budho budhārcitaḥ saumyaḥ saumyacittaḥ śubhapradaḥ |
1
dṛḍhavrato dṛḍhaphalaḥ śrutijālaprabodhakaḥ || 1 ||
satyavāsaḥ satyavacāḥ śreyasāṃ patiravyayaḥ |
2
somajaḥ sukhadaḥ śrīmān somavaṃśapradīpakaḥ || 2 ||
vedavidvedatattvajño vedāntajñānabhāsvaraḥ |
3
vidyāvicakṣaṇa vibhurvidvatprītikaro ṛjaḥ || 3 ||
viśvānukūlasañcāro viśeṣavinayānvitaḥ |
4
vividhāgamasārajño vīryavān vigatajvaraḥ || 4 ||
trivargaphalado'nantaḥ tridaśādhipapūjitaḥ |
5
buddhimān bahuśāstrajño balī bandhavimocakaḥ || 5 ||
vakrātivakragamano vāsavo vasudhādhipaḥ |
6
prasannavadano vandyo vareṇyo vāgvilakṣaṇaḥ || 6 ||
satyavān satyasaṅkalpaḥ satyabandhuḥ sadādaraḥ |
7
sarvarogapraśamanaḥ sarvamṛtyunivārakaḥ || 7 ||
vāṇijyanipuṇo vaśyo vātāṅgo vātarogahṛt |
8
sthūlaḥ sthairyaguṇādhyakṣaḥ sthūlasūkṣmādikāraṇaḥ || 8 ||
aprakāśaḥ prakāśātmā ghano gaganabhūṣaṇaḥ |
9
vidhistutyo viśālākṣo vidvajjanamanoharaḥ || 9 ||
cāruśīlaḥ svaprakāśaḥ capalaśca jitendriyaḥ |
10
udaṅmukho makhāsakto magadhādhipatirharaḥ || 10 ||
saumyavatsarasañjātaḥ somapriyakaraḥ sukhī |
11
siṃhādhirūḍhaḥ sarvajñaḥ śikhivarṇaḥ śivaṅkaraḥ || 11 ||
pītāmbaro pītavapuḥ pītacchatradhvajāṅkitaḥ |
12
khaḍgacarmadharaḥ kāryakartā kaluṣahārakaḥ || 12 ||
ātreyagotrajo'tyantavinayo viśvapāvanaḥ |
13
cāmpeyapuṣpasaṅkāśaḥ cāraṇaḥ cārubhūṣaṇaḥ || 13 ||
vītarāgo vītabhayo viśuddhakanakaprabhaḥ |
14
bandhupriyo bandhamukto bāṇamaṇḍalasaṃśritaḥ || 14 ||
arkeśānapradeśasthaḥ tarkaśāstraviśāradaḥ |
15
praśāntaḥ prītisaṃyuktaḥ priyakṛt priyabhāṣaṇaḥ || 15 ||
medhāvī mādhavāsakto mithunādhipatiḥ sudhīḥ |
16
kanyārāśipriyaḥ kāmaprado ghanaphalāśrayaḥ || 16 ||
budhasyaivaṃ prakāreṇa nāmnāmaṣṭottaraṃ śatam |
17
sampūjya vidhivatkartā sarvānkāmānavāpnuyāt || 17 ||
iti śrī budha aṣṭottaraśatanāma stotram |