📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
ঈশাবাস্যোপনিষদ্ (ঈশোপনিষদ্)
Ishavasyopanishad (ishopanishad)
Vedic Bengali
ও-ম্পূর্ণ॒মদঃ॒ পূর্ণ॒মিদ॒-ম্পূর্ণা॒ত্পূর্ণ॒মুদ॒চ্যতে ।
পূর্ণ॒স্য পূর্ণ॒মাদা॒য পূর্ণ॒মেবাবশি॒ষ্যতে ॥
ওঁ শান্তি॒-শ্শান্তি॒-শ্শান্তিঃ॑ ॥
ওঁ ঈ॒শা বা॒স্য॑মি॒দগ্ং সর্বং॒-যঁত্কিঞ্চ॒ জগ॑ত্বা॒-ঞ্জগ॑ত্ ।
তেন॑ ত্য॒ক্তেন॑ ভুঞ্জীথা॒ মা গৃ॑ধঃ॒ কস্য॑স্বি॒দ্ধনম্᳚ ॥ 1 ॥
কু॒র্বন্নে॒বেহ কর্মা᳚ণি জিজীবি॒ষেচ্চ॒তগ্ং সমাঃ᳚ ।
এ॒ব-ন্ত্বযি॒ নান্যথে॒তো᳚-ঽস্তি॒ ন কর্ম॑ লিপ্যতে॑ নরে᳚ ॥ 2 ॥
অ॒সু॒র্যা॒ নাম॒ তে লো॒কা অ॒ন্ধেন॒ তম॒সা-ঽঽবৃ॑তাঃ ।
তাগ্ংস্তে প্রেত্যা॒ভিগ॑চ্ছন্তি॒ যে কে চা᳚ত্ম॒হনো॒ জনাঃ᳚ ॥ 3 ॥
অনে᳚জ॒দেক॒-ম্মন॑সো॒ জবী᳚যো॒ নৈন॑দ্দে॒বা আ᳚প্নুব॒ন্পূর্ব॒মর্​ষ॑ত্ ।
তদ্ধাব॑তো॒-ঽন্যানত্যে᳚তি॒ তিষ্ঠ॒ত্তস্মিন্᳚ন॒পো মা᳚ত॒রিশ্বা᳚ দধাতি ॥ 4 ॥
তদে᳚জতি॒ তন্নেজ॑তি॒ তদ্দূ॒রে তদ্ব॑ন্তি॒কে ।
তদ॒ন্তর॑স্য॒ সর্ব॑স্য॒ তদু॒ সর্ব॑স্যাস্য বাহ্য॒তঃ ॥ 5 ॥
যস্তু সর্বা᳚ণি ভূ॒তান্যা॒ত্মন্যে॒বানু॒পশ্য॑তি ।
স॒র্ব॒ভূ॒তেষু॑ চা॒ত্মান॒-ন্ততো॒ ন বিহু॑গুপ্সতে ॥ 6 ॥
যস্মি॒ন্সর্বা᳚ণি ভূ॒তান্যা॒ত্মৈবাভূ᳚দ্বিজান॒তঃ ।
তত্র॒ কো মোহঃ॒ ক-শ্শোকঃ॑ এক॒ত্বম॑নু॒পশ্য॑তঃ ॥ 7 ॥
স পর্য॑গাচ্চু॒ক্রম॑কা॒যম॑ব্রণ॒ম॑স্নাবি॒রগ্ং শু॒দ্ধমপা᳚পবিদ্ধম্ ।
ক॒বির্ম॑নী॒ষী প॑রি॒ভূ-স্স্ব॑য॒ম্ভূ-র্যা᳚থাতথ্য॒তো-ঽর্থা॒ন্
ব্য॑দধাচ্ছাশ্ব॒তীভ্য॒-স্সমা᳚ভ্যঃ ॥ 8 ॥
অ॒ন্ধ-ন্তমঃ॒ প্রবি॑শন্তি॒ যে-ঽবি॑দ্যামু॒পাস॑তে ।
ততো॒ ভূয॑ ইব॒ তে তমো॒ য উ॑ বি॒দ্যাযা᳚গ্ং র॒তাঃ ॥ 9 ॥
অ॒ন্যদে॒বাযুরি॒দ্যযা॒-ঽন্যদা᳚হু॒রবি॑দ্যযা ।
ইতি॑ শুশুম॒ ধীরা᳚ণাং॒-যেঁ ন॒স্তদ্বি॑চচক্ষি॒রে ॥ 10 ॥
বি॒দ্যা-ঞ্চাবি॑দ্যা-ঞ্চ॒ যস্তদ্বেদো॒ভয॑গ্ং স॒হ ।
অবি॑দ্যযা মৃ॒ত্যু-ন্তী॒র্ত্বা বি॒দ্যযা-ঽমৃত॑মশ্নুতে ॥ 11 ॥
অ॒ন্ধ-ন্তমঃ॒ প্রবি॑শন্তি॒ যে-ঽসম্᳚ভূতিমু॒পাস॑তে ।
ততো॒ ভূয॑ ইব॒ তে তমো॒ য উ॒ সম্ভূ᳚ত্যাগ্ং র॒তাঃ ॥ 12 ॥
অ॒ন্যদে॒বাহু-স্সম্᳚ভ॒বাদ॒ন্যদা᳚হু॒রসম্᳚ভবাত্ ।
