📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
𑌗𑍀𑌤𑌗𑍋𑌵𑌿𑌨𑍍𑌦𑌂 𑌨𑌵𑌮𑌃 𑌸𑌰𑍍𑌗𑌃 - 𑌮𑌨𑍍𑌦 𑌮𑍁𑌕𑍁𑌨𑍍𑌦𑌃
Gitagovindam Navamah Sargah - Manda Mukundah
Vishnu Gita Jayadeva Grantha
॥ 𑌨𑌵𑌮𑌃 𑌸𑌰𑍍𑌗𑌃 ॥
॥ 𑌮𑌨𑍍𑌦𑌮𑍁𑌕𑍁𑌨𑍍𑌦𑌃 ॥
𑌤𑌾𑌮𑌥 𑌮𑌨𑍍𑌮𑌥𑌖𑌿𑌨𑍍𑌨𑌾𑌂 𑌰𑌤𑌿𑌰𑌸𑌭𑌿𑌨𑍍𑌨𑌾𑌂 𑌵𑌿𑌷𑌾𑌦𑌸𑌮𑍍𑌪𑌨𑍍𑌨𑌾𑌮𑍍 ।
𑌅𑌨𑍁𑌚𑌿𑌨𑍍𑌤𑌿𑌤𑌹𑌰𑌿𑌚𑌰𑌿𑌤𑌾𑌂 𑌕𑌲𑌹𑌾𑌨𑍍𑌤𑌰𑌿𑌤𑌮𑍁𑌵𑌾𑌚 𑌸𑌖𑍀 ॥ 51 ॥
॥ 𑌗𑍀𑌤𑌂 18 ॥
𑌹𑌰𑌿𑌰𑌭𑌿𑌸𑌰𑌤𑌿 𑌵𑌹𑌤𑌿 𑌮𑌧𑍁𑌪𑌵𑌨𑍇 ।
𑌕𑌿𑌮𑌪𑌰𑌮𑌧𑌿𑌕𑌸𑍁𑌖𑌂 𑌸𑌖𑌿 𑌭𑍁𑌵𑌨𑍇 ॥
𑌮𑌾𑌧𑌵𑍇 𑌮𑌾 𑌕𑍁𑌰𑍁 𑌮𑌾𑌨𑌿𑌨𑌿 𑌮𑌾𑌨𑌮𑌯𑍇 ॥ 1 ॥
𑌤𑌾𑌲𑌫𑌲𑌾𑌦𑌪𑌿 𑌗𑍁𑌰𑍁𑌮𑌤𑌿𑌸𑌰𑌸𑌮𑍍 ।
𑌕𑌿𑌂 𑌵𑌿𑌫𑌲𑍀𑌕𑍁𑌰𑍁𑌷𑍇 𑌕𑍁𑌚𑌕𑌲𑌶𑌮𑍍 ॥ 2 ॥
𑌕𑌤𑌿 𑌨 𑌕𑌥𑌿𑌤𑌮𑌿𑌦𑌮𑌨𑍁𑌪𑌦𑌮𑌚𑌿𑌰𑌮𑍍 ।
𑌮𑌾 𑌪𑌰𑌿𑌹𑌰 𑌹𑌰𑌿𑌮𑌤𑌿𑌶𑌯𑌰𑍁𑌚𑌿𑌰𑌮𑍍 ॥ 3 ॥
𑌕𑌿𑌮𑌿𑌤𑌿 𑌵𑌿𑌷𑍀𑌦𑌸𑌿 𑌰𑍋𑌦𑌿𑌷𑌿 𑌵𑌿𑌕𑌲𑌾 ।
𑌵𑌿𑌹𑌸𑌤𑌿 𑌯𑍁𑌵𑌤𑌿𑌸𑌭𑌾 𑌤𑌵 𑌸𑌕𑌲𑌾 ॥ 4 ॥
𑌸𑌜𑌲𑌨𑌲𑌿𑌨𑍀𑌦𑌲𑌶𑍀𑌤𑌲𑌶𑌯𑌨𑍇 ।
𑌹𑌰𑌿𑌮𑌵𑌲𑍋𑌕𑍍𑌯 𑌸𑌫𑌲𑌯𑍍 𑌨𑌯𑌨𑍇 ॥ 5 ॥
𑌜𑌨𑌯𑌸𑌿 𑌮𑌨𑌸𑌿 𑌕𑌿𑌮𑌿𑌤𑌿 𑌗𑍁𑌰𑍁𑌖𑍇𑌦𑌮𑍍 ।
𑌶𑍃𑌣𑍁 𑌮𑌮 𑌵𑌚𑌨𑌮𑌨𑍀𑌹𑌿𑌤𑌭𑍇𑌦𑌮𑍍 ॥ 6 ॥
𑌹𑌰𑌿𑌰𑍁𑌪𑌯𑌾𑌤𑍁 𑌵𑌦𑌤𑍁 𑌬𑌹𑍁𑌮𑌧𑍁𑌰𑌮𑍍 ।
𑌕𑌿𑌮𑌿𑌤𑌿 𑌕𑌰𑍋𑌷𑌿 𑌹𑍃𑌦𑌯𑌮𑌤𑌿𑌵𑌿𑌧𑍁𑌰𑌮𑍍 ॥ 7 ॥
𑌶𑍍𑌰𑍀𑌜𑌯𑌦𑍇𑌵𑌭𑌣𑌿𑌤𑌮𑌤𑌿𑌲𑌲𑌿𑌤𑌮𑍍 ।
𑌸𑍁𑌖𑌯𑌤𑍁 𑌰𑌸𑌿𑌕𑌜𑌨𑌂 𑌹𑌰𑌿𑌚𑌰𑌿𑌤𑌮𑍍 ॥ 8 ॥
𑌸𑍍𑌨𑌿𑌗𑍍𑌧𑍇 𑌯𑌤𑍍𑌪𑌰𑍁𑌷𑌾𑌸𑌿 𑌯𑌤𑍍𑌪𑍍𑌰𑌣𑌮𑌤𑌿 𑌸𑍍𑌤𑌬𑍍𑌧𑌾𑌸𑌿 𑌯𑌦𑍍𑌰𑌾𑌗𑌿𑌣𑌿 𑌦𑍍𑌵𑍇𑌷𑌸𑍍𑌥𑌾𑌸𑌿 𑌯𑌦𑍁𑌨𑍍𑌮𑍁𑌖𑍇 𑌵𑌿𑌮𑍁𑌖𑌤𑌾𑌂 𑌯𑌾𑌤𑌾𑌸𑌿 𑌤𑌸𑍍𑌮𑌿𑌨𑍍𑌪𑍍𑌰𑌿𑌯𑍇 ।
𑌯𑍁𑌕𑍍𑌤𑌂 𑌤𑌦𑍍𑌵𑌿𑌪𑌰𑍀𑌤𑌕𑌾𑌰𑌿𑌣𑌿 𑌤𑌵 𑌶𑍍𑌰𑍀𑌖𑌣𑍍𑌡𑌚𑌰𑍍𑌚𑌾 𑌵𑌿𑌷𑌂 𑌶𑍀𑌤𑌾𑌂𑌶𑍁𑌸𑍍𑌤𑌪𑌨𑍋 𑌹𑌿𑌮𑌂 𑌹𑍁𑌤𑌵𑌹𑌃 𑌕𑍍𑌰𑍀𑌡𑌾𑌮𑍁𑌦𑍋 𑌯𑌾𑌤𑌨𑌾𑌃 ॥ 52 ॥
॥ 𑌇𑌤𑌿 𑌗𑍀𑌤𑌗𑍋𑌵𑌿𑌨𑍍𑌦𑍇 𑌕𑌲𑌹𑌾𑌨𑍍𑌤𑌰𑌿𑌤𑌾𑌵𑌰𑍍𑌣𑌨𑍇 𑌮𑌨𑍍𑌦𑌮𑍁𑌕𑍁𑌨𑍍𑌦𑍋 𑌨𑌾𑌮 𑌨𑌵𑌮𑌃 𑌸𑌰𑍍𑌗𑌃 ॥
Roman (IAST) Transliteration
|| navamaḥ sargaḥ ||
|| mandamukundaḥ ||
