📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
𑌗𑍋𑌵𑌿𑌨𑍍𑌦 𑌦𑌾𑌮𑍋𑌦𑌰 𑌸𑍍𑌤𑍋𑌤𑍍𑌰𑌮𑍍
Govinda Damodara Stotram
Vishnu Stotram Grantha
𑌅𑌗𑍍𑌰𑍇 𑌕𑍁𑌰𑍂𑌣𑌾𑌮𑌥 𑌪𑌾𑌣𑍍𑌡𑌵𑌾𑌨𑌾𑌂
𑌦𑍁𑌃𑌶𑌾𑌸𑌨𑍇𑌨𑌾𑌹𑍃𑌤𑌵𑌸𑍍𑌤𑍍𑌰𑌕𑍇𑌶𑌾 ।
𑌕𑍃𑌷𑍍𑌣𑌾 𑌤𑌦𑌾𑌕𑍍𑌰𑍋𑌶𑌦𑌨𑌨𑍍𑌯𑌨𑌾𑌥𑌾
𑌗𑍋𑌵𑌿𑌨𑍍𑌦 𑌦𑌾𑌮𑍋𑌦𑌰 𑌮𑌾𑌧𑌵𑍇𑌤𑌿 ॥ 1॥
𑌶𑍍𑌰𑍀𑌕𑍃𑌷𑍍𑌣 𑌵𑌿𑌷𑍍𑌣𑍋 𑌮𑌧𑍁𑌕𑍈𑌟𑌭𑌾𑌰𑍇
𑌭𑌕𑍍𑌤𑌾𑌨𑍁𑌕𑌮𑍍𑌪𑌿𑌨𑍍 𑌭𑌗𑌵𑌨𑍍 𑌮𑍁𑌰𑌾𑌰𑍇 ।
𑌤𑍍𑌰𑌾𑌯𑌸𑍍𑌵 𑌮𑌾𑌂 𑌕𑍇𑌶𑌵 𑌲𑍋𑌕𑌨𑌾𑌥
𑌗𑍋𑌵𑌿𑌨𑍍𑌦 𑌦𑌾𑌮𑍋𑌦𑌰 𑌮𑌾𑌧𑌵𑍇𑌤𑌿 ॥ 2॥
𑌵𑌿𑌕𑍍𑌰𑍇𑌤𑍁𑌕𑌾𑌮𑌾 𑌕𑌿𑌲 𑌗𑍋𑌪𑌕𑌨𑍍𑌯𑌾
𑌮𑍁𑌰𑌾𑌰𑌿𑌪𑌾𑌦𑌾𑌰𑍍𑌪𑌿𑌤𑌚𑌿𑌤𑍍𑌤𑌵𑍃𑌤𑍍𑌤𑌿𑌃 ।
𑌦𑌧𑍍𑌯𑌾𑌦𑌿𑌕𑌂 𑌮𑍋𑌹𑌵𑌶𑌾𑌦𑌵𑍋𑌚𑌦𑍍
𑌗𑍋𑌵𑌿𑌨𑍍𑌦 𑌦𑌾𑌮𑍋𑌦𑌰 𑌮𑌾𑌧𑌵𑍇𑌤𑌿 ॥ 3॥
𑌉𑌲𑍂𑌖𑌲𑍇 𑌸𑌮𑍍𑌭𑍃𑌤𑌤𑌣𑍍𑌡𑍁𑌲𑌾𑌂𑌶𑍍𑌚
𑌸𑌙𑍍𑌘𑌟𑍍𑌟𑌯𑌨𑍍𑌤𑍍𑌯𑍋 𑌮𑍁𑌸𑌲𑍈𑌃 𑌪𑍍𑌰𑌮𑍁𑌗𑍍𑌧𑌾𑌃 ।
𑌗𑌾𑌯𑌨𑍍𑌤𑌿 𑌗𑍋𑌪𑍍𑌯𑍋 𑌜𑌨𑌿𑌤𑌾𑌨𑍁𑌰𑌾𑌗𑌾
𑌗𑍋𑌵𑌿𑌨𑍍𑌦 𑌦𑌾𑌮𑍋𑌦𑌰 𑌮𑌾𑌧𑌵𑍇𑌤𑌿 ॥ 4॥
𑌕𑌾𑌚𑌿𑌤𑍍𑌕𑌰𑌾𑌮𑍍𑌭𑍋𑌜𑌪𑍁𑌟𑍇 𑌨𑌿𑌷𑌣𑍍𑌣𑌂
𑌕𑍍𑌰𑍀𑌡𑌾𑌶𑍁𑌕𑌂 𑌕𑌿𑌂𑌶𑍁𑌕𑌰𑌕𑍍𑌤𑌤𑍁𑌣𑍍𑌡𑌮𑍍 ।
𑌅𑌧𑍍𑌯𑌾𑌪𑌯𑌾𑌮𑌾𑌸 𑌸𑌰𑍋𑌰𑍁𑌹𑌾𑌕𑍍𑌷𑍀
𑌗𑍋𑌵𑌿𑌨𑍍𑌦 𑌦𑌾𑌮𑍋𑌦𑌰 𑌮𑌾𑌧𑌵𑍇𑌤𑌿 ॥ 5॥
𑌗𑍃𑌹𑍇 𑌗𑍃𑌹𑍇 𑌗𑍋𑌪𑌵𑌧𑍂𑌸𑌮𑍂𑌹𑌃
𑌪𑍍𑌰𑌤𑌿𑌕𑍍𑌷𑌣𑌂 𑌪𑌿𑌞𑍍𑌜𑌰𑌸𑌾𑌰𑌿𑌕𑌾𑌣𑌾𑌮𑍍 ।
𑌸𑍍𑌖𑌲𑌦𑍍𑌗𑌿𑌰𑌾𑌂 𑌵𑌾𑌚𑌯𑌿𑌤𑍁𑌂 𑌪𑍍𑌰𑌵𑍃𑌤𑍍𑌤𑍋
𑌗𑍋𑌵𑌿𑌨𑍍𑌦 𑌦𑌾𑌮𑍋𑌦𑌰 𑌮𑌾𑌧𑌵𑍇𑌤𑌿 ॥ 6॥
𑌪𑌰𑍍𑌯𑍍𑌯𑌙𑍍𑌕𑌿𑌕𑌾𑌭𑌾𑌜𑌮𑌲𑌂 𑌕𑍁𑌮𑌾𑌰𑌂
𑌪𑍍𑌰𑌸𑍍𑌵𑌾𑌪𑌯𑌨𑍍𑌤𑍍𑌯𑍋𑌽𑌖𑌿𑌲𑌗𑍋𑌪𑌕𑌨𑍍𑌯𑌾𑌃 ।
𑌜𑌗𑍁𑌃 𑌪𑍍𑌰𑌬𑌨𑍍𑌧𑌂 𑌸𑍍𑌵𑌰𑌤𑌾𑌲𑌬𑌨𑍍𑌧𑌂
𑌗𑍋𑌵𑌿𑌨𑍍𑌦 𑌦𑌾𑌮𑍋𑌦𑌰 𑌮𑌾𑌧𑌵𑍇𑌤𑌿 ॥ 7॥
𑌰𑌾𑌮𑌾𑌨𑍁𑌜𑌂 𑌵𑍀𑌕𑍍𑌷𑌣𑌕𑍇𑌲𑌿𑌲𑍋𑌲𑌂
𑌗𑍋𑌪𑍀 𑌗𑍃𑌹𑍀𑌤𑍍𑌵𑌾 𑌨𑌵𑌨𑍀𑌤𑌗𑍋𑌲𑌮𑍍 ।
𑌆𑌬𑌾𑌲𑌕𑌂 𑌬𑌾𑌲𑌕𑌮𑌾𑌜𑍁𑌹𑌾𑌵
𑌗𑍋𑌵𑌿𑌨𑍍𑌦 𑌦𑌾𑌮𑍋𑌦𑌰 𑌮𑌾𑌧𑌵𑍇𑌤𑌿 ॥ 8॥
𑌵𑌿𑌚𑌿𑌤𑍍𑌰𑌵𑌰𑍍𑌣𑌾𑌭𑌰𑌣𑌾𑌭𑌿𑌰𑌾𑌮𑍇-
𑌽𑌭𑌿𑌧𑍇𑌹𑌿 𑌵𑌕𑍍𑌤𑍍𑌰𑌾𑌮𑍍𑌬𑍁𑌜𑌰𑌾𑌜𑌹𑌂𑌸𑌿 ।
𑌸𑌦𑌾 𑌮𑌦𑍀𑌯𑍇 𑌰𑌸𑌨𑍇𑌽𑌗𑍍𑌰𑌰𑌙𑍍𑌗𑍇
𑌗𑍋𑌵𑌿𑌨𑍍𑌦 𑌦𑌾𑌮𑍋𑌦𑌰 𑌮𑌾𑌧𑌵𑍇𑌤𑌿 ॥ 9॥
𑌅𑌙𑍍𑌕𑌾𑌧𑌿𑌰𑍂𑌢𑌂 𑌶𑌿𑌶𑍁𑌗𑍋𑌪𑌗𑍂𑌢𑌂
𑌸𑍍𑌤𑌨𑌂 𑌧𑌯𑌨𑍍𑌤𑌂 𑌕𑌮𑌲𑍈𑌕𑌕𑌾𑌨𑍍𑌤𑌮𑍍 ।
𑌸𑌮𑍍𑌬𑍋𑌧𑌯𑌾𑌮𑌾𑌸 𑌮𑍁𑌦𑌾 𑌯𑌶𑍋𑌦𑌾
𑌗𑍋𑌵𑌿𑌨𑍍𑌦 𑌦𑌾𑌮𑍋𑌦𑌰 𑌮𑌾𑌧𑌵𑍇𑌤𑌿 ॥ 10॥
𑌕𑍍𑌰𑍀𑌡𑌨𑍍𑌤𑌮𑌨𑍍𑌤𑌰𑍍𑌵𑍍𑌰𑌜𑌮𑌾𑌤𑍍𑌮𑌜𑌂 𑌸𑍍𑌵𑌂
𑌸𑌮𑌂 𑌵𑌯𑌸𑍍𑌯𑍈𑌃 𑌪𑌶𑍁𑌪𑌾𑌲𑌬𑌾𑌲𑍈𑌃 ।
𑌪𑍍𑌰𑍇𑌮𑍍𑌣𑌾 𑌯𑌶𑍋𑌦𑌾 𑌪𑍍𑌰𑌜𑍁𑌹𑌾𑌵 𑌕𑍃𑌷𑍍𑌣𑌂
𑌗𑍋𑌵𑌿𑌨𑍍𑌦 𑌦𑌾𑌮𑍋𑌦𑌰 𑌮𑌾𑌧𑌵𑍇𑌤𑌿 ॥ 11॥
𑌯𑌶𑍋𑌦𑌯𑌾 𑌗𑌾𑌢𑌮𑍁𑌲𑍂𑌖𑌲𑍇𑌨
𑌗𑍋𑌕𑌣𑍍𑌠𑌪𑌾𑌶𑍇𑌨 𑌨𑌿𑌬𑌧𑍍𑌯𑌮𑌾𑌨𑌃 ।
𑌰𑍁𑌰𑍋𑌦 𑌮𑌨𑍍𑌦𑌂 𑌨𑌵𑌨𑍀𑌤𑌭𑍋𑌜𑍀
𑌗𑍋𑌵𑌿𑌨𑍍𑌦 𑌦𑌾𑌮𑍋𑌦𑌰 𑌮𑌾𑌧𑌵𑍇𑌤𑌿 ॥ 12॥
𑌨𑌿𑌜𑌾𑌙𑍍𑌗𑌣𑍇 𑌕𑌙𑍍𑌕𑌣𑌕𑍇𑌲𑌿𑌲𑍋𑌲𑌂
𑌗𑍋𑌪𑍀 𑌗𑍃𑌹𑍀𑌤𑍍𑌵𑌾 𑌨𑌵𑌨𑍀𑌤𑌗𑍋𑌲𑌮𑍍 ।
𑌆𑌮𑌰𑍍𑌦𑌯𑌤𑍍𑌪𑌾𑌣𑌿𑌤𑌲𑍇𑌨 𑌨𑍇𑌤𑍍𑌰𑍇
𑌗𑍋𑌵𑌿𑌨𑍍𑌦 𑌦𑌾𑌮𑍋𑌦𑌰 𑌮𑌾𑌧𑌵𑍇𑌤𑌿 ॥ 13॥
𑌗𑍃𑌹𑍇 𑌗𑍃𑌹𑍇 𑌗𑍋𑌪𑌵𑌧𑍂𑌕𑌦𑌮𑍍𑌬𑌾𑌃
𑌸𑌰𑍍𑌵𑍇 𑌮𑌿𑌲𑌿𑌤𑍍𑌵𑌾 𑌸𑌮𑌵𑌾𑌯𑌯𑍋𑌗𑍇 ।
𑌪𑍁𑌣𑍍𑌯𑌾𑌨𑌿 𑌨𑌾𑌮𑌾𑌨𑌿 𑌪𑌠𑌨𑍍𑌤𑌿 𑌨𑌿𑌤𑍍𑌯𑌂
𑌗𑍋𑌵𑌿𑌨𑍍𑌦 𑌦𑌾𑌮𑍋𑌦𑌰 𑌮𑌾𑌧𑌵𑍇𑌤𑌿 ॥ 14॥
𑌮𑌨𑍍𑌦𑌾𑌰𑌮𑍂𑌲𑍇 𑌵𑌦𑌨𑌾𑌭𑌿𑌰𑌾𑌮𑌂
𑌬𑌿𑌮𑍍𑌬𑌾𑌧𑌰𑍇 𑌪𑍂𑌰𑌿𑌤𑌵𑍇𑌣𑍁𑌨𑌾𑌦𑌮𑍍 ।
𑌗𑍋𑌗𑍋𑌪𑌗𑍋𑌪𑍀𑌜𑌨𑌮𑌧𑍍𑌯𑌸𑌂𑌸𑍍𑌥𑌂
𑌗𑍋𑌵𑌿𑌨𑍍𑌦 𑌦𑌾𑌮𑍋𑌦𑌰 𑌮𑌾𑌧𑌵𑍇𑌤𑌿 ॥ 15॥
𑌉𑌤𑍍𑌥𑌾𑌯 𑌗𑍋𑌪𑍍𑌯𑍋¶𑌰𑌾𑌤𑍍𑌰𑌭𑌾𑌗𑍇
𑌸𑍍𑌮𑍃𑌤𑍍𑌵𑌾 𑌯𑌶𑍋𑌦𑌾𑌸𑍁𑌤𑌬𑌾𑌲𑌕𑍇𑌲𑌿𑌮𑍍 ।
𑌗𑌾𑌯𑌨𑍍𑌤𑌿 𑌪𑍍𑌰𑍋𑌚𑍍𑌚𑍈𑌰𑍍𑌦𑌧𑌿 𑌮𑌨𑍍𑌥𑌯𑌨𑍍𑌤𑍍𑌯𑍋
𑌗𑍋𑌵𑌿𑌨𑍍𑌦 𑌦𑌾𑌮𑍋𑌦𑌰 𑌮𑌾𑌧𑌵𑍇𑌤𑌿 ॥ 16॥
𑌜𑌗𑍍𑌧𑍋𑌽𑌥 𑌦𑌤𑍍𑌤𑍋 𑌨𑌵𑌨𑍀𑌤𑌪𑌿𑌣𑍍𑌡𑍋
𑌗𑍃𑌹𑍇 𑌯𑌶𑍋𑌦𑌾 𑌵𑌿𑌚𑌿𑌕𑌿𑌤𑍍𑌸𑌯𑌨𑍍𑌤𑍀 ।
𑌉𑌵𑌾𑌚 𑌸𑌤𑍍𑌯𑌂 𑌵𑌦 𑌹𑍇 𑌮𑍁𑌰𑌾𑌰𑍇
𑌗𑍋𑌵𑌿𑌨𑍍𑌦 𑌦𑌾𑌮𑍋𑌦𑌰 𑌮𑌾𑌧𑌵𑍇𑌤𑌿 ॥ 17॥
𑌅𑌭𑍍𑌯𑌰𑍍𑌚𑍍𑌯 𑌗𑍇𑌹𑌂 𑌯𑍁𑌵𑌤𑌿𑌃 𑌪𑍍𑌰𑌵𑍃𑌦𑍍𑌧-
𑌪𑍍𑌰𑍇𑌮𑌪𑍍𑌰𑌵𑌾𑌹𑌾 𑌦𑌧𑌿 𑌨𑌿𑌰𑍍𑌮𑌮𑌨𑍍𑌥 ।
𑌗𑌾𑌯𑌨𑍍𑌤𑌿 𑌗𑍋𑌪𑍍𑌯𑍋𑌽𑌥 𑌸𑌖𑍀𑌸𑌮𑍇𑌤𑌾
𑌗𑍋𑌵𑌿𑌨𑍍𑌦 𑌦𑌾𑌮𑍋𑌦𑌰 𑌮𑌾𑌧𑌵𑍇𑌤𑌿 ॥ 18॥
𑌕𑍍𑌵𑌚𑌿𑌤𑍍 𑌪𑍍𑌰𑌭𑌾𑌤𑍇 𑌦𑌧𑌿𑌪𑍂𑌰𑍍𑌣𑌪𑌾𑌤𑍍𑌰𑍇
