6.13 Yuddhakanda - Trayodasha Sargah

ॐ

6.13 যুদ্ধকাণ্ড - ত্রযোদশ সর্গঃ

Valmiki Bengali

শ্রীমদ্বাল্মীকীয রামাযণে যুদ্ধকাণ্ডম্ ।

অথ ত্রযোদশস্সর্গঃ ।

রাবণঙ্ক্রুদ্ধমাজ্ঞাযমহাপার্শ্বোমহাবলঃ ।

মুহূর্তমনুসঞ্চিন্ত্যপ্রাঞ্জলির্বাক্যমব্রবীত্ ॥ 1 ॥

যঃখল্বপিবনম্প্রাপ্যমৃগব্যালনিষেবিতম্ ।

নপিবেন্মধুসম্প্রাপ্যসনরোবালিশোভবেত্ ॥ 2 ॥

ঈশ্বরস্যেশ্বরঃকোঽস্তিতবশত্রুনিবর্হণঃ ।

রমস্বসহবৈদেহ্যাশত্রূনাক্রম্যমূর্ধসু ॥ 3 ॥

বলাত্কুক্কুটবৃত্তেনপ্রবর্তস্বমহাবলঃ ।

আক্রম্যাক্রম্যসীতাংবৈতাম্ভুঙ্ ক্ষ্বচরমস্বচ ॥ 4 ॥

লব্ধকামস্যতেপশ্চাদাগমিষ্যতিযদ্ভযম্ ।

প্রাপ্তমপ্রাপ্তকালংবাসর্বম্প্রতিসহিষ্যতি ॥ 5 ॥

কুম্ভকর্ণস্সহাস্মাভিরিন্দ্রজিচ্চমহাবলঃ ।

প্রতিষেধযিতুংশক্তৌসবজ্রমপিবজ্রিণম্ ॥ 6 ॥

উপপ্রদানংসান্ত্বংবাভেদংবাকুশলৈঃকৃতম্ ।

সমতিক্রম্যদণ্ডেনসিদ্ধিমর্থেষুরোচযে ॥ 7 ॥

ইহপ্রাপ্তান্বযংসর্বান্ শত্রূংস্তবমহাবলঃ ।

বশেশস্ত্রপ্রতাপেনকরিষ্যামোনসংশযঃ ॥ 8 ॥

এবমুক্তস্তদারাজামহাপার্শ্বেনরাবণঃ ।

তস্যসম্পূজযন্বাক্যমিদংবচনমব্রবীত্ ॥ 9 ॥

মহাপার্শ্বনিবোধত্বংরহস্যঙ্কিঞ্চিদাত্মনঃ ।

চিরবৃত্তন্তদাখ্যাস্যেযদবাপ্তম্পুরামযা ॥ 10 ॥

পিতামহস্যভবনঙ্গচ্ছন্তীম্পুঞ্জিকস্থলাম্ ।

চঞ্চূর্যমাণামদ্রাক্ষমাকাশেঽগ্নিশিখামিব ॥ 11 ॥

সাপ্রসহ্যমযাভুক্তাকৃতাবিবসনাততঃ ।

স্বযম্ভূভবনম্প্রাপ্তালোলিতানলিনীযথা ॥ 12 ॥

তচ্চতস্যতদামন্যেজ্ঞাতমাসীন্মহাত্মনঃ ।

অথসঙ্কুপিতোদেবোমামিদংবাক্যমব্রবীত্ ॥ 13 ॥

অদ্যপ্রভৃতিযামন্যাবলান্নারীঙ্গমিষ্যসি ।

তদাতেশতধামূর্ধাফলিষ্যতিনসংশযঃ ॥ 14 ॥

ইত্যহন্তস্যশাপস্যভীতঃপ্রসভমেবতাম্ ।

নারোহযেবলাত্সীতাংবৈদেহীংশযনেশুভে ॥ 15 ॥

সাগরস্যেনমেবেগোমারুতস্যেবমেগতিঃ ।

নৈতদ্দাশরথির্বেদহ্যাসাদযতিতেনমাম্ ॥ 16 ॥

কোহিসিংহমিবাসীনংসুপ্তঙ্গিরিগুহাশযে ।

ক্রুদ্ধম্মৃত্যুমিবাঽসীনংসম্ভোধযিতুমিচ্ছতি ॥ 17 ॥

নমত্তোনিশিতান্বাণান্দ্বিজিহ্বান্পন্নগানিব ।

রামঃপশ্যতিসঙ্গ্রামেতেনমামভিগচ্ছতি ॥ 18 ॥

ক্ষিপ্রংবজ্রসমৈর্বাণৈশ্শতথাকার্মুকচ্যুতৈঃ ।

রামমাদীপযিষ্যামিউল্কাভিরিবকুঞ্জরম্ ॥ 19 ॥

তচ্চাস্যবলমাদাস্যেবলেনমহতাবৃতঃ ।

উদিতস্সবিতাকালেনক্ষত্রাণামিবপ্রভাম্ ॥ 20 ॥

নবাসনেনাপিসহস্রচক্ষুষাযুধাঽস্মিশক্যোবরুণেনবাপুনঃ ।

মযাত্বিযম্বাহুবলেননির্জিতাপুরাপুরীবৈশ্রবণেনপালিতা ॥ 21 ॥

ইত্যার্ষে শ্রীমদ্রামাযণে বাল্মীকীয আদিকাব্যে যুদ্ধকাণ্ডে ত্রযোদশস্সর্গঃ ॥

Roman (IAST) Transliteration

śrīmadvālmīkīya rāmāyaṇe yuddhakāṇḍam |

