📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
𑌕𑌠𑍋𑌪𑌨𑌿𑌷𑌦𑍍 - 𑌅𑌧𑍍𑌯𑌾𑌯 1, 𑌵𑌲𑍍𑌲𑍀 1
Kathopanishad - Adhyaya 1, Valli 1
Grantha
𑌅𑌧𑍍𑌯𑌾𑌯 1
𑌵𑌲𑍍𑌲𑍀 1
𑍐 𑌉𑌶𑌨𑍍‌ 𑌹 𑌵𑍈 𑌵𑌾𑌜𑌶𑍍𑌰𑌵𑌸-𑌸𑍍𑌸𑌰𑍍𑌵𑌵𑍇𑌦𑌸-𑌨𑍍𑌦𑌦𑍗।
𑌤𑌸𑍍𑌯 𑌹 𑌨𑌚𑌿𑌕𑍇𑌤𑌾 𑌨𑌾𑌮 𑌪𑍁𑌤𑍍𑌰 𑌆𑌸 ॥1॥
𑌤𑌂 𑌹 𑌕𑍁𑌮𑌾𑌰𑌂 𑌸𑌨𑍍𑌤-𑌨𑍍𑌦𑌕𑍍𑌷𑌿𑌣𑌾𑌸𑍁 𑌨𑍀𑌯𑌮𑌾𑌨𑌾𑌸𑍁 𑌶𑍍𑌰𑌦𑍍𑌧𑌾-𑌽𑌽𑌵𑌿𑌵𑍇𑌶। 𑌸𑍋-𑌽𑌮𑌨𑍍𑌯𑌤 ॥2॥
𑌪𑍀𑌤𑍋𑌦𑌕𑌾 𑌜𑌗𑍍𑌧𑌤𑍃𑌣𑌾 𑌦𑍁𑌗𑍍𑌧𑌦𑍋𑌹𑌾 𑌨𑌿𑌰𑌿𑌨𑍍𑌦𑍍𑌰𑌿𑌯𑌾𑌃।
𑌅𑌨𑌨𑍍𑌦𑌾 𑌨𑌾𑌮 𑌤𑍇 𑌲𑍋𑌕𑌾𑌸𑍍𑌤𑌾𑌨𑍍𑌸 𑌗𑌚𑍍𑌛𑌤𑌿 𑌤𑌾 𑌦𑌦𑌤𑍍‌ ॥3॥
𑌸 𑌹𑍋𑌵𑌾𑌚 𑌪𑌿𑌤𑌰-𑌨𑍍𑌤𑌤 𑌕𑌸𑍍𑌮𑍈 𑌮𑌾-𑌨𑍍𑌦𑌾𑌸𑍍𑌯𑌸𑍀𑌤𑌿।
𑌦𑍍𑌵𑌿𑌤𑍀𑌯-𑌨𑍍𑌤𑍃𑌤𑍀𑌯-𑌨𑍍𑌤𑌂 𑌹𑍋𑌵𑌾𑌚 𑌮𑍃𑌤𑍍𑌯𑌵𑍇 𑌤𑍍𑌵𑌾 𑌦𑌦𑌾𑌮𑍀𑌤𑌿 ॥4॥
𑌬𑌹𑍂𑌨𑌾𑌮𑍇𑌮𑌿 𑌪𑍍𑌰𑌥𑌮𑍋 𑌬𑌹𑍂𑌨𑌾𑌮𑍇𑌮𑌿 𑌮𑌧𑍍𑌯𑌮𑌃।
𑌕𑌿𑌂 𑌸𑍍𑌵𑌿𑌦𑍍𑌯𑌮𑌸𑍍𑌯 𑌕𑌰𑍍𑌤𑌵𑍍𑌯𑌂-𑌯𑌁𑌨𑍍𑌮𑌯𑌾𑌦𑍍𑌯 𑌕𑌰𑌿𑌷𑍍𑌯𑌤𑌿 ॥5॥
𑌅𑌨𑍁𑌪𑌶𑍍𑌯 𑌯𑌥𑌾 𑌪𑍂𑌰𑍍𑌵𑍇 𑌪𑍍𑌰𑌤𑌿𑌪𑌶𑍍𑌯 𑌤𑌥𑌾-𑌽𑌪𑌰𑍇।
𑌸𑌸𑍍𑌯𑌮𑌿𑌵 𑌮𑌰𑍍𑌤𑍍𑌯𑌃 𑌪𑌚𑍍𑌯𑌤𑍇 𑌸𑌸𑍍𑌯𑌮𑌿𑌵𑌾𑌜𑌾𑌯𑌤𑍇 𑌪𑍁𑌨𑌃 ॥6॥
𑌵𑍈𑌶𑍍𑌵𑌾𑌨𑌰𑌃 𑌪𑍍𑌰𑌵𑌿𑌶𑌤𑍍𑌯𑌤𑌿𑌥𑌿𑌰𑍍𑌬𑍍𑌰𑌾𑌹𑍍𑌮𑌣𑍋 𑌗𑍃𑌹𑌾𑌨𑍍‌।
𑌤𑌸𑍍𑌯𑍈𑌤𑌾𑌂 𑌶𑌾𑌨𑍍𑌤𑌿-𑌙𑍍𑌕𑍁𑌰𑍍𑌵𑌨𑍍𑌤𑌿 𑌹𑌰 𑌵𑍈𑌵𑌸𑍍𑌵𑌤𑍋𑌦𑌕𑌮𑍍‌ ॥7॥
𑌆𑌶𑌾𑌪𑍍𑌰𑌤𑍀𑌕𑍍𑌷𑍇 𑌸𑌙𑍍𑌗𑌤𑌂 𑌸𑍂𑌨𑍃𑌤𑌾-𑌞𑍍𑌚𑍇𑌷𑍍𑌟𑌾𑌪𑍂𑌰𑍍𑌵𑍇 𑌪𑍁𑌤𑍍𑌰𑌪𑌶𑍂𑌂𑌶𑍍𑌚 𑌸𑌰𑍍𑌵𑌾𑌨𑍍‌।
𑌏𑌤𑌦𑍍‌ 𑌵𑍃𑌙𑍍𑌕𑍍𑌤𑍇 𑌪𑍁𑌰𑍁𑌷𑌸𑍍𑌯𑌾𑌲𑍍𑌪𑌮𑍇𑌧𑌸𑍋 𑌯𑌸𑍍𑌯𑌾𑌨𑌶𑍍𑌨𑌨𑍍𑌵𑌸𑌤𑌿 𑌬𑍍𑌰𑌾𑌹𑍍𑌮𑌣𑍋 𑌗𑍃𑌹𑍇 ॥8॥
𑌤𑌿𑌸𑍍𑌰𑍋 𑌰𑌾𑌤𑍍𑌰𑍀𑌰𑍍𑌯𑌦𑌵𑌾𑌤𑍍𑌸𑍀𑌰𑍍𑌗𑍃𑌹𑍇 𑌮𑍇-𑌽𑌨𑌶𑍍𑌨𑌨𑍍𑌬𑍍𑌰𑌹𑍍𑌮𑌨𑍍𑌨𑌤𑌿𑌥𑌿𑌰𑍍𑌨𑌮𑌸𑍍𑌯𑌃।