𑌨𑌿𑌕𑍍𑌷𑌿𑌪𑍍𑌯 𑌮𑌨𑍍𑌥𑌂 𑌯𑍁𑌵𑌤𑍀 𑌮𑍁𑌕𑍁𑌨𑍍𑌦𑌮𑍍 ।
𑌆𑌲𑍋𑌕𑍍𑌯 𑌗𑌾𑌨𑌂 𑌵𑌿𑌵𑌿𑌧𑌂 𑌕𑌰𑍋𑌤𑌿
𑌗𑍋𑌵𑌿𑌨𑍍𑌦 𑌦𑌾𑌮𑍋𑌦𑌰 𑌮𑌾𑌧𑌵𑍇𑌤𑌿 ॥ 19॥
𑌕𑍍𑌰𑍀𑌡𑌾𑌪𑌰𑌂 𑌭𑍋𑌜𑌨𑌮𑌜𑍍𑌜𑌨𑌾𑌰𑍍𑌥𑌂
𑌹𑌿𑌤𑍈𑌷𑌿𑌣𑍀 𑌸𑍍𑌤𑍍𑌰𑍀 𑌤𑌨𑍁𑌜𑌂 𑌯𑌶𑍋𑌦𑌾 ।
𑌆𑌜𑍂𑌹𑌵𑌤𑍍 𑌪𑍍𑌰𑍇𑌮𑌪𑌰𑌿𑌪𑍍𑌲𑍁𑌤𑌾𑌕𑍍𑌷𑍀
𑌗𑍋𑌵𑌿𑌨𑍍𑌦 𑌦𑌾𑌮𑍋𑌦𑌰 𑌮𑌾𑌧𑌵𑍇𑌤𑌿 ॥ 20॥
𑌸𑍁𑌖𑌂 𑌶𑌯𑌾𑌨𑌂 𑌨𑌿𑌲𑌯𑍇 𑌚 𑌵𑌿𑌷𑍍𑌣𑍁𑌂
𑌦𑍇𑌵𑌰𑍍𑌷𑌿𑌮𑍁𑌖𑍍𑌯𑌾 𑌮𑍁𑌨𑌯𑌃 𑌪𑍍𑌰𑌪𑌨𑍍𑌨𑌾𑌃 ।
𑌤𑍇𑌨𑌾𑌚𑍍𑌯𑍁𑌤𑍇 𑌤𑌨𑍍𑌮𑌯𑌤𑌾𑌂 𑌵𑍍𑌰𑌜𑌨𑍍𑌤𑌿
𑌗𑍋𑌵𑌿𑌨𑍍𑌦 𑌦𑌾𑌮𑍋𑌦𑌰 𑌮𑌾𑌧𑌵𑍇𑌤𑌿 ॥ 21॥
𑌵𑌿𑌹𑌾𑌯 𑌨𑌿𑌦𑍍𑌰𑌾𑌮𑌰𑍁𑌣𑍋𑌦𑌯𑍇 𑌚
𑌵𑌿𑌧𑌾𑌯 𑌕𑍃𑌤𑍍𑌯𑌾𑌨𑌿 𑌚 𑌵𑌿𑌪𑍍𑌰𑌮𑍁𑌖𑍍𑌯𑌾𑌃 ।
𑌵𑍇𑌦𑌾𑌵𑌸𑌾𑌨𑍇 𑌪𑍍𑌰𑌪𑌠𑌨𑍍𑌤𑌿 𑌨𑌿𑌤𑍍𑌯𑌂
𑌗𑍋𑌵𑌿𑌨𑍍𑌦 𑌦𑌾𑌮𑍋𑌦𑌰 𑌮𑌾𑌧𑌵𑍇𑌤𑌿 ॥ 22॥
𑌵𑍃𑌨𑍍𑌦𑌾𑌵𑌨𑍇 𑌗𑍋𑌪𑌗𑌣𑌾𑌶𑍍𑌚 𑌗𑍋𑌪𑍍𑌯𑍋
𑌵𑌿𑌲𑍋𑌕𑍍𑌯 𑌗𑍋𑌵𑌿𑌨𑍍𑌦𑌵𑌿𑌯𑍋𑌗𑌖𑌿𑌨𑍍𑌨𑌾𑌮𑍍 ।
𑌰𑌾𑌧𑌾𑌂 𑌜𑌗𑍁𑌃 𑌸𑌾𑌶𑍍𑌰𑍁𑌵𑌿𑌲𑍋𑌚𑌨𑌾𑌭𑍍𑌯𑌾𑌂
𑌗𑍋𑌵𑌿𑌨𑍍𑌦 𑌦𑌾𑌮𑍋𑌦𑌰 𑌮𑌾𑌧𑌵𑍇𑌤𑌿 ॥ 23॥
𑌪𑍍𑌰𑌭𑌾𑌤𑌸𑌞𑍍𑌚𑌾𑌰𑌗𑌤𑌾 𑌨𑍁 𑌗𑌾𑌵𑌸𑍍-
𑌤𑌦𑍍𑌰𑌕𑍍𑌷𑌣𑌾𑌰𑍍𑌥𑌂 𑌤𑌨𑌯𑌂 𑌯𑌶𑍋𑌦𑌾 ।
𑌪𑍍𑌰𑌾𑌬𑍋𑌧𑌯𑌤𑍍 𑌪𑌾𑌣𑌿𑌤𑌲𑍇𑌨 𑌮𑌨𑍍𑌦𑌂
𑌗𑍋𑌵𑌿𑌨𑍍𑌦 𑌦𑌾𑌮𑍋𑌦𑌰 𑌮𑌾𑌧𑌵𑍇𑌤𑌿 ॥ 24॥
𑌪𑍍𑌰𑌵𑌾𑌲𑌶𑍋𑌭𑌾 𑌇𑌵 𑌦𑍀𑌰𑍍𑌘𑌕𑍇𑌶𑌾
𑌵𑌾𑌤𑌾𑌮𑍍𑌬𑍁𑌪𑌰𑍍𑌣𑌾𑌶𑌨𑌪𑍂𑌤𑌦𑍇𑌹𑌾𑌃 ।
𑌮𑍂𑌲𑍇 𑌤𑌰𑍂𑌣𑌾𑌂 𑌮𑍁𑌨𑌯𑌃 𑌪𑌠𑌨𑍍𑌤𑌿
𑌗𑍋𑌵𑌿𑌨𑍍𑌦 𑌦𑌾𑌮𑍋𑌦𑌰 𑌮𑌾𑌧𑌵𑍇𑌤𑌿 ॥ 25॥
𑌏𑌵𑌂 𑌬𑍍𑌰𑍁𑌵𑌾𑌣𑌾 𑌵𑌿𑌰𑌹𑌾𑌤𑍁𑌰𑌾 𑌭𑍃𑌶𑌂
𑌵𑍍𑌰𑌜𑌸𑍍𑌤𑍍𑌰𑌿𑌯𑌃 𑌕𑍃𑌷𑍍𑌣𑌵𑌿𑌷𑌕𑍍𑌤𑌮𑌾𑌨𑌸𑌾𑌃 ।
𑌵𑌿𑌸𑍃𑌜𑍍𑌯 𑌲𑌜𑍍𑌜𑌾𑌂 𑌰𑍁𑌰𑍁𑌦𑍁𑌃 𑌸𑍍𑌮 𑌸𑍁𑌸𑍍𑌵𑌰𑌂
𑌗𑍋𑌵𑌿𑌨𑍍𑌦 𑌦𑌾𑌮𑍋𑌦𑌰 𑌮𑌾𑌧𑌵𑍇𑌤𑌿 ॥ 26॥
𑌗𑍋𑌪𑍀 𑌕𑌦𑌾𑌚𑌿𑌨𑍍𑌮𑌣𑌿𑌪𑌞𑍍𑌜𑌰𑌸𑍍𑌥𑌂
𑌶𑍁𑌕𑌂 𑌵𑌚𑍋 𑌵𑌾𑌚𑌯𑌿𑌤𑍁𑌂 𑌪𑍍𑌰𑌵𑍃𑌤𑍍𑌤𑌾 ।
𑌆𑌨𑌨𑍍𑌦𑌕𑌨𑍍𑌦 𑌵𑍍𑌰𑌜𑌚𑌨𑍍𑌦𑍍𑌰 𑌕𑍃𑌷𑍍𑌣
𑌗𑍋𑌵𑌿𑌨𑍍𑌦 𑌦𑌾𑌮𑍋𑌦𑌰 𑌮𑌾𑌧𑌵𑍇𑌤𑌿 ॥ 27॥
𑌗𑍋𑌵𑌤𑍍𑌸𑌬𑌾𑌲𑍈𑌃 𑌶𑌿𑌶𑍁𑌕𑌾𑌕𑌪𑌕𑍍𑌷𑌂
𑌬𑌧𑍍𑌨𑌨𑍍𑌤𑌮𑌮𑍍𑌭𑍋𑌜𑌦𑌲𑌾𑌯𑌤𑌾𑌕𑍍𑌷𑌮𑍍 ।
𑌉𑌵𑌾𑌚 𑌮𑌾𑌤𑌾 𑌚𑌿𑌬𑍁𑌕𑌂 𑌗𑍃𑌹𑍀𑌤𑍍𑌵𑌾
𑌗𑍋𑌵𑌿𑌨𑍍𑌦 𑌦𑌾𑌮𑍋𑌦𑌰 𑌮𑌾𑌧𑌵𑍇𑌤𑌿 ॥ 28॥
𑌪𑍍𑌰𑌭𑌾𑌤𑌕𑌾𑌲𑍇 𑌵𑌰𑌵𑌲𑍍𑌲𑌵𑍗𑌘𑌾
𑌗𑍋𑌰𑌕𑍍𑌷𑌣𑌾𑌰𑍍𑌥𑌂 𑌧𑍃𑌤𑌵𑍇𑌤𑍍𑌰𑌦𑌣𑍍𑌡𑌾𑌃 ।
𑌆𑌕𑌾𑌰𑌯𑌾𑌮𑌾𑌸𑍁𑌰𑌨𑌨𑍍𑌤𑌮𑌾𑌦𑍍𑌯𑌂
𑌗𑍋𑌵𑌿𑌨𑍍𑌦 𑌦𑌾𑌮𑍋𑌦𑌰 𑌮𑌾𑌧𑌵𑍇𑌤𑌿 ॥ 29॥
𑌜𑌲𑌾𑌶𑌯𑍇 𑌕𑌾𑌲𑌿𑌯𑌮𑌰𑍍𑌦𑌨𑌾𑌯
𑌯𑌦𑌾 𑌕𑌦𑌮𑍍𑌬𑌾𑌦𑌪𑌤𑌨𑍍𑌮𑍁𑌰𑌾𑌰𑌿𑌃 ।
𑌗𑍋𑌪𑌾𑌙𑍍𑌗𑌨𑌾𑌶𑍍𑌚𑍁𑌕𑍍𑌰𑍁𑌶𑍁𑌰𑍇𑌤𑍍𑌯 𑌗𑍋𑌪𑌾
𑌗𑍋𑌵𑌿𑌨𑍍𑌦 𑌦𑌾𑌮𑍋𑌦𑌰 𑌮𑌾𑌧𑌵𑍇𑌤𑌿 ॥ 30॥
𑌅𑌕𑍍𑌰𑍂𑌰𑌮𑌾𑌸𑌾𑌦𑍍𑌯 𑌯𑌦𑌾 𑌮𑍁𑌕𑍁𑌨𑍍𑌦𑌶𑍍-
𑌚𑌾𑌪𑍋𑌤𑍍𑌸𑌵𑌾𑌰𑍍𑌥𑌂 𑌮𑌥𑍁𑌰𑌾𑌂 𑌪𑍍𑌰𑌵𑌿𑌷𑍍𑌟𑌃 ।
𑌤𑌦𑌾 𑌸 𑌪𑍗𑌰𑍈𑌰𑍍𑌜𑌯𑌸𑍀𑌤𑍍𑌯𑌭𑌾𑌷𑌿
𑌗𑍋𑌵𑌿𑌨𑍍𑌦 𑌦𑌾𑌮𑍋𑌦𑌰 𑌮𑌾𑌧𑌵𑍇𑌤𑌿 ॥ 31॥
𑌕𑌂𑌸𑌸𑍍𑌯 𑌦𑍂𑌤𑍇𑌨 𑌯𑌦𑍈𑌵 𑌨𑍀𑌤𑍗
𑌵𑍃𑌨𑍍𑌦𑌾𑌵𑌨𑌾𑌨𑍍𑌤𑌾𑌦𑍍 𑌵𑌸𑍁𑌦𑍇𑌵𑌸𑍂𑌨𑍂 । (𑌸𑍂𑌨𑍗)
𑌰𑍁𑌰𑍋𑌦 𑌗𑍋𑌪𑍀 𑌭𑌵𑌨𑌸𑍍𑌯 𑌮𑌧𑍍𑌯𑍇
𑌗𑍋𑌵𑌿𑌨𑍍𑌦 𑌦𑌾𑌮𑍋𑌦𑌰 𑌮𑌾𑌧𑌵𑍇𑌤𑌿 ॥ 32॥
𑌸𑌰𑍋𑌵𑌰𑍇 𑌕𑌾𑌲𑌿𑌯𑌨𑌾𑌗𑌬𑌦𑍍𑌧𑌂
𑌶𑌿𑌶𑍁𑌂 𑌯𑌶𑍋𑌦𑌾𑌤𑌨𑌯𑌂 𑌨𑌿𑌶𑌮𑍍𑌯 ।
𑌚𑌕𑍍𑌰𑍁𑌰𑍍𑌲𑍁𑌠𑌨𑍍𑌤𑍍𑌯𑌃 𑌪𑌥𑌿 𑌗𑍋𑌪𑌬𑌾𑌲𑌾
𑌗𑍋𑌵𑌿𑌨𑍍𑌦 𑌦𑌾𑌮𑍋𑌦𑌰 𑌮𑌾𑌧𑌵𑍇𑌤𑌿 ॥ 33॥
𑌅𑌕𑍍𑌰𑍂𑌰𑌯𑌾𑌨𑍇 𑌯𑌦𑍁𑌵𑌂𑌶𑌨𑌾𑌥𑌂
𑌸𑌙𑍍𑌗𑌚𑍍𑌛𑌮𑌾𑌨𑌂 𑌮𑌥𑍁𑌰𑌾𑌂 𑌨𑌿𑌰𑍀𑌕𑍍𑌷𑍍𑌯 ।
𑌊𑌚𑍁𑌰𑍍𑌵𑌿𑌯𑍋𑌗𑌤𑍍 𑌕𑌿𑌲 𑌗𑍋𑌪𑌬𑌾𑌲𑌾
𑌗𑍋𑌵𑌿𑌨𑍍𑌦 𑌦𑌾𑌮𑍋𑌦𑌰 𑌮𑌾𑌧𑌵𑍇𑌤𑌿 ॥ 34॥
𑌚𑌕𑍍𑌰𑌨𑍍𑌦 𑌗𑍋𑌪𑍀 𑌨𑌲𑌿𑌨𑍀𑌵𑌨𑌾𑌨𑍍𑌤𑍇
𑌕𑍃𑌷𑍍𑌣𑍇𑌨 𑌹𑍀𑌨𑌾 𑌕𑍁𑌸𑍁𑌮𑍇 𑌶𑌯𑌾𑌨𑌾 ।
𑌪𑍍𑌰𑌫𑍁𑌲𑍍𑌲𑌨𑍀𑌲𑍋𑌤𑍍𑌪𑌲𑌲𑍋𑌚𑌨𑌾𑌭𑍍𑌯𑌾𑌂
𑌗𑍋𑌵𑌿𑌨𑍍𑌦 𑌦𑌾𑌮𑍋𑌦𑌰 𑌮𑌾𑌧𑌵𑍇𑌤𑌿 ॥ 35॥
𑌮𑌾𑌤𑌾𑌪𑌿𑌤𑍃𑌭𑍍𑌯𑌾𑌂 𑌪𑌰𑌿𑌵𑌾𑌰𑍍𑌯𑌮𑌾𑌣𑌾
𑌗𑍇𑌹𑌂 𑌪𑍍𑌰𑌵𑌿𑌷𑍍𑌟𑌾 𑌵𑌿𑌲𑌲𑌾𑌪 𑌗𑍋𑌪𑍀 ।
𑌆𑌗𑌤𑍍𑌯 𑌮𑌾𑌂 𑌪𑌾𑌲𑌯 𑌵𑌿𑌶𑍍𑌵𑌨𑌾𑌥
𑌗𑍋𑌵𑌿𑌨𑍍𑌦 𑌦𑌾𑌮𑍋𑌦𑌰 𑌮𑌾𑌧𑌵𑍇𑌤𑌿 ॥ 36॥
𑌵𑍃𑌨𑍍𑌦𑌾𑌵𑌨𑌸𑍍𑌥𑌂 𑌹𑌰𑌿𑌮𑌾𑌶𑍁 𑌬𑍁𑌦𑍍𑌧𑍍𑌵𑌾
𑌗𑍋𑌪𑍀 𑌗𑌤𑌾 𑌕𑌾𑌪𑌿 𑌵𑌨𑌂 𑌨𑌿𑌶𑌾𑌯𑌾𑌮𑍍 ।
𑌤𑌤𑍍𑌰𑌾𑌪𑍍𑌯𑌦𑍃𑌷𑍍𑌟𑍍𑌵𑌾𑌽𑌤𑌿𑌭𑌯𑌾𑌦𑌵𑍋𑌚𑌦𑍍
𑌗𑍋𑌵𑌿𑌨𑍍𑌦 𑌦𑌾𑌮𑍋𑌦𑌰 𑌮𑌾𑌧𑌵𑍇𑌤𑌿 ॥ 37॥
𑌸𑍁𑌖𑌂 𑌶𑌯𑌾𑌨𑌾 𑌨𑌿𑌲𑌯𑍇 𑌨𑌿𑌜𑍇𑌽𑌪𑌿
