📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
6.123 যুদ্ধকাণ্ড - ত্রযোবিংশত্যধিকশততম সর্গঃ
6.123 Yuddhakanda - Trayovimshatyadhikashatatama Sargah
Valmiki Bengali
শ্রীমদ্বাল্মীকীয রামাযণে যুদ্ধকাণ্ডম্ ।
অথ ত্রযোবিংশত্যধিকশততমস্সর্গঃ ।
প্রতিপ্রযাতেকাকুত্স্থেমহেন্দ্রঃপাকশাসনঃ ।
অব্রবীত্পরমপ্রীতোরাঘবম্প্রাঞ্জলিংস্থিতম্ ॥ 1 ॥
অমোঘন্দর্শনংরাম তবাস্মাকন্নরর্ষভ ।
প্রীতিযুক্তাঃস্মতেনত্বম্ব্রূহিযন্মনসেপ্সিতম্ ॥ 2 ॥
এবমুক্তোমহেন্দ্রেণপ্রসন্নেনমহাত্মনা ।
সুপ্রসন্নমনাহৃষ্টোবচনম্প্রাহরাঘবঃ ॥ 3 ॥
যদিপ্রীতিস্সমুত্পন্নামযিতেবিবুধেশ্বর ।
বক্ষ্যামিকুরুমেসত্যংবচনংবদতাংবর ॥ 4 ॥
মমহেতোঃপরাক্রান্তাযেগতাযমসাদনম্ ।
তেসর্বেজীবিতম্প্রাপ্যসমুততিষ্ঠন্তুবানরাঃ ॥ 5 ॥
মত্কৃতেবিপ্রযুক্তাযেপুত্রৈর্দারৈশ্চবানরাঃ ।
তান্প্রীতমনসঃসর্বান্দ্রষ্টুমিচ্ছামিমানদ ॥ 6 ॥
বিক্রান্তাশ্চাপিশূরাশ্চ ন মৃত্যুঙ্গণযন্তি চ ।
কৃতযত্নাবিপন্নাশ্চজীবযৈনান্ পুরন্দর ॥ 7 ॥
মত্প্রিযেষ্বভিরক্তাশ্চ ন মৃত্যুঙ্গণযন্তিযে ।
ত্বত্প্রসাদাত্সমেযুস্তেবরমেতমহংবৃণে ॥ 8 ॥
নীরুজোনির্ব্রণাংশ্চৈবসম্পন্নবলপৌরুষান্ ।
গোলাঙ্গূলাংস্তথৈবর্ক্ষান্ন্দ্রষ্টুমিচ্ছামিমানদ ॥ 9 ॥
অকালেচাপিপুষ্পাণিমূলানি চ ফলানি চ ।
নদ্যশ্চবিমলাস্তত্রতিষ্ঠেযুর্যত্রবানরাঃ ॥ 10 ॥
শ্রুত্বাতুবচনন্তস্যরাঘবস্যমহাত্মনঃ ।
মহেন্দ্রঃপ্রত্যুবাচেদংবচনম্প্রীতিসংযুতম্ ॥ 11 ॥
মহানযংবরস্তাতযস্ত্বযোক্তোরঘূত্তম ।
বদির্মযানোক্তপূর্বং চ তস্মাদেতদ্ভবিষ্যতি ॥ 12 ॥
সমুত্তিষ্ঠন্তুতেসর্বেহতাযেযুধিরাক্ষসৈঃ ।
ঋক্ষাশ্চসহগোপুচ্ছৈর্নিকৃত্তাননবাহবঃ ॥ 13 ॥
নীরুজোনির্ব্রণাশ্চৈবসম্পন্নবলপৌরুষাঃ ।
সমুত্থাস্যন্তিহরযস্সুপ্তানিদ্রাক্ষ্যেযথা ॥ 14 ॥
সুহৃদ্ভির্বান্ধবৈশ্চৈবজ্ঞাতিভিঃস্বজনেন চ ।
সর্বএবসমেষ্যন্তিসম্যুক্তাঃপরযামুদা ॥ 15 ॥
অকালেপুষ্পশবলাঃফলবন্তশ্চপাদপাঃ ।
ভবিষ্যন্তিমহেষ্বাস নদ্যশ্চসলিলাযুতাঃ ॥ 16 ॥
সব্রণৈঃপ্রথমঙ্গাত্রৈরিদানীন্নির্ব্রণৈস্সমৈঃ ।
ততস্সমুত্থিতাস্সর্বেসুপ্ত্বেবহরিযূথপাঃ ॥ 17 ॥
বভূবুর্বানরাস্সর্বেকিন্ন্বেতদিতিবিস্মিতাঃ ।
কাকুত্স্থম্পরিপূর্ণার্থন্দৃষ্টবাসর্বেসুরোত্তমাঃ ॥ 18 ॥
অব্রুবন্পরমপ্রীতাস্স্তুত্বারামংসলক্ষ্মণম্ ।
গচ্ছাযোধ্যামিতোরাজন্বিসর্জয চ বানরান্ ॥ 19 ॥
মৈথিলীংসান্ত্বযস্বৈনামনুরক্তাংযশস্বিনীম্ ।
ভ্রারাতরম্ভরতম্পশ্যত্বচ্ছোকাদ্ব্রতচারিণম্ ॥ 20 ॥
শত্রুঘ্নং চ মহাত্মানম্মাত্রূঃসর্বাঃপরন্তপ ।
অভিষেচযচাত্মানম্পৌরান্গত্বাপ্রহর্ষয ॥ 21 ॥
এবমুক্ত্বাসহস্রাক্ষোরামংসৌমিত্রিণাসহ ।
বিমানৈঃসূর্যসঙ্কাশৈর্যযৌহৃষ্টঃসুরৈঃসহ ॥ 22 ॥
অভিবাদ্য চ কাকুত্স্থঃ সর্বাংস্তাংস্ত্রিদশোত্তমান্ ।
লক্ষ্মণেনসহভ্রাত্রাবাসমাজ্ঞাপযত্তদা ॥ 23 ॥
ততস্তুসালক্ষ্মণরামপালিতামহাচমূর্হৃষ্টজনাযশস্বিনী ।
শ্রিযাজ্বলন্তীবিররাজসর্বতোনিশাপ্রণীতেবহিশীতরশ্মিনা ॥ 24 ॥
ইত্যার্ষে শ্রীমদ্রামাযণে বাল্মীকীয আদিকাব্যে যুদ্ধকাণ্ডে ত্রযোবিংশত্যধিকশততমস্সর্গঃ ॥
Roman (IAST) Transliteration
śrīmadvālmīkīya rāmāyaṇe yuddhakāṇḍam |
