Shri Pratyangira Sahasranama Stotram

ॐ

শ্রী প্রত্যঙ্গিরা সহস্রনাম স্তোত্রম্

Sahasranamam Bengali

ঈশ্বর উবাচ

শৃণু দেবি প্রবক্ষ্যামি সাম্প্রতং তত্পুরাতনম্ ।

সহস্রনাম পরমং প্রত্যঙ্গিরার্থ সিদ্ধযে ॥ 1 ॥

সহস্রনামপাঠেন সর্বত্র বিজযী ভবেত্ ।

পরাভবো ন চাস্যাস্তি সভাযাং বা বনে রণে ॥ 2 ॥

তথা তুষ্টা ভবেদ্দেবী প্রত্যঙ্গিরাঽস্য পাঠতঃ ।

যথা ভবতি দেবেশি সাধকঃ শিব এব হি ॥ 3 ॥

অশ্বমেধসহস্রাণি বাজপেযস্য কোটযঃ ।

সকৃত্পাঠেন জাযন্তে প্রসন্না প্রত্যঙ্গিরা ভবেত্ ॥ 4 ॥

ভৈরবোঽস্য ঋষিশ্ছন্দোঽনুষ্টুপ্ দেবী সমীরিতা ।

প্রত্যঙ্গিরা বিনিযোগঃ সর্বসম্পত্তি হেতবে ॥ 5 ॥

সর্বকার্যেষু সংসিদ্ধিঃ সর্বসম্পত্তিদা ভবেত্ ।

এবং ধ্যাত্বা পঠেদেতদ্যদীচ্ছেদাত্মনো হিতম্ ॥ 6 ॥

অস্য শ্রীপ্রত্যঙ্গিরা সহস্রনামমহামন্ত্রস্য ভৈরব ঋষিঃ অনুষ্টুপ্ ছন্দঃ শ্রীমহাপ্রত্যঙ্গিরা দেবতা হ্রীং বীজং শ্রীং শক্তিঃ স্বাহা কীলকং পরকৃত্যাবিনাশার্থে জপে পাঠে বিনিযোগঃ ॥

