 𑌯𑌤𑍍𑌪𑍂𑌰𑍍𑌵𑍇॒ 𑌫𑌲𑍍𑌗𑍁॑𑌨𑍀 । 𑌅॒𑌰𑍍𑌯॒𑌮𑍇𑌤𑌿॒ 𑌤𑌮𑌾॑𑌹𑍁॒𑌰𑍍𑌯𑍋 𑌦𑌦𑌾॑𑌤𑌿 । 𑌦𑌾𑌨॑𑌕𑌾𑌮𑌾 𑌅𑌸𑍍𑌮𑍈 𑌪𑍍𑌰॒𑌜𑌾 𑌭॑𑌵𑌨𑍍𑌤𑌿 ॥ 𑌯𑌃 𑌕𑌾॒𑌮𑌯𑍇॑𑌤 𑌭॒𑌗𑍀 𑌸𑍍𑌯𑌾॒𑌮𑌿𑌤𑌿॑ । 𑌸 𑌉𑌤𑍍𑌤॑𑌰𑌯𑍋𑌃॒ 𑌫𑌲𑍍𑌗𑍁॑𑌨𑍍𑌯𑍋-𑌰॒𑌗𑍍𑌨𑌿𑌮𑌾𑌦॑𑌧𑍀𑌤 । 𑌭𑌗॑𑌸𑍍𑌯॒ 𑌵𑌾 𑌏॒𑌤𑌨𑍍𑌨𑌕𑍍𑌷॑𑌤𑍍𑌰𑌮𑍍 । 𑌯𑌦𑍁𑌤𑍍𑌤॑𑌰𑍇॒ 𑌫𑌲𑍍𑌗𑍁॑𑌨𑍀 । 𑌭॒𑌗𑍍𑌯𑍇॑𑌵 𑌭॑𑌵𑌤𑌿 ॥ 𑌕𑌾॒𑌲॒𑌕॒𑌞𑍍𑌜𑌾 𑌵𑍈 𑌨𑌾𑌮𑌾𑌸𑍁॑𑌰𑌾 𑌆𑌸𑌨𑍍𑌨𑍍 ॥ 9 ॥

𑌤𑍇 𑌸𑍁॑𑌵॒𑌰𑍍𑌗𑌾𑌯॑ 𑌲𑍋॒𑌕𑌾𑌯𑌾॒𑌗𑍍𑌨𑌿-𑌮॑𑌚𑌿𑌨𑍍𑌵𑌤 । 𑌪𑍁𑌰𑍁॑𑌷॒ 𑌇𑌷𑍍𑌟॑𑌕𑌾॒-𑌮𑍁𑌪𑌾॑𑌦𑌧𑌾॒𑌤𑍍-𑌪𑍁𑌰𑍁॑𑌷॒ 𑌇𑌷𑍍𑌟॑𑌕𑌾𑌮𑍍 । 𑌸 𑌇𑌨𑍍𑌦𑍍𑌰𑍋᳚ 𑌬𑍍𑌰𑌾𑌹𑍍𑌮॒𑌣𑍋 𑌬𑍍𑌰𑍁𑌵𑌾॑𑌣॒ 𑌇𑌷𑍍𑌟॑𑌕𑌾॒𑌮𑍁𑌪𑌾॑𑌧𑌤𑍍𑌤 । 𑌏॒𑌷𑌾 𑌮𑍇॑ 𑌚𑌿॒𑌤𑍍𑌰𑌾 𑌨𑌾𑌮𑍇𑌤𑌿॑ । 𑌤𑍇 𑌸𑍁॑𑌵॒𑌰𑍍𑌗𑌂-𑌲𑍋𑌁॒𑌕𑌮𑌾𑌪𑍍𑌰𑌾𑌰𑍋॑𑌹𑌨𑍍𑌨𑍍 । 𑌸 𑌇𑌨𑍍𑌦𑍍𑌰॒ 𑌇𑌷𑍍𑌟॑𑌕𑌾॒𑌮𑌾𑌵𑍃॑𑌹𑌤𑍍 । 𑌤𑍇-𑌽𑌵𑌾॑𑌕𑍀𑌰𑍍𑌯𑌨𑍍𑌤 । 𑌯𑍇॑-𑌽𑌵𑌾𑌕𑍀᳚𑌰𑍍𑌯𑌨𑍍𑌤 । 𑌤 𑌊𑌰𑍍𑌣𑌾॒𑌵𑌭॑𑌯𑍋-𑌽𑌭𑌵𑌨𑍍𑌨𑍍 । 𑌦𑍍𑌵𑌾𑌵𑍁𑌦॑𑌪𑌤𑌤𑌾𑌮𑍍 ॥ 10 ॥

𑌤𑍗 𑌦𑌿॒𑌵𑍍𑌯𑍗 𑌶𑍍𑌵𑌾𑌨𑌾॑𑌵𑌭𑌵𑌤𑌾𑌮𑍍 । 𑌯𑍋 𑌭𑍍𑌰𑌾𑌤𑍃॑𑌵𑍍𑌯𑌵𑌾॒-𑌨𑍍𑌥𑍍𑌸𑍍𑌯𑌾𑌤𑍍 । 𑌸 𑌚𑌿॒𑌤𑍍𑌰𑌾𑌯𑌾॑-𑌮॒𑌗𑍍𑌨𑌿-𑌮𑌾𑌦॑𑌧𑍀𑌤 । 𑌅॒𑌵॒𑌕𑍀𑌰𑍍𑌯𑍈॒𑌵 𑌭𑍍𑌰𑌾𑌤𑍃॑𑌵𑍍𑌯𑌾𑌨𑍍 । 𑌓𑌜𑍋॒ 𑌬𑌲॑𑌮𑌿𑌨𑍍𑌦𑍍𑌰𑌿॒𑌯𑌂-𑌵𑍀𑌁॒𑌰𑍍𑌯॑𑌮𑌾॒𑌤𑍍𑌮𑌨𑍍-𑌧॑𑌤𑍍𑌤𑍇 ॥ 𑌵॒𑌸𑌨𑍍𑌤𑌾᳚ 𑌬𑍍𑌰𑌾𑌹𑍍𑌮॒𑌣𑍋᳚ 𑌽𑌗𑍍𑌨𑌿𑌮𑌾𑌦॑𑌧𑍀𑌤 । 𑌵॒𑌸॒𑌨𑍍𑌤𑍋 𑌵𑍈 𑌬𑍍𑌰𑌾᳚𑌹𑍍𑌮॒𑌣𑌸𑍍𑌯॒𑌰𑍍𑌤𑍁𑌃 । 𑌸𑍍𑌵 𑌏॒𑌵𑍈𑌨॑-𑌮𑍃॒𑌤𑌾𑌵𑌾॒𑌧𑌾𑌯॑ । 𑌬𑍍𑌰॒𑌹𑍍𑌮॒𑌵॒𑌰𑍍𑌚॒𑌸𑍀 𑌭॑𑌵𑌤𑌿 । 𑌮𑍁𑌖𑌂॒-𑌵𑌾𑌁 𑌏॒𑌤𑌦𑍃॑𑌤𑍂॒𑌨𑌾𑌮𑍍 ॥ 11 ॥

𑌯-𑌦𑍍𑌵॑𑌸॒𑌨𑍍𑌤𑌃 । 𑌯𑍋 𑌵॒𑌸𑌨𑍍𑌤𑌾॒-𑌽𑌗𑍍𑌨𑌿𑌮𑌾॑𑌧॒𑌤𑍍𑌤𑍇 । 𑌮𑍁𑌖𑍍𑌯॑ 𑌏॒𑌵 𑌭॑𑌵𑌤𑌿 । 𑌅𑌥𑍋॒ 𑌯𑍋𑌨𑌿॑𑌮𑌨𑍍𑌤𑌮𑍇॒𑌵𑍈𑌨॒-𑌮𑍍𑌪𑍍𑌰𑌜𑌾॑𑌤॒𑌮𑌾𑌧॑𑌤𑍍𑌤𑍇 । 𑌗𑍍𑌰𑍀॒𑌷𑍍𑌮𑍇 𑌰𑌾॑𑌜॒𑌨𑍍𑌯॑ 𑌆𑌦॑𑌧𑍀𑌤 । 𑌗𑍍𑌰𑍀॒𑌷𑍍𑌮𑍋 𑌵𑍈 𑌰𑌾॑𑌜॒𑌨𑍍𑌯॑𑌸𑍍𑌯॒𑌰𑍍𑌤𑍁𑌃 । 𑌸𑍍𑌵 𑌏॒𑌵𑍈𑌨॑𑌮𑍃॒𑌤𑌾𑌵𑌾॒𑌧𑌾𑌯॑ । 𑌇॒𑌨𑍍𑌦𑍍𑌰𑌿॒𑌯𑌾॒𑌵𑍀 𑌭॑𑌵𑌤𑌿 । 𑌶॒𑌰𑌦𑌿॒ 𑌵𑍈𑌶𑍍𑌯॒ 𑌆𑌦॑𑌧𑍀𑌤 । 𑌶॒𑌰𑌦𑍍𑌵𑍈 𑌵𑍈𑌶𑍍𑌯॑𑌸𑍍𑌯॒𑌰𑍍𑌤𑍁𑌃 ॥ 12 ॥

𑌸𑍍𑌵 𑌏॒𑌵𑍈𑌨॑𑌮𑍃॒𑌤𑌾𑌵𑌾॒𑌧𑌾𑌯॑ । 𑌪॒𑌶𑍁॒𑌮𑌾-𑌨𑍍𑌭॑𑌵𑌤𑌿 ॥ 𑌨 𑌪𑍂𑌰𑍍𑌵॑𑌯𑍋𑌃॒ 𑌫𑌲𑍍𑌗𑍁॑𑌨𑍍𑌯𑍋-𑌰॒𑌗𑍍𑌨𑌿𑌮𑌾𑌦॑𑌧𑍀𑌤 । 𑌏॒𑌷𑌾 𑌵𑍈 𑌜॑𑌘॒𑌨𑍍𑌯𑌾॑ 𑌰𑌾𑌤𑍍𑌰𑌿𑌃॑ 𑌸𑌂𑌵𑌁𑌥𑍍𑌸॒𑌰𑌸𑍍𑌯॑ । 𑌯𑌤𑍍𑌪𑍂𑌰𑍍𑌵𑍇॒ 𑌫𑌲𑍍𑌗𑍁॑𑌨𑍀 । 𑌪𑍃॒𑌷𑍍𑌟𑌿॒𑌤 𑌏॒𑌵 𑌸𑌂॑𑌵𑌁𑌥𑍍𑌸॒𑌰𑌸𑍍𑌯𑌾॒-𑌗𑍍𑌨𑌿𑌮𑌾॒𑌧𑌾𑌯॑ । 𑌪𑌾𑌪𑍀॑𑌯𑌾𑌨𑍍-𑌭𑌵𑌤𑌿 । 𑌉𑌤𑍍𑌤॑𑌰𑌯𑍋॒𑌰𑌾𑌦॑𑌧𑍀𑌤 । 𑌏॒𑌷𑌾 𑌵𑍈 𑌪𑍍𑌰॑𑌥॒𑌮𑌾 𑌰𑌾𑌤𑍍𑌰𑌿𑌃॑ 𑌸𑌂𑌵𑌁𑌥𑍍𑌸॒𑌰𑌸𑍍𑌯॑ । 𑌯𑌦𑍁𑌤𑍍𑌤॑𑌰𑍇॒ 𑌫𑌲𑍍𑌗𑍁॑𑌨𑍀 । 𑌮𑍁॒𑌖॒𑌤 𑌏॒𑌵 𑌸𑌂॑𑌵𑌁𑌥𑍍𑌸॒𑌰𑌸𑍍𑌯𑌾॒-𑌗𑍍𑌨𑌿𑌮𑌾॒𑌧𑌾𑌯॑ । 𑌵𑌸𑍀॑𑌯𑌾-𑌨𑍍𑌭𑌵𑌤𑌿 ॥ 𑌅𑌥𑍋॒ 𑌖𑌲𑍁॑ । 𑌯॒𑌦𑍈𑌵𑍈𑌨𑌂॑-𑌯𑌁॒𑌜𑍍𑌞 𑌉॑𑌪॒𑌨𑌮𑍇᳚𑌤𑍍 । 𑌅𑌥𑌾𑌦॑𑌧𑍀𑌤 । 𑌸𑍈𑌵𑌾𑌸𑍍𑌯𑌰𑍍𑌧𑌿𑌃॑ ॥ 13 ॥

(𑌖𑌲𑍍𑌵𑌾॑ - 𑌧𑌿𑌥𑍍𑌸𑌨𑍍𑌤॒ - 𑌫𑌲𑍍𑌗𑍁॑𑌨𑍍𑌯𑍋𑌰॒𑌗𑍍𑌨𑌿𑌮𑌾𑌦॑𑌧𑍀𑌤𑌾 - 𑌸𑌨𑍍 - 𑌨𑌪𑌤𑌤𑌾 - 𑌮𑌤𑍂॒𑌨𑌾𑌂 - 𑌁𑌵𑍈𑌶𑍍𑌯॑𑌸𑍍𑌯॒𑌰𑍍𑌤𑍁 - 𑌰𑍁𑌤𑍍𑌤॑𑌰𑍇॒ 𑌫𑌲𑍍𑌗𑍁॑𑌨𑍀॒ 𑌷𑌟𑍍 𑌚॑) (𑌅. 2)

𑌉𑌦𑍍𑌧॑𑌨𑍍𑌤𑌿 । 𑌯𑌦𑍇॒𑌵𑌾𑌸𑍍𑌯𑌾॑ 𑌅𑌮𑍇॒𑌦𑍍𑌧𑍍𑌯𑌮𑍍 । 𑌤𑌦𑌪॑ 𑌹𑌨𑍍𑌤𑌿 ॥ 𑌅॒𑌪𑍋-𑌽𑌵𑍋᳚𑌕𑍍𑌷𑌤𑌿॒ 𑌶𑌾𑌨𑍍𑌤𑍍𑌯𑍈᳚ ॥ 𑌸𑌿𑌕॑𑌤𑌾॒ 𑌨𑌿𑌵॑𑌪𑌤𑌿 । 𑌏॒𑌤𑌦𑍍𑌵𑌾 𑌅॒𑌗𑍍𑌨𑍇-𑌰𑍍𑌵𑍈᳚𑌶𑍍𑌵𑌾𑌨॒𑌰𑌸𑍍𑌯॑ 𑌰𑍂॒𑌪𑌮𑍍 । 𑌰𑍂॒𑌪𑍇𑌣𑍈॒𑌵 𑌵𑍈᳚𑌶𑍍𑌵𑌾𑌨॒𑌰𑌮𑌵॑-𑌰𑍁𑌨𑍍𑌧𑍇 ॥ 𑌊𑌷𑌾॒-𑌨𑍍𑌨𑌿𑌵॑𑌪𑌤𑌿 । 𑌪𑍁𑌷𑍍𑌟𑌿॒𑌰𑍍𑌵𑌾 𑌏॒𑌷𑌾 𑌪𑍍𑌰॒𑌜𑌨॑𑌨𑌮𑍍 । 𑌯𑌦𑍂𑌷𑌾𑌃᳚ ॥ 14 ॥

𑌪𑍁𑌷𑍍𑌟𑍍𑌯𑌾॑𑌮𑍇॒𑌵 𑌪𑍍𑌰॒𑌜𑌨॑𑌨𑍇॒ 𑌽𑌗𑍍𑌨𑌿𑌮𑌾𑌧॑𑌤𑍍𑌤𑍇 । 𑌅𑌥𑍋॑ 𑌸॒𑌞𑍍𑌜𑍍𑌞𑌾𑌨॑ 𑌏॒𑌵 । 𑌸॒-𑌞𑍍𑌜𑍍𑌞𑌾𑌨॒𑌗𑍍𑌗𑍍॒ 𑌹𑍍𑌯𑍇॑𑌤-𑌤𑍍𑌪॑𑌶𑍂॒𑌨𑌾𑌮𑍍 । 𑌯𑌦𑍂𑌷𑌾𑌃᳚ ॥ 𑌦𑍍𑌯𑌾𑌵𑌾॑𑌪𑍃𑌥𑌿॒𑌵𑍀 𑌸॒𑌹𑌾𑌸𑍍𑌤𑌾᳚𑌮𑍍 । 𑌤𑍇 𑌵𑌿॑𑌯॒𑌤𑍀 𑌅॑𑌬𑍍𑌰𑍂𑌤𑌾𑌮𑍍 । 𑌅𑌸𑍍𑌤𑍍𑌵𑍇॒𑌵 𑌨𑍗॑ 𑌸॒𑌹 𑌯॒𑌜𑍍𑌞𑌿𑌯॒𑌮𑌿𑌤𑌿॑ । 𑌯𑌦॒𑌮𑍁𑌷𑍍𑌯𑌾॑ 𑌯॒𑌜𑍍𑌞𑌿𑌯॒𑌮𑌾𑌸𑍀᳚𑌤𑍍 । 𑌤𑌦॒𑌸𑍍𑌯𑌾-𑌮॑𑌦𑌧𑌾𑌤𑍍 । 𑌤 𑌊𑌷𑌾॑ 𑌅𑌭𑌵𑌨𑍍𑌨𑍍 ॥ 15 ॥

𑌯𑌦॒𑌸𑍍𑌯𑌾 𑌯॒𑌜𑍍𑌞𑌿𑌯॒𑌮𑌾𑌸𑍀᳚𑌤𑍍 । 𑌤𑌦॒𑌮𑍁𑌷𑍍𑌯𑌾॑-𑌮𑌦𑌧𑌾𑌤𑍍 । 𑌤𑌦॒𑌦𑌶𑍍𑌚॒𑌨𑍍𑌦𑍍𑌰𑌮॑𑌸𑌿 𑌕𑍃॒𑌷𑍍𑌣𑌮𑍍 । 𑌊𑌷𑌾᳚𑌨𑍍𑌨𑌿॒𑌵𑌪॑𑌨𑍍𑌨॒𑌦𑍋 𑌦𑍍𑌧𑍍𑌯𑌾॑𑌯𑍇𑌤𑍍 । 𑌦𑍍𑌯𑌾𑌵𑌾॑𑌪𑍃𑌥𑌿॒𑌵𑍍𑌯𑍋𑌰𑍇॒𑌵 𑌯॒𑌜𑍍𑌞𑌿𑌯𑍇॒-𑌽𑌗𑍍𑌨𑌿𑌮𑌾𑌧॑𑌤𑍍𑌤𑍇 ॥ 𑌅॒𑌗𑍍𑌨𑌿𑌰𑍍𑌦𑍇॒𑌵𑍇𑌭𑍍𑌯𑍋॒ 𑌨𑌿𑌲𑌾॑𑌯𑌤 । 𑌆॒𑌖𑍂 𑌰𑍂॒𑌪-𑌙𑍍𑌕𑍃॒𑌤𑍍𑌵𑌾 । 𑌸 𑌪𑍃॑𑌥𑌿॒𑌵𑍀-𑌮𑍍𑌪𑍍𑌰𑌾𑌵𑌿॑𑌶𑌤𑍍 । 𑌸 𑌊॒𑌤𑍀𑌃 𑌕𑍁॑𑌰𑍍𑌵𑌾॒𑌣𑌃 𑌪𑍃॑𑌥𑌿॒𑌵𑍀𑌮𑌨𑍁॒ 𑌸𑌮॑𑌚𑌰𑌤𑍍 । 𑌤𑌦𑌾॑𑌖𑍁𑌕𑌰𑍀॒𑌷-𑌮॑𑌭𑌵𑌤𑍍 ॥ 16 ॥

𑌯𑌦𑌾॑𑌖𑍁𑌕𑌰𑍀॒𑌷𑌗𑍍𑌂 𑌸॑𑌭𑌾𑌂॒𑌰𑍋 𑌭𑌵॑𑌤𑌿 । 𑌯𑌦𑍇॒𑌵𑌾𑌸𑍍𑌯॒ 𑌤𑌤𑍍𑌰॒ 𑌨𑍍𑌯॑𑌕𑍍𑌤𑌮𑍍 । 𑌤𑌦𑍇॒𑌵𑌾𑌵॑𑌰𑍁𑌨𑍍𑌧𑍇 ॥ 𑌊𑌰𑍍𑌜𑌂॒-𑌵𑌾𑌁 𑌏॒𑌤𑌗𑍍𑌂 𑌰𑌸॑-𑌮𑍍𑌪𑍃𑌥𑌿॒𑌵𑍍𑌯𑌾 𑌉॑𑌪॒𑌦𑍀𑌕𑌾॒ 𑌉𑌦𑍍𑌦𑌿॑𑌹𑌨𑍍𑌤𑌿 । 𑌯-𑌦𑍍𑌵॒𑌲𑍍𑌮𑍀𑌕᳚𑌮𑍍 । 𑌯-𑌦𑍍𑌵॑𑌲𑍍𑌮𑍀𑌕𑌵॒𑌪𑌾 𑌸॑𑌭𑌾𑌂॒𑌰𑍋 𑌭𑌵॑𑌤𑌿 । 𑌊𑌰𑍍𑌜॑𑌮𑍇॒𑌵 𑌰𑌸॑-𑌮𑍍𑌪𑍃𑌥𑌿॒𑌵𑍍𑌯𑌾 𑌅𑌵॑𑌰𑍁𑌨𑍍𑌧𑍇 । 𑌅𑌥𑍋॒ 𑌶𑍍𑌰𑍋𑌤𑍍𑌰॑𑌮𑍇॒𑌵 । 𑌶𑍍𑌰𑍋𑌤𑍍𑌰॒𑌗𑍍𑌗𑍍॒ 𑌹𑍍𑌯𑍇॑𑌤-𑌤𑍍𑌪𑍃॑𑌥𑌿॒𑌵𑍍𑌯𑌾𑌃 । 𑌯-𑌦𑍍𑌵॒𑌲𑍍𑌮𑍀𑌕𑌃॑ ॥ 17 ॥

𑌅𑌬॑𑌧𑌿𑌰𑍋 𑌭𑌵𑌤𑌿 । 𑌯 𑌏॒𑌵𑌂-𑌵𑍇𑌁𑌦॑ ॥ 𑌪𑍍𑌰॒𑌜𑌾𑌪॑𑌤𑌿𑌃 𑌪𑍍𑌰॒𑌜𑌾 𑌅॑𑌸𑍃𑌜𑌤 । 𑌤𑌾𑌸𑌾॒𑌮𑌨𑍍𑌨॒-𑌮𑍁𑌪𑌾᳚𑌕𑍍𑌷𑍀𑌯𑌤 । 𑌤𑌾𑌭𑍍𑌯॒-𑌸𑍍𑌸𑍂𑌦॒𑌮𑍁𑌪॒ 𑌪𑍍𑌰𑌾𑌭𑌿॑𑌨𑌤𑍍 । 𑌤𑌤𑍋॒ 𑌵𑍈 𑌤𑌾𑌸𑌾॒𑌮𑌨𑍍𑌨॒-𑌨𑍍𑌨𑌾𑌕𑍍𑌷𑍀॑𑌯𑌤 । 𑌯𑌸𑍍𑌯॒ 𑌸𑍂𑌦𑌃॑ 𑌸𑌮𑍍𑌭𑌾॒𑌰𑍋 𑌭𑌵॑𑌤𑌿 । 𑌨𑌾𑌸𑍍𑌯॑ 𑌗𑍃॒𑌹𑍇-𑌽𑌨𑍍𑌨॑-𑌙𑍍𑌕𑍍𑌷𑍀𑌯𑌤𑍇 ॥ 𑌆𑌪𑍋॒ 𑌵𑌾 𑌇॒𑌦𑌮𑌗𑍍𑌰𑍇॑ 𑌸𑌲𑌿॒𑌲𑌮𑌾॑𑌸𑍀𑌤𑍍 । 𑌤𑍇𑌨॑ 𑌪𑍍𑌰॒𑌜𑌾𑌪॑𑌤𑌿𑌰𑌶𑍍𑌰𑌾𑌮𑍍𑌯𑌤𑍍 ॥ 18 ॥

𑌕॒𑌥𑌮𑌿॒𑌦𑌗𑍍𑌗𑍍 𑌸𑍍𑌯𑌾॒𑌦𑌿𑌤𑌿॑ । 𑌸𑍋॑-𑌽𑌪𑌶𑍍𑌯-𑌤𑍍𑌪𑍁𑌷𑍍𑌕𑌰𑌪॒𑌰𑍍𑌣-𑌨𑍍𑌤𑌿𑌷𑍍𑌠॑𑌤𑍍 । 𑌸𑍋॑-𑌽𑌮𑌨𑍍𑌯𑌤 । 𑌅𑌸𑍍𑌤𑌿॒ 𑌵𑍈 𑌤𑌤𑍍 । 𑌯𑌸𑍍𑌮𑌿॑-𑌨𑍍𑌨𑌿॒𑌦𑌮𑌧𑌿॒ 𑌤𑌿𑌷𑍍𑌠॒𑌤𑍀𑌤𑌿॑ । 𑌸 𑌵॑𑌰𑌾॒𑌹𑍋 𑌰𑍂॒𑌪-𑌙𑍍𑌕𑍃॒𑌤𑍍𑌵𑍋𑌪॒𑌨𑍍𑌯॑𑌮𑌜𑍍𑌜𑌤𑍍 । 𑌸 𑌪𑍃॑𑌥𑌿॒𑌵𑍀𑌮॒𑌧 𑌆᳚𑌰𑍍𑌚𑍍𑌛𑌤𑍍 । 𑌤𑌸𑍍𑌯𑌾॑ 𑌉𑌪॒𑌹𑌤𑍍𑌯𑍋𑌦॑𑌮𑌜𑍍𑌜𑌤𑍍 । 𑌤-𑌤𑍍𑌪𑍁॑𑌷𑍍𑌕𑌰𑌪॒𑌰𑍍𑌣𑍇᳚ 𑌽𑌪𑍍𑌰𑌥𑌯𑌤𑍍 । 𑌯𑌦𑌪𑍍𑌰॑𑌥𑌯𑌤𑍍 ॥ 19 ॥

𑌤-𑌤𑍍𑌪𑍃॑𑌥𑌿॒𑌵𑍍𑌯𑍈 𑌪𑍃॑𑌥𑌿𑌵𑌿॒𑌤𑍍𑌵𑌮𑍍 । 𑌅𑌭𑍂॒𑌦𑍍𑌵𑌾 𑌇॒𑌦𑌮𑌿𑌤𑌿॑ । 𑌤𑌦𑍍𑌭𑍂𑌮𑍍𑌯𑍈॑ 𑌭𑍂𑌮𑌿॒𑌤𑍍𑌵𑌮𑍍 । 𑌤𑌾-𑌨𑍍𑌦𑌿𑌶𑍋-𑌽𑌨𑍁॒ 𑌵𑌾𑌤॒-𑌸𑍍𑌸𑌮॑𑌵𑌹𑌤𑍍 । 𑌤𑌾𑌗𑍍𑌂 𑌶𑌰𑍍𑌕॑𑌰𑌾𑌭𑌿𑌰𑌦𑍃𑌗𑍍𑌂 𑌹𑌤𑍍 । 𑌶𑌂-𑌵𑍈𑌁 𑌨𑍋॑-𑌽𑌭𑍂॒𑌦𑌿𑌤𑌿॑ । 𑌤𑌚𑍍𑌛𑌰𑍍𑌕॑𑌰𑌾𑌣𑌾𑌗𑍍𑌂 𑌶𑌰𑍍𑌕𑌰॒𑌤𑍍𑌵𑌮𑍍 । 𑌯-𑌦𑍍𑌵॑𑌰𑌾॒𑌹𑌵𑌿॑𑌹𑌤𑌗𑍍𑌂 𑌸𑌮𑍍𑌭𑌾॒𑌰𑍋 𑌭𑌵॑𑌤𑌿 । 𑌅॒𑌸𑍍𑌯𑌾𑌮𑍇॒𑌵𑌾-𑌛॑𑌮𑍍𑌬𑌟𑍍𑌕𑌾𑌰𑌮॒𑌗𑍍𑌨𑌿-𑌮𑌾𑌧॑𑌤𑍍𑌤𑍇 । 𑌶𑌰𑍍𑌕॑𑌰𑌾 𑌭𑌵𑌨𑍍𑌤𑌿॒ 𑌧𑍃𑌤𑍍𑌯𑍈᳚ ॥ 20 ॥

𑌅𑌥𑍋॑ 𑌶॒𑌤𑍍𑌵𑌾𑌂𑌯𑌁॑ ॥ 𑌸𑌰𑍇॑𑌤𑌾 𑌅॒𑌗𑍍𑌨𑌿𑌰𑌾॒𑌧𑍇𑌯॒ 𑌇𑌤𑍍𑌯𑌾॑𑌹𑍁𑌃 । 𑌆𑌪𑍋॒ 𑌵𑌰𑍁॑𑌣𑌸𑍍𑌯॒ 𑌪𑌤𑍍𑌨॑𑌯 𑌆𑌸𑌨𑍍𑌨𑍍 । 𑌤𑌾 𑌅॒𑌗𑍍𑌨𑌿𑌰॒𑌭𑍍𑌯॑𑌦𑍍𑌧𑍍𑌯𑌾𑌯𑌤𑍍 । 𑌤𑌾-𑌸𑍍𑌸𑌮॑𑌭𑌵𑌤𑍍 । 𑌤𑌸𑍍𑌯॒ 𑌰𑍇𑌤𑌃॒ 𑌪𑌰𑌾॑-𑌽𑌪𑌤𑌤𑍍 । 𑌤𑌦𑍍𑌧𑌿𑌰॑𑌣𑍍𑌯-𑌮𑌭𑌵𑌤𑍍 । 𑌯𑌦𑍍𑌧𑌿𑌰॑𑌣𑍍𑌯-𑌮𑍁॒𑌪𑌾𑌸𑍍𑌯॑𑌤𑌿 । 𑌸𑌰𑍇॑𑌤𑌸𑌮𑍇॒𑌵𑌾𑌗𑍍𑌨𑌿-𑌮𑌾𑌧॑𑌤𑍍𑌤𑍇 ॥ 𑌪𑍁𑌰𑍁॑𑌷॒ 𑌇𑌨𑍍𑌵𑍈 𑌸𑍍𑌵𑌾-𑌦𑍍𑌰𑍇𑌤॑𑌸𑍋 𑌬𑍀𑌭𑌥𑍍𑌸𑌤॒ 𑌇𑌤𑍍𑌯𑌾॑𑌹𑍁𑌃 ॥ 21 ॥

