Shri Haryashtakam (prahlada Kritam)

ॐ

শ্রী হর্যষ্টকম্ (প্রহ্লাদ কৃতম্)

Ashtakam Prahlada Bengali

হরির্হরতি পাপানি দুষ্টচিত্তৈরপি স্মৃতঃ ।

অনিচ্ছযাঽপি সংস্পৃষ্টো দহত্যেব হি পাবকঃ ॥ 1 ॥

স গঙ্গা স গযা সেতুঃ স কাশী স চ পুষ্করম্ ।

জিহ্বাগ্রে বর্ততে যস্য হরিরিত্যক্ষরদ্বযম্ ॥ 2 ॥

বারাণস্যাং কুরুক্ষেত্রে নৈমিশারণ্য এব চ ।

যত্কৃতং তেন যেনোক্তং হরিরিত্যক্ষরদ্বযম্ ॥ 3 ॥

পৃথিব্যাং যানি তীর্থানি পুণ্যান্যাযতনানি চ ।

তানি সর্বাণ্যশেষাণি হরিরিত্যক্ষরদ্বযম্ ॥ 4 ॥

গবাং কোটিসহস্রাণি হেমকন্যাসহস্রকম্ ।

দত্তং স্যাত্তেন যেনোক্তং হরিরিত্যক্ষরদ্বযম্ ॥ 5 ॥

ঋগ্বেদোঽথ যজুর্বেদঃ সামবেদোঽপ্যথর্বণঃ ।

অধীতস্তেন যেনোক্তং হরিরিত্যক্ষরদ্বযম্ ॥ 6 ॥

অশ্বমেধৈর্মহাযজ্ঞৈর্নরমেধৈস্তথৈব চ ।

ইষ্টং স্যাত্তেন যেনোক্তং হরিরিত্যক্ষরদ্বযম্ ॥ 7 ॥

প্রাণঃ প্রযাণ পাথেযং সংসারব্যাধিনাশনম্ ।

দুঃখাত্যন্ত পরিত্রাণং হরিরিত্যক্ষরদ্বযম্ ॥ 8 ॥

বদ্ধঃ পরিকরস্তেন মোক্ষায গমনং প্রতি ।

সকৃদুচ্চারিতং যেন হরিরিত্যক্ষরদ্বযম্ ॥ 9 ॥

হর্যষ্টকমিদং পুণ্যং প্রাতরুত্থায যঃ পঠেত্ ।

আযুষ্যং বলমারোগ্যং যশো বৃদ্ধিঃ শ্রিযাবহম্ ॥ 10 ॥

প্রহ্লাদেন কৃতং স্তোত্রং দুঃখসাগরশোষণম্ ।

যঃ পঠেত্স নরো যাতি তদ্বিষ্ণোঃ পরমং পদম্ ॥ 11 ॥

ইতি প্রহ্লাদকৃত শ্রী হর্যষ্টকম্ ।

Roman (IAST) Transliteration

harirharati pāpāni duṣṭacittairapi smṛtaḥ |

anicchayā'pi saṃspṛṣṭo dahatyeva hi pāvakaḥ || 1 ||

sa gaṅgā sa gayā setuḥ sa kāśī sa ca puṣkaram |

jihvāgre vartate yasya harirityakṣaradvayam || 2 ||

vārāṇasyāṃ kurukṣetre naimiśāraṇya eva ca |

yatkṛtaṃ tena yenoktaṃ harirityakṣaradvayam || 3 ||

pṛthivyāṃ yāni tīrthāni puṇyānyāyatanāni ca |

tāni sarvāṇyaśeṣāṇi harirityakṣaradvayam || 4 ||

gavāṃ koṭisahasrāṇi hemakanyāsahasrakam |

dattaṃ syāttena yenoktaṃ harirityakṣaradvayam || 5 ||

ṛgvedo'tha yajurvedaḥ sāmavedo'pyatharvaṇaḥ |

adhītastena yenoktaṃ harirityakṣaradvayam || 6 ||

aśvamedhairmahāyajñairnaramedhaistathaiva ca |

iṣṭaṃ syāttena yenoktaṃ harirityakṣaradvayam || 7 ||

prāṇaḥ prayāṇa pātheyaṃ saṃsāravyādhināśanam |

duḥkhātyanta paritrāṇaṃ harirityakṣaradvayam || 8 ||

baddhaḥ parikarastena mokṣāya gamanaṃ prati |

sakṛduccāritaṃ yena harirityakṣaradvayam || 9 ||

haryaṣṭakamidaṃ puṇyaṃ prātarutthāya yaḥ paṭhet |

āyuṣyaṃ balamārogyaṃ yaśo vṛddhiḥ śriyāvaham || 10 ||

prahlādena kṛtaṃ stotraṃ duḥkhasāgaraśoṣaṇam |

yaḥ paṭhetsa naro yāti tadviṣṇoḥ paramaṃ padam || 11 ||

iti prahlādakṛta śrī haryaṣṭakam |