6.57 Yuddhakanda - Saptapanchasha Sargah

ॐ

6.57 যুদ্ধকাণ্ড - সপ্তপঞ্চাশ সর্গঃ

Valmiki Bengali

শ্রীমদ্বাল্মীকীয রামাযণে যুদ্ধকাণ্ডম্ ।

অথ সপ্তপঞ্চাশস্সর্গঃ ।

অকম্পনবধংশ্রুত্বাক্রুদ্ধোবৈরাক্ষসেশ্বরঃ ।

কিঞ্চিদদীনমুখশ্চাপিসচিবাংস্তানুদৈক্ষত ॥ 1 ॥

সতুধ্যাত্বামুহূর্তন্তুমন্ত্রিভিস্সংবিচার্যচ ।

ততস্তুরাবণঃপূর্বদিবসেরাক্ষসাধিপঃ ॥ 2 ॥

পুরীম্পরিযযৌলঙ্কাংসর্বগুল্মানবেক্ষিতুম্ ।

তাংরাক্ষসগণৈর্গুপ্তাঙ্গুল্মৈর্বহুভিরাবৃতাম্ ॥ 3 ॥

দদর্শনগরীংলঙ্কাম্পতাকাধ্বজমালিনীম্ ।

রুদ্ধান্তুনগরীন্দৃষ্টবারাবণোরাক্ষসেশ্বরঃ ॥ 4 ॥

উবাচাত্মহিতঙ্কালেপ্রহস্তংযুদ্ধকোবিদম্ ।

পুরস্যোপনিবিষ্টস্যসহসাপীডিতস্যবা ॥ 5 ॥

নান্যংযুদ্ধাত্প্রপশ্যামিমোক্ষংযুদ্ধবিশারদ ।

অহংবাকুম্ভকর্ণোবাত্বংবাসেনাপতির্মম ॥ 6 ॥

ইন্দ্রজিদ্বানিকুম্ভোবাবহেযুর্ভারমীদৃশম্ ।

সত্বম্বলমতশ্শীঘ্রমাদাযপরিগৃহ্যচ ॥ 7 ॥

বিজযাযাভিনির্যাহিযত্রসর্বেবনৌকসঃ ।

নির্যাণাযাদেবতেনূনঞ্চপলাহরিবাহিনী ॥ 8 ॥

নর্দতাংরাক্ষসেন্দ্রাণাংশ্রুত্বানাদন্দ্রবিষ্যতি ।

চপলাহ্যবিনীতাশ্চচলচিত্তাশ্চবানরাঃ ॥ 9 ॥

নসহিষ্যন্তিতেনাদংসিংহনাদমিবদ্বিপাঃ ।

বিদ্রুতেচবলেতস্মিন্ রামঃসৌমিত্রিণাসহ ॥ 10 ॥

অবশস্তেনিরালম্বঃপ্রহস্তবশমেষ্যতি ।

আপত্সংশযিতাশ্রেযোনাত্রনিস্সংশযীকৃতা ॥ 11 ॥

প্রতিলোমানুলোমংবাযদ্বানোমন্যসেহিতম্ ।

রাবণেনৈবমুক্তস্তুপ্রহস্তোবাহিনীপতিঃ ॥ 12 ॥

রাক্ষসেন্দ্রমুবাচেদমসুরেন্দ্রমিবোশনা ।

রাজন্মন্ত্রিতপূর্বন্নঃকুশলৈস্সহমন্ত্রিভিঃ ॥ 13 ॥

বিবাদশ্চাপিনোবৃত্তস্সমবেক্ষ্যপরস্পরম্ ।

প্রদানেনতুসীতাযাঃশ্রেযোব্যবসিতম্মযা ॥ 14 ॥

অপ্রদানেপুনর্যুদ্ধন্দৃষ্টমেত্তথৈবনঃ ।

সোঽহন্দানৈশ্চমানৈশ্চসততম্পূজিতস্ত্বযা ॥ 15 ॥

সান্ত্বৈশ্চবিবিধৈঃকালেকিন্নকুর্যাংহিতন্তব ।

নহিমেজীবিতংরক্ষ্যম্পুত্রদারধনানিচ ॥ 16 ॥

ত্বম্পশ্যমাঞ্জুহূষন্তন্ত্বদর্থেজীবিতংযুধি ।

এবমুক্ত্বাতুভর্তারংরাবণংবাহিনীপতিঃ ॥ 17 ॥

উবাচেদম্বলাধ্যক্ষান্প্রহস্তঃপুরতঃস্থিতান্ ।

মেশীঘ্রংরাক্ষসানাম্মহাদ্বলম্ ॥ 18 ॥

মদ্ভাণাব্দাবেগেনহতানাংশনিচরণাজিরে ।