𑌉॒𑌤𑍍𑌤॒𑌰॒𑌤 𑌉𑌪𑌾᳚𑌸𑍍𑌯॒𑌤𑍍𑌯-𑌬𑍀॑𑌭𑌥𑍍𑌸𑌾𑌯𑍈 ॥ 𑌅𑌤𑌿॒ 𑌪𑍍𑌰𑌯॑𑌚𑍍𑌛𑌤𑌿 । 𑌆𑌰𑍍𑌤𑌿॑𑌮𑍇॒𑌵𑌾𑌤𑌿॒ 𑌪𑍍𑌰𑌯॑𑌚𑍍𑌛𑌤𑌿 ॥ 𑌅॒𑌗𑍍𑌨𑌿𑌰𑍍𑌦𑍇॒𑌵𑍇𑌭𑍍𑌯𑍋॒ 𑌨𑌿𑌲𑌾॑𑌯𑌤 । 𑌅𑌶𑍍𑌵𑍋॑ 𑌰𑍂॒𑌪-𑌙𑍍𑌕𑍃॒𑌤𑍍𑌵𑌾 । 𑌸𑍋᳚-𑌽𑌶𑍍𑌵॒𑌤𑍍𑌥𑍇 𑌸𑌂॑𑌵𑌁𑌥𑍍𑌸॒𑌰-𑌮॑𑌤𑌿𑌷𑍍𑌠𑌤𑍍 । 𑌤𑌦॑𑌶𑍍𑌵॒𑌤𑍍𑌥𑌸𑍍𑌯𑌾᳚-𑌶𑍍𑌵𑌤𑍍𑌥॒𑌤𑍍𑌵𑌮𑍍 । 𑌯𑌦𑌾𑌶𑍍𑌵॑𑌤𑍍𑌥-𑌸𑍍𑌸𑌮𑍍𑌭𑌾॒𑌰𑍋 𑌭𑌵॑𑌤𑌿 । 𑌯𑌦𑍇॒𑌵𑌾𑌸𑍍𑌯॒ 𑌤𑌤𑍍𑌰॒ 𑌨𑍍𑌯॑𑌕𑍍𑌤𑌮𑍍 । 𑌤𑌦𑍇॒𑌵𑌾𑌵॑-𑌰𑍁𑌨𑍍𑌧𑍇 ॥ 22 ॥

𑌦𑍇॒𑌵𑌾 𑌵𑌾 𑌊𑌰𑍍𑌜𑌂॒-𑌵𑍍𑌯𑌁॑𑌭𑌜𑌨𑍍𑌤 । 𑌤𑌤॑ 𑌉𑌦𑍁॒𑌮𑍍𑌬𑌰॒ 𑌉𑌦॑𑌤𑌿𑌷𑍍𑌠𑌤𑍍 । 𑌊𑌰𑍍𑌗𑍍𑌵𑌾 𑌉॑𑌦𑍁॒𑌮𑍍𑌬𑌰𑌃॑ । 𑌯𑌦𑍗𑌦𑍁॑𑌮𑍍𑌬𑌰-𑌸𑍍𑌸𑌮𑍍𑌭𑌾॒𑌰𑍋 𑌭𑌵॑𑌤𑌿 । 𑌊𑌰𑍍𑌜॑𑌮𑍇॒𑌵𑌾𑌵॑-𑌰𑍁𑌨𑍍𑌧𑍇 ॥ 𑌤𑍃॒𑌤𑍀𑌯॑𑌸𑍍𑌯𑌾𑌮𑌿॒𑌤𑍋 𑌦𑌿॒𑌵𑌿 𑌸𑍋𑌮॑ 𑌆𑌸𑍀𑌤𑍍 । 𑌤-𑌙𑍍𑌗𑌾॑𑌯॒𑌤𑍍𑌰𑍍𑌯𑌾𑌹॑𑌰𑌤𑍍 । 𑌤𑌸𑍍𑌯॑ 𑌪॒𑌰𑍍𑌣𑌮॑𑌚𑍍𑌛𑌿𑌦𑍍𑌯𑌤 । 𑌤𑌤𑍍𑌪॒𑌰𑍍𑌣𑍋॑ 𑌽𑌭𑌵𑌤𑍍 । 𑌤-𑌤𑍍𑌪॒𑌰𑍍𑌣𑌸𑍍𑌯॑ 𑌪𑌰𑍍𑌣॒𑌤𑍍𑌵𑌮𑍍 ॥ 23 ॥

𑌯𑌸𑍍𑌯॑ 𑌪𑌰𑍍𑌣॒𑌮𑌯𑌃॑ 𑌸𑌮𑍍𑌭𑌾॒𑌰𑍋 𑌭𑌵॑𑌤𑌿 । 𑌸𑍋॒𑌮॒𑌪𑍀॒𑌥𑌮𑍇॒𑌵𑌾𑌵॑ 𑌰𑍁𑌨𑍍𑌧𑍇 ॥ 𑌦𑍇॒𑌵𑌾 𑌵𑍈 𑌬𑍍𑌰𑌹𑍍𑌮॑𑌨𑍍𑌨𑌵𑌦𑌨𑍍𑌤 । 𑌤-𑌤𑍍𑌪॒𑌰𑍍𑌣 𑌉𑌪𑌾॑𑌶𑍃𑌣𑍋𑌤𑍍 । 𑌸𑍁॒𑌶𑍍𑌰𑌵𑌾॒ 𑌵𑍈 𑌨𑌾𑌮॑ । 𑌯-𑌤𑍍𑌪॑𑌰𑍍𑌣॒𑌮𑌯𑌃॑ 𑌸𑌮𑍍𑌭𑌾॒𑌰𑍋 𑌭𑌵॑𑌤𑌿 । 𑌬𑍍𑌰॒𑌹𑍍𑌮॒𑌵॒𑌰𑍍𑌚॒𑌸𑌮𑍇॒𑌵𑌾𑌵॑ 𑌰𑍁𑌨𑍍𑌧𑍇 ॥ 𑌪𑍍𑌰॒𑌜𑌾𑌪॑𑌤𑌿-𑌰॒𑌗𑍍𑌨𑌿-𑌮॑𑌸𑍃𑌜𑌤 । 𑌸𑍋॑-𑌽𑌬𑌿𑌭𑍇॒𑌤𑍍𑌪𑍍𑌰 𑌮𑌾॑ 𑌧𑌕𑍍𑌷𑍍𑌯॒𑌤𑍀𑌤𑌿॑ । 𑌤𑌗𑍍𑌂 𑌶॒𑌮𑍍𑌯𑌾॑-𑌽𑌶𑌮𑌯𑌤𑍍 ॥ 24 ॥

𑌤𑌚𑍍𑌛॒𑌮𑍍𑌯𑍈॑ 𑌶𑌮𑌿॒𑌤𑍍𑌵𑌮𑍍 । 𑌯𑌚𑍍𑌛॑𑌮𑍀॒𑌮𑌯𑌃॑ 𑌸𑌮𑍍𑌭𑌾॒𑌰𑍋 𑌭𑌵॑𑌤𑌿 । 𑌶𑌾𑌨𑍍𑌤𑍍𑌯𑌾॒ 𑌅𑌪𑍍𑌰॑𑌦𑌾𑌹𑌾𑌯 ॥ 𑌅॒𑌗𑍍𑌨𑍇-𑌸𑍍𑌸𑍃॒𑌷𑍍𑌟𑌸𑍍𑌯॑ 𑌯॒𑌤𑌃 । 𑌵𑌿𑌕॑𑌙𑍍𑌕𑌤॒-𑌮𑍍𑌭𑌾 𑌆᳚𑌰𑍍𑌚𑍍𑌛𑌤𑍍 । 𑌯-𑌦𑍍𑌵𑍈𑌕॑𑌙𑍍𑌕𑌤-𑌸𑍍𑌸𑌮𑍍𑌭𑌾॒𑌰𑍋 𑌭𑌵॑𑌤𑌿 । 𑌭𑌾 𑌏॒𑌵𑌾𑌵॑𑌰𑍁𑌨𑍍𑌧𑍇 ॥ 𑌸𑌹𑍃॑𑌦𑌯𑍋॒ 𑌽𑌗𑍍𑌨𑌿𑌰𑌾॒𑌧𑍇𑌯॒ 𑌇𑌤𑍍𑌯𑌾॑𑌹𑍁𑌃 । 𑌮॒𑌰𑍁𑌤𑍋॒-𑌽𑌦𑍍𑌭𑌿𑌰॒𑌗𑍍𑌨𑌿-𑌮॑𑌤𑌮𑌯𑌨𑍍𑌨𑍍 । 𑌤𑌸𑍍𑌯॑ 𑌤𑌾॒𑌨𑍍𑌤𑌸𑍍𑌯॒ 𑌹𑍃𑌦॑𑌯॒𑌮𑌾𑌚𑍍𑌛𑌿॑𑌨𑍍𑌦𑌨𑍍𑌨𑍍 । 𑌸𑌾-𑌽𑌶𑌨𑌿॑𑌰𑌭𑌵𑌤𑍍 । 𑌯𑌦॒𑌶𑌨𑌿॑𑌹𑌤𑌸𑍍𑌯 𑌵𑍃॒𑌕𑍍𑌷𑌸𑍍𑌯॑ 𑌸𑌮𑍍𑌭𑌾॒𑌰𑍋 𑌭𑌵॑𑌤𑌿 ।𑌸𑌹𑍃॑𑌦𑌯-𑌮𑍇॒𑌵𑌾𑌗𑍍𑌨𑌿-𑌮𑌾𑌧॑𑌤𑍍𑌤𑍇 ॥ 25 ॥

(𑌊𑌷𑌾॑ - 𑌅𑌭𑌵𑌨𑍍 - 𑌨𑌭𑌵-𑌦𑍍- 𑌵॒𑌲𑍍𑌮𑍀𑌕𑍍𑌰𑍋᳚ - 𑌽𑌶𑍍𑌰𑌾𑌮𑍍𑌯॒ - 𑌦𑌪𑍍𑌰॑𑌥𑌯॒ - 𑌦𑍍𑌧𑍃𑌤𑍍𑌯𑍈॑ - 𑌬𑍀𑌭𑌥𑍍𑌸𑌤॒ 𑌇𑌤𑍍𑌯𑌾॑𑌹𑍁 - 𑌰𑍁𑌨𑍍𑌧𑍇 - 𑌪𑌰𑍍𑌣॒𑌤𑍍𑌵 - 𑌮॑𑌶𑌮𑌯𑌦 - 𑌚𑍍𑌛𑌿𑌨𑍍𑌦॒𑌗𑍍𑌗𑍍॒ 𑌸𑍍𑌤𑍍𑌰𑍀𑌣𑌿॑ 𑌚) (𑌅. 3)

𑌦𑍍𑌵𑌾॒𑌦॒𑌶𑌸𑍁॑ 𑌵𑌿𑌕𑍍𑌰𑌾॒𑌮𑍇𑌷𑍍𑌵॒𑌗𑍍𑌨𑌿𑌮𑌾𑌦॑𑌧𑍀𑌤 । 𑌦𑍍𑌵𑌾𑌦॑𑌶॒ 𑌮𑌾𑌸𑌾᳚-𑌸𑍍𑌸𑌂𑌵𑌁𑌥𑍍𑌸॒𑌰𑌃 । 𑌸𑌂॒𑌵𑌁॒𑌥𑍍𑌸॒𑌰𑌾-𑌦𑍇॒𑌵𑍈𑌨॑-𑌮𑌵॒𑌰𑍁𑌦𑍍𑌧𑍍𑌯𑌾-𑌧॑𑌤𑍍𑌤𑍇 ॥ 𑌯-𑌦𑍍𑌦𑍍𑌵𑌾॑𑌦॒𑌶𑌸𑍁॑ 𑌵𑌿𑌕𑍍𑌰𑌾॒𑌮𑍇-𑌷𑍍𑌵𑌾॒𑌦𑌧𑍀॑𑌤 । 𑌪𑌰𑌿॑𑌮𑌿𑌤॒𑌮𑌵॑𑌰𑍁𑌨𑍍𑌧𑍀𑌤 । 𑌚𑌕𑍍𑌷𑍁॑-𑌰𑍍𑌨𑌿𑌮𑌿𑌤॒ 𑌆𑌦॑𑌧𑍀𑌤 । 𑌇𑌯॒-𑌦𑍍𑌦𑍍𑌵𑌾𑌦॑𑌶 𑌵𑌿𑌕𑍍𑌰𑌾॒𑌮𑌾(3) 𑌇𑌤𑌿॑ । 𑌪𑌰𑌿॑𑌮𑌿𑌤-𑌞𑍍𑌚𑍈॒𑌵𑌾𑌪॑𑌰𑌿𑌮𑌿𑌤॒-𑌞𑍍𑌚𑌾𑌵॑𑌰𑍁𑌨𑍍𑌧𑍇 ॥ 𑌅𑌨𑍃॑𑌤𑌂॒-𑌵𑍈𑌁 𑌵𑌾॒𑌚𑌾 𑌵॑𑌦𑌤𑌿 । 𑌅𑌨𑍃॑𑌤॒-𑌮𑍍𑌮𑌨॑𑌸𑌾 𑌦𑍍𑌧𑍍𑌯𑌾𑌯𑌤𑌿 ॥ 26 ॥

𑌚𑌕𑍍𑌷𑍁॒-𑌰𑍍𑌵𑍈 𑌸॒𑌤𑍍𑌯𑌮𑍍 । 𑌅𑌦𑍍𑌰𑌾(3)𑌗𑌿𑌤𑍍𑌯𑌾॑𑌹 । 𑌅𑌦॑𑌰𑍍𑌶॒𑌮𑌿𑌤𑌿॑ । 𑌤-𑌥𑍍𑌸॒𑌤𑍍𑌯𑌮𑍍 । 𑌯𑌶𑍍𑌚𑌕𑍍𑌷𑍁॑-𑌰𑍍𑌨𑌿𑌮𑌿𑌤𑍇॒-𑌽𑌗𑍍𑌨𑌿-𑌮𑌾॑𑌧॒𑌤𑍍𑌤𑍇 । 𑌸॒𑌤𑍍𑌯 𑌏॒𑌵𑍈𑌨॒-𑌮𑌾𑌧॑𑌤𑍍𑌤𑍇 ॥ 𑌤𑌸𑍍𑌮𑌾॒𑌦𑌾𑌹𑌿॑𑌤𑌾𑌗𑍍𑌨𑌿॒𑌰𑍍𑌨𑌾𑌨𑍃॑𑌤𑌂-𑌵𑌁𑌦𑍇𑌤𑍍 । 𑌨𑌾𑌸𑍍𑌯॑ 𑌬𑍍𑌰𑌾𑌹𑍍𑌮॒𑌣𑍋-𑌽𑌨𑌾᳚𑌶𑍍𑌵𑌾-𑌨𑍍𑌗𑍃॒𑌹𑍇 𑌵॑𑌸𑍇𑌤𑍍 । 𑌸॒𑌤𑍍𑌯𑍇 𑌹𑍍𑌯॑𑌸𑍍𑌯𑌾॒𑌗𑍍𑌨𑌿𑌰𑌾𑌹𑌿॑𑌤𑌃 ॥ 𑌆॒𑌗𑍍𑌨𑍇॒𑌯𑍀 𑌵𑍈 𑌰𑌾𑌤𑍍𑌰𑌿𑌃॑ ॥ 27 ॥

𑌆॒𑌗𑍍𑌨𑍇॒𑌯𑌾𑌃 𑌪॒𑌶𑌵𑌃॑ । 𑌐॒𑌨𑍍𑌦𑍍𑌰𑌮𑌹𑌃॑ । 𑌨𑌕𑍍𑌤॒-𑌙𑍍𑌗𑌾𑌰𑍍𑌹॑𑌪𑌤𑍍𑌯॒-𑌮𑌾𑌦॑𑌧𑌾𑌤𑌿 । 𑌪॒𑌶𑍂𑌨𑍇॒𑌵𑌾𑌵॑-𑌰𑍁𑌨𑍍𑌧𑍇 । 𑌦𑌿𑌵𑌾॑-𑌽𑌽𑌹𑌵॒𑌨𑍀𑌯᳚𑌮𑍍 । 𑌇॒𑌨𑍍𑌦𑍍𑌰𑌿॒𑌯𑌮𑍇॒𑌵𑌾-𑌵॑𑌰𑍁𑌨𑍍𑌧𑍇 ॥ 𑌅॒𑌰𑍍𑌧𑍋𑌦𑌿॑𑌤𑍇॒ 𑌸𑍂𑌰𑍍𑌯॑ 𑌆𑌹𑌵॒𑌨𑍀𑌯॒-𑌮𑌾𑌦॑𑌧𑌾𑌤𑌿 । 𑌏॒𑌤𑌸𑍍𑌮𑌿॒𑌨𑍍 𑌵𑍈 𑌲𑍋॒𑌕𑍇 𑌪𑍍𑌰॒𑌜𑌾𑌪॑𑌤𑌿𑌃 𑌪𑍍𑌰॒𑌜𑌾 𑌅॑𑌸𑍃𑌜𑌤 । 𑌪𑍍𑌰॒𑌜𑌾 𑌏॒𑌵 𑌤-𑌦𑍍𑌯𑌜॑𑌮𑌾𑌨-𑌸𑍍𑌸𑍃𑌜𑌤𑍇 । 𑌅𑌥𑍋॑ 𑌭𑍂॒𑌤-𑌞𑍍𑌚𑍈॒𑌵 𑌭॑𑌵𑌿॒𑌷𑍍𑌯𑌚𑍍𑌚𑌾-𑌵॑𑌰𑍁𑌨𑍍𑌧𑍇 ॥ 28 ॥

𑌇𑌡𑌾॒ 𑌵𑍈 𑌮𑌾॑𑌨॒𑌵𑍀 𑌯॑𑌜𑍍𑌞𑌾𑌨𑍂𑌕𑌾॒𑌶𑌿𑌨𑍍𑌯𑌾॑𑌸𑍀𑌤𑍍 । 𑌸𑌾-𑌽𑌶𑍃॑𑌣𑍋𑌤𑍍 । 𑌅𑌸𑍁॑𑌰𑌾 𑌅॒𑌗𑍍𑌨𑌿𑌮𑌾𑌦॑𑌧𑌤॒ 𑌇𑌤𑌿॑ । 𑌤𑌦॑𑌗𑌚𑍍𑌛𑌤𑍍 । 𑌤 𑌆॑𑌹𑌵॒𑌨𑍀𑌯॒𑌮𑌗𑍍𑌰॒ 𑌆𑌦॑𑌧𑌤 । 𑌅𑌥॒ 𑌗𑌾𑌰𑍍𑌹॑𑌪𑌤𑍍𑌯𑌮𑍍 । 𑌅𑌥𑌾᳚-𑌨𑍍𑌵𑌾𑌹𑌾𑌰𑍍𑌯॒-𑌪𑌚॑𑌨𑌮𑍍 । 𑌸𑌾 𑌽𑌬𑍍𑌰॑𑌵𑍀𑌤𑍍 । 𑌪𑍍𑌰॒𑌤𑍀𑌚𑍍𑌯𑍇॑𑌷𑌾॒𑌗𑍍॒ 𑌶𑍍𑌰𑍀𑌰॑𑌗𑌾𑌤𑍍 । 𑌭॒𑌦𑍍𑌰𑌾 𑌭𑍂॒𑌤𑍍𑌵𑌾 𑌪𑌰𑌾॑𑌭𑌵𑌿𑌷𑍍𑌯॒𑌨𑍍𑌤𑍀𑌤𑌿॑ ॥ 29 ॥

𑌯𑌸𑍍𑌯𑍈॒𑌵-𑌮॒𑌗𑍍𑌨𑌿𑌰𑌾॑𑌧𑍀॒𑌯𑌤𑍇᳚ । 𑌪𑍍𑌰॒𑌤𑍀𑌚𑍍𑌯॑𑌸𑍍𑌯॒ 𑌶𑍍𑌰𑍀𑌰𑍇॑𑌤𑌿 । 𑌭॒𑌦𑍍𑌰𑍋 𑌭𑍂॒𑌤𑍍𑌵𑌾 𑌪𑌰𑌾॑𑌭𑌵𑌤𑌿 ॥ 𑌸𑌾-𑌽𑌶𑍃॑𑌣𑍋𑌤𑍍 । 𑌦𑍇॒𑌵𑌾 𑌅॒𑌗𑍍𑌨𑌿-𑌮𑌾𑌦॑𑌧𑌤॒ 𑌇𑌤𑌿॑ । 𑌤𑌦॑𑌗𑌚𑍍𑌛𑌤𑍍 । 𑌤𑍇᳚-𑌽𑌨𑍍𑌵𑌾𑌹𑌾𑌰𑍍𑌯॒-𑌪𑌚॑𑌨॒𑌮𑌗𑍍𑌰॒ 𑌆𑌦॑𑌧𑌤 । 𑌅𑌥॒ 𑌗𑌾𑌰𑍍𑌹॑𑌪𑌤𑍍𑌯𑌮𑍍 । 𑌅𑌥𑌾॑𑌹𑌵॒𑌨𑍀𑌯᳚𑌮𑍍 । 𑌸𑌾-𑌽𑌬𑍍𑌰॑𑌵𑍀𑌤𑍍 ॥ 30 ॥

𑌪𑍍𑌰𑌾𑌚𑍍𑌯𑍇॑𑌷𑌾॒𑌗𑍍॒ 𑌶𑍍𑌰𑍀𑌰॑𑌗𑌾𑌤𑍍 । 𑌭॒𑌦𑍍𑌰𑌾 𑌭𑍂॒𑌤𑍍𑌵𑌾 𑌸𑍁॑𑌵॒𑌰𑍍𑌗𑌂-𑌲𑍋𑌁॒𑌕𑌮𑍇᳚𑌷𑍍𑌯𑌨𑍍𑌤𑌿 । 𑌪𑍍𑌰॒𑌜𑌾-𑌨𑍍𑌤𑍁 𑌨 𑌵𑍇᳚𑌥𑍍𑌸𑍍𑌯𑌨𑍍𑌤॒ 𑌇𑌤𑌿॑ । 𑌯𑌸𑍍𑌯𑍈॒𑌵𑌮॒𑌗𑍍𑌨𑌿-𑌰𑌾॑𑌧𑍀॒𑌯𑌤𑍇᳚ । 𑌪𑍍𑌰𑌾𑌚𑍍𑌯॑𑌸𑍍𑌯॒ 𑌶𑍍𑌰𑍀𑌰𑍇॑𑌤𑌿 । 𑌭॒𑌦𑍍𑌰𑍋 𑌭𑍂॒𑌤𑍍𑌵𑌾 𑌸𑍁॑𑌵॒𑌰𑍍𑌗𑌂-𑌲𑍋𑌁॒𑌕𑌮𑍇॑𑌤𑌿 । 𑌪𑍍𑌰॒𑌜𑌾-𑌨𑍍𑌤𑍁 𑌨 𑌵𑌿॑𑌨𑍍𑌦𑌤𑍇 ॥ 𑌸𑌾-𑌽𑌬𑍍𑌰॑𑌵𑍀॒𑌦𑌿𑌡𑌾॒ 𑌮𑌨𑍁᳚𑌮𑍍 । 𑌤𑌥𑌾॒ 𑌵𑌾 𑌅॒𑌹-𑌨𑍍𑌤𑌵𑌾॒𑌗𑍍𑌨𑌿-𑌮𑌾𑌧𑌾᳚𑌸𑍍𑌯𑌾𑌮𑌿 । 𑌯𑌥𑌾॒ 𑌪𑍍𑌰 𑌪𑍍𑌰॒𑌜𑌯𑌾॑ 𑌪॒𑌶𑍁𑌭𑌿॑-𑌰𑍍𑌮𑌿𑌥𑍁॒𑌨𑍈-𑌰𑍍𑌜॑𑌨𑌿॒𑌷𑍍𑌯𑌸𑍇᳚ ॥ 31 ॥

𑌪𑍍𑌰𑌤𑍍𑌯॒𑌸𑍍𑌮𑌿𑌨𑍍 𑌁𑌲𑍋॒𑌕𑍇 𑌸𑍍𑌥𑌾॒𑌸𑍍𑌯𑌸𑌿॑ । 𑌅॒𑌭𑌿 𑌸𑍁॑𑌵॒𑌰𑍍𑌗𑌂-𑌲𑍋𑌁॒𑌕-𑌞𑍍𑌜𑍇॒𑌷𑍍𑌯𑌸𑍀𑌤𑌿॑ । 𑌗𑌾𑌰𑍍𑌹॑𑌪𑌤𑍍𑌯॒𑌮𑌗𑍍𑌰॒ 𑌆𑌦॑𑌧𑌾𑌤𑍍 । 𑌗𑌾𑌰𑍍𑌹॑𑌪𑌤𑍍𑌯𑌂॒-𑌵𑌾𑌁 𑌅𑌨𑍁॑ 𑌪𑍍𑌰॒𑌜𑌾𑌃 𑌪॒𑌶𑌵𑌃॒ 𑌪𑍍𑌰𑌜𑌾॑𑌯𑌨𑍍𑌤𑍇 । 𑌗𑌾𑌰𑍍𑌹॑𑌪𑌤𑍍𑌯𑍇𑌨𑍈॒𑌵𑌾𑌸𑍍𑌮𑍈᳚ 𑌪𑍍𑌰॒𑌜𑌾-𑌮𑍍𑌪॒𑌶𑍂-𑌨𑍍𑌪𑍍𑌰𑌾𑌜॑𑌨𑌯𑌤𑍍 । 𑌅𑌥𑌾᳚-𑌨𑍍𑌵𑌾𑌹𑌾𑌰𑍍𑌯॒-𑌪𑌚॑𑌨𑌮𑍍 । 𑌤𑌿॒𑌰𑍍𑌯𑌙𑍍𑌙𑍍॑𑌵॒ 𑌵𑌾 𑌅॒𑌯𑌂-𑌲𑍋𑌁॒𑌕𑌃 । 𑌅॒𑌸𑍍𑌮𑌿𑌨𑍍𑌨𑍇॒𑌵 𑌤𑍇𑌨॑ 𑌲𑍋॒𑌕𑍇 𑌪𑍍𑌰𑌤𑍍𑌯॑𑌤𑌿𑌷𑍍𑌠𑌤𑍍 । 𑌅𑌥𑌾॑𑌹𑌵॒𑌨𑍀𑌯᳚𑌮𑍍 । 𑌤𑍇𑌨𑍈॒𑌵 𑌸𑍁॑𑌵॒𑌰𑍍𑌗𑌂-𑌲𑍋𑌁॒𑌕-𑌮॒𑌭𑍍𑌯॑𑌜𑌯𑌤𑍍 ॥ 32 ॥

𑌯𑌸𑍍𑌯𑍈॒𑌵𑌮॒𑌗𑍍𑌨𑌿-𑌰𑌾॑𑌧𑍀॒𑌯𑌤𑍇᳚ । 𑌪𑍍𑌰 𑌪𑍍𑌰॒𑌜𑌯𑌾॑ 𑌪॒𑌶𑍁𑌭𑌿॑-𑌰𑍍𑌮𑌿𑌥𑍁॒𑌨𑍈-𑌰𑍍𑌜𑌾॑𑌯𑌤𑍇 । 𑌪𑍍𑌰𑌤𑍍𑌯॒𑌸𑍍𑌮𑌿𑌨𑍍 𑌁𑌲𑍋॒𑌕𑍇 𑌤𑌿॑𑌷𑍍𑌠𑌤𑌿 । 𑌅॒𑌭𑌿 𑌸𑍁॑𑌵॒𑌰𑍍𑌗𑌂-𑌲𑍋𑌁॒𑌕-𑌞𑍍𑌜॑𑌯𑌤𑌿 ॥ 𑌯𑌸𑍍𑌯॒ 𑌵𑌾 𑌅𑌯॑𑌥𑌾𑌦𑍇𑌵𑌤𑌮॒𑌗𑍍𑌨𑌿-𑌰𑌾॑𑌧𑍀॒𑌯𑌤𑍇᳚ । 𑌆 𑌦𑍇॒𑌵𑌤𑌾᳚𑌭𑍍𑌯𑍋 𑌵𑍃𑌶𑍍𑌚𑍍𑌯𑌤𑍇 । 𑌪𑌾𑌪𑍀॑𑌯𑌾-𑌨𑍍𑌭𑌵𑌤𑌿 । 𑌯𑌸𑍍𑌯॑ 𑌯𑌥𑌾 𑌦𑍇𑌵॒𑌤𑌮𑍍 । 𑌨 𑌦𑍇॒𑌵𑌤𑌾᳚𑌭𑍍𑌯॒ 𑌆𑌵𑍃॑𑌶𑍍𑌚𑍍𑌯𑌤𑍇 । 𑌵𑌸𑍀॑𑌯𑌾-𑌨𑍍𑌭𑌵𑌤𑌿 ॥ 33 ॥

𑌭𑍃𑌗𑍂॑𑌣𑌾॒-𑌨𑍍𑌤𑍍𑌵𑌾-𑌽𑌙𑍍𑌗𑌿॑𑌰𑌸𑌾𑌂-𑌵𑍍𑌰𑌁𑌤𑌪𑌤𑍇 𑌵𑍍𑌰॒𑌤𑍇𑌨𑌾-𑌦॑𑌧𑌾॒𑌮𑍀𑌤𑌿॑ 𑌭𑍃𑌗𑍍𑌵𑌙𑍍𑌗𑌿॒𑌰𑌸𑌾॒𑌮𑌾𑌦॑𑌦𑍍𑌧𑍍𑌯𑌾𑌤𑍍 । 𑌆॒𑌦𑌿॒𑌤𑍍𑌯𑌾𑌨𑌾᳚-𑌨𑍍𑌤𑍍𑌵𑌾 𑌦𑍇॒𑌵𑌾𑌨𑌾𑌂᳚-𑌵𑍍𑌰𑌁𑌤𑌪𑌤𑍇 𑌵𑍍𑌰॒𑌤𑍇𑌨𑌾𑌦॑𑌧𑌾॒𑌮𑍀𑌤𑍍𑌯॒𑌨𑍍𑌯𑌾𑌸𑌾॒-𑌮𑍍𑌬𑍍𑌰𑌾𑌹𑍍𑌮॑𑌣𑍀𑌨𑌾-𑌮𑍍𑌪𑍍𑌰॒𑌜𑌾𑌨𑌾᳚𑌮𑍍 । 𑌵𑌰𑍁॑𑌣𑌸𑍍𑌯 𑌤𑍍𑌵𑌾॒ 𑌰𑌾𑌜𑍍𑌞𑍋᳚ 𑌵𑍍𑌰𑌤𑌪𑌤𑍇 𑌵𑍍𑌰॒𑌤𑍇𑌨𑌾𑌦॑𑌧𑌾॒𑌮𑍀𑌤𑌿॒ 𑌰𑌾𑌜𑍍𑌞𑌃॑ । 𑌇𑌨𑍍𑌦𑍍𑌰॑𑌸𑍍𑌯 𑌤𑍍𑌵𑍇𑌨𑍍𑌦𑍍𑌰𑌿॒𑌯𑍇𑌣॑ 𑌵𑍍𑌰𑌤𑌪𑌤𑍇 𑌵𑍍𑌰॒𑌤𑍇𑌨𑌾𑌦॑𑌧𑌾॒𑌮𑍀𑌤𑌿॑ 𑌰𑌾𑌜॒𑌨𑍍𑌯॑𑌸𑍍𑌯 । 𑌮𑌨𑍋᳚𑌸𑍍𑌤𑍍𑌵𑌾 𑌗𑍍𑌰𑌾𑌮॒𑌣𑍍𑌯𑍋᳚ 𑌵𑍍𑌰𑌤𑌪𑌤𑍇 𑌵𑍍𑌰॒𑌤𑍇𑌨𑌾𑌦॑𑌧𑌾॒𑌮𑍀𑌤𑌿॒ 𑌵𑍈𑌶𑍍𑌯॑𑌸𑍍𑌯 । 𑌋॒𑌭𑍂॒𑌣𑌾-𑌨𑍍𑌤𑍍𑌵𑌾॑ 𑌦𑍇॒𑌵𑌾𑌨𑌾𑌂᳚-𑌵𑍍𑌰𑌁𑌤𑌪𑌤𑍇 𑌵𑍍𑌰॒𑌤𑍇𑌨𑌾𑌦॑𑌧𑌾॒𑌮𑍀𑌤𑌿॑ 𑌰𑌥𑌕𑌾॒𑌰𑌸𑍍𑌯॑ । 𑌯॒𑌥𑌾॒ 𑌦𑍇॒𑌵॒𑌤𑌮॒𑌗𑍍𑌨𑌿-𑌰𑌾𑌧𑍀॑𑌯𑌤𑍇 । 𑌨 𑌦𑍇॒𑌵𑌤𑌾᳚𑌭𑍍𑌯॒ 𑌆 𑌵𑍃॑𑌶𑍍𑌚𑍍𑌯𑌤𑍇 । 𑌵𑌸𑍀॑𑌯𑌾-𑌨𑍍𑌭𑌵𑌤𑌿 ॥ 34 ॥