𑌨𑌾𑌮𑌾𑌨𑌿 𑌵𑌿𑌷𑍍𑌣𑍋𑌃 𑌪𑍍𑌰𑌵𑌦𑌨𑍍𑌤𑌿 𑌮𑌰𑍍𑌤𑍍𑌯𑌾𑌃 ।
𑌤𑍇 𑌨𑌿𑌶𑍍𑌚𑌿𑌤𑌂 𑌤𑌨𑍍𑌮𑌯𑌤𑌾𑌂 𑌵𑍍𑌰𑌜𑌨𑍍𑌤𑌿
𑌗𑍋𑌵𑌿𑌨𑍍𑌦 𑌦𑌾𑌮𑍋𑌦𑌰 𑌮𑌾𑌧𑌵𑍇𑌤𑌿 ॥ 38॥
𑌸𑌾 𑌨𑍀𑌰𑌜𑌾𑌕𑍍𑌷𑍀𑌮𑌵𑌲𑍋𑌕𑍍𑌯 𑌰𑌾𑌧𑌾𑌂
𑌰𑍁𑌰𑍋𑌦 𑌗𑍋𑌵𑌿𑌨𑍍𑌦𑌵𑌿𑌯𑍋𑌗𑌖𑌿𑌨𑍍𑌨𑌾𑌮𑍍 ।
𑌸𑌖𑍀 𑌪𑍍𑌰𑌫𑍁𑌲𑍍𑌲𑍋𑌤𑍍𑌪𑌲𑌲𑍋𑌚𑌨𑌾𑌭𑍍𑌯𑌾𑌂
𑌗𑍋𑌵𑌿𑌨𑍍𑌦 𑌦𑌾𑌮𑍋𑌦𑌰 𑌮𑌾𑌧𑌵𑍇𑌤𑌿 ॥ 39॥
𑌜𑌿𑌹𑍍𑌵𑍇 𑌰𑌸𑌜𑍍𑌞𑍇 𑌮𑌧𑍁𑌰𑌪𑍍𑌰𑌿𑌯𑌾 𑌤𑍍𑌵𑌂
𑌸𑌤𑍍𑌯𑌂 𑌹𑌿𑌤𑌂 𑌤𑍍𑌵𑌾𑌂 𑌪𑌰𑌮𑌂 𑌵𑌦𑌾𑌮𑌿 ।
𑌆𑌵𑌰𑍍𑌣𑌯𑍇𑌥𑌾 𑌮𑌧𑍁𑌰𑌾𑌕𑍍𑌷𑌰𑌾𑌣𑌿
𑌗𑍋𑌵𑌿𑌨𑍍𑌦 𑌦𑌾𑌮𑍋𑌦𑌰 𑌮𑌾𑌧𑌵𑍇𑌤𑌿 ॥ 40॥
𑌆𑌤𑍍𑌯𑌨𑍍𑌤𑌿𑌕𑌵𑍍𑌯𑌾𑌧𑌿𑌹𑌰𑌂 𑌜𑌨𑌾𑌨𑌾𑌂
𑌚𑌿𑌕𑌿𑌤𑍍𑌸𑌕𑌂 𑌵𑍇𑌦𑌵𑌿𑌦𑍋 𑌵𑌦𑌨𑍍𑌤𑌿 ।
𑌸𑌂𑌸𑌾𑌰𑌤𑌾𑌪𑌤𑍍𑌰𑌯𑌨𑌾𑌶𑌬𑍀𑌜𑌂
𑌗𑍋𑌵𑌿𑌨𑍍𑌦 𑌦𑌾𑌮𑍋𑌦𑌰 𑌮𑌾𑌧𑌵𑍇𑌤𑌿 ॥ 41॥
𑌤𑌾𑌤𑌾𑌜𑍍𑌞𑌯𑌾 𑌗𑌚𑍍𑌛𑌤𑌿 𑌰𑌾𑌮𑌚𑌨𑍍𑌦𑍍𑌰𑍇
𑌸𑌲𑌕𑍍𑌷𑍍𑌮𑌣𑍇𑌽𑌰𑌣𑍍𑌯𑌚𑌯𑍇 𑌸𑌸𑍀𑌤𑍇 ।
𑌚𑌕𑍍𑌰𑌨𑍍𑌦 𑌰𑌾𑌮𑌸𑍍𑌯 𑌨𑌿𑌜𑌾 𑌜𑌨𑌿𑌤𑍍𑌰𑍀
𑌗𑍋𑌵𑌿𑌨𑍍𑌦 𑌦𑌾𑌮𑍋𑌦𑌰 𑌮𑌾𑌧𑌵𑍇𑌤𑌿 ॥ 42॥
𑌏𑌕𑌾𑌕𑌿𑌨𑍀 𑌦𑌣𑍍𑌡𑌕𑌕𑌾𑌨𑌨𑌾𑌨𑍍𑌤𑌾𑌤𑍍
𑌸𑌾 𑌨𑍀𑌯𑌮𑌾𑌨𑌾 𑌦𑌶𑌕𑌨𑍍𑌧𑌰𑍇𑌣 ।
𑌸𑍀𑌤𑌾 𑌤𑌦𑌾𑌕𑍍𑌰𑌨𑍍𑌦𑌦𑌨𑌨𑍍𑌯𑌨𑌾𑌥𑌾
𑌗𑍋𑌵𑌿𑌨𑍍𑌦 𑌦𑌾𑌮𑍋𑌦𑌰 𑌮𑌾𑌧𑌵𑍇𑌤𑌿 ॥ 43॥
𑌰𑌾𑌮𑌾𑌦𑍍𑌵𑌿𑌯𑍁𑌕𑍍𑌤𑌾 𑌜𑌨𑌕𑌾𑌤𑍍𑌮𑌜𑌾 𑌸𑌾
𑌵𑌿𑌚𑌿𑌨𑍍𑌤𑌯𑌨𑍍𑌤𑍀 𑌹𑍃𑌦𑌿 𑌰𑌾𑌮𑌰𑍂𑌪𑌮𑍍 ।
𑌰𑍁𑌰𑍋𑌦 𑌸𑍀𑌤𑌾 𑌰𑌘𑍁𑌨𑌾𑌥 𑌪𑌾𑌹𑌿
𑌗𑍋𑌵𑌿𑌨𑍍𑌦 𑌦𑌾𑌮𑍋𑌦𑌰 𑌮𑌾𑌧𑌵𑍇𑌤𑌿 ॥ 44॥
𑌪𑍍𑌰𑌸𑍀𑌦 𑌵𑌿𑌷𑍍𑌣𑍋 𑌰𑌘𑍁𑌵𑌂𑌶𑌨𑌾𑌥
𑌸𑍁𑌰𑌾𑌸𑍁𑌰𑌾𑌣𑌾𑌂 𑌸𑍁𑌖𑌦𑍁𑌃𑌖𑌹𑍇𑌤𑍋 ।
𑌰𑍁𑌰𑍋𑌦 𑌸𑍀𑌤𑌾 𑌤𑍁 𑌸𑌮𑍁𑌦𑍍𑌰𑌮𑌧𑍍𑌯𑍇
𑌗𑍋𑌵𑌿𑌨𑍍𑌦 𑌦𑌾𑌮𑍋𑌦𑌰 𑌮𑌾𑌧𑌵𑍇𑌤𑌿 ॥ 45॥
𑌅𑌨𑍍𑌤𑌰𑍍𑌜𑌲𑍇 𑌗𑍍𑌰𑌾𑌹𑌗𑍃𑌹𑍀𑌤𑌪𑌾𑌦𑍋
𑌵𑌿𑌸𑍃𑌷𑍍𑌟𑌵𑌿𑌕𑍍𑌲𑌿𑌷𑍍𑌟𑌸𑌮𑌸𑍍𑌤𑌬𑌨𑍍𑌧𑍁𑌃 ।
𑌤𑌦𑌾 𑌗𑌜𑍇𑌨𑍍𑌦𑍍𑌰𑍋 𑌨𑌿𑌤𑌰𑌾𑌂 𑌜𑌗𑌾𑌦
𑌗𑍋𑌵𑌿𑌨𑍍𑌦 𑌦𑌾𑌮𑍋𑌦𑌰 𑌮𑌾𑌧𑌵𑍇𑌤𑌿 ॥ 46॥
𑌹𑌂𑌸𑌧𑍍𑌵𑌜𑌃 𑌶𑌙𑍍𑌖𑌯𑍁𑌤𑍋 𑌦𑌦𑌰𑍍𑌶
𑌪𑍁𑌤𑍍𑌰𑌂 𑌕𑌟𑌾𑌹𑍇 𑌪𑍍𑌰𑌤𑌪𑌨𑍍𑌤𑌮𑍇𑌨𑌮𑍍 ।
𑌪𑍁𑌣𑍍𑌯𑌾𑌨𑌿 𑌨𑌾𑌮𑌾𑌨𑌿 𑌹𑌰𑍇𑌰𑍍𑌜𑌪𑌨𑍍𑌤𑌂
𑌗𑍋𑌵𑌿𑌨𑍍𑌦 𑌦𑌾𑌮𑍋𑌦𑌰 𑌮𑌾𑌧𑌵𑍇𑌤𑌿 ॥ 47॥
𑌦𑍁𑌰𑍍𑌵𑌾𑌸𑌸𑍋 𑌵𑌾𑌕𑍍𑌯𑌮𑍁𑌪𑍇𑌤𑍍𑌯 𑌕𑍃𑌷𑍍𑌣𑌾
𑌸𑌾 𑌚𑌾𑌬𑍍𑌰𑌵𑍀𑌤𑍍 𑌕𑌾𑌨𑌨𑌵𑌾𑌸𑌿𑌨𑍀𑌶𑌮𑍍 ।
𑌅𑌨𑍍𑌤𑌃 𑌪𑍍𑌰𑌵𑌿𑌷𑍍𑌟𑌂 𑌮𑌨𑌸𑌾 𑌜𑍁𑌹𑌾𑌵
𑌗𑍋𑌵𑌿𑌨𑍍𑌦 𑌦𑌾𑌮𑍋𑌦𑌰 𑌮𑌾𑌧𑌵𑍇𑌤𑌿 ॥ 48॥
𑌧𑍍𑌯𑍇𑌯𑌃 𑌸𑌦𑌾 𑌯𑍋𑌗𑌿𑌭𑌿𑌰𑌪𑍍𑌰𑌮𑍇𑌯𑌃
𑌚𑌿𑌨𑍍𑌤𑌾𑌹𑌰𑌶𑍍𑌚𑌿𑌨𑍍𑌤𑌿𑌤𑌪𑌾𑌰𑌿𑌜𑌾𑌤𑌃 ।
𑌕𑌸𑍍𑌤𑍂𑌰𑌿𑌕𑌾𑌕𑌲𑍍𑌪𑌿𑌤𑌨𑍀𑌲𑌵𑌰𑍍𑌣𑍋
𑌗𑍋𑌵𑌿𑌨𑍍𑌦 𑌦𑌾𑌮𑍋𑌦𑌰 𑌮𑌾𑌧𑌵𑍇𑌤𑌿 ॥ 49॥
𑌸𑌂𑌸𑌾𑌰𑌕𑍂𑌪𑍇 𑌪𑌤𑌿𑌤𑍋𑌽𑌤𑍍𑌯𑌗𑌾𑌧𑍇
𑌮𑍋𑌹𑌾𑌨𑍍𑌧𑌪𑍂𑌰𑍍𑌣𑍇 𑌵𑌿𑌷𑌯𑌾𑌭𑌿𑌤𑌪𑍍𑌤𑍇 ।
𑌕𑌰𑌾𑌵𑌲𑌮𑍍𑌬𑌂 𑌮𑌮 𑌦𑍇𑌹𑌿 𑌵𑌿𑌷𑍍𑌣𑍋
𑌗𑍋𑌵𑌿𑌨𑍍𑌦 𑌦𑌾𑌮𑍋𑌦𑌰 𑌮𑌾𑌧𑌵𑍇𑌤𑌿 ॥ 50॥
𑌭𑌜𑌸𑍍𑌵 𑌮𑌨𑍍𑌤𑍍𑌰𑌂 𑌭𑌵𑌬𑌨𑍍𑌧𑌮𑍁𑌕𑍍𑌤𑍍𑌯𑍈
𑌜𑌿𑌹𑍍𑌵𑍇 𑌰𑌸𑌜𑍍𑌞𑍇 𑌸𑍁𑌲𑌭𑌂 𑌮𑌨𑍋𑌜𑍍𑌞𑌮𑍍 ।
𑌦𑍍𑌵𑍈𑌪𑌾𑌯𑌨𑌾𑌦𑍍𑌯𑍈𑌰𑍍𑌮𑍁𑌨𑌿𑌭𑌿𑌃 𑌪𑍍𑌰𑌜𑌪𑍍𑌤𑌂
𑌗𑍋𑌵𑌿𑌨𑍍𑌦 𑌦𑌾𑌮𑍋𑌦𑌰 𑌮𑌾𑌧𑌵𑍇𑌤𑌿 ॥ 51॥
𑌤𑍍𑌵𑌾𑌮𑍇𑌵 𑌯𑌾𑌚𑍇 𑌮𑌮 𑌦𑍇𑌹𑌿 𑌜𑌿𑌹𑍍𑌵𑍇
𑌸𑌮𑌾𑌗𑌤𑍇 𑌦𑌣𑍍𑌡𑌧𑌰𑍇 𑌕𑍃𑌤𑌾𑌨𑍍𑌤𑍇 ।
𑌵𑌕𑍍𑌤𑌵𑍍𑌯𑌮𑍇𑌵𑌂 𑌮𑌧𑍁𑌰𑌂 𑌸𑍁𑌭𑌕𑍍𑌤𑍍𑌯𑌾
𑌗𑍋𑌵𑌿𑌨𑍍𑌦 𑌦𑌾𑌮𑍋𑌦𑌰 𑌮𑌾𑌧𑌵𑍇𑌤𑌿 ॥ 52॥
𑌗𑍋𑌪𑌾𑌲 𑌵𑌂𑌶𑍀𑌧𑌰 𑌰𑍂𑌪𑌸𑌿𑌨𑍍𑌧𑍋
𑌲𑍋𑌕𑍇𑌶 𑌨𑌾𑌰𑌾𑌯𑌣 𑌦𑍀𑌨𑌬𑌨𑍍𑌧𑍋 ।
𑌉𑌚𑍍𑌚𑌸𑍍𑌵𑌰𑍈𑌸𑍍𑌤𑍍𑌵𑌂 𑌵𑌦 𑌸𑌰𑍍𑌵𑌦𑍈𑌵
𑌗𑍋𑌵𑌿𑌨𑍍𑌦 𑌦𑌾𑌮𑍋𑌦𑌰 𑌮𑌾𑌧𑌵𑍇𑌤𑌿 ॥ 53॥
𑌜𑌿𑌹𑍍𑌵𑍇 𑌸𑌦𑍈𑌵𑌂 𑌭𑌜 𑌸𑍁𑌨𑍍𑌦𑌰𑌾𑌣𑌿
𑌨𑌾𑌮𑌾𑌨𑌿 𑌕𑍃𑌷𑍍𑌣𑌸𑍍𑌯 𑌮𑌨𑍋𑌹𑌰𑌾𑌣𑌿 ।
𑌸𑌮𑌸𑍍𑌤𑌭𑌕𑍍𑌤𑌾𑌰𑍍𑌤𑌿𑌵𑌿𑌨𑌾𑌶𑌨𑌾𑌨𑌿
𑌗𑍋𑌵𑌿𑌨𑍍𑌦 𑌦𑌾𑌮𑍋𑌦𑌰 𑌮𑌾𑌧𑌵𑍇𑌤𑌿 ॥ 54॥
𑌗𑍋𑌵𑌿𑌨𑍍𑌦 𑌗𑍋𑌵𑌿𑌨𑍍𑌦 𑌹𑌰𑍇 𑌮𑍁𑌰𑌾𑌰𑍇
𑌗𑍋𑌵𑌿𑌨𑍍𑌦 𑌗𑍋𑌵𑌿𑌨𑍍𑌦 𑌮𑍁𑌕𑍁𑌨𑍍𑌦 𑌕𑍃𑌷𑍍𑌣 ।
𑌗𑍋𑌵𑌿𑌨𑍍𑌦 𑌗𑍋𑌵𑌿𑌨𑍍𑌦 𑌰𑌥𑌾𑌙𑍍𑌗𑌪𑌾𑌣𑍇
𑌗𑍋𑌵𑌿𑌨𑍍𑌦 𑌦𑌾𑌮𑍋𑌦𑌰 𑌮𑌾𑌧𑌵𑍇𑌤𑌿 ॥ 55॥
𑌸𑍁𑌖𑌾𑌵𑌸𑌾𑌨𑍇 𑌤𑍍𑌵𑌿𑌦𑌮𑍇𑌵 𑌸𑌾𑌰𑌂
𑌦𑍁𑌃𑌖𑌾𑌵𑌸𑌾𑌨𑍇 𑌤𑍍𑌵𑌿𑌦𑌮𑍇𑌵 𑌗𑍇𑌯𑌮𑍍 ।
𑌦𑍇𑌹𑌾𑌵𑌸𑌾𑌨𑍇 𑌤𑍍𑌵𑌿𑌦𑌮𑍇𑌵 𑌜𑌾𑌪𑍍𑌯𑌂
𑌗𑍋𑌵𑌿𑌨𑍍𑌦 𑌦𑌾𑌮𑍋𑌦𑌰 𑌮𑌾𑌧𑌵𑍇𑌤𑌿 ॥ 56॥
𑌦𑍁𑌰𑍍𑌵𑌾𑌰𑌵𑌾𑌕𑍍𑌯𑌂 𑌪𑌰𑌿𑌗𑍃𑌹𑍍𑌯 𑌕𑍃𑌷𑍍𑌣𑌾
𑌮𑍃𑌗𑍀𑌵 𑌭𑍀𑌤𑌾 𑌤𑍁 𑌕𑌥𑌂 𑌕𑌥𑌞𑍍𑌚𑌿𑌤𑍍 ।