করন্যাসঃ

ওঁ হ্রাং অঙ্গুষ্ঠাভ্যাং নমঃ ।

ওঁ হ্রীং তর্জনীভ্যাং নমঃ ।

ওঁ হ্রূং মধ্যমাভ্যাং নমঃ ।

ওঁ হ্রৈং অনামিকাভ্যাং নমঃ ।

ওঁ হ্রৌং কনিষ্ঠিকাভ্যাং নমঃ ।

ওঁ হ্রঃ করতল করপৃষ্ঠাভ্যাং নমঃ ।

হৃদযাদি ন্যাসঃ

ওঁ হ্রাং হৃদযায নমঃ ।

ওঁ হ্রীং শিরসে স্বাহা ।

ওঁ হ্রূং শিখাযৈ বষট্ ।

ওঁ হ্রৈং কবচায হুম্ ।

ওঁ হ্রৌং নেত্রত্রযায বৌষট্ ।

ওঁ হ্রঃ অস্ত্রায ফট্ ।

ধ্যানম্

আশাম্বরা মুক্তকচা ঘনচ্ছবি-

-র্ধ্যেযা সচর্মাসিকরা হি ভূষণা ।

দংষ্ট্রোগ্রবক্ত্রা গ্রসিতা হিতা ত্বযা

প্রত্যঙ্গিরা শঙ্করতেজসেরিতা ॥

স্তোত্রম্

দেবী প্রত্যঙ্গিরা দিব্যা সরসা শশিশেখরা ।

সুমনা সামিধেতী চ সমস্তসুরশেমুষী ॥ 1 ॥

সর্বসম্পত্তিজননী সর্বদা সিন্ধুসেবিনী ।

শম্ভুসীমন্তিনী সীমা সুরারাধ্যা সুধারসা ॥ 2 ॥

রসা রসবতী বেলা বন্যা চ বনমালিনী ।

বনজাক্ষী বনচরী বনী বনবিনোদিনী ॥ 3 ॥

বেগিনী বেগদা বেগবলাস্যা চ বলাধিকা ।

কলা কলপ্রিযা কোলী কোমলা কালকামিনী ॥ 4 ॥

কমলা কমলাস্যা চ কমলস্থা কলাবতী ।

কুলীনা কুটিলা কান্তা কোকিলা কলভাষিণী ॥ 5 ॥

কীরকীলী কলা কালী কপালিন্যপি কালিকা ।

কেশিনী চ কুশাবর্তা কৌশাম্বী কেশবপ্রিযা ॥ 6 ॥

কাশী কলা মহাকাশী সঙ্কাশা কেশদাযিনী ।

কুণ্ডলী কুণ্ডলাস্যা চ কুণ্ডলাঙ্গদমণ্ডিতা ॥ 7 ॥

কুণপালী কুমুদিনী কুমুদা প্রীতিবর্ধিনী ।

কুন্দপ্রিযা কুন্দরুচিঃ কুরঙ্গমদনোদিনী ॥ 8 ॥

কুরঙ্গনযনা কুন্দা কুরুবৃন্দাঽভিনন্দিনী ।

কুসুম্ভকুসুমা কাঞ্চী ক্বণত্কিঙ্কিণিকা কটা ॥ 9 ॥

কঠোরা করুণা কাষ্ঠা কৌমুদী কম্বুকণ্ঠিনী ।

কপর্দিনী কপটিনী কণ্ঠিনী কালকণ্ঠিকা ॥ 10 ॥

কীরহস্তা কুমারী চ কুরুদা কুসুমপ্রিযা ।

কুঞ্জরস্থা কুঞ্জরতা কুম্ভি কুম্ভস্তনদ্বযা ॥ 11 ॥

কুম্ভিগা করিভোগা চ কদলী দলশালিনী ।

কুপিতা কোটরস্থা চ কঙ্কালী কন্দরোদরা ॥ 12 ॥

একান্তবাসিনী কাঞ্চী কম্পমানশিরোরুহা ।

কাদম্বরী কদম্বস্থা কুঙ্কুমপ্রেমধারিণী ॥ 13 ॥

কুটুম্বিনীপ্রিযাঽঽকূতী ক্রতুঃ ক্রতুকরী প্রিযা ।

কাত্যাযনী কৃত্তিকা চ কার্তিকেযপ্রবর্তিনী ॥ 14 ॥

কামপত্নী কামদাত্রী কামেশী কামবন্দিতা ।

কামরূপা ক্রমাবর্তী কামাক্ষী কামমোহিতা ॥ 15 ॥

খড্গিনী খেচরী খড্গা খঞ্জরীটেক্ষণা খলা ।

খরগা খরনাথা চ খরাস্যা খেলনপ্রিযা ॥ 16 ॥

খরাংশুঃ খেটিনী খট্বা খগা খট্বাঙ্গধারিণী ।

খরখণ্ডিনী খ্যাতা খণ্ডিতা খণ্ডনীস্থিতা ॥ 17 ॥

খণ্ডপ্রিযা খণ্ডখাদ্যা সেন্দুখণ্ডা চ খণ্ডিনী ।

গঙ্গা গোদাবরী গৌরী গোমত্যপি চ গৌতমী ॥ 18 ॥

গযা গেযা গগনগা গারুডী গরুডধ্বজা ।

গীতা গীতপ্রিযা গোপা গণ্ডপ্রীতা গুণী গিরা ॥ 19 ॥

গুং গৌরী মন্দমদনা গোকুলা গোপ্রতারিণী ।

গোদা গোবিন্দিনী গূঢা নির্গূঢা গূঢবিগ্রহা ॥ 20 ॥

গুঞ্জিনী গজগা গোপী গোত্রক্ষযকরী গদা ।

গিরিভূপালদুহিতা গোগা গোচ্ছলবর্ধিনী ॥ 21 ॥

ঘনস্তনী ঘনরুচির্ঘনেহা ঘননিঃস্বনা ।

ঘূত্কারিণী ঘূঘকরী ঘুঘূকপরিবারিতা ॥ 22 ॥

ঘণ্টানাদপ্রিযা ঘণ্টা ঘনাঘোটকবাহিনী ।

ঘোররূপা চ ঘোরা চ ঘূতী প্রতিঘনা ঘনী ॥ 23 ॥

ঘৃতাচী ঘনপুষ্টিশ্চ ঘটা ঘনঘটাঽমৃতা ।

ঘটস্যা ঘটনা ঘোঘঘাতপাতনিবারিণী ॥ 24 ॥

চঞ্চরীকা চকোরী চ চামুণ্ডা চীরধারিণী ।

চাতুরী চপলা চক্রচলা চেলা চলাঽচলা ॥ 25 ॥

চতুশ্চিরন্তনা চাকা চিক্যা চামীকরচ্ছবিঃ ।

চাপিনী চপলা চম্পূ চিন্তা চিন্তামণিশ্চিতা ॥ 26 ॥

চাতুর্বর্ণ্যমযী চঞ্চচ্চৌরাচার্যা চমত্কৃতিঃ ।

চক্রবর্তিবধূশ্চক্রা চক্রাঙ্গা চক্রমোদিনী ॥ 27 ॥

চেতশ্চরী চিত্তবৃত্তিরচেতা চেতনপ্রদা ।

চাম্পেযী চম্পকপ্রীতিশ্চণ্ডী চণ্ডালবাসিনী ॥ 28 ॥

চিরঞ্জীবিতটা চিঞ্চা তরুমূলনিবাসিনী ।

ছুরিকা ছত্রমধ্যস্থা ছিদ্রা ছেদকরী ছিদা ॥ 29 ॥

ছুছুন্দরীপলপ্রীতী ছুছুন্দরীনিভস্বনা ।

ছলিনী ছলদা ছত্রা ছিটিকা ছেককৃত্তথা ॥ 30 ॥

ছগিনী ছান্দসী ছাযা ছাযাকৃচ্ছাদিরিত্যপি ।

জযা চ জযদা জাতী জযস্থা জযবর্ধিনী ॥ 31 ॥

জপাপুষ্পপ্রিযা জপ্যা জৃম্ভিণী যামলা যুতা ।

জম্বূপ্রিযা জযস্থা চ জঙ্গমা জঙ্গমপ্রিযা ॥ 32 ॥

জন্তুর্জন্তুপ্রধানা চ জরত্কর্ণা জরদ্ভবা ।

জাতিপ্রিযা জীবনস্থা জীমূতসদৃশচ্ছবিঃ ॥ 33 ॥

জন্যা জনহিতা জাযা জম্ভভিজ্জম্ভমালিনী ।

জবদা জববদ্বাহা জবানী জ্বরহা জ্বরা ॥ 34 ॥

ঝঞ্ঝানিলমযী ঝঞ্ঝা ঝণত্কারকরা তথা ।

