📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
6.4 যুদ্ধকাণ্ড - চতুর্থ সর্গঃ
6.4 Yuddhakanda - Chaturtha Sargah
Valmiki Bengali
শ্রীমদ্বাল্মীকীয রামাযণে যুদ্ধকাণ্ডম্ ।
অথ চতুর্থস্সর্গঃ ।
শ্রুত্বা হনুমতো বাক্যং যথাবদনুপূর্বশঃ ।
ততোঽব্রবীন্মহাতেজা রামস্সত্যপরাক্রমঃ ॥ 1 ॥
যাং নিবেদযসে লঙ্কাং পুরীং ভীমস্য রক্ষসঃ ।
ক্ষিপ্রমেনাং মথিষ্যামি সত্যমেতদ্ব্রবীমি তে ॥ 2 ॥
অস্মিন্ মুহূর্তে সুগ্রীব প্রযাণমভিরোচযে ।
যুক্তো মুহূর্তো বিজযঃ প্রাপ্তো মধ্যং দিবাকর ॥ 3 ॥
সীতাং হৃত্বা তু মে জাতু ক্বাসৌ যাস্যতি যাস্যতঃ ।
সীতা শ্রুত্বাভিযানং মে অশামেষ্যতি জীবিতে ।
জীবিতান্তেঽ মৃতং স্পৃষ্টবা পীত্বা বিষমিবাতুরঃ ॥ 4 ॥
উত্তরা ফল্গুনী হ্যদ্য শ্বস্তু হস্তেন যোক্ষ্যতে ।
অভিপ্রাযাম সুগ্রীব সর্বানীকসমাবৃতাঃ ॥ 5 ॥
নিমিত্তানি চ পশ্যামি যানি প্রাদুর্ভবন্তি চ ।
নিহত্য রাবণং সীতামানযিষ্যামি জানকীম্ ॥ 6 ॥
উপরিষ্টাদ্ধি নযনং স্ফুরমাণমিদং মম ।
বিজযং সমনুপ্রাপ্তং শংসতীব মনোরথম্ ॥ 7 ॥
ততো বানররাজেন লক্ষ্মণেন সুপূজিতঃ ।
উবাচ রামো ধর্মাত্মা পুনরপ্যর্ধকোবিদঃ ॥ 8 ॥
অগ্রে যাতু বলস্যাস্য নীলো মার্গমবেক্ষিতুম্ ।
বৃতশ্শতসহস্রেণ বানরাণাং তরস্বিনাম্ ॥ 9 ॥
ফলমূলবতা নীল শীতকাননবারিণা ।
পথা মধুমতা চাশু সেনাং সেনাপতে নয ॥ 10 ॥
দূষযেযুর্দুরাত্মনঃ পথি মূলফলোদকম্ ।
রাক্ষসাঃ পরিরক্ষেথাস্তেভ্যস্ত্বং নিত্যমুদ্যতঃ ॥ 11 ॥
নিম্নেষু বনদুর্গেষু বনেষু চ বনৌকসঃ ।
অভিপ্লুত্যাভিপশ্যেযুঃ পরেষাং নিহিতং বলম্ ॥ 12 ॥
যচ্চ ফল্গু বলং কিঞ্চিত্ত দত্রৈবোপপদ্যতাম্ ।
এতদ্ধি কৃত্যং ঘোরং নো বিক্রমেণ প্রযুজ্যতাম্ ॥ 13 ॥
সাগরৌঘনিভং ভীমমগ্রানীকং মহাবলাঃ ।
কপিসিংহাঃ প্রকর্ষস্তু শতশোঽথ সহস্রশঃ ॥ 14 ॥
কপি সিম্হা প্রকর্ষন্তু শতশো অথ সহস্রশঃ ।
গজঃ চ গিরি সম্কাশো গবযঃ চ মহাবলঃ ॥ 15 ॥
যাতু বানরবাহিন্যা বানরঃ প্লবতাং বরঃ ।
পালযন্দক্ষিণং পার্শ্বমৃষভো বানরর্ষভঃ ॥ 16 ॥
গন্ধহস্তীব দুর্ধর্ষস্তরস্বী গন্ধমাদনঃ ।
যাতু বানরবাহিন্যা স্সব্যং পার্শ্বমধিষ্ঠিতঃ ॥ 17 ॥
যাস্যামি বলমধ্যেঽহং বলৌঘমভিহর্ষযন্ ।
অধিরুহ্য হনূমন্ত মৈরাবত মিবেশ্বরঃ ॥ 18 ॥
অঙ্গদেনৈষ সংযাতু লক্ষ্মণশ্চান্ত কোপমঃ ।
সার্বভৌমেন ভূতেশো দ্রবিণাধিপতির্যথা ॥ 19 ॥
জাম্ববাংশ্চ সুষেণশ্চ বেগদর্শী চ বানরঃ ।
ঋক্ষরাজো মহাসত্ত্বঃ কুক্ষিং রক্ষন্তু তে ত্রযঃ ॥ 20 ॥
রাঘবস্য বচশ্শ্রুত্বা সুগ্রীবো বাহিনীপতিঃ ।
ব্যাদিদেশ মহাবীর্যো বানরান্বানরর্ষভ ঃ ॥ 21 ॥
তে বানরগণাস্সর্বে সমুত্পত্য যুযুত্সবঃ ।
গুহাভ্যশ্শিখরেভ্যশ্চ অশু পুপ্লুবিরে তদা ॥ 22 ॥
ততো বানররাজেন লক্ষ্মণেন চ পূজিতঃ ।
জগাম রামোধর্মাত্মা সসৈন্যো দক্ষিণাং দিশম্ ॥ 23 ॥
শতৈঃ শতসহস্রৈশ্চ কোটিভিশ্চাযুতৈরপি ।
বারণাভৈশ্চ হরিভির্যযৌ পরিবৃতস্তদা ॥ 24 ॥
তং যান্তমনুযান্তী সা মহতী হরিবাহিনী ।
দৃপ্তাঃ প্রমুদিতাস্সর্বে সুগ্রীবেণাভিপালিতাঃ ॥ 25 ॥
হৃষ্টাঃ প্রমুদিতাঃ সর্বে সুগ্রীবেণ অভিপালিতাঃ ।
আপ্লবন্তঃ প্লবন্তঃ চ গর্জন্তঃ চ প্লবং গমাঃ ॥ 26 ॥
ভক্ষ্যন্ত স্সুগন্ধীনি মধূনি চ ফলানি চ ।
উদ্বহন্তো মহাবৃক্ষান্ মঞ্জরীপুঞ্জধারিণঃ ॥ 27 ॥
অন্যোন্যং সহসা দৃপ্তা নির্বহান্তি ক্ষিপন্তি চ ।
পতন্তশ্পোত্পত্নত্যন্যে পাতযন্ত্যপরে পরান্ ॥ 28 ॥
রাবণো নো নিহন্তব্যস্সর্বে চ রজনীচরাঃ ।
ইতি গর্জন্তি হরযো রাঘবস্য সমীপতঃ ॥ 29 ॥
পুরস্তাদৃষভো বীরো নীলঃ কুমুদ এব চ ।
পন্থানং শোধযন্তিস্ম বানরৈর্বহুভি স্সহ ॥ 30 ॥
মধ্যে তু রাজা সুগ্রীবো রামো লক্ষ্মণ এব চ ।
বলভির্বহুভি র্ভীমৈর্বৃতাশ্শত্রুনিবর্হণাঃ ॥ 31 ॥
হরিশ্শতবলির্বীরঃ কোটীভির্দশভির্বৃতঃ ।
