📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
দ্বাদশ আদিত্য ধ্যান শ্লোকাঃ
Dvadasha Aditya Dhyana Shlokah
Surya Dhyana Shloka Bengali
1. ধাতা
ধাতা কৃতস্থলী হেতির্বাসুকী রথকৃন্মুনে ।
পুলস্ত্যস্তুম্বুরুরিতি মধুমাসং নযন্ত্যমী ॥
ধাতা শুভস্য মে দাতা ভূযো ভূযোঽপি ভূযসঃ ।
রশ্মিজালসমাশ্লিষ্টঃ তমস্তোমবিনাশনঃ ॥
2. অর্যম্
অর্যমা পুলহোঽথৌজাঃ প্রহেতি পুঞ্জিকস্থলী ।
নারদঃ কচ্ছনীরশ্চ নযন্ত্যেতে স্ম মাধবম্ ॥
মেরুশৃঙ্গান্তরচরঃ কমলাকরবান্ধবঃ ।
অর্যমা তু সদা ভূত্যৈ ভূযস্যৈ প্রণতস্য মে ॥
3. মিত্রঃ
মিত্রোঽত্রিঃ পৌরুষেযোঽথ তক্ষকো মেনকা হহঃ ।
রথস্বন ইতি হ্যেতে শুক্রমাসং নযন্ত্যমী ॥
নিশানিবারণপটুঃ উদযাদ্রিকৃতাশ্রযঃ ।
মিত্রোঽস্তু মম মোদায তমস্তোমবিনাশনঃ ॥
4. বরুণঃ
বসিষ্ঠো হ্যরুণো রম্ভা সহজন্যস্তথা হুহুঃ ।
শুক্রশ্চিত্রস্বনশ্চৈব শুচিমাসং নযন্ত্যমী ॥
সূর্যস্যন্দনমারূঢ অর্চির্মালী প্রতাপবান্ ।
কালভূতঃ কামরূপো হ্যরুণঃ সেব্যতে মযা ॥
5. ইন্দ্রঃ
ইন্দ্রো বিশ্বাবসুঃ শ্রোতা এলাপত্রস্তথাঽঙ্গিরাঃ ।
প্রম্লোচা রাক্ষসোবর্যো নভোমাসং নযন্ত্যমী ॥
সহস্ররশ্মিসংবীতং ইন্দ্রং বরদমাশ্রযে ।
শিরসা প্রণমাম্যদ্য শ্রেযো বৃদ্ধিপ্রদাযকম্ ॥
6. বিবস্বান্
বিবস্বানুগ্রসেনশ্চ ব্যাঘ্র আসারণো ভৃগুঃ ।
অনুম্লোচাঃ শঙ্খপালো নভস্যাখ্যং নযন্ত্যমী ॥
জগন্নির্মাণকর্তারং সর্বদিগ্ব্যাপ্ততেজসম্ ।
নভোগ্রহমহাদীপং বিবস্বন্তং নমাম্যহম্ ॥
7. ত্বষ্টা
ত্বষ্টা ঋচীকতনযঃ কম্বলাখ্যস্তিলোত্তমা ।
ব্রহ্মাপেতোঽথ শতজিত্ ধৃতরাষ্ট্র ইষম্ভরা ॥
ত্বষ্টা শুভায মে ভূযাত্ শিষ্টাবলিনিষেবিতঃ ।
নানাশিল্পকরো নানাধাতুরূপঃ প্রভাকরঃ ।
8. বিষ্ণুঃ
বিষ্ণুরশ্বতরো রম্ভা সূর্যবর্চাশ্চ সত্যজিত্ ।
বিশ্বামিত্রো মখাপেত ঊর্জমাসং নযন্ত্যমী ॥
ভানুমণ্ডলমধ্যস্থং বেদত্রযনিষেবিতম্ ।
গাযত্রীপ্রতিপাদ্যং তং বিষ্ণুং ভক্ত্যা নমাম্যহম্ ॥
9. অংশুমান্
অথাংশুঃ কশ্যপস্তার্ক্ষ্য ঋতসেনস্তথোর্বশী ।
বিদ্যুচ্ছত্রুর্মহাশঙ্খঃ সহোমাসং নযন্ত্যমী ॥
সদা বিদ্রাবণরতো জগন্মঙ্গলদীপকঃ ।
মুনীন্দ্রনিবহস্তুত্যো ভূতিদোঽংশুর্ভবেন্মম ॥
10. ভগঃ
ভগঃ স্ফূর্জোঽরিষ্টনেমিঃ ঊর্ণ আযুশ্চ পঞ্চমঃ ।
কর্কোটকঃ পূর্বচিত্তিঃ পৌষমাসং নযন্ত্যমী ॥
তিথি মাস ঋতূনাং চ বত্সরাঽযনযোরপি ।
ঘটিকানাং চ যঃ কর্তা ভগো ভাগ্যপ্রদোঽস্তু মে ॥
11. পূষ
পূষা ধনঞ্জযো বাতঃ সুষেণঃ সুরুচিস্তথা ।
ঘৃতাচী গৌতমশ্চেতি তপোমাসং নযন্ত্যমী ।
পূষা তোষায মে ভূযাত্ সর্বপাপাঽপনোদনাত্ ।
সহস্রকরসংবীতঃ সমস্তাশান্তরান্তরঃ ॥
12. পর্জন্যঃ
ক্রতুর্বার্চা ভরদ্বাজঃ পর্জন্যঃ সেনজিত্ তথা ।
বিশ্বশ্চৈরাবতশ্চৈব তপস্যাখ্যং নযন্ত্যমী ॥
প্রপঞ্চং প্রতপন্ ভূযো বৃষ্টিভির্মাদযন্ পুনঃ ।
জগদানন্দজনকঃ পর্জন্যঃ পূজ্যতে মযা ॥
ধ্যাযেস্সদা সবিতৃমণ্ডলমধ্যবর্তী
নারাযণস্সরসিজাসন সন্নিবিষ্টঃ।
কেযূরবান্ মকরকুণ্ডলবান্ কিরীটী
হারী হিরণ্মযবপুঃ ধৃতশঙ্খচক্রঃ ॥
Roman (IAST) Transliteration
1. dhātā
dhātā kṛtasthalī hetirvāsukī rathakṛnmune |
pulastyastumbururiti madhumāsaṃ nayantyamī ||