𑌨𑌮𑌸𑍍𑌤𑍇-𑌽𑌸𑍍𑌤𑍁 𑌬𑍍𑌰𑌹𑍍𑌮𑌨𑍍𑌸𑍍𑌵𑌸𑍍𑌤𑌿 𑌮𑍇-𑌽𑌸𑍍𑌤𑍁 𑌤𑌸𑍍𑌮𑌾𑌤𑍍𑌪𑍍𑌰𑌤𑌿 𑌤𑍍𑌰𑍀𑌨𑍍𑌵𑌰𑌾𑌨𑍍𑌵𑍃𑌣𑍀𑌷𑍍𑌵 ॥9॥
𑌶𑌾𑌨𑍍𑌤𑌸𑌙𑍍𑌕𑌲𑍍𑌪-𑌸𑍍𑌸𑍁𑌮𑌨𑌾 𑌯𑌥𑌾 𑌸𑍍𑌯𑌾𑌦𑍍𑌵𑍀𑌤𑌮𑌨𑍍𑌯𑍁𑌰𑍍𑌗𑍗𑌤𑌮𑍋 𑌮𑌾𑌭𑌿 𑌮𑍃𑌤𑍍𑌯𑍋।
𑌤𑍍𑌵𑌤𑍍𑌪𑍍𑌰𑌸𑍃𑌷𑍍𑌟-𑌮𑍍𑌮𑌾𑌭𑌿𑌵𑌦𑍇𑌤𑍍𑌪𑍍𑌰𑌤𑍀𑌤 𑌏𑌤𑌤𑍍𑌤𑍍𑌰𑌯𑌾𑌣𑌾-𑌮𑍍𑌪𑍍𑌰𑌥𑌮𑌂-𑌵𑌁𑌰𑌂-𑌵𑍃𑌁𑌣𑍇 ॥10॥
𑌯𑌥𑌾 𑌪𑍁𑌰𑌸𑍍𑌤𑌾𑌦𑍍‌ 𑌭𑌵𑌿𑌤𑌾 𑌪𑍍𑌰𑌤𑍀𑌤 𑌔𑌦𑍍𑌦𑌾𑌲𑌕𑌿𑌰𑌾𑌰𑍁𑌣𑌿𑌰𑍍𑌮𑌤𑍍𑌪𑍍𑌰𑌸𑍃𑌷𑍍𑌟𑌃।
𑌸𑍁𑌖𑌂 𑌰𑌾𑌤𑍍𑌰𑍀-𑌶𑍍𑌶𑌯𑌿𑌤𑌾 𑌵𑍀𑌤𑌮𑌨𑍍𑌯𑍁𑌸𑍍𑌤𑍍𑌵𑌾-𑌨𑍍𑌦𑌦𑍃𑌶𑌿𑌵𑌾𑌨𑍍𑌮𑍃𑌤𑍍𑌯𑍁𑌮𑍁𑌖𑌾𑌤𑍍𑌪𑍍𑌰𑌮𑍁𑌕𑍍𑌤𑌮𑍍‌ ॥11॥
𑌸𑍍𑌵𑌰𑍍𑌗𑍇 𑌲𑍋𑌕𑍇 𑌨 𑌭𑌯-𑌙𑍍𑌕𑌿𑌞𑍍𑌚𑌨𑌾𑌸𑍍𑌤𑌿 𑌨 𑌤𑌤𑍍𑌰 𑌤𑍍𑌵-𑌨𑍍𑌨 𑌜𑌰𑌯𑌾 𑌬𑌿𑌭𑍇𑌤𑌿।
𑌉𑌭𑍇 𑌤𑍀𑌰𑍍𑌤𑍍𑌵𑌾-𑌽𑌶𑌨𑌾𑌯𑌾𑌪𑌿𑌪𑌾𑌸𑍇 𑌶𑍋𑌕𑌾𑌤𑌿𑌗𑍋 𑌮𑍋𑌦𑌤𑍇 𑌸𑍍𑌵𑌰𑍍𑌗𑌲𑍋𑌕𑍇 ॥12॥
𑌸 𑌤𑍍𑌵𑌮𑌗𑍍𑌨𑌿𑌂 𑌸𑍍𑌵𑌰𑍍𑌗𑍍𑌯𑌮𑌧𑍍𑌯𑍇𑌷𑌿 𑌮𑍃𑌤𑍍𑌯𑍋 𑌪𑍍𑌰𑌬𑍍𑌰𑍂𑌹𑌿 𑌤𑍍𑌵𑌂 𑌶𑍍𑌰𑌦𑍍𑌦𑌧𑌾𑌨𑌾𑌯 𑌮𑌹𑍍𑌯𑌮𑍍‌।
𑌸𑍍𑌵𑌰𑍍𑌗𑌲𑍋𑌕𑌾 𑌅𑌮𑍃𑌤𑌤𑍍𑌵-𑌮𑍍𑌭𑌜𑌨𑍍𑌤 𑌏𑌤𑌦𑍍‌ 𑌦𑍍𑌵𑌿𑌤𑍀𑌯𑍇𑌨 𑌵𑍃𑌣𑍇 𑌵𑌰𑍇𑌣 ॥13॥
𑌪𑍍𑌰 𑌤𑍇 𑌬𑍍𑌰𑌵𑍀𑌮𑌿 𑌤𑌦𑍁 𑌮𑍇 𑌨𑌿𑌬𑍋𑌧 𑌸𑍍𑌵𑌰𑍍𑌗𑍍𑌯𑌮𑌗𑍍𑌨𑌿-𑌨𑍍𑌨𑌚𑌿𑌕𑍇𑌤𑌃 𑌪𑍍𑌰𑌜𑌾𑌨𑌨𑍍‌।
𑌅𑌨𑌨𑍍𑌤𑌲𑍋𑌕𑌾𑌪𑍍𑌤𑌿𑌮𑌥𑍋 𑌪𑍍𑌰𑌤𑌿𑌷𑍍𑌠𑌾𑌂-𑌵𑌿𑌁𑌦𑍍𑌧𑌿 𑌤𑍍𑌵𑌮𑍇𑌤-𑌨𑍍𑌨𑌿𑌹𑌿𑌤-𑌙𑍍𑌗𑍁𑌹𑌾𑌯𑌾𑌮𑍍‌ ॥14॥
𑌲𑍋𑌕𑌾𑌦𑌿𑌮𑌗𑍍𑌨𑌿-𑌨𑍍𑌤𑌮𑍁𑌵𑌾𑌚 𑌤𑌸𑍍𑌮𑍈 𑌯𑌾 𑌇𑌷𑍍𑌟𑌕𑌾 𑌯𑌾𑌵𑌤𑍀𑌰𑍍𑌵𑌾 𑌯𑌥𑌾 𑌵𑌾।
𑌸 𑌚𑌾𑌪𑌿 𑌤𑌤𑍍𑌪𑍍𑌰𑌤𑍍𑌯𑌵𑌦𑌦𑍍𑌯𑌥𑍋𑌕𑍍𑌤𑌮𑌥𑌾𑌸𑍍𑌯 𑌮𑍃𑌤𑍍𑌯𑍁𑌃 𑌪𑍁𑌨𑌰𑍇𑌵𑌾𑌹 𑌤𑍁𑌷𑍍𑌟𑌃 ॥15॥
𑌤𑌮𑌬𑍍𑌰𑌵𑍀𑌤𑍍𑌪𑍍𑌰𑍀𑌯𑌮𑌾𑌣𑍋 𑌮𑌹𑌾𑌤𑍍𑌮𑌾 𑌵𑌰-𑌨𑍍𑌤𑌵𑍇𑌹𑌾𑌦𑍍𑌯 𑌦𑌦𑌾𑌮𑌿 𑌭𑍂𑌯𑌃।