সর্বামেকো হ্যাবষ্টভ্য ররক্ষ হরিবাহিনীম্ ॥ 32 ॥
কোটীশতপরীবারঃ কেসরী পনসো গজঃ ।
অর্কশ্চাতিবলঃ পার্শ্বমেকং তস্যাভিরক্ষতি ॥ 33 ॥
সুষেণো জাম্ববাংশ্চৈব ঋক্ষৈর্বহুভিরাবৃতৌ ।
সুগ্রীবং পুরতঃ কৃত্বা জঘনং সম্ররক্ষতুঃ ॥ 34 ॥
তেষাং সেনাপতির্বীরো নীলো বানরপুঙ্গবঃ ।
সম্পতন্পততাং শ্রেষ্ঠস্তদ্বলং পর্যপালযাত্ ॥ 35 ॥
দরীমুখঃ প্রজঙ্ঘশ্চ রম্ভোঽথ রভসঃ কপিঃ ।
সর্বতশ্চ যযুর্বীরাস্ত্বরযন্তঃ প্লবঙ্গমান্ ॥ 36 ॥
এবং তে হরিশার্দূলা গচ্ছন্তো বলদর্পিতাঃ ।
অপশ্যংস্তে গিরিশ্রেষ্ঠং সহ্যং দ্রুমালতাযুতম্ ॥ 37 ॥
সরাংসি চ সুপুল্লানি তটাকানি বনানি চ ॥ 38 ॥
রামস্য শাসনং জ্ঞাত্বা ভীমকোপস্য ভীতবত্ ।
বর্জযন্নগরাভ্যাশাং স্তথা জনপদানপি ॥ 39 ॥
সাগরৌঘনিভং ভীমং তদ্বানরবলং মহত্ ।
উত্সসর্প মহাঘোষং ভীমঘোষমিবার্ণবঃ ॥ 40 ॥
তস্যদাশরথেঃ পার্শ্বে শূরাস্তে কপিকুঙজরাঃ ।
তোর্ণমাপুপ্লুবু স্সর্বে সদশ্বা ইব চোদিতাঃ ॥ 41 ॥
কপিভ্যামুহ্যমানৌ তৌ শুশুভাতে নরর্ষভৌ ।
মহাদ্ভ্যামিব সম্স্পৃষ্টৌ গ্রহাভ্যাং চন্দ্রভাস্করৌ ॥ 42 ॥
ততো বানররাজেন লক্ষ্মণেন সুপূজিতঃ ।
জগাম রামো ধর্মাত্মা সসৈন্যো দক্ষিণাং দিশম্ ॥ 43 ॥
তমঙ্গদগতো রামং লক্ষ্মণশ্শুভযা গিরা ।
উবাচ পরিপূর্ণার্থঃ স্মৃতিমান্ প্রতিভানবান্ ॥ 44 ॥
হৃতামবাপ্য বৈদেহীং ক্ষিপ্রং হত্বা চ রাবণম্ ।
সমৃদ্ধার্থস্সমৃদ্ধার্থমযোধ্যাং প্রতিযাস্যসি ॥ 45 ॥
মহান্তি চ নিমিত্তানি দিবি ভূমৌ চ রাঘব ।
শুভানি তব পশ্যামি সর্বাণ্যেনার্থসিদ্ধযে ।
অনুবাতি শিবো বাযু স্সেবাং মৃদুহিত স্সুখঃ ॥ 46 ॥
পূর্ণবল্গুস্বরাশ্চেমে প্রবদন্তি মৃগদ্বিজাঃ ।
প্রসন্নাশ্চ দিশ স্সর্বা বিমলশ্চ দিবাকরঃ ॥ 47 ॥
উশনা চ প্রসন্নার্চিরনু ত্বাং ভার্গবো গতঃ ॥ 48 ॥
ব্রহ্মরাশির্বিশুদ্ধশ্চ শুদ্দাশ্চ পরমর্ষযঃ ।
অর্চিষ্মন্তঃ প্রকাশন্তে ধ্রুবং সর্বে প্রদক্ষিণম্ ॥ 49 ॥
ত্রিশঙ্কুর্বিমলো ভাতি রাজর্ষিস্সপুরোহিতঃ ।
পিতামহাঃ পুরোঽস্মাকমিক্ষ্বাকূণাং মহাত্মনাম্ ॥ 50 ॥
বিমলে চ প্রকাশেতে বিশাখে নিরুপপ্লুবে ।
নক্ষত্র বরমস্মাকমিক্ষ্বাকূণাং মহাত্মনাম্ ॥ 51 ॥
নৈরৃতং নৈরৃতানাং চ নক্ষত্রমভিপীড্যতে ।
মূলো মূলবতা স্পৃষ্টো ধূপ্যতে ধূমকেতুনা ॥ 52 ॥
সর্বং চৈতদ্বিনাশায রাক্ষসানামুপ স্থিতম্ ।
কালে কালগৃহীতানাং নক্ষত্র গ্রহপীডিতম্ ॥ 53 ॥
প্রসন্না স্সুরসাশ্চাপো বনানি ফলবন্তি চ ।
প্রবান্ত্যভ্য নাধিকং গন্ধান্যথর্তুকুসুমা দ্রুমাঃ ॥ 54 ॥
ব্যূঢানি কপিসৈন্যানি প্রকাশন্তেঽধিকং প্রভো ॥ 55 ॥
দেবানামিব সৈন্যানি সঙ্গ্রামে তারকামযে ।
এবমার্য ।
সমীক্ষ্যৈতান্প্রীতো ভবিতুমর্হসি ॥ 56 ॥
ইতি ভ্রাতরমাশ্বাস্য হৃষ্ট স্সৌমিত্রিরব্রবীত্ ।
অথাবৃত্য মহীং কৃত্স্নাং জগাম মহতী চমূঃ ॥ 57 ॥
ঋক্ষবানরশর্দূলৈর্ন খদংষ্ট্রাযুধৈর্বুতা ।
কারাগ্রৈশ্চরণাগ্রৈশ্চ বানরৈ রুত্থিতং রজঃ ।
ভীমমন্তর্দধে লোকং নিবার্য সবিতুঃ প্রভাম্ ॥ 58 ॥
পর্বতবনাকাশাং দক্ষিণাং হরিবাহিনী ।
ছাদযন্তী যযৌ ভীমা দ্যামিবাম্বুদসন্ততিঃ ॥ 59 ॥
উত্তরন্ত্যাং চ সেনাযাং স্সততং বহুযোজনম্ ।
নদীস্রোতাংসি সর্বাণি সস্যন্দুর্বিপরীতবত্ ॥ 60 ॥
সরাংসি বিমলাম্ভাংসি দ্রুমাকীর্ণাংশ্চ পর্বতা ।
সমান্ ভূমিপ্রদেশাংশ্চ বনানি ফলবন্তি চ ।
মধ্যেন চ সমন্তাচ্চ তির্যক্চাথশ্চ সমাঽবিশত্ ॥ 61 ॥
সমাবৃত্য মহীং কৃত্স্নাং জগাম মহতী চমূঃ ।
তেহৃষ্টবদনা স্সর্বে জগ্মুর্মারুতরংহসঃ ॥ 62 ॥
হরযো রাঘবস্যার্থে সমারোপিতবিক্রমাঃ ॥ 63 ॥
হর্ষংবীর্য বলোদ্রেকান্দর্শযন্তঃ পরস্পরম্ ।
যৌবনোত্সেকজান্দর্পাদ্বিবিধাংশ্চক্রুরধ্বনি ॥ 64 ॥
তত্র কেচিদ্দ্রুতং জগ্মুরুত্পেতুশ্চ তথাপরে ।
কেচিত্কিলকিলাং চক্রুর্বানরা বনগোচরাঃ ॥ 65 ॥