অদ্যহৃষ্যন্তুমাংসাদাঃপক্ষিণঃকাননৌকসাম্ ॥ 19 ॥

ইত্যুক্তাস্তেপ্রহস্তেনবলাধ্যক্ষাঃ কৃতত্বরাঃ ।

বলমুদ্যোজযামাসুস্তস্মিন্রাক্ষসমন্দিরে ॥ 20 ॥

সাবভূবমুহূর্তেননিগ্মর্নানাবিধাযুধৈঃ ।

লঙ্কারাক্ষসবীরৈস্তৈর্গজৈরিবসমাকুলা ॥ 21 ॥

হুতাশনন্তর্পযতাম্ব্রাহ্মণাংশ্চনমস্যতাম্ ।

আজ্যগন্ধপ্রতিবহঃসুরভির্মারুতোববৌ ॥ 22 ॥

স্রজশ্চবিবিধাকারাজগৃহুস্ত্বভিমন্ত্রিতাঃ ।

সঙ্গ্রামসজ্জাঃসম্হৃষ্টাধরাযন্রাক্ষসাস্তদা ॥ 23 ॥

সধনুষ্কাঃকবচিনোবেগাদাপ্লুত্যরাক্ষসাঃ ।

রাবণম্প্রেক্ষ্যরাজানম্প্রহস্তম্পর্যবারযন্ ॥ 24 ॥

অথামন্ত্র়্যতুরাজানম্ভেরীমাহত্যভৈরবাম্ ।

আরুরোহরথংযুক্তঃপ্রহস্তস্সজ্জকল্পিতম্ ॥ 25 ॥

হযৈর্মহাজবৈর্যুক্তংসম্যক্সূতসুসংযতম্ ।

মহাজলদনির্ঘোষংসাক্ষাচ্চন্দ্রার্কভাস্বরম্ ॥ 26 ॥

উরগধ্বজদুর্ধর্ষংসুবরূথংস্ববস্করম্ ।

সুবর্ণজালসংযুক্তম্প্রহসন্তমিবশ্রিযা ॥ 27 ॥

ততস্তংরথমাস্থাযরাবণার্পিতশাসনঃ ।

লঙ্কাযানির্যযৌতূর্ণম্বলেনমহতাবৃতঃ ॥ 28 ॥

ততোদুন্ধুভিনির্ঘোষঃপর্জন্যনিনদোপমঃ ।

বাদিত্রাণাঞ্চনিনদঃপূরযন্নিবমেদিনীম্ ॥ 29 ॥

শুশ্রুবেশঙ্খশব্দশ্চপ্রযাতেবাহিনীপতৌ ।

নিনদন্তস্স্বরান্ঘোরান্রাক্ষসাজগ্মুরগ্রতঃ ॥ 30 ॥

ভীমরূপামহাকাযাঃপ্রহস্তস্যপুরস্সরাঃ ।

নরান্তকঃকুম্ভহনুর্মহানাদস্সমুন্নতঃ ॥ 31 ॥

প্রহস্তসচিবাহ্যেতেনির্যযুঃপরিবার্যতম্ ।

ব্যূঢেনেবসুঘোরেণপূর্বদ্বারাত্সনির্যযৌ ॥ 32 ॥

গজযূথনিকাশেনবলেনমহতাবৃতঃ ।

সাগরপ্রতিমৌঘেনবৃতস্তেনবলেনসঃ ॥ 33 ॥

প্রহস্তোনির্যযৌক্রুদ্ধঃকালান্তকযমোপমঃ ।

তস্যনির্যাণঘোষেণরাক্ষসানাঞ্চনর্দতাম্ ॥ 34 ॥

লঙ্কাযাংসর্বভূতানিবিনেদুর্বিকৃতৈস্স্বরৈঃ ।

ব্যভ্রমাকাশমাবিশ্যমাংসশোণিতভোজনাঃ ॥ 35 ॥

মণ্ডলান্যপসব্যানিখগাশ্চক্রূরথম্প্রতি ।

সম্নত্যঃপাবকজ্বালাঃশিবাঘোরাববাশিরে ॥ 36 ॥

অন্তরিক্ষাত্পপাতোল্কাবাযুশ্চপরুষংবনৌ ।

অন্যোন্যমভিসংরব্ধাগ্রহাশ্চনচকাশিরে ॥ 37 ॥

মেঘাশ্চখরনির্ঘোষারথস্যোপরিরক্ষসঃ ।

ববৃষংরুধিরঞ্চাস্যসিষিচুশ্চপুরস্সরান্ ॥ 38 ॥

কেতুর্মূর্ধনিগৃধ্রোঽস্যনিলীনোদক্ষিণামুখঃ ।

তুদন্নুভযতঃপার্শ্বংসমগ্রামহরত্প্রভাম্ ॥ 39 ॥