𑌤𑌵𑍈𑌵 𑌨𑌾𑌮𑍍𑌨𑌾 𑌭𑌵𑌿𑌤𑌾-𑌽𑌯𑌮𑌗𑍍𑌨𑌿-𑌸𑍍𑌸𑍃𑌙𑍍𑌕𑌾-𑌞𑍍𑌚𑍇𑌮𑌾𑌮𑌨𑍇𑌕𑌰𑍂𑌪𑌾-𑌙𑍍𑌗𑍃𑌹𑌾𑌣 ॥16॥
𑌤𑍍𑌰𑌿𑌣𑌾𑌚𑌿𑌕𑍇𑌤𑌸𑍍𑌤𑍍𑌰𑌿𑌭𑌿𑌰𑍇𑌤𑍍𑌯 𑌸𑌨𑍍𑌧𑌿-𑌨𑍍𑌤𑍍𑌰𑌿𑌕𑌰𑍍𑌮𑌕𑍃𑌤𑍍𑌤𑌰𑌤𑌿 𑌜𑌨𑍍𑌮𑌮𑍃𑌤𑍍𑌯𑍂।
𑌬𑍍𑌰𑌹𑍍𑌮𑌜𑌜𑍍𑌞-𑌨𑍍𑌦𑍇𑌵𑌮𑍀𑌡𑍍𑌯𑌂-𑌵𑌿𑌁𑌦𑌿𑌤𑍍𑌵𑌾 𑌨𑌿𑌚𑌾𑌯𑍍𑌯𑍇𑌮𑌾𑌂 𑌶𑌾𑌨𑍍𑌤𑌿𑌮𑌤𑍍𑌯𑌨𑍍𑌤𑌮𑍇𑌤𑌿 ॥17॥
𑌤𑍍𑌰𑌿𑌣𑌾𑌚𑌿𑌕𑍇𑌤𑌸𑍍𑌤𑍍𑌰𑌯𑌮𑍇𑌤𑌦𑍍𑌵𑌿𑌦𑌿𑌤𑍍𑌵𑌾 𑌯 𑌏𑌵𑌂-𑌵𑌿𑌁𑌦𑍍𑌵𑌾𑌂𑌶𑍍𑌚𑌿𑌨𑍁𑌤𑍇 𑌨𑌾𑌚𑌿𑌕𑍇𑌤𑌮𑍍‌।
𑌸 𑌮𑍃𑌤𑍍𑌯𑍁𑌪𑌾𑌶𑌾𑌨𑍍𑌪𑍁𑌰𑌤𑌃 𑌪𑍍𑌰𑌣𑍋𑌦𑍍𑌯 𑌶𑍋𑌕𑌾𑌤𑌿𑌗𑍋 𑌮𑍋𑌦𑌤𑍇 𑌸𑍍𑌵𑌰𑍍𑌗𑌲𑍋𑌕𑍇 ॥18॥
𑌏𑌷 𑌤𑍇-𑌽𑌗𑍍𑌨𑌿𑌰𑍍𑌨𑌚𑌿𑌕𑍇𑌤-𑌸𑍍𑌸𑍍𑌵𑌰𑍍𑌗𑍍𑌯𑍋 𑌯𑌮𑌵𑍃𑌣𑍀𑌥𑌾 𑌦𑍍𑌵𑌿𑌤𑍀𑌯𑍇𑌨 𑌵𑌰𑍇𑌣।
𑌏𑌤𑌮𑌗𑍍𑌨𑌿-𑌨𑍍𑌤𑌵𑍈𑌵 𑌪𑍍𑌰𑌵𑌕𑍍𑌶𑍍𑌯𑌨𑍍𑌤𑌿 𑌜𑌨𑌾𑌸𑌸𑍍𑌤𑍃𑌤𑍀𑌯𑌂-𑌵𑌁𑌰-𑌨𑍍𑌨𑌚𑌿𑌕𑍇𑌤𑍋 𑌵𑍃𑌣𑍀𑌷𑍍𑌵 ॥19॥
𑌯𑍇𑌯-𑌮𑍍𑌪𑍍𑌰𑍇𑌤𑍇 𑌵𑌿𑌚𑌿𑌕𑌿𑌤𑍍𑌸𑌾 𑌮𑌨𑍁𑌷𑍍𑌯𑍇-𑌽𑌸𑍍𑌤𑍀𑌤𑍍𑌯𑍇𑌕𑍇 𑌨𑌾𑌯𑌮𑌸𑍍𑌤𑍀𑌤𑌿 𑌚𑍈𑌕𑍇।
𑌏𑌤𑌦𑍍𑌵𑌿𑌦𑍍𑌯𑌾𑌮𑌨𑍁𑌶𑌿𑌷𑍍𑌟𑌸𑍍𑌤𑍍𑌵𑌯𑌾-𑌽𑌹𑌂-𑌵𑌁𑌰𑌾𑌣𑌾𑌮𑍇𑌷 𑌵𑌰𑌸𑍍𑌤𑍃𑌤𑍀𑌯𑌃 ॥20॥
𑌦𑍇𑌵𑍈𑌰𑌤𑍍𑌰𑌾𑌪𑌿 𑌵𑌿𑌚𑌿𑌕𑌿𑌤𑍍𑌸𑌿𑌤-𑌮𑍍𑌪𑍁𑌰𑌾 𑌨 𑌹𑌿 𑌸𑍁𑌵𑌿𑌜𑍍𑌞𑍇𑌯𑌮𑌣𑍁𑌰𑍇𑌷 𑌧𑌰𑍍𑌮𑌃।
𑌅𑌨𑍍𑌯𑌂-𑌵𑌁𑌰-𑌨𑍍𑌨𑌚𑌿𑌕𑍇𑌤𑍋 𑌵𑍃𑌣𑍀𑌷𑍍𑌵 𑌮𑌾 𑌮𑍋𑌪𑌰𑍋𑌤𑍍𑌸𑍀𑌰𑌤𑌿 𑌮𑌾 𑌸𑍃𑌜𑍈𑌨𑌮𑍍‌ ॥21॥
𑌦𑍇𑌵𑍈𑌰𑌤𑍍𑌰𑌾𑌪𑌿 𑌵𑌿𑌚𑌿𑌕𑌿𑌤𑍍𑌸𑌿𑌤-𑌙𑍍𑌕𑌿𑌲 𑌤𑍍𑌵-𑌞𑍍𑌚 𑌮𑍃𑌤𑍍𑌯𑍋 𑌯𑌨𑍍𑌨 𑌸𑍁𑌜𑍍𑌞𑍇𑌯𑌮𑌾𑌤𑍍𑌥।
𑌵𑌕𑍍𑌤𑌾 𑌚𑌾𑌸𑍍𑌯 𑌤𑍍𑌵𑌾𑌦𑍃𑌗𑌨𑍍𑌯𑍋 𑌨 𑌲𑌭𑍍𑌯𑍋 𑌨𑌾𑌨𑍍𑌯𑍋 𑌵𑌰𑌸𑍍𑌤𑍁𑌲𑍍𑌯 𑌏𑌤𑌸𑍍𑌯 𑌕𑌶𑍍𑌚𑌿𑌤𑍍‌ ॥22॥
𑌶𑌤𑌾𑌯𑍁𑌷𑌃 𑌪𑍁𑌤𑍍𑌰𑌪𑍗𑌤𑍍𑌰𑌾𑌨𑍍𑌵𑍃𑌣𑍀𑌷𑍍𑌵 𑌬𑌹𑍂𑌨𑍍𑌪𑌶𑍂𑌨𑍍𑌹𑌸𑍍𑌤𑌿𑌹𑌿𑌰𑌣𑍍𑌯𑌮𑌶𑍍𑌵𑌾𑌨𑍍‌।
𑌭𑍂𑌮𑍇𑌰𑍍𑌮𑌹𑌦𑌾𑌯𑌤𑌨𑌂-𑌵𑍃𑌁𑌣𑍀𑌷𑍍𑌵 𑌸𑍍𑌵𑌯-𑌞𑍍𑌚 𑌜𑍀𑌵 𑌶𑌰𑌦𑍋 𑌯𑌾𑌵𑌦𑌿𑌚𑍍𑌛𑌸𑌿 ॥23॥