ইতি॑ শুশ্রুম॒ ধীরা᳚ণাং॒-যেঁ ন॒স্তদ্বি॑চচক্ষি॒রে ॥ 13 ॥
সম্ভূ᳚তি-ঞ্চ বিণা॒শ-ঞ্চ॒ যস্তদ্বেদো॒ভয॑গ্ং স॒হ ।
বি॒না॒শেন॑ মৃ॒ত্যু-ন্তী॒র্ত্বা সম্ভূ᳚ত্যা॒-ঽমৃত॑মশ্নুতে ॥ 14 ॥
হি॒র॒ণ্মযে᳚ন॒ পাত্রে᳚ণ স॒ত্যস্যাপি॑হিত॒-ম্মুখম্᳚ ।
তত্ব-ম্পূ᳚ষ॒ন্নপাবৃ॑ণু স॒ত্যধ᳚র্মায দৃ॒ষ্টযে᳚ ॥ 15 ॥
পূষ॑ন্নেকর্​ষে যম সূর্য॒ প্রাজা᳚পত্য॒ ব্যূ᳚হ র॒শ্মীন্
সমূ᳚হ॒ তেজো॒ যত্তে᳚ রূ॒প-ঙ্কল্যা᳚ণতম॒-ন্তত্তে᳚ পশ্যামি ।
যো॒-ঽসাব॒সৌ পুরু॑ষ॒-স্সো॒-ঽহম॑স্মি ॥ 16 ॥
বা॒যুরনি॑লম॒মৃত॒মথেদ-ম্ভস্মা᳚ন্ত॒গ্ং॒ শরী॑রম্ ।
ওঁ 3 ক্রতো॒ স্মর॑ কৃ॒তগ্ং স্ম॑র॒ ক্রতো॒ স্মর॑ কৃ॒তগ্ং স্ম॑র ॥ 17 ॥
অগ্নে॒ নয॑ সু॒পথা᳚ রা॒যে অ॒স্মান্ বিশ্বা॑নি দেব ব॒যনা॑নি বি॒দ্বান্ ।
যু॒যো॒ধ্য॒স্মজ্জু॑হুরা॒ণমেনো॒ ভূযি॑ষ্টা-ন্তে॒ নম॑উক্তিং-বিঁধেম ॥ 18 ॥
ও-ম্পূর্ণ॒মদঃ॒ পূর্ণ॒মিদ॒-ম্পূর্ণা॒ত্পূর্ণ॒মুদ॒চ্যতে ।
পূর্ণ॒স্য পূর্ণ॒মাদা॒য পূর্ণ॒মেবাবশি॒ষ্যতে ॥
ওঁ শান্তি॒-শ্শান্তি॒-শ্শান্তিঃ॑ ॥
Roman (IAST) Transliteration
o-mpūrṇa॒madaḥ॒ pūrṇa॒mida॒-mpūrṇā॒tpūrṇa॒muda॒cyate |
pūrṇa॒sya pūrṇa॒mādā॒ya pūrṇa॒mevāvaśi॒ṣyate ||
oṃ śānti॒-śśānti॒-śśāntiḥ̭ ||
oṃ ī॒śā vā॒sya̭mi॒dagṃ sarvaṃ॒-ya~tkiñca॒ jaga̭tvā॒-ñjaga̭t |
tena̭ tya॒ktena̭ bhuñjīthā॒ mā gṛ̭dhaḥ॒ kasya̭svi॒ddhanam᳚ || 1 ||
ku॒rvanne॒veha karmā᳚ṇi jijīvi॒ṣecca॒tagṃ samāḥ᳚ |
e॒va-ntvayi॒ nānyathe॒to᳚-'sti॒ na karma̭ lipyatḙ nare᳚ || 2 ||
a॒su॒ryā॒ nāma॒ te lo॒kā a॒ndhena॒ tama॒sā-''vṛ̭tāḥ |
tāgṃste pretyā॒bhiga̭cchanti॒ ye ke cā᳚tma॒hano॒ janāḥ᳚ || 3 ||
ane᳚ja॒deka॒-mmana̭so॒ javī᳚yo॒ naina̭dde॒vā ā᳚pnuva॒npūrva॒mar​ṣa̭t |
taddhāva̭to॒-'nyānatye᳚ti॒ tiṣṭha॒ttasmin᳚na॒po mā᳚ta॒riśvā᳚ dadhāti || 4 ||
tade᳚jati॒ tanneja̭ti॒ taddū॒re tadva̭nti॒ke |
tada॒ntara̭sya॒ sarva̭sya॒ tadu॒ sarva̭syāsya bāhya॒taḥ || 5 ||
yastu sarvā᳚ṇi bhū॒tānyā॒tmanye॒vānu॒paśya̭ti |
sa॒rva॒bhū॒teṣṷ cā॒tmāna॒-ntato॒ na vihṷgupsate || 6 ||
