Arjuna Krita Shri Durga Stotram

ॐ

অর্জুন কৃত শ্রী দুর্গা স্তোত্রম্

Durga Stotram Bengali

অর্জুন উবাচ ।

নমস্তে সিদ্ধসেনানি আর্যে মন্দরবাসিনি ।

কুমারি কালি কাপালি কপিলে কৃষ্ণপিঙ্গলে ॥ 1 ॥

ভদ্রকালি নমস্তুভ্যং মহাকালি নমোঽস্তু তে ।

চণ্ডি চণ্ডে নমস্তুভ্যং তারিণি বরবর্ণিনি ॥ 2 ॥

কাত্যাযনি মহাভাগে করালি বিজযে জযে ।

শিখিপিঞ্ছধ্বজধরে নানাভরণভূষিতে ॥ 3 ॥

অট্টশূলপ্রহরণে খড্গখেটকধারিণি ।

গোপেন্দ্রস্যানুজে জ্যেষ্ঠে নন্দগোপকুলোদ্ভবে ॥ 4 ॥

মহিষাসৃক্প্রিযে নিত্যং কৌশিকি পীতবাসিনি ।

অট্টহাসে কোকমুখে নমস্তেঽস্তু রণপ্রিযে ॥ 5 ॥

উমে শাকম্ভরি শ্বেতে কৃষ্ণে কৈটভনাশিনি ।

হিরণ্যাক্ষি বিরূপাক্ষি সুধূম্রাক্ষি নমোঽস্তু তে ॥ 6 ॥

বেদশ্রুতিমহাপুণ্যে ব্রহ্মণ্যে জাতবেদসি ।

জম্বূকটকচৈত্যেষু নিত্যং সন্নিহিতালযে ॥ 7 ॥

ত্বং ব্রহ্মবিদ্যা বিদ্যানাং মহানিদ্রা চ দেহিনাম্ ।

স্কন্দমাতর্ভগবতি দুর্গে কান্তারবাসিনি ॥ 8 ॥

স্বাহাকারঃ স্বধা চৈব কলা কাষ্ঠা সরস্বতী ।

সাবিত্রী বেদমাতা চ তথা বেদান্ত উচ্যতে ॥ 9 ॥

কান্তারভযদুর্গেষু ভক্তানাং চালযেষু চ ।

নিত্যং বসসি পাতালে যুদ্ধে জযসি দানবান্ ॥ 10 ॥

ত্বং জম্ভনী মোহিনী চ মাযা হ্রীঃ শ্রীস্তথৈব চ ।

সন্ধ্যা প্রভাবতী চৈব সাবিত্রী জননী তথা ॥ 11 ॥

তুষ্টিঃ পুষ্টির্ধৃতির্দীপ্তিশ্চন্দ্রাদিত্যবিবর্ধিনী ।

ভূতির্ভূতিমতাং সঙ্খ্যে বীক্ষ্যসে সিদ্ধচারণৈঃ ॥ 12 ॥

স্তুতাসি ত্বং মহাদেবি বিশুদ্ধেনান্তরাত্মনা ।

জযো ভবতু মে নিত্যং ত্বত্প্রসাদাদ্রণাজিরে ॥ 13 ॥

ইতি শ্রীমন্মহাভারতে ভীষ্মপর্বণি ত্রযোবিংশোঽধ্যাযে অর্জুন কৃত শ্রী দুর্গা স্তোত্রম্ ।

Roman (IAST) Transliteration

arjuna uvāca |

namaste siddhasenāni ārye mandaravāsini |

kumāri kāli kāpāli kapile kṛṣṇapiṅgale || 1 ||

bhadrakāli namastubhyaṃ mahākāli namo'stu te |

caṇḍi caṇḍe namastubhyaṃ tāriṇi varavarṇini || 2 ||

kātyāyani mahābhāge karāli vijaye jaye |

śikhipiñchadhvajadhare nānābharaṇabhūṣite || 3 ||

aṭṭaśūlapraharaṇe khaḍgakheṭakadhāriṇi |

gopendrasyānuje jyeṣṭhe nandagopakulodbhave || 4 ||

mahiṣāsṛkpriye nityaṃ kauśiki pītavāsini |

aṭṭahāse kokamukhe namaste'stu raṇapriye || 5 ||

ume śākambhari śvete kṛṣṇe kaiṭabhanāśini |

hiraṇyākṣi virūpākṣi sudhūmrākṣi namo'stu te || 6 ||

vedaśrutimahāpuṇye brahmaṇye jātavedasi |

jambūkaṭakacaityeṣu nityaṃ sannihitālaye || 7 ||

tvaṃ brahmavidyā vidyānāṃ mahānidrā ca dehinām |

skandamātarbhagavati durge kāntāravāsini || 8 ||

svāhākāraḥ svadhā caiva kalā kāṣṭhā sarasvatī |

sāvitrī vedamātā ca tathā vedānta ucyate || 9 ||

kāntārabhayadurgeṣu bhaktānāṃ cālayeṣu ca |

nityaṃ vasasi pātāle yuddhe jayasi dānavān || 10 ||

tvaṃ jambhanī mohinī ca māyā hrīḥ śrīstathaiva ca |

sandhyā prabhāvatī caiva sāvitrī jananī tathā || 11 ||

tuṣṭiḥ puṣṭirdhṛtirdīptiścandrādityavivardhinī |

bhūtirbhūtimatāṃ saṅkhye vīkṣyase siddhacāraṇaiḥ || 12 ||

stutāsi tvaṃ mahādevi viśuddhenāntarātmanā |

jayo bhavatu me nityaṃ tvatprasādādraṇājire || 13 ||

iti śrīmanmahābhārate bhīṣmaparvaṇi trayoviṃśo'dhyāye arjuna kṛta śrī durgā stotram |