Shri Subrahmanya Kavacha Stotram

ॐ

শ্রী সুব্রহ্মণ্য কবচ স্তোত্রম্

Murugan Stotram Bengali

অস্য শ্রীসুব্রহ্মণ্যকবচস্তোত্রমহামন্ত্রস্য, ব্রহ্মা ঋষিঃ, অনুষ্টুপ্ছন্দঃ, শ্রীসুব্রহ্মণ্যো দেবতা, ওঁ নম ইতি বীজং, ভগবত ইতি শক্তিঃ, সুব্রহ্মণ্যাযেতি কীলকং, শ্রীসুব্রহ্মণ্য প্রসাদসিদ্ধ্যর্থে জপে বিনিযোগঃ ॥

করন্যাসঃ –

ওঁ সাং অঙ্গুষ্ঠাভ্যাং নমঃ ।

ওঁ সীং তর্জনীভ্যাং নমঃ ।

ওঁ সূং মধ্যমাভ্যাং নমঃ ।

ওঁ সৈং অনামিকাভ্যাং নমঃ ।

ওঁ সৌং কনিষ্ঠিকাভ্যাং নমঃ ।

ওঁ সঃ করতলকরপৃষ্ঠাভ্যাং নমঃ ॥

অঙ্গন্যাসঃ –

ওঁ সাং হৃদযায নমঃ ।

ওঁ সীং শিরসে স্বাহা ।

ওঁ সূং শিখাযৈ বষট্ ।

ওঁ সৈং কবচায হুম্ ।

ওঁ সৌং নেত্রত্রযায বৌষট্ ।

ওঁ সঃ অস্ত্রায ফট্ ।

ভূর্ভুবস্সুবরোমিতি দিগ্বন্ধঃ ॥

ধ্যানম্ ।

সিন্দূরারুণমিন্দুকান্তিবদনং কেযূরহারাদিভিঃ

দিব্যৈরাভরণৈর্বিভূষিততনুং স্বর্গাদিসৌখ্যপ্রদম্ ।

অম্ভোজাভযশক্তিকুক্কুটধরং রক্তাঙ্গরাগোজ্জ্বলং

সুব্রহ্মণ্যমুপাস্মহে প্রণমতাং সর্বার্থসিদ্ধিপ্রদম্ ॥ [ভীতিপ্রণাশোদ্যতম্]

