📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
কঠোপনিষদ্ - অধ্যায 2, বল্লী 1
Kathopanishad - Adhyaya 2, Valli 1
Bengali
অধ্যায 2
বল্লী 1
পরাঞ্চিখানি ব্যতৃণত্স্বযম্ভূস্তস্মাত্পরাঙ্পশ্যতি নান্তরাত্মন্‌।
কশ্চিদ্ধীরঃ প্রত্যগাত্মানমৈষদাবৃত্তচক্ষুরমৃতত্বমিচ্ছন্‌ ॥1॥
পরাচঃ কামাননুযন্তি বালাস্তে মৃত্যোর্যন্তি বিততস্য পাশম্‌।
অথ ধীরা অমৃতত্বং-বিঁদিত্বা ধ্রুবমধ্রুবেষ্বিহ ন প্রার্থযন্তে ॥2॥
যেন রূপং রস-ঙ্গন্ধং শব্দান্স্পর্​শাংশ্চ মৈথুনান্‌।
এতেনৈব বিজানাতি কিমত্র পরিশিষ্যতে। এতদ্বৈ তত্‌ ॥3॥
স্বপ্নান্ত-ঞ্জাগরিতান্ত-ঞ্চোভৌ যেনানুপশ্যতি।
মহান্তং-বিঁভুমাত্মান-ম্মত্বা ধীরো ন শোচতি ॥4॥
য ইম-ম্মধ্বদং-বেঁদ আত্মান-ঞ্জীবমন্তিকাত্‌।
ঈশান-ম্ভূতভব্যস্য ন ততো বিজুগুপ্সতে। এতদ্বৈ তত্‌ ॥5॥
যঃ পূর্ব-ন্তপসো জাতমদ্‌ভ্যঃ পূর্বমজাযত।
গুহা-ম্প্রবিশ্য তিষ্ঠন্তং-যোঁ ভূতেভির্ব্যপশ্যত। এতদ্বৈ তত্‌ ॥6॥
যা প্রাণেন সম্ভবত্যদিতির্দেবতামযী।
গুহা-ম্প্রবিশ্য তিষ্ঠন্তীং-যাঁ ভূতেভির্ব্যজাযত। এতদ্বৈ তত্‌ ॥7॥
অরণ্যোর্নিহিতো জাতবেদা গর্ভ ইব সুভৃতো গর্ভিণীভিঃ।
দিবে দিবে ঈড্যো জাগৃবদ্ভির্​হবিষ্মদ্ভির্মনুষ্যেভিরগ্নিঃ। এতদ্বৈ তত্‌ ॥8॥
যতশ্চোদেতি সূর্যো-ঽস্তং-যঁত্র চ গচ্ছতি।
ত-ন্দেবা-স্সর্বে-ঽর্পিতাস্তদু নাত্যেতি কশ্চন। এতদ্বৈ তত্‌ ॥9॥
যদেবেহ তদমুত্র যদমুত্র তদন্বিহ।
মৃত্যো-স্স মৃত্যুমাপ্নোতি য ইহ নানেব পশ্যতি ॥10॥
মনসৈবেদমাপ্তব্য-ন্নেহ নানা-ঽস্তি কিঞ্চন।
মৃত্যো-স্স মৃত্যু-ঙ্গচ্ছতি য ইহ নানেব পশ্যতি ॥11॥
অঙ্গুষ্ঠমাত্রঃ পুরুষো মধ্য আত্মনি তিষ্ঠতি।
ঈশানো ভূতভব্যস্য ন ততো বিজুগুপ্সতে। এতদ্বৈ তত্‌ ॥12॥
অঙ্গুষ্ঠমাত্রঃ পুরুষো জ্যোতিরিবাধূমকঃ।
ঈশানো ভূতভব্যস্য স এবাদ্য স উ শ্বঃ। এতদ্বৈ তত্‌ ॥13॥
যথোদক-ন্দুর্গং-বৃঁষ্ট-ম্পর্বতেষু বিধাবতি।
এব-ন্ধর্মান্পৃথক্‌ পশ্যংস্তানেবানুবিধাবতি ॥14॥
যথোদকং শুদ্ধে শুদ্ধমাসিক্ত-ন্তাদৃগেব ভবতি।
এব-ম্মুনের্বিজানত আত্মা ভবতি গৌতম ॥15॥
Roman (IAST) Transliteration
adhyāya 2
vallī 1
parāñcikhāni vyatṛṇatsvayambhūstasmātparāṅpaśyati nāntarātman‌|
kaściddhīraḥ pratyagātmānamaiṣadāvṛttacakṣuramṛtatvamicchan‌ ||1||
parācaḥ kāmānanuyanti bālāste mṛtyoryanti vitatasya pāśam‌|
atha dhīrā amṛtatvaṃ-vi~ditvā dhruvamadhruveṣviha na prārthayante ||2||
yena rūpaṃ rasa-ṅgandhaṃ śabdānspar​śāṃśca maithunān‌|
etenaiva vijānāti kimatra pariśiṣyate| etadvai tat‌ ||3||
svapnānta-ñjāgaritānta-ñcobhau yenānupaśyati|
mahāntaṃ-vi~bhumātmāna-mmatvā dhīro na śocati ||4||
ya ima-mmadhvadaṃ-ve~da ātmāna-ñjīvamantikāt‌|
īśāna-mbhūtabhavyasya na tato vijugupsate| etadvai tat‌ ||5||
yaḥ pūrva-ntapaso jātamad‌bhyaḥ pūrvamajāyata|
guhā-mpraviśya tiṣṭhantaṃ-yo~ bhūtebhirvyapaśyata| etadvai tat‌ ||6||
yā prāṇena sambhavatyaditirdevatāmayī|
guhā-mpraviśya tiṣṭhantīṃ-yā~ bhūtebhirvyajāyata| etadvai tat‌ ||7||
araṇyornihito jātavedā garbha iva subhṛto garbhiṇībhiḥ|
dive dive īḍyo jāgṛvadbhir​haviṣmadbhirmanuṣyebhiragniḥ| etadvai tat‌ ||8||
yataścodeti sūryo-'staṃ-ya~tra ca gacchati|
ta-ndevā-ssarve-'rpitāstadu nātyeti kaścana| etadvai tat‌ ||9||
yadeveha tadamutra yadamutra tadanviha|
mṛtyo-ssa mṛtyumāpnoti ya iha nāneva paśyati ||10||
manasaivedamāptavya-nneha nānā-'sti kiñcana|
mṛtyo-ssa mṛtyu-ṅgacchati ya iha nāneva paśyati ||11||
aṅguṣṭhamātraḥ puruṣo madhya ātmani tiṣṭhati|
īśāno bhūtabhavyasya na tato vijugupsate| etadvai tat‌ ||12||
aṅguṣṭhamātraḥ puruṣo jyotirivādhūmakaḥ|
īśāno bhūtabhavyasya sa evādya sa u śvaḥ| etadvai tat‌ ||13||
yathodaka-ndurgaṃ-vṛ~ṣṭa-mparvateṣu vidhāvati|
eva-ndharmānpṛthak‌ paśyaṃstānevānuvidhāvati ||14||
yathodakaṃ śuddhe śuddhamāsikta-ntādṛgeva bhavati|
eva-mmunervijānata ātmā bhavati gautama ||15||
InfoLyter.in — Sacred Vedic Knowledge Portal · Free forever