(𑌧𑍍𑌯𑌾॒𑌯॒𑌤𑌿॒ - 𑌵𑍈 𑌰𑌾𑌤𑍍𑌰𑌿॒ - 𑌶𑍍𑌚𑌾𑌵॑𑌰𑍁𑌨𑍍𑌧𑍇 - 𑌭𑌵𑌿𑌷𑍍𑌯॒𑌨𑍍𑌤𑍀𑌤𑍍𑌯॑ - 𑌬𑍍𑌰𑌵𑍀 - 𑌜𑍍𑌜𑌨𑌿॒𑌷𑍍𑌯𑌸𑍇॑ - 𑌽𑌜𑌯॒-𑌦𑍍- 𑌵𑌸𑍀॑𑌯𑌾-𑌨𑍍𑌭𑌵𑌤𑌿॒ - 𑌨𑌵॑ 𑌚) (𑌅. 4)

𑌅𑌨𑍁𑌵𑌾𑌕𑌂 5 - 𑌤𑌤𑍍𑌰 𑌪𑌵𑌮𑌾𑌨𑌹𑌬𑍀𑌂𑌷𑌿

𑌪𑍍𑌰॒𑌜𑌾𑌪॑𑌤𑌿-𑌰𑍍𑌵𑌾॒𑌚-𑌸𑍍𑌸॒𑌤𑍍𑌯-𑌮॑𑌪𑌶𑍍𑌯𑌤𑍍 । 𑌤𑍇𑌨𑌾॒𑌗𑍍𑌨𑌿𑌮𑌾𑌧॑𑌤𑍍𑌤 । 𑌤𑍇𑌨॒ 𑌵𑍈 𑌸 𑌆᳚𑌰𑍍𑌧𑍍𑌨𑍋𑌤𑍍 । 𑌭𑍂𑌰𑍍𑌭𑍁𑌵॒-𑌸𑍍𑌸𑍁𑌵॒𑌰𑌿𑌤𑍍𑌯𑌾॑𑌹 । 𑌏॒𑌤𑌦𑍍𑌵𑍈 𑌵𑌾॒𑌚-𑌸𑍍𑌸॒𑌤𑍍𑌯𑌮𑍍 । 𑌯 𑌏॒𑌤𑍇𑌨𑌾॒𑌗𑍍𑌨𑌿-𑌮𑌾॑𑌧॒𑌤𑍍𑌤𑍇 । 𑌋॒𑌦𑍍𑌧𑍍𑌨𑍋𑌤𑍍𑌯𑍇॒𑌵 । 𑌅𑌥𑍋॑ 𑌸॒𑌤𑍍𑌯𑌪𑍍𑌰𑌾॑𑌶𑍂𑌰𑍇॒𑌵 𑌭॑𑌵𑌤𑌿 । 𑌅𑌥𑍋॒ 𑌯 𑌏॒𑌵𑌂-𑌵𑌿𑌁॒𑌦𑍍𑌵𑌾𑌨॑𑌭𑌿॒𑌚𑌰॑𑌤𑌿 । 𑌸𑍍𑌤𑍃॒𑌣𑍁॒𑌤 𑌏॒𑌵𑍈𑌨᳚𑌮𑍍 ॥ 35 ॥

𑌭𑍂𑌰𑌿𑌤𑍍𑌯𑌾॑𑌹 । 𑌪𑍍𑌰॒𑌜𑌾 𑌏॒𑌵 𑌤-𑌦𑍍𑌯𑌜॑𑌮𑌾𑌨-𑌸𑍍𑌸𑍃𑌜𑌤𑍇 । 𑌭𑍁𑌵॒ 𑌇𑌤𑍍𑌯𑌾॑𑌹 । 𑌅॒𑌸𑍍𑌮𑌿𑌨𑍍𑌨𑍇॒𑌵 𑌲𑍋॒𑌕𑍇 𑌪𑍍𑌰𑌤𑌿॑ 𑌤𑌿𑌷𑍍𑌠𑌤𑌿 । 𑌸𑍁𑌵॒𑌰𑌿𑌤𑍍𑌯𑌾॑𑌹 । 𑌸𑍁॒𑌵॒𑌰𑍍𑌗 𑌏॒𑌵 𑌲𑍋॒𑌕𑍇 𑌪𑍍𑌰𑌤𑌿॑ 𑌤𑌿𑌷𑍍𑌠𑌤𑌿 ॥ 𑌤𑍍𑌰𑌿॒𑌭𑌿𑌰॒𑌕𑍍𑌷𑌰𑍈॒-𑌰𑍍𑌗𑌾𑌰𑍍𑌹॑𑌪𑌤𑍍𑌯॒-𑌮𑌾𑌦॑𑌧𑌾𑌤𑌿 । 𑌤𑍍𑌰𑌯॑ 𑌇॒𑌮𑍇 𑌲𑍋॒𑌕𑌾𑌃 । 𑌏॒𑌷𑍍𑌵𑍇॑𑌵𑍈𑌨𑌂॑-𑌲𑍋𑌁॒𑌕𑍇𑌷𑍁॒ 𑌪𑍍𑌰𑌤𑌿॑𑌷𑍍𑌠𑌿𑌤॒-𑌮𑌾𑌧॑𑌤𑍍𑌤𑍇 । 𑌸𑌰𑍍𑌵𑍈𑌃᳚ 𑌪॒𑌞𑍍𑌚𑌭𑌿॑-𑌰𑌾𑌹𑌵॒𑌨𑍀𑌯᳚𑌮𑍍 ॥ 36 ॥

𑌸𑍁॒𑌵॒𑌰𑍍𑌗𑌾𑌯॒ 𑌵𑌾 𑌏॒𑌷 𑌲𑍋॒𑌕𑌾𑌯𑌾𑌧𑍀॑𑌯𑌤𑍇 । 𑌯𑌦𑌾॑𑌹𑌵॒𑌨𑍀𑌯𑌃॑ । 𑌸𑍁॒𑌵॒𑌰𑍍𑌗 𑌏॒𑌵𑌾𑌸𑍍𑌮𑍈॑ 𑌲𑍋॒𑌕𑍇 𑌵𑌾॒𑌚-𑌸𑍍𑌸॒𑌤𑍍𑌯𑌗𑍍𑌂 𑌸𑌰𑍍𑌵॑𑌮𑌾𑌪𑍍𑌨𑍋𑌤𑌿 ॥ 𑌤𑍍𑌰𑌿॒𑌭𑌿-𑌰𑍍𑌗𑌾𑌰𑍍𑌹॑𑌪𑌤𑍍𑌯॒-𑌮𑌾𑌦॑𑌧𑌾𑌤𑌿 । 𑌪॒𑌞𑍍𑌚𑌭𑌿॑-𑌰𑌾𑌹𑌵॒𑌨𑍀𑌯᳚𑌮𑍍 । 𑌅॒𑌷𑍍𑌟𑍗 𑌸𑌮𑍍𑌪॑𑌦𑍍𑌯𑌨𑍍𑌤𑍇 । 𑌅॒𑌷𑍍𑌟𑌾𑌕𑍍𑌷॑𑌰𑌾 𑌗𑌾𑌯॒𑌤𑍍𑌰𑍀 । 𑌗𑌾॒𑌯॒𑌤𑍍𑌰𑍋᳚-𑌽𑌗𑍍𑌨𑌿𑌃 । 𑌯𑌾𑌵𑌾॑𑌨𑍇॒𑌵𑌾𑌗𑍍𑌨𑌿𑌃 । 𑌤𑌮𑌾𑌧॑𑌤𑍍𑌤𑍇 ॥ 37 ॥

𑌪𑍍𑌰॒𑌜𑌾𑌪॑𑌤𑌿𑌃 𑌪𑍍𑌰॒𑌜𑌾 𑌅॑𑌸𑍃𑌜𑌤 । 𑌤𑌾 𑌅॑𑌸𑍍𑌮𑌾-𑌥𑍍𑌸𑍃॒𑌷𑍍𑌟𑌾𑌃 𑌪𑌰𑌾॑𑌚𑍀𑌰𑌾𑌯𑌨𑍍𑌨𑍍 । 𑌤𑌾𑌭𑍍𑌯𑍋॒ 𑌜𑍍𑌯𑍋𑌤𑌿॒-𑌰𑍁𑌦॑𑌗𑍃𑌹𑍍𑌣𑌾𑌤𑍍 । 𑌤-𑌞𑍍𑌜𑍍𑌯𑍋𑌤𑌿𑌃॒ 𑌪𑌶𑍍𑌯॑𑌨𑍍𑌤𑍀𑌃 𑌪𑍍𑌰॒𑌜𑌾 𑌅॒𑌭𑌿𑌸॒𑌮𑌾𑌵॑𑌰𑍍𑌤𑌨𑍍𑌤 । 𑌉॒𑌪𑌰𑍀॑𑌵𑌾॒𑌗𑍍𑌨𑌿-𑌮𑍁𑌦𑍍𑌗𑍃॑𑌹𑍍𑌣𑍀𑌯𑌾-𑌦𑍁॒𑌦𑍍𑌧𑌰𑌨𑍍𑌨𑍍॑ । 𑌜𑍍𑌯𑍋𑌤𑌿॑𑌰𑍇॒𑌵 𑌪𑌶𑍍𑌯॑𑌨𑍍𑌤𑍀𑌃 𑌪𑍍𑌰॒𑌜𑌾 𑌯𑌜॑𑌮𑌾𑌨-𑌮॒𑌭𑌿-𑌸॒𑌮𑌾𑌵॑𑌰𑍍𑌤𑌨𑍍𑌤𑍇 ॥ 𑌪𑍍𑌰॒𑌜𑌾𑌪॑𑌤𑍇॒𑌰𑌕𑍍𑌷𑍍𑌯॑𑌶𑍍𑌵𑌯𑌤𑍍 । 𑌤-𑌤𑍍𑌪𑌰𑌾॑-𑌽𑌪𑌤𑌤𑍍 । 𑌤𑌦𑌶𑍍𑌵𑍋॑-𑌽𑌭𑌵𑌤𑍍 । 𑌤𑌦𑌶𑍍𑌵॑𑌸𑍍𑌯𑌾-𑌶𑍍𑌵॒𑌤𑍍𑌵𑌮𑍍 ॥ 38 ॥

𑌏॒𑌷 𑌵𑍈 𑌪𑍍𑌰॒𑌜𑌾𑌪॑𑌤𑌿𑌃 । 𑌯𑌦॒𑌗𑍍𑌨𑌿𑌃 । 𑌪𑍍𑌰𑌾॒𑌜𑌾॒𑌪॒𑌤𑍍𑌯𑍋-𑌽𑌶𑍍𑌵𑌃॑ । 𑌯𑌦𑌶𑍍𑌵॑-𑌮𑍍𑌪𑍁॒𑌰𑌸𑍍𑌤𑌾॒𑌨𑍍𑌨𑌯॑𑌤𑌿 । 𑌸𑍍𑌵𑌮𑍇॒𑌵 𑌚𑌕𑍍𑌷𑍁𑌃॒ 𑌪𑌶𑍍𑌯॑-𑌨𑍍𑌪𑍍𑌰॒𑌜𑌾𑌪॑𑌤𑌿॒-𑌰𑌨𑍂𑌦𑍇॑𑌤𑌿 ॥ 𑌵॒𑌜𑍍𑌰𑍀 𑌵𑌾 𑌏॒𑌷𑌃 । 𑌯𑌦𑌶𑍍𑌵𑌃॑ । 𑌯𑌦𑌶𑍍𑌵॑-𑌮𑍍𑌪𑍁॒𑌰𑌸𑍍𑌤𑌾॒𑌨𑍍𑌨𑌯॑𑌤𑌿 । 𑌜𑌾॒𑌤𑌾𑌨𑍇॒𑌵 𑌭𑍍𑌰𑌾𑌤𑍃॑𑌵𑍍𑌯𑌾॒-𑌨𑍍𑌪𑍍𑌰𑌣𑍁॑𑌦𑌤𑍇 ॥ 𑌪𑍁𑌨॒𑌰𑌾𑌵॑𑌰𑍍𑌤𑌯𑌤𑌿 ॥ 39 ॥

𑌜॒𑌨𑌿॒𑌷𑍍𑌯𑌮𑌾॑𑌣𑌾𑌨𑍇॒𑌵 𑌪𑍍𑌰𑌤𑌿॑𑌨𑍁𑌦𑌤𑍇 ॥ 𑌨𑍍𑌯𑌾॑𑌹𑌵॒𑌨𑍀𑌯𑍋॒ 𑌗𑌾𑌰𑍍𑌹॑𑌪𑌤𑍍𑌯-𑌮𑌕𑌾𑌮𑌯𑌤 । 𑌨𑌿 𑌗𑌾𑌰𑍍𑌹॑𑌪𑌤𑍍𑌯 𑌆𑌹𑌵॒𑌨𑍀𑌯᳚𑌮𑍍 । 𑌤𑍗 𑌵𑌿॒𑌭𑌾𑌜॒-𑌨𑍍𑌨𑌾𑌶॑𑌕𑍍𑌨𑍋𑌤𑍍 । 𑌸𑍋𑌶𑍍𑌵𑌃॑ 𑌪𑍂𑌰𑍍𑌵॒𑌵𑌾𑌡𑍍-𑌭𑍂॒𑌤𑍍𑌵𑌾 । 𑌪𑍍𑌰𑌾𑌞𑍍𑌚॒-𑌮𑍍𑌪𑍂𑌰𑍍𑌵॒𑌮𑍁𑌦॑𑌵𑌹𑌤𑍍 । 𑌤-𑌤𑍍𑌪𑍂᳚𑌰𑍍𑌵॒𑌵𑌾𑌹𑌃॑ 𑌪𑍂𑌰𑍍𑌵𑌵𑌾॒𑌟𑍍-𑌤𑍍𑌵𑌮𑍍 । 𑌯𑌦𑌶𑍍𑌵॑-𑌮𑍍𑌪𑍁॒𑌰𑌸𑍍𑌤𑌾॒𑌨𑍍𑌨𑌯॑𑌤𑌿 । 𑌵𑌿𑌭॑𑌕𑍍𑌤𑌿𑌰𑍇॒𑌵𑍈𑌨॑𑌯𑍋॒𑌸𑍍𑌸𑌾 । 𑌅𑌥𑍋॒ 𑌨𑌾𑌨𑌾॑𑌵𑍀𑌰𑍍𑌯𑌾𑌵𑍇॒𑌵𑍈𑌨𑍗॑ 𑌕𑍁𑌰𑍁𑌤𑍇 ॥ 40 ॥

𑌯𑌦𑍁॒𑌪𑌰𑍍𑌯𑍁॑𑌪𑌰𑌿॒ 𑌶𑌿𑌰𑍋॒ 𑌹𑌰𑍇᳚𑌤𑍍 । 𑌪𑍍𑌰𑌾॒𑌣𑌾𑌨𑍍 𑌵𑌿𑌚𑍍𑌛𑌿॑𑌨𑍍𑌦𑍍𑌯𑌾𑌤𑍍 । 𑌅॒𑌧𑍋॑-𑌽𑌧॒-𑌶𑍍𑌶𑌿𑌰𑍋॑ 𑌹𑌰𑌤𑌿 । 𑌪𑍍𑌰𑌾॒𑌣𑌾𑌨𑌾᳚-𑌙𑍍𑌗𑍋𑌪𑍀॒𑌥𑌾𑌯॑ ॥ 𑌇𑌯॒𑌤𑍍𑌯𑌗𑍍𑌰𑍇॑ 𑌹𑌰𑌤𑌿 । 𑌅𑌥𑍇𑌯॒𑌤𑍍𑌯𑌥𑍇𑌯॑𑌤𑌿 । 𑌤𑍍𑌰𑌯॑ 𑌇॒𑌮𑍇 𑌲𑍋॒𑌕𑌾𑌃 । 𑌏॒𑌷𑍍𑌵𑍇॑𑌵𑍈𑌨𑌂॑-𑌲𑍋𑌁॒𑌕𑍇𑌷𑍁॒ 𑌪𑍍𑌰𑌤𑌿॑𑌷𑍍𑌠𑌿𑌤॒𑌮𑌾-𑌧॑𑌤𑍍𑌤𑍇 ॥ 𑌪𑍍𑌰॒𑌜𑌾𑌪॑𑌤𑌿-𑌰॒𑌗𑍍𑌨𑌿-𑌮॑𑌸𑍃𑌜𑌤 । 𑌸𑍋॑-𑌽𑌬𑌿𑌭𑍇॒𑌤𑍍𑌪𑍍𑌰 𑌮𑌾॑ 𑌧𑌕𑍍𑌷𑍍𑌯॒𑌤𑍀𑌤𑌿॑ ॥ 41 ॥

𑌤𑌸𑍍𑌯॑ 𑌤𑍍𑌰𑍇॒𑌧𑌾 𑌮॑𑌹𑌿॒𑌮𑌾𑌨𑌂॒-𑌵𑍍𑌯𑍗𑌁॑𑌹𑌤𑍍 । 𑌶𑌾𑌨𑍍𑌤𑍍𑌯𑌾॒ 𑌅𑌪𑍍𑌰॑𑌦𑌾𑌹𑌾𑌯 । 𑌯𑌤𑍍-𑌤𑍍𑌰𑍇॒𑌧𑌾-𑌽𑌗𑍍𑌨𑌿-𑌰𑌾॑𑌧𑍀॒𑌯𑌤𑍇᳚ । 𑌮॒𑌹𑌿॒𑌮𑌾𑌨॑𑌮𑍇॒𑌵𑌾𑌸𑍍𑌯॒ 𑌤-𑌦𑍍𑌵𑍍𑌯𑍂॑𑌹𑌤𑌿 । 𑌶𑌾𑌨𑍍𑌤𑍍𑌯𑌾॒ 𑌅𑌪𑍍𑌰॑𑌦𑌾𑌹𑌾𑌯 ॥ 𑌪𑍁𑌨॒𑌰𑌾𑌵॑𑌰𑍍𑌤𑌯𑌤𑌿 । 𑌮॒𑌹𑌿॒𑌮𑌾𑌨॑𑌮𑍇॒𑌵𑌾𑌸𑍍𑌯॒ 𑌸𑌨𑍍𑌦॑𑌧𑌾𑌤𑌿 ॥ 𑌪॒𑌶𑍁𑌰𑍍𑌵𑌾 𑌏॒𑌷𑌃 । 𑌯𑌦𑌶𑍍𑌵𑌃॑ । 𑌏॒𑌷 𑌰𑍁॒𑌦𑍍𑌰𑌃 ॥ 42 ॥

𑌯𑌦॒𑌗𑍍𑌨𑌿𑌃 । 𑌯𑌦𑌶𑍍𑌵॑𑌸𑍍𑌯 𑌪॒𑌦𑍇᳚-𑌽𑌗𑍍𑌨𑌿-𑌮𑌾॑𑌦॒𑌦𑍍𑌧𑍍𑌯𑌾𑌤𑍍 । 𑌰𑍁॒𑌦𑍍𑌰𑌾𑌯॑ 𑌪॒𑌶𑍂-𑌨𑌪𑌿॑𑌦𑌦𑍍𑌧𑍍𑌯𑌾𑌤𑍍 । 𑌅॒𑌪॒𑌶𑍁-𑌰𑍍𑌯𑌜॑𑌮𑌾𑌨-𑌸𑍍𑌸𑍍𑌯𑌾𑌤𑍍 । 𑌯-𑌨𑍍𑌨𑌾𑌕𑍍𑌰॒𑌮𑌯𑍇᳚𑌤𑍍 । 𑌅𑌨॑𑌵𑌰𑍁𑌦𑍍𑌧𑌾 𑌅𑌸𑍍𑌯 𑌪॒𑌶𑌵𑌃॑ 𑌸𑍍𑌯𑍁𑌃 । 𑌪𑌾॒𑌰𑍍𑌶𑍍𑌵॒𑌤 𑌆𑌕𑍍𑌰॑𑌮𑌯𑍇𑌤𑍍 । 𑌯𑌥𑌾 𑌽𑌽𑌹𑌿॑𑌤𑌸𑍍𑌯𑌾॒𑌗𑍍𑌨𑍇-𑌰𑌙𑍍𑌗𑌾॑𑌰𑌾 𑌅𑌭𑍍𑌯𑌵॒𑌵𑌰𑍍𑌤𑍇॑𑌰𑌨𑍍𑌨𑍍 । 𑌅𑌵॑𑌰𑍁𑌦𑍍𑌧𑌾 𑌅𑌸𑍍𑌯 𑌪॒𑌶𑌵𑍋॒ 𑌭𑌵॑𑌨𑍍𑌤𑌿 । 𑌨 𑌰𑍁॒𑌦𑍍𑌰𑌾𑌯𑌾𑌪𑌿॑𑌦𑌧𑌾𑌤𑌿 ॥ 43 ॥

𑌤𑍍𑌰𑍀𑌣𑌿॑ 𑌹॒𑌵𑍀𑌗𑍍𑌂𑌷𑌿॒ 𑌨𑌿𑌰𑍍𑌵॑𑌪𑌤𑌿 । 𑌵𑌿॒𑌰𑌾𑌜॑ 𑌏॒𑌵 𑌵𑌿𑌕𑍍𑌰𑌾᳚𑌨𑍍𑌤𑌂॒-𑌯𑌁𑌜॑𑌮𑌾॒𑌨𑍋-𑌽𑌨𑍁॒ 𑌵𑌿𑌕𑍍𑌰॑𑌮𑌤𑍇 ॥ 𑌅॒𑌗𑍍𑌨𑌯𑍇॒ 𑌪𑌵॑𑌮𑌾𑌨𑌾𑌯 । 𑌅॒𑌗𑍍𑌨𑌯𑍇॑ 𑌪𑌾𑌵॒𑌕𑌾𑌯॑ । 𑌅॒𑌗𑍍𑌨𑌯𑍇॒ 𑌶𑍁𑌚॑𑌯𑍇 । 𑌯𑌦॒𑌗𑍍𑌨𑌯𑍇॒ 𑌪𑌵॑𑌮𑌾𑌨𑌾𑌯 𑌨𑌿॒𑌰𑍍𑌵𑌪॑𑌤𑌿 । 𑌪𑍁॒𑌨𑌾𑌤𑍍𑌯𑍇॒𑌵𑍈𑌨᳚𑌮𑍍 । 𑌯𑌦॒𑌗𑍍𑌨𑌯𑍇॑ 𑌪𑌾𑌵॒𑌕𑌾𑌯॑ । 𑌪𑍂॒𑌤 𑌏॒𑌵𑌾𑌸𑍍𑌮𑌿॑-𑌨𑍍𑌨॒𑌨𑍍𑌨𑌾𑌦𑍍𑌯॑-𑌨𑍍𑌦𑌧𑌾𑌤𑌿 । 𑌯𑌦॒𑌗𑍍𑌨𑌯𑍇॒ 𑌶𑍁𑌚॑𑌯𑍇 । 𑌬𑍍𑌰॒𑌹𑍍𑌮॒𑌵॒𑌰𑍍𑌚॒𑌸-𑌮𑍇॒𑌵𑌾𑌸𑍍𑌮𑌿॑-𑌨𑍍𑌨𑍁॒𑌪𑌰𑌿॑𑌷𑍍𑌟𑌾-𑌦𑍍𑌦𑌧𑌾𑌤𑌿 ॥ 44 ॥

(𑌏॒𑌨॒ - 𑌮𑌾॒𑌹॒𑌵॒𑌨𑍀𑌯𑌂॑ - 𑌧𑌤𑍍𑌤𑍇 - 𑌽𑌶𑍍𑌵॒𑌤𑍍𑌵𑌂 - 𑌁𑌵॑𑌰𑍍𑌤𑌯𑌤𑌿 - 𑌕𑍁𑌰𑍁𑌤॒ - 𑌇𑌤𑌿॑ -𑌰𑍁॒𑌦𑍍𑌰𑍋 - 𑌦॑𑌧𑌾𑌤𑌿॒ - 𑌯𑌦॒𑌗𑍍𑌨𑌯𑍇॒ 𑌶𑍁𑌚॑𑌯॒ 𑌏𑌕॑-𑌞𑍍𑌚) (𑌅. 5)

𑌅𑌨𑍁𑌵𑌾𑌕𑌂 6 - 𑌪𑌵𑌮𑌾𑌨𑌹𑌵𑌿𑌰𑍍𑌵𑌿𑌸𑍍𑌤𑌾𑌰𑌃, 𑌹𑌵𑌿𑌰𑌨𑍍𑌤𑌰𑌾𑌣𑌿, 𑌦𑌕𑍍𑌷𑌿𑌣𑌾𑌶𑍍𑌚

𑌦𑍇॒𑌵𑌾॒𑌸𑍁॒𑌰𑌾-𑌸𑍍𑌸𑌂𑌯𑌁॑𑌤𑍍𑌤𑌾 𑌆𑌸𑌨𑍍𑌨𑍍 । 𑌤𑍇 𑌦𑍇॒𑌵𑌾 𑌵𑌿॑𑌜॒𑌯-𑌮𑍁॑𑌪॒𑌯𑌨𑍍𑌤𑌃॑ । 𑌅॒𑌗𑍍𑌨𑍗 𑌵𑌾॒𑌮𑌂-𑌵𑌁𑌸𑍁॒ 𑌸-𑌨𑍍𑌨𑍍𑌯॑𑌦𑌧𑌤 । 𑌇॒𑌦𑌮𑍁॑ 𑌨𑍋 𑌭𑌵𑌿𑌷𑍍𑌯𑌤𑌿 । 𑌯𑌦𑌿॑ 𑌨𑍋 𑌜𑍇॒𑌷𑍍𑌯𑌨𑍍𑌤𑍀𑌤𑌿॑ । 𑌤𑌦॒𑌗𑍍𑌨𑌿𑌰𑍍𑌨𑍋-𑌥𑍍𑌸𑌹॑𑌮𑌶𑌕𑍍𑌨𑍋𑌤𑍍 । 𑌤𑌤𑍍-𑌤𑍍𑌰𑍇॒𑌧𑌾 𑌵𑌿𑌨𑍍𑌯॑𑌦𑌧𑌾𑌤𑍍 । 𑌪॒𑌶𑍁𑌷𑍁॒ 𑌤𑍃𑌤𑍀॑𑌯𑌮𑍍 । 𑌅॒𑌫𑍍𑌸𑍁 𑌤𑍃𑌤𑍀॑𑌯𑌮𑍍 । 𑌆॒𑌦𑌿॒𑌤𑍍𑌯𑍇 𑌤𑍃𑌤𑍀॑𑌯𑌮𑍍 ॥ 45 ॥

𑌤-𑌦𑍍𑌦𑍇॒𑌵𑌾 𑌵𑌿॒𑌜𑌿𑌤𑍍𑌯॑ । 𑌪𑍁𑌨॒𑌰𑌵𑌾॑𑌰𑍁𑌰𑍁𑌥𑍍𑌸𑌨𑍍𑌤 । 𑌤𑍇᳚-𑌽𑌗𑍍𑌨𑌯𑍇॒ 𑌪𑌵॑𑌮𑌾𑌨𑌾𑌯 𑌪𑍁𑌰𑍋॒𑌡𑌾𑌶॑-𑌮॒𑌷𑍍𑌟𑌾𑌕॑𑌪𑌾𑌲॒-𑌨𑍍𑌨𑌿𑌰॑𑌵𑌪𑌨𑍍𑌨𑍍 । 𑌪॒𑌶𑌵𑍋॒ 𑌵𑌾 𑌅॒𑌗𑍍𑌨𑌿𑌃 𑌪𑌵॑𑌮𑌾𑌨𑌃 । 𑌯𑌦𑍇॒𑌵 𑌪॒𑌶𑍁𑌷𑍍𑌵𑌾𑌸𑍀᳚𑌤𑍍 । 𑌤𑌤𑍍-𑌤𑍇𑌨𑌾𑌵𑌾॑𑌰𑍁𑌨𑍍𑌧𑌤 । 𑌤𑍇᳚-𑌽𑌗𑍍𑌨𑌯𑍇॑ 𑌪𑌾𑌵॒𑌕𑌾𑌯॑ । 𑌆𑌪𑍋॒ 𑌵𑌾 𑌅॒𑌗𑍍𑌨𑌿𑌃 𑌪𑌾॑𑌵॒𑌕𑌃 । 𑌯𑌦𑍇॒𑌵𑌾𑌫𑍍𑌸𑍍𑌵𑌾𑌸𑍀᳚𑌤𑍍 । 𑌤𑌤𑍍-𑌤𑍇𑌨𑌾𑌵𑌾॑𑌰𑍁𑌨𑍍𑌧𑌤 ॥ 46 ॥

𑌤𑍇᳚-𑌽𑌗𑍍𑌨𑌯𑍇॒ 𑌶𑍁𑌚॑𑌯𑍇 । 𑌅॒𑌸𑍗 𑌵𑌾 𑌆॑𑌦𑌿॒𑌤𑍍𑌯𑍋᳚-𑌽𑌗𑍍𑌨𑌿-𑌶𑍍𑌶𑍁𑌚𑌿𑌃॑ । 𑌯𑌦𑍇॒𑌵𑌾𑌦𑌿॒𑌤𑍍𑌯 𑌆𑌸𑍀᳚𑌤𑍍 । 𑌤𑌤𑍍-𑌤𑍇𑌨𑌾𑌵𑌾॑𑌰𑍁𑌨𑍍𑌧𑌤 ॥ 𑌬𑍍𑌰॒𑌹𑍍𑌮॒𑌵𑌾॒𑌦𑌿𑌨𑍋॑ 𑌵𑌦𑌨𑍍𑌤𑌿 । 𑌤॒𑌨𑍁𑌵𑍋॒ 𑌵𑌾𑌵𑍈𑌤𑌾 𑌅॑𑌗𑍍𑌨𑍍𑌯𑌾॒𑌧𑍇𑌯॑𑌸𑍍𑌯 । 𑌆॒𑌗𑍍𑌨𑍇॒𑌯𑍋 𑌵𑌾 𑌅॒𑌷𑍍𑌟𑌾𑌕॑𑌪𑌾𑌲𑍋 𑌽𑌗𑍍𑌨𑍍𑌯𑌾॒𑌧𑍇𑌯॒𑌮𑌿𑌤𑌿॑ । 𑌯𑌤𑍍𑌤-𑌨𑍍𑌨𑌿॒𑌰𑍍𑌵𑌪𑍇᳚𑌤𑍍 । 𑌨𑍈𑌤𑌾𑌨𑌿॑ । 𑌯𑌥𑌾॒-𑌽𑌽𑌤𑍍𑌮𑌾 𑌸𑍍𑌯𑌾𑌤𑍍 ॥ 47 ॥