প্রাস্পোটযংশ্চ পুচ্ছানি সন্নিজগ্মুঃ পদান্যপি ।
ভুজাবনিক্ষিপ্য শৈলাংশ্চ দ্রুমানন্যে বভঞ্জিরে ॥ 66 ॥
আরোহন্তশ্চ শৃঙ্গাণি গিরীণাং গিরিগোচরাঃ ।
মহানাদান্ প্রমুঞ্চন্তি ক্ষ্বেডামন্যে প্রচক্রিতে ॥ 67 ॥
ঊরুবেগৈশ্চ মমৃদুর্লতাজালান্যনেকশঃ ।
জৃম্ভমাণাশ্চ বিক্রান্তা বিচিক্রীডুশ্শিলাদ্রুমৈ ঃ ॥ 68 ॥
শতশ্শতসহস্রৈশ্চ কোটিভিশ্চ সহস্রশঃ ।
বানরাণাং সুঘোরাণাং শ্রীমত্পরিবৃতা মহী ॥ 69 ॥
সা স্ম যাতি দিবারাত্রং মহতী হরিবাহিনী ।
প্রহৃষ্টমুদিতাস্সেনা সুগ্রীবেণাভিপালিতাঃ ॥ 70 ॥
বানরাস্ত্বরিতং যান্তি সর্বে যুদ্ধাভিনন্দিনঃ ।
প্রমোক্ষযিষব স্সীতাং মুহূর্তং ক্বাপি নাবসন্ ॥ 71 ॥
ততঃ পাদপসম্ভাধং নানামৃগসমাযুতাম ।
সহ্যপর্বতমাসেদুর্মলযঞ্চ মহীধরম্ ॥ 72 ॥
কাননানি বিচিত্রাণি নদীঃ প্রস্রবণানি চ ।
পশ্যন্ননি যযৌ রামস্সহ্যস্য মলযস্য চ ॥ 73 ॥
চম্পকাংস্ তিলকামঃ চূতান্ অশোকান্ সিন্দু বারকান্ ।
তিনিশান্ করবীরামঃ চ তিমিশান্ ভন্জন্তি স্ম প্লবং গমাঃ ॥ 74 ॥
অঙ্কোলাংশ্চ করঞ্চাংশ্চ প্লক্ষন্যগ্রোধতিন্দুকান্ ।
জম্বুকামলকান্নাপান্ভজন্তি স্ম প্লবঙ্গমাঃ ॥ 75 ॥
প্রস্তরেষু চ রম্যেষু বিবিধাঃ কাননদ্রুমাঃ ।
বাযুবেগপ্রচলিতাঃ পুষ্পৈরবকিরন্তি তান্ ॥ 76 ॥
মারুতস্সুখসংস্পর্শো বাতি চন্দনশীতলঃ ।
ষটপদৈরনুকূজদ্ভির্বনেষু মধুগন্ধিষু ॥ 77 ॥
অধিকং শৈলরাজস্তু ধাতুভিস্সুবিভূষিতঃ ।
ধাতুভ্যঃপ্রসৃতো রেণুর্বাযুবেগ বিঘট্টিতঃ ।
সুমহদ্বানরানীকং ছাদযামাস সর্বতঃ ॥ 78 ॥
গিরিপ্রস্থেষু রম্যেষু সর্বত সম্প্র পুষ্পিতাঃ ।
কেতকস্সিন্দুবারাশ্চ বাসন্ত্যশ্চ মনোরমাঃ ॥ 79 ॥
মাধব্যো গন্ধপূর্ণাশ্চ কুন্দগুল্মাশ্চ পুষ্পিতাঃ ।
চিরিবিল্বা মধূকাশ্চ বঞ্জুলা প্রিযকাস্তথা ॥ 80 ॥
সুফূর্জকাস্তিলকাশ্চৈব নাগবৃক্ষাশ্চ পুষ্পিতাঃ ।
চূতাঃ পাটলযকাশ্চৈব কোবিদারাশ্চ পুষ্পিতাঃ ॥ 81 ॥
মুচুলিন্দার্জুনাশ্চৈব শিংশুপাঃ কুটজাস্তথা ।
ধবা শ্শাল্মলযশ্চৈব রক্তাঃ কুরবকাস্তথা ॥ 82 ॥
হিন্তালাস্তিনিশাশ্চৈব চূর্ণকা নীপকাস্তথা ।
নীলাশোকাশ্চ বরণা অঙ্কোলাঃ পদ্মকাস্তথা ॥ 83 ॥
প্লবমানৈঃ প্লবঙ্গৈস্তু সর্বে পর্যাকুলীকৃতাম্ ॥ 84 ॥
বাপ্যস্তস্মিন্ গিরৌ শিতাঃ পল্বলানি তথৈব চ ।
চক্রবাকানুচরিতাঃ কারণ্ডবনিষেবিতাঃ ॥ 85 ॥
প্লবৈঃ ক্রৌঞ্চেশ্চ সঙ্কীর্ণা বরাহমৃগ সেবিতাঃ ।
ঋক্ষৈস্তরক্ষুভিস্সিম্হৈশ্শার্দূলৈশ্চ ভযাবহৈঃ ॥ 86 ॥
ব্যালৈশ্চ বহুভির্ভীমৈ স্সেব্যমানা স্সমন্ততঃ ।
পদ্মৈস্সৌগন্দিকৈঃ পুল্লৈঃ কুমুদৈশ্চোত্পলৈস্তথা ॥ 87 ॥
বারিজৈর্বিবিধৈঃ পুষ্পৈ রম্যাস্তত্র জলাশযাঃ ।
তস্য সানুষু কূজন্তি নানাদ্বিজগণাস্তথা ॥ 88 ॥
স্নাত্বা পীত্বোদকান্যত্র জলে ক্রীডন্তি বানরাঃ ।
অন্যোন্যং প্লাবযন্তি স্ম শৈলমারুহ্য বানরাঃ ॥ 89 ॥
ফলান্য মৃতগন্ধীনি মূলানি কুসুমানি চ ।
বভঞ্জুর্বাস্তত্র পাদপানং মদোত্কটাঃ ॥ 90 ॥
দ্রোণমাত্রপ্রমাণানি লম্বমানানি বানরাঃ ।
যযুঃ পিবন্ত হৃষ্টাস্তে মধূনি মধুপিঙ্গলাঃ ॥ 91 ॥
পাদপানবভঞ্জন্তো বিকর্ষন্ত স্তথা লতাঃ ।
বিধমন্তো গিরিবরান্প্রযযুঃ প্লবগর্ষভাঃ ॥ 92 ॥
বৃক্ষেভ্যোঽন্যে তু কপযো নদন্তো মধুদর্পিতাঃ ।
অন্যে বৃক্ষান্প্রপদ্যন্তে প্রপিবন্ত্যপি চাপরে ॥ 93 ॥
বভূব বসুধা তৈস্তু সম্পূর্ণা হরিযূথপৈঃ ।
যথা কলমকেদারৈঃ পক্বৈরিব বসুন্দরা ॥ 94 ॥
মহেন্দ্রমথ সম্প্রাপ্য রামো রাজীবলোচনঃ ।
অধ্যারোহন্মহাবাহুশ্শিখরং দ্রুমভূষিতম্ ॥ 95 ॥
ততশ্শিখরমারুহ্য রামো দশরথাত্মজঃ ।
কূর্মমীনসমাকীর্ণমপশ্যত্সলিলাকুলম্ ॥ 96 ॥
তে সহ্যং সমতিক্রম্য মলযং চ মহাগিরিম্ ।
আসেদুরানুপূর্ব্যেণ সমুদ্রং ভমনিস্স্বনম্ ॥ 97 ॥
অবরুহ্য জগামাশু বেলাবনমনুত্তমম্ ।
রামো রমযতাং শ্রেষ্ট স্সসুগ্রীব স্সলক্ষ্মণঃ ॥ 98 ॥
অথ ধৌতোপলতলাং তোযৌঘৈ স্সহসোত্থিতৈঃ ।