yasmi॒nsarvā᳚ṇi bhū॒tānyā॒tmaivābhū᳚dvijāna॒taḥ |
tatra॒ ko mohaḥ॒ ka-śśokaḥ̭ eka॒tvama̭nu॒paśya̭taḥ || 7 ||
sa parya̭gāccu॒krama̭kā॒yama̭vraṇa॒ma̭snāvi॒ragṃ śu॒ddhamapā᳚paviddham |
ka॒virma̭nī॒ṣī pa̭ri॒bhū-ssva̭ya॒mbhū-ryā᳚thātathya॒to-'rthā॒n
vya̭dadhācchāśva॒tībhya॒-ssamā᳚bhyaḥ || 8 ||
a॒ndha-ntamaḥ॒ pravi̭śanti॒ ye-'vi̭dyāmu॒pāsa̭te |
tato॒ bhūya̭ iva॒ te tamo॒ ya ṷ vi॒dyāyā᳚gṃ ra॒tāḥ || 9 ||
a॒nyade॒vāyuri॒dyayā॒-'nyadā᳚hu॒ravi̭dyayā |
iti̭ śuśuma॒ dhīrā᳚ṇāṃ॒-ye~ na॒stadvi̭cacakṣi॒re || 10 ||
vi॒dyā-ñcāvi̭dyā-ñca॒ yastadvedo॒bhaya̭gṃ sa॒ha |
avi̭dyayā mṛ॒tyu-ntī॒rtvā vi॒dyayā-'mṛta̭maśnute || 11 ||
a॒ndha-ntamaḥ॒ pravi̭śanti॒ ye-'sam᳚bhūtimu॒pāsa̭te |
tato॒ bhūya̭ iva॒ te tamo॒ ya u॒ sambhū᳚tyāgṃ ra॒tāḥ || 12 ||
a॒nyade॒vāhu-ssam᳚bha॒vāda॒nyadā᳚hu॒rasam᳚bhavāt |
iti̭ śuśruma॒ dhīrā᳚ṇāṃ॒-ye~ na॒stadvi̭cacakṣi॒re || 13 ||
sambhū᳚ti-ñca viṇā॒śa-ñca॒ yastadvedo॒bhaya̭gṃ sa॒ha |
vi॒nā॒śena̭ mṛ॒tyu-ntī॒rtvā sambhū᳚tyā॒-'mṛta̭maśnute || 14 ||
hi॒ra॒ṇmaye᳚na॒ pātre᳚ṇa sa॒tyasyāpi̭hita॒-mmukham᳚ |
tatva-mpū᳚ṣa॒nnapāvṛ̭ṇu sa॒tyadha᳚rmāya dṛ॒ṣṭaye᳚ || 15 ||
pūṣa̭nnekar​ṣe yama sūrya॒ prājā᳚patya॒ vyū᳚ha ra॒śmīn
samū᳚ha॒ tejo॒ yatte᳚ rū॒pa-ṅkalyā᳚ṇatama॒-ntatte᳚ paśyāmi |
yo॒-'sāva॒sau purṷṣa॒-sso॒-'hama̭smi || 16 ||
vā॒yurani̭lama॒mṛta॒matheda-mbhasmā᳚nta॒gṃ॒ śarī̭ram |
oṃ 3 krato॒ smara̭ kṛ॒tagṃ sma̭ra॒ krato॒ smara̭ kṛ॒tagṃ sma̭ra || 17 ||
agne॒ naya̭ su॒pathā᳚ rā॒ye a॒smān viśvā̭ni deva va॒yanā̭ni vi॒dvān |
yu॒yo॒dhya॒smajjṷhurā॒ṇameno॒ bhūyi̭ṣṭā-nte॒ nama̭uktiṃ-vi~dhema || 18 ||
o-mpūrṇa॒madaḥ॒ pūrṇa॒mida॒-mpūrṇā॒tpūrṇa॒muda॒cyate |
pūrṇa॒sya pūrṇa॒mādā॒ya pūrṇa॒mevāvaśi॒ṣyate ||
oṃ śānti॒-śśānti॒-śśāntiḥ̭ ||
InfoLyter.in — Sacred Vedic Knowledge Portal · Free forever