লমিত্যাদি পঞ্চপূজা ।

ওঁ লং পৃথিব্যাত্মনে সুব্রহ্মণ্যায গন্ধং সমর্পযামি ।

ওঁ হং আকাশাত্মনে সুব্রহ্মণ্যায পুষ্পাণি সমর্পযামি ।

ওঁ যং বায্বাত্মনে সুব্রহ্মণ্যায ধূপমাঘ্রাপযামি ।

ওঁ রং অগ্ন্যাত্মনে সুব্রহ্মণ্যায দীপং দর্শযামি ।

ওঁ বং অমৃতাত্মনে সুব্রহ্মণ্যায স্বাদন্নং নিবেদযামি ।

ওঁ সং সর্বাত্মনে সুব্রহ্মণ্যায সর্বোপচারান্ সমর্পযামি ।

কবচম্ ।

সুব্রহ্মণ্যোঽগ্রতঃ পাতু সেনানীঃ পাতু পৃষ্ঠতঃ ।

গুহো মাং দক্ষিণে পাতু বহ্নিজঃ পাতু বামতঃ ॥ 1 ॥

শিরঃ পাতু মহাসেনঃ স্কন্দো রক্ষেল্ললাটকম্ ।

নেত্রে মে দ্বাদশাক্ষশ্চ শ্রোত্রে রক্ষতু বিশ্বভৃত্ ॥ 2 ॥

মুখং মে ষণ্মুখঃ পাতু নাসিকাং শঙ্করাত্মজঃ ।

ওষ্ঠৌ বল্লীপতিঃ পাতু জিহ্বাং পাতু ষডাননঃ ॥ 3 ॥

দেবসেনাপতির্দন্তান্ চিবুকং বহুলোদ্ভবঃ ।

কণ্ঠং তারকজিত্পাতু বাহূ দ্বাদশবাহুকঃ ॥ 4 ॥

হস্তৌ শক্তিধরঃ পাতু বক্ষঃ পাতু শরোদ্ভবঃ ।

হৃদযং বহ্নিভূঃ পাতু কুক্ষিং পাত্বম্বিকাসুতঃ ॥ 5 ॥

নাভিং শম্ভুসুতঃ পাতু কটিং পাতু হরাত্মজঃ ।

ঊরূ পাতু গজারূঢো জানূ মে জাহ্নবীসুতঃ ॥ 6 ॥

জঙ্ঘে বিশাখো মে পাতু পাদৌ মে শিখিবাহনঃ ।

সর্বাণ্যঙ্গানি ভূতেশঃ সর্বধাতূংশ্চ পাবকিঃ ॥ 7 ॥

সন্ধ্যাকালে নিশীথিন্যাং দিবা প্রাতর্জলেঽগ্নিষু ।

দুর্গমে চ মহারণ্যে রাজদ্বারে মহাভযে ॥ 8 ॥

তুমুলে রণ্যমধ্যে চ সর্বদুষ্টমৃগাদিষু ।

চোরাদিসাধ্বসেঽভেদ্যে জ্বরাদিব্যাধিপীডনে ॥ 9 ॥

দুষ্টগ্রহাদিভীতৌ চ দুর্নিমিত্তাদিভীষণে ।

অস্ত্রশস্ত্রনিপাতে চ পাতু মাং ক্রৌঞ্চরন্ধ্রকৃত্ ॥ 10 ॥

যঃ সুব্রহ্মণ্যকবচং ইষ্টসিদ্ধিপ্রদং পঠেত্ ।

তস্য তাপত্রযং নাস্তি সত্যং সত্যং বদাম্যহম্ ॥ 11 ॥

ধর্মার্থী লভতে ধর্মমর্থার্থী চার্থমাপ্নুযাত্ ।

কামার্থী লভতে কামং মোক্ষার্থী মোক্ষমাপ্নুযাত্ ॥ 12 ॥

যত্র যত্র জপেদ্ভক্ত্যা তত্র সন্নিহিতো গুহঃ ।

পূজাপ্রতিষ্ঠাকালে চ জপকালে পঠেদিদম্ ॥ 13 ॥

তেষামেব ফলাবাপ্তিঃ মহাপাতকনাশনম্ ।

যঃ পঠেচ্ছৃণুযাদ্ভক্ত্যা নিত্যং দেবস্য সন্নিধৌ ।

সর্বান্কামানিহ প্রাপ্য সোঽন্তে স্কন্দপুরং ব্রজেত্ ॥ 14 ॥

উত্তরন্যাসঃ ॥

করন্যাসঃ –

ওঁ সাং অঙ্গুষ্ঠাভ্যাং নমঃ ।

ওঁ সীং তর্জনীভ্যাং নমঃ ।

ওঁ সূং মধ্যমাভ্যাং নমঃ ।

ওঁ সৈং অনামিকাভ্যাং নমঃ ।

ওঁ সৌং কনিষ্ঠিকাভ্যাং নমঃ ।

ওঁ সঃ করতলকরপৃষ্ঠাভ্যাং নমঃ ॥

অঙ্গন্যাসঃ –

ওঁ সাং হৃদযায নমঃ ।

ওঁ সীং শিরসে স্বাহা ।

ওঁ সূং শিখাযৈ বষট্ ।

ওঁ সৈং কবচায হুম্ ।

ওঁ সৌং নেত্রত্রযায বৌষট্ ।

ওঁ সঃ অস্ত্রায ফট্ ।

ভূর্ভুবস্সুবরোমিতি দিগ্বিমোকঃ ॥

ইতি শ্রী সুব্রহ্মণ্য কবচ স্তোত্রম্ ।

Roman (IAST) Transliteration

asya śrīsubrahmaṇyakavacastotramahāmantrasya, brahmā ṛṣiḥ, anuṣṭupchandaḥ, śrīsubrahmaṇyo devatā, oṃ nama iti bījaṃ, bhagavata iti śaktiḥ, subrahmaṇyāyeti kīlakaṃ, śrīsubrahmaṇya prasādasiddhyarthe jape viniyogaḥ ||