ঝিণ্টীশা ঝম্পকৃত্ ঝম্পা ঝম্পত্রাসনিবারিণী ॥ 35 ॥

টকারস্থা টঙ্কধরা টঙ্কারা করশাটিনী ।

ঠক্কুরা ঠীত্কৃতী ঠিণ্ঠী ঠিণ্ঠীরবসমাবৃতা ॥ 36 ॥

ঠণ্ঠানিলমযী ঠণ্ঠা ঠণত্কারকরা ঠসা ।

ডাকিনী ডামরী চৈব ডিণ্ডিমধ্বনিনন্দিনী ॥ 37 ॥

ঢক্কাস্বনপ্রিযা ঢক্কা তপিনী তাপিনী তথা ।

তরুণী তুন্দিলা তুন্দা তামসী চ তপঃপ্রিযা ॥ 38 ॥

তাম্রা তাম্রাম্বরা তালী তালীদলবিভূষণা ।

তুরঙ্গা ত্বরিতা ত্রেতা তোতুলা তোদিনী তুলা ॥ 39 ॥

তাপত্রযহরা তপ্তা তালকেশী তমালিনী ।

তমালদলবচ্ছামা তালম্লানবতী তমী ॥ 40 ॥

তামসী চ তমিস্রা চ তীব্রা তীব্রপরাক্রমা ।

তটস্থা তিলতৈলাক্তা তরণী তপনদ্যুতিঃ ॥ 41 ॥

তিলোত্তমা তিলককৃত্তারকাধীশশেখরা ।

তিলপুষ্পপ্রিযা তারা তারকেশী কুটুম্বিনী ॥ 42 ॥

স্থাণুপত্নী স্থিতিকরী স্থলস্থা স্থলবর্ধিনী ।

স্থিতিঃ স্থৈর্যা স্থবিষ্ঠা চ স্থাপতিঃ স্থলবিগ্রহা ॥ 43 ॥

দন্তিনী দণ্ডিনী দীনা দরিদ্রা দীনবত্সলা ।

দেবী দেববধূর্দৈত্যদমনী দন্তভূষণা ॥ 44 ॥

দযাবতী দমবতী দমদা দাডিমস্তনী ।

দন্দশূকনিভা দৈত্যদারিণী দেবতাননা ॥ 45 ॥

দোলাক্রীডা দলাযুশ্চ দম্পতী দেবতামযী ।

দশা দীপস্থিতা দোষা দোষহা দোষকারিণী ॥ 46 ॥

দুর্গা দুর্গার্তিশমনী দুর্গমা দুর্গবাসিনী ।

দুর্গন্ধনাশিনী দুঃস্থা দুঃস্বপ্নশমকারিণী ॥ 47 ॥

দুর্বারা দুন্দুভী ভ্রান্তা দূরস্থা দূরবাসিনী ।

দরহা দরদা দাত্রী দাযাদা দুহিতা দযা ॥ 48 ॥

ধুরন্ধরা ধুরীণা চ ধৌরী ধী ধনদাযিনী ।

ধীরাঽধীরা ধরিত্রী চ ধর্মদা ধীরমানসা ॥ 49 ॥

ধনুর্ধরা চ দমনী ধূর্তা ধূর্তপরিগ্রহা ।

ধূমবর্ণা ধূমপানা ধূমলা ধূমমোহিনী ॥ 50 ॥

নলিনী নন্দিনী নন্দা নাদিনী নন্দবালিকা ।

নবীনা নর্মদা নর্মিনেমির্নিযমনিশ্চযা ॥ 51 ॥

নির্মলা নিগমাচারা নিম্নগা নগ্নকামিনী ।

নীতির্নিরন্তরা নগ্নী নির্লেপা নির্গুণা নতিঃ ॥ 52 ॥

নীলগ্রীবা নিরীহা চ নিরঞ্জনজনী নবী ।

নবনীতপ্রিযা নারী নরকার্ণবতারিণী ॥ 53 ॥

নারাযণী নিরাকারা নিপুণা নিপুণপ্রিযা ।

নিশা নিদ্রা নরেন্দ্রস্থা নমিতাঽনমিতাপি চ ॥ 54 ॥

নির্গুণ্ডিকা চ নির্গুণ্ডা নির্মাংসাঽনামিকা নিভা ।

পতাকিনী পতাকা চ পলপ্রীতির্যশস্বিনী ॥ 55 ॥

পীনা পীনস্তনা পত্নী পবনাশনশাযিনী ।

পরাঽপরা কলাপাঽঽপ্পা পাককৃত্যরতি প্রিযা ॥ 56 ॥

পবনস্থা সুপবনা তাপসীপ্রীতিবর্ধিনী ।

পশুবৃদ্ধিকরী পুষ্টিঃ পোষণী পুষ্পবর্ধিনী ॥ 57 ॥

পুষ্পিণী পুস্তককরা পুন্নাগতলবাসিনী ।

পুরন্দরপ্রিযা প্রীতিঃ পুরমার্গনিবাসিনী ॥ 58 ॥

পাশী পাশকরা পাশা বন্ধুহা পাংসুলা পশুঃ ।

পটুঃ পটাসা পরশুধারিণী পাশিনী তথা ॥ 59 ॥

পাপঘ্নী পতিপত্নী চ পতিতাঽপতিতাপি চ ।

পিশাচী চ পিশাচঘ্নী পিশিতাশনতোষিতা ॥ 60 ॥

পানদা পানপাত্রা চ পানদানকরোদ্যতা ।

পেযা প্রসিদ্ধা পীযূষা পূর্ণা পূর্ণমনোরথা ॥ 61 ॥

পতদ্গর্ভা পতদ্গাত্রা পাতপুণ্যপ্রিযা পুরী ।

পঙ্কিলা পঙ্কমগ্না চ পানীযা পঞ্জরস্থিতা ॥ 62 ॥

পঞ্চমী পঞ্চযজ্ঞা চ পঞ্চতা পঞ্চমপ্রিযা ।

পঞ্চমুদ্রা পুণ্ডরীকা পিকী পিঙ্গললোচনা ॥ 63 ॥

প্রিযঙ্গুমঞ্জরী পিণ্ডী পিণ্ডিতা পাণ্ডুরপ্রভা ।

প্রেতাসনা প্রিযালুস্থা পাণ্ডুঘ্নী পীতসাপহা ॥ 64 ॥

ফলিনী ফলধাত্রী চ ফলশ্রীঃ ফণিভূষণা ।

ফূত্কারকারিণী স্ফারা ফুল্লা ফুল্লাম্বুজাসনা ॥ 65 ॥

ফিরঙ্গহা স্ফীতমতিঃ স্ফীতিঃ স্ফীতকরী তথা ।

বলমাযা বলারাতির্বলিনী বলবর্ধিনী ॥ 66 ॥

বেণুবাদ্যা বনচরী বিরাবজনযিত্রী চ ।

বিদ্যা বিদ্যাপ্রদা বিদ্যাবোধিনী বোধদাযিনী ॥ 67 ॥

বুদ্ধমাতা চ বুদ্ধা চ বনমালাবতী বরা ।

বরদা বারুণী বীণা বীণাবাদনতত্পরা ॥ 68 ॥

বিনোদিনী বিনোদস্থা বৈষ্ণবী বিষ্ণুবল্লভা ।

বৈদ্যা বৈদ্যচিকিত্সা চ বিবশা বিশ্ববিশ্রুতা ॥ 69 ॥

বিদ্বত্কবিকলা বেত্তা বিতন্দ্রা বিগতজ্বরা ।

বিরাবা বিবিধারাবা বিম্বোষ্ঠী বিম্ববত্সলা ॥ 70 ॥

বিন্ধ্যস্থা বীরবন্দ্যা চ বরীযসাপরাধবিত্ ।

বেদান্তবেদ্যা বেদ্যা চ বৈদ্যা চ বিজযপ্রদা ॥ 71 ॥

বিরোধবর্ধিনী বন্ধ্যা বন্ধ্যাবন্ধনিবারিণী ।

ভগিনী ভগমালা চ ভবানী ভবভাবিনী ॥ 72 ॥

ভীমা ভীমাননা ভৈমী ভঙ্গুরা ভীমদর্শনা ।

ভিল্লী ভল্লধরা ভীরুর্ভেরুণ্ডা চৈভভযাপহা ॥ 73 ॥

ভগসর্পিণ্যপি ভগা ভগরূপা ভগালযা ।

ভগাসনা ভগামোদা ভেরী ভাঙ্কাররঞ্জিনী ॥ 74 ॥

ভীষণাঽভীষণা সর্বা ভগবত্যপি ভূষণা ।