𑌏𑌤𑌤𑍍𑌤𑍁𑌲𑍍𑌯𑌂-𑌯𑌁𑌦𑌿 𑌮𑌨𑍍𑌯𑌸𑍇 𑌵𑌰𑌂-𑌵𑍃𑌁𑌣𑍀𑌷𑍍𑌵 𑌵𑌿𑌤𑍍𑌤-𑌞𑍍𑌚𑌿𑌰𑌜𑍀𑌵𑌿𑌕𑌾-𑌞𑍍𑌚।
𑌮𑌹𑌾𑌭𑍂𑌮𑍗 𑌨𑌚𑌿𑌕𑍇𑌤𑌸𑍍𑌤𑍍𑌵𑌮𑍇𑌧𑌿 𑌕𑌾𑌮𑌾𑌨𑌾-𑌨𑍍𑌤𑍍𑌵𑌾-𑌙𑍍𑌕𑌾𑌮𑌭𑌾𑌜-𑌙𑍍𑌕𑌰𑍋𑌮𑌿 ॥24॥
𑌯𑍇 𑌯𑍇 𑌕𑌾𑌮𑌾 𑌦𑍁𑌰𑍍𑌲𑌭𑌾 𑌮𑌰𑍍𑌤𑍍𑌯𑌲𑍋𑌕𑍇 𑌸𑌰𑍍𑌵𑌾𑌨𑍍𑌕𑌾𑌮𑌾𑌂𑌶𑍍𑌛𑌨𑍍𑌦𑌤𑌃 𑌪𑍍𑌰𑌾𑌰𑍍𑌥𑌯𑌸𑍍𑌵।
𑌇𑌮𑌾 𑌰𑌾𑌮𑌾-𑌸𑍍𑌸𑌰𑌥𑌾-𑌸𑍍𑌸𑌤𑍂𑌰𑍍𑌯𑌾 𑌨 𑌹𑍀𑌦𑍃𑌶𑌾 𑌲𑌮𑍍𑌭𑌨𑍀𑌯𑌾 𑌮𑌨𑍁𑌷𑍍𑌯𑍈𑌃।
𑌆𑌭𑌿𑌰𑍍𑌮𑌤𑍍𑌪𑍍𑌰𑌤𑍍𑌤𑌾𑌭𑌿𑌃 𑌪𑌰𑌿𑌚𑌾𑌰𑌯𑌸𑍍𑌵 𑌨𑌚𑌿𑌕𑍇𑌤𑍋 𑌮𑌰𑌣-𑌮𑍍𑌮𑌾-𑌽𑌨𑍁𑌪𑍍𑌰𑌾𑌕𑍍𑌶𑍀𑌃 ॥25॥
𑌶𑍍𑌵𑍋𑌭𑌾𑌵𑌾 𑌮𑌰𑍍𑌤𑍍𑌯𑌸𑍍𑌯 𑌯𑌦𑌨𑍍𑌤𑌕𑍈𑌤𑌤𑍍𑌸𑌰𑍍𑌵𑍇𑌨𑍍𑌦𑍍𑌰𑌿𑌯𑌾𑌣𑌾-𑌞𑍍𑌜𑌰𑌯𑌨𑍍𑌤𑌿 𑌤𑍇𑌜𑌃।
𑌅𑌪𑌿 𑌸𑌰𑍍𑌵-𑌞𑍍𑌜𑍀𑌵𑌿𑌤𑌮𑌲𑍍𑌪𑌮𑍇𑌵 𑌤𑌵𑍈𑌵 𑌵𑌾𑌹𑌾𑌸𑍍𑌤𑌵 𑌨𑍃𑌤𑍍𑌯𑌗𑍀𑌤𑍇 ॥26॥
𑌨 𑌵𑌿𑌤𑍍𑌤𑍇𑌨 𑌤𑌰𑍍𑌪𑌣𑍀𑌯𑍋 𑌮𑌨𑍁𑌷𑍍𑌯𑍋 𑌲𑌪𑍍𑌸𑍍𑌯𑌾𑌮𑌹𑍇 𑌵𑌿𑌤𑍍𑌤𑌮𑌦𑍍𑌰𑌾𑌕𑍍𑌶𑍍𑌮 𑌚𑍇𑌤𑍍𑌤𑍍𑌵𑌾।
𑌜𑍀𑌵𑌿𑌷𑍍𑌯𑌾𑌮𑍋 𑌯𑌾𑌵𑌦𑍀𑌶𑌿𑌷𑍍𑌯𑌸𑌿 𑌤𑍍𑌵𑌂-𑌵𑌁𑌰𑌸𑍍𑌤𑍁 𑌮𑍇 𑌵𑌰𑌣𑍀𑌯-𑌸𑍍𑌸 𑌏𑌵 ॥27॥
𑌅𑌜𑍀𑌰𑍍𑌯𑌤𑌾𑌮𑌮𑍃𑌤𑌾𑌨𑌾𑌮𑍁𑌪𑍇𑌤𑍍𑌯 𑌜𑍀𑌰𑍍𑌯𑌨𑍍𑌮𑌰𑍍𑌤𑍍𑌯𑌃 𑌕𑍍𑌵𑌧𑌸𑍍𑌸𑍍𑌥𑌃 𑌪𑍍𑌰𑌜𑌾𑌨𑌨𑍍‌।
𑌅𑌭𑌿𑌧𑍍𑌯𑌾𑌯𑌨𑍍𑌵𑌰𑍍𑌣𑌰𑌤𑌿𑌪𑍍𑌰𑌮𑍋𑌦𑌾𑌨𑌤𑌿𑌦𑍀𑌰𑍍𑌘𑍇 𑌜𑍀𑌵𑌿𑌤𑍇 𑌕𑍋 𑌰𑌮𑍇𑌤 ॥28॥
𑌯𑌸𑍍𑌮𑌿𑌨𑍍𑌨𑌿𑌦𑌂-𑌵𑌿𑌁𑌚𑌿𑌕𑌿𑌤𑍍𑌸𑌨𑍍𑌤𑌿 𑌮𑍃𑌤𑍍𑌯𑍋 𑌯𑌤𑍍𑌸𑌾𑌮𑍍𑌪𑌰𑌾𑌯𑍇 𑌮𑌹𑌤𑌿 𑌬𑍍𑌰𑍂𑌹𑌿 𑌨𑌸𑍍𑌤𑌤𑍍‌।
𑌯𑍋-𑌽𑌯𑌂-𑌵𑌁𑌰𑍋 𑌗𑍂𑌢𑌮𑌨𑍁𑌪𑍍𑌰𑌵𑌿𑌷𑍍𑌟𑍋 𑌨𑌾𑌨𑍍𑌯-𑌨𑍍𑌤𑌸𑍍𑌮𑌾𑌨𑍍𑌨𑌚𑌿𑌕𑍇𑌤𑌾 𑌵𑍃𑌣𑍀𑌤𑍇 ॥29॥
Roman (IAST) Transliteration
adhyāya 1
vallī 1
oṃ uśan‌ ha vai vājaśravasa-ssarvavedasa-ndadau|