tāmatha manmathakhinnāṃ ratirasabhinnāṃ viṣādasampannām |
anucintitaharicaritāṃ kalahāntaritamuvāca sakhī || 51 ||
|| gītaṃ 18 ||
harirabhisarati vahati madhupavane |
kimaparamadhikasukhaṃ sakhi bhuvane ||
mādhave mā kuru mānini mānamaye || 1 ||
tālaphalādapi gurumatisarasam |
kiṃ viphalīkuruṣe kucakalaśam || 2 ||
kati na kathitamidamanupadamaciram |
mā parihara harimatiśayaruciram || 3 ||
kimiti viṣīdasi rodiṣi vikalā |
vihasati yuvatisabhā tava sakalā || 4 ||
sajalanalinīdalaśītalaśayane |
harimavalokya saphalay nayane || 5 ||
janayasi manasi kimiti gurukhedam |
śṛṇu mama vacanamanīhitabhedam || 6 ||
harirupayātu vadatu bahumadhuram |
kimiti karoṣi hṛdayamatividhuram || 7 ||
śrījayadevabhaṇitamatilalitam |
sukhayatu rasikajanaṃ haricaritam || 8 ||
snigdhe yatparuṣāsi yatpraṇamati stabdhāsi yadrāgiṇi dveṣasthāsi yadunmukhe vimukhatāṃ yātāsi tasminpriye |
yuktaṃ tadviparītakāriṇi tava śrīkhaṇḍacarcā viṣaṃ śītāṃśustapano himaṃ hutavahaḥ krīḍāmudo yātanāḥ || 52 ||
|| iti gītagovinde kalahāntaritāvarṇane mandamukundo nāma navamaḥ sargaḥ ||
InfoLyter.in — Sacred Vedic Knowledge Portal · Free forever