|| śrī viṣṇu aṣṭottara śatanāmastotram ||
vāsudevaṃ hṛṣīkeśaṃ vāmanaṃ jalaśāyinam |
1
janārdanaṃ hariṃ kṛṣṇaṃ śrīvakṣaṃ garuḍadhvajam || 1 ||
vārāhaṃ puṇḍarīkākṣaṃ nṛsiṃhaṃ narakāntakam |
2
avyaktaṃ śāśvataṃ viṣṇumanantamajamavyayam || 2 ||
nārāyaṇaṃ gadādhyakṣaṃ govindaṃ kīrtibhājanam |
3
govardhanoddharaṃ devaṃ bhūdharaṃ bhuvaneśvaram || 3 ||
vettāraṃ yajñapuruṣaṃ yajñeśaṃ yajñavāhanam |
4
cakrapāṇiṃ gadāpāṇiṃ śaṅkhapāṇiṃ narottamam || 4 ||
vaikuṇṭhaṃ duṣṭadamanaṃ bhūgarbhaṃ pītavāsasam |
5
trivikramaṃ trikālajñaṃ trimūrtiṃ nandakeśvaram || 5 ||
rāmaṃ rāmaṃ hayagrīvaṃ bhīmaṃ ra'udraṃ bhavodbhavam |
6
śrīpatiṃ śrīdharaṃ śrīśaṃ maṅgalaṃ maṅgalāyudham || 6 ||
dāmodaraṃ damopetaṃ keśavaṃ keśisūdanam |
7
vareṇyaṃ varadaṃ viṣṇumānandaṃ vasudevajam || 7 ||
hiraṇyaretasaṃ dīptaṃ purāṇaṃ puruṣottamam |
8
sakalaṃ niṣkalaṃ śuddhaṃ nirguṇaṃ guṇaśāśvatam || 8 ||
hiraṇyatanusaṅkāśaṃ sūryāyutasamaprabham |
9
meghaśyāmaṃ caturbāhuṃ kuśalaṃ kamalekṣaṇam || 9 ||
jyotīrūpamarūpaṃ ca svarūpaṃ rūpasaṃsthitam |
10
sarvajñaṃ sarvarūpasthaṃ sarveśaṃ sarvatomukham || 10 ||
jñānaṃ kūṭasthamacalaṃ jñhānadaṃ paramaṃ prabhum |
11
yogīśaṃ yoganiṣṇātaṃ yogisaṃyogarūpiṇam || 11 ||
īśvaraṃ sarvabhūtānāṃ vande bhūtamayaṃ prabhum |
12
iti nāmaśataṃ divyaṃ vaiṣṇavaṃ khalu pāpaham || 12 ||
vyāsena kathitaṃ pūrvaṃ sarvapāpapraṇāśanam |
13
yaḥ paṭhet prātarutthāya sa bhaved vaiṣṇavo naraḥ || 13 ||
sarvapāpaviśuddhātmā viṣṇusāyujyamāpnuyāt |
14
cāndrāyaṇasahasrāṇi kanyādānaśatāni ca || 14 ||
gavāṃ lakṣasahasrāṇi muktibhāgī bhavennaraḥ |
15
aśvamedhāyutaṃ puṇyaṃ phalaṃ prāpnoti mānavaḥ || 15 ||
|| iti śrīviṣṇupurāṇe śrī viṣṇu aṣṭottara śatanāstotram ||