📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
শ্রী আদ্য কালী স্তোত্রং
Shri Adya Kali Stotram
Kali Stotram Bengali
ব্রহ্মোবাচ
শৃণু বত্স প্রবক্ষ্যামি আদ্যাস্তোত্রং মহাফলম্ ।
যঃ পঠেত্ সততং ভক্ত্যা স এব বিষ্ণুবল্লভঃ ॥ 1 ॥
মৃত্যুর্ব্যাধিভযং তস্য নাস্তি কিঞ্চিত্ কলৌ যুগে ।
অপুত্রা লভতে পুত্রং ত্রিপক্ষং শ্রবণং যদি ॥ 2 ॥
দ্বৌ মাসৌ বন্ধনান্মুক্তি বিপ্রবক্ত্রাত্ শ্রুতং যদি ।
মৃতবত্সা জীববত্সা ষণ্মাসং শ্রবণং যদি ॥ 3 ॥
নৌকাযাং সঙ্কটে যুদ্ধে পঠনাজ্জযমাপ্নুযাত্ ।
লিখিত্বা স্থাপযেদ্গেহে নাগ্নিচৌরভযং ক্বচিত্ ॥ 4 ॥
রাজস্থানে জযী নিত্যং প্রসন্নাঃ সর্বদেবতা ।
ওঁ হ্রীম্ ।
ব্রহ্মাণী ব্রহ্মলোকে চ বৈকুণ্ঠে সর্বমঙ্গলা ॥ 5 ॥
ইন্দ্রাণী অমরাবত্যামম্বিকা বরুণালযে ।
যমালযে কালরূপা কুবেরভবনে শুভা ॥ 6 ॥
মহানন্দাগ্নিকোণে চ বাযব্যাং মৃগবাহিনী ।
নৈরৃত্যাং রক্তদন্তা চ ঐশান্যাং শূলধারিণী ॥ 7 ॥
পাতালে বৈষ্ণবীরূপা সিংহলে দেবমোহিনী ।
সুরসা চ মণিদ্বিপে লঙ্কাযাং ভদ্রকালিকা ॥ 8 ॥
রামেশ্বরী সেতুবন্ধে বিমলা পুরুষোত্তমে ।
বিরজা ঔড্রদেশে চ কামাক্ষ্যা নীলপর্বতে ॥ 9 ॥
কালিকা বঙ্গদেশে চ অযোধ্যাযাং মহেশ্বরী ।
বারাণস্যামন্নপূর্ণা গযাক্ষেত্রে গযেশ্বরী ॥ 10 ॥
কুরুক্ষেত্রে ভদ্রকালী ব্রজে কাত্যাযনী পরা ।
দ্বারকাযাং মহামাযা মথুরাযাং মহেশ্বরী ॥ 11 ॥
ক্ষুধা ত্বং সর্বভূতানাং বেলা ত্বং সাগরস্য চ ।
নবমী শুক্লপক্ষস্য কৃষ্ণস্যৈকাদশী পরা ॥ 12 ॥
দক্ষসা দুহিতা দেবী দক্ষযজ্ঞবিনাশিনী ।
রামস্য জানকী ত্বং হি রাবণধ্বংসকারিণী ॥ 13 ॥
চণ্ডমুণ্ডবধে দেবী রক্তবীজবিনাশিনী ।
নিশুম্ভশুম্ভমথিনী মধুকৈটভঘাতিনী ॥ 14 ॥
বিষ্ণুভক্তিপ্রদা দুর্গা সুখদা মোক্ষদা সদা ।
আদ্যাস্তবমিমং পুণ্যং যঃ পঠেত্ সততং নরঃ ॥ 15 ॥
সর্বজ্বরভযং ন স্যাত্ সর্বব্যাধিবিনাশনম্ ।
কোটিতীর্থফলং তস্য লভতে নাত্র সংশযঃ ॥ 16 ॥
জযা মে চাগ্রতঃ পাতু বিজযা পাতু পৃষ্ঠতঃ ।
নারাযণী শীর্ষদেশে সর্বাঙ্গে সিংহবাহিনী ॥ 17 ॥
শিবদূতী উগ্রচণ্ডা প্রত্যঙ্গে পরমেশ্বরী ।
বিশালাক্ষী মহামাযা কৌমারী শঙ্খিনী শিবা ॥ 18 ॥
চক্রিণী জযদাত্রী চ রণমত্তা রণপ্রিযা ।
দুর্গা জযন্তী কালী চ ভদ্রকালী মহোদরী ॥ 19 ॥
নারসিংহী চ বারাহী সিদ্ধিদাত্রী সুখপ্রদা ।
ভযঙ্করী মহারৌদ্রী মহাভযবিনাশিনী ॥ 20 ॥
ইতি শ্রীব্রহ্মযামলে ব্রহ্মনারদসংবাদে শ্রী আদ্যা স্তোত্রম্ ॥
Roman (IAST) Transliteration
brahmovāca
śṛṇu vatsa pravakṣyāmi ādyāstotraṃ mahāphalam |