ভারদ্বাজী ভোগদাত্রী ভবঘ্নী ভূতিভূষণা ॥ 75 ॥

ভূতিদা ভূমিদাত্রী চ ভূপতিত্বপ্রদাযিনী ।

ভ্রমরী ভ্রামরী নীলা ভূপালমুকুটস্থিতা ॥ 76 ॥

মত্তা মনোহরা মনা মানিনী মোহনী মহা ।

মহালক্ষ্মীর্মদাক্ষীবা মদিরা মদিরালযা ॥ 77 ॥

মদোদ্ধতা মতঙ্গস্থা মাধবী মধুমন্থিনী ।

মেধা মেধাকরী মেধ্যা মধ্যা মধ্যবযস্থিতা ॥ 78 ॥

মদ্যপা মাংসলা মত্স্যা মোদিনী মৈথুনোদ্ধতা ।

মুদ্রা মুদ্রাবতী মাতা মাযা মহিমমন্দিরা ॥ 79 ॥

মহামাযা মহাবিদ্যা মহামারী মহেশ্বরী ।

মহাদেববধূর্মান্যা মথুরা মেরুমণ্ডলা ॥ 80 ॥

মেদস্বনী মেদসুশ্রীর্মহিষাসুরমর্দিনী ।

মণ্ডপস্থা মঠস্থাঽমা মালা মালাবিলাসিনী ॥ 81 ॥

মোক্ষদা মুণ্ডমালা চ মন্দিরাগর্ভগর্ভিতা ।

মাতঙ্গিনী চ মাতঙ্গী মতঙ্গতনযা মধুঃ ॥ 82 ॥

মধুস্রবা মধুরসা মধূককুসুমপ্রিযা ।

যামিনী যামিনীনাথভূষা যাবকরঞ্জিতা ॥ 83 ॥

যবাঙ্কুরপ্রিযা যামা যবনী যবনাধিপা ।

যমঘ্নী যমবাণী চ যজমানস্বরূপিণী ॥ 84 ॥

যজ্ঞা যজ্যা যজুর্যজ্বা যশোনিকরকারিণী ।

যজ্ঞসূত্রপ্রদা জ্যেষ্ঠা যজ্ঞকর্মকরী যশা ॥ 85 ॥

যশস্বিনী যজ্ঞসংস্থা যূপস্তম্ভনিবাসিনী ।

রঞ্জিতা রাজপত্নী চ রমা রেখা রবী রণী ॥ 86 ॥

রজোবতী রজশ্চিত্রা রজনী রজনীপতিঃ ।

রাগিণী রাজিনী রাজ্যা রাজ্যদা রাজ্যবর্ধিনী ॥ 87 ॥

রাজন্বতী রাজনীতিস্তুর্যা রাজনিবাসিনী ।

রমণী রমণীযা চ রামা রামবতী রতিঃ ॥ 88 ॥

রেতোবতী রতোত্সাহা রোগহা রোগকারিণী ।

রঙ্গা রঙ্গবতী রাগা রাগজ্ঞা রাগিনী রণা ॥ 89 ॥

রঞ্জিকা রঞ্জকী রঞ্জা রঞ্জিনী রক্তলোচনা ।

রক্তচর্মধরা রন্ত্রী রক্তস্থা রক্তবাহিনী ॥ 90 ॥

রম্ভা রম্ভাফলপ্রীতী রম্ভোরূ রাঘবপ্রিযা ।

রঙ্গভৃদ্রঙ্গমধুরা রোদসী রোদসীগৃহা ॥ 91 ॥

রোগকর্ত্রী রোগহর্ত্রী চ রোগভৃদ্রোগশাযিনী ।

বন্দী বন্দিস্তুতা বন্ধুর্বন্ধূককুসুমাধরা ॥ 92 ॥

বন্দিতা বন্দিমাতা বন্ধুরা বৈন্দবী বিভা ।

বিঙ্কী বিঙ্কপলা বিঙ্কা বিঙ্কস্থা বিঙ্কবত্সলা ॥ 93 ॥

বেদৈর্বিলগ্না বিগ্না চ বিধির্বিধিকরী বিধা ।

শঙ্খিনী শঙ্খনিলযা শঙ্খমালাবতী শমী ॥ 94 ॥

শঙ্খপাত্রাশিনী শঙ্খাঽশঙ্খা শঙ্খগলা শশী ।

শিম্বী শরাবতী শ্যামা শ্যামাঙ্গী শ্যামলোচনা ॥ 95 ॥

শ্মশানস্থা শ্মশানা চ শ্মশানস্থলভূষণা ।

শর্মদা শমহর্ত্রী চ শাকিনী শঙ্কুশেখরা ॥ 96 ॥

শান্তিঃ শান্তিপ্রদা শেষা শেষস্থা শেষশাযিনী ।

শেমুষী শোষিণী শৌরী শারিঃ শৌর্যা শরা শরী ॥ 97 ॥

শাপদা শাপহারী শ্রীঃ শম্পা শপথচাপিনী ।

শৃঙ্গিণী শৃঙ্গিপলভুক্ শঙ্করী শাঙ্করী তথা ॥ 98 ॥

শঙ্কা শঙ্কাপহা শংস্থা শাশ্বতী শীতলা শিবা ।

শবস্থা শবভুক্ শৈবী শাববর্ণা শবোদরী ॥ 99 ॥

শাযিনী শাবশযনা শিংশিপা শিংশিপাযতা ।

শবাকুণ্ডলিনী শৈবা শঙ্করা শিশিরা শিরা ॥ 100 ॥

শবকাঞ্চী শবশ্রীকা শবমালা শবাকৃতিঃ ।

শম্পিনী শঙ্কুশক্তিঃ শং শন্তনুঃ শীলদাযিনী ॥ 101 ॥

সিন্ধুঃ সরস্বতী সিন্ধুসুন্দরী সুন্দরাননা ।

সাধুসিদ্ধিঃ সিদ্ধিদাত্রী সিদ্ধা সিদ্ধসরস্বতী ॥ 102 ॥

সন্ততিঃ সম্পদা সম্পত্সংবিত্সম্পত্তিদাযিনী ।

সপত্নী সরসা সারা সরস্বতিকরী সুধা ॥ 103 ॥

সরঃ সমা সমানা চ সমারাধ্যা সমস্তদা ।

সমিদ্ধা সমদা সম্মা সম্মোহা সমদর্শনা ॥ 104 ॥

সমিতিঃ সমিধা সীমা সাবিত্রী সংবিদা সতী ।

সবনা সবনাধারা সাবনা সমরা সমী ॥ 105 ॥

সমীরা সুমনা সাধ্বী সধ্রীচীন্যসহাযিনী ।

হংসী হংসগতির্হংসা হংসোজ্জ্বলনিচোলযুক্ ॥ 106 ॥

হলিনী হলদা হালা হরশ্রীর্হরবল্লভা ।

হেলা হেলাবতী হ্রেষা হ্রেষস্থা হ্রেষবর্ধিনী ॥ 107 ॥

হন্তা হানির্হযাহ্বা হৃদ্ধন্তহা হন্তহারিণী ।

হুঙ্কারী হন্তকৃদ্ধঙ্কা হীহা হাহা হতাহিতা ॥ 108 ॥

হেমা প্রভা হরবতী হারীতা হরিসম্মতা ।

হোরী হোত্রী হোলিকা চ হোম্যা হোমা হবির্হরিঃ ॥ 109 ॥

হারিণী হরিণীনেত্রা হিমাচলনিবাসিনী ।

লম্বোদরী লম্বকর্ণা লম্বিকা লম্ববিগ্রহা ॥ 110 ॥

লীলা লীলাবতী লোলা ললনা লালিতালতা ।

ললামলোচনা লোচ্যা লোলাক্ষী লক্ষণা লটা ॥ 111 ॥

লম্পতী লুম্পতী লম্পা লোপামুদ্রা ললন্তি চ ।

লতিকা লঙ্ঘিকা লঙ্ঘা লঘিমা লঘুমধ্যমা ॥ 112 ॥

লঘ্বীযসী লঘূদর্কা লূতা লূতনিবারিণী ।

লোমভৃল্লোমলোম্নী চ লুলুতী লুলুলুম্পিনী ॥ 113 ॥

লুলাযস্থা চ লহরী লঙ্কাপুরপুরন্দরী ।

লক্ষ্মীর্লক্ষ্মীপ্রদা লক্ষ্যা লক্ষ্যবলগতিপ্রদা ॥ 114 ॥