atha trayoviṃśatyadhikaśatatamassargaḥ |
pratiprayātekākutsthemahendraḥpākaśāsanaḥ |
abravītparamaprītorāghavamprāñjaliṃsthitam || 1 ||
amoghandarśanaṃrāma tavāsmākannararṣabha |
prītiyuktāḥsmatenatvambrūhiyanmanasepsitam || 2 ||
evamuktomahendreṇaprasannenamahātmanā |
suprasannamanāhṛṣṭovacanamprāharāghavaḥ || 3 ||
yadiprītissamutpannāmayitevibudheśvara |
vakṣyāmikurumesatyaṃvacanaṃvadatāṃvara || 4 ||
mamahetoḥparākrāntāyegatāyamasādanam |
tesarvejīvitamprāpyasamutatiṣṭhantuvānarāḥ || 5 ||
matkṛteviprayuktāyeputrairdāraiścavānarāḥ |
tānprītamanasaḥsarvāndraṣṭumicchāmimānada || 6 ||
vikrāntāścāpiśūrāśca na mṛtyuṅgaṇayanti ca |
kṛtayatnāvipannāścajīvayainān purandara || 7 ||
matpriyeṣvabhiraktāśca na mṛtyuṅgaṇayantiye |
tvatprasādātsameyustevarametamahaṃvṛṇe || 8 ||
nīrujonirvraṇāṃścaivasampannabalapauruṣān |
golāṅgūlāṃstathaivarkṣānndraṣṭumicchāmimānada || 9 ||
akālecāpipuṣpāṇimūlāni ca phalāni ca |
nadyaścavimalāstatratiṣṭheyuryatravānarāḥ || 10 ||
śrutvātuvacanantasyarāghavasyamahātmanaḥ |
mahendraḥpratyuvācedaṃvacanamprītisaṃyutam || 11 ||
mahānayaṃvarastātayastvayoktoraghūttama |
vadirmayānoktapūrvaṃ ca tasmādetadbhaviṣyati || 12 ||
samuttiṣṭhantutesarvehatāyeyudhirākṣasaiḥ |
ṛkṣāścasahagopucchairnikṛttānanabāhavaḥ || 13 ||
nīrujonirvraṇāścaivasampannabalapauruṣāḥ |
samutthāsyantiharayassuptānidrākṣyeyathā || 14 ||
suhṛdbhirbāndhavaiścaivajñātibhiḥsvajanena ca |
sarvaevasameṣyantisamyuktāḥparayāmudā || 15 ||
akālepuṣpaśabalāḥphalavantaścapādapāḥ |
bhaviṣyantimaheṣvāsa nadyaścasalilāyutāḥ || 16 ||
savraṇaiḥprathamaṅgātrairidānīnnirvraṇaissamaiḥ |
tatassamutthitāssarvesuptvevahariyūthapāḥ || 17 ||
babhūvurvānarāssarvekinnvetaditivismitāḥ |
kākutsthamparipūrṇārthandṛṣṭavāsarvesurottamāḥ || 18 ||
abruvanparamaprītāsstutvārāmaṃsalakṣmaṇam |
gacchāyodhyāmitorājanvisarjaya ca vānarān || 19 ||
maithilīṃsāntvayasvaināmanuraktāṃyaśasvinīm |
bhrārātarambharatampaśyatvacchokādvratacāriṇam || 20 ||
śatrughnaṃ ca mahātmānammātrūḥsarvāḥparantapa |
abhiṣecayacātmānampaurāngatvāpraharṣaya || 21 ||
evamuktvāsahasrākṣorāmaṃsaumitriṇāsaha |
vimānaiḥsūryasaṅkāśairyayauhṛṣṭaḥsuraiḥsaha || 22 ||
abhivādya ca kākutsthaḥ sarvāṃstāṃstridaśottamān |
lakṣmaṇenasahabhrātrāvāsamājñāpayattadā || 23 ||
tatastusālakṣmaṇarāmapālitāmahācamūrhṛṣṭajanāyaśasvinī |
śriyājvalantīvirarājasarvatoniśāpraṇītevahiśītaraśminā || 24 ||
ityārṣe śrīmadrāmāyaṇe vālmīkīya ādikāvye yuddhakāṇḍe trayoviṃśatyadhikaśatatamassargaḥ ||
InfoLyter.in — Sacred Vedic Knowledge Portal · Free forever