yaḥ paṭhet satataṃ bhaktyā sa eva viṣṇuvallabhaḥ || 1 ||
mṛtyurvyādhibhayaṃ tasya nāsti kiñcit kalau yuge |
aputrā labhate putraṃ tripakṣaṃ śravaṇaṃ yadi || 2 ||
dvau māsau bandhanānmukti vipravaktrāt śrutaṃ yadi |
mṛtavatsā jīvavatsā ṣaṇmāsaṃ śravaṇaṃ yadi || 3 ||
naukāyāṃ saṅkaṭe yuddhe paṭhanājjayamāpnuyāt |
likhitvā sthāpayedgehe nāgnicaurabhayaṃ kvacit || 4 ||
rājasthāne jayī nityaṃ prasannāḥ sarvadevatā |
oṃ hrīm |
brahmāṇī brahmaloke ca vaikuṇṭhe sarvamaṅgalā || 5 ||
indrāṇī amarāvatyāmambikā varuṇālaye |
yamālaye kālarūpā kuberabhavane śubhā || 6 ||
mahānandāgnikoṇe ca vāyavyāṃ mṛgavāhinī |
nairṛtyāṃ raktadantā ca aiśānyāṃ śūladhāriṇī || 7 ||
pātāle vaiṣṇavīrūpā siṃhale devamohinī |
surasā ca maṇidvipe laṅkāyāṃ bhadrakālikā || 8 ||
rāmeśvarī setubandhe vimalā puruṣottame |
virajā auḍradeśe ca kāmākṣyā nīlaparvate || 9 ||
kālikā vaṅgadeśe ca ayodhyāyāṃ maheśvarī |
vārāṇasyāmannapūrṇā gayākṣetre gayeśvarī || 10 ||
kurukṣetre bhadrakālī vraje kātyāyanī parā |
dvārakāyāṃ mahāmāyā mathurāyāṃ maheśvarī || 11 ||
kṣudhā tvaṃ sarvabhūtānāṃ velā tvaṃ sāgarasya ca |
navamī śuklapakṣasya kṛṣṇasyaikādaśī parā || 12 ||
dakṣasā duhitā devī dakṣayajñavināśinī |
rāmasya jānakī tvaṃ hi rāvaṇadhvaṃsakāriṇī || 13 ||
caṇḍamuṇḍavadhe devī raktabījavināśinī |
niśumbhaśumbhamathinī madhukaiṭabhaghātinī || 14 ||
viṣṇubhaktipradā durgā sukhadā mokṣadā sadā |
ādyāstavamimaṃ puṇyaṃ yaḥ paṭhet satataṃ naraḥ || 15 ||
sarvajvarabhayaṃ na syāt sarvavyādhivināśanam |
koṭitīrthaphalaṃ tasya labhate nātra saṃśayaḥ || 16 ||
jayā me cāgrataḥ pātu vijayā pātu pṛṣṭhataḥ |
nārāyaṇī śīrṣadeśe sarvāṅge siṃhavāhinī || 17 ||
śivadūtī ugracaṇḍā pratyaṅge parameśvarī |
viśālākṣī mahāmāyā kaumārī śaṅkhinī śivā || 18 ||
cakriṇī jayadātrī ca raṇamattā raṇapriyā |
durgā jayantī kālī ca bhadrakālī mahodarī || 19 ||
nārasiṃhī ca vārāhī siddhidātrī sukhapradā |
bhayaṅkarī mahāraudrī mahābhayavināśinī || 20 ||
iti śrībrahmayāmale brahmanāradasaṃvāde śrī ādyā stotram ||
InfoLyter.in — Sacred Vedic Knowledge Portal · Free forever