Rina Vimochana Angaraka (mangala) Stotram

ॐ

ঋণ বিমোচন অঙ্গারক (মঙ্গল) স্তোত্রম্

Angaraka Stotram Bengali

স্কন্দ উবাচ ।

ঋণগ্রস্তনরাণাং তু ঋণমুক্তিঃ কথং ভবেত্ ।

ব্রহ্মোবাচ ।

বক্ষ্যেঽহং সর্বলোকানাং হিতার্থং হিতকামদম্ ॥

অস্য শ্রী অঙ্গারক স্তোত্র মহামন্ত্রস্য গৌতম ঋষিঃ, অনুষ্টুপ্ ছন্দঃ, অঙ্গারকো দেবতা মম ঋণ বিমোচনার্থে জপে বিনিযোগঃ ।

ধ্যানম্ –

ধরণী গর্ভ সম্ভূতং বিদ্যুত্কান্তি সমপ্রভম্ ।

কুমারং শক্তিহস্তং তং কুজং প্রণমাম্যহম্ ॥ 1 ॥

রক্তমাল্যাম্বরধরঃ শূলশক্তিগদাধরঃ ।

চতুর্ভুজো মেষগতো বরদশ্চ ধরাসুতঃ ॥ 2 ॥

অথ স্তোত্রম্ –

মঙ্গলো ভূমিপুত্রশ্চ ঋণহর্তা ধনপ্রদঃ ।

স্থিরাসনো মহাকাযঃ সর্বকর্মাববোধকঃ ॥ 3 ॥

লোহিতো লোহিতাঙ্গশ্চ সামগাযী কৃপাকরঃ ।

ধর্মরাজঃ কুজো ভৌমো ভূমিজো ভূমিনন্দনঃ ॥ 4 ॥

অঙ্গারকো যমশ্চৈব সর্বরোগাপহারকঃ ।

সৃষ্টিকর্তাঽপহর্তা চ সর্বকামফলপ্রদঃ ॥ 5 ॥

ভূতিদো গ্রহপূজ্যশ্চ বক্ত্রো রক্তবপুঃ প্রভুঃ ।

এতানি কুজনামানি যো নিত্যং প্রযতঃ পঠেত্ ।

ঋণং ন জাযতে তস্য ধনং প্রাপ্নোত্যসংশযম্ ॥ 6 ॥

রক্তপুষ্পৈশ্চ গন্ধৈশ্চ দীপধূপাদিভিস্তথা ।

মঙ্গলং পূজযিত্বা তু মঙ্গলেঽহনি সর্বদা ॥ 7 ॥

ঋণরেখাঃ প্রকর্তব্যাঃ দগ্ধাঙ্গারৈস্তদগ্রতঃ ।

সপ্তবিংশতিনামানি পঠিত্বা তু তদন্তিকে ॥ 8 ॥

তাশ্চ প্রমার্জযেত্পশ্চাদ্বামপাদেন সংস্পৃশন্ ।

এবং কৃত্বা ন সন্দেহো ঋণহীনো ধনী ভবেত্ ॥ 9 ॥

ভূমিজস্য প্রসাদেন গ্রহপীডা বিনশ্যতি ।

যেনার্জিতা জগত্কীর্তির্ভূমিপুত্রেণ শাশ্বতী ॥ 10 ॥

শত্রবশ্চ হতা যেন ভৌমেন মহিতাত্মনা ।

স প্রীযতাং তু ভৌমোঽদ্য তুষ্টো ভূযাত্ সদা মম ॥ 11 ॥

মূলমন্ত্রঃ –

অঙ্গারক মহীপুত্র ভগবন্ ভক্তবত্সল ।

নমোঽস্তু তে মমাশেষ ঋণমাশু বিমোচয ॥ 12 ॥

অর্ঘ্যম্ –

ভূমিপুত্র মহাতেজঃ স্বেদোদ্ভব পিনাকিনঃ ।

ঋণার্তস্ত্বাং প্রপন্নোঽস্মি গৃহাণার্ঘ্যং নমোঽস্তু তে ॥ 13 ॥

ইতি ঋণ বিমোচন অঙ্গারক স্তোত্রম্ ॥

Roman (IAST) Transliteration

skanda uvāca |

ṛṇagrastanarāṇāṃ tu ṛṇamuktiḥ kathaṃ bhavet |

brahmovāca |

vakṣye'haṃ sarvalokānāṃ hitārthaṃ hitakāmadam ||

asya śrī aṅgāraka stotra mahāmantrasya gautama ṛṣiḥ, anuṣṭup chandaḥ, aṅgārako devatā mama ṛṇa vimocanārthe jape viniyogaḥ |

dhyānam –

dharaṇī garbha sambhūtaṃ vidyutkānti samaprabham |

kumāraṃ śaktihastaṃ taṃ kujaṃ praṇamāmyaham || 1 ||

raktamālyāmbaradharaḥ śūlaśaktigadādharaḥ |

caturbhujo meṣagato varadaśca dharāsutaḥ || 2 ||

atha stotram –

maṅgalo bhūmiputraśca ṛṇahartā dhanapradaḥ |

sthirāsano mahākāyaḥ sarvakarmāvabodhakaḥ || 3 ||

lohito lohitāṅgaśca sāmagāyī kṛpākaraḥ |

dharmarājaḥ kujo bhaumo bhūmijo bhūminandanaḥ || 4 ||

aṅgārako yamaścaiva sarvarogāpahārakaḥ |

sṛṣṭikartā'pahartā ca sarvakāmaphalapradaḥ || 5 ||

bhūtido grahapūjyaśca vaktro raktavapuḥ prabhuḥ |

etāni kujanāmāni yo nityaṃ prayataḥ paṭhet |

ṛṇaṃ na jāyate tasya dhanaṃ prāpnotyasaṃśayam || 6 ||

raktapuṣpaiśca gandhaiśca dīpadhūpādibhistathā |

maṅgalaṃ pūjayitvā tu maṅgale'hani sarvadā || 7 ||

ṛṇarekhāḥ prakartavyāḥ dagdhāṅgāraistadagrataḥ |

saptaviṃśatināmāni paṭhitvā tu tadantike || 8 ||

tāśca pramārjayetpaścādvāmapādena saṃspṛśan |

evaṃ kṛtvā na sandeho ṛṇahīno dhanī bhavet || 9 ||

bhūmijasya prasādena grahapīḍā vinaśyati |

yenārjitā jagatkīrtirbhūmiputreṇa śāśvatī || 10 ||

śatravaśca hatā yena bhaumena mahitātmanā |

sa prīyatāṃ tu bhaumo'dya tuṣṭo bhūyāt sadā mama || 11 ||

mūlamantraḥ –

aṅgāraka mahīputra bhagavan bhaktavatsala |

namo'stu te mamāśeṣa ṛṇamāśu vimocaya || 12 ||

arghyam –

bhūmiputra mahātejaḥ svedodbhava pinākinaḥ |

ṛṇārtastvāṃ prapanno'smi gṛhāṇārghyaṃ namo'stu te || 13 ||

iti ṛṇa vimocana aṅgāraka stotram ||