বেলামাসাদ্য বিপুলান্রামো বচনমব্রবীত্ ॥ 99 ॥
এতে বযমনুপ্রাপ্তা স্সুগ্রীব বরুণালযম্ ।
ইহেদানীং বিচিন্তা সাযা নঃ পূর্বসমুত্থিতা ॥ 100 ॥
অতঃ পরমতীরোঽযং সাগর স্সরিতাং পতিঃ ।
ন চাযমনুপাযেন শক্যস্তরিতুমর্ণবঃ ॥ 101 ॥
তদিহৈব নিবেশোঽস্তু মন্ত্রঃ প্রস্তূযতামিহ ।
যথেদং বানরবলং পরং পারমবাপ্নুযাত্ ॥ 102 ॥
ইতীব স মহাবাহুস্সীতাহরণকর্শিতঃ ।
রামস্সাগরমাসাদ্য বাসমাজ্ঞাপযত্তদা ॥ 103 ॥
সর্বা স্সেনা নিবেশ্যন্তাং বেলাযাং হরিপুঙ্গব ।
সম্প্রাপ্তো মন্ত্রকালো নস্সাগরস্যেহ লঙ্ঘনে ॥ 104 ॥
স্বাং স্বাং সেনাং সমুত্সৃজ্য মা চ কশ্চিত্কুতো ব্রজেত্ ।
গচ্ছন্তু বানরাশ্শূরাজ্ঞেযং ছন্নং ভযং চ নঃ ॥ 105 ॥
রামস্য বচনং শ্রুত্বা সুগ্রীব স্সহলক্ষ্মণঃ ।
সেনাং নিবেশযততীরে সাগরস্য দ্রুমাযুতে ॥ 106 ॥
বিররাজ সমীপস্থং সাগরস্য তু তদ্বলম্ ।
মধুপাণ্ডুজল শ্রশীমান্ দ্বিতীয ইব সাগরঃ ॥ 107 ॥
বেলাবনমুপাগম্য ততস্তে হরিপুঙ্গবাঃ ।
নিবিষ্টাশ্চ পরং পারং কাঙ্ক্ষমাণা মহোদধেঃ ॥ 108 ॥
তেষাং নিবিশমানানাং সৈন্যসন্নাহনিস্স্বনঃ ।
অন্তর্ধায মহানাদমর্ণবস্য প্রশুশ্রুবে ॥ 109 ॥
সা বানরাণাং ধ্বজিনী সুগ্রীবেণাভিপালিতা ।
ত্রিধা নিবিষ্টা মহতী রামস্যার্থপরাঽভবত্ ॥ 110 ॥
সা মহার্ণবমাসাদ্য হৃষ্টা বানরবাহিনী ।
বাযুবেগসমাধূতং পশ্যমানা মহার্ণবম্ ॥ 111 ॥
দূরপারমসম্বাধং রক্ষোগণনিষেবিতম্ ।
পশ্যন্তো বরুণাবাসং নিষেদুর্হরিযূথপাঃ ॥ 112 ॥
চণ্ডনক্রগ্রাহং ঘোরং ক্ষপাদৌ দিবসক্ষ্যে ।
হসন্তমিব ফেনৌঘৈর্নৃত্যন্তমিব চোর্মিভিঃ ॥ 113 ॥
চন্দ্রোদযে সমুদ্ভূতং প্রতিচন্দ্রসমাকুলম্ ।
চণ্ডানিলমহাগ্রাহৈঃ কীর্ণং তিমিতিমিঙ্গিলৈঃ ॥ 114 ॥
দীপ্তভোগৈরিবাকীর্ণং ভুজঙ্গৈর্বরুণালযম্ ।
অবগাঢং মহাসত্ত্বৈর্নানাশৈলসমাকুলম্ ।
সুদুর্গং দুর্গমার্গং তমগাধ মসুরালযম্ ॥ 115 ॥
মকরৈর্নাগভোগৈশ্চ বিগাঢা বাতলোলিতাঃ ।
উত্পেতুশ্চ নিপেতুশ্চ প্রবৃদ্ধা জলরাশযঃ ॥ 116 ॥
উত্পেতুঃ চ নিপেতুঃ চ প্রবৃদ্ধা জল রাশযঃ ।
অগ্নি চূর্ণং ইব আবিদ্ধং ভাস্কর অম্বু মনো রগম্ ॥ 117 ॥
সাগরং চাম্বরপ্রখ্যমম্বরং সাগরোপমম্ ।
সাগরং চাম্বরং চেতি নির্বিশেষ মদৃশ্যত ॥ 118 ॥
সম্পৃক্তং নভসাপ্যম্ভস্সম্পৃক্তং চ নভোঽম্ভসা ।
তাদৃগ্রূপেচ দৃশ্যতে তারারত্নসমাকুলে ॥ 119 ॥
সমুত্পতিতমেঘস্য বীচিমালাকুলস্য চ ।
বিশেষো ন দ্বযোরাসীত্সাগরস্যাম্বরস্য চ ॥ 120 ॥
অন্যোন্যৈরাহতা স্সক্তা স্সস্বনুর্ভীমনিস্স্বনাঃ ।
ঊর্মযস্সিন্ধুরাজস্য মহাভের্য ইবাহবে ॥ 121 ॥
রত্নৌঘ জলসন্নাদং বিষক্তমিব বাযুনা ।
উত্পতন্তমিব ক্রুদ্ধং যাদোগণসমাকুলম্ ॥ 122 ॥
দদৃশুস্তে মহোত্সাহ বাতাহতজলাশযম্ ।
অনিলোদ্ধূতমাকাশে প্রবল্গন্ত মমিবোর্মিভিঃ ॥ 123 ॥
ততো বিস্মযমাপন্না হরযো দদৃশুর্হরযস্তদা ।
ভ্রান্তোর্মিজালসন্নাদং প্রলোলমিব সাগরম্ ॥ 124 ॥
ইত্যার্ষে শ্রীমদ্রামাযণে বাল্মীকীয আদিকাব্যে যুদ্ধকাণ্ডে চতুর্থস্সর্গঃ ॥
Roman (IAST) Transliteration
śrīmadvālmīkīya rāmāyaṇe yuddhakāṇḍam |
atha caturthassargaḥ |
śrutvā hanumato vākyaṃ yathāvadanupūrvaśaḥ |
tato'bravīnmahātejā rāmassatyaparākramaḥ || 1 ||
yāṃ nivedayase laṅkāṃ purīṃ bhīmasya rakṣasaḥ |
kṣipramenāṃ mathiṣyāmi satyametadbravīmi te || 2 ||
asmin muhūrte sugrīva prayāṇamabhirocaye |
yukto muhūrto vijayaḥ prāpto madhyaṃ divākara || 3 ||
sītāṃ hṛtvā tu me jātu kvāsau yāsyati yāsyataḥ |
sītā śrutvābhiyānaṃ me aśāmeṣyati jīvite |
jīvitānte' mṛtaṃ spṛṣṭavā pītvā viṣamivāturaḥ || 4 ||
uttarā phalgunī hyadya śvastu hastena yokṣyate |
abhiprāyāma sugrīva sarvānīkasamāvṛtāḥ || 5 ||
