Mahashashta Anugraha Kavacham

ॐ

মহাশাশ্তা অনুগ্রহ কবচম্

Ayyappa Kavacham Bengali

শ্রীদেব্যুবাচ-

ভগবন্ দেবদেবেশ সর্বজ্ঞ ত্রিপুরান্তক ।

প্রাপ্তে কলিযুগে ঘোরে মহাভূতৈঃ সমাবৃতে ॥ 1

মহাব্যাধি মহাব্যাল ঘোররাজৈঃ সমাবৃতে ।

দুঃস্বপ্নশোকসন্তাপৈঃ দুর্বিনীতৈঃ সমাবৃতে ॥ 2

স্বধর্মবিরতেমার্গে প্রবৃত্তে হৃদি সর্বদা ।

তেষাং সিদ্ধিং চ মুক্তিং চ ত্বং মে ব্রূহি বৃষদ্বজ ॥ 3

ঈশ্বর উবাচ-

শৃণু দেবি মহাভাগে সর্বকল্যাণকারণে ।

মহাশাস্তুশ্চ দেবেশি কবচং পুণ্যবর্ধনম্ ॥ 4

অগ্নিস্তম্ভ জলস্তম্ভ সেনাস্তম্ভ বিধাযকম্ ।

মহাভূতপ্রশমনং মহাব্যাধিনিবারণম্ ॥ 5

মহাজ্ঞানপ্রদং পুণ্যং বিশেষাত্ কলিতাপহম্ ।

সর্বরক্ষোত্তমং পুংসাং আযুরারোগ্যবর্ধনম্ ॥ 6

কিমতো বহুনোক্তেন যং যং কামযতে দ্বিজঃ ।

তং তমাপ্নোত্যসন্দেহো মহাশাস্তুঃ প্রসাদনাত্ ॥ 7

কবচস্য ঋষির্ব্রহ্মা গাযত্রীঃ ছন্দ উচ্যতে ।

দেবতা শ্রীমহাশাস্তা দেবো হরিহরাত্মজঃ ॥ 8

ষডঙ্গমাচরেদ্ভক্ত্যা মাত্রযা জাতিযুক্তযা ।

ধ্যানমস্য প্রবক্ষ্যামি শৃণুষ্বাবহিতা প্রিযে ॥ 9

অস্য শ্রী মহাশাস্তুঃ কবচমন্ত্রস্য । ব্রহ্মা ঋষিঃ । গাযত্রীঃ ছন্দঃ । মহাশাস্তা দেবতা । হ্রাং বীজম্ । হ্রীং শক্তিঃ । হ্রূং কীলকম্ । শ্রী মহাশাস্তুঃ প্রসাদ সিদ্ধ্যর্থে জপে বিনিযোগঃ ॥