ক্ষণক্ষপা ক্ষণক্ষীণা ক্ষমা ক্ষান্তিঃ ক্ষমাবতী ।

ক্ষামা ক্ষামোদরী ক্ষোণী ক্ষোণিভৃত্ ক্ষত্রিযাঙ্গনা ॥ 115 ॥

ক্ষপা ক্ষপাকরী ক্ষীরা ক্ষীরদা ক্ষীরসাগরা ।

ক্ষীণঙ্করী ক্ষযকরী ক্ষযভৃত্ ক্ষযদা ক্ষতিঃ ।

ক্ষরন্তী ক্ষুদ্রিকা ক্ষুদ্রা ক্ষুত্ক্ষামা ক্ষরপাতকা ॥ 116 ॥

ফলশ্রুতিঃ –

মাতুঃ সহস্রনামেদং প্রত্যঙ্গিরাসিদ্ধিদাযকম্ ॥ 1 ॥

যঃ পঠেত্প্রযতো নিত্যং দরিদ্রো ধনদো ভবেত্ ।

অনাচান্তঃ পঠেন্নিত্যং স চাপি স্যান্মহেশ্বরঃ ।

মূকঃ স্যাদ্বাক্পতির্দেবী রোগী নীরোগতাং ভবেত্ ॥ 2 ॥

অপুত্রঃ পুত্রমাপ্নোতি ত্রিষুলোকেষু বিশ্রুতম্ ।

বন্ধ্যাপি সূতে তনযান্ গাবশ্চ বহুদুগ্ধদাঃ ॥ 3 ॥

রাজানঃ পাদনম্রাঃ স্যুস্তস্য দাসা ইব স্ফুটাঃ ।

অরযঃ সঙ্ক্ষযং যান্তি মনসা সংস্মৃতা অপি ॥ 4 ॥

দর্শনাদেব জাযন্তে নরা নার্যোঽপি তদ্বশাঃ ।

কর্তা হর্তা স্বযংবীরো জাযতে নাত্রসংশযঃ ॥ 5 ॥

যং যং কামযতে কামং তং তং প্রাপ্নোতি নিশ্চিতম্ ।

দুরিতং ন চ তস্যাস্তি নাস্তি শোকঃ কদাচন ॥ 6 ॥

চতুষ্পথেঽর্ধরাত্রে চ যঃ পঠেত্সাধকোত্তমঃ ।

একাকী নির্ভযো ধীরো দশাবর্তং নরোত্তমঃ ॥ 7 ॥

মনসা চিন্তিতং কার্যং তস্য সিদ্ধির্ন সংশযম্ ।

বিনা সহস্রনাম্নাং যো জপেন্মন্ত্রং কদাচন ॥ 8 ॥

ন সিদ্ধো জাযতে তস্য মন্ত্রঃ কল্পশতৈরপি ।

কুজবারে শ্মশানে চ মধ্যাহ্নে যো জপেত্তথা ॥ 9 ॥

শতাবর্ত্যা স জযেত কর্তা হর্তা নৃণামিহ ।

রোগার্তো যো নিশীথান্তে পঠেদম্ভসি সংস্থিতঃ ॥ 10 ॥

সদ্যো নীরোগতামেতি যদি স্যান্নির্ভযস্তদা ।

অর্ধরাত্রে শ্মশানে বা শনিবারে জপেন্মনুম্ ॥ 11 ॥

অষ্টোত্তরসহস্রং তু দশবারং জপেত্ততঃ ।

সহস্রনামমেত্তদ্ধি তদা যাতি স্বযং শিবা ॥ 12 ॥

মহাপবনরূপেণ ঘোরগোমাযুনাদিনী ।

তদা যদি ন ভীতিঃ স্যাত্ততো দেহীতি বাগ্ভবেত্ ॥ 13 ॥

তদা পশুবলিং দদ্যাত্ স্বযং গৃহ্ণাতি চণ্ডিকা ।

যথেষ্টং চ বরং দত্ত্বা যাতি প্রত্যঙ্গিরা শিবা ॥ 14 ॥

রোচনাগুরুকস্তূরী কর্পূরমদচন্দনৈঃ ।

কুঙ্কুমপ্রথমাভ্যাং তু লিখিতং ভূর্জপত্রকে ॥ 15 ॥

শুভনক্ষত্রযোগে তু সমভ্যর্চ্য ঘটান্তরে ।

কৃতসম্পাতনাত্সিদ্ধং ধার্যন্তদ্দক্ষিণেকরে ॥ 16 ॥

সহস্রনামস্বর্ণস্থং কণ্ঠে বাপি জিতেন্দ্রিযঃ ।

তদাযং প্রণমেন্মন্ত্রী ক্রুদ্ধঃ সম্রিযতে নরঃ ॥ 17 ॥

যস্মৈ দদাতি চ স্বস্তি স ভবেদ্ধনদোপমঃ ।

দুষ্টশ্বাপদজন্তূনাং ন ভীঃ কুত্রাপি জাযতে ॥ 18 ॥

বালকানামিযং রক্ষা গর্ভিণীনামপি ধ্রুবম্ ।

মোহন স্তম্ভনাকর্ষমারণোচ্চাটনানি চ ॥ 19 ॥

যন্ত্রধারণতো নূনং সিধ্যন্তে সাধকস্য চ ।

নীলবস্ত্রে বিলিখিতং ধ্বজাযাং যদি তিষ্ঠতি ॥ 20 ॥

তদা নষ্টা ভবত্যেব প্রচণ্ডা পরবাহিনী ।

এতজ্জপ্তং মহাভস্ম ললাটে যদি ধারযেত্ ॥ 21 ॥

তদ্দর্শনত এব স্যুঃ প্রাণিনস্তস্য কিঙ্করাঃ ।

রাজপত্ন্যোঽপি বশ্যাঃ স্যুঃ কিমন্যাঃ পরযোষিতঃ ॥ 22 ॥

এতজ্জপন্নিশিতোযে মাসৈকেন মহাকবিঃ ।

পণ্ডিতশ্চ মহাবাদী জাযতে নাত্রসংশযঃ ॥ 23 ॥

শক্তিং সম্পূজ্য দেবেশি পঠেত্ স্তোত্রং বরং শুভম্ ।

ইহলোকে সুখং ভুক্ত্বা পরত্র ত্রিদিবং ব্রজেত্ ॥ 24 ॥

ইতি নামসহস্রং তু প্রত্যঙ্গির মনোহরম্ ।

গোপ্যং গুহ্যতমং লোকে গোপনীযং স্বযোনিবত্ ॥ 25 ॥

ইতি শ্রীরুদ্রযামলে তন্ত্রে দশবিদ্যারহস্যে শ্রী প্রত্যঙ্গিরা সহস্রনাম স্তোত্রম্ ।

Roman (IAST) Transliteration

īśvara uvāca

śṛṇu devi pravakṣyāmi sāmprataṃ tatpurātanam |

sahasranāma paramaṃ pratyaṅgirārtha siddhaye || 1 ||

sahasranāmapāṭhena sarvatra vijayī bhavet |

parābhavo na cāsyāsti sabhāyāṃ vā vane raṇe || 2 ||

tathā tuṣṭā bhaveddevī pratyaṅgirā'sya pāṭhataḥ |

yathā bhavati deveśi sādhakaḥ śiva eva hi || 3 ||

aśvamedhasahasrāṇi vājapeyasya koṭayaḥ |

sakṛtpāṭhena jāyante prasannā pratyaṅgirā bhavet || 4 ||

bhairavo'sya ṛṣiśchando'nuṣṭup devī samīritā |

pratyaṅgirā viniyogaḥ sarvasampatti hetave || 5 ||

sarvakāryeṣu saṃsiddhiḥ sarvasampattidā bhavet |

evaṃ dhyātvā paṭhedetadyadīcchedātmano hitam || 6 ||

asya śrīpratyaṅgirā sahasranāmamahāmantrasya bhairava ṛṣiḥ anuṣṭup chandaḥ śrīmahāpratyaṅgirā devatā hrīṃ bījaṃ śrīṃ śaktiḥ svāhā kīlakaṃ parakṛtyāvināśārthe jape pāṭhe viniyogaḥ ||