tasya ha naciketā nāma putra āsa ||1||
taṃ ha kumāraṃ santa-ndakṣiṇāsu nīyamānāsu śraddhā-''viveśa| so-'manyata ||2||
pītodakā jagdhatṛṇā dugdhadohā nirindriyāḥ|
anandā nāma te lokāstānsa gacchati tā dadat‌ ||3||
sa hovāca pitara-ntata kasmai mā-ndāsyasīti|
dvitīya-ntṛtīya-ntaṃ hovāca mṛtyave tvā dadāmīti ||4||
bahūnāmemi prathamo bahūnāmemi madhyamaḥ|
kiṃ svidyamasya kartavyaṃ-ya~nmayādya kariṣyati ||5||
anupaśya yathā pūrve pratipaśya tathā-'pare|
sasyamiva martyaḥ pacyate sasyamivājāyate punaḥ ||6||
vaiśvānaraḥ praviśatyatithirbrāhmaṇo gṛhān‌|
tasyaitāṃ śānti-ṅkurvanti hara vaivasvatodakam‌ ||7||
āśāpratīkṣe saṅgataṃ sūnṛtā-ñceṣṭāpūrve putrapaśūṃśca sarvān‌|
etad‌ vṛṅkte puruṣasyālpamedhaso yasyānaśnanvasati brāhmaṇo gṛhe ||8||
tisro rātrīryadavātsīrgṛhe me-'naśnanbrahmannatithirnamasyaḥ|
namaste-'stu brahmansvasti me-'stu tasmātprati trīnvarānvṛṇīṣva ||9||
śāntasaṅkalpa-ssumanā yathā syādvītamanyurgautamo mābhi mṛtyo|
