Ashtavakra Gita Saptamo'dhyayah

ॐ

অষ্টাবক্র গীতা সপ্তমোঽধ্যাযঃ

Gita Bengali

জনক উবাচ ॥

ময্যনন্তমহাম্ভোধৌ বিশ্বপোত ইতস্ততঃ ।

ভ্রমতি স্বান্তবাতেন ন মমাস্ত্যসহিষ্ণুতা ॥ 7-1॥

ময্যনন্তমহাম্ভোধৌ জগদ্বীচিঃ স্বভাবতঃ ।

উদেতু বাস্তমাযাতু ন মে বৃদ্ধির্ন চ ক্ষতিঃ ॥ 7-2॥

ময্যনন্তমহাম্ভোধৌ বিশ্বং নাম বিকল্পনা ।

অতিশান্তো নিরাকার এতদেবাহমাস্থিতঃ ॥ 7-3॥

নাত্মা ভাবেষু নো ভাবস্তত্রানন্তে নিরঞ্জনে ।

ইত্যসক্তোঽস্পৃহঃ শান্ত এতদেবাহমাস্থিতঃ ॥ 7-4॥

অহো চিন্মাত্রমেবাহমিন্দ্রজালোপমং জগত্ ।

ইতি মম কথং কুত্র হেযোপাদেযকল্পনা ॥ 7-5॥

Roman (IAST) Transliteration

janaka uvāca ||

mayyanantamahāmbhodhau viśvapota itastataḥ |

bhramati svāntavātena na mamāstyasahiṣṇutā || 7-1||

mayyanantamahāmbhodhau jagadvīciḥ svabhāvataḥ |

udetu vāstamāyātu na me vṛddhirna ca kṣatiḥ || 7-2||

mayyanantamahāmbhodhau viśvaṃ nāma vikalpanā |

atiśānto nirākāra etadevāhamāsthitaḥ || 7-3||

nātmā bhāveṣu no bhāvastatrānante nirañjane |

ityasakto'spṛhaḥ śānta etadevāhamāsthitaḥ || 7-4||

aho cinmātramevāhamindrajālopamaṃ jagat |

iti mama kathaṃ kutra heyopādeyakalpanā || 7-5||