𑌨𑌾𑌙𑍍𑌗𑌾॑𑌨𑌿 । 𑌤𑌾॒𑌦𑍃𑌗𑍇॒𑌵 𑌤𑌤𑍍 । 𑌯𑌦𑍇॒𑌤𑌾𑌨𑌿॑ 𑌨𑌿॒𑌰𑍍𑌵𑌪𑍇᳚𑌤𑍍 । 𑌨 𑌤𑌮𑍍 । 𑌯𑌥𑌾-𑌽𑌙𑍍𑌗𑌾॑𑌨𑌿॒ 𑌸𑍍𑌯𑍁𑌃 । 𑌨𑌾𑌤𑍍𑌮𑌾 । 𑌤𑌾॒𑌦𑍃𑌗𑍇॒𑌵 𑌤𑌤𑍍 । 𑌉॒𑌭𑌯𑌾॑𑌨𑌿 𑌸॒𑌹𑌨𑌿॒𑌰𑍁𑌪𑍍𑌯𑌾॑𑌣𑌿 । 𑌯॒𑌜𑍍𑌞𑌸𑍍𑌯॑ 𑌸𑌾𑌤𑍍𑌮॒𑌤𑍍𑌵𑌾𑌯॑ ॥ 𑌉॒𑌭𑌯𑌂॒-𑌵𑌾𑌁 𑌏॒𑌤𑌸𑍍𑌯𑍇᳚𑌨𑍍𑌦𑍍𑌰𑌿॒𑌯𑌂-𑌵𑍀𑌁॒𑌰𑍍𑌯॑𑌮𑌾𑌪𑍍𑌯𑌤𑍇 ॥ 48 ॥

𑌯𑍋᳚-𑌽𑌗𑍍𑌨𑌿𑌮𑌾॑𑌧॒𑌤𑍍𑌤𑍇 । 𑌐॒𑌨𑍍𑌦𑍍𑌰𑌾॒𑌗𑍍𑌨-𑌮𑍇𑌕𑌾॑𑌦𑌶𑌕𑌪𑌾𑌲॒- 𑌮𑌨𑍁॒ 𑌨𑌿𑌰𑍍𑌵॑𑌪𑍇𑌤𑍍 । 𑌆॒𑌦𑌿॒𑌤𑍍𑌯-𑌞𑍍𑌚॒𑌰𑍁𑌮𑍍 । 𑌇॒𑌨𑍍𑌦𑍍𑌰𑌾॒𑌗𑍍𑌨𑍀 𑌵𑍈 𑌦𑍇॒𑌵𑌾𑌨𑌾॒-𑌮𑌯𑌾॑𑌤𑌯𑌾𑌮𑌾𑌨𑍗 । 𑌯𑍇 𑌏॒𑌵 𑌦𑍇॒𑌵𑌤𑍇॒ 𑌅𑌯𑌾॑𑌤𑌯𑌾𑌮𑍍𑌨𑍀 । 𑌤𑌾𑌭𑍍𑌯𑌾॑𑌮𑍇॒𑌵𑌾𑌸𑍍𑌮𑌾॑ 𑌇𑌨𑍍𑌦𑍍𑌰𑌿॒𑌯𑌂-𑌵𑍀𑌁॒𑌰𑍍𑌯॑𑌮𑌵॑- 𑌰𑍁𑌨𑍍𑌧𑍇 । 𑌆॒𑌦𑌿॒𑌤𑍍𑌯𑍋 𑌭॑𑌵𑌤𑌿 । 𑌇॒𑌯𑌂-𑌵𑌾𑌁 𑌅𑌦𑌿॑𑌤𑌿𑌃 । 𑌅॒𑌸𑍍𑌯𑌾𑌮𑍇॒𑌵 𑌪𑍍𑌰𑌤𑌿॑𑌤𑌿𑌷𑍍𑌠𑌤𑌿 ॥ 𑌧𑍇॒𑌨𑍍𑌵𑍈 𑌵𑌾 𑌏॒𑌤-𑌦𑍍𑌰𑍇𑌤𑌃॑ ॥ 49 ॥

𑌯𑌦𑌾𑌜𑍍𑌯᳚𑌮𑍍 । 𑌅॒𑌨॒𑌡𑍁𑌹॑𑌸𑍍𑌤𑌣𑍍𑌡𑍁॒𑌲𑌾𑌃 । 𑌮𑌿॒𑌥𑍁॒𑌨𑌮𑍇॒𑌵𑌾𑌵॑-𑌰𑍁𑌨𑍍𑌧𑍇 । 𑌘𑍃॒𑌤𑍇 𑌭॑𑌵𑌤𑌿 । 𑌯॒𑌜𑍍𑌞𑌸𑍍𑌯𑌾𑌲𑍂᳚𑌕𑍍𑌷𑌾𑌨𑍍𑌤𑌤𑍍𑌵𑌾𑌯 ॥ 𑌚॒𑌤𑍍𑌵𑌾𑌰॑ 𑌆𑌰𑍍𑌷𑍇॒𑌯𑌾𑌃 𑌪𑍍𑌰𑌾𑌶𑍍𑌞॑𑌨𑍍𑌤𑌿 । 𑌦𑌿॒𑌶𑌾𑌮𑍇॒𑌵 𑌜𑍍𑌯𑍋𑌤𑌿॑𑌷𑌿 𑌜𑍁𑌹𑍋𑌤𑌿 ॥ 𑌪॒𑌶𑌵𑍋॒ 𑌵𑌾 𑌏॒𑌤𑌾𑌨𑌿॑ 𑌹॒𑌵𑍀𑌗𑍍𑌂𑌷𑌿॑ । 𑌏॒𑌷 𑌰𑍁॒𑌦𑍍𑌰𑌃 । 𑌯𑌦॒𑌗𑍍𑌨𑌿𑌃 ॥ 50 ॥

𑌯𑌥𑍍𑌸॒𑌦𑍍𑌯 𑌏॒𑌤𑌾𑌨𑌿॑ 𑌹॒𑌵𑍀𑌗𑍍𑌂𑌷𑌿॑ 𑌨𑌿॒𑌰𑍍𑌵𑌪𑍇᳚𑌤𑍍 । 𑌰𑍁॒𑌦𑍍𑌰𑌾𑌯॑ 𑌪॒𑌶𑍂𑌨𑌪𑌿॑ 𑌦𑌦𑍍𑌧𑍍𑌯𑌾𑌤𑍍 । 𑌅॒𑌪॒𑌶𑍁-𑌰𑍍𑌯𑌜॑𑌮𑌾𑌨-𑌸𑍍𑌸𑍍𑌯𑌾𑌤𑍍 । 𑌯𑌨𑍍𑌨𑌾𑌨𑍁॑𑌨𑌿॒𑌰𑍍𑌵𑌪𑍇᳚𑌤𑍍 । 𑌅𑌨॑𑌵𑌰𑍁𑌦𑍍𑌧𑌾 𑌅𑌸𑍍𑌯 𑌪॒𑌶𑌵𑌃॑ 𑌸𑍍𑌯𑍁𑌃 । 𑌦𑍍𑌵𑌾॒𑌦॒𑌶𑌸𑍁॒ 𑌰𑌾𑌤𑍍𑌰𑍀॒𑌷𑍍𑌵𑌨𑍁॒ 𑌨𑌿𑌰𑍍𑌵॑𑌪𑍇𑌤𑍍 । 𑌸𑌂॒𑌵𑌁॒𑌥𑍍𑌸॒𑌰 𑌪𑍍𑌰॑𑌤𑌿𑌮𑌾॒ 𑌵𑍈 𑌦𑍍𑌵𑌾𑌦॑𑌶॒ 𑌰𑌾𑌤𑍍𑌰॑𑌯𑌃 । 𑌸𑌂॒𑌵𑌁॒𑌥𑍍𑌸॒𑌰𑍇𑌣𑍈॒𑌵𑌾𑌸𑍍𑌮𑍈॑ 𑌰𑍁॒𑌦𑍍𑌰𑌗𑍍𑌂 𑌶॑𑌮𑌯𑌿॒𑌤𑍍𑌵𑌾 । 𑌪॒𑌶𑍂𑌨𑌵॑ 𑌰𑍁𑌨𑍍𑌧𑍇 ॥ 𑌯𑌦𑍇𑌕॑-𑌮𑍇𑌕𑌮𑍇॒𑌤𑌾𑌨𑌿॑ 𑌹॒𑌵𑍀𑌗𑍍𑌂𑌷𑌿॑ 𑌨𑌿॒𑌰𑍍𑌵𑌪𑍇᳚𑌤𑍍 ॥ 51 ॥

𑌯𑌥𑌾॒ 𑌤𑍍𑌰𑍀𑌣𑍍𑌯𑌾॒𑌵𑌪॑𑌨𑌾𑌨𑌿 𑌪𑍂॒𑌰𑌯𑍇᳚𑌤𑍍 । 𑌤𑌾॒𑌦𑍃𑌕𑍍𑌤𑌤𑍍 । 𑌨 𑌪𑍍𑌰॒𑌜𑌨॑𑌨॒𑌮𑍁𑌚𑍍𑌛𑌿𑌗𑍍𑌂॑𑌷𑍇𑌤𑍍 । 𑌏𑌕॑-𑌨𑍍𑌨𑌿॒𑌰𑍁𑌪𑍍𑌯॑ । 𑌉𑌤𑍍𑌤॑𑌰𑍇॒ 𑌸𑌮॑𑌸𑍍𑌯𑍇𑌤𑍍 । 𑌤𑍃॒𑌤𑍀𑌯॑𑌮𑍇॒𑌵𑌾𑌸𑍍𑌮𑍈॑ 𑌲𑍋॒𑌕𑌮𑍁𑌚𑍍𑌛𑌿𑌗𑍍𑌂॑𑌷𑌤𑌿 𑌪𑍍𑌰॒𑌜𑌨॑𑌨𑌾𑌯 । 𑌤-𑌮𑍍𑌪𑍍𑌰॒𑌜𑌯𑌾॑ 𑌪॒𑌶𑍁𑌭𑌿॒𑌰𑌨𑍁॒ 𑌪𑍍𑌰𑌜𑌾॑𑌯𑌤𑍇 । 𑌅𑌥𑍋॑ 𑌯॒𑌜𑍍𑌞𑌸𑍍𑌯𑍈॒𑌵𑍈𑌷𑌾-𑌽𑌭𑌿𑌕𑍍𑌰𑌾᳚𑌨𑍍𑌤𑌿𑌃 ॥ 𑌰॒𑌥॒𑌚॒𑌕𑍍𑌰-𑌮𑍍𑌪𑍍𑌰𑌵॑𑌰𑍍𑌤𑌯𑌤𑌿 । 𑌮॒𑌨𑍁॒𑌷𑍍𑌯॒𑌰॒𑌥𑍇𑌨𑍈॒𑌵 𑌦𑍇॑𑌵𑌰॒𑌥-𑌮𑍍𑌪𑍍𑌰॒𑌤𑍍𑌯𑌵॑𑌰𑍋𑌹𑌤𑌿 ॥ 52 ॥

𑌬𑍍𑌰॒𑌹𑍍𑌮॒𑌵𑌾॒𑌦𑌿𑌨𑍋॑ 𑌵𑌦𑌨𑍍𑌤𑌿 । 𑌹𑍋॒𑌤॒𑌵𑍍𑌯॑-𑌮𑌗𑍍𑌨𑌿𑌹𑍋॒𑌤𑍍𑌰𑌾𑌂(3) 𑌨𑌹𑍋॑𑌤॒𑌵𑍍𑌯𑌾(3)𑌮𑌿𑌤𑌿॑ । 𑌯-𑌦𑍍𑌯𑌜𑍁॑𑌷𑌾 𑌜𑍁𑌹𑍁॒𑌯𑌾𑌤𑍍 । 𑌅𑌯॑𑌥𑌾𑌪𑍂𑌰𑍍𑌵॒𑌮𑌾𑌹𑍁॑𑌤𑍀 𑌜𑍁𑌹𑍁𑌯𑌾𑌤𑍍 । 𑌯𑌨𑍍𑌨 𑌜𑍁॑𑌹𑍁॒𑌯𑌾𑌤𑍍 । 𑌅॒𑌗𑍍𑌨𑌿𑌃 𑌪𑌰𑌾॑𑌭𑌵𑍇𑌤𑍍 । 𑌤𑍂॒𑌷𑍍𑌣𑍀𑌮𑍇॒𑌵 𑌹𑍋॑𑌤॒𑌵𑍍𑌯᳚𑌮𑍍 । 𑌯॒𑌥𑌾॒𑌪𑍂॒𑌰𑍍𑌵-𑌮𑌾𑌹𑍁॑𑌤𑍀 𑌜𑍁॒𑌹𑍋𑌤𑌿॑ । 𑌨𑌾𑌗𑍍𑌨𑌿𑌃 𑌪𑌰𑌾॑𑌭𑌵𑌤𑌿 ॥ 𑌅॒𑌗𑍍𑌨𑍀𑌧𑍇॑ 𑌦𑌦𑌾𑌤𑌿 ॥ 53 ॥

𑌅॒𑌗𑍍𑌨𑌿𑌮𑍁॑𑌖𑌾-𑌨𑍇॒𑌵𑌰𑍍𑌤𑍂-𑌨𑍍𑌪𑍍𑌰𑍀॑𑌣𑌾𑌤𑌿 । 𑌉॒𑌪॒𑌬𑌰𑍍𑌹॑𑌣-𑌨𑍍𑌦𑌦𑌾𑌤𑌿 । 𑌰𑍂॒𑌪𑌾𑌣𑌾॒𑌮𑌵॑-𑌰𑍁𑌦𑍍𑌧𑍍𑌯𑍈 । 𑌅𑌶𑍍𑌵॑-𑌮𑍍𑌬𑍍𑌰॒𑌹𑍍𑌮𑌣𑍇᳚ । 𑌇॒𑌨𑍍𑌦𑍍𑌰𑌿॒𑌯𑌮𑍇॒𑌵𑌾𑌵॑-𑌰𑍁𑌨𑍍𑌧𑍇 । 𑌧𑍇॒𑌨𑍁𑌗𑍍𑌂 𑌹𑍋𑌤𑍍𑌰𑍇᳚ । 𑌆॒𑌶𑌿𑌷॑ 𑌏॒𑌵𑌾𑌵॑𑌰𑍁𑌨𑍍𑌧𑍇 । 𑌅॒𑌨॒𑌡𑍍𑌵𑌾𑌹॑-𑌮𑌦𑍍𑌧𑍍𑌵॒𑌰𑍍𑌯𑌵𑍇᳚ । 𑌵𑌹𑍍𑌨𑌿॒𑌰𑍍𑌵𑌾 𑌅॑𑌨॒𑌡𑍍𑌵𑌾𑌨𑍍 । 𑌵𑌹𑍍𑌨𑌿॑𑌰𑌦𑍍𑌧𑍍𑌵॒𑌰𑍍𑌯𑍁𑌃 ॥ 54 ॥

𑌵𑌹𑍍𑌨𑌿॑𑌨𑍈॒𑌵 𑌵𑌹𑍍𑌨𑌿॑ 𑌯॒𑌜𑍍𑌞𑌸𑍍𑌯𑌾𑌵॑-𑌰𑍁𑌨𑍍𑌧𑍇 । 𑌮𑌿॒𑌥𑍁॒𑌨𑍗 𑌗𑌾𑌵𑍗॑ 𑌦𑌦𑌾𑌤𑌿 । 𑌮𑌿॒𑌥𑍁॒𑌨𑌸𑍍𑌯𑌾𑌵॑-𑌰𑍁𑌦𑍍𑌧𑍍𑌯𑍈 । 𑌵𑌾𑌸𑍋॑ 𑌦𑌦𑌾𑌤𑌿 । 𑌸॒𑌰𑍍𑌵॒ 𑌦𑍇॒𑌵॒𑌤𑍍𑌯𑌂॑-𑌵𑍈𑌁 𑌵𑌾𑌸𑌃॑ । 𑌸𑌰𑍍𑌵𑌾॑ 𑌏॒𑌵 𑌦𑍇॒𑌵𑌤𑌾𑌃᳚ 𑌪𑍍𑌰𑍀𑌣𑌾𑌤𑌿 । 𑌆 𑌦𑍍𑌵𑌾॑𑌦॒𑌶𑌭𑍍𑌯𑍋॑ 𑌦𑌦𑌾𑌤𑌿 । 𑌦𑍍𑌵𑌾𑌦॑𑌶॒ 𑌮𑌾𑌸𑌾᳚-𑌸𑍍𑌸𑌂𑌵𑌁𑌥𑍍𑌸॒𑌰𑌃 । 𑌸𑌂॒𑌵𑌁॒𑌥𑍍𑌸॒𑌰 𑌏॒𑌵 𑌪𑍍𑌰𑌤𑌿॑ 𑌤𑌿𑌷𑍍𑌠𑌤𑌿 । 𑌕𑌾𑌮॑𑌮𑍂॒𑌰𑍍𑌧𑍍𑌵-𑌨𑍍𑌦𑍇𑌯᳚𑌮𑍍 । 𑌅𑌪॑𑌰𑌿𑌮𑌿𑌤॒𑌸𑍍𑌯𑌾𑌵॑-𑌰𑍁𑌦𑍍𑌧𑍍𑌯𑍈 ॥ 55 ॥

(𑌆॒𑌦𑌿॒𑌤𑍍𑌯𑍇 𑌤𑍃𑌤𑍀॑𑌯 - 𑌮॒𑌫𑍍𑌸𑍍𑌵𑌾𑌸𑍀॒-𑌤𑍍𑌤-𑌤𑍍𑌤𑍇𑌨𑌾𑌵𑌾॑𑌰𑍁𑌨𑍍𑌧𑌤॒ - 𑌸𑍍𑌯𑌾 - 𑌦𑌾᳚𑌪𑍍𑌯𑌤𑍇॒ - 𑌰𑍇𑌤𑍋॒ - 𑌽𑌗𑍍𑌨𑌿 - 𑌰𑍇𑌕॑𑌮𑍇𑌕 𑌮𑍇॒𑌤𑌾𑌨𑌿॑ 𑌹॒𑌵𑌿𑌗𑍍𑌂𑌷𑌿॑ 𑌨𑌿॒𑌰𑍍𑌵𑌪𑍇᳚𑌤𑍍 - 𑌪𑍍𑌰॒𑌤𑍍𑌯𑌵॑𑌰𑍋𑌹𑌤𑌿 - 𑌦𑌦𑌾𑌤𑍍𑌯 - 𑌦𑍍𑌧𑍍𑌵॒𑌰𑍍𑌯𑍁--𑌰𑍍 𑌦𑍇𑌯॒ 𑌮𑍇𑌕॑-𑌞𑍍𑌚) (𑌅. 6)

𑌅𑌨𑍁𑌵𑌾𑌕𑌂 7 - 𑌆𑌧𑌾𑌨𑌮𑌨𑍍𑌤𑍍𑌰𑌾𑌃

𑌘॒𑌰𑍍𑌮-𑌶𑍍𑌶𑌿𑌰॒𑌸𑍍𑌤𑌦॒𑌯𑌮॒𑌗𑍍𑌨𑌿𑌃 । 𑌸-𑌮𑍍𑌪𑍍𑌰𑌿॑𑌯𑌃 𑌪॒𑌶𑍁𑌭𑌿॑-𑌰𑍍𑌭𑍁𑌵𑌤𑍍 । 𑌛॒𑌰𑍍𑌦𑌿𑌸𑍍𑌤𑍋॒𑌕𑌾𑌯॒ 𑌤𑌨॑𑌯𑌾𑌯 𑌯𑌚𑍍𑌛 ॥ 𑌵𑌾𑌤𑌃॑ 𑌪𑍍𑌰𑌾॒𑌣𑌸𑍍𑌤𑌦॒𑌯𑌮॒𑌗𑍍𑌨𑌿𑌃 । 𑌸-𑌮𑍍𑌪𑍍𑌰𑌿॑𑌯𑌃 𑌪॒𑌶𑍁𑌭𑌿॑-𑌰𑍍𑌭𑍁𑌵𑌤𑍍 । 𑌸𑍍𑌵॒𑌦𑌿॒𑌤-𑌨𑍍𑌤𑍋॒𑌕𑌾𑌯॒ 𑌤𑌨॑𑌯𑌾𑌯 𑌪𑌿॒𑌤𑍁-𑌮𑍍𑌪॑𑌚 ॥ 𑌪𑍍𑌰𑌾𑌚𑍀॒𑌮𑌨𑍁॑ 𑌪𑍍𑌰॒𑌦𑌿𑌶॒-𑌮𑍍𑌪𑍍𑌰𑍇𑌹𑌿॑ 𑌵𑌿॒𑌦𑍍𑌵𑌾𑌨𑍍 । 𑌅॒𑌗𑍍𑌨𑍇𑌰॑𑌗𑍍𑌨𑍇 𑌪𑍁॒𑌰𑍋 𑌅॑𑌗𑍍𑌨𑌿-𑌰𑍍𑌭𑌵𑍇॒𑌹 । 𑌵𑌿𑌶𑍍𑌵𑌾॒ 𑌆𑌶𑌾॒ 𑌦𑍀𑌦𑍍𑌯𑌾॑𑌨𑍋॒ 𑌵𑌿𑌭𑌾॑𑌹𑌿 । 𑌊𑌰𑍍𑌜॑-𑌨𑍍𑌨𑍋 𑌧𑍇𑌹𑌿 𑌦𑍍𑌵𑌿॒𑌪𑌦𑍇॒ 𑌚𑌤𑍁॑𑌷𑍍𑌪𑌦𑍇 ॥ 56 ॥

𑌅॒𑌰𑍍𑌕𑌶𑍍𑌚𑌕𑍍𑌷𑍁॒-𑌸𑍍𑌤𑌦॒𑌸𑍗 𑌸𑍂𑌰𑍍𑌯॒𑌸𑍍𑌤𑌦॒𑌯𑌮॒𑌗𑍍𑌨𑌿𑌃 । 𑌸𑌮𑍍𑌪𑍍𑌰𑌿॑𑌯𑌃 𑌪॒𑌶𑍁𑌭𑌿॑-𑌰𑍍𑌭𑍁𑌵𑌤𑍍 । 𑌯-𑌤𑍍𑌤𑍇॑ 𑌶𑍁𑌕𑍍𑌰 𑌶𑍁॒𑌕𑍍𑌰𑌂-𑌵𑌁𑌰𑍍𑌚𑌃॑ 𑌶𑍁॒𑌕𑍍𑌰𑌾 𑌤॒𑌨𑍂𑌃 । 𑌶𑍁॒𑌕𑍍𑌰-𑌞𑍍𑌜𑍍𑌯𑍋𑌤𑌿॒𑌰𑌜॑𑌸𑍍𑌰𑌮𑍍 । 𑌤𑍇𑌨॑ 𑌮𑍇 𑌦𑍀𑌦𑌿𑌹𑌿॒ 𑌤𑍇𑌨॒ 𑌤𑍍𑌵𑌾-𑌽𑌽𑌦॑𑌧𑍇 । 𑌅॒𑌗𑍍𑌨𑌿𑌨𑌾᳚-𑌽𑌗𑍍𑌨𑍇॒ 𑌬𑍍𑌰𑌹𑍍𑌮॑𑌣𑌾 ॥ 𑌆॒𑌨॒𑌶𑍇 𑌵𑍍𑌯𑌾॑𑌨𑌶𑍇॒ 𑌸𑌰𑍍𑌵॒𑌮𑌾𑌯𑍁॒-𑌰𑍍𑌵𑍍𑌯𑌾॑𑌨𑌶𑍇 ॥ 𑌯𑍇 𑌤𑍇॑ 𑌅𑌗𑍍𑌨𑍇 𑌶𑌿॒𑌵𑍇 𑌤॒𑌨𑍁𑌵𑍗᳚ । 𑌵𑌿॒𑌰𑌾𑌟𑍍 𑌚॑ 𑌸𑍍𑌵॒𑌰𑌾𑌟𑍍 𑌚॑ । 𑌤𑍇 𑌮𑌾 𑌵𑌿॑𑌶𑌤𑌾॒-𑌨𑍍𑌤𑍇 𑌮𑌾॑ 𑌜𑌿𑌨𑍍𑌵𑌤𑌾𑌮𑍍 ॥ 57 ॥

𑌯𑍇 𑌤𑍇॑ 𑌅𑌗𑍍𑌨𑍇 𑌶𑌿॒𑌵𑍇 𑌤॒𑌨𑍁𑌵𑍗᳚ । 𑌸॒𑌮𑍍𑌰𑌾𑌟𑍍 𑌚𑌾॑𑌭𑌿॒𑌭𑍂𑌶𑍍𑌚॑ । 𑌤𑍇 𑌮𑌾 𑌵𑌿॑𑌶𑌤𑌾॒-𑌨𑍍𑌤𑍇 𑌮𑌾॑ 𑌜𑌿𑌨𑍍𑌵𑌤𑌾𑌮𑍍 । 𑌯𑍇 𑌤𑍇॑ 𑌅𑌗𑍍𑌨𑍇 𑌶𑌿॒𑌵𑍇 𑌤॒𑌨𑍁𑌵𑍗᳚ । 𑌵𑌿॒𑌭𑍂𑌶𑍍𑌚॑ 𑌪𑌰𑌿॒𑌭𑍂𑌶𑍍𑌚॑ । 𑌤𑍇 𑌮𑌾 𑌵𑌿॑𑌶𑌤𑌾॒-𑌨𑍍𑌤𑍇 𑌮𑌾॑ 𑌜𑌿𑌨𑍍𑌵𑌤𑌾𑌮𑍍 । 𑌯𑍇 𑌤𑍇॑ 𑌅𑌗𑍍𑌨𑍇 𑌶𑌿॒𑌵𑍇 𑌤॒𑌨𑍁𑌵𑍗᳚ । 𑌪𑍍𑌰॒𑌭𑍍𑌵𑍀 𑌚॒ 𑌪𑍍𑌰𑌭𑍂॑𑌤𑌿𑌶𑍍𑌚 । 𑌤𑍇 𑌮𑌾 𑌵𑌿॑𑌶𑌤𑌾॒-𑌨𑍍𑌤𑍇 𑌮𑌾॑ 𑌜𑌿𑌨𑍍𑌵𑌤𑌾𑌮𑍍 । 𑌯𑌾𑌸𑍍𑌤𑍇॑ 𑌅𑌗𑍍𑌨𑍇 𑌶𑌿॒𑌵𑌾𑌸𑍍𑌤॒𑌨𑍁𑌵𑌃॑ । 𑌤𑌾𑌭𑌿॒𑌸𑍍𑌤𑍍𑌵𑌾 𑌽𑌽𑌦॑𑌧𑍇 ॥ 𑌯𑌾𑌸𑍍𑌤𑍇॑ 𑌅𑌗𑍍𑌨𑍇 𑌘𑍋॒𑌰𑌾𑌸𑍍𑌤॒𑌨𑍁𑌵𑌃॑ । 𑌤𑌾𑌭𑌿॑𑌰॒𑌮𑍁-𑌙𑍍𑌗॑𑌚𑍍𑌛 ॥ 58 ॥

(𑌚𑌤𑍁॑𑌷𑍍𑌪𑌦𑍇 - 𑌜𑌿𑌨𑍍𑌵𑌤𑌾𑌂 - 𑌤॒𑌨𑍁𑌵॒ 𑌸𑍍𑌤𑍍𑌰𑍀𑌣𑌿॑ 𑌚 ) (𑌅. 7)

𑌅𑌨𑍁𑌵𑌾𑌕𑌂 8 - 𑌏𑌤𑌦𑍍𑌬𑍍𑌰𑌾𑌹𑍍𑌮𑌣𑌂

𑌇॒𑌮𑍇 𑌵𑌾 𑌏॒𑌤𑍇 𑌲𑍋॒𑌕𑌾 𑌅॒𑌗𑍍𑌨𑌯𑌃॑ । 𑌤𑍇 𑌯𑌦𑌵𑍍𑌯𑌾॑𑌵𑍃𑌤𑍍𑌤𑌾 𑌆𑌧𑍀॒𑌯𑍇𑌰𑌨𑍍𑌨𑍍॑ । 𑌶𑍋॒𑌚𑌯𑍇॑𑌯𑍁॒-𑌰𑍍𑌯𑌜॑𑌮𑌾𑌨𑌮𑍍 । 𑌘॒𑌰𑍍𑌮-𑌶𑍍𑌶𑌿𑌰॒ 𑌇𑌤𑌿॒ 𑌗𑌾𑌰𑍍𑌹॑𑌪𑌤𑍍𑌯॒-𑌮𑌾𑌦॑𑌧𑌾𑌤𑌿 । 𑌵𑌾𑌤𑌃॑ 𑌪𑍍𑌰𑌾॒𑌣 𑌇𑌤𑍍𑌯॑𑌨𑍍𑌵𑌾𑌹𑌾𑌰𑍍𑌯॒-𑌪𑌚॑𑌨𑌮𑍍 । 𑌅॒𑌰𑍍𑌕-𑌶𑍍𑌚𑌕𑍍𑌷𑍁॒𑌰𑌿𑌤𑍍𑌯𑌾॑-𑌹𑌵॒𑌨𑍀𑌯᳚𑌮𑍍 । 𑌤𑍇𑌨𑍈॒𑌵𑍈𑌨𑌾॒𑌨𑍍 𑌵𑍍𑌯𑌾𑌵॑𑌰𑍍𑌤𑌯𑌤𑌿 । 𑌤𑌥𑌾॒ 𑌨 𑌶𑍋॑𑌚𑌯𑌨𑍍𑌤𑌿॒ 𑌯𑌜॑𑌮𑌾𑌨𑌮𑍍 ॥ 𑌰॒𑌥॒𑌨𑍍𑌤॒𑌰-𑌮॒𑌭𑌿𑌗𑌾॑𑌯𑌤𑍇॒ 𑌗𑌾𑌰𑍍𑌹॑𑌪𑌤𑍍𑌯 𑌆𑌧𑍀॒𑌯𑌮𑌾॑𑌨𑍇 । 𑌰𑌾𑌥॑𑌨𑍍𑌤𑌰𑍋॒ 𑌵𑌾 𑌅॒𑌯𑌂-𑌲𑍋𑌁॒𑌕𑌃 ॥ 59 ॥