সারথের্ভহুশশ্চাস্যসঙ্গ্রামমবগাহতঃ ।

প্রতোদোন্যপতদ্ধস্তাত্সূতস্যহযসাদিনঃ ॥ 40 ॥

নির্যাণশ্রীশ্চযাঽস্যাসীদ্ভাস্বরাবসুদুর্লভাঃ ।

সাননাশমুহূর্তেনসমেচস্খলিতাহযাঃ ॥ 41 ॥

প্রহস্তন্ত্বভিনির্যান্তম্প্রখ্যাতবলপৌরুষম্ ।

যুধিনানাপ্রহরণাকপিসেনাঽভ্যবর্তত ॥ 42 ॥

অথঘোষস্সুতুমুলোহরীণাংসমজাযত ।

বৃক্ষানারুজতাঞ্চৈবগুর্বীরাগৃহ্ণতাংশিলাঃ ॥ 43 ॥

নদতাংরাক্ষসানাঞ্চবানরাণাঞ্চগর্জতাম্ ।

উভেপ্রমুদিতেসৈন্যেরক্ষোগণবনৌকসাম্ ॥ 44 ॥

বেগিতানাংসমর্থানামন্যোন্যবধকাঙ্ ক্ষিণাম্ ।

পরস্পরঞ্চাহ্বযতান্নিনাদ্শূযতেমহান্ ॥ 45 ॥

ততঃপ্রহস্তঃকপিরাজবাহিনীমভিপ্রতস্থেবিজযাযদুর্মতিঃ ।

বিবৃদ্ধবেগংশ্চবিবেশতাঞ্চমূংযথামুমূর্ষুশ্শলভোবিভাবসুম্ ॥ 46 ॥

ইত্যার্ষে শ্রীমদ্রামাযণে বাল্মীকীয আদিকাব্যে যুদ্ধকাণ্ডে সপ্তপঞ্চাশস্সর্গঃ ॥

Roman (IAST) Transliteration

śrīmadvālmīkīya rāmāyaṇe yuddhakāṇḍam |

atha saptapañcāśassargaḥ |

akampanavadhaṃśrutvākruddhovairākṣaseśvaraḥ |

kiñcidadīnamukhaścāpisacivāṃstānudaikṣata || 1 ||

satudhyātvāmuhūrtantumantribhissaṃvicāryaca |

tatasturāvaṇaḥpūrvadivaserākṣasādhipaḥ || 2 ||

purīmpariyayaulaṅkāṃsarvagulmānavekṣitum |

tāṃrākṣasagaṇairguptāṅgulmairbahubhirāvṛtām || 3 ||

dadarśanagarīṃlaṅkāmpatākādhvajamālinīm |

ruddhāntunagarīndṛṣṭavārāvaṇorākṣaseśvaraḥ || 4 ||

uvācātmahitaṅkāleprahastaṃyuddhakovidam |

purasyopaniviṣṭasyasahasāpīḍitasyavā || 5 ||

nānyaṃyuddhātprapaśyāmimokṣaṃyuddhaviśārada |

ahaṃvākumbhakarṇovātvaṃvāsenāpatirmama || 6 ||

indrajidvānikumbhovāvaheyurbhāramīdṛśam |

satvambalamataśśīghramādāyaparigṛhyaca || 7 ||

vijayāyābhiniryāhiyatrasarvevanaukasaḥ |

niryāṇāyādevatenūnañcapalāharivāhinī || 8 ||

nardatāṃrākṣasendrāṇāṃśrutvānādandraviṣyati |

capalāhyavinītāścacalacittāścavānarāḥ || 9 ||

nasahiṣyantitenādaṃsiṃhanādamivadvipāḥ |

vidrutecabaletasmin rāmaḥsaumitriṇāsaha || 10 ||

avaśastenirālambaḥprahastavaśameṣyati |