karanyāsaḥ

oṃ hrāṃ aṅguṣṭhābhyāṃ namaḥ |

oṃ hrīṃ tarjanībhyāṃ namaḥ |

oṃ hrūṃ madhyamābhyāṃ namaḥ |

oṃ hraiṃ anāmikābhyāṃ namaḥ |

oṃ hrauṃ kaniṣṭhikābhyāṃ namaḥ |

oṃ hraḥ karatala karapṛṣṭhābhyāṃ namaḥ |

hṛdayādi nyāsaḥ

oṃ hrāṃ hṛdayāya namaḥ |

oṃ hrīṃ śirase svāhā |

oṃ hrūṃ śikhāyai vaṣaṭ |

oṃ hraiṃ kavacāya hum |

oṃ hrauṃ netratrayāya vauṣaṭ |

oṃ hraḥ astrāya phaṭ |

dhyānam

āśāmbarā muktakacā ghanacchavi-

-rdhyeyā sacarmāsikarā hi bhūṣaṇā |

daṃṣṭrogravaktrā grasitā hitā tvayā

pratyaṅgirā śaṅkaratejaseritā ||

stotram

devī pratyaṅgirā divyā sarasā śaśiśekharā |

sumanā sāmidhetī ca samastasuraśemuṣī || 1 ||

sarvasampattijananī sarvadā sindhusevinī |

śambhusīmantinī sīmā surārādhyā sudhārasā || 2 ||

rasā rasavatī velā vanyā ca vanamālinī |

vanajākṣī vanacarī vanī vanavinodinī || 3 ||

veginī vegadā vegabalāsyā ca balādhikā |

kalā kalapriyā kolī komalā kālakāminī || 4 ||

kamalā kamalāsyā ca kamalasthā kalāvatī |

kulīnā kuṭilā kāntā kokilā kalabhāṣiṇī || 5 ||

kīrakīlī kalā kālī kapālinyapi kālikā |

keśinī ca kuśāvartā kauśāmbī keśavapriyā || 6 ||

kāśī kalā mahākāśī saṅkāśā keśadāyinī |

kuṇḍalī kuṇḍalāsyā ca kuṇḍalāṅgadamaṇḍitā || 7 ||

kuṇapālī kumudinī kumudā prītivardhinī |

kundapriyā kundaruciḥ kuraṅgamadanodinī || 8 ||

kuraṅganayanā kundā kuruvṛndā'bhinandinī |

kusumbhakusumā kāñcī kvaṇatkiṅkiṇikā kaṭā || 9 ||

kaṭhorā karuṇā kāṣṭhā kaumudī kambukaṇṭhinī |

kapardinī kapaṭinī kaṇṭhinī kālakaṇṭhikā || 10 ||

kīrahastā kumārī ca kurudā kusumapriyā |

kuñjarasthā kuñjaratā kumbhi kumbhastanadvayā || 11 ||

kumbhigā karibhogā ca kadalī dalaśālinī |

kupitā koṭarasthā ca kaṅkālī kandarodarā || 12 ||

ekāntavāsinī kāñcī kampamānaśiroruhā |

kādambarī kadambasthā kuṅkumapremadhāriṇī || 13 ||

kuṭumbinīpriyā''kūtī kratuḥ kratukarī priyā |

kātyāyanī kṛttikā ca kārtikeyapravartinī || 14 ||

kāmapatnī kāmadātrī kāmeśī kāmavanditā |

kāmarūpā kramāvartī kāmākṣī kāmamohitā || 15 ||

khaḍginī khecarī khaḍgā khañjarīṭekṣaṇā khalā |

kharagā kharanāthā ca kharāsyā khelanapriyā || 16 ||

kharāṃśuḥ kheṭinī khaṭvā khagā khaṭvāṅgadhāriṇī |

kharakhaṇḍinī khyātā khaṇḍitā khaṇḍanīsthitā || 17 ||

khaṇḍapriyā khaṇḍakhādyā sendukhaṇḍā ca khaṇḍinī |

gaṅgā godāvarī gaurī gomatyapi ca gautamī || 18 ||

gayā geyā gaganagā gāruḍī garuḍadhvajā |

gītā gītapriyā gopā gaṇḍaprītā guṇī girā || 19 ||

guṃ gaurī mandamadanā gokulā gopratāriṇī |

godā govindinī gūḍhā nirgūḍhā gūḍhavigrahā || 20 ||

guñjinī gajagā gopī gotrakṣayakarī gadā |

giribhūpāladuhitā gogā gocchalavardhinī || 21 ||

ghanastanī ghanarucirghanehā ghananiḥsvanā |

ghūtkāriṇī ghūghakarī ghughūkaparivāritā || 22 ||

ghaṇṭānādapriyā ghaṇṭā ghanāghoṭakavāhinī |

ghorarūpā ca ghorā ca ghūtī pratighanā ghanī || 23 ||

ghṛtācī ghanapuṣṭiśca ghaṭā ghanaghaṭā'mṛtā |

ghaṭasyā ghaṭanā ghoghaghātapātanivāriṇī || 24 ||

cañcarīkā cakorī ca cāmuṇḍā cīradhāriṇī |

cāturī capalā cakracalā celā calā'calā || 25 ||

catuścirantanā cākā cikyā cāmīkaracchaviḥ |

cāpinī capalā campū cintā cintāmaṇiścitā || 26 ||

cāturvarṇyamayī cañcaccaurācāryā camatkṛtiḥ |

cakravartivadhūścakrā cakrāṅgā cakramodinī || 27 ||

cetaścarī cittavṛttiracetā cetanapradā |

cāmpeyī campakaprītiścaṇḍī caṇḍālavāsinī || 28 ||

cirañjīvitaṭā ciñcā tarumūlanivāsinī |

churikā chatramadhyasthā chidrā chedakarī chidā || 29 ||

chuchundarīpalaprītī chuchundarīnibhasvanā |

chalinī chaladā chatrā chiṭikā chekakṛttathā || 30 ||

chaginī chāndasī chāyā chāyākṛcchādirityapi |

jayā ca jayadā jātī jayasthā jayavardhinī || 31 ||

japāpuṣpapriyā japyā jṛmbhiṇī yāmalā yutā |

jambūpriyā jayasthā ca jaṅgamā jaṅgamapriyā || 32 ||

janturjantupradhānā ca jaratkarṇā jaradbhavā |

jātipriyā jīvanasthā jīmūtasadṛśacchaviḥ || 33 ||

janyā janahitā jāyā jambhabhijjambhamālinī |

javadā javavadvāhā javānī jvarahā jvarā || 34 ||

jhañjhānilamayī jhañjhā jhaṇatkārakarā tathā |

jhiṇṭīśā jhampakṛt jhampā jhampatrāsanivāriṇī || 35 ||

ṭakārasthā ṭaṅkadharā ṭaṅkārā karaśāṭinī |

ṭhakkurā ṭhītkṛtī ṭhiṇṭhī ṭhiṇṭhīravasamāvṛtā || 36 ||

ṭhaṇṭhānilamayī ṭhaṇṭhā ṭhaṇatkārakarā ṭhasā |

ḍākinī ḍāmarī caiva ḍiṇḍimadhvaninandinī || 37 ||

ḍhakkāsvanapriyā ḍhakkā tapinī tāpinī tathā |

taruṇī tundilā tundā tāmasī ca tapaḥpriyā || 38 ||

tāmrā tāmrāmbarā tālī tālīdalavibhūṣaṇā |

turaṅgā tvaritā tretā totulā todinī tulā || 39 ||

tāpatrayaharā taptā tālakeśī tamālinī |

tamāladalavacchāmā tālamlānavatī tamī || 40 ||

tāmasī ca tamisrā ca tīvrā tīvraparākramā |

taṭasthā tilatailāktā taraṇī tapanadyutiḥ || 41 ||

tilottamā tilakakṛttārakādhīśaśekharā |

tilapuṣpapriyā tārā tārakeśī kuṭumbinī || 42 ||

sthāṇupatnī sthitikarī sthalasthā sthalavardhinī |

sthitiḥ sthairyā sthaviṣṭhā ca sthāpatiḥ sthalavigrahā || 43 ||

dantinī daṇḍinī dīnā daridrā dīnavatsalā |

devī devavadhūrdaityadamanī dantabhūṣaṇā || 44 ||

dayāvatī damavatī damadā dāḍimastanī |