𑌸𑌭𑌾𑌂 𑌪𑍍𑌰𑌵𑌿𑌷𑍍𑌟𑌾 𑌮𑌨𑌸𑌾 𑌜𑍁𑌹𑌾𑌵
𑌗𑍋𑌵𑌿𑌨𑍍𑌦 𑌦𑌾𑌮𑍋𑌦𑌰 𑌮𑌾𑌧𑌵𑍇𑌤𑌿 ॥ 57॥
𑌶𑍍𑌰𑍀𑌕𑍃𑌷𑍍𑌣 𑌰𑌾𑌧𑌾𑌵𑌰 𑌗𑍋𑌕𑍁𑌲𑍇𑌶
𑌗𑍋𑌪𑌾𑌲 𑌗𑍋𑌵𑌰𑍍𑌧𑌨 𑌨𑌾𑌥 𑌵𑌿𑌷𑍍𑌣𑍋 ।
𑌜𑌿𑌹𑍍𑌵𑍇 𑌪𑌿𑌬𑌸𑍍𑌵𑌾𑌮𑍃𑌤𑌮𑍇𑌤𑌦𑍇𑌵
𑌗𑍋𑌵𑌿𑌨𑍍𑌦 𑌦𑌾𑌮𑍋𑌦𑌰 𑌮𑌾𑌧𑌵𑍇𑌤𑌿 ॥ 58॥
𑌶𑍍𑌰𑍀𑌨𑌾𑌥 𑌵𑌿𑌶𑍍𑌵𑍇𑌶𑍍𑌵𑌰 𑌵𑌿𑌶𑍍𑌵𑌮𑍂𑌰𑍍𑌤𑍇
𑌶𑍍𑌰𑍀𑌦𑍇𑌵𑌕𑍀𑌨𑌨𑍍𑌦𑌨 𑌦𑍈𑌤𑍍𑌯𑌶𑌤𑍍𑌰𑍋 ।
𑌜𑌿𑌹𑍍𑌵𑍇 𑌪𑌿𑌬𑌸𑍍𑌵𑌾𑌮𑍃𑌤𑌮𑍇𑌤𑌦𑍇𑌵
𑌗𑍋𑌵𑌿𑌨𑍍𑌦 𑌦𑌾𑌮𑍋𑌦𑌰 𑌮𑌾𑌧𑌵𑍇𑌤𑌿 ॥ 59॥
𑌗𑍋𑌪𑍀𑌪𑌤𑍇 𑌕𑌂𑌸𑌰𑌿𑌪𑍋 𑌮𑍁𑌕𑍁𑌨𑍍𑌦
𑌲𑌕𑍍𑌷𑍍𑌮𑍀𑌪𑌤𑍇 𑌕𑍇𑌶𑌵 𑌵𑌾𑌸𑍁𑌦𑍇𑌵 ।
𑌜𑌿𑌹𑍍𑌵𑍇 𑌪𑌿𑌬𑌸𑍍𑌵𑌾𑌮𑍃𑌤𑌮𑍇𑌤𑌦𑍇𑌵
𑌗𑍋𑌵𑌿𑌨𑍍𑌦 𑌦𑌾𑌮𑍋𑌦𑌰 𑌮𑌾𑌧𑌵𑍇𑌤𑌿 ॥ 60॥
𑌗𑍋𑌪𑍀𑌜𑌨𑌾𑌹𑍍𑌲𑌾𑌦𑌕𑌰 𑌵𑍍𑌰𑌜𑍇𑌶
𑌗𑍋𑌚𑌾𑌰𑌣𑌾𑌰𑌣𑍍𑌯𑌕𑍃𑌤𑌪𑍍𑌰𑌵𑍇𑌶 ।
𑌜𑌿𑌹𑍍𑌵𑍇 𑌪𑌿𑌬𑌸𑍍𑌵𑌾𑌮𑍃𑌤𑌮𑍇𑌤𑌦𑍇𑌵
𑌗𑍋𑌵𑌿𑌨𑍍𑌦 𑌦𑌾𑌮𑍋𑌦𑌰 𑌮𑌾𑌧𑌵𑍇𑌤𑌿 ॥ 61॥
𑌪𑍍𑌰𑌾𑌣𑍇𑌶 𑌵𑌿𑌶𑍍𑌵𑌮𑍍𑌭𑌰 𑌕𑍈𑌟𑌭𑌾𑌰𑍇
𑌵𑍈𑌕𑍁𑌣𑍍𑌠 𑌨𑌾𑌰𑌾𑌯𑌣 𑌚𑌕𑍍𑌰𑌪𑌾𑌣𑍇 ।
𑌜𑌿𑌹𑍍𑌵𑍇 𑌪𑌿𑌬𑌸𑍍𑌵𑌾𑌮𑍃𑌤𑌮𑍇𑌤𑌦𑍇𑌵
𑌗𑍋𑌵𑌿𑌨𑍍𑌦 𑌦𑌾𑌮𑍋𑌦𑌰 𑌮𑌾𑌧𑌵𑍇𑌤𑌿 ॥ 62॥
𑌹𑌰𑍇 𑌮𑍁𑌰𑌾𑌰𑍇 𑌮𑌧𑍁𑌸𑍂𑌦𑌨𑌾𑌦𑍍𑌯
𑌶𑍍𑌰𑍀𑌰𑌾𑌮 𑌸𑍀𑌤𑌾𑌵𑌰 𑌰𑌾𑌵𑌣𑌾𑌰𑍇 ।
𑌜𑌿𑌹𑍍𑌵𑍇 𑌪𑌿𑌬𑌸𑍍𑌵𑌾𑌮𑍃𑌤𑌮𑍇𑌤𑌦𑍇𑌵
𑌗𑍋𑌵𑌿𑌨𑍍𑌦 𑌦𑌾𑌮𑍋𑌦𑌰 𑌮𑌾𑌧𑌵𑍇𑌤𑌿 ॥ 63॥
𑌶𑍍𑌰𑍀𑌯𑌾𑌦𑌵𑍇𑌨𑍍𑌦𑍍𑌰𑌾𑌦𑍍𑌰𑌿𑌧𑌰𑌾𑌮𑍍𑌬𑍁𑌜𑌾𑌕𑍍𑌷
𑌗𑍋𑌗𑍋𑌪𑌗𑍋𑌪𑍀𑌸𑍁𑌖𑌦𑌾𑌨𑌦𑌕𑍍𑌷 ।
𑌜𑌿𑌹𑍍𑌵𑍇 𑌪𑌿𑌬𑌸𑍍𑌵𑌾𑌮𑍃𑌤𑌮𑍇𑌤𑌦𑍇𑌵
𑌗𑍋𑌵𑌿𑌨𑍍𑌦 𑌦𑌾𑌮𑍋𑌦𑌰 𑌮𑌾𑌧𑌵𑍇𑌤𑌿 ॥ 64॥
𑌧𑌰𑌾𑌭𑌰𑍋𑌤𑍍𑌤𑌾𑌰𑌣𑌗𑍋𑌪𑌵𑍇𑌷
𑌵𑌿𑌹𑌾𑌰𑌲𑍀𑌲𑌾𑌕𑍃𑌤𑌬𑌨𑍍𑌧𑍁𑌶𑍇𑌷 ।
𑌜𑌿𑌹𑍍𑌵𑍇 𑌪𑌿𑌬𑌸𑍍𑌵𑌾𑌮𑍃𑌤𑌮𑍇𑌤𑌦𑍇𑌵
𑌗𑍋𑌵𑌿𑌨𑍍𑌦 𑌦𑌾𑌮𑍋𑌦𑌰 𑌮𑌾𑌧𑌵𑍇𑌤𑌿 ॥ 65॥
𑌬𑌕𑍀𑌬𑌕𑌾𑌘𑌾𑌸𑍁𑌰𑌧𑍇𑌨𑍁𑌕𑌾𑌰𑍇
𑌕𑍇𑌶𑍀𑌤𑍃𑌣𑌾𑌵𑌰𑍍𑌤𑌵𑌿𑌘𑌾𑌤𑌦𑌕𑍍𑌷 ।
𑌜𑌿𑌹𑍍𑌵𑍇 𑌪𑌿𑌬𑌸𑍍𑌵𑌾𑌮𑍃𑌤𑌮𑍇𑌤𑌦𑍇𑌵
𑌗𑍋𑌵𑌿𑌨𑍍𑌦 𑌦𑌾𑌮𑍋𑌦𑌰 𑌮𑌾𑌧𑌵𑍇𑌤𑌿 ॥ 66॥
𑌶𑍍𑌰𑍀𑌜𑌾𑌨𑌕𑍀𑌜𑍀𑌵𑌨 𑌰𑌾𑌮𑌚𑌨𑍍𑌦𑍍𑌰
𑌨𑌿𑌶𑌾𑌚𑌰𑌾𑌰𑍇 𑌭𑌰𑌤𑌾𑌗𑍍𑌰𑌜𑍇𑌶 ।
𑌜𑌿𑌹𑍍𑌵𑍇 𑌪𑌿𑌬𑌸𑍍𑌵𑌾𑌮𑍃𑌤𑌮𑍇𑌤𑌦𑍇𑌵
𑌗𑍋𑌵𑌿𑌨𑍍𑌦 𑌦𑌾𑌮𑍋𑌦𑌰 𑌮𑌾𑌧𑌵𑍇𑌤𑌿 ॥ 67॥
𑌨𑌾𑌰𑌾𑌯𑌣𑌾𑌨𑌨𑍍𑌤 𑌹𑌰𑍇 𑌨𑍃𑌸𑌿𑌂𑌹
𑌪𑍍𑌰𑌹𑍍𑌲𑌾𑌦𑌬𑌾𑌧𑌾𑌹𑌰 𑌹𑍇 𑌕𑍃𑌪𑌾𑌲𑍋 ।
𑌜𑌿𑌹𑍍𑌵𑍇 𑌪𑌿𑌬𑌸𑍍𑌵𑌾𑌮𑍃𑌤𑌮𑍇𑌤𑌦𑍇𑌵
𑌗𑍋𑌵𑌿𑌨𑍍𑌦 𑌦𑌾𑌮𑍋𑌦𑌰 𑌮𑌾𑌧𑌵𑍇𑌤𑌿 ॥ 68॥
𑌲𑍀𑌲𑌾𑌮𑌨𑍁𑌷𑍍𑌯𑌾𑌕𑍃𑌤𑌿𑌰𑌾𑌮𑌰𑍂𑌪
𑌪𑍍𑌰𑌤𑌾𑌪𑌦𑌾𑌸𑍀𑌕𑍃𑌤𑌸𑌰𑍍𑌵𑌭𑍂𑌪 ।
𑌜𑌿𑌹𑍍𑌵𑍇 𑌪𑌿𑌬𑌸𑍍𑌵𑌾𑌮𑍃𑌤𑌮𑍇𑌤𑌦𑍇𑌵
𑌗𑍋𑌵𑌿𑌨𑍍𑌦 𑌦𑌾𑌮𑍋𑌦𑌰 𑌮𑌾𑌧𑌵𑍇𑌤𑌿 ॥ 69॥
𑌶𑍍𑌰𑍀𑌕𑍃𑌷𑍍𑌣 𑌗𑍋𑌵𑌿𑌨𑍍𑌦 𑌹𑌰𑍇 𑌮𑍁𑌰𑌾𑌰𑍇
𑌹𑍇 𑌨𑌾𑌥 𑌨𑌾𑌰𑌾𑌯𑌣 𑌵𑌾𑌸𑍁𑌦𑍇𑌵 ।
𑌜𑌿𑌹𑍍𑌵𑍇 𑌪𑌿𑌬𑌸𑍍𑌵𑌾𑌮𑍃𑌤𑌮𑍇𑌤𑌦𑍇𑌵
𑌗𑍋𑌵𑌿𑌨𑍍𑌦 𑌦𑌾𑌮𑍋𑌦𑌰 𑌮𑌾𑌧𑌵𑍇𑌤𑌿 ॥ 70॥
𑌵𑌕𑍍𑌤𑍁𑌂 𑌸𑌮𑌰𑍍𑌥𑍋𑌽𑌪𑌿 𑌨 𑌵𑌕𑍍𑌤𑌿 𑌕𑌶𑍍𑌚𑌿𑌦𑍍-
𑌅𑌹𑍋 𑌜𑌨𑌾𑌨𑌾𑌂 𑌵𑍍𑌯𑌸𑌨𑌾𑌭𑌿𑌮𑍁𑌖𑍍𑌯𑌮𑍍 ।
𑌜𑌿𑌹𑍍𑌵𑍇 𑌪𑌿𑌬𑌸𑍍𑌵𑌾𑌮𑍃𑌤𑌮𑍇𑌤𑌦𑍇𑌵
𑌗𑍋𑌵𑌿𑌨𑍍𑌦 𑌦𑌾𑌮𑍋𑌦𑌰 𑌮𑌾𑌧𑌵𑍇𑌤𑌿 ॥ 71॥
𑌇𑌤𑌿 𑌶𑍍𑌰𑍀𑌬𑌿𑌲𑍍𑌵𑌮𑌙𑍍𑌗𑌲𑌾𑌚𑌾𑌰𑍍𑌯𑌵𑌿𑌰𑌚𑌿𑌤𑌂 𑌶𑍍𑌰𑍀𑌗𑍋𑌵𑌿𑌨𑍍𑌦𑌦𑌾𑌮𑍋𑌦𑌰𑌸𑍍𑌤𑍋𑌤𑍍𑌰𑌂 𑌸𑌮𑍍𑌪𑍂𑌰𑍍𑌣𑌮𑍍 ।
Roman (IAST) Transliteration
agre kurūṇāmatha pāṇḍavānāṃ
duḥśāsanenāhṛtavastrakeśā |
kṛṣṇā tadākrośadananyanāthā
govinda dāmodara mādhaveti || 1||
śrīkṛṣṇa viṣṇo madhukaiṭabhāre
bhaktānukampin bhagavan murāre |
trāyasva māṃ keśava lokanātha
govinda dāmodara mādhaveti || 2||
vikretukāmā kila gopakanyā
murāripādārpitacittavṛttiḥ |
dadhyādikaṃ mohavaśādavocad
govinda dāmodara mādhaveti || 3||
ulūkhale sambhṛtataṇḍulāṃśca
saṅghaṭṭayantyo musalaiḥ pramugdhāḥ |
gāyanti gopyo janitānurāgā
govinda dāmodara mādhaveti || 4||