𑌅॒𑌸𑍍𑌮𑌿𑌨𑍍𑌨𑍇॒𑌵𑍈𑌨𑌂॑-𑌲𑍋𑌁॒𑌕𑍇 𑌪𑍍𑌰𑌤𑌿॑𑌷𑍍𑌠𑌿𑌤॒-𑌮𑌾𑌧॑𑌤𑍍𑌤𑍇 । 𑌵𑌾॒𑌮॒𑌦𑍇॒𑌵𑍍𑌯-𑌮॒𑌭𑌿𑌗𑌾॑𑌯𑌤 𑌉𑌦𑍍𑌧𑍍𑌰𑌿॒𑌯𑌮𑌾॑𑌣𑍇 । 𑌅॒𑌨𑍍𑌤𑌰𑌿॑𑌕𑍍𑌷𑌂॒-𑌵𑍈𑌁 𑌵𑌾॑𑌮𑌦𑍇॒𑌵𑍍𑌯𑌮𑍍 । 𑌅॒𑌨𑍍𑌤𑌰𑌿॑𑌕𑍍𑌷 𑌏॒𑌵𑍈𑌨॒-𑌮𑍍𑌪𑍍𑌰𑌤𑌿॑𑌷𑍍𑌠𑌿𑌤॒-𑌮𑌾𑌧॑𑌤𑍍𑌤𑍇 । 𑌅𑌥𑍋॒ 𑌶𑌾𑌨𑍍𑌤𑌿॒-𑌰𑍍𑌵𑍈 𑌵𑌾॑𑌮𑌦𑍇॒𑌵𑍍𑌯𑌮𑍍 । 𑌶𑌾॒𑌨𑍍𑌤𑌮𑍇॒𑌵𑍈𑌨॑-𑌮𑍍𑌪𑌶॒𑌵𑍍𑌯॑𑌮𑍁𑌦𑍍𑌧॑𑌰𑌤𑍇 । 𑌬𑍃॒𑌹𑌦॒𑌭𑌿𑌗𑌾॑𑌯𑌤 𑌆𑌹𑌵॒𑌨𑍀𑌯॑ 𑌆𑌧𑍀॒𑌯𑌮𑌾॑𑌨𑍇 । 𑌬𑌾𑌰𑍍𑌹॑𑌤𑍋॒ 𑌵𑌾 𑌅॒𑌸𑍗 𑌲𑍋॒𑌕𑌃 । 𑌅॒𑌮𑍁𑌷𑍍𑌮𑌿॑𑌨𑍍𑌨𑍇॒𑌵𑍈𑌨𑌂॑-𑌲𑍋𑌁॒𑌕𑍇 𑌪𑍍𑌰𑌤𑌿॑𑌷𑍍𑌠𑌿𑌤॒-𑌮𑌾𑌧॑𑌤𑍍𑌤𑍇 ॥ 𑌪𑍍𑌰॒𑌜𑌾𑌪॑𑌤𑌿-𑌰॒𑌗𑍍𑌨𑌿-𑌮॑𑌸𑍃𑌜𑌤 ॥ 60 ॥

𑌸𑍋-𑌽𑌶𑍍𑌵𑍋॒ 𑌵𑌾𑌰𑍋॑ 𑌭𑍂॒𑌤𑍍𑌵𑌾 𑌪𑌰𑌾𑌂॑𑌐𑌤𑍍 । 𑌤𑌂-𑌵𑌾𑌁॑𑌰𑌵॒𑌨𑍍𑌤𑍀𑌯𑍇॑𑌨𑌾𑌵𑌾𑌰𑌯𑌤 ।𑌤-𑌦𑍍𑌵𑌾॑𑌰𑌵॒𑌨𑍍𑌤𑍀𑌯॑𑌸𑍍𑌯 𑌵𑌾𑌰𑌵𑌨𑍍𑌤𑍀𑌯॒𑌤𑍍𑌵𑌮𑍍 । 𑌶𑍍𑌯𑍈॒𑌤𑍇𑌨॑ 𑌶𑍍𑌯𑍇॒𑌤𑍀 𑌅॑𑌕𑍁𑌰𑍁𑌤 ।𑌤𑌚𑍍𑌛𑍍𑌯𑍈॒𑌤𑌸𑍍𑌯॑ 𑌶𑍍𑌯𑍈𑌤॒𑌤𑍍𑌵𑌮𑍍 । 𑌯-𑌦𑍍𑌵𑌾॑𑌰𑌵॒𑌨𑍍𑌤𑍀𑌯॑-𑌮𑌭𑌿॒𑌗𑌾𑌯॑𑌤𑍇 । 𑌵𑌾॒𑌰॒𑌯𑌿॒𑌤𑍍𑌵𑍈𑌵𑍈𑌨॒-𑌮𑍍𑌪𑍍𑌰𑌤𑌿॑𑌷𑍍𑌠𑌿𑌤॒-𑌮𑌾𑌧॑𑌤𑍍𑌤𑍇 । 𑌶𑍍𑌯𑍈॒𑌤𑍇𑌨॑ 𑌶𑍍𑌯𑍇॒𑌤𑍀 𑌕𑍁॑𑌰𑍁𑌤𑍇 ॥ 𑌘॒𑌰𑍍𑌮-𑌶𑍍𑌶𑌿𑌰॒ 𑌇𑌤𑌿॒ 𑌗𑌾𑌰𑍍𑌹॑𑌪𑌤𑍍𑌯॒-𑌮𑌾𑌦॑𑌧𑌾𑌤𑌿 । 𑌸𑌶𑍀॑𑌰𑍍𑌷𑌾𑌣-𑌮𑍇॒𑌵𑍈𑌨॒-𑌮𑌾𑌧॑𑌤𑍍𑌤𑍇 ॥ 61 ॥

𑌉𑌪𑍈॑𑌨॒𑌮𑍁𑌤𑍍𑌤॑𑌰𑍋 𑌯॒𑌜𑍍𑌞𑍋 𑌨॑𑌮𑌤𑌿 ॥ 𑌰𑍁॒𑌦𑍍𑌰𑍋 𑌵𑌾 𑌏॒𑌷𑌃 । 𑌯𑌦॒𑌗𑍍𑌨𑌿𑌃 । 𑌸 𑌆॑𑌧𑍀॒𑌯𑌮𑌾॑𑌨 𑌈𑌶𑍍𑌵॒𑌰𑍋 𑌯𑌜॑𑌮𑌾𑌨𑌸𑍍𑌯 𑌪॒𑌶𑍂𑌨𑍍 𑌹𑌿𑌗𑍍𑌂𑌸𑌿॑𑌤𑍋𑌃 । 𑌸-𑌮𑍍𑌪𑍍𑌰𑌿॑𑌯𑌃 𑌪॒𑌶𑍁𑌭𑌿॑-𑌰𑍍𑌭𑍁𑌵॒𑌦𑌿𑌤𑍍𑌯𑌾॑𑌹 । 𑌪॒𑌶𑍁𑌭𑌿॑𑌰𑍇॒𑌵𑍈𑌨॒𑌗𑍍𑌂॒ 𑌸𑌮𑍍𑌪𑍍𑌰𑌿॑𑌯-𑌙𑍍𑌕𑌰𑍋𑌤𑌿 । 𑌪॒𑌶𑍂॒𑌨𑌾-𑌮𑌹𑌿𑌗𑍍𑌂॑𑌸𑌾𑌯𑍈 ॥ 𑌛॒𑌰𑍍𑌦𑌿𑌸𑍍𑌤𑍋॒𑌕𑌾𑌯॒ 𑌤𑌨॑𑌯𑌾𑌯 𑌯॒𑌚𑍍𑌛𑍇𑌤𑍍𑌯𑌾॑𑌹 ।𑌆॒𑌶𑌿𑌷॑𑌮𑍇॒𑌵𑍈𑌤𑌾-𑌮𑌾𑌶𑌾᳚𑌸𑍍𑌤𑍇 ॥ 𑌵𑌾𑌤𑌃॑ 𑌪𑍍𑌰𑌾॒𑌣 𑌇𑌤𑍍𑌯॑𑌨𑍍𑌵𑌾𑌹𑌾𑌰𑍍𑌯॒-𑌪𑌚॑𑌨𑌮𑍍 ॥ 62 ॥

𑌸𑌪𑍍𑌰𑌾॑𑌣-𑌮𑍇॒𑌵𑍈𑌨॒-𑌮𑌾𑌧॑𑌤𑍍𑌤𑍇 ॥ 𑌸𑍍𑌵॒𑌦𑌿॒𑌤-𑌨𑍍𑌤𑍋॒𑌕𑌾𑌯॒ 𑌤𑌨॑𑌯𑌾𑌯 𑌪𑌿॒𑌤𑍁-𑌮𑍍𑌪॒𑌚𑍇𑌤𑍍𑌯𑌾॑𑌹 । 𑌅𑌨𑍍𑌨॑𑌮𑍇॒𑌵𑌾𑌸𑍍𑌮𑍈᳚ 𑌸𑍍𑌵𑌦𑌯𑌤𑌿 ॥ 𑌪𑍍𑌰𑌾𑌚𑍀॒𑌮𑌨𑍁॑ 𑌪𑍍𑌰॒𑌦𑌿𑌶॒-𑌮𑍍𑌪𑍍𑌰𑍇𑌹𑌿॑ 𑌵𑌿॒𑌦𑍍𑌵𑌾𑌨𑌿𑌤𑍍𑌯𑌾॑𑌹 । 𑌵𑌿𑌭॑𑌕𑍍𑌤𑌿𑌰𑍇॒𑌵𑍈𑌨॑𑌯𑍋॒𑌸𑍍𑌸𑌾 । 𑌅𑌥𑍋॒ 𑌨𑌾𑌨𑌾॑ 𑌵𑍀𑌰𑍍𑌯𑌾𑌵𑍇॒𑌵𑍈𑌨𑍗॑ 𑌕𑍁𑌰𑍁𑌤𑍇 ॥ 𑌊𑌰𑍍𑌜॑-𑌨𑍍𑌨𑍋 𑌧𑍇𑌹𑌿 𑌦𑍍𑌵𑌿॒𑌪𑌦𑍇॒ 𑌚𑌤𑍁॑𑌷𑍍𑌪𑌦॒ 𑌇𑌤𑍍𑌯𑌾॑𑌹 । 𑌆॒𑌶𑌿𑌷॑𑌮𑍇॒𑌵𑍈𑌤𑌾𑌮𑌾𑌶𑌾᳚𑌸𑍍𑌤𑍇 ॥ 𑌅॒𑌰𑍍𑌕-𑌶𑍍𑌚𑌕𑍍𑌷𑍁॒𑌰𑌿𑌤𑍍𑌯𑌾॑-𑌹𑌵॒𑌨𑍀𑌯᳚𑌮𑍍 । 𑌅॒𑌰𑍍𑌕𑍋 𑌵𑍈 𑌦𑍇॒𑌵𑌾𑌨𑌾॒𑌮𑌨𑍍𑌨᳚𑌮𑍍 ॥ 63 ॥

𑌅𑌨𑍍𑌨॑𑌮𑍇॒𑌵𑌾𑌵॑ 𑌰𑍁𑌨𑍍𑌧𑍇 ॥ 𑌤𑍇𑌨॑ 𑌮𑍇 𑌦𑍀𑌦𑌿॒𑌹𑍀𑌤𑍍𑌯𑌾॑𑌹 । 𑌸𑌮𑌿॑𑌨𑍍𑌧 𑌏॒𑌵𑍈𑌨᳚𑌮𑍍 ॥ 𑌆॒𑌨॒𑌶𑍇 𑌵𑍍𑌯𑌾॑𑌨𑌶॒ 𑌇𑌤𑌿॒ 𑌤𑍍𑌰𑌿𑌰𑍁𑌦𑌿॑𑌙𑍍𑌗𑌯𑌤𑌿 । 𑌤𑍍𑌰𑌯॑ 𑌇॒𑌮𑍇 𑌲𑍋॒𑌕𑌾𑌃 । 𑌏॒𑌷𑍍𑌵𑍇॑𑌵𑍈𑌨𑌂॑-𑌲𑍋𑌁॒𑌕𑍇𑌷𑍁॒ 𑌪𑍍𑌰𑌤𑌿॑𑌷𑍍𑌠𑌿𑌤॒-𑌮𑌾𑌧॑𑌤𑍍𑌤𑍇 ॥ 𑌤𑌤𑍍-𑌤𑌥𑌾॒ 𑌨 𑌕𑌾॒𑌰𑍍𑌯᳚𑌮𑍍 । 𑌵𑍀𑌙𑍍𑌗𑌿॑𑌤॒𑌮 𑌪𑍍𑌰॑𑌤𑌿𑌷𑍍𑌠𑌿𑌤॒-𑌮𑌾𑌦॑𑌧𑍀𑌤 । 𑌉॒𑌦𑍍𑌧𑍃𑌤𑍍𑌯𑍈॒-𑌵𑌾𑌧𑌾𑌯𑌾॑-𑌭𑌿॒𑌮𑌨𑍍𑌤𑍍𑌰𑌿𑌯𑌃॑ । 𑌅𑌵𑍀᳚𑌙𑍍𑌗𑌿𑌤-𑌮𑍇॒𑌵𑍈𑌨॒-𑌮𑍍𑌪𑍍𑌰𑌤𑌿॑𑌷𑍍𑌠𑌿𑌤॒-𑌮𑌾𑌧॑𑌤𑍍𑌤𑍇 ॥ 𑌵𑌿॒𑌰𑌾𑌟𑍍 𑌚॑ 𑌸𑍍𑌵॒𑌰𑌾𑌟𑍍 𑌚॒ 𑌯𑌾𑌸𑍍𑌤𑍇॑ 𑌅𑌗𑍍𑌨𑍇 𑌶𑌿॒𑌵𑌾𑌸𑍍𑌤॒𑌨𑍁𑌵॒-𑌸𑍍𑌤𑌾𑌭𑌿॒𑌸𑍍𑌤𑍍𑌵𑌾 𑌽𑌽𑌦॑𑌧॒ 𑌇𑌤𑍍𑌯𑌾॑𑌹 । 𑌏॒𑌤𑌾 𑌵𑌾 𑌅॒𑌗𑍍𑌨𑍇-𑌶𑍍𑌶𑌿॒𑌵𑌾𑌸𑍍𑌤॒𑌨𑍁𑌵𑌃॑ । 𑌤𑌾𑌭𑌿॑𑌰𑍇॒𑌵𑍈𑌨॒𑌗𑍍𑌂॒ 𑌸𑌮॑𑌰𑍍𑌧𑌯𑌤𑌿 ॥ 𑌯𑌾𑌸𑍍𑌤𑍇॑ 𑌅𑌗𑍍𑌨𑍇 𑌘𑍋॒𑌰𑌾𑌸𑍍𑌤॒𑌨𑍁𑌵॒ 𑌸𑍍𑌤𑌾𑌭𑌿॑𑌰॒𑌮𑍁-𑌙𑍍𑌗॒𑌚𑍍𑌛𑍇𑌤𑌿॑ 𑌬𑍍𑌰𑍂𑌯𑌾॒𑌦𑍍𑌯-𑌨𑍍𑌦𑍍𑌵𑌿॒𑌷𑍍𑌯𑌾𑌤𑍍 । 𑌤𑌾𑌭𑌿॑𑌰𑍇॒𑌵𑍈𑌨॒-𑌮𑍍𑌪𑌰𑌾॑𑌭𑌾𑌵𑌯𑌤𑌿 ॥ 64 ॥

(𑌲𑍋॒𑌕𑍋॑ - 𑌽𑌸𑍃𑌜𑌤𑍈𑌨॒ - 𑌮𑌾𑌧॑𑌤𑍍𑌤𑍇 - 𑌽𑌨𑍍𑌵𑌾𑌹𑌾𑌰𑍍𑌯॒𑌪𑌚॑𑌨𑌂 - 𑌦𑍇॒𑌵𑌾𑌨𑌾॒𑌮𑌨𑍍𑌨॑ - 𑌮𑍇𑌨॒-𑌮𑍍𑌪𑍍𑌰𑌤𑌿॑𑌷𑍍𑌠𑌿𑌤॒𑌮𑌾𑌧॑𑌤𑍍𑌤𑍇॒ 𑌪𑌞𑍍𑌚॑ 𑌚) (𑌅. 8)

𑌅𑌨𑍁𑌵𑌾𑌕𑌂 9 - 𑌬𑍍𑌰𑌹𑍍𑌮𑍗𑌦𑌨𑌮𑍍

𑌶॒𑌮𑍀॒𑌗॒𑌰𑍍𑌭𑌾𑌦॒𑌗𑍍𑌨𑌿-𑌮𑍍𑌮॑𑌨𑍍𑌥𑌤𑌿 । 𑌏॒𑌷𑌾 𑌵𑌾 𑌅॒𑌗𑍍𑌨𑍇-𑌰𑍍𑌯॒𑌜𑍍𑌞𑌿𑌯𑌾॑ 𑌤॒𑌨𑍂𑌃 । 𑌤𑌾𑌮𑍇॒𑌵𑌾𑌸𑍍𑌮𑍈॑ 𑌜𑌨𑌯𑌤𑌿 ॥ 𑌅𑌦𑌿॑𑌤𑌿𑌃 𑌪𑍁॒𑌤𑍍𑌰𑌕𑌾॑𑌮𑌾 । 𑌸𑌾॒𑌦𑍍𑌧𑍍𑌯𑍇𑌭𑍍𑌯𑍋॑ 𑌦𑍇॒𑌵𑍇𑌭𑍍𑌯𑍋᳚ 𑌬𑍍𑌰𑌹𑍍𑌮𑍗𑌦॒𑌨-𑌮॑𑌪𑌚𑌤𑍍 । 𑌤𑌸𑍍𑌯𑌾॑ 𑌉॒𑌚𑍍𑌛𑍇𑌷॑𑌣-𑌮𑌦𑌦𑍁𑌃 । 𑌤-𑌤𑍍𑌪𑍍𑌰𑌾𑌶𑍍𑌞𑌾᳚𑌤𑍍 । 𑌸𑌾 𑌰𑍇𑌤𑍋॑-𑌽𑌧𑌤𑍍𑌤 । 𑌤𑌸𑍍𑌯𑍈॑ 𑌧𑌾॒𑌤𑌾 𑌚𑌾᳚𑌰𑍍𑌯॒𑌮𑌾 𑌚𑌾॑𑌜𑌾𑌯𑍇𑌤𑌾𑌮𑍍 । 𑌸𑌾 𑌦𑍍𑌵𑌿॒𑌤𑍀𑌯॑-𑌮𑌪𑌚𑌤𑍍 ॥ 65 ॥

𑌤𑌸𑍍𑌯𑌾॑ 𑌉॒𑌚𑍍𑌛𑍇𑌷॑𑌣-𑌮𑌦𑌦𑍁𑌃 । 𑌤-𑌤𑍍𑌪𑍍𑌰𑌾𑌶𑍍𑌞𑌾᳚𑌤𑍍 । 𑌸𑌾 𑌰𑍇𑌤𑍋॑-𑌽𑌧𑌤𑍍𑌤 । 𑌤𑌸𑍍𑌯𑍈॑ 𑌮𑌿॒𑌤𑍍𑌰𑌶𑍍𑌚॒ 𑌵𑌰𑍁॑𑌣𑌶𑍍𑌚𑌾𑌜𑌾𑌯𑍇𑌤𑌾𑌮𑍍 । 𑌸𑌾 𑌤𑍃॒𑌤𑍀𑌯॑-𑌮𑌪𑌚𑌤𑍍 । 𑌤𑌸𑍍𑌯𑌾॑ 𑌉॒𑌚𑍍𑌛𑍇𑌷॑𑌣-𑌮𑌦𑌦𑍁𑌃 । 𑌤-𑌤𑍍𑌪𑍍𑌰𑌾𑌶𑍍𑌞𑌾᳚𑌤𑍍 । 𑌸𑌾 𑌰𑍇𑌤𑍋॑-𑌽𑌧𑌤𑍍𑌤 । 𑌤𑌸𑍍𑌯𑌾॒ 𑌅𑌗𑍍𑌂𑌶॑𑌶𑍍𑌚॒ 𑌭𑌗॑𑌶𑍍𑌚𑌾𑌜𑌾𑌯𑍇𑌤𑌾𑌮𑍍 । 𑌸𑌾 𑌚॑𑌤𑍁॒𑌰𑍍𑌥-𑌮॑𑌪𑌚𑌤𑍍 ॥ 66 ॥

𑌤𑌸𑍍𑌯𑌾॑ 𑌉॒𑌚𑍍𑌛𑍇𑌷॑𑌣-𑌮𑌦𑌦𑍁𑌃 । 𑌤-𑌤𑍍𑌪𑍍𑌰𑌾𑌶𑍍𑌞𑌾᳚𑌤𑍍 । 𑌸𑌾 𑌰𑍇𑌤𑍋॑-𑌽𑌧𑌤𑍍𑌤 । 𑌤𑌸𑍍𑌯𑌾॒ 𑌇𑌨𑍍𑌦𑍍𑌰॑𑌶𑍍𑌚॒ 𑌵𑌿𑌵॑𑌸𑍍𑌵𑌾𑌗𑍍𑌶𑍍𑌚𑌾-𑌜𑌾𑌯𑍇𑌤𑌾𑌮𑍍 । 𑌬𑍍𑌰॒𑌹𑍍𑌮𑍗॒𑌦॒𑌨-𑌮𑍍𑌪॑𑌚𑌤𑌿 । 𑌰𑍇𑌤॑ 𑌏॒𑌵 𑌤-𑌦𑍍𑌦॑𑌧𑌾𑌤𑌿 ॥ 𑌪𑍍𑌰𑌾𑌶𑍍𑌞॑𑌨𑍍𑌤𑌿 𑌬𑍍𑌰𑌾𑌹𑍍𑌮॒𑌣𑌾 𑌓॑𑌦॒𑌨𑌮𑍍 ॥ 𑌯𑌦𑌾𑌜𑍍𑌯॑-𑌮𑍁॒𑌚𑍍𑌛𑌿𑌷𑍍𑌯॑𑌤𑍇 । 𑌤𑍇𑌨॑ 𑌸॒𑌮𑌿𑌧𑍋॒-𑌽𑌭𑍍𑌯𑌜𑍍𑌯𑌾𑌦॑𑌧𑌾𑌤𑌿 । 𑌉॒𑌚𑍍𑌛𑍇𑌷॑𑌣𑌾॒𑌦𑍍𑌵𑌾 𑌅𑌦𑌿॑𑌤𑍀॒ 𑌰𑍇𑌤𑍋॑-𑌽𑌧𑌤𑍍𑌤 ॥ 67 ॥

𑌉॒𑌚𑍍𑌛𑍇𑌷॑𑌣𑌾𑌦𑍇॒𑌵 𑌤-𑌦𑍍𑌰𑍇𑌤𑍋॑ 𑌧𑌤𑍍𑌤𑍇 ॥ 𑌅𑌸𑍍𑌥𑌿॒ 𑌵𑌾 𑌏॒𑌤𑌤𑍍 । 𑌯-𑌥𑍍𑌸॒𑌮𑌿𑌧𑌃॑ । 𑌏॒𑌤-𑌦𑍍𑌰𑍇𑌤𑌃॑ । 𑌯𑌦𑌾𑌜𑍍𑌯᳚𑌮𑍍 । 𑌯𑌦𑌾𑌜𑍍𑌯𑍇॑𑌨 𑌸॒𑌮𑌿𑌧𑍋॒-𑌽𑌭𑍍𑌯𑌜𑍍𑌯𑌾॒𑌦𑌧𑌾॑𑌤𑌿 । 𑌅𑌸𑍍𑌥𑍍𑌯𑍇॒𑌵 𑌤-𑌦𑍍𑌰𑍇𑌤॑𑌸𑌿 𑌦𑌧𑌾𑌤𑌿 ॥ 𑌤𑌿॒𑌸𑍍𑌰 𑌆𑌦॑𑌧𑌾𑌤𑌿 𑌮𑌿𑌥𑍁𑌨॒𑌤𑍍𑌵𑌾𑌯॑ ॥ 𑌇𑌯॑𑌤𑍀-𑌰𑍍𑌭𑌵𑌨𑍍𑌤𑌿 । 𑌪𑍍𑌰॒𑌜𑌾𑌪॑𑌤𑌿𑌨𑌾 𑌯𑌜𑍍𑌞𑌮𑍁॒𑌖𑍇𑌨॒ 𑌸𑌮𑍍𑌮𑌿॑𑌤𑌾𑌃 ॥ 68 ॥

𑌇𑌯॑𑌤𑍀-𑌰𑍍𑌭𑌵𑌨𑍍𑌤𑌿 । 𑌯॒𑌜𑍍𑌞॒𑌪॒𑌰𑍁𑌷𑌾॒ 𑌸𑌮𑍍𑌮𑌿॑𑌤𑌾𑌃 । 𑌇𑌯॑𑌤𑍀-𑌰𑍍𑌭𑌵𑌨𑍍𑌤𑌿 । 𑌏॒𑌤𑌾𑌵॒𑌦𑍍𑌵𑍈 𑌪𑍁𑌰𑍁॑𑌷𑍇 𑌵𑍀॒𑌰𑍍𑌯᳚𑌮𑍍 । 𑌵𑍀॒𑌰𑍍𑌯॑ 𑌸𑌮𑍍𑌮𑌿𑌤𑌾𑌃 ॥ 𑌆॒𑌰𑍍𑌦𑍍𑌰𑌾 𑌭॑𑌵𑌨𑍍𑌤𑌿 । 𑌆॒𑌰𑍍𑌦𑍍𑌰𑌮𑌿॑𑌵॒ 𑌹𑌿 𑌰𑍇𑌤𑌃॑ 𑌸𑌿॒𑌚𑍍𑌯𑌤𑍇᳚ ॥ 𑌚𑌿𑌤𑍍𑌰𑌿॑𑌯𑌸𑍍𑌯𑌾𑌶𑍍𑌵॒𑌤𑍍𑌥𑌸𑍍𑌯𑌾𑌦॑𑌧𑌾𑌤𑌿 । 𑌚𑌿॒𑌤𑍍𑌰𑌮𑍇॒𑌵 𑌭॑𑌵𑌤𑌿 ॥ 𑌘𑍃॒𑌤𑌵॑𑌤𑍀𑌭𑌿॒-𑌰𑌾𑌦॑𑌧𑌾𑌤𑌿 ॥ 69 ॥

𑌏॒𑌤𑌦𑍍𑌵𑌾 𑌅॒𑌗𑍍𑌨𑍇𑌃 𑌪𑍍𑌰𑌿॒𑌯-𑌨𑍍𑌧𑌾𑌮॑ । 𑌯-𑌦𑍍𑌘𑍃॒𑌤𑌮𑍍 । 𑌪𑍍𑌰𑌿॒𑌯𑍇𑌣𑍈॒𑌵𑍈𑌨॒-𑌨𑍍𑌧𑌾𑌮𑍍𑌨𑌾॒ 𑌸𑌮॑𑌰𑍍𑌧𑌯𑌤𑌿 । 𑌅𑌥𑍋॒ 𑌤𑍇𑌜॑𑌸𑌾 ॥ 𑌗𑌾॒𑌯॒𑌤𑍍𑌰𑍀𑌭𑌿॑-𑌰𑍍𑌬𑍍𑌰𑌾𑌹𑍍𑌮॒𑌣𑌸𑍍𑌯𑌾𑌦॑𑌦𑍍𑌧𑍍𑌯𑌾𑌤𑍍 । 𑌗𑌾॒𑌯॒𑌤𑍍𑌰𑌛॑𑌨𑍍𑌦𑌾॒ 𑌵𑍈 𑌬𑍍𑌰𑌾᳚𑌹𑍍𑌮॒𑌣𑌃 । 𑌸𑍍𑌵𑌸𑍍𑌯॒ 𑌛𑌨𑍍𑌦॑𑌸𑌃 𑌪𑍍𑌰𑌤𑍍𑌯𑌯𑌨॒𑌸𑍍𑌤𑍍𑌵𑌾𑌯॑ । 𑌤𑍍𑌰𑌿॒𑌷𑍍𑌟𑍁𑌗𑍍𑌭𑍀॑-𑌰𑌾𑌜॒𑌨𑍍𑌯॑𑌸𑍍𑌯 । 𑌤𑍍𑌰𑌿॒𑌷𑍍𑌟𑍁-𑌪𑍍𑌛॑𑌨𑍍𑌦𑌾॒ 𑌵𑍈 𑌰𑌾॑𑌜॒𑌨𑍍𑌯𑌃॑ । 𑌸𑍍𑌵𑌸𑍍𑌯॒ 𑌛𑌨𑍍𑌦॑𑌸𑌃 𑌪𑍍𑌰𑌤𑍍𑌯𑌯𑌨॒𑌸𑍍𑌤𑍍𑌵𑌾𑌯॑ ॥ 70 ॥

𑌜𑌗॑𑌤𑍀𑌭𑌿॒-𑌰𑍍𑌵𑍈𑌶𑍍𑌯॑𑌸𑍍𑌯 । 𑌜𑌗॑𑌤𑍀 𑌛𑌨𑍍𑌦𑌾॒ 𑌵𑍈 𑌵𑍈𑌶𑍍𑌯𑌃॑ । 𑌸𑍍𑌵𑌸𑍍𑌯॒ 𑌛𑌨𑍍𑌦॑𑌸𑌃 𑌪𑍍𑌰𑌤𑍍𑌯𑌯𑌨॒𑌸𑍍𑌤𑍍𑌵𑌾𑌯॑ ॥ 𑌤𑌗𑍍𑌂 𑌸𑌂॑𑌵𑌁𑌥𑍍𑌸॒𑌰-𑌙𑍍𑌗𑍋॑𑌪𑌾𑌯𑍇𑌤𑍍 । 𑌸𑌂॒𑌵𑌁॒𑌥𑍍𑌸॒𑌰𑌗𑍍𑌂 𑌹𑌿 𑌰𑍇𑌤𑍋॑ 𑌹𑌿॒𑌤𑌂-𑌵𑌁𑌰𑍍𑌧॑𑌤𑍇 ॥ 𑌯-𑌦𑍍𑌯𑍇॑𑌨𑌗𑍍𑌂 𑌸𑌂𑌵𑌁𑌥𑍍𑌸॒𑌰𑍇 𑌨𑍋𑌪॒𑌨𑌮𑍇᳚𑌤𑍍 । 𑌸॒𑌮𑌿𑌧𑌃॒ 𑌪𑍁𑌨॒𑌰𑌾𑌦॑𑌦𑍍𑌧𑍍𑌯𑌾𑌤𑍍 । 𑌰𑍇𑌤॑ 𑌏॒𑌵 𑌤𑌦𑍍𑌧𑌿॒𑌤𑌂-𑌵𑌁𑌰𑍍𑌧॑𑌮𑌾𑌨𑌮𑍇𑌤𑌿 ॥ 𑌨 𑌮𑌾॒𑌗𑍍𑌂॒𑌸-𑌮॑𑌶𑍍𑌞𑍀𑌯𑌾𑌤𑍍 । 𑌨 𑌸𑍍𑌤𑍍𑌰𑌿𑌯॒𑌮𑍁𑌪𑍇॑𑌯𑌾𑌤𑍍 ॥ 71 ॥

