📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
দ্বাদশ আর্য স্তুতি
Dvadasha Arya Stuti
Dwadasanamam Bengali
উদ্যন্নদ্যবিবস্বানারোহন্নুত্তরাং দিবং দেবঃ ।
হৃদ্রোগং মম সূর্যো হরিমাণং চাঽঽশু নাশযতু ॥ 1 ॥
নিমিষার্ধেনৈকেন দ্বে চ শতে দ্বে সহস্রে দ্বে ।
ক্রমমাণ যোজনানাং নমোঽস্তু তে নলিননাথায ॥ 2 ॥
কর্মজ্ঞানখদশকং মনশ্চ জীব ইতি বিশ্বসর্গায ।
দ্বাদশধা যো বিচরতি স দ্বাদশমূর্তিরস্তু মোদায ॥ 3 ॥
ত্বং হি যজূঋক্সামঃ ত্বমাগমস্ত্বং বষট্কারঃ ।
ত্বং বিশ্বং ত্বং হংসঃ ত্বং ভানো পরমহংসশ্চ ॥ 4 ॥
শিবরূপাত্ জ্ঞানমহং ত্বত্তো মুক্তিং জনার্দনাকারাত্ ।
শিখিরূপাদৈশ্বর্যং ত্বত্তশ্চারোগ্যমিচ্ছামি ॥ 5 ॥
ত্বচি দোষা দৃশি দোষাঃ হৃদি দোষা যেঽখিলেন্দ্রিযজদোষাঃ ।
তান্ পূষা হতদোষঃ কিঞ্চিদ্রোষাগ্নিনা দহতু ॥ 6 ॥
ধর্মার্থকামমোক্ষপ্রতিরোধানুগ্রতাপবেগকরান্ ।
বন্দীকৃতেন্দ্রিযগণান্ গদান্ বিখণ্ডযতু চণ্ডাংশুঃ ॥ 7 ॥
যেন বিনেদং তিমিরং জগদেত্য গ্রসতি চরমচরমখিলম্ ।
ধৃতবোধং তং নলিনীভর্তারং হর্তারমাপদামীডে ॥ 8 ॥
যস্য সহস্রাভীশোরভীশু লেশো হিমাংশুবিম্বগতঃ ।
ভাসযতি নক্তমখিলং ভেদযতু বিপদ্গণানরুণঃ ॥ 9 ॥
তিমিরমিব নেত্রতিমিরং পটলমিবাঽশেষরোগপটলং নঃ ।
কাশমিবাধিনিকাযং কালপিতা রোগযুক্ততাং হরতাত্ ॥ 10 ॥
বাতাশ্মরীগদার্শস্ত্বগ্দোষমহোদরপ্রমেহাংশ্চ ।
গ্রহণীভগন্ধরাখ্যা মহতীস্ত্বং মে রুজো হংসি ॥ 11 ॥
ত্বং মাতা ত্বং শরণং ত্বং ধাতা ত্বং ধনং ত্বমাচার্যঃ ।
ত্বং ত্রাতা ত্বং হর্তা বিপদামর্ক প্রসীদ মম ভানো ॥ 12 ॥
ইত্যার্যাদ্বাদশকং সাম্বস্য পুরো নভঃস্থলাত্পতিতম্ ।
পঠতাং ভাগ্যসমৃদ্ধিঃ সমস্তরোগক্ষযশ্চ স্যাত্ ॥ 13 ॥
ইতি শ্রীসাম্বকৃতদ্বাদশার্যাসূর্যস্তুতিঃ ।
Roman (IAST) Transliteration
udyannadyavivasvānārohannuttarāṃ divaṃ devaḥ |
hṛdrogaṃ mama sūryo harimāṇaṃ cā''śu nāśayatu || 1 ||
nimiṣārdhenaikena dve ca śate dve sahasre dve |
kramamāṇa yojanānāṃ namo'stu te nalinanāthāya || 2 ||
karmajñānakhadaśakaṃ manaśca jīva iti viśvasargāya |
dvādaśadhā yo vicarati sa dvādaśamūrtirastu modāya || 3 ||
tvaṃ hi yajūṛksāmaḥ tvamāgamastvaṃ vaṣaṭkāraḥ |
tvaṃ viśvaṃ tvaṃ haṃsaḥ tvaṃ bhāno paramahaṃsaśca || 4 ||
śivarūpāt jñānamahaṃ tvatto muktiṃ janārdanākārāt |
śikhirūpādaiśvaryaṃ tvattaścārogyamicchāmi || 5 ||
tvaci doṣā dṛśi doṣāḥ hṛdi doṣā ye'khilendriyajadoṣāḥ |
tān pūṣā hatadoṣaḥ kiñcidroṣāgninā dahatu || 6 ||
dharmārthakāmamokṣapratirodhānugratāpavegakarān |
bandīkṛtendriyagaṇān gadān vikhaṇḍayatu caṇḍāṃśuḥ || 7 ||
yena vinedaṃ timiraṃ jagadetya grasati caramacaramakhilam |
dhṛtabodhaṃ taṃ nalinībhartāraṃ hartāramāpadāmīḍe || 8 ||
yasya sahasrābhīśorabhīśu leśo himāṃśubimbagataḥ |
bhāsayati naktamakhilaṃ bhedayatu vipadgaṇānaruṇaḥ || 9 ||
timiramiva netratimiraṃ paṭalamivā'śeṣarogapaṭalaṃ naḥ |
kāśamivādhinikāyaṃ kālapitā rogayuktatāṃ haratāt || 10 ||
vātāśmarīgadārśastvagdoṣamahodarapramehāṃśca |
grahaṇībhagandharākhyā mahatīstvaṃ me rujo haṃsi || 11 ||
tvaṃ mātā tvaṃ śaraṇaṃ tvaṃ dhātā tvaṃ dhanaṃ tvamācāryaḥ |
tvaṃ trātā tvaṃ hartā vipadāmarka prasīda mama bhāno || 12 ||
ityāryādvādaśakaṃ sāmbasya puro nabhaḥsthalātpatitam |
paṭhatāṃ bhāgyasamṛddhiḥ samastarogakṣayaśca syāt || 13 ||
iti śrīsāmbakṛtadvādaśāryāsūryastutiḥ |
InfoLyter.in — Sacred Vedic Knowledge Portal · Free forever