dandaśūkanibhā daityadāriṇī devatānanā || 45 ||

dolākrīḍā dalāyuśca dampatī devatāmayī |

daśā dīpasthitā doṣā doṣahā doṣakāriṇī || 46 ||

durgā durgārtiśamanī durgamā durgavāsinī |

durgandhanāśinī duḥsthā duḥsvapnaśamakāriṇī || 47 ||

durvārā dundubhī bhrāntā dūrasthā dūravāsinī |

darahā daradā dātrī dāyādā duhitā dayā || 48 ||

dhurandharā dhurīṇā ca dhaurī dhī dhanadāyinī |

dhīrā'dhīrā dharitrī ca dharmadā dhīramānasā || 49 ||

dhanurdharā ca damanī dhūrtā dhūrtaparigrahā |

dhūmavarṇā dhūmapānā dhūmalā dhūmamohinī || 50 ||

nalinī nandinī nandā nādinī nandabālikā |

navīnā narmadā narminemirniyamaniścayā || 51 ||

nirmalā nigamācārā nimnagā nagnakāminī |

nītirnirantarā nagnī nirlepā nirguṇā natiḥ || 52 ||

nīlagrīvā nirīhā ca nirañjanajanī navī |

navanītapriyā nārī narakārṇavatāriṇī || 53 ||

nārāyaṇī nirākārā nipuṇā nipuṇapriyā |

niśā nidrā narendrasthā namitā'namitāpi ca || 54 ||

nirguṇḍikā ca nirguṇḍā nirmāṃsā'nāmikā nibhā |

patākinī patākā ca palaprītiryaśasvinī || 55 ||

pīnā pīnastanā patnī pavanāśanaśāyinī |

parā'parā kalāpā''ppā pākakṛtyarati priyā || 56 ||

pavanasthā supavanā tāpasīprītivardhinī |

paśuvṛddhikarī puṣṭiḥ poṣaṇī puṣpavardhinī || 57 ||

puṣpiṇī pustakakarā punnāgatalavāsinī |

purandarapriyā prītiḥ puramārganivāsinī || 58 ||

pāśī pāśakarā pāśā bandhuhā pāṃsulā paśuḥ |

paṭuḥ paṭāsā paraśudhāriṇī pāśinī tathā || 59 ||

pāpaghnī patipatnī ca patitā'patitāpi ca |

piśācī ca piśācaghnī piśitāśanatoṣitā || 60 ||

pānadā pānapātrā ca pānadānakarodyatā |

peyā prasiddhā pīyūṣā pūrṇā pūrṇamanorathā || 61 ||

patadgarbhā patadgātrā pātapuṇyapriyā purī |

paṅkilā paṅkamagnā ca pānīyā pañjarasthitā || 62 ||

pañcamī pañcayajñā ca pañcatā pañcamapriyā |

pañcamudrā puṇḍarīkā pikī piṅgalalocanā || 63 ||

priyaṅgumañjarī piṇḍī piṇḍitā pāṇḍuraprabhā |

pretāsanā priyālusthā pāṇḍughnī pītasāpahā || 64 ||

phalinī phaladhātrī ca phalaśrīḥ phaṇibhūṣaṇā |

phūtkārakāriṇī sphārā phullā phullāmbujāsanā || 65 ||

phiraṅgahā sphītamatiḥ sphītiḥ sphītakarī tathā |

balamāyā balārātirbalinī balavardhinī || 66 ||

veṇuvādyā vanacarī virāvajanayitrī ca |

vidyā vidyāpradā vidyābodhinī bodhadāyinī || 67 ||

buddhamātā ca buddhā ca vanamālāvatī varā |

varadā vāruṇī vīṇā vīṇāvādanatatparā || 68 ||

vinodinī vinodasthā vaiṣṇavī viṣṇuvallabhā |

vaidyā vaidyacikitsā ca vivaśā viśvaviśrutā || 69 ||

vidvatkavikalā vettā vitandrā vigatajvarā |

virāvā vividhārāvā bimboṣṭhī bimbavatsalā || 70 ||

vindhyasthā vīravandyā ca varīyasāparādhavit |

vedāntavedyā vedyā ca vaidyā ca vijayapradā || 71 ||

virodhavardhinī vandhyā vandhyābandhanivāriṇī |

bhaginī bhagamālā ca bhavānī bhavabhāvinī || 72 ||

bhīmā bhīmānanā bhaimī bhaṅgurā bhīmadarśanā |

bhillī bhalladharā bhīrurbheruṇḍā caibhabhayāpahā || 73 ||

bhagasarpiṇyapi bhagā bhagarūpā bhagālayā |

bhagāsanā bhagāmodā bherī bhāṅkārarañjinī || 74 ||

bhīṣaṇā'bhīṣaṇā sarvā bhagavatyapi bhūṣaṇā |

bhāradvājī bhogadātrī bhavaghnī bhūtibhūṣaṇā || 75 ||

bhūtidā bhūmidātrī ca bhūpatitvapradāyinī |

bhramarī bhrāmarī nīlā bhūpālamukuṭasthitā || 76 ||

mattā manoharā manā māninī mohanī mahā |

mahālakṣmīrmadākṣībā madirā madirālayā || 77 ||

madoddhatā mataṅgasthā mādhavī madhumanthinī |

medhā medhākarī medhyā madhyā madhyavayasthitā || 78 ||

madyapā māṃsalā matsyā modinī maithunoddhatā |

mudrā mudrāvatī mātā māyā mahimamandirā || 79 ||

mahāmāyā mahāvidyā mahāmārī maheśvarī |

mahādevavadhūrmānyā mathurā merumaṇḍalā || 80 ||

medasvanī medasuśrīrmahiṣāsuramardinī |

maṇḍapasthā maṭhasthā'mā mālā mālāvilāsinī || 81 ||

mokṣadā muṇḍamālā ca mandirāgarbhagarbhitā |

mātaṅginī ca mātaṅgī mataṅgatanayā madhuḥ || 82 ||

madhusravā madhurasā madhūkakusumapriyā |

yāminī yāminīnāthabhūṣā yāvakarañjitā || 83 ||

yavāṅkurapriyā yāmā yavanī yavanādhipā |

yamaghnī yamavāṇī ca yajamānasvarūpiṇī || 84 ||

yajñā yajyā yajuryajvā yaśonikarakāriṇī |

yajñasūtrapradā jyeṣṭhā yajñakarmakarī yaśā || 85 ||

yaśasvinī yajñasaṃsthā yūpastambhanivāsinī |

rañjitā rājapatnī ca ramā rekhā ravī raṇī || 86 ||

rajovatī rajaścitrā rajanī rajanīpatiḥ |

rāgiṇī rājinī rājyā rājyadā rājyavardhinī || 87 ||

rājanvatī rājanītisturyā rājanivāsinī |

ramaṇī ramaṇīyā ca rāmā rāmavatī ratiḥ || 88 ||

retovatī ratotsāhā rogahā rogakāriṇī |

raṅgā raṅgavatī rāgā rāgajñā rāginī raṇā || 89 ||

rañjikā rañjakī rañjā rañjinī raktalocanā |

raktacarmadharā rantrī raktasthā raktavāhinī || 90 ||

rambhā rambhāphalaprītī rambhorū rāghavapriyā |

raṅgabhṛdraṅgamadhurā rodasī rodasīgṛhā || 91 ||

rogakartrī rogahartrī ca rogabhṛdrogaśāyinī |

vandī vandistutā bandhurbandhūkakusumādharā || 92 ||

vanditā vandimātā bandhurā baindavī vibhā |

viṅkī viṅkapalā viṅkā viṅkasthā viṅkavatsalā || 93 ||

vedairvilagnā vignā ca vidhirvidhikarī vidhā |

śaṅkhinī śaṅkhanilayā śaṅkhamālāvatī śamī || 94 ||

śaṅkhapātrāśinī śaṅkhā'śaṅkhā śaṅkhagalā śaśī |