𑌯-𑌨𑍍𑌮𑌾॒𑌗𑍍𑌂॒𑌸-𑌮॑𑌶𑍍𑌞𑍀॒𑌯𑌾𑌤𑍍 । 𑌯𑌥𑍍𑌸𑍍𑌤𑍍𑌰𑌿𑌯॑-𑌮𑍁𑌪𑍇॒𑌯𑌾𑌤𑍍 । 𑌨𑌿𑌰𑍍𑌵𑍀᳚𑌰𑍍𑌯-𑌸𑍍𑌸𑍍𑌯𑌾𑌤𑍍 । 𑌨𑍈𑌨॑𑌮॒𑌗𑍍𑌨𑌿-𑌰𑍁𑌪॑𑌨𑌮𑍇𑌤𑍍 ॥ 𑌶𑍍𑌵 𑌆॑𑌧𑌾॒𑌸𑍍𑌯𑌮𑌾॑𑌨𑍋 𑌬𑍍𑌰𑌹𑍍𑌮𑍗𑌦॒𑌨-𑌮𑍍𑌪॑𑌚𑌤𑌿 । 𑌆॒𑌦𑌿॒𑌤𑍍𑌯𑌾 𑌵𑌾 𑌇॒𑌤 𑌉॑𑌤𑍍𑌤॒𑌮𑌾-𑌸𑍍𑌸𑍁॑𑌵॒𑌰𑍍𑌗𑌂-𑌲𑍋𑌁॒𑌕𑌮𑌾॑𑌯𑌨𑍍𑌨𑍍 । 𑌤𑍇 𑌵𑌾 𑌇॒𑌤𑍋 𑌯𑌨𑍍𑌤॒-𑌮𑍍𑌪𑍍𑌰𑌤𑌿॑𑌨𑍁𑌦𑌨𑍍𑌤𑍇 । 𑌏॒𑌤𑍇 𑌖𑌲𑍁॒ 𑌵𑌾𑌵𑌾𑌦𑌿॒𑌤𑍍𑌯𑌾𑌃 । 𑌯-𑌦𑍍𑌬𑍍𑌰𑌾᳚𑌹𑍍𑌮॒𑌣𑌾𑌃 । 𑌤𑍈𑌰𑍇॒𑌵 𑌸॒𑌤𑍍𑌵-𑌙𑍍𑌗॑𑌚𑍍𑌛𑌤𑌿 ॥ 72 ॥

𑌨𑍈𑌨॒-𑌮𑍍𑌪𑍍𑌰𑌤𑌿॑𑌨𑍁𑌦𑌨𑍍𑌤𑍇 ॥ 𑌬𑍍𑌰॒𑌹𑍍𑌮॒𑌵𑌾॒𑌦𑌿𑌨𑍋॑ 𑌵𑌦𑌨𑍍𑌤𑌿 । 𑌕𑍍𑌵𑌾॑ 𑌸𑌃 । 𑌅॒𑌗𑍍𑌨𑌿𑌃 𑌕𑌾॒𑌰𑍍𑌯𑌃॑ । 𑌯𑍋᳚-𑌽𑌸𑍍𑌮𑍈 𑌪𑍍𑌰॒𑌜𑌾-𑌮𑍍𑌪॒𑌶𑍂-𑌨𑍍𑌪𑍍𑌰॑𑌜॒𑌨𑌯॒𑌤𑍀𑌤𑌿॑ । 𑌶𑌲𑍍𑌕𑍈॒𑌸𑍍𑌤𑌾𑌗𑍍𑌂 𑌰𑌾𑌤𑍍𑌰𑌿॑𑌮॒𑌗𑍍𑌨𑌿-𑌮𑌿॑𑌨𑍍𑌧𑍀𑌤 । 𑌤𑌸𑍍𑌮𑌿॑-𑌨𑍍𑌨𑍁𑌪𑌵𑍍𑌯𑍁॒𑌷𑌮॒𑌰𑌣𑍀॒ 𑌨𑌿𑌷𑍍𑌟॑𑌪𑍇𑌤𑍍 । 𑌯𑌥॑𑌰𑍍𑌷॒𑌭𑌾𑌯॑ 𑌵𑌾𑌶𑌿॒𑌤𑌾 𑌨𑍍𑌯𑌾॑𑌵𑌿𑌚𑍍𑌛𑌾॒𑌯𑌤𑌿॑ । 𑌤𑌾॒𑌦𑍃𑌗𑍇॒𑌵 𑌤𑌤𑍍 ॥ 𑌅॒𑌪𑍋॒𑌦𑍂𑌹𑍍𑌯॒ 𑌭𑌸𑍍𑌮𑌾॒𑌗𑍍𑌨𑌿-𑌮𑍍𑌮॑𑌨𑍍𑌥𑌤𑌿 ॥ 73 ॥

𑌸𑍈𑌵 𑌸𑌾-𑌽𑌗𑍍𑌨𑍇-𑌸𑍍𑌸𑌨𑍍𑌤॑𑌤𑌿𑌃 ॥ 𑌤-𑌮𑍍𑌮॑𑌥𑌿॒𑌤𑍍𑌵𑌾 𑌪𑍍𑌰𑌾𑌞𑍍𑌚॒𑌮𑍁𑌦𑍍𑌧॑𑌰𑌤𑌿 । 𑌸𑌂॒𑌵𑌁॒𑌥𑍍𑌸॒𑌰𑌮𑍇॒𑌵 𑌤-𑌦𑍍𑌰𑍇𑌤𑍋॑ 𑌹𑌿॒𑌤-𑌮𑍍𑌪𑍍𑌰𑌜॑𑌨𑌯𑌤𑌿 ॥ 𑌅𑌨𑌾॑𑌹𑌿𑌤॒-𑌸𑍍𑌤𑌸𑍍𑌯𑌾॒𑌗𑍍𑌨𑌿-𑌰𑌿𑌤𑍍𑌯𑌾॑𑌹𑍁𑌃 । 𑌯-𑌸𑍍𑌸॒𑌮𑌿𑌧𑍋-𑌽𑌨𑌾॑𑌧𑌾𑌯𑌾॒𑌗𑍍𑌨𑌿-𑌮𑌾॑𑌧॒𑌤𑍍𑌤 𑌇𑌤𑌿॑ । 𑌤𑌾-𑌸𑍍𑌸𑌂॑𑌵𑌁𑌥𑍍𑌸॒𑌰𑍇 𑌪𑍁॒𑌰𑌸𑍍𑌤𑌾॒-𑌦𑌾𑌦॑𑌦𑍍𑌧𑍍𑌯𑌾𑌤𑍍 । 𑌸𑌂॒𑌵𑌁॒𑌥𑍍𑌸॒𑌰𑌾𑌦𑍇॒𑌵𑍈𑌨॑-𑌮𑌵॒𑌰𑍁𑌦𑍍𑌧𑍍𑌯𑌾-𑌧॑𑌤𑍍𑌤𑍇 ॥ 𑌯𑌦𑌿॑ 𑌸𑌂𑌵𑌁𑌥𑍍𑌸॒𑌰𑍇 𑌽𑌨𑌾𑌦॒𑌦𑍍𑌧𑍍𑌯𑌾𑌤𑍍 । 𑌦𑍍𑌵𑌾॒𑌦॒𑌶𑍍𑌯𑌾᳚-𑌮𑍍𑌪𑍁॒𑌰𑌸𑍍𑌤𑌾॒-𑌦𑌾𑌦॑𑌦𑍍𑌧𑍍𑌯𑌾𑌤𑍍 । 𑌸𑌂॒𑌵𑌁॒𑌥𑍍𑌸॒𑌰 𑌪𑍍𑌰॑𑌤𑌿𑌮𑌾॒ 𑌵𑍈 𑌦𑍍𑌵𑌾𑌦॑𑌶॒ 𑌰𑌾𑌤𑍍𑌰॑𑌯𑌃 । 𑌸𑌂॒𑌵𑌁॒𑌥𑍍𑌸॒𑌰𑌮𑍇॒𑌵𑌾𑌸𑍍𑌯𑌾𑌹𑌿॑𑌤𑌾 𑌭𑌵𑌨𑍍𑌤𑌿 ॥ 𑌯𑌦𑌿॑ 𑌦𑍍𑌵𑌾𑌦॒𑌶𑍍𑌯𑌾᳚-𑌨𑍍𑌨𑌾𑌦॒𑌦𑍍𑌧𑍍𑌯𑌾𑌤𑍍 । 𑌤𑍍𑌰𑍍𑌯॒𑌹𑍇 𑌪𑍁॒𑌰𑌸𑍍𑌤𑌾॒𑌦𑌾𑌦॑𑌦𑍍𑌧𑍍𑌯𑌾𑌤𑍍 । 𑌆𑌹𑌿॑𑌤𑌾 𑌏॒𑌵𑌾𑌸𑍍𑌯॑ 𑌭𑌵𑌨𑍍𑌤𑌿 ॥ 74 ॥

(𑌦𑍍𑌵𑌿॒𑌤𑍀𑌯॑𑌮𑌪𑌚𑌚𑍍 - 𑌚𑌤𑍁॒𑌰𑍍𑌥𑌮॑𑌪𑌚॒ - 𑌦𑌦𑌿॑𑌤𑍀॒ 𑌰𑍇𑌤𑍋॑-𑌽𑌧𑌤𑍍𑌤॒ - 𑌸𑌮𑍍𑌮𑌿॑𑌤𑌾 -

𑌘𑍃॒𑌤𑌵॑𑌤𑍀𑌭𑌿॒𑌰𑌾𑌦॑𑌧𑌾𑌤𑌿 - 𑌰𑌾𑌜॒𑌨𑍍𑌯𑌃॑ 𑌸𑍍𑌵𑌸𑍍𑌯॒ 𑌛𑌨𑍍𑌦॑𑌸𑌃 𑌪𑍍𑌰𑌤𑍍𑌯𑌯𑌨॒𑌸𑍍𑌤𑍍𑌵𑌾 - 𑌯𑍇॑𑌯𑌾-𑌦𑍍- 𑌗𑌚𑍍𑌛𑌤𑌿 - 𑌮𑌨𑍍𑌥𑌤𑌿॒ - 𑌰𑌾𑌤𑍍𑌰॑𑌯 𑌶𑍍𑌚॒𑌤𑍍𑌵𑌾𑌰𑌿॑ 𑌚) (𑌅. 9)

𑌅𑌨𑍁𑌵𑌾𑌕𑌂 10 - 𑌪𑌞𑍍𑌚𑌾𑌗𑍍𑌨𑍍𑌯𑌾𑌧𑌾𑌨𑌮𑍍

𑌪𑍍𑌰॒𑌜𑌾𑌪॑𑌤𑌿𑌃 𑌪𑍍𑌰॒𑌜𑌾 𑌅॑𑌸𑍃𑌜𑌤 । 𑌸 𑌰𑌿॑𑌰𑌿𑌚𑌾॒𑌨𑍋॑-𑌽𑌮𑌨𑍍𑌯𑌤 । 𑌸 𑌤𑌪𑍋॑-𑌽𑌤𑌪𑍍𑌯𑌤 । 𑌸 𑌆॒𑌤𑍍𑌮𑌨𑍍 𑌵𑍀॒𑌰𑍍𑌯॑-𑌮𑌪𑌶𑍍𑌯𑌤𑍍 । 𑌤𑌦॑𑌵𑌰𑍍𑌧𑌤 । 𑌤𑌦॑𑌸𑍍𑌮𑌾॒-𑌥𑍍𑌸𑌹॑𑌸𑍋॒𑌰𑍍𑌧𑍍𑌵-𑌮॑𑌸𑍃𑌜𑍍𑌯𑌤 । 𑌸𑌾 𑌵𑌿॒𑌰𑌾𑌡॑𑌭𑌵𑌤𑍍 । 𑌤𑌾-𑌨𑍍𑌦𑍇॑𑌵𑌾𑌸𑍁॒𑌰𑌾 𑌵𑍍𑌯॑𑌗𑍃𑌹𑍍𑌣𑌤 । 𑌸𑍋᳚-𑌽𑌬𑍍𑌰𑌵𑍀-𑌤𑍍𑌪𑍍𑌰॒𑌜𑌾𑌪॑𑌤𑌿𑌃 । 𑌮𑌮॒ 𑌵𑌾 𑌏॒𑌷𑌾 ॥ 75 ॥

𑌦𑍋𑌹𑌾॑ 𑌏॒𑌵 𑌯𑍁॒𑌷𑍍𑌮𑌾𑌕॒𑌮𑌿𑌤𑌿॑ ॥ 𑌸𑌾 𑌤𑌤𑌃॒ 𑌪𑍍𑌰𑌾𑌚𑍍𑌯𑍁𑌦॑𑌕𑍍𑌰𑌾𑌮𑌤𑍍 । 𑌤-𑌤𑍍𑌪𑍍𑌰॒𑌜𑌾𑌪॑𑌤𑌿𑌃॒ 𑌪𑌰𑍍𑌯॑𑌗𑍃𑌹𑍍𑌣𑌾𑌤𑍍 । 𑌅𑌥॑𑌰𑍍𑌵 𑌪𑌿॒𑌤𑍁-𑌮𑍍𑌮𑍇॑ 𑌗𑍋𑌪𑌾॒𑌯𑍇𑌤𑌿॑ । 𑌸𑌾 𑌦𑍍𑌵𑌿॒𑌤𑍀𑌯॒-𑌮𑍁𑌦॑𑌕𑍍𑌰𑌾𑌮𑌤𑍍 । 𑌤-𑌤𑍍𑌪𑍍𑌰॒𑌜𑌾𑌪॑𑌤𑌿𑌃॒ 𑌪𑌰𑍍𑌯॑𑌗𑍃𑌹𑍍𑌣𑌾𑌤𑍍 । 𑌨𑌰𑍍𑌯॑ 𑌪𑍍𑌰॒𑌜𑌾-𑌮𑍍𑌮𑍇॑ 𑌗𑍋𑌪𑌾॒𑌯𑍇𑌤𑌿॑ । 𑌸𑌾 𑌤𑍃॒𑌤𑍀𑌯॒-𑌮𑍁𑌦॑𑌕𑍍𑌰𑌾𑌮𑌤𑍍 । 𑌤-𑌤𑍍𑌪𑍍𑌰॒𑌜𑌾𑌪॑𑌤𑌿𑌃॒ 𑌪𑌰𑍍𑌯॑𑌗𑍃𑌹𑍍𑌣𑌾𑌤𑍍 । 𑌶𑌗𑍍𑌗𑍍𑌸𑍍𑌯॑ 𑌪॒𑌶𑍂-𑌨𑍍𑌮𑍇॑ 𑌗𑍋𑌪𑌾॒𑌯𑍇𑌤𑌿॑ ॥ 76 ॥

𑌸𑌾 𑌚॑𑌤𑍁॒𑌰𑍍𑌥-𑌮𑍁𑌦॑𑌕𑍍𑌰𑌾𑌮𑌤𑍍 । 𑌤-𑌤𑍍𑌪𑍍𑌰॒𑌜𑌾𑌪॑𑌤𑌿𑌃॒ 𑌪𑌰𑍍𑌯॑𑌗𑍃𑌹𑍍𑌣𑌾𑌤𑍍 । 𑌸𑌪𑍍𑌰॑𑌥 𑌸॒𑌭𑌾-𑌮𑍍𑌮𑍇॑ 𑌗𑍋𑌪𑌾॒𑌯𑍇𑌤𑌿॑ । 𑌸𑌾 𑌪॑𑌞𑍍𑌚॒𑌮-𑌮𑍁𑌦॑𑌕𑍍𑌰𑌾𑌮𑌤𑍍 । 𑌤-𑌤𑍍𑌪𑍍𑌰॒𑌜𑌾𑌪॑𑌤𑌿𑌃॒ 𑌪𑌰𑍍𑌯॑𑌗𑍃𑌹𑍍𑌣𑌾𑌤𑍍 । 𑌅𑌹𑍇॑ 𑌬𑍁𑌦𑍍𑌧𑍍𑌨𑌿𑌯॒ 𑌮𑌨𑍍𑌤𑍍𑌰॑-𑌮𑍍𑌮𑍇 𑌗𑍋𑌪𑌾॒𑌯𑍇𑌤𑌿॑ । 𑌅॒𑌗𑍍𑌨𑍀𑌨𑍍 𑌵𑌾𑌵 𑌸𑌾 𑌤𑌾𑌨𑍍 𑌵𑍍𑌯॑𑌕𑍍𑌰𑌮𑌤 । 𑌤𑌾-𑌨𑍍𑌪𑍍𑌰॒𑌜𑌾𑌪॑𑌤𑌿𑌃॒ 𑌪𑌰𑍍𑌯॑𑌗𑍃𑌹𑍍𑌣𑌾𑌤𑍍 । 𑌅𑌥𑍋॑ 𑌪॒𑌙𑍍𑌕𑍍𑌤𑌿𑌮𑍇॒𑌵 ॥ 𑌪॒𑌙𑍍𑌕𑍍𑌤𑌿𑌰𑍍𑌵𑌾 𑌏॒𑌷𑌾 𑌬𑍍𑌰𑌾᳚𑌹𑍍𑌮॒𑌣𑍇 𑌪𑍍𑌰𑌵𑌿॑𑌷𑍍𑌟𑌾 ॥ 77 ॥

𑌤𑌾𑌮𑌾॒𑌤𑍍𑌮𑌨𑍋-𑌽𑌧𑌿॒ 𑌨𑌿𑌰𑍍𑌮𑌿॑𑌮𑍀𑌤𑍇 । 𑌯𑌦॒𑌗𑍍𑌨𑌿-𑌰𑌾॑𑌧𑍀॒𑌯𑌤𑍇᳚ । 𑌤𑌸𑍍𑌮𑌾॑-𑌦𑍇॒𑌤𑌾𑌵॑𑌨𑍍𑌤𑍋॒-𑌽𑌗𑍍𑌨𑌯॒ 𑌆𑌧𑍀॑𑌯𑌨𑍍𑌤𑍇 । 𑌪𑌾𑌙𑍍𑌕𑍍𑌤𑌂॒-𑌵𑌾𑌁 𑌇॒𑌦𑌗𑍍𑌂 𑌸𑌰𑍍𑌵᳚𑌮𑍍 । 𑌪𑌾𑌙𑍍𑌕𑍍𑌤𑍇॑𑌨𑍈॒𑌵 𑌪𑌾𑌙𑍍𑌕𑍍𑌤𑌗𑍍𑌗𑍍॑ 𑌸𑍍𑌪𑍃𑌣𑍋𑌤𑌿 ॥ 𑌅𑌥॑𑌰𑍍𑌵 𑌪𑌿॒𑌤𑍁-𑌮𑍍𑌮𑍇॑ 𑌗𑍋𑌪𑌾॒𑌯𑍇𑌤𑍍𑌯𑌾॑𑌹 । 𑌅𑌨𑍍𑌨॑𑌮𑍇॒𑌵𑍈 𑌤𑍇𑌨॑ 𑌸𑍍𑌪𑍃𑌣𑍋𑌤𑌿 । 𑌨𑌰𑍍𑌯॑ 𑌪𑍍𑌰॒𑌜𑌾-𑌮𑍍𑌮𑍇॑ 𑌗𑍋𑌪𑌾॒𑌯𑍇𑌤𑍍𑌯𑌾॑𑌹 । 𑌪𑍍𑌰॒𑌜𑌾𑌮𑍇॒𑌵𑍈𑌤𑍇𑌨॑ 𑌸𑍍𑌪𑍃𑌣𑍋𑌤𑌿 । 𑌶𑌗𑍍𑌗𑍍𑌸𑍍𑌯॑ 𑌪॒𑌶𑍂-𑌨𑍍𑌮𑍇॑ 𑌗𑍋𑌪𑌾॒𑌯𑍇𑌤𑍍𑌯𑌾॑𑌹 ॥ 78 ॥

𑌪॒𑌶𑍂𑌨𑍇॒𑌵𑍈𑌤𑍇𑌨॑ 𑌸𑍍𑌪𑍃𑌣𑍋𑌤𑌿 । 𑌸𑌪𑍍𑌰॑𑌥 𑌸॒𑌭𑌾-𑌮𑍍𑌮𑍇॑ 𑌗𑍋𑌪𑌾॒𑌯𑍇𑌤𑍍𑌯𑌾॑𑌹 । 𑌸॒𑌭𑌾𑌮𑍇॒𑌵𑍈𑌤𑍇𑌨𑍇𑌀᳚𑌨𑍍𑌦𑍍𑌰𑌿॒𑌯𑌗𑍍𑌗𑍍 𑌸𑍍𑌪𑍃॑𑌣𑍋𑌤𑌿 । 𑌅𑌹𑍇॑ 𑌬𑍁𑌦𑍍𑌧𑍍𑌨𑌿𑌯॒ 𑌮𑌨𑍍𑌤𑍍𑌰॑-𑌮𑍍𑌮𑍇 𑌗𑍋𑌪𑌾॒𑌯𑍇𑌤𑍍𑌯𑌾॑𑌹 । 𑌮𑌨𑍍𑌤𑍍𑌰॑𑌮𑍇॒𑌵𑍈 𑌤𑍇𑌨॒ 𑌶𑍍𑌰𑌿𑌯𑌗𑍍𑌗𑍍॑ 𑌸𑍍𑌪𑍃𑌣𑍋𑌤𑌿 ॥ 𑌯𑌦॑𑌨𑍍𑌵𑌾𑌹𑌾𑌰𑍍𑌯॒-𑌪𑌚॑𑌨𑍇-𑌽𑌨𑍍𑌵𑌾𑌹𑌾॒𑌰𑍍𑌯॑-𑌮𑍍𑌪𑌚॑𑌨𑍍𑌤𑌿 । 𑌤𑍇𑌨॒ 𑌸𑍋᳚-𑌽𑌸𑍍𑌯𑌾॒𑌭𑍀𑌷𑍍𑌟𑌃॑ 𑌪𑍍𑌰𑍀॒𑌤𑌃 । 𑌯-𑌦𑍍𑌗𑌾𑌰𑍍𑌹॑𑌪𑌤𑍍𑌯॒ 𑌆𑌜𑍍𑌯॑𑌮𑌧𑌿॒𑌶𑍍𑌰𑌯॑𑌨𑍍𑌤𑌿॒ 𑌸𑌮𑍍𑌪𑌤𑍍𑌨𑍀᳚𑌰𑍍𑌯𑌾॒𑌜𑌯॑𑌨𑍍𑌤𑌿 । 𑌤𑍇𑌨॒ 𑌸𑍋᳚-𑌽𑌸𑍍𑌯𑌾॒𑌭𑍀𑌷𑍍𑌟𑌃॑ 𑌪𑍍𑌰𑍀॒𑌤𑌃 । 𑌯𑌦𑌾॑𑌹𑌵॒𑌨𑍀𑌯𑍇॒ 𑌜𑍁𑌹𑍍𑌵॑𑌤𑌿 ॥ 79 ॥

𑌤𑍇𑌨॒ 𑌸𑍋᳚-𑌽𑌸𑍍𑌯𑌾॒𑌭𑍀𑌷𑍍𑌟𑌃॑ 𑌪𑍍𑌰𑍀॒𑌤𑌃 । 𑌯𑌥𑍍𑌸॒𑌭𑌾𑌯𑌾𑌂᳚-𑌵𑌿𑌁॒𑌜𑌯॑𑌨𑍍𑌤𑍇 । 𑌤𑍇𑌨॒ 𑌸𑍋᳚-𑌽𑌸𑍍𑌯𑌾॒𑌭𑍀𑌷𑍍𑌟𑌃॑ 𑌪𑍍𑌰𑍀॒𑌤𑌃 । 𑌯𑌦𑌾॑𑌵𑌸॒𑌥𑍇-𑌽𑌨𑍍𑌨॒𑌗𑍍𑌂॒ 𑌹𑌰॑𑌨𑍍𑌤𑌿 । 𑌤𑍇𑌨॒ 𑌸𑍋᳚-𑌽𑌸𑍍𑌯𑌾॒𑌭𑍀𑌷𑍍𑌟𑌃॑ 𑌪𑍍𑌰𑍀॒𑌤𑌃 । 𑌤𑌥𑌾᳚-𑌽𑌸𑍍𑌯॒ 𑌸𑌰𑍍𑌵𑍇᳚ 𑌪𑍍𑌰𑍀॒𑌤𑌾 𑌅॒𑌭𑍀𑌷𑍍𑌟𑌾॒ 𑌆𑌧𑍀॑𑌯𑌨𑍍𑌤𑍇 ॥ 𑌪𑍍𑌰॒𑌵॒𑌸॒𑌥-𑌮𑍇॒𑌷𑍍𑌯𑌨𑍍𑌨𑍇॒𑌵-𑌮𑍁𑌪॑𑌤𑌿𑌷𑍍𑌠𑍇॒-𑌤𑍈𑌕॑𑌮𑍇𑌕𑌮𑍍 । 𑌯𑌥𑌾᳚ 𑌬𑍍𑌰𑌾𑌹𑍍𑌮॒𑌣𑌾𑌯॑ 𑌗𑍃𑌹𑍇𑌵𑌾॒𑌸𑌿𑌨𑍇॑ 𑌪𑌰𑌿॒𑌦𑌾𑌯॑ 𑌗𑍃॒𑌹𑌾𑌨𑍇𑌤𑌿॑ । 𑌤𑌾॒𑌦𑍃𑌗𑍇॒𑌵 𑌤𑌤𑍍 ॥ 𑌪𑍁𑌨॑𑌰𑌾॒𑌗-𑌤𑍍𑌯𑍋𑌪॑𑌤𑌿𑌷𑍍𑌠𑌤𑍇 । 𑌸𑌾 𑌭𑌾॑𑌗𑍇𑌯𑌮𑍇॒𑌵𑍈𑌷𑌾॒-𑌨𑍍𑌤𑌤𑍍 । 𑌸𑌾 𑌤𑌤॑ 𑌊॒𑌰𑍍𑌧𑍍𑌵𑌾-𑌽𑌽𑌰𑍋॑𑌹𑌤𑍍 । 𑌸𑌾 𑌰𑍋॑𑌹𑌿॒𑌣𑍍𑌯॑𑌭𑌵𑌤𑍍 । 𑌤-𑌦𑍍𑌰𑍋॑𑌹𑌿॒𑌣𑍍𑌯𑍈 𑌰𑍋॑𑌹𑌿𑌣𑌿॒𑌤𑍍𑌵𑌮𑍍 । 𑌰𑍋॒𑌹𑌿॒𑌣𑍍𑌯𑌾-𑌮॒𑌗𑍍𑌨𑌿-𑌮𑌾𑌦॑𑌧𑍀𑌤 । 𑌸𑍍𑌵 𑌏॒𑌵𑍈𑌨𑌂॒-𑌯𑍋𑌁𑌨𑍗॒ 𑌪𑍍𑌰𑌤𑌿॑𑌷𑍍𑌠𑌿𑌤॒-𑌮𑌾𑌧॑𑌤𑍍𑌤𑍇 । 𑌋॒𑌦𑍍𑌧𑍍𑌨𑍋𑌤𑍍𑌯𑍇॑𑌨𑍇𑌨 ॥ 80 ॥

(𑌏॒𑌷𑌾 - 𑌪॒𑌶𑍂𑌨𑍍𑌮𑍇॑ 𑌗𑍋𑌪𑌾॒𑌯𑍇𑌤𑌿॒ - 𑌪𑍍𑌰𑌵𑌿॑𑌷𑍍𑌟𑌾 -

𑌪॒𑌶𑍂𑌨𑍍𑌮𑍇॑ 𑌗𑍋𑌪𑌾॒𑌯𑍇𑌤𑍍𑌯𑌾॑𑌹॒ - 𑌜𑍁𑌹𑍍𑌵॑𑌤𑌿 - 𑌤𑌿𑌷𑍍𑌠𑌤𑍇 𑌸॒𑌪𑍍𑌤 𑌚॑) (𑌅. 10)

(𑌬𑍍𑌰𑌹𑍍𑌮॒ 𑌸𑌨𑍍𑌧॑𑌤𑍍𑌤𑌂॒ - 𑌕𑍃𑌤𑍍𑌤𑌿॑𑌕𑌾॒ - 𑌸𑍂𑌦𑍍𑌧॑𑌨𑍍𑌤𑌿 - 𑌦𑍍𑌵𑌾𑌦॒𑌶𑌸𑍁॑ - 𑌪𑍍𑌰॒𑌜𑌾𑌪॑𑌤𑌿-𑌰𑍍𑌵𑌾॒𑌚𑍋 - 𑌦𑍇॑𑌵𑌾𑌸𑍁॒𑌰𑌾𑌸𑍍𑌤𑌦॒𑌗𑍍𑌨𑌿𑌰𑍍𑌨𑍋-𑌦𑍍- 𑌘॒𑌰𑍍𑌮-𑌶𑍍𑌶𑌿𑌰॑ - 𑌇॒𑌮𑍇 𑌵𑍈 - 𑌶॑𑌮𑍀𑌗॒𑌰𑍍𑌭𑌾𑌤𑍍 - 𑌪𑍍𑌰॒𑌜𑌾𑌪॑𑌤𑌿॒-𑌸𑍍𑌸 𑌰𑌿॑𑌰𑌿𑌚𑌾॒𑌨-𑌸𑍍𑌸𑌤𑌪॒-𑌸𑍍𑌸 𑌆॒𑌤𑍍𑌮𑌨𑍍 𑌵𑍀॒𑌰𑍍𑌯॑-𑌨𑍍𑌦𑌶॑ )

(𑌬𑍍𑌰𑌹𑍍𑌮॒ 𑌸𑌨𑍍𑌧॑𑌤𑍍𑌤𑌂॒ - 𑌤𑍗 𑌦𑌿॒𑌵𑍍𑌯𑌾 - 𑌵𑌥𑍋॑ 𑌶॒𑌤𑍍𑌵𑌾𑌂𑌯𑌁॒ - 𑌪𑍍𑌰𑌾𑌚𑍍𑌯𑍇॑𑌷𑌾𑌂॒ - 𑌁𑌯𑌦𑍁॒𑌪𑌰𑍍𑌯𑍁॑𑌪𑌰𑌿॒ - 𑌯-𑌥𑍍𑌸॒𑌦𑍍𑌯𑌃 - 𑌸𑍋-𑌽𑌶𑍍𑌵𑍋॒ 𑌵𑌾𑌰𑍋॑ 𑌭𑍂॒𑌤𑍍𑌵𑌾 - 𑌜𑌗॑𑌤𑍀𑌭𑌿॒ 𑌰𑌶𑍀॑𑌤𑌿𑌃)

(𑌬𑍍𑌰𑌹𑍍𑌮॒ 𑌸𑌨𑍍𑌧॑𑌤𑍍𑌤 - 𑌮𑍃॒𑌦𑍍𑌧𑍍𑌨𑍋𑌤𑍍𑌯𑍇॑𑌨𑍇𑌨)

॥ 𑌹𑌰𑌿𑌃॑ 𑌓𑌮𑍍 ॥

॥ 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌬𑍍𑌰𑌾𑌹𑍍𑌮𑌣𑍇 𑌪𑍍𑌰𑌥𑌮𑌾𑌷𑍍𑌟𑌕𑍇 𑌪𑍍𑌰𑌥𑌮𑌃 𑌪𑍍𑌰𑌪𑌾𑌠𑌕-𑌸𑍍𑌸𑌮𑌾𑌪𑍍𑌤𑌃 ॥