tvatprasṛṣṭa-mmābhivadetpratīta etattrayāṇā-mprathamaṃ-va~raṃ-vṛ~ṇe ||10||
yathā purastād‌ bhavitā pratīta auddālakirāruṇirmatprasṛṣṭaḥ|
sukhaṃ rātrī-śśayitā vītamanyustvā-ndadṛśivānmṛtyumukhātpramuktam‌ ||11||
svarge loke na bhaya-ṅkiñcanāsti na tatra tva-nna jarayā bibheti|
ubhe tīrtvā-'śanāyāpipāse śokātigo modate svargaloke ||12||
sa tvamagniṃ svargyamadhyeṣi mṛtyo prabrūhi tvaṃ śraddadhānāya mahyam‌|
svargalokā amṛtatva-mbhajanta etad‌ dvitīyena vṛṇe vareṇa ||13||
pra te bravīmi tadu me nibodha svargyamagni-nnaciketaḥ prajānan‌|
anantalokāptimatho pratiṣṭhāṃ-vi~ddhi tvameta-nnihita-ṅguhāyām‌ ||14||
lokādimagni-ntamuvāca tasmai yā iṣṭakā yāvatīrvā yathā vā|
sa cāpi tatpratyavadadyathoktamathāsya mṛtyuḥ punarevāha tuṣṭaḥ ||15||
tamabravītprīyamāṇo mahātmā vara-ntavehādya dadāmi bhūyaḥ|
tavaiva nāmnā bhavitā-'yamagni-ssṛṅkā-ñcemāmanekarūpā-ṅgṛhāṇa ||16||