śimbī śarāvatī śyāmā śyāmāṅgī śyāmalocanā || 95 ||

śmaśānasthā śmaśānā ca śmaśānasthalabhūṣaṇā |

śarmadā śamahartrī ca śākinī śaṅkuśekharā || 96 ||

śāntiḥ śāntipradā śeṣā śeṣasthā śeṣaśāyinī |

śemuṣī śoṣiṇī śaurī śāriḥ śauryā śarā śarī || 97 ||

śāpadā śāpahārī śrīḥ śampā śapathacāpinī |

śṛṅgiṇī śṛṅgipalabhuk śaṅkarī śāṅkarī tathā || 98 ||

śaṅkā śaṅkāpahā śaṃsthā śāśvatī śītalā śivā |

śavasthā śavabhuk śaivī śāvavarṇā śavodarī || 99 ||

śāyinī śāvaśayanā śiṃśipā śiṃśipāyatā |

śavākuṇḍalinī śaivā śaṅkarā śiśirā śirā || 100 ||

śavakāñcī śavaśrīkā śavamālā śavākṛtiḥ |

śampinī śaṅkuśaktiḥ śaṃ śantanuḥ śīladāyinī || 101 ||

sindhuḥ sarasvatī sindhusundarī sundarānanā |

sādhusiddhiḥ siddhidātrī siddhā siddhasarasvatī || 102 ||

santatiḥ sampadā sampatsaṃvitsampattidāyinī |

sapatnī sarasā sārā sarasvatikarī sudhā || 103 ||

saraḥ samā samānā ca samārādhyā samastadā |

samiddhā samadā sammā sammohā samadarśanā || 104 ||

samitiḥ samidhā sīmā sāvitrī saṃvidā satī |

savanā savanādhārā sāvanā samarā samī || 105 ||

samīrā sumanā sādhvī sadhrīcīnyasahāyinī |

haṃsī haṃsagatirhaṃsā haṃsojjvalanicolayuk || 106 ||

halinī haladā hālā haraśrīrharavallabhā |

helā helāvatī hreṣā hreṣasthā hreṣavardhinī || 107 ||

hantā hānirhayāhvā hṛddhantahā hantahāriṇī |

huṅkārī hantakṛddhaṅkā hīhā hāhā hatāhitā || 108 ||

hemā prabhā haravatī hārītā harisammatā |

horī hotrī holikā ca homyā homā havirhariḥ || 109 ||

hāriṇī hariṇīnetrā himācalanivāsinī |

lambodarī lambakarṇā lambikā lambavigrahā || 110 ||

līlā līlāvatī lolā lalanā lālitālatā |

lalāmalocanā locyā lolākṣī lakṣaṇā laṭā || 111 ||

lampatī lumpatī lampā lopāmudrā lalanti ca |

latikā laṅghikā laṅghā laghimā laghumadhyamā || 112 ||

laghvīyasī laghūdarkā lūtā lūtanivāriṇī |

lomabhṛllomalomnī ca lulutī lululumpinī || 113 ||

lulāyasthā ca laharī laṅkāpurapurandarī |

lakṣmīrlakṣmīpradā lakṣyā lakṣyabalagatipradā || 114 ||

kṣaṇakṣapā kṣaṇakṣīṇā kṣamā kṣāntiḥ kṣamāvatī |

kṣāmā kṣāmodarī kṣoṇī kṣoṇibhṛt kṣatriyāṅganā || 115 ||

kṣapā kṣapākarī kṣīrā kṣīradā kṣīrasāgarā |

kṣīṇaṅkarī kṣayakarī kṣayabhṛt kṣayadā kṣatiḥ |

kṣarantī kṣudrikā kṣudrā kṣutkṣāmā kṣarapātakā || 116 ||

phalaśrutiḥ –

mātuḥ sahasranāmedaṃ pratyaṅgirāsiddhidāyakam || 1 ||

yaḥ paṭhetprayato nityaṃ daridro dhanado bhavet |

anācāntaḥ paṭhennityaṃ sa cāpi syānmaheśvaraḥ |

mūkaḥ syādvākpatirdevī rogī nīrogatāṃ bhavet || 2 ||

aputraḥ putramāpnoti triṣulokeṣu viśrutam |

vandhyāpi sūte tanayān gāvaśca bahudugdhadāḥ || 3 ||

rājānaḥ pādanamrāḥ syustasya dāsā iva sphuṭāḥ |

arayaḥ saṅkṣayaṃ yānti manasā saṃsmṛtā api || 4 ||

darśanādeva jāyante narā nāryo'pi tadvaśāḥ |

kartā hartā svayaṃvīro jāyate nātrasaṃśayaḥ || 5 ||

yaṃ yaṃ kāmayate kāmaṃ taṃ taṃ prāpnoti niścitam |

duritaṃ na ca tasyāsti nāsti śokaḥ kadācana || 6 ||

catuṣpathe'rdharātre ca yaḥ paṭhetsādhakottamaḥ |

ekākī nirbhayo dhīro daśāvartaṃ narottamaḥ || 7 ||

manasā cintitaṃ kāryaṃ tasya siddhirna saṃśayam |

vinā sahasranāmnāṃ yo japenmantraṃ kadācana || 8 ||

na siddho jāyate tasya mantraḥ kalpaśatairapi |

kujavāre śmaśāne ca madhyāhne yo japettathā || 9 ||

śatāvartyā sa jayeta kartā hartā nṛṇāmiha |

rogārto yo niśīthānte paṭhedambhasi saṃsthitaḥ || 10 ||

sadyo nīrogatāmeti yadi syānnirbhayastadā |

ardharātre śmaśāne vā śanivāre japenmanum || 11 ||

aṣṭottarasahasraṃ tu daśavāraṃ japettataḥ |

sahasranāmamettaddhi tadā yāti svayaṃ śivā || 12 ||

mahāpavanarūpeṇa ghoragomāyunādinī |

tadā yadi na bhītiḥ syāttato dehīti vāgbhavet || 13 ||

tadā paśubaliṃ dadyāt svayaṃ gṛhṇāti caṇḍikā |

yatheṣṭaṃ ca varaṃ dattvā yāti pratyaṅgirā śivā || 14 ||

rocanāgurukastūrī karpūramadacandanaiḥ |

kuṅkumaprathamābhyāṃ tu likhitaṃ bhūrjapatrake || 15 ||

śubhanakṣatrayoge tu samabhyarcya ghaṭāntare |

kṛtasampātanātsiddhaṃ dhāryantaddakṣiṇekare || 16 ||

sahasranāmasvarṇasthaṃ kaṇṭhe vāpi jitendriyaḥ |

tadāyaṃ praṇamenmantrī kruddhaḥ samriyate naraḥ || 17 ||

yasmai dadāti ca svasti sa bhaveddhanadopamaḥ |

duṣṭaśvāpadajantūnāṃ na bhīḥ kutrāpi jāyate || 18 ||

bālakānāmiyaṃ rakṣā garbhiṇīnāmapi dhruvam |

mohana stambhanākarṣamāraṇoccāṭanāni ca || 19 ||

yantradhāraṇato nūnaṃ sidhyante sādhakasya ca |

nīlavastre vilikhitaṃ dhvajāyāṃ yadi tiṣṭhati || 20 ||

tadā naṣṭā bhavatyeva pracaṇḍā paravāhinī |

etajjaptaṃ mahābhasma lalāṭe yadi dhārayet || 21 ||

taddarśanata eva syuḥ prāṇinastasya kiṅkarāḥ |

rājapatnyo'pi vaśyāḥ syuḥ kimanyāḥ parayoṣitaḥ || 22 ||

etajjapanniśitoye māsaikena mahākaviḥ |

paṇḍitaśca mahāvādī jāyate nātrasaṃśayaḥ || 23 ||

śaktiṃ sampūjya deveśi paṭhet stotraṃ varaṃ śubham |

ihaloke sukhaṃ bhuktvā paratra tridivaṃ vrajet || 24 ||

iti nāmasahasraṃ tu pratyaṅgira manoharam |

gopyaṃ guhyatamaṃ loke gopanīyaṃ svayonivat || 25 ||

iti śrīrudrayāmale tantre daśavidyārahasye śrī pratyaṅgirā sahasranāma stotram |