kācitkarāmbhojapuṭe niṣaṇṇaṃ
krīḍāśukaṃ kiṃśukaraktatuṇḍam |
adhyāpayāmāsa saroruhākṣī
govinda dāmodara mādhaveti || 5||
gṛhe gṛhe gopavadhūsamūhaḥ
pratikṣaṇaṃ piñjarasārikāṇām |
skhaladgirāṃ vācayituṃ pravṛtto
govinda dāmodara mādhaveti || 6||
paryyaṅkikābhājamalaṃ kumāraṃ
prasvāpayantyo'khilagopakanyāḥ |
jaguḥ prabandhaṃ svaratālabandhaṃ
govinda dāmodara mādhaveti || 7||
rāmānujaṃ vīkṣaṇakelilolaṃ
gopī gṛhītvā navanītagolam |
ābālakaṃ bālakamājuhāva
govinda dāmodara mādhaveti || 8||
vicitravarṇābharaṇābhirāme-
'bhidhehi vaktrāmbujarājahaṃsi |
sadā madīye rasane'graraṅge
govinda dāmodara mādhaveti || 9||
aṅkādhirūḍhaṃ śiśugopagūḍhaṃ
stanaṃ dhayantaṃ kamalaikakāntam |
sambodhayāmāsa mudā yaśodā
govinda dāmodara mādhaveti || 10||
krīḍantamantarvrajamātmajaṃ svaṃ
samaṃ vayasyaiḥ paśupālabālaiḥ |
premṇā yaśodā prajuhāva kṛṣṇaṃ
govinda dāmodara mādhaveti || 11||
yaśodayā gāḍhamulūkhalena
gokaṇṭhapāśena nibadhyamānaḥ |
ruroda mandaṃ navanītabhojī
govinda dāmodara mādhaveti || 12||
nijāṅgaṇe kaṅkaṇakelilolaṃ
gopī gṛhītvā navanītagolam |
āmardayatpāṇitalena netre
govinda dāmodara mādhaveti || 13||
gṛhe gṛhe gopavadhūkadambāḥ
sarve militvā samavāyayoge |
puṇyāni nāmāni paṭhanti nityaṃ
govinda dāmodara mādhaveti || 14||
mandāramūle vadanābhirāmaṃ
bimbādhare pūritaveṇunādam |
gogopagopījanamadhyasaṃsthaṃ
govinda dāmodara mādhaveti || 15||
utthāya gopyo¶rātrabhāge
smṛtvā yaśodāsutabālakelim |
gāyanti proccairdadhi manthayantyo
govinda dāmodara mādhaveti || 16||
jagdho'tha datto navanītapiṇḍo
gṛhe yaśodā vicikitsayantī |
uvāca satyaṃ vada he murāre
govinda dāmodara mādhaveti || 17||
abhyarcya gehaṃ yuvatiḥ pravṛddha-
premapravāhā dadhi nirmamantha |
gāyanti gopyo'tha sakhīsametā
govinda dāmodara mādhaveti || 18||
kvacit prabhāte dadhipūrṇapātre
nikṣipya manthaṃ yuvatī mukundam |
ālokya gānaṃ vividhaṃ karoti
govinda dāmodara mādhaveti || 19||
krīḍāparaṃ bhojanamajjanārthaṃ
hitaiṣiṇī strī tanujaṃ yaśodā |
ājūhavat premapariplutākṣī
govinda dāmodara mādhaveti || 20||
sukhaṃ śayānaṃ nilaye ca viṣṇuṃ
devarṣimukhyā munayaḥ prapannāḥ |
tenācyute tanmayatāṃ vrajanti
govinda dāmodara mādhaveti || 21||
