Aparadha Kshamapana Stotram

ॐ

অপরাধ ক্ষমাপণ স্তোত্রম্

Radha Stotram Adi Shankaracharya Bengali

অপরাধসহস্রাণি ক্রিযন্তেঽহর্নিশং মযা ।

দাসোঽযমিতি মাং মত্বা ক্ষমস্ব পরমেশ্বরি ॥ 1 ॥

আবাহনং ন জানামি ন জানামি বিসর্জনম্ ।

পূজাং চৈব ন জানামি ক্ষম্যতাং পরমেশ্বরি ॥ 2 ॥

মন্ত্রহীনং ক্রিযাহীনং ভক্তিহীনং সুরেশ্বরি ।

যত্পূজিতং মযা দেবি পরিপূর্ণং তদস্তু মে ॥ 3 ॥

অপরাধশতং কৃত্বা জগদম্বেতি চোচ্চরেত্ ।

যাং গতিং সমবাপ্নোতি ন তাং ব্রহ্মাদযঃ সুরাঃ ॥ 4 ॥

সাপরাধোঽস্মি শরণং প্রাপ্তস্ত্বাং জগদম্বিকে ।

ইদানীমনুকম্প্যোঽহং যথেচ্ছসি তথা কুরু ॥ 5 ॥

অজ্ঞানাদ্বিস্মৃতের্ভ্রান্ত্যা যন্ন্যূনমধিকং কৃতম্ ।

বিপরীতং চ তত্সর্বং ক্ষমস্ব পরমেশ্বরি ॥ 6 ॥

কামেশ্বরি জগন্মাতঃ সচ্চিদানন্দবিগ্রহে ।

গৃহাণার্চামিমাং প্রীত্যা প্রসীদ পরমেশ্বরি ॥ 7 ॥

যদক্ষরপদভ্রষ্টং মাত্রাহীনং চ যদ্ভবেত্ ।

তত্সর্বং ক্ষম্যতাং দেবি প্রসীদ পরমেশ্বরি ॥ 8 ॥

গুহ্যাতিগুহ্যগোপ্ত্রী ত্বং গৃহাণাস্মত্কৃতং জপম্ ।

সিদ্ধির্ভবতু মে দেবি ত্বত্প্রসাদান্মহেশ্বরি ॥ 9 ॥

সর্বরূপমযী দেবী সর্বং দেবীমযং জগত্ ।

অতোঽহং বিশ্বরূপাং ত্বাং নমামি পরমেশ্বরীম্ ॥ 10 ॥

ইতি অপরাধক্ষমাপণস্তোত্রং সমাপ্তম্ ॥

Roman (IAST) Transliteration

aparādhasahasrāṇi kriyante'harniśaṃ mayā |

dāso'yamiti māṃ matvā kṣamasva parameśvari || 1 ||

āvāhanaṃ na jānāmi na jānāmi visarjanam |

pūjāṃ caiva na jānāmi kṣamyatāṃ parameśvari || 2 ||

mantrahīnaṃ kriyāhīnaṃ bhaktihīnaṃ sureśvari |

yatpūjitaṃ mayā devi paripūrṇaṃ tadastu me || 3 ||

aparādhaśataṃ kṛtvā jagadambeti coccaret |

yāṃ gatiṃ samavāpnoti na tāṃ brahmādayaḥ surāḥ || 4 ||

sāparādho'smi śaraṇaṃ prāptastvāṃ jagadambike |

idānīmanukampyo'haṃ yathecchasi tathā kuru || 5 ||

ajñānādvismṛterbhrāntyā yannyūnamadhikaṃ kṛtam |

viparītaṃ ca tatsarvaṃ kṣamasva parameśvari || 6 ||

kāmeśvari jaganmātaḥ saccidānandavigrahe |

gṛhāṇārcāmimāṃ prītyā prasīda parameśvari || 7 ||

yadakṣarapadabhraṣṭaṃ mātrāhīnaṃ ca yadbhavet |

tatsarvaṃ kṣamyatāṃ devi prasīda parameśvari || 8 ||

guhyātiguhyagoptrī tvaṃ gṛhāṇāsmatkṛtaṃ japam |

siddhirbhavatu me devi tvatprasādānmaheśvari || 9 ||

sarvarūpamayī devī sarvaṃ devīmayaṃ jagat |

ato'haṃ viśvarūpāṃ tvāṃ namāmi parameśvarīm || 10 ||

iti aparādhakṣamāpaṇastotraṃ samāptam ||