nimittāni ca paśyāmi yāni prādurbhavanti ca |
nihatya rāvaṇaṃ sītāmānayiṣyāmi jānakīm || 6 ||
upariṣṭāddhi nayanaṃ sphuramāṇamidaṃ mama |
vijayaṃ samanuprāptaṃ śaṃsatīva manoratham || 7 ||
tato vānararājena lakṣmaṇena supūjitaḥ |
uvāca rāmo dharmātmā punarapyardhakovidaḥ || 8 ||
agre yātu balasyāsya nīlo mārgamavekṣitum |
vṛtaśśatasahasreṇa vānarāṇāṃ tarasvinām || 9 ||
phalamūlavatā nīla śītakānanavāriṇā |
pathā madhumatā cāśu senāṃ senāpate naya || 10 ||
dūṣayeyurdurātmanaḥ pathi mūlaphalodakam |
rākṣasāḥ parirakṣethāstebhyastvaṃ nityamudyataḥ || 11 ||
nimneṣu vanadurgeṣu vaneṣu ca vanaukasaḥ |
abhiplutyābhipaśyeyuḥ pareṣāṃ nihitaṃ balam || 12 ||
yacca phalgu balaṃ kiñcitta datraivopapadyatām |
etaddhi kṛtyaṃ ghoraṃ no vikrameṇa prayujyatām || 13 ||
sāgaraughanibhaṃ bhīmamagrānīkaṃ mahābalāḥ |
kapisiṃhāḥ prakarṣastu śataśo'tha sahasraśaḥ || 14 ||
kapi simhā prakarṣantu śataśo atha sahasraśaḥ |
gajaḥ ca giri samkāśo gavayaḥ ca mahābalaḥ || 15 ||
yātu vānaravāhinyā vānaraḥ plavatāṃ varaḥ |
pālayandakṣiṇaṃ pārśvamṛṣabho vānararṣabhaḥ || 16 ||
gandhahastīva durdharṣastarasvī gandhamādanaḥ |
yātu vānaravāhinyā ssavyaṃ pārśvamadhiṣṭhitaḥ || 17 ||
yāsyāmi balamadhye'haṃ balaughamabhiharṣayan |
adhiruhya hanūmanta mairāvata miveśvaraḥ || 18 ||
aṅgadenaiṣa saṃyātu lakṣmaṇaścānta kopamaḥ |
sārvabhaumena bhūteśo draviṇādhipatiryathā || 19 ||
jāmbavāṃśca suṣeṇaśca vegadarśī ca vānaraḥ |
ṛkṣarājo mahāsattvaḥ kukṣiṃ rakṣantu te trayaḥ || 20 ||
rāghavasya vacaśśrutvā sugrīvo vāhinīpatiḥ |
vyādideśa mahāvīryo vānarānvānararṣabha ḥ || 21 ||
te vānaragaṇāssarve samutpatya yuyutsavaḥ |
guhābhyaśśikharebhyaśca aśu pupluvire tadā || 22 ||
tato vānararājena lakṣmaṇena ca pūjitaḥ |
jagāma rāmodharmātmā sasainyo dakṣiṇāṃ diśam || 23 ||
śataiḥ śatasahasraiśca koṭibhiścāyutairapi |
vāraṇābhaiśca haribhiryayau parivṛtastadā || 24 ||
taṃ yāntamanuyāntī sā mahatī harivāhinī |
dṛptāḥ pramuditāssarve sugrīveṇābhipālitāḥ || 25 ||
hṛṣṭāḥ pramuditāḥ sarve sugrīveṇa abhipālitāḥ |
āplavantaḥ plavantaḥ ca garjantaḥ ca plavaṃ gamāḥ || 26 ||
bhakṣyanta ssugandhīni madhūni ca phalāni ca |
udvahanto mahāvṛkṣān mañjarīpuñjadhāriṇaḥ || 27 ||
anyonyaṃ sahasā dṛptā nirvahānti kṣipanti ca |
patantaśpotpatnatyanye pātayantyapare parān || 28 ||
rāvaṇo no nihantavyassarve ca rajanīcarāḥ |
iti garjanti harayo rāghavasya samīpataḥ || 29 ||
purastādṛṣabho vīro nīlaḥ kumuda eva ca |
panthānaṃ śodhayantisma vānarairbahubhi ssaha || 30 ||
madhye tu rājā sugrīvo rāmo lakṣmaṇa eva ca |
balabhirbahubhi rbhīmairvṛtāśśatrunibarhaṇāḥ || 31 ||
hariśśatavalirvīraḥ koṭībhirdaśabhirvṛtaḥ |
sarvāmeko hyāvaṣṭabhya rarakṣa harivāhinīm || 32 ||
koṭīśataparīvāraḥ kesarī panaso gajaḥ |
arkaścātibalaḥ pārśvamekaṃ tasyābhirakṣati || 33 ||
suṣeṇo jāmbavāṃścaiva ṛkṣairbahubhirāvṛtau |
sugrīvaṃ purataḥ kṛtvā jaghanaṃ samrarakṣatuḥ || 34 ||
teṣāṃ senāpatirvīro nīlo vānarapuṅgavaḥ |
sampatanpatatāṃ śreṣṭhastadbalaṃ paryapālayāt || 35 ||
darīmukhaḥ prajaṅghaśca rambho'tha rabhasaḥ kapiḥ |
