Uddhavagita - Prathamo'dhyayah

ॐ

উদ্ধবগীতা - প্রথমোঽধ্যাযঃ

Gita Bengali

শ্রীরাধাকৃষ্ণাভ্যাং নমঃ ।

শ্রীমদ্ভাগবতপুরাণম্ ।

একাদশঃ স্কন্ধঃ । উদ্ধব গীতা ।

অথ প্রথমোঽধ্যাযঃ ।

শ্রীবাদরাযণিঃ উবাচ ।

কৃত্বা দৈত্যবধং কৃষ্ণঃ সরমঃ যদুভিঃ বৃতঃ ।

ভুবঃ অবতারবত্ ভারং জবিষ্ঠন্ জনযন্ কলিম্ ॥ 1॥

যে কোপিতাঃ সুবহু পাণ্ডুসুতাঃ সপত্নৈঃ

দুর্দ্যূতহেলনকচগ্রহণ আদিভিঃ তান্ ।

কৃত্বা নিমিত্তং ইতর ইতরতঃ সমেতান্

হত্বা নৃপান্ নিরহরত্ ক্ষিতিভারং ঈশঃ ॥ 2॥

ভূভাররাজপৃতনা যদুভিঃ নিরস্য

গুপ্তৈঃ স্ববাহুভিঃ অচিন্তযত্ অপ্রমেযঃ ।

মন্যে অবনেঃ ননু গতঃ অপি অগতং হি ভারম্

যত্ যাদবং কুলং অহো হি অবিষহ্যং আস্তে ॥ 3॥

ন এব অন্যতঃ পরিভবঃ অস্য ভবেত্ কথঞ্চিত্

মত্ সংশ্রযস্য বিভব উন্নহন্ অস্য নিত্যম্ ।

অন্তঃকলিং যদুকুলস্য বিধ্হায বেণুঃ

তম্বস্য বহ্নিং ইব শান্তিং উপৈমি ধাম ॥ 4॥

এবং ব্যবসিতঃ রাজন্ সত্যসঙ্কল্পঃ ঈশ্বরঃ ।

শাপব্যাজেন বিপ্রাণাং সঞ্জহ্বে স্বকুলং বিভুঃ ॥ 5॥

স্বমূর্ত্যা লোকলাবণ্যনির্মুক্ত্যা লোচনং নৃণাম্ ।

গীর্ভিঃ তাঃ স্মরতাং চিত্তং পদৈঃ তান্ ঈক্ষতাং ক্রিযা ॥ 6॥

আচ্ছিদ্য কীর্তিং সুশ্লোকাং বিতত্য হি অঞ্জসা নু কৌ ।

তমঃ অনযা তরিষ্যন্তি ইতি অগাত্ স্বং পদং ঈশ্বরঃ ॥ 7॥

রাজা উবাচ ।

ব্রহ্মণ্যানাং বদান্যানাং নিত্যং বৃদ্ধৌপসেবিনাম্ ।

বিপ্রশাপঃ কথং অভূত্ বৃষ্ণীনাং কৃষ্ণচেতসাম্ ॥ 8॥

যত্ নিমিত্তঃ সঃ বৈ শাপঃ যাদৃশঃ দ্বিজসত্তম ।

কথং একাত্মনাং ভেদঃ এতত্ সর্বং বদস্ব মে ॥ 9॥

শ্রীশুকঃ উবাচ ।

বিভ্রত্ বপুঃ সকলসুন্দরসন্নিবেশম্

কর্মাচরন্ ভুবি সুমঙ্গলং আপ্তকামঃ ।

আস্থায ধাম রমমাণঃ উদারকীর্তিঃ

সংহর্তুং ঐচ্ছত কুলং স্থিতকৃত্যশেষঃ ॥ 10॥

কর্মাণি পুণ্যনিবহানি সুমঙ্গলানি

গাযত্ জগত্ কলিমলাপহরাণি কৃত্বা ।

কাল আত্মনা নিবসতা যদুদেবগেহে

পিণ্ডারকং সমগমন্ মুনযঃ নিসৃষ্টাঃ ॥ 11॥

বিশ্বামিত্রঃ অসিতঃ কণ্বঃ দুর্বাসাঃ ভৃগুঃ অঙ্গিরাঃ ।

কশ্যপঃ বামদেবঃ অত্রিঃ বসিষ্ঠঃ নারদ আদযঃ ॥ 12॥

ক্রীডন্তঃ তান্ উপব্রজ্য কুমারাঃ যদুনন্দনাঃ ।

উপসঙ্গৃহ্য পপ্রচ্ছুঃ অবিনীতা বিনীতবত্ ॥ 13॥

তে বেষযিত্বা স্ত্রীবেষৈঃ সাম্বং জাম্ববতীসুতম্ ।

এষা পৃচ্ছতি বঃ বিপ্রাঃ অন্তর্বত্ ন্যসিত ঈক্ষণা ॥ 14॥

প্রষ্টুং বিলজ্জতি সাক্ষাত্ প্রব্রূত অমোঘদর্শনাঃ ।

প্রসোষ্যন্তি পুত্রকামা কিংস্বিত্ সঞ্জনযিষ্যতি ॥ 15॥

এবং প্রলব্ধ্বা মুনযঃ তান্ ঊচুঃ কুপিতা নৃপ ।

জনযিষ্যতি বঃ মন্দাঃ মুসলং কুলনাশনম্ ॥ 16॥

তত্ শ‍ঋত্বা তে অতিসন্ত্রস্তাঃ বিমুচ্য সহসোদরম্ ।

সাম্বস্য দদৃশুঃ তস্মিন্ মুসলং খলু অযস্মযম্ ॥ 17॥

কিং কৃতং মন্দভাগ্যৈঃ কিং বদিষ্যন্তি নঃ জনাঃ ।

ইতি বিহ্বলিতাঃ গেহান্ আদায মুসলং যযুঃ ॥ 18॥

তত্ চ উপনীয সদসি পরিম্লানমুখশ্রিযঃ ।

রাজ্ঞঃ আবেদযান্ চক্রুঃ সর্বযাদবসন্নিধৌ ॥ 19॥

শ্রুত্বা অমোঘং বিপ্রশাপং দৃষ্ট্বা চ মুসলং নৃপ ।

বিস্মিতাঃ ভযসন্ত্রস্তাঃ বভূবুঃ দ্বারকৌকসঃ ॥ 20॥

তত্ চূর্ণযিত্বা মুসলং যদুরাজঃ সঃ আহুকঃ ।

সমুদ্রসলিলে প্রাস্যত্ লোহং চ অস্য অবশেষিতম্ ॥ 21॥

কশ্চিত্ মত্স্যঃ অগ্রসীত্ লোহং চূর্ণানি তরলৈঃ ততঃ ।

উহ্যমানানি বেলাযাং লগ্নানি আসন্ কিল ঐরিকাঃ ॥ 22॥

মত্স্যঃ গৃহীতঃ মত্স্যঘ্নৈঃ জালেন অন্যৈঃ সহ অর্ণবে ।

তস্য উদরগতং লোহং সঃ শল্যে লুব্ধকঃ অকরোত্ ॥ 23॥

ভগবান্ জ্ঞাতসর্বার্থঃ ঈশ্বরঃ অপি তদন্যথা ।

কর্তুং ন ঐচ্ছত্ বিপ্রশাপং কালরূপী অন্বমোদত ॥ 24॥

ইতি শ্রীমদ্ভাগবতে মহাপুরাণে পারমহংস্যাং

সংহিতাযামেকাদশস্কন্ধে বিপ্রশাপো নাম প্রথমোঽধ্যাযঃ ॥

Roman (IAST) Transliteration

śrīrādhākṛṣṇābhyāṃ namaḥ |

śrīmadbhāgavatapurāṇam |

ekādaśaḥ skandhaḥ | uddhava gītā |

atha prathamo'dhyāyaḥ |

śrībādarāyaṇiḥ uvāca |

kṛtvā daityavadhaṃ kṛṣṇaḥ saramaḥ yadubhiḥ vṛtaḥ |

bhuvaḥ avatāravat bhāraṃ javiṣṭhan janayan kalim || 1||

ye kopitāḥ subahu pāṇḍusutāḥ sapatnaiḥ

durdyūtahelanakacagrahaṇa ādibhiḥ tān |

kṛtvā nimittaṃ itara itarataḥ sametān

hatvā nṛpān niraharat kṣitibhāraṃ īśaḥ || 2||

bhūbhārarājapṛtanā yadubhiḥ nirasya

guptaiḥ svabāhubhiḥ acintayat aprameyaḥ |

manye avaneḥ nanu gataḥ api agataṃ hi bhāram

yat yādavaṃ kulaṃ aho hi aviṣahyaṃ āste || 3||

na eva anyataḥ paribhavaḥ asya bhavet kathañcit

mat saṃśrayasya vibhava unnahan asya nityam |

antaḥkaliṃ yadukulasya vidhhāya veṇuḥ

tambasya vahniṃ iva śāntiṃ upaimi dhāma || 4||

evaṃ vyavasitaḥ rājan satyasaṅkalpaḥ īśvaraḥ |

śāpavyājena viprāṇāṃ sañjahve svakulaṃ vibhuḥ || 5||

svamūrtyā lokalāvaṇyanirmuktyā locanaṃ nṛṇām |

gīrbhiḥ tāḥ smaratāṃ cittaṃ padaiḥ tān īkṣatāṃ kriyā || 6||

ācchidya kīrtiṃ suślokāṃ vitatya hi añjasā nu kau |

tamaḥ anayā tariṣyanti iti agāt svaṃ padaṃ īśvaraḥ || 7||

rājā uvāca |

brahmaṇyānāṃ vadānyānāṃ nityaṃ vṛddhaupasevinām |

vipraśāpaḥ kathaṃ abhūt vṛṣṇīnāṃ kṛṣṇacetasām || 8||

yat nimittaḥ saḥ vai śāpaḥ yādṛśaḥ dvijasattama |

kathaṃ ekātmanāṃ bhedaḥ etat sarvaṃ vadasva me || 9||

śrīśukaḥ uvāca |

bibhrat vapuḥ sakalasundarasanniveśam

karmācaran bhuvi sumaṅgalaṃ āptakāmaḥ |

āsthāya dhāma ramamāṇaḥ udārakīrtiḥ

saṃhartuṃ aicchata kulaṃ sthitakṛtyaśeṣaḥ || 10||

karmāṇi puṇyanivahāni sumaṅgalāni

gāyat jagat kalimalāpaharāṇi kṛtvā |

kāla ātmanā nivasatā yadudevagehe

piṇḍārakaṃ samagaman munayaḥ nisṛṣṭāḥ || 11||

viśvāmitraḥ asitaḥ kaṇvaḥ durvāsāḥ bhṛguḥ aṅgirāḥ |

kaśyapaḥ vāmadevaḥ atriḥ vasiṣṭhaḥ nārada ādayaḥ || 12||

krīḍantaḥ tān upavrajya kumārāḥ yadunandanāḥ |

upasaṅgṛhya papracchuḥ avinītā vinītavat || 13||

te veṣayitvā strīveṣaiḥ sāmbaṃ jāmbavatīsutam |

eṣā pṛcchati vaḥ viprāḥ antarvat nyasita īkṣaṇā || 14||

praṣṭuṃ vilajjati sākṣāt prabrūta amoghadarśanāḥ |

prasoṣyanti putrakāmā kiṃsvit sañjanayiṣyati || 15||

evaṃ pralabdhvā munayaḥ tān ūcuḥ kupitā nṛpa |

janayiṣyati vaḥ mandāḥ musalaṃ kulanāśanam || 16||

tat śa‍ṛtvā te atisantrastāḥ vimucya sahasodaram |

sāmbasya dadṛśuḥ tasmin musalaṃ khalu ayasmayam || 17||

kiṃ kṛtaṃ mandabhāgyaiḥ kiṃ vadiṣyanti naḥ janāḥ |

iti vihvalitāḥ gehān ādāya musalaṃ yayuḥ || 18||

tat ca upanīya sadasi parimlānamukhaśriyaḥ |

rājñaḥ āvedayān cakruḥ sarvayādavasannidhau || 19||

śrutvā amoghaṃ vipraśāpaṃ dṛṣṭvā ca musalaṃ nṛpa |

vismitāḥ bhayasantrastāḥ babhūvuḥ dvārakaukasaḥ || 20||

tat cūrṇayitvā musalaṃ yadurājaḥ saḥ āhukaḥ |

samudrasalile prāsyat lohaṃ ca asya avaśeṣitam || 21||

kaścit matsyaḥ agrasīt lohaṃ cūrṇāni taralaiḥ tataḥ |

uhyamānāni velāyāṃ lagnāni āsan kila airikāḥ || 22||

matsyaḥ gṛhītaḥ matsyaghnaiḥ jālena anyaiḥ saha arṇave |

tasya udaragataṃ lohaṃ saḥ śalye lubdhakaḥ akarot || 23||

bhagavān jñātasarvārthaḥ īśvaraḥ api tadanyathā |

kartuṃ na aicchat vipraśāpaṃ kālarūpī anvamodata || 24||

iti śrīmadbhāgavate mahāpurāṇe pāramahaṃsyāṃ

saṃhitāyāmekādaśaskandhe vipraśāpo nāma prathamo'dhyāyaḥ ||