vihāya nidrāmaruṇodaye ca
vidhāya kṛtyāni ca vipramukhyāḥ |
vedāvasāne prapaṭhanti nityaṃ
govinda dāmodara mādhaveti || 22||
vṛndāvane gopagaṇāśca gopyo
vilokya govindaviyogakhinnām |
rādhāṃ jaguḥ sāśruvilocanābhyāṃ
govinda dāmodara mādhaveti || 23||
prabhātasañcāragatā nu gāvas-
tadrakṣaṇārthaṃ tanayaṃ yaśodā |
prābodhayat pāṇitalena mandaṃ
govinda dāmodara mādhaveti || 24||
pravālaśobhā iva dīrghakeśā
vātāmbuparṇāśanapūtadehāḥ |
mūle tarūṇāṃ munayaḥ paṭhanti
govinda dāmodara mādhaveti || 25||
evaṃ bruvāṇā virahāturā bhṛśaṃ
vrajastriyaḥ kṛṣṇaviṣaktamānasāḥ |
visṛjya lajjāṃ ruruduḥ sma susvaraṃ
govinda dāmodara mādhaveti || 26||
gopī kadācinmaṇipañjarasthaṃ
śukaṃ vaco vācayituṃ pravṛttā |
ānandakanda vrajacandra kṛṣṇa
govinda dāmodara mādhaveti || 27||
govatsabālaiḥ śiśukākapakṣaṃ
badhnantamambhojadalāyatākṣam |
uvāca mātā cibukaṃ gṛhītvā
govinda dāmodara mādhaveti || 28||
prabhātakāle varavallavaughā
gorakṣaṇārthaṃ dhṛtavetradaṇḍāḥ |
ākārayāmāsuranantamādyaṃ
govinda dāmodara mādhaveti || 29||
jalāśaye kāliyamardanāya
yadā kadambādapatanmurāriḥ |
gopāṅganāścukruśuretya gopā
govinda dāmodara mādhaveti || 30||
akrūramāsādya yadā mukundaś-
cāpotsavārthaṃ mathurāṃ praviṣṭaḥ |
tadā sa paurairjayasītyabhāṣi
govinda dāmodara mādhaveti || 31||
kaṃsasya dūtena yadaiva nītau
vṛndāvanāntād vasudevasūnū | (sūnau)
ruroda gopī bhavanasya madhye
govinda dāmodara mādhaveti || 32||
sarovare kāliyanāgabaddhaṃ
śiśuṃ yaśodātanayaṃ niśamya |
cakrurluṭhantyaḥ pathi gopabālā
govinda dāmodara mādhaveti || 33||
akrūrayāne yaduvaṃśanāthaṃ
saṅgacchamānaṃ mathurāṃ nirīkṣya |
ūcurviyogat kila gopabālā
govinda dāmodara mādhaveti || 34||
cakranda gopī nalinīvanānte
kṛṣṇena hīnā kusume śayānā |
praphullanīlotpalalocanābhyāṃ
govinda dāmodara mādhaveti || 35||
mātāpitṛbhyāṃ parivāryamāṇā
gehaṃ praviṣṭā vilalāpa gopī |
āgatya māṃ pālaya viśvanātha
govinda dāmodara mādhaveti || 36||
vṛndāvanasthaṃ harimāśu buddhvā
gopī gatā kāpi vanaṃ niśāyām |
tatrāpyadṛṣṭvā'tibhayādavocad
govinda dāmodara mādhaveti || 37||
sukhaṃ śayānā nilaye nije'pi
nāmāni viṣṇoḥ pravadanti martyāḥ |