triṇāciketastribhiretya sandhi-ntrikarmakṛttarati janmamṛtyū|
brahmajajña-ndevamīḍyaṃ-vi~ditvā nicāyyemāṃ śāntimatyantameti ||17||
triṇāciketastrayametadviditvā ya evaṃ-vi~dvāṃścinute nāciketam‌|
sa mṛtyupāśānpurataḥ praṇodya śokātigo modate svargaloke ||18||
eṣa te-'gnirnaciketa-ssvargyo yamavṛṇīthā dvitīyena vareṇa|
etamagni-ntavaiva pravakśyanti janāsastṛtīyaṃ-va~ra-nnaciketo vṛṇīṣva ||19||
yeya-mprete vicikitsā manuṣye-'stītyeke nāyamastīti caike|
etadvidyāmanuśiṣṭastvayā-'haṃ-va~rāṇāmeṣa varastṛtīyaḥ ||20||
devairatrāpi vicikitsita-mpurā na hi suvijñeyamaṇureṣa dharmaḥ|
anyaṃ-va~ra-nnaciketo vṛṇīṣva mā moparotsīrati mā sṛjainam‌ ||21||
devairatrāpi vicikitsita-ṅkila tva-ñca mṛtyo yanna sujñeyamāttha|
vaktā cāsya tvādṛganyo na labhyo nānyo varastulya etasya kaścit‌ ||22||
śatāyuṣaḥ putrapautrānvṛṇīṣva bahūnpaśūnhastihiraṇyamaśvān‌|
bhūmermahadāyatanaṃ-vṛ~ṇīṣva svaya-ñca jīva śarado yāvadicchasi ||23||