Roman (IAST) Transliteration

kṛṣṇa yajurvedīya taittirīya brāhmaṇe prathamāṣṭake prathamaḥ prapāṭhakaḥ - agnyādheyabrāhmaṇaṃ

o-nnamaḥ paramātmane, śrī mahāgaṇapataye namaḥ,

śrī gurubhyo namaḥ | ha॒riḥ॒ om ||

brahma॒ sandha̭tta॒-ntanmḙ jinvatam | kṣa॒tragṃ sandha̭tta॒-ntanmḙ jinvatam | iṣa॒gṃ॒ sandha̭tta॒-ntā-mmḙ jinvatam | ūrja॒gṃ॒ sandha̭tta॒-ntā-mmḙ jinvatam | ra॒yigṃ sandha̭tta॒-ntā-mmḙ jinvatam | puṣṭi॒gṃ॒ sandha̭tta॒-ntā-mmḙ jinvatam | pra॒jāgṃ sandha̭tta॒-ntā-mmḙ jinvatam | pa॒śū-nthsandha̭tta॒-ntānmḙ jinvatam || stu॒to̭-'si॒ jana̭dhāḥ | de॒vāstvā̭ śukra॒pāḥ praṇa̭yantu || 1 ||

su॒vīrāḥ᳚ pra॒jāḥ pra̭ja॒naya॒-nparī̭hi | śu॒kra-śśu॒kraśo̭ciṣā || stu॒to̭-'si॒ jana̭dhāḥ | de॒vāstvā̭ manthi॒pāḥ praṇa̭yantu || su॒pra॒jāḥ pra॒jāḥ pra̭ja॒naya॒-nparī̭hi | ma॒nthī ma॒nthiśo̭ciṣā ||sa॒ja॒ṅgmā॒nau di॒va ā pṛ̭thi॒vyā-''yuḥ̭ | sandha̭tta॒-ntanmḙ jinvatam | prā॒ṇagṃ sandha̭tta॒-nta-mmḙ jinvatam | a॒pā॒nagṃ sandha̭tta॒-nta-mmḙ jinvatam || 2 ||

vyā॒nagṃ sandha̭tta॒-nta-mmḙ jinvatam | cakṣu॒-ssandha̭tta॒-ntanmḙ jinvatam | śrotra॒gṃ॒ sandha̭tta॒-ntanmḙ jinvatam | mana॒-ssandha̭tta॒-ntanmḙ jinvatam | vāca॒gṃ॒ sandha̭tta॒-ntā-mmḙ jinvatam || āyuḥ̭ stha॒ āyṷrme dhattam | āyṷ-rya॒jñāya̭ dhattam | āyṷ-rya॒jñapa̭taye dhattam | prā॒ṇa-ssthaḥ̭ prā॒ṇa-mmḙ dhattam | prā॒ṇaṃ-ya~॒jñāya̭ dhattam || 3 ||

prā॒ṇaṃ-ya~॒jñapa̭taye dhattam | cakṣuḥ̭ stha॒ścakṣṷrme dhattam | cakṣṷ-rya॒jñāya̭ dhattam | cakṣṷ-rya॒jñapa̭taye dhattam | śrotragg̭ stha॒-śśrotra̭-mme dhattam | śrotraṃ̭-ya~॒jñāya̭ dhattam | śrotraṃ̭-ya~॒jñapa̭taye dhattam | tau dḙvau śukrāmanthinau |ka॒lpaya̭ta॒-ndaivī॒rviśaḥ̭ | ka॒lpaya̭ta॒-mmānṷṣīḥ || 4 ||

iṣa॒-mūrja̭ma॒smāsṷ dhattam | prā॒ṇā-npa॒śuṣṷ | pra॒jā-mmayi̭ ca॒ yaja̭māne ca || nira̭sta॒-śśaṇḍaḥ̭ | nira̭sto॒ markaḥ̭ || apa̭nuttau॒ śaṇḍā॒markaṷ sa॒hāmunā᳚ || śu॒krasya̭ sa॒mida̭si | ma॒nthinaḥ̭ sa॒mida̭si || sa pra̭tha॒ma-ssaṅkṛ̭ti-rvi॒śvaka̭rmā | sa pra̭tha॒mo mi॒tro varṷṇo a॒gniḥ | sa pra̭tha॒mo bṛha॒spati̭ściki॒tvān | tasmā॒ indrā̭ya su॒tamājṷhomi || 5 ||

(na॒ya॒ - ntva॒pā॒nagṃ sandha̭ttaṃ॒ ta-mmḙ jinvataṃ - prā॒ṇaṃ-ya~॒jñāya̭ dhattaṃ॒ - mānṷṣī--r a॒gni-rdve ca̭) (a. 1)

kṛtti̭kā-sva॒gni-māda̭dhīta | e॒tadvā a॒gne-rnakṣa̭tram | ya-tkṛtti̭kāḥ | svāyā̭me॒vaina̭-nde॒vatā̭yāmā॒dhāya̭ | bra॒hma॒va॒rca॒sī bha̭vati || mukhaṃ॒-vā~ e॒tannakṣa̭trāṇām | ya-tkṛtti̭kāḥ | yaḥ kṛtti̭kā-sva॒gni-mā̭dha॒tte | mukhya̭ e॒va bha̭vati || atho॒ khalṷ || 6 ||

a॒gni॒-na॒kṣa॒tramitya-pa̭cāyanti | gṛ॒hānaḥa॒ dāhṷko bhavati || pra॒jāpa̭tī rohi॒ṇyā-ma॒gni-ma̭sṛjata | ta-nde॒vā ro̭hi॒ṇyā-māda̭dhata | tato॒ vai te sarvā॒-nrohā̭narohann | ta-dro̭hi॒ṇyai ro̭hiṇi॒tvam | yo ro̭hi॒ṇyā-ma॒gnimā̭dha॒tte | ṛ॒dhnotye॒va | sarvā॒-nrohā᳚n-rohati || de॒vā vai bha॒drā-ssanto॒-'gni-mādhi̭thsanta || 7 ||

teṣā॒manā̭hito॒ 'gnirāsī᳚t | athai᳚bhyo vā॒maṃ-va~svapā᳚krāmat | te puna̭rvasvo॒rāda̭dhata | tato॒ vai tān vā॒maṃ-va~sū॒pāva̭rtata | yaḥ pu॒rā bha॒dra-ssampāpī̭yā॒-nthsyāt | sa puna̭rvasvo-ra॒gni-māda̭dhīta | puna̭re॒vainaṃ̭-vā~॒maṃ-va~sū॒pāva̭rtate | bha॒dro bha̭vati || yaḥ kā॒mayḙta॒ dāna̭kāmā me pra॒jā-ssyu॒riti̭ | sa pūrva̭yoḥ॒ phalgṷnyo-ra॒gni-māda̭dhīta || 8 ||

a॒rya॒mṇo vā e॒tannakṣa̭tram | yatpūrve॒ phalgṷnī | a॒rya॒meti॒ tamā̭hu॒ryo dadā̭ti | dāna̭kāmā asmai pra॒jā bha̭vanti || yaḥ kā॒mayḙta bha॒gī syā॒miti̭ | sa utta̭rayoḥ॒ phalgṷnyo-ra॒gnimāda̭dhīta | bhaga̭sya॒ vā e॒tannakṣa̭tram | yadutta̭re॒ phalgṷnī | bha॒gyḙva bha̭vati || kā॒la॒ka॒ñjā vai nāmāsṷrā āsann || 9 ||

te sṷva॒rgāya̭ lo॒kāyā॒gni-ma̭cinvata | purṷṣa॒ iṣṭa̭kā॒-mupā̭dadhā॒t-purṷṣa॒ iṣṭa̭kām | sa indro᳚ brāhma॒ṇo bruvā̭ṇa॒ iṣṭa̭kā॒mupā̭dhatta | e॒ṣā mḙ ci॒trā nāmeti̭ | te sṷva॒rgaṃ-lo~॒kamāprāro̭hann | sa indra॒ iṣṭa̭kā॒māvṛ̭hat | te-'vā̭kīryanta | yḙ-'vākī᳚ryanta | ta ūrṇā॒vabha̭yo-'bhavann | dvāvuda̭patatām || 10 ||

tau di॒vyau śvānā̭vabhavatām | yo bhrātṛ̭vyavā॒-nthsyāt | sa ci॒trāyā̭-ma॒gni-māda̭dhīta | a॒va॒kīryai॒va bhrātṛ̭vyān | ojo॒ bala̭mindri॒yaṃ-vī~॒rya̭mā॒tman-dha̭tte || va॒santā᳚ brāhma॒ṇo᳚ 'gnimāda̭dhīta | va॒sa॒nto vai brā᳚hma॒ṇasya॒rtuḥ | sva e॒vaina̭-mṛ॒tāvā॒dhāya̭ | bra॒hma॒va॒rca॒sī bha̭vati | mukhaṃ॒-vā~ e॒tadṛ̭tū॒nām || 11 ||

ya-dva̭sa॒ntaḥ | yo va॒santā॒-'gnimā̭dha॒tte | mukhya̭ e॒va bha̭vati | atho॒ yoni̭mantame॒vaina॒-mprajā̭ta॒mādha̭tte | grī॒ṣme rā̭ja॒nya̭ āda̭dhīta | grī॒ṣmo vai rā̭ja॒nya̭sya॒rtuḥ | sva e॒vaina̭mṛ॒tāvā॒dhāya̭ | i॒ndri॒yā॒vī bha̭vati | śa॒radi॒ vaiśya॒ āda̭dhīta | śa॒radvai vaiśya̭sya॒rtuḥ || 12 ||

sva e॒vaina̭mṛ॒tāvā॒dhāya̭ | pa॒śu॒mā-nbha̭vati || na pūrva̭yoḥ॒ phalgṷnyo-ra॒gnimāda̭dhīta | e॒ṣā vai ja̭gha॒nyā̭ rātriḥ̭ saṃva~thsa॒rasya̭ | yatpūrve॒ phalgṷnī | pṛ॒ṣṭi॒ta e॒va saṃ̭va~thsa॒rasyā॒-gnimā॒dhāya̭ | pāpī̭yān-bhavati | utta̭rayo॒rāda̭dhīta | e॒ṣā vai pra̭tha॒mā rātriḥ̭ saṃva~thsa॒rasya̭ | yadutta̭re॒ phalgṷnī | mu॒kha॒ta e॒va saṃ̭va~thsa॒rasyā॒-gnimā॒dhāya̭ | vasī̭yā-nbhavati || atho॒ khalṷ | ya॒daivainaṃ̭-ya~॒jña ṷpa॒name᳚t | athāda̭dhīta | saivāsyardhiḥ̭ || 13 ||

(khalvā̭ - dhithsanta॒ - phalgṷnyora॒gnimāda̭dhītā - san - napatatā - matū॒nāṃ - ~vaiśya̭sya॒rtu - rutta̭re॒ phalgṷnī॒ ṣaṭ ca̭) (a. 2)

uddha̭nti | yade॒vāsyā̭ ame॒ddhyam | tadapa̭ hanti || a॒po-'vo᳚kṣati॒ śāntyai᳚ || sika̭tā॒ niva̭pati | e॒tadvā a॒gne-rvai᳚śvāna॒rasya̭ rū॒pam | rū॒peṇai॒va vai᳚śvāna॒ramava̭-rundhe || ūṣā॒-nniva̭pati | puṣṭi॒rvā e॒ṣā pra॒jana̭nam | yadūṣāḥ᳚ || 14 ||

puṣṭyā̭me॒va pra॒jana̭ne॒ 'gnimādha̭tte | atho̭ sa॒ñjñāna̭ e॒va | sa॒-ñjñāna॒gg॒ hyḙta-tpa̭śū॒nām | yadūṣāḥ᳚ || dyāvā̭pṛthi॒vī sa॒hāstā᳚m | te vi̭ya॒tī a̭brūtām | astve॒va naṷ sa॒ha ya॒jñiya॒miti̭ | yada॒muṣyā̭ ya॒jñiya॒māsī᳚t | tada॒syā-ma̭dadhāt | ta ūṣā̭ abhavann || 15 ||

yada॒syā ya॒jñiya॒māsī᳚t | tada॒muṣyā̭-madadhāt | tada॒daśca॒ndrama̭si kṛ॒ṣṇam | ūṣā᳚nni॒vapa̭nna॒do ddhyā̭yet | dyāvā̭pṛthi॒vyore॒va ya॒jñiye॒-'gnimādha̭tte || a॒gnirde॒vebhyo॒ nilā̭yata | ā॒khū rū॒pa-ṅkṛ॒tvā | sa pṛ̭thi॒vī-mprāvi̭śat | sa ū॒tīḥ kṷrvā॒ṇaḥ pṛ̭thi॒vīmanu॒ sama̭carat | tadā̭khukarī॒ṣa-ma̭bhavat || 16 ||

yadā̭khukarī॒ṣagṃ sa̭bhāṃ॒ro bhava̭ti | yade॒vāsya॒ tatra॒ nya̭ktam | tade॒vāva̭rundhe || ūrjaṃ॒-vā~ e॒tagṃ rasa̭-mpṛthi॒vyā ṷpa॒dīkā॒ uddi̭hanti | ya-dva॒lmīka᳚m | ya-dva̭lmīkava॒pā sa̭bhāṃ॒ro bhava̭ti | ūrja̭me॒va rasa̭-mpṛthi॒vyā ava̭rundhe | atho॒ śrotra̭me॒va | śrotra॒gg॒ hyḙta-tpṛ̭thi॒vyāḥ | ya-dva॒lmīkaḥ̭ || 17 ||

aba̭dhiro bhavati | ya e॒vaṃ-ve~da̭ || pra॒jāpa̭tiḥ pra॒jā a̭sṛjata | tāsā॒manna॒-mupā᳚kṣīyata | tābhya॒-ssūda॒mupa॒ prābhi̭nat | tato॒ vai tāsā॒manna॒-nnākṣī̭yata | yasya॒ sūdaḥ̭ sambhā॒ro bhava̭ti | nāsya̭ gṛ॒he-'nna̭-ṅkṣīyate || āpo॒ vā i॒damagrḙ sali॒lamā̭sīt | tena̭ pra॒jāpa̭tiraśrāmyat || 18 ||

ka॒thami॒dagg syā॒diti̭ | so̭-'paśya-tpuṣkarapa॒rṇa-ntiṣṭha̭t | so̭-'manyata | asti॒ vai tat | yasmi̭-nni॒damadhi॒ tiṣṭha॒tīti̭ | sa va̭rā॒ho rū॒pa-ṅkṛ॒tvopa॒nya̭majjat | sa pṛ̭thi॒vīma॒dha ā᳚rcchat | tasyā̭ upa॒hatyoda̭majjat | ta-tpṷṣkarapa॒rṇe᳚ 'prathayat | yadapra̭thayat || 19 ||

ta-tpṛ̭thi॒vyai pṛ̭thivi॒tvam | abhū॒dvā i॒damiti̭ | tadbhūmyai̭ bhūmi॒tvam | tā-ndiśo-'nu॒ vāta॒-ssama̭vahat | tāgṃ śarka̭rābhiradṛgṃ hat | śaṃ-vai~ no̭-'bhū॒diti̭ | taccharka̭rāṇāgṃ śarkara॒tvam | ya-dva̭rā॒havi̭hatagṃ sambhā॒ro bhava̭ti | a॒syāme॒vā-cha̭mbaṭkārama॒gni-mādha̭tte | śarka̭rā bhavanti॒ dhṛtyai᳚ || 20 ||

atho̭ śa॒tvāṃya~̭ || sarḙtā a॒gnirā॒dheya॒ ityā̭huḥ | āpo॒ varṷṇasya॒ patna̭ya āsann | tā a॒gnira॒bhya̭ddhyāyat | tā-ssama̭bhavat | tasya॒ retaḥ॒ parā̭-'patat | taddhira̭ṇya-mabhavat | yaddhira̭ṇya-mu॒pāsya̭ti | sarḙtasame॒vāgni-mādha̭tte || purṷṣa॒ invai svā-dreta̭so bībhathsata॒ ityā̭huḥ || 21 ||

u॒tta॒ra॒ta upā᳚sya॒tya-bī̭bhathsāyai || ati॒ praya̭cchati | ārti̭me॒vāti॒ praya̭cchati || a॒gnirde॒vebhyo॒ nilā̭yata | aśvo̭ rū॒pa-ṅkṛ॒tvā | so᳚-'śva॒tthe saṃ̭va~thsa॒ra-ma̭tiṣṭhat | tada̭śva॒tthasyā᳚-śvattha॒tvam | yadāśva̭ttha-ssambhā॒ro bhava̭ti | yade॒vāsya॒ tatra॒ nya̭ktam | tade॒vāva̭-rundhe || 22 ||

de॒vā vā ūrjaṃ॒-vya~̭bhajanta | tata̭ udu॒mbara॒ uda̭tiṣṭhat | ūrgvā ṷdu॒mbaraḥ̭ | yadaudṷmbara-ssambhā॒ro bhava̭ti | ūrja̭me॒vāva̭-rundhe || tṛ॒tīya̭syāmi॒to di॒vi soma̭ āsīt | ta-ṅgā̭ya॒tryāha̭rat | tasya̭ pa॒rṇama̭cchidyata | tatpa॒rṇo̭ 'bhavat | ta-tpa॒rṇasya̭ parṇa॒tvam || 23 ||

yasya̭ parṇa॒mayaḥ̭ sambhā॒ro bhava̭ti | so॒ma॒pī॒thame॒vāva̭ rundhe || de॒vā vai brahma̭nnavadanta | ta-tpa॒rṇa upā̭śṛṇot | su॒śravā॒ vai nāma̭ | ya-tpa̭rṇa॒mayaḥ̭ sambhā॒ro bhava̭ti | bra॒hma॒va॒rca॒same॒vāva̭ rundhe || pra॒jāpa̭ti-ra॒gni-ma̭sṛjata | so̭-'bibhe॒tpra mā̭ dhakṣya॒tīti̭ | tagṃ śa॒myā̭-'śamayat || 24 ||

taccha॒myai̭ śami॒tvam | yaccha̭mī॒mayaḥ̭ sambhā॒ro bhava̭ti | śāntyā॒ apra̭dāhāya || a॒gne-ssṛ॒ṣṭasya̭ ya॒taḥ | vika̭ṅkata॒-mbhā ā᳚rcchat | ya-dvaika̭ṅkata-ssambhā॒ro bhava̭ti | bhā e॒vāva̭rundhe || sahṛ̭dayo॒ 'gnirā॒dheya॒ ityā̭huḥ | ma॒ruto॒-'dbhira॒gni-ma̭tamayann | tasya̭ tā॒ntasya॒ hṛda̭ya॒mācchi̭ndann | sā-'śani̭rabhavat | yada॒śani̭hatasya vṛ॒kṣasya̭ sambhā॒ro bhava̭ti |sahṛ̭daya-me॒vāgni-mādha̭tte || 25 ||

(ūṣā̭ - abhavan - nabhava-d- va॒lmīkro᳚ - 'śrāmya॒ - dapra̭thaya॒ - ddhṛtyai̭ - bībhathsata॒ ityā̭hu - rundhe - parṇa॒tva - ma̭śamayada - cchinda॒gg॒ strīṇi̭ ca) (a. 3)

dvā॒da॒śasṷ vikrā॒meṣva॒gnimāda̭dhīta | dvāda̭śa॒ māsā᳚-ssaṃva~thsa॒raḥ | saṃ॒va~॒thsa॒rā-de॒vaina̭-mava॒ruddhyā-dha̭tte || ya-ddvā̭da॒śasṷ vikrā॒me-ṣvā॒dadhī̭ta | pari̭mita॒mava̭rundhīta | cakṣṷ-rnimita॒ āda̭dhīta | iya॒-ddvāda̭śa vikrā॒mā(3) iti̭ | pari̭mita-ñcai॒vāpa̭rimita॒-ñcāva̭rundhe || anṛ̭taṃ॒-vai~ vā॒cā va̭dati | anṛ̭ta॒-mmana̭sā ddhyāyati || 26 ||

cakṣu॒-rvai sa॒tyam | adrā(3)gityā̭ha | ada̭rśa॒miti̭ | ta-thsa॒tyam | yaścakṣṷ-rnimite॒-'gni-mā̭dha॒tte | sa॒tya e॒vaina॒-mādha̭tte || tasmā॒dāhi̭tāgni॒rnānṛ̭taṃ-va~det | nāsya̭ brāhma॒ṇo-'nā᳚śvā-ngṛ॒he va̭set | sa॒tye hya̭syā॒gnirāhi̭taḥ || ā॒gne॒yī vai rātriḥ̭ || 27 ||

ā॒gne॒yāḥ pa॒śavaḥ̭ | ai॒ndramahaḥ̭ | nakta॒-ṅgārha̭patya॒-māda̭dhāti | pa॒śūne॒vāva̭-rundhe | divā̭-''hava॒nīya᳚m | i॒ndri॒yame॒vā-va̭rundhe || a॒rdhodi̭te॒ sūrya̭ āhava॒nīya॒-māda̭dhāti | e॒tasmi॒n vai lo॒ke pra॒jāpa̭tiḥ pra॒jā a̭sṛjata | pra॒jā e॒va ta-dyaja̭māna-ssṛjate | atho̭ bhū॒ta-ñcai॒va bha̭vi॒ṣyaccā-va̭rundhe || 28 ||

iḍā॒ vai mā̭na॒vī ya̭jñānūkā॒śinyā̭sīt | sā-'śṛ̭ṇot | asṷrā a॒gnimāda̭dhata॒ iti̭ | tada̭gacchat | ta ā̭hava॒nīya॒magra॒ āda̭dhata | atha॒ gārha̭patyam | athā᳚-nvāhārya॒-paca̭nam | sā 'bra̭vīt | pra॒tīcyḙṣā॒g॒ śrīra̭gāt | bha॒drā bhū॒tvā parā̭bhaviṣya॒ntīti̭ || 29 ||

yasyai॒va-ma॒gnirā̭dhī॒yate᳚ | pra॒tīcya̭sya॒ śrīrḙti | bha॒dro bhū॒tvā parā̭bhavati || sā-'śṛ̭ṇot | de॒vā a॒gni-māda̭dhata॒ iti̭ | tada̭gacchat | te᳚-'nvāhārya॒-paca̭na॒magra॒ āda̭dhata | atha॒ gārha̭patyam | athā̭hava॒nīya᳚m | sā-'bra̭vīt || 30 ||

prācyḙṣā॒g॒ śrīra̭gāt | bha॒drā bhū॒tvā sṷva॒rgaṃ-lo~॒kame᳚ṣyanti | pra॒jā-ntu na ve᳚thsyanta॒ iti̭ | yasyai॒vama॒gni-rā̭dhī॒yate᳚ | prācya̭sya॒ śrīrḙti | bha॒dro bhū॒tvā sṷva॒rgaṃ-lo~॒kamḙti | pra॒jā-ntu na vi̭ndate || sā-'bra̭vī॒diḍā॒ manu᳚m | tathā॒ vā a॒ha-ntavā॒gni-mādhā᳚syāmi | yathā॒ pra pra॒jayā̭ pa॒śubhi̭-rmithu॒nai-rja̭ni॒ṣyase᳚ || 31 ||

pratya॒smin ~lo॒ke sthā॒syasi̭ | a॒bhi sṷva॒rgaṃ-lo~॒ka-ñje॒ṣyasīti̭ | gārha̭patya॒magra॒ āda̭dhāt | gārha̭patyaṃ॒-vā~ anṷ pra॒jāḥ pa॒śavaḥ॒ prajā̭yante | gārha̭patyenai॒vāsmai᳚ pra॒jā-mpa॒śū-nprāja̭nayat | athā᳚-nvāhārya॒-paca̭nam | ti॒ryaṅṋ̇va॒ vā a॒yaṃ-lo~॒kaḥ | a॒sminne॒va tena̭ lo॒ke pratya̭tiṣṭhat | athā̭hava॒nīya᳚m | tenai॒va sṷva॒rgaṃ-lo~॒ka-ma॒bhya̭jayat || 32 ||

yasyai॒vama॒gni-rā̭dhī॒yate᳚ | pra pra॒jayā̭ pa॒śubhi̭-rmithu॒nai-rjā̭yate | pratya॒smin ~lo॒ke ti̭ṣṭhati | a॒bhi sṷva॒rgaṃ-lo~॒ka-ñja̭yati || yasya॒ vā aya̭thādevatama॒gni-rā̭dhī॒yate᳚ | ā de॒vatā᳚bhyo vṛścyate | pāpī̭yā-nbhavati | yasya̭ yathā deva॒tam | na de॒vatā᳚bhya॒ āvṛ̭ścyate | vasī̭yā-nbhavati || 33 ||

bhṛgṷ̄ṇā॒-ntvā-'ṅgi̭rasāṃ-vra~tapate vra॒tenā-da̭dhā॒mīti̭ bhṛgvaṅgi॒rasā॒māda̭ddhyāt | ā॒di॒tyānā᳚-ntvā de॒vānāṃ᳚-vra~tapate vra॒tenāda̭dhā॒mītya॒nyāsā॒-mbrāhma̭ṇīnā-mpra॒jānā᳚m | varṷṇasya tvā॒ rājño᳚ vratapate vra॒tenāda̭dhā॒mīti॒ rājñaḥ̭ | indra̭sya tvendri॒yeṇa̭ vratapate vra॒tenāda̭dhā॒mīti̭ rāja॒nya̭sya | mano᳚stvā grāma॒ṇyo᳚ vratapate vra॒tenāda̭dhā॒mīti॒ vaiśya̭sya | ṛ॒bhū॒ṇā-ntvā̭ de॒vānāṃ᳚-vra~tapate vra॒tenāda̭dhā॒mīti̭ rathakā॒rasya̭ | ya॒thā॒ de॒va॒tama॒gni-rādhī̭yate | na de॒vatā᳚bhya॒ ā vṛ̭ścyate | vasī̭yā-nbhavati || 34 ||

(dhyā॒ya॒ti॒ - vai rātri॒ - ścāva̭rundhe - bhaviṣya॒ntītya̭ - bravī - jjani॒ṣyasḙ - 'jaya॒-d- vasī̭yā-nbhavati॒ - nava̭ ca) (a. 4)

anuvākaṃ 5 - tatra pavamānahabīṃṣi

pra॒jāpa̭ti-rvā॒ca-ssa॒tya-ma̭paśyat | tenā॒gnimādha̭tta | tena॒ vai sa ā᳚rdhnot | bhūrbhuva॒-ssuva॒rityā̭ha | e॒tadvai vā॒ca-ssa॒tyam | ya e॒tenā॒gni-mā̭dha॒tte | ṛ॒ddhnotye॒va | atho̭ sa॒tyaprā̭śūre॒va bha̭vati | atho॒ ya e॒vaṃ-vi~॒dvāna̭bhi॒cara̭ti | stṛ॒ṇu॒ta e॒vaina᳚m || 35 ||

bhūrityā̭ha | pra॒jā e॒va ta-dyaja̭māna-ssṛjate | bhuva॒ ityā̭ha | a॒sminne॒va lo॒ke prati̭ tiṣṭhati | suva॒rityā̭ha | su॒va॒rga e॒va lo॒ke prati̭ tiṣṭhati || tri॒bhira॒kṣarai॒-rgārha̭patya॒-māda̭dhāti | traya̭ i॒me lo॒kāḥ | e॒ṣvḙvainaṃ̭-lo~॒keṣu॒ prati̭ṣṭhita॒-mādha̭tte | sarvaiḥ᳚ pa॒ñcabhi̭-rāhava॒nīya᳚m || 36 ||

su॒va॒rgāya॒ vā e॒ṣa lo॒kāyādhī̭yate | yadā̭hava॒nīyaḥ̭ | su॒va॒rga e॒vāsmai̭ lo॒ke vā॒ca-ssa॒tyagṃ sarva̭māpnoti || tri॒bhi-rgārha̭patya॒-māda̭dhāti | pa॒ñcabhi̭-rāhava॒nīya᳚m | a॒ṣṭau sampa̭dyante | a॒ṣṭākṣa̭rā gāya॒trī | gā॒ya॒tro᳚-'gniḥ | yāvā̭ne॒vāgniḥ | tamādha̭tte || 37 ||

pra॒jāpa̭tiḥ pra॒jā a̭sṛjata | tā a̭smā-thsṛ॒ṣṭāḥ parā̭cīrāyann | tābhyo॒ jyoti॒-ruda̭gṛhṇāt | ta-ñjyotiḥ॒ paśya̭ntīḥ pra॒jā a॒bhisa॒māva̭rtanta | u॒parī̭vā॒gni-mudgṛ̭hṇīyā-du॒ddharanṋ | jyoti̭re॒va paśya̭ntīḥ pra॒jā yaja̭māna-ma॒bhi-sa॒māva̭rtante || pra॒jāpa̭te॒rakṣya̭śvayat | ta-tparā̭-'patat | tadaśvo̭-'bhavat | tadaśva̭syā-śva॒tvam || 38 ||

e॒ṣa vai pra॒jāpa̭tiḥ | yada॒gniḥ | prā॒jā॒pa॒tyo-'śvaḥ̭ | yadaśva̭-mpu॒rastā॒nnaya̭ti | svame॒va cakṣuḥ॒ paśya̭-npra॒jāpa̭ti॒-ranūdḙti || va॒jrī vā e॒ṣaḥ | yadaśvaḥ̭ | yadaśva̭-mpu॒rastā॒nnaya̭ti | jā॒tāne॒va bhrātṛ̭vyā॒-npraṇṷdate || puna॒rāva̭rtayati || 39 ||

ja॒ni॒ṣyamā̭ṇāne॒va prati̭nudate || nyā̭hava॒nīyo॒ gārha̭patya-makāmayata | ni gārha̭patya āhava॒nīya᳚m | tau vi॒bhāja॒-nnāśa̭knot | sośvaḥ̭ pūrva॒vāḍ-bhū॒tvā | prāñca॒-mpūrva॒muda̭vahat | ta-tpū᳚rva॒vāhaḥ̭ pūrvavā॒ṭ-tvam | yadaśva̭-mpu॒rastā॒nnaya̭ti | vibha̭ktire॒vaina̭yo॒ssā | atho॒ nānā̭vīryāve॒vainaṷ kurute || 40 ||

yadu॒paryṷpari॒ śiro॒ hare᳚t | prā॒ṇān vicchi̭ndyāt | a॒dho̭-'dha॒-śśiro̭ harati | prā॒ṇānā᳚-ṅgopī॒thāya̭ || iya॒tyagrḙ harati | atheya॒tyatheya̭ti | traya̭ i॒me lo॒kāḥ | e॒ṣvḙvainaṃ̭-lo~॒keṣu॒ prati̭ṣṭhita॒mā-dha̭tte || pra॒jāpa̭ti-ra॒gni-ma̭sṛjata | so̭-'bibhe॒tpra mā̭ dhakṣya॒tīti̭ || 41 ||

tasya̭ tre॒dhā ma̭hi॒mānaṃ॒-vyau~̭hat | śāntyā॒ apra̭dāhāya | yat-tre॒dhā-'gni-rā̭dhī॒yate᳚ | ma॒hi॒māna̭me॒vāsya॒ ta-dvyṷ̄hati | śāntyā॒ apra̭dāhāya || puna॒rāva̭rtayati | ma॒hi॒māna̭me॒vāsya॒ sanda̭dhāti || pa॒śurvā e॒ṣaḥ | yadaśvaḥ̭ | e॒ṣa ru॒draḥ || 42 ||

yada॒gniḥ | yadaśva̭sya pa॒de᳚-'gni-mā̭da॒ddhyāt | ru॒drāya̭ pa॒śū-napi̭daddhyāt | a॒pa॒śu-ryaja̭māna-ssyāt | ya-nnākra॒maye᳚t | ana̭varuddhā asya pa॒śavaḥ̭ syuḥ | pā॒rśva॒ta ākra̭mayet | yathā ''hi̭tasyā॒gne-raṅgā̭rā abhyava॒vartḙrann | ava̭ruddhā asya pa॒śavo॒ bhava̭nti | na ru॒drāyāpi̭dadhāti || 43 ||

trīṇi̭ ha॒vīgṃṣi॒ nirva̭pati | vi॒rāja̭ e॒va vikrā᳚ntaṃ॒-ya~ja̭mā॒no-'nu॒ vikra̭mate || a॒gnaye॒ pava̭mānāya | a॒gnayḙ pāva॒kāya̭ | a॒gnaye॒ śuca̭ye | yada॒gnaye॒ pava̭mānāya ni॒rvapa̭ti | pu॒nātye॒vaina᳚m | yada॒gnayḙ pāva॒kāya̭ | pū॒ta e॒vāsmi̭-nna॒nnādya̭-ndadhāti | yada॒gnaye॒ śuca̭ye | bra॒hma॒va॒rca॒sa-me॒vāsmi̭-nnu॒pari̭ṣṭā-ddadhāti || 44 ||