dhātā śubhasya me dātā bhūyo bhūyo'pi bhūyasaḥ |
raśmijālasamāśliṣṭaḥ tamastomavināśanaḥ ||
2. aryam
aryamā pulaho'thaujāḥ praheti puñjikasthalī |
nāradaḥ kacchanīraśca nayantyete sma mādhavam ||
meruśṛṅgāntaracaraḥ kamalākarabāndhavaḥ |
aryamā tu sadā bhūtyai bhūyasyai praṇatasya me ||
3. mitraḥ
mitro'triḥ pauruṣeyo'tha takṣako menakā hahaḥ |
rathasvana iti hyete śukramāsaṃ nayantyamī ||
niśānivāraṇapaṭuḥ udayādrikṛtāśrayaḥ |
mitro'stu mama modāya tamastomavināśanaḥ ||
4. varuṇaḥ
vasiṣṭho hyaruṇo rambhā sahajanyastathā huhuḥ |
śukraścitrasvanaścaiva śucimāsaṃ nayantyamī ||
sūryasyandanamārūḍha arcirmālī pratāpavān |
kālabhūtaḥ kāmarūpo hyaruṇaḥ sevyate mayā ||
5. indraḥ
indro viśvāvasuḥ śrotā elāpatrastathā'ṅgirāḥ |
pramlocā rākṣasovaryo nabhomāsaṃ nayantyamī ||
sahasraraśmisaṃvītaṃ indraṃ varadamāśraye |
śirasā praṇamāmyadya śreyo vṛddhipradāyakam ||
6. vivasvān
vivasvānugrasenaśca vyāghra āsāraṇo bhṛguḥ |
anumlocāḥ śaṅkhapālo nabhasyākhyaṃ nayantyamī ||
jagannirmāṇakartāraṃ sarvadigvyāptatejasam |
nabhograhamahādīpaṃ vivasvantaṃ namāmyaham ||
7. tvaṣṭā
tvaṣṭā ṛcīkatanayaḥ kambalākhyastilottamā |
brahmāpeto'tha śatajit dhṛtarāṣṭra iṣambharā ||
tvaṣṭā śubhāya me bhūyāt śiṣṭāvaliniṣevitaḥ |
nānāśilpakaro nānādhāturūpaḥ prabhākaraḥ |
8. viṣṇuḥ
viṣṇuraśvataro rambhā sūryavarcāśca satyajit |
viśvāmitro makhāpeta ūrjamāsaṃ nayantyamī ||
bhānumaṇḍalamadhyasthaṃ vedatrayaniṣevitam |
gāyatrīpratipādyaṃ taṃ viṣṇuṃ bhaktyā namāmyaham ||
9. aṃśumān
athāṃśuḥ kaśyapastārkṣya ṛtasenastathorvaśī |
vidyucchatrurmahāśaṅkhaḥ sahomāsaṃ nayantyamī ||
sadā vidrāvaṇarato jaganmaṅgaladīpakaḥ |
munīndranivahastutyo bhūtido'ṃśurbhavenmama ||
10. bhagaḥ
bhagaḥ sphūrjo'riṣṭanemiḥ ūrṇa āyuśca pañcamaḥ |
karkoṭakaḥ pūrvacittiḥ pauṣamāsaṃ nayantyamī ||
tithi māsa ṛtūnāṃ ca vatsarā'yanayorapi |
ghaṭikānāṃ ca yaḥ kartā bhago bhāgyaprado'stu me ||
11. pūṣa
pūṣā dhanañjayo vātaḥ suṣeṇaḥ surucistathā |
ghṛtācī gautamaśceti tapomāsaṃ nayantyamī |
pūṣā toṣāya me bhūyāt sarvapāpā'panodanāt |
sahasrakarasaṃvītaḥ samastāśāntarāntaraḥ ||
12. parjanyaḥ
kraturvārcā bharadvājaḥ parjanyaḥ senajit tathā |
viśvaścairāvataścaiva tapasyākhyaṃ nayantyamī ||
prapañcaṃ pratapan bhūyo vṛṣṭibhirmādayan punaḥ |
jagadānandajanakaḥ parjanyaḥ pūjyate mayā ||
dhyāyessadā savitṛmaṇḍalamadhyavartī
nārāyaṇassarasijāsana sanniviṣṭaḥ|
keyūravān makarakuṇḍalavān kirīṭī
hārī hiraṇmayavapuḥ dhṛtaśaṅkhacakraḥ ||
InfoLyter.in — Sacred Vedic Knowledge Portal · Free forever