etattulyaṃ-ya~di manyase varaṃ-vṛ~ṇīṣva vitta-ñcirajīvikā-ñca|
mahābhūmau naciketastvamedhi kāmānā-ntvā-ṅkāmabhāja-ṅkaromi ||24||
ye ye kāmā durlabhā martyaloke sarvānkāmāṃśchandataḥ prārthayasva|
imā rāmā-ssarathā-ssatūryā na hīdṛśā lambhanīyā manuṣyaiḥ|
ābhirmatprattābhiḥ paricārayasva naciketo maraṇa-mmā-'nuprākśīḥ ||25||
śvobhāvā martyasya yadantakaitatsarvendriyāṇā-ñjarayanti tejaḥ|
api sarva-ñjīvitamalpameva tavaiva vāhāstava nṛtyagīte ||26||
na vittena tarpaṇīyo manuṣyo lapsyāmahe vittamadrākśma cettvā|
jīviṣyāmo yāvadīśiṣyasi tvaṃ-va~rastu me varaṇīya-ssa eva ||27||
ajīryatāmamṛtānāmupetya jīryanmartyaḥ kvadhassthaḥ prajānan‌|
abhidhyāyanvarṇaratipramodānatidīrghe jīvite ko rameta ||28||
yasminnidaṃ-vi~cikitsanti mṛtyo yatsāmparāye mahati brūhi nastat‌|
yo-'yaṃ-va~ro gūḍhamanupraviṣṭo nānya-ntasmānnaciketā vṛṇīte ||29||
InfoLyter.in — Sacred Vedic Knowledge Portal · Free forever