(e॒na॒ - mā॒ha॒va॒nīyaṃ̭ - dhatte - 'śva॒tvaṃ - ~va̭rtayati - kuruta॒ - iti̭ -ru॒dro - da̭dhāti॒ - yada॒gnaye॒ śuca̭ya॒ eka̭-ñca) (a. 5)

anuvākaṃ 6 - pavamānahavirvistāraḥ, havirantarāṇi, dakṣiṇāśca

de॒vā॒su॒rā-ssaṃya~̭ttā āsann | te de॒vā vi̭ja॒ya-mṷpa॒yantaḥ̭ | a॒gnau vā॒maṃ-va~su॒ sa-nnya̭dadhata | i॒damṷ no bhaviṣyati | yadi̭ no je॒ṣyantīti̭ | tada॒gnirno-thsaha̭maśaknot | tat-tre॒dhā vinya̭dadhāt | pa॒śuṣu॒ tṛtī̭yam | a॒phsu tṛtī̭yam | ā॒di॒tye tṛtī̭yam || 45 ||

ta-dde॒vā vi॒jitya̭ | puna॒ravā̭ruruthsanta | te᳚-'gnaye॒ pava̭mānāya puro॒ḍāśa̭-ma॒ṣṭāka̭pāla॒-nnira̭vapann | pa॒śavo॒ vā a॒gniḥ pava̭mānaḥ | yade॒va pa॒śuṣvāsī᳚t | tat-tenāvā̭rundhata | te᳚-'gnayḙ pāva॒kāya̭ | āpo॒ vā a॒gniḥ pā̭va॒kaḥ | yade॒vāphsvāsī᳚t | tat-tenāvā̭rundhata || 46 ||

te᳚-'gnaye॒ śuca̭ye | a॒sau vā ā̭di॒tyo᳚-'gni-śśuciḥ̭ | yade॒vādi॒tya āsī᳚t | tat-tenāvā̭rundhata || bra॒hma॒vā॒dino̭ vadanti | ta॒nuvo॒ vāvaitā a̭gnyā॒dheya̭sya | ā॒gne॒yo vā a॒ṣṭāka̭pālo 'gnyā॒dheya॒miti̭ | yatta-nni॒rvape᳚t | naitāni̭ | yathā॒-''tmā syāt || 47 ||

nāṅgā̭ni | tā॒dṛge॒va tat | yade॒tāni̭ ni॒rvape᳚t | na tam | yathā-'ṅgā̭ni॒ syuḥ | nātmā | tā॒dṛge॒va tat | u॒bhayā̭ni sa॒hani॒rupyā̭ṇi | ya॒jñasya̭ sātma॒tvāya̭ || u॒bhayaṃ॒-vā~ e॒tasye᳚ndri॒yaṃ-vī~॒rya̭māpyate || 48 ||

yo᳚-'gnimā̭dha॒tte | ai॒ndrā॒gna-mekā̭daśakapāla॒- manu॒ nirva̭pet | ā॒di॒tya-ñca॒rum | i॒ndrā॒gnī vai de॒vānā॒-mayā̭tayāmānau | ye e॒va de॒vate॒ ayā̭tayāmnī | tābhyā̭me॒vāsmā̭ indri॒yaṃ-vī~॒rya̭mava̭- rundhe | ā॒di॒tyo bha̭vati | i॒yaṃ-vā~ adi̭tiḥ | a॒syāme॒va prati̭tiṣṭhati || dhe॒nvai vā e॒ta-dretaḥ̭ || 49 ||

yadājya᳚m | a॒na॒ḍuha̭staṇḍu॒lāḥ | mi॒thu॒name॒vāva̭-rundhe | ghṛ॒te bha̭vati | ya॒jñasyālū᳚kṣāntatvāya || ca॒tvāra̭ ārṣe॒yāḥ prāśña̭nti | di॒śāme॒va jyoti̭ṣi juhoti || pa॒śavo॒ vā e॒tāni̭ ha॒vīgṃṣi̭ | e॒ṣa ru॒draḥ | yada॒gniḥ || 50 ||

yathsa॒dya e॒tāni̭ ha॒vīgṃṣi̭ ni॒rvape᳚t | ru॒drāya̭ pa॒śūnapi̭ daddhyāt | a॒pa॒śu-ryaja̭māna-ssyāt | yannānṷni॒rvape᳚t | ana̭varuddhā asya pa॒śavaḥ̭ syuḥ | dvā॒da॒śasu॒ rātrī॒ṣvanu॒ nirva̭pet | saṃ॒va~॒thsa॒ra pra̭timā॒ vai dvāda̭śa॒ rātra̭yaḥ | saṃ॒va~॒thsa॒reṇai॒vāsmai̭ ru॒dragṃ śa̭mayi॒tvā | pa॒śūnava̭ rundhe || yadeka̭-mekame॒tāni̭ ha॒vīgṃṣi̭ ni॒rvape᳚t || 51 ||

yathā॒ trīṇyā॒vapa̭nāni pū॒raye᳚t | tā॒dṛktat | na pra॒jana̭na॒mucchigṃ̭ṣet | eka̭-nni॒rupya̭ | utta̭re॒ sama̭syet | tṛ॒tīya̭me॒vāsmai̭ lo॒kamucchigṃ̭ṣati pra॒jana̭nāya | ta-mpra॒jayā̭ pa॒śubhi॒ranu॒ prajā̭yate | atho̭ ya॒jñasyai॒vaiṣā-'bhikrā᳚ntiḥ || ra॒tha॒ca॒kra-mprava̭rtayati | ma॒nu॒ṣya॒ra॒thenai॒va dḙvara॒tha-mpra॒tyava̭rohati || 52 ||

bra॒hma॒vā॒dino̭ vadanti | ho॒ta॒vya̭-magniho॒trāṃ(3) naho̭ta॒vyā(3)miti̭ | ya-dyajṷṣā juhu॒yāt | aya̭thāpūrva॒māhṷtī juhuyāt | yanna jṷhu॒yāt | a॒gniḥ parā̭bhavet | tū॒ṣṇīme॒va ho̭ta॒vya᳚m | ya॒thā॒pū॒rva-māhṷtī ju॒hoti̭ | nāgniḥ parā̭bhavati || a॒gnīdhḙ dadāti || 53 ||

a॒gnimṷkhā-ne॒vartū-nprī̭ṇāti | u॒pa॒barha̭ṇa-ndadāti | rū॒pāṇā॒mava̭-ruddhyai | aśva̭-mbra॒hmaṇe᳚ | i॒ndri॒yame॒vāva̭-rundhe | dhe॒nugṃ hotre᳚ | ā॒śiṣa̭ e॒vāva̭rundhe | a॒na॒ḍvāha̭-maddhva॒ryave᳚ | vahni॒rvā a̭na॒ḍvān | vahni̭raddhva॒ryuḥ || 54 ||

vahni̭nai॒va vahni̭ ya॒jñasyāva̭-rundhe | mi॒thu॒nau gāvaṷ dadāti | mi॒thu॒nasyāva̭-ruddhyai | vāso̭ dadāti | sa॒rva॒ de॒va॒tyaṃ̭-vai~ vāsaḥ̭ | sarvā̭ e॒va de॒vatāḥ᳚ prīṇāti | ā dvā̭da॒śabhyo̭ dadāti | dvāda̭śa॒ māsā᳚-ssaṃva~thsa॒raḥ | saṃ॒va~॒thsa॒ra e॒va prati̭ tiṣṭhati | kāma̭mū॒rdhva-ndeya᳚m | apa̭rimita॒syāva̭-ruddhyai || 55 ||

(ā॒di॒tye tṛtī̭ya - ma॒phsvāsī॒-tta-ttenāvā̭rundhata॒ - syā - dā᳚pyate॒ - reto॒ - 'gni - reka̭meka me॒tāni̭ ha॒vigṃṣi̭ ni॒rvape᳚t - pra॒tyava̭rohati - dadātya - ddhva॒ryu--r deya॒ meka̭-ñca) (a. 6)

anuvākaṃ 7 - ādhānamantrāḥ

gha॒rma-śśira॒stada॒yama॒gniḥ | sa-mpri̭yaḥ pa॒śubhi̭-rbhuvat | cha॒rdisto॒kāya॒ tana̭yāya yaccha || vātaḥ̭ prā॒ṇastada॒yama॒gniḥ | sa-mpri̭yaḥ pa॒śubhi̭-rbhuvat | sva॒di॒ta-nto॒kāya॒ tana̭yāya pi॒tu-mpa̭ca || prācī॒manṷ pra॒diśa॒-mprehi̭ vi॒dvān | a॒gnera̭gne pu॒ro a̭gni-rbhave॒ha | viśvā॒ āśā॒ dīdyā̭no॒ vibhā̭hi | ūrja̭-nno dhehi dvi॒pade॒ catṷṣpade || 56 ||

a॒rkaścakṣu॒-stada॒sau sūrya॒stada॒yama॒gniḥ | sampri̭yaḥ pa॒śubhi̭-rbhuvat | ya-ttḙ śukra śu॒kraṃ-va~rcaḥ̭ śu॒krā ta॒nūḥ | śu॒kra-ñjyoti॒raja̭sram | tena̭ me dīdihi॒ tena॒ tvā-''da̭dhe | a॒gninā᳚-'gne॒ brahma̭ṇā || ā॒na॒śe vyā̭naśe॒ sarva॒māyu॒-rvyā̭naśe || ye tḙ agne śi॒ve ta॒nuvau᳚ | vi॒rāṭ ca̭ sva॒rāṭ ca̭ | te mā vi̭śatā॒-nte mā̭ jinvatām || 57 ||

ye tḙ agne śi॒ve ta॒nuvau᳚ | sa॒mrāṭ cā̭bhi॒bhūśca̭ | te mā vi̭śatā॒-nte mā̭ jinvatām | ye tḙ agne śi॒ve ta॒nuvau᳚ | vi॒bhūśca̭ pari॒bhūśca̭ | te mā vi̭śatā॒-nte mā̭ jinvatām | ye tḙ agne śi॒ve ta॒nuvau᳚ | pra॒bhvī ca॒ prabhṷ̄tiśca | te mā vi̭śatā॒-nte mā̭ jinvatām | yāstḙ agne śi॒vāsta॒nuvaḥ̭ | tābhi॒stvā ''da̭dhe || yāstḙ agne gho॒rāsta॒nuvaḥ̭ | tābhi̭ra॒mu-ṅga̭ccha || 58 ||

(catṷṣpade - jinvatāṃ - ta॒nuva॒ strīṇi̭ ca ) (a. 7)

anuvākaṃ 8 - etadbrāhmaṇaṃ

i॒me vā e॒te lo॒kā a॒gnayaḥ̭ | te yadavyā̭vṛttā ādhī॒yeranṋ | śo॒cayḙyu॒-ryaja̭mānam | gha॒rma-śśira॒ iti॒ gārha̭patya॒-māda̭dhāti | vātaḥ̭ prā॒ṇa itya̭nvāhārya॒-paca̭nam | a॒rka-ścakṣu॒rityā̭-hava॒nīya᳚m | tenai॒vainā॒n vyāva̭rtayati | tathā॒ na śo̭cayanti॒ yaja̭mānam || ra॒tha॒nta॒ra-ma॒bhigā̭yate॒ gārha̭patya ādhī॒yamā̭ne | rātha̭ntaro॒ vā a॒yaṃ-lo~॒kaḥ || 59 ||

a॒sminne॒vainaṃ̭-lo~॒ke prati̭ṣṭhita॒-mādha̭tte | vā॒ma॒de॒vya-ma॒bhigā̭yata uddhri॒yamā̭ṇe | a॒ntari̭kṣaṃ॒-vai~ vā̭made॒vyam | a॒ntari̭kṣa e॒vaina॒-mprati̭ṣṭhita॒-mādha̭tte | atho॒ śānti॒-rvai vā̭made॒vyam | śā॒ntame॒vaina̭-mpaśa॒vya̭muddha̭rate | bṛ॒hada॒bhigā̭yata āhava॒nīya̭ ādhī॒yamā̭ne | bārha̭to॒ vā a॒sau lo॒kaḥ | a॒muṣmi̭nne॒vainaṃ̭-lo~॒ke prati̭ṣṭhita॒-mādha̭tte || pra॒jāpa̭ti-ra॒gni-ma̭sṛjata || 60 ||

so-'śvo॒ vāro̭ bhū॒tvā parāṃ̭ait | taṃ-vā~̭rava॒ntīyḙnāvārayata |ta-dvā̭rava॒ntīya̭sya vāravantīya॒tvam | śyai॒tena̭ śye॒tī a̭kuruta |tacchyai॒tasya̭ śyaita॒tvam | ya-dvā̭rava॒ntīya̭-mabhi॒gāya̭te | vā॒ra॒yi॒tvaivaina॒-mprati̭ṣṭhita॒-mādha̭tte | śyai॒tena̭ śye॒tī kṷrute || gha॒rma-śśira॒ iti॒ gārha̭patya॒-māda̭dhāti | saśī̭rṣāṇa-me॒vaina॒-mādha̭tte || 61 ||

upai̭na॒mutta̭ro ya॒jño na̭mati || ru॒dro vā e॒ṣaḥ | yada॒gniḥ | sa ā̭dhī॒yamā̭na īśva॒ro yaja̭mānasya pa॒śūn higṃsi̭toḥ | sa-mpri̭yaḥ pa॒śubhi̭-rbhuva॒dityā̭ha | pa॒śubhi̭re॒vaina॒gṃ॒ sampri̭ya-ṅkaroti | pa॒śū॒nā-mahigṃ̭sāyai || cha॒rdisto॒kāya॒ tana̭yāya ya॒cchetyā̭ha |ā॒śiṣa̭me॒vaitā-māśā᳚ste || vātaḥ̭ prā॒ṇa itya̭nvāhārya॒-paca̭nam || 62 ||

saprā̭ṇa-me॒vaina॒-mādha̭tte || sva॒di॒ta-nto॒kāya॒ tana̭yāya pi॒tu-mpa॒cetyā̭ha | anna̭me॒vāsmai᳚ svadayati || prācī॒manṷ pra॒diśa॒-mprehi̭ vi॒dvānityā̭ha | vibha̭ktire॒vaina̭yo॒ssā | atho॒ nānā̭ vīryāve॒vainaṷ kurute || ūrja̭-nno dhehi dvi॒pade॒ catṷṣpada॒ ityā̭ha | ā॒śiṣa̭me॒vaitāmāśā᳚ste || a॒rka-ścakṣu॒rityā̭-hava॒nīya᳚m | a॒rko vai de॒vānā॒manna᳚m || 63 ||

anna̭me॒vāva̭ rundhe || tena̭ me dīdi॒hītyā̭ha | sami̭ndha e॒vaina᳚m || ā॒na॒śe vyā̭naśa॒ iti॒ trirudi̭ṅgayati | traya̭ i॒me lo॒kāḥ | e॒ṣvḙvainaṃ̭-lo~॒keṣu॒ prati̭ṣṭhita॒-mādha̭tte || tat-tathā॒ na kā॒rya᳚m | vīṅgi̭ta॒ma pra̭tiṣṭhita॒-māda̭dhīta | u॒ddhṛtyai॒-vādhāyā̭-bhi॒mantriyaḥ̭ | avī᳚ṅgita-me॒vaina॒-mprati̭ṣṭhita॒-mādha̭tte || vi॒rāṭ ca̭ sva॒rāṭ ca॒ yāstḙ agne śi॒vāsta॒nuva॒-stābhi॒stvā ''da̭dha॒ ityā̭ha | e॒tā vā a॒gne-śśi॒vāsta॒nuvaḥ̭ | tābhi̭re॒vaina॒gṃ॒ sama̭rdhayati || yāstḙ agne gho॒rāsta॒nuva॒ stābhi̭ra॒mu-ṅga॒ccheti̭ brūyā॒dya-ndvi॒ṣyāt | tābhi̭re॒vaina॒-mparā̭bhāvayati || 64 ||

(lo॒ko̭ - 'sṛjataina॒ - mādha̭tte - 'nvāhārya॒paca̭naṃ - de॒vānā॒manna̭ - mena॒-mprati̭ṣṭhita॒mādha̭tte॒ pañca̭ ca) (a. 8)

anuvākaṃ 9 - brahmaudanam

śa॒mī॒ga॒rbhāda॒gni-mma̭nthati | e॒ṣā vā a॒gne-rya॒jñiyā̭ ta॒nūḥ | tāme॒vāsmai̭ janayati || adi̭tiḥ pu॒trakā̭mā | sā॒ddhyebhyo̭ de॒vebhyo᳚ brahmauda॒na-ma̭pacat | tasyā̭ u॒ccheṣa̭ṇa-madaduḥ | ta-tprāśñā᳚t | sā reto̭-'dhatta | tasyai̭ dhā॒tā cā᳚rya॒mā cā̭jāyetām | sā dvi॒tīya̭-mapacat || 65 ||

tasyā̭ u॒ccheṣa̭ṇa-madaduḥ | ta-tprāśñā᳚t | sā reto̭-'dhatta | tasyai̭ mi॒traśca॒ varṷṇaścājāyetām | sā tṛ॒tīya̭-mapacat | tasyā̭ u॒ccheṣa̭ṇa-madaduḥ | ta-tprāśñā᳚t | sā reto̭-'dhatta | tasyā॒ agṃśa̭śca॒ bhaga̭ścājāyetām | sā ca̭tu॒rtha-ma̭pacat || 66 ||

tasyā̭ u॒ccheṣa̭ṇa-madaduḥ | ta-tprāśñā᳚t | sā reto̭-'dhatta | tasyā॒ indra̭śca॒ viva̭svāgścā-jāyetām | bra॒hmau॒da॒na-mpa̭cati | reta̭ e॒va ta-dda̭dhāti || prāśña̭nti brāhma॒ṇā o̭da॒nam || yadājya̭-mu॒cchiṣya̭te | tena̭ sa॒midho॒-'bhyajyāda̭dhāti | u॒ccheṣa̭ṇā॒dvā adi̭tī॒ reto̭-'dhatta || 67 ||

u॒ccheṣa̭ṇāde॒va ta-dreto̭ dhatte || asthi॒ vā e॒tat | ya-thsa॒midhaḥ̭ | e॒ta-dretaḥ̭ | yadājya᳚m | yadājyḙna sa॒midho॒-'bhyajyā॒dadhā̭ti | asthye॒va ta-dreta̭si dadhāti || ti॒sra āda̭dhāti mithuna॒tvāya̭ || iya̭tī-rbhavanti | pra॒jāpa̭tinā yajñamu॒khena॒ sammi̭tāḥ || 68 ||

iya̭tī-rbhavanti | ya॒jña॒pa॒ruṣā॒ sammi̭tāḥ | iya̭tī-rbhavanti | e॒tāva॒dvai purṷṣe vī॒rya᳚m | vī॒rya̭ sammitāḥ || ā॒rdrā bha̭vanti | ā॒rdrami̭va॒ hi retaḥ̭ si॒cyate᳚ || citri̭yasyāśva॒tthasyāda̭dhāti | ci॒trame॒va bha̭vati || ghṛ॒tava̭tībhi॒-rāda̭dhāti || 69 ||

e॒tadvā a॒gneḥ pri॒ya-ndhāma̭ | ya-dghṛ॒tam | pri॒yeṇai॒vaina॒-ndhāmnā॒ sama̭rdhayati | atho॒ teja̭sā || gā॒ya॒trībhi̭-rbrāhma॒ṇasyāda̭ddhyāt | gā॒ya॒tracha̭ndā॒ vai brā᳚hma॒ṇaḥ | svasya॒ chanda̭saḥ pratyayana॒stvāya̭ | tri॒ṣṭugbhī̭-rāja॒nya̭sya | tri॒ṣṭu-pcha̭ndā॒ vai rā̭ja॒nyaḥ̭ | svasya॒ chanda̭saḥ pratyayana॒stvāya̭ || 70 ||

jaga̭tībhi॒-rvaiśya̭sya | jaga̭tī chandā॒ vai vaiśyaḥ̭ | svasya॒ chanda̭saḥ pratyayana॒stvāya̭ || tagṃ saṃ̭va~thsa॒ra-ṅgo̭pāyet | saṃ॒va~॒thsa॒ragṃ hi reto̭ hi॒taṃ-va~rdha̭te || ya-dyḙnagṃ saṃva~thsa॒re nopa॒name᳚t | sa॒midhaḥ॒ puna॒rāda̭ddhyāt | reta̭ e॒va taddhi॒taṃ-va~rdha̭mānameti || na mā॒gṃ॒sa-ma̭śñīyāt | na striya॒mupḙyāt || 71 ||

ya-nmā॒gṃ॒sa-ma̭śñī॒yāt | yathstriya̭-mupe॒yāt | nirvī᳚rya-ssyāt | naina̭ma॒gni-rupa̭namet || śva ā̭dhā॒syamā̭no brahmauda॒na-mpa̭cati | ā॒di॒tyā vā i॒ta ṷtta॒mā-ssṷva॒rgaṃ-lo~॒kamā̭yann | te vā i॒to yanta॒-mprati̭nudante | e॒te khalu॒ vāvādi॒tyāḥ | ya-dbrā᳚hma॒ṇāḥ | taire॒va sa॒tva-ṅga̭cchati || 72 ||

naina॒-mprati̭nudante || bra॒hma॒vā॒dino̭ vadanti | kvā̭ saḥ | a॒gniḥ kā॒ryaḥ̭ | yo᳚-'smai pra॒jā-mpa॒śū-npra̭ja॒naya॒tīti̭ | śalkai॒stāgṃ rātri̭ma॒gni-mi̭ndhīta | tasmi̭-nnupavyu॒ṣama॒raṇī॒ niṣṭa̭pet | yatha̭rṣa॒bhāya̭ vāśi॒tā nyā̭vicchā॒yati̭ | tā॒dṛge॒va tat || a॒po॒dūhya॒ bhasmā॒gni-mma̭nthati || 73 ||

saiva sā-'gne-ssanta̭tiḥ || ta-mma̭thi॒tvā prāñca॒muddha̭rati | saṃ॒va~॒thsa॒rame॒va ta-dreto̭ hi॒ta-mpraja̭nayati || anā̭hita॒-stasyā॒gni-rityā̭huḥ | ya-ssa॒midho-'nā̭dhāyā॒gni-mā̭dha॒tta iti̭ | tā-ssaṃ̭va~thsa॒re pu॒rastā॒-dāda̭ddhyāt | saṃ॒va~॒thsa॒rāde॒vaina̭-mava॒ruddhyā-dha̭tte || yadi̭ saṃva~thsa॒re 'nāda॒ddhyāt | dvā॒da॒śyā᳚-mpu॒rastā॒-dāda̭ddhyāt | saṃ॒va~॒thsa॒ra pra̭timā॒ vai dvāda̭śa॒ rātra̭yaḥ | saṃ॒va~॒thsa॒rame॒vāsyāhi̭tā bhavanti || yadi̭ dvāda॒śyā᳚-nnāda॒ddhyāt | trya॒he pu॒rastā॒dāda̭ddhyāt | āhi̭tā e॒vāsya̭ bhavanti || 74 ||

(dvi॒tīya̭mapacac - catu॒rthama̭paca॒ - dadi̭tī॒ reto̭-'dhatta॒ - sammi̭tā -

ghṛ॒tava̭tībhi॒rāda̭dhāti - rāja॒nyaḥ̭ svasya॒ chanda̭saḥ pratyayana॒stvā - yḙyā-d- gacchati - manthati॒ - rātra̭ya śca॒tvāri̭ ca) (a. 9)

anuvākaṃ 10 - pañcāgnyādhānam

pra॒jāpa̭tiḥ pra॒jā a̭sṛjata | sa ri̭ricā॒no̭-'manyata | sa tapo̭-'tapyata | sa ā॒tman vī॒rya̭-mapaśyat | tada̭vardhata | tada̭smā॒-thsaha̭so॒rdhva-ma̭sṛjyata | sā vi॒rāḍa̭bhavat | tā-ndḙvāsu॒rā vya̭gṛhṇata | so᳚-'bravī-tpra॒jāpa̭tiḥ | mama॒ vā e॒ṣā || 75 ||

dohā̭ e॒va yu॒ṣmāka॒miti̭ || sā tataḥ॒ prācyuda̭krāmat | ta-tpra॒jāpa̭tiḥ॒ parya̭gṛhṇāt | atha̭rva pi॒tu-mmḙ gopā॒yeti̭ | sā dvi॒tīya॒-muda̭krāmat | ta-tpra॒jāpa̭tiḥ॒ parya̭gṛhṇāt | narya̭ pra॒jā-mmḙ gopā॒yeti̭ | sā tṛ॒tīya॒-muda̭krāmat | ta-tpra॒jāpa̭tiḥ॒ parya̭gṛhṇāt | śaggsya̭ pa॒śū-nmḙ gopā॒yeti̭ || 76 ||

sā ca̭tu॒rtha-muda̭krāmat | ta-tpra॒jāpa̭tiḥ॒ parya̭gṛhṇāt | sapra̭tha sa॒bhā-mmḙ gopā॒yeti̭ | sā pa̭ñca॒ma-muda̭krāmat | ta-tpra॒jāpa̭tiḥ॒ parya̭gṛhṇāt | ahḙ buddhniya॒ mantra̭-mme gopā॒yeti̭ | a॒gnīn vāva sā tān vya̭kramata | tā-npra॒jāpa̭tiḥ॒ parya̭gṛhṇāt | atho̭ pa॒ṅktime॒va || pa॒ṅktirvā e॒ṣā brā᳚hma॒ṇe pravi̭ṣṭā || 77 ||

tāmā॒tmano-'dhi॒ nirmi̭mīte | yada॒gni-rā̭dhī॒yate᳚ | tasmā̭-de॒tāva̭nto॒-'gnaya॒ ādhī̭yante | pāṅktaṃ॒-vā~ i॒dagṃ sarva᳚m | pāṅktḙnai॒va pāṅktagg̭ spṛṇoti || atha̭rva pi॒tu-mmḙ gopā॒yetyā̭ha | anna̭me॒vai tena̭ spṛṇoti | narya̭ pra॒jā-mmḙ gopā॒yetyā̭ha | pra॒jāme॒vaitena̭ spṛṇoti | śaggsya̭ pa॒śū-nmḙ gopā॒yetyā̭ha || 78 ||

pa॒śūne॒vaitena̭ spṛṇoti | sapra̭tha sa॒bhā-mmḙ gopā॒yetyā̭ha | sa॒bhāme॒vaitenè᳚ndri॒yagg spṛ̭ṇoti | ahḙ buddhniya॒ mantra̭-mme gopā॒yetyā̭ha | mantra̭me॒vai tena॒ śriyagg̭ spṛṇoti || yada̭nvāhārya॒-paca̭ne-'nvāhā॒rya̭-mpaca̭nti | tena॒ so᳚-'syā॒bhīṣṭaḥ̭ prī॒taḥ | ya-dgārha̭patya॒ ājya̭madhi॒śraya̭nti॒ sampatnī᳚ryā॒jaya̭nti | tena॒ so᳚-'syā॒bhīṣṭaḥ̭ prī॒taḥ | yadā̭hava॒nīye॒ juhva̭ti || 79 ||

tena॒ so᳚-'syā॒bhīṣṭaḥ̭ prī॒taḥ | yathsa॒bhāyāṃ᳚-vi~॒jaya̭nte | tena॒ so᳚-'syā॒bhīṣṭaḥ̭ prī॒taḥ | yadā̭vasa॒the-'nna॒gṃ॒ hara̭nti | tena॒ so᳚-'syā॒bhīṣṭaḥ̭ prī॒taḥ | tathā᳚-'sya॒ sarve᳚ prī॒tā a॒bhīṣṭā॒ ādhī̭yante || pra॒va॒sa॒tha-me॒ṣyanne॒va-mupa̭tiṣṭhe॒-taika̭mekam | yathā᳚ brāhma॒ṇāya̭ gṛhevā॒sinḙ pari॒dāya̭ gṛ॒hāneti̭ | tā॒dṛge॒va tat || puna̭rā॒ga-tyopa̭tiṣṭhate | sā bhā̭geyame॒vaiṣā॒-ntat | sā tata̭ ū॒rdhvā-''ro̭hat | sā ro̭hi॒ṇya̭bhavat | ta-dro̭hi॒ṇyai ro̭hiṇi॒tvam | ro॒hi॒ṇyā-ma॒gni-māda̭dhīta | sva e॒vainaṃ॒-yo~nau॒ prati̭ṣṭhita॒-mādha̭tte | ṛ॒ddhnotyḙnena || 80 ||

(e॒ṣā - pa॒śūnmḙ gopā॒yeti॒ - pravi̭ṣṭā -

pa॒śūnmḙ gopā॒yetyā̭ha॒ - juhva̭ti - tiṣṭhate sa॒pta ca̭) (a. 10)

(brahma॒ sandha̭ttaṃ॒ - kṛtti̭kā॒ - sūddha̭nti - dvāda॒śasṷ - pra॒jāpa̭ti-rvā॒co - dḙvāsu॒rāstada॒gnirno-d- gha॒rma-śśira̭ - i॒me vai - śa̭mīga॒rbhāt - pra॒jāpa̭ti॒-ssa ri̭ricā॒na-ssatapa॒-ssa ā॒tman vī॒rya̭-ndaśa̭ )

(brahma॒ sandha̭ttaṃ॒ - tau di॒vyā - vatho̭ śa॒tvāṃya~॒ - prācyḙṣāṃ॒ - ~yadu॒paryṷpari॒ - ya-thsa॒dyaḥ - so-'śvo॒ vāro̭ bhū॒tvā - jaga̭tībhi॒ raśī̭tiḥ)

(brahma॒ sandha̭tta - mṛ॒ddhnotyḙnena)

|| hariḥ̭ om ||

|| kṛṣṇa yajurvedīya taittirīya brāhmaṇe prathamāṣṭake prathamaḥ prapāṭhaka-ssamāptaḥ ||