āpatsaṃśayitāśreyonātranissaṃśayīkṛtā || 11 ||

pratilomānulomaṃvāyadvānomanyasehitam |

rāvaṇenaivamuktastuprahastovāhinīpatiḥ || 12 ||

rākṣasendramuvācedamasurendramivośanā |

rājanmantritapūrvannaḥkuśalaissahamantribhiḥ || 13 ||

vivādaścāpinovṛttassamavekṣyaparasparam |

pradānenatusītāyāḥśreyovyavasitammayā || 14 ||

apradānepunaryuddhandṛṣṭamettathaivanaḥ |

so'handānaiścamānaiścasatatampūjitastvayā || 15 ||

sāntvaiścavividhaiḥkālekinnakuryāṃhitantava |

nahimejīvitaṃrakṣyamputradāradhanānica || 16 ||

tvampaśyamāñjuhūṣantantvadarthejīvitaṃyudhi |

evamuktvātubhartāraṃrāvaṇaṃvāhinīpatiḥ || 17 ||

uvācedambalādhyakṣānprahastaḥpurataḥsthitān |

meśīghraṃrākṣasānāmmahādbalam || 18 ||

madbhāṇābdāvegenahatānāṃśanicaraṇājire |

adyahṛṣyantumāṃsādāḥpakṣiṇaḥkānanaukasām || 19 ||

ityuktāsteprahastenabalādhyakṣāḥ kṛtatvarāḥ |

balamudyojayāmāsustasminrākṣasamandire || 20 ||

sābabhūvamuhūrtenanigmarnānāvidhāyudhaiḥ |

laṅkārākṣasavīraistairgajairivasamākulā || 21 ||

hutāśanantarpayatāmbrāhmaṇāṃścanamasyatām |

ājyagandhaprativahaḥsurabhirmārutovavau || 22 ||

srajaścavividhākārājagṛhustvabhimantritāḥ |

saṅgrāmasajjāḥsamhṛṣṭādharāyanrākṣasāstadā || 23 ||

sadhanuṣkāḥkavacinovegādāplutyarākṣasāḥ |

rāvaṇamprekṣyarājānamprahastamparyavārayan || 24 ||

athāmantṟyaturājānambherīmāhatyabhairavām |

āruroharathaṃyuktaḥprahastassajjakalpitam || 25 ||

hayairmahājavairyuktaṃsamyaksūtasusaṃyatam |

mahājaladanirghoṣaṃsākṣāccandrārkabhāsvaram || 26 ||

uragadhvajadurdharṣaṃsuvarūthaṃsvavaskaram |

suvarṇajālasaṃyuktamprahasantamivaśriyā || 27 ||

tatastaṃrathamāsthāyarāvaṇārpitaśāsanaḥ |

laṅkāyāniryayautūrṇambalenamahatāvṛtaḥ || 28 ||

tatodundhubhinirghoṣaḥparjanyaninadopamaḥ |