te niścitaṃ tanmayatāṃ vrajanti
govinda dāmodara mādhaveti || 38||
sā nīrajākṣīmavalokya rādhāṃ
ruroda govindaviyogakhinnām |
sakhī praphullotpalalocanābhyāṃ
govinda dāmodara mādhaveti || 39||
jihve rasajñe madhurapriyā tvaṃ
satyaṃ hitaṃ tvāṃ paramaṃ vadāmi |
āvarṇayethā madhurākṣarāṇi
govinda dāmodara mādhaveti || 40||
ātyantikavyādhiharaṃ janānāṃ
cikitsakaṃ vedavido vadanti |
saṃsāratāpatrayanāśabījaṃ
govinda dāmodara mādhaveti || 41||
tātājñayā gacchati rāmacandre
salakṣmaṇe'raṇyacaye sasīte |
cakranda rāmasya nijā janitrī
govinda dāmodara mādhaveti || 42||
ekākinī daṇḍakakānanāntāt
sā nīyamānā daśakandhareṇa |
sītā tadākrandadananyanāthā
govinda dāmodara mādhaveti || 43||
rāmādviyuktā janakātmajā sā
vicintayantī hṛdi rāmarūpam |
ruroda sītā raghunātha pāhi
govinda dāmodara mādhaveti || 44||
prasīda viṣṇo raghuvaṃśanātha
surāsurāṇāṃ sukhaduḥkhaheto |
ruroda sītā tu samudramadhye
govinda dāmodara mādhaveti || 45||
antarjale grāhagṛhītapādo
visṛṣṭavikliṣṭasamastabandhuḥ |
tadā gajendro nitarāṃ jagāda
govinda dāmodara mādhaveti || 46||
haṃsadhvajaḥ śaṅkhayuto dadarśa
putraṃ kaṭāhe pratapantamenam |
puṇyāni nāmāni harerjapantaṃ
govinda dāmodara mādhaveti || 47||
durvāsaso vākyamupetya kṛṣṇā
sā cābravīt kānanavāsinīśam |
antaḥ praviṣṭaṃ manasā juhāva
govinda dāmodara mādhaveti || 48||
dhyeyaḥ sadā yogibhiraprameyaḥ
cintāharaścintitapārijātaḥ |
kastūrikākalpitanīlavarṇo
govinda dāmodara mādhaveti || 49||
saṃsārakūpe patito'tyagādhe
mohāndhapūrṇe viṣayābhitapte |
karāvalambaṃ mama dehi viṣṇo
govinda dāmodara mādhaveti || 50||
bhajasva mantraṃ bhavabandhamuktyai
jihve rasajñe sulabhaṃ manojñam |
dvaipāyanādyairmunibhiḥ prajaptaṃ
govinda dāmodara mādhaveti || 51||
tvāmeva yāce mama dehi jihve
samāgate daṇḍadhare kṛtānte |
vaktavyamevaṃ madhuraṃ subhaktyā
govinda dāmodara mādhaveti || 52||
gopāla vaṃśīdhara rūpasindho
lokeśa nārāyaṇa dīnabandho |
uccasvaraistvaṃ vada sarvadaiva
govinda dāmodara mādhaveti || 53||
jihve sadaivaṃ bhaja sundarāṇi
nāmāni kṛṣṇasya manoharāṇi |
samastabhaktārtivināśanāni
govinda dāmodara mādhaveti || 54||
govinda govinda hare murāre
govinda govinda mukunda kṛṣṇa |