হ্রাং ইত্যাদি ষডঙ্গন্যাসঃ ॥

ধ্যানম্-

তেজোমণ্ডলমধ্যগং ত্রিনযনং দিব্যাম্বরালঙ্কৃতং

দেবং পুষ্পশরেক্ষুকার্মুক লসন্মাণিক্যপাত্রাঽভযম্ ।

বিভ্রাণং করপঙ্কজৈঃ মদগজ স্কন্ধাধিরূঢং বিভুং

শাস্তারং শরণং ভজামি সততং ত্রৈলোক্য সম্মোহনম্ ॥

মহাশাস্তা শিরঃ পাতু ফালং হরিহরাত্মজঃ ।

কামরূপী দৃশং পাতু সর্বজ্ঞো মে শ্রুতিং সদা ॥ 1

ঘ্রাণং পাতু কৃপাধ্যক্ষঃ মুখং গৌরীপ্রিযঃ সদা ।

বেদাধ্যাযী চ মে জিহ্বাং পাতু মে চিবুকং গুরুঃ ॥ 2

কণ্ঠং পাতু বিশুদ্ধাত্মা স্কন্ধৌ পাতু সুরার্চিতঃ ।

বাহূ পাতু বিরূপাক্ষঃ করৌ তু কমলাপ্রিযঃ ॥ 3

ভূতাধিপো মে হৃদযং মধ্যং পাতু মহাবলঃ ।

নাভিং পাতু মহাবীরঃ কমলাক্ষোঽবতু কটিম্ ॥ 4

সনীপং পাতু বিশ্বেশঃ গুহ্যং গুহ্যার্থবিত্সদা ।

ঊরূ পাতু গজারূঢঃ বজ্রধারী চ জানুনী ॥ 5

জঙ্ঘে পাত্বঙ্কুশধরঃ পাদৌ পাতু মহামতিঃ ।

সর্বাঙ্গং পাতু মে নিত্যং মহামাযাবিশারদঃ ॥ 6

ইতীদং কবচং পুণ্যং সর্বাঘৌঘনিকৃন্তনম্ ।

মহাব্যাধিপ্রশমনং মহাপাতকনাশনম্ ॥ 7

জ্ঞানবৈরাগ্যদং দিব্যমণিমাদিবিভূষিতম্ ।

আযুরারোগ্যজননং মহাবশ্যকরং পরম্ ॥ 8

যং যং কামযতে কামং তং তমাপ্নোত্যসংশযঃ ।

ত্রিসন্ধ্যং যঃ পঠেদ্বিদ্বান্ স যাতি পরমাং গতিম্ ॥

ইতি শ্রী মহাশাস্তা অনুগ্রহ কবচম্ ।

Roman (IAST) Transliteration

śrīdevyuvāca-

bhagavan devadeveśa sarvajña tripurāntaka |

prāpte kaliyuge ghore mahābhūtaiḥ samāvṛte || 1

mahāvyādhi mahāvyāla ghorarājaiḥ samāvṛte |

duḥsvapnaśokasantāpaiḥ durvinītaiḥ samāvṛte || 2

svadharmaviratemārge pravṛtte hṛdi sarvadā |

teṣāṃ siddhiṃ ca muktiṃ ca tvaṃ me brūhi vṛṣadvaja || 3

īśvara uvāca-

śṛṇu devi mahābhāge sarvakalyāṇakāraṇe |

mahāśāstuśca deveśi kavacaṃ puṇyavardhanam || 4

agnistambha jalastambha senāstambha vidhāyakam |

mahābhūtapraśamanaṃ mahāvyādhinivāraṇam || 5

mahājñānapradaṃ puṇyaṃ viśeṣāt kalitāpaham |

sarvarakṣottamaṃ puṃsāṃ āyurārogyavardhanam || 6

kimato bahunoktena yaṃ yaṃ kāmayate dvijaḥ |

taṃ tamāpnotyasandeho mahāśāstuḥ prasādanāt || 7

kavacasya ṛṣirbrahmā gāyatrīḥ chanda ucyate |

devatā śrīmahāśāstā devo hariharātmajaḥ || 8

ṣaḍaṅgamācaredbhaktyā mātrayā jātiyuktayā |

dhyānamasya pravakṣyāmi śṛṇuṣvāvahitā priye || 9

asya śrī mahāśāstuḥ kavacamantrasya | brahmā ṛṣiḥ | gāyatrīḥ chandaḥ | mahāśāstā devatā | hrāṃ bījam | hrīṃ śaktiḥ | hrūṃ kīlakam | śrī mahāśāstuḥ prasāda siddhyarthe jape viniyogaḥ ||

hrāṃ ityādi ṣaḍaṅganyāsaḥ ||

dhyānam-

tejomaṇḍalamadhyagaṃ trinayanaṃ divyāmbarālaṅkṛtaṃ

devaṃ puṣpaśarekṣukārmuka lasanmāṇikyapātrā'bhayam |

bibhrāṇaṃ karapaṅkajaiḥ madagaja skandhādhirūḍhaṃ vibhuṃ

śāstāraṃ śaraṇaṃ bhajāmi satataṃ trailokya sammohanam ||

mahāśāstā śiraḥ pātu phālaṃ hariharātmajaḥ |

kāmarūpī dṛśaṃ pātu sarvajño me śrutiṃ sadā || 1

ghrāṇaṃ pātu kṛpādhyakṣaḥ mukhaṃ gaurīpriyaḥ sadā |

vedādhyāyī ca me jihvāṃ pātu me cibukaṃ guruḥ || 2

kaṇṭhaṃ pātu viśuddhātmā skandhau pātu surārcitaḥ |

bāhū pātu virūpākṣaḥ karau tu kamalāpriyaḥ || 3

bhūtādhipo me hṛdayaṃ madhyaṃ pātu mahābalaḥ |

nābhiṃ pātu mahāvīraḥ kamalākṣo'vatu kaṭim || 4

sanīpaṃ pātu viśveśaḥ guhyaṃ guhyārthavitsadā |

ūrū pātu gajārūḍhaḥ vajradhārī ca jānunī || 5

jaṅghe pātvaṅkuśadharaḥ pādau pātu mahāmatiḥ |

sarvāṅgaṃ pātu me nityaṃ mahāmāyāviśāradaḥ || 6

itīdaṃ kavacaṃ puṇyaṃ sarvāghaughanikṛntanam |

mahāvyādhipraśamanaṃ mahāpātakanāśanam || 7

jñānavairāgyadaṃ divyamaṇimādivibhūṣitam |

āyurārogyajananaṃ mahāvaśyakaraṃ param || 8

yaṃ yaṃ kāmayate kāmaṃ taṃ tamāpnotyasaṃśayaḥ |

trisandhyaṃ yaḥ paṭhedvidvān sa yāti paramāṃ gatim ||

iti śrī mahāśāstā anugraha kavacam |