vāditrāṇāñcaninadaḥpūrayannivamedinīm || 29 ||

śuśruveśaṅkhaśabdaścaprayātevāhinīpatau |

ninadantassvarānghorānrākṣasājagmuragrataḥ || 30 ||

bhīmarūpāmahākāyāḥprahastasyapurassarāḥ |

narāntakaḥkumbhahanurmahānādassamunnataḥ || 31 ||

prahastasacivāhyeteniryayuḥparivāryatam |

vyūḍhenevasughoreṇapūrvadvārātsaniryayau || 32 ||

gajayūthanikāśenabalenamahatāvṛtaḥ |

sāgarapratimaughenavṛtastenabalenasaḥ || 33 ||

prahastoniryayaukruddhaḥkālāntakayamopamaḥ |

tasyaniryāṇaghoṣeṇarākṣasānāñcanardatām || 34 ||

laṅkāyāṃsarvabhūtānivinedurvikṛtaissvaraiḥ |

vyabhramākāśamāviśyamāṃsaśoṇitabhojanāḥ || 35 ||

maṇḍalānyapasavyānikhagāścakrūrathamprati |

samnatyaḥpāvakajvālāḥśivāghorāvavāśire || 36 ||

antarikṣātpapātolkāvāyuścaparuṣaṃvanau |

anyonyamabhisaṃrabdhāgrahāścanacakāśire || 37 ||

meghāścakharanirghoṣārathasyoparirakṣasaḥ |

vavṛṣaṃrudhirañcāsyasiṣicuścapurassarān || 38 ||

keturmūrdhanigṛdhro'syanilīnodakṣiṇāmukhaḥ |

tudannubhayataḥpārśvaṃsamagrāmaharatprabhām || 39 ||

sāratherbhahuśaścāsyasaṅgrāmamavagāhataḥ |

pratodonyapataddhastātsūtasyahayasādinaḥ || 40 ||

niryāṇaśrīścayā'syāsīdbhāsvarāvasudurlabhāḥ |

sānanāśamuhūrtenasamecaskhalitāhayāḥ || 41 ||

prahastantvabhiniryāntamprakhyātabalapauruṣam |

yudhinānāpraharaṇākapisenā'bhyavartata || 42 ||

athaghoṣassutumuloharīṇāṃsamajāyata |

vṛkṣānārujatāñcaivagurvīrāgṛhṇatāṃśilāḥ || 43 ||

nadatāṃrākṣasānāñcavānarāṇāñcagarjatām |

ubhepramuditesainyerakṣogaṇavanaukasām || 44 ||

vegitānāṃsamarthānāmanyonyavadhakāṅ kṣiṇām |

parasparañcāhvayatānninādśūyatemahān || 45 ||

tataḥprahastaḥkapirājavāhinīmabhipratasthevijayāyadurmatiḥ |

vivṛddhavegaṃścaviveśatāñcamūṃyathāmumūrṣuśśalabhovibhāvasum || 46 ||

ityārṣe śrīmadrāmāyaṇe vālmīkīya ādikāvye yuddhakāṇḍe saptapañcāśassargaḥ ||