govinda govinda rathāṅgapāṇe
govinda dāmodara mādhaveti || 55||
sukhāvasāne tvidameva sāraṃ
duḥkhāvasāne tvidameva geyam |
dehāvasāne tvidameva jāpyaṃ
govinda dāmodara mādhaveti || 56||
durvāravākyaṃ parigṛhya kṛṣṇā
mṛgīva bhītā tu kathaṃ kathañcit |
sabhāṃ praviṣṭā manasā juhāva
govinda dāmodara mādhaveti || 57||
śrīkṛṣṇa rādhāvara gokuleśa
gopāla govardhana nātha viṣṇo |
jihve pibasvāmṛtametadeva
govinda dāmodara mādhaveti || 58||
śrīnātha viśveśvara viśvamūrte
śrīdevakīnandana daityaśatro |
jihve pibasvāmṛtametadeva
govinda dāmodara mādhaveti || 59||
gopīpate kaṃsaripo mukunda
lakṣmīpate keśava vāsudeva |
jihve pibasvāmṛtametadeva
govinda dāmodara mādhaveti || 60||
gopījanāhlādakara vrajeśa
gocāraṇāraṇyakṛtapraveśa |
jihve pibasvāmṛtametadeva
govinda dāmodara mādhaveti || 61||
prāṇeśa viśvambhara kaiṭabhāre
vaikuṇṭha nārāyaṇa cakrapāṇe |
jihve pibasvāmṛtametadeva
govinda dāmodara mādhaveti || 62||
hare murāre madhusūdanādya
śrīrāma sītāvara rāvaṇāre |
jihve pibasvāmṛtametadeva
govinda dāmodara mādhaveti || 63||
śrīyādavendrādridharāmbujākṣa
gogopagopīsukhadānadakṣa |
jihve pibasvāmṛtametadeva
govinda dāmodara mādhaveti || 64||
dharābharottāraṇagopaveṣa
vihāralīlākṛtabandhuśeṣa |
jihve pibasvāmṛtametadeva
govinda dāmodara mādhaveti || 65||
bakībakāghāsuradhenukāre
keśītṛṇāvartavighātadakṣa |
jihve pibasvāmṛtametadeva
govinda dāmodara mādhaveti || 66||
śrījānakījīvana rāmacandra
niśācarāre bharatāgrajeśa |
jihve pibasvāmṛtametadeva
govinda dāmodara mādhaveti || 67||
nārāyaṇānanta hare nṛsiṃha
prahlādabādhāhara he kṛpālo |
jihve pibasvāmṛtametadeva
govinda dāmodara mādhaveti || 68||
līlāmanuṣyākṛtirāmarūpa
pratāpadāsīkṛtasarvabhūpa |
jihve pibasvāmṛtametadeva
govinda dāmodara mādhaveti || 69||
śrīkṛṣṇa govinda hare murāre
he nātha nārāyaṇa vāsudeva |
jihve pibasvāmṛtametadeva
govinda dāmodara mādhaveti || 70||
vaktuṃ samartho'pi na vakti kaścid-
aho janānāṃ vyasanābhimukhyam |
jihve pibasvāmṛtametadeva
govinda dāmodara mādhaveti || 71||
iti śrībilvamaṅgalācāryaviracitaṃ śrīgovindadāmodarastotraṃ sampūrṇam |
InfoLyter.in — Sacred Vedic Knowledge Portal · Free forever