sarvataśca yayurvīrāstvarayantaḥ plavaṅgamān || 36 ||
evaṃ te hariśārdūlā gacchanto baladarpitāḥ |
apaśyaṃste giriśreṣṭhaṃ sahyaṃ drumālatāyutam || 37 ||
sarāṃsi ca supullāni taṭākāni vanāni ca || 38 ||
rāmasya śāsanaṃ jñātvā bhīmakopasya bhītavat |
varjayannagarābhyāśāṃ stathā janapadānapi || 39 ||
sāgaraughanibhaṃ bhīmaṃ tadvānarabalaṃ mahat |
utsasarpa mahāghoṣaṃ bhīmaghoṣamivārṇavaḥ || 40 ||
tasyadāśaratheḥ pārśve śūrāste kapikuṅajarāḥ |
torṇamāpupluvu ssarve sadaśvā iva coditāḥ || 41 ||
kapibhyāmuhyamānau tau śuśubhāte nararṣabhau |
mahādbhyāmiva samspṛṣṭau grahābhyāṃ candrabhāskarau || 42 ||
tato vānararājena lakṣmaṇena supūjitaḥ |
jagāma rāmo dharmātmā sasainyo dakṣiṇāṃ diśam || 43 ||
tamaṅgadagato rāmaṃ lakṣmaṇaśśubhayā girā |
uvāca paripūrṇārthaḥ smṛtimān pratibhānavān || 44 ||
hṛtāmavāpya vaidehīṃ kṣipraṃ hatvā ca rāvaṇam |
samṛddhārthassamṛddhārthamayodhyāṃ pratiyāsyasi || 45 ||
mahānti ca nimittāni divi bhūmau ca rāghava |
śubhāni tava paśyāmi sarvāṇyenārthasiddhaye |
anuvāti śivo vāyu ssevāṃ mṛduhita ssukhaḥ || 46 ||
pūrṇavalgusvarāśceme pravadanti mṛgadvijāḥ |
prasannāśca diśa ssarvā vimalaśca divākaraḥ || 47 ||
uśanā ca prasannārciranu tvāṃ bhārgavo gataḥ || 48 ||
brahmarāśirviśuddhaśca śuddāśca paramarṣayaḥ |
arciṣmantaḥ prakāśante dhruvaṃ sarve pradakṣiṇam || 49 ||
triśaṅkurvimalo bhāti rājarṣissapurohitaḥ |
pitāmahāḥ puro'smākamikṣvākūṇāṃ mahātmanām || 50 ||
vimale ca prakāśete viśākhe nirupapluve |
nakṣatra varamasmākamikṣvākūṇāṃ mahātmanām || 51 ||
nairṛtaṃ nairṛtānāṃ ca nakṣatramabhipīḍyate |
mūlo mūlavatā spṛṣṭo dhūpyate dhūmaketunā || 52 ||
sarvaṃ caitadvināśāya rākṣasānāmupa sthitam |
kāle kālagṛhītānāṃ nakṣatra grahapīḍitam || 53 ||
prasannā ssurasāścāpo vanāni phalavanti ca |
pravāntyabhya nādhikaṃ gandhānyathartukusumā drumāḥ || 54 ||
vyūḍhāni kapisainyāni prakāśante'dhikaṃ prabho || 55 ||
devānāmiva sainyāni saṅgrāme tārakāmaye |
evamārya |
samīkṣyaitānprīto bhavitumarhasi || 56 ||
iti bhrātaramāśvāsya hṛṣṭa ssaumitrirabravīt |
athāvṛtya mahīṃ kṛtsnāṃ jagāma mahatī camūḥ || 57 ||
ṛkṣavānaraśardūlairna khadaṃṣṭrāyudhairvutā |
kārāgraiścaraṇāgraiśca vānarai rutthitaṃ rajaḥ |
bhīmamantardadhe lokaṃ nivārya savituḥ prabhām || 58 ||
parvatavanākāśāṃ dakṣiṇāṃ harivāhinī |
chādayantī yayau bhīmā dyāmivāmbudasantatiḥ || 59 ||
uttarantyāṃ ca senāyāṃ ssatataṃ bahuyojanam |
nadīsrotāṃsi sarvāṇi sasyandurviparītavat || 60 ||
sarāṃsi vimalāmbhāṃsi drumākīrṇāṃśca parvatā |
samān bhūmipradeśāṃśca vanāni phalavanti ca |
madhyena ca samantācca tiryakcāthaśca samā'viśat || 61 ||
samāvṛtya mahīṃ kṛtsnāṃ jagāma mahatī camūḥ |
tehṛṣṭavadanā ssarve jagmurmārutaraṃhasaḥ || 62 ||
harayo rāghavasyārthe samāropitavikramāḥ || 63 ||
harṣaṃvīrya balodrekāndarśayantaḥ parasparam |
yauvanotsekajāndarpādvividhāṃścakruradhvani || 64 ||
tatra keciddrutaṃ jagmurutpetuśca tathāpare |
kecitkilakilāṃ cakrurvānarā vanagocarāḥ || 65 ||
prāspoṭayaṃśca pucchāni sannijagmuḥ padānyapi |