atha trayodaśassargaḥ |

rāvaṇaṅkruddhamājñāyamahāpārśvomahābalaḥ |

muhūrtamanusañcintyaprāñjalirvākyamabravīt || 1 ||

yaḥkhalvapivanamprāpyamṛgavyālaniṣevitam |

napibenmadhusamprāpyasanarobāliśobhavet || 2 ||

īśvarasyeśvaraḥko'stitavaśatrunibarhaṇaḥ |

ramasvasahavaidehyāśatrūnākramyamūrdhasu || 3 ||

balātkukkuṭavṛttenapravartasvamahābalaḥ |

ākramyākramyasītāṃvaitāmbhuṅ kṣvacaramasvaca || 4 ||

labdhakāmasyatepaścādāgamiṣyatiyadbhayam |

prāptamaprāptakālaṃvāsarvampratisahiṣyati || 5 ||

kumbhakarṇassahāsmābhirindrajiccamahābalaḥ |

pratiṣedhayituṃśaktausavajramapivajriṇam || 6 ||

upapradānaṃsāntvaṃvābhedaṃvākuśalaiḥkṛtam |

samatikramyadaṇḍenasiddhimartheṣurocaye || 7 ||

ihaprāptānvayaṃsarvān śatrūṃstavamahābalaḥ |

vaśeśastrapratāpenakariṣyāmonasaṃśayaḥ || 8 ||

evamuktastadārājāmahāpārśvenarāvaṇaḥ |

tasyasampūjayanvākyamidaṃvacanamabravīt || 9 ||

mahāpārśvanibodhatvaṃrahasyaṅkiñcidātmanaḥ |

ciravṛttantadākhyāsyeyadavāptampurāmayā || 10 ||

pitāmahasyabhavanaṅgacchantīmpuñjikasthalām |

cañcūryamāṇāmadrākṣamākāśe'gniśikhāmiva || 11 ||

sāprasahyamayābhuktākṛtāvivasanātataḥ |

svayambhūbhavanamprāptālolitānalinīyathā || 12 ||

taccatasyatadāmanyejñātamāsīnmahātmanaḥ |

athasaṅkupitodevomāmidaṃvākyamabravīt || 13 ||

adyaprabhṛtiyāmanyābalānnārīṅgamiṣyasi |

tadāteśatadhāmūrdhāphaliṣyatinasaṃśayaḥ || 14 ||

ityahantasyaśāpasyabhītaḥprasabhamevatām |

nārohayebalātsītāṃvaidehīṃśayaneśubhe || 15 ||

sāgarasyenamevegomārutasyevamegatiḥ |

naitaddāśarathirvedahyāsādayatitenamām || 16 ||

kohisiṃhamivāsīnaṃsuptaṅgiriguhāśaye |

kruddhammṛtyumivā'sīnaṃsambhodhayitumicchati || 17 ||

namattoniśitānbāṇāndvijihvānpannagāniva |

rāmaḥpaśyatisaṅgrāmetenamāmabhigacchati || 18 ||

kṣipraṃvajrasamairbāṇaiśśatathākārmukacyutaiḥ |

rāmamādīpayiṣyāmiulkābhirivakuñjaram || 19 ||

taccāsyabalamādāsyebalenamahatāvṛtaḥ |

uditassavitākālenakṣatrāṇāmivaprabhām || 20 ||

navāsanenāpisahasracakṣuṣāyudhā'smiśakyovaruṇenavāpunaḥ |

mayātviyambāhubalenanirjitāpurāpurīvaiśravaṇenapālitā || 21 ||

ityārṣe śrīmadrāmāyaṇe vālmīkīya ādikāvye yuddhakāṇḍe trayodaśassargaḥ ||