karanyāsaḥ –

oṃ sāṃ aṅguṣṭhābhyāṃ namaḥ |

oṃ sīṃ tarjanībhyāṃ namaḥ |

oṃ sūṃ madhyamābhyāṃ namaḥ |

oṃ saiṃ anāmikābhyāṃ namaḥ |

oṃ sauṃ kaniṣṭhikābhyāṃ namaḥ |

oṃ saḥ karatalakarapṛṣṭhābhyāṃ namaḥ ||

aṅganyāsaḥ –

oṃ sāṃ hṛdayāya namaḥ |

oṃ sīṃ śirase svāhā |

oṃ sūṃ śikhāyai vaṣaṭ |

oṃ saiṃ kavacāya hum |

oṃ sauṃ netratrayāya vauṣaṭ |

oṃ saḥ astrāya phaṭ |

bhūrbhuvassuvaromiti digbandhaḥ ||

dhyānam |

sindūrāruṇamindukāntivadanaṃ keyūrahārādibhiḥ

divyairābharaṇairvibhūṣitatanuṃ svargādisaukhyapradam |

ambhojābhayaśaktikukkuṭadharaṃ raktāṅgarāgojjvalaṃ

subrahmaṇyamupāsmahe praṇamatāṃ sarvārthasiddhipradam || [bhītipraṇāśodyatam]

lamityādi pañcapūjā |

oṃ laṃ pṛthivyātmane subrahmaṇyāya gandhaṃ samarpayāmi |

oṃ haṃ ākāśātmane subrahmaṇyāya puṣpāṇi samarpayāmi |

oṃ yaṃ vāyvātmane subrahmaṇyāya dhūpamāghrāpayāmi |

oṃ raṃ agnyātmane subrahmaṇyāya dīpaṃ darśayāmi |

oṃ vaṃ amṛtātmane subrahmaṇyāya svādannaṃ nivedayāmi |

oṃ saṃ sarvātmane subrahmaṇyāya sarvopacārān samarpayāmi |

kavacam |

subrahmaṇyo'grataḥ pātu senānīḥ pātu pṛṣṭhataḥ |

guho māṃ dakṣiṇe pātu vahnijaḥ pātu vāmataḥ || 1 ||

śiraḥ pātu mahāsenaḥ skando rakṣellalāṭakam |

netre me dvādaśākṣaśca śrotre rakṣatu viśvabhṛt || 2 ||

mukhaṃ me ṣaṇmukhaḥ pātu nāsikāṃ śaṅkarātmajaḥ |

oṣṭhau vallīpatiḥ pātu jihvāṃ pātu ṣaḍānanaḥ || 3 ||

devasenāpatirdantān cibukaṃ bahulodbhavaḥ |

kaṇṭhaṃ tārakajitpātu bāhū dvādaśabāhukaḥ || 4 ||

hastau śaktidharaḥ pātu vakṣaḥ pātu śarodbhavaḥ |

hṛdayaṃ vahnibhūḥ pātu kukṣiṃ pātvambikāsutaḥ || 5 ||

nābhiṃ śambhusutaḥ pātu kaṭiṃ pātu harātmajaḥ |

ūrū pātu gajārūḍho jānū me jāhnavīsutaḥ || 6 ||

jaṅghe viśākho me pātu pādau me śikhivāhanaḥ |

sarvāṇyaṅgāni bhūteśaḥ sarvadhātūṃśca pāvakiḥ || 7 ||

sandhyākāle niśīthinyāṃ divā prātarjale'gniṣu |

durgame ca mahāraṇye rājadvāre mahābhaye || 8 ||

tumule raṇyamadhye ca sarvaduṣṭamṛgādiṣu |

corādisādhvase'bhedye jvarādivyādhipīḍane || 9 ||

duṣṭagrahādibhītau ca durnimittādibhīṣaṇe |

astraśastranipāte ca pātu māṃ krauñcarandhrakṛt || 10 ||

yaḥ subrahmaṇyakavacaṃ iṣṭasiddhipradaṃ paṭhet |

tasya tāpatrayaṃ nāsti satyaṃ satyaṃ vadāmyaham || 11 ||

dharmārthī labhate dharmamarthārthī cārthamāpnuyāt |

kāmārthī labhate kāmaṃ mokṣārthī mokṣamāpnuyāt || 12 ||

yatra yatra japedbhaktyā tatra sannihito guhaḥ |

pūjāpratiṣṭhākāle ca japakāle paṭhedidam || 13 ||

teṣāmeva phalāvāptiḥ mahāpātakanāśanam |

yaḥ paṭhecchṛṇuyādbhaktyā nityaṃ devasya sannidhau |

sarvānkāmāniha prāpya so'nte skandapuraṃ vrajet || 14 ||

uttaranyāsaḥ ||