bhujāvanikṣipya śailāṃśca drumānanye babhañjire || 66 ||
ārohantaśca śṛṅgāṇi girīṇāṃ girigocarāḥ |
mahānādān pramuñcanti kṣveḍāmanye pracakrite || 67 ||
ūruvegaiśca mamṛdurlatājālānyanekaśaḥ |
jṛmbhamāṇāśca vikrāntā vicikrīḍuśśilādrumai ḥ || 68 ||
śataśśatasahasraiśca koṭibhiśca sahasraśaḥ |
vānarāṇāṃ sughorāṇāṃ śrīmatparivṛtā mahī || 69 ||
sā sma yāti divārātraṃ mahatī harivāhinī |
prahṛṣṭamuditāssenā sugrīveṇābhipālitāḥ || 70 ||
vānarāstvaritaṃ yānti sarve yuddhābhinandinaḥ |
pramokṣayiṣava ssītāṃ muhūrtaṃ kvāpi nāvasan || 71 ||
tataḥ pādapasambhādhaṃ nānāmṛgasamāyutāma |
sahyaparvatamāsedurmalayañca mahīdharam || 72 ||
kānanāni vicitrāṇi nadīḥ prasravaṇāni ca |
paśyannani yayau rāmassahyasya malayasya ca || 73 ||
campakāṃs tilakāmaḥ cūtān aśokān sindu vārakān |
tiniśān karavīrāmaḥ ca timiśān bhanjanti sma plavaṃ gamāḥ || 74 ||
aṅkolāṃśca karañcāṃśca plakṣanyagrodhatindukān |
jambukāmalakānnāpānbhajanti sma plavaṅgamāḥ || 75 ||
prastareṣu ca ramyeṣu vividhāḥ kānanadrumāḥ |
vāyuvegapracalitāḥ puṣpairavakiranti tān || 76 ||
mārutassukhasaṃsparśo vāti candanaśītalaḥ |
ṣaṭapadairanukūjadbhirvaneṣu madhugandhiṣu || 77 ||
adhikaṃ śailarājastu dhātubhissuvibhūṣitaḥ |
dhātubhyaḥprasṛto reṇurvāyuvega vighaṭṭitaḥ |
sumahadvānarānīkaṃ chādayāmāsa sarvataḥ || 78 ||
giriprastheṣu ramyeṣu sarvata sampra puṣpitāḥ |
ketakassinduvārāśca vāsantyaśca manoramāḥ || 79 ||
mādhavyo gandhapūrṇāśca kundagulmāśca puṣpitāḥ |
ciribilvā madhūkāśca vañjulā priyakāstathā || 80 ||
suphūrjakāstilakāścaiva nāgavṛkṣāśca puṣpitāḥ |
cūtāḥ pāṭalayakāścaiva kovidārāśca puṣpitāḥ || 81 ||
muculindārjunāścaiva śiṃśupāḥ kuṭajāstathā |
dhavā śśālmalayaścaiva raktāḥ kuravakāstathā || 82 ||
hintālāstiniśāścaiva cūrṇakā nīpakāstathā |
nīlāśokāśca varaṇā aṅkolāḥ padmakāstathā || 83 ||
plavamānaiḥ plavaṅgaistu sarve paryākulīkṛtām || 84 ||
vāpyastasmin girau śitāḥ palvalāni tathaiva ca |
cakravākānucaritāḥ kāraṇḍavaniṣevitāḥ || 85 ||
plavaiḥ krauñceśca saṅkīrṇā varāhamṛga sevitāḥ |
ṛkṣaistarakṣubhissimhaiśśārdūlaiśca bhayāvahaiḥ || 86 ||
vyālaiśca bahubhirbhīmai ssevyamānā ssamantataḥ |
padmaissaugandikaiḥ pullaiḥ kumudaiścotpalaistathā || 87 ||
vārijairvividhaiḥ puṣpai ramyāstatra jalāśayāḥ |
tasya sānuṣu kūjanti nānādvijagaṇāstathā || 88 ||
snātvā pītvodakānyatra jale krīḍanti vānarāḥ |
anyonyaṃ plāvayanti sma śailamāruhya vānarāḥ || 89 ||
phalānya mṛtagandhīni mūlāni kusumāni ca |
babhañjurvāstatra pādapānaṃ madotkaṭāḥ || 90 ||
droṇamātrapramāṇāni lambamānāni vānarāḥ |
yayuḥ pibanta hṛṣṭāste madhūni madhupiṅgalāḥ || 91 ||
pādapānavabhañjanto vikarṣanta stathā latāḥ |
vidhamanto girivarānprayayuḥ plavagarṣabhāḥ || 92 ||
vṛkṣebhyo'nye tu kapayo nadanto madhudarpitāḥ |
anye vṛkṣānprapadyante prapibantyapi cāpare || 93 ||
babhūva vasudhā taistu sampūrṇā hariyūthapaiḥ |
yathā kalamakedāraiḥ pakvairiva vasundarā || 94 ||
mahendramatha samprāpya rāmo rājīvalocanaḥ |
adhyārohanmahābāhuśśikharaṃ drumabhūṣitam || 95 ||
tataśśikharamāruhya rāmo daśarathātmajaḥ |
kūrmamīnasamākīrṇamapaśyatsalilākulam || 96 ||
te sahyaṃ samatikramya malayaṃ ca mahāgirim |
āsedurānupūrvyeṇa samudraṃ bhamanissvanam || 97 ||
avaruhya jagāmāśu velāvanamanuttamam |
rāmo ramayatāṃ śreṣṭa ssasugrīva ssalakṣmaṇaḥ || 98 ||
atha dhautopalatalāṃ toyaughai ssahasotthitaiḥ |
velāmāsādya vipulānrāmo vacanamabravīt || 99 ||
ete vayamanuprāptā ssugrīva varuṇālayam |
ihedānīṃ vicintā sāyā naḥ pūrvasamutthitā || 100 ||
ataḥ paramatīro'yaṃ sāgara ssaritāṃ patiḥ |
na cāyamanupāyena śakyastaritumarṇavaḥ || 101 ||
tadihaiva niveśo'stu mantraḥ prastūyatāmiha |
yathedaṃ vānarabalaṃ paraṃ pāramavāpnuyāt || 102 ||
itīva sa mahābāhussītāharaṇakarśitaḥ |
rāmassāgaramāsādya vāsamājñāpayattadā || 103 ||
sarvā ssenā niveśyantāṃ velāyāṃ haripuṅgava |
samprāpto mantrakālo nassāgarasyeha laṅghane || 104 ||
svāṃ svāṃ senāṃ samutsṛjya mā ca kaścitkuto vrajet |
gacchantu vānarāśśūrājñeyaṃ channaṃ bhayaṃ ca naḥ || 105 ||
rāmasya vacanaṃ śrutvā sugrīva ssahalakṣmaṇaḥ |
senāṃ niveśayatatīre sāgarasya drumāyute || 106 ||
virarāja samīpasthaṃ sāgarasya tu tadbalam |
madhupāṇḍujala śraśīmān dvitīya iva sāgaraḥ || 107 ||
velāvanamupāgamya tataste haripuṅgavāḥ |
niviṣṭāśca paraṃ pāraṃ kāṅkṣamāṇā mahodadheḥ || 108 ||
teṣāṃ niviśamānānāṃ sainyasannāhanissvanaḥ |
antardhāya mahānādamarṇavasya praśuśruve || 109 ||
sā vānarāṇāṃ dhvajinī sugrīveṇābhipālitā |
tridhā niviṣṭā mahatī rāmasyārthaparā'bhavat || 110 ||
sā mahārṇavamāsādya hṛṣṭā vānaravāhinī |
vāyuvegasamādhūtaṃ paśyamānā mahārṇavam || 111 ||
dūrapāramasambādhaṃ rakṣogaṇaniṣevitam |
paśyanto varuṇāvāsaṃ niṣedurhariyūthapāḥ || 112 ||
caṇḍanakragrāhaṃ ghoraṃ kṣapādau divasakṣye |
hasantamiva phenaughairnṛtyantamiva cormibhiḥ || 113 ||
candrodaye samudbhūtaṃ praticandrasamākulam |
caṇḍānilamahāgrāhaiḥ kīrṇaṃ timitimiṅgilaiḥ || 114 ||
dīptabhogairivākīrṇaṃ bhujaṅgairvaruṇālayam |
avagāḍhaṃ mahāsattvairnānāśailasamākulam |
sudurgaṃ durgamārgaṃ tamagādha masurālayam || 115 ||
makarairnāgabhogaiśca vigāḍhā vātalolitāḥ |
utpetuśca nipetuśca pravṛddhā jalarāśayaḥ || 116 ||
utpetuḥ ca nipetuḥ ca pravṛddhā jala rāśayaḥ |
agni cūrṇaṃ iva āviddhaṃ bhāskara ambu mano ragam || 117 ||
sāgaraṃ cāmbaraprakhyamambaraṃ sāgaropamam |
sāgaraṃ cāmbaraṃ ceti nirviśeṣa madṛśyata || 118 ||
sampṛktaṃ nabhasāpyambhassampṛktaṃ ca nabho'mbhasā |
tādṛgrūpeca dṛśyate tārāratnasamākule || 119 ||
samutpatitameghasya vīcimālākulasya ca |
viśeṣo na dvayorāsītsāgarasyāmbarasya ca || 120 ||
anyonyairāhatā ssaktā ssasvanurbhīmanissvanāḥ |
ūrmayassindhurājasya mahābherya ivāhave || 121 ||
ratnaugha jalasannādaṃ viṣaktamiva vāyunā |
utpatantamiva kruddhaṃ yādogaṇasamākulam || 122 ||
dadṛśuste mahotsāha vātāhatajalāśayam |
aniloddhūtamākāśe pravalganta mamivormibhiḥ || 123 ||
tato vismayamāpannā harayo dadṛśurharayastadā |
bhrāntormijālasannādaṃ pralolamiva sāgaram || 124 ||
ityārṣe śrīmadrāmāyaṇe vālmīkīya ādikāvye yuddhakāṇḍe caturthassargaḥ ||
InfoLyter.in — Sacred